க்ருஷ்ண யஜுர்வேதீ³ய தைத்திரீய ஆரண்யகே த்ருதீய: ப்ரபாட²க: - சாதுர்​ஹோத்ரசயனம்

ஓ-ன்னம: பரமாத்மனே, ஶ்ரீ மஹாக³ணபதயே நம:,
ஶ்ரீ கு³ருப்⁴யோ நம: । ஹ॒ரி:॒ ஓம் ॥

அனுவாகம் 1
சித்தி॒-ஸ்ஸ்ருக் । சி॒த்தமாஜ்ய᳚ம் । வாக்³வேதி॑³: । ஆதீ॑⁴தம் ப॒³ர்॒ஹி: ।
கேதோ॑ அ॒க்³னி: । விஜ்ஞா॑தம॒க்³னி: । வாக்ப॑தி॒ர்॒ஹோதா᳚ । மன॑ உபவ॒க்தா । ப்ரா॒ணோ ஹ॒வி: । ஸாமா᳚த்³த்⁴வ॒ர்யு: ॥ வாச॑ஸ்பதே விதே⁴ நாமன்ன் । வி॒தே⁴ம॑ தே॒ நாம॑ । வி॒தே⁴ஸ்த்வ-ம॒ஸ்மாகம்॒ நாம॑ । வா॒சஸ்பதி॒-ஸ்ஸோமம்॑ பிப³து । ஆஸ்மாஸு॑ ந்ரு॒ம்ணம் தா॒⁴த்²ஸ்வாஹா᳚ ॥ 1 ॥
(அ॒த்³த்⁴வ॒ர்யு: பஞ்ச ச) (அ. 1)

அனுவாகம் 2
ப்ரு॒தி॒²வீ ஹோதா᳚ । த்³யௌர॑த்³த்⁴வ॒ர்யு: । ரு॒த்³ரோ᳚க்³னீத் । ப்³ருஹ॒ஸ்பதி॑ருபவ॒க்தா ॥ வாச॑ஸ்பதே வா॒சோ வீ॒ர்யே॑ண । ஸம்ப்⁴ரு॑தத-மே॒னாய॑க்ஷ்யஸே । யஜ॑மானாய॒ வார்ய᳚ம் ।
ஆ ஸுவ॒ஸ்கர॑ஸ்மை । வா॒சஸ்பதி॒-ஸ்ஸோமம்॑ பிப³தி ।
ஜ॒ஜன॒தி³ந்த்³ர॑மிந்த்³ரி॒யாய॒ ஸ்வாஹா᳚ ॥ 2 ॥
(ப்ரு॒தி॒²வீ ஹோதா॒ த³ஶ॑) (அ. 2)

அனுவாகம் 3
அ॒க்³னிர்-ஹோதா᳚ । அ॒ஶ்வினா᳚த்³த்⁴வ॒ர்யூ । த்வஷ்டா॒க்³னீத் । மி॒த்ர உ॑பவ॒க்தா ॥ ஸோம॒-ஸ்ஸோம॑ஸ்ய புரோ॒கா³: । ஶு॒க்ர-ஶ்ஶு॒க்ரஸ்ய॑ புரோ॒கா³: । ஶ்ரா॒தாஸ்த॑ இந்த்³ர॒ ஸோமா:᳚ । வாதா॑பேர்-ஹவன॒ஶ்ருத॒-ஸ்ஸ்வாஹா᳚ ॥ 3 ॥
(அ॒க்³னிர்-ஹோதா॒ஷ்டௌ) (அ. 3)

அனுவாகம் 4
ஸூர்யம்॑ தே॒ சக்ஷு:॑ । வாதம்॑ ப்ரா॒ண: ।
த்³யா-ம்ப்ரு॒ஷ்ட²ம் । அ॒ந்தரி॑க்ஷமா॒த்மா ।
அங்கை᳚³-ர்ய॒ஜ்ஞம் । ப்ரு॒தி॒²வீக்³ம் ஶரீ॑ரை: ॥ வாச॑ஸ்ப॒தேச்சி॑²த்³ரயா வா॒சா । அச்சி॑²த்³ரயா ஜு॒ஹ்வா᳚ । தி॒³வி தே॑³வா॒வ்ருத॒⁴க்³ம்॒ ஹோத்ரா॒ மேர॑யஸ்வ॒ ஸ்வாஹா᳚ ॥ 4 ॥
(ஸூர்யம்॑ தே॒ நவ॑) (அ. 4)

அனுவாகம் 5
ம॒ஹாஹ॑வி॒ர்॒ ஹோதா᳚ । ஸ॒த்யஹ॑விரத்³த்⁴வ॒ர்யு: । அச்யு॑தபாஜா அ॒க்³னீத் । அச்யு॑தமனா உபவ॒க்தா । அ॒னா॒த்⁴ரு॒ஷ்யஶ்சா᳚ ப்ரதித்⁴ரு॒ஷ்யஶ்ச॑ ய॒ஜ்ஞஸ்யா॑பி⁴க॒³ரௌ । அ॒யாஸ்ய॑ உத்³கா॒³தா ॥ வாச॑ஸ்பதே ஹ்ருத்³விதே⁴ நாமன்ன் । வி॒தே⁴ம॑ தே॒ நாம॑ ।
வி॒தே⁴ஸ்த்வம॒ஸ்மாகம்॒ நாம॑ । வா॒சஸ்பதி॒-ஸ்ஸோம॑மபாத் । மா தை³வ்ய॒ஸ்தந்து:॒ சே²தி॒³ மா ம॑னு॒ஷ்ய:॑ । நமோ॑ தி॒³வே । நம:॑ ப்ருதி॒²வ்யை ஸ்வாஹா᳚ ॥ 5 ॥
(அ॒பா॒-த்த்ரீணி॑ ச) (அ. 5)

அனுவாகம் 6
வாக்³கோ⁴தா᳚ । தீ॒³க்ஷா பத்னீ᳚ । வாதோ᳚த்³த்⁴வ॒ர்யு: । ஆபோ॑பி⁴க॒³ர: । மனோ॑ ஹ॒வி: । தப॑ஸி ஜுஹோமி ॥
பூ⁴ர்பு⁴வ॒ஸ்ஸுவ:॑ । ப்³ரஹ்ம॑ ஸ்வய॒ம்பு⁴ ।
ப்³ரஹ்ம॑ணே ஸ்வய॒ம்பு⁴வே॒ ஸ்வாஹா᳚ ॥ 6 ॥
(வாக்³கோ⁴தா॒ நவ॑) (அ. 6)

அனுவாகம் 7
ப்³ரா॒ஹ்ம॒ண ஏக॑ஹோதா । ஸ ய॒ஜ்ஞ: । ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । ய॒ஜ்ஞஶ்ச॑ மே பூ⁴யாத் ॥ அ॒க்³னி-ர்த்³விஹோ॑தா । ஸ ப॒⁴ர்தா । ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । ப॒⁴ர்தா ச॑ மே பூ⁴யாத் ॥
ப்ரு॒தி॒²வீ த்ரிஹோ॑தா । ஸ ப்ர॑தி॒ஷ்டா² ॥ 7 ॥

ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । ப்ர॒தி॒ஷ்டா² ச॑ மே பூ⁴யாத் ॥ அ॒ந்தரி॑க்ஷம்॒ சது॑ர்​ஹோதா । ஸ வி॒ஷ்டா²: । ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । வி॒ஷ்டா²ஶ்ச॑ மே பூ⁴யாத் ॥
வா॒யு: பஞ்ச॑ஹோதா । ஸ ப்ரா॒ண: ।
ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । ப்ரா॒ணஶ்ச॑ மே பூ⁴யாத் ॥ 8 ॥

