කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ ද්විතීයඃ ප්රපාඨකඃ - හෝතෘබ්රාහ්මණම්

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1 - දශහෝතෘමන්ත්රස්ය ක්රත්වර්ථපුරුෂාර්ථප්රයෝගෞ

ප්ර॒ජාප॑තිරකාමයත ප්ර॒ජා-ස්සෘ॑ජේ॒යේති॑ । ස ඒ॒ත-න්දශ॑හෝතාර-මපශ්යත් । ත-ම්මන॑සා ऽනු॒ද්රුත්ය॑ දර්භස්ත॒ම්බේ॑-ऽජුහෝත් । තතෝ॒ වෛ ස ප්ර॒ජා අ॑සෘජත । තා අ॑ස්මාථ්සෘ॒ෂ්ටා අපා᳚ක්රාමන්න් । තා ග්රහේ॑ණාගෘහ්ණාත් । තද්ග්රහ॑ස්ය ග්රහ॒ත්වම් । යඃ කා॒මයේ॑ත॒ ප්රජා॑යේ॒යේති॑ । ස දශ॑හෝතාර॒-ම්මන॑සා ऽනු॒ද්රුත්ය॑ දර්භස්ත॒ම්බේ ජු॑හුයාත් । ප්ර॒ජාප॑ති॒ර්වෛ දශ॑හෝතා ॥ 1 ॥

ප්ර॒ජාප॑තිරේ॒ව භූ॒ත්වා ප්ර ජා॑යතේ ॥ මන॑සා ජුහෝති । මන॑ ඉව॒ හි ප්ර॒ජාප॑තිඃ । ප්ර॒ජාප॑තේ॒රාප්ත්යෛ᳚ ॥ පූ॒ර්ණයා॑ ජුහෝති । පූ॒ර්ණ ඉ॑ව॒ හි ප්ර॒ජාප॑තිඃ । ප්ර॒ජාප॑තේ॒රාප්ත්යෛ᳚ ॥ න්යූ॑නයා ජුහෝති । න්යූ॑නා॒ද්ධි ප්ර॒ජාප॑තිඃ ප්ර॒ජා අසෘ॑ජත । ප්ර॒ජානා॒ග්​ම්॒ සෘෂ්ට්යෛ᳚ ॥ 2 ॥

ද॒ර්භ॒ස්ත॒ම්බේ ජු॑හෝති । ඒ॒තස්මා॒ද්වෛ යෝනේඃ᳚ ප්ර॒ජාප॑තිඃ ප්ර॒ජා අ॑සෘජත । යස්මා॑දේ॒ව යෝනේඃ᳚ ප්ර॒ජාප॑තිඃ ප්ර॒ජා අසෘ॑ජත । තස්මා॑දේ॒ව යෝනේඃ॒ ප්ර ජා॑යතේ ॥ බ්රා॒හ්ම॒ණෝ ද॑ක්ෂිණ॒ත උපා᳚ස්තේ । බ්රා॒හ්ම॒ණෝ වෛ ප්ර॒ජානා॑-මුපද්ර॒ෂ්ටා । උ॒ප॒ද්ර॒ෂ්ටු॒මත්යේ॒ව ප්ර ජා॑යතේ ॥ ග්රහෝ॑ භවති । ප්ර॒ජානාග්​ම්॑ සෘ॒ෂ්ටානා॒-න්ධෘත්යෛ᳚ ॥ ය-ම්බ්රා᳚හ්ම॒ණං-විඁ॒ද්යාං-විඁ॒ද්වාග්​ම්සං॒-යඁශෝ॒ නර්ච්ඡේත් ॥ 3 ॥

සෝ-ऽර॑ණ්ය-ම්ප॒රේත්ය॑ । ද॒ර්භ॒ස්ත॒ම්බ-මු॒ද්ග්රත්ථ්ය॑ । බ්රා॒හ්ම॒ණ-න්ද॑ක්ෂිණ॒තෝ නි॒ෂාද්ය॑ । චතු॑ර්​හෝතॄ॒න් ව්යාච॑ක්ෂීත । ඒ॒තද්වෛ දේ॒වානා᳚-ම්පර॒ම-ඞ්ගුහ්ය॒-ම්බ්රහ්ම॑ । යච්චතු॑ර්​හෝතාරඃ । තදේ॒ව ප්ර॑කා॒ශ-ඞ්ග॑මයති । තදේ॑න-ම්ප්රකා॒ශ-ඞ්ග॒තම් । ප්ර॒කා॒ශ-ම්ප්ර॒ජානා᳚-ඞ්ගමයති ॥ ද॒ර්භ॒ස්ත॒ම්බ-මු॒ද්ග්රත්ථ්ය॒ ව්යාච॑ෂ්ටේ ॥ 4 ॥

අ॒ග්නි॒වාන්. වෛ ද॑ර්භස්ත॒ම්බඃ । අ॒ග්නි॒වත්යේ॒ව ව්යාච॑ෂ්ටේ ॥ බ්රා॒හ්ම॒ණෝ ද॑ක්ෂිණ॒ත උපා᳚ස්තේ । බ්රා॒හ්ම॒ණෝ වෛ ප්ර॒ජානා॑-මුපද්ර॒ෂ්ටා । උ॒ප॒ද්ර॒ෂ්ටු॒-මත්යේ॒වෛනං॒-යඁශ॑ ඍච්ඡති ॥ ඊ॒ශ්ව॒ර-න්තං-යඁශෝ-ऽර්තෝ॒රිත්යා॑හුඃ । යස්යාන්තේ᳚ ව්යා॒චෂ්ට॒ ඉති॑ । වර॒ස්තස්මෛ॒ දේයඃ॑ । යදේ॒වෛන॒-න්තත්රෝ॑ප॒ නම॑ති । තදේ॒වාව॑ රුන්ධේ ॥ 5 ॥

අ॒ග්නිමා॒දධා॑නෝ॒ දශ॑හෝත්රා॒ ऽරණි॒මව॑දද්ධ්යාත් । ප්රජා॑තමේ॒වෛන॒-මාධ॑ත්තේ । තේනෛ॒වෝද්ද්රුත්යා᳚ග්නිහෝ॒ත්ර-ඤ්ජු॑හුයාත් । ප්රජා॑තමේ॒වෛන॑ජ්ජුහෝති । හ॒විර්නි॑ර්ව॒ඵ්ස්යන්-දශ॑හෝතාරං॒-ව්යාඁච॑ක්ෂීත । ප්රජා॑තමේ॒වෛන॒-න්නිර්ව॑පති । සා॒මි॒ධේ॒නී-ර॑නුව॒ක්ෂ්යන්-දශ॑හෝතාරං॒-ව්යාඁච॑ක්ෂීත । සා॒මි॒ධේ॒නීරේ॒ව සෘ॒ෂ්ට්වා-ऽऽරභ්ය॒ ප්ර ත॑නුතේ । අථෝ॑ ය॒ජ්ඤෝ වෛ දශ॑හෝතා । ය॒ජ්ඤමේ॒ව ත॑නුතේ ॥ 6 ॥

අ॒භි॒චර॒න්-දශ॑හෝතාර-ඤ්ජුහුයාත් । නව॒ වෛ පුරු॑ෂේ ප්රා॒ණාඃ । නාභි॑ර්දශ॒මී । සප්රා॑ණමේ॒වෛන॑-ම॒භිච॑රති । ඒ॒තාව॒ද්වෛ පුරු॑ෂස්ය॒ ස්වම් । යාව॑-ත්ප්රා॒ණාඃ । යාව॑දේ॒වාස්යාස්ති॑ । තද॒භිච॑රති ॥ ස්වකෘ॑ත॒ ඉරි॑ණේ ජුහෝති ප්රද॒රේ වා᳚ । ඒ॒තද්වා අ॒ස්යෛ නිර්-ඍ॑තිගෘහීතම් । නිර්-ඍ॑ති ගෘහීත ඒ॒වෛන॒-න්නිර්-ඍ॑ත්යා ග්රාහයති ॥ ය-ද්වා॒චඃ ක්රූ॒රම් । තේන॒ වෂ॑ට්කරෝති । වා॒ච ඒ॒වෛන॑-ඞ්ක්රූ॒රේණ॒ ප්ර වෘ॑ශ්චති । තා॒ජගාර්ති॒මාර්ච්ඡ॑ති ॥ 7 ॥
(දශ॑හෝතා॒ - සෘෂ්ට්යා॑ - ඍ॒ච්ඡේ-ද්- ව්යාච॑ෂ්ටේ - රුන්ධ - ඒ॒ව ත॑නුතේ॒ - නිර්-ඍ॑තිගෘහීත॒-ම්පඤ්ච॑ ච) (අ. 1)

අනුවාකං 2 - චතුර්​හෝත්රාදිමන්ත්රාණා-ඞ්ක්රත්වර්ථප්රයෝගඃ
ප්ර॒ජාප॑තිරකාමයත දර්​ශපූර්ණමා॒සෞ සෘ॑ජේ॒යේති॑ । ස ඒ॒ත-ඤ්චතු॑ර්​හෝතාර-මපශ්යත් । ත-ම්මන॑සා-ऽනු॒ද්රුත්යා॑ හව॒නීයේ॑-ऽජුහෝත් । තතෝ॒ වෛ ස ද॑ර්​ශපූර්ණමා॒සාව॑සෘජත । තාව॑ස්මා-ථ්සෘ॒ෂ්ටාවපා᳚ක්රාමතාම් । තෞ ග්රහේ॑ණා ගෘහ්ණාත් । තද්ග්රහ॑ස්ය ග්රහ॒ත්වම් । ද॒ර්॒ශ॒පූ॒ර්ණ॒මා॒සා-වා॒ලභ॑මානඃ । චතු॑ර්​හෝතාර॒-ම්මන॑සා-ऽනු॒ද්රුත්යා॑-හව॒නීයේ॑ ජුහුයාත් । ද॒ර්॒ශ॒පූ॒ර්ණ॒මා॒සාවේ॒ව සෘ॒ෂ්ට්වා-ऽऽරභ්ය॒ ප්ර ත॑නුතේ ॥ 8 ॥

ග්රහෝ॑ භවති । ද॒ර්॒ශ॒පූ॒ර්ණ॒මා॒සයෝ᳚-ස්සෘ॒ෂ්ටයෝ॒ර්ධෘත්යෛ᳚ ॥ සෝ॑-ऽකාමයත චාතුර්මා॒ස්යානි॑ සෘජේ॒යේති॑ । ස ඒ॒ත-ම්පඤ්ච॑හෝතාර-මපශ්යත් । ත-ම්මන॑සා-ऽනු॒ද්රුත්යා॑ හව॒නීයේ॑-ऽජුහෝත් । තතෝ॒ වෛ ස චා॑තුර්මා॒ස්යාන්ය॑සෘජත । තාන්ය॑ස්මා-ථ්සෘ॒ෂ්ටාන්යපා᳚ක්රාමන්න් । තානි॒ ග්රහේ॑ණාගෘහ්ණාත් । තද්ග්රහ॑ස්ය ග්රහ॒ත්වම් । චා॒තු॒ර්මා॒ස්යාන්යා॒ලභ॑මානඃ ॥ 9 ॥

