க்ருஷ்ண யஜுர்வேதீ³ய தைத்திரீய ப்³ராஹ்மணே த்ருதீயாஷ்டகே த்ருதீய: ப்ரபாட²க: - த³ர்.ஶபூர்ணமாஸேஷ்டிப்³ராஹ்மணம்

ஓ-ன்னம: பரமாத்மனே, ஶ்ரீ மஹாக³ணபதயே நம:,
ஶ்ரீ கு³ருப்⁴யோ நம: । ஹ॒ரி:॒ ஓம் ॥

அனுவாகம் 1 - ஸ்த்ருக்²ஸம்மார்க:³

ப்ரத்யு॑ஷ்ட॒க்³ம்॒ ரக்ஷ:॒ ப்ரத்யு॑ஷ்டா॒ அரா॑தய॒ இத்யா॑ஹ । ரக்ஷ॑ஸா॒-மப॑ஹத்யை । அ॒க்³னேர்வ॒ஸ்தேஜி॑ஷ்டே²ன॒ தேஜ॑ஸா॒ நிஷ்ட॑பா॒மீத்யா॑ஹ மேத்³த்⁴ய॒த்வாய॑ ।
ஸ்ருச॒-ஸ்ஸம்மா᳚ர்​ஷ்டி । ஸ்ரு॒வமக்³ரே᳚ । புமாக்³ம்॑ ஸமே॒வாப்⁴ய॒-ஸ்ஸக்³க்³​ஶ்ய॑தி மிது²ன॒த்வாய॑ । அத॑² ஜு॒ஹூம் । அதோ॑²ப॒ப்⁴ருத᳚ம் । அத॑² த்⁴ரு॒வாம் । அ॒ஸௌ வை ஜு॒ஹூ: ॥ 1 ॥

அ॒ந்தரி॑க்ஷமுப॒ப்⁴ருத் । ப்ரு॒தி॒²வீ த்⁴ரு॒வா ।
இ॒மே வை லோ॒கா-ஸ்ஸ்ருச:॑ । வ்ருஷ்டி॑-ஸ்ஸ॒மாம்ர்ஜ॑னானி । வ்ருஷ்டி॒ர்வா இ॒மா-ன்ம்லோ॒கான॑னுபூ॒ர்வ-ங்க॑ல்பயதி ।
தே தத:॑ க்ல்ரு॒ப்தா-ஸ்ஸமே॑த⁴ந்தே ।
ஸமே॑த⁴ந்தேஸ்மா இ॒மே லோ॒கா: ப்ர॒ஜயா॑ ப॒ஶுபி॑⁴: ।
ய ஏ॒வம் வேத॑³ ॥ யதி॑³ கா॒மயே॑த॒ வர்​ஷு॑க: ப॒ர்ஜன்ய॑-ஸ்ஸ்யா॒தி³தி॑ । அ॒க்³ர॒த-ஸ்ஸம்ம்ரு॑ஜ்யாத் ॥ 2 ॥

வ்ருஷ்டி॑மே॒வ நிய॑ச்ச²தி । அ॒வா॒சீனா᳚க்³ரா॒ ஹி வ்ருஷ்டி:॑ ।
யதி॑³ கா॒மயே॒தாவ॑ர்​ஷுக-ஸ்ஸ்யா॒தி³தி॑ । மூ॒ல॒த-ஸ்ஸம்ம்ரு॑ஜ்யாத் । வ்ருஷ்டி॑மே॒வோத்³ய॑ச்ச²தி । தது॒³ வா ஆ॑ஹு: । அ॒க்³ர॒த ஏ॒வோபரி॑ஷ்டா॒-஥²்ஸம்ம்ரு॑ஜ்யாத் ।
மூ॒ல॒தோ॑த⁴ஸ்தா᳚த் । தத॑³னுபூ॒ர்வ-ங்க॑ல்பதே ।
வர்​ஷு॑கோ ப⁴வ॒தீதி॑ ॥ 3 ॥

ப்ராசீ॑மப்⁴யா॒கார᳚ம் । அக்³ரை॑ரந்தர॒த: । ஏ॒வமி॑வ॒ ஹ்யன்ன॑ம॒த்³யதே᳚ । அதோ॒² அக்³ரா॒த்³வா ஓஷ॑தீ⁴னா॒மூர்ஜம்॑ ப்ர॒ஜா உப॑ஜீவந்தி । ஊ॒ர்ஜ ஏ॒வா-ன்னாத்³ய॒ஸ்யாவ॑ருத்³த்⁴யை । அ॒த⁴ஸ்தா᳚-த்ப்ர॒தீசீ᳚ம் । த॒³ண்ட³மு॑த்தம॒த: ।
மூலே॑ன॒ மூலம்॒ ப்ரதி॑ஷ்டி²த்யை । தஸ்மா॑த³ர॒த்னௌ ப்ராஞ்ச்யு॒பரி॑ஷ்டா॒-ல்லோமா॑னி । ப்ர॒த்யஞ்ச்ய॒த⁴ஸ்தா᳚த் ॥ 4 ॥

ஸ்ருக்³க்⁴யே॑ஷா ॥ ப்ரா॒ணோ வை ஸ்ரு॒வ: । ஜு॒ஹூர்த³க்ஷி॑ணோ॒ ஹஸ்த:॑ । உ॒ப॒ப்⁴ருத்²ஸ॒வ்ய: । ஆ॒த்மா த்⁴ரு॒வா । அன்னக்³ம்॑ ஸ॒மாம்ர்ஜ॑னானி । மு॒க॒²தோ வை ப்ரா॒ணோ॑பா॒னோ பூ॒⁴த்வா ।
ஆ॒த்மான॒மன்னம்॑ ப்ர॒விஶ்ய॑ । பா॒³ஹ்ய॒தஸ்த॒னுவக்³ம்॑ ஶுப⁴யதி । தஸ்மா᳚-஥²்ஸ்ரு॒வமே॒வாக்³ரே॒ ஸம்மா᳚ர்​ஷ்டி ॥ மு॒க॒²தோ ஹி ப்ரா॒ணோ॑பா॒னோ பூ॒⁴த்வா ।
ஆ॒த்மான॒மன்ன॑-மாவி॒ஶதி॑ । தௌ ப்ரா॑ணாபா॒னௌ ।
அவ்ய॑ர்து⁴க: ப்ராணாபா॒னாப்⁴யாம்᳚ ப⁴வதி । ய ஏ॒வம் வேத॑³ ॥ 5 ॥
(ஜு॒ஹு--ர் ம்ரு॑ஜ்யா-த்³- ப⁴வ॒தீதி॑ - ப்ர॒த்யஞ்ச்ய॒த⁴ஸ்தா᳚ன் - மார்​ஷ்டி॒ பஞ்ச॑ ச) (அ. 1)

