କୈଲାସଶିଖରେ ରମ୍ୟେ ଗୌରୀ ପପ୍ରଚ୍ଛ ଶଂକରମ୍ ।
ବ୍ରହ୍ମାଂଡାଖିଲନାଥସ୍ତ୍ଵଂ ସୃଷ୍ଟିସଂହାରକାରକଃ ॥ 1 ॥

ତ୍ଵମେଵ ପୂଜ୍ୟସେ ଲୋକୈର୍ବ୍ରହ୍ମଵିଷ୍ଣୁସୁରାଦିଭିଃ ।
ନିତ୍ୟଂ ପଠସି ଦେଵେଶ କସ୍ୟ ସ୍ତୋତ୍ରଂ ମହେଶ୍ଵର ॥ 2 ॥

ଆଶ୍ଚର୍ୟମିଦମତ୍ୟଂତଂ ଜାୟତେ ମମ ଶଂକର ।
ତତ୍ପ୍ରାଣେଶ ମହାପ୍ରାଜ୍ଞ ସଂଶୟଂ ଛିଂଧି ମେ ପ୍ରଭୋ ॥ 3 ॥

ଶ୍ରୀମହାଦେଵ ଉଵାଚ-
ଧନ୍ୟାସି କୃତପୁଣ୍ୟାସି ପାର୍ଵତି ପ୍ରାଣଵଲ୍ଲଭେ ।
ରହସ୍ୟାତିରହସ୍ୟଂ ଚ ୟତ୍ପୃଚ୍ଛସି ଵରାନନେ ॥ 4 ॥

ସ୍ତ୍ରୀସ୍ଵଭାଵାନ୍ମହାଦେଵି ପୁନସ୍ତ୍ଵଂ ପରିପୃଚ୍ଛସି ।
ଗୋପନୀୟଂ ଗୋପନୀୟଂ ଗୋପନୀୟଂ ପ୍ରୟତ୍ନତଃ ॥ 5 ॥

ଦତ୍ତେ ଚ ସିଦ୍ଧିହାନିଃ ସ୍ୟାତ୍ତସ୍ମାଦ୍ୟତ୍ନେନ ଗୋପୟେତ୍ ।
ଇଦଂ ରହସ୍ୟଂ ପରମଂ ପୁରୁଷାର୍ଥପ୍ରଦାୟକମ୍ ॥ 6 ॥

ଧନରତ୍ନୌଘମାଣିକ୍ୟଂ ତୁରଂଗଂ ଚ ଗଜାଦିକମ୍ ।
ଦଦାତି ସ୍ମରଣାଦେଵ ମହାମୋକ୍ଷପ୍ରଦାୟକମ୍ ॥ 7 ॥

ତତ୍ତେଽହଂ ସଂପ୍ରଵକ୍ଷ୍ୟାମି ଶୃଣୁଷ୍ଵାଵହିତା ପ୍ରିୟେ ।
ୟୋଽସୌ ନିରଂଜନୋ ଦେଵଶ୍ଚିତ୍ସ୍ଵରୂପୀ ଜନାର୍ଦନଃ ॥ 8 ॥

ସଂସାରସାଗରୋତ୍ତାରକାରଣାୟ ନୃଣାଂ ସଦା ।
ଶ୍ରୀରଂଗାଦିକରୂପେଣ ତ୍ରୈଲୋକ୍ୟଂ ଵ୍ୟାପ୍ୟ ତିଷ୍ଠତି ॥ 9 ॥

ତତୋ ଲୋକା ମହାମୂଢା ଵିଷ୍ଣୁଭକ୍ତିଵିଵର୍ଜିତାଃ ।
ନିଶ୍ଚୟଂ ନାଧିଗଚ୍ଛଂତି ପୁନର୍ନାରାୟଣୋ ହରିଃ ॥ 10 ॥

ନିରଂଜନୋ ନିରାକାରୋ ଭକ୍ତାନାଂ ପ୍ରୀତିକାମଦଃ ।
ବୃଂଦାଵନଵିହାରାୟ ଗୋପାଲଂ ରୂପମୁଦ୍ଵହନ୍ ॥ 11 ॥

ମୁରଳୀଵାଦନାଧାରୀ ରାଧାୟୈ ପ୍ରୀତିମାଵହନ୍ ।
ଅଂଶାଂଶେଭ୍ୟଃ ସମୁନ୍ମୀଲ୍ୟ ପୂର୍ଣରୂପକଳାୟୁତଃ ॥ 12 ॥

ଶ୍ରୀକୃଷ୍ଣଚଂଦ୍ରୋ ଭଗଵାନ୍ ନଂଦଗୋପଵରୋଦ୍ୟତଃ ।
ଧରଣୀରୂପିଣୀ ମାତା ୟଶୋଦା ନଂଦଗେହିନୀ ॥ 13 ॥

ଦ୍ଵାଭ୍ୟାଂ ପ୍ରୟାଚିତୋ ନାଥୋ ଦେଵକ୍ୟାଂ ଵସୁଦେଵତଃ ।
ବ୍ରହ୍ମଣାଽଭ୍ୟର୍ଥିତୋ ଦେଵୋ ଦେଵୈରପି ସୁରେଶ୍ଵରଃ ॥ 14 ॥

ଜାତୋଽଵନ୍ୟାଂ ଚ ମୁଦିତୋ ମୁରଳୀଵାଚନେଚ୍ଛୟା ।
ଶ୍ରିୟା ସାର୍ଧଂ ଵଚଃ କୃତ୍ଵା ତତୋ ଜାତୋ ମହୀତଲେ ॥ 15 ॥

ସଂସାରସାରସର୍ଵସ୍ଵଂ ଶ୍ୟାମଲଂ ମହଦୁଜ୍ଜ୍ଵଲମ୍ ।
ଏତଜ୍ଜ୍ୟୋତିରହଂ ଵଂଦ୍ୟଂ ଚିଂତୟାମି ସନାତନମ୍ ॥ 16 ॥

ଗୌରତେଜୋ ଵିନା ୟସ୍ତୁ ଶ୍ୟାମତେଜସ୍ସମର୍ଚୟେତ୍ ।
ଜପେଦ୍ଵା ଧ୍ୟାୟତେ ଵାପି ସ ଭଵେତ୍ପାତକୀ ଶିଵେ ॥ 17 ॥

ସ ବ୍ରହ୍ମହା ସୁରାପୀ ଚ ସ୍ଵର୍ଣସ୍ତେୟୀ ଚ ପଂଚମଃ ।
ଏତୈର୍ଦୋଷୈର୍ଵିଲିପ୍ୟେତ ତେଜୋଭେଦାନ୍ମହୀଶ୍ଵରି ॥ 18 ॥

ତସ୍ମାଜ୍ଜ୍ୟୋତିରଭୂଦ୍ଦ୍ଵେଧା ରାଧାମାଧଵରୂପକମ୍ ।
ତସ୍ମାଦିଦଂ ମହାଦେଵି ଗୋପାଲେନୈଵ ଭାଷିତମ୍ ॥ 19 ॥

ଦୁର୍ଵାସସୋ ମୁନେର୍ମୋହେ କାର୍ତିକ୍ୟାଂ ରାସମଂଡଲେ ।
ତତଃ ପୃଷ୍ଟଵତୀ ରାଧା ସଂଦେହଂ ଭେଦମାତ୍ମନଃ ॥ 20 ॥

ନିରଂଜନାତ୍ସମୁତ୍ପନ୍ନଂ ମାୟାତୀତଂ ଜଗନ୍ମୟମ୍ ।
ଶ୍ରୀକୃଷ୍ଣେନ ତତଃ ପ୍ରୋକ୍ତଂ ରାଧାୟୈ ନାରଦାୟ ଚ ॥ 21 ॥

ତତୋ ନାରଦତସ୍ସର୍ଵଂ ଵିରଳା ଵୈଷ୍ଣଵାସ୍ତଥା ।
କଲୌ ଜାନଂତି ଦେଵେଶି ଗୋପନୀୟଂ ପ୍ରୟତ୍ନତଃ ॥ 22 ॥

ଶଠାୟ କୃପଣାୟାଥ ଡାଂଭିକାୟ ସୁରେଶ୍ଵରି ।
ବ୍ରହ୍ମହତ୍ୟାମଵାପ୍ନୋତି ତସ୍ମାଦ୍ୟତ୍ନେନ ଗୋପୟେତ୍ ॥ 23 ॥

ଓଂ ଅସ୍ୟ ଶ୍ରୀଗୋପାଲସହସ୍ରନାମସ୍ତୋତ୍ର ମହାମଂତ୍ରସ୍ୟ ଶ୍ରୀନାରଦ ଋଷିଃ, ଅନୁଷ୍ଟୁପ୍ ଛଂଦଃ, ଶ୍ରୀଗୋପାଲୋ ଦେଵତା, କାମୋ ବୀଜଂ, ମାୟା ଶକ୍ତିଃ, ଚଂଦ୍ରଃ କୀଲକଂ, ଶ୍ରୀକୃଷ୍ଣଚଂଦ୍ର ଭକ୍ତିରୂପଫଲପ୍ରାପ୍ତୟେ ଶ୍ରୀଗୋପାଲସହସ୍ରନାମସ୍ତୋତ୍ରଜପେ ଵିନିୟୋଗଃ ।

