ପୂର୍ଵାଂଗ ପୂଜା
ଶୁଚିଃ
ଅପଵିତ୍ରଃ ପଵିତ୍ରୋ ଵା ସର୍ଵାଵସ୍ଥାଂ ଗତୋଽପି ଵା ।
ୟଃ ସ୍ମରେତ୍ ପୁଂଡରୀକାକ୍ଷଂ ସ ବାହ୍ୟାଭ୍ୟଂତରଃ ଶୁଚିଃ ॥
ପୁଂଡରୀକାକ୍ଷ ପୁଂଡରୀକାକ୍ଷ ପୁଂଡରୀକାକ୍ଷାୟ ନମଃ ॥
ପ୍ରାର୍ଥନା
ଶୁକ୍ଲାଂବରଧରଂ-ଵିଁଷ୍ଣୁଂ ଶଶିଵର୍ଣଂ ଚତୁର୍ଭୁଜମ୍ ।
ପ୍ରସନ୍ନଵଦନଂ ଧ୍ୟାୟେତ୍ ସର୍ଵଵିଘ୍ନୋପଶାଂତୟେ ॥
ଅଗଜାନନ ପଦ୍ମାର୍କଂ ଗଜାନନମହର୍ନିଶମ୍ ।
ଅନେକଦଂ ତଂ ଭକ୍ତାନାଂ ଏକଦଂତମୁପାସ୍ମହେ ॥
ଦେ॒ଵୀଂ-ଵାଁଚ॑ମଜନୟଂତ ଦେ॒ଵାସ୍ତାଂ-ଵିଁ॒ଶ୍ଵରୂ॑ପାଃ ପ॒ଶଵୋ॑ ଵଦଂତି ।
ସା ନୋ॑ ମଂ॒ଦ୍ରେଷ॒ମୂର୍ଜଂ॒ ଦୁହା॑ନା ଧେ॒ନୁର୍ଵାଗ॒ସ୍ମାନୁପ॒ ସୁଷ୍ଟୁ॒ତୈତୁ॑ ॥
ୟଃ ଶିଵୋ ନାମ ରୂପାଭ୍ୟାଂ-ୟାଁ ଦେଵୀ ସର୍ଵମଂଗଳା ।
ତୟୋଃ ସଂସ୍ମରଣାନ୍ନିତ୍ୟଂ ସର୍ଵଦା ଜୟ ମଂଗଳମ୍ ॥
ତଦେଵ ଲଗ୍ନଂ ସୁଦିନଂ ତଦେଵ
ତାରାବଲଂ ଚଂଦ୍ରବଲଂ ତଦେଵ ।
ଵିଦ୍ୟାବଲଂ ଦୈଵବଲଂ ତଦେଵ
ଲକ୍ଷ୍ମୀପତେ ତେଽଂଘ୍ରିୟୁଗଂ ସ୍ମରାମି ॥
ଗୁରୁର୍ବ୍ରହ୍ମା ଗୁରୁର୍ଵିଷ୍ଣୁଃ ଗୁରୁର୍ଦେଵୋ ମହେଶ୍ଵରଃ ।
ଗୁରୁଃ ସାକ୍ଷାତ୍ ପରବ୍ରହ୍ମ ତସ୍ମୈ ଶ୍ରୀଗୁରଵେ ନମଃ ॥
ଲାଭସ୍ତେଷାଂ ଜୟସ୍ତେଷାଂ କୁତସ୍ତେଷାଂ ପରାଭଵଃ ।
ଏଷାମିଂଦୀଵରଶ୍ୟାମୋ ହୃଦୟସ୍ଥୋ ଜନାର୍ଦନଃ ॥
ସର୍ଵମଂଗଳ ମାଂଗଳ୍ୟେ ଶିଵେ ସର୍ଵାର୍ଥସାଧିକେ ।
ଶରଣ୍ୟେ ତ୍ର୍ୟଂବକେ ଗୌରୀ ନାରାୟଣି ନମୋଽସ୍ତୁ ତେ ॥
ଶ୍ରୀଲକ୍ଷ୍ମୀନାରାୟଣାଭ୍ୟାଂ ନମଃ ।
ଉମାମହେଶ୍ଵରାଭ୍ୟାଂ ନମଃ ।
ଵାଣୀହିରଣ୍ୟଗର୍ଭାଭ୍ୟାଂ ନମଃ ।
ଶଚୀପୁରଂଦରାଭ୍ୟାଂ ନମଃ ।
ଅରୁଂଧତୀଵସିଷ୍ଠାଭ୍ୟାଂ ନମଃ ।
ଶ୍ରୀସୀତାରାମାଭ୍ୟାଂ ନମଃ ।
ମାତାପିତୃଭ୍ୟୋ ନମଃ ।
ସର୍ଵେଭ୍ୟୋ ମହାଜନେଭ୍ୟୋ ନମଃ ।
କର୍ପୂର ଗୌରଂ କରୁଣାଵତାରଂ
ସଂସାରସାରଂ ଭୁଜଗେଂଦ୍ର ହାରମ୍ ।
ସଦା ରମଂତଂ ହୃଦୟାରଵିଂଦେ
ଭଵଂ ଭଵାନୀ ସହିତଂ ନମାମି ॥
ଵାଗର୍ଥାଵିଵ ସଂପୃକ୍ତୌ ଵାଗର୍ଥ ପ୍ରତିପତ୍ତୟେ ।
ଜଗତଃ ପିତରୌ ଵଂଦେ ପାର୍ଵତୀ ପରମେଶ୍ଵରୌ ॥
ଵଂଦେ ମହେଶଂ ସୁରସିଦ୍ଧସେଵିତଂ
ଦେଵାଂଗନା ଗୀତ ସୁନୃତ୍ୟ ତୁଷ୍ଟମ୍ ।
ପର୍ୟଂକଗଂ ଶୈଲସୁତାସମେତଂ
କଲ୍ପଦ୍ରୁମାରଣ୍ୟଗତଂ ପ୍ରସନ୍ନମ୍ ॥
ଆପାତାଳ-ନଭଃସ୍ଥଲାଂତ-ଭୁଵନ-ବ୍ରହ୍ମାଂଡ-ମାଵିସ୍ଫୁରତ୍-
ଜ୍ୟୋତିଃ ସ୍ଫାଟିକ-ଲିଂଗ-ମୌଳି-ଵିଲସତ୍-ପୂର୍ଣେଂଦୁ-ଵାଂତାମୃତୈଃ ।
ଅସ୍ତୋକାପ୍ଲୁତ-ମେକ-ମୀଶ-ମନିଶଂ ରୁଦ୍ରାନୁ-ଵାକାଂଜପନ୍
ଧ୍ୟାୟେ-ଦୀପ୍ସିତ-ସିଦ୍ଧୟେ ଧ୍ରୁଵପଦଂ-ଵିଁପ୍ରୋଽଭିଷିଂଚେ-ଚ୍ଚିଵମ୍ ॥
ବ୍ରହ୍ମାଂଡ ଵ୍ୟାପ୍ତଦେହା ଭସିତ ହିମରୁଚା ଭାସମାନା ଭୁଜଂଗୈଃ
କଂଠେ କାଲାଃ କପର୍ଦାଃ କଲିତ-ଶଶିକଲା-ଶ୍ଚଂଡ କୋଦଂଡ ହସ୍ତାଃ ।
ତ୍ର୍ୟକ୍ଷା ରୁଦ୍ରାକ୍ଷମାଲାଃ ପ୍ରକଟିତଵିଭଵାଃ ଶାଂଭଵା ମୂର୍ତିଭେଦାଃ
ରୁଦ୍ରାଃ ଶ୍ରୀରୁଦ୍ରସୂକ୍ତ-ପ୍ରକଟିତଵିଭଵା ନଃ ପ୍ରୟଚ୍ଚଂତୁ ସୌଖ୍ୟମ୍ ॥
ଦୀପାରାଧନମ୍
ଦୀପସ୍ତ୍ଵଂ ବ୍ରହ୍ମରୂପୋଽସି ଜ୍ୟୋତିଷାଂ ପ୍ରଭୁରଵ୍ୟୟଃ ।
ସୌଭାଗ୍ୟଂ ଦେହି ପୁତ୍ରାଂଶ୍ଚ ସର୍ଵାନ୍କାମାଂଶ୍ଚ ଦେହି ମେ ॥
ଭୋ ଦୀପ ଦେଵି ରୂପସ୍ତ୍ଵଂ କର୍ମସାକ୍ଷୀ ହ୍ୟଵିଘ୍ନକୃତ୍ ।
ୟାଵତ୍ପୂଜାଂ କରିଷ୍ୟାମି ତାଵତ୍ତ୍ଵଂ ସୁସ୍ଥିରୋ ଭଵ ॥
ଦୀପାରାଧନ ମୁହୂର୍ତଃ ସୁମୁହୂର୍ତୋଽସ୍ତୁ ॥
ପୂଜାର୍ଥେ ହରିଦ୍ରା କୁଂକୁମ ଵିଲେପନଂ କରିଷ୍ୟେ ॥
ଆଚମ୍ୟ
ଓଂ କେଶଵାୟ ସ୍ଵାହା ।
ଓଂ ନାରାୟଣାୟ ସ୍ଵାହା ।
ଓଂ ମାଧଵାୟ ସ୍ଵାହା ।
ଓଂ ଗୋଵିଂଦାୟ ନମଃ ।
ଓଂ-ଵିଁଷ୍ଣଵେ ନମଃ ।
ଓଂ ମଧୁସୂଦନାୟ ନମଃ ।
ଓଂ ତ୍ରିଵିକ୍ରମାୟ ନମଃ ।
ଓଂ-ଵାଁମନାୟ ନମଃ ।
ଓଂ ଶ୍ରୀଧରାୟ ନମଃ ।
ଓଂ ହୃଷୀକେଶାୟ ନମଃ ।
ଓଂ ପଦ୍ମନାଭାୟ ନମଃ ।
ଓଂ ଦାମୋଦରାୟ ନମଃ ।
ଓଂ ସଂକର୍ଷଣାୟ ନମଃ ।
ଓଂ-ଵାଁସୁଦେଵାୟ ନମଃ ।
ଓଂ ପ୍ରଦ୍ୟୁମ୍ନାୟ ନମଃ ।
ଓଂ ଅନିରୁଦ୍ଧାୟ ନମଃ ।
ଓଂ ପୁରୁଷୋତ୍ତମାୟ ନମଃ ।
ଓଂ ଅଧୋକ୍ଷଜାୟ ନମଃ ।
ଓଂ ନାରସିଂହାୟ ନମଃ ।
ଓଂ ଅଚ୍ୟୁତାୟ ନମଃ ।
ଓଂ ଜନାର୍ଦନାୟ ନମଃ ।
ଓଂ ଉପେଂଦ୍ରାୟ ନମଃ ।
ଓଂ ହରୟେ ନମଃ ।
ଓଂ ଶ୍ରୀକୃଷ୍ଣାୟ ନମଃ ।
ଭୂତୋଚ୍ଚାଟନମ୍
ଉତ୍ତିଷ୍ଠଂତୁ ଭୂତପିଶାଚାଃ ୟ ଏତେ ଭୂମି ଭାରକାଃ ।
ଏତେଷାମଵିରୋଧେନ ବ୍ରହ୍ମକର୍ମ ସମାରଭେ ॥
ଅପସର୍ପଂତୁ ତେ ଭୂତା ୟେ ଭୂତା ଭୂମିସଂସ୍ଥିତାଃ ।
ୟେ ଭୂତା ଵିଘ୍ନକର୍ତାରସ୍ତେ ଗଚ୍ଛଂତୁ ଶିଵାଽଜ୍ଞୟା ॥
ପ୍ରାଣାୟାମମ୍
ଓଂ ଭୂଃ ଓଂ ଭୁଵଃ॑ ଓଗ୍ଂ ସୁଵଃ॑ ଓଂ ମହଃ॑ ଓଂ ଜନଃ॑ ଓଂ ତପଃ॑ ଓଗ୍ଂ ସତ୍ୟମ୍ ।
ଓଂ ତତ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି ।
ଧିୟୋ॒ ୟୋ ନଃ॑ ପ୍ରଚୋ॒ଦୟା᳚ତ୍ ॥
ଓମାପୋ॒ ଜ୍ୟୋତୀ॒ ରସୋ॒ଽମୃତଂ॒ ବ୍ରହ୍ମ॒ ଭୂର୍ଭୁଵ॒ସ୍ସୁଵ॒ରୋମ୍ ॥
ସଂକଲ୍ପମ୍
ମମୋପାତ୍ତ ସମସ୍ତ ଦୁରିତକ୍ଷୟଦ୍ଵାରା ଶ୍ରୀ ପରମେଶ୍ଵର ପ୍ରୀତ୍ୟର୍ଥଂ,
ଶୁଭେ ଶୋଭନେ ମୁହୂର୍ତେ ଆଦ୍ୟବ୍ରହ୍ମଣଃ ଦ୍ଵିତୀୟ ପରାର୍ଧେ ଶ୍ଵେତଵରାହ କଲ୍ପେ ଵୈଵସ୍ଵତ ମନ୍ଵଂତରେ ଅଷ୍ଟାଵିଂଶତି ତମେ କଲିୟୁଗେ ପ୍ରଥମେ ପାଦେ ଜଂବୂଦ୍ଵୀପେ ଭାରତଵର୍ଷେ ଭରତଖଂଡେ ମେରୋଃ ଦକ୍ଷିଣେ ପାର୍ଶ୍ଵେ ଶକାବ୍ଦେ ଅସ୍ମିନ୍ ଵର୍ତମାନେ ଵ୍ୟଵହାରିକେ ପ୍ରଭଵାଦି ଷଷ୍ଠ୍ୟାଃ ସଂଵଁଥ୍ସରାଣାଂ ମଦ୍ଧ୍ୟେ ......... ନାମସଂଵଁଥ୍ସରେ ......ଽୟନେ .......... ଋତୌ ........ ମାସେ ............ପକ୍ଷେ .......... ଶୁଭତିଥୌ. .............. ଵାସରୟୁକ୍ତାୟାଂ ............. ନକ୍ଷତ୍ରୟୁକ୍ତାୟାଂ, ଶୁଭୟୋଗ ଶୁଭକରଣ ଏଵଂ ଗୁଣ ସକଲ ଵିଶେଷଣ ଵିଶିଷ୍ଟାୟାଂ ଅସ୍ୟାଂ ...........ଶୁଭତିଥୌ ମମୋପାତ୍ତ ସମସ୍ତ ଦୁରିତକ୍ଷୟଦ୍ଵାରା ଶ୍ରୀ ପରମେଶ୍ଵର ପ୍ରୀତ୍ୟର୍ଥଂ .......... ନକ୍ଷତ୍ରେ .......ରାଶୌ ଜାତସ୍ୟ ..........ଶର୍ମଣଃ ମମ .......... ନକ୍ଷତ୍ରେ ...............ରାଶୌ .............ଜାତୟାଃ ମମ ଧର୍ମପତ୍ନ୍ୟାଶ୍ଚ ଆଵୟୋଃ ସକୁଟୁଂବୟୋଃ ............... ସପୁତ୍ରକୟୋଃ ସବଂଧୁଵର୍ଗୟୋଃ ସାଶ୍ରିତ-ଜନୟୋଶ୍ଚ କ୍ଷେମ-ସ୍ଥୈର୍ୟ-ଵୀର୍ୟ-ଵିଜୟ, ଆୟୁରାରୋଗ୍ୟ-ଐଶ୍ଵର୍ୟାଣାଂ ଅଭିଵୃଦ୍ଧ୍ୟର୍ଥଂ, ଧର୍ମାର୍ଥ-କାମ-ମୋକ୍ଷ-ଚତୁର୍ଵିଧ ଫଲପୁରୁଷାର୍ଥ ସିଦ୍ଧ୍ୟର୍ଥଂ, ସର୍ଵାରିଷ୍ଟ ଶାଂତ୍ୟର୍ଥଂ, ସର୍ଵାଭୀଷ୍ଟ ସିଦ୍ଧ୍ୟର୍ଥଂ, ସପରିଵାର ସୋମାସ୍କଂଦ ପରମେଶ୍ଵର ଚରଣାରଵିଂଦୟୋଃ ଅଚଂଚଲ-ନିଷ୍କପଟ-ଭକ୍ତି ସିଦ୍ଧ୍ୟର୍ଥଂ, ୟାଵଚ୍ଛକ୍ତି ପରିଵାର ସହିତ ରୁଦ୍ରଵିଧାନେନ ଧ୍ୟାନ-ଆଵାହନାଦି-ଷୋଡଶୋପଚାର-ପୂଜା ପୁରସ୍ସରଂ ମହାନ୍ୟାସଜପ (ଲଘୁନ୍ୟାସଜପ) ରୁଦ୍ରାଭିଷେକ-ଅର୍ଚ୍ଚନାଦି ସହିତ ସାଂବଶିଵ ପୂଜାଂ କରିଷ୍ୟେ ।