3.3.2 ஆனுவாகம் 2 - ஸம்மார்ஜனானாமக்³னௌ ப்ரஹரணம்
தி॒³வ-ஶ்ஶில்ப॒மவ॑ததம் । ப்ரு॒தி॒²வ்யா: க॒குபி॑⁴ ஶ்ரி॒தம் ।
தேன॑ வ॒யக்³ம் ஸ॒ஹஸ்ர॑வல்​ஶேன ।
ஸ॒பத்னம்॑ நாஶயாமஸி॒ ஸ்வாஹேதி॑ ஸ்ருக்²ஸ॒மாம்ர்ஜ॑னான்ய॒க்³னௌ ப்ரஹ॑ரதி ।
ஆபோ॒ வை த॒³ர்பா⁴: । ரூ॒பமே॒வைஷா॑மே॒த-ன்ம॑ஹி॒மானம்॒ வ்யாச॑ஷ்டே ॥ அ॒னு॒ஷ்டுப॒⁴ர்சா । ஆனு॑ஷ்டுப:⁴ ப்ர॒ஜாப॑தி: । ப்ரா॒ஜா॒ப॒த்யோ வே॒த:³ ।
வே॒த³ஸ்யாக்³ரக்³க்॑³ ஸ்ருக்²ஸ॒மாம்ர்ஜ॑னானி ॥ 6 ॥

ஸ்வேனை॒வைனா॑னி॒ ச²ந்த॑³ஸா । ஸ்வயா॑ தே॒³வத॑யா॒ ஸம॑ர்த⁴யதி । அதோ॒² ருக்³வாவ யோஷா᳚ । த॒³ர்போ⁴
வ்ருஷா᳚ । தன்மி॑து॒²னம் । மி॒து॒²னமே॒வாஸ்ய॒ தத்³-ய॒ஜ்ஞே க॑ரோதி ப்ர॒ஜன॑னாய । ப்ரஜா॑யதே ப்ர॒ஜயா॑ ப॒ஶுபி॒⁴-ர்யஜ॑மான: ॥ தான்யேகே॒ வ்ருதை॒²வாபா᳚ஸ்யந்தி ।
தத்ததா॒² ந கா᳚ர்யம் । ஆர॑ப்³த⁴ஸ்ய ய॒ஜ்ஞிய॑ஸ்ய॒ கர்ம॑ண॒-ஸ்ஸ வி॑தோ॒³ஹ: ॥ 7 ॥

யத்³யே॑னானி ப॒ஶவோ॑பி॒⁴திஷ்டே॑²யு: ।
ந த-த்ப॒ஶுப்⁴ய:॒ கம் । அ॒த்³பி⁴ர்மா᳚-ர்ஜயி॒த்வோத்க॒ரே ந்ய॑ஸ்யேத் ।
யத்³வை ய॒ஜ்ஞிய॑ஸ்ய॒ கர்ம॑ணோ॒ன்யத்ராஹு॑தீப்⁴ய-ஸ்ஸ॒ந்திஷ்ட॑²தே । உ॒த்க॒ரோ வாவ தஸ்ய॑ ப்ரதி॒ஷ்டா² । ஏ॒தாக்³ம் ஹி தஸ்மை᳚ ப்ரதி॒ஷ்டா²ம் தே॒³வா-ஸ்ஸ॒மப॑⁴ரன்ன் ।
யத॒³த்³பி⁴ர்மா॒ர்ஜய॑தி । தேன॑ ஶா॒ந்தம் । யது॑³த்க॒ரே ந்ய॒ஸ்யதி॑ । ப்ர॒தி॒ஷ்டா²மே॒வைனா॑னி॒ தத்³-க॑³மயதி ॥ 8 ॥

ப்ரதி॑திஷ்ட²தி ப்ர॒ஜயா॑ ப॒ஶுபி॒⁴ர்யஜ॑மான: ॥
அதோ᳚² ஸ்த॒ம்ப³ஸ்ய॒ வா ஏ॒தத்³-ரூ॒பம் । ய-஥²்ஸ்ரு॑க்²ஸ॒மாம்ர்ஜ॑னானி । ஸ்த॒ம்ப॒³ஶோ வா ஓஷ॑த⁴ய: ।
தாஸாம்᳚ ஜரத்க॒க்ஷே ப॒ஶவோ॒ ந ர॑மந்தே । அப்ரி॑யோ॒ ஹ்யே॑ஷா-ஞ்ஜரத்க॒க்ஷ: । யாவ॑த³ப்ரியோ ஹ॒ வை ஜ॑ரத்க॒க்ஷ: ப॑ஶூ॒னாம் । தாவ॑த³ப்ரிய: பஶூ॒னாம் ப॑⁴வதி । யஸ்யை॒தான்ய॒ன்யத்ரா॒க்³னே-ர்த³த॑⁴தி ।
ந॒வ॒தா³வ்யா॑ஸு॒ வா ஓஷ॑தீ⁴ஷு ப॒ஶவோ॑ ரமந்தே ॥ 9 ॥