ଓଂ ଐଂ କ୍ଲୀଂ ବୀଜଂ, ଶ୍ରୀଂ ହ୍ରୀଂ ଶକ୍ତିଃ, ଶ୍ରୀ ବୃଂଦାଵନନିଵାସଃ କୀଲକଂ, ଶ୍ରୀରାଧାପ୍ରିୟଂ ପରଂ ବ୍ରହ୍ମେତି ମଂତ୍ରଃ, ଧର୍ମାଦି ଚତୁର୍ଵିଧ ପୁରୁଷାର୍ଥସିଦ୍ଧ୍ୟର୍ଥେ ଜପେ ଵିନିୟୋଗଃ ।

ନ୍ୟାସଃ ।
ଓଂ ନାରଦ ଋଷୟେ ନମଃ ଶିରସି ।
ଅନୁଷ୍ଟୁପ୍ ଛଂଦସେ ନମଃ ମୁଖେ ।
ଶ୍ରୀଗୋପାଲଦେଵତାୟୈ ନମଃ ହୃଦୟେ ।
କ୍ଲୀଂ କୀଲକାୟ ନମଃ ନାଭୌ ।
ହ୍ରୀଂ ଶକ୍ତୟେ ନମଃ ଗୁହ୍ୟେ ।
ଶ୍ରୀଂ କୀଲକାୟ ନମଃ ଫାଲୟୋଃ ।
ଓଂ କ୍ଲୀଂ କୃଷ୍ଣାୟ ଗୋଵିଂଦାୟ ଗୋପୀଜନଵଲ୍ଲଭାୟ ସ୍ଵାହା ଇତି ମୂଲମଂତ୍ରଃ ।

କରନ୍ୟାସଃ ।
ଓଂ କ୍ଲାଂ ଅଂଗୁଷ୍ଠାଭ୍ୟାଂ ନମଃ ।
ଓଂ କ୍ଲୀଂ ତର୍ଜନୀଭ୍ୟାଂ ନମଃ ।
ଓଂ କ୍ଲୂଂ ମଧ୍ୟମାଭ୍ୟାଂ ନମଃ ।
ଓଂ କ୍ଲୈଂ ଅନାମିକାଭ୍ୟାଂ ନମଃ ।
ଓଂ କ୍ଲୌଂ କନିଷ୍ଠିକାଭ୍ୟାଂ ନମଃ ।
ଓଂ କ୍ଲଃ କରତଲକରପୃଷ୍ଠାଭ୍ୟାଂ ନମଃ ।

ହୃଦୟାଦିନ୍ୟାସଃ ।
ଓଂ କ୍ଲାଂ ହୃଦୟାୟ ନମଃ ।
ଓଂ କ୍ଲୀଂ ଶିରସେ ସ୍ଵାହା ।
ଓଂ କ୍ଲୂଂ ଶିଖାୟୈ ଵଷଟ୍ ।
ଓଂ କ୍ଲୈଂ କଵଚାୟ ହୁମ୍ ।
ଓଂ କ୍ଲୌଂ ନେତ୍ରତ୍ରୟାୟ ଵୌଷଟ୍ ।
ଓଂ କ୍ଲଃ ଅସ୍ତ୍ରାୟ ଫଟ୍ ।

ମୂଲମଂତ୍ରନ୍ୟାସଃ ।
କ୍ଲୀଂ ଅଂଗୁଷ୍ଠାଭ୍ୟାଂ ନମଃ ।
କୃଷ୍ଣାୟ ତର୍ଜନୀଭ୍ୟାଂ ନମଃ ।
ଗୋଵିଂଦାୟ ମଧ୍ୟମାଭ୍ୟାଂ ନମଃ ।
ଗୋପୀଜନ ଅନାମିକାଭ୍ୟାଂ ନମଃ ।
ଵଲ୍ଲଭାୟ କନିଷ୍ଠିକାଭ୍ୟାଂ ନମଃ ।
ସ୍ଵାହା କରତଲକରପୃଷ୍ଠାଭ୍ୟାଂ ନମଃ ।
କ୍ଲୀଂ ହୃଦୟାୟ ନମଃ ।
କୃଷ୍ଣାୟ ଶିରସେ ସ୍ଵାହା ।
ଗୋଵିଂଦାୟ ଶିଖାୟୈ ଵଷଟ୍ ।
ଗୋପୀଜନ କଵଚାୟ ହୁମ୍ ।
ଵଲ୍ଲଭାୟ ନେତ୍ରତ୍ରୟାୟ ଵୌଷଟ୍ ।
ସ୍ଵାହା ଅସ୍ତ୍ରାୟ ଫଟ୍ ।

ଧ୍ୟାନମ୍ ।

ଫୁଲ୍ଲେଂଦୀଵରକାଂତିମିଂଦୁଵଦନଂ ବର୍ହାଵତଂସପ୍ରିୟଂ
ଶ୍ରୀଵତ୍ସାଂକମୁଦାରକୌସ୍ତୁଭଧରଂ ପୀତାଂବରଂ ସୁଂଦରମ୍ ।
ଗୋପୀନାଂ ନୟନୋତ୍ପଲାର୍ଚିତତନୁଂ ଗୋଗୋପସଂଘାଵୃତଂ
ଗୋଵିଂଦଂ କଲଵେଣୁଵାଦନପରଂ ଦିଵ୍ୟାଂଗଭୂଷଂ ଭଜେ ॥ 1 ॥

କସ୍ତୂରୀତିଲକଂ ଲଲାଟଫଲକେ ଵକ୍ଷସ୍ସ୍ଥଲେ କୌସ୍ତୁଭଂ
ନାସାଗ୍ରେ ଵରମୌକ୍ତିକଂ କରତଲେ ଵେଣୁଂ କରେ କଂକଣମ୍ ।
ସର୍ଵାଂଗେ ହରିଚଂଦନଂ ଚ କଲୟନ୍ କଂଠେ ଚ ମୁକ୍ତାଵଲିଂ
ଗୋପସ୍ତ୍ରୀପରିଵେଷ୍ଟିତୋ ଵିଜୟତେ ଗୋପାଲଚୂଡାମଣିଃ ॥ 2 ॥

ଓଂ କ୍ଲୀଂ ଦେଵଃ କାମଦେଵଃ କାମବୀଜଶିରୋମଣିଃ ।
ଶ୍ରୀଗୋପାଲୋ ମହୀପାଲୋ ଵେଦଵେଦାଂଗପାରଗଃ ॥ 1 ॥

କୃଷ୍ଣଃ କମଲପତ୍ରାକ୍ଷଃ ପୁଂଡରୀକଃ ସନାତନଃ ।
ଗୋପତିର୍ଭୂପତିଃ ଶାସ୍ତା ପ୍ରହର୍ତା ଵିଶ୍ଵତୋମୁଖଃ ॥ 2 ॥

ଆଦିକର୍ତା ମହାକର୍ତା ମହାକାଲଃ ପ୍ରତାପଵାନ୍ ।
ଜଗଜ୍ଜୀଵୋ ଜଗଦ୍ଧାତା ଜଗଦ୍ଭର୍ତା ଜଗଦ୍ଵସୁଃ ॥ 3 ॥

ମତ୍ସ୍ୟୋ ଭୀମଃ କୁହୂଭର୍ତା ହର୍ତା ଵାରାହମୂର୍ତିମାନ୍ ।
ନାରାୟଣୋ ହୃଷୀକେଶୋ ଗୋଵିଂଦୋ ଗରୁଡଧ୍ଵଜଃ ॥ 4 ॥

ଗୋକୁଲେଶୋ ମହାଚଂଦ୍ରଃ ଶର୍ଵରୀପ୍ରିୟକାରକଃ ।
କମଲାମୁଖଲୋଲାକ୍ଷଃ ପୁଂଡରୀକଃ ଶୁଭାଵହଃ ॥ 5 ॥

ଦୁର୍ଵାସାଃ କପିଲୋ ଭୌମଃ ସିଂଧୁସାଗରସଂଗମଃ ।
ଗୋଵିଂଦୋ ଗୋପତିର୍ଗୋତ୍ରଃ କାଳିଂଦୀପ୍ରେମପୂରକଃ ॥ 6 ॥

ଗୋପସ୍ଵାମୀ ଗୋକୁଲେଂଦ୍ରଃ ଗୋଵର୍ଧନଵରପ୍ରଦଃ ।
ନଂଦାଦିଗୋକୁଲତ୍ରାତା ଦାତା ଦାରିଦ୍ର୍ୟଭଂଜନଃ ॥ 7 ॥