ତଦଂଗଂ କଲଶ-ଶଂଖ-ଆତ୍ମ-ପୀଠ-ପୂଜାଂ ଚ କରିଷ୍ୟେ । (ଦ୍ଵି)
(ନିର୍ଵିଘ୍ନ ପୂଜା ପରିସମାପ୍ତ୍ୟର୍ଥଂ ଆଦୌ ଶ୍ରୀମହାଗଣପତି ପୂଜାଂ କରିଷ୍ୟେ ।)
ଶ୍ରୀ ମହାଗଣପତି ପୂଜା ॥
ତଦଂଗ କଲଶାରାଧନଂ କରିଷ୍ୟେ ।
କଲଶାରାଧନମ୍
କଲଶେ ଗଂଧ ପୁଷ୍ପାକ୍ଷତୈରଭ୍ୟର୍ଚ୍ୟ ।
କଲଶେ ଉଦକଂ ପୂରୟିତ୍ଵା ।
କଲଶସ୍ୟୋପରି ହସ୍ତଂ ନିଧାୟ ।
କଲଶସ୍ୟ ମୁଖେ ଵିଷ୍ଣୁଃ କଂଠେ ରୁଦ୍ରଃ ସମାଶ୍ରିତଃ ।
ମୂଲେ ତ୍ଵସ୍ୟ ସ୍ଥିତୋ ବ୍ରହ୍ମା ମଧ୍ୟେ ମାତୃଗଣାଃ ସ୍ମୃତା ॥
କୁକ୍ଷୌ ତୁ ସାଗରାଃ ସର୍ଵେ ସପ୍ତଦ୍ଵୀପା ଵସୁଂଧରା ।
ଋଗ୍ଵେଦୋଽଥ ୟଜୁର୍ଵେଦୋ ସାମଵେଦୋ ହ୍ୟଥର୍ଵଣଃ ॥
ଅଂଗୈଶ୍ଚ ସହିତାଃ ସର୍ଵେ କଲଶାଂବୁ ସମାଶ୍ରିତାଃ ।
ଓଂ ଆକ॒ଲଶେ᳚ଷୁ ଧାଵତି ପ॒ଵିତ୍ରେ॒ ପରି॑ଷିଚ୍ୟତେ ।
ଉ॒କ୍ଥୈର୍ୟ॒ଜ୍ଞେଷୁ॑ ଵର୍ଧତେ ।
ଆପୋ॒ ଵା ଇ॒ଦଗ୍ଂ ସର୍ଵଂ॒-ଵିଁଶ୍ଵା॑ ଭୂ॒ତାନ୍ୟାପଃ॑
ପ୍ରା॒ଣା ଵା ଆପଃ॑ ପ॒ଶଵ॒ ଆପୋଽନ୍ନ॒ମାପୋଽମୃ॑ତ॒ମାପଃ॑
ସ॒ମ୍ରାଡାପୋ॑ ଵି॒ରାଡାପଃ॑ ସ୍ଵ॒ରାଡାପ॒ଶ୍ଛଂଦା॒ଗ୍॒ସ୍ୟାପୋ॒
ଜ୍ୟୋତୀ॒ଗ୍॒ଷ୍ୟାପୋ॒ ୟଜୂ॒ଗ୍॒ଷ୍ୟାପଃ॑ ସ॒ତ୍ୟମାପଃ॒
ସର୍ଵା॑ ଦେ॒ଵତା॒ ଆପୋ॒ ଭୂର୍ଭୁଵଃ॒ ସୁଵ॒ରାପ॒ ଓମ୍ ॥
ଗଂଗେ ଚ ୟମୁନେ ଚୈଵ ଗୋଦାଵରୀ ସରସ୍ଵତୀ ।
ନର୍ମଦେ ସିଂଧୁ କାଵେରୀ ଜଲେଽସ୍ମିନ୍ ସନ୍ନିଧିଂ କୁରୁ ॥
କାଵେରୀ ତୁଂଗଭଦ୍ରା ଚ କୃଷ୍ଣଵେଣୀ ଚ ଗୌତମୀ ।
ଭାଗୀରଥୀତି ଵିଖ୍ୟାତାଃ ପଂଚଗଂଗାଃ ପ୍ରକୀର୍ତିତାଃ ॥
ଆୟାଂତୁ ଶ୍ରୀ ଶିଵପୂଜାର୍ଥଂ ମମ ଦୁରିତକ୍ଷୟକାରକାଃ ।
ଓଂ ଭୂର୍ଭୁଵସ୍ସୁଵୋ ଭୂର୍ଭୁଵସ୍ସୁଵୋ ଭୂର୍ଭୁଵସ୍ସୁଵଃ ॥
ଓଂ ଓଂ ଓଂ କଲଶୋଦକେନ ପୂଜା ଦ୍ରଵ୍ୟାଣି ସଂପ୍ରୋକ୍ଷ୍ୟ,
ଦେଵଂ ସଂପ୍ରୋକ୍ଷ୍ୟ, ଆତ୍ମାନଂ ଚ ସଂପ୍ରୋକ୍ଷ୍ୟ ॥
ପଂଚକଲଶ ସ୍ଥାପନଂ
ପଶ୍ଚିମଂ
ସ॒ଦ୍ୟୋ ଜା॒ତଂ ପ୍ର॑ପଦ୍ୟା॒ମି॒ ସ॒ଦ୍ୟୋ ଜା॒ତାୟ॒ ଵୈ ନମୋ॒ ନମଃ॑ ।
ଭ॒ଵେ ଭ॑ଵେ॒ ନାତି॑ଭଵେ ଭଵସ୍ଵ॒ ମାମ୍ । ଭ॒ଵୋଦ୍ଭ॑ଵାୟ॒ ନମଃ॑ ॥
ଓଂ ଭୂର୍ଭୁଵ॒ସ୍ସୁଵ॒ରୋମ୍ ।
ଅସ୍ମିନ୍ ପଶ୍ଚିମକଲଶେ ସଦ୍ୟୋଜାତଂ ଧ୍ୟାୟାମି । ଆଵାହୟାମି ।
ଉତ୍ତରଂ
ଵା॒ମ॒ଦେ॒ଵାୟ॒ ନମୋ᳚ ଜ୍ୟେ॒ଷ୍ଠାୟ॒ ନମଃ॑ ଶ୍ରେ॒ଷ୍ଠାୟ॒ ନମୋ॑ ରୁ॒ଦ୍ରାୟ॒ ନମଃ॒ କାଲା॑ୟ॒ ନମଃ॒ କଲ॑ଵିକରଣାୟ ନମୋ॒ ବଲ॑ଵିକରଣାୟ॒ ନମୋ॒ ବଲା॑ୟ॒ ନମୋ॒ ବଲ॑ପ୍ରମଥନାୟ॒ ନମଃ॒ ସର୍ଵ॑ଭୂତଦମନାୟ॒ ନମୋ॑ ମ॒ନୋନ୍ମ॑ନାୟ॒ ନମଃ॑ । ଓଂ ଭୂର୍ଭୁଵ॒ସ୍ସୁଵ॒ରୋମ୍ । ଅସ୍ମିନ୍ ଉତ୍ତରକଲଶେ ଵାମଦେଵଂ ଧ୍ୟାୟାମି । ଆଵାହୟାମି ।
ଦକ୍ଷିଣଂ
ଅ॒ଘୋରେ᳚ଭ୍ୟୋ ଽଥ॒ଘୋରେ᳚ଭ୍ୟୋ॒ ଘୋର॒ଘୋର॑ତରେଭ୍ୟଃ ।
ସର୍ଵେ᳚ଭ୍ୟଃ ସର୍ଵ॒ଶର୍ଵେ᳚ଭ୍ୟୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ୟଃ ॥
ଓଂ ଭୂର୍ଭୁଵ॒ସ୍ସୁଵ॒ରୋମ୍ ।
ଅସ୍ମିନ୍ ଦକ୍ଷିଣକଲଶେ ଅଘୋରଂ ଧ୍ୟାୟାମି । ଆଵାହୟାମି ।
ପୂର୍ଵଂ
ଓଂ ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି । ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ଓଂ ଭୂର୍ଭୁଵ॒ସ୍ସୁଵ॒ରୋମ୍ ।
ଅସ୍ମିନ୍ ପୂର୍ଵକଲଶେ ତତ୍ପୁରୁଷଂ ଧ୍ୟାୟାମି । ଆଵାହୟାମି ।
ମଦ୍ଧ୍ୟମଂ
ଈଶାନଃ ସର୍ଵ॑ଵିଦ୍ୟା॒ନା॒-ମୀଶ୍ଵରଃ ସର୍ଵ॑ଭୂତା॒ନାଂ॒ ବ୍ରହ୍ମାଧି॑ପତି॒ ର୍ବ୍ରହ୍ମ॒ଣୋଽଧି॑ପତି॒ ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶିଵୋମ୍ ॥
ଓଂ ଭୂର୍ଭୁଵ॒ସ୍ସୁଵ॒ରୋମ୍ ।
ଅସ୍ମିନ୍ ମଦ୍ଧ୍ୟମ କଲଶେ ଈଶାନଂ ଧ୍ୟାୟାମି । ଆଵାହୟାମି ।
ପ୍ରାଣପ୍ରତିଷ୍ଠା
ଓଂ ଅସୁ॑ନୀତେ॒ ପୁନ॑ର॒ସ୍ମାସୁ॒ ଚକ୍ଷୁଃ॒
ପୁନଃ॑ ପ୍ରା॒ଣମି॒ହ ନୋ᳚ ଧେହି॒ ଭୋଗ᳚ମ୍ ।
ଜ୍ୟୋକ୍ପ॑ଶ୍ୟେମ॒ ସୂର୍ୟ॑ମୁ॒ଚ୍ଚରଂ᳚ତ॒
ମନୁ॑ମତେ ମୃ॒ଡୟା᳚ ନଃ ସ୍ଵ॒ସ୍ତି ॥
ଅ॒ମୃତଂ॒-ଵୈଁ ପ୍ରା॒ଣା ଅ॒ମୃତ॒ମାପଃ॑
ପ୍ରା॒ଣାନେ॒ଵ ୟ॑ଥାସ୍ଥା॒ନମୁପ॑ହ୍ଵୟତେ ॥
ସ୍ଵାମିନ୍ ସର୍ଵଜଗନ୍ନାଥ ୟାଵତ୍ ପୂଜାଵସାନକମ୍ ।
ତାଵତ୍ ତ୍ଵଂ ପ୍ରୀତିଭାଵେନ ଲିଂଗେଽସ୍ମିନ୍ ସଂନ୍ନିଧିଂ କୁରୁ ॥
ଓଂ ତ୍ର୍ୟଂ॑ବକଂ-ୟଁଜାମହେ ସୁଗଂ॒ଧିଂ ପୁ॑ଷ୍ଟି॒ ଵର୍ଧ॑ନମ୍ ।
ଉ॒ର୍ଵା॒ରୁ॒କମି॑ଵ॒ ବଂଧ॑ନାନ୍ମୃ॒ତ୍ୟୋର୍ମୁ॑କ୍ଷୀୟ॒ ମାଽମୃତା᳚ତ୍ ॥
ଆଵାହିତୋ ଭଵ । ସ୍ଥାପିତୋ ଭଵ । ସନ୍ନିହିତୋ ଭଵ । ସନ୍ନିରୁଦ୍ଧୋ ଭଵ । ଅଵକୁଂଠିତୋ ଭଵ । ସୁପ୍ରୀତୋ ଭଵ । ସୁପ୍ରସନ୍ନୋ ଭଵ । ଵରଦୋ ଭଵ ।
ସ୍ଵାଗତଂ ଅସ୍ତୁ । ପ୍ରସୀଦ ପ୍ରସୀଦ ।
ଲଘୁନ୍ୟାସଂ / ମହାନ୍ୟାସମ୍ ॥
ଧ୍ୟାନଂ
କୈଲାସେ କମନୀୟ ରତ୍ନ ଖଚିତେ କଲ୍ପଦ୍ରୁମୂଲେ ସ୍ଥିତଂ
କର୍ପୂର ସ୍ଫଟିକେଂଦୁ ସୁଂଦର ତନୁଂ କାତ୍ୟାୟନୀ ସେଵିତମ୍ ।
ଗଂଗୋତ୍ତୁଂଗ ତରଂଗ ରଂଜିତ ଜଟା ଭାରଂ କୃପାସାଗରଂ
କଂଠାଲଂକୃତ ଶେଷଭୂଷଣମହଂ ମୃତ୍ୟୁଂଜୟଂ ଭାଵୟେ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ଧ୍ୟାୟାମି ।
ଆଵାହନଂ (ଓଂ ସ॒ଦ୍ୟୋଜା॒ତଂ ପ୍ର॑ପଦ୍ୟା॒ମି)
ଓଂକାରାୟ ନମସ୍ତୁଭ୍ୟଂ ଓଂକାରପ୍ରିୟ ଶଂକର ।