ச॒ந்த்³ரமா॒-ஷ்ஷட்³டோ॑⁴தா । ஸ ரு॒தூன் க॑ல்பயாதி ।
ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । ரு॒தவ॑ஶ்ச மே கல்பந்தாம் ॥ அன்னக்³ம்॑ ஸ॒ப்தஹோ॑தா । ஸ ப்ரா॒ணஸ்ய॑ ப்ரா॒ண: । ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । ப்ரா॒ணஸ்ய॑ ச மே ப்ரா॒ணோ பூ॑⁴யாத் ॥ த்³யௌர॒ஷ்டஹோ॑தா । ஸோ॑னாத்⁴ரு॒ஷ்ய: ॥ 9 ॥

ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । அ॒னா॒த்⁴ரு॒ஷ்யஶ்ச॑ பூ⁴யாஸம் ॥
ஆ॒தி॒³த்யோ நவ॑ஹோதா । ஸ தே॑ஜ॒ஸ்வீ ।
ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । தே॒ஜ॒ஸ்வீ ச॑ பூ⁴யாஸம் ॥ ப்ர॒ஜாப॑தி॒-ர்த³ஶ॑ஹோதா । ஸ இ॒த³க்³ம் ஸர்வ᳚ம் । ஸ மே॑ த³தா³து ப்ர॒ஜா-ம்ப॒ஶூ-ன்புஷ்டிம்॒ யஶ:॑ । ஸர்வம்॑ ச மே பூ⁴யாத் ॥ 1௦ ॥
(ப்ர॒தி॒ஷ்டா²-ப்ரா॒ணஶ்ச॑ மே பூ⁴யா-த³னாத்⁴ரு॒ஷ்ய:-ஸர்வம்॑ ச மே பூ⁴யாத்) (அ. 7)

(ப்³ரா॒ஹ்ம॒ணோ ய॒ஜ்ஞோ᳚க்³னிர்ப॒⁴ர்தா ப்ரு॑தி॒²வீ ப்ர॑தி॒ஷ்டா²ந்தரி॑க்ஷம் வி॒ஷ்டா² வா॒யு:
ப்ரா॒ணஶ்ச॒ந்த்³ரமா॑ ரு॒தூனன்ன॒க்³ம்॒ ஸ ப்ரா॒ணஸ்ய॑ ப்ரா॒ணோ த்³யௌர॑னாத்⁴ரு॒ஷ்ய ஆ॑தி॒³த்ய:
ஸ தே॑ஜ॒ஸ்வீ ப்ர॒ஜாப॑தி॒-ஸ்ஸ இ॒த³க்³ம் ஸர்வ॒க்³ம்॒ ஸர்வம்॑ ச மே பூ⁴யாத்)

அனுவாகம் 8
அ॒க்³னி-ர்யஜு॑ர்பி⁴: । ஸ॒வி॒தா ஸ்தோமை:᳚ । இந்த்³ர॑ உக்தா²ம॒தை³: ।
மி॒த்ராவரு॑ணாவா॒ஶிஷா᳚ । அங்கி॑³ரஸோ॒ தி⁴ஷ்ணி॑யைர॒க்³னிபி॑⁴: । ம॒ருத॑-ஸ்ஸதோ³ஹவிர்தா॒⁴னாப்⁴யா᳚ம் । ஆப:॒ ப்ரோக்ஷ॑ணீபி⁴: ।
ஓஷ॑த⁴யோ ப॒³ர்॒ஹிஷா᳚ । அதி॑³தி॒ர்வேத்³யா᳚ । ஸோமோ॑ தீ॒³க்ஷயா᳚ ॥ 11 ॥

த்வஷ்டே॒த்³த்⁴மேன॑ । விஷ்ணு॑-ர்ய॒ஜ்ஞேன॑ । வஸ॑வ॒ ஆஜ்யே॑ன । ஆ॒தி॒³த்யா த³க்ஷி॑ணாபி⁴: । விஶ்வே॑ தே॒³வா ஊ॒ர்ஜா ।
பூ॒ஷா ஸ்வ॑கா³கா॒ரேண॑ । ப்³ருஹ॒ஸ்பதி:॑ புரோ॒த⁴யா᳚ ।
ப்ர॒ஜாப॑திருத்³கீ॒³தே²ன॑ । அ॒ந்தரி॑க்ஷ-ம்ப॒வித்ரே॑ண । வா॒யு: பாத்ரை:᳚ । அ॒ஹக்³க்³​ ஶ்ர॒த்³த⁴யா᳚ ॥ 12 ॥
(தீ॒³க்ஷயா॒ - பாத்ரை॒ரேகம்॑ ச) (அ. 8)

அனுவாகம் 9
ஸேனேந்த்³ர॑ஸ்ய । தே⁴னா॒ ப்³ருஹ॒ஸ்பதே:᳚ । ப॒த்த்²யா॑ பூ॒ஷ்ண: । வாக்³வா॒யோ: । தீ॒³க்ஷா ஸோம॑ஸ்ய । ப்ரு॒தி॒²வ்ய॑க்³னே: । வஸூ॑னாம் கா³ய॒த்ரீ । ரு॒த்³ராணாம்᳚ த்ரி॒ஷ்டுக் । ஆ॒தி॒³த்யானாம்॒ ஜக॑³தீ । விஷ்ணோ॑ரனு॒ஷ்டுக் ॥ 13 ॥

வரு॑ணஸ்ய வி॒ராட் । ய॒ஜ்ஞஸ்ய॑ ப॒ங்க்தி: । ப்ர॒ஜாப॑தே॒ரனு॑மதி: । மி॒த்ரஸ்ய॑ ஶ்ர॒த்³தா⁴ । ஸ॒வி॒து: ப்ரஸூ॑தி: । ஸூர்ய॑ஸ்ய॒ மரீ॑சி: । ச॒ந்த்³ரம॑ஸோ ரோஹி॒ணீ । ருஷீ॑ணாமருந்த॒⁴தீ । ப॒ர்ஜன்ய॑ஸ்ய வி॒த்³யுத் ।
சத॑ஸ்ரோ॒ தி³ஶ:॑ । சத॑ஸ்ரோவாந்தரதி॒³ஶா: । அஹ॑ஶ்ச॒ ராத்ரி॑ஶ்ச । க்ரு॒ஷிஶ்ச॒ வ்ருஷ்டி॑ஶ்ச ।
த்விஷி॒ஶ்சாப॑சிதிஶ்ச । ஆப॒ஶ்சௌஷ॑த⁴யஶ்ச ।
ஊர்க்ச॑ ஸூ॒ன்ருதா॑ ச தே॒³வானாம்॒ பத்ன॑ய: ॥ 14 ॥
(அ॒னு॒ஷ்டுக்³ - தி³ஶ॒-ஷ்ஷட்ச॑) (அ. 9)

அனுவாகம் 1௦
தே॒³வஸ்ய॑ த்வா ஸவி॒து: ப்ர॑ஸ॒வே । அ॒ஶ்வினோ᳚-ர்பா॒³ஹுப்⁴யா᳚ம் ।
பூ॒ஷ்ணோ ஹஸ்தா᳚ப்⁴யாம்॒ ப்ரதி॑க்³ருஹ்ணாமி ।
ராஜா᳚ த்வா॒ வரு॑ணோ நயது தே³வி த³க்ஷிணே॒க்³னயே॒ ஹிர॑ண்யம் । தேனா॑ம்ருத॒த்வம॑ஶ்யாம் । வயோ॑ தா॒³த்ரே । மயோ॒ மஹ்ய॑மஸ்து ப்ரதிக்³ரஹீ॒த்ரே । க இ॒த-³ங்கஸ்மா॑ அதா³த் । காம:॒ காமா॑ய । காமோ॑ தா॒³தா ॥ 15 ॥

