ନାଽହଂ ଦେହୋ ନେଂଦ୍ରିୟାଣ୍ୟଂତରଂଗଂ
ନାଽହଂକାରଃ ପ୍ରାଣଵର୍ଗୋ ନ ଚାଽହମ୍ ।
ଦାରାପତ୍ୟକ୍ଷେତ୍ରଵିତ୍ତାଦିଦୂର-
ସ୍ସାକ୍ଷୀ ନିତ୍ୟଃ ପ୍ରତ୍ୟଗାତ୍ମା ଶିଵୋଽହମ୍ ॥ 1 ॥
ରଜ୍ଜ୍ଵଜ୍ଞାନାଦ୍ଭାତି ରଜ୍ଜୁର୍ୟଥା ହି-
ସ୍ସ୍ଵାତ୍ମାଜ୍ଞାନାଦାତ୍ମନୋ ଜୀଵଭାଵଃ ।
ଆପ୍ତୋକ୍ତ୍ୟା ହି ଭ୍ରାଂତିନାଶେ ସ ରଜ୍ଜୁ-
ର୍ଜୀଵୋ ନାଽହଂ ଦେଶିକୋକ୍ତ୍ୟା ଶିଵୋଽହମ୍ ॥ 2 ॥
ଅଭାତୀଦଂ ଵିଶ୍ଵମାତ୍ମନ୍ୟସତ୍ୟଂ
ସତ୍ୟଜ୍ଞାନାନଂଦରୂପେ ଵିମୋହାତ୍ ।
ନିଦ୍ରାମୋହା-ତ୍ସ୍ଵପ୍ନଵତ୍ତନ୍ନ ସତ୍ତ୍ୟଂ
ଶୁଦ୍ଧଃ ପୂର୍ଣୋ ନିତ୍ୟ ଏକଶ୍ଶିଵୋଽହମ୍ ॥ 3 ॥
ମତ୍ତୋ ନାନ୍ୟତ୍କିଂଚିଦତ୍ରାପ୍ତି ଵିଶ୍ଵଂ
ସତ୍ୟଂ ବାହ୍ୟଂ ଵସ୍ତୁମାୟୋପକ୍ଲୁପ୍ତମ୍ ।
ଆଦର୍ଶାଂତର୍ଭାସମାନସ୍ୟ ତୁଲ୍ୟଂ
ମୟ୍ୟଦ୍ଵୈତେ ଭାତି ତସ୍ମାଚ୍ଛିଵୋଽହମ୍ ॥ 4 ॥
ନାଽହଂ ଜାତୋ ନ ପ୍ରଵୃଦ୍ଧୋ ନ ନଷ୍ଟୋ
ଦେହସ୍ୟୋକ୍ତାଃ ପ୍ରାକୃତାସ୍ସର୍ଵଧର୍ମାଃ ।
କର୍ତୃତ୍ଵାଦି-ଶ୍ଚିନ୍ମୟସ୍ୟାସ୍ତି ନାଽହଂ
କାରସ୍ୟୈଵ ହ୍ୟାତ୍ମନୋ ମେ ଶିଵୋଽହମ୍ ॥ 5 ॥
ନାଽହଂ ଜାତୋ ଜନ୍ମମୃତ୍ୟୁଃ କୁତୋ ମେ
ନାଽହଂ ପ୍ରାଣଃ କ୍ଷୁତ୍ପିପାସେ କୁତୋ ମେ ।
ନାଽହଂ ଚିତ୍ତଂ ଶୋକମୋହୌ କୁତୋ ମେ
ନାଽହଂ କର୍ତା ବଂଧମୋକ୍ଷୌ କୁତୋ ମେ ॥ 6 ॥
ଇତି ଶ୍ରୀମଚ୍ଛଂକରଭଵତ୍ପାଦାଚାର୍ୟ ସ୍ଵାମି ଵିରଚିତାତ୍ମପଂଚକମ୍ ॥
