க்ருஷ்ண யஜுர்வேதீ³ய தைத்திரீய ப்³ராஹ்மணே த்³விதீயாஷ்டகே த்³விதீய: ப்ரபாட²க: - ஹோத்ருப்³ராஹ்மணம்

ஓ-ன்னம: பரமாத்மனே, ஶ்ரீ மஹாக³ணபதயே நம:,
ஶ்ரீ கு³ருப்⁴யோ நம: । ஹ॒ரி:॒ ஓம் ॥

அனுவாகம் 1 - த³ஶஹோத்ருமந்த்ரஸ்ய க்ரத்வர்த²புருஷார்த²ப்ரயோகௌ³

ப்ர॒ஜாப॑திரகாமயத ப்ர॒ஜா-ஸ்ஸ்ரு॑ஜே॒யேதி॑ । ஸ ஏ॒தம் த³ஶ॑ஹோதார-மபஶ்யத் । த-ம்மன॑ஸா நு॒த்³ருத்ய॑ த³ர்ப⁴ஸ்த॒ம்பே॑³ஜுஹோத் । ததோ॒ வை ஸ ப்ர॒ஜா அ॑ஸ்ருஜத । தா அ॑ஸ்மாத்²ஸ்ரு॒ஷ்டா அபா᳚க்ராமன்ன் । தா க்³ரஹே॑ணாக்³ருஹ்ணாத் । தத்³க்³ரஹ॑ஸ்ய க்³ரஹ॒த்வம் । ய: கா॒மயே॑த॒ ப்ரஜா॑யே॒யேதி॑ । ஸ த³ஶ॑ஹோதாரம்॒ மன॑ஸா நு॒த்³ருத்ய॑ த³ர்ப⁴ஸ்த॒ம்பே³ ஜு॑ஹுயாத் । ப்ர॒ஜாப॑தி॒ர்வை த³ஶ॑ஹோதா ॥ 1 ॥

ப்ர॒ஜாப॑திரே॒வ பூ॒⁴த்வா ப்ர ஜா॑யதே ॥ மன॑ஸா ஜுஹோதி । மன॑ இவ॒ ஹி ப்ர॒ஜாப॑தி: । ப்ர॒ஜாப॑தே॒ராப்த்யை᳚ ॥ பூ॒ர்ணயா॑ ஜுஹோதி । பூ॒ர்ண இ॑வ॒ ஹி ப்ர॒ஜாப॑தி: । ப்ர॒ஜாப॑தே॒ராப்த்யை᳚ ॥ ந்யூ॑னயா ஜுஹோதி । ந்யூ॑னா॒த்³தி⁴ ப்ர॒ஜாப॑தி: ப்ர॒ஜா அஸ்ரு॑ஜத । ப்ர॒ஜானா॒க்³ம்॒ ஸ்ருஷ்ட்யை᳚ ॥ 2 ॥

த॒³ர்ப॒⁴ஸ்த॒ம்பே³ ஜு॑ஹோதி । ஏ॒தஸ்மா॒த்³வை யோனே:᳚ ப்ர॒ஜாப॑தி: ப்ர॒ஜா அ॑ஸ்ருஜத । யஸ்மா॑தே॒³வ யோனே:᳚ ப்ர॒ஜாப॑தி: ப்ர॒ஜா அஸ்ரு॑ஜத । தஸ்மா॑தே॒³வ யோனே:॒ ப்ர ஜா॑யதே ॥ ப்³ரா॒ஹ்ம॒ணோ த॑³க்ஷிண॒த உபா᳚ஸ்தே । ப்³ரா॒ஹ்ம॒ணோ வை ப்ர॒ஜானா॑-முபத்³ர॒ஷ்டா । உ॒ப॒த்³ர॒ஷ்டு॒மத்யே॒வ ப்ர ஜா॑யதே ॥ க்³ரஹோ॑ ப⁴வதி । ப்ர॒ஜானாக்³ம்॑ ஸ்ரு॒ஷ்டானாம்॒ த்⁴ருத்யை᳚ ॥ யம் ப்³ரா᳚ஹ்ம॒ணம் வி॒த்³யாம் வி॒த்³வாக்³ம்ஸம்॒ யஶோ॒ நர்ச்சே²த் ॥ 3 ॥

ஸோர॑ண்ய-ம்ப॒ரேத்ய॑ । த॒³ர்ப॒⁴ஸ்த॒ம்ப-³மு॒த்³க்³ரத்த்²ய॑ । ப்³ரா॒ஹ்ம॒ணம் த॑³க்ஷிண॒தோ நி॒ஷாத்³ய॑ । சது॑ர்​ஹோத்ரூ॒ன் வ்யாச॑க்ஷீத । ஏ॒தத்³வை தே॒³வானாம்᳚ பர॒மம் கு³ஹ்யம்॒ ப்³ரஹ்ம॑ । யச்சது॑ர்​ஹோதார: । ததே॒³வ ப்ர॑கா॒ஶம் க॑³மயதி । ததே॑³ன-ம்ப்ரகா॒ஶம் க॒³தம் । ப்ர॒கா॒ஶ-ம்ப்ர॒ஜானாம்᳚ க³மயதி ॥ த॒³ர்ப॒⁴ஸ்த॒ம்ப-³மு॒த்³க்³ரத்த்²ய॒ வ்யாச॑ஷ்டே ॥ 4 ॥

அ॒க்³னி॒வான். வை த॑³ர்ப⁴ஸ்த॒ம்ப:³ । அ॒க்³னி॒வத்யே॒வ வ்யாச॑ஷ்டே ॥ ப்³ரா॒ஹ்ம॒ணோ த॑³க்ஷிண॒த உபா᳚ஸ்தே । ப்³ரா॒ஹ்ம॒ணோ வை ப்ர॒ஜானா॑-முபத்³ர॒ஷ்டா । உ॒ப॒த்³ர॒ஷ்டு॒-மத்யே॒வைனம்॒ யஶ॑ ருச்ச²தி ॥ ஈ॒ஶ்வ॒ர-ந்தம் யஶோர்தோ॒ரித்யா॑ஹு: । யஸ்யாந்தே᳚ வ்யா॒சஷ்ட॒ இதி॑ । வர॒ஸ்தஸ்மை॒ தே³ய:॑ । யதே॒³வைனம்॒ தத்ரோ॑ப॒ நம॑தி । ததே॒³வாவ॑ ருந்தே⁴ ॥ 5 ॥

அ॒க்³னிமா॒த³தா॑⁴னோ॒ த³ஶ॑ஹோத்ரா॒ ரணி॒மவ॑த³த்³த்⁴யாத் । ப்ரஜா॑தமே॒வைன॒-மாத॑⁴த்தே । தேனை॒வோத்³த்³ருத்யா᳚க்³னிஹோ॒த்ர-ஞ்ஜு॑ஹுயாத் । ப்ரஜா॑தமே॒வைன॑ஜ்ஜுஹோதி । ஹ॒விர்னி॑ர்வ॒ப்²ஸ்யன்-த³ஶ॑ஹோதாரம்॒ வ்யாச॑க்ஷீத । ப்ரஜா॑தமே॒வைனம்॒ நிர்வ॑பதி । ஸா॒மி॒தே॒⁴னீ-ர॑னுவ॒க்ஷ்யன்-த³ஶ॑ஹோதாரம்॒ வ்யாச॑க்ஷீத । ஸா॒மி॒தே॒⁴னீரே॒வ ஸ்ரு॒ஷ்ட்வாரப்⁴ய॒ ப்ர த॑னுதே । அதோ॑² ய॒ஜ்ஞோ வை த³ஶ॑ஹோதா । ய॒ஜ்ஞமே॒வ த॑னுதே ॥ 6 ॥

அ॒பி॒⁴சர॒ன்-த³ஶ॑ஹோதார-ஞ்ஜுஹுயாத் । நவ॒ வை புரு॑ஷே ப்ரா॒ணா: । நாபி॑⁴ர்த³ஶ॒மீ । ஸப்ரா॑ணமே॒வைன॑-ம॒பி⁴ச॑ரதி । ஏ॒தாவ॒த்³வை புரு॑ஷஸ்ய॒ ஸ்வம் । யாவ॑-த்ப்ரா॒ணா: । யாவ॑தே॒³வாஸ்யாஸ்தி॑ । தத॒³பி⁴ச॑ரதி ॥ ஸ்வக்ரு॑த॒ இரி॑ணே ஜுஹோதி ப்ரத॒³ரே வா᳚ । ஏ॒தத்³வா அ॒ஸ்யை நிர்ரு॑திக்³ருஹீதம் । நிர்ரு॑தி க்³ருஹீத ஏ॒வைனம்॒ நிர்ரு॑த்யா க்³ராஹயதி ॥ ய-த்³வா॒ச: க்ரூ॒ரம் । தேன॒ வஷ॑ட்கரோதி । வா॒ச ஏ॒வைனம்॑ க்ரூ॒ரேண॒ ப்ர வ்ரு॑ஶ்சதி । தா॒ஜகா³ர்தி॒மார்ச்ச॑²தி ॥ 7 ॥
(த³ஶ॑ஹோதா॒ - ஸ்ருஷ்ட்யா॑ - ரு॒ச்சே²-த்³- வ்யாச॑ஷ்டே - ருந்த⁴ - ஏ॒வ த॑னுதே॒ - நிர்ரு॑திக்³ருஹீதம்॒ பஞ்ச॑ ச) (அ. 1)

அனுவாகம் 2 - சதுர்​ஹோத்ராதி³மந்த்ராணா-ங்க்ரத்வர்த²ப்ரயோக:³
ப்ர॒ஜாப॑திரகாமயத த³ர்​ஶபூர்ணமா॒ஸௌ ஸ்ரு॑ஜே॒யேதி॑ । ஸ ஏ॒த-ஞ்சது॑ர்​ஹோதார-மபஶ்யத் । த-ம்மன॑ஸானு॒த்³ருத்யா॑ ஹவ॒னீயே॑ஜுஹோத் । ததோ॒ வை ஸ த॑³ர்​ஶபூர்ணமா॒ஸாவ॑ஸ்ருஜத । தாவ॑ஸ்மா-஥²்ஸ்ரு॒ஷ்டாவபா᳚க்ராமதாம் । தௌ க்³ரஹே॑ணா க்³ருஹ்ணாத் । தத்³க்³ரஹ॑ஸ்ய க்³ரஹ॒த்வம் । த॒³ர்॒ஶ॒பூ॒ர்ண॒மா॒ஸா-வா॒லப॑⁴மான: । சது॑ர்​ஹோதாரம்॒ மன॑ஸானு॒த்³ருத்யா॑-ஹவ॒னீயே॑ ஜுஹுயாத் । த॒³ர்॒ஶ॒பூ॒ர்ண॒மா॒ஸாவே॒வ ஸ்ரு॒ஷ்ட்வாரப்⁴ய॒ ப்ர த॑னுதே ॥ 8 ॥