காம:॑ ப்ரதிக்³ரஹீ॒தா । காமக்³ம்॑ ஸமு॒த்³ரமாவி॑ஶ । காமே॑ன த்வா॒ ப்ரதி॑க்³ருஹ்ணாமி ।
காமை॒தத்தே᳚ । ஏ॒ஷா தே॑ காம॒ த³க்ஷி॑ணா । உ॒த்தா॒னஸ்த்வா᳚ங்கீ³ர॒ஸ: ப்ரதி॑க்³ருஹ்ணாது ।
ஸோமா॑ய॒ வாஸ:॑ । ரு॒த்³ராய॒ கா³ம் । வரு॑ணா॒யாஶ்வ᳚ம் ।
ப்ர॒ஜாப॑தயே॒ புரு॑ஷம் ॥ 16 ॥

மன॑வே॒ தல்ப᳚ம் । த்வஷ்ட்ரே॒ஜாம் । பூ॒ஷ்ணேவி᳚ம் । நிர்ரு॑த்யா அஶ்வதரக³ர்த॒³பௌ⁴ । ஹி॒மவ॑தோ ஹ॒ஸ்தின᳚ம் । க॒³ந்த॒⁴ர்வா॒-ப்²ஸ॒ராப்⁴ய:॑-ஸ்ரக³லங்கர॒ணே ।
விஶ்வே᳚ப்⁴யோ தே॒³வேப்⁴யோ॑ தா॒⁴ன்யம் । வா॒சேன்ன᳚ம் । ப்³ரஹ்ம॑ண ஓத॒³னம் । ஸ॒மு॒த்³ராயாப:॑ ॥ 17 ॥

உ॒த்தா॒னாயா᳚ங்கீ³ர॒ஸாயான:॑ । வை॒ஶ்வா॒ன॒ராய॒ ரத$²$$ம் ॥
வை॒ஶ்வா॒ன॒ர: ப்ர॒த்னதா॒² நாக॒மாரு॑ஹத் ।
தி॒³வ: ப்ரு॒ஷ்ட²ம் ப⁴ந்த॑³மான-ஸ்ஸு॒மன்ம॑பி⁴: ।
ஸ பூ᳚ர்வ॒வஜ்ஜ॒னய॑ஜ்ஜ॒ந்தவே॒ த⁴ன᳚ம் । ஸ॒மா॒னம॑ஜ்மா॒ பரி॑யாதி॒ ஜாக்³ரு॑வி: ॥
ராஜா᳚ த்வா॒ வரு॑ணோ நயது தே³வி த³க்ஷிணே வைஶ்வான॒ராய॒ ரத$²$$ம் । தேனா॑ம்ருத॒த்வம॑ஶ்யாம் । வயோ॑ தா॒³த்ரே ।
மயோ॒ மஹ்ய॑மஸ்து ப்ரதிக்³ரஹீ॒த்ரே ॥ 18 ॥

க இ॒த-³ங்கஸ்மா॑ அதா³த் । காம:॒ காமா॑ய । காமோ॑ தா॒³தா ।
காம:॑ ப்ரதிக்³ரஹீ॒தா । காமக்³ம்॑ ஸமு॒த்³ரமாவி॑ஶ । காமே॑ன த்வா॒ ப்ரதி॑க்³ருஹ்ணாமி । காமை॒தத்தே᳚ । ஏ॒ஷா தே॑ காம॒ த³க்ஷி॑ணா । உ॒த்தா॒னஸ்த்வா᳚ங்கீ³ர॒ஸ: ப்ரதி॑க்³ருஹ்ணாது ॥ 19 ॥
(தா॒³தா - புரு॑ஷ॒ - மாப:॑ - ப்ரதிக்³ரஹீ॒த்ரே - +னவ॑ ச) (அ. 1௦)

அனுவாகம் 11
ஸு॒வர்ணம்॑ க॒⁴ர்ம-ம்பரி॑வேத³ வே॒னம் । இந்த்³ர॑ஸ்யா॒த்மானம்॑ த³ஶ॒தா⁴ சர॑ந்தம் ।
அ॒ந்த-ஸ்ஸ॑மு॒த்³ரே மன॑ஸா॒ சர॑ந்தம் । ப்³ரஹ்மான்வ॑விந்த॒³-த்³த³ஶ॑ஹோதார॒மர்ணே᳚ ।
அ॒ந்த: ப்ரவி॑ஷ்ட-ஶ்ஶா॒ஸ்தா ஜனா॑னாம் । ஏக॒-ஸ்ஸன்ப॑³ஹு॒தா⁴ வி॑சார: । ஶ॒தக்³ம் ஶு॒க்ராணி॒ யத்ரைகம்॒ ப⁴வ॑ந்தி । ஸர்வே॒ வேதா॒³ யத்ரைகம்॒ ப⁴வ॑ந்தி । ஸர்வே॒ ஹோதா॑ரோ॒ யத்ரைகம்॒ ப⁴வ॑ந்தி । ஸ॒ மான॑ஸீன ஆ॒த்மா ஜனா॑னாம் ॥ 2௦ ॥

அ॒ந்த: ப்ரவி॑ஷ்ட-ஶ்ஶா॒ஸ்தா ஜனா॑னா॒க்³ம்॒ ஸர்வா᳚த்மா ।
ஸர்வா:᳚ ப்ர॒ஜா யத்ரைகம்॒ ப⁴வ॑ந்தி । சது॑ர்​ஹோதாரோ॒ யத்ர॑ ஸ॒ம்பத³ம்॒ க³ச்ச॑²ந்தி தே॒³வை: । ஸ॒ மான॑ஸீன ஆ॒த்மா ஜனா॑னாம் ॥ ப்³ரஹ்மேந்த்³ர॑ம॒க்³னி-ஞ்ஜக॑³த: ப்ரதி॒ஷ்டா²ம் ।
தி॒³வ ஆ॒த்மானக்³ம்॑ ஸவி॒தாரம்॒ ப்³ருஹ॒ஸ்பதி᳚ம் ।
சது॑ர்​ஹோதார-ம்ப்ர॒தி³ஶோனு॑ க்ல॒ப்தம் । வா॒சோ வீ॒ர்யம்॑ தப॒ஸான்வ॑விந்த³த் ॥ அ॒ந்த: ப்ரவி॑ஷ்ட-ங்க॒ர்தார॑மே॒தம் ।
த்வஷ்டா॑ரக்³ம் ரூ॒பாணி॑ விகு॒ர்வந்தம்॑ விப॒ஶ்சிம் ॥ 21 ॥

அ॒ம்ருத॑ஸ்ய ப்ரா॒ணம் ய॒ஜ்ஞமே॒தம் ।
சது॑ர்​ஹோத்ருணாமா॒த்மானம்॑ க॒வயோ॒ நிசி॑க்யு: ॥
அ॒ந்த: ப்ரவி॑ஷ்ட-ங்க॒ர்தார॑மே॒தம் ।
தே॒³வானாம்॒ ப³ந்து॒⁴ நிஹி॑தம்॒ கு³ஹா॑ஸு ।
அ॒ம்ருதே॑ன க்ல॒ப்தம் ய॒ஜ்ஞமே॒தம் ।
சது॑ர்​ஹோத்ருணாமா॒த்மானம்॑ க॒வயோ॒ நிசி॑க்யு: ॥
ஶ॒த-ன்னி॒யுத:॒ பரி॑வேத॒³ விஶ்வா॑ வி॒ஶ்வவா॑ர: । விஶ்வ॑மி॒த³ம் வ்ரு॑ணாதி ।
இந்த்³ர॑ஸ்யா॒த்மா நிஹி॑த:॒ பஞ்ச॑ஹோதா ।
அ॒ம்ருதம்॑ தே॒³வானா॒மாயு:॑ ப்ர॒ஜானா᳚ம் ॥ 22 ॥

