க்ருஷ்ண யஜுர்வேதீ³ய தைத்திரீய ப்³ராஹ்மணே ப்ரத²மாஷ்டகே த்ருதீய: ப்ரபாட²க: - வாஜபேயப்³ராஹ்மணம்

ஓ-ன்னம: பரமாத்மனே, ஶ்ரீ மஹாக³ணபதயே நம:,
ஶ்ரீ கு³ருப்⁴யோ நம: । ஹ॒ரி:॒ ஓம் ॥

அனுவாகம் 1 - புனராதே⁴யஶேஷ: ஆஜ்யபா⁴க³யோர்விஶேஷ:

தே॒³வா॒ஸு॒ரா-ஸ்ஸம் ய॑த்தா ஆஸன்ன் । தே தே॒³வா வி॑ஜ॒ய-மு॑ப॒யந்த:॑ । அ॒க்³னீஷோம॑யோ-ஸ்தேஜ॒ஸ்வினீ᳚ஸ்த॒னூ-ஸ்ஸ-ன்ன்ய॑த³த⁴த । இ॒த³மு॑ நோ ப⁴விஷ்யதி । யதி॑³ நோ ஜே॒ஷ்யந்தீதி॑ । தேனா॒க்³னீஷோமா॒-வபா᳚க்ராமதாம் । தே தே॒³வா வி॒ஜித்ய॑ । அ॒க்³னீஷோமா॒-வன்வை᳚ச்ச²ன்ன் । தே᳚க்³னி-மன்வ॑விந்த-³ன்ன்ரு॒துஷூ-஥²்ஸ॑ன்னம் । தஸ்ய॒ விப॑⁴க்தீபி⁴-ஸ்தேஜ॒ஸ்வினீ᳚ஸ்த॒னூ-ரவா॑ருந்த⁴த ॥ 1 ॥

தே ஸோம॒-மன்வ॑விந்த³ன்ன் । தம॑க்⁴னன்ன் । தஸ்ய॑ யதா²பி॒⁴ஜ்ஞாய॑-ந்த॒னூ-ர்வ்ய॑க்³ருஹ்ணத । தே க்³ரஹா॑ அப⁴வன்ன் । தத்³-க்³ரஹா॑ணாம் க்³ரஹ॒த்வம் । யஸ்யை॒வம் வி॒து³ஷோ॒ க்³ரஹா॑ க்³ரு॒ஹ்யந்தே᳚ । தஸ்ய॒ த்வே॑வ க்³ரு॑ஹீ॒தா: ॥ நானா᳚க்³னேய-ம்புனரா॒தே⁴யே॑ குர்யாத் । யத³னா᳚க்³னேய-ம்புனரா॒தே⁴யே॑ கு॒ர்யாத் । வ்ய்ரு॑த்³த⁴மே॒வ தத் ॥ 2 ॥

அனா᳚க்³னேயம்॒ வா ஏ॒த-த்க்ரி॑யதே । ய-஥²்ஸ॒மித॒⁴-ஸ்தனூ॒னபா॑தமி॒டோ³ ப॒³ர்॒ஹி-ர்ய॑ஜதி ॥ உ॒பா⁴வா᳚க்³னே॒யா-வாஜ்ய॑பா⁴கௌ³ ஸ்யாதாம் ॥ அனா᳚ஜ்யபா⁴கௌ³-ப⁴வத॒ இத்யா॑ஹு: । யது॒³பா⁴வா᳚க்³னே॒யாவ॒ன்வஞ்சா॒விதி॑ । அ॒க்³னயே॒ பவ॑மானா॒யோத்த॑ர-ஸ்ஸ்யாத் । ய-த்பவ॑மானாய । தேனாஜ்ய॑ பா⁴க:³ । தேன॑ ஸௌ॒ம்ய: ॥ பு³த॑⁴ன்வத்யாக்³னே॒ய-ஸ்யாஜ்ய॑-பா⁴க³ஸ்ய புரோனுவா॒க்யா॑ ப⁴வதி ॥ 3 ॥

யதா॑² ஸு॒ப்தம் போ॒³த⁴ய॑தி । தா॒த்³ருகே॒³வ தத் ॥ அ॒க்³னின்ய॑க்தா: பத்னீ ஸம்யா॒ஜானா॒ம்ருச॑-ஸ்ஸ்யு: । தேனா᳚க்³னே॒யக்³ம் ஸர்வம்॑ ப⁴வதி ॥ ஏ॒க॒தா⁴ தே॑ஜ॒ஸ்வினீம்᳚ தே॒³வதா॒-முபை॒தீத்யா॑ஹு: । ஸைன॑மீஶ்வ॒ரா ப்ர॒த³ஹ॒ இதி॑ ॥ நேதி॑ ப்³ரூயாத் । ப்ர॒ஜன॑னம்॒ வா அ॒க்³னி: । ப்ர॒ஜன॑ன-மே॒வோபை॒தீதி॑ ॥ க்ரு॒தய॑ஜு॒-ஸ்ஸம்ப்⁴ரு॑த ஸம்பா⁴ர॒ இத்யா॑ஹு: ॥ 4 ॥

ந ஸ॒ப்⁴ருந்த்யா᳚-ஸ்ஸம்பா॒⁴ரா: । ந யஜு:॑ கா॒ர்ய॑மிதி॑ ॥ அதோ॒² க²லு॑ । ஸ॒ப்⁴ருந்த்யா॑ ஏ॒வ ஸ॑பா⁴ம்॒ரா: । கா॒ர்யம்॑ யஜு:॑ । பு॒ன॒ரா॒தே⁴ய॑ஸ்ய॒ ஸம்ரு॑த்³த்⁴யை ॥ தேனோ॑பா॒க்³ம்॒ஶு ப்ரச॑ரதி । ஏஷ்ய॑ இவ॒ வா ஏ॒ஷ: । ய-த்பு॑ன-ரா॒தே⁴ய:॑ । யதோ॑²பா॒க்³ம்॒ஶு ந॒ஷ்டமி॒ச்ச²தி॑ ॥ 5 ॥

தா॒த்³ருகே॒³வ தத் ॥ உ॒ச்சை-ஸ்ஸ்வி॑ஷ்ட॒க்ருத॒மு-஥²்ஸ்ரு॑ஜதி । யதா॑² ந॒ஷ்டம் வி॒த்வா ப்ராஹா॒யமிதி॑ । தா॒த்³ருகே॒³வ தத் ॥ ஏ॒க॒தா⁴ தே॑ஜ॒ஸ்வினீம்᳚ தே॒³வதா॒முபை॒தீத்யா॑ஹு: । ஸைன॑மீஶ்வ॒ரா ப்ர॒த³ஹ॒ இதி॑ । தத்ததா॒² நோபை॑தி । ப்ர॒யா॒ஜா॒னூ॒யா॒ஜேஷ்வே॒வ விப॑⁴க்தீ: குர்யாத் । ய॒தா॒²பூ॒ர்வ-மாஜ்ய॑பா⁴கௌ॒³ ஸ்யாதா᳚ம் । ஏ॒வ-ம்ப॑த்னீ ஸம்யா॒ஜா: ॥ 6 ॥

தத்³-வை᳚ஶ்வான॒ரவ॑த்-ப்ர॒ஜன॑னவத்தர॒-முபை॒தீதி॑ ॥ ததா॑³ஹு: । வ்ய்ரு॑த்³த⁴ம்॒ வா ஏ॒தத் । அனா᳚க்³னேயம்॒ வா ஏ॒த-த்க்ரி॑யத॒ இதி॑ ॥ நேதி॑ ப்³ரூயாத் । அ॒க்³னி-ம்ப்ர॑த॒²மம் விப॑⁴க்தீனாம் யஜதி । அ॒க்³னிமு॑த்த॒ம-ம்ப॑த்னீ ஸம்யா॒ஜானா᳚ம் । தேனா᳚க்³னே॒யம் । தேன॒ ஸம்ரு॑த்³த-⁴ங்க்ரியத॒ இதி॑ ॥ 7 ॥
(அ॒ரு॒ந்த॒⁴ - தை॒வ த-த்³- ப॑⁴வதி॒ - ஸம்ப்⁴ரு॑தஸம்பா⁴ர॒ இத்யா॑ஹு - ரி॒ச்ச²தி॑ - பத்னீஸம்யா॒ஜா - +னவ॑ ச) ( ஆ1)

அனுவாகம் 2 - வாஜபேயஸ்ய விதி⁴:
தே॒³வா வை யதா॒²த³ர்​ஶம்॑ ய॒ஜ்ஞானாஹ॑ரந்த । யோ᳚க்³னிஷ்டோ॒மம் । ய உ॒க்த்²ய᳚ம் । யோ॑திரா॒த்ரம் । தே ஸ॒ஹைவ ஸர்வே॑ வாஜ॒பேய॑-மபஶ்யன்ன் । தே । அ॒ன்யோ᳚ன்யஸ்மை॒ நாதி॑ஷ்ட²ந்த । அ॒ஹம॒னேன॑ யஜா॒ இதி॑ । தே᳚ப்³ருவன்ன் । ஆ॒ஜிம॒ஸ்ய தா॑⁴வா॒மேதி॑ ॥ 8 ॥

தஸ்மி॑-ன்னா॒ஜிம॑தா⁴வன்ன் । தம் ப்³ருஹ॒ஸ்பதி॒-ருத॑³ஜயத் । தேனா॑யஜத । ஸ ஸ்வாரா᳚ஜ்ய-மக³ச்ச²த் । தமிந்த்³ரோ᳚ப்³ரவீத் । மாம॒னேன॑ யாஜ॒யேதி॑ । தேனேந்த்³ர॑-மயாஜயத் । ஸோக்³ரம்॑ தே॒³வதா॑னாம்॒ பர்யை᳚த் । அக॑³ச்ச॒²த்²-ஸ்வாரா᳚ஜ்யம் । அதி॑ஷ்ட²ந்தாஸ்மை॒ ஜ்யைஷ்ட்²யா॑ய ॥ 9 ॥

