ଅସ୍ୟ ଶ୍ରୀଦକ୍ଷିଣାମୂର୍ତି ସହସ୍ରନାମସ୍ତୋତ୍ରସ୍ୟ ବ୍ରହ୍ମା ଋଷିଃ ଅନୁଷ୍ଟୁପ୍ ଛଂଦଃ ଶ୍ରୀଦକ୍ଷିଣାମୂର୍ତିର୍ଦେଵତା ଓଂ ବୀଜଂ ସ୍ଵାହା ଶକ୍ତିଃ ନମଃ କୀଲକଂ ମେଧାଦକ୍ଷିଣାମୂର୍ତି ପ୍ରସାଦସିଦ୍ଧ୍ୟର୍ଥେ ଜପେ ଵିନିୟୋଗଃ ॥
ହ୍ରାମିତ୍ୟାଦିନା ନ୍ୟାସଃ ॥
ଧ୍ୟାନଂ
ସିଦ୍ଧିତୋୟନିଧେର୍ମଧ୍ୟେ ରତ୍ନଗ୍ରୈଵେ ମନୋରମେ ।
କଦଂବଵନିକାମଧ୍ୟେ ଶ୍ରୀମଦ୍ଵଟତରୋରଧଃ ॥ 1 ॥
ଆସୀନମାଦ୍ୟଂ ପୁରୁଷମାଦିମଧ୍ୟାଂତଵର୍ଜିତମ୍ ।
ଶୁଦ୍ଧସ୍ଫଟିକଗୋକ୍ଷୀରଶରତ୍ପୂର୍ଣେଂଦୁଶେଖରମ୍ ॥ 2 ॥
ଦକ୍ଷିଣେ ଚାକ୍ଷମାଲାଂ ଚ ଵହ୍ନିଂ ଵୈ ଵାମହସ୍ତକେ ।
ଜଟାମଂଡଲସଂଲଗ୍ନଶୀତାଂଶୁକରମଂଡିତମ୍ ॥ 3 ॥
ନାଗହାରଧରଂ ଚାରୁକଂକଣୈଃ କଟିସୂତ୍ରକୈଃ ।
ଵିରାଜମାନଵୃଷଭଂ ଵ୍ୟାଘ୍ରଚର୍ମାଂବରାଵୃତମ୍ ॥ 4 ॥
ଚିଂତାମଣିମହାବୃଂଦୈଃ କଲ୍ପକୈଃ କାମଧେନୁଭିଃ ।
ଚତୁଃଷଷ୍ଟିକଲାଵିଦ୍ୟାମୂର୍ତିଭିଃ ଶ୍ରୁତିମସ୍ତକୈଃ ॥ 5 ॥
ରତ୍ନସିଂହାସନେ ସାଧୁଦ୍ଵୀପିଚର୍ମସମାୟୁତେ ।
ତତ୍ରାଷ୍ଟଦଳପଦ୍ମସ୍ୟ କର୍ଣିକାୟାଂ ସୁଶୋଭନେ ॥ 6 ॥
ଵୀରାସନେ ସମାସୀନଂ ଲଂବଦକ୍ଷପଦାଂବୁଜମ୍ ।
ଜ୍ଞାନମୁଦ୍ରାଂ ପୁସ୍ତକଂ ଚ ଵରାଭୀତିଧରଂ ହରମ୍ ॥ 7 ॥
ପାଦମୂଲସମାକ୍ରାଂତମହାପସ୍ମାରଵୈଭଵମ୍ ।
ରୁଦ୍ରାକ୍ଷମାଲାଭରଣଭୂଷିତଂ ଭୂତିଭାସୁରମ୍ ॥ 8 ॥
ଗଜଚର୍ମୋତ୍ତରୀୟଂ ଚ ମଂଦସ୍ମିତମୁଖାଂବୁଜମ୍ ।
ସିଦ୍ଧବୃଂଦୈର୍ୟୋଗିବୃଂଦୈର୍ମୁନିବୃଂଦୈର୍ନିଷେଵିତମ୍ ॥ 9 ॥
ଆରାଧ୍ୟମାନଵୃଷଭମଗ୍ନୀଂଦୁରଵିଲୋଚନମ୍ ।
ପୂରୟଂତଂ କୃପାଦୃଷ୍ଟ୍ୟା ପୁମର୍ଥାନାଶ୍ରିତେ ଜନେ ॥ 10 ॥
ଏଵଂ ଵିଭାଵୟେଦୀଶଂ ସର୍ଵଵିଦ୍ୟାକଳାନିଧିମ୍ ॥ 11 ॥
ଲମିତ୍ୟାଦି ପଂଚୋପଚାରାଃ ॥
ସ୍ତୋତ୍ରଂ
ଓମ୍ । ଦେଵଦେଵୋ ମହାଦେଵୋ ଦେଵାନାମପି ଦେଶିକଃ ।
ଦକ୍ଷିଣାମୂର୍ତିରୀଶାନୋ ଦୟାପୂରିତଦିଙ୍ମୁଖଃ ॥ 1 ॥
କୈଲାସଶିଖରୋତ୍ତୁଂଗକମନୀୟନିଜାକୃତିଃ ।
ଵଟଦ୍ରୁମତଟୀଦିଵ୍ୟକନକାସନସଂସ୍ଥିତଃ ॥ 2 ॥
କଟୀତଟପଟୀଭୂତକରିଚର୍ମୋଜ୍ଜ୍ଵଲାକୃତିଃ ।
ପାଟୀରପାଂଡୁରାକାରପରିପୂର୍ଣସୁଧାଧିପଃ ।3 ॥
ଜଟାକୋଟୀରଘଟିତସୁଧାକରସୁଧାପ୍ଲୁତଃ ।
ପଶ୍ୟଲ୍ଲଲାଟସୁଭଗସୁଂଦରଭ୍ରୂଵିଲାସଵାନ୍ ॥ 4 ॥
କଟାକ୍ଷସରଣୀନିର୍ୟତ୍କରୁଣାପୂର୍ଣଲୋଚନଃ ।
କର୍ଣାଲୋଲତଟିଦ୍ଵର୍ଣକୁଂଡଲୋଜ୍ଜ୍ଵଲଗଂଡଭୂଃ ॥ 5 ॥
ତିଲପ୍ରସୂନସଂକାଶନାସିକାପୁଟଭାସୁରଃ ।
ମଂଦସ୍ମିତସ୍ଫୁରନ୍ମୁଗ୍ଧମହନୀୟମୁଖାଂବୁଜଃ ॥ 6 ॥
କୁଂଦକୁଡ୍ମଲସଂସ୍ପର୍ଧିଦଂତପଂକ୍ତିଵିରାଜିତଃ ।
ସିଂଦୂରାରୁଣସୁସ୍ନିଗ୍ଧକୋମଲାଧରପଲ୍ଲଵଃ ॥ 7 ॥
ଶଂଖାଟୋପଗଲଦ୍ଦିଵ୍ୟଗଳଵୈଭଵମଂଜୁଲଃ ।
କରକଂଦଲିତଜ୍ଞାନମୁଦ୍ରାରୁଦ୍ରାକ୍ଷମାଲିକଃ ॥ 8 ॥
ଅନ୍ୟହସ୍ତତଲନ୍ୟସ୍ତଵୀଣାପୁସ୍ତୋଲ୍ଲସଦ୍ଵପୁଃ ।
ଵିଶାଲରୁଚିରୋରସ୍କଵଲିମତ୍ପଲ୍ଲଵୋଦରଃ ॥ 9 ॥
ବୃହତ୍କଟିନିତଂବାଢ୍ୟଃ ପୀଵରୋରୁଦ୍ଵୟାନ୍ଵିତଃ ।
ଜଂଘାଵିଜିତତୂଣୀରସ୍ତୁଂଗଗୁଲ୍ଫୟୁଗୋଜ୍ଜ୍ଵଲଃ ॥ 10 ॥
ମୃଦୁପାଟଲପାଦାବ୍ଜଶ୍ଚଂଦ୍ରାଭନଖଦୀଧିତିଃ ।
ଅପସଵ୍ୟୋରୁଵିନ୍ୟସ୍ତସଵ୍ୟପାଦସରୋରୁହଃ ॥ 11 ॥
ଘୋରାପସ୍ମାରନିକ୍ଷିପ୍ତଧୀରଦକ୍ଷପଦାଂବୁଜଃ ।
ସନକାଦିମୁନିଧ୍ୟେୟଃ ସର୍ଵାଭରଣଭୂଷିତଃ ॥ 12 ॥
ଦିଵ୍ୟଚଂଦନଲିପ୍ତାଂଗଶ୍ଚାରୁହାସପରିଷ୍କୃତଃ ।