க்³ரஹோ॑ ப⁴வதி । த॒³ர்॒ஶ॒பூ॒ர்ண॒மா॒ஸயோ᳚-ஸ்ஸ்ரு॒ஷ்டயோ॒ர்த்⁴ருத்யை᳚ ॥ ஸோ॑காமயத சாதுர்மா॒ஸ்யானி॑ ஸ்ருஜே॒யேதி॑ । ஸ ஏ॒த-ம்பஞ்ச॑ஹோதார-மபஶ்யத் । த-ம்மன॑ஸானு॒த்³ருத்யா॑ ஹவ॒னீயே॑ஜுஹோத் । ததோ॒ வை ஸ சா॑துர்மா॒ஸ்யான்ய॑ஸ்ருஜத । தான்ய॑ஸ்மாத்²-ஸ்ரு॒ஷ்டான்யபா᳚க்ராமன்ன் । தானி॒ க்³ரஹே॑ணாக்³ருஹ்ணாத் । தத்³க்³ரஹ॑ஸ்ய க்³ரஹ॒த்வம் । சா॒து॒ர்மா॒ஸ்யான்யா॒லப॑⁴மான: ॥ 9 ॥

பஞ்ச॑ஹோதாரம்॒ மன॑ஸானு॒த்³ருத்யா॑ ஹவ॒னீயே॑ ஜுஹுயாத் । சா॒து॒ர்மா॒ஸ்யான்யே॒வ ஸ்ரு॒ஷ்ட்வாரப்⁴ய॒ ப்ர த॑னுதே । க்³ரஹோ॑ ப⁴வதி । சா॒து॒ர்மா॒ஸ்யானாக்³ம்॑ ஸ்ரு॒ஷ்டானாம்॒ த்⁴ருத்யை᳚ ॥ ஸோ॑காமயத பஶுப॒³ந்த⁴க்³ம் ஸ்ரு॑ஜே॒யேதி॑ । ஸ ஏ॒தக்³ம் ஷட்³டோ॑⁴தார-மபஶ்யத் । த-ம்மன॑ஸானு॒த்³ருத்யா॑ ஹவ॒னீயே॑ஜுஹோத் । ததோ॒ வை ஸ ப॑ஶுப॒³ந்த⁴ம॑ஸ்ருஜத । ஸோ᳚ஸ்மா-஥²்ஸ்ரு॒ஷ்டோ பா᳚க்ராமத் । தம் க்³ரஹே॑ணாக்³ருஹ்ணாத் ॥ 1௦ ॥

தத்³க்³ரஹ॑ஸ்ய க்³ரஹ॒த்வம் । ப॒ஶு॒ப॒³ந்தே⁴ன॑ ய॒க்ஷ்யமா॑ண: । ஷட்³டோ॑⁴தாரம்॒ மன॑ஸா நு॒த்³ருத்யா॑ ஹவ॒னீயே॑ ஜுஹுயாத் । ப॒ஶு॒ப॒³ந்த⁴மே॒வ ஸ்ரு॒ஷ்ட்வாரப்⁴ய॒ ப்ர த॑னுதே । க்³ரஹோ॑ ப⁴வதி । ப॒ஶு॒ப॒³ந்த⁴ஸ்ய॑ ஸ்ரு॒ஷ்டஸ்ய॒ த்⁴ருத்யை᳚ ॥ ஸோ॑காமயத ஸௌ॒ம்ய-ம॑த்³த்⁴வ॒ரக்³ம் ஸ்ரு॑ஜே॒யேதி॑ । ஸ ஏ॒தக்³ம் ஸ॒ப்தஹோ॑தார-மபஶ்யத் । த-ம்மன॑ஸானு॒த்³ருத்யா॑ ஹவ॒னீயே॑ ஜுஹோத் । ததோ॒ வை ஸ ஸௌ॒ம்ய-ம॑த்³த்⁴வ॒ர-ம॑ஸ்ருஜத ॥ 11 ॥

ஸோ᳚ஸ்மா-஥²்ஸ்ரு॒ஷ்டோபா᳚க்ராமத் । தம் க்³ரஹே॑ணாக்³ருஹ்ணாத் । தத்³க்³ரஹ॑ஸ்ய க்³ரஹ॒த்வம் । தீ॒³க்ஷி॒ஷ்யமா॑ண: । ஸ॒ப்தஹோ॑தாரம்॒ மன॑ஸானு॒த்³ருத்யா॑ ஹவ॒னீயே॑ ஜுஹுயாத் । ஸௌ॒ம்யமே॒வாத்³த்⁴வ॒ரக்³ம் ஸ்ரு॒ஷ்ட்வாரப்⁴ய॒ ப்ர த॑னுதே । க்³ரஹோ॑ ப⁴வதி । ஸௌ॒ம்யஸ்யா᳚-த்³த்⁴வ॒ரஸ்ய॑ ஸ்ரு॒ஷ்டஸ்ய॒ த்⁴ருத்யை᳚ ॥ தே॒³வேப்⁴யோ॒ வை ய॒ஜ்ஞோ ந ப்ராப॑⁴வத் । தமே॑தாவ॒ச்ச-²ஸ்ஸம॑ப⁴ரன்ன் ॥ 12 ॥

ய-஥²்ஸ॑பா⁴ம்॒ரா: । ததோ॒ வை தேப்⁴யோ॑ ய॒ஜ்ஞ: ப்ராப॑⁴வத் । ய-஥²்ஸ॑பா⁴ம்॒ரா ப⁴வ॑ந்தி । ய॒ஜ்ஞஸ்ய॒ ப்ரபூ᳚⁴த்யை ॥ ஆ॒தி॒த்த்²யமா॒ஸாத்³ய॒ வ்யாச॑ஷ்டே । ய॒ஜ்ஞ॒மு॒க²ம் வா ஆ॑தி॒த்²யம் । மு॒க॒²த ஏ॒வ ய॒ஜ்ஞக்³ம் ஸ॒ப்⁴ருந்த்ய॒ ப்ர த॑னுதே ॥ அய॑ஜ்ஞோ॒ வா ஏ॒ஷ: । யோ॑ப॒த்னீக:॑ । ந ப்ர॒ஜா: ப்ர ஜா॑யேரன்ன் । பத்னீ॒ர்வ்யாச॑ஷ்டே । ய॒ஜ்ஞமே॒வாக:॑ । ப்ர॒ஜானாம்᳚ ப்ர॒ஜன॑னாய ॥ உ॒ப॒ஸத்²ஸு॒ வ்யாச॑ஷ்டே । ஏ॒தத்³வை பத்னீ॑னா-மா॒யத॑னம் । ஸ்வ ஏ॒வைனா॑ ஆ॒யத॒னேவ॑ கல்பயதி ॥ 13 ॥
(த॒னு॒த॒ - ஆ॒லப॑⁴மானோ - க்³ருஹ்ணா - த³ஸ்ருஜ - தாப⁴ர - ஞ்ஜாயேர॒ன்-஥²்ஷட்ச॑) (அ. 2)

அனுவாகம் 3 - சதுர்​ஹோத்ருபஞ்சஹோத்ருமந்த்ரக்³ரஹபா⁴க³யோ: புருஷார்த² ப்ரயோக:³

ப்ர॒ஜாப॑தி-ரகாமயத॒ ப்ர ஜா॑யே॒யேதி॑ । ஸ தபோ॑தப்யத । ஸ த்ரி॒வ்ருத॒க்³க்॒³ ஸ்தோம॑-மஸ்ருஜத । த-ம்ப॑ஞ்சத॒³ஶஸ்தோமோ॑ மத்³த்⁴ய॒த உத॑³த்ருணத் । தௌ பூ᳚ர்வப॒க்ஷஶ்சா॑பரப॒க்ஷஶ்சா॑ப⁴வதாம் । பூ॒ர்வ॒ப॒க்ஷம் தே॒³வா அன்வஸ்ரு॑ஜ்யந்த । அ॒ப॒ர॒ப॒க்ஷ-மன்வஸு॑ரா: । ததோ॑ தே॒³வா அப॑⁴வன்ன் । பராஸு॑ரா: । ய-ங்கா॒மயே॑த॒ வஸீ॑யான்-஥²்ஸ்யா॒தி³தி॑ ॥ 14 ॥

த-ம்பூ᳚ர்வப॒க்ஷே யா॑ஜயேத் । வஸீ॑யானே॒வ ப॑⁴வதி । ய-ங்கா॒மயே॑த॒ பாபீ॑யாந்த்²-ஸ்யா॒தி³தி॑ । தம॑பரப॒க்ஷே யா॑ஜயேத் । பாபீ॑யானே॒வ ப॑⁴வதி । தஸ்மா᳚-த்பூர்வப॒க்ஷோ॑ ¶ப॒க்ஷாத்-க॑ரு॒ண்ய॑தர: ॥ ப்ர॒ஜாப॑தி॒ர்வை த³ஶ॑ஹோதா । சது॑ர்​ஹோதா॒ பஞ்ச॑ஹோதா । ஷட்³டோ॑⁴தா ஸ॒ப்தஹோ॑தா । ரு॒தவ॑-ஸ்ஸம்வத்²ஸ॒ர: ॥ 15 ॥

ப்ர॒ஜா: ப॒ஶவ॑ இ॒மே லோ॒கா: । ய ஏ॒வ-ம்ப்ர॒ஜாப॑திம் ப॒³ஹோர்பூ⁴யாக்³ம்॑ஸம்॒ வேத॑³ । ப॒³ஹோரே॒வ பூ⁴யா᳚ன் ப⁴வதி ॥ ப்ர॒ஜாப॑தி-ர்தே³வாஸு॒ரான॑ஸ்ருஜத । ஸ இந்த்³ர॒மபி॒ நாஸ்ரு॑ஜத । தம் தே॒³வா அ॑ப்³ருவன்ன் । இந்த்³ரம்॑ நோ ஜன॒யேதி॑ । ஸோ᳚ப்³ரவீத் । யதா॒² ஹம் யு॒ஷ்மாக்³க்³​ ஸ்தப॒ஸா ஸ்ரு॑க்ஷி । ஏ॒வமிந்த்³ரம்॑ ஜனயத்³த்⁴வ॒மிதி॑ ॥ 16 ॥

தே தபோ॑தப்யந்த । த ஆ॒த்மன்னிந்த்³ர॑-மபஶ்யன்ன் । தம॑ப்³ருவன்ன் । ஜாய॒ஸ்வேதி॑ । ஸோ᳚ப்³ரவீத் । கிம் பா॑⁴க॒³தே⁴ய॑-ம॒பி⁴ஜ॑னிஷ்ய॒ இதி॑ । ரு॒தூன்-஥²்ஸம்॑வத்²ஸ॒ரம் । ப்ர॒ஜா: ப॒ஶூன் । இ॒மால் ம்லோ॒கானித்ய॑ப்³ருவன்ன் । தம் வை மாஹு॑த்யா॒ ப்ரஜ॑னய॒தேத்ய॑ப்³ரவீத் ॥ 17 ॥