පඤ්ච॑හෝතාර॒-ම්මන॑සා-ऽනු॒ද්රුත්යා॑ හව॒නීයේ॑ ජුහුයාත් । චා॒තු॒ර්මා॒ස්යාන්යේ॒ව සෘ॒ෂ්ට්වා-ऽऽරභ්ය॒ ප්ර ත॑නුතේ । ග්රහෝ॑ භවති । චා॒තු॒ර්මා॒ස්යානාග්​ම්॑ සෘ॒ෂ්ටානා॒-න්ධෘත්යෛ᳚ ॥ සෝ॑-ऽකාමයත පශුබ॒න්ධග්​ම් සෘ॑ජේ॒යේති॑ । ස ඒ॒තග්​ම් ෂඩ්ඪෝ॑තාර-මපශ්යත් । ත-ම්මන॑සා-ऽනු॒ද්රුත්යා॑ හව॒නීයේ॑-ऽජුහෝත් । තතෝ॒ වෛ ස ප॑ශුබ॒න්ධම॑සෘජත । සෝ᳚-ऽස්මා-ථ්සෘ॒ෂ්ටෝ ऽපා᳚ක්රාමත් । ත-ඞ්ග්රහේ॑ණාගෘහ්ණාත් ॥ 10 ॥

තද්ග්රහ॑ස්ය ග්රහ॒ත්වම් । ප॒ශු॒බ॒න්ධේන॑ ය॒ක්ෂ්යමා॑ණඃ । ෂඩ්ඪෝ॑තාර॒-ම්මන॑සා ऽනු॒ද්රුත්යා॑ හව॒නීයේ॑ ජුහුයාත් । ප॒ශු॒බ॒න්ධමේ॒ව සෘ॒ෂ්ට්වා-ऽऽරභ්ය॒ ප්ර ත॑නුතේ । ග්රහෝ॑ භවති । ප॒ශු॒බ॒න්ධස්ය॑ සෘ॒ෂ්ටස්ය॒ ධෘත්යෛ᳚ ॥ සෝ॑-ऽකාමයත සෞ॒ම්ය-ම॑ද්ධ්ව॒රග්​ම් සෘ॑ජේ॒යේති॑ । ස ඒ॒තග්​ම් ස॒ප්තහෝ॑තාර-මපශ්යත් । ත-ම්මන॑සා-ऽනු॒ද්රුත්යා॑ හව॒නීයේ॑ ऽජුහෝත් । තතෝ॒ වෛ ස සෞ॒ම්ය-ම॑ද්ධ්ව॒ර-ම॑සෘජත ॥ 11 ॥

සෝ᳚-ऽස්මා-ථ්සෘ॒ෂ්ටෝ-ऽපා᳚ක්රාමත් । ත-ඞ්ග්රහේ॑ණාගෘහ්ණාත් । තද්ග්රහ॑ස්ය ග්රහ॒ත්වම් । දී॒ක්ෂි॒ෂ්යමා॑ණඃ । ස॒ප්තහෝ॑තාර॒-ම්මන॑සා-ऽනු॒ද්රුත්යා॑ හව॒නීයේ॑ ජුහුයාත් । සෞ॒ම්යමේ॒වාද්ධ්ව॒රග්​ම් සෘ॒ෂ්ට්වා-ऽऽරභ්ය॒ ප්ර ත॑නුතේ । ග්රහෝ॑ භවති । සෞ॒ම්යස්යා᳚-ද්ධ්ව॒රස්ය॑ සෘ॒ෂ්ටස්ය॒ ධෘත්යෛ᳚ ॥ දේ॒වේභ්යෝ॒ වෛ ය॒ජ්ඤෝ න ප්රාභ॑වත් । තමේ॑තාව॒ච්ඡ-ස්සම॑භරන්න් ॥ 12 ॥

ය-ථ්ස॑භාං॒රාඃ । තතෝ॒ වෛ තේභ්යෝ॑ ය॒ජ්ඤඃ ප්රාභ॑වත් । ය-ථ්ස॑භාං॒රා භව॑න්ති । ය॒ජ්ඤස්ය॒ ප්රභූ᳚ත්යෛ ॥ ආ॒ති॒ත්ථ්යමා॒සාද්ය॒ ව්යාච॑ෂ්ටේ । ය॒ජ්ඤ॒මු॒ඛං-වාඁ ආ॑ති॒ථ්යම් । මු॒ඛ॒ත ඒ॒ව ය॒ජ්ඤග්​ම් ස॒භෘන්ත්ය॒ ප්ර ත॑නුතේ ॥ අය॑ජ්ඤෝ॒ වා ඒ॒ෂඃ । යෝ॑-ऽප॒ත්නීකඃ॑ । න ප්ර॒ජාඃ ප්ර ජා॑යේරන්න් । පත්නී॒ර්ව්යාච॑ෂ්ටේ । ය॒ජ්ඤමේ॒වාකඃ॑ । ප්ර॒ජානා᳚-ම්ප්ර॒ජන॑නාය ॥ උ॒ප॒සථ්සු॒ ව්යාච॑ෂ්ටේ । ඒ॒තද්වෛ පත්නී॑නා-මා॒යත॑නම් । ස්ව ඒ॒වෛනා॑ ආ॒යත॒නේ-ऽව॑ කල්පයති ॥ 13 ॥
(ත॒නු॒ත॒ - ආ॒ලභ॑මානෝ - ऽගෘහ්ණා - දසෘජ - තාභර - ඤ්ජායේර॒න්-ථ්ෂට්ච॑) (අ. 2)

අනුවාකං 3 - චතුර්​හෝතෘපඤ්චහෝතෘමන්ත්රග්රහභාගයෝඃ පුරුෂාර්ථ ප්රයෝගඃ

ප්ර॒ජාප॑ති-රකාමයත॒ ප්ර ජා॑යේ॒යේති॑ । ස තපෝ॑-ऽතප්යත । ස ත්රි॒වෘත॒ග්ග්॒ ස්තෝම॑-මසෘජත । ත-ම්ප॑ඤ්චද॒ශස්තෝමෝ॑ මද්ධ්ය॒ත උද॑තෘණත් । තෞ පූ᳚ර්වප॒ක්ෂශ්චා॑පරප॒ක්ෂශ්චා॑භවතාම් । පූ॒ර්ව॒ප॒ක්ෂ-න්දේ॒වා අන්වසෘ॑ජ්යන්ත । අ॒ප॒ර॒ප॒ක්ෂ-මන්වසු॑රාඃ । තතෝ॑ දේ॒වා අභ॑වන්න් । පරා-ऽසු॑රාඃ । ය-ඞ්කා॒මයේ॑ත॒ වසී॑යාන්-ථ්ස්යා॒දිති॑ ॥ 14 ॥

ත-ම්පූ᳚ර්වප॒ක්ෂේ යා॑ජයේත් । වසී॑යානේ॒ව භ॑වති । ය-ඞ්කා॒මයේ॑ත॒ පාපී॑යාන්-ථ්ස්යා॒දිති॑ । තම॑පරප॒ක්ෂේ යා॑ජයේත් । පාපී॑යානේ॒ව භ॑වති । තස්මා᳚-ත්පූර්වප॒ක්ෂෝ॑ ¶ප॒ක්ෂාත්-ක॑රු॒ණ්ය॑තරඃ ॥ ප්ර॒ජාප॑ති॒ර්වෛ දශ॑හෝතා । චතු॑ර්​හෝතා॒ පඤ්ච॑හෝතා । ෂඩ්ඪෝ॑තා ස॒ප්තහෝ॑තා । ඍ॒තව॑-ස්සං​වඁථ්ස॒රඃ ॥ 15 ॥

ප්ර॒ජාඃ ප॒ශව॑ ඉ॒මේ ලෝ॒කාඃ । ය ඒ॒ව-ම්ප්ර॒ජාප॑ති-ම්බ॒හෝර්භූයාග්​ම්॑සං॒-වේඁද॑ । බ॒හෝරේ॒ව භූයා᳚-න්භවති ॥ ප්ර॒ජාප॑ති-ර්දේවාසු॒රාන॑සෘජත । ස ඉන්ද්ර॒මපි॒ නාසෘ॑ජත । ත-න්දේ॒වා අ॑බ්රුවන්න් । ඉන්ද්ර॑-න්නෝ ජන॒යේති॑ । සෝ᳚-ऽබ්රවීත් । යථා॒ ऽහං-යුඁ॒ෂ්මාග්​ ස්තප॒සා ऽසෘ॑ක්ෂි । ඒ॒වමින්ද්ර॑-ඤ්ජනයද්ධ්ව॒මිති॑ ॥ 16 ॥

තේ තපෝ॑-ऽතප්යන්ත । ත ආ॒ත්මන්නින්ද්ර॑-මපශ්යන්න් । තම॑බ්රුවන්න් । ජාය॒ස්වේති॑ । සෝ᳚-ऽබ්රවීත් । කි-ම්භා॑ග॒ධේය॑-ම॒භිජ॑නිෂ්ය॒ ඉති॑ । ඍ॒තූන්-ථ්සං॑​වඁථ්ස॒රම් । ප්ර॒ජාඃ ප॒ශූන් । ඉ॒මාල් ඁලෝ॒කානිත්ය॑බ්රුවන්න් । තං-වෛඁ මා-ऽऽහු॑ත්යා॒ ප්රජ॑නය॒තේත්ය॑බ්රවීත් ॥ 17 ॥

ත-ඤ්චතු॑ර්​හෝත්රා॒ ප්රාජ॑නයන්න් ॥ යඃ කා॒මයේ॑ත වී॒රෝ ම॒ ආ ජා॑යේ॒තේති॑ । ස චතු॑ර්​හෝතාර-ඤ්ජුහුයාත් । ප්ර॒ජාප॑ති॒ර්වෛ චතු॑ර්​හෝතා । ප්ර॒ජාප॑තිරේ॒ව භූ॒ත්වා ප්රජා॑යතේ । ජ॒ජන॒දින්ද්ර॑-මින්ද්රි॒යාය॒ ස්වාහේති॒ ග්රහේ॑ණ ජුහෝති । ආ-ऽස්ය॑ වී॒රෝ ජා॑යතේ । වී॒රග්​ම් හි දේ॒වා ඒ॒තයා ऽऽහු॑ත්යා॒ ප්රාජ॑නයන්න් ॥ ආ॒දි॒ත්යාශ්චාඞ්ගි॑රසශ්ච සුව॒ර්ගේ ලෝ॒කේ᳚ ऽස්පර්ධන්ත । ව॒ය-ම්පූර්වේ॑ සුව॒ර්ගං-ලෝඁ॒කමි॑යාම ව॒ය-ම්පූර්ව॒ ඉති॑ ॥ 18 ॥

