ମୁଖେ ଚାରୁହାସଂ କରେ ଶଂଖଚକ୍ରଂ
ଗଲେ ରତ୍ନମାଲାଂ ସ୍ଵୟଂ ମେଘଵର୍ଣମ୍ ।
ତଥା ଦିଵ୍ୟଶସ୍ତ୍ରଂ ପ୍ରିୟଂ ପୀତଵସ୍ତ୍ରଂ
ଧରଂତଂ ମୁରାରିଂ ଭଜେ ଵେଂକଟେଶମ୍ ॥ 1 ॥
ସଦାଭୀତିହସ୍ତଂ ମୁଦାଜାନୁପାଣିଂ
ଲସନ୍ମେଖଲଂ ରତ୍ନଶୋଭାପ୍ରକାଶମ୍ ।
ଜଗତ୍ପାଦପଦ୍ମଂ ମହତ୍ପଦ୍ମନାଭଂ
ଧରଂତଂ ମୁରାରିଂ ଭଜେ ଵେଂକଟେଶମ୍ ॥ 2 ॥
ଅହୋ ନିର୍ମଲଂ ନିତ୍ୟମାକାଶରୂପଂ
ଜଗତ୍କାରଣଂ ସର୍ଵଵେଦାଂତଵେଦ୍ୟମ୍ ।
ଵିଭୁଂ ତାପସଂ ସଚ୍ଚିଦାନଂଦରୂପଂ
ଧରଂତଂ ମୁରାରିଂ ଭଜେ ଵେଂକଟେଶମ୍ ॥ 3 ॥
ଶ୍ରିୟା ଵିଷ୍ଟିତଂ ଵାମପକ୍ଷପ୍ରକାଶଂ
ସୁରୈର୍ଵଂଦିତଂ ବ୍ରହ୍ମରୁଦ୍ରସ୍ତୁତଂ ତମ୍ ।
ଶିଵଂ ଶଂକରଂ ସ୍ଵସ୍ତିନିର୍ଵାଣରୂପଂ
ଧରଂତଂ ମୁରାରିଂ ଭଜେ ଵେଂକଟେଶମ୍ ॥ 4 ॥
ମହାୟୋଗସାଦ୍ଧ୍ୟଂ ପରିଭ୍ରାଜମାନଂ
ଚିରଂ ଵିଶ୍ଵରୂପଂ ସୁରେଶଂ ମହେଶମ୍ ।
ଅହୋ ଶାଂତରୂପଂ ସଦାଧ୍ୟାନଗମ୍ୟଂ
ଧରଂତଂ ମୁରାରିଂ ଭଜେ ଵେଂକଟେଶମ୍ ॥ 5 ॥
ଅହୋ ମତ୍ସ୍ୟରୂପଂ ତଥା କୂର୍ମରୂପଂ
ମହାକ୍ରୋଡରୂପଂ ତଥା ନାରସିଂହମ୍ ।
ଭଜେ କୁବ୍ଜରୂପଂ ଵିଭୁଂ ଜାମଦଗ୍ନ୍ୟଂ
ଧରଂତଂ ମୁରାରିଂ ଭଜେ ଵେଂକଟେଶମ୍ ॥ 6 ॥
ଅହୋ ବୁଦ୍ଧରୂପଂ ତଥା କଲ୍କିରୂପଂ
ପ୍ରଭୁଂ ଶାଶ୍ଵତଂ ଲୋକରକ୍ଷାମହଂତମ୍ ।
ପୃଥକ୍କାଲଲବ୍ଧାତ୍ମଲୀଲାଵତାରଂ
ଧରଂତଂ ମୁରାରିଂ ଭଜେ ଵେଂକଟେଶମ୍ ॥ 7 ॥
ଇତି ଶ୍ରୀଵେଂକଟେଶ ଭୁଜଂଗଂ ସଂପୂର୍ଣମ୍ ।