த-ஞ்சது॑ர்​ஹோத்ரா॒ ப்ராஜ॑னயன்ன் ॥ ய: கா॒மயே॑த வீ॒ரோ ம॒ ஆ ஜா॑யே॒தேதி॑ । ஸ சது॑ர்​ஹோதார-ஞ்ஜுஹுயாத் । ப்ர॒ஜாப॑தி॒ர்வை சது॑ர்​ஹோதா । ப்ர॒ஜாப॑திரே॒வ பூ॒⁴த்வா ப்ரஜா॑யதே । ஜ॒ஜன॒தி³ந்த்³ர॑-மிந்த்³ரி॒யாய॒ ஸ்வாஹேதி॒ க்³ரஹே॑ண ஜுஹோதி । ஆஸ்ய॑ வீ॒ரோ ஜா॑யதே । வீ॒ரக்³ம் ஹி தே॒³வா ஏ॒தயா ஹு॑த்யா॒ ப்ராஜ॑னயன்ன் ॥ ஆ॒தி॒³த்யாஶ்சாங்கி॑³ரஸஶ்ச ஸுவ॒ர்கே³ லோ॒கே᳚ ஸ்பர்த⁴ந்த । வ॒ய-ம்பூர்வே॑ ஸுவ॒ர்க³ம் லோ॒கமி॑யாம வ॒ய-ம்பூர்வ॒ இதி॑ ॥ 18 ॥

த ஆ॑தி॒³த்யா ஏ॒த-ம்பஞ்ச॑ஹோதார-மபஶ்யன்ன் । த-ம்பு॒ரா ப்ரா॑தரனுவா॒காதா³க்³னீ᳚த்³த்⁴ரே ஜுஹவு: । ததோ॒ வை தே பூர்வே॑ ஸுவ॒ர்க³ம் லோ॒கமா॑யன்ன் । ய-ஸ்ஸு॑வ॒ர்க³கா॑ம॒-ஸ்ஸ்யாத் । ஸ பஞ்ச॑ஹோதார-ம்பு॒ரா ப்ரா॑தரனுவா॒காதா³க்³னீ᳚த்³த்⁴ரே ஜுஹுயாத் । ஸம்॒வ॒த்²ஸ॒ரோ வை பஞ்ச॑ஹோதா । ஸம்॒வ॒த்²ஸ॒ர-ஸ்ஸு॑வ॒ர்கோ³ லோ॒க: । ஸம்॒வ॒த்²ஸ॒ர ஏ॒வர்துஷு॑ ப்ரதி॒ஷ்டா²ய॑ । ஸு॒வ॒ர்க³ம் லோ॒கமே॑தி ॥ தே᳚ப்³ருவ॒-ன்னங்கி॑³ரஸ ஆதி॒³த்யான் ॥ 19 ॥

க்வ॑ ஸ்த² । க்வ॑ வ-ஸ்ஸ॒த்³ப்⁴யோ ஹ॒வ்யம் வ॑க்ஷ்யாம॒ இதி॑ । ச²ந்த॒³-ஸ்ஸ்வித்ய॑ப்³ருவன்ன் । கா॒³ய॒த்ரி॒யா-ந்த்ரி॒ஷ்டுபி॒⁴-ஜக॑³த்யா॒மிதி॑ । தஸ்மா॒ச்ச²ந்த॑³-ஸ்ஸு ஸ॒த்³ப்⁴ய ஆ॑தி॒³த்யேப்⁴ய:॑ । ஆ॒ங்கீ॒³ர॒ஸீ: ப்ர॒ஜா ஹ॒வ்யம் வ॑ஹந்தி । வஹ॑ந்த்யஸ்மை ப்ர॒ஜா ப॒³லிம் । ஐன॒மப்ர॑திக்²யாதம் க³ச்ச²தி । ய ஏ॒வம் வேத॑³ ॥ த்³வாத॑³ஶ॒ மாஸா:॒ பஞ்ச॒ர்தவ:॑ । த்ரய॑ இ॒மே லோ॒கா: । அ॒ஸாவா॑தி॒³த்ய ஏ॑கவி॒க்³ம்॒ஶ: । ஏ॒தஸ்மி॒ன் வா ஏ॒ஷ ஶ்ரி॒த: । ஏ॒தஸ்மி॒ன்-ப்ரதி॑ஷ்டி²த: । ய ஏ॒வமே॒தக்³க்³​ ஶ்ரி॒த-ம்ப்ரதி॑ஷ்டி²தம்॒ வேத॑³ । ப்ரத்யே॒வ தி॑ஷ்ட²தி ॥ 2௦ ॥
(ஸ்யா॒தி³தி॑ - ஸம்வத்²ஸ॒ரோ - ஜ॑னயத்³த்⁴வ॒மிதீ - த்ய॑ப்³ரவீ॒த் - பூர்வ॒ இத்யா॑ - தி॒³த்யான் - ரு॒தவ॒-ஷ்ஷட்ச॑) (அ. 3)

அனுவாகம் 4 - ஜக³-஥²்ஸ்ருஷ்டிகத²னமுகே²ன ஹோத்ருமந்த்ரப்ரஶம்ஸா
ப்ர॒ஜாப॑தி-ரகாமயத॒ ப்ரஜா॑யே॒யேதி॑ । ஸ ஏ॒தம் த³ஶ॑ஹோதார-மபஶ்யத் । தேன॑ த³ஶ॒தா⁴ த்மானம்॑ வி॒தா⁴ய॑ । த³ஶ॑ஹோத்ரா தப்யத । தஸ்ய॒ சித்தி॒-ஸ்ஸ்ருகா³ஸீ᳚த் । சி॒த்தமாஜ்ய᳚ம் । தஸ்யை॒தா॑வத்யே॒வ வாகா³ஸீ᳚த் । ஏ॒தாவான்॑. யஜ்ஞக்ர॒து: ॥ ஸ சது॑ர்​ஹோதார-மஸ்ருஜத । ஸோ॑னந்த³த் ॥ 21 ॥

அஸ்ரு॑க்ஷி॒ வா இ॒மமிதி॑ । தஸ்ய॒ ஸோமோ॑ ஹ॒விராஸீ᳚த் । ஸ சது॑ர்​ஹோத்ரா தப்யத । ஸோ॑தாம்யத் । ஸ பூ⁴ரிதி॒ வ்யாஹ॑ரத் । ஸ பூ⁴மி॑மஸ்ருஜத । அ॒க்³னி॒ஹோ॒த்ரம் த॑³ர்​ஶபூர்ணமா॒ஸௌ யஜூக்³ம்॑ஷி । ஸ த்³வி॒தீய॑மதப்யத । ஸோ॑தாம்யத் । ஸ பு⁴வ॒ இதி॒ வ்யாஹ॑ரத் ॥ 22 ॥

ஸோ᳚ந்தரி॑க்ஷ-மஸ்ருஜத । சா॒து॒ர்மா॒ஸ்யானி॒ ஸாமா॑னி । ஸ த்ரு॒தீய॑மதப்யத । ஸோ॑தாம்யத் । ஸ ஸுவ॒ரிதி॒ வ்யாஹ॑ரத் । ஸ தி³வ॑மஸ்ருஜத । அ॒க்³னி॒ஷ்டோ॒ம-மு॒க்த்²ய॑-மதிரா॒த்ரம்ருச:॑ । ஏ॒தா வை வ்யாஹ்ரு॑தய இ॒மே லோ॒கா: । இ॒மான் க²லு॒ வை லோ॒கானனு॑ ப்ர॒ஜா: ப॒ஶவ॒ஶ்ச²ந்தா³க்³ம்॑ஸி॒ ப்ராஜா॑யந்த । ய ஏ॒வமே॒தா: ப்ர॒ஜாப॑தே: ப்ரத॒²மா வ்யாஹ்ரு॑தீ:॒ ப்ரஜா॑தா॒ வேத॑³ ॥ 23 ॥

ப்ர ப்ர॒ஜயா॑ ப॒ஶுபி॑⁴-ர்மிது॒²னை-ர்ஜா॑யதே ॥ ஸ பஞ்ச॑ஹோதார-மஸ்ருஜத । ஸ ஹ॒விர்னா-வி॑ந்த³த । தஸ்மை॒ ஸோம॑-ஸ்த॒னுவம்॒ ப்ராய॑ச்ச²த் । ஏ॒த-த்தே॑ ஹ॒விரிதி॑ । ஸ பஞ்ச॑ஹோத்ரா தப்யத । ஸோ॑தாம்யத் । ஸ ப்ர॒த்யம்ம॑பா³த⁴த । ஸோஸு॑ரா-னஸ்ருஜத । தத॒³ஸ்யா ப்ரி॑யமாஸீத் ॥ 24 ॥

தத்³-து॒³ர்வர்ண॒க்³ம்॒ ஹிர॑ண்யமப⁴வத் । தத்³-து॒³ர்வர்ண॑ஸ்ய॒ ஹிர॑ண்யஸ்ய॒ ஜன்ம॑ । ஸ த்³வி॒தீய॑மதப்யத । ஸோ॑தாம்யத் । ஸ ப்ராம॑பா³த⁴த । ஸ தே॒³வான॑ஸ்ருஜத । தத॑³ஸ்ய ப்ரி॒யம॑ஸீத் । த-஥²்ஸு॒வர்ண॒க்³ம்॒ ஹிர॑ண்யமப⁴வத் । த-஥²்ஸு॒வர்ண॑ஸ்ய॒ ஹிர॑ண்யஸ்ய॒ ஜன்ம॑ । ய ஏ॒வக்³ம் ஸு॒வர்ண॑ஸ்ய॒ ஹிர॑ண்யஸ்ய॒ ஜன்ம॒ வேத॑³ ॥ 25 ॥

ஸு॒வர்ண॑ ஆ॒த்மனா॑ ப⁴வதி । து॒³ர்வர்ணோ᳚ஸ்ய॒ ப்⁴ராத்ரு॑வ்ய: । தஸ்மா᳚-஥²்ஸு॒வர்ண॒க்³ம்॒ ஹிர॑ண்யம் பா॒⁴ர்ய᳚ம் । ஸு॒வர்ண॑ ஏ॒வ ப॑⁴வதி । ஐனம்॑ ப்ரி॒யம் க॑³ச்ச²தி॒ நாப்ரி॑யம் ॥ ஸ ஸ॒ப்தஹோ॑தார-மஸ்ருஜத । ஸ ஸ॒ப்தஹோ᳚த்ரை॒வ ஸு॑வ॒ர்க³ம் லோ॒கமை᳚த் ॥ த்ரி॒ண॒வேன॒ ஸ்தோமே॑னை॒ப்⁴யோ லோ॒கேப்⁴யோஸு॑ரா॒-ன்ப்ராணு॑த³த । த்ர॒ய॒ஸ்த்ரி॒க்³ம்॒ஶேன॒ ப்ரத்ய॑திஷ்ட²த் । ஏ॒க॒வி॒க்³ம்॒ஶேன॒ ருச॑மத⁴த்த ॥ 26 ॥