ய ஏ॒வம் வி॒த்³வான். வா॑ஜ॒பேயே॑ன॒ யஜ॑தே । க³ச்ச॑²தி॒ ஸ்வாரா᳚ஜ்யம் । அக்³ரக்³ம்॑ ஸமா॒னானாம்॒ பர்யே॑தி । திஷ்ட॑²ந்தேஸ்மை॒ ஜ்யைஷ்ட்²யா॑ய ॥ ஸ வா ஏ॒ஷ ப்³ரா᳚ஹ்ம॒ணஸ்ய॑ சை॒வ ரா॑ஜ॒ன்ய॑ஸ்ய ச ய॒ஜ்ஞ: ॥ தம் வா ஏ॒தம் வா॑ஜ॒பேய॒ இத்யா॑ஹு: । வா॒ஜாப்யோ॒ வா ஏ॒ஷ: । வாஜ॒க்³க்॒³ ஹ்யே॑தேன॑ தே॒³வா ஐப்²ஸன்ன்॑ ॥ ஸோமோ॒ வை வா॑ஜ॒பேய:॑ । யோ வை ஸோமம்॑ வாஜ॒பேயம்॒ வேத॑³ ॥ 1௦ ॥

வா॒ஜ்யே॑வைனம்॑ பீ॒த்வா ப॑⁴வதி । ஆஸ்ய॑ வா॒ஜீ ஜா॑யதே ॥ அன்னம்॒ வை வா॑ஜ॒பேய:॑ । ய ஏ॒வம் வேத॑³ । அத்த்யன்ன᳚ம் । ஆஸ்யா᳚ன்னா॒தோ³ ஜா॑யதே ॥ ப்³ரஹ்ம॒ வை வா॑ஜ॒பேய:॑ । ய ஏ॒வம் வேத॑³ । அத்தி॒ ப்³ரஹ்ம॒ணான்ன᳚ம் । ஆஸ்ய॑ ப்³ர॒ஹ்மா ஜா॑யதே ॥ 11 ॥

வாக்³வை வாஜ॑ஸ்ய ப்ரஸ॒வ: । ய ஏ॒வம் வேத॑³ । க॒ரோதி॑ வா॒சா வீ॒ர்ய᳚ம் । ஐனம்॑ வா॒சா க॑³ச்ச²தி । அபி॑வதீம்॒ வாசம்॑ வத³தி ॥ ப்ர॒ஜாப॑தி-ர்தே॒³வேப்⁴யோ॑ ய॒ஜ்ஞான் வ்யாதி॑³ஶத் । ஸ ஆ॒த்மன் வா॑ஜ॒பேய॑-மத⁴த்த । தம் தே॒³வா அ॑ப்³ருவன்ன் । ஏ॒ஷ வாவ ய॒ஜ்ஞ: । யத்³-வா॑ஜ॒பேய:॑ ॥ 12 ॥

அப்யே॒வ நோத்ரா॒ஸ்த்விதி॑ । தேப்⁴ய॑ ஏ॒தா உஜ்ஜி॑தீ:॒ ப்ராய॑ச்ச²த் ॥ தா வா ஏ॒தா உஜ்ஜி॑தயோ॒ வ்யாக்²யா॑யந்தே । ய॒ஜ்ஞஸ்ய॑ ஸர்வ॒த்வாய॑ । தே॒³வதா॑னா॒-மனி॑ர்பா⁴கா³ய ॥ தே॒³வா வை ப்³ரஹ்ம॑ண॒ஶ்சான்ன॑ஸ்ய ச॒ ஶம॑ல॒மபா᳚க்⁴னன்ன் । யத்³-ப்³ரஹ்ம॑ண॒-ஶ்ஶம॑ல॒மாஸீ᳚த் । ஸா கா³தா॑² நாராஶ॒க்³க்॒³ஸ்ய॑ ப⁴வத் । யத³ன்ன॑ஸ்ய । ஸா ஸுரா᳚ ॥ 13 ॥

தஸ்மா॒த்³-கா³ய॑தஶ்ச ம॒த்தஸ்ய॑ ச॒ ந ப்ர॑தி॒க்³ருஹ்ய᳚ம் । ய-த்ப்ர॑திக்³ருஹ்ணீ॒யாத் । ஶம॑லம்॒ ப்ரதி॑க்³ருஹ்ணீயாத் ॥ ஸர்வா॒ வா ஏ॒தஸ்ய॒ வாசோ வ॑ருத்³தா⁴: । யோ வா॑ஜபேயயா॒ஜீ । யா ப்ரு॑தி॒²வ்யாம் யாக்³னௌ யா ர॑த²ந்த॒ரே । யாந்தரி॑க்ஷே॒ யா வா॒யௌ யா வா॑மதே॒³வ்யே । யா தி॒³வி யாதி॒³த்யே யா ப்³ரு॑ஹ॒தி । யாப்²ஸு யௌஷ॑தீ⁴ஷு॒ யா வன॒ஸ்பதி॑ஷு ॥ தஸ்மா᳚-த்³வாஜபேயயா॒ஜ்யார்த்வி॑ஜீன: । ஸர்வா॒ ஹ்ய॑ஸ்ய॒ வாசோ வ॑ருத்³தா⁴: ॥ 14 ॥
(தா॒⁴வா॒மேதி॒ - ஜ்யைஷ்ட்²யா॑ய॒ - வேத॑³ - ப்³ர॒ஹ்மா ஜா॑யதே-வாஜ॒பேய:॒-ஸுரா-ர்த்வி॑ஜீன॒ ஏகம்॑ ச ) (அ. 2)

அனுவாகம் 3 - தஸ்யக்³ரஹவிஶேஷா:
தே॒³வா வை யத॒³ன்யை-ர்க்³ரஹை᳚-ர்ய॒ஜ்ஞஸ்ய॒ நாவாரு॑ந்த⁴த । தத॑³திக்³ரா॒ஹ்யை॑-ரதி॒க்³ருஹ்யா-வா॑ருந்த⁴த । தத॑³திக்³ரா॒ஹ்யா॑ணா-மதிக்³ராஹ்ய॒த்வம் ॥ யத॑³திக்³ரா॒ஹ்யா॑ க்³ரு॒ஹ்யந்தே᳚ । யதே॒³வான்யை-ர்க்³ரஹை᳚-ர்ய॒ஜ்ஞஸ்ய॒ நாவ॑ரு॒ந்தே⁴ । ததே॒³வ தைர॑தி॒க்³ருஹ்யா-வ॑ருந்தே⁴ ॥ பஞ்ச॑ க்³ருஹ்யந்தே । பாங்க்தோ॑ ய॒ஜ்ஞ: । யாவா॑னே॒வ ய॒ஜ்ஞ: । தமா॒ப்த்வா வ॑ருந்தே⁴ ॥ 15 ॥

ஸர்வ॑ ஐ॒ந்த்³ரா ப॑⁴வந்தி । ஏ॒க॒தை⁴வ யஜ॑மான இந்த்³ரி॒யம் த॑³த⁴தி ॥ ஸ॒ப்தத॑³ஶ ப்ராஜாப॒த்யா க்³ரஹா॑ க்³ருஹ்யந்தே । ஸ॒ப்த॒த॒³ஶ: ப்ர॒ஜாப॑தி: । ப்ர॒ஜாப॑தே॒-ராப்த்யை᳚ ॥ ஏக॑ய॒ர்சா க்³ரு॑ஹ்ணாதி । ஏ॒க॒தை⁴வ யஜ॑மானே வீ॒ர்யம்॑ த³தா⁴தி ॥ ஸோ॒ம॒க்³ர॒ஹாக்³க்³​ஶ்ச॑ ஸுராக்³ர॒ஹாக்³க்³​ஶ்ச॑ க்³ருஹ்ணாதி । ஏ॒த-த்³வை தே॒³வானாம்᳚ பர॒மமன்ன᳚ம் । ய-஥²்ஸோம:॑ ॥ 16 ॥

ஏ॒த-ன்ம॑னு॒ஷ்யா॑ணாம் । ய-஥²்ஸுரா᳚ । ப॒ர॒மேணை॒வாஸ்மா॑ அ॒ன்னாத்³யே॒னாவ॑ர-ம॒ன்னாத்³ய॒-மவ॑ருந்தே⁴ ॥ ஸோ॒ம॒க்³ர॒ஹான் க்³ரு॑ஹ்ணாதி । ப்³ரஹ்ம॑ணோ॒ வா ஏ॒த-த்தேஜ:॑ । ய-஥²்ஸோம:॑ । ப்³ரஹ்ம॑ண ஏ॒வ தேஜ॑ஸா॒ தேஜோ॒ யஜ॑மானே த³தா⁴தி । ஸு॒ரா॒க்³ர॒ஹான் க்³ரு॑ஹ்ணாதி । அன்ன॑ஸ்ய॒ வா ஏ॒தச்ச²ம॑லம் । ய-஥²்ஸுரா᳚ ॥ 17 ॥

அன்ன॑ஸ்யை॒வ ஶம॑லேன॒ ஶம॑லம்॒ யஜ॑மானா॒-த³ப॑ஹந்தி ॥ ஸோ॒ம॒க்³ர॒ஹாக்³க்³​ஶ்ச॑ ஸுராக்³ர॒ஹாக்³க்³​ஶ்ச॑ க்³ருஹ்ணாதி । புமா॒ன்॒. வை ஸோம:॑ । ஸ்த்ரீ ஸுரா᳚ । த-ன்மி॑து॒²னம் । மி॒து॒²னமே॒வாஸ்ய॒ தத்³-ய॒ஜ்ஞே க॑ரோதி ப்ர॒ஜன॑னாய । ஆ॒த்மான॑மே॒வ ஸோ॑மக்³ர॒ஹை-ஸ்ஸ்ப்ரு॑ணோதி । ஜா॒யாக்³ம் ஸு॑ரா க்³ர॒ஹை: । தஸ்மா᳚த்³-வாஜபேயயா॒ஜ்ய॑முஷ்மிம்॑ல்லோ॒கே ஸ்த்ரிய॒க்³ம்॒ ஸம்ப॑⁴வதி । வா॒ஜ॒பேயா॑-பி⁴ஜித॒க்³க்॒³ ஹ்ய॑ஸ்ய ॥ 18 ॥