କର୍ପୂରଧଵଳାକାରଃ କଂଦର୍ପଶତସୁଂଦରଃ ॥ 13 ॥
କାତ୍ୟାୟନୀପ୍ରେମନିଧିଃ କରୁଣାରସଵାରିଧିଃ ।
କାମିତାର୍ଥପ୍ରଦଃ ଶ୍ରୀମତ୍କମଲାଵଲ୍ଲଭପ୍ରିୟଃ ॥ 14 ॥
କଟାକ୍ଷିତାତ୍ମଵିଜ୍ଞାନଃ କୈଵଲ୍ୟାନଂଦକଂଦଲଃ ।
ମଂଦହାସସମାନେଂଦୁଶ୍ଛିନ୍ନାଜ୍ଞାନତମସ୍ତତିଃ ॥ 15 ॥
ସଂସାରାନଲସଂତପ୍ତଜନତାମୃତସାଗରଃ ।
ଗଂଭୀରହୃଦୟାଂଭୋଜନଭୋମଣିନିଭାକୃତିଃ ॥ 16 ॥
ନିଶାକରକରାକାରଵଶୀକୃତଜଗତ୍ତ୍ରୟଃ ।
ତାପସାରାଧ୍ୟପାଦାବ୍ଜସ୍ତରୁଣାନଂଦଵିଗ୍ରହଃ ॥ 17 ॥
ଭୂତିଭୂଷିତସର୍ଵାଂଗୋ ଭୂତାଧିପତିରୀଶ୍ଵରଃ ।
ଵଦନେଂଦୁସ୍ମିତଜ୍ୟୋତ୍ସ୍ନାନିଲୀନତ୍ରିପୁରାକୃତିଃ ॥ 18 ॥
ତାପତ୍ରୟତମୋଭାନୁଃ ପାପାରଣ୍ୟଦଵାନଲଃ ।
ସଂସାରସାଗରୋଦ୍ଧର୍ତା ହଂସାଗ୍ର୍ୟୋପାସ୍ୟଵିଗ୍ରହଃ ॥ 19 ॥
ଲଲାଟହୁତଭୁଗ୍ଦଗ୍ଧମନୋଭଵଶୁଭାକୃତିଃ ।
ତୁଚ୍ଛୀକୃତଜଗଜ୍ଜାଲସ୍ତୁଷାରକରଶୀତଲଃ ॥ 20 ॥
ଅସ୍ତଂଗତସମସ୍ତେଚ୍ଛୋ ନିସ୍ତୁଲାନଂଦମଂଥରଃ ।
ଧୀରୋଦାତ୍ତଗୁଣାଧାର ଉଦାରଵରଵୈଭଵଃ ॥ 21 ॥
ଅପାରକରୁଣାମୂର୍ତିରଜ୍ଞାନଧ୍ଵାଂତଭାସ୍କରଃ ।
ଭକ୍ତମାନସହଂସାଗ୍ର୍ୟୋ ଭଵାମୟଭିଷକ୍ତମଃ ॥ 22 ॥
ୟୋଗୀଂଦ୍ରପୂଜ୍ୟପାଦାବ୍ଜୋ ୟୋଗପଟ୍ଟୋଲ୍ଲସତ୍କଟିଃ ।
ଶୁଦ୍ଧସ୍ଫଟିକସଂକାଶୋ ବଦ୍ଧପନ୍ନଗଭୂଷଣଃ ॥ 23 ॥
ନାନାମୁନିସମାକୀର୍ଣୋ ନାସାଗ୍ରନ୍ୟସ୍ତଲୋଚନଃ ।
ଵେଦମୂର୍ଧୈକସଂଵେଦ୍ୟୋ ନାଦଧ୍ୟାନପରାୟଣଃ ॥ 24 ॥
ଧରାଧରେଂଦୁରାନଂଦସଂଦୋହରସସାଗରଃ ।
ଦ୍ଵୈତବୃଂଦଵିମୋହାଂଧ୍ୟପରାକୃତଦୃଗଦ୍ଭୁତଃ ॥ 25 ॥
ପ୍ରତ୍ୟଗାତ୍ମା ପରଂଜ୍ୟୋତିଃ ପୁରାଣଃ ପରମେଶ୍ଵରଃ ।
ପ୍ରପଂଚୋପଶମଃ ପ୍ରାଜ୍ଞଃ ପୁଣ୍ୟକୀର୍ତିଃ ପୁରାତନଃ ॥ 26 ॥
ସର୍ଵାଧିଷ୍ଠାନସନ୍ମାତ୍ରଃ ସ୍ଵାତ୍ମବଂଧହରୋ ହରଃ ।
ସର୍ଵପ୍ରେମନିଜାହାସଃ ସର୍ଵାନୁଗ୍ରହକୃଚ୍ଛିଵଃ ॥ 27 ॥
ସର୍ଵେଂଦ୍ରିୟଗୁଣାଭାସଃ ସର୍ଵଭୂତଗୁଣାଶ୍ରୟଃ ।
ସଚ୍ଚିଦାନଂଦପୂର୍ଣାତ୍ମା ସର୍ଵଭୂତଗୁଣାଶ୍ରୟଃ ॥ 28 ॥
ସର୍ଵଭୂତାଂତରଃ ସାକ୍ଷୀ ସର୍ଵଜ୍ଞଃ ସର୍ଵକାମଦଃ ।
ସନକାଦିମହାୟୋଗିସମାରାଧିତପାଦୁକଃ ॥ 29 ॥
ଆଦିଦେଵୋ ଦୟାସିଂଧୁଃ ଶିକ୍ଷିତାସୁରଵିଗ୍ରହଃ ।
ୟକ୍ଷକିନ୍ନରଗଂଧର୍ଵସ୍ତୂୟମାନାତ୍ମଵୈଭଵଃ ॥ 30 ॥
ବ୍ରହ୍ମାଦିଦେଵଵିନୁତୋ ୟୋଗମାୟାନିୟୋଜକଃ ।
ଶିଵୟୋଗୀ ଶିଵାନଂଦଃ ଶିଵଭକ୍ତସମୁଦ୍ଧରଃ ॥ 31 ॥
ଵେଦାଂତସାରସଂଦୋହଃ ସର୍ଵସତ୍ତ୍ଵାଵଲଂବନଃ ।
ଵଟମୂଲାଶ୍ରୟୋ ଵାଗ୍ମୀ ମାନ୍ୟୋ ମଲୟଜପ୍ରିୟଃ ॥ 32 ॥
ସୁଶୀଲୋ ଵାଂଛିତାର୍ଥଜ୍ଞଃ ପ୍ରସନ୍ନଵଦନେକ୍ଷଣଃ ।
ନୃତ୍ତଗୀତକଲାଭିଜ୍ଞଃ କର୍ମଵିତ୍କର୍ମମୋଚକଃ ॥ 33 ॥
କର୍ମସାକ୍ଷୀ କର୍ମମୟଃ କର୍ମଣାଂ ଚ ଫଲପ୍ରଦଃ ।
ଜ୍ଞାନଦାତା ସଦାଚାରଃ ସର୍ଵୋପଦ୍ରଵମୋଚକଃ ॥ 34 ॥
ଅନାଥନାଥୋ ଭଗଵାନାଶ୍ରିତାମରପାଦପଃ ।
ଵରପ୍ରଦଃ ପ୍ରକାଶାତ୍ମା ସର୍ଵଭୂତହିତେ ରତଃ ॥ 35 ॥
ଵ୍ୟାଘ୍ରଚର୍ମାସନାସୀନ ଆଦିକର୍ତା ମହେଶ୍ଵରଃ ।
ସୁଵିକ୍ରମଃ ସର୍ଵଗତୋ ଵିଶିଷ୍ଟଜନଵତ୍ସଲଃ ॥ 36 ॥
ଚିଂତାଶୋକପ୍ରଶମନୋ ଜଗଦାନଂଦକାରକଃ ।
ରଶ୍ମିମାନ୍ ଭୁଵନେଶଶ୍ଚ ଦେଵାସୁରସୁପୂଜିତଃ ॥ 37 ॥
ମୃତ୍ୟୁଂଜୟୋ ଵ୍ୟୋମକେଶଃ ଷଟ୍ତ୍ରିଂଶତ୍ତତ୍ତ୍ଵସଂଗ୍ରହଃ ।
ଅଜ୍ଞାତସଂଭଵୋ ଭିକ୍ଷୁରଦ୍ଵିତୀୟୋ ଦିଗଂବରଃ ॥ 38 ॥