இந்த்³ர॒க்³ம்॒ ராஜா॑னக்³ம் ஸவி॒தார॑மே॒தம் । வா॒யோரா॒த்மானம்॑ க॒வயோ॒ நிசி॑க்யு: ।
ர॒ஶ்மிக்³ம் ர॑ஶ்மீ॒னா-ம்மத்³த்⁴யே॒ தப॑ந்தம் । ரு॒தஸ்ய॑ ப॒தே³ க॒வயோ॒ நிபா᳚ந்தி ॥ ய ஆ᳚ண்ட³கோ॒ஶே பு⁴வ॑னம் பி॒³ப⁴ர்தி॑ । அனி॑ர்பி⁴ண்ண॒-ஸ்ஸன்னத॑² லோ॒கான். வி॒சஷ்டே᳚ ।
யஸ்யா᳚ண்ட³கோ॒ஶக்³ம் ஶுஷ்ம॑மா॒ஹு: ப்ரா॒ணமுல்ப$³$$ம் ।
தேன॑ க்ல்ரு॒ப்தோ॑ம்ருதே॑னா॒ஹம॑ஸ்மி ॥ ஸு॒வர்ணம்॒ கோஶ॒க்³ம்॒ ரஜ॑ஸா॒ பரீ॑வ்ருதம் ।
தே॒³வானாம்᳚ வஸு॒தா⁴னீம்᳚ வி॒ராஜ᳚ம் ॥ 23 ॥

அ॒ம்ருத॑ஸ்ய பூ॒ர்ணாந்தாமு॑ க॒லாம் விச॑க்ஷதே ।
பாத॒³க்³ம்॒ ஷட்³டோ॑⁴து॒ர்ன கிலா॑வி வித்²ஸே ॥ யேன॒ர்தவ:॑ பஞ்ச॒தோ⁴த க்ல॒ப்தா: । உ॒த வா॑ ஷ॒ட்³தா⁴ மன॒ஸோத க்ல்ரு॒ப்தா: । தக்³ம் ஷட்³டோ॑⁴தாரம்ரு॒துபி॒⁴: கல்ப॑மானம் । ரு॒தஸ்ய॑ ப॒தே³ க॒வயோ॒ நிபா᳚ந்தி ॥ அ॒ந்த: ப்ரவி॑ஷ்ட-ங்க॒ர்தார॑மே॒தம் । அ॒ந்தஶ்ச॒ந்த்³ரம॑ஸி॒ மன॑ஸா॒ சர॑ந்தம் । ஸ॒ஹைவ ஸந்தம்॒ ந விஜா॑னந்தி தே॒³வா: ।
இந்த்³ர॑ஸ்யா॒த்மானக்³ம்॑ ஶத॒தா⁴ சர॑ந்தம் ॥ 24 ॥

இந்த்³ரோ॒ ராஜா॒ ஜக॑³தோ॒ ய ஈஶே᳚ । ஸ॒ப்தஹோ॑தா ஸப்த॒தா⁴ விக்ல்ரு॑ப்த: ॥ பரே॑ண॒ தந்தும்॑ பரிஷி॒ச்யமா॑னம் । அ॒ந்தரா॑தி॒³த்யே மன॑ஸா॒ சர॑ந்தம் । தே॒³வானா॒க்³ம்॒ ஹ்ருத॑³யம்॒ ப்³ரஹ்மான்வ॑விந்த³த் ॥ ப்³ரஹ்மை॒தத்³ப்³ரஹ்ம॑ண॒ உஜ்ஜ॑பா⁴ர । அ॒ர்கக்³க்³​ ஶ்சோத॑ந்தக்³ம் ஸரி॒ரஸ்ய॒ மத்³த்⁴யே᳚ ॥ ஆ யஸ்மின்᳚-஥²்ஸ॒ப்த பேர॑வ: । மேஹ॑ந்தி ப³ஹு॒லாக்³க்³​ ஶ்ரிய᳚ம் । ப॒³ஹ்வ॒ஶ்வாமி॑ந்த்³ர॒ கோ³ம॑தீம் ॥ 25 ॥

அச்யு॑தாம் ப³ஹு॒லாக்³க்³​ ஶ்ரிய᳚ம் । ஸ ஹரி॑ர்வஸு॒வித்த॑ம: ।
பே॒ருரிந்த்³ரா॑ய பின்வதே ॥ ப॒³ஹ்வ॒ஶ்வாமி॑ந்த்³ர॒ கோ³ம॑தீம் । அச்யு॑தாம் ப³ஹு॒லாக்³க்³​ ஶ்ரிய᳚ம் । மஹ்ய॒மிந்த்³ரோ॒ நிய॑ச்ச²து ॥ ஶ॒தக்³ம் ஶ॒தா அ॑ஸ்ய யு॒க்தா ஹரீ॑ணாம் ।
அ॒ர்வாமா யா॑து॒ வஸு॑பீ⁴ ர॒ஶ்மிரிந்த்³ர:॑ । ப்ரமக்³ம்ஹ॑மாணோ ப³ஹு॒லாக்³க்³​ ஶ்ரிய᳚ம் ।
ர॒ஶ்மிரிந்த்³ர॑-ஸ்ஸவி॒தா மே॒ நிய॑ச்ச²து ॥ 26 ॥

க்⁴ரு॒த-ந்தேஜோ॒ மது॑⁴மதி³ந்த்³ரி॒யம் । மய்ய॒யம॒க்³னிர்த॑³தா⁴து ॥ ஹரி:॑ பத॒ங்க:³ ப॑ட॒ரீ ஸு॑ப॒ர்ண: । தி॒³வி॒க்ஷயோ॒ நப॑⁴ஸா॒ ய ஏதி॑ ।
ஸ ந॒ இந்த்³ர:॑ காமவ॒ரம் த॑³தா³து ॥ பஞ்சா॑ர-ஞ்ச॒க்ர-ம்பரி॑வர்ததே ப்ரு॒து² । ஹிர॑ண்யஜ்யோதி-ஸ்ஸரி॒ரஸ்ய॒ மத்³த்⁴யே᳚ । அஜ॑ஸ்ரம்॒ ஜ்யோதி॒ர்னப॑⁴ஸா॒ ஸர்ப॑தே³தி ।
ஸ ந॒ இந்த்³ர:॑ காமவ॒ரம் த॑³தா³து ॥
ஸ॒ப்த யு॑ஞ்ஜந்தி॒ ரத॒²மேக॑சக்ரம் ॥ 27 ॥

ஏகோ॒ அஶ்வோ॑ வஹதி ஸப்தனா॒மா । த்ரி॒னாபி॑⁴ ச॒க்ரம॒ஜர॒மன॑ர்வம் । யேனே॒மா விஶ்வா॒ பு⁴வ॑னானி தஸ்து²: ॥ ப॒⁴த்³ர-ம்பஶ்ய॑ந்த॒ உப॑ஸேது॒³ரக்³ரே᳚ ।
தபோ॑ தீ॒³க்ஷாம்ருஷ॑ய-ஸ்ஸுவ॒ர்வித:॑³ । தத:॑, க்ஷ॒த்ரம் ப³ல॒மோஜ॑ஶ்ச ஜா॒தம் । தத॒³ஸ்மை தே॒³வா அ॒பி⁴ ஸ-ன்ன॑மந்து ॥ ஶ்வே॒தக்³ம் ர॒ஶ்மிம் போ॑³பு॒⁴ஜ்யமா॑னம் ।
அ॒பா-ன்னே॒தாரம்॒ பு⁴வ॑னஸ்ய கோ॒³பாம் ।
இந்த்³ரம்॒ நிசி॑க்யு: பர॒மே வ்யோ॑மன்ன் ॥ 28 ॥