பூர்வே॑ ஸோமக்³ர॒ஹா க்³ரு॑ஹ்யந்தே । அப॑ரே ஸுராக்³ர॒ஹா: । பு॒ரோ॒க்ஷக்³ம் ஸோ॑மக்³ர॒ஹாந்த்²- ஸா॑த³யதி । ப॒ஶ்சா॒த॒³க்ஷக்³ம் ஸு॑ராக்³ர॒ஹான் । பா॒ப॒வ॒ஸ்ய॒ஸஸ்ய॒ வித்⁴ரு॑த்யை ॥ ஏ॒ஷ வை யஜ॑மான: । ய-஥²்ஸோம:॑ । அன்ன॒க்³ம்॒ ஸுரா᳚ । ஸோ॒ம॒க்³ர॒ஹாக்³க்³​ஶ்ச॑ ஸுராக்³ர॒ஹாக்³க்³​ஶ்ச॒ வ்யதி॑ஷஜதி । அ॒ன்னாத்³யே॑னை॒வைனம்॒ வ்யதி॑ஷஜதி ॥ 19 ॥

ஸ॒ப்ருஞ்ச॑-ஸ்ஸ்த॒² ஸ-ம்மா॑ ப॒⁴த்³ரேண॑ ப்ரு॒ங்க்தேத்யா॑ஹ । அன்னம்॒ வை ப॒⁴த்³ரம் । அ॒ன்னாத்³யே॑னை॒வைன॒க்³ம்॒ ஸக்³ம்ஸ்ரு॑ஜதி ॥ அன்ன॑ஸ்ய॒ வா ஏ॒தச்ச²ம॑லம் । ய-஥²்ஸுரா᳚ । பா॒ப்மெவ॒ க²லு॒ வை ஶம॑லம் । பா॒ப்மனா॒ வா ஏ॑னமே॒தச்ச²ம॑லேன॒ வ்யதி॑ஷஜதி । ய-஥²்ஸோ॑மக்³ர॒ஹாக்³க்³​ஶ்ச॑ ஸுராக்³ர॒ஹாக்³க்³​ஶ்ச॑ வ்யதி॒ஷஜ॑தி ॥ வி॒ப்ருச॑-ஸ்ஸ்த॒² வி மா॑ பா॒ப்மனா॑ ப்ரு॒ங்க்தேத்யா॑ஹ । பா॒ப்மனை॒வைன॒க்³ம்॒ ஶம॑லேன॒ வ்யாவ॑ர்தயதி ॥ 2௦ ॥

தஸ்மா᳚-த்³வாஜபேயயா॒ஜீ பூ॒தோ மேத்³த்⁴யோ॑ த³க்ஷி॒ண்ய:॑ ॥ ப்ராமுத்³-த்³ர॑வதி ஸோமக்³ர॒ஹை: । அ॒முமே॒வ தை-ர்லோ॒க-ம॒பி⁴ஜ॑யதி । ப்ர॒த்யங்க்³ஸு॑ரா க்³ர॒ஹை: । இ॒மமே॒வ தை-ர்லோ॒க-ம॒பி⁴ஜ॑யதி ॥ ப்ரதி॑ஷ்ட²ந்தி ஸோமக்³ர॒ஹை: । யாவ॑தே॒³வ ஸ॒த்யம் । தேன॑ ஸூயதே ॥ வா॒ஜ॒ஸ்ருத்³ப்⁴ய॑-ஸ்ஸுராக்³ர॒ஹான். ஹ॑ரந்தி । அன்ரு॑தேனை॒வ விஶ॒க்³ம்॒ ஸக்³ம்ஸ்ரு॑ஜதி ॥ ஹி॒ர॒ண்ய॒பா॒த்ர-ம்மதோ᳚⁴: பூ॒ர்ணம் த॑³தா³தி । ம॒த॒⁴வ்யோ॑ஸா॒னீதி॑ ॥ ஏ॒க॒தா⁴ ப்³ர॒ஹ்மண॒ உப॑ ஹரதி । ஏ॒க॒தை⁴வ யஜ॑மான॒ ஆயு॒ஸ்தேஜோ॑ த³தா⁴தி ॥ 21 ॥
(ஆ॒ப்த்வாவ॑ருந்தே॒⁴ - ஸோம:॒ - ஶம॑லம்॒ ய-஥²்ஸுரா॒ - ஹ்ய॑-ஸ்யைனம்॒ வ்யதி॑ஷஜதி॒ - வ்யாவ॑ர்தயதி - ஸ்ருஜதி ச॒த்வாரி॑ ச ) (அ. 3)

அனுவாகம் 4 - பஶவ-ஸ்ஸப்தத³ஶ
ப்³ர॒ஹ்ம॒வா॒தி³னோ॑ வத³ந்தி । நாக்³னி॑ஷ்டோ॒மோ நோக்த்²ய:॑ । ந ஷோ॑ட॒³ஶீ நாதி॑ரா॒த்ர: । அத॒² கஸ்மா᳚-த்³வாஜ॒பேயே॒ ஸர்வே॑ யஜ்ஞக்ர॒தவோவ॑ருத்³த்⁴யந்த॒ இதி॑ । ப॒ஶுபி॒⁴ரிதி॑ ப்³ரூயாத் ॥ ஆ॒க்³னே॒ய-ம்ப॒ஶுமால॑ப⁴தே । அ॒க்³னி॒ஷ்டோ॒மமே॒வ தேனாவ॑ருந்தே⁴ । ஐ॒ந்த்³ரா॒க்³னேனோ॒க்த்²ய᳚ம் । ஐ॒ந்த்³ரேண॑ ஷோட॒³ஶின॑-ஸ்ஸ்தோ॒த்ரம் । ஸா॒ர॒ஸ்வ॒த்யா-தி॑ரா॒த்ரம் ॥ 22 ॥

மா॒ரு॒த்யா ப்³ரு॑ஹ॒த-ஸ்ஸ்தோ॒த்ரம் । ஏ॒தாவ॑ந்தோ॒ வை ய॑ஜ்ஞக்ர॒தவ:॑ । தா-ன்ப॒ஶுபி॑⁴ரே॒வா-வ॑ருந்தே⁴ ॥ ஆ॒த்மான॑மே॒வ ஸ்ப்ரு॑ணோ-த்யக்³னிஷ்டோ॒மேன॑ । ப்ரா॒ணா॒பா॒னா-வு॒க்த்²யே॑ன । வீ॒ர்யக்³ம்॑ ஷோட॒³ஶின॑-ஸ்ஸ்தோ॒த்ரேண॑ । வாச॑-மதிரா॒த்ரேண॑ । ப்ர॒ஜாம் ப்³ரு॑ஹ॒த-ஸ்ஸ்தோ॒த்ரேண॑ । இ॒மமே॒வ லோ॒கம॒பி⁴ ஜ॑யத்யக்³னிஷ்டோ॒மேன॑ । அ॒ந்தரி॑க்ஷ-மு॒க்த்²யே॑ன ॥ 23 ॥

ஸு॒வ॒ர்க³ம் லோ॒கக்³ம் ஷோ॑ட॒³ஶின॑-ஸ்ஸ்தோ॒த்ரேண॑ । தே॒³வ॒யானா॑னே॒வ ப॒த² ஆரோ॑ஹ-த்யதிரா॒த்ரேண॑ । நாகக்³ம்॑ ரோஹதி ப்³ருஹ॒த-ஸ்ஸ்தோ॒த்ரேண॑ । தேஜ॑ ஏ॒வாத்மன் த॑⁴த்த ஆக்³னே॒யேன॑ ப॒ஶுனா᳚ । ஓஜோ॒ ப³ல॑மைந்த்³ரா॒க்³னேன॑ । இ॒ந்த்³ரி॒ய-மை॒ந்த்³ரேண॑ । வாசக்³ம்॑ ஸாரஸ்வ॒த்யா । உ॒பா⁴வே॒வ தே॑³வலோ॒க-ஞ்ச॑ மனுஷ்யலோ॒க-ஞ்சா॒பி⁴ஜ॑யதி மாரு॒த்யா வ॒ஶயா᳚ ॥ ஸ॒ப்தத॑³ஶ ப்ராஜாப॒த்யா-ன்ப॒ஶூனால॑ப⁴தே । ஸ॒ப்த॒த॒³ஶ: ப்ர॒ஜாப॑தி: ॥ 24 ॥

ப்ர॒ஜாப॑தே॒ராப்த்யை᳚ ॥ ஶ்யா॒மா ஏக॑ரூபா ப⁴வந்தி । ஏ॒வமி॑வ॒ ஹி ப்ர॒ஜாப॑தி॒-ஸ்ஸம்ரு॑த்³த்⁴யை ॥ தா-ன்பர்ய॑க்³னிக்ருதா॒-னுத்²ஸ்ரு॑ஜதி ॥ ம॒ருதோ॑ ய॒ஜ்ஞம॑ஜிகா⁴க்³ம்ஸ-ன்ப்ர॒ஜாப॑தே: । தேப்⁴ய॑ ஏ॒தா-ம்மா॑ரு॒தீம் வ॒ஶாமால॑ப⁴த । தயை॒வைனா॑-னஶமயத் ॥ மா॒ரு॒த்யா ப்ர॒சர்ய॑ । ஏ॒தான்-஥²்ஸஞ்ஜ்ஞ॑பயேத் । ம॒ருத॑ ஏ॒வ ஶ॑மயி॒த்வா ॥ 25 ॥