ଆଵାହନଂ ଗୃହାଣେଦଂ ପାର୍ଵତୀପ୍ରିୟ ଵଲ୍ଲଭ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ଆଵାହୟାମି ।
ଆସନଂ (ଓଂ ସ॒ଦ୍ୟୋଜା॒ତାୟ॒ଵୈ ନମୋ॒ ନମଃ॑)
ନମସ୍ତେ ଗିରିଜାନାଥ କୈଲାସଗିରି ମଂଦିର ।
ସିଂହାସନଂ ମୟା ଦତ୍ତଂ ସ୍ଵୀକୁରୁଷ୍ଵ ଉମାପତେ ॥
ଶ୍ରୀ ଉମାମହେଶ୍ଵର ସ୍ଵାମିନେ ନମଃ ନଵରତ୍ନ ଖଚିତ ହେମ ସିଂହାସନଂ ସମର୍ପୟାମି ।
ପାଦ୍ୟଂ (ଓଂ ଭଵେ ଭ॑ଵେ॒ନ)
ମହାଦେଵ ଜଗନ୍ନାଥ ଭକ୍ତାନାମଭୟପ୍ରଦ ।
ପାଦ୍ୟଂ ଗୃହାଣ ଦେଵେଶ ମମ ସୌଖ୍ୟଂ-ଵିଁଵର୍ଧୟ ॥
ଶ୍ରୀ ଉମାମହେଶ୍ଵର ସ୍ଵାମିନେ ନମଃ ପାଦୟୋଃ ପାଦ୍ୟଂ ସମର୍ପୟାମି ।
ଅର୍ଘ୍ୟଂ (ଓଂ ଅତି॑ ଭଵେ ଭଵସ୍ଵ॒ମାଂ)
ଶିଵାପ୍ରିୟ ନମସ୍ତେସ୍ତୁ ପାଵନଂ ଜଲପୂରିତମ୍ ।
ଅର୍ଘ୍ୟଂ ଗୃହାଣ ଭଗଵନ୍ ଗାଂଗେୟ କଲଶସ୍ଥିତମ୍ ॥
ଶ୍ରୀ ଉମାମହେଶ୍ଵର ସ୍ଵାମିନେ ନମଃ ହସ୍ତୟୋଃ ଅର୍ଘ୍ୟଂ ସମର୍ପୟାମି ।
ଆଚମନଂ (ଓଂ ଭ॒ଵୋଦ୍ଭ॑ଵାୟ॒ ନମଃ)
ଵାମଦେଵ ସୁରାଧୀଶ ଵଂଦିତାଂଘ୍ରି ସରୋରୁହ ।
ଗୃହାଣାଚମନଂ ଦେଵ କରୁଣା ଵରୁଣାଲୟ ॥
ଶ୍ରୀ ଉମାମହେଶ୍ଵର ସ୍ଵାମିନେ ନମଃ ମୁଖେ ଆଚମନୀୟଂ ସମର୍ପୟାମି ।
ମଧୁପର୍କଂ
ୟମାଂତକାୟ ଉଗ୍ରାୟ ଭୀମାୟ ଚ ନମୋ ନମଃ ।
ମଧୁପର୍କଂ ପ୍ରଦାସ୍ୟାମି ଗୃହାଣ ତ୍ଵମୁମାପତେ ॥
ଶ୍ରୀ ଉମାମହେଶ୍ଵର ସ୍ଵାମିନେ ନମଃ ମଧୁପର୍କଂ ସମର୍ପୟାମି ।
ପଂଚାମୃତ ସ୍ନାନଂ
1. ଆପ୍ୟାୟସ୍ୟେତି କ୍ଷୀରଂ (milk) –
ଓଂ ଆପ୍ୟା॑ୟସ୍ଵ॒ ସମେ॑ତୁ ତେ ଵି॒ଶ୍ଵତ॑ସ୍ସୋମ॒ ଵୃଷ୍ଣି॑ୟମ୍ ।
ଭଵା॒ ଵାଜ॑ସ୍ୟ ସଂଗ॒ଥେ ॥
ଶ୍ରୀ ଭଵାନୀଶଂକରାସ୍ଵାମିନେ ନମଃ କ୍ଷୀରେଣ ସ୍ନପୟାମି ।
ଆପୋ॒ ହିଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ।
ମ॒ହେରଣା॑ୟ॒ ଚକ୍ଷ॑ସେ ।
ୟୋ ଵଃ॑ ଶି॒ଵତ॑ମୋ ରସ॒ସ୍ତସ୍ୟ॑ ଭାଜୟତେ॒ ହ ନଃ॑ ।
ଉ॒ଶ॒ତୀରି॑ଵ ମା॒ତ॑ରଃ ।
ତସ୍ମା॒ ଅରଂ॑ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ।
ଆପୋ॑ ଜ॒ନୟ॑ଥା ଚ ନଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । କ୍ଷୀରସ୍ନାନାନଂତରଂ ଶୁଦ୍ଧୋଦକ ସ୍ନାନଂ ସମର୍ପୟାମି ।
2. ଦଧିକ୍ରାଵ୍ଣୋ ଇତି ଦଧି (yogurt) –
ଓଂ ଦ॒ଧି॒କ୍ରାଵ୍ଣୋ॑ ଅକାରିଷଂ ଜି॒ଷ୍ଣୋରଶ୍ଵ॑ସ୍ୟ ଵା॒ଜିନଃ॑ ।
ସୁ॒ରଭି ନୋ॒ ମୁଖା॑ କର॒ତ୍ପ୍ରଣ॒ ଆୟୂଗ୍ମ୍॑ଷି ତାରିଷତ୍ ॥
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଦଧ୍ନା ସ୍ନପୟାମି ।
ଆପୋ॒ ହିଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ।
ମ॒ହେରଣା॑ୟ॒ ଚକ୍ଷ॑ସେ ।
ୟୋ ଵଃ॑ ଶି॒ଵତ॑ମୋ ରସ॒ସ୍ତସ୍ୟ॑ ଭାଜୟତେ॒ ହ ନଃ॑ ।
ଉ॒ଶ॒ତୀରି॑ଵ ମା॒ତ॑ରଃ ।
ତସ୍ମା॒ ଅରଂ॑ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ।
ଆପୋ॑ ଜ॒ନୟ॑ଥା ଚ ନଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଦଧିସ୍ନାନାନଂତରଂ ଶୁଦ୍ଧୋଦକ ସ୍ନାନଂ ସମର୍ପୟାମି ।
3. ଶୁକ୍ରମସୀତି ଆଜ୍ୟଂ (ghee) –
ଓଂ ଶୁ॒କ୍ରମ॑ସି॒ ଜ୍ୟୋତି॑ରସି॒ ତେଜୋ॑ସି ଦେ॒ଵୋଵ॑ସ୍ସଵି॒ତୋତ୍ପୁ॑ନା॒ତୁ
ଅଚ୍ଛି॑ଦ୍ରେଣ ପ॒ଵିତ୍ରେ॑ଣ॒ ଵସୋ॒ସ୍ସୂର୍ୟ॑ସ୍ୟ ର॒ଶ୍ମିଭିଃ॑ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଆଜ୍ୟେନ ସ୍ନପୟାମି ।
ଆପୋ॒ ହିଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ।
ମ॒ହେରଣା॑ୟ॒ ଚକ୍ଷ॑ସେ ।
ୟୋ ଵଃ॑ ଶି॒ଵତ॑ମୋ ରସ॒ସ୍ତସ୍ୟ॑ ଭାଜୟତେ॒ ହ ନଃ॑ ।
ଉ॒ଶ॒ତୀରି॑ଵ ମା॒ତ॑ରଃ ।
ତସ୍ମା॒ ଅରଂ॑ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ।
ଆପୋ॑ ଜ॒ନୟ॑ଥା ଚ ନଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଆଜ୍ୟ ସ୍ନାନାନଂତରଂ ଶୁଦ୍ଧୋଦକ ସ୍ନାନଂ ସମର୍ପୟାମି ।
4. ମଧୁଵାତା ଋତାୟତେ ଇତି ମଧୁ (honey) –
ଓଂ ମଧୁ॒ଵାତା॑ ଋତାୟ॒ତେ ମଧୁ॑କ୍ଷରଂତି॒ ସିଂଧ॑ଵଃ ।
ମାଧ୍ଵୀ᳚ର୍ନଃ ସଂ॒ତ୍ଵୌଷ॑ଧୀଃ ।
ମଧୁ॒ନକ୍ତ॑ମୁ॒ତୋଷ॑ସି॒ ମଧୁ॑ମ॒ତ୍ପାର୍ଥି॑ଵ॒ଗ୍ମ୍॒ ରଜଃ॑ ।
ମଧୁ॒ଦ୍ୟୌର॑ସ୍ତୁ ନଃ ପି॒ତା ।
ମଧୁ॑ମାନ୍ନୋ॒ ଵନ॒ସ୍ପତି॒ର୍ମଧୁ॑ମାଗ୍ଂ ଅସ୍ତୁ॒ ସୂର୍ୟଃ॑ ।
ମାଧ୍ଵୀ॒ର୍ଗାଵୋ॑ ଭଵଂତୁ ନଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ମଧୁନା ସ୍ନପୟାମି ।
ଆପୋ॒ ହିଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ।
ମ॒ହେରଣା॑ୟ॒ ଚକ୍ଷ॑ସେ ।
ୟୋ ଵଃ॑ ଶି॒ଵତ॑ମୋ ରସ॒ସ୍ତସ୍ୟ॑ ଭାଜୟତେ॒ ହ ନଃ॑ ।
ଉ॒ଶ॒ତୀରି॑ଵ ମା॒ତ॑ରଃ ।
ତସ୍ମା॒ ଅରଂ॑ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ।
ଆପୋ॑ ଜ॒ନୟ॑ଥା ଚ ନଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ମଧୁସ୍ନାନାନଂତରଂ ଶୁଦ୍ଧୋଦକ ସ୍ନାନଂ ସମର୍ପୟାମି ।
5. ସ୍ଵାଦୁଃ ପଵସ୍ୟେତି ଶର୍କରା (sugar) –
ଓଂ ସ୍ଵା॒ଦୁଃ ପ॑ଵସ୍ଵ ଦି॒ଵ୍ୟାୟ॒ ଜନ୍ମ॑ନେ ।
ସ୍ଵା॒ଦୁରିଂଦ୍ରା᳚ୟ ସୁ॒ହଵୀ᳚ତୁ ନାମ୍ନେ ।
ସ୍ଵା॒ଦୁର୍ମି॒ତ୍ରାୟ॒ ଵରୁ॑ଣାୟ ଵା॒ୟଵେ॒ ।
ବୃହ॒ସ୍ପତ॑ୟେ॒ ମଧୁ॑ମାଂ॒ ଅଦା᳚ଭ୍ୟଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଶର୍କରୟା ସ୍ନପୟାମି ।
ଆପୋ॒ ହିଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ।
ମ॒ହେରଣା॑ୟ॒ ଚକ୍ଷ॑ସେ ।
ୟୋ ଵଃ॑ ଶି॒ଵତ॑ମୋ ରସ॒ସ୍ତସ୍ୟ॑ ଭାଜୟତେ॒ ହ ନଃ॑ ।
ଉ॒ଶ॒ତୀରି॑ଵ ମା॒ତ॑ରଃ ।
ତସ୍ମା॒ ଅରଂ॑ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ।
ଆପୋ॑ ଜ॒ନୟ॑ଥା ଚ ନଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଶର୍କର ସ୍ନାନାନଂତରଂ ଶୁଦ୍ଧୋଦକ ସ୍ନାନଂ ସମର୍ପୟାମି ।