ஸ॒ப்த॒த॒³ஶேன॒ ப்ராஜா॑யத । ய ஏ॒வம் வி॒த்³வான்-஥²்ஸோமே॑ன॒ யஜ॑தே । ஸ॒ப்தஹோ᳚த்ரை॒வ ஸு॑வ॒ர்க³ம் லோ॒கமே॑தி । த்ரி॒ண॒வேன॒ ஸ்தோமே॑னை॒ப்⁴யோ லோ॒கேப்⁴யோ॒ ப்⁴ராத்ரு॑வ்யா॒ன்-ப்ரணு॑த³தே । த்ர॒ய॒ஸ்த்ரி॒க்³ம்॒ஶேன॒ ப்ரதி॑ திஷ்ட²தி । ஏ॒க॒வி॒க்³ம்॒ஶேன॒ ருசம்॑ த⁴த்தே । ஸ॒ப்த॒த॒³ஶேன॒ ப்ரஜா॑யதே । தஸ்மா᳚த்²-ஸப்தத॒³ஶ-ஸ்ஸ்தோமோ॒ ந நி॒ர்॒ஹ்ருத்ய:॑ । ப்ர॒ஜாப॑தி॒ ர்வை ஸ॑ப்தத॒³ஶ: । ப்ர॒ஜாப॑திமே॒வ ம॑த்³த்⁴ய॒தோ த॑⁴த்தே॒ ப்ரஜா᳚த்யை ॥ 27 ॥
(அ॒ன॒ந்த॒³-த்³- பு⁴வ॒ இதி॒ வ்யாஹ॑ர॒-த்³- வேதா॑³ - ஸீ॒-த்³- வேதா॑³ - த⁴த்த॒ - ப்ரஜா᳚த்யை) (அ. 4)

அனுவாகம் 5 - த³க்ஷிணாப்ரதிக்³ரஹமந்த்ரவ்யாக்²யானம்
தே॒³வா வை வரு॑ணமயாஜயன்ன் । ஸ யஸ்யை॑ யஸ்யை தே॒³வதா॑யை॒ த³க்ஷி॑ணா॒மன॑யத் । தாம॑வ்லீனாத் । தே᳚ப்³ருவன்ன் । வ்யா॒வ்ருத்ய॒ ப்ரதி॑ க்³ருஹ்ணாம । ததா॑² நோ॒ த³க்ஷி॑ணா॒ ந வ்லே᳚ஷ்ய॒தீதி॑ । தே வ்யா॒வ்ருத்ய॒ ப்ரத்ய॑க்³ருஹ்ணன்ன் । ததோ॒ வை தாம் த³க்ஷி॑ணா॒ நாவ்லீ॑னாத் । ய ஏ॒வம் வி॒த்³வான் வ்யா॒வ்ருத்ய॒ த³க்ஷி॑ணா-ம்ப்ரதிக்³ரு॒ஹ்ணாதி॑ । நைனம்॒ த³க்ஷி॑ணா வ்லீனாதி ॥ 28 ॥

ராஜா᳚ த்வா॒ வரு॑ணோ நயது தே³வி த³க்ஷிணே॒க்³னயே॒ ஹிர॑ண்ய॒மித்யா॑ஹ । ஆ॒க்³னே॒யம் வை ஹிர॑ண்யம் । ஸ்வயை॒வைன॑த்³-தே॒³வத॑யா॒ ப்ரதி॑ க்³ருஹ்ணாதி । ஸோமா॑ய॒ வாஸ॒ இத்யா॑ஹ । ஸௌ॒ம்யம் வை வாஸ:॑ । ஸ்வயை॒வைன॑த்³-தே॒³வத॑யா॒ ப்ரதி॑ க்³ருஹ்ணாதி । ரு॒த்³ராய॒ கா³மித்யா॑ஹ । ரௌ॒த்³ரீ வை கௌ³: । ஸ்வயை॒வைனாம்᳚ தே॒³வத॑யா॒ ப்ரதி॑ க்³ருஹ்ணாதி । வரு॑ணா॒யாஶ்வ॒மித்யா॑ஹ ॥ 29 ॥

வா॒ரு॒ணோ வா அஶ்வ:॑ । ஸ்வயை॒வைனம்॑ தே॒³வத॑யா॒ ப்ரதி॑ க்³ருஹ்ணாதி । ப்ரா॒ஜாப॑தயே॒ புரு॑ஷ॒மித்யா॑ஹ । ப்ரா॒ஜா॒ப॒த்யோ வை புரு॑ஷ: । ஸ்வயை॒வைனம்॑ தே॒³வத॑யா॒ ப்ரதி॑ க்³ருஹ்ணாதி । மன॑வே॒ தல்ப॒மித்யா॑ஹ । மா॒ன॒வோ வை தல்ப:॑ । ஸ்வயை॒வைனம்॑ தே॒³வத॑யா॒ ப்ரதி॑ க்³ருஹ்ணாதி । உ॒த்தா॒னாயா᳚ங்கீ³ர॒ஸாயான॒ இத்யா॑ஹ । இ॒யம் வா உ॑த்தா॒ன ஆ᳚ங்கீ³ர॒ஸ: ॥ 3௦ ॥

அ॒னயை॒வைன॒த்-ப்ரதி॑ க்³ருஹ்ணாதி ॥ வை॒ஶ்வா॒ன॒ர்யார்சா ரத²ம்॒ ப்ரதி॑ க்³ருஹ்ணாதி । வை॒ஶ்வா॒ன॒ரோ வை தே॒³வத॑யா॒ ரத:॑² । ஸ்வயை॒வைனம்॑ தே॒³வத॑யா॒ ப்ரதி॑ க்³ருஹ்ணாதி ॥ தேனா॑ம்ருத॒த்வம॑ஶ்யா॒-மித்யா॑ஹ । அ॒ம்ருத॑மே॒வாத்மன்-த॑⁴த்தே ॥ வயோ॑ தா॒³த்ர இத்யா॑ஹ । வய॑ ஏ॒வைனம்॑ க்ரு॒த்வா । ஸு॒வ॒ர்க³ம் லோ॒கம் க॑³மயதி ॥ மயோ॒ மஹ்ய॑மஸ்து ப்ரதிக்³ரஹீ॒த்ர இத்யா॑ஹ ॥ 31 ॥

யத்³வை ஶி॒வம் । தன்மய:॑ । ஆ॒த்மன॑ ஏ॒வைஷா பரீ᳚த்தி: ॥ க இ॒த-³ங்கஸ்மா॑ அதா॒³தி³த்யா॑ஹ । ப்ர॒ஜாப॑தி॒ர்வை க: । ஸ ப்ர॒ஜாப॑தயே த³தா³தி ॥ காம:॒ காமா॒யேத்யா॑ஹ । காமே॑ன॒ ஹி த³தா॑³தி । காமே॑ன ப்ரதிக்³ரு॒ஹ்ணாதி॑ ॥ காமோ॑ தா॒³தா காம:॑ ப்ரதி க்³ரஹீ॒தேத்யா॑ஹ ॥ 32 ॥

காமோ॒ ஹி தா॒³தா । காம:॑ ப்ரதி க்³ரஹீ॒தா ॥ காமக்³ம்॑ ஸமு॒த்³ர-மாவி॒ஶேத்யா॑ஹ । ஸ॒மு॒த்³ர இ॑வ॒ ஹி காம:॑ । நேவ॒ ஹி காம॒ஸ்யாந்தோஸ்தி॑ । ந ஸ॑மு॒த்³ரஸ்ய॑ ॥ காமே॑ன த்வா॒ ப்ரதி॑ க்³ருஹ்ணா॒மீத்யா॑ஹ । யேன॒ காமே॑ன ப்ரதி க்³ரு॒ஹ்ணாதி॑ । ஸ ஏ॒வைன॑ம॒முஷ்மி॑ல் ம்லோ॒கே காம॒ ஆக॑³ச்ச²தி ॥ காமை॒தத்த॑ ஏ॒ஷா தே॑ காம॒ த³க்ஷி॒ணேத்யா॑ஹ । காம॑ ஏ॒வ தத்³-யஜ॑மானோ॒முஷ்மி॑ல் ம்லோ॒கே த³க்ஷி॑ணாமிச்ச²தி । ந ப்ர॑திக்³ரஹீ॒தரி॑ ॥ ய ஏ॒வம் வி॒த்³வான்-த³க்ஷி॑ணா-ம்ப்ரதிக்³ரு॒ஹ்ணாதி॑ । அ॒ன்ரு॒ணாமே॒வைனாம்॒ ப்ரதி॑ க்³ருஹ்ணாதி ॥ 33 ॥
(வ்லீ॒னா॒த்ய - ஶ்வ॒மித்யா॑ஹா - ங்கி³ர॒ஸ: - ப்ர॑திக்³ரஹீ॒த்ர இத்யா॑ஹ - ப்ரதிக்³ரஹீ॒தேத்யா॑ஹ॒ - த³க்ஷி॒ணேத்யா॑ஹ ச॒த்வாரி॑ ச) (அ. 5)

அனுவாகம் 6 - த்³வாத³ஶாஹத³ஶமேஹனி ஹோத்ருமந்த்ரா:
அந்தோ॒ வா ஏ॒ஷ ய॒ஜ்ஞஸ்ய॑ । யத்³-த॑³ஶ॒மமஹ:॑ । த॒³ஶ॒மேஹ᳚ந்த்²-ஸர்பரா॒ஜ்ஞியா॑ ரு॒க்³பி⁴-ஸ்ஸ்து॑வந்தி । ய॒ஜ்ஞஸ்யை॒வாந்தம்॑ க॒³த்வா । அ॒ன்னாத்³ய॒மவ॑ருந்த⁴தே ॥ தி॒ஸ்ருபி॑⁴-ஸ்ஸ்துவந்தி । த்ரய॑ இ॒மே லோ॒கா: । ஏ॒ப்⁴ய ஏ॒வ லோ॒கேப்⁴யோ॒ன்னாத்³ய॒மவ॑ருந்த⁴தே । ப்ருஶ்னி॑வதீ-ர்ப⁴வந்தி । அன்னம்॒ வை ப்ருஶ்னி॑ ॥ 34 ॥

அன்ன॑மே॒வாவ॑-ருந்த⁴தே ॥ மன॑ஸா॒ ப்ரஸ்தௌ॑தி । மன॒ஸோத்³கா॑³யதி । மன॑ஸா॒ ப்ரதி॑ ஹரதி । மன॑ இவ॒ ஹி ப்ர॒ஜாப॑தி: । ப்ர॒ஜாப॑தே॒ராப்த்யை᳚ ॥ தே॒³வா வை ஸ॒ர்பா: । தேஷா॑மி॒யக்³ம் ராஜ்ஞீ᳚ । யத்²-ஸ॑ர்பரா॒ஜ்ஞியா॑ ரு॒க்³பி⁴-ஸ்ஸ்து॒வந்தி॑ । அ॒ஸ்யாமே॒வ ப்ரதி॑ திஷ்ட²ந்தி ॥ 35 ॥

சது॑ர்​ஹோத்ரூ॒ன்॒. ஹோதா॒ வ்யாச॑ஷ்டே । ஸ்து॒தமனு॑ஶக்³ம்ஸதி॒ ஶாந்த்யை᳚ ॥ அந்தோ॒ வா ஏ॒ஷ ய॒ஜ்ஞஸ்ய॑ । யத்³-த॑³ஶ॒மமஹ:॑ । ஏ॒தத் க²லு॒ வை தே॒³வானாம்᳚ பர॒மம் கு³ஹ்யம்॒ ப்³ரஹ்ம॑ । யச்சது॑ர்​ஹோதார: । த॒³ஶ॒மேஹ॒க்³க்॒³-ஶ்சது॑ர்​ஹோத்ரூ॒ன் வ்யாச॑ஷ்டே । ய॒ஜ்ஞஸ்யை॒வாந்தம்॑ க॒³த்வா । ப॒ர॒மம் தே॒³வானாம்॒ கு³ஹ்யம்॒ ப்³ரஹ்மாவ॑ருந்தே⁴ । ததே॒³வ ப்ர॑கா॒ஶம் க॑³மயதி ॥ 36 ॥