ஏ॒தை: ப்ரச॑ரதி । ய॒ஜ்ஞஸ்யாகா॑⁴தாய ॥ ஏ॒க॒தா⁴ வ॒பா ஜு॑ஹோதி । ஏ॒க॒தே॒³வ॒த்யா॑ ஹி । ஏ॒தே । அதோ॑² ஏக॒தை⁴வ யஜ॑மானே வீ॒ர்யம்॑ த³தா⁴தி ॥ நை॒வா॒ரேண॑ ஸ॒ப்தத॑³ஶஶராவே-ணை॒தர்​ஹி॒ ப்ரச॑ரதி । ஏ॒த-த்பு॑ரோடா³ஶா॒ ஹ்யே॑தே । அதோ॑² பஶூ॒னாமே॒வ சி॒²த்³ரமபி॑த³தா⁴தி ॥ ஸா॒ர॒ஸ்வ॒த்யோத்த॒மயா॒ ப்ரச॑ரதி । வாக்³ வை ஸர॑ஸ்வதீ । தஸ்மா᳚-த்ப்ரா॒ணானாம்॒ வாகு॑³த்த॒மா । அதோ᳚² ப்ர॒ஜாப॑தாவே॒வ ய॒ஜ்ஞ-ம்ப்ரதி॑ஷ்டா²பயதி । ப்ர॒ஜாப॑தி॒ர்॒ ஹி வாக் ॥ அப॑ன்னத³தீ ப⁴வதி । தஸ்மா᳚-ன்மனு॒ஷ்யா᳚-ஸ்ஸர்வாம்॒ வாசம்॑ வத³ந்தி ॥ 26 ॥
(அ॒தி॒ரா॒த்ர - ம॒ந்தரி॑க்ஷமு॒க்த்²யே॑ன - ப்ர॒ஜாப॑தி: - ஶமயி॒த்வோத் - த॒மயா॒ ப்ரச॑ரதி॒ ஷட் ச॑) (அ. 4)

அனுவாகம் 5 - ரத²யாஜனம்
ஸா॒வி॒த்ர-ஞ்ஜு॑ஹோதி॒ கர்ம॑ண: கர்மண: பு॒ரஸ்தா᳚த் ॥ கஸ்தத்³-வே॒தே³த்யா॑ஹு: । யத்³-வா॑ஜ॒பேய॑ஸ்ய॒ பூர்வம்॒ யத³ப॑ர॒மிதி॑ । ஸ॒வி॒த்ருப்ர॑ஸூத ஏ॒வ ய॑தா²பூ॒ர்வ-ங்கர்மா॑ணி கரோதி ॥ ஸவ॑னே ஸவனே ஜுஹோதி । ஆ॒க்ரம॑ணமே॒வ த-஥²்ஸேதும்॒ யஜ॑மான: குருதே । ஸு॒வ॒ர்க³ஸ்ய॑ லோ॒கஸ்ய॒ ஸம॑ஷ்ட்யை ॥ வா॒சஸ்பதி॒-ர்வாச॑ம॒த்³ய ஸ்வ॑தா³தி ந॒ இத்யா॑ஹ । வாக்³வை தே॒³வானாம்᳚ பு॒ரான்ன॑மாஸீத் । வாச॑மே॒வாஸ்மா॒ அன்னக்³க்॑³ ஸ்வத³யதி ॥ 27 ॥

இந்த்³ர॑ஸ்ய॒ வஜ்ரோ॑ஸி॒ வார்த்ர॑க்⁴ன॒ இதி॒ ரத॑²மு॒பாவ॑ஹரதி॒ விஜி॑த்யை ॥ வாஜ॑ஸ்ய॒ நு ப்ர॑ஸ॒வே மா॒தரம்॑ ம॒ஹீமித்யா॑ஹ । யச்சை॒வேயம் । யச்சா॒ஸ்யாமதி॑⁴ । ததே॒³வா-வ॑ருந்தே⁴ । அதோ॒² தஸ்மி॑ன்னே॒வோப⁴யே॒பி⁴ஷி॑ச்யதே ॥ அ॒ப்²ஸ்வ॑ந்தர॒-ம்ருத॑ம॒ப்²ஸு பே॑⁴ஷ॒ஜமித்யஶ்வா᳚-ன்பல்பூலயதி । அ॒ப்²ஸு வா அஶ்வ॑ஸ்ய॒ த்ருதீ॑யம்॒ ப்ரவி॑ஷ்டம் । தத॑³னு॒வேன॒ன்வவ॑ப்லவதே । யத॒³ப்²ஸு ப॑ல்பூ॒லய॑தி ॥ 28 ॥

யதே॒³வாஸ்யா॒ப்²ஸு ப்ரவி॑ஷ்டம் । ததே॒³வாவ॑ருந்தே⁴ ॥ ப॒³ஹு வா அஶ்வோ॑-மே॒த்³த்⁴ய-முப॑க³ச்ச²தி । யத॒³ப்²ஸு ப॑ல்பூ॒லய॑தி । மேத்³த்⁴யா॑னே॒வைனா᳚ன் கரோதி ॥ வா॒யுர்வா᳚ த்வா॒ மனு॑ர்வா॒ த்வேத்யா॑ஹ । ஏ॒தா வா ஏ॒தம் தே॒³வதா॒ அக்³ரே॒ அஶ்வ॑மயுஞ்ஜன்ன் । தாபி॑⁴ரே॒வைனான்॑. யுனக்தி । ஸ॒வஸ்யோஜ்ஜி॑த்யை ॥ யஜு॑ஷா யுனக்தி॒ வ்யாவ்ரு॑த்த்யை ॥ 29 ॥

அபாம்᳚ ந பாதா³ஶுஹேம॒ன்னிதி॒ ஸம்மா᳚ர்​ஷ்டி । மேத்³த்⁴யா॑னே॒வைனா᳚ன் கரோதி । அதோ॒² ஸ்தௌத்யே॒வைனா॑னா॒ஜிக்³ம் ஸ॑ரிஷ்ய॒த: ॥ வி॒ஷ்ணு॒ க்ர॒மான் க்ர॑மதே । விஷ்ணு॑ரே॒வ பூ॒⁴த்வேமாம்ல்லோ॒கா-ன॒பி⁴ஜ॑யதி ॥ வை॒ஶ்வ॒தே॒³வோ வை ரத:॑² । அ॒ங்கௌ ந்ய॒ங்காவ॒பி⁴தோ॒ ரத²ம்॒ யாவித்யா॑ஹ । யா ஏ॒வ தே॒³வதா॒ ரதே॒² ப்ரவி॑ஷ்டா: । தாப்⁴ய॑ ஏ॒வ நம॑ஸ்கரோதி । ஆ॒த்மனோனா᳚ர்த்யை ॥ அஶ॑மரத²ம் பா⁴வுகோஸ்ய॒ ரதோ॑² ப⁴வதி । ய ஏ॒வம் வேத॑³ ॥ 3௦ ॥
(ஸ்வ॒த॒³ய॒தி॒ - ப॒ல்பூ॒லய॑தி॒ - வ்யாவ்ரு॑த்த்யா॒ - அனா᳚ர்த்யை॒ த்³வே ச॑) (அ. 5)

அனுவாகம் 6 - ரத²தா⁴வனம்
தே॒³வஸ்யா॒ஹக்³ம் ஸ॑வி॒து: ப்ர॑ஸ॒வே ப்³ருஹ॒ஸ்பதி॑னா வாஜ॒ஜிதா॒ வாஜம்॑ ஜேஷ॒மித்யா॑ஹ । ஸ॒வி॒த்ருப்ர॑ஸூத ஏ॒வ ப்³ரஹ்ம॑ணா॒ வாஜ॒முஜ்ஜ॑யதி ॥ தே॒³வஸ்யா॒ஹக்³ம் ஸ॑வி॒து: ப்ர॑ஸ॒வே ப்³ருஹ॒ஸ்பதி॑னா வாஜ॒ஜிதா॒ வர்​ஷி॑ஷ்ட²ம்॒ நாகக்³ம்॑ ருஹேய॒மித்யா॑ஹ । ஸ॒வி॒த்ருப்ர॑ஸூத ஏ॒வ ப்³ரஹ்ம॑ணா॒ வர்​ஷி॑ஷ்ட²ம்॒ நாகக்³ம்॑ ரோஹதி ॥ சாத்வா॑லே ரத²ச॒க்ர-ன்னிமி॑தக்³ம் ரோஹதி । அதோ॒ வா அங்கி॑³ரஸ உத்த॒மா-ஸ்ஸு॑வ॒ர்க³ம் லோ॒கமா॑யன்ன் । ஸா॒க்ஷாதே॒³வ யஜ॑மான-ஸ்ஸுவ॒ர்க³ம் லோ॒கமே॑தி ॥ ஆவே᳚ஷ்டயதி । வஜ்ரோ॒ வை ரத:॑² । வஜ்ரே॑ணை॒வ தி³ஶோ॒பி⁴ஜ॑யதி ॥ 31 ॥

வா॒ஜினா॒க்³ம்॒ ஸாம॑ கா³யதே । அன்னம்॒ வை வாஜ:॑ । அன்ன॑மே॒-வாவ॑ருந்தே⁴ ॥ வா॒சோ வர்​ஷ்ம॑ தே॒³வேப்⁴யோபா᳚க்ராமத் । தத்³-வன॒ஸ்பதீ॒-ன்ப்ராவி॑ஶத் । ஸைஷா வாக்³-வன॒ஸ்பதி॑ஷு வத³தி । யா து॑³ந்து॒³பௌ⁴ । தஸ்மா᳚த்³-து³ந்து॒³பி⁴-ஸ்ஸர்வா॒ வாசோதி॑ வத³தி ॥ து॒³ந்து॒³பீ⁴ன்-஥²்ஸ॒மாக்⁴ன॑ந்தி । ப॒ர॒மா வா ஏ॒ஷா வாக் ॥ 32 ॥