ත ආ॑දි॒ත්යා ඒ॒ත-ම්පඤ්ච॑හෝතාර-මපශ්යන්න් । ත-ම්පු॒රා ප්රා॑තරනුවා॒කාදාග්නී᳚ද්ධ්රේ ऽජුහවුඃ । තතෝ॒ වෛ තේ පූර්වේ॑ සුව॒ර්ගං-ලෝඁ॒කමා॑යන්න් । ය-ස්සු॑ව॒ර්ගකා॑ම॒-ස්ස්යාත් । ස පඤ්ච॑හෝතාර-ම්පු॒රා ප්රා॑තරනුවා॒කාදාග්නී᳚ද්ධ්රේ ජුහුයාත් । සං॒​වඁ॒ථ්ස॒රෝ වෛ පඤ්ච॑හෝතා । සං॒​වඁ॒ථ්ස॒ර-ස්සු॑ව॒ර්ගෝ ලෝ॒කඃ । සං॒​වඁ॒ථ්ස॒ර ඒ॒වර්තුෂු॑ ප්රති॒ෂ්ඨාය॑ । සු॒ව॒ර්ගං-ලෝඁ॒කමේ॑ති ॥ තේ᳚බ්රුව॒-න්නඞ්ගි॑රස ආදි॒ත්යාන් ॥ 19 ॥

ක්ව॑ ස්ථ । ක්ව॑ ව-ස්ස॒ද්භ්යෝ හ॒ව්යං-වඁ ॑ක්ෂ්යාම॒ ඉති॑ । ඡන්ද॒-ස්ස්විත්ය॑බ්රුවන්න් । ගා॒ය॒ත්රි॒යා-න්ත්රි॒ෂ්ටුභි॒-ජග॑ත්යා॒මිති॑ । තස්මා॒ච්ඡන්ද॑-ස්සු ස॒ද්භ්ය ආ॑දි॒ත්යේභ්යඃ॑ । ආ॒ඞ්ගී॒ර॒සීඃ ප්ර॒ජා හ॒ව්යං-වඁ ॑හන්ති । වහ॑න්ත්යස්මෛ ප්ර॒ජා බ॒ලිම් । ඓන॒මප්ර॑තිඛ්යාත-ඞ්ගච්ඡති । ය ඒ॒වං-වේඁද॑ ॥ ද්වාද॑ශ॒ මාසාඃ॒ පඤ්ච॒ර්තවඃ॑ । ත්රය॑ ඉ॒මේ ලෝ॒කාඃ । අ॒සාවා॑දි॒ත්ය ඒ॑කවි॒ග්​ම්॒ශඃ । ඒ॒තස්මි॒න් වා ඒ॒ෂ ශ්රි॒තඃ । ඒ॒තස්මි॒න්-ප්රති॑ෂ්ඨිතඃ । ය ඒ॒වමේ॒තග්ග්​ ශ්රි॒ත-ම්ප්රති॑ෂ්ඨිතං॒-වේඁද॑ । ප්රත්යේ॒ව ති॑ෂ්ඨති ॥ 20 ॥
(ස්යා॒දිති॑ - සං​වඁථ්ස॒රෝ - ජ॑නයද්ධ්ව॒මිතී - ත්ය॑බ්රවී॒ත් - පූර්ව॒ ඉත්යා॑ - දි॒ත්යාන් - ඍ॒තව॒-ෂ්ෂට්ච॑) (අ. 3)

අනුවාකං 4 - ජග-ථ්සෘෂ්ටිකථනමුඛේන හෝතෘමන්ත්රප්රශංසා
ප්ර॒ජාප॑ති-රකාමයත॒ ප්රජා॑යේ॒යේති॑ । ස ඒ॒ත-න්දශ॑හෝතාර-මපශ්යත් । තේන॑ දශ॒ධා ऽऽත්මානං॑-විඁ॒ධාය॑ । දශ॑හෝත්රා ऽතප්යත । තස්ය॒ චිත්ති॒-ස්ස්රුගාසී᳚ත් । චි॒ත්තමාජ්ය᳚ම් । තස්යෛ॒තා॑වත්යේ॒ව වාගාසී᳚ත් । ඒ॒තාවාන්॑. යජ්ඤක්ර॒තුඃ ॥ ස චතු॑ර්​හෝතාර-මසෘජත । සෝ॑-ऽනන්දත් ॥ 21 ॥

අසෘ॑ක්ෂි॒ වා ඉ॒මමිති॑ । තස්ය॒ සෝමෝ॑ හ॒විරාසී᳚ත් । ස චතු॑ර්​හෝත්රා ऽතප්යත । සෝ॑-ऽතාම්යත් । ස භූරිති॒ ව්යාහ॑රත් । ස භූමි॑මසෘජත । අ॒ග්නි॒හෝ॒ත්ර-න්ද॑ර්​ශපූර්ණමා॒සෞ යජූග්​ම්॑ෂි । ස ද්වි॒තීය॑මතප්යත । සෝ॑-ऽතාම්යත් । ස භුව॒ ඉති॒ ව්යාහ॑රත් ॥ 22 ॥

සෝ᳚-ऽන්තරි॑ක්ෂ-මසෘජත । චා॒තු॒ර්මා॒ස්යානි॒ සාමා॑නි । ස තෘ॒තීය॑මතප්යත । සෝ॑-ऽතාම්යත් । ස සුව॒රිති॒ ව්යාහ॑රත් । ස දිව॑මසෘජත । අ॒ග්නි॒ෂ්ටෝ॒ම-මු॒ක්ථ්ය॑-මතිරා॒ත්රමෘචඃ॑ । ඒ॒තා වෛ ව්යාහෘ॑තය ඉ॒මේ ලෝ॒කාඃ । ඉ॒මා-න්ඛලු॒ වෛ ලෝ॒කානනු॑ ප්ර॒ජාඃ ප॒ශව॒ශ්ඡන්දාග්​ම්॑සි॒ ප්රාජා॑යන්ත । ය ඒ॒වමේ॒තාඃ ප්ර॒ජාප॑තේඃ ප්රථ॒මා ව්යාහෘ॑තීඃ॒ ප්රජා॑තා॒ වේද॑ ॥ 23 ॥

ප්ර ප්ර॒ජයා॑ ප॒ශුභි॑-ර්මිථු॒නෛ-ර්ජා॑යතේ ॥ ස පඤ්ච॑හෝතාර-මසෘජත । ස හ॒විර්නා-වි॑න්දත । තස්මෛ॒ සෝම॑-ස්ත॒නුව॒-ම්ප්රාය॑ච්ඡත් । ඒ॒ත-ත්තේ॑ හ॒විරිති॑ । ස පඤ්ච॑හෝත්රා ऽතප්යත । සෝ॑-ऽතාම්යත් । ස ප්ර॒ත්යඞ්ඞ॑බාධත । සෝ-ऽසු॑රා-නසෘජත । තද॒ස්යා ප්රි॑යමාසීත් ॥ 24 ॥

ත-ද්දු॒ර්වර්ණ॒ග්​ම්॒ හිර॑ණ්යමභවත් । ත-ද්දු॒ර්වර්ණ॑ස්ය॒ හිර॑ණ්යස්ය॒ ජන්ම॑ । ස ද්වි॒තීය॑මතප්යත । සෝ॑-ऽතාම්යත් । ස ප්රාංඅ॑බාධත । ස දේ॒වාන॑සෘජත । තද॑ස්ය ප්රි॒යම॑සීත් । ත-ථ්සු॒වර්ණ॒ග්​ම්॒ හිර॑ණ්යමභවත් । ත-ථ්සු॒වර්ණ॑ස්ය॒ හිර॑ණ්යස්ය॒ ජන්ම॑ । ය ඒ॒වග්​ම් සු॒වර්ණ॑ස්ය॒ හිර॑ණ්යස්ය॒ ජන්ම॒ වේද॑ ॥ 25 ॥

සු॒වර්ණ॑ ආ॒ත්මනා॑ භවති । දු॒ර්වර්ණෝ᳚-ऽස්ය॒ භ්රාතෘ॑ව්යඃ । තස්මා᳚-ථ්සු॒වර්ණ॒ග්​ම්॒ හිර॑ණ්ය-ම්භා॒ර්ය᳚ම් । සු॒වර්ණ॑ ඒ॒ව භ॑වති । ඓන॑-ම්ප්රි॒ය-ඞ්ග॑ච්ඡති॒ නාප්රි॑යම් ॥ ස ස॒ප්තහෝ॑තාර-මසෘජත । ස ස॒ප්තහෝ᳚ත්රෛ॒ව සු॑ව॒ර්ගං-ලෝඁ॒කමෛ᳚ත් ॥ ත්රි॒ණ॒වේන॒ ස්තෝමේ॑නෛ॒භ්යෝ ලෝ॒කේභ්යෝ-ऽසු॑රා॒-න්ප්රාණු॑දත । ත්ර॒ය॒ස්ත්රි॒ග්​ම්॒ශේන॒ ප්රත්ය॑තිෂ්ඨත් । ඒ॒ක॒වි॒ග්​ම්॒ශේන॒ රුච॑මධත්ත ॥ 26 ॥

ස॒ප්ත॒ද॒ශේන॒ ප්රාජා॑යත । ය ඒ॒වං-විඁ॒ද්වාන්-ථ්සෝමේ॑න॒ යජ॑තේ । ස॒ප්තහෝ᳚ත්රෛ॒ව සු॑ව॒ර්ගං-ලෝඁ॒කමේ॑ති । ත්රි॒ණ॒වේන॒ ස්තෝමේ॑නෛ॒භ්යෝ ලෝ॒කේභ්යෝ॒ භ්රාතෘ॑ව්යා॒න්-ප්රණු॑දතේ । ත්ර॒ය॒ස්ත්රි॒ග්​ම්॒ශේන॒ ප්රති॑ තිෂ්ඨති । ඒ॒ක॒වි॒ග්​ම්॒ශේන॒ රුච॑-න්ධත්තේ । ස॒ප්ත॒ද॒ශේන॒ ප්රජා॑යතේ । තස්මා᳚-ථ්සප්තද॒ශ-ස්ස්තෝමෝ॒ න නි॒ර්॒හෘත්යඃ॑ । ප්ර॒ජාප॑ති॒ ර්වෛ ස॑ප්තද॒ශඃ । ප්ර॒ජාප॑තිමේ॒ව ම॑ද්ධ්ය॒තෝ ධ॑ත්තේ॒ ප්රජා᳚ත්යෛ ॥ 27 ॥
(අ॒න॒න්ද॒-ද්- භුව॒ ඉති॒ ව්යාහ॑ර॒-ද්- වේදා॑ - සී॒-ද්- වේදා॑ - ධත්ත॒ - ප්රජා᳚ත්යෛ) (අ. 4)