ସର୍ଵମଂଗଳଦାତା ଚ ସର୍ଵକାମଵରପ୍ରଦଃ ।
ଆଦିକର୍ତା ମହୀଭର୍ତା ସର୍ଵସାଗରସିଂଧୁଜଃ ॥ 8 ॥

ଗଜଗାମୀ ଗଜୋଦ୍ଧାରୀ କାମୀ କାମକଲାନିଧିଃ ।
କଳଂକରହିତଶ୍ଚଂଦ୍ରୋ ବିଂବାସ୍ୟୋ ବିଂବସତ୍ତମଃ ॥ 9 ॥

ମାଲାକାରଃ କୃପାକାରଃ କୋକିଲସ୍ଵରଭୂଷଣଃ ।
ରାମୋ ନୀଲାଂବରୋ ଦେହୀ ହଲୀ ଦ୍ଵିଵିଦମର୍ଦନଃ ॥ 10 ॥

ସହସ୍ରାକ୍ଷପୁରୀଭେତ୍ତା ମହାମାରୀଵିନାଶନଃ ।
ଶିଵଃ ଶିଵତମୋ ଭେତ୍ତା ବଲାରାତିପ୍ରପୂଜକଃ ॥ 11 ॥

କୁମାରୀଵରଦାୟୀ ଚ ଵରେଣ୍ୟୋ ମୀନକେତନଃ ।
ନରୋ ନାରାୟଣୋ ଧୀରୋ ଧରାପତିରୁଦାରଧୀଃ ॥ 12 ॥

ଶ୍ରୀପତିଃ ଶ୍ରୀନିଧିଃ ଶ୍ରୀମାନ୍ ମାପତିଃ ପ୍ରତିରାଜହା ।
ବୃଂଦାପତିଃ କୁଲଂ ଗ୍ରାମୀ ଧାମ ବ୍ରହ୍ମସନାତନଃ ॥ 13 ॥

ରେଵତୀରମଣୋ ରାମଃ ପ୍ରିୟଶ୍ଚଂଚଲଲୋଚନଃ ।
ରାମାୟଣଶରୀରଶ୍ଚ ରାମୋ ରାମଃ ଶ୍ରିୟଃପତିଃ ॥ 14 ॥

ଶର୍ଵରଃ ଶର୍ଵରୀ ଶର୍ଵଃ ସର୍ଵତ୍ର ଶୁଭଦାୟକଃ ।
ରାଧାରାଧୟିତାରାଧୀ ରାଧାଚିତ୍ତପ୍ରମୋଦକଃ ॥ 15 ॥

ରାଧାରତିସୁଖୋପେତୋ ରାଧାମୋହନତତ୍ପରଃ ।
ରାଧାଵଶୀକରୋ ରାଧାହୃଦୟାଂଭୋଜଷଟ୍ପଦଃ ॥ 16 ॥

ରାଧାଲିଂଗନସମ୍ମୋଦୋ ରାଧାନର୍ତନକୌତୁକଃ ।
ରାଧାସଂଜାତସଂପ୍ରୀତୋ ରାଧାକାମଫଲପ୍ରଦଃ ॥ 17 ॥

ବୃଂଦାପତିଃ କୋକନିଧିଃ କୋକଶୋକଵିନାଶନଃ ।
ଚଂଦ୍ରାପତିଶ୍ଚଂଦ୍ରପତିଶ୍ଚଂଡକୋଦଂଡଭଂଜନଃ ॥ 18 ॥

ରାମୋ ଦାଶରଥୀ ରାମୋ ଭୃଗୁଵଂଶସମୁଦ୍ଭଵଃ ।
ଆତ୍ମାରାମୋ ଜିତକ୍ରୋଧୋ ମୋହୋ ମୋହାଂଧଭଂଜନଃ ॥ 19 ॥

ଵୃଷଭାନୁଭଵୋ ଭାଵୀ କାଶ୍ୟପିଃ କରୁଣାନିଧିଃ ।
କୋଲାହଲୋ ହଲୋ ହାଲୀ ହଲୀ ହଲଧରପ୍ରିୟଃ ॥ 20 ॥

ରାଧାମୁଖାବ୍ଜମାର୍ତାଂଡୋ ଭାସ୍କରୋ ରଵିଜୋ ଵିଧୁଃ ।
ଵିଧିର୍ଵିଧାତା ଵରୁଣୋ ଵାରୁଣୋ ଵାରୁଣୀପ୍ରିୟଃ ॥ 21 ॥

ରୋହିଣୀହୃଦୟାନଂଦୀ ଵସୁଦେଵାତ୍ମଜୋ ବଲିଃ ।
ନୀଲାଂବରୋ ରୌହିଣେୟୋ ଜରାସଂଧଵଧୋଽମଲଃ ॥ 22 ॥

ନାଗୋ ଜଵାଂଭୋ ଵିରୁଦୋ ଵୀରହା ଵରଦୋ ବଲୀ ।
ଗୋପଦୋ ଵିଜୟୀ ଵିଦ୍ଵାନ୍ ଶିପିଵିଷ୍ଟଃ ସନାତନଃ ॥ 23 ॥

ପରଶୁରାମଵଚୋଗ୍ରାହୀ ଵରଗ୍ରାହୀ ସୃଗାଲହା ।
ଦମଘୋଷୋପଦେଷ୍ଟା ଚ ରଥଗ୍ରାହୀ ସୁଦର୍ଶନଃ ॥ 24 ॥

ଵୀରପତ୍ନୀୟଶସ୍ତ୍ରାତା ଜରାଵ୍ୟାଧିଵିଘାତକଃ ।
ଦ୍ଵାରକାଵାସତତ୍ତ୍ଵଜ୍ଞୋ ହୁତାଶନଵରପ୍ରଦଃ ॥ 25 ॥

ୟମୁନାଵେଗସଂହାରୀ ନୀଲାଂବରଧରଃ ପ୍ରଭୁଃ ।
ଵିଭୁଃ ଶରାସନୋ ଧନ୍ଵୀ ଗଣେଶୋ ଗଣନାୟକଃ ॥ 26 ॥

ଲକ୍ଷ୍ମଣୋ ଲକ୍ଷଣୋ ଲକ୍ଷ୍ୟୋ ରକ୍ଷୋଵଂଶଵିନାଶକଃ ।
ଵାମନୋ ଵାମନୀଭୂତୋ ଵମନୋ ଵମନାରୁହଃ ॥ 27 ॥

ୟଶୋଦାନଂଦନଃ କର୍ତା ୟମଳାର୍ଜୁନମୁକ୍ତିଦଃ ।
ଉଲୂଖଲୀ ମହାମାନୋ ଦାମବଦ୍ଧାହ୍ଵୟୀ ଶମୀ ॥ 28 ॥

ଭକ୍ତାନୁକାରୀ ଭଗଵାନ୍ କେଶଵୋଽଚଲଧାରକଃ ।
କେଶିହା ମଧୁହା ମୋହୀ ଵୃଷାସୁରଵିଘାତକଃ ॥ 29 ॥

ଅଘାସୁରଵିଘାତୀ ଚ ପୂତନାମୋକ୍ଷଦାୟକଃ ।
କୁବ୍ଜାଵିନୋଦୀ ଭଗଵାନ୍ କଂସମୃତ୍ୟୁର୍ମହାମୁଖୀ ॥ 30 ॥

ଅଶ୍ଵମେଧୋ ଵାଜପେୟୋ ଗୋମେଧୋ ନରମେଧଵାନ୍ ।
କଂଦର୍ପକୋଟିଲାଵଣ୍ୟଶ୍ଚଂଦ୍ରକୋଟିସୁଶୀତଲଃ ॥ 31 ॥

ରଵିକୋଟିପ୍ରତୀକାଶୋ ଵାୟୁକୋଟିମହାବଲଃ ।
ବ୍ରହ୍ମା ବ୍ରହ୍ମାଂଡକର୍ତା ଚ କମଲାଵାଂଛିତପ୍ରଦଃ ॥ 32 ॥

କମଲୀ କମଲାକ୍ଷଶ୍ଚ କମଲାମୁଖଲୋଲୁପଃ ।
କମଲାଵ୍ରତଧାରୀ ଚ କମଲାଭଃ ପୁରଂଦରଃ ॥ 33 ॥

ସୌଭାଗ୍ୟାଧିକଚିତ୍ତଶ୍ଚ ମହାମାୟୀ ମଦୋତ୍କଟଃ ।
ତାଟକାରିଃ ସୁରତ୍ରାତା ମାରୀଚକ୍ଷୋଭକାରକଃ ॥ 34 ॥

ଵିଶ୍ଵାମିତ୍ରପ୍ରିୟୋ ଦାଂତୋ ରାମୋ ରାଜୀଵଲୋଚନଃ ।
ଲଂକାଧିପକୁଲଧ୍ଵଂସୀ ଵିଭୀଷଣଵରପ୍ରଦଃ ॥ 35 ॥

ସୀତାନଂଦକରୋ ରାମୋ ଵୀରୋ ଵାରିଧିବଂଧନଃ ।
ଖରଦୂଷଣସଂହାରୀ ସାକେତପୁରଵାସଵାନ୍ ॥ 36 ॥

ଚଂଦ୍ରାଵଳିପତିଃ କୂଲଃ କେଶିକଂସଵଧୋଽମରଃ ।
ମାଧଵୋ ମଧୁହା ମାଧ୍ଵୀ ମାଧ୍ଵୀକୋ ମାଧଵୀ ଵିଭୁଃ ॥ 37 ॥