ଶଂଖୋଦକଂ
ଆପୋ॒ ହିଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ।
ମ॒ହେରଣା॑ୟ॒ ଚକ୍ଷ॑ସେ ।
ୟୋ ଵଃ॑ ଶି॒ଵତ॑ମୋ ରସ॒ସ୍ତସ୍ୟ॑ ଭାଜୟତେ॒ ହ ନଃ॑ ।
ଉ॒ଶ॒ତୀରି॑ଵ ମା॒ତ॑ରଃ ।
ତସ୍ମା॒ ଅରଂ॑ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ।
ଆପୋ॑ ଜ॒ନୟ॑ଥା ଚ ନଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଶଂଖୋଦକେନ ସ୍ନପୟାମି ॥
ଫଲୋଦକଂ
ୟାଃ ଫ॒ଲିନୀ॒ର୍ୟା ଅ॑ଫ॒ଲା ଅ॑ପୁ॒ଷ୍ପାୟାଶ୍ଚ॑ ପୁ॒ଷ୍ପିଣୀଃ᳚ ।
ବୃହ॒ସ୍ପତି॑ ପ୍ରସୂତା॒ସ୍ତାନୋ॑ ମୁଂଚଂ॒ତ୍ଵଗ୍ଂ ହ॑ସଃ ॥
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଫଲୋଦକେନ ସ୍ନପୟାମି ।
ଗଂଧୋଦକଂ
ଗଂ॒ଧ॒ଦ୍ଵା॒ରାଂ ଦୁ॑ରାଧ॒ର୍ଷାଂ॒ ନି॒ତ୍ୟପୁ॑ଷ୍ଟାଂ କରୀ॒ଷିଣୀ᳚ମ୍ ।
ଈ॒ଶ୍ଵରୀ॑ଗ୍ମ୍ ସର୍ଵ॑ଭୂତା॒ନାଂ॒ ତାମି॒ହୋପ॑ହ୍ଵୟେ॒ ଶ୍ରିୟମ୍ ॥
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଗଂଧୋଦକେନ ସ୍ନପୟାମି ।
ପୁଷ୍ପୋଦକଂ
ୟୋ॑ଽପାଂ ପୁଷ୍ପଂ॒-ଵେଁଦ॑ ।
ପୁଷ୍ପ॑ଵାନ୍ ପ୍ର॒ଜାଵା॑ନ୍ ପଶୁ॒ମାନ୍ ଭ॑ଵତି ।
ଚଂ॒ଦ୍ରମା॒ ଵା ଅ॒ପାଂ ପୁଷ୍ପ॑ମ୍ ।
ପୁଷ୍ପ॑ଵାନ୍ ପ୍ର॒ଜାଵା॑ନ୍ ପଶୁ॒ମାନ୍ ଭ॑ଵତି ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ପୁଷ୍ପୋଦକେନ ସ୍ନପୟାମି ।
ଅକ୍ଷତୋଦକଂ
ଆୟ॑ନେ ତେ ପ॒ରାୟ॑ଣେ॒ ଦୂର୍ଵା॑ ରୋହଂତୁ ପୁ॒ଷ୍ପିଣୀଃ॑ ।
ହ୍ର॒ଦାଶ୍ଚ॑ ପୁଂ॒ଡରୀ॑କାଣି ସମୁ॒ଦ୍ରସ୍ୟ॑ ଗୃ॒ହା ଇ॒ମେ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଅକ୍ଷତୋଦକେନ ସ୍ନପୟାମି ।
ସୁଵର୍ଣୋଦକଂ
ତଥ୍ସୁ॒ଵର୍ଣ॒ଗ୍ମ୍॒ ହିର॑ଣ୍ୟମଭଵତ୍ ।
ତଥ୍ସୁ॒ଵର୍ଣ॑ସ୍ୟ॒ ହିର॑ଣ୍ୟସ୍ୟ॒ଜନ୍ମ॑ ।
ୟ ଏ॒ଵଗ୍ମ୍ ସୁ॒ଵର୍ଣ॑ସ୍ୟ॒ ହିର॑ଣ୍ୟସ୍ୟ॒ ଜନ୍ମ॒ଵେ॑ଦ ।
ସୁ॒ଵର୍ଣ॑ ଆ॒ତ୍ମନା॑ ଭଵତି ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ସୁଵର୍ଣୋଦକେନ ସ୍ନପୟାମି ।
ରୁଦ୍ରାକ୍ଷୋଦକଂ
ତ୍ର୍ୟଂ॑ବକଂ-ୟଁଜାମହେ ସୁଗଂ॒ଧିଂ ପୁ॑ଷ୍ଟି॒ ଵର୍ଧ॑ନମ୍ ।
ଉ॒ର୍ଵା॒ରୁ॒କମି॑ଵ॒ ବଂଧ॑ନାନ୍ମୃ॒ତ୍ୟୋର୍ମୁ॑କ୍ଷୀୟ॒ ମାଽମୃତା᳚ତ୍ ॥
ଶ୍ରୀ ଭଵାନୀଶଂକରାସ୍ଵାମିନେ ନମଃ । ରୁଦ୍ରାକ୍ଷୋଦକେନ ସ୍ନପୟାମି ।
ଭସ୍ମୋଦକଂ
ମା ନୋ॑ ମ॒ହାଂତ॑ମୁ॒ତ ମା ନୋ॑ ଅର୍ଭ॒କଂ
ମା ନ॒ ଉକ୍ଷଂ॑ତମୁ॒ତ ମା ନ॑ ଉକ୍ଷି॒ତମ୍ ।
ମା ନୋ॑ଽଵଧୀଃ ପି॒ତରଂ॒ ମୋତ ମା॒ତରଂ॑
ପ୍ରି॒ୟା ମା ନ॑ସ୍ତ॒ନୁଵୋ॑ ରୁଦ୍ର ରୀରିଷଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଭସ୍ମୋଦକେନ ସ୍ନପୟାମି ।
ବିଲ୍ଵୋଦକଂ
ମା ନ॑ସ୍ତୋ॒କେ ତନ॑ୟେ॒ ମା ନ॒ ଆୟୁ॑ଷି॒
ମା ନୋ॒ ଗୋଷୁ॒ ମା ନୋ॒ ଅଶ୍ଵେ॑ଷୁ ରୀରିଷଃ ।
ଵୀ॒ରାନ୍ମା ନୋ॑ ରୁଦ୍ର ଭାମି॒ତୋଽଵ॑ଧୀର୍ହ॒ଵିଷ୍ମଂ॑ତୋ॒
ନମ॑ସା ଵିଧେମ ତେ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ବିଲ୍ଵୋଦକେନ ସ୍ନପୟାମି ।
ଦୂର୍ଵୋଦକଂ
କାଂଡା॑ତ୍କାଂଡାତ୍ପ୍ର॒ରୋହଂ॑ତି ପରୁ॑ଷଃ ପରୁଷଃ॒ ପରି॑ ।
ଏ॒ଵାନୋ॑ ଦୂର୍ଵେ॒ ପ୍ରତ॑ନୁ ସ॒ହସ୍ରେ॑ଣ ଶ॒ତେନ॑ ଚ ॥
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଦୂର୍ଵୋଦକେନ ସ୍ନପୟାମି ।
ଅଥ ମଲାପକର୍ଷଣ ସ୍ନାନମ୍
ହିର॑ଣ୍ୟଵର୍ଣା॒ଶ୍ଶୁଚ॑ୟଃ ପାଵ॒କା
ୟାସୁ॑ ଜା॒ତଃ କ॒ଶ୍ୟପୋ॒ ୟାସ୍ଵିଂଦ୍ରଃ॑ ।
ଅ॒ଗ୍ନିଂ-ୟାଁ ଗର୍ଭଂ॑ ଦଧି॒ରେ ଵିରୂ॑ପା॒ସ୍ତା
ନ॒ ଆପ॒ଶ୍ଶଗ୍ଗ୍ ସ୍ୟୋ॒ନା ଭ॑ଵଂତୁ ॥
ୟାସା॒ଗ୍ମ୍॒ ରାଜା॒ ଵରୁ॑ଣୋ॒ ୟାତି॒ ମଧ୍ୟେ॑
ସତ୍ୟାନୃ॒ତେ ଅ॑ଵ॒ପଶ୍ୟଂ॒ଜନା॑ନାମ୍ ।
ମ॒ଧୁ॒ଶ୍ଚୁତ॒ଶ୍ଶୁଚ॑ୟୋ॒ ୟାଃ ପା॑ଵ॒କାସ୍ତା
ନ॒ ଆପ॒ଶ୍ଶଗ୍ଗ୍ ସ୍ୟୋ॒ନା ଭ॑ଵଂତୁ ॥
ୟାସାଂ॑ ଦେ॒ଵା ଦି॒ଵି କୃ॒ଣ୍ଵଂତି॑ ଭ॒କ୍ଷଂ
ୟା ଅଂ॒ତରି॑କ୍ଷେ ବହୁ॒ଧା ଭଵଂ॑ତି ।
ୟାଃ ପୃ॑ଥି॒ଵୀଂ ପୟ॑ସୋଂ॒ଦଂତି॑ ଶୁ॒କ୍ରାସ୍ତା
ନ॒ ଆପ॒ଶ୍ଶଗ୍ଗ୍ ସ୍ୟୋ॒ନା ଭ॑ଵଂତୁ ॥
ଶି॒ଵେନ॑ ମା॒ ଚକ୍ଷୁ॑ଷା ପଶ୍ୟତାପଶ୍ଶି॒ଵୟା॑
ତ॒ନୁଵୋପ॑ ସ୍ପୃଶତ॒ ତ୍ଵଚଂ॑ ମେ ।
ସର୍ଵାଗ୍ମ୍॑ ଅ॒ଗ୍ନୀଗ୍ମ୍ ର॑ଫ୍ସୁ॒ଷଦୋ॑ ହୁଵେ ଵୋ॒ ମୟି॒
ଵର୍ଚୋ॒ ବଲ॒ମୋଜୋ॒ ନିଧ॑ତ୍ତ ॥
(ଅ.ଵେ., କାଂଡ-3, ସୂକ୍ତଂ-13)
ୟଦ॒ଦଃ ସଂ॑ପ୍ରୟ॒ତୀରହା॒ଵନ॑ଦତା ହ॒ତେ ।
ତସ୍ମା॒ଦା ନ॒ଦ୍ୟୋ॑ ନାମ॑ ସ୍ଥ॒ ତା ଵୋ॒ ନାମା॑ନି ସିଂଧଵଃ ॥ 1
ୟତ୍ପ୍ରେଷି॑ତା॒ ଵରୁ॑ଣେ॒ନତାଶ୍ଶୀଭ॑ଗ୍ମ୍ ସ॒ମଵ॑ଲ୍ଗତ ।
ତଦା॑ପ୍ନୋ॒ଦିଂଦ୍ରୋ॑ ଵୋ ୟ॒ତୀସ୍ତସ୍ମା॒ଦାପୋ॒ ଅନୁ॑ସ୍ଥନ ॥ 2
ଆ॒ପ॒କା॒ମଗ୍ଗ୍ମ୍ ସ୍ୟଂଦ॑ମାନା॒ ଅଵୀ॑ଵରତ ଵୋ॒ ହି କ॑ମ୍ ।
ଇଂଦ୍ରୋ॑ ଵ॒ଶ୍ଶକ୍ତି॑ଭିର୍ଦେଵୀ॒ସ୍ତସ୍ମା॒ଦ୍ଵାର୍ଣାମ॑ ଵୋ ହି॒ତମ୍ ॥ 3
ଏକୋ॑ ଵୋ ଦେ॒ଵୋ ଅପ୍ୟ॑ତିଷ୍ଠ॒ଥ୍ସ୍ୟଂଦ॑ମାନା ୟଥାଵ॒ଶମ୍ ।
ଉଦା॑ନିଷୁର୍ମ॒ହୀରିତି॒ ତସ୍ମା॑ଦୁଦ॒କମୁ॑ଚ୍ୟତେ ॥ 4
ଆପୋ॑ ଭ॒ଦ୍ରା ଘୃ॒ତମିଦାପ॑ ଆନୁର॒ଗ୍ନୀଷୋମୌ॑ ବିଭ୍ର॒ତ୍ୟାପ॒ ଇତ୍ତାଃ ।
ତୀ॒ଵ୍ରୋ ରସୋ॑ ମଧୁ॒ପୃଚାଂ॑ ଅ॒ରଂ॒ଗ॒ମ ଆ ମା॑ ପ୍ରା॒ଣେନ॑ ସ॒ହ ଵର୍ଚ॑ସାଗନ୍ନ୍ ॥ 5
ଆଦିତ୍ପ॑ଶ୍ୟାମ୍ୟୁ॒ତ ଵା॑ ଶୃଣୋ॒ମ୍ୟା ମା॒ ଘୋଷୋ॑ ଗଚ୍ଛତି॒ ଵାଙ୍ମ॑ ଆସାମ୍ ।
ମନ୍ୟେ॑ ଭେଜା॒ନୋ ଅ॒ମୃତ॑ସ୍ୟ॒ ତର୍ହି॒ ହିର॑ଣ୍ୟଵର୍ଣା॒ ଅତୃ॑ପଂ-ୟଁ॒ଦା ଵଃ॑ ॥ 6
ଆପୋ॒ ହିଷ୍ଠା ମ॑ୟୋ॒ଭୁଵ॒ସ୍ତା ନ॑ ଊ॒ର୍ଜେ ଦ॑ଧାତନ ।
ମ॒ହେରଣା॑ୟ॒ ଚକ୍ଷ॑ସେ ।
ୟୋ ଵଃ॑ ଶି॒ଵତ॑ମୋ ରସ॒ସ୍ତସ୍ୟ॑ ଭାଜୟତେ॒ ହ ନଃ॑ ।
ଉ॒ଶ॒ତୀରି॑ଵ ମା॒ତ॑ରଃ ।
ତସ୍ମା॒ ଅରଂ॑ଗମାମଵୋ॒ ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ ।
ଆପୋ॑ ଜ॒ନୟ॑ଥା ଚ ନଃ ।
ଶ୍ରୀ ଭଵାନୀଶଂକରାସ୍ଵାମିନେ ନମଃ । ଶୁଦ୍ଧୋଦକେନ ସ୍ନପୟାମି ।