ସମସ୍ତଦେଵତାମୂର୍ତିଃ ସୋମସୂର୍ୟାଗ୍ନିଲୋଚନଃ ।
ସର୍ଵସାମ୍ରାଜ୍ୟନିପୁଣୋ ଧର୍ମମାର୍ଗପ୍ରଵର୍ତକଃ ॥ 39 ॥
ଵିଶ୍ଵାଧିକଃ ପଶୁପତିଃ ପଶୁପାଶଵିମୋଚକଃ ।
ଅଷ୍ଟମୂର୍ତିର୍ଦୀପ୍ତମୂର୍ତିର୍ନାମୋଚ୍ଚାରଣମୁକ୍ତିଦଃ ॥ 40 ॥
ସହସ୍ରାଦିତ୍ୟସଂକାଶଃ ସଦାଷୋଡଶଵାର୍ଷିକଃ ।
ଦିଵ୍ୟକେଲୀସମାୟୁକ୍ତୋ ଦିଵ୍ୟମାଲ୍ୟାଂବରାଵୃତଃ ॥ 41 ॥
ଅନର୍ଘରତ୍ନସଂପୂର୍ଣୋ ମଲ୍ଲିକାକୁସୁମପ୍ରିୟଃ ।
ତପ୍ତଚାମୀକରାକାରୋ ଜିତଦାଵାନଲାକୃତିଃ ॥ 42 ॥
ନିରଂଜନୋ ନିର୍ଵିକାରୋ ନିଜାଵାସୋ ନିରାକୃତିଃ ।
ଜଗଦ୍ଗୁରୁର୍ଜଗତ୍କର୍ତା ଜଗଦୀଶୋ ଜଗତ୍ପତିଃ ॥ 43 ॥
କାମହଂତା କାମମୂର୍ତିଃ କଳ୍ୟାଣଵୃଷଵାହନଃ ।
ଗଂଗାଧରୋ ମହାଦେଵୋ ଦୀନବଂଧଵିମୋଚକଃ ॥ 44 ॥
ଧୂର୍ଜଟିଃ ଖଂଡପରଶୁଃ ସଦ୍ଗୁଣୋ ଗିରିଜାସଖଃ ।
ଅଵ୍ୟୟୋ ଭୂତସେନେଶଃ ପାପଘ୍ନଃ ପୁଣ୍ୟଦାୟକଃ ॥ 45 ॥
ଉପଦେଷ୍ଟା ଦୃଢପ୍ରଜ୍ଞୋ ରୁଦ୍ରୋ ରୋଗଵିନାଶନଃ ।
ନିତ୍ୟାନଂଦୋ ନିରାଧାରୋ ହରୋ ଦେଵଶିଖାମଣିଃ ॥ 46 ॥
ପ୍ରଣତାର୍ତିହରଃ ସୋମଃ ସାଂଦ୍ରାନଂଦୋ ମହାମତିଃ ।
ଆଶ୍ଚର୍ୟଵୈଭଵୋ ଦେଵଃ ସଂସାରାର୍ଣଵତାରକଃ ॥ 47 ॥
ୟଜ୍ଞେଶୋ ରାଜରାଜେଶୋ ଭସ୍ମରୁଦ୍ରାକ୍ଷଲାଂଛନଃ ।
ଅନଂତସ୍ତାରକଃ ସ୍ଥାଣୁଃ ସର୍ଵଵିଦ୍ୟେଶ୍ଵରୋ ହରିଃ ॥ 48 ॥
ଵିଶ୍ଵରୂପୋ ଵିରୂପାକ୍ଷଃ ପ୍ରଭୁଃ ପରିବୃଢୋ ଦୃଢଃ ।
ଭଵ୍ୟୋ ଜିତାରିଷଡ୍ଵର୍ଗୋ ମହୋଦାରୋ ଵିଷାଶନଃ ॥ 49 ॥
ସୁକୀର୍ତିରାଦିପୁରୁଷୋ ଜରାମରଣଵର୍ଜିତଃ ।
ପ୍ରମାଣଭୂତୋ ଦୁର୍ଜ୍ଞେୟଃ ପୁଣ୍ୟଃ ପରପୁରଂଜୟଃ ॥ 50 ॥
ଗୁଣାକରୋ ଗୁଣଶ୍ରେଷ୍ଠଃ ସଚ୍ଚିଦାନଂଦଵିଗ୍ରହଃ ।
ସୁଖଦଃ କାରଣଂ କର୍ତା ଭଵବଂଧଵିମୋଚକଃ ॥ 51 ॥
ଅନିର୍ଵିଣ୍ଣୋ ଗୁଣଗ୍ରାହୀ ନିଷ୍କଳଂକଃ କଳଂକହା ।
ପୁରୁଷଃ ଶାଶ୍ଵତୋ ୟୋଗୀ ଵ୍ୟକ୍ତାଵ୍ୟକ୍ତଃ ସନାତନଃ ॥ 52 ॥
ଚରାଚରାତ୍ମା ସୂକ୍ଷ୍ମାତ୍ମା ଵିଶ୍ଵକର୍ମା ତମୋପହୃତ୍ ।
ଭୁଜଂଗଭୂଷଣୋ ଭର୍ଗସ୍ତରୁଣଃ କରୁଣାଲୟଃ ॥ 53 ॥
ଅଣିମାଦିଗୁଣୋପେତୋ ଲୋକଵଶ୍ୟଵିଧାୟକଃ ।
ୟୋଗପଟ୍ଟଧରୋ ମୁକ୍ତୋ ମୁକ୍ତାନାଂ ପରମା ଗତିଃ ॥ 54 ॥
ଗୁରୁରୂପଧରଃ ଶ୍ରୀମତ୍ପରମାନଂଦସାଗରଃ ।
ସହସ୍ରବାହୁଃ ସର୍ଵେଶଃ ସହସ୍ରାଵୟଵାନ୍ଵିତଃ ॥ 55 ॥
ସହସ୍ରମୂର୍ଧା ସର୍ଵାତ୍ମା ସହସ୍ରାକ୍ଷଃ ସହସ୍ରପାତ୍ ।
ନିରାଭାସଃ ସୂକ୍ଷ୍ମତନୁର୍ହୃଦି ଜ୍ଞାତଃ ପରାତ୍ପରଃ ॥ 56 ॥
ସର୍ଵାତ୍ମଗଃ ସର୍ଵସାକ୍ଷୀ ନିଃସଂଗୋ ନିରୁପଦ୍ରଵଃ ।
ନିଷ୍କଳଃ ସକଲାଧ୍ୟକ୍ଷଶ୍ଚିନ୍ମୟସ୍ତମସଃ ପରଃ ॥ 57 ॥
ଜ୍ଞାନଵୈରାଗ୍ୟସଂପନ୍ନୋ ୟୋଗାନଂଦମୟଃ ଶିଵଃ ।
ଶାଶ୍ଵତୈଶ୍ଵର୍ୟସଂପୂର୍ଣୋ ମହାୟୋଗୀଶ୍ଵରେଶ୍ଵରଃ ॥ 58 ॥
ସହସ୍ରଶକ୍ତିସଂୟୁକ୍ତଃ ପୁଣ୍ୟକାୟୋ ଦୁରାସଦଃ ।
ତାରକବ୍ରହ୍ମସଂପୂର୍ଣସ୍ତପସ୍ଵିଜନସଂଵୃତଃ ॥ 59 ॥
ଵିଧୀଂଦ୍ରାମରସଂପୂଜ୍ୟୋ ଜ୍ୟୋତିଷାଂ ଜ୍ୟୋତିରୁତ୍ତମଃ ।
ନିରକ୍ଷରୋ ନିରାଲଂବଃ ସ୍ଵାତ୍ମାରାମୋ ଵିକର୍ତନଃ ॥ 60 ॥
ନିରଵଦ୍ୟୋ ନିରାତଂକୋ ଭୀମୋ ଭୀମପରାକ୍ରମଃ ।
ଵୀରଭଦ୍ରଃ ପୁରାରାତିର୍ଜଲଂଧରଶିରୋହରଃ ॥ 61 ॥
ଅଂଧକାସୁରସଂହର୍ତା ଭଗନେତ୍ରଭିଦଦ୍ଭୁତଃ ।
ଵିଶ୍ଵଗ୍ରାସୋଽଧର୍ମଶତ୍ରୁର୍ବ୍ରହ୍ମଜ୍ଞାନୈକମଂଥରଃ ॥ 62 ॥
ଅଗ୍ରେସରସ୍ତୀର୍ଥଭୂତଃ ସିତଭସ୍ମାଵକୁଂଠନଃ ।