ମୁଂଜାଟଵୀଗାହମାନୋ ଧେନୁକାରିର୍ଦଶାତ୍ମଜଃ ।
ଵଂଶୀଵଟଵିହାରୀ ଚ ଗୋଵର୍ଧନଵନାଶ୍ରୟଃ ॥ 38 ॥

ତଥା ତାଳଵନୋଦ୍ଦେଶୀ ଭାଂଡୀରଵନଶଂକରଃ ।
ତୃଣାଵର୍ତକୃପାକାରୀ ଵୃଷଭାନୁସୁତାପତିଃ ॥ 39 ॥

ରାଧାପ୍ରାଣସମୋ ରାଧାଵଦନାବ୍ଜମଧୂତ୍କଟଃ ।
ଗୋପୀରଂଜନଦୈଵଜ୍ଞଃ ଲୀଲାକମଲପୂଜିତଃ ॥ 40 ॥

କ୍ରୀଡାକମଲସଂଦୋହୋ ଗୋପିକାପ୍ରୀତିରଂଜନଃ ।
ରଂଜକୋ ରଂଜନୋ ରଂଗୋ ରଂଗୀ ରଂଗମହୀରୁହଃ ॥ 41 ॥

କାମଃ କାମାରିଭକ୍ତଶ୍ଚ ପୁରାଣପୁରୁଷଃ କଵିଃ ।
ନାରଦୋ ଦେଵଲୋ ଭୀମୋ ବାଲୋ ବାଲମୁଖାଂବୁଜଃ ॥ 42 ॥

ଅଂବୁଜୋ ବ୍ରହ୍ମସାକ୍ଷୀ ଚ ୟୋଗୀ ଦତ୍ତଵରୋ ମୁନିଃ ।
ଋଷଭଃ ପର୍ଵତୋ ଗ୍ରାମୋ ନଦୀପଵନଵଲ୍ଲଭଃ ॥ 43 ॥

ପଦ୍ମନାଭଃ ସୁରଜ୍ୟେଷ୍ଠୋ ବ୍ରହ୍ମା ରୁଦ୍ରୋଽହିଭୂଷିତଃ ।
ଗଣାନାଂ ତ୍ରାଣକର୍ତା ଚ ଗଣେଶୋ ଗ୍ରହିଳୋ ଗ୍ରହିଃ ॥ 44 ॥

ଗଣାଶ୍ରୟୋ ଗଣାଧ୍ୟକ୍ଷୋ କ୍ରୋଡୀକୃତଜଗତ୍ତ୍ରୟଃ ।
ୟାଦଵେଂଦ୍ରୋ ଦ୍ଵାରକେଂଦ୍ରୋ ମଥୁରାଵଲ୍ଲଭୋ ଧୁରୀ ॥ 45 ॥

ଭ୍ରମରଃ କୁଂତଲୀ କୁଂତୀସୁତରକ୍ଷୀ ମହାମନାଃ ।
ୟମୁନାଵରଦାତା ଚ କାଶ୍ୟପସ୍ୟ ଵରପ୍ରଦଃ ॥ 46 ॥

ଶଂଖଚୂଡଵଧୋଦ୍ଦାମୋ ଗୋପୀରକ୍ଷଣତତ୍ପରଃ ।
ପାଂଚଜନ୍ୟକରୋ ରାମୀ ତ୍ରିରାମୀ ଵନଜୋ ଜୟଃ ॥ 47 ॥

ଫାଲ୍ଗୁଣଃ ଫଲ୍ଗୁନସଖୋ ଵିରାଧଵଧକାରକଃ ।
ରୁକ୍ମିଣୀପ୍ରାଣନାଥଶ୍ଚ ସତ୍ୟଭାମାପ୍ରିୟଂକରଃ ॥ 48 ॥

କଲ୍ପଵୃକ୍ଷୋ ମହାଵୃକ୍ଷୋ ଦାନଵୃକ୍ଷୋ ମହାଫଲଃ ।
ଅଂକୁଶୋ ଭୂସୁରୋ ଭାଵୋ ଭାମକୋ ଭ୍ରାମକୋ ହରିଃ ॥ 49 ॥

ସରଳଃ ଶାଶ୍ଵତୋ ଵୀରୋ ୟଦୁଵଂଶଶିଵାତ୍ମକଃ ।
ପ୍ରଦ୍ୟୁମ୍ନୋ ବଲକର୍ତା ଚ ପ୍ରହର୍ତା ଦୈତ୍ୟହା ପ୍ରଭୁଃ ॥ 50 ॥

ମହାଧନୋ ମହାଵୀରୋ ଵନମାଲାଵିଭୂଷଣଃ ।
ତୁଲସୀଦାମଶୋଭାଢ୍ୟୋ ଜାଲଂଧରଵିନାଶନଃ ॥ 51 ॥

ସୂରଃ ସୂର୍ୟୋ ମୃକଂଡୁଶ୍ଚ ଭାସ୍ଵରୋ ଵିଶ୍ଵପୂଜିତଃ ।
ରଵିସ୍ତମୋହା ଵହ୍ନିଶ୍ଚ ବାଡବୋ ବଡବାନଲଃ ॥ 52 ॥

ଦୈତ୍ୟଦର୍ପଵିନାଶୀ ଚ ଗରୁଡୋ ଗରୁଡାଗ୍ରଜଃ ।
ଗୋପୀନାଥୋ ମହୀନାଥୋ ବୃଂଦାନାଥୋଽଵରୋଧକଃ ॥ 53 ॥

ପ୍ରପଂଚୀ ପଂଚରୂପଶ୍ଚ ଲତାଗୁଲ୍ମଶ୍ଚ ଗୋମତିଃ ।
ଗଂଗା ଚ ୟମୁନାରୂପୋ ଗୋଦା ଵେତ୍ରଵତୀ ତଥା ॥ 54 ॥

କାଵେରୀ ନର୍ମଦା ତାପୀ ଗଂଡକୀ ସରୟୂ ରଜଃ ।
ରାଜସସ୍ତାମସସ୍ସତ୍ତ୍ଵୀ ସର୍ଵାଂଗୀ ସର୍ଵଲୋଚନଃ ॥ 55 ॥

ସୁଧାମୟୋଽମୃତମୟୋ ୟୋଗିନାଂ ଵଲ୍ଲଭଃ ଶିଵଃ ।
ବୁଦ୍ଧୋ ବୁଦ୍ଧିମତାଂ ଶ୍ରେଷ୍ଠୋ ଵିଷ୍ଣୁର୍ଜିଷ୍ଣୁଃ ଶଚୀପତିଃ ॥ 56 ॥

ଵଂଶୀ ଵଂଶଧରୋ ଲୋକୋ ଵିଲୋକୋ ମୋହନାଶନଃ ।
ରଵରାଵୋ ରଵୋ ରାଵୋ ଵଲୋ ଵାଲୋ ଵଲାହକଃ ॥ 57 ॥

ଶିଵୋ ରୁଦ୍ରୋ ନଲୋ ନୀଲୋ ଲାଂଗଲୀ ଲାଂଗଲାଶ୍ରୟଃ ।
ପାରଦଃ ପାଵନୋ ହଂସୋ ହଂସାରୂଢୋ ଜଗତ୍ପତିଃ ॥ 58 ॥

ମୋହିନୀମୋହନୋ ମାୟୀ ମହାମାୟୋ ମହାସୁଖୀ ।
ଵୃଷୋ ଵୃଷାକପିଃ କାଲଃ କାଲୀଦମନକାରକଃ ॥ 59 ॥

କୁବ୍ଜାଭାଗ୍ୟପ୍ରଦୋ ଵୀରୋ ରଜକକ୍ଷୟକାରକଃ ।
କୋମଲୋ ଵାରୁଣୀ ରାଜା ଜଲଜୋ ଜଲଧାରକଃ ॥ 60 ॥

ହାରକଃ ସର୍ଵପାପଘ୍ନଃ ପରମେଷ୍ଠୀ ପିତାମହଃ ।
ଖଡ୍ଗଧାରୀ କୃପାକାରୀ ରାଧାରମଣସୁଂଦରଃ ॥ 61 ॥

ଦ୍ଵାଦଶାରଣ୍ୟସଂଭୋଗୀ ଶେଷନାଗଫଣାଲୟଃ ।
କାମଃ ଶ୍ୟାମଃ ସୁଖଶ୍ରୀଦଃ ଶ୍ରୀପତିଃ ଶ୍ରୀନିଧିଃ କୃତିଃ ॥ 62 ॥

ହରିର୍ହରୋ ନରୋ ନାରୋ ନରୋତ୍ତମ ଇଷୁପ୍ରିୟଃ ।
ଗୋପାଲଚିତ୍ତହର୍ତା ଚ କର୍ତା ସଂସାରତାରକଃ ॥ 63 ॥

ଆଦିଦେଵୋ ମହାଦେଵୋ ଗୌରୀଗୁରୁରନାଶ୍ରୟଃ ।
ସାଧୁର୍ମଧୁର୍ଵିଧୁର୍ଧାତା ତ୍ରାତାଽକ୍ରୂରପରାୟଣଃ ॥ 64 ॥

ରୋଲଂବୀ ଚ ହୟଗ୍ରୀଵୋ ଵାନରାରିର୍ଵନାଶ୍ରୟଃ ।
ଵନଂ ଵନୀ ଵନାଧ୍ୟକ୍ଷୋ ମହାଵଂଦ୍ୟୋ ମହାମୁନିଃ ॥ 65 ॥