ரோஹி॑ணீ: பிங்க॒³லா ஏக॑ரூபா: । க்ஷர॑ந்தீ: பிங்க॒³லா ஏக॑ரூபா: । ஶ॒தக்³ம் ஸ॒ஹஸ்ரா॑ணி ப்ர॒யுதா॑னி॒ நாவ்யா॑னாம் ॥ அ॒யம் யஶ்ஶ்வே॒தோ ர॒ஶ்மி: । பரி॒ ஸர்வ॑மி॒த-³ஞ்ஜக॑³த் । ப்ர॒ஜா-ம்ப॒ஶூன் த⁴னா॑னி । அ॒ஸ்மாகம்॑ த³தா³து ॥
ஶ்வே॒தோ ர॒ஶ்மி: பரி॒ ஸர்வம்॑ ப³பூ⁴வ । ஸுவ॒ன்மஹ்யம்॑ ப॒ஶூன். வி॒ஶ்வரூ॑பான் ॥ ப॒த॒ங்க³ம॒க்தமஸு॑ரஸ்ய மா॒யயா᳚ ॥ 29 ॥

ஹ்ரு॒தா³ ப॑ஶ்யந்தி॒ மன॑ஸா மனீ॒ஷிண:॑ । ஸ॒மு॒த்³ரே அ॒ந்த: க॒வயோ॒ விச॑க்ஷதே । மரீ॑சீனா-ம்ப॒த³மி॑ச்ச²ந்தி வே॒த⁴ஸ:॑ ॥ ப॒த॒ங்கோ³ வாசம்॒ மன॑ஸா பி³ப⁴ர்தி ।
தாம் க॑³ந்த॒⁴ர்வோ॑வத॒³-த்³க³ர்பே॑⁴ அ॒ந்த: । தாம் த்³யோத॑மானாக்³க்³​ ஸ்வ॒ர்யம்॑ மனீ॒ஷாம் ।
ரு॒தஸ்ய॑ ப॒தே³ க॒வயோ॒ நிபா᳚ந்தி ॥ யே க்³ரா॒ம்யா: ப॒ஶவோ॑ வி॒ஶ்வரூ॑பா: । விரூ॑பா॒-ஸ்ஸந்தோ॑ ப³ஹு॒தை⁴க॑ரூபா: । அ॒க்³னிஸ்தாக்³ம் அக்³ரே॒ ப்ரமு॑மோக்து தே॒³வ: ॥ 3௦ ॥

ப்ர॒ஜாப॑தி: ப்ர॒ஜயா॑ ஸம்விதா॒³ன: ॥ வீ॒தக்³க்³​ ஸ்து॑கேஸ்துகே । யு॒வம॒ஸ்மாஸு॒ நிய॑ச்ச²தம் । ப்ரப்ர॑ ய॒ஜ்ஞப॑தி-ந்திர ॥ யே க்³ரா॒ம்யா: ப॒ஶவோ॑ வி॒ஶ்வரூ॑பா: । விரூ॑பா॒-ஸ்ஸந்தோ॑ ப³ஹு॒தை⁴க॑ரூபா: ।
தேஷாக்³ம்॑ ஸப்தா॒னாமி॒ஹ ரந்தி॑ரஸ்து ।
ரா॒யஸ்போஷா॑ய ஸுப்ரஜா॒ஸ்த்வாய॑ ஸு॒வீர்யா॑ய ॥
ய ஆ॑ர॒ண்யா: ப॒ஶவோ॑ வி॒ஶ்வரூ॑பா: ।
விரூ॑பா॒-ஸ்ஸந்தோ॑ ப³ஹு॒தை⁴க॑ரூபா: ॥ 31 ॥

வா॒யுஸ்தாக்³ம் அக்³ரே॒ ப்ரமு॑மோக்து தே॒³வ: । ப்ர॒ஜாப॑தி: ப்ர॒ஜயா॑ ஸம்விதா॒³ன: ॥ இடா॑³யை ஸ்ரு॒ப்தம் க்⁴ரு॒தவ॑ச்சராச॒ரம் । தே॒³வா அன்வ॑விந்த॒³ன்கு³ஹா॑ ஹி॒தம் ॥
ய ஆ॑ர॒ண்யா: ப॒ஶவோ॑ வி॒ஶ்வரூ॑பா: । விரூ॑பா॒-ஸ்ஸந்தோ॑ ப³ஹு॒தை⁴க॑ரூபா: । தேஷாக்³ம்॑ ஸப்தா॒னாமி॒ஹ ரந்தி॑ரஸ்து ।
ரா॒யஸ்போஷா॑ய ஸுப்ரஜா॒ஸ்த்வாய॑ ஸு॒வீர்யா॑ய ॥ 32 ॥
(ஆ॒த்மா ஜனா॑னாம் - ம்விகு॒ர்வந்தம்॑ விப॒ஶ்விம் - ப்ர॒ஜானாம்᳚ - ம்வஸு॒தா⁴னீம்᳚
ம்வி॒ராஜம்॒ - சர॑ந்தம்॒ - கோ³ம॑தீம் - மே॒ நிய॑ச்ச॒² - த்வேக॑சக்ரம்॒ - ம்வ்யோ॑மன் - மா॒யயா॑ - தே॒³வ - ஏக॑ரூபா - +அ॒ஷ்டௌ ச॑) (அ. 11)

அனுவாகம் 12
ஸ॒ஹஸ்ர॑ஶீர்​ஷா॒ புரு॑ஷ: । ஸ॒ஹ॒ஸ்ரா॒க்ஷ-ஸ்ஸ॒ஹஸ்ர॑பாத் । ஸ பூ⁴மிம்॑ வி॒ஶ்வதோ॑ வ்ரு॒த்வா । அத்ய॑திஷ்ட²த்³-த³ஶாங்கு॒³லம் ॥ புரு॑ஷ ஏ॒வேத³க்³ம் ஸர்வ᳚ம் । யத்³-பூ॒⁴தம் யச்ச॒ ப⁴வ்ய᳚ம் ।
உ॒தாம்ரு॑த॒த்வஸ்யேஶா॑ன: । யத³ன்னே॑னாதி॒ரோஹ॑தி ॥ ஏ॒தாவா॑னஸ்ய மஹி॒மா । அதோ॒ ஜ்யாயாக்³க்॑³ஶ்ச॒ பூரு॑ஷ: ॥ 33 ॥

பாதோ᳚³ஸ்ய॒ விஶ்வா॑ பூ॒⁴தானி॑ । த்ரி॒பாத॑³ஸ்யா॒ம்ருதம்॑ தி॒³வி ॥
த்ரி॒பாதூ॒³ர்த்⁴வ உதை॒³த்புரு॑ஷ: । பாதோ᳚³ஸ்யே॒ஹாப॑⁴வா॒-த்புன:॑ । ததோ॒ விஷ்வம்॒ வ்ய॑க்ராமத் । ஸா॒ஶ॒னா॒ன॒ஶ॒னே அ॒பி⁴ ॥ தஸ்மா᳚-த்³வி॒ராட॑³ஜாயத । வி॒ராஜோ॒ அதி॒⁴ பூரு॑ஷ: ।
ஸ ஜா॒தோ அத்ய॑ரிச்யத । ப॒ஶ்சா-த்³பூ⁴மி॒மதோ॑² பு॒ர: ॥ 34 ॥