ଅକୁଂଠମେଧାଃ ଶ୍ରୀକଂଠୋ ଵୈକୁଂଠପରମପ୍ରିୟଃ ॥ 63 ॥
ଲଲାଟୋଜ୍ଜ୍ଵଲନେତ୍ରାବ୍ଜସ୍ତୁଷାରକରଶେଖରଃ ।
ଗଜାସୁରଶିରଶ୍ଛେତ୍ତା ଗଂଗୋଦ୍ଭାସିତମୂର୍ଧଜଃ ॥ 64 ॥
କଳ୍ୟାଣାଚଲକୋଦଂଡଃ କମଲାପତିସାୟକଃ ।
ଵାରାଂଶେଵଧିତୂଣୀରଃ ସରୋଜାସନସାରଥିଃ ॥ 65 ॥
ତ୍ରୟୀତୁରଂଗସଂକ୍ରାଂତୋ ଵାସୁକିଜ୍ୟାଵିରାଜିତଃ ।
ରଵୀଂଦୁଚରଣାଚାରିଧରାରଥଵିରାଜିତଃ ॥ 66 ॥
ତ୍ରୟ୍ୟଂତପ୍ରଗ୍ରହୋଦାରଚାରୁଘଂଟାରଵୋଜ୍ଜ୍ଵଲଃ ।
ଉତ୍ତାନପର୍ଵଲୋମାଢ୍ୟୋ ଲୀଲାଵିଜିତମନ୍ମଥଃ ॥ 67 ॥
ଜାତୁପ୍ରପନ୍ନଜନତାଜୀଵନୋପାୟନୋତ୍ସୁକଃ ।
ସଂସାରାର୍ଣଵନିର୍ମଗ୍ନସମୁଦ୍ଧରଣପଂଡିତଃ ॥ 68 ॥
ମଦଦ୍ଵିରଦଧିକ୍କାରିଗତିମଂଜୁଲଵୈଭଵଃ ।
ମତ୍ତକୋକିଲମାଧୁର୍ୟରସନିର୍ଭରଗୀର୍ଗଣଃ ॥ 69 ॥
କୈଵଲ୍ୟୋଦଧିକଲ୍ଲୋଲଲୀଲାତାଂଡଵପଂଡିତଃ ।
ଵିଷ୍ଣୁର୍ଜିଷ୍ଣୁର୍ଵାସୁଦେଵଃ ପ୍ରଭଵିଷ୍ଣୁଃ ପୁରାତନଃ ॥ 70 ॥
ଵର୍ଧିଷ୍ଣୁର୍ଵରଦୋ ଵୈଦ୍ୟୋ ହରିର୍ନାରାୟଣୋଽଚ୍ୟୁତଃ ।
ଅଜ୍ଞାନଵନଦାଵାଗ୍ନିଃ ପ୍ରଜ୍ଞାପ୍ରାସାଦଭୂପତିଃ ॥ 71 ॥
ସର୍ପଭୂଷିତସର୍ଵାଂଗଃ କର୍ପୂରୋଜ୍ଜ୍ଵଲିତାକୃତିଃ ।
ଅନାଦିମଧ୍ୟନିଧନୋ ଗିରୀଶୋ ଗିରିଜାପତିଃ ॥ 72 ॥
ଵୀତରାଗୋ ଵିନୀତାତ୍ମା ତପସ୍ଵୀ ଭୂତଭାଵନଃ ।
ଦେଵାସୁରଗୁରୁଧ୍ୟେୟୋ ଦେଵାସୁରନମସ୍କୃତଃ ॥ 73 ॥
ଦେଵାଦିଦେଵୋ ଦେଵର୍ଷିର୍ଦେଵାସୁରଵରପ୍ରଦଃ ।
ସର୍ଵଦେଵମୟୋଽଚିଂତ୍ୟୋ ଦେଵାତ୍ମା ଚାତ୍ମସଂଭଵଃ ॥ 74 ॥
ନିର୍ଲେପୋ ନିଷ୍ପ୍ରପଂଚାତ୍ମା ନିର୍ଵିଘ୍ନୋ ଵିଘ୍ନନାଶକଃ ।
ଏକଜ୍ୟୋତିର୍ନିରାତଂକୋ ଵ୍ୟାପ୍ତମୂର୍ତିରନାକୁଲଃ ॥ 75 ॥
ନିରଵଦ୍ୟପଦୋପାଧିର୍ଵିଦ୍ୟାରାଶିରନୁତ୍ତମଃ ।
ନିତ୍ୟାନଂଦଃ ସୁରାଧ୍ୟକ୍ଷୋ ନିଃସଂକଲ୍ପୋ ନିରଂଜନଃ ॥ 76 ॥
ନିଷ୍କଳଂକୋ ନିରାକାରୋ ନିଷ୍ପ୍ରପଂଚୋ ନିରାମୟଃ ।
ଵିଦ୍ୟାଧରୋ ଵିୟତ୍କେଶୋ ମାର୍କଂଡେୟଵରପ୍ରଦଃ ॥ 77 ॥
ଭୈରଵୋ ଭୈରଵୀନାଥଃ କାମଦଃ କମଲାସନଃ ।
ଵେଦଵେଦ୍ୟଃ ସୁରାନଂଦୋ ଲସଜ୍ଜ୍ୟୋତିଃ ପ୍ରଭାକରଃ ॥ 78 ॥
ଚୂଡାମଣିଃ ସୁରାଧୀଶୋ ୟଜ୍ଞଗେୟୋ ହରିପ୍ରିୟଃ ।
ନିର୍ଲେପୋ ନୀତିମାନ୍ ସୂତ୍ରୀ ଶ୍ରୀହାଲାହଲସୁଂଦରଃ ॥ 79 ॥
ଧର୍ମଦକ୍ଷୋ ମହାରାଜଃ କିରୀଟୀ ଵଂଦିତୋ ଗୁହଃ ।
ମାଧଵୋ ୟାମିନୀନାଥଃ ଶଂବରଃ ଶବରୀପ୍ରିୟଃ ॥ 80 ॥
ସଂଗୀତଵେତ୍ତା ଲୋକଜ୍ଞଃ ଶାଂତଃ କଲଶସଂଭଵଃ ।
ବ୍ରହ୍ମଣ୍ୟୋ ଵରଦୋ ନିତ୍ୟଃ ଶୂଲୀ ଗୁରୁଵରୋ ହରଃ ॥ 81 ॥
ମାର୍ତାଂଡଃ ପୁଂଡରୀକାକ୍ଷୋ ଲୋକନାୟକଵିକ୍ରମଃ ।
ମୁକୁଂଦାର୍ଚ୍ୟୋ ଵୈଦ୍ୟନାଥଃ ପୁରଂଦରଵରପ୍ରଦଃ ॥ 82 ॥
ଭାଷାଵିହୀନୋ ଭାଷାଜ୍ଞୋ ଵିଘ୍ନେଶୋ ଵିଘ୍ନନାଶନଃ ।
କିନ୍ନରେଶୋ ବୃହଦ୍ଭାନୁଃ ଶ୍ରୀନିଵାସଃ କପାଲଭୃତ୍ ॥ 83 ॥
ଵିଜୟୋ ଭୂତଭାଵଜ୍ଞୋ ଭୀମସେନୋ ଦିଵାକରଃ ।
ବିଲ୍ଵପ୍ରିୟୋ ଵସିଷ୍ଠେଶଃ ସର୍ଵମାର୍ଗପ୍ରଵର୍ତକଃ ॥ 84 ॥
ଓଷଧୀଶୋ ଵାମଦେଵୋ ଗୋଵିଂଦୋ ନୀଲଲୋହିତଃ ।
ଷଡର୍ଧନୟନଃ ଶ୍ରୀମନ୍ମହାଦେଵୋ ଵୃଷଧ୍ଵଜଃ ॥ 85 ॥
କର୍ପୂରଦୀପିକାଲୋଲଃ କର୍ପୂରରସଚର୍ଚିତଃ ।
ଅଵ୍ୟାଜକରୁଣାମୂର୍ତିସ୍ତ୍ୟାଗରାଜଃ କ୍ଷପାକରଃ ॥ 86 ॥
ଆଶ୍ଚର୍ୟଵିଗ୍ରହଃ ସୂକ୍ଷ୍ମଃ ସିଦ୍ଧେଶଃ ସ୍ଵର୍ଣଭୈରଵଃ ।
ଦେଵରାଜଃ କୃପାସିଂଧୁରଦ୍ଵୟୋଽମିତଵିକ୍ରମଃ ॥ 87 ॥
ନିର୍ଭେଦୋ ନିତ୍ୟସତ୍ଵସ୍ଥୋ ନିର୍ୟୋଗକ୍ଷେମ ଆତ୍ମଵାନ୍ ।