ସ୍ୟମଂତକମଣିପ୍ରାଜ୍ଞଃ ଵିଜ୍ଞୋ ଵିଘ୍ନଵିଘାତକଃ ।
ଗୋଵର୍ଧନୋ ଵର୍ଧନୀୟୋ ଵର୍ଧନୀ ଵର୍ଧନପ୍ରିୟଃ ॥ 66 ॥

ଵାର୍ଧନ୍ୟୋ ଵର୍ଧନୋ ଵର୍ଧୀ ଵର୍ଧିଷ୍ଣସ୍ତୁ ସୁଖପ୍ରିୟଃ ।
ଵର୍ଧିତୋ ଵର୍ଧକୋ ଵୃଦ୍ଧୋ ବୃଂଦାରକଜନପ୍ରିୟଃ ॥ 67 ॥

ଗୋପାଲରମଣୀଭର୍ତା ସାଂବକୁଷ୍ଠଵିନାଶନଃ ।
ରୁକ୍ମିଣୀହରଣପ୍ରେମା ପ୍ରେମୀ ଚଂଦ୍ରାଵଲୀପତିଃ ॥ 68 ॥

ଶ୍ରୀକର୍ତା ଵିଶ୍ଵଭର୍ତା ଚ ନାରାୟଣ ନରୋ ବଲୀ ।
ଗଣୋ ଗଣପତିଶ୍ଚୈଵ ଦତ୍ତାତ୍ରେୟୋ ମହାମୁନିଃ ॥ 69 ॥

ଵ୍ୟାସୋ ନାରାୟଣୋ ଦିଵ୍ୟୋ ଭଵ୍ୟୋ ଭାଵୁକଧାରକଃ ।
ଶ୍ଵଃଶ୍ରେୟସଂ ଶିଵଂ ଭଦ୍ରଂ ଭାଵୁକଂ ଭଵୁକଂ ଶୁଭମ୍ ॥ 70 ॥

ଶୁଭାତ୍ମକଃ ଶୁଭଃ ଶାସ୍ତା ପ୍ରଶସ୍ତୋ ମେଘନାଦହା ।
ବ୍ରହ୍ମଣ୍ୟଦେଵୋ ଦୀନାନାମୁଦ୍ଧାରକରଣକ୍ଷମଃ ॥ 71 ॥

କୃଷ୍ଣଃ କମଲପତ୍ରାକ୍ଷଃ କୃଷ୍ଣଃ କମଲଲୋଚନଃ ।
କୃଷ୍ଣଃ କାମୀ ସଦା କୃଷ୍ଣଃ ସମସ୍ତପ୍ରିୟକାରକଃ ॥ 72 ॥

ନଂଦୋ ନଂଦୀ ମହାନଂଦୀ ମାଦୀ ମାଦନକଃ କିଲୀ ।
ମୀଲୀ ହିଲୀ ଗିଲୀ ଗୋଲୀ ଗୋଲୋ ଗୋଲାଲୟୋ ଗୁଲୀ ॥ 73 ॥

ଗୁଗ୍ଗୁଲୀ ମାରକୀ ଶାଖୀ ଵଟଃ ପିପ୍ପଲକଃ କୃତୀ ।
ମ୍ଲେଚ୍ଛହା କାଲହର୍ତା ଚ ୟଶୋଦା ୟଶ ଏଵ ଚ ॥ 74 ॥

ଅଚ୍ୟୁତଃ କେଶଵୋ ଵିଷ୍ଣୁଃ ହରିଃ ସତ୍ୟୋ ଜନାର୍ଦନଃ ।
ହଂସୋ ନାରାୟଣୋ ନୀଲୋ ଲୀନୋ ଭକ୍ତିପରାୟଣଃ ॥ 75 ॥

ଜାନକୀଵଲ୍ଲଭୋ ରାମୋ ଵିରାମୋ ଵିଷନାଶନଃ ।
ସିଂହଭାନୁର୍ମହାଭାନୁ-ର୍ଵୀରଭାନୁର୍ମହୋଦଧିଃ ॥ 76 ॥

ସମୁଦ୍ରୋଽବ୍ଧିରକୂପାରଃ ପାରାଵାରଃ ସରିତ୍ପତିଃ ।
ଗୋକୁଲାନଂଦକାରୀ ଚ ପ୍ରତିଜ୍ଞାପରିପାଲକଃ ॥ 77 ॥

ସଦାରାମଃ କୃପାରାମୋ ମହାରାମୋ ଧନୁର୍ଧରଃ ।
ପର୍ଵତଃ ପର୍ଵତାକାରୋ ଗୟୋ ଗେୟୋ ଦ୍ଵିଜପ୍ରିୟଃ ॥ 78 ॥

କମଲାଶ୍ଵତରୋ ରାମୋ ରାମାୟଣପ୍ରଵର୍ତକଃ ।
ଦ୍ୟୌର୍ଦିଵୋ ଦିଵସୋ ଦିଵ୍ୟୋ ଭଵ୍ୟୋ ଭାଗୀ ଭୟାପହଃ ॥ 79 ॥

ପାର୍ଵତୀଭାଗ୍ୟସହିତୋ ଭର୍ତା ଲକ୍ଷ୍ମୀସହାୟଵାନ୍ । [ଵିଲାସଵାନ୍]
ଵିଲାସୀ ସାହସୀ ସର୍ଵୀ ଗର୍ଵୀ ଗର୍ଵିତଲୋଚନଃ ॥ 80 ॥

ସୁରାରିର୍ଲୋକଧର୍ମଜ୍ଞୋ ଜୀଵନୋ ଜୀଵନାଂତକଃ ।
ୟମୋ ୟମାରିର୍ୟମନୋ ୟମୀ ୟାମଵିଘାତକଃ ॥ 81 ॥

ଵଂଶୁଲୀ ପାଂଶୁଲୀ ପାଂସୁଃ ପାଂଡୁରର୍ଜୁନଵଲ୍ଲଭଃ ।
ଲଲିତା ଚଂଦ୍ରିକାମାଲା ମାଲୀ ମାଲାଂବୁଜାଶ୍ରୟଃ ॥ 82 ॥

ଅଂବୁଜାକ୍ଷୋ ମହାୟକ୍ଷୋ ଦକ୍ଷଶ୍ଚିଂତାମଣିପ୍ରଭୁଃ ।
ମଣିର୍ଦିନମଣିଶ୍ଚୈଵ କେଦାରୋ ବଦରୀଶ୍ରୟଃ ॥ 83 ॥

ବଦରୀଵନସଂପ୍ରୀତୋ ଵ୍ୟାସଃ ସତ୍ୟଵତୀସୁତଃ ।
ଅମରାରିନିହଂତା ଚ ସୁଧାସିଂଧୁଵିଧୂଦୟଃ ॥ 84 ॥

ଚଂଦ୍ରୋ ରଵିଃ ଶିଵଃ ଶୂଲୀ ଚକ୍ରୀ ଚୈଵ ଗଦାଧରଃ ।
ଶ୍ରୀକର୍ତା ଶ୍ରୀପତିଃ ଶ୍ରୀଦଃ ଶ୍ରୀଦେଵୋ ଦେଵକୀସୁତଃ ॥ 85 ॥

ଶ୍ରୀପତିଃ ପୁଂଡରୀକାକ୍ଷଃ ପଦ୍ମନାଭୋ ଜଗତ୍ପତିଃ ।
ଵାସୁଦେଵୋଽପ୍ରମେୟାତ୍ମା କେଶଵୋ ଗରୁଡଧ୍ଵଜଃ ॥ 86 ॥

ନାରାୟଣଃ ପରଂ ଧାମ ଦେଵଦେଵୋ ମହେଶ୍ଵରଃ ।
ଚକ୍ରପାଣିଃ କଳାପୂର୍ଣୋ ଵେଦଵେଦ୍ୟୋ ଦୟାନିଧିଃ ॥ 87 ॥

ଭଗଵାନ୍ ସର୍ଵଭୂତେଶୋ ଗୋପାଲଃ ସର୍ଵପାଲକଃ ।
ଅନଂତୋ ନିର୍ଗୁଣୋ ନିତ୍ୟୋ ନିର୍ଵିକଲ୍ପୋ ନିରଂଜନଃ ॥ 88 ॥

ନିରାଧାରୋ ନିରାକାରୋ ନିରାଭାସୋ ନିରାଶ୍ରୟଃ ।
ପୁରୁଷଃ ପ୍ରଣଵାତୀତୋ ମୁକୁଂଦଃ ପରମେଶ୍ଵରଃ ॥ 89 ॥

କ୍ଷଣାଵନିଃ ସାର୍ଵଭୌମୋ ଵୈକୁଂଠୋ ଭକ୍ତଵତ୍ସଲଃ ।
ଵିଷ୍ଣୁର୍ଦାମୋଦରଃ କୃଷ୍ଣୋ ମାଧଵୋ ମଥୁରାପତିଃ ॥ 90 ॥