யத்புரு॑ஷேண ஹ॒விஷா᳚ । தே॒³வா ய॒ஜ்ஞமத॑ன்வத । வ॒ஸ॒ந்தோ அ॑ஸ்யாஸீ॒தா³ஜ்ய᳚ம் । க்³ரீ॒ஷ்ம இ॒த்³த்⁴ம-ஶ்ஶ॒ரத்³த॒⁴வி: ॥ ஸ॒ப்தாஸ்யா॑ஸ-ன்பரி॒த⁴ய:॑ ।
த்ரி-ஸ்ஸ॒ப்த ஸ॒மித:॑⁴ க்ரு॒தா: । தே॒³வா யத்³-ய॒ஜ்ஞ-ந்த॑ன்வா॒னா: । அப॑³த்³த்⁴ன॒-ன்புரு॑ஷ-ம்ப॒ஶும் ॥ தம் ய॒ஜ்ஞம் ப॒³ர்॒ஹிஷி॒ ப்ரௌக்ஷன்ன்॑ ।
புரு॑ஷ-ஞ்ஜா॒தம॑க்³ர॒த: ॥ 35 ॥

தேன॑ தே॒³வா அய॑ஜந்த । ஸா॒த்³த்⁴யா ருஷ॑யஶ்ச॒ யே ॥
தஸ்மா᳚-த்³ய॒ஜ்ஞா-஥²்ஸ॑ர்வ॒ஹுத:॑ । ஸம்ப்⁴ரு॑த-ம்ப்ருஷதா॒³ஜ்யம் । ப॒ஶூக்³க்³​ஸ்தாக்³க்³​ஶ்ச॑க்ரே வாய॒வ்யான்॑ ।
ஆ॒ர॒ண்யான் க்³ரா॒ம்யாஶ்ச॒ யே ॥ தஸ்மா᳚-த்³ய॒ஜ்ஞா-஥²்ஸ॑ர்வ॒ஹுத:॑ । ருச॒-ஸ்ஸாமா॑னி ஜஜ்ஞிரே । ச²ந்தா³க்³ம்॑ஸி ஜஜ்ஞிரே॒ தஸ்மா᳚த் । யஜு॒-ஸ்தஸ்மா॑தஜ³ாயத ॥ 36 ॥

தஸ்மா॒த³ஶ்வா॑ அஜாயந்த । யே கே சோ॑ப॒⁴யாத॑³த: । கா³வோ॑ ஹ ஜஜ்ஞிரே॒ தஸ்மா᳚த் । தஸ்மா᳚ ஜ்ஜா॒தா அ॑ஜா॒வய:॑ ॥ ய-த்புரு॑ஷம்॒ வ்ய॑த³து⁴: । க॒தி॒தா⁴ வ்ய॑கல்பயன்ன் । முக²ம்॒ கிம॑ஸ்ய॒ கௌ பா॒³ஹூ । காவூ॒ரூ பாதா॑³வுச்யேதே ॥
ப்³ரா॒ஹ்ம॒ணோ᳚ஸ்ய॒ முக॑²மாஸீத் । பா॒³ஹூ ரா॑ஜ॒ன்ய:॑ க்ரு॒த: ॥ 37 ॥

ஊ॒ரூ தத॑³ஸ்ய॒ யத்³-வைஶ்ய:॑ । ப॒த்³ப்⁴யாக்³ம் ஶூ॒த்³ரோ அ॑ஜாயத ॥ ச॒ந்த்³ரமா॒ மன॑ஸோ ஜா॒த: । சக்ஷோ॒-ஸ்ஸூர்யோ॑ அஜாயத ।
முகா॒²தி³ந்த்³ர॑ஶ்சா॒க்³னிஶ்ச॑ । ப்ரா॒ணா-த்³வா॒யுர॑ஜாயத ॥ நாப்⁴யா॑ ஆஸீத॒³ந்தரி॑க்ஷம் । ஶீ॒ர்​ஷ்ணோ த்³யௌ-ஸ்ஸம॑வர்தத । ப॒த்³ப்⁴யாம் பூ⁴மி॒-ர்தி³ஶ॒-ஶ்ஶ்ரோத்ரா᳚த் ।
ததா॑² லோ॒காக்³ம் அ॑கல்பயன்ன் ॥ 38 ॥

வேதா॒³ஹமே॒த-ம்புரு॑ஷ-ம்ம॒ஹாந்த᳚ம் । ஆ॒தி॒³த்யவ॑ர்ணம்॒ தம॑ஸ॒ஸ்து பா॒ரே । ஸர்வா॑ணி ரூ॒பாணி॑ வி॒சித்ய॒ தீ⁴ர:॑ । நாமா॑னி க்ரு॒த்வாபி॒⁴வத॒³ன்॒. யதா³ஸ்தே᳚ ॥
தா॒⁴தா பு॒ரஸ்தா॒த்³யமு॑தா³ஜ॒ஹார॑ । ஶ॒க்ர: ப்ரவி॒த்³வா-ன்ப்ர॒தி³ஶ॒ஶ்சத॑ஸ்ர: । தமே॒வம் வி॒த்³வான॒ம்ருத॑ இ॒ஹ ப॑⁴வதி । நான்ய: பந்தா॒² அய॑னாய வித்³யதே ॥
ய॒ஜ்ஞேன॑ ய॒ஜ்ஞம॑யஜந்த தே॒³வா: । தானி॒ த⁴ர்மா॑ணி ப்ரத॒²மான்யா॑ஸன்ன் । தே ஹ॒ நாகம்॑ மஹி॒மான॑-ஸ்ஸசந்தே । யத்ர॒ பூர்வே॑ ஸா॒த்³த்⁴யா-ஸ்ஸந்தி॑ தே॒³வா: ॥ 39 ॥
(புரு॑ஷ: - பு॒ரோ᳚ - க்³ர॒தோ॑ - ஜாயத - க்ரு॒தோ॑ - கல்பயன் - நாஸ॒ன் த்³வே ச॑) (அ. 12)

(ஜ்யாயா॒னதி॒⁴ பூரு॑ஷ:) (அ॒ன்யத்ர॒ புரு॑ஷ: )

அனுவாகம் 13
அ॒த்³ப்⁴ய-ஸ்ஸம்பூ॑⁴த: ப்ருதி॒²வ்யை ரஸா᳚ச்ச । வி॒ஶ்வக॑ர்மண॒-ஸ்ஸம॑வர்த॒தாதி॑⁴ ।
தஸ்ய॒ த்வஷ்டா॑ வி॒த³த॑⁴த்³-ரூ॒பமே॑தி । த-த்புரு॑ஷஸ்ய॒ விஶ்வ॒மாஜா॑ன॒மக்³ரே᳚ ॥ வேதா॒³ஹமே॒த-ம்புரு॑ஷ-ம்ம॒ஹாந்த᳚ம் । ஆ॒தி॒³த்யவ॑ர்ணம்॒ தம॑ஸ:॒ பர॑ஸ்தாத் ।
தமே॒வம் வி॒த்³வான॒ம்ருத॑ இ॒ஹ ப॑⁴வதி । நான்ய: பந்தா॑² வித்³ய॒தேய॑னாய ॥ ப்ர॒ஜாப॑திஶ்சரதி॒ க³ர்பே॑⁴ அ॒ந்த: । அ॒ஜாய॑மானோ ப³ஹு॒தா⁴ விஜா॑யதே ॥ 4௦ ॥