ததே॑³ன-ம்ப்ரகா॒ஶம் க॒³தம் । ப்ர॒கா॒ஶ-ம்ப்ர॒ஜானாம்᳚ க³மயதி ॥ வாசம்॑ யச்ச²தி । ய॒ஜ்ஞஸ்ய॒ த்⁴ருத்யை᳚ ॥ ய॒ஜ॒மா॒ன॒தே॒³வ॒த்யம்॑ வா அஹ:॑ । ப்⁴ரா॒த்ரு॒வ்ய॒தே॒³வ॒த்யா॑ ராத்ரி:॑ । அஹ்னா॒ ராத்ரிம்॑ த்⁴யாயேத் । ப்⁴ராத்ரு॑வ்யஸ்யை॒வ தல்லோ॒கம் வ்ரு॑ங்க்தே । யத்³தி³வா॒ வாசம்॑ விஸ்ரு॒ஜேத் । அஹ॒ர்ப்⁴ராத்ரு॑வ்யா॒யோச்சி²க்³ம்॑ஷேத் । யன்னக்தம்॑ விஸ்ரு॒ஜேத் । ராத்ரிம்॒ ப்⁴ராத்ரு॑வ்யா॒யோச்சி²க்³ம்॑ஷேத் । அ॒தி॒⁴வ்ரு॒க்ஷ॒ஸூ॒ர்யே வாசம்॒ விஸ்ரு॑ஜதி । ஏ॒தாவ॑ந்தமே॒வாஸ்மை॑ லோ॒கமுச்சி²க்³ம்॑ஷதி । யாவ॑தா³தி॒³த்யோ᳚ஸ்த॒மேதி॑ ॥ 37 ॥
(ப்ருஶ்னி॑ - திஷ்ட²ந்தி - க³மயதி - ஶிக்³ம்ஷே॒-த்பஞ்ச॑ ச) (அ. 6)

அனுவாகம் 7 - ஸப்தஹோத்ருமந்த்ரஸாத்⁴யயஜ்ஞப்ரஶம்ஸா
ப்ர॒ஜாப॑தி: ப்ர॒ஜா அ॑ஸ்ருஜத । தா-ஸ்ஸ்ரு॒ஷ்டா-ஸ்ஸம॑ஶ்லிஷ்யன்ன் । தா ரூ॒பேணானு॒ ப்ராவி॑ஶத் । தஸ்மா॑தா³ஹு: । ரூ॒பம் வை ப்ர॒ஜாப॑தி॒ரிதி॑ । தா நாம்னானு॒ ப்ராவி॑ஶத் । தஸ்மா॑தா³ஹு: । நாம॒ வை ப்ர॒ஜாப॑தி॒ரிதி॑ । தஸ்மா॒த³ப்யா॑ மி॒த்ரௌ ஸ॒க³ந்த்ய॑ । நாம்னா॒ சேத்³த்⁴வயே॑தே ॥ 38 ॥

மி॒த்ரமே॒வ ப॑⁴வத: ॥ ப்ர॒ஜாப॑தி-ர்தே³வாஸு॒ரான॑ஸ்ருஜத । ஸ இந்த்³ர॒மபி॒ நாஸ்ரு॑ஜத । தம் தே॒³வா அ॑ப்³ருவன்ன் । இந்த்³ரம்॑ நோ ஜன॒யேதி॑ । ஸ ஆ॒த்ம-ன்னிந்த்³ர॑-மபஶ்யத் । தம॑ஸ்ருஜத । த-ந்த்ரி॒ஷ்டுக்³-வீ॒ர்யம்॑ பூ॒⁴த்வானு॒ ப்ராவி॑ஶத் । தஸ்ய॒ வஜ்ர:॑ பஞ்சத॒³ஶோ ஹஸ்த॒ ஆப॑த்³யத । தேனோ॒த³ய்யாஸு॑ரான॒ப்⁴ய॑ ப⁴வத் ॥ 39 ॥

ய ஏ॒வம் வேத॑³ । அ॒பி⁴ ப்⁴ராத்ரு॑வ்யான் ப⁴வதி ॥ தே தே॒³வா அஸு॑ரை-ர்வி॒ஜித்ய॑ । ஸு॒வ॒ர்க³ம் லோ॒கமா॑யன்ன் । தே॑முஷ்மி॑ல் ம்லோ॒கே வ்ய॑க்ஷுத்³த்⁴யன்ன் । தே᳚ப்³ருவன்ன் । அ॒முத:॑ ப்ரதா³னம்॒ வா உப॑ஜிஜீவி॒மேதி॑ । தே ஸ॒ப்தஹோ॑தாரம் ய॒ஜ்ஞம் வி॒தா⁴யா॒யாஸ்ய᳚ம் । ஆ॒ங்கீ॒³ர॒ஸ-ம்ப்ராஹி॑ண்வன்ன் । ஏ॒தேனா॒முத்ர॑ கல்ப॒யேதி॑ ॥ 4௦ ॥

தஸ்ய॒ வா இ॒ய-ங்க்ல்ருப்தி:॑ । யதி॒³த-³ங்கி-ஞ்ச॑ । ய ஏ॒வம் வேத॑³ । கல்ப॑தேஸ்மை । ஸ வா அ॒ய-ம்ம॑னு॒ஷ்யே॑ஷு ய॒ஜ்ஞ-ஸ்ஸ॒ப்தஹோ॑தா । அ॒முத்ர॑ ஸ॒த்³ப்⁴யோ தே॒³வேப்⁴யோ॑ ஹ॒வ்யம் வ॑ஹதி । ய ஏ॒வம் வேத॑³ । உபை॑னம் ய॒ஜ்ஞோ ந॑மதி ॥ ஸோ॑மன்யத । அ॒பி⁴ வா இ॒மே᳚ஸ்மா-ல்லோ॒காத॒³மும்லோ॒க-ங்க॑மிஷ்யந்த॒ இதி॑ । ஸ வாச॑ஸ்பதே॒ ஹ்ருதி³தி॒ வ்யாஹ॑ரத் । தஸ்மா᳚-த்பு॒த்ரோ ஹ்ருத॑³யம் । தஸ்மா॑த॒³ஸ்மா-ல்லோ॒காத॒³மும் லோ॒க-ன்னாபி⁴கா॑மயந்தே । பு॒த்ரோ ஹி ஹ்ருத॑³யம் ॥ 41 ॥
(ஹ்வயே॑த - அப⁴வத் - கல்ப॒யே - தீதி॑ ச॒த்வாரி॑ ச) (அ. 7)

அனுவாகம் 8 - ஹோத்ருமந்த்ராணாம் ஸோமயாகா³ங்க³த்வம்
தே॒³வா வை சது॑ர்​ஹோத்ருபி⁴-ர்ய॒ஜ்ஞம॑தன்வத । தே வி பா॒ப்மனா॒ ப்⁴ராத்ரு॑வ்யே॒ணாஜ॑யந்த । அ॒பி⁴ ஸு॑வ॒ர்க³ம் லோ॒கம॑ஜயன்ன் । ய ஏ॒வம் வி॒த்³வாக்³க்³​-ஶ்சது॑ர்​ஹோத்ருபி⁴ர்ய॒ஜ்ஞ-ந்த॑னு॒தே । வி பா॒ப்மனா॒ ப்⁴ராத்ரு॑வ்யேண ஜயதே । அ॒பி⁴ ஸு॑வ॒ர்க³ம் லோ॒க-ஞ்ஜ॑யதி ॥ ஷட்³டோ᳚⁴த்ரா ப்ராய॒ணீய॒மாஸா॑த³யதி । அ॒முஷ்மை॒ வை லோ॒காய॒ ஷட்³டோ॑⁴தா । க்⁴னந்தி॒ க²லு॒ வா ஏ॒த-஥²்ஸோம᳚ம் । யத॑³பி⁴ஷு॒ண்வந்தி॑ ॥ 42 ॥

ரு॒ஜு॒தை⁴வைன॑ம॒மும் லோ॒கம் க॑³மயதி । சது॑ர்​ஹோத்ரா தி॒த்த்²யம் । யஶோ॒ வை சது॑ர்​ஹோதா । யஶ॑ ஏ॒வாத்மன்-த॑⁴த்தே । பஞ்ச॑ஹோத்ரா ப॒ஶுமுப॑ ஸாத³யதி । ஸு॒வ॒ர்க்³யோ॑ வை பஞ்ச॑ஹோதா । யஜ॑மான: ப॒ஶு: । யஜ॑மானமே॒வ ஸு॑வ॒ர்க³ம் லோ॒கம் க॑³மயதி । க்³ரஹா᳚ன்-க்³ருஹீ॒த்வா ஸ॒ப்தஹோ॑தார-ஞ்ஜுஹோதி । இ॒ந்த்³ரி॒யம் வை ஸ॒ப்தஹோ॑தா ॥ 43 ॥

இ॒ந்த்³ரி॒யமே॒வாத்மன்-த॑⁴த்தே ॥ யோ வை சது॑ர்​ஹோத்ரூ-னனுஸவ॒ன-ந்த॒ர்பய॑தி । த்ருப்ய॑தி ப்ர॒ஜயா॑ ப॒ஶுபி॑⁴: । உபை॑னக்³ம் ஸோமபீ॒தோ² ந॑மதி । ப॒³ஹி॒ஷ்பவ॒மா॒னே த³ஶ॑ஹோதாரம்॒ வ்யாச॑க்ஷீத । மாத்³த்⁴ய॑ந்தி³னே॒ பவ॑மானே॒ சது॑ர்​ஹோதாரம் । ஆர்ப॑⁴வே॒ பவ॑மானே॒ பஞ்ச॑ஹோதாரம் । பி॒த்ரு॒ய॒ஜ்ஞே ஷட்³டோ॑⁴தாரம் । ய॒ஜ்ஞா॒ய॒ஜ்ஞிய॑ஸ்ய ஸ்தோ॒த்ரே ஸ॒ப்தஹோ॑தாரம் । அ॒னு॒ஸ॒வ॒னமே॒வைனாக்³க்॑³ ஸ்தர்பயதி ॥ 44 ॥

த்ருப்ய॑தி ப்ர॒ஜயா॑ ப॒ஶுபி॑⁴: । உபை॑னக்³ம் ஸோமபீ॒தோ² ந॑மதி ॥ தே॒³வா வை சது॑ர்​ஹோத்ருபி⁴-ஸ்ஸ॒த்ரமா॑ஸத । ருத்³தி॑⁴பரிமிதம்॒ யஶ॑ஸ்காமா: । தே᳚ப்³ருவன்ன் । யன்ன:॑ ப்ரத॒²மம் யஶ॑ ரு॒ச்சா²த் । ஸர்வே॑ஷா-ன்ன॒ஸ்தத்²-ஸ॒ஹாஸ॒தி³தி॑ । ஸோம॒ஶ்சது॑ர்​ஹோத்ரா । அ॒க்³னி: பஞ்ச॑ஹோத்ரா । தா॒⁴தா ஷட்³டோ᳚⁴த்ரா ॥ 45 ॥