අනුවාකං 5 - දක්ෂිණාප්රතිග්රහමන්ත්රව්යාඛ්යානම්
දේ॒වා වෛ වරු॑ණමයාජයන්න් । ස යස්යෛ॑ යස්යෛ දේ॒වතා॑යෛ॒ දක්ෂි॑ණා॒මන॑යත් । තාම॑ව්ලීනාත් । තේ᳚-ऽබ්රුවන්න් । ව්යා॒වෘත්ය॒ ප්රති॑ ගෘහ්ණාම । තථා॑ නෝ॒ දක්ෂි॑ණා॒ න ව්ලේ᳚ෂ්ය॒තීති॑ । තේ ව්යා॒වෘත්ය॒ ප්රත්ය॑ගෘහ්ණන්න් । තතෝ॒ වෛ තා-න්දක්ෂි॑ණා॒ නාව්ලී॑නාත් । ය ඒ॒වං-විඁ॒ද්වාන් ව්යා॒වෘත්ය॒ දක්ෂි॑ණා-ම්ප්රතිගෘ॒හ්ණාති॑ । නෛන॒-න්දක්ෂි॑ණා ව්ලීනාති ॥ 28 ॥

රාජා᳚ ත්වා॒ වරු॑ණෝ නයතු දේවි දක්ෂිණේ॒-ऽග්නයේ॒ හිර॑ණ්ය॒මිත්යා॑හ । ආ॒ග්නේ॒යං-වෛඁ හිර॑ණ්යම් । ස්වයෛ॒වෛන॑-ද්දේ॒වත॑යා॒ ප්රති॑ ගෘහ්ණාති । සෝමා॑ය॒ වාස॒ ඉත්යා॑හ । සෞ॒ම්යං-වෛඁ වාසඃ॑ । ස්වයෛ॒වෛන॑-ද්දේ॒වත॑යා॒ ප්රති॑ ගෘහ්ණාති । රු॒ද්රාය॒ ගාමිත්යා॑හ । රෞ॒ද්රී වෛ ගෞඃ । ස්වයෛ॒වෛනා᳚-න්දේ॒වත॑යා॒ ප්රති॑ ගෘහ්ණාති । වරු॑ණා॒යාශ්ව॒මිත්යා॑හ ॥ 29 ॥

වා॒රු॒ණෝ වා අශ්වඃ॑ । ස්වයෛ॒වෛන॑-න්දේ॒වත॑යා॒ ප්රති॑ ගෘහ්ණාති । ප්රා॒ජාප॑තයේ॒ පුරු॑ෂ॒මිත්යා॑හ । ප්රා॒ජා॒ප॒ත්යෝ වෛ පුරු॑ෂඃ । ස්වයෛ॒වෛන॑-න්දේ॒වත॑යා॒ ප්රති॑ ගෘහ්ණාති । මන॑වේ॒ තල්ප॒මිත්යා॑හ । මා॒න॒වෝ වෛ තල්පඃ॑ । ස්වයෛ॒වෛන॑-න්දේ॒වත॑යා॒ ප්රති॑ ගෘහ්ණාති । උ॒ත්තා॒නායා᳚ඞ්ගීර॒සායාන॒ ඉත්යා॑හ । ඉ॒යං-වාඁ උ॑ත්තා॒න ආ᳚ඞ්ගීර॒සඃ ॥ 30 ॥

අ॒නයෛ॒වෛන॒ත්-ප්රති॑ ගෘහ්ණාති ॥ වෛ॒ශ්වා॒න॒ර්යාර්චා රථ॒-ම්ප්රති॑ ගෘහ්ණාති । වෛ॒ශ්වා॒න॒රෝ වෛ දේ॒වත॑යා॒ රථඃ॑ । ස්වයෛ॒වෛන॑-න්දේ॒වත॑යා॒ ප්රති॑ ගෘහ්ණාති ॥ තේනා॑මෘත॒ත්වම॑ශ්යා॒-මිත්යා॑හ । අ॒මෘත॑මේ॒වාත්මන්-ධ॑ත්තේ ॥ වයෝ॑ දා॒ත්ර ඉත්යා॑හ । වය॑ ඒ॒වෛන॑-ඞ්කෘ॒ත්වා । සු॒ව॒ර්ගං-ලෝඁ॒ක-ඞ්ග॑මයති ॥ මයෝ॒ මහ්ය॑මස්තු ප්රතිග්රහී॒ත්ර ඉත්යා॑හ ॥ 31 ॥

යද්වෛ ශි॒වම් । තන්මයඃ॑ । ආ॒ත්මන॑ ඒ॒වෛෂා පරී᳚ත්තිඃ ॥ ක ඉ॒ද-ඞ්කස්මා॑ අදා॒දිත්යා॑හ । ප්ර॒ජාප॑ති॒ර්වෛ කඃ । ස ප්ර॒ජාප॑තයේ දදාති ॥ කාමඃ॒ කාමා॒යේත්යා॑හ । කාමේ॑න॒ හි දදා॑ති । කාමේ॑න ප්රතිගෘ॒හ්ණාති॑ ॥ කාමෝ॑ දා॒තා කාමඃ॑ ප්රති ග්රහී॒තේත්යා॑හ ॥ 32 ॥

කාමෝ॒ හි දා॒තා । කාමඃ॑ ප්රති ග්රහී॒තා ॥ කාමග්​ම්॑ සමු॒ද්ර-මාවි॒ශේත්යා॑හ । ස॒මු॒ද්ර ඉ॑ව॒ හි කාමඃ॑ । නේව॒ හි කාම॒ස්යාන්තෝ-ऽස්ති॑ । න ස॑මු॒ද්රස්ය॑ ॥ කාමේ॑න ත්වා॒ ප්රති॑ ගෘහ්ණා॒මීත්යා॑හ । යේන॒ කාමේ॑න ප්රති ගෘ॒හ්ණාති॑ । ස ඒ॒වෛන॑ම॒මුෂ්මි॑ල් ඁලෝ॒කේ කාම॒ ආග॑ච්ඡති ॥ කාමෛ॒තත්ත॑ ඒ॒ෂා තේ॑ කාම॒ දක්ෂි॒ණේත්යා॑හ । කාම॑ ඒ॒ව ත-ද්යජ॑මානෝ॒-ऽමුෂ්මි॑ල් ඁලෝ॒කේ දක්ෂි॑ණාමිච්ඡති । න ප්ර॑තිග්රහී॒තරි॑ ॥ ය ඒ॒වං-විඁ॒ද්වාන්-දක්ෂි॑ණා-ම්ප්රතිගෘ॒හ්ණාති॑ । අ॒නෘ॒ණාමේ॒වෛනා॒-ම්ප්රති॑ ගෘහ්ණාති ॥ 33 ॥
(ව්ලී॒නා॒ත්ය - ශ්ව॒මිත්යා॑හා - ඞ්ගිර॒සඃ - ප්ර॑තිග්රහී॒ත්ර ඉත්යා॑හ - ප්රතිග්රහී॒තේත්යා॑හ॒ - දක්ෂි॒ණේත්යා॑හ ච॒ත්වාරි॑ ච) (අ. 5)

අනුවාකං 6 - ද්වාදශාහදශමේ-ऽහනි හෝතෘමන්ත්රාඃ
අන්තෝ॒ වා ඒ॒ෂ ය॒ජ්ඤස්ය॑ । ය-ද්ද॑ශ॒මමහඃ॑ । ද॒ශ॒මේ-ऽහ᳚න්-ථ්සර්පරා॒ජ්ඤියා॑ ඍ॒ග්භි-ස්ස්තු॑වන්ති । ය॒ජ්ඤස්යෛ॒වාන්ත॑-ඞ්ග॒ත්වා । අ॒න්නාද්ය॒මව॑රුන්ධතේ ॥ ති॒සෘභි॑-ස්ස්තුවන්ති । ත්රය॑ ඉ॒මේ ලෝ॒කාඃ । ඒ॒භ්ය ඒ॒ව ලෝ॒කේභ්යෝ॒-ऽන්නාද්ය॒මව॑රුන්ධතේ । පෘශ්නි॑වතී-ර්භවන්ති । අන්නං॒-වෛඁ පෘශ්නි॑ ॥ 34 ॥

අන්න॑මේ॒වාව॑-රුන්ධතේ ॥ මන॑සා॒ ප්රස්තෞ॑ති । මන॒සෝද්ගා॑යති । මන॑සා॒ ප්රති॑ හරති । මන॑ ඉව॒ හි ප්ර॒ජාප॑තිඃ । ප්ර॒ජාප॑තේ॒රාප්ත්යෛ᳚ ॥ දේ॒වා වෛ ස॒ර්පාඃ । තේෂා॑මි॒යග්​ම් රාජ්ඤී᳚ । ය-ථ්ස॑ර්පරා॒ජ්ඤියා॑ ඍ॒ග්භි-ස්ස්තු॒වන්ති॑ । අ॒ස්යාමේ॒ව ප්රති॑ තිෂ්ඨන්ති ॥ 35 ॥

චතු॑ර්​හෝතॄ॒න්॒. හෝතා॒ ව්යාච॑ෂ්ටේ । ස්තු॒තමනු॑ශග්​ම්සති॒ ශාන්ත්යෛ᳚ ॥ අන්තෝ॒ වා ඒ॒ෂ ය॒ජ්ඤස්ය॑ । ය-ද්ද॑ශ॒මමහඃ॑ । ඒ॒ත-ත්ඛලු॒ වෛ දේ॒වානා᳚-ම්පර॒ම-ඞ්ගුහ්ය॒-ම්බ්රහ්ම॑ । යච්චතු॑ර්​හෝතාරඃ । ද॒ශ॒මේ-ऽහ॒ග්ග්॒-ශ්චතු॑ර්​හෝතॄ॒න් ව්යාච॑ෂ්ටේ । ය॒ජ්ඤස්යෛ॒වාන්ත॑-ඞ්ග॒ත්වා । ප॒ර॒ම-න්දේ॒වානා॒-ඞ්ගුහ්ය॒-ම්බ්රහ්මාව॑රුන්ධේ । තදේ॒ව ප්ර॑කා॒ශ-ඞ්ග॑මයති ॥ 36 ॥