ந॒வ॒தா॒³வோ ஹ்யே॑ஷா-ம்ப்ரி॒ய: । யாவ॑த்ப்ரியோ ஹ॒ வை ந॑வதா॒³வ: ப॑ஶூ॒னாம் । தாவ॑த்ப்ரிய: பஶூ॒னாம் ப॑⁴வதி । யஸ்யை॒தான்ய॒க்³னௌ ப்ர॒ஹர॑ந்தி । தஸ்மா॑தே॒³தான்ய॒க்³னாவே॒வ ப்ரஹ॑ரேத் । ய॒த॒ரஸ்மின்᳚த்²-ஸம்ம்ரு॒ஜ்யாத் ।
ப॒ஶூ॒னாம் த்⁴ருத்யை᳚ ॥ யோ பூ॒⁴தானா॒மதி॑⁴பதி: । ரு॒த்³ரஸ்த॑ந்திச॒ரோ வ்ருஷா᳚ । ப॒ஶூன॒ஸ்மாகம்॒ மா ஹிக்³ம்॑ஸீ: । ஏ॒தத॑³ஸ்து ஹு॒த-ந்தவ॒ ஸ்வாஹேத்ய॑க்³னி ஸ॒மாம்ர்ஜ॑னான்ய॒க்³னௌ ப்ரஹ॑ரதி । ஏ॒ஷா வா ஏ॒தேஷாம்॒ யோனி:॑ । ஏ॒ஷா ப்ர॑தி॒ஷ்டா² । ஸ்வாமே॒வைனா॑னி॒ யோனி᳚ம் ।
ஸ்வா-ம்ப்ர॑தி॒ஷ்டா²ம் க॑³மயதி । ப்ரதி॑திஷ்ட²தி ப்ர॒ஜயா॑ ப॒ஶுபி॒⁴ர்யஜ॑மான: ॥ 1௦ ॥
(வே॒த³ஸ்யாக்³ரக்³க்॑³ ஸ்ருக்²ஸ॒மாம்ர்ஜ॑னானி - விதோ॒³ஹோ - க॑³மயதி - ப॒ஶவோ॑ ரமந்தே - ஹிக்³ம்ஸீ॒-ஷ்ஷட்ச॑) (அ. 2)

அனுவாகம் 3 - பத்னீஸம்னஹனம்
அய॑ஜ்ஞோ॒ வா ஏ॒ஷ: । யோ॑ப॒த்னீக:॑ । ந ப்ர॒ஜா: ப்ரஜா॑யேரன்ன் । பத்ன்யன்வா᳚ஸ்தே । ய॒ஜ்ஞமே॒வாக:॑ । ப்ர॒ஜானாம்᳚ ப்ர॒ஜன॑னாய । ய-த்திஷ்ட॑²ந்தீ ஸ॒னம்ஹ்யே॑த ।
ப்ரி॒ய-ஞ்ஜ்ஞா॒திக்³ம் ரு॑ந்த்⁴யாத் । ஆஸீ॑னா॒ ஸம்ன॑ஹ்யதே ।
ஆஸீ॑னா॒ ஹ்யே॑ஷா வீ॒ர்யம்॑ க॒ரோதி॑ ॥ 11 ॥

ய-த்ப॒ஶ்சாத்-ப்ராச்ய॒ன்வாஸீ॑த । அ॒னயா॑ ஸ॒மத³ம்॑ த³தீ⁴த ।
தே॒³வானாம்॒ பத்னி॑யா ஸ॒மத³ம்॑ த³தீ⁴த । தே³ஶா᳚த்³-த³க்ஷிண॒த உதீ॒³ச்யன்வா᳚ஸ்தே । ஆ॒த்மனோ॑ கோ³பீ॒தா²ய॑ ॥ ஆ॒ஶாஸா॑னா ஸௌமன॒ஸமித்யா॑ஹ । மேத்³த்⁴யா॑மே॒வைனாம்॒ கேவ॑லீ-ங்க்ரு॒த்வா । ஆ॒ஶிஷா॒ ஸம॑ர்த⁴யதி ।
அ॒க்³னேரனு॑வ்ரதா பூ॒⁴த்வா ஸம்ன॑ஹ்யே ஸுக்ரு॒தாய॒ கமித்யா॑ஹ । ஏ॒தத்³வை பத்னி॑யை வ்ரதோப॒னய॑னம் ॥ 12 ॥

தேனை॒வைனாம்᳚ வ்ர॒தமுப॑னயதி । தஸ்மா॑தா³ஹு: ।
யஶ்சை॒வம் வேத॒³ யஶ்ச॒ன । யோக்த்ர॑மே॒வ யு॑தே । யம॒ன்வாஸ்தே᳚ । தஸ்யா॒முஷ்மி॑-ன்ம்லோ॒கே ப॑⁴வ॒தீதி॒ யோக்த்ரே॑ண । ய-த்³யோக்த்ர᳚ம் । ஸ யோக:॑³ । யதா³ஸ்தே᳚ । ஸ க்ஷேம:॑ ॥ 13 ॥

யோ॒க॒³க்ஷே॒மஸ்ய॒ க்ல்ருப்த்யை᳚ ॥ யு॒க்த-ங்க்ரி॑யாதா ஆ॒ஶீ: காமே॑ யுஜ்யாதா॒ இதி॑ । ஆ॒ஶிஷ॒-ஸ்ஸம்ரு॑த்³த்⁴யை । க்³ர॒ந்தி²ம் க்³ர॑த்²னாதி । ஆ॒ஶிஷ॑ ஏ॒வாஸ்யாம்॒ பரி॑க்³ருஹ்ணாதி ।
புமா॒ன்॒. வை க்³ர॒ந்தி²: । ஸ்த்ரீ பத்னீ᳚ । த-ன்மி॑து॒²னம் ।
மி॒து॒²னமே॒வாஸ்ய॒ தத்³-ய॒ஜ்ஞே க॑ரோதி ப்ர॒ஜன॑னாய ।
ப்ரஜா॑யதே ப்ர॒ஜயா॑ ப॒ஶுபி॒⁴-ர்யஜ॑மான: ॥ 14 ॥

அதோ॑² அ॒ர்தோ⁴ வா ஏ॒ஷ ஆ॒த்மன:॑ । ய-த்பத்னீ᳚ ।
ய॒ஜ்ஞஸ்ய॒ த்⁴ருத்யா॒ அஶி॑தி²லம்பா⁴வாய ॥
ஸு॒ப்ர॒ஜஸ॑ஸ்த்வா வ॒யக்³ம் ஸு॒பத்னீ॒ருப॑ஸேதி॒³மேத்யா॑ஹ ।
ய॒ஜ்ஞமே॒வ த-ன்மி॑து॒²னீ க॑ரோதி । ஊ॒னேதி॑ரிக்தம் தீ⁴யாதா॒ இதி॒ ப்ரஜா᳚த்யை ॥ ம॒ஹீ॒னா-ம்பயோ॒ஸ்யோஷ॑தீ⁴னா॒க்³ம்॒ ரஸ॒ இத்யா॑ஹ । ரூ॒பமே॒வாஸ்யை॒-தன்ம॑ஹி॒மானம்॒ வ்யாச॑ஷ்டே । தஸ்ய॒ தேக்ஷீ॑யமாணஸ்ய॒ நிர்வ॑பாமி தே³வய॒ஜ்யாயா॒ இத்யா॑ஹ । ஆ॒ஶிஷ॑மே॒வைதாமாஶா᳚ஸ்தே ॥ 15 ॥
(க॒ரோதி॑ - வ்ரதோப॒னய॑னம்॒ - க்ஷேமோ॒ - யஜ॑மான: - ஶாஸ்தே) (அ. 3)