தஸ்ய॒ தீ⁴ரா:॒ பரி॑ஜானந்தி॒ யோனி᳚ம் । மரீ॑சீனா-ம்ப॒த³மி॑ச்ச²ந்தி வே॒த⁴ஸ:॑ ॥ யோ தே॒³வேப்⁴ய॒ ஆத॑பதி । யோ தே॒³வானாம்᳚ பு॒ரோஹி॑த: । பூர்வோ॒ யோ தே॒³வேப்⁴யோ॑ ஜா॒த: । நமோ॑ ரு॒சாய॒ ப்³ராஹ்ம॑யே ॥ ருசம்॑ ப்³ரா॒ஹ்ம-ஞ்ஜ॒னய॑ந்த: । தே॒³வா அக்³ரே॒ தத॑³ப்³ருவன்ன் ।
யஸ்த்வை॒வம் ப்³ரா᳚ஹ்ம॒ணோ வி॒த்³யாத் । தஸ்ய॑ தே॒³வா அஸ॒ன்வஶே᳚ ॥ ஹ்ரீஶ்ச॑ தே ல॒க்ஷ்மீஶ்ச॒ பத்ன்யௌ᳚ । அ॒ஹோ॒ரா॒த்ரே பா॒ர்​ஶ்வே । நக்ஷ॑த்ராணி ரூ॒பம் । அ॒ஶ்வினௌ॒ வ்யாத்த᳚ம் । இ॒ஷ்ட-ம்ம॑னிஷாண । அ॒மு-ம்ம॑னிஷாண । ஸர்வம்॑ மனிஷாண ॥ 41 ॥
(ஜா॒ய॒தே॒ - வஶே॑ ஸ॒ப்த ச॑) (அ. 13)

அனுவாகம் 14
ப॒⁴ர்தா ஸன் ப்⁴ரி॒யமா॑ணோ பி³ப⁴ர்தி । ஏகோ॑ தே॒³வோ ப॑³ஹு॒தா⁴ நிவி॑ஷ்ட: । ய॒தா³ பா॒⁴ர-ந்த॒ந்த்³ரய॑தே॒ ஸ ப⁴ர்து᳚ம் । நி॒தா⁴ய॑ பா॒⁴ர-ம்புன॒ரஸ்த॑மேதி ॥
தமே॒வ ம்ரு॒த்யும॒ம்ருதம்॒ தமா॑ஹு: । தம் ப॒⁴ர்தாரம்॒ தமு॑ கோ॒³ப்தார॑மாஹு: । ஸ ப்⁴ரு॒தோ ப்⁴ரி॒யமா॑ணோ பி³ப⁴ர்தி । ய ஏ॑னம்॒ வேத॑³ ஸ॒த்யேன॒ ப⁴ர்து᳚ம் ॥ ஸ॒த்³யோ ஜா॒தமு॒த ஜ॑ஹாத்யே॒ஷ: । உ॒தோ ஜர॑ந்தம்॒ ந ஜ॑ஹா॒த்யேக᳚ம் ॥ 42 ॥

உ॒தோ ப॒³ஹூனேக॒மஹ॑ர்ஜஹார । அத॑ந்த்³ரோ தே॒³வ-ஸ்ஸத॑³மே॒வ ப்ரார்த:॑² ॥ யஸ்தத்³வேத॒³ யத॑ ஆப॒³பூ⁴வ॑ । ஸ॒ந்தா⁴-ஞ்ச॒ யாக்³ம் ஸ॑ந்த॒³தே⁴ ப்³ரஹ்ம॑ணை॒ஷ: ।
ரம॑தே॒ தஸ்மி॑ன்னு॒த ஜீ॒ர்ணே ஶயா॑னே । நைனம்॑ ஜஹா॒த்யஹ॑ஸ்ஸு பூ॒ர்வ்யேஷு॑ ॥ த்வாமாபோ॒ அனு॒ ஸர்வா᳚ஶ்சரந்தி ஜான॒தீ: । வ॒த்²ஸ-ம்பய॑ஸா புனா॒னா: ।
த்வம॒க்³னிக்³ம் ஹ॑வ்ய॒வாஹ॒க்³ம்॒ ஸமி᳚ந்த்²ஸே ।
த்வம் ப॒⁴ர்தா மா॑த॒ரிஶ்வா᳚ ப்ர॒ஜானா᳚ம் ॥ 43 ॥

த்வம் ய॒ஜ்ஞஸ்த்வமு॑ வே॒வாஸி॒ ஸோம:॑ । தவ॑ தே॒³வா ஹவ॒மாய॑ந்தி॒ ஸர்வே᳚ । த்வமேகோ॑ஸி ப॒³ஹூனனு॒ப்ரவி॑ஷ்ட: । நம॑ஸ்தே அஸ்து ஸு॒ஹவோ॑ ம ஏதி⁴ ॥
நமோ॑ வாமஸ்து ஶ்ருணு॒தக்³ம் ஹவம்॑ மே । ப்ராணா॑பானாவஜி॒ரக்³ம் ஸ॒சம்ர॑ந்தௌ ।
ஹ்வயா॑மி வாம்॒ ப்³ரஹ்ம॑ணா தூ॒ர்தமேத᳚ம் । யோ மாம் த்³வேஷ்டி॒ த-ஞ்ஜ॑ஹி தம் யுவானா ॥
ப்ராணா॑பானௌ ஸம்விதா॒³னௌ ஜ॑ஹிதம் ।
அ॒முஷ்யாஸு॑னா॒ மா ஸங்க॑³ஸாதா²ம் ॥ 44 ॥

த-ம்மே॑ தே³வா॒ ப்³ரஹ்ம॑ணா ஸம்விதா॒³னௌ ।
வ॒தா⁴ய॑ த³த்தம்॒ தம॒ஹக்³ம் ஹ॑னாமி ॥ அஸ॑ஜ்ஜஜான ஸ॒த ஆப॑³பூ⁴வ । யம் யம்॑ ஜ॒ஜான॒ ஸ உ॑ கோ॒³போ அ॑ஸ்ய ।
ய॒தா³ பா॒⁴ர-ந்த॒ந்த்³ரய॑தே॒ ஸ ப⁴ர்து᳚ம் । ப॒ராஸ்ய॑ பா॒⁴ர-ம்புன॒ரஸ்த॑மேதி ॥
தத்³வை த்வ-ம்ப்ரா॒ணோ அ॑ப⁴வ: । ம॒ஹான்போ⁴க:॑³ ப்ர॒ஜாப॑தே: । பு⁴ஜ:॑ கரி॒ஷ்யமா॑ண: । யத்³தே॒³வான்ப்ராண॑யோ॒ நவ॑ ॥ 45 ॥
(ஏகம்॑ - ப்ர॒ஜானாம்᳚ - க³ஸாதா²ம்॒ - நவ॑ ) (அ. 14)

அனுவாகம் 15
ஹரி॒க்³ம்॒ ஹர॑ந்த॒மனு॑யந்தி தே॒³வா: । விஶ்வ॒ஸ்யேஶா॑னம் வ்ருஷ॒ப-⁴ம்ம॑தீ॒னாம் । ப்³ரஹ்ம॒ ஸரூ॑ப॒மனு॑ மே॒த³மாகா᳚³த் । அய॑னம்॒ மா விவ॑தீ॒⁴-ர்விக்ர॑மஸ்வ ॥
மாச்சி॑²தோ³ ம்ருத்யோ॒ மா வ॑தீ⁴: । மா மே॒ ப³லம்॒ விவ்ரு॑ஹோ॒ மா ப்ரமோ॑ஷீ: । ப்ர॒ஜா-ம்மா மே॑ ரீரிஷ॒ ஆயு॑ருக்³ர । ந்ரு॒சக்ஷ॑ஸ-ந்த்வா ஹ॒விஷா॑ விதே⁴ம ॥
ஸ॒த்³யஶ்ச॑கமா॒னாய॑ । ப்ர॒வே॒பா॒னாய॑ ம்ரு॒த்யவே᳚ ॥ 46 ॥