ଦେଵକୀଗର୍ଭସଂଭୂତୋ ୟଶୋଦାଵତ୍ସଲୋ ହରିଃ ।
ଶିଵଃ ସଂକର୍ଷଣଃ ଶଂଭୁର୍ଭୂତନାଥୋ ଦିଵସ୍ପତିଃ ॥ 91 ॥

ଅଵ୍ୟୟଃ ସର୍ଵଧର୍ମଜ୍ଞୋ ନିର୍ମଲୋ ନିରୁପଦ୍ରଵଃ ।
ନିର୍ଵାଣନାୟକୋ ନିତ୍ୟୋ ନୀଲଜୀମୂତସନ୍ନିଭଃ ॥ 92 ॥

କଲାକ୍ଷୟଶ୍ଚ ସର୍ଵଜ୍ଞଃ କମଲାରୂପତତ୍ପରଃ ।
ହୃଷୀକେଶଃ ପୀତଵାସା ଵସୁଦେଵପ୍ରିୟାତ୍ମଜଃ ॥ 93 ॥

ନଂଦଗୋପକୁମାରାର୍ୟୋ ନଵନୀତାଶନୋ ଵିଭୁଃ ।
ପୁରାଣଃ ପୁରୁଷଶ୍ରେଷ୍ଠଃ ଶଂଖପାଣିଃ ସୁଵିକ୍ରମଃ ॥ 94 ॥

ଅନିରୁଦ୍ଧଶ୍ଚକ୍ରଧରଃ ଶାର୍ଙ୍ଗପାଣିଶ୍ଚତୁର୍ଭୁଜଃ ।
ଗଦାଧରଃ ସୁରାର୍ତିଘ୍ନୋ ଗୋଵିଂଦୋ ନଂଦକାୟୁଧଃ ॥ 95 ॥

ବୃଂଦାଵନଚରଃ ଶୌରିର୍ଵେଣୁଵାଦ୍ୟଵିଶାରଦଃ ।
ତୃଣାଵର୍ତାଂତକୋ ଭୀମସାହସୋ ବହୁଵିକ୍ରମଃ ॥ 96 ॥

ଶକଟାସୁରସଂହାରୀ ବକାସୁରଵିନାଶନଃ ।
ଧେନୁକାସୁରସଂହାରୀ ପୂତନାରିର୍ନୃକେସରୀ ॥ 97 ॥

ପିତାମହୋ ଗୁରୁସ୍ସାକ୍ଷୀ ପ୍ରତ୍ୟଗାତ୍ମା ସଦାଶିଵଃ ।
ଅପ୍ରମେୟଃ ପ୍ରଭୁଃ ପ୍ରାଜ୍ଞୋଽପ୍ରତର୍କ୍ୟଃ ସ୍ଵପ୍ନଵର୍ଧନଃ ॥ 98 ॥

ଧନ୍ୟୋ ମାନ୍ୟୋ ଭଵୋ ଭାଵୋ ଧୀରଃ ଶାଂତୋ ଜଗଦ୍ଗୁରୁଃ ।
ଅଂତର୍ୟାମୀଶ୍ଵରୋ ଦିଵ୍ୟୋ ଦୈଵଜ୍ଞୋ ଦେଵସଂସ୍ତୁତଃ ॥ 99 ॥

କ୍ଷୀରାବ୍ଧିଶୟନୋ ଧାତା ଲକ୍ଷ୍ମୀଵାନ୍ ଲକ୍ଷ୍ମଣାଗ୍ରଜଃ ।
ଧାତ୍ରୀପତିରମେୟାତ୍ମା ଚଂଦ୍ରଶେଖରପୂଜିତଃ ॥ 100 ॥

ଲୋକସାକ୍ଷୀ ଜଗଚ୍ଚକ୍ଷୁଃ ପୁଣ୍ୟଚାରିତ୍ରକୀର୍ତନଃ ।
କୋଟିମନ୍ମଥସୌଂଦର୍ୟୋ ଜଗନ୍ମୋହନଵିଗ୍ରହଃ ॥ 101 ॥

ମଂଦସ୍ମିତତନୁର୍ଗୋପଗୋପିକାପରିଵେଷ୍ଟିତଃ ।
ଫୁଲ୍ଲାରଵିଂଦନୟନଶ୍ଚାଣୂରାଂଧ୍ରନିଷୂଦନଃ ॥ 102 ॥

ଇଂଦୀଵରଦଳଶ୍ୟାମୋ ବର୍ହିବର୍ହାଵତଂସକଃ ।
ମୁରଳୀନିନଦାହ୍ଲାଦୋ ଦିଵ୍ୟମାଲାଂବରାଵୃତଃ ॥ 103 ॥

ସୁକପୋଲୟୁଗଃ ସୁଭ୍ରୂୟୁଗଳଃ ସୁଲଲାଟକମ୍ ।
କଂବୁଗ୍ରୀଵୋ ଵିଶାଲାକ୍ଷୋ ଲକ୍ଷ୍ମୀଵାଂଛୁଭଲକ୍ଷଣଃ ॥ 104 ॥

ପୀନଵକ୍ଷାଶ୍ଚତୁର୍ବାହୁଶ୍ଚତୁର୍ମୂର୍ତିସ୍ତ୍ରିଵିକ୍ରମଃ ।
କଳଂକରହିତଃ ଶୁଦ୍ଧୋ ଦୁଷ୍ଟଶତ୍ରୁନିବର୍ହଣଃ ॥ 105 ॥

କିରୀଟକୁଂଡଲଧରଃ କଟକାଂଗଦମଂଡିତଃ ।
ମୁଦ୍ରିକାଭରଣୋପେତଃ କଟିସୂତ୍ରଵିରାଜିତଃ ॥ 106 ॥

ମଂଜୀରରଂଜିତପଦଃ ସର୍ଵାଭରଣଭୂଷିତଃ ।
ଵିନ୍ୟସ୍ତପାଦୟୁଗଳୋ ଦିଵ୍ୟମଂଗଳଵିଗ୍ରହଃ ॥ 107 ॥

ଗୋପିକାନୟନାନଂଦଃ ପୂର୍ଣଚଂଦ୍ରନିଭାନନଃ ।
ସମସ୍ତଜଗଦାନଂଦଃ ସୁଂଦରୋ ଲୋକନଂଦନଃ ॥ 108 ॥

ୟମୁନାତୀରସଂଚାରୀ ରାଧାମନ୍ମଥଵୈଭଵଃ ।
ଗୋପନାରୀପ୍ରିୟୋ ଦାଂତୋ ଗୋପୀଵସ୍ତ୍ରାପହାରକଃ ॥ 109 ॥

ଶୃଂଗାରମୂର୍ତିଃ ଶ୍ରୀଧାମା ତାରକୋ ମୂଲକାରଣମ୍ ।
ସୃଷ୍ଟିସଂରକ୍ଷଣୋପାୟଃ କ୍ରୂରାସୁରଵିଭଂଜନଃ ॥ 110 ॥

ନରକାସୁରସଂହାରୀ ମୁରାରିର୍ଵୈରିମର୍ଦନଃ ।
ଆଦିତେୟପ୍ରିୟୋ ଦୈତ୍ୟଭୀକରୋ ୟଦୁଶେଖରଃ ॥ 111 ॥

ଜରାସଂଧକୁଲଧ୍ଵଂସୀ କଂସାରାତିଃ ସୁଵିକ୍ରମଃ ।
ପୁଣ୍ୟଶ୍ଲୋକଃ କୀର୍ତନୀୟୋ ୟାଦଵେଂଦ୍ରୋ ଜଗନ୍ନୁତଃ ॥ 112 ॥

ରୁକ୍ମିଣୀରମଣଃ ସତ୍ୟଭାମାଜାଂବଵତୀପ୍ରିୟଃ ।
ମିତ୍ରଵିଂଦାନାଗ୍ନଜିତୀଲକ୍ଷ୍ମଣାସମୁପାସିତଃ ॥ 113 ॥

ସୁଧାକରକୁଲେ ଜାତୋଽନଂତଃ ପ୍ରବଲଵିକ୍ରମଃ ।
ସର୍ଵସୌଭାଗ୍ୟସଂପନ୍ନୋ ଦ୍ଵାରକାପଟ୍ଟଣସ୍ଥିତଃ ॥ 114 ॥

ଭଦ୍ରାସୂର୍ୟସୁତାନାଥୋ ଲୀଲାମାନୁଷଵିଗ୍ରହଃ ।
ସହସ୍ରଷୋଡଶସ୍ତ୍ରୀଶୋ ଭୋଗମୋକ୍ଷୈକଦାୟକଃ ॥ 115 ॥

ଵେଦାଂତଵେଦ୍ୟଃ ସଂଵେଦ୍ୟୋ ଵୈଦ୍ୟୋ ବ୍ରହ୍ମାଂଡନାୟକଃ ।
ଗୋଵର୍ଧନଧରୋ ନାଥଃ ସର୍ଵଜୀଵଦୟାପରଃ ॥ 116 ॥

ମୂର୍ତିମାନ୍ ସର୍ଵଭୂତାତ୍ମା ଆର୍ତତ୍ରାଣପରାୟଣଃ ।
ସର୍ଵଜ୍ଞଃ ସର୍ଵସୁଲଭଃ ସର୍ଵଶାସ୍ତ୍ରଵିଶାରଦଃ ॥ 117 ॥