இந்த்³ர॑-ஸ்ஸ॒ப்தஹோ᳚த்ரா । ப்ர॒ஜாப॑தி॒-ர்த³ஶ॑ஹோத்ரா । தேஷா॒க்³ம்॒ ஸோம॒க்³ம்॒ ராஜா॑னம்॒ யஶ॑ ஆர்ச்ச²த் ॥ தன்ன்ய॑காமயத । தேனாபா᳚க்ராமத் । தேன॑ ப்ர॒லாய॑மசரத் । தம் தே॒³வா: ப்ரை॒ஷை: ப்ரைஷ॑மைச்ச²ன்ன் । தத்-ப்ரை॒ஷாணாம்᳚ ப்ரைஷ॒த்வம் । நி॒வித்³பி॒⁴ர்ன்ய॑வேத³யன்ன் । தன்னி॒விதா³ம்᳚ நிவி॒த்த்வம் ॥ 46 ॥

ஆ॒ப்ரீபி॑⁴ராப்னுவன்ன் । ததா॒³ப்ரீணா॑மாப்ரி॒த்வம் । தம॑க்⁴னன்ன் । தஸ்ய॒ யஶோ॒ வ்ய॑க்³ருஹ்ணத । தே க்³ரஹா॑ அப⁴வன்ன் । தத்³க்³ரஹா॑ணாம் க்³ரஹ॒த்வம் । யஸ்யை॒வம் வி॒து³ஷோ॒ க்³ரஹா॑ க்³ரு॒ஹ்யந்தே᳚ । தஸ்ய॒ த்வே॑வ க்³ரு॑ஹீ॒தா: ॥ தே᳚ப்³ருவன்ன் । யோ வை ந॒-ஶ்ஶ்ரேஷ்டோ²பூ᳚⁴த் ॥ 47 ॥

தம॑வதி⁴ஷ்ம । புன॑ரி॒மக்³ம் ஸு॑வாமஹா॒ இதி॑ । தம் ச²ந்தோ॑³பி⁴-ரஸுவந்த । தச்ச²ந்த॑³ஸாம் ச²ந்த॒³ஸ்த்வம் । ஸாம்னா॒ ஸமான॑யன்ன் । த-஥²்ஸாம்ன॑-ஸ்ஸாம॒த்வம் । உ॒க்தை²-ருத॑³ஸ்தா²பயன்ன் । தது॒³க்தா²னா॑-முக்த॒²த்வம் । ய ஏ॒வம் வேத॑³ । ப்ரத்யே॒வ தி॑ஷ்ட²தி ॥ 48 ॥

ஸர்வ॒மாயு॑ரேதி ॥ ஸோமோ॒ வை யஶ:॑ । ய ஏ॒வம் வி॒த்³வாந்த்²-ஸோம॑மா॒க³ச்ச॑²தி । யஶ॑ ஏ॒வைன॑ம்ருச்ச²தி । தஸ்மா॑தா³ஹு: । யஶ்சை॒வம் வேத॒³ யஶ்ச॒ ந । தாவு॒பௌ⁴ ஸோம॒-மாக॑³ச்ச²த: । ஸோமோ॒ ஹி யஶ:॑ । த-ந்த்வாவ யஶ॑ ருச்ச॒²தீத்யா॑ஹு: । ய-ஸ்ஸோமே॒ ஸோமம்॒ ப்ராஹேதி॑ । தஸ்மா॒த்²-ஸோமே॒ ஸோம:॒ ப்ரோச்ய:॑ । யஶ॑ ஏ॒வைன॑ம்ருச்ச²தி ॥ 49 ॥
(அ॒பி॒⁴ஷு॒ண்வந்தி॑ - ஸ॒ப்தஹோ॑தா - தர்பயதி॒ - ஷட்³டோ᳚⁴த்ரா - நிவி॒த்த்வ - மபூ᳚⁴த் - திஷ்ட²தி॒ - ப்ராஹேதி॒ த்³வே ச॑) (அ. 8)

அனுவாகம் 9 - ஹோத்ருமந்த்ரோத்பத்திகத²னப்ரஸங்கே³ன ஜக³-஥²்ஸ்ருஷ்டி:
இ॒த³ம் வா அக்³ரே॒ நைவ கிஞ்ச॒னாஸீ᳚த் । ந த்³யௌரா॑ஸீத் । ந ப்ரு॑தி॒²வீ । நாந்தரி॑க்ஷம் । தத³ஸ॑தே॒³வ ஸன்மனோ॑ குருத॒ ஸ்யாமிதி॑ । தத॑³தப்யத । தஸ்மா᳚த்-தேபா॒னாத்³தூ॒⁴மோ॑ஜாயத । தத்³-பூ⁴யோ॑தப்யத । தஸ்மா᳚த்-தேபா॒னாத॒³க்³னி-ர॑ஜாயத । தத்³-பூ⁴யோ॑தப்யத ॥ 5௦ ॥

தஸ்மா᳚த்-தேபா॒னாஜ்ஜ்யோதி॑-ரஜாயத । தத்³-பூ⁴யோ॑தப்யத । தஸ்மா᳚த்-தேபா॒னாத॒³ர்சி-ர॑ஜாயத । தத்³-பூ⁴யோ॑தப்யத । தஸ்மா᳚த்-தேபா॒னான்மரீ॑சயோஜாயந்த । தத்³-பூ⁴யோ॑தப்யத । தஸ்மா᳚த்-தேபா॒னாது॑³தா॒³ரா அ॑ஜாயந்த । தத்³-பூ⁴யோ॑தப்யத । தத॒³ப்⁴ரமி॑வ॒ ஸம॑ஹன்யத ॥ தத்³-வ॒ஸ்திம॑பி⁴னத் ॥ 51 ॥

ஸ ஸ॑மு॒த்³ரோ॑ப⁴வத் । தஸ்மா᳚த்²-ஸமு॒த்³ரஸ்ய॒ ந பி॑ப³ந்தி । ப்ர॒ஜன॑னமிவ॒ ஹி மன்ய॑ந்தே । தஸ்மா᳚-த்ப॒ஶோ-ர்ஜாய॑மானா॒தா³ப:॑ பு॒ரஸ்தா᳚த்³-யந்தி ॥ தத்³-த³ஶ॑ஹோ॒தான்வ॑ஸ்ருஜ்யத । ப்ர॒ஜாப॑தி॒ர்வை த³ஶ॑ ஹோதா ॥ ய ஏ॒வ-ந்தப॑ஸோ வீ॒ர்யம்॑ வி॒த்³வாக்³க்³​ஸ்தப்ய॑தே । ப⁴வ॑த்யே॒வ ॥ தத்³வா இ॒த³மாப॑-ஸ்ஸலி॒ல-மா॑ஸீத் । ஸோ॑ரோதீ³த்-ப்ர॒ஜாப॑தி: ॥ 52 ॥

ஸ கஸ்மா॑ அஜ்ஞி । யத்³-ய॒ஸ்யா அப்ர॑திஷ்டா²யா॒ இதி॑ । யத॒³ப்²ஸ்வ॑-வாப॑த்³யத । ஸா ப்ரு॑தி॒²வ்ய॑ப⁴வத் । யத்³வ்யம்ரு॑ஷ்ட । தத॒³ந்தரி॑க்ஷ-மப⁴வத் । யதூ॒³ர்த்⁴வ-மு॒த³ம்ரு॑ஷ்ட । ஸா த்³யௌர॑ப⁴வத் । யத³ரோ॑தீ³த் । தத॒³னயோ॑ ரோத॒³ஸ்த்வம் ॥ 53 ॥

ய ஏ॒வம் வேத॑³ । நாஸ்ய॑ க்³ரு॒ஹே ரு॑த³ந்தி । ஏ॒தத்³வா ஏ॒ஷாம் லோ॒கானாம்॒ ஜன்ம॑ । ய ஏ॒வமே॒ஷாம் லோ॒கானாம்॒ ஜன்ம॒ வேத॑³ । நைஷு லோ॒கே-ஷ்வார்தி॒மார்ச்ச॑²தி । ஸ இ॒மா-ம்ப்ர॑தி॒ஷ்டா²-ம॑விந்த³த ॥ ஸ இ॒மா-ம்ப்ர॑தி॒ஷ்டா²ம் வி॒த்த்வா கா॑மயத॒ ப்ரஜா॑யே॒யேதி॑ । ஸ தபோ॑தப்யத । ஸோ᳚ந்தர்வா॑னப⁴வத் । ஸ ஜ॒க⁴னா॒த³ஸு॑ரா-னஸ்ருஜத ॥ 54 ॥

தேப்⁴யோ॑ ம்ரு॒ன்மயே॒ பாத்ரேன்ன॑மது³ஹத் । யாஸ்ய॒ ஸா த॒னூராஸீ᳚த் । தாமபா॑ஹத । ஸா தமி॑ஸ்ராப⁴வத் ॥ ஸோ॑காமயத॒ ப்ரஜா॑யே॒யேதி॑ । ஸ தபோ॑தப்யத । ஸோ᳚ந்தர்வா॑-னப⁴வத் । ஸ ப்ர॒ஜன॑னாதே॒³வ ப்ர॒ஜா அ॑ஸ்ருஜத । தஸ்மா॑தி॒³மா பூ⁴யி॑ஷ்டா²: । ப்ர॒ஜன॑னா॒த்³த்⁴யே॑னா॒ அஸ்ரு॑ஜத ॥ 55 ॥

தாப்⁴யோ॑ தா³ரு॒மயே॒ பாத்ரே॒ பயோ॑து³ஹத । யாஸ்ய॒ ஸா த॒னூராஸீ᳚த் । தாமபா॑ஹத । ஸா ஜோத்²ஸ்னா॑ ப⁴வத் ॥ ஸோ॑காமயத॒ ப்ரஜா॑யே॒யேதி॑ । ஸதபோ॑தப்யத । ஸோ᳚ந்தர்வா॑-னப⁴வத் । ஸ உ॑பப॒க்ஷாப்⁴யா॑-மே॒வர்தூன॑ஸ்ருஜத । தேப்⁴யோ॑ ரஜ॒தே பாத்ரே॑ க்⁴ரு॒தம॑து³ஹத் । யாஸ்ய॒ ஸா த॒னூராஸீ᳚த் ॥ 56 ॥

தாமபா॑ஹத । ஸோ॑ஹோரா॒த்ரயோ᳚-ஸ்ஸ॒ந்தி⁴-ர॑ப⁴வத் ॥ ஸோ॑காமயத॒ ப்ரஜா॑யே॒யேதி॑ । ஸ தபோ॑தப்யத । ஸோ᳚ந்தர்வா॑-னப⁴வத் । ஸ முகா᳚²த்³-தே॒³வா-ன॑ஸ்ருஜத । தேப்⁴யோ॒ ஹரி॑தே॒ பாத்ரே॒ ஸோம॑மது³ஹத் । யாஸ்ய॒ ஸா த॒னூராஸீ᳚த் । தாமபா॑ஹத । தத³ஹ॑ரப⁴வத் ॥ 57 ॥