யா து॑³ந்து॒³பௌ⁴ । ப॒ர॒மயை॒வ வா॒சாவ॑ராம்॒ வாச॒ம-வ॑ருந்தே⁴ । அதோ॑² வா॒ச ஏ॒வ வர்​ஷ்ம॒ யஜ॑மா॒னோ வ॑ருந்தே⁴ ॥ இந்த்³ரா॑ய॒ வாசம்॑ வத॒³தேந்த்³ரம்॒ வாஜம்॑ ஜாபய॒தேந்த்³ரோ॒ வாஜ॑மஜயி॒-தி³த்யா॑ஹ । ஏ॒ஷ வா ஏ॒தர்​ஹீந்த்³ர:॑ । யோ யஜ॑தே । யஜ॑மான ஏ॒வ வாஜ॒முஜ்ஜ॑யதி ॥ ஸ॒ப்தத॑³ஶ ப்ரவ்யா॒தா⁴னா॒ஜிம் தா॑⁴வந்தி । ஸ॒ப்த॒த॒³ஶக்³க்³​ ஸ்தோ॒த்ரம் ப॑⁴வதி । ஸ॒ப்தத॑³ஶ ஸப்தத³ஶ தீ³யந்தே ॥ 33 ॥

ஸ॒ப்த॒த॒³ஶ: ப்ர॒ஜாப॑தி: । ப்ர॒ஜாப॑தே॒-ராப்த்யை᳚ ॥ அர்வா॑ஸி॒ ஸப்தி॑ரஸி வா॒ஜ்ய॑ஸீத்யா॑ஹ । அ॒க்³னிர்வா அர்வா᳚ । வா॒யு-ஸ்ஸப்தி:॑ । ஆ॒தி॒³த்யோ வா॒ஜீ । ஏ॒தாபி॑⁴ரே॒வாஸ்மை॑ தே॒³வதா॑பி⁴-ர்தே³வர॒த²ம் யு॑னக்தி ॥ ப்ர॒ஷ்டி॒வா॒ஹினம்॑ யுனக்தி । ப்ர॒ஷ்டி॒வா॒ஹீ வை தே॑³வர॒த:² । தே॒³வ॒ர॒த²மே॒வாஸ்மை॑ யுனக்தி ॥ 34 ॥

வாஜி॑னோ॒ வாஜம்॑ தா⁴வத॒ காஷ்டா²ம்᳚ க³ச்ச॒²தேத்யா॑ஹ । ஸு॒வ॒ர்கோ³ வை லோ॒க: காஷ்டா᳚² । ஸு॒வ॒ர்க³மே॒வ லோ॒கம் ய॑ந்தி ॥ ஸு॒வ॒ர்க³ம் வா ஏ॒தே லோ॒கம் ய॑ந்தி । ய ஆ॒ஜிம் தா⁴வ॑ந்தி ॥ ப்ராஞ்சோ॑ தா⁴வந்தி । ப்ராமி॑வ॒ ஹி ஸு॑வ॒ர்கோ³ லோ॒க: ॥ ச॒த॒ஸ்ருபி॒⁴ரனு॑ மந்த்ரயதே । ச॒த்வாரி॒ ச²ந்தா³க்³ம்॑ஸி । ச²ந்தோ॑³பி⁴ரே॒வைனா᳚ன்-஥²்ஸுவ॒ர்க³ம் லோ॒கம் க॑³மயதி ॥ 35 ॥

ப்ர வா ஏ॒தே᳚ஸ்மால்-லோ॒காச்ச்ய॑வந்தே । ய ஆ॒ஜிம் தா⁴வ॑ந்தி । உத॑³ஞ்ச॒ ஆவ॑ர்தந்தே । அ॒ஸ்மாதே॒³வ தேன॑ லோ॒கான்னய॑ந்தி ॥ ர॒த॒²வி॒மோ॒ச॒னீயம்॑ ஜுஹோதி॒ ப்ரதி॑ஷ்டி²த்யை ॥ ஆ மா॒ வாஜ॑ஸ்ய ப்ரஸ॒வோ ஜ॑க³ம்யா॒தி³த்யா॑ஹ । அன்னம்॒ வை வாஜ:॑ । அன்ன॑மே॒வாவ॑ருந்தே⁴ ॥ ய॒தா॒²லோ॒கம் வா ஏ॒த உஜ்ஜ॑யந்தி । ய ஆ॒ஜிம் தா⁴வ॑ந்தி ॥ 36 ॥

க்ரு॒ஷ்ணலம்॑ க்ருஷ்ணலம் வாஜ॒ஸ்ருத்³ப்⁴ய:॒ ப்ரய॑ச்ச²தி । யமே॒வ தே வாஜம்॑ லோ॒கமு॒ஜ்ஜய॑ந்தி । த-ம்ப॑ரி॒க்ரீயா-வ॑ருந்தே⁴ ॥ ஏ॒க॒தா⁴ ப்³ர॒ஹ்மண॒ உப॑ஹரதி । ஏ॒க॒தை⁴வ யஜ॑மானே வீ॒ர்யம்॑ த³தா⁴தி ॥ தே॒³வா வா ஓஷ॑தீ⁴ஷ்வா॒ஜிம॑யு: । தா ப்³ருஹ॒ஸ்பதி॒-ருத॑³ஜயத் । ஸ நீ॒வாரா॒ன்னிர॑வ்ருணீத । தன்னீ॒வாரா॑ணா-ன்னீவார॒த்வம் ॥ நை॒வா॒ரஶ்ச॒ரு-ர்ப॑⁴வதி ॥ 37 ॥

ஏ॒தத்³வை தே॒³வானாம்᳚ பர॒மமன்ன᳚ம் । யன்னீ॒வாரா:᳚ । ப॒ர॒மேணை॒வாஸ்மா॑ அ॒ன்னாத்³யே॒-னாவ॑ர-ம॒ன்னாத்³ய॒மவ॑ருந்தே⁴ ॥ ஸ॒ப்தத॑³ஶஶராவோ ப⁴வதி । ஸ॒ப்த॒த॒³ஶ: ப்ர॒ஜாப॑தி: । ப்ர॒ஜாப॑தே॒-ராப்த்யை᳚ ॥ க்ஷீ॒ரே ப॑⁴வதி । ருச॑மே॒வாஸ்மி॑ன்-த³தா⁴தி ॥ ஸ॒ர்பிஷ்வா᳚ன் ப⁴வதி மேத்³த்⁴ய॒த்வாய॑ ॥ பா॒³ர்॒ஹ॒ஸ்ப॒த்யோ வா ஏ॒ஷ தே॒³வத॑யா ॥ 38 ॥

யோ வா॑ஜ॒பேயே॑ன॒ யஜ॑தே । பா॒³ர்॒ஹ॒ஸ்ப॒த்ய ஏ॒ஷ ச॒ரு: ॥ அஶ்வா᳚ந்த்²-ஸரிஷ்ய॒த-ஸ்ஸ॒ஸ்ருஷ॒ஶ்சாவ॑-க்⁴ராபயதி । யமே॒வ தே வாஜம்॑ லோ॒கமு॒ஜ்ஜய॑ந்தி । தமே॒வாவ॑ருந்தே⁴ ॥ அஜீ॑ஜிபத வனஸ்பதய॒ இந்த்³ரம்॒ வாஜம்॒ விமு॑ச்யத்³த்⁴வ॒மிதி॑ து³ந்து॒³பீ⁴ன். விமு॑ஞ்சதி । யமே॒வ தே வாஜம்॑ லோ॒கமி॑ந்த்³ரி॒யம் து॑³ந்து॒³ப⁴ய॑ உ॒ஜ்ஜய॑ந்தி । தமே॒வா-வ॑ருந்தே⁴ ॥ 39 ॥
(அ॒பி⁴ஜ॑யதி॒ - வா ஏ॒ஷா வாக்³ - தீ॑³யந்தே - ஸ்மை யுனக்தி - க³மயதி॒ - ய ஆ॒ஜிம் தா⁴வ॑ந்தி - ப⁴வதி - தே॒³வத॑யா॒ - +ஷ்டௌ ச॑) (அ. 6)

அனுவாகம் 7 - யூபாரோஹணம்
தா॒ர்ப்யம் யஜ॑மானம்॒ பரி॑தா⁴பயதி । ய॒ஜ்ஞோ வை தா॒ர்ப்யம் । ய॒ஜ்ஞேனை॒வைன॒க்³ம்॒ ஸம॑ர்த⁴யதி । த॒³ர்ப॒⁴மயம்॒ பரி॑தா⁴பயதி । ப॒வித்ரம்॒ வை த॒³ர்பா⁴: । பு॒னாத்யே॒வைன᳚ம் । வாஜம்॒ வா ஏ॒ஷோவ॑ருருத்²ஸதே । யோ வா॑ஜ॒பேயே॑ன॒ யஜ॑தே । ஓஷ॑த⁴ய:॒ க²லு॒ வை வாஜ:॑ । யத்³-த॑³ர்ப॒⁴மயம்॑ பரிதா॒⁴பய॑தி ॥ 4௦ ॥

வாஜ॒ஸ்யாவ॑-ருத்³த்⁴யை ॥ ஜாய॒ ஏஹி॒ ஸுவோ॒ ரோஹா॒வேத்யா॑ஹ । பத்னி॑யா ஏ॒வைஷ ய॒ஜ்ஞஸ்யா᳚ன்-வார॒ம்போ⁴ன॑வச்சி²த்யை ॥ ஸ॒ப்தத॑³ஶா-ரத்னி॒ர்யூபோ॑ ப⁴வதி । ஸ॒ப்த॒த॒³ஶ: ப்ர॒ஜாப॑தி: । ப்ர॒ஜாப॑தே॒ராப்த்யை᳚ ॥ தூ॒ப॒ர-ஶ்சது॑ரஶ்ரி-ர்ப⁴வதி ॥ கௌ॒³தூ॒⁴ம-ஞ்ச॒ஷால᳚ம் । ந வா ஏ॒தே வ்ரீ॒ஹயோ॒ ந யவா:᳚ । யத்³-கோ॒³தூ⁴மா:᳚ ॥ 41 ॥