ଷଡ୍ଗୁଣୈଶ୍ଵର୍ୟସଂପନ୍ନଃ ପୂର୍ଣକାମୋ ଧୁରଂଧରଃ ।
ମହାନୁଭାଵଃ କୈଵଲ୍ୟଦାୟକୋ ଲୋକନାୟକଃ ॥ 118 ॥

ଆଦିମଧ୍ୟାଂତରହିତଃ ଶୁଦ୍ଧସାତ୍ତ୍ଵିକଵିଗ୍ରହଃ ।
ଅସମାନଃ ସମସ୍ତାତ୍ମା ଶରଣାଗତଵତ୍ସଲଃ ॥ 119 ॥

ଉତ୍ପତ୍ତିସ୍ଥିତିସଂହାରକାରଣଂ ସର୍ଵକାରଣମ୍ ।
ଗଂଭୀରଃ ସର୍ଵଭାଵଜ୍ଞଃ ସଚ୍ଚିଦାନଂଦଵିଗ୍ରହଃ ॥ 120 ॥

ଵିଷ୍ଵକ୍ସେନଃ ସତ୍ୟସଂଧଃ ସତ୍ୟଵାକ୍ ସତ୍ୟଵିକ୍ରମଃ ।
ସତ୍ୟଵ୍ରତଃ ସତ୍ୟରତଃ ସତ୍ୟଧର୍ମପରାୟଣଃ ॥ 121 ॥

ଆପନ୍ନାର୍ତିପ୍ରଶମନଃ ଦ୍ରୌପଦୀମାନରକ୍ଷକଃ ।
କଂଦର୍ପଜନକଃ ପ୍ରାଜ୍ଞୋ ଜଗନ୍ନାଟକଵୈଭଵଃ ॥ 122 ॥

ଭକ୍ତିଵଶ୍ୟୋ ଗୁଣାତୀତଃ ସର୍ଵୈଶ୍ଵର୍ୟପ୍ରଦାୟକଃ ।
ଦମଘୋଷସୁତଦ୍ଵେଷୀ ବାଣବାହୁଵିଖଂଡନଃ ॥ 123 ॥

ଭୀଷ୍ମଭକ୍ତିପ୍ରଦୋ ଦିଵ୍ୟଃ କୌରଵାନ୍ଵୟନାଶନଃ ।
କୌଂତେୟପ୍ରିୟବଂଧୁଶ୍ଚ ପାର୍ଥସ୍ୟଂଦନସାରଥିଃ ॥ 124 ॥

ନାରସିଂହୋ ମହାଵୀରଃ ସ୍ତଂଭଜାତୋ ମହାବଲଃ ।
ପ୍ରହ୍ଲାଦଵରଦଃ ସତ୍ୟୋ ଦେଵପୂଜ୍ୟୋଽଭୟଂକରଃ ॥ 125 ॥

ଉପେଂଦ୍ର ଇଂଦ୍ରାଵରଜୋ ଵାମନୋ ବଲିବଂଧନଃ ।
ଗଜେଂଦ୍ରଵରଦଃ ସ୍ଵାମୀ ସର୍ଵଦେଵନମସ୍କୃତଃ ॥ 126 ॥

ଶେଷପର୍ୟଂକଶୟନୋ ଵୈନତେୟରଥୋ ଜୟୀ ।
ଅଵ୍ୟାହତବଲୈଶ୍ଵର୍ୟସଂପନ୍ନଃ ପୂର୍ଣମାନସଃ ॥ 127 ॥

ୟୋଗୀଶ୍ଵରେଶ୍ଵରଃ ସାକ୍ଷୀ କ୍ଷେତ୍ରଜ୍ଞୋ ଜ୍ଞାନଦାୟକଃ ।
ୟୋଗିହୃତ୍ପଂକଜାଵାସୋ ୟୋଗମାୟାସମନ୍ଵିତଃ ॥ 128 ॥

ନାଦବିଂଦୁକଳାତୀତଶ୍ଚତୁର୍ଵର୍ଗଫଲପ୍ରଦଃ ।
ସୁଷୁମ୍ନାମାର୍ଗସଂଚାରୀ ଦେହସ୍ୟାଂତରସଂସ୍ଥିତଃ ॥ 129 ॥

ଦେହେଂଦ୍ରିୟମନଃପ୍ରାଣସାକ୍ଷୀ ଚେତଃପ୍ରସାଦକଃ ।
ସୂକ୍ଷ୍ମଃ ସର୍ଵଗତୋ ଦେହୀ ଜ୍ଞାନଦର୍ପଣଗୋଚରଃ ॥ 130 ॥

ତତ୍ତ୍ଵତ୍ରୟାତ୍ମକୋଽଵ୍ୟକ୍ତଃ କୁଂଡଲୀ ସମୁପାଶ୍ରିତଃ ।
ବ୍ରହ୍ମଣ୍ୟଃ ସର୍ଵଧର୍ମଜ୍ଞଃ ଶାଂତୋ ଦାଂତୋ ଗତକ୍ଲମଃ ॥ 131 ॥

ଶ୍ରୀନିଵାସଃ ସଦାନଂଦୋ ଵିଶ୍ଵମୂର୍ତିର୍ମହାପ୍ରଭୁଃ ।
ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ॥ 132 ॥

ସମସ୍ତଭୁଵନାଧାରଃ ସମସ୍ତପ୍ରାଣରକ୍ଷକଃ ।
ସମସ୍ତସ୍ସର୍ଵଭାଵଜ୍ଞୋ ଗୋପିକାପ୍ରାଣଵଲ୍ଲଭଃ ॥ 133 ॥

ନିତ୍ୟୋତ୍ସଵୋ ନିତ୍ୟସୌଖ୍ୟୋ ନିତ୍ୟଶ୍ରୀର୍ନିତ୍ୟମଂଗଳମ୍ ।
ଵ୍ୟୂହାର୍ଚିତୋ ଜଗନ୍ନାଥଃ ଶ୍ରୀଵୈକୁଂଠପୁରାଧିପଃ ॥ 134 ॥

ପୂର୍ଣାନଂଦଘନୀଭୂତୋ ଗୋପଵେଷଧରୋ ହରିଃ ।
କଲାପକୁସୁମଶ୍ୟାମଃ କୋମଲଃ ଶାଂତଵିଗ୍ରହଃ ॥ 135 ॥

ଗୋପାଂଗନାଵୃତୋଽନଂତୋ ବୃଂଦାଵନସମାଶ୍ରୟଃ ।
ଵେଣୁନାଦରତଃ ଶ୍ରେଷ୍ଠୋ ଦେଵାନାଂ ହିତକାରକଃ ॥ 136 ॥

ଜଲକ୍ରୀଡାସମାସକ୍ତୋ ନଵନୀତସ୍ୟ ତସ୍କରଃ ।
ଗୋପାଲକାମିନୀଜାରଶ୍ଚୋରଜାରଶିଖାମଣିଃ ॥ 137 ॥

ପରଂଜ୍ୟୋତିଃ ପରାକାଶଃ ପରାଵାସଃ ପରିସ୍ଫୁଟଃ ।
ଅଷ୍ଟାଦଶାକ୍ଷରୋ ମଂତ୍ରୋ ଵ୍ୟାପକୋ ଲୋକପାଵନଃ ॥ 138 ॥

ସପ୍ତକୋଟିମହାମଂତ୍ରଶେଖରୋ ଦେଵଶେଖରଃ ।
ଵିଜ୍ଞାନଜ୍ଞାନସଂଧାନସ୍ତେଜୋରାଶିର୍ଜଗତ୍ପତିଃ ॥ 139 ॥

ଭକ୍ତଲୋକପ୍ରସନ୍ନାତ୍ମା ଭକ୍ତମଂଦାରଵିଗ୍ରହଃ ।
ଭକ୍ତଦାରିଦ୍ର୍ୟଶମନୋ ଭକ୍ତାନାଂ ପ୍ରୀତିଦାୟକଃ ॥ 140 ॥

ଭକ୍ତାଧୀନମନାଃ ପୂଜ୍ୟୋ ଭକ୍ତଲୋକଶିଵଂକରଃ ।
ଭକ୍ତାଭୀଷ୍ଟପ୍ରଦଃ ସର୍ଵଭକ୍ତାଘୌଘନିକୃଂତକଃ ॥ 141 ॥

ଅପାରକରୁଣାସିଂଧୁର୍ଭଗଵାନ୍ ଭକ୍ତତତ୍ପରଃ ॥ 142 ॥

[ଇତି ଶ୍ରୀରାଧିକାନାଥ ନାମ୍ନାଂ ସାହସ୍ରମୀରିତମ୍ । ]
ସ୍ମରଣାତ୍ପାପରାଶୀନାଂ ଖଂଡନଂ ମୃତ୍ୟୁନାଶନମ୍ ॥ 1 ॥

ଵୈଷ୍ଣଵାନାଂ ପ୍ରିୟକରଂ ମହାଦାରିଦ୍ର୍ୟନାଶନମ୍ ।
ବ୍ରହ୍ମହତ୍ୟାସୁରାପାନଂ ପରସ୍ତ୍ରୀଗମନଂ ତଥା ॥ 2 ॥