ஏ॒தே வை ப்ர॒ஜாப॑தே॒ர்தோ³ஹா:᳚ । ய ஏ॒வம் வேத॑³ । து॒³ஹ ஏ॒வ ப்ர॒ஜா: ॥ தி³வா॒ வை நோ॑பூ॒⁴தி³தி॑ । தத்³-தே॒³வானாம்᳚ தே³வ॒த்வம் । ய ஏ॒வம் தே॒³வானாம்᳚ தே³வ॒த்வம் வேத॑³ । தே॒³வவா॑னே॒வ ப॑⁴வதி ॥ ஏ॒தத்³வா அ॑ஹோரா॒த்ராணாம்॒ ஜன்ம॑ । ய ஏ॒வம॑ஹோரா॒த்ராணாம்॒ ஜன்ம॒ வேத॑³ । நாஹோ॑ரா॒த்ரேஷ்வார்தி॒மார்ச்ச॑²தி ॥ 58 ॥

அஸ॒தோதி॒⁴ மனோ॑ஸ்ருஜ்யத । மன:॑ ப்ர॒ஜாப॑தி-மஸ்ருஜத । ப்ர॒ஜாப॑தி: ப்ர॒ஜா அ॑ஸ்ருஜத । தத்³வா இ॒த-³ம்மன॑ஸ்யே॒வ ப॑ர॒ம-ம்ப்ரதி॑ஷ்டி²தம் । யதி॒³த-³ங்கிஞ்ச॑ । ததே॒³தச்ச்²வோ॑வஸ்ய॒ ஸம்னாம॒ ப்³ரஹ்ம॑ ॥ வ்யு॒ச்ச²ந்தீ᳚ வ்யுச்ச²ந்த்யஸ்மை॒ வஸ்ய॑ஸீ வஸ்யஸீ॒ வ்யு॑ச்ச²தி । ப்ரஜா॑யதே ப்ர॒ஜயா॑ ப॒ஶுபி॑⁴: । ப்ர ப॑ரமே॒ஷ்டி²னோ॒ மாத்ரா॑-மாப்னோதி । ய ஏ॒வம் வேத॑³ ॥ 59 ॥
(அ॒க்³னிர॑ஜாயத॒ தத்³பூ⁴யோ॑தப்யதா - பி⁴னத³ - ரோதீ³-த்ப்ர॒ஜாப॑தீ - ரோத॒³ஸ்த்வ - ம॑ஸ்ருஜ॒ - தாஸ்ரு॑ஜத - க்⁴ரு॒தம॑து³ஹ॒த்³யாஸ்ய॒ ஸா த॒னூராஸீ॒ - த³ஹ॑ரப⁴வ-த்³- ருச்ச²தி॒ - வேத॑³) (அ. 9)

(இ॒த³ம் தூ॒⁴மோ᳚ க்³னி-ர்ஜ்யோதி॑ ர॒ர்சி-ர்மரீ॑சய உதா॒³ரா ஸ்தத॒³ப்⁴ரக்³ம் /
ஸ ஜ॒க⁴னா॒-஥²்ஸா தமி॑ஸ்ரா॒ ஸ ப்ர॒ஜன॑னா॒-஥²்ஸா ஜோத்²ஸ்னா॒ ஸ உ॑பப॒க்ஷாப்⁴யா॒க்³ம்॒ ஸோ॑ ஹோரா॒த்ரயோ᳚-ஸ்ஸ॒ந்தி⁴-ஸ்ஸமுகா॒²-த்தத³ஹ॑-ர்தே॒³வவா᳚ன் / ம்ரு॒ன்மயே॑ தா³ரு॒மயே॑ ரஜ॒தே ஹரி॑தே॒ தேப்⁴ய॒ஸ்தாப்⁴யோ॒ த்³வே தேப்⁴யோன்னம்॒ பயோ॑
க்⁴ரு॒தக்³ம் ஸோம᳚ம்)

அனுவாகம் 1௦ - தே³வஸ்ருஷ்டிமத்⁴யேவஸ்தி²தஸ்யேந்த்³ரஸ்ய தே³வதாதி⁴பதித்வம்
ப்ர॒ஜாப॑தி॒-ரிந்த்³ர॑மஸ்ருஜ-தானுஜாவ॒ரம் தே॒³வானா᳚ம் । த-ம்ப்ராஹி॑ணோத் । பரே॑ஹி । ஏ॒தேஷாம்᳚ தே॒³வானா॒-மதி॑⁴பதிரே॒தீ⁴தி॑ । தம் தே॒³வா அ॑ப்³ருவன்ன் । கஸ்த்வமஸி॑ । வ॒யம் வை த்வச்ச்²ரேயாக்³ம்॑ஸ-ஸ்ஸ்ம॒ இதி॑ । ஸோ᳚ப்³ரவீத் । கஸ்த்வமஸி॑ வ॒யம் வை த்வச்ச்²ரேயாக்³ம்॑ஸ-ஸ்ஸ்ம॒ இதி॑ மா தே॒³வா அ॑வோச॒ன்னிதி॑ ॥ அத॒² வா இ॒த-³ந்தர்​ஹி॑ ப்ர॒ஜாப॑தௌ॒ ஹர॑ ஆஸீத் ॥ 6௦ ॥

யத॒³ஸ்மின்னா॑தி॒³த்யே । ததே॑³னமப்³ரவீத் । ஏ॒தன்மே॒ ப்ரய॑ச்ச² । அதா॒²ஹமே॒தேஷாம்᳚ தே॒³வானா॒-மதி॑⁴பதி-ர்ப⁴விஷ்யா॒மீதி॑ । கோ॑ஹக்³க்³​-ஸ்யா॒மித்ய॑ப்³ரவீத் । ஏ॒த-த்ப்ர॒தா³யேதி॑ । ஏ॒தத்²-ஸ்யா॒ இத்ய॑ப்³ரவீத் । யதே॒³தத்³ப்³ரவீ॒ஷீதி॑ । கோ ஹ॒ வை நாம॑ ப்ர॒ஜாப॑தி: । ய ஏ॒வம் வேத॑³ ॥ 61 ॥

வி॒து³ரே॑னம்॒ நாம்னா᳚ । தத॑³ஸ்மை ரு॒க்ம-ங்க்ரு॒த்வா ப்ரத்ய॑முஞ்சத் । ததோ॒ வா இந்த்³ரோ॑ தே॒³வானா॒-மதி॑⁴பதி-ரப⁴வத் । ய ஏ॒வம் வேத॑³ । அதி॑⁴பதிரே॒வ ஸ॑மா॒னானாம்᳚ ப⁴வதி ॥ ஸோ॑மன்யத । கி-ங்கிம்॒ வா அ॑கர॒மிதி॑ । ஸ ச॒ந்த்³ர-ம்ம॒ ஆஹ॒ரேதி॒ ப்ரால॑பத் । தச்ச॒ந்த்³ரம॑ஸ-ஶ்சந்த்³ரம॒ஸ்த்வம் । ய ஏ॒வம் வேத॑³ ॥ 62 ॥

ச॒ந்த்³ரவா॑னே॒வ ப॑⁴வதி ॥ தம் தே॒³வா அ॑ப்³ருவன்ன் । ஸு॒வீர்யோ॑ மர்யா॒ யதா॑² கோ³பா॒யத॒ இதி॑ । த-஥²்ஸூர்ய॑ஸ்ய ஸூர்ய॒த்வம் । ய ஏ॒வம் வேத॑³ । நைனம்॑ த³ப்⁴னோதி ॥ கஶ்ச॒ நாஸ்மி॒ன்வா இ॒த³மி॑ந்த்³ரி॒ய-ம்ப்ரத்ய॑ஸ்தா॒²தி³தி॑ । ததி³ந்த்³ர॑-ஸ்யேந்த்³ர॒த்வம் । ய ஏ॒வம் வேத॑³ । இ॒ந்த்³ரி॒யா॒வ்யே॑வ ப॑⁴வதி ॥ 63 ॥

அ॒யம் வா இ॒த-³ம்ப॑ர॒மோ॑பூ॒⁴தி³தி॑ । தத்-ப॑ரமே॒ஷ்டி²ன:॑ பரமேஷ்டி॒²த்வம் । ய ஏ॒வம் வேத॑³ । ப॒ர॒மாமே॒வ காஷ்டா²ம்᳚ க³ச்ச²தி ॥ தம் தே॒³வா-ஸ்ஸ॑ம॒ந்த-ம்பர்ய॑விஶன்ன் । வஸ॑வ: பு॒ரஸ்தா᳚த் । ரு॒த்³ரா த॑³க்ஷிண॒த: । ஆ॒தி॒³த்யா: ப॒ஶ்சாத் । விஶ்வே॑ தே॒³வா உ॑த்தர॒த: । அங்கி॑³ரஸ: ப்ர॒த்யஞ்ச᳚ம் ॥ 64 ॥

ஸா॒த்³த்⁴யா: பரா᳚ஞ்சம் । ய ஏ॒வம் வேத॑³ । உபை॑னக்³ம் ஸமா॒னா-ஸ்ஸம் வி॑ஶந்தி ॥ ஸ ப்ர॒ஜாப॑திரே॒வ பூ॒⁴த்வா ப்ர॒ஜா ஆவ॑யத் । தா அ॑ஸ்மை॒ நாதி॑ஷ்ட²ந்தா॒ன்னாத்³யா॑ய । தா முக²ம்॑ பு॒ரஸ்தா॒த்-பஶ்ய॑ந்தீ: । த॒³க்ஷி॒ண॒த: பர்யா॑யன்ன் । ஸ த॑³க்ஷிண॒த: பர்ய॑வர்தயத । தா முக²ம்॑ பு॒ரஸ்தா॒த்-பஶ்ய॑ந்தீ: । முக²ம்॑ த³க்ஷிண॒த: ॥ 65 ॥

ப॒ஶ்சாத்-பர்யா॑யன்ன் । ஸ ப॒ஶ்சாத்-பர்ய॑வர்தயத । தா முக²ம்॑ பு॒ரஸ்தா॒த்-பஶ்ய॑ந்தீ: । முக²ம்॑ த³க்ஷிண॒த: । முக²ம்॑ ப॒ஶ்சாத் । உ॒த்த॒ர॒த: பர்யா॑யன்ன் । ஸ உ॑த்தர॒த: பர்ய॑வர்தயத । தா முக²ம்॑ பு॒ரஸ்தா॒த்-பஶ்ய॑ந்தீ: । முக²ம்॑ த³க்ஷிண॒த: । முக²ம்॑ ப॒ஶ்சாத் ॥ 66 ॥