ନିରପାୟୋ ନିରାସଂଗୋ ନିଃଶବ୍ଦୋ ନିରୁପାଧିକଃ ॥ 88 ॥
ଭଵଃ ସର୍ଵେଶ୍ଵରଃ ସ୍ଵାମୀ ଭଵଭୀତିଵିଭଂଜନଃ ।
ଦାରିଦ୍ର୍ୟତୃଣକୂଟାଗ୍ନିର୍ଦାରିତାସୁରସଂତତିଃ ॥ 89 ॥
ମୁକ୍ତିଦୋ ମୁଦିତୋଽକୁବ୍ଜୋ ଧାର୍ମିକୋ ଭକ୍ତଵତ୍ସଲଃ ।
ଅଭ୍ୟାସାତିଶୟଜ୍ଞେୟଶ୍ଚଂଦ୍ରମୌଳିଃ କଳାଧରଃ ॥ 90 ॥
ମହାବଲୋ ମହାଵୀର୍ୟୋ ଵିଭୁଃ ଶ୍ରୀଶଃ ଶୁଭପ୍ରଦଃ ।
ସିଦ୍ଧଃ ପୁରାଣପୁରୁଷୋ ରଣମଂଡଲଭୈରଵଃ ॥ 91 ॥
ସଦ୍ୟୋଜାତୋ ଵଟାରଣ୍ୟଵାସୀ ପୁରୁଷଵଲ୍ଲଭଃ ।
ହରିକେଶୋ ମହାତ୍ରାତା ନୀଲଗ୍ରୀଵଃ ସୁମଂଗଳଃ ॥ 92 ॥
ହିରଣ୍ୟବାହୁସ୍ତୀକ୍ଷ୍ଣାଂଶୁଃ କାମେଶଃ ସୋମଵିଗ୍ରହଃ ।
ସର୍ଵାତ୍ମା ସର୍ଵକର୍ତା ଚ ତାଂଡଵୋ ମୁଂଡମାଲିକଃ ॥ 93 ॥
ଅଗ୍ରଗଣ୍ୟଃ ସୁଗଂଭୀରୋ ଦେଶିକୋ ଵୈଦିକୋତ୍ତମଃ ।
ପ୍ରସନ୍ନଦେଵୋ ଵାଗୀଶଶ୍ଚିଂତାତିମିରଭାସ୍କରଃ ॥ 94 ॥
ଗୌରୀପତିସ୍ତୁଂଗମୌଳିର୍ମଖରାଜୋ ମହାକଵିଃ ।
ଶ୍ରୀଧରଃ ସର୍ଵସିଦ୍ଧେଶୋ ଵିଶ୍ଵନାଥୋ ଦୟାନିଧିଃ ॥ 95 ॥
ଅଂତର୍ମୁଖୋ ବହିର୍ଦୃଷ୍ଟିଃ ସିଦ୍ଧଵେଷମନୋହରଃ ।
କୃତ୍ତିଵାସାଃ କୃପାସିଂଧୁର୍ମଂତ୍ରସିଦ୍ଧୋ ମତିପ୍ରଦଃ ॥ 96 ॥
ମହୋତ୍କୃଷ୍ଟଃ ପୁଣ୍ୟକରୋ ଜଗତ୍ସାକ୍ଷୀ ସଦାଶିଵଃ ।
ମହାକ୍ରତୁର୍ମହାୟଜ୍ଵା ଵିଶ୍ଵକର୍ମା ତପୋନିଧିଃ ॥ 97 ॥
ଛଂଦୋମୟୋ ମହାଜ୍ଞାନୀ ସର୍ଵଜ୍ଞୋ ଦେଵଵଂଦିତଃ ।
ସାର୍ଵଭୌମଃ ସଦାନଂଦଃ କରୁଣାମୃତଵାରିଧିଃ ॥ 98 ॥
କାଲକାଲଃ କଲିଧ୍ଵଂସୀ ଜରାମରଣନାଶକଃ ।
ଶିତିକଂଠଶ୍ଚିଦାନଂଦୋ ୟୋଗିନୀଗଣସେଵିତଃ ॥ 99 ॥
ଚଂଡୀଶଃ ଶୁକସଂଵେଦ୍ୟଃ ପୁଣ୍ୟଶ୍ଲୋକୋ ଦିଵସ୍ପତିଃ ।
ସ୍ଥାୟୀ ସକଲତତ୍ତ୍ଵାତ୍ମା ସଦାସେଵକଵର୍ଧନଃ ॥ 100 ॥
ରୋହିତାଶ୍ଵଃ କ୍ଷମାରୂପୀ ତପ୍ତଚାମୀକରପ୍ରଭଃ ।
ତ୍ରିୟଂବକୋ ଵରରୁଚିର୍ଦେଵଦେଵଶ୍ଚତୁର୍ଭୁଜଃ ॥ 101 ॥
ଵିଶ୍ଵଂଭରୋ ଵିଚିତ୍ରାଂଗୋ ଵିଧାତା ପୁରଶାସନଃ ।
ସୁବ୍ରହ୍ମଣ୍ୟୋ ଜଗତ୍ସ୍ଵାମୀ ରୋହିତାକ୍ଷଃ ଶିଵୋତ୍ତମଃ ॥ 102 ॥
ନକ୍ଷତ୍ରମାଲାଭରଣୋ ମଘଵାନ୍ ଅଘନାଶନଃ ।
ଵିଧିକର୍ତା ଵିଧାନଜ୍ଞଃ ପ୍ରଧାନପୁରୁଷେଶ୍ଵରଃ ॥ 103 ॥
ଚିଂତାମଣିଃ ସୁରଗୁରୁର୍ଧ୍ୟେୟୋ ନୀରାଜନପ୍ରିୟଃ ।
ଗୋଵିଂଦୋ ରାଜରାଜେଶୋ ବହୁପୁଷ୍ପାର୍ଚନପ୍ରିୟଃ ॥ 104 ॥
ସର୍ଵାନଂଦୋ ଦୟାରୂପୀ ଶୈଲଜାସୁମନୋହରଃ ।
ସୁଵିକ୍ରମଃ ସର୍ଵଗତୋ ହେତୁସାଧନଵର୍ଜିତଃ ॥ 105 ॥
ଵୃଷାଂକୋ ରମଣୀୟାଂଗଃ ସଦଂଘ୍ରିଃ ସାମପାରଗଃ ।
ମଂତ୍ରାତ୍ମା କୋଟିକଂଦର୍ପସୌଂଦର୍ୟରସଵାରିଧିଃ ॥ 106 ॥
ୟଜ୍ଞେଶୋ ୟଜ୍ଞପୁରୁଷଃ ସୃଷ୍ଟିସ୍ଥିତ୍ୟଂତକାରଣମ୍ ।
ପରହଂସୈକଜିଜ୍ଞାସ୍ୟଃ ସ୍ଵପ୍ରକାଶସ୍ଵରୂପଵାନ୍ ॥ 107 ॥
ମୁନିମୃଗ୍ୟୋ ଦେଵମୃଗ୍ୟୋ ମୃଗହସ୍ତୋ ମୃଗେଶ୍ଵରଃ ।
ମୃଗେଂଦ୍ରଚର୍ମଵସନୋ ନରସିଂହନିପାତନଃ ॥ 108 ॥
ମୁନିଵଂଦ୍ୟୋ ମୁନିଶ୍ରେଷ୍ଠୋ ମୁନିବୃଂଦନିଷେଵିତଃ ।
ଦୁଷ୍ଟମୃତ୍ୟୁରଦୁଷ୍ଟେହୋ ମୃତ୍ୟୁହା ମୃତ୍ୟୁପୂଜିତଃ ॥ 109 ॥
ଅଵ୍ୟକ୍ତୋଽଂବୁଜଜନ୍ମାଦିକୋଟିକୋଟିସୁପୂଜିତଃ ।
ଲିଂଗମୂର୍ତିରଲିଂଗାତ୍ମା ଲିଂଗାତ୍ମା ଲିଂଗଵିଗ୍ରହଃ ॥ 110 ॥
ୟଜୁର୍ମୂର୍ତିଃ ସାମମୂର୍ତିରୃଙ୍ମୂର୍ତିର୍ମୂର୍ତିଵର୍ଜିତଃ ।
ଵିଶ୍ଵେଶୋ ଗଜଚର୍ମୈକଚେଲାଂଚିତକଟୀତଟଃ ॥ 111 ॥