තදේ॑න-ම්ප්රකා॒ශ-ඞ්ග॒තම් । ප්ර॒කා॒ශ-ම්ප්ර॒ජානා᳚-ඞ්ගමයති ॥ වාචං॑-යඁච්ඡති । ය॒ජ්ඤස්ය॒ ධෘත්යෛ᳚ ॥ ය॒ජ॒මා॒න॒දේ॒ව॒ත්යං॑-වාඁ අහඃ॑ । භ්රා॒තෘ॒ව්ය॒දේ॒ව॒ත්යා॑ රාත්රිඃ॑ । අහ්නා॒ රාත්රි॑-න්ධ්යායේත් । භ්රාතෘ॑ව්යස්යෛ॒ව තල්ලෝ॒කං-වෘඁ ॑ඞ්ක්තේ । යද්දිවා॒ වාචං॑-විඁසෘ॒ජේත් । අහ॒ර්භ්රාතෘ॑ව්යා॒යෝච්ඡිග්​ම්॑ෂේත් । යන්නක්තං॑-විඁසෘ॒ජේත් । රාත්රි॒-ම්භ්රාතෘ॑ව්යා॒යෝච්ඡිග්​ම්॑ෂේත් । අ॒ධි॒වෘ॒ක්ෂ॒සූ॒ර්යේ වාචං॒-විඁසෘ॑ජති । ඒ॒තාව॑න්තමේ॒වාස්මෛ॑ ලෝ॒කමුච්ඡිග්​ම්॑ෂති । යාව॑දාදි॒ත්යෝ᳚-ऽස්ත॒මේති॑ ॥ 37 ॥
(පෘශ්නි॑ - තිෂ්ඨන්ති - ගමයති - ශිග්​ම්ෂේ॒-ත්පඤ්ච॑ ච) (අ. 6)

අනුවාකං 7 - සප්තහෝතෘමන්ත්රසාධ්යයජ්ඤප්රශංසා
ප්ර॒ජාප॑තිඃ ප්ර॒ජා අ॑සෘජත । තා-ස්සෘ॒ෂ්ටා-ස්සම॑ශ්ලිෂ්යන්න් । තා රූ॒පේණානු॒ ප්රාවි॑ශත් । තස්මා॑දාහුඃ । රූ॒පං-වෛඁ ප්ර॒ජාප॑ති॒රිති॑ । තා නාම්නා-ऽනු॒ ප්රාවි॑ශත් । තස්මා॑දාහුඃ । නාම॒ වෛ ප්ර॒ජාප॑ති॒රිති॑ । තස්මා॒දප්යා॑ ऽමි॒ත්රෞ ස॒ගන්ත්ය॑ । නාම්නා॒ චේද්ධ්වයේ॑තේ ॥ 38 ॥

මි॒ත්රමේ॒ව භ॑වතඃ ॥ ප්ර॒ජාප॑ති-ර්දේවාසු॒රාන॑සෘජත । ස ඉන්ද්ර॒මපි॒ නාසෘ॑ජත । ත-න්දේ॒වා අ॑බ්රුවන්න් । ඉන්ද්ර॑-න්නෝ ජන॒යේති॑ । ස ආ॒ත්ම-න්නින්ද්ර॑-මපශ්යත් । තම॑සෘජත । ත-න්ත්රි॒ෂ්ටුග්-වී॒ර්ය॑-ම්භූ॒ත්වා-ऽනු॒ ප්රාවි॑ශත් । තස්ය॒ වජ්රඃ॑ පඤ්චද॒ශෝ හස්ත॒ ආප॑ද්යත । තේනෝ॒දය්යාසු॑රාන॒භ්ය॑ භවත් ॥ 39 ॥

ය ඒ॒වං-වේඁද॑ । අ॒භි භ්රාතෘ॑ව්යා-න්භවති ॥ තේ දේ॒වා අසු॑රෛ-ර්වි॒ජිත්ය॑ । සු॒ව॒ර්ගං-ලෝඁ॒කමා॑යන්න් । තේ॑-ऽමුෂ්මි॑ල් ඁලෝ॒කේ ව්ය॑ක්ෂුද්ධ්යන්න් । තේ᳚-ऽබ්රුවන්න් । අ॒මුතඃ॑ ප්රදානං॒-වාඁ උප॑ජිජීවි॒මේති॑ । තේ ස॒ප්තහෝ॑තාරං-යඁ॒ජ්ඤං-විඁ॒ධායා॒යාස්ය᳚ම් । ආ॒ඞ්ගී॒ර॒ස-ම්ප්රාහි॑ණ්වන්න් । ඒ॒තේනා॒මුත්ර॑ කල්ප॒යේති॑ ॥ 40 ॥

තස්ය॒ වා ඉ॒ය-ඞ්ක්ලෘප්තිඃ॑ । යදි॒ද-ඞ්කි-ඤ්ච॑ । ය ඒ॒වං-වේඁද॑ । කල්ප॑තේ-ऽස්මෛ । ස වා අ॒ය-ම්ම॑නු॒ෂ්යේ॑ෂු ය॒ජ්ඤ-ස්ස॒ප්තහෝ॑තා । අ॒මුත්ර॑ ස॒ද්භ්යෝ දේ॒වේභ්යෝ॑ හ॒ව්යං-වඁ ॑හති । ය ඒ॒වං-වේඁද॑ । උපෛ॑නං-යඁ॒ජ්ඤෝ න॑මති ॥ සෝ॑-ऽමන්යත । අ॒භි වා ඉ॒මේ᳚-ऽස්මා-ල්ලෝ॒කාද॒මුං​ලෝඁ॒ක-ඞ්ක॑මිෂ්යන්ත॒ ඉති॑ । ස වාච॑ස්පතේ॒ හෘදිති॒ ව්යාහ॑රත් । තස්මා᳚-ත්පු॒ත්රෝ හෘද॑යම් । තස්මා॑ද॒ස්මා-ල්ලෝ॒කාද॒මුං-ලෝඁ॒ක-න්නාභිකා॑මයන්තේ । පු॒ත්රෝ හි හෘද॑යම් ॥ 41 ॥
(හ්වයේ॑ත - අභවත් - කල්ප॒යේ - තීති॑ ච॒ත්වාරි॑ ච) (අ. 7)

අනුවාකං 8 - හෝතෘමන්ත්රාණාං සෝමයාගාඞ්ගත්වම්
දේ॒වා වෛ චතු॑ර්​හෝතෘභි-ර්ය॒ජ්ඤම॑තන්වත । තේ වි පා॒ප්මනා॒ භ්රාතෘ॑ව්යේ॒ණාජ॑යන්ත । අ॒භි සු॑ව॒ර්ගං-ලෝඁ॒කම॑ජයන්න් । ය ඒ॒වං-විඁ॒ද්වාග්​-ශ්චතු॑ර්​හෝතෘභිර්ය॒ජ්ඤ-න්ත॑නු॒තේ । වි පා॒ප්මනා॒ භ්රාතෘ॑ව්යේණ ජයතේ । අ॒භි සු॑ව॒ර්ගං-ලෝඁ॒ක-ඤ්ජ॑යති ॥ ෂඩ්ඪෝ᳚ත්රා ප්රාය॒ණීය॒මාසා॑දයති । අ॒මුෂ්මෛ॒ වෛ ලෝ॒කාය॒ ෂඩ්ඪෝ॑තා । ඝ්නන්ති॒ ඛලු॒ වා ඒ॒ත-ථ්සෝම᳚ම් । යද॑භිෂු॒ණ්වන්ති॑ ॥ 42 ॥

ඍ॒ජු॒ධෛවෛන॑ම॒මුං-ලෝඁ॒ක-ඞ්ග॑මයති । චතු॑ර්​හෝත්රා ऽऽති॒ත්ථ්යම් । යශෝ॒ වෛ චතු॑ර්​හෝතා । යශ॑ ඒ॒වාත්මන්-ධ॑ත්තේ । පඤ්ච॑හෝත්රා ප॒ශුමුප॑ සාදයති । සු॒ව॒ර්ග්යෝ॑ වෛ පඤ්ච॑හෝතා । යජ॑මානඃ ප॒ශුඃ । යජ॑මානමේ॒ව සු॑ව॒ර්ගං-ලෝඁ॒ක-ඞ්ග॑මයති । ග්රහා᳚න්-ගෘහී॒ත්වා ස॒ප්තහෝ॑තාර-ඤ්ජුහෝති । ඉ॒න්ද්රි॒යං-වෛඁ ස॒ප්තහෝ॑තා ॥ 43 ॥

ඉ॒න්ද්රි॒යමේ॒වාත්මන්-ධ॑ත්තේ ॥ යෝ වෛ චතු॑ර්​හෝතॄ-නනුසව॒න-න්ත॒ර්පය॑ති । තෘප්ය॑ති ප්ර॒ජයා॑ ප॒ශුභිඃ॑ । උපෛ॑නග්​ම් සෝමපී॒ථෝ න॑මති । බ॒හි॒ෂ්පව॒මා॒නේ දශ॑හෝතාරං॒-ව්යාඁච॑ක්ෂීත । මාද්ධ්ය॑න්දිනේ॒ පව॑මානේ॒ චතු॑ර්​හෝතාරම් । ආර්භ॑වේ॒ පව॑මානේ॒ පඤ්ච॑හෝතාරම් । පි॒තෘ॒ය॒ජ්ඤේ ෂඩ්ඪෝ॑තාරම් । ය॒ජ්ඤා॒ය॒ජ්ඤිය॑ස්ය ස්තෝ॒ත්රේ ස॒ප්තහෝ॑තාරම් । අ॒නු॒ස॒ව॒නමේ॒වෛනාග්॑ ස්තර්පයති ॥ 44 ॥

තෘප්ය॑ති ප්ර॒ජයා॑ ප॒ශුභිඃ॑ । උපෛ॑නග්​ම් සෝමපී॒ථෝ න॑මති ॥ දේ॒වා වෛ චතු॑ර්​හෝතෘභි-ස්ස॒ත්රමා॑සත । ඍද්ධි॑පරිමිතං॒-යඁශ॑ස්කාමාඃ । තේ᳚-ऽබ්රුවන්න් । යන්නඃ॑ ප්රථ॒මං-යඁශ॑ ඍ॒ච්ඡාත් । සර්වේ॑ෂා-න්න॒ස්ත-ථ්ස॒හාස॒දිති॑ । සෝම॒ශ්චතු॑ර්​හෝත්රා । අ॒ග්නිඃ පඤ්ච॑හෝත්රා । ධා॒තා ෂඩ්ඪෝ᳚ත්රා ॥ 45 ॥