ஏ॒வமி॑வ॒ ஹி ப்ர॒ஜாப॑தி॒-ஸ்ஸம்ரு॑த்³த்⁴யை । அதோ॑² அ॒முமே॒வாஸ்மை॑ லோ॒கமன்ன॑வந்த-ங்கரோதி ॥ வாஸோ॑பி⁴-ர்வேஷ்டயதி । ஏ॒ஷ வை யஜ॑மான: । யத்³யூப:॑ । ஸ॒ர்வ॒தே॒³வ॒த்யம்॑ வாஸ:॑ । ஸர்வா॑பி⁴ரே॒வைனம்॑ தே॒³வதா॑பி॒⁴-ஸ்ஸம॑ர்த⁴யதி । அதோ॑² ஆ॒க்ரம॑ணமே॒வ தத்²ஸேதும்॒ யஜ॑மான: குருதே । ஸு॒வ॒ர்க³ஸ்ய॑ லோ॒கஸ்ய॒ ஸம॑ஷ்ட்யை ॥ த்³வாத॑³ஶ வாஜப்ரஸ॒வீயா॑னி ஜுஹோதி ॥ 42 ॥

த்³வாத॑³ஶ॒ மாஸா᳚-ஸ்ஸம்வத்²ஸ॒ர: । ஸம்॒வ॒த்²ஸ॒ரமே॒வ ப்ரீ॑ணாதி । அதோ॑² ஸம்வத்²ஸ॒ரமே॒வாஸ்மா॒ உப॑ த³தா⁴தி । ஸு॒வ॒ர்க³ஸ்ய॑ லோ॒கஸ்ய॒ ஸம॑ஷ்ட்யை ॥ த॒³ஶபி॒⁴: கல்பை॑ ரோஹதி । நவ॒ வை புரு॑ஷே ப்ரா॒ணா: । நாபி॑⁴ர்த³ஶ॒மீ । ப்ரா॒ணானே॒வ ய॑தா²ஸ்தா॒²ன-ங்க॑ல்பயி॒த்வா । ஸு॒வ॒ர்க³ம் லோ॒கமே॑தி । ஏ॒தாவ॒த்³வை புரு॑ஷஸ்ய॒ ஸ்வம் ॥ 43 ॥

யாவ॑த்-ப்ரா॒ணா: । யாவ॑தே॒³வாஸ்யாஸ்தி॑ । தேன॑ ஸ॒ஹ ஸு॑வ॒ர்க³ம் லோ॒கமே॑தி ॥ ஸுவ॑ர்தே॒³வாக்³ம் அ॑க॒³ன்மேத்யா॑ஹ । ஸு॒வ॒ர்க³மே॒வ லோ॒கமே॑தி । அ॒ம்ருதா॑ அபூ॒⁴மேத்யா॑ஹ । அ॒ம்ருத॑மிவ॒ ஹி ஸு॑வ॒ர்கோ³ லோ॒க: । ப்ர॒ஜாப॑தே: ப்ர॒ஜா அ॑பூ॒⁴மேத்யா॑ஹ । ப்ரா॒ஜா॒ப॒த்யோ வா அ॒யம் லோ॒க: । அ॒ஸ்மாதே॒³வ தேன॑ லோ॒கான்னைதி॑ ॥ 44 ॥

ஸம॒ஹ-ம்ப்ர॒ஜயா॒ ஸ-ம்மயா᳚ ப்ர॒ஜேத்யா॑ஹ । ஆ॒ஶிஷ॑மே॒வைதா-மாஶா᳚ஸ்தே ॥ ஆ॒ஸ॒பு॒டை-ர்க்⁴ன॑ந்தி । அன்னம்॒ வா இ॒யம் । அ॒ன்னாத்³யே॑னை॒வைன॒க்³ம்॒ ஸம॑ர்த⁴யந்தி । ஊஷை᳚-ர்க்⁴னந்தி । ஏ॒தே ஹி ஸா॒க்ஷாத³ன்ன᳚ம் । யதூ³ஷா:᳚ । ஸா॒க்ஷாதே॒³வைன॑-ம॒ன்னாத்³யே॑ன॒ ஸம॑ர்த⁴யந்தி ॥ பு॒ரஸ்தா᳚த்-ப்ர॒த்யஞ்சம்᳚ க்⁴னந்தி ॥ 45 ॥

பு॒ரஸ்தா॒த்³தி⁴ ப்ர॑தீ॒சீன॒-மன்ன॑ம॒த்³யதே᳚ ॥ ஶீ॒ர்॒ஷ॒தோ க்⁴ன॑ந்தி । ஶீ॒ர்॒ஷ॒தோ ஹ்யன்ன॑ம॒த்³யதே᳚ ॥ தி॒³க்³ப்⁴யோ க்⁴ன॑ந்தி । தி॒³க்³ப்⁴ய ஏ॒வாஸ்மா॑ அ॒ன்னாத்³ய॒-மவ॑ருந்த⁴தே ॥ ஈ॒ஶ்வ॒ரோ வா ஏ॒ஷ பராம்᳚-ப்ர॒த³க:॑⁴ । யோ யூப॒க்³ம்॒ ரோஹ॑தி ॥ ஹிர॑ண்யம॒த்³த்⁴ய-வ॑ரோஹதி । அ॒ம்ருதம்॒ வை ஹிர॑ண்யம் । அ॒ம்ருதக்³ம்॑ ஸுவ॒ர்கோ³ லோ॒க: ॥ 46 ॥

அ॒ம்ருத॑ ஏ॒வ ஸு॑வ॒ர்கே³ லோ॒கே ப்ரதி॑ திஷ்ட²தி ॥ ஶ॒தமா॑னம் ப⁴வதி । ஶ॒தாயு:॒ புரு॑ஷ-ஶ்ஶ॒தேந்த்³ரி॑ய: । ஆயு॑ஷ்யே॒வேந்த்³ரி॒யே ப்ரதி॑ திஷ்ட²தி ॥ புஷ்ட்யை॒ வா ஏ॒தத்³-ரூ॒பம் । யத॒³ஜா । த்ரி-ஸ்ஸம்॑வத்²ஸ॒ரஸ்யா॒ன்யான்-ப॒ஶூ-ன்பரி॒ ப்ரஜா॑யதே ॥ ப॒³ஸ்தா॒ஜி॒ன-ம॒த்³த்⁴யவ॑ ரோஹதி । புஷ்ட்யா॑மே॒வ ப்ர॒ஜன॑னே॒ ப்ரதி॑திஷ்ட²தி ॥ 47 ॥
(ப॒ரி॒தா॒⁴பய॑தி - கோ॒³தூ⁴மா॑ - ஜுஹோதி॒ - ஸ்வம் - நைதி॑ - ப்ர॒த்யஞ்ஜம்॑ க்⁴னந்தி - லோ॒கோ - +னவ॑ ச (அ. 7)

அனுவாகம் 8 - அன்னஹோமா:, அபி⁴ஷேகஶ்ச
ஸ॒ப்தான்ன॑-ஹோ॒மாஞ்ஜு॑ஹோதி । ஸ॒ப்த வா அன்னா॑னி । யாவ॑ந்த்யே॒வான்னா॑னி । தான்யே॒வாவ॑ருந்தே⁴ । ஸ॒ப்த க்³ரா॒ம்யா ஓஷ॑த⁴ய: । ஸ॒ப்தார॒ண்யா: । உ॒ப⁴யீ॑ஷா॒-மவ॑ருத்³த்⁴யை ॥ அன்ன॑ஸ்யா-ன்னஸ்ய ஜுஹோதி । அன்ன॑ஸ்யான்ன॒ஸ்யா-வ॑ருத்³த்⁴யை ॥ யத்³-வா॑ஜபேயயா॒ஜ்ய-ன॑வருத்³த⁴ஸ்யாஶ்மீ॒யாத் ॥ 48 ॥

அவ॑ருத்³தே⁴ன॒ வ்ய்ரு॑த்³த்⁴யேத । ஸர்வ॑ஸ்ய ஸமவ॒தா³ய॑ ஜுஹோதி । அன॑வருத்³த॒⁴-ஸ்யாவ॑ருத்³த்⁴யை ॥ ஔது॑³ம்ப³ரேண ஸ்ரு॒வேண॑ ஜுஹோதி । ஊர்க்³வா அன்ன॑-முது॒³ம்ப³ர:॑ । ஊ॒ர்ஜ ஏ॒வான்னாத்³ய॒ஸ்யாவ॑ருத்³த்⁴யை ॥ தே॒³வஸ்ய॑ த்வா ஸவி॒து: ப்ர॑ஸ॒வ இத்யா॑ஹ । ஸ॒வி॒த்ரு ப்ர॑ஸூத ஏ॒வைனம்॒ ப்³ரஹ்ம॑ணா தே॒³வதா॑பி⁴-ர॒பி⁴ஷி॑ஞ்சதி ॥ அன்ன॑ஸ்யான்னஸ்யா॒பி⁴ஷி॑ஞ்சதி । அன்ன॑ஸ்யான்ன॒ஸ்யாவ॑ருத்³த்⁴யை ॥ 49 ॥

பு॒ரஸ்தா᳚த்-ப்ர॒த்யஞ்ச॑-ம॒பி⁴ஷி॑ஞ்சதி । பு॒ரஸ்தா॒த்³தி⁴-ப்ர॑தீ॒சீன॒-மன்ன॑ம॒த்³யதே᳚ । ஶீ॒ர்॒ஷ॒தோ॑பி⁴ஷி॑ஞ்சதி । ஶீ॒ர்॒ஷ॒தோ ஹ்யன்ன॑ம॒த்³யதே᳚ ॥ ஆமுகா॑²த॒³ன்வவ॑ ஸ்ராவயதி । மு॒க॒²த ஏ॒வாஸ்மா॑ அ॒ன்னாத்³யம்॑ த³தா⁴தி ॥ அ॒க்³னேஸ்த்வா॒ ஸாம்ரா᳚ஜ்யேனா॒பி⁴ஷி॑ஞ்சா॒மீத்யா॑ஹ । ஏ॒ஷ வா அ॒க்³னே-ஸ்ஸ॒வ: । தேனை॒வைன॑-ம॒பி⁴ஷி॑ஞ்சதி । இந்த்³ர॑ஸ்ய த்வா॒ ஸாம்ரா᳚ஜ்யேனா॒பி⁴ஷி॑ஞ்சா॒மீத்யா॑ஹ ॥ 5௦ ॥