ଆପୋ॒ ଵା ଇ॒ଦଗ୍ମ୍ ସର୍ଵଂ॒-ଵିଁଶ୍ଵା॑ ଭୂ॒ତାନ୍ୟାପଃ॑ ପ୍ରା॒ଣା ଵା ଆପଃ॑
ପ॒ଶଵ॒ ଆପୋଽନ୍ନ॒ମାପୋଽମୃ॑ତ॒ମାପଃ॑ ସ॒ମ୍ରାଡାପୋ॑ ଵି॒ରାଡାପଃ॑
ସ୍ଵ॒ରାଡାପ॒ଶ୍ଛଂଦା॒ଗ୍ମ୍॒ସ୍ୟାପୋ॒ ଜ୍ୟୋତୀ॒ଗ୍ମ୍॒ଷ୍ୟାପୋ॒
ୟଜୂ॒ଗ୍ମ୍॒ଷ୍ୟାପ॑ସ୍ସ॒ତ୍ୟମାପ॒ସ୍ସର୍ଵା॑ ଦେ॒ଵତା॒ ଆପୋ॒
ଭୂର୍ଭୁଵ॒ସ୍ସୁଵ॒ରାପ॒ ଓମ୍ ॥
ଅ॒ପଃ ପ୍ରଣ॑ୟତି । ଶ୍ର॒ଦ୍ଧାଵା ଆପଃ॑ ।
ଶ୍ର॒ଦ୍ଧାମେ॒ଵାରଭ୍ୟ॑ ପ୍ର॒ଣୀୟ॒ ପ୍ରଚ॑ରତି ।
ଅ॒ପଃ ପ୍ରଣ॑ୟତି । ୟ॒ଜ୍ଞୋ ଵାଅ ଆପଃ॑ ।
ୟ॒ଜ୍ଞମେ॒ଵାରଭ୍ୟ॑ ପ୍ର॒ଣୀୟ॒ ପ୍ରଚ॑ରତି
ଅ॒ପଃ ପ୍ରଣ॑ୟତି । ଵ॒ଜ୍ରୋ ଵା ଆପଃ॑ ।
ଵଜ୍ର॑ମେ॒ଵ ଭ୍ରାତୃ॑ଵ୍ୟେଭ୍ୟଃ ପ୍ରହୃତ୍ୟ॑ ପ୍ର॒ଣୀୟ॒ ପ୍ରଚ॑ରତି ।
ଅ॒ପଃ ପ୍ରଣ॑ୟତି । ଆପୋ॒ ଵୈ ର॑କ୍ଷୋ॒ଘ୍ନୀଃ ।
ରକ୍ଷ॑ସା॒ମପ॑ହତ୍ୟୈ ।
ଅ॒ପଃ ପ୍ରଣ॑ୟତି । ଆପୋ॒ ଵୈ ଦେ॒ଵାନାଂ॑ ପ୍ରି॒ୟଂଧାମ॑ ।
ଦେ॒ଵାନା॑ମେ॒ଵ ପ୍ରି॒ୟଂଧାମ॑ ପ୍ର॒ଣୀୟ॒ ପ୍ରଚ॑ରତି ।
ଅ॒ପଃ ପ୍ରଣ॑ୟତି । ଆପୋ॒ ଵୈ ସର୍ଵା॑ ଦେ॒ଵତାଃ॑ ।
ଦେ॒ଵତା॑ ଏ॒ଵାରଭ୍ୟ॑ ପ୍ର॒ଣୀୟ॒ ପ୍ରଚ॑ରତି ।
(ଆପୋ॒ଵୈଶାଂ॒ତାଃ । ଶାଂ॒ତାଭି॑ରେ॒ଵାସ୍ୟ॑ ଶୁଚଗ୍ମ୍॑ଶମୟତି ॥)
ଶ୍ରୀ ଭଵାନୀଶଂକରାସ୍ଵାମିନେ ନମଃ । ମଲାପକର୍ଷଣସ୍ନାନଂ ସମର୍ପୟାମି ।
ରୁଦ୍ରପ୍ରଶ୍ନଃ – ନମକମ୍ ॥
ରୁଦ୍ରପ୍ରଶ୍ନଃ – ଚମକମ୍ ॥
ପୁରୁଷ ସୂକ୍ତମ୍ ॥
ଶ୍ରୀ ସୂକ୍ତମ୍ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ଶୁଦ୍ଧୋଦକ ସ୍ନାନଂ ସମର୍ପୟାମି ।
ସ୍ନାନାନଂତରଂ ଆଚମନୀୟଂ ସମର୍ପୟାମି ।
ଵସ୍ତ୍ରଂ – (ଓଂ ଜ୍ୟେ॒ଷ୍ଠାୟ॒ ନମଃ)
ନମୋ ନାଗଵିଭୂଷାୟ ନାରଦାଦି ସ୍ତୁତାୟ ଚ ।
ଵସ୍ତ୍ରୟୁଗ୍ମଂ ପ୍ରଦାସ୍ୟାମି ପାର୍ଥିଵେଶ୍ଵର ସ୍ଵୀକୁରୁ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ଵସ୍ତ୍ରୟୁଗ୍ମଂ ସମର୍ପୟାମି ।
(ଵସ୍ତ୍ରାର୍ଥଂ ଅକ୍ଷତାନ୍ ସମର୍ପୟାମି)
ୟଜ୍ଞୋପଵୀତଂ – (ଓଂ ଶ୍ରେ॒ଷ୍ଠାୟ॒ ନମଃ)
ୟଜ୍ଞେଶ ୟଜ୍ଞଵିଧ୍ଵଂସ ସର୍ଵଦେଵ ନମସ୍କୃତ ।
ୟଜ୍ଞସୂତ୍ରଂ ପ୍ରଦାସ୍ୟାମି ଶୋଭନଂ ଚୋତ୍ତରୀୟକମ୍ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ୟଜ୍ଞୋପଵୀତଂ ସମର୍ପୟାମି ।
(ଉପଵୀତାର୍ଥଂ ଅକ୍ଷତାନ୍ ସମର୍ପୟାମି)
ଆଭରଣଂ – (ଓଂ ରୁ॒ଦ୍ରାୟ॒ ନମଃ)
ନାଗାଭରଣ ଵିଶ୍ଵେଶ ଚଂଦ୍ରାର୍ଧକୃତମସ୍ତକ ।
ପାର୍ଥିଵେଶ୍ଵର ମଦ୍ଦତ୍ତଂ ଗୃହାଣାଭରଣଂ-ଵିଁଭୋ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ଆଭରଣଂ ସମର୍ପୟାମି ।
ଗଂଧଂ – (ଓଂ କାଲା॑ୟ॒ ନମଃ॑)
ଶ୍ରୀ ଗଂଧଂ ତେ ପ୍ରୟଚ୍ଛାମି ଗୃହାଣ ପରମେଶ୍ଵର ।
କସ୍ତୂରି କୁଂକୁମୋପେତଂ ଶିଵାଶ୍ଲିଷ୍ଟ ଭୁଜଦ୍ଵୟ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ଶ୍ରୀଗଂଧାଦି ପରିମଳ ଦ୍ରଵ୍ୟଂ ସମର୍ପୟାମି ।
ଅକ୍ଷତାନ୍ – (ଓଂ କଲ॑ଵିକରଣାୟ॒ ନମଃ)
ଅକ୍ଷତାନ୍ ଧଵଳାନ୍ ଦିଵ୍ୟାନ୍ ଶାଲି ତୁଂଡୁଲ ମିଶ୍ରିତାନ୍ ।
ଅକ୍ଷତୋସି ସ୍ଵଭାଵେନ ସ୍ଵୀକୁରୁଷ୍ଵ ମହେଶ୍ଵର ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ଧଵଳାକ୍ଷତାନ୍ ସମର୍ପୟାମି ।
ପୁଷ୍ପଂ – (ଓଂ ବଲ॑ ଵିକରଣାୟ॒ ନମଃ)
ସୁଗଂଧୀନି ସୁପୁଷ୍ପାଣି ଜାଜୀବିଲ୍ଵାର୍କ ଚଂପକୈଃ ।
ନିର୍ମିତଂ ପୁଷ୍ପମାଲଂଚ ନୀଲକଂଠ ଗୃହାଣ ଭୋ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ପୁଷ୍ପ ବିଲ୍ଵଦଳାନି ସମର୍ପୟାମି ।
ଅଥାଂଗ ପୂଜା
ଓଂ ମହେଶ୍ଵରାୟ ନମଃ – ପାଦୌ ପୂଜୟାମି ।
ଓଂ ଈଶ୍ଵରାୟ ନମଃ – ଜଂଘୌ ପୂଜୟାମି ।
ଓଂ କାମରୂପାୟ ନମଃ – ଜାନୁନୀ ପୂଜୟାମି ।
ଓଂ ହରାୟ ନମଃ – ଊରୂ ପୂଜୟାମି ।
ଓଂ ତ୍ରିପୁରାଂତକାୟ ନମଃ – ଗୁହ୍ୟଂ ପୂଜୟାମି ।
ଓଂ ଭଵାୟ ନମଃ – କଟିଂ ପୂଜୟାମି ।
ଓଂ-ଵ୍ୟାଁଘ୍ରଚର୍ମାଂବରଧରାୟ ନମଃ – ନାଭିଂ ପୂଜୟାମି ।
ଓଂ କୁକ୍ଷିସ୍ଥ ବ୍ରହାଂଡାୟ ନମଃ – ଉଦରଂ ପୂଜୟାମି ।
ଓଂ ଗୌରୀ ମନଃ ପ୍ରିୟାୟ ନମଃ – ହୃଦୟଂ ପୂଜୟାମି ।
ଓଂ ପିନାକିନେ ନମଃ – ହସ୍ତୌ ପୂଜୟାମି ।
ଓଂ ନାଗାଵୃତଭୁଜଦଂଡାୟ ନମଃ – ଭୁଜୌ ପୂଜୟାମି ।
ଓଂ ଶ୍ରୀକଂଠାୟ ନମଃ – କଂଠଂ ପୂଜୟାମି ।
ଓଂ-ଵିଁରୂପାକ୍ଷାୟ ନମଃ – ମୁଖଂ ପୂଜୟାମି ।
ଓଂ ତ୍ରିନେତ୍ରାୟ ନମଃ – ନେତ୍ରାଣି ପୂଜୟାମି ।
ଓଂ ରୁଦ୍ରାୟ ନମଃ – ଲଲାଟଂ ପୂଜୟାମି ।
ଓଂ ଶର୍ଵାୟ ନମଃ – ଶିରଃ ପୂଜୟାମି ।
ଓଂ ଚଂଦ୍ରମୌଳୟେ ନମଃ – ମୌଳିଂ ପୂଜୟାମି ।
ଓଂ ଅର୍ଧନାରୀଶ୍ଵରାୟ ନମଃ – ତନୁଂ ପୂଜୟାମି ।
ଓଂ ଶ୍ରୀ ଉମାମହେଶ୍ଵରାୟ ନମଃ – ସର୍ଵାଣ୍ୟଂଗାନି ପୂଜୟାମି ।
ଅଷ୍ଟୋତ୍ତରଶତନାମ ପୂଜା
ଓଂ ଶିଵାୟ ନମଃ
ଓଂ ମହେଶ୍ଵରାୟ ନମଃ
ଓଂ ଶଂଭଵେ ନମଃ
ଓଂ ପିନାକିନେ ନମଃ
ଓଂ ଶଶିଶେଖରାୟ ନମଃ
ଓଂ-ଵାଁମଦେଵାୟ ନମଃ
ଓଂ-ଵିଁରୂପାକ୍ଷାୟ ନମଃ
ଓଂ କପର୍ଦିନେ ନମଃ
ଓଂ ନୀଲଲୋହିତାୟ ନମଃ
ଓଂ ଶଂକରାୟ ନମଃ (10)
ଓଂ ଶୂଲପାଣୟେ ନମଃ
ଓଂ ଖଟ୍ଵାଂଗିନେ ନମଃ
ଓଂ-ଵିଁଷ୍ଣୁଵଲ୍ଲଭାୟ ନମଃ
ଓଂ ଶିପିଵିଷ୍ଟାୟ ନମଃ
ଓଂ ଅଂବିକାନାଥାୟ ନମଃ
ଓଂ ଶ୍ରୀକଂଠାୟ ନମଃ
ଓଂ ଭକ୍ତଵତ୍ସଲାୟ ନମଃ
ଓଂ ଭଵାୟ ନମଃ
ଓଂ ଶର୍ଵାୟ ନମଃ
ଓଂ ତ୍ରିଲୋକେଶାୟ ନମଃ (20)
ଓଂ ଶିତିକଂଠାୟ ନମଃ
ଓଂ ଶିଵାପ୍ରିୟାୟ ନମଃ
ଓଂ ଉଗ୍ରାୟ ନମଃ
ଓଂ କପାଲିନେ ନମଃ
ଓଂ କାମାରୟେ ନମଃ
ଓଂ ଅଂଧକାସୁର ସୂଦନାୟ ନମଃ
ଓଂ ଗଂଗାଧରାୟ ନମଃ
ଓଂ-ଲଁଲାଟାକ୍ଷାୟ ନମଃ
ଓଂ କାଲକାଲାୟ ନମଃ
ଓଂ କୃପାନିଧୟେ ନମଃ (30)
ଓଂ ଭୀମାୟ ନମଃ
ଓଂ ପରଶୁହସ୍ତାୟ ନମଃ
ଓଂ ମୃଗପାଣୟେ ନମଃ
ଓଂ ଜଟାଧରାୟ ନମଃ
ଓଂ କୈଲାସଵାସିନେ ନମଃ
ଓଂ କଵଚିନେ ନମଃ
ଓଂ କଠୋରାୟ ନମଃ
ଓଂ ତ୍ରିପୁରାଂତକାୟ ନମଃ
ଓଂ-ଵୃଁଷାଂକାୟ ନମଃ
ଓଂ-ଵୃଁଷଭାରୂଢାୟ ନମଃ (40)