ପାଵନାଂତେଵସଦ୍ୟୋଗିଜନସାର୍ଥସୁଧାକରଃ ।
ଅନଂତସୋମସୂର୍ୟାଗ୍ନିମଂଡଲପ୍ରତିମପ୍ରଭଃ ॥ 112 ॥
ଚିଂତାଶୋକପ୍ରଶମନଃ ସର୍ଵଵିଦ୍ୟାଵିଶାରଦଃ ।
ଭକ୍ତଵିଜ୍ଞପ୍ତିସଂଧାତା କର୍ତା ଗିରିଵରାକୃତିଃ ॥ 113 ॥
ଜ୍ଞାନପ୍ରଦୋ ମନୋଵାସଃ କ୍ଷେମ୍ୟୋ ମୋହଵିନାଶନଃ ।
ସୁରୋତ୍ତମଶ୍ଚିତ୍ରଭାନୁଃ ସଦାଵୈଭଵତତ୍ପରଃ ॥ 114 ॥
ସୁହୃଦଗ୍ରେସରଃ ସିଦ୍ଧଜ୍ଞାନମୁଦ୍ରୋ ଗଣାଧିପଃ ।
ଆଗମଶ୍ଚର୍ମଵସନୋ ଵାଂଛିତାର୍ଥଫଲପ୍ରଦଃ ॥ 115 ॥
ଅଂତର୍ହିତୋଽସମାନଶ୍ଚ ଦେଵସିଂହାସନାଧିପଃ ।
ଵିଵାଦହଂତା ସର୍ଵାତ୍ମା କାଲଃ କାଲଵିଵର୍ଜିତଃ ॥ 116 ॥
ଵିଶ୍ଵାତୀତୋ ଵିଶ୍ଵକର୍ତା ଵିଶ୍ଵେଶୋ ଵିଶ୍ଵକାରଣମ୍ ।
ୟୋଗିଧ୍ୟେୟୋ ୟୋଗନିଷ୍ଠୋ ୟୋଗାତ୍ମା ୟୋଗଵିତ୍ତମଃ ॥ 117 ॥
ଓଂକାରରୂପୋ ଭଗଵାନ୍ ବିଂଦୁନାଦମୟଃ ଶିଵଃ ।
ଚତୁର୍ମୁଖାଦିସଂସ୍ତୁତ୍ୟଶ୍ଚତୁର୍ଵର୍ଗଫଲପ୍ରଦଃ ॥ 118 ॥
ସହ୍ୟାଚଲଗୁହାଵାସୀ ସାକ୍ଷାନ୍ମୋକ୍ଷରସାମୃତଃ ।
ଦକ୍ଷାଧ୍ଵରସମୁଚ୍ଛେତ୍ତା ପକ୍ଷପାତଵିଵର୍ଜିତଃ ॥ 119 ॥
ଓଂକାରଵାଚକଃ ଶଂଭୁଃ ଶଂକରଃ ଶଶିଶୀତଲଃ ।
ପଂକଜାସନସଂସେଵ୍ୟଃ କିଂକରାମରଵତ୍ସଲଃ ॥ 120 ॥
ନତଦୌର୍ଭାଗ୍ୟତୂଲାଗ୍ନିଃ କୃତକୌତୁକମଂଗଳଃ ।
ତ୍ରିଲୋକମୋହନଃ ଶ୍ରୀମତ୍ତ୍ରିପୁଂଡ୍ରାଂକିତମସ୍ତକଃ ॥ 121 ॥
କ୍ରୌଂଚାରିଜନକଃ ଶ୍ରୀମଦ୍ଗଣନାଥସୁତାନ୍ଵିତଃ ।
ଅଦ୍ଭୁତାନଂତଵରଦୋଽପରିଚ୍ଛିନାତ୍ମଵୈଭଵଃ ॥ 122 ॥
ଇଷ୍ଟାପୂର୍ତପ୍ରିୟଃ ଶର୍ଵ ଏକଵୀରଃ ପ୍ରିୟଂଵଦଃ ।
ଊହାପୋହଵିନିର୍ମୁକ୍ତ ଓଂକାରେଶ୍ଵରପୂଜିତଃ ॥ 123 ॥
ରୁଦ୍ରାକ୍ଷଵକ୍ଷା ରୁଦ୍ରାକ୍ଷରୂପୋ ରୁଦ୍ରାକ୍ଷପକ୍ଷକଃ ।
ଭୁଜଗେଂଦ୍ରଲସତ୍କଂଠୋ ଭୁଜଂଗାଭରଣପ୍ରିୟଃ ॥ 124 ॥
କଳ୍ୟାଣରୂପଃ କଳ୍ୟାଣଃ କଳ୍ୟାଣଗୁଣସଂଶ୍ରୟଃ ।
ସୁଂଦରଭ୍ରୂଃ ସୁନୟନଃ ସୁଲଲାଟଃ ସୁକଂଧରଃ ॥ 125 ॥
ଵିଦ୍ଵଜ୍ଜନାଶ୍ରୟୋ ଵିଦ୍ଵଜ୍ଜନସ୍ତଵ୍ୟପରାକ୍ରମଃ ।
ଵିନୀତଵତ୍ସଲୋ ନୀତିସ୍ଵରୂପୋ ନୀତିସଂଶ୍ରୟଃ ॥ 126 ॥
ଅତିରାଗୀ ଵୀତରାଗୀ ରାଗହେତୁର୍ଵିରାଗଵିତ୍ ।
ରାଗହା ରାଗଶମନୋ ରାଗଦୋ ରାଗିରାଗଵିତ୍ ॥ 127 ॥
ମନୋନ୍ମନୋ ମନୋରୂପୋ ବଲପ୍ରମଥନୋ ବଲଃ ।
ଵିଦ୍ୟାକରୋ ମହାଵିଦ୍ୟୋ ଵିଦ୍ୟାଵିଦ୍ୟାଵିଶାରଦଃ ॥ 128 ॥
ଵସଂତକୃଦ୍ଵସଂତାତ୍ମା ଵସଂତେଶୋ ଵସଂତଦଃ ।
ପ୍ରାଵୃଟ୍କୃତ୍ ପ୍ରାଵୃଡାକାରଃ ପ୍ରାଵୃଟ୍କାଲପ୍ରଵର୍ତକଃ ॥ 129 ॥
ଶରନ୍ନାଥୋ ଶରତ୍କାଲନାଶକଃ ଶରଦାଶ୍ରୟଃ ।
କୁଂଦମଂଦାରପୁଷ୍ପୌଘଲସଦ୍ଵାୟୁନିଷେଵିତଃ ॥ 130 ॥
ଦିଵ୍ୟଦେହପ୍ରଭାକୂଟସଂଦୀପିତଦିଗଂତରଃ ।
ଦେଵାସୁରଗୁରୁସ୍ତଵ୍ୟୋ ଦେଵାସୁରନମସ୍କୃତଃ ॥ 131 ॥
ଵାମାଂଗଭାଗଵିଲସଚ୍ଛ୍ୟାମଲାଵୀକ୍ଷଣପ୍ରିୟଃ ।
କୀର୍ତ୍ୟାଧାରଃ କୀର୍ତିକରଃ କୀର୍ତିହେତୁରହେତୁକଃ ॥ 132 ॥
ଶରଣାଗତଦୀନାର୍ତପରିତ୍ରାଣପରାୟଣଃ ।
ମହାପ୍ରେତାସନାସୀନୋ ଜିତସର୍ଵପିତାମହଃ ॥ 133 ॥
ମୁକ୍ତାଦାମପରୀତାଂଗୋ ନାନାଗାନଵିଶାରଦଃ ।
ଵିଷ୍ଣୁବ୍ରହ୍ମାଦିଵଂଦ୍ୟାଂଘ୍ରିର୍ନାନାଦେଶୈକନାୟକଃ ॥ 134 ॥
ଧୀରୋଦାତ୍ତୋ ମହାଧୀରୋ ଧୈର୍ୟଦୋ ଧୈର୍ୟଵର୍ଧକଃ ।
ଵିଜ୍ଞାନମୟ ଆନଂଦମୟଃ ପ୍ରାଣମୟୋଽନ୍ନଦଃ ॥ 135 ॥
ଭଵାବ୍ଧିତରଣୋପାୟଃ କଵିର୍ଦୁଃସ୍ଵପ୍ନନାଶନଃ ।
ଗୌରୀଵିଲାସସଦନଃ ପିଶଚାନୁଚରାଵୃତଃ ॥ 136 ॥