ඉන්ද්ර॑-ස්ස॒ප්තහෝ᳚ත්රා । ප්ර॒ජාප॑ති॒-ර්දශ॑හෝත්රා । තේෂා॒ග්​ම්॒ සෝම॒ග්​ම්॒ රාජා॑නං॒-යඁශ॑ ආර්ච්ඡත් ॥ තන්න්ය॑කාමයත । තේනාපා᳚ක්රාමත් । තේන॑ ප්ර॒ලාය॑මචරත් । ත-න්දේ॒වාඃ ප්රෛ॒ෂෛඃ ප්රෛෂ॑මෛච්ඡන්න් । තත්-ප්රෛ॒ෂාණා᳚-ම්ප්රෛෂ॒ත්වම් । නි॒විද්භි॒ර්න්ය॑වේදයන්න් । තන්නි॒විදා᳚-න්නිවි॒ත්ත්වම් ॥ 46 ॥

ආ॒ප්රීභි॑රාප්නුවන්න් । තදා॒ප්රීණා॑මාප්රි॒ත්වම් । තම॑ඝ්නන්න් । තස්ය॒ යශෝ॒ ව්ය॑ගෘහ්ණත । තේ ග්රහා॑ අභවන්න් । තද්ග්රහා॑ණා-ඞ්ග්රහ॒ත්වම් । යස්යෛ॒වං-විඁ॒දුෂෝ॒ ග්රහා॑ ගෘ॒හ්යන්තේ᳚ । තස්ය॒ ත්වේ॑ව ගෘ॑හී॒තාඃ ॥ තේ᳚-ऽබ්රුවන්න් । යෝ වෛ න॒-ශ්ශ්රේෂ්ඨෝ-ऽභූ᳚ත් ॥ 47 ॥

තම॑වධිෂ්ම । පුන॑රි॒මග්​ම් සු॑වාමහා॒ ඉති॑ । ත-ඤ්ඡන්දෝ॑භි-රසුවන්ත । තච්ඡන්ද॑සා-ඤ්ඡන්ද॒ස්ත්වම් । සාම්නා॒ සමාන॑යන්න් । ත-ථ්සාම්න॑-ස්සාම॒ත්වම් । උ॒ක්ථෛ-රුද॑ස්ථාපයන්න් । තදු॒ක්ථානා॑-මුක්ථ॒ත්වම් । ය ඒ॒වං-වේඁද॑ । ප්රත්යේ॒ව ති॑ෂ්ඨති ॥ 48 ॥

සර්ව॒මායු॑රේති ॥ සෝමෝ॒ වෛ යශඃ॑ । ය ඒ॒වං-විඁ॒ද්වාන්-ථ්සෝම॑මා॒ගච්ඡ॑ති । යශ॑ ඒ॒වෛන॑මෘච්ඡති । තස්මා॑දාහුඃ । යශ්චෛ॒වං-වේඁද॒ යශ්ච॒ න । තාවු॒භෞ සෝම॒-මාග॑ච්ඡතඃ । සෝමෝ॒ හි යශඃ॑ । ත-න්ත්වා-ऽව යශ॑ ඍච්ඡ॒තීත්යා॑හුඃ । ය-ස්සෝමේ॒ සෝම॒-ම්ප්රාහේති॑ । තස්මා॒-ථ්සෝමේ॒ සෝමඃ॒ ප්රෝච්යඃ॑ । යශ॑ ඒ॒වෛන॑මෘච්ඡති ॥ 49 ॥
(අ॒භි॒ෂු॒ණ්වන්ති॑ - ස॒ප්තහෝ॑තා - තර්පයති॒ - ෂඩ්ඪෝ᳚ත්රා - නිවි॒ත්ත්ව - මභූ᳚ත් - තිෂ්ඨති॒ - ප්රාහේති॒ ද්වේ ච॑) (අ. 8)

අනුවාකං 9 - හෝතෘමන්ත්රෝත්පත්තිකථනප්රසඞ්ගේන ජග-ථ්සෘෂ්ටිඃ
ඉ॒දං-වාඁ අග්රේ॒ නෛව කිඤ්ච॒නාසී᳚ත් । න ද්යෞරා॑සීත් । න පෘ॑ථි॒වී । නාන්තරි॑ක්ෂම් । තදස॑දේ॒ව සන්මනෝ॑ ऽකුරුත॒ ස්යාමිති॑ । තද॑තප්යත । තස්මා᳚ත්-තේපා॒නාද්ධූ॒මෝ॑-ऽජායත । ත-ද්භූයෝ॑-ऽතප්යත । තස්මා᳚ත්-තේපා॒නාද॒ග්නි-ර॑ජායත । ත-ද්භූයෝ॑-ऽතප්යත ॥ 50 ॥

තස්මා᳚ත්-තේපා॒නාජ්ජ්යෝති॑-රජායත । ත-ද්භූයෝ॑-ऽතප්යත । තස්මා᳚ත්-තේපා॒නාද॒ර්චි-ර॑ජායත । ත-ද්භූයෝ॑-ऽතප්යත । තස්මා᳚ත්-තේපා॒නාන්මරී॑චයෝ-ऽජායන්ත । ත-ද්භූයෝ॑-ऽතප්යත । තස්මා᳚ත්-තේපා॒නාදු॑දා॒රා අ॑ජායන්ත । ත-ද්භූයෝ॑-ऽතප්යත । තද॒භ්රමි॑ව॒ සම॑හන්යත ॥ ත-ද්ව॒ස්තිම॑භිනත් ॥ 51 ॥

ස ස॑මු॒ද්රෝ॑-ऽභවත් । තස්මා᳚-ථ්සමු॒ද්රස්ය॒ න පි॑බන්ති । ප්ර॒ජන॑නමිව॒ හි මන්ය॑න්තේ । තස්මා᳚-ත්ප॒ශෝ-ර්ජාය॑මානා॒දාපඃ॑ පු॒රස්තා᳚-ද්යන්ති ॥ ත-ද්දශ॑හෝ॒තා-ऽන්ව॑සෘජ්යත । ප්ර॒ජාප॑ති॒ර්වෛ දශ॑ හෝතා ॥ ය ඒ॒ව-න්තප॑සෝ වී॒ර්යං॑-විඁ॒ද්වාග්​ස්තප්ය॑තේ । භව॑ත්යේ॒ව ॥ තද්වා ඉ॒දමාප॑-ස්සලි॒ල-මා॑සීත් । සෝ॑-ऽරෝදීත්-ප්ර॒ජාප॑තිඃ ॥ 52 ॥

ස කස්මා॑ අජ්ඤි । ය-ද්ය॒ස්යා අප්ර॑තිෂ්ඨායා॒ ඉති॑ । යද॒ඵ්ස්ව॑-වාප॑ද්යත । සා පෘ॑ථි॒ව්ය॑භවත් । යද්ව්යමෘ॑ෂ්ට । තද॒න්තරි॑ක්ෂ-මභවත් । යදූ॒ර්ධ්ව-මු॒දමෘ॑ෂ්ට । සා ද්යෞර॑භවත් । යදරෝ॑දීත් । තද॒නයෝ॑ රෝද॒ස්ත්වම් ॥ 53 ॥

ය ඒ॒වං-වේඁද॑ । නාස්ය॑ ගෘ॒හේ රු॑දන්ති । ඒ॒තද්වා ඒ॒ෂාං-ලෝඁ॒කානා॒-ඤ්ජන්ම॑ । ය ඒ॒වමේ॒ෂාං-ලෝඁ॒කානා॒-ඤ්ජන්ම॒ වේද॑ । නෛෂු ලෝ॒කේ-ෂ්වාර්ති॒මාර්ච්ඡ॑ති । ස ඉ॒මා-ම්ප්ර॑ති॒ෂ්ඨා-ම॑වින්දත ॥ ස ඉ॒මා-ම්ප්ර॑ති॒ෂ්ඨාං-විඁ॒ත්ත්වා ऽකා॑මයත॒ ප්රජා॑යේ॒යේති॑ । ස තපෝ॑-ऽතප්යත । සෝ᳚-ऽන්තර්වා॑නභවත් । ස ජ॒ඝනා॒දසු॑රා-නසෘජත ॥ 54 ॥

තේභ්යෝ॑ මෘ॒න්මයේ॒ පාත්රේ-ऽන්න॑මදුහත් । යා-ऽස්ය॒ සා ත॒නූරාසී᳚ත් । තාමපා॑හත । සා තමි॑ස්රා-ऽභවත් ॥ සෝ॑-ऽකාමයත॒ ප්රජා॑යේ॒යේති॑ । ස තපෝ॑-ऽතප්යත । සෝ᳚-ऽන්තර්වා॑-නභවත් । ස ප්ර॒ජන॑නාදේ॒ව ප්ර॒ජා අ॑සෘජත । තස්මා॑දි॒මා භූයි॑ෂ්ඨාඃ । ප්ර॒ජන॑නා॒ද්ධ්යේ॑නා॒ අසෘ॑ජත ॥ 55 ॥

තාභ්යෝ॑ දාරු॒මයේ॒ පාත්රේ॒ පයෝ॑-ऽදුහත । යා-ऽස්ය॒ සා ත॒නූරාසී᳚ත් । තාමපා॑හත । සා ජෝථ්ස්නා॑ ऽභවත් ॥ සෝ॑-ऽකාමයත॒ ප්රජා॑යේ॒යේති॑ । සතපෝ॑-ऽතප්යත । සෝ᳚-ऽන්තර්වා॑-නභවත් । ස උ॑පප॒ක්ෂාභ්යා॑-මේ॒වර්තූන॑සෘජත । තේභ්යෝ॑ රජ॒තේ පාත්රේ॑ ඝෘ॒තම॑දුහත් । යා-ऽස්ය॒ සා ත॒නූරාසී᳚ත් ॥ 56 ॥

තාමපා॑හත । සෝ॑-ऽහෝරා॒ත්රයෝ᳚-ස්ස॒න්ධි-ර॑භවත් ॥ සෝ॑-ऽකාමයත॒ ප්රජා॑යේ॒යේති॑ । ස තපෝ॑-ऽතප්යත । සෝ᳚-ऽන්තර්වා॑-නභවත් । ස මුඛා᳚-ද්දේ॒වා-න॑සෘජත । තේභ්යෝ॒ හරි॑තේ॒ පාත්රේ॒ සෝම॑මදුහත් । යා-ऽස්ය॒ සා ත॒නූරාසී᳚ත් । තාමපා॑හත । තදහ॑රභවත් ॥ 57 ॥

