મુખે ચારુહાસં કરે શંખચક્રં
ગલે રત્નમાલાં સ્વયં મેઘવર્ણમ્ ।
તથા દિવ્યશસ્ત્રં પ્રિયં પીતવસ્ત્રં
ધરંતં મુરારિં ભજે વેંકટેશમ્ ॥ 1 ॥
સદાભીતિહસ્તં મુદાજાનુપાણિં
લસન્મેખલં રત્નશોભાપ્રકાશમ્ ।
જગત્પાદપદ્મં મહત્પદ્મનાભં
ધરંતં મુરારિં ભજે વેંકટેશમ્ ॥ 2 ॥
અહો નિર્મલં નિત્યમાકાશરૂપં
જગત્કારણં સર્વવેદાંતવેદ્યમ્ ।
વિભું તાપસં સચ્ચિદાનંદરૂપં
ધરંતં મુરારિં ભજે વેંકટેશમ્ ॥ 3 ॥
શ્રિયા વિષ્ટિતં વામપક્ષપ્રકાશં
સુરૈર્વંદિતં બ્રહ્મરુદ્રસ્તુતં તમ્ ।
શિવં શંકરં સ્વસ્તિનિર્વાણરૂપં
ધરંતં મુરારિં ભજે વેંકટેશમ્ ॥ 4 ॥
મહાયોગસાદ્ધ્યં પરિભ્રાજમાનં
ચિરં વિશ્વરૂપં સુરેશં મહેશમ્ ।
અહો શાંતરૂપં સદાધ્યાનગમ્યં
ધરંતં મુરારિં ભજે વેંકટેશમ્ ॥ 5 ॥
અહો મત્સ્યરૂપં તથા કૂર્મરૂપં
મહાક્રોડરૂપં તથા નારસિંહમ્ ।
ભજે કુબ્જરૂપં વિભું જામદગ્ન્યં
ધરંતં મુરારિં ભજે વેંકટેશમ્ ॥ 6 ॥
અહો બુદ્ધરૂપં તથા કલ્કિરૂપં
પ્રભું શાશ્વતં લોકરક્ષામહંતમ્ ।
પૃથક્કાલલબ્ધાત્મલીલાવતારં
ધરંતં મુરારિં ભજે વેંકટેશમ્ ॥ 7 ॥
ઇતિ શ્રીવેંકટેશ ભુજંગં સંપૂર્ણમ્ ।
