ശ്രീവേംകടാദ്രിധാമാ ഭൂമാ ഭൂമാപ്രിയഃ കൃപാസീമാ ।
നിരവധികനിത്യമഹിമാ ഭവതു ജയീ പ്രണതദര്ശിതപ്രേമാ ॥ 1 ॥
ജയ ജനതാ വിമലീകൃതിസഫലീകൃതസകലമംഗളാകാര ।
വിജയീ ഭവ വിജയീ ഭവ വിജയീ ഭവ വേംകടാചലാധീശ ॥ 2 ॥
കമനീയമംദഹസിതം കംചന കംദര്പകോടിലാവണ്യമ് ।
പശ്യേയമംജനാദ്രൌ പുംസാം പൂർവതനപുണ്യപരിപാകമ് ॥ 3 ॥
മരതകമേചകരുചിനാ മദനാജ്ഞാഗംധിമധ്യഹൃദയേന ।
വൃഷശൈലമൌലിസുഹൃദാ മഹസാ കേനാപി വാസിതം ജ്ഞേയമ് ॥ 4 ॥
പത്യൈ നമോ വൃഷാദ്രേഃ കരയുഗപരികര്മശംഖചക്രായ ।
ഇതരകരകമലയുഗളീദര്ശിത-കടിബംധദാനമുദ്രായ ॥ 5 ॥
സാമ്രാജ്യപിശുനമകുടീസുഘടലലാടാത് സുമംഗലാ പാംഗാത് ।
സ്മിതരുചിഫുല്ലകപോലാദപരോ ന പരോഽസ്തി വേംകടാദ്രീശാത് ॥ 6 ॥
സർവാഭരണവിഭൂഷിതദിവ്യാവയവസ്യ വേംകടാദ്രിപതേഃ ।
പല്ലവപുഷ്പവിഭൂഷിതകല്പതരോശ്ചാപി കാ ഭിദാ ദൃഷ്ടാ ॥ 7 ॥
ലക്ഷ്മീലലിതപദാംബുജലാക്ഷാരസരംജിതായതോരസ്കേ ।
ശ്രീവേംകടാദ്രിനാഥേ നാഥേ മമ നിത്യമര്പിതോ ഭാരഃ ॥ 8 ॥
ആര്യാവൃത്തസമേതാ സപ്തവിഭക്തിർവൃഷാദ്രിനാഥസ്യ ।
വാദീംദ്രഭീകൃദാഖ്യൈരാര്യൈ രചിതാ ജയത്വിയം സതതമ് ॥ 9 ॥
ഇതി ശ്രീവേംകടേശവിജയാര്യാസപ്തവിഭക്തി സ്തോത്രം സംപൂര്ണമ് ।