முக॑²முத்தர॒த: । ஊ॒ர்த்⁴வா உதா॑³யன்ன் । ஸ உ॒பரி॑ஷ்டா॒ன்ன்ய॑-வர்தயத । தா-ஸ்ஸ॒ர்வதோ॑முகோ² பூ॒⁴த்வா வ॑யத் । ததோ॒ வை தஸ்மை᳚ ப்ர॒ஜா அதி॑ஷ்ட²ந்தா॒ன்னாத்³யா॑ய ॥ ய ஏ॒வம் வி॒த்³வா-ன்பரி॑ ச வ॒ர்தய॑தே॒ நி ச॑ । ப்ர॒ஜாப॑திரே॒வ பு॒⁴த்வா ப்ர॒ஜா அ॑த்தி । திஷ்ட॑²ந்தேஸ்மை ப்ர॒ஜா அ॒ன்னாத்³யா॑ய । அ॒ன்னா॒த³ ஏ॒வ ப॑⁴வதி ॥ 67 ॥
(ஆ॒ஸீ॒-த்³- வேத॑³ - சந்த்³ரம॒ஸ்த்வம் ய ஏ॒வம் வேதே᳚³ - ந்த்³ரியா॒வ்யே॑வ ப॑⁴வதி - ப்ர॒த்யஞ்ச॒ - முக²ம்॑ த³க்ஷிண॒தோ - முக²ம்॑ ப॒ஶ்சான் - +னவ॑ ச) (ஆ1௦ )

அனுவாகம் 11 - ஹோத்ருமந்த்ராணா-ம்புருஷார்த²ப்ரயோக:³
ப்ர॒ஜாப॑தி-ரகாமயத ப॒³ஹோர்பூ⁴யா᳚ந்த்²-ஸ்யா॒மிதி॑ । ஸ ஏ॒தம் த³ஶ॑ஹோதார-மபஶ்யத் । த-ம்ப்ராயு॑ங்க்த । தஸ்ய॒ ப்ரயு॑க்தி ப॒³ஹோர்பூ⁴யா॑னப⁴வத் । ய: கா॒மயே॑த ப॒³ஹோர்பூ⁴யா᳚ந்த்²-ஸ்யா॒மிதி॑ । ஸ த³ஶ॑ஹோதாரம்॒ ப்ரயு॑ஞ்ஜீத । ப॒³ஹோரே॒வ பூ⁴யா᳚ன்-ப⁴வதி ॥ ஸோ॑காமயத வீ॒ரோ ம॒ ஆஜா॑யே॒தேதி॑ । ஸ த³ஶ॑ஹோது॒ஶ்சது॑ர்​ஹோதாரம்॒ நிர॑மிமீத । த-ம்ப்ராயு॑ங்க்த ॥ 68 ॥

தஸ்ய॒ ப்ரயு॒க்தீந்த்³ரோ॑ ஜாயத । ய: கா॒மயே॑த வீ॒ரோ ம॒ ஆஜா॑யே॒தேதி॑ । ஸ சது॑ர்​ஹோதாரம்॒ ப்ரயு॑ஞ்ஜீத । ஆஸ்ய॑ வீ॒ரோ ஜா॑யதே ॥ ஸோ॑காமயத பஶு॒மாந்த்²-ஸ்யா॒மிதி॑ । ஸ சது॑ர்​ஹோது:॒ பஞ்ச॑ஹோதாரம்॒ நிர॑மிமீத । த-ம்ப்ராயு॑ங்க்த । தஸ்ய॒ ப்ரயு॑க்தி பஶு॒மான॑ப⁴வத் । ய: கா॒மயே॑த பஶு॒மாந்த்²-ஸ்யா॒மிதி॑ । ஸ பஞ்ச॑ஹோதாரம்॒ ப்ரயு॑ஞ்ஜீத ॥ 69 ॥

ப॒ஶு॒மானே॒வ ப॑⁴வதி ॥ ஸோ॑காமயத॒ர்தவோ॑ மே கல்பேர॒ன்னிதி॑ । ஸ பஞ்ச॑ஹோது॒-ஷ்ஷட்³டோ॑⁴தாரம்॒ நிர॑மிமீத । த-ம்ப்ராயு॑ங்க்த । தஸ்ய॒ ப்ரயு॑க்த்ய்ரு॒தவோ᳚ஸ்மா அகல்பந்த । ய: கா॒மயே॑த॒ர்தவோ॑ மே கல்பேர॒ன்னிதி॑ । ஸ ஷட்³டோ॑⁴தாரம்॒ ப்ரயு॑ஞ்ஜீத । கல்ப॑ந்தேஸ்மா ரு॒தவ:॑ ॥ ஸோ॑காமயத ஸோம॒ப-ஸ்ஸோ॑மயா॒ஜீ ஸ்யாம்᳚ । ஆ மே॑ ஸோம॒ப-ஸ்ஸோ॑மயா॒ஜீ ஜா॑யே॒தேதி॑ ॥ 7௦ ॥

ஸ ஷட்³டோ॑⁴து-ஸ்ஸ॒ப்தஹோ॑தாரம்॒ நிர॑மிமீத । த-ம்ப்ராயு॑ங்க்த । தஸ்ய॒ ப்ரயு॑க்தி ஸோம॒ப-ஸ்ஸோ॑மயா॒ஜ்ய॑ப⁴வத் । ஆஸ்ய॑ ஸோம॒ப-ஸ்ஸோ॑மயா॒ஜ்ய॑ஜாயத । ய: கா॒மயே॑த ஸோம॒ப-ஸ்ஸோ॑மயா॒ஜீ ஸ்யா᳚ம் । ஆ மே॑ ஸோம॒ப-ஸ்ஸோ॑மயா॒ஜீ ஜா॑யே॒தேதி॑ । ஸ ஸ॒ப்தஹோ॑தாரம்॒ ப்ரயு॑ஞ்ஜீத । ஸோ॒ம॒ப ஏ॒வ ஸோ॑மயா॒ஜீ ப॑⁴வதி । ஆஸ்ய॑ ஸோம॒ப-ஸ்ஸோ॑மயா॒ஜீ ஜா॑யதே ॥ ஸ வா ஏ॒ஷ ப॒ஶு: ப॑ஞ்ச॒தா⁴ ப்ரதி॑ திஷ்ட²தி ॥ 71 ॥

ப॒த்³பி⁴ர்முகே॑²ன ॥ தே தே॒³வா: ப॒ஶூன். வி॒த்த்வா । ஸு॒வ॒ர்க³ம் லோ॒கமா॑யன்ன் ॥ தே॑முஷ்மி॑ல் ம்லோ॒கே வ்ய॑க்ஷுத்³த்⁴யன்ன் । தே᳚ப்³ருவன்ன் । அ॒முத:॑ ப்ரதா³னம்॒ வா உப॑ஜிஜீவி॒மேதி॑ । தே ஸ॒ப்தஹோ॑தாரம் ய॒ஜ்ஞம் வி॒தா⁴யா॒யாஸ்யம்᳚ । ஆ॒ங்கீ॒³ர॒ஸ-ம்ப்ராஹி॑ண்வன்ன் । ஏ॒தேனா॒முத்ர॑ கல்ப॒யேதி॑ । தஸ்ய॒ வா இ॒ய-ங்க்ல்ருப்தி:॑ ॥ 72 ॥

யதி॒³த-³ங்கிஞ்ச॑ । ய ஏ॒வம் வேத॑³ । கல்ப॑தேஸ்மை । ஸ வா அ॒ய-ம்ம॑னு॒ஷ்யே॑ஷு ய॒ஜ்ஞ-ஸ்ஸ॒ப்தஹோ॑தா । அ॒முத்ர॑ ஸ॒த்³ப்⁴யோ தே॒³வேப்⁴யோ॑ ஹ॒வ்யம் வ॑ஹதி । ய ஏ॒வம் வேத॑³ । உபை॑னம் ய॒ஜ்ஞோ ந॑மதி ॥ யோ வை சது॑ர்​ஹோத்ருணா-ன்னி॒தா³னம்॒ வேத॑³ । நி॒தா³ன॑வான் ப⁴வதி । அ॒க்³னி॒ஹோ॒த்ரம் வை த³ஶ॑ஹோதுர்னி॒தா³ன᳚ம் । த॒³ர்॒ஶ॒பூ॒ர்ண॒மா॒ஸௌ சது॑ர்​ஹோது: । சா॒து॒ர்மா॒ஸ்யானி॒ பஞ்ச॑ ஹோது: । ப॒ஶு॒ப॒³ந்த-⁴ஷ்ஷட்³டோ॑⁴து: । ஸௌ॒ம்யோ᳚த்³த்⁴வ॒ர-ஸ்ஸ॒ப்தஹோ॑து: । ஏ॒தத்³வை சது॑ர்​ஹோத்ருணா-ன்னி॒தா³ன᳚ம் । ய ஏ॒வம் வேத॑³ । நி॒தா³ன॑வான் ப⁴வதி ॥ 73 ॥
(அ॒மி॒மீ॒த॒ த-ம்ப்ராயு॑ங்க்த॒ - பஞ்ச॑ஹோதாரம்॒ ப்ரயு॑ஞ்ஜித - ஜாயே॒தேதி॑ - திஷ்ட²தி॒ - க்ல்ருப்தி॒--ர் த³ஶ॑ஹோது-ர்னி॒தா³னக்³ம்॑ ஸ॒ப்த ச॑ ) (அ. 11)

(ப்ர॒ஜாப॑திரகாமயத ப்ர॒ஜா-ஸ்ஸ்ரு॑ஜே॒யேதி॑ - ப்ர॒ஜாப॑திரகாமயத த³ர்​ஶபூர்ணமா॒ஸௌ ஸ்ரு॑ஜே॒யேதி॑ - ப்ர॒ஜாப॑திரகாமயத॒ ப்ரஜா॑யே॒யேதி॒ ஸ தப॒-ஸ்ஸ த்ரி॒வ்ருதம்॑ - ப்ர॒ஜாப॑திரகாமயத॒ த³ஶ॑ஹோதாரம்॒ தேன॑ த³ஶ॒தா⁴த்மானம்॑ - தே॒³வா வை வரு॑ண॒ - மந்தோ॒ வை - ப்ர॒ஜாப॑தி॒ஸ்தா-ஸ்ஸ்ரு॒ஷ்டா-ஸ்ஸம॑ஶ்லிஷ்யன் - தே॒³வா வை சது॑ர்​ஹோத்ருபி⁴ - ரி॒த³ம் வா அக்³ரே᳚ - ப்ர॒ஜாப॑தி॒ரிந்த்³ரம்॑ - ப்ர॒ஜாப॑திரகாமயத ப॒³ஹோர்பூ⁴யா॒னேகா॑த³ஶ)

(ப்ர॒ஜாப॑தி॒ - ஸ்தத்³க்³ரஹ॑ஸ்ய - ப்ர॒ஜா॑பதிரகாமயதா॒ - நயை॒வைன॒த் - தஸ்ய॒ வா இ॒ய-ங்க்ல்ருப்தி॒ - ஸ்தஸ்மா᳚-த்தேபா॒னாஜ்ஜ்யோதி॒--ர் யத॒³ஸ்மின்னா॑தி॒³த்யே -ஸஷட்³டோ॑⁴து-ஸ்ஸ॒ப்தஹோ॑தாரம்॒ த்ரிஸ॑ப்ததி:)

(ப்ர॒ஜாப॑திரகாமயத - நி॒தா³ன॑வான்ப⁴வதி)

॥ ஹரி:॑ ஓம் ॥

॥ க்ருஷ்ண யஜுர்வேதீ³ய தைத்திரீய ப்³ராஹ்மணே த்³விதீயாஷ்டகே த்³விதீய: ப்ரபாட²க-ஸ்ஸமாப்த: ॥