ඒ॒තේ වෛ ප්ර॒ජාප॑තේ॒ර්දෝහාඃ᳚ । ය ඒ॒වං-වේඁද॑ । දු॒හ ඒ॒ව ප්ර॒ජාඃ ॥ දිවා॒ වෛ නෝ॑-ऽභූ॒දිති॑ । ත-ද්දේ॒වානා᳚-න්දේව॒ත්වම් । ය ඒ॒ව-න්දේ॒වානා᳚-න්දේව॒ත්වං-වේඁද॑ । දේ॒වවා॑නේ॒ව භ॑වති ॥ ඒ॒තද්වා අ॑හෝරා॒ත්රාණා॒-ඤ්ජන්ම॑ । ය ඒ॒වම॑හෝරා॒ත්රාණා॒-ඤ්ජන්ම॒ වේද॑ । නාහෝ॑රා॒ත්රේෂ්වාර්ති॒මාර්ච්ඡ॑ති ॥ 58 ॥

අස॒තෝ-ऽධි॒ මනෝ॑-ऽසෘජ්යත । මනඃ॑ ප්ර॒ජාප॑ති-මසෘජත । ප්ර॒ජාප॑තිඃ ප්ර॒ජා අ॑සෘජත । තද්වා ඉ॒ද-ම්මන॑ස්යේ॒ව ප॑ර॒ම-ම්ප්රති॑ෂ්ඨිතම් । යදි॒ද-ඞ්කිඤ්ච॑ । තදේ॒තච්ඡ්වෝ॑වස්ය॒ සන්නාම॒ බ්රහ්ම॑ ॥ ව්යු॒ච්ඡන්තී᳚ ව්යුච්ඡන්ත්යස්මෛ॒ වස්ය॑සී වස්යසී॒ ව්යු॑ච්ඡති । ප්රජා॑යතේ ප්ර॒ජයා॑ ප॒ශුභිඃ॑ । ප්ර ප॑රමේ॒ෂ්ඨිනෝ॒ මාත්රා॑-මාප්නෝති । ය ඒ॒වං-වේඁද॑ ॥ 59 ॥
(අ॒ග්නිර॑ජායත॒ තද්භූයෝ॑-ऽතප්යතා - භිනද - රෝදී-ත්ප්ර॒ජාප॑තී - රෝද॒ස්ත්ව - ම॑සෘජ॒ - තාසෘ॑ජත - ඝෘ॒තම॑දුහ॒ද්යා-ऽස්ය॒ සා ත॒නූරාසී॒ - දහ॑රභව-ද්- ඍච්ඡති॒ - වේද॑) (අ. 9)

(ඉ॒ද-න්ධූ॒මෝ᳚ ऽග්නි-ර්ජ්යෝති॑ ර॒ර්චි-ර්මරී॑චය උදා॒රා ස්තද॒භ්රග්​ම් /
ස ජ॒ඝනා॒-ථ්සා තමි॑ස්රා॒ ස ප්ර॒ජන॑නා॒-ථ්සා ජෝථ්ස්නා॒ ස උ॑පප॒ක්ෂාභ්යා॒ග්​ම්॒ සෝ॑ ऽහෝරා॒ත්රයෝ᳚-ස්ස॒න්ධි-ස්සමුඛා॒-ත්තදහ॑-ර්දේ॒වවා᳚න් / මෘ॒න්මයේ॑ දාරු॒මයේ॑ රජ॒තේ හරි॑තේ॒ තේභ්ය॒ස්තාභ්යෝ॒ ද්වේ තේභ්යෝ-ऽන්න॒-ම්පයෝ॑
ඝෘ॒තග්​ම් සෝම᳚ම්)

අනුවාකං 10 - දේවසෘෂ්ටිමධ්යේ-ऽවස්ථිතස්යේන්ද්රස්ය දේවතාධිපතිත්වම්
ප්ර॒ජාප॑ති॒-රින්ද්ර॑මසෘජ-තානුජාව॒ර-න්දේ॒වානා᳚ම් । ත-ම්ප්රාහි॑ණෝත් । පරේ॑හි । ඒ॒තේෂා᳚-න්දේ॒වානා॒-මධි॑පතිරේ॒ධීති॑ । ත-න්දේ॒වා අ॑බ්රුවන්න් । කස්ත්වමසි॑ । ව॒යං-වෛඁ ත්වච්ඡ්රේයාග්​ම්॑ස-ස්ස්ම॒ ඉති॑ । සෝ᳚-ऽබ්රවීත් । කස්ත්වමසි॑ ව॒යං-වෛඁ ත්වච්ඡ්රේයාග්​ම්॑ස-ස්ස්ම॒ ඉති॑ මා දේ॒වා අ॑වෝච॒න්නිති॑ ॥ අථ॒ වා ඉ॒ද-න්තර්​හි॑ ප්ර॒ජාප॑තෞ॒ හර॑ ආසීත් ॥ 60 ॥

යද॒ස්මින්නා॑දි॒ත්යේ । තදේ॑නමබ්රවීත් । ඒ॒තන්මේ॒ ප්රය॑ච්ඡ । අථා॒හමේ॒තේෂා᳚-න්දේ॒වානා॒-මධි॑පති-ර්භවිෂ්යා॒මීති॑ । කෝ॑හග්ග්​-ස්යා॒මිත්ය॑බ්රවීත් । ඒ॒ත-ත්ප්ර॒දායේති॑ । ඒ॒ත-ථ්ස්යා॒ ඉත්ය॑බ්රවීත් । යදේ॒තද්බ්රවී॒ෂීති॑ । කෝ හ॒ වෛ නාම॑ ප්ර॒ජාප॑තිඃ । ය ඒ॒වං-වේඁද॑ ॥ 61 ॥

වි॒දුරේ॑න॒-න්නාම්නා᳚ । තද॑ස්මෛ රු॒ක්ම-ඞ්කෘ॒ත්වා ප්රත්ය॑මුඤ්චත් । තතෝ॒ වා ඉන්ද්රෝ॑ දේ॒වානා॒-මධි॑පති-රභවත් । ය ඒ॒වං-වේඁද॑ । අධි॑පතිරේ॒ව ස॑මා॒නානා᳚-ම්භවති ॥ සෝ॑-ऽමන්යත । කි-ඞ්කිං॒-වාඁ අ॑කර॒මිති॑ । ස ච॒න්ද්ර-ම්ම॒ ආහ॒රේති॒ ප්රාල॑පත් । තච්ච॒න්ද්රම॑ස-ශ්චන්ද්රම॒ස්ත්වම් । ය ඒ॒වං-වේඁද॑ ॥ 62 ॥

ච॒න්ද්රවා॑නේ॒ව භ॑වති ॥ ත-න්දේ॒වා අ॑බ්රුවන්න් । සු॒වීර්යෝ॑ ऽමර්යා॒ යථා॑ ගෝපා॒යත॒ ඉති॑ । ත-ථ්සූර්ය॑ස්ය සූර්ය॒ත්වම් । ය ඒ॒වං-වේඁද॑ । නෛන॑-න්දභ්නෝති ॥ කශ්ච॒ නාස්මි॒න්වා ඉ॒දමි॑න්ද්රි॒ය-ම්ප්රත්ය॑ස්ථා॒දිති॑ । තදින්ද්ර॑-ස්යේන්ද්ර॒ත්වම් । ය ඒ॒වං-වේඁද॑ । ඉ॒න්ද්රි॒යා॒ව්යේ॑ව භ॑වති ॥ 63 ॥

අ॒යං-වාඁ ඉ॒ද-ම්ප॑ර॒මෝ॑-ऽභූ॒දිති॑ । තත්-ප॑රමේ॒ෂ්ඨිනඃ॑ පරමේෂ්ඨි॒ත්වම් । ය ඒ॒වං-වේඁද॑ । ප॒ර॒මාමේ॒ව කාෂ්ඨා᳚-ඞ්ගච්ඡති ॥ ත-න්දේ॒වා-ස්ස॑ම॒න්ත-ම්පර්ය॑විශන්න් । වස॑වඃ පු॒රස්තා᳚ත් । රු॒ද්රා ද॑ක්ෂිණ॒තඃ । ආ॒දි॒ත්යාඃ ප॒ශ්චාත් । විශ්වේ॑ දේ॒වා උ॑ත්තර॒තඃ । අඞ්ගි॑රසඃ ප්ර॒ත්යඤ්ච᳚ම් ॥ 64 ॥

සා॒ද්ධ්යාඃ පරා᳚ඤ්චම් । ය ඒ॒වං-වේඁද॑ । උපෛ॑නග්​ම් සමා॒නා-ස්සං-විඁ ॑ශන්ති ॥ ස ප්ර॒ජාප॑තිරේ॒ව භූ॒ත්වා ප්ර॒ජා ආව॑යත් । තා අ॑ස්මෛ॒ නාති॑ෂ්ඨන්තා॒න්නාද්යා॑ය । තා මුඛ॑-ම්පු॒රස්තා॒ත්-පශ්ය॑න්තීඃ । ද॒ක්ෂි॒ණ॒තඃ පර්යා॑යන්න් । ස ද॑ක්ෂිණ॒තඃ පර්ය॑වර්තයත । තා මුඛ॑-ම්පු॒රස්තා॒ත්-පශ්ය॑න්තීඃ । මුඛ॑-න්දක්ෂිණ॒තඃ ॥ 65 ॥

ප॒ශ්චාත්-පර්යා॑යන්න් । ස ප॒ශ්චාත්-පර්ය॑වර්තයත । තා මුඛ॑-ම්පු॒රස්තා॒ත්-පශ්ය॑න්තීඃ । මුඛ॑-න්දක්ෂිණ॒තඃ । මුඛ॑-ම්ප॒ශ්චාත් । උ॒ත්ත॒ර॒තඃ පර්යා॑යන්න් । ස උ॑ත්තර॒තඃ පර්ය॑වර්තයත । තා මුඛ॑-ම්පු॒රස්තා॒ත්-පශ්ය॑න්තීඃ । මුඛ॑-න්දක්ෂිණ॒තඃ । මුඛ॑-ම්ප॒ශ්චාත් ॥ 66 ॥