அனுவாகம் 4 - ஆஜ்யோத்பவனம்
க்⁴ரு॒த-ஞ்ச॒ வை மது॑⁴ ச ப்ர॒ஜாப॑திராஸீத் । யதோ॒ மத்³த்⁴வா॑ஸீத் । தத:॑ ப்ர॒ஜா அ॑ஸ்ருஜத ।
தஸ்மா॒-ன்மது॑⁴ஷி ப்ர॒ஜன॑னமிவாஸ்தி ।
தஸ்மா॒-ன்மது॑⁴ஷா॒ ந ப்ரச॑ரந்தி । யா॒தயா॑ம॒ ஹி । ஆஜ்யே॑ன॒ ப்ரச॑ரந்தி । ய॒ஜ்ஞோ வா ஆஜ்ய᳚ம் । ய॒ஜ்ஞேனை॒வ ய॒ஜ்ஞ-ம்ப்ரச॑ர॒ந்த்யயா॑தயாமத்வாய ।
பத்ன்யவே᳚க்ஷதே ॥ 16 ॥

மி॒து॒²ன॒த்வாய॒ ப்ரஜா᳚த்யை । யத்³வை பத்னீ॑ ய॒ஜ்ஞஸ்ய॑ க॒ரோதி॑ । மி॒து॒²ன-ந்தத் । அதோ॒² பத்னி॑யா ஏ॒வைஷ ய॒ஜ்ஞஸ்யா᳚ன்வார॒ம்போ⁴ன॑வச்சி²த்த்யை ॥
அ॒மே॒த்³த்⁴யம் வா ஏ॒த-த்க॑ரோதி । ய-த்பத்ன்ய॒வேக்ஷ॑தே ।
கா³ர்​ஹ॑ப॒த்யே தி॑⁴ஶ்ரயதி மேத்³த்⁴ய॒த்வாய॑ । ஆ॒ஹ॒வ॒னீய॑-ம॒ப்⁴யுத்³த்³ர॑வதி । ய॒ஜ்ஞஸ்ய॒ ஸந்த॑த்யை । தேஜோ॑ஸி॒ தேஜோனு॒ ப்ரேஹீத்யா॑ஹ ॥ 17 ॥

தேஜோ॒ வா அ॒க்³னி: । தேஜ॒ ஆஜ்ய᳚ம் । தேஜ॑ஸை॒வ தேஜ॒-ஸ்ஸம॑ர்த⁴யதி । அ॒க்³னிஸ்தே॒ தேஜோ॒ மா வினை॒தி³த்யா॒ஹாஹிக்³ம்॑ஸாயை । ஸ்ப்²யஸ்ய॒ வர்த்மன்᳚த்²
ஸாத³யதி । ய॒ஜ்ஞஸ்ய॒ ஸந்த॑த்யை । அ॒க்³னேர்ஜி॒ஹ்வாஸி॑ ஸு॒பூ⁴ர்தே॒³வானா॒மித்யா॑ஹ । ய॒தா॒² ய॒ஜுரே॒வைதத் । தா⁴ம்னே॑தா⁴ம்னே தே॒³வேப்⁴யோ॒ யஜு॑ஷேயஜுஷே ப॒⁴வேத்யா॑ஹ । ஆ॒ஶிஷ॑மே॒வைதாமாஶா᳚ஸ்தே ॥ 18 ॥

தத்³வா அத:॑ ப॒வித்ரா᳚ப்⁴யாமே॒வோ-த்பு॑னாதி । யஜ॑மானோ॒ வா ஆஜ்ய᳚ம் । ப்ரா॒ணா॒பா॒னௌ ப॒வித்ரே᳚ । யஜ॑மான ஏ॒வ ப்ரா॑ணாபா॒னௌ த॑³தா⁴தி । பு॒ன॒ரா॒ஹார᳚ம் ।
ஏ॒வமி॑வ॒ ஹி ப்ரா॑ணாபா॒னௌ ஸ॒சம்ர॑த: ।
ஶு॒க்ரம॑ஸி॒ ஜ்யோதி॑ரஸி॒ தேஜோ॒ஸீத்யா॑ஹ ।
ரூ॒பமே॒வாஸ்யை॒ த-ன்ம॑ஹி॒மானம்॒ வ்யாச॑ஷ்டே । த்ரிர்யஜு॑ஷா । த்ரய॑ இ॒மே லோ॒கா: ॥ 19 ॥
ஏ॒ஷாம் லோ॒கானா॒மாப்த்யை᳚ । த்ரி: । த்ர்யா॑வ்ரு॒த்³தி⁴ ய॒ஜ்ஞ: ।
அதோ॑² மேத்³த்⁴ய॒த்வாய॑ । அதா²ஜ்ய॑வதீப்⁴யாம॒ப: । ரூ॒பமே॒வாஸா॑மே॒தத்³-வர்ணம்॑ த³தா⁴தி ।
அபி॒ வா உ॒தாஹு:॑ । யதா॑² ஹ॒ வை யோஷா॑ ஸு॒வர்ண॒க்³ம்॒ ஹிர॑ண்ய-ம்பேஶ॒லம் பி³ப்⁴ர॑தீ ரூ॒பாண்யாஸ்தே᳚ ।
ஏ॒வமே॒தா ஏ॒தர்​ஹீதி॑ । ஆபோ॒ வை ஸர்வா॑ தே॒³வதா:᳚ ॥ 2௦ ॥