ଦକ୍ଷିଣାପ୍ରେମସଂତୁଷ୍ଟୋ ଦାରିଦ୍ର୍ୟଵଡଵାନଲଃ ।
ଅଦ୍ଭୁତାନଂତସଂଗ୍ରାମୋ ଢକ୍କାଵାଦନତତ୍ପରଃ ॥ 137 ॥
ପ୍ରାଚ୍ୟାତ୍ମା ଦକ୍ଷିଣାକାରଃ ପ୍ରତୀଚ୍ୟାତ୍ମୋତ୍ତରାକୃତିଃ ।
ଊର୍ଧ୍ଵାଦ୍ୟନ୍ୟଦିଗାକାରୋ ମର୍ମଜ୍ଞଃ ସର୍ଵଶିକ୍ଷକଃ ॥ 138 ॥
ୟୁଗାଵହୋ ୟୁଗାଧୀଶୋ ୟୁଗାତ୍ମା ୟୁଗନାୟକଃ ।
ଜଂଗମଃ ସ୍ଥାଵରାକାରଃ କୈଲାସଶିଖରପ୍ରିୟଃ ॥ 139 ॥
ହସ୍ତରାଜତ୍ପୁଂଡରୀକଃ ପୁଂଡରୀକନିଭେକ୍ଷଣଃ ।
ଲୀଲାଵିଡଂବିତଵପୁର୍ଭକ୍ତମାନସମଂଡିତଃ ॥ 140 ॥
ବୃଂଦାରକପ୍ରିୟତମୋ ବୃଂଦାରକଵରାର୍ଚିତଃ ।
ନାନାଵିଧାନେକରତ୍ନଲସତ୍କୁଂଡଲମଂଡିତଃ ॥ 141 ॥
ନିଃସୀମମହିମା ନିତ୍ୟଲୀଲାଵିଗ୍ରହରୂପଧୃତ୍ ।
ଚଂଦନଦ୍ରଵଦିଗ୍ଧାଂଗଶ୍ଚାଂପେୟକୁସୁମାର୍ଚିତଃ ॥ 142 ॥
ସମସ୍ତଭକ୍ତସୁଖଦଃ ପରମାଣୁର୍ମହାହ୍ରଦଃ ।
ଅଲୌକିକୋ ଦୁଷ୍ପ୍ରଧର୍ଷଃ କପିଲଃ କାଲକଂଧରଃ ॥ 143 ॥
କର୍ପୂରଗୌରଃ କୁଶଲଃ ସତ୍ୟସଂଧୋ ଜିତେଂଦ୍ରିୟଃ ।
ଶାଶ୍ଵତୈଶ୍ଵର୍ୟଵିଭଵଃ ପୋଷକଃ ସୁସମାହିତଃ ॥ 144 ॥
ମହର୍ଷିନାଥିତୋ ବ୍ରହ୍ମୟୋନିଃ ସର୍ଵୋତ୍ତମୋତ୍ତମଃ ।
ଭୂମିଭାରାର୍ତିସଂହର୍ତା ଷଡୂର୍ମିରହିତୋ ମୃଡଃ ॥ 145 ॥
ତ୍ରିଵିଷ୍ଟପେଶ୍ଵରଃ ସର୍ଵହୃଦୟାଂବୁଜମଧ୍ୟଗଃ ।
ସହସ୍ରଦଳପଦ୍ମସ୍ଥଃ ସର୍ଵଵର୍ଣୋପଶୋଭିତଃ ॥ 146 ॥
ପୁଣ୍ୟମୂର୍ତିଃ ପୁଣ୍ୟଲଭ୍ୟଃ ପୁଣ୍ୟଶ୍ରଵଣକୀର୍ତନଃ ।
ସୂର୍ୟମଂଡଲମଧ୍ୟସ୍ଥଶ୍ଚଂଦ୍ରମଂଡଲମଧ୍ୟଗଃ ॥ 147 ॥
ସଦ୍ଭକ୍ତଧ୍ୟାନନିଗଲଃ ଶରଣାଗତପାଲକଃ ।
ଶ୍ଵେତାତପତ୍ରରୁଚିରଃ ଶ୍ଵେତଚାମରଵୀଜିତଃ ॥ 148 ॥
ସର୍ଵାଵୟଵସଂପୂର୍ଣଃ ସର୍ଵଲକ୍ଷଣଲକ୍ଷିତଃ ।
ସର୍ଵମଂଗଳମାଂଗଳ୍ୟଃ ସର୍ଵକାରଣକାରଣଃ ॥ 149 ॥
ଆମୋଦୋ ମୋଦଜନକଃ ସର୍ପରାଜୋତ୍ତରୀୟକଃ ।
କପାଲୀ କୋଵିଦଃ ସିଦ୍ଧକାଂତିସଂଵଲିତାନନଃ ॥ 150 ॥
ସର୍ଵସଦ୍ଗୁରୁସଂସେଵ୍ୟୋ ଦିଵ୍ୟଚଂଦନଚର୍ଚିତଃ ।
ଵିଲାସିନୀକୃତୋଲ୍ଲାସ ଇଚ୍ଛାଶକ୍ତିନିଷେଵିତଃ ॥ 151 ॥
ଅନଂତାନଂଦସୁଖଦୋ ନଂଦନଃ ଶ୍ରୀନିକେତନଃ ।
ଅମୃତାବ୍ଧିକୃତାଵାସୋ ନିତ୍ୟକ୍ଲୀବୋ ନିରାମୟଃ ॥ 152 ॥
ଅନପାୟୋଽନଂତଦୃଷ୍ଟିରପ୍ରମେୟୋଽଜରୋଽମରଃ ।
ତମୋମୋହପ୍ରତିହତିରପ୍ରତର୍କ୍ୟୋଽମୃତୋଽକ୍ଷରଃ ॥ 153 ॥
ଅମୋଘବୁଦ୍ଧିରାଧାର ଆଧାରାଧେୟଵର୍ଜିତଃ ।
ଈଷଣାତ୍ରୟନିର୍ମୁକ୍ତ ଇହାମୁତ୍ରଵିଵର୍ଜିତଃ ॥ 154 ॥
ଋଗ୍ୟଜୁଃସାମନୟନୋ ବୁଦ୍ଧିସିଦ୍ଧିସମୃଦ୍ଧିଦଃ ।
ଔଦାର୍ୟନିଧିରାପୂର୍ଣ ଐହିକାମୁଷ୍ମିକପ୍ରଦଃ ॥ 155 ॥
ଶୁଦ୍ଧସନ୍ମାତ୍ରସଂଵିଦ୍ଧୀସ୍ଵରୂପସୁଖଵିଗ୍ରହଃ ।
ଦର୍ଶନପ୍ରଥମାଭାସୋ ଦୃଷ୍ଟିଦୃଶ୍ୟଵିଵର୍ଜିତଃ ॥ 156 ॥
ଅଗ୍ରଗଣ୍ୟୋଽଚିଂତ୍ୟରୂପଃ କଲିକଲ୍ମଷନାଶନଃ ।
ଵିମର୍ଶରୂପୋ ଵିମଲୋ ନିତ୍ୟରୂପୋ ନିରାଶ୍ରୟଃ ॥ 157 ॥
ନିତ୍ୟଶୁଦ୍ଧୋ ନିତ୍ୟବୁଦ୍ଧୋ ନିତ୍ୟମୁକ୍ତୋଽପରାକୃତଃ ।
ମୈତ୍ର୍ୟାଦିଵାସନାଲଭ୍ୟୋ ମହାପ୍ରଳୟସଂସ୍ଥିତଃ ॥ 158 ॥
ମହାକୈଲାସନିଲୟଃ ପ୍ରଜ୍ଞାନଘନଵିଗ୍ରହଃ ।
ଶ୍ରୀମାନ୍ ଵ୍ୟାଘ୍ରପୁରାଵାସୋ ଭୁକ୍ତିମୁକ୍ତିପ୍ରଦାୟକଃ ॥ 159 ॥
ଜଗଦ୍ୟୋନିର୍ଜଗତ୍ସାକ୍ଷୀ ଜଗଦୀଶୋ ଜଗନ୍ମୟଃ ।
ଜପୋ ଜପପରୋ ଜପ୍ୟୋ ଵିଦ୍ୟାସିଂହାସନପ୍ରଭୁଃ ॥ 160 ॥
ତତ୍ତ୍ଵାନାଂ ପ୍ରକୃତିସ୍ତତ୍ତ୍ଵଂ ତତ୍ତ୍ଵଂପଦନିରୂପିତଃ ।