මුඛ॑මුත්තර॒තඃ । ඌ॒ර්ධ්වා උදා॑යන්න් । ස උ॒පරි॑ෂ්ටා॒න්න්ය॑-වර්තයත । තා-ස්ස॒ර්වතෝ॑මුඛෝ භූ॒ත්වා ऽऽව॑යත් । තතෝ॒ වෛ තස්මෛ᳚ ප්ර॒ජා අති॑ෂ්ඨන්තා॒න්නාද්යා॑ය ॥ ය ඒ॒වං-විඁ॒ද්වා-න්පරි॑ ච ව॒ර්තය॑තේ॒ නි ච॑ । ප්ර॒ජාප॑තිරේ॒ව භු॒ත්වා ප්ර॒ජා අ॑ත්ති । තිෂ්ඨ॑න්තේ-ऽස්මෛ ප්ර॒ජා අ॒න්නාද්යා॑ය । අ॒න්නා॒ද ඒ॒ව භ॑වති ॥ 67 ॥
(ආ॒සී॒-ද්- වේද॑ - චන්ද්රම॒ස්ත්වං-යඁ ඒ॒වං-වේඁදේ᳚ - න්ද්රියා॒ව්යේ॑ව භ॑වති - ප්ර॒ත්යඤ්ච॒ - මුඛ॑-න්දක්ෂිණ॒තෝ - මුඛ॑-ම්ප॒ශ්චාන් - +නව॑ ච) (ආ10 )

අනුවාකං 11 - හෝතෘමන්ත්රාණා-ම්පුරුෂාර්ථප්රයෝගඃ
ප්ර॒ජාප॑ති-රකාමයත බ॒හෝර්භූයා᳚න්-ථ්ස්යා॒මිති॑ । ස ඒ॒ත-න්දශ॑හෝතාර-මපශ්යත් । ත-ම්ප්රායු॑ඞ්ක්ත । තස්ය॒ ප්රයු॑ක්ති බ॒හෝර්භූයා॑නභවත් । යඃ කා॒මයේ॑ත බ॒හෝර්භූයා᳚න්-ථ්ස්යා॒මිති॑ । ස දශ॑හෝතාර॒-ම්ප්රයු॑ඤ්ජීත । බ॒හෝරේ॒ව භූයා᳚න්-භවති ॥ සෝ॑-ऽකාමයත වී॒රෝ ම॒ ආජා॑යේ॒තේති॑ । ස දශ॑හෝතු॒ශ්චතු॑ර්​හෝතාර॒-න්නිර॑මිමීත । ත-ම්ප්රායු॑ඞ්ක්ත ॥ 68 ॥

තස්ය॒ ප්රයු॒ක්තීන්ද්රෝ॑ ऽජායත । යඃ කා॒මයේ॑ත වී॒රෝ ම॒ ආජා॑යේ॒තේති॑ । ස චතු॑ර්​හෝතාර॒-ම්ප්රයු॑ඤ්ජීත । ආ-ऽස්ය॑ වී॒රෝ ජා॑යතේ ॥ සෝ॑-ऽකාමයත පශු॒මාන්-ථ්ස්යා॒මිති॑ । ස චතු॑ර්​හෝතුඃ॒ පඤ්ච॑හෝතාර॒-න්නිර॑මිමීත । ත-ම්ප්රායු॑ඞ්ක්ත । තස්ය॒ ප්රයු॑ක්ති පශු॒මාන॑භවත් । යඃ කා॒මයේ॑ත පශු॒මාන්-ථ්ස්යා॒මිති॑ । ස පඤ්ච॑හෝතාර॒-ම්ප්රයු॑ඤ්ජීත ॥ 69 ॥

ප॒ශු॒මානේ॒ව භ॑වති ॥ සෝ॑-ऽකාමයත॒ර්තවෝ॑ මේ කල්පේර॒න්නිති॑ । ස පඤ්ච॑හෝතු॒-ෂ්ෂඩ්ඪෝ॑තාර॒-න්නිර॑මිමීත । ත-ම්ප්රායු॑ඞ්ක්ත । තස්ය॒ ප්රයු॑ක්ත්යෘ॒තවෝ᳚-ऽස්මා අකල්පන්ත । යඃ කා॒මයේ॑ත॒ර්තවෝ॑ මේ කල්පේර॒න්නිති॑ । ස ෂඩ්ඪෝ॑තාර॒-ම්ප්රයු॑ඤ්ජීත । කල්ප॑න්තේ-ऽස්මා ඍ॒තවඃ॑ ॥ සෝ॑-ऽකාමයත සෝම॒ප-ස්සෝ॑මයා॒ජී ස්යා᳚ම් । ආ මේ॑ සෝම॒ප-ස්සෝ॑මයා॒ජී ජා॑යේ॒තේති॑ ॥ 70 ॥

ස ෂඩ්ඪෝ॑තු-ස්ස॒ප්තහෝ॑තාර॒-න්නිර॑මිමීත । ත-ම්ප්රායු॑ඞ්ක්ත । තස්ය॒ ප්රයු॑ක්ති සෝම॒ප-ස්සෝ॑මයා॒ජ්ය॑භවත් । ආ-ऽස්ය॑ සෝම॒ප-ස්සෝ॑මයා॒ජ්ය॑ජායත । යඃ කා॒මයේ॑ත සෝම॒ප-ස්සෝ॑මයා॒ජී ස්යා᳚ම් । ආ මේ॑ සෝම॒ප-ස්සෝ॑මයා॒ජී ජා॑යේ॒තේති॑ । ස ස॒ප්තහෝ॑තාර॒-ම්ප්රයු॑ඤ්ජීත । සෝ॒ම॒ප ඒ॒ව සෝ॑මයා॒ජී භ॑වති । ආ-ऽස්ය॑ සෝම॒ප-ස්සෝ॑මයා॒ජී ජා॑යතේ ॥ ස වා ඒ॒ෂ ප॒ශුඃ ප॑ඤ්ච॒ධා ප්රති॑ තිෂ්ඨති ॥ 71 ॥

ප॒ද්භිර්මුඛේ॑න ॥ තේ දේ॒වාඃ ප॒ශූන්. වි॒ත්ත්වා । සු॒ව॒ර්ගං-ලෝඁ॒කමා॑යන්න් ॥ තේ॑-ऽමුෂ්මි॑ල් ඁලෝ॒කේ ව්ය॑ක්ෂුද්ධ්යන්න් । තේ᳚-ऽබ්රුවන්න් । අ॒මුතඃ॑ ප්රදානං॒-වාඁ උප॑ජිජීවි॒මේති॑ । තේ ස॒ප්තහෝ॑තාරං-යඁ॒ජ්ඤං-විඁ॒ධායා॒යාස්ය᳚ම් । ආ॒ඞ්ගී॒ර॒ස-ම්ප්රාහි॑ණ්වන්න් । ඒ॒තේනා॒මුත්ර॑ කල්ප॒යේති॑ । තස්ය॒ වා ඉ॒ය-ඞ්ක්ලෘප්තිඃ॑ ॥ 72 ॥

යදි॒ද-ඞ්කිඤ්ච॑ । ය ඒ॒වං-වේඁද॑ । කල්ප॑තේ-ऽස්මෛ । ස වා අ॒ය-ම්ම॑නු॒ෂ්යේ॑ෂු ය॒ජ්ඤ-ස්ස॒ප්තහෝ॑තා । අ॒මුත්ර॑ ස॒ද්භ්යෝ දේ॒වේභ්යෝ॑ හ॒ව්යං-වඁ ॑හති । ය ඒ॒වං-වේඁද॑ । උපෛ॑නං-යඁ॒ජ්ඤෝ න॑මති ॥ යෝ වෛ චතු॑ර්​හෝතෘණා-න්නි॒දානං॒-වේඁද॑ । නි॒දාන॑වා-න්භවති । අ॒ග්නි॒හෝ॒ත්රං-වෛඁ දශ॑හෝතුර්නි॒දාන᳚ම් । ද॒ර්॒ශ॒පූ॒ර්ණ॒මා॒සෞ චතු॑ර්​හෝතුඃ । චා॒තු॒ර්මා॒ස්යානි॒ පඤ්ච॑ හෝතුඃ । ප॒ශු॒බ॒න්ධ-ෂ්ෂඩ්ඪෝ॑තුඃ । සෞ॒ම්යෝ᳚-ऽද්ධ්ව॒ර-ස්ස॒ප්තහෝ॑තුඃ । ඒ॒තද්වෛ චතු॑ර්​හෝතෘණා-න්නි॒දාන᳚ම් । ය ඒ॒වං-වේඁද॑ । නි॒දාන॑වා-න්භවති ॥ 73 ॥
(අ॒මි॒මී॒ත॒ ත-ම්ප්රායු॑ඞ්ක්ත॒ - පඤ්ච॑හෝතාර॒-ම්ප්රයු॑ඤ්ජිත - ජායේ॒තේති॑ - තිෂ්ඨති॒ - ක්ලෘප්ති॒--ර් දශ॑හෝතු-ර්නි॒දානග්​ම්॑ ස॒ප්ත ච॑ ) (අ. 11)

(ප්ර॒ජාප॑තිරකාමයත ප්ර॒ජා-ස්සෘ॑ජේ॒යේති॑ - ප්ර॒ජාප॑තිරකාමයත දර්​ශපූර්ණමා॒සෞ සෘ॑ජේ॒යේති॑ - ප්ර॒ජාප॑තිරකාමයත॒ ප්රජා॑යේ॒යේති॒ ස තප॒-ස්ස ත්රි॒වෘතං॑ - ප්ර॒ජාප॑තිරකාමයත॒ දශ॑හෝතාර॒-න්තේන॑ දශ॒ධා-ऽऽත්මානං॑ - දේ॒වා වෛ වරු॑ණ॒ - මන්තෝ॒ වෛ - ප්ර॒ජාප॑ති॒ස්තා-ස්සෘ॒ෂ්ටා-ස්සම॑ශ්ලිෂ්යන් - දේ॒වා වෛ චතු॑ර්​හෝතෘභි - රි॒දං-වාඁ අග්රේ᳚ - ප්ර॒ජාප॑ති॒රින්ද්රං॑ - ප්ර॒ජාප॑තිරකාමයත බ॒හෝර්භූයා॒නේකා॑දශ)

(ප්ර॒ජාප॑ති॒ - ස්තද්ග්රහ॑ස්ය - ප්ර॒ජා॑පතිරකාමයතා॒ - නයෛ॒වෛන॒ත් - තස්ය॒ වා ඉ॒ය-ඞ්ක්ලෘප්ති॒ - ස්තස්මා᳚-ත්තේපා॒නාජ්ජ්යෝති॒--ර් යද॒ස්මින්නා॑දි॒ත්යේ -සෂඩ්ඪෝ॑තු-ස්ස॒ප්තහෝ॑තාර॒-න්ත්රිස॑ප්තතිඃ)

(ප්ර॒ජාප॑තිරකාමයත - නි॒දාන॑වාන්භවති)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ද්විතීයාෂ්ටකේ ද්විතීයඃ ප්රපාඨක-ස්සමාප්තඃ ॥