ୟତି ପଂଚକମ୍ (କୌପୀନ ପଂଚକମ୍)

Collection of Spiritual and Devotional Literature in Various Indian Languages

View this in:

ଵେଦାଂତଵାକ୍ୟେଷୁ ସଦା ରମଂତଃ
ଭିକ୍ଷାନ୍ନମାତ୍ରେଣ ଚ ତୁଷ୍ଟିମଂତଃ ।
ଵିଶୋକମଂତଃକରଣେ ରମଂତଃ
କୌପୀନଵଂତଃ ଖଲୁ ଭାଗ୍ୟଵଂତଃ ॥ 1 ॥

ମୂଲଂ ତରୋଃ କେଵଲମାଶ୍ରୟଂତଃ
ପାଣିଦ୍ଵୟଂ ଭୋକ୍ତୁମମଂତ୍ରୟଂତଃ ।
ଶ୍ରିୟଂ ଚ କଂଥାମିଵ କୁତ୍ସୟଂତଃ
କୌପୀନଵଂତଃ ଖଲୁ ଭାଗ୍ୟଵଂତଃ ॥ 2 ॥

ଦେହାଦିଭାଵଂ ପରିମାର୍ଜୟଂତଃ
ଆତ୍ମାନମାତ୍ମନ୍ୟଵଲୋକୟଂତଃ ।
ନାଂତଂ ନ ମଧ୍ୟଂ ନ ବହିଃ ସ୍ମରଂତଃ
କୌପୀନଵଂତଃ ଖଲୁ ଭାଗ୍ୟଵଂତଃ ॥ 3 ॥

ସ୍ଵାନଂଦଭାଵେ ପରିତୁଷ୍ଟିମଂତଃ
ସଂଶାଂତସର୍ଵେଂଦ୍ରିୟଦୃଷ୍ଟିମଂତଃ ।
ଅହର୍ନିଶଂ ବ୍ରହ୍ମଣି ୟେ ରମଂତଃ
କୌପୀନଵଂତଃ ଖଲୁ ଭାଗ୍ୟଵଂତଃ ॥ 4 ॥

ବ୍ରହ୍ମାକ୍ଷରଂ ପାଵନମୁଚ୍ଚରଂତଃ
ପତିଂ ପଶୂନାଂ ହୃଦି ଭାଵୟଂତଃ ।
ଭିକ୍ଷାଶନା ଦିକ୍ଷୁ ପରିଭ୍ରମଂତଃ
କୌପୀନଵଂତଃ ଖଲୁ ଭାଗ୍ୟଵଂତଃ ॥ 5 ॥

କୌପୀନପଂଚରତ୍ନସ୍ୟ ମନନଂ ୟାତି ୟୋ ନରଃ ।
ଵିରକ୍ତିଂ ଧର୍ମଵିଜ୍ଞାନଂ ଲଭତେ ନାତ୍ର ସଂଶୟଃ ॥

ଇତି ଶ୍ରୀ ଶଂକରଭଗଵତ୍ପାଦ ଵିରଚିତଂ ୟତିପଂଚକମ୍ ॥

Browse Related Categories: