මුඛේ චාරුහාසං කරේ ශංඛචක්රං
ගලේ රත්නමාලාං ස්වයං මේඝවර්ණම් ।
තථා දිව්යශස්ත්රං ප්රියං පීතවස්ත්රං
ධරංතං මුරාරිං භජේ වේංකටේශම් ॥ 1 ॥
සදාභීතිහස්තං මුදාජානුපාණිං
ලසන්මේඛලං රත්නශෝභාප්රකාශම් ।
ජගත්පාදපද්මං මහත්පද්මනාභං
ධරංතං මුරාරිං භජේ වේංකටේශම් ॥ 2 ॥
අහෝ නිර්මලං නිත්යමාකාශරූපං
ජගත්කාරණං සර්වවේදාංතවේද්යම් ।
විභුං තාපසං සච්චිදානංදරූපං
ධරංතං මුරාරිං භජේ වේංකටේශම් ॥ 3 ॥
ශ්රියා විෂ්ටිතං වාමපක්ෂප්රකාශං
සුරෛර්වංදිතං බ්රහ්මරුද්රස්තුතං තම් ।
ශිවං ශංකරං ස්වස්තිනිර්වාණරූපං
ධරංතං මුරාරිං භජේ වේංකටේශම් ॥ 4 ॥
මහායෝගසාද්ධ්යං පරිභ්රාජමානං
චිරං විශ්වරූපං සුරේශං මහේශම් ।
අහෝ ශාංතරූපං සදාධ්යානගම්යං
ධරංතං මුරාරිං භජේ වේංකටේශම් ॥ 5 ॥
අහෝ මත්ස්යරූපං තථා කූර්මරූපං
මහාක්රෝඩරූපං තථා නාරසිංහම් ।
භජේ කුබ්ජරූපං විභුං ජාමදග්න්යං
ධරංතං මුරාරිං භජේ වේංකටේශම් ॥ 6 ॥
අහෝ බුද්ධරූපං තථා කල්කිරූපං
ප්රභුං ශාශ්වතං ලෝකරක්ෂාමහංතම් ।
පෘථක්කාලලබ්ධාත්මලීලාවතාරං
ධරංතං මුරාරිං භජේ වේංකටේශම් ॥ 7 ॥
ඉති ශ්රීවේංකටේශ භුජංගං සංපූර්ණම් ।