ஏ॒ஷா ஹி விஶ்வே॑ஷாம் தே॒³வானாம்᳚ த॒னூ: । யதா³ஜ்ய᳚ம் ॥ தத்ரோ॒ப⁴யோ᳚ர்மீமா॒க்³ம்॒ஸா । ஜா॒மி ஸ்யாத் । யத்³-யஜு॒ஷாஜ்யம்॒ யஜு॑ஷா॒ப உ॑த்புனீ॒யாத் ।
ச²ந்த॑³ஸா॒ப உத்பு॑னா॒த்யஜா॑மித்வாய । அதோ॑² மிது²ன॒த்வாய॑ । ஸா॒வி॒த்ரி॒யர்சா । ஸ॒வி॒த்ருப்ர॑ஸூத-ம்மே॒ கர்மா॑ஸ॒தி³தி॑ । ஸ॒வி॒த்ருப்ர॑ஸூதமே॒வாஸ்ய॒ கர்ம॑ ப⁴வதி । ப॒ச்சோ² கா॑³யத்ரி॒யா த்ரி॑-ஷ்ஷம்ருத்³த॒⁴த்வாய॑ । அ॒த்³பி⁴ரே॒வௌஷ॑தீ॒⁴-ஸ்ஸம்ன॑யதி । ஓஷ॑தீ⁴பி⁴: ப॒ஶூன் । ப॒ஶுபி॒⁴ர்யஜ॑மானம் । ஶு॒க்ர-ந்த்வா॑ ஶு॒க்ராயாம்॒ ஜ்யோதி॑ஸ்த்வா॒ ஜ்யோதி॑ஷ்ய॒ர்சிஸ்த்வா॒ ர்சிஷீத்யா॑ஹ
ஸர்வ॒த்வாய॑ । பர்யா᳚ப்த்யா॒ அன॑ந்தராயாய ॥ 21 ॥
(ஈ॒க்ஷ॒த॒- ஆ॒ஹ॒-ஶா॒ஸ்தே॒-லோ॒கா - தே॒³வதா॑ - ப⁴வதி॒ ஷட்ச॑) (அ. 4)

அனுவாகம் 5 - ஆஜ்யக்³ரஹணம்
தே॒³வா॒ஸு॒ரா-ஸ்ஸம்ய॑த்தா ஆஸன்ன் ।
ஸ ஏ॒தமிந்த்³ர॒ ஆஜ்ய॑ஸ்யாவகா॒ஶ-ம॑பஶ்யத் ।
தேனாவை᳚க்ஷத । ததோ॑ தே॒³வா அப॑⁴வன்ன் । பராஸு॑ரா: ।
ய ஏ॒வம் வி॒த்³வானாஜ்ய॑-ம॒வேக்ஷ॑தே ।
ப⁴வ॑த்யா॒த்மனா᳚ । பரா᳚ஸ்ய॒ ப்⁴ராத்ரு॑வ்யோ ப⁴வதி । ப்³ர॒ஹ்ம॒வா॒தி³னோ॑ வத³ந்தி ।
யதா³ஜ்யே॑னா॒ன்யானி॑ ஹ॒வீக்³க்³​ஷ்ய॑-பி⁴கா॒⁴ரய॑தி ॥ 22 ॥
அத॒² கேனாஜ்ய॒மிதி॑ । ஸ॒த்யேனேதி॑ ப்³ரூயாத் । சக்ஷு॒ர்வை ஸ॒த்யம் । ஸ॒த்யேனை॒வைன॑த॒³-பி⁴கா॑⁴ரயதி । ஈ॒ஶ்வ॒ரோ வா ஏ॒ஷோ᳚ந்தோ⁴ ப⁴வி॑தோ: । யஶ்சக்ஷு॒ஷா ஜ்ய॑ம॒வேக்ஷ॑தே । நி॒மீல்யாவே᳚க்ஷேத । தா॒³தா⁴ரா॒த்மஞ்சக்ஷு:॑ । அ॒ப்⁴யாஜ்யம்॑ கா⁴ரயதி ॥ ஆஜ்யம்॑ க்³ருஹ்ணாதி ॥ 23 ॥

ச²ந்தா³க்³ம்॑ஸி॒ வா ஆஜ்ய᳚ம் । ச²ந்தா³க்³க்॑³ஸ்யே॒வ ப்ரீ॑ணாதி । ச॒துர்ஜு॒ஹ்வாம் க்³ரு॑ஹ்ணாதி । சது॑ஷ்பாத:³ ப॒ஶவ:॑ । ப॒ஶூனே॒வாவ॑ருந்தே⁴ । அ॒ஷ்டாவு॑ப॒ப்⁴ருதி॑ ।
அ॒ஷ்டாக்ஷ॑ரா கா³ய॒த்ரீ । கா॒³ய॒த்ர: ப்ரா॒ண: । ப்ரா॒ணமே॒வ ப॒ஶுஷு॑ த³தா⁴தி ।
ச॒துர்த்⁴ரு॒வாயா᳚ம் ॥ 24 ॥

சது॑ஷ்பாத:³ ப॒ஶவ:॑ । ப॒ஶுஷ்வே॒-வோபரி॑ஷ்டா॒த்-ப்ரதி॑திஷ்ட²தி । ய॒ஜ॒மா॒ன॒தே॒³வ॒த்யா॑ வை ஜு॒ஹூ: । ப்⁴ரா॒த்ரு॒வ்ய॒தே॒³வ॒த்யோ॑ப॒ப்⁴ருத் ।
ச॒துர்ஜு॒ஹ்வாம் க்³ரு॒ஹ்ணன்பூ⁴யோ॑ க்³ருஹ்ணீயாத் । அ॒ஷ்டாவு॑ப॒ப்⁴ருதி॑ க்³ரு॒ஹ்ணன் கனீ॑ய: ।
யஜ॑மானாயை॒வ ப்⁴ராத்ரு॑வ்ய॒முப॑ஸ்தி-ங்கரோதி ॥
கௌ³ர்வை ஸ்ருச:॑ । ச॒துர்ஜு॒ஹ்வாம் க்³ரு॑ஹ்ணாதி । தஸ்மா॒ச்சது॑ஷ்பதீ³ ॥ 25 ॥

அ॒ஷ்டாவு॑ப॒ப்⁴ருதி॑ । தஸ்மா॑த॒³ஷ்டாஶ॑பா² । ச॒துர்த்⁴ரு॒வாயா᳚ம் । தஸ்மா॒ச்சது॑-ஸ்ஸ்தனா ।
கா³மே॒வ த-஥²்ஸக்³க்³​ஸ்க॑ரோதி । ஸாஸ்மை॒ ஸக்³க்³​ஸ்க்ரு॒தேஷ॒மூர்ஜம்॑ து³ஹே ।
யஜ்ஜு॒ஹ்வாம் க்³ரு॒ஹ்ணாதி॑ । ப்ர॒யா॒ஜேப்⁴ய॒ஸ்தத் ।
யது॑³ப॒ப்⁴ருதி॑ । ப்ர॒யா॒ஜா॒னூ॒யா॒ஜேப்⁴ய॒ஸ்தத் । ஸர்வ॑ஸ்மை॒ வா ஏ॒தத்³-ய॒ஜ்ஞாய॑ க்³ருஹ்யதே ।
யத்³த்⁴ரு॒வாயா॒மாஜ்ய᳚ம் ॥ 26 ॥
(அ॒பி॒⁴கா॒⁴ரய॑தி - க்³ருஹ்ணாதி - த்⁴ரு॒வாயாம்॒ - சது॑ஷ்பதீ॒³ - ப்ரயாஜானூயா॒ஜேப்⁴ய॒ஸ்த-த்³த்³வே॒ ச॑) (அ. 5)

