ଆନଂଦରୂପେ ନିଜବୋଧରୂପେ
ବ୍ରହ୍ମସ୍ଵରୂପେ ଶ୍ରୁତିମୂର୍ତିରୂପେ ।
ଶଶାଂକରୂପେ ରମଣୀୟରୂପେ
ଶ୍ରୀରଂଗରୂପେ ରମତାଂ ମନୋ ମେ ॥ 1 ॥
କାଵେରିତୀରେ କରୁଣାଵିଲୋଲେ
ମଂଦାରମୂଲେ ଧୃତଚାରୁକେଲେ ।
ଦୈତ୍ୟାଂତକାଲେଽଖିଲଲୋକଲୀଲେ
ଶ୍ରୀରଂଗଲୀଲେ ରମତାଂ ମନୋ ମେ ॥ 2 ॥
ଲକ୍ଷ୍ମୀନିଵାସେ ଜଗତାଂ ନିଵାସେ
ହୃତ୍ପଦ୍ମଵାସେ ରଵିବିଂବଵାସେ ।
କୃପାନିଵାସେ ଗୁଣବୃଂଦଵାସେ
ଶ୍ରୀରଂଗଵାସେ ରମତାଂ ମନୋ ମେ ॥ 3 ॥
ବ୍ରହ୍ମାଦିଵଂଦ୍ୟେ ଜଗଦେକଵଂଦ୍ୟେ
ମୁକୁଂଦଵଂଦ୍ୟେ ସୁରନାଥଵଂଦ୍ୟେ ।
ଵ୍ୟାସାଦିଵଂଦ୍ୟେ ସନକାଦିଵଂଦ୍ୟେ
ଶ୍ରୀରଂଗଵଂଦ୍ୟେ ରମତାଂ ମନୋ ମେ ॥ 4 ॥
ବ୍ରହ୍ମାଧିରାଜେ ଗରୁଡାଧିରାଜେ
ଵୈକୁଂଠରାଜେ ସୁରରାଜରାଜେ ।
ତ୍ରୈଲୋକ୍ୟରାଜେଽଖିଲଲୋକରାଜେ
ଶ୍ରୀରଂଗରାଜେ ରମତାଂ ମନୋ ମେ ॥ 5 ॥
ଅମୋଘମୁଦ୍ରେ ପରିପୂର୍ଣନିଦ୍ରେ
ଶ୍ରୀୟୋଗନିଦ୍ରେ ସସମୁଦ୍ରନିଦ୍ରେ ।
ଶ୍ରିତୈକଭଦ୍ରେ ଜଗଦେକନିଦ୍ରେ
ଶ୍ରୀରଂଗଭଦ୍ରେ ରମତାଂ ମନୋ ମେ ॥ 6 ॥
ସଚିତ୍ରଶାୟୀ ଭୁଜଗେଂଦ୍ରଶାୟୀ
ନଂଦାଂକଶାୟୀ କମଲାଂକଶାୟୀ ।
କ୍ଷୀରାବ୍ଧିଶାୟୀ ଵଟପତ୍ରଶାୟୀ
ଶ୍ରୀରଂଗଶାୟୀ ରମତାଂ ମନୋ ମେ ॥ 7 ॥
ଇଦଂ ହି ରଂଗଂ ତ୍ୟଜତାମିହାଂଗଂ
ପୁନର୍ନ ଚାଂଗଂ ୟଦି ଚାଂଗମେତି ।
ପାଣୌ ରଥାଂଗଂ ଚରଣେଽଂବୁ ଗାଂଗଂ
ୟାନେ ଵିହଂଗଂ ଶୟନେ ଭୁଜଂଗମ୍ ॥ 8 ॥
ରଂଗନାଥାଷ୍ଟକଂ ପୁଣ୍ୟଂ ପ୍ରାତରୁତ୍ଥାୟ ୟଃ ପଠେତ୍ ।
ସର୍ଵାନ୍କାମାନଵାପ୍ନୋତି ରଂଗିସାୟୁଜ୍ୟମାପ୍ନୁୟାତ୍ ॥ 9 ॥
ଇତି ଶ୍ରୀ ରଂଗନାଥାଷ୍ଟକମ୍ ।