இ॒ந்த்³ரி॒ய-மே॒வாஸ்மி॑-ன்னே॒தேன॑ த³தா⁴தி । ப்³ருஹ॒ஸ்பதே᳚ஸ்த்வா॒ ஸாம்ரா᳚ஜ்யேனா॒பி⁴ஷி॑ஞ்சா॒-மீத்யா॑ஹ । ப்³ரஹ்ம॒ வை தே॒³வானாம்॒ ப்³ருஹ॒ஸ்பதி:॑ । ப்³ரஹ்ம॑ணை॒வைன॑-ம॒பி⁴ஷி॑ஞ்சதி ॥ ஸோ॒ம॒க்³ர॒ஹாக்³க்³​ஶ்சா॑-வதா³னீ॒யானி॑ ச॒ர்த்விக்³ப்⁴ய॒ உப॑ ஹரந்தி । அ॒முமே॒வ தை-ர்லோ॒க-மன்ன॑வந்த-ங்கரோதி । ஸு॒ரா॒க்³ர॒ஹாக்³க்³​ஶ்சா॑-னவதா³னீ॒யானி॑ ச வாஜ॒ஸ்ருத்³ப்⁴ய:॑ । இ॒மமே॒வ தை-ர்லோ॒க-மன்ன॑வந்த-ங்கரோதி । அதோ॑² உ॒ப⁴யீ᳚ஷ்வே॒வாபி⁴ஷி॑ச்யதே ॥ வி॒மா॒த-²ங்கு॑ர்வதே வாஜ॒ஸ்ருத:॑ ॥ 51 ॥

இ॒ந்த்³ரி॒யஸ்யாவ॑ருத்³த்⁴யை ॥ அனி॑ருக்தாபி⁴: ப்ராதஸ்ஸவ॒னே ஸ்து॑வதே । அனி॑ருக்த: ப்ர॒ஜாப॑தி: । ப்ர॒ஜாப॑தே॒ராப்த்யை᳚ । வாஜ॑வதீபி॒⁴-ர்மாத்³த்⁴ய॑ந்தி³னே । அன்னம்॒ வை வாஜ:॑ । அன்ன॑மே॒வா-வ॑ருந்தே⁴ । ஶி॒பி॒வி॒ஷ்டவ॑தீபி⁴-ஸ்த்ருதீயஸவ॒னே । ய॒ஜ்ஞோ வை விஷ்ணு:॑ । ப॒ஶவ॒-ஶ்ஶிபி:॑ । ய॒ஜ்ஞ ஏ॒வ ப॒ஶுஷு॒ ப்ரதி॑ திஷ்ட²தி ॥ ப்³ரு॒ஹத³ந்த்யம்॑ ப⁴வதி । அந்த॑மே॒வைனக்³க்॑³ ஶ்ரி॒யை க॑³மயதி ॥ 52 ॥
(அ॒ஶ்மீ॒யா - த³ன்ன॑ஸ்யான்ன॒ஸ்யா வ॑ருத்³த்⁴யா॒ - இந்த்³ர॑ஸ்ய த்வா॒ ஸாம்ரா᳚ஜ்யேனா॒பி⁴ஷி॑ஞ்சா॒ மீத்யா॑ஹ-வாஜ॒ஸ்ருத:॒ - ஶிபி॒ ஸ்த்ரீணி॑ ச) (அ. 8)

அனுவாகம் 9 - அதிக்³ராஹ்யா:, பஞ்சைந்த்³ரா:
ந்ரு॒ஷத³ம்॒ த்வேத்யா॑ஹ । ப்ர॒ஜா வை ந்ரூன் । ப்ர॒ஜானா॑மே॒வைதேன॑ ஸூயதே । த்³ரு॒ஷத॒³மித்யா॑ஹ । வன॒ஸ்பத॑யோ॒ வை த்³ரு । வன॒ஸ்பதீ॑னாமே॒வை தேன॑ ஸூயதே । பு॒⁴வ॒ன॒ஸத॒³-மித்யா॑ஹ । ய॒தா³ வை வஸீ॑யா॒ன் ப⁴வ॑தி । பு⁴வ॑னமக॒³ன்னிதி॒ வை தமா॑ஹு: । பு⁴வ॑னமே॒வைதேன॑ க³ச்ச²தி ॥ 53 ॥

அ॒ப்²ஸு॒ஷத³ம்॑ த்வா க்⁴ருத॒ஸத॒³-மித்யா॑ஹ । அ॒பாமே॒வைதேன॑ க்⁴ரு॒தஸ்ய॑ ஸூயதே । வ்யோ॒ம॒ஸத॒³-மித்யா॑ஹ । ய॒தா³ வை வஸீ॑யா॒ன் ப⁴வ॑தி । வ்யோ॑மாக॒³ன்னிதி॒ வை தமா॑ஹு: । வ்யோ॑மை॒வைதேன॑ க³ச்ச²தி ॥ ப்ரு॒தி॒²வி॒ஷத³ம்॑ த்வாந்தரிக்ஷ॒ஸத॒³-மித்யா॑ஹ । ஏ॒ஷாமே॒வைதேன॑ லோ॒கானாக்³ம்॑ ஸூயதே । தஸ்மா᳚-த்³வாஜபே-யயா॒ஜீ ந க-ஞ்ச॒ன ப்ர॒த்யவ॑ரோஹதி । அபீ॑வ॒ ஹி தே॒³வதா॑னாக்³ம் ஸூ॒யதே᳚ ॥ 54 ॥

நா॒க॒ஸத॒³-மித்யா॑ஹ । ய॒தா³வை வஸீ॑யா॒ன் ப⁴வ॑தி । நாக॑மக॒³ன்னிதி॒ வை தமா॑ஹு: । நாக॑மே॒வைதேன॑ க³ச்ச²தி ॥ யே க்³ரஹா:᳚ பஞ்சஜ॒னீனா॒ இத்யா॑ஹ । ப॒ஞ்ச॒ஜ॒னானா॑-மே॒வைதேன॑ ஸூயதே ॥ அ॒பாக்³ம் ரஸ॒முத்³வ॑யஸ॒-மித்யா॑ஹ । அ॒பாமே॒வைதேன॒ ரஸ॑ஸ்ய ஸூயதே । ஸூர்ய॑ரஶ்மிக்³ம் ஸ॒மாப்⁴ரு॑த॒-மித்யா॑ஹ ஸஶுக்ர॒த்வாய॑ ॥ 55 ॥
(க॒³ச்ச॒²தி॒ - ஸூ॒யதே॒ - +னவ॑ ச) (அ. 9)

அனுவாகம் 1௦ - பிண்ட³பித்ருயஜ்ஞ: த³ர்​ஶபூர்ணமாஸப்³ராஹ்மணஶேஷ:
இந்த்³ரோ வ்ரு॒த்ரக்³ம் ஹ॒த்வா । அஸு॑ரா-ன்பரா॒பா⁴வ்ய॑ । ஸோ॑மாவா॒ஸ்யாம்᳚ ப்ரத்யாக॑³ச்ச²த் । தே பி॒தர:॑ பூர்வே॒த்³யு-ராக॑³ச்ச²ன்ன் । பி॒த்ரூன். ய॒ஜ்ஞோ॑க³ச்ச²த் । தம் தே॒³வா: புன॑ரயாசந்த । தமே᳚ப்⁴யோ॒ ந புன॑ரத³து³: । தே᳚ப்³ருவ॒ன் வரம்॑ வ்ருணாமஹை । அத॑² வ:॒ புன॑ர்தா³ஸ்யாம: । அ॒ஸ்மப்⁴ய॑மே॒வ பூ᳚ர்வே॒த்³யு: க்ரி॑யாதா॒ இதி॑ ॥ 56 ॥

தமே᳚ப்⁴ய:॒ புன॑ரத³து³: । தஸ்மா᳚த்-பி॒த்ருப்⁴ய:॑ பூர்வே॒த்³யு: க்ரி॑யதே । ய-த்பி॒த்ருப்⁴ய:॑ பூர்வே॒த்³யு: க॒ரோதி॑ । பி॒த்ருப்⁴ய॑ ஏ॒வ தத்³-ய॒ஜ்ஞ-ன்னி॒ஷ்க்ரீய॒ யஜ॑மான:॒ ப்ரத॑னுதே ॥ ஸோமா॑ய பி॒த்ருபீ॑தாய ஸ்வ॒தா⁴ நம॒ இத்யா॑ஹ । பி॒துரே॒வாதி॑⁴ ஸோமபீ॒த²மவ॑ ருந்தே⁴ । ந ஹி பி॒தா ப்ர॒மீய॑மாண॒ ஆஹை॒ஷ ஸோ॑மபீ॒த² இதி॑ । இ॒ந்த்³ரி॒யம் வை ஸோ॑மபீ॒த:² । இ॒ந்த்³ரி॒யமே॒வ ஸோ॑மபீ॒த²மவ॑-ருந்தே⁴ । தேன᳚ந்த்³ரி॒யேண॑ த்³வி॒தீயாம்᳚ ஜா॒யாம॒ப்⁴ய॑ஶ்முதே ॥ 57 ॥