ଓଂ ଭସ୍ମୋଦ୍ଧୂଳିତ ଵିଗ୍ରହାୟ ନମଃ
ଓଂ ସାମପ୍ରିୟାୟ ନମଃ
ଓଂ ସ୍ଵରମୟାୟ ନମଃ
ଓଂ ତ୍ରୟୀମୂର୍ତୟେ ନମଃ
ଓଂ ଅନୀଶ୍ଵରାୟ ନମଃ
ଓଂ ସର୍ଵଜ୍ଞାୟ ନମଃ
ଓଂ ପରମାତ୍ମନେ ନମଃ
ଓଂ ସୋମସୂର୍ୟାଗ୍ନି ଲୋଚନାୟ ନମଃ
ଓଂ ହଵିଷେ ନମଃ
ଓଂ-ୟଁଜ୍ଞମୟାୟ ନମଃ (50)
ଓଂ ସୋମାୟ ନମଃ
ଓଂ ପଂଚଵକ୍ତ୍ରାୟ ନମଃ
ଓଂ ସଦାଶିଵାୟ ନମଃ
ଓଂ-ଵିଁଶ୍ଵେଶ୍ଵରାୟ ନମଃ
ଓଂ-ଵୀଁରଭଦ୍ରାୟ ନମଃ
ଓଂ ଗଣନାଥାୟ ନମଃ
ଓଂ ପ୍ରଜାପତୟେ ନମଃ
ଓଂ ହିରଣ୍ୟରେତସେ ନମଃ
ଓଂ ଦୁର୍ଧର୍ଷାୟ ନମଃ
ଓଂ ଗିରୀଶାୟ ନମଃ (60)
ଓଂ ଗିରିଶାୟ ନମଃ
ଓଂ ଅନଘାୟ ନମଃ
ଓଂ ଭୁଜଂଗ ଭୂଷଣାୟ ନମଃ
ଓଂ ଭର୍ଗାୟ ନମଃ
ଓଂ ଗିରିଧନ୍ଵନେ ନମଃ
ଓଂ ଗିରିପ୍ରିୟାୟ ନମଃ
ଓଂ କୃତ୍ତିଵାସସେ ନମଃ
ଓଂ ପୁରାରାତୟେ ନମଃ
ଓଂ ଭଗଵତେ ନମଃ
ଓଂ ପ୍ରମଥାଧିପାୟ ନମଃ (70)
ଓଂ ମୃତ୍ୟୁଂଜୟାୟ ନମଃ
ଓଂ ସୂକ୍ଷ୍ମତନଵେ ନମଃ
ଓଂ ଜଗଦ୍ଵ୍ୟାପିନେ ନମଃ
ଓଂ ଜଗଦ୍ଗୁରଵେ ନମଃ
ଓଂ-ଵ୍ୟୋଁମକେଶାୟ ନମଃ
ଓଂ ମହାସେନ ଜନକାୟ ନମଃ
ଓଂ ଚାରୁଵିକ୍ରମାୟ ନମଃ
ଓଂ ରୁଦ୍ରାୟ ନମଃ
ଓଂ ଭୂତପତୟେ ନମଃ
ଓଂ ସ୍ଥାଣଵେ ନମଃ (80)
ଓଂ ଅହିର୍ବୁଧ୍ନ୍ୟାୟ ନମଃ
ଓଂ ଦିଗଂବରାୟ ନମଃ
ଓଂ ଅଷ୍ଟମୂର୍ତୟେ ନମଃ
ଓଂ ଅନେକାତ୍ମନେ ନମଃ
ଓଂ ସାତ୍ତ୍ଵିକାୟ ନମଃ
ଓଂ ଶୁଦ୍ଧଵିଗ୍ରହାୟ ନମଃ
ଓଂ ଶାଶ୍ଵତାୟ ନମଃ
ଓଂ ଖଂଡପରଶଵେ ନମଃ
ଓଂ ଅଜାୟ ନମଃ
ଓଂ ପାଶଵିମୋଚକାୟ ନମଃ (90)
ଓଂ ମୃଡାୟ ନମଃ
ଓଂ ପଶୁପତୟେ ନମଃ
ଓଂ ଦେଵାୟ ନମଃ
ଓଂ ମହାଦେଵାୟ ନମଃ
ଓଂ ଅଵ୍ୟୟାୟ ନମଃ
ଓଂ ହରୟେ ନମଃ
ଓଂ ପୂଷଦଂତଭିଦେ ନମଃ
ଓଂ ଅଵ୍ୟଗ୍ରାୟ ନମଃ
ଓଂ ଦକ୍ଷାଧ୍ଵରହରାୟ ନମଃ
ଓଂ ହରାୟ ନମଃ (100)
ଓଂ ଭଗନେତ୍ରଭିଦେ ନମଃ
ଓଂ ଅଵ୍ୟକ୍ତାୟ ନମଃ
ଓଂ ସହସ୍ରାକ୍ଷାୟ ନମଃ
ଓଂ ସହସ୍ରପାଦେ ନମଃ
ଓଂ ଅପଵର୍ଗପ୍ରଦାୟ ନମଃ
ଓଂ ଅନଂତାୟ ନମଃ
ଓଂ ତାରକାୟ ନମଃ
ଓଂ ପରମେଶ୍ଵରାୟ ନମଃ (108)
ଓଂ ନିଧ॑ନପତୟେ॒ ନମଃ । ଓଂ ନିଧ॑ନପତାଂତିକାୟ॒ ନମଃ ।
ଓଂ ଊର୍ଧ୍ଵାୟ॒ ନମଃ । ଓଂ ଊର୍ଧ୍ଵଲିଂଗାୟ॒ ନମଃ ।
ଓଂ ହିରଣ୍ୟାୟ॒ ନମଃ । ଓଂ ହିରଣ୍ୟଲିଂଗାୟ॒ ନମଃ ।
ଓଂ ସୁଵର୍ଣାୟ॒ ନମଃ । ଓଂ ସୁଵର୍ଣଲିଂଗାୟ॒ ନମଃ ।
ଓଂ ଦିଵ୍ୟାୟ॒ ନମଃ । ଓଂ ଦିଵ୍ୟଲିଂଗାୟ॒ ନମଃ ।
ଓଂ ଭଵାୟ॒ ନମଃ । ଓଂ ଭଵଲିଂଗାୟ॒ ନମଃ ।
ଓଂ ଶର୍ଵାୟ॒ ନମଃ । ଓଂ ଶର୍ଵଲିଂଗାୟ॒ ନମଃ ।
ଓଂ ଶିଵାୟ॒ ନମଃ । ଓଂ ଶିଵଲିଂଗାୟ॒ ନମଃ ।
ଓଂ ଜ୍ଵଲାୟ॒ ନମଃ । ଓଂ ଜ୍ଵଲଲିଂଗାୟ॒ ନମଃ ।
ଓଂ ଆତ୍ମାୟ॒ ନମଃ । ଓଂ ଆତ୍ମଲିଂଗାୟ॒ ନମଃ ।
ଓଂ ପରମାୟ॒ ନମଃ । ଓଂ ପରମଲିଂଗାୟ॒ ନମଃ ।
ଓଂ ଭ॒ଵାୟ॑ ଦେ॒ଵାୟ॒ ନମଃ
– ଓଂ ଭ॒ଵସ୍ୟ॑ ଦେ॒ଵସ୍ୟ॒ ପତ୍ନ୍ୟୈ॒ ନମଃ॑ ।
ଓଂ ଶ॒ର୍ଵାୟ॑ ଦେ॒ଵାୟ॒ ନମଃ
– ଓଂ ଶ॒ର୍ଵସ୍ୟ॑ ଦେ॒ଵସ୍ୟ॒ ପତ୍ନ୍ୟୈ॒ ନମଃ॑ ।
ଓଂ ଈଶା॑ନାୟ ଦେ॒ଵାୟ॒ ନମଃ
– ଓଂ ଈଶା॑ନସ୍ୟ ଦେ॒ଵସ୍ୟ॒ ପତ୍ନ୍ୟୈ॒ ନମଃ॑ ।
ଓଂ ପଶୁ॒ପତ॑ୟେ ଦେ॒ଵାୟ॒ ନମଃ
– ଓଂ ପଶୁ॒ପତେ᳚ର୍ଦେ॒ଵସ୍ୟ ପତ୍ନ୍ୟୈ॒ ନମଃ॑ ।
ଓଂ ରୁ॒ଦ୍ରାୟ॑ ଦେ॒ଵାୟ॒ ନମଃ
– ଓଂ ରୁ॒ଦ୍ରସ୍ୟ॑ ଦେ॒ଵସ୍ୟ॒ ପତ୍ନ୍ୟୈ॒ ନମଃ॑ ।
ଓଂ ଉ॒ଗ୍ରାୟ॑ ଦେ॒ଵାୟ॒ ନମଃ
– ଓଂ ଉ॒ଗ୍ରସ୍ୟ॑ ଦେ॒ଵସ୍ୟ॒ ପତ୍ନ୍ୟୈ॒ ନମଃ॑ ।
ଓଂ ଭୀ॒ମାୟ॑ ଦେ॒ଵାୟ॒ ନମଃ
– ଓଂ ଭୀ॒ମସ୍ୟ॑ ଦେ॒ଵସ୍ୟ॒ ପତ୍ନ୍ୟୈ॒ ନମଃ॑ ।
ଓଂ ମହ॑ତେ ଦେ॒ଵାୟ॒ ନମଃ
– ଓଂ ମହ॑ତୋ ଦେ॒ଵସ୍ୟ॒ ପତ୍ନ୍ୟୈ॒ ନମଃ॑ ।
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ନାନା ଵିଧ ପରିମଳ ପତ୍ର ପୁଷ୍ପାକ୍ଷତାନ୍ ସମର୍ପୟାମି ।
ଧୂପଂ – (ଓଂ ବଲା॑ୟ॒ ନମଃ)
ଧୂର॑ସି॒ ଧୂର୍ଵ॒ ଧୂର୍ଵଂ॑ତଂ॒ ଧୂର୍ଵ॒ତଂ-ୟୋଁ᳚ଽସ୍ମାନ୍ ଧୂର୍ଵ॑ତି॒ ତଂ ଧୂ᳚ର୍ଵ॒ୟଂ-ଵଁ॒ୟଂ
ଧୂର୍ଵା॑ମ॒ସ୍ତ୍ଵଂ ଦେ॒ଵାନା॑ମସି॒ ସସ୍ନି॑ତମଂ॒ ପପ୍ରି॑ତମଂ॒ ଜୁଷ୍ଟ॑ତମଂ॒-ଵଁହ୍ନି॑ତମଂ
ଦେଵ॒ହୂତ॑ମ॒-ମହ୍ରୁ॑ତମସି ହଵି॒ର୍ଧାନଂ॒ ଦୃଗ୍ମ୍ ହ॑ସ୍ଵ॒ ମାହ୍ଵା᳚ ର୍ମି॒ତ୍ରସ୍ୟ॑ ତ୍ଵା॒ ଚକ୍ଷୁ॑ଷା॒
ପ୍ରେକ୍ଷେ॒ ମା ଭେର୍ମା ସଂଵିଁ॑କ୍ତା॒ ମା ତ୍ଵା॑ ହିଗ୍ମ୍ସିଷମ୍ ।
ଆଵାହିତାଭ୍ୟଃ ସର୍ଵାଭ୍ୟୋ ଦେଵତାଭ୍ୟୋ ନମଃ । ଧୂପମାଘ୍ରାପୟାମି ।
ଦୀପଂ – (ଓଂ ବଲ॑ ପ୍ରମଥନାୟ॒ ନମଃ)
ଉଦ୍ଦୀ᳚ପ୍ୟସ୍ଵ ଜାତଵେଦୋଽପ॒ଘ୍ନନ୍ ନିଋ॑ତିଂ॒ ମମ॑ । ପ॒ଶୁଗ୍ଗ୍ଶ୍ଚ॒ ମହ୍ୟ॒ମାଵ॑ହ॒ ଜୀଵ॑ନଂ ଚ॒ ଦିଶୋ॑ ଦିଶ । ମାନୋ॑ ହିଗ୍ମ୍ସୀ-ଜ୍ଜାତଵେଦୋ॒ ଗାମଶ୍ଵଂ॒ ପୁରୁ॑ଷଂ॒ ଜଗ॑ତ୍ । ଅବି॑ଭ୍ର॒ଦଗ୍ନ॒ ଆଗ॑ହି ଶ୍ରି॒ୟା ମା॒ ପରି॑ପାତୟ ।
ଆଵାହିତାଭ୍ୟଃ ସର୍ଵାଭ୍ୟୋ ଦେଵତାଭ୍ୟୋ ନମଃ । ଧୂପମାଘ୍ରାପୟାମି ।
ଧୂପ ଦୀପାନଂତରଂ ଶୁଦ୍ଧାଚମନୀୟଂ ସମର୍ପୟାମି ।
ନୈଵେଦ୍ୟଂ – (ଓଂ ସର୍ଵ॑ ଭୂତ ଦମନାୟ॒ ନମଃ)
ଓଂ ଭୂର୍ଭୁଵ॒ସ୍ସୁଵଃ॒ । ତତ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି ।
ଧି॒ୟୋ ୟୋ ନଃ॑ ପ୍ରଚୋ॒ଦୟା᳚ତ୍ । ଦେଵ ସଵିତଃ ପ୍ରସୁଵଃ ।
ସତ୍ୟଂ ତ୍ଵର୍ତେନ ପରିଷିଂଚାମି ।
(ସାୟଂକାଲେ – ଋତଂ ତ୍ଵା ସତ୍ୟେନ ପରିଷିଂଚାମି)
ଅମୃତଂ ଅସ୍ତୁ । ଅମୃତୋପସ୍ତରଣମସି ।
ଓଂ ପ୍ରାଣାୟ ସ୍ଵାହାଃ । ଓଂ ଅପାନାୟ ସ୍ଵାହାଃ ।
ଓଂ-ଵ୍ୟାଁନାୟ ସ୍ଵାହାଃ । ଓଂ ଉଦାନାୟ ସ୍ଵାହାଃ ।
ଓଂ ସମାନାୟ ସ୍ଵାହାଃ । ଓଂ ବ୍ରହ୍ମଣେ ସ୍ଵାହାଃ ।
ମଧୁ॒ଵାତା॑ ଋତାୟ॒ତେ ମଧୁ॑କ୍ଷରଂତି॒ ସିଂଧ॑ଵଃ ।
ମାଦ୍ଧ୍ଵୀ᳚ର୍ନଃ ସଂ॒ତ୍ଵୋଷ॑ଧୀଃ । ମଧୁ॒ନକ୍ତ॑ ମୁ॒ତୋଷସି॒ ମଧୁ॑ମ॒ତ୍ ପାର୍ଥି॑ଵ॒ଗ୍ମ୍॒ ରଜଃ॑ ।
ମଧୁ॒ଦ୍ୟୌର॑ସ୍ତୁ ନଃ ପି॒ତା । ମଧୁ॑ମାନ୍ନୋ॒ ଵନ॒ସ୍ପତି॒ ର୍ମଧୁ॑ମାଗ୍ମ୍ ଅସ୍ତୁ॒ ସୂର୍ୟଃ॑ ।
ମାଧ୍ଵୀ॒ର୍ଗାଵୋ॑ ଭଵଂତୁ ନଃ ॥ ମଧୁ ମଧୁ ମଧୁ ॥
ଆଵାହିତାଭ୍ୟଃ ସର୍ଵାଭ୍ୟୋ ଦେଵତାଭ୍ୟୋ ନମଃ ।
(ଦିଵ୍ୟାନ୍ନଂ, ଘୃତଗୁଳପାୟସଂ, ନାଳିକେରଖଂଡଦ୍ଵୟଂ, କଦଳୀଫଲଂ ...)