அனுவாகம் 6 - ஸ்த்ருக்²ஸாத³னம்
ஆபோ॑ தே³வீரக்³ரேபுவோ அக்³ரேகு³வ॒ இத்யா॑ஹ । ரூ॒பமே॒வாஸா॑மே॒த-ன்ம॑ஹி॒மானம்॒ வ்யாச॑ஷ்டே ।
அக்³ர॑ இ॒மம் ய॒ஜ்ஞ-ன்ன॑ய॒தாக்³ரே॑ ய॒ஜ்ஞப॑தி॒மித்யா॑ஹ । அக்³ர॑ ஏ॒வ ய॒ஜ்ஞ-ன்ன॑யந்தி । அக்³ரே॑ ய॒ஜ்ஞப॑திம் ।
யு॒ஷ்மானிந்த்³ரோ॑வ்ருணீத வ்ருத்ர॒தூர்யே॑ யூ॒யமிந்த்³ர॑மவ்ருணீத்³த்⁴வம் வ்ருத்ர॒தூர்ய॒ இத்யா॑ஹ ।
வ்ரு॒த்ரக்³ம் ஹ॑ ஹனி॒ஷ்யன்னிந்த்³ர॒ ஆபோ॑ வவ்ரே । ஆபோ॒ ஹேந்த்³ரம்॑ வவ்ரிரே । ஸ॒ஜ்ஞாம்-மே॒வாஸா॑-மே॒தத்²-ஸாமா॑னம்॒ வ்யாச॑ஷ்டே । ப்ரோக்ஷி॑தா॒-ஸ்ஸ்தே²த்யா॑ஹ ॥ 27 ॥

தேனாப:॒ ப்ரோக்ஷி॑தா: ॥ அ॒க்³னி-ர்தே॒³வேப்⁴யோ॒ நிலா॑யத । க்ருஷ்ணோ॑ ரூ॒ப-ங்க்ரு॒த்வா । ஸ வன॒ஸ்பதீ॒-ன்ப்ராவி॑ஶத் । க்ருஷ்ணோ᳚ஸ்யாக²ரே॒ஷ்டோ᳚²க்³னயே᳚ த்வா॒ ஸ்வாஹேத்யா॑ஹ ।
அ॒க்³னய॑ ஏ॒வைனம்॒ ஜுஷ்டம்॑ கரோதி । அதோ॑² அ॒க்³னேரே॒வ மேத॒⁴மவ॑ருந்தே⁴ ॥ வேதி॑³ரஸி ப॒³ர்॒ஹிஷே᳚ த்வா॒ ஸ்வாஹேத்யா॑ஹ । ப்ர॒ஜா வை ப॒³ர்॒ஹி: । ப்ரு॒தி॒²வீ வேதி॑³: ॥ 28 ॥

ப்ர॒ஜா ஏ॒வ ப்ரு॑தி॒²வ்யா-ம்ப்ரதி॑ஷ்டா²பயதி ।
ப॒³ர்॒ஹிர॑ஸி ஸ்ரு॒க்³ப்⁴யஸ்த்வா॒ ஸ்வாஹேத்யா॑ஹ ।
ப்ர॒ஜா வை ப॒³ர்॒ஹி: । யஜ॑மான॒-ஸ்ஸ்ருச:॑ । யஜ॑மானமே॒வ ப்ர॒ஜாஸு॒ ப்ரதி॑ஷ்டா²பயதி ॥
தி॒³வே த்வா॒ந்தரி॑க்ஷாய த்வா ப்ருதி॒²வ்யை த்வேதி॑ ப॒³ர்॒ஹிரா॒ஸாத்³ய॒ ப்ரோக்ஷ॑தி । ஏ॒ப்⁴ய ஏ॒வைனம்॑ லோ॒கேப்⁴ய:॒ ப்ரோக்ஷ॑தி । அத॒² தத॑-ஸ்ஸ॒ஹ ஸ்ரு॒சா பு॒ரஸ்தா᳚-த்ப்ர॒த்யஞ்சம்॑ க்³ர॒ந்தி²-ம்ப்ரத்யு॑க்ஷதி ।
ப்ர॒ஜா வை ப॒³ர்॒ஹி: । யதா॒² ஸூத்யை॑ கா॒ல ஆப:॑
பு॒ரஸ்தா॒த்³-யந்தி॑ ॥ 29 ॥

தா॒த்³ருகே॒³வ தத் ॥ ஸ்வ॒தா⁴ பி॒த்ருப்⁴ய॒ இத்யா॑ஹ । ஸ்வ॒தா॒⁴கா॒ரோ ஹி பி॑த்ரு॒ணாம் । ஊர்க்³ப॑⁴வ ப³ர்​ஹி॒ஷத்³ப்⁴ய॒ இதி॒ த³க்ஷி॑ணாயை॒ ஶ்ரோணே॒ரோத்த॑ரஸ்யை॒ நின॑யதி॒ ஸந்த॑த்யை ।
மாஸா॒ வை பி॒தரோ॑ ப³ர்​ஹி॒ஷத:॑³ । மாஸா॑னே॒வ ப்ரீ॑ணாதி ।
மாஸா॒ வா ஓஷ॑தீ⁴-ர்வ॒ர்த⁴ய॑ந்தி । மாஸா:᳚ பசந்தி॒ ஸம்ரு॑த்³த்⁴யை । அன॑திஸ்கந்த³ன். ஹ ப॒ர்ஜன்யோ॑ வர்​ஷதி । யத்ரை॒ததே॒³வ-ங்க்ரி॒யதே᳚ ॥ 3௦ ॥