ப்ராஸ்மா॒ ஆஶா॑ அஶ்ருண்வன்ன் । காமே॑னாஜனய॒-ன்புன:॑ ॥
காமே॑ன மே॒ காம॒ ஆகா᳚³த் । ஹ்ருத॑³யா॒த்³த்³த்⁴ருத॑³ய-ம்ம்ரு॒த்யோ: । யத॒³மீஷா॑ம॒த:³ ப்ரி॒யம் । ததை³தூப॒ மாம॒பி⁴ ॥ பரம்॑ ம்ருத்யோ॒ அனு॒ பரே॑ஹி॒ பந்தா᳚²ம் । யஸ்தே॒ ஸ்வ இத॑ரோ தே³வ॒யானா᳚த் । சக்ஷு॑ஷ்மதே ஶ்ருண்வ॒தே தே᳚ ப்³ரவீமி । மா ந:॑ ப்ர॒ஜாக்³ம் ரீ॑ரிஷோ॒ மோத வீ॒ரான் ॥
ப்ர பூ॒ர்வ்ய-ம்மன॑ஸா॒ வந்த॑³மான: । நாத॑⁴மானோ வ்ருஷ॒ப-⁴ஞ்ச॑ர்​ஷணீ॒னாம் । ய: ப்ர॒ஜானா॑மேக॒ராண்மானு॑ஷீணாம் ।
ம்ரு॒த்யும் ய॑ஜே ப்ரத²ம॒ஜாம்ரு॒தஸ்ய॑ ॥ 47 ॥
(ம்ரு॒த்யவே॑ - வீ॒ராக்³க்³​ஶ்ச॒த்வாரி॑ ச) (அ. 15)

அனுவாகம் 16
த॒ரணி॑-ர்வி॒ஶ்வத॑³ர்​ஶதோ ஜ்யோதி॒ஷ்க்ருத॑³ஸி ஸூர்ய । விஶ்வ॒மாபா॑⁴ஸி ரோச॒னம் ।
உ॒ப॒யா॒மக்³ரு॑ஹீதோஸி॒ ஸூர்யா॑ய த்வா॒ ப்⁴ராஜ॑ஸ்வத ஏ॒ஷ தே॒ யோனி॒-ஸ்ஸூர்யா॑ய த்வா॒ ப்⁴ராஜ॑ஸ்வதே ॥ 48 ॥

அனுவாகம் 17
ஆ ப்யா॑யஸ்வ மதி³ந்தம॒ ஸோம॒ விஶ்வா॑பி⁴ரூ॒திபி॑⁴: ।
ப⁴வா॑ ந-ஸ்ஸ॒ப்ரத॑²ஸ்தம: ॥ 49 ॥

அனுவாகம் 18
ஈ॒யுஷ்டே யே பூர்வ॑தரா॒மப॑ஶ்யன் வ்யு॒ச்ச²ந்தீ॑மு॒ஷஸம்॒ மர்த்யா॑ஸ: ।
அ॒ஸ்மாபி॑⁴ரூ॒ நு ப்ர॑தி॒சக்ஷ்யா॑பூ॒⁴தோ³ தே ய॑ந்தி॒ யே அ॑ப॒ரீஷு॒ பஶ்யான்॑ ॥ 5௦ ॥

அனுவாகம் 19
ஜ்யோதி॑ஷ்மதீ-ந்த்வா ஸாத³யாமி ஜ்யோதி॒ஷ்க்ருதம்॑ த்வா ஸாத³யாமி ஜ்யோதி॒ர்வித³ம்॑ த்வா ஸாத³யாமி॒ பா⁴ஸ்வ॑தீ-ந்த்வா ஸாத³யாமி॒ ஜ்வல॑ந்தீ-ந்த்வா ஸாத³யாமி மல்மலா॒ப⁴வ॑ந்தீ-ந்த்வா ஸாத³யாமி॒ தீ³ப்ய॑மானா-ந்த்வா ஸாத³யாமி॒ ரோச॑மானாம்
த்வா ஸாத³யா॒ம்யஜ॑ஸ்ரா-ந்த்வா ஸாத³யாமி ப்³ரு॒ஹஜ்ஜ்யோ॑திஷ-ந்த்வா ஸாத³யாமி போ॒³த⁴ய॑ந்தீ-ந்த்வா ஸாத³யாமி॒ ஜாக்³ர॑தீ-ந்த்வா ஸாத³யாமி ॥ 51 ॥

அனுவாகம் 2௦
ப்ர॒யா॒ஸாய॒ ஸ்வாஹா॑யா॒ஸாய॒ ஸ்வாஹா॑ வியா॒ஸாய॒ ஸ்வாஹா॑ ஸம்யா॒ஸாய॒ ஸ்வாஹோ᳚த்³யா॒ஸாய॒ ஸ்வாஹா॑வயா॒ஸாய॒ ஸ்வாஹா॑ ஶு॒சே ஸ்வாஹா॒ ஶோகா॑ய॒ ஸ்வாஹா॑ தப்ய॒த்வை ஸ்வாஹா॒ தப॑தே॒ ஸ்வாஹா᳚ ப்³ரஹ்மஹ॒த்யாயை॒ ஸ்வாஹா॒ ஸர்வ॑ஸ்மை॒ ஸ்வாஹா᳚ ॥ 52 ॥

அனுவாகம் 21
சி॒த்தக்³ம் ஸ॑ந்தா॒னேன॑ ப⁴வம் ய॒க்னா ரு॒த்³ர-ந்தனி॑ம்னா பஶு॒பதிக்³க்॑³ ஸ்தூ²லஹ்ருத॒³யேனா॒க்³னிக்³ம் ஹ்ருத॑³யேன ரு॒த்³ரம் லோஹி॑தேன ஶ॒ர்வ-ம்மத॑ஸ்னாப்⁴யாம்
மஹாதே॒³வம॒ந்த: பா᳚ர்​ஶ்வேனௌஷிஷ்ட॒²ஹனக்³ம்॑ ஶிங்கீ³னிகோ॒ஶ்யா᳚ப்⁴யாம் ॥ 53 ॥

(சித்தி:॑ - ப்ருதி॒² - வ்ய॑க்³னி:॒ - ஸூர்யம்॑ தே॒ சக்ஷு॑--ர் ம॒ஹாஹ॑வி॒ர்॒ ஹோதா॒ - வாக்³கோ⁴தா᳚ - ப்³ராஹ்ம॒ண ஏக॑ஹோதா॒ - க்³னிர்யஜு॑ர்பி॒⁴: - ஸேனேந்த்³ர॑ஸ்ய - தே॒³வஸ்ய॑ - ஸு॒வர்ணம்॑ க॒⁴ர்மக்³ம் - ஸ॒ஹஸ்ர॑ஶீர்​ஷா॒- த்³ப்⁴யோ - ப॒⁴ர்தா -
ஹரிம்॑ - த॒ரணி॒ - ராப்யா॑ய - ஸ்வே॒யுஷ்டே யே - ஜ்யோதி॑ஷ்மதீம் - ப்ரயா॒ஸாய॑ - சி॒த்த மேக॑விக்³ம்ஶதி:)

(சித்தி॑ - ர॒க்³னிர்யஜு॑ர்பி⁴ - ர॒ந்த: ப்ரவி॑ஷ்ட: - ப்ர॒ஜாப॑தி॒ - ஸ்தஸ்ய॒ தீ⁴ரா॒ - ஜ்யோதி॑ஷ்மதீம்॒ த்ரிப॑ஞ்சா॒ஶத் )

( சித்தி:॑ - ஶிங்கீ³னிகோ॒ஶ்யா᳚ப்⁴யாம் )

॥ ஹரி:॑ ஓம் ॥

॥ க்ருஷ்ண யஜுர்வேதீ³ய தைத்திரீய ஆரண்யகே த்ருதீய: ப்ரபாட²க-ஸ்ஸமாப்த: ॥