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ । ମହାନୈଵେଦ୍ୟଂ ନିଵେଦୟାମି ।
ମଧ୍ୟେ ମଧ୍ୟେ ପାନୀୟଂ ସମର୍ପୟାମି ।
ଅ॒ମୃ॒ତା॒ପି॒ଧା॒ନମ॑ସି । ଉତ୍ତରାପୋଶନଂ ସମର୍ପୟାମି ।
ହସ୍ତୌ ପ୍ରକ୍ଷାଳୟାମି । ପାଦୌ ପ୍ରକ୍ଷାଳୟାମି ।
ଶୁଦ୍ଧାଚମନୀୟଂ ସମର୍ପୟାମି ।
ତାଂବୂଲଂ – (ଓଂ ମ॒ନୋନ୍ମ॑ନାୟ॒ ନମଃ)
ପୂଗୀଫଲସମାୟୁକ୍ତଂ ନାଗଵଲ୍ଲୀଦଳୈର୍ୟୁତମ୍ ।
କର୍ପୂରଚୂର୍ଣ ସଂୟୁଁକ୍ତଂ ତାଂବୂଲଂ ପ୍ରତିଗୃହ୍ୟତାମ୍ ।
ଆଵାହିତାଭ୍ୟଃ ସର୍ଵାଭ୍ୟୋ ଦେଵତାଭ୍ୟୋ ନମଃ । ତାଂବୂଲଂ ନିଵେଦୟାମି ।
ତାଂବୂଲ ଚର୍ଵଣାନଂତରଂ ଶୁଦ୍ଧ ଆଚମନୀୟଂ ସମର୍ପୟାମି ।
ନୀରାଜନଂ
ସୋମୋ॒ ଵା ଏ॒ତସ୍ୟ॑ ରା॒ଜ୍ୟମାଦ॑ତ୍ତେ । ୟୋ ରାଜା॒ସନ୍ ରା॒ଜ୍ୟୋ ଵା॒ ସୋମେ॑ନ॒
ୟଜ॑ତେ । ଦେ॒ଵ॒ ସୁ॒ଵାମେ॒ତାନି॑ ହ॒ଵିଗ୍ମ୍ଷି॑ ଭଵଂତି ।
ଏ॒ତାଵଂ॑ତୋ॒ ଵୈ ଦେ॒ଵାନାଗ୍ମ୍॑ ସ॒ଵାଃ । ତ ଏ॒ଵାସ୍ମୈ॑ ସ॒ଵାନ୍ ପ୍ର॑ୟଚ୍ଛଂତି ।
ତ ଏ॑ନଂ ପୁ॒ନଃ ସୁଵଂ॑ତେ ରା॒ଜ୍ୟାୟ॑ । ଦେ॒ଵ॒ସୂ ରାଜା॑ ଭଵତି ।
ରା॒ଜା॒ଧି॒ରା॒ଜାୟ॑ ପ୍ରସହ୍ୟ ସା॒ହିନେ᳚ । ନମୋ॑ ଵ॒ୟଂ-ଵୈଁ᳚ଶ୍ରଵ॒ଣାୟ॑ କୁର୍ମହେ ।
ସ ମେ॒ କାମା॒ନ୍ କାମ॒କାମା॑ୟ॒ ମହ୍ୟ᳚ମ୍ । କା॒ମେ॒ଶ୍ଵ॒ରୋ ଵୈ᳚ଶ୍ରଵ॒ଣୋ ଦ॑ଦାତୁ ।
କୁ॒ବେ॒ରାୟ॑ ଵୈଶ୍ରଵ॒ଣାୟ॑ । ମ॒ହା॒ରା॒ଜାୟ॒ ନମଃ॑ ।
ଅ॒ଘୋରେ᳚ଭ୍ୟୋ ଽଥ॒ଘୋରେ᳚ଭ୍ୟୋ॒ ଘୋର॒ଘୋର॑ତରେଭ୍ୟଃ ।
ସର୍ଵେ᳚ଭ୍ୟଃ ସର୍ଵ॒ଶର୍ଵେ᳚ଭ୍ୟୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ୟଃ ॥
ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ଈଶାନଃ ସର୍ଵ॑ଵିଦ୍ୟା॒ନା॒-ମୀଶ୍ଵରଃ ସର୍ଵ॑ଭୂତା॒ନାଂ॒ ବ୍ରହ୍ମାଧି॑ପତି॒ ର୍ବ୍ରହ୍ମ॒ଣୋଽଧି॑ପତି॒ ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶିଵୋମ୍ ॥
ନୀରାଜନମିଦଂ ଦେଵ କର୍ପୂରାମୋଦ ସଂୟୁଁତମ୍ ।
ଗୃହାଣ ପରମାନଂଦ ହେରଂବ ଵରଦାୟକ ॥
ଆଵାହିତାଭ୍ୟଃ ସର୍ଵାଭ୍ୟୋ ଦେଵତାଭ୍ୟୋ ନମଃ । କର୍ପୂର ନୀରାଜନଂ ଦର୍ଶୟାମି ।
ନୀରାଜନାନଂତରଂ ଶୁଦ୍ଧ ଆଚମନୀୟଂ ସମର୍ପୟାମି ।
ମଂତ୍ରପୁଷ୍ପଂ
ଆତ୍ମରକ୍ଷା
ବ୍ରହ୍ମା᳚ତ୍ମ॒ନ୍ ଵଦ॑ସୃଜତ । ତଦ॑କାମୟତ । ସମା॒ତ୍ମନା॑ ପଦ୍ୟେ॒ୟେତି॑ ।
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ଦଶ॒ମଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ଦଶ॑ହୂତୋଽଭଵତ୍ । ଦଶ॑ହୂତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଂ ଦଶ॑ହୂତ॒ଗ୍ମ୍॒ ସଂତ᳚ମ୍ ।
ଦଶ॑ହୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 1
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ସପ୍ତ॒ମଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ସ॒ପ୍ତହୂ॑ତୋଽଭଵତ୍ । ସ॒ପ୍ତହୂ॑ତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଗ୍ମ୍ ସ॒ପ୍ତହୂ॑ତ॒ଗ୍ମ୍॒ ସଂତ᳚ମ୍ । ସ॒ପ୍ତହୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 2
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ଷ॒ଷ୍ଠଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ଷଡ୍ଢୂ॑ତୋଽଭଵତ୍ । ଷଡ୍ଢୂ॑ତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଗ୍ମ୍ ଷଡ୍ଢୂ॑ତ॒ଗ୍ମ୍॒ ସଂତ᳚ମ୍ ।
ଷଡ୍ଢୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 3
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ପଂଚ॒ମଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ପଂଚ॑ହୂତୋଽଭଵତ୍ । ପଂଚ॑ହୂତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଂ ପଂଚ॑ହୂତ॒ଗ୍ମ୍॒ ସଂତ᳚ମ୍ । ପଂଚ॑ହୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 4
ଆତ୍ମ॒ନ୍ନା-ତ୍ମ॒ନ୍ନିତ୍ୟା-ମଂ॑ତ୍ରୟତ । ତସ୍ମୈ॑ ଚତୁ॒ର୍ଥଗ୍ମ୍ ହୂ॒ତଃ ପ୍ରତ୍ୟ॑ଶୃଣୋତ୍ ।
ସ ଚତୁ॑ର୍ହୂତୋଽଭଵତ୍ । ଚତୁ॑ର୍ହୂତୋ ହ॒ଵୈ ନାମୈ॒ଷଃ । ତଂ-ଵାଁ ଏ॒ତଂ ଚତୁ॑ର୍ହୂତ॒ଗ୍ମ୍॒
ସଂତ᳚ମ୍ । ଚତୁ॑ର୍ହୋ॒ତେତ୍ୟା ଚ॑କ୍ଷତେ ପ॒ରୋକ୍ଷେ॑ଣ । ପ॒ରୋକ୍ଷ॑ପ୍ରିୟା ଇଵ॒ ହି ଦେ॒ଵାଃ ॥ 5
ତମ॑ବ୍ରଵୀତ୍ । ତ୍ଵଂ-ଵୈଁ ମେ॒ ନେଦି॑ଷ୍ଠଗ୍ମ୍ ହୂ॒ତଃ ପ୍ରତ୍ୟ॑ଶ୍ରୌଷୀଃ ।
ତ୍ଵୟୈ॑ ନାନାଖ୍ୟା॒ତାର॒ ଇତି॑ । ତସ୍ମା॒ନ୍ନୁହୈ॑ନା॒ଗ୍ଗ୍॒-ଶ୍ଚ॑ତୁ ର୍ହୋତାର॒ ଇତ୍ୟାଚ॑କ୍ଷତେ ।
ତସ୍ମା᳚ଚ୍ଛୁଶ୍ରୂ॒ଷୁଃ ପୁ॒ତ୍ରାଣା॒ଗ୍ମ୍॒ ହୃଦ୍ୟ॑ତମଃ । ନେଦି॑ଷ୍ଠୋ॒ ହୃଦ୍ୟ॑ତମଃ ।
ନେଦି॑ଷ୍ଠୋ॒ ବ୍ରହ୍ମ॑ଣୋ ଭଵତି । ୟ ଏ॒ଵଂ-ଵେଁଦ॑ ॥ 6 (ଆତ୍ମନେ॒ ନମଃ॑)
ଓଂ ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ଓଂ କା॒ତ୍ୟା॒ୟ॒ନାୟ॑ ଵି॒ଦ୍ମହେ॑ କନ୍ୟକୁ॒ମାରି॑ ଧୀମହି ।
ତନ୍ନୋ॑ ଦୁର୍ଗିଃ ପ୍ରଚୋ॒ଦୟା᳚ତ୍ ॥
ୟୋ॑ଽପାଂ ପୁଷ୍ପଂ॒-ଵେଁଦ॑ । ପୁଷ୍ପ॑ଵାନ୍ ପ୍ର॒ଜାଵା᳚ନ୍ ପଶୁ॒ମାନ୍ ଭ॑ଵତି ।
ଚଂ॒ଦ୍ରମା॒ ଵା ଅ॒ପାଂ ପୁଷ୍ପ᳚ମ୍ । ପୁଷ୍ପ॑ଵାନ୍ ପ୍ର॒ଜାଵା᳚ନ୍ ପଶୁ॒ମାନ୍ ଭ॑ଵତି ।
ଓଂ᳚ ତଦ୍ବ୍ର॒ହ୍ମ । ଓଂ᳚ ତଦ୍ଵା॒ୟୁଃ । ଓଂ᳚ ତଦା॒ତ୍ମା । ଓଂ᳚ ତଥ୍ସ॒ତ୍ୟମ୍ ।
ଓଂ᳚ ତଥ୍ସର୍ଵ᳚ମ୍ । ଓଂ᳚ ତତ୍ପୁରୋ॒ର୍ନମଃ ।
ଅଂତଶ୍ଚରତି॑ ଭୂତେ॒ଷୁ॒ ଗୁହାୟାଂ-ଵିଁ॑ଶ୍ଵମୂ॒ର୍ତିଷୁ । ତ୍ଵଂ-ୟଁଜ୍ଞସ୍ତ୍ଵଂ-ଵଁଷଟ୍କାର ସ୍ତ୍ଵମିଂଦ୍ରସ୍ତ୍ଵଗ୍ମ୍ ରୁଦ୍ରସ୍ତ୍ଵଂ-ଵିଁଷ୍ଣୁସ୍ତ୍ଵଂ ବ୍ରହ୍ମତ୍ଵଂ॑ ପ୍ରଜା॒ପତିଃ ।
ତ୍ଵଂ ତ॑ଦାପ॒ ଆପୋ॒ ଜ୍ୟୋତୀ॒ରସୋ॒ଽମୃତଂ॒ ବ୍ରହ୍ମ॒ ଭୂର୍ଭୁଵ॒ସ୍ସୁଵ॒ରୋମ୍ ।
ଚତୁର୍ଵେଦ ପାରାୟଣଂ
ଓଂ ଶ୍ରୀ ଭଵାନୀଶଂକର ସ୍ଵାମିନେ ନମଃ ॥
ଋଗ୍ଵେଦପ୍ରିୟଃ ॥ ଋଗ୍ଵେଦମଵଧାରୟ ॥
ହ॒ରିଃ॒ ଓମ୍ ॥ ଅ॒ଗ୍ନିମୀ᳚ଳେ ପୁ॒ରୋହି॑ତଂ-ୟଁ॒ଜ୍ଞସ୍ୟ॑ ଦେ॒ଵମୃ॒ତ୍ଵିଜ᳚ମ୍ । ହୋତା᳚ରଂ ରତ୍ନ॒ ଧାତ॑ମମ୍ ।
ହରିଃ॑ ଓମ୍ ॥
ଓଂ ଶ୍ରୀ ଭଵାନୀଶଂକର ସ୍ଵାମିନେ ନମଃ ॥
ୟଜୁର୍ଵେଦପ୍ରିୟଃ ॥ ୟଜୁର୍ଵେଦମଵଧାରୟ ॥