ஊ॒ர்ஜா ப்ரு॑தி॒²வீம் க॑³ச்ச॒²தேத்யா॑ஹ । ப்ரு॒தி॒²வ்யாமே॒வோர்ஜம்॑ த³தா⁴தி ।
தஸ்மா᳚-த்ப்ருதி॒²வ்யா ஊ॒ர்ஜா பு॑⁴ஞ்ஜதே । க்³ர॒ந்தி²ம் விஸ்ரக்³ம்॑ஸயதி । ப்ரஜ॑னயத்யே॒வ தத் । ஊ॒ர்த்⁴வ-ம்ப்ராஞ்ச॒முத்³கூ॑³ட-⁴ம்ப்ர॒த்யஞ்ச॒மாய॑ச்ச²தி ।
தஸ்மா᳚-த்ப்ரா॒சீன॒க்³ம்॒ ரேதோ॑ தீ⁴யதே । ப்ர॒தீசீ:᳚ ப்ர॒ஜா ஜா॑யந்தே ॥ விஷ்ணோ॒-ஸ்ஸ்தூபோ॒ஸீத்யா॑ஹ ।
ய॒ஜ்ஞோ வை விஷ்ணு:॑ ॥ 31 ॥

ய॒ஜ்ஞஸ்ய॒ த்⁴ருத்யை᳚ । பு॒ரஸ்தா᳚-த்ப்ரஸ்த॒ரம் க்³ரு॑ஹ்ணாதி । முக்²ய॑மே॒வைனம்॑ கரோதி । இய॑ந்தம் க்³ருஹ்ணாதி । ப்ர॒ஜாப॑தினா யஜ்ஞமு॒கே²ன॒ ஸம்மி॑தம் ।
இய॑ந்தம் க்³ருஹ்ணாதி । ய॒ஜ்ஞ॒ப॒ருஷா॒ ஸம்மி॑தம் ।
இய॑ந்தம் க்³ருஹ்ணாதி । ஏ॒தாவ॒த்³வை புரு॑ஷே வீ॒ர்ய᳚ம் ।
வீ॒ர்ய॑ ஸம்மிதம் ॥ 32 ॥

அப॑ரிமிதம் க்³ருஹ்ணாதி । அப॑ரிமித॒ஸ்யாவ॑ருத்³த்⁴யை ।
தஸ்மி॑-ன்ப॒வித்ரே॒ அபி॑ஸ்ருஜதி । யஜ॑மானோ॒ வை ப்ர॑ஸ்த॒ர: ।
ப்ரா॒ணா॒பா॒னௌ ப॒வித்ரே᳚ । யஜ॑மான ஏ॒வ ப்ரா॑ணாபா॒னௌ த॑³தா⁴தி ॥ ஊர்ணா᳚ம்ரத³ஸ-ந்த்வா ஸ்த்ருணா॒மீத்யா॑ஹ । ய॒தா॒²ய॒ஜுரே॒வை தத் । ஸ்வா॒ஸ॒ஸ்த²ம் தே॒³வேப்⁴ய॒ இத்யா॑ஹ । தே॒³வேப்⁴ய॑ ஏ॒வைன॑-஥²்ஸ்வாஸ॒ஸ்த-²ங்க॑ரோதி ॥ 33 ॥

ப॒³ர்॒॒ஹி-ஸ்ஸ்த்ரு॑ணாதி । ப்ர॒ஜா வை ப॒³ர்॒ஹி: । ப்ரு॒தி॒²வீ வேதி॑³: । ப்ர॒ஜா ஏ॒வ ப்ரு॑தி॒²வ்யா-ம்ப்ரதி॑ஷ்டா²பயதி ॥ அன॑தித்³ருஶ்னக்³க்³​ ஸ்த்ருணாதி । ப்ர॒ஜயை॒வைனம்॑ ப॒ஶுபி॒⁴ரன॑தித்³ருஶ்ன-ங்கரோதி । தா॒⁴ரய॑-ன்ப்ரஸ்த॒ர-ம்ப॑ரி॒தீ⁴-ன்பரி॑ த³தா⁴தி । யஜ॑மானோ॒ வை ப்ர॑ஸ்த॒ர: ।
யஜ॑மான ஏ॒வ த-஥²்ஸ்வ॒ய-ம்ப॑ரி॒தீ⁴-ன்பரி॑ த³தா⁴தி ॥
க॒³ந்த॒⁴ர்வோ॑ஸி வி॒ஶ்வாவ॑ஸு॒ரித்யா॑ஹ ॥ 34 ॥

விஶ்வ॑மே॒வாயு॒-ர்யஜ॑மானே த³தா⁴தி । இந்த்³ர॑ஸ்ய பா॒³ஹுர॑ஸி॒ த³க்ஷி॑ண॒ இத்யா॑ஹ । இ॒ந்த்³ரி॒யமே॒வ யஜ॑மானே த³தா⁴தி । மி॒த்ராவரு॑ணௌ த்வோத்தர॒த: பரி॑த⁴த்தா॒மித்யா॑ஹ ।
ப்ரா॒ணா॒பா॒னௌ மி॒த்ராவரு॑ணௌ । ப்ரா॒ணா॒பா॒னா-வே॒வாஸ்மி॑ன் த³தா⁴தி । ஸூர்ய॑ஸ்த்வா பு॒ரஸ்தா᳚-த்பா॒த்வித்யா॑ஹ । ரக்ஷ॑ஸா॒-மப॑ஹத்யை । கஸ்யா᳚ஶ்சித॒³பி⁴ஶ॑ஸ்த்யா॒ இத்யா॑ஹ । அப॑ரிமிதாதே॒³வைனம்॑ பாதி ॥ 35 ॥

வீ॒திஹோ᳚த்ர-ந்த்வா கவ॒ இத்யா॑ஹ । அ॒க்³னிமே॒வ ஹோ॒த்ரேண॒ ஸம॑ர்த⁴யதி । த்³யு॒மந்த॒க்³ம்॒ ஸமி॑தீ⁴ம॒ஹீத்யா॑ஹ॒ ஸமி॑த்³த்⁴யை । அக்³னே॑ ப்³ரு॒ஹந்த॑மத்³த்⁴வ॒ர இத்யா॑ஹ॒ வ்ருத்³த்⁴யை᳚ । வி॒ஶோ ய॒ந்த்ரே ஸ்த॒² இத்யா॑ஹ । வி॒ஶாம் யத்யை᳚ ।
உ॒தீ॒³சீனா᳚க்³ரே॒ நித॑³தா⁴தி॒ ப்ரதி॑ஷ்டி²த்யை ।
வஸூ॑னாக்³ம் ரு॒த்³ராணா॑-மாதி॒³த்யானா॒க்³ம்॒ ஸத॑³ஸி ஸீ॒தே³த்யா॑ஹ । தே॒³வதா॑னாமே॒வ ஸத॑³னே ப்ரஸ்த॒ரக்³ம் ஸா॑த³யதி ॥ ஜு॒ஹூர॑ஸி க்⁴ரு॒தாசீ॒ நாம்னேத்யா॑ஹ ॥ 36 ॥