ପରଦ୍ରଵ୍ୟାପହରଣଂ ପରଦ୍ଵେଷସମନ୍ଵିତମ୍ ।
ମାନସଂ ଵାଚିକଂ କାୟଂ ୟତ୍ପାପଂ ପାପସଂଭଵମ୍ ॥ 3 ॥

ସହସ୍ରନାମପଠନାତ୍ସର୍ଵେ ନଶ୍ୟଂତି ତତ୍କ୍ଷଣାତ୍ ।
ମହାଦାରିଦ୍ର୍ୟୟୁକ୍ତୋ ଵୈ ଵୈଷ୍ଣଵୋ ଵିଷ୍ଣୁଭକ୍ତିମାନ୍ ॥ 4 ॥

କାର୍ତିକ୍ୟାଂ ୟଃ ପଠେଦ୍ରାତ୍ରୌ ଶତମଷ୍ଟୋତ୍ତରଂ କ୍ରମାତ୍ ।
ପୀତାଂବରଧରୋ ଧୀମାନ୍ ସୁଗଂଧୀ ପୁଷ୍ପଚଂଦନୈଃ ॥ 5 ॥

ପୁସ୍ତକଂ ପୂଜୟିତ୍ଵା ଚ ନୈଵେଦ୍ୟାଦିଭିରେଵ ଚ ।
ରାଧାଧ୍ୟାନାଂକିତୋ ଧୀରୋ ଵନମାଲାଵିଭୂଷିତଃ ॥ 6 ॥

ଶତମଷ୍ଟୋତ୍ତରଂ ଦେଵି ପଠେନ୍ନାମସହସ୍ରକମ୍ ।
ଚୈତ୍ରେ କୃଷ୍ଣେ ଚ ଶୁକ୍ଲେ ଚ କୁହୂସଂକ୍ରାଂତିଵାସରେ ॥ 7 ॥

ପଠିତଵ୍ୟଂ ପ୍ରୟତ୍ନେନ ତ୍ରୈଲୋକ୍ୟଂ ମୋହୟେତ୍ କ୍ଷଣାତ୍ ।
ତୁଲସୀମାଲୟା ୟୁକ୍ତୋ ଵୈଷ୍ଣଵୋ ଭକ୍ତିତତ୍ପରଃ ॥ 8 ॥

ରଵିଵାରେ ଚ ଶୁକ୍ରେ ଚ ଦ୍ଵାଦଶ୍ୟାଂ ଶ୍ରାଦ୍ଧଵାସରେ ।
ବ୍ରାହ୍ମଣଂ ପୂଜୟିତ୍ଵା ଚ ଭୋଜୟିତ୍ଵା ଵିଧାନତଃ ॥ 9 ॥

ପଠେନ୍ନାମସହସ୍ରଂ ଚ ତତଃ ସିଦ୍ଧିଃ ପ୍ରଜାୟତେ ।
ମହାନିଶାୟାଂ ସତତଂ ଵୈଷ୍ଣଵୋ ୟଃ ପଠେତ୍ସଦା ॥ 10 ॥

ଦେଶାଂତରଗତା ଲକ୍ଷ୍ମୀଃ ସମାୟାତି ନ ସଂଶୟଃ ।
ତ୍ରୈଲୋକ୍ୟେ ତୁ ମହାଦେଵି ସୁଂଦର୍ୟଃ କାମମୋହିତାଃ ॥ 11 ॥

ମୁଗ୍ଧାଃ ସ୍ଵୟଂ ସମାୟାଂତି ଵୈଷ୍ଣଵଂ ଚ ଭଜଂତି ତାଃ ।
ରୋଗୀ ରୋଗାତ୍ପ୍ରମୁଚ୍ୟେତ ବଦ୍ଧୋ ମୁଚ୍ୟେତ ବଂଧନାତ୍ ॥ 12 ॥

ଗର୍ଭିଣୀ ଜନୟେତ୍ପୁତ୍ରଂ କନ୍ୟା ଵିଂଦତି ସତ୍ପତିମ୍ ।
ରାଜାନୋ ଵଶତାଂ ୟାଂତି କିଂ ପୁନଃ କ୍ଷୁଦ୍ରମାନୁଷାଃ ॥ 13 ॥

ସହସ୍ରନାମଶ୍ରଵଣାତ୍ ପଠନାତ୍ ପୂଜନାତ୍ ପ୍ରିୟେ ।
ଧାରଣାତ୍ ସର୍ଵମାପ୍ନୋତି ଵୈଷ୍ଣଵୋ ନାତ୍ର ସଂଶୟଃ ॥ 14 ॥

ଵଂଶୀଵଟେ ଚାନ୍ୟଵଟେ ତଥା ପିପ୍ପଲକେଽଥ ଵା ।
କଦଂବପାଦପତଲେ ଶ୍ରୀଗୋପାଲସ୍ୟ ସନ୍ନିଧୌ ॥ 15 ॥

ୟଃ ପଠେଦ୍ଵୈଷ୍ଣଵୋ ନିତ୍ୟଂ ସ ୟାତି ହରିମଂଦିରମ୍ ।
କୃଷ୍ଣେନୋକ୍ତଂ ରାଧିକାୟୈ ତୟା ପ୍ରୋକ୍ତଂ ପୁରା ଶିଵେ ॥ 16 ॥

ନାରଦାୟ ମୟା ପ୍ରୋକ୍ତଂ ନାରଦେନ ପ୍ରକାଶିତମ୍ ।
ମୟା ତଵ ଵରାରୋହେ ପ୍ରୋକ୍ତମେତତ୍ସୁଦୁର୍ଲଭମ୍ ॥ 17 ॥

ଗୋପନୀୟଂ ପ୍ରୟତ୍ନେନ ନ ପ୍ରକାଶ୍ୟଂ କଦାଚନ ।
ଶଠାୟ ପାପିନେ ଚୈଵ ଲଂପଟାୟ ଵିଶେଷତଃ ॥ 18 ॥

ନ ଦାତଵ୍ୟଂ ନ ଦାତଵ୍ୟଂ ନ ଦାତଵ୍ୟଂ କଦାଚନ ।
ଦେୟଂ ଶାଂତାୟ ଶିଷ୍ୟାୟ ଵିଷ୍ଣୁଭକ୍ତିରତାୟ ଚ ॥ 19 ॥

ଗୋଦାନବ୍ରହ୍ମୟଜ୍ଞାଦେର୍ଵାଜପେୟଶତସ୍ୟ ଚ ।
ଅଶ୍ଵମେଧସହସ୍ରସ୍ୟ ଫଲଂ ପାଠେ ଭଵେଦ୍ଧ୍ରୁଵମ୍ ॥ 20 ॥

ମୋହନଂ ସ୍ତଂଭନଂ ଚୈଵ ମାରଣୋଚ୍ଚାଟନାଦିକମ୍ ।
ୟଦ୍ୟଦ୍ଵାଂଛତି ଚିତ୍ତେନ ତତ୍ତତ୍ପ୍ରାପ୍ନୋତି ଵୈଷ୍ଣଵଃ ॥ 21 ॥

ଏକାଦଶ୍ୟାଂ ନରଃ ସ୍ନାତ୍ଵା ସୁଗଂଧଦ୍ରଵ୍ୟତୈଲକୈଃ ।
ଆହାରଂ ବ୍ରାହ୍ମଣେ ଦତ୍ତ୍ଵା ଦକ୍ଷିଣାଂ ସ୍ଵର୍ଣଭୂଷଣମ୍ ॥ 22 ॥

ତତଃ ପ୍ରାରଂଭକର୍ତାସୌ ସର୍ଵଂ ପ୍ରାପ୍ନୋତି ମାନଵଃ ।
ଶତାଵୃତ୍ତ ସହସ୍ରଂ ଚ ୟଃ ପଠେଦ୍ଵୈଷ୍ଣଵୋ ଜନଃ ॥ 23 ॥

ଶ୍ରୀବୃଂଦାଵନଚଂଦ୍ରସ୍ୟ ପ୍ରସାଦାତ୍ସର୍ଵମାପ୍ନୁୟାତ୍ ।
ୟଦ୍ଗୃହେ ପୁସ୍ତକଂ ଦେଵି ପୂଜିତଂ ଚୈଵ ତିଷ୍ଠତି ॥ 24 ॥

ନ ମାରୀ ନ ଚ ଦୁର୍ଭିକ୍ଷଂ ନୋପସର୍ଗଭୟଂ କ୍ଵଚିତ୍ ।
ସର୍ପାଦିଭୂତୟକ୍ଷାଦ୍ୟା ନଶ୍ୟଂତେ ନାତ୍ର ସଂଶୟଃ ॥ 25 ॥

ଶ୍ରୀଗୋପାଲୋ ମହାଦେଵି ଵସେତ୍ତସ୍ୟ ଗୃହେ ସଦା ।
ୟଦ୍ଗୃହେ ଚ ସହସ୍ରଂ ଚ ନାମ୍ନାଂ ତିଷ୍ଠତି ପୂଜିତମ୍ ॥ 26 ॥

ଇତି ଶ୍ରୀସମ୍ମୋହନତଂତ୍ରେ ହରଗୌରୀସଂଵାଦେ ଶ୍ରୀଗୋପାଲ ସହସ୍ରନାମସ୍ତୋତ୍ରମ୍ ।