ହ॒ରିଃ॒ ଓମ୍ ॥ ଇ॒ଷେ ତ୍ଵୋ॒ର୍ଜେ ତ୍ଵା॑ ଵା॒ୟଵଃ॑ ସ୍ଥୋପା॒ୟଵଃ॑ ସ୍ଥ ଦେ॒ଵୋ ଵଃ॑ ସଵି॒ତା ପ୍ରାର୍ପ॑ୟତୁ॒ ଶ୍ରେଷ୍ଠ॑ତମାୟ॒ କର୍ମ॑ଣ॒ ଆ ପ୍ୟା॑ୟଦ୍ଧ୍ଵମଘ୍ନିୟା ଦେଵଭା॒ଗ-ମୂର୍ଜ॑ସ୍ଵତୀଃ॒ ପୟ॑ସ୍ଵତୀଃ ପ୍ର॒ଜାଵ॑ତୀ-ରନମୀ॒ଵା ଅ॑ୟ॒କ୍ଷ୍ମା ମା ଵଃ॑ ସ୍ତେ॒ନ ଈ॑ଶତ॒ ମାଽଘଶଗ୍ମ୍॑ସୋ ରୁ॒ଦ୍ରସ୍ୟ॑ ହେ॒ତିଃ ପରି॑ ଵୋ ଵୃଣକ୍ତୁ ଧ୍ରୁ॒ଵା ଅ॒ସ୍ମିନ୍ ଗୋପ॑ତୌ ସ୍ୟାତ ବ॒ହ୍ଵୀ-ର୍ୟଜ॑ମାନସ୍ୟ ପ॒ଶୂନ୍ ପା॑ହି ॥
ହରିଃ॑ ଓମ୍ ॥
ଓଂ ଶ୍ରୀ ଭଵାନୀଶଂକର ସ୍ଵାମିନେ ନମଃ ॥
ସାମଵେଦପ୍ରିୟଃ ॥ ସାମଵେଦମଵଧାରୟ ॥
ହ॒ରିଃ॒ ଓମ୍ ॥ ଅଗ୍ନ॒ ଆୟା᳚ହି ଵୀ॒ତୟେ᳚ ଗୃଣା॒ନୋ ହ॒ଵ୍ୟ ଦା᳚ତୟେ ।
ନିହୋତା᳚ ସଥ୍ସି ବ॒ର୍ହିଷି॑ ।
ହରିଃ॑ ଓମ୍ ॥
ଓଂ ଶ୍ରୀ ଭଵାନୀଶଂକର ସ୍ଵାମିନେ ନମଃ ॥
ଅଥର୍ଵଵେଦପ୍ରିୟଃ ॥ ଅଥର୍ଵଵେଦମଵଧାରୟ ॥
ହ॒ରିଃ॒ ଓମ୍ ॥ ଶନ୍ନୋ॑ ଦେ॒ଵୀର॒ଭିଷ୍ଟ॑ୟ॒ ଆପୋ॑ ଭଵଂତୁ ପୀ॒ତୟେ᳚ । ଶଂୟୋଁର॒ଭିସ୍ର॑ଵଂତୁ ନଃ ॥
ହରିଃ॑ ଓମ୍ ॥
ଓଂ ଶ୍ରୀ ଭଵାନୀଶଂକର ସ୍ଵାମିନେ ନମଃ ॥
ଉପନିଷଦ୍ପ୍ରିୟଃ ॥ ଉପନିଷଦଵଧାରୟ ॥
ହ॒ରିଃ॒ ଓମ୍ ॥ ଅ॒ହମନ୍ନ-ମ॒ହମନ୍ନ-ମ॒ହମନ୍ନମ୍ । ଅ॒ହମନ୍ନା॒ଦୋ(3)ଽ॒ହମନ୍ନା॒ଦୋ(3)ଽ॒ହମନ୍ନା॒ଦଃ । ଅ॒ହଗ୍ଗ୍ ଶ୍ଲୋକ॒କୃଦ॒ହଗ୍ଗ୍ ଶ୍ଲୋକ॒କୃଦ॒ହଗ୍ଗ୍ ଶ୍ଲୋକ॒କୃତ୍ । ଅ॒ହମସ୍ମି ପ୍ରଥମଜା ଋତା(3) ସ୍ୟ॒ । ପୂର୍ଵଂ ଦେଵେଭ୍ୟୋ ଅମୃତସ୍ୟ ନା(3) ଭା॒ୟି॒ । ୟୋ ମା ଦଦାତି ସ ଇଦେଵ ମା(3) ଵାଃ॒ । ଅ॒ହମନ୍ନ॒-ମନ୍ନ॑-ମ॒ଦଂତ॒ମା(3) ଦ୍ମି॒ । ଅହଂ॒-ଵିଁଶ୍ଵଂ॒ ଭୁଵ॑ନ॒-ମଭ୍ୟ॑ଭ॒ଵାମ୍ । ସୁଵ॒ର୍ନ ଜ୍ୟୋତୀଃ᳚ । ୟ ଏ॒ଵଂ-ଵେଁଦ॑ । ଇତ୍ୟୁ॑ପ॒ନିଷ॑ତ୍ ॥
ଆଵାହିତାଭ୍ୟଃ ସର୍ଵାଭ୍ୟୋ ଦେଵତାଭ୍ୟୋ ନମଃ ।
ପାଦାରଵିଂଦୟୋଃ ଦିଵ୍ୟ ସୁଵର୍ଣ ମଂତ୍ର ପୁଷ୍ପାଂଜଲିଂ ସମର୍ପୟାମି ।
ପ୍ରଦକ୍ଷିଣଂ
ଈଶାନଃ ସର୍ଵ॑ଵିଦ୍ୟା॒ନା॒ମୀଶ୍ଵରଃ ସର୍ଵ॑ଭୂତା॒ନାଂ॒
ବ୍ରହ୍ମାଧି॑ପତି॒ର୍ବ୍ରହ୍ମ॒ଣୋଽଧି॑ପତି॒ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥
ପଦେ ପଦେ ସର୍ଵତମୋ ନିକୃଂତନଂ
ପଦେ ପଦେ ସର୍ଵ ଶୁଭପ୍ରଦାୟକମ୍ ।
ପ୍ରଦକ୍ଷିଣଂ ଭକ୍ତିୟୁତେନ ଚେତସା
କରୋମି ମୃତ୍ୟୁଂଜୟ ରକ୍ଷ ରକ୍ଷ ମାମ୍ ॥
ଓଂ ଶ୍ରୀ ଉମାମହେଶ୍ଵର ସ୍ଵାମିନେ ନମଃ ଆତ୍ମପ୍ରଦକ୍ଷିଣ ନମସ୍କାରାନ୍ ସମର୍ପୟାମି ।
ପ୍ରାର୍ଥନା
ନମୋ ହିରଣ୍ୟବାହଵେ ହିରଣ୍ୟଵର୍ଣାୟ ହିରଣ୍ୟରୂପାୟ ହିରଣ୍ୟପତୟେଽଂବିକାପତୟ ଉମାପତୟେ ପଶୁପତୟେ॑ ନମୋ॒ ନମଃ ॥
ଅଥ ତର୍ପଣଂ
ଭଵଂ ଦେଵଂ ତର୍ପୟାମି
– ଭଵସ୍ୟ ଦେଵସ୍ୟ ପତ୍ନୀଂ ତର୍ପୟାମି ।
ଶର୍ଵଂ ଦେଵଂ ତର୍ପୟାମି
– ଶର୍ଵସ୍ୟ ଦେଵସ୍ୟ ପତ୍ନୀଂ ତର୍ପୟାମି ।
ଈଶାନଂ ଦେଵଂ ତର୍ପୟାମି
– ଈଶାନସ୍ୟ ଦେଵସ୍ୟ ପତ୍ନୀଂ ତର୍ପୟାମି ।
ପଶୁପତିଂ ଦେଵଂ ତର୍ପୟାମି
– ପଶୁପତେର୍ଦେଵସ୍ୟ ପତ୍ନୀଂ ତର୍ପୟାମି ।
ରୁଦ୍ରଂ ଦେଵଂ ତର୍ପୟାମି
– ରୁଦ୍ରସ୍ୟ ଦେଵସ୍ୟ ପତ୍ନୀଂ ତର୍ପୟାମି ।
ଉଗ୍ରଂ ଦେଵଂ ତର୍ପୟାମି
– ଉଗ୍ରସ୍ୟ ଦେଵସ୍ୟ ପତ୍ନୀଂ ତର୍ପୟାମି ।
ଭୀମଂ ଦେଵଂ ତର୍ପୟାମି
– ଭୀମସ୍ୟ ଦେଵସ୍ୟ ପତ୍ନୀଂ ତର୍ପୟାମି ।
ମହାଂତଂ ଦେଵଂ ତର୍ପୟାମି
– ମହତୋ ଦେଵସ୍ୟ ପତ୍ନୀଂ ତର୍ପୟାମି ।
ଇତି ତର୍ପୟିତ୍ଵା ଅଘୋରାଦିଭିସ୍ତ୍ରିଭିର୍ମଂତ୍ରୈଃ ଘୋର ତନୂରୁପତିଷ୍ଠତେ ।
ଓଂ ଅ॒ଘୋରେ᳚ଭ୍ୟୋଽଥ॒ ଘୋରେ᳚ଭ୍ୟୋ॒ ଘୋର॒ଘୋର॑ତରେଭ୍ୟଃ ।
ସର୍ଵେ᳚ଭ୍ୟଃ ସର୍ଵ॒ଶର୍ଵେ᳚ଭ୍ୟୋ॒ ନମ॑ସ୍ତେ ଅସ୍ତୁ ରୁ॒ଦ୍ରରୂ॑ପେଭ୍ୟଃ ॥
ଓଂ ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ଈଶାନସ୍ସ॑ର୍ଵଵିଦ୍ୟା॒ନା॒ମୀଶ୍ଵରସ୍ସର୍ଵ॑ଭୂତା॒ନାଂ॒ ବ୍ରହ୍ମାଽଧି॑ପତି॒ର୍ବ୍ରହ୍ମ॒ଣୋଽଧି॑ପତି॒ର୍ବ୍ରହ୍ମା॑ ଶି॒ଵୋ ମେ॑ ଅସ୍ତୁ ସଦାଶି॒ଵୋମ୍ ॥
ଇତି ଧ୍ୟାତ୍ଵା ରୁଦ୍ରଗାୟତ୍ରୀଂ-ୟଁଥା ଶକ୍ତି ଜପେତ୍ ।
ଓଂ ତତ୍ପୁରୁ॑ଷାୟ ଵି॒ଦ୍ମହେ॑ ମହାଦେ॒ଵାୟ॑ ଧୀମହି ।
ତନ୍ନୋ॑ ରୁଦ୍ରଃ ପ୍ରଚୋ॒ଦୟା᳚ତ୍ ॥
ଇତି ଜପିତ୍ଵା ଅଥୈନମାଶିଷମାଶାସ୍ତେ ।
(ତୈ.ବ୍ରା.3-5-10-4)
ଆଶା᳚ସ୍ତେ॒ଽୟଂ-ୟଁଜ॑ମାନୋ॒ଽସୌ । ଆୟୁ॒ରାଶା᳚ସ୍ତେ ।
ସୁ॒ପ୍ର॒ଜା॒ସ୍ତ୍ଵମାଶା᳚ସ୍ତେ । ସ॒ଜା॒ତ॒ଵ॒ନ॒ସ୍ୟାମାଶା᳚ସ୍ତେ ।
ଉତ୍ତ॑ରାଂ ଦେଵୟ॒ଜ୍ୟାମାଶା᳚ସ୍ତେ । ଭୂୟୋ॑ ହଵି॒ଷ୍କର॑ଣ॒ମାଶା᳚ସ୍ତେ ।
ଦି॒ଵ୍ୟଂ ଧାମାଶା᳚ସ୍ତେ । ଵିଶ୍ଵଂ॑ ପ୍ରି॒ୟମାଶା᳚ସ୍ତେ ।
ୟଦ॒ନେନ॑ ହ॒ଵିଷାଽଽଶା᳚ସ୍ତେ । ତଦ॑ସ୍ୟା॒ତ୍ତ॒ଦୃ॑ଧ୍ୟାତ୍ ।
ତଦ॑ସ୍ମୈ ଦେ॒ଵା ରା॑ସଂତାମ୍ । ତଦ॒ଗ୍ନିର୍ଦେ॒ଵୋ ଦେ॒ଵେଭ୍ୟୋ॒ ଵନ॑ତେ ।
ଵ॒ୟମ॒ଗ୍ନେର୍ମାନୁ॑ଷାଃ । ଇ॒ଷ୍ଟଂ ଚ॑ ଵୀ॒ତଂ ଚ॑ ।
ଉ॒ଭେ ଚ॑ ନୋ॒ ଦ୍ୟାଵା॑ପୃଥି॒ଵୀ ଅଗ୍ମ୍ହ॑ସଃ ସ୍ପାତାମ୍ ।
ଇ॒ହ ଗତି॑ର୍ଵା॒ମସ୍ୟେ॒ଦଂ ଚ॑ । ନମୋ॑ ଦେ॒ଵେଭ୍ୟଃ॑ ॥
ଉପଚାରପୂଜାଃ
ପୁନଃ ପୂଜାଂ କରିଷ୍ୟେ । ଛତ୍ରମାଚ୍ଛାଦୟାମି ।
ଚାମରୈର୍ଵୀଜୟାମି । ନୃତ୍ୟଂ ଦର୍ଶୟାମି ।
ଗୀତଂ ଶ୍ରାଵୟାମି । ଆଂଦୋଳିକାନାରୋହୟାମି ।
ଅଶ୍ଵାନାରୋହୟାମି । ଗଜାନାରୋହୟାମି ।
ସମସ୍ତ ରାଜୋପଚାର ଦେଵୋପଚାର ଭକ୍ତ୍ୟୁପଚାର ଶକ୍ତ୍ୟୁପଚାର ମଂତ୍ରୋପଚାର ପୂଜାସ୍ସମର୍ପୟାମି ॥
ଲିଂଗାଷ୍ଟକମ୍ ॥
ବିଲ୍ଵାଷ୍ଟକମ୍ ॥
କ୍ଷମାପ୍ରାର୍ଥନ
କରଚରଣକୃତଂ-ଵାଁକ୍କାୟଜଂ କର୍ମଜଂ-ଵାଁ
ଶ୍ରଵଣନୟନଜଂ-ଵାଁ ମାନସଂ-ଵାଁଽପରାଧମ୍ ।
ଵିହିତମଵିହିତଂ-ଵାଁ ସର୍ଵମେତତ୍କ୍ଷ୍ମସ୍ଵ
ଶିଵ ଶିଵ କରୁଣାବ୍ଧେ ଶ୍ରୀମହାଦେଵ ଶଂଭୋ ॥ 18॥
ୟସ୍ୟ ସ୍ମୃତ୍ୟା ଚ ନାମୋକ୍ତ୍ୟା ତପଃ ପୂଜା କ୍ରିୟାଦିଷୁ ।
ନ୍ୟୂନଂ ସଂପୂର୍ଣତାଂ-ୟାଁତି ସଦ୍ୟୋଵଂଦେ ମହେଶ୍ଵରମ୍ ॥
ମଂତ୍ରହୀନଂ କ୍ରିୟାହୀନଂ ଭକ୍ତିହୀନଂ ମହେଶ୍ଵର ।
ୟତ୍ପୂଜିତଂ ମୟା ଦେଵ ପରିପୂର୍ଣଂ ତଦସ୍ତୁ ତେ ॥
ଅନୟା ସଦ୍ୟୋଜାତ ଵିଧିନା ଧ୍ୟାନାଵାହନାଦି ଷୋଡଶୋପଚାର ପୂଜୟା ଭଗଵାନ୍ ସର୍ଵାତ୍ମକଃ ଶ୍ରୀ ଉମାମହେଶ୍ଵରସ୍ଵାମୀ ସୁପ୍ରୀତଃ ସୁପ୍ରସନ୍ନୋ ଵରଦୋ ଭଵତୁ ।
ଏତତ୍ଫଲଂ ଶ୍ରୀ ପରମେଶ୍ଵରାର୍ପଣମସ୍ତୁ ॥
ଉତ୍ତରତଶ୍ଚଂଡୀଶ୍ଵରାୟ ନମଃ ନିର୍ମାଲ୍ୟଂ-ଵିଁସୃଜ୍ୟ ॥
ତୀର୍ଥଂ
ଅକାଲମୃତ୍ୟୁହରଣଂ ସର୍ଵଵ୍ୟାଧି ନିଵାରଣମ୍ ।
ସମସ୍ତପାପକ୍ଷୟକରଂ ଶିଵପାଦୋଦକଂ ପାଵନଂ ଶୁଭମ୍ ॥
ଇତି ତ୍ରିଵାରଂ ପୀତ୍ଵା ଶିଵ ନିର୍ମାଲ୍ୟ ରୂପ ବିଲ୍ଵଦଳଂ-ଵାଁ ଦକ୍ଷିଣେ କର୍ଣେ ଧାରୟେତ୍ ।
ଓଂ ଶାଂତିଃ ଶାଂତିଃ ଶାଂତିଃ ॥