ஏ॒த-த்³வை ப்³ராஹ்ம॑ண-ம்பு॒ரா வா॑ஜஶ்ரவ॒ஸா வி॒தா³ம॑க்ரன்ன் । தஸ்மா॒-த்தே த்³வேத்³வே॑ ஜா॒யே அ॒ப்⁴யா᳚க்ஷத । ய ஏ॒வம் வேத॑³ । அ॒பி⁴ த்³வி॒தீயாம்᳚ ஜா॒யாம॑ஶ்முதே ॥ அ॒க்³னயே॑ கவ்ய॒வாஹ॑னாய ஸ்வ॒தா⁴ நம॒ இத்யா॑ஹ । ய ஏ॒வ பி॑த்ரு॒ணாம॒க்³னி: । த-ம்ப்ரீ॑ணாதி ॥ தி॒ஸ்ர ஆஹு॑தீ-ர்ஜுஹோதி ॥ த்ரிர்னித॑³தா⁴தி ॥ ஷட்-஥²்ஸம்ப॑த்³யந்தே ॥ 58 ॥

ஷட்³வா ரு॒தவ:॑ । ரு॒தூனே॒வ ப்ரீ॑ணாதி ॥ தூ॒ஷ்ணீ-ம்மேக்ஷ॑ண॒-மாத॑³தா⁴தி । அஸ்தி॑ வா॒ ஹி ஷ॒ஷ்ட² ரு॒துர்ன வா᳚ ॥ தே॒³வான். வை பி॒த்ரூ-ன்ப்ரீ॒தான் । ம॒னு॒ஷ்யா:᳚ பி॒தரோனு॒ ப்ரபி॑பதே । தி॒ஸ்ர ஆஹு॑தீ-ர்ஜுஹோதி । த்ரிர்னித॑³தா⁴தி । ஷட்-஥²்ஸம்ப॑த்³யந்தே । ஷட்³வா ரு॒தவ:॑ ॥ 59 ॥

ரு॒தவ:॒ க²லு॒ வை தே॒³வா: பி॒தர:॑ । ரு॒தூனே॒வ தே॒³வா-ன்பி॒த்ரூ-ன்ப்ரீ॑ணாதி । தான்ப்ரீ॒தான் । ம॒னு॒ஷ்யா:᳚ பி॒தரோனு॒ ப்ரபி॑பதே ॥ ஸ॒க்ரு॒தா॒³ச்சி॒²ன்னம் ப॒³ர்॒ஹி-ர்ப॑⁴வதி । ஸ॒க்ருதி॑³வ॒ ஹி பி॒தர:॑ ॥ த்ரிர்னித॑³தா⁴தி । த்ரு॒தீயே॒ வா இ॒தோ லோ॒கே பி॒தர:॑ । தானே॒வ ப்ரீ॑ணாதி ॥ பராம்॒ஆவ॑ர்ததே ॥ 6௦ ॥

ஹ்லீகா॒ ஹி பி॒தர:॑ ॥ ஒஷ்மணோ᳚ வ்யா॒வ்ருத॒ உபா᳚ஸ்தே । ஊ॒ஷ்மபா॑⁴கா॒³ ஹி பி॒தர:॑ ॥ ப்³ர॒ஹ்ம॒வா॒தி³னோ॑ வத³ந்தி । ப்ராஶ்யாம்(3)ன ப்ராஶ்யா(3)மிதி॑ । ய-த்ப்ரா᳚ஶ்மீ॒யாத் । ஜன்ய॒மன்ன॑மத்³யாத் । ப்ர॒மாயு॑க-ஸ்ஸ்யாத் । யன்ன ப்ரா᳚ஶ்மீ॒யாத் । அஹ॑வி-ஸ்ஸ்யாத் ॥ 61 ॥

பி॒த்ருப்⁴ய॒ ஆவ்ரு॑ஶ்ச்யேத । அ॒வ॒க்⁴ரேய॑மே॒வ । தன்னேவ॒ ப்ராஶி॑தம்॒ நேவாப்ரா॑ஶிதம் ॥ வீ॒ரம் வா॒ வை பி॒தர:॑ ப்ர॒யந்தோ॒ ஹர॑ந்தி । வீ॒ரம் வா॑ த³த³தி । த॒³ஶாம் சி॑²னத்தி । ஹர॑ணபா⁴கா॒³ ஹி பி॒தர:॑ । பி॒த்ரூனே॒வ நி॒ரவ॑த³யதே ॥ உத்த॑ர॒ ஆயு॑ஷி॒ லோம॑ சி²ந்தீ³த । பி॒த்ரு॒ணாக்³க்³​ ஹ்யே॑தர்​ஹி॒ நேதீ॑³ய: ॥ 62 ॥

நம॑ஸ்கரோதி । ந॒ம॒ஸ்கா॒ரோ ஹி பி॑த்ரு॒ணாம் ॥ நமோ॑ வ: பிதரோ॒ ரஸா॑ய । நமோ॑ வ: பிதர॒-ஶ்ஶுஷ்மா॑ய । நமோ॑ வ: பிதரோ ஜீ॒வாய॑ । நமோ॑ வ: பிதர-ஸ்ஸ்வ॒தா⁴யை᳚ । நமோ॑ வ: பிதரோ ம॒ன்யவே᳚ । நமோ॑ வ: பிதரோ கோ॒⁴ராய॑ । பித॑ரோ॒ நமோ॑ வ: । ய ஏ॒தஸ்மி॑-ன்ம்லோ॒கே ஸ்த² ॥ 63 ॥

யு॒ஷ்மாக்³க்³​ஸ்தேனு॑ । யே᳚ஸ்மிம்ல்லோ॒கே । மா-ந்தே நு॑ । ய ஏ॒தஸ்மிம்॑ல்லோ॒கே ஸ்த² । யூ॒ய-ந்தேஷாம்॒ வஸி॑ஷ்டா² பூ⁴யாஸ்த । யே᳚ஸ்மிம்ல்லோ॒கே । அ॒ஹ-ந்தேஷாம்॒ வஸி॑ஷ்டோ² பூ⁴யாஸ॒மித்யா॑ஹ । வஸி॑ஷ்ட-²ஸ்ஸமா॒னானாம்᳚ ப⁴வதி । ய ஏ॒வம் வி॒த்³வான்-பி॒த்ருப்⁴ய:॑ க॒ரோதி॑ ॥ ஏ॒ஷ வை ம॑னு॒ஷ்யா॑ணாம் ய॒ஜ்ஞ: ॥ 64 ॥

தே॒³வானாம்॒ வா இத॑ரே ய॒ஜ்ஞா: । தேன॒ வா ஏ॒த-த்பி॑த்ருலோ॒கே ச॑ரதி ॥ ய-த்பி॒த்ருப்⁴ய:॑ க॒ரோதி॑ । ஸ ஈ᳚ஶ்வ॒ர: ப்ரமே॑தோ: । ப்ரா॒ஜா॒ப॒த்யய॒ர்சா புன॒ரைதி॑ । ய॒ஜ்ஞோ வை ப்ர॒ஜாப॑தி: । ய॒ஜ்ஞேனை॒வ ஸ॒ஹ புன॒ரைதி॑ । ந ப்ர॒மாயு॑கோ ப⁴வதி ॥ பி॒த்ரு॒லோ॒கே வா ஏ॒தத்³-யஜ॑மானஶ்சரதி । ய-த்பி॒த்ருப்⁴ய:॑ க॒ரோதி॑ । ஸ ஈ᳚ஶ்வ॒ர ஆர்தி॒மார்தோ:᳚ । ப்ர॒ஜாப॑தி॒-ஸ்த்வாவைனம்॒ தத॒ உன்னே॑துமர்​ஹ॒தீத்யா॑ஹு: । ய-த்ப்ரா॑ஜாப॒த்யய॒ர்சா புன॒ரைதி॑ । ப்ர॒ஜாப॑திரே॒வைனம்॒ தத॒ உன்ன॑யதி । நார்தி॒மார்ச்ச॑²தி॒ யஜ॑மான: ॥ 65 ॥
(இத்ய॑ - ஶ்முதே - பத்³யந்தே - பத்³யந்தே॒ ஷட்³வா ரு॒தவோ॑ - வர்த॒தே - ஹ॑வி-ஸ்ஸ்யா॒ன் - நேதீ॑³ய:॒ - ஸ்த² - ய॒ஜ்ஞோ - யஜ॑மானஶ்சரதி॒ ய-த்பி॒த்ருப்⁴ய:॑ க॒ரோதி॒ பஞ்ச॑ ச) (அ. 1௦)

(தே॒³வா॒ஸு॒ரா அ॒க்³னீஷோம॑யோ--ர் தே॒³வா வை யதா॒² த³ர்​ஶம்॑ - தே॒³வா வை யத॒³ன்யை-ர்க்³ரஹை᳚--ர் ப்³ரஹ்மவா॒தி³னோ॒ நாக்³னி॑ஷ்டோ॒மோ ந - ஸா॑வி॒த்ரம் - தே॒³வஸ்யா॒ஹம் - தா॒ர்ப்யக்³ம் - ஸ॒ப்தான்ன॑ஹோ॒மான் - ந்ரு॒ஷத³ம்॒ - த்வேந்த்³ரோ॑ வ்ரு॒த்ரக்³ம் ஹ॒த்வா த³ஶ॑)

(தே॒³வா॒ஸு॒ரா - வா॒ஜ்யே॑வைனம்॒ - தஸ்மா᳚-த்³வாஜபேயயா॒ஜீ - தே॒³வஸ்யா॒ஹம் - ம்வாஜ॒ஸ்யாவ॑ருத்³த்⁴யா- இந்த்³ரி॒யமே॒வாஸ்மி॒ன்॒. - ஹ்லீகா॒ ஹி பி॒தர:॒ பஞ்ச॑ஷஷ்டி:)

(தே॒³வா॒ஸு॒ரா - யஜ॑மான:)

॥ ஹரி:॑ ஓம் ॥

॥ க்ருஷ்ண யஜுர்வேதீ³ய தைத்திரீய ப்³ராஹ்மணே ப்ரத²மாஷ்டகே த்ருதீய: ப்ரபாட²க-ஸ்ஸமாப்த: ॥