ଦିକ୍କାଲାଦ୍ୟନଵଚ୍ଛିନ୍ନଃ ସହଜାନଂଦସାଗରଃ ॥ 161 ॥
ପ୍ରକୃତିଃ ପ୍ରାକୃତାତୀତୋ ଵିଜ୍ଞାନୈକରସାକୃତିଃ ।
ନିଃଶଂକମତିଦୂରସ୍ଥଶ୍ଚୈତ୍ୟଚେତନଚିଂତନଃ ॥ 162 ॥
ତାରକାନାଂ ହୃଦଂତସ୍ଥସ୍ତାରକସ୍ତାରକାଂତକଃ ।
ଧ୍ୟାନୈକପ୍ରକଟୋ ଧ୍ୟେୟୋ ଧ୍ୟାନୀ ଧ୍ୟାନଵିଭୂଷଣଃ ॥ 163 ॥
ପରଂ ଵ୍ୟୋମ ପରଂ ଧାମ ପରମାତ୍ମା ପରଂ ପଦମ୍ ।
ପୂର୍ଣାନଂଦଃ ସଦାନଂଦୋ ନାଦମଧ୍ୟପ୍ରତିଷ୍ଠିତଃ ॥ 164 ॥
ପ୍ରମାଵିପର୍ୟୟାତୀତଃ ପ୍ରଣତାଜ୍ଞାନନାଶକଃ ।
ବାଣାର୍ଚିତାଂଘ୍ରିର୍ବହୁଦୋ ବାଲକେଳିକୁତୂହଲୀ ॥ 165 ॥
ବ୍ରହ୍ମରୂପୀ ବ୍ରହ୍ମପଦଂ ବ୍ରହ୍ମଵିଦ୍ବ୍ରାହ୍ମଣପ୍ରିୟଃ ।
ଭୂକ୍ଷେପଦତ୍ତଲକ୍ଷ୍ମୀକୋ ଭ୍ରୂମଧ୍ୟଧ୍ୟାନଲକ୍ଷିତଃ ॥ 166 ॥
ୟଶସ୍କରୋ ରତ୍ନଗର୍ଭୋ ମହାରାଜ୍ୟସୁଖପ୍ରଦଃ ।
ଶବ୍ଦବ୍ରହ୍ମ ଶମପ୍ରାପ୍ୟୋ ଲାଭକୃଲ୍ଲୋକଵିଶ୍ରୁତଃ ॥ 167 ॥
ଶାସ୍ତା ଶିଵାଦ୍ରିନିଲୟଃ ଶରଣ୍ୟୋ ୟାଜକପ୍ରିୟଃ ।
ସଂସାରଵୈଦ୍ୟଃ ସର୍ଵଜ୍ଞଃ ସଭେଷଜଵିଭେଷଜଃ ॥ 168 ॥
ମନୋଵଚୋଭିରଗ୍ରାହ୍ୟଃ ପଂଚକୋଶଵିଲକ୍ଷଣଃ ।
ଅଵସ୍ଥାତ୍ରୟନିର୍ମୁକ୍ତସ୍ତ୍ଵଵସ୍ଥାସାକ୍ଷିତୁର୍ୟକଃ ॥ 169 ॥
ପଂଚଭୂତାଦିଦୂରସ୍ଥଃ ପ୍ରତ୍ୟଗେକରସୋଽଵ୍ୟୟଃ ।
ଷଟ୍ଚକ୍ରାଂତର୍ଗତୋଲ୍ଲାସୀ ଷଡ୍ଵିକାରଵିଵର୍ଜିତଃ ॥ 170 ॥
ଵିଜ୍ଞାନଘନସଂପୂର୍ଣୋ ଵୀଣାଵାଦନତତ୍ପରଃ ।
ନୀହାରାକାରଗୌରାଂଗୋ ମହାଲାଵଣ୍ୟଵାରିଧିଃ ॥ 171 ॥
ପରାଭିଚାରଶମନଃ ଷଡଧ୍ଵୋପରିସଂସ୍ଥିତଃ ।
ସୁଷୁମ୍ନାମାର୍ଗସଂଚାରୀ ବିସତଂତୁନିଭାକୃତିଃ ॥ 172 ॥
ପିନାକୀ ଲିଂଗରୂପଶ୍ରୀଃ ମଂଗଳାଵୟଵୋଜ୍ଜ୍ଵଲଃ ।
କ୍ଷେତ୍ରାଧିପଃ ସୁସଂଵେଦ୍ୟଃ ଶ୍ରୀପ୍ରଦୋ ଵିଭଵପ୍ରଦଃ ॥ 173 ॥
ସର୍ଵଵଶ୍ୟକରଃ ସର୍ଵଦୋଷହା ପୁତ୍ରପୌତ୍ରଦଃ ।
ତୈଲଦୀପପ୍ରିୟସ୍ତୈଲପକ୍ଵାନ୍ନପ୍ରୀତମାନସଃ ॥ 174 ॥
ତୈଲାଭିଷେକସଂତୁଷ୍ଟସ୍ତିଲଭକ୍ଷଣତତ୍ପରଃ ।
ଆପାଦକଣିକାମୁକ୍ତାଭୂଷାଶତମନୋହରଃ ॥ 175 ॥
ଶାଣୋଲ୍ଲୀଢମଣିଶ୍ରେଣୀରମ୍ୟାଂଘ୍ରିନଖମଂଡଲଃ ।
ମଣିମଂଜୀରକିରଣକିଂଜଲ୍କିତପଦାଂବୁଜଃ ॥ 176 ॥
ଅପସ୍ମାରୋପରିନ୍ୟସ୍ତସଵ୍ୟପାଦସରୋରୁହଃ ।
କଂଦର୍ପତୂଣାଭଜଂଘୋ ଗୁଲ୍ଫୋଦଂଚିତନୂପୁରଃ ॥ 177 ॥
କରିହସ୍ତୋପମେୟୋରୁରାଦର୍ଶୋଜ୍ଜ୍ଵଲଜାନୁଭୃତ୍ ।
ଵିଶଂକଟକଟିନ୍ୟସ୍ତଵାଚାଲମଣିମେଖଲଃ ॥ 178 ॥
ଆଵର୍ତନାଭିରୋମାଲିଵଲିମତ୍ପଲ୍ଲଵୋଦରଃ ।
ମୁକ୍ତାହାରଲସତ୍ତୁଂଗଵିପୁଲୋରସ୍କରଂଜିତଃ ॥ 179 ॥
ଵୀରାସନସମାସୀନୋ ଵୀଣାପୁସ୍ତୋଲ୍ଲସତ୍କରଃ ।
ଅକ୍ଷମାଲାଲସତ୍ପାଣିଶ୍ଚିନ୍ମୁଦ୍ରିତକରାଂବୁଜଃ ॥ 180 ॥
ମାଣିକ୍ୟକଂକଣୋଲ୍ଲାସିକରାଂବୁଜଵିରାଜିତଃ ।
ଅନର୍ଘରତ୍ନଗ୍ରୈଵେୟଵିଲସତ୍କଂବୁକଂଧରଃ ॥ 181 ॥
ଅନାକଲିତସାଦୃଶ୍ୟଚିବୁକଶ୍ରୀଵିରାଜିତଃ ।
ମୁଗ୍ଧସ୍ମିତପରୀପାକପ୍ରକାଶିତରଦାଂକୁରଃ ॥ 182 ॥
ଚାରୁଚାଂପେୟପୁଷ୍ପାଭନାସିକାପୁଟରଂଜିତଃ ।
ଵରଵଜ୍ରଶିଲାଦର୍ଶପରିଭାଵିକପୋଲଭୂଃ ॥ 183 ॥
କର୍ଣଦ୍ଵୟୋଲ୍ଲସଦ୍ଦିଵ୍ୟମଣିକୁଂଡଲମଂଡିତଃ ।
କରୁଣାଲହରୀପୂର୍ଣକର୍ଣାଂତାୟତଲୋଚନଃ ॥ 184 ॥
ଅର୍ଧଚଂଦ୍ରାଭନିଟିଲପାଟୀରତିଲକୋଜ୍ଜ୍ଵଲଃ ।
ଚାରୁଚାମୀକରାକାରଜଟାଚର୍ଚିତଚଂଦନଃ ।
କୈଲାସଶିଖରସ୍ଫର୍ଧିକମନୀୟନିଜାକୃତିଃ ॥ 185 ॥
ଇତି ଶ୍ରୀ ଦକ୍ଷିଣାମୂର୍ତି ସହସ୍ରନାମ ସ୍ତୋତ୍ରମ୍ ॥