அ॒ஸௌ வை ஜு॒ஹூ: । அ॒ந்தரி॑க்ஷமுப॒ப்⁴ருத் । ப்ரு॒தி॒²வீ த்⁴ரு॒வா । தாஸா॑மே॒ததே॒³வ ப்ரி॒ய-ன்னாம॑ । யத்³-க்⁴ரு॒தாசீதி॑ । யத்³-க்⁴ரு॒தாசீத்யாஹ॑ । ப்ரி॒யேணை॒வைனா॒ நாம்னா॑ ஸாத³யதி ॥
ஏ॒தா அ॑ஸத³ந்த்²-ஸுக்ரு॒தஸ்ய॑ லோ॒க இத்யா॑ஹ ।
ஸ॒த்யம் வை ஸு॑க்ரு॒தஸ்ய॑ லோ॒க: ।
ஸ॒த்ய ஏ॒வைனா᳚-ஸ்ஸுக்ரு॒தஸ்ய॑ லோ॒கே ஸா॑த³யதி ।
தா வி॑ஷ்ணோ பா॒ஹீத்யா॑ஹ । ய॒ஜ்ஞோ வை விஷ்ணு:॑ । ய॒ஜ்ஞஸ்ய॒ த்⁴ருத்யை᳚ । பா॒ஹி ய॒ஜ்ஞ-ம்பா॒ஹி ய॒ஜ்ஞப॑தி-ம்பா॒ஹி மாம் ய॑ஜ்ஞ॒னிய॒மித்யா॑ஹ । ய॒ஜ்ஞாய॒ யஜ॑மானாயா॒த்மனே᳚ । தேப்⁴ய॑ ஏ॒வாஶிஷ॒மாஶா॒ஸ்தேனா᳚ர்த்யை ॥ 37 ॥
(ஸ்தே²த்யா॑ஹ - ப்ருதி॒²வீ வேதி॒³--ர் யந்தி॑ - க்ரி॒யதே॒ - விஷ்ணு॑--ர் வீ॒ர்ய॑ஸம்மிதம் - கரோ - த்யாஹ - பாதி॒ - நாம்னேத்யா॑ஹ - லோ॒கே ஸா॑த³யதி॒ ஷட்ச॑) (அ. 6)

அனுவாகம் 7 - ஆகா⁴ர:
அ॒க்³னினா॒ வை ஹோத்ரா᳚ । தே॒³வா அஸு॑ரா-ன॒ப்⁴ய॑ப⁴வன்ன் ।
அ॒க்³னயே॑ ஸமி॒த்³த்⁴யமா॑னா॒யா-னு॑ப்³ரூ॒ஹீத்யா॑ஹ॒ ப்⁴ராத்ரு॑வ்யாபி⁴பூ⁴த்யை । ஏக॑விக்³ம்ஶதி-மித்³த்⁴மதா॒³ரூணி॑ ப⁴வந்தி । ஏ॒க॒வி॒க்³ம்॒ஶோ வை புரு॑ஷ: ।
புரு॑ஷ॒ஸ்யாப்த்யை᳚ ।
பஞ்ச॑த³ஶேத்³த்⁴மதா॒³ரூண்ய॒-ப்⁴யாத॑³தா⁴தி ।
பஞ்ச॑த³ஶ॒ வா அ॑ர்த⁴மா॒ஸஸ்ய॒ ராத்ர॑ய: ।
அ॒ர்த॒⁴மா॒ஸ॒ஶ-ஸ்ஸம்॑வத்²ஸ॒ர ஆ᳚ப்யதே ।
த்ரீன்-ப॑ரி॒தீ⁴ன்-பரி॑-த³தா⁴தி ॥ 38 ॥

ஊ॒ர்த்⁴வே ஸ॒மிதா॒⁴வாத॑³தா⁴தி । அ॒னூ॒யா॒ஜேப்⁴ய॑-ஸ்ஸ॒மித॒⁴மதி॑ஶினஷ்டி । ஷட்த்²ஸ-ம்ப॑த்³யந்தே । ஷட்³வா ரு॒தவ:॑ । ரு॒தூனே॒வ ப்ரீ॑ணாதி । வே॒தே³னோப॑வாஜயதி ।
ப்ரா॒ஜா॒ப॒த்யோ வை வே॒த:³ । ப்ரா॒ஜா॒ப॒த்ய: ப்ரா॒ண: । யஜ॑மான ஆஹவ॒னீய:॑ । யஜ॑மான ஏ॒வ ப்ரா॒ணம் த॑³தா⁴தி ॥ 39 ॥

த்ரிருப॑வாஜயதி । த்ரயோ॒ வை ப்ரா॒ணா: । ப்ரா॒ணானே॒வாஸ்மி॑ன் த³தா⁴தி । வே॒தே³னோ॑ப॒யத்ய॑ ஸ்ரு॒வேண॑ ப்ராஜாப॒த்ய-மா॑கா॒⁴ர-மாகா॑⁴ரயதி । ய॒ஜ்ஞோ வை ப்ர॒ஜாப॑தி: । ய॒ஜ்ஞமே॒வ ப்ர॒ஜாப॑தி-ம்முக॒²த ஆர॑ப⁴தே ।
அதோ᳚² ப்ர॒ஜாப॑தி॒-ஸ்ஸர்வா॑ தே॒³வதா:᳚ । ஸர்வா॑ ஏ॒வ தே॒³வதா:᳚ ப்ரீணாதி ॥ அ॒க்³னிம॑க்³னீ-த்த்ரிஸ்த்ரி॒-ஸ்ஸம்ம்ரு॒ட்³டீ⁴த்யா॑ஹ । த்ர்யா॑வ்ரு॒த்³தி⁴ ய॒ஜ்ஞ: ॥ 4௦ ॥

அதோ॒² ரக்ஷ॑ஸா॒மப॑ஹத்யை । ப॒ரி॒தீ⁴ந்த்²-ஸம்மா᳚ர்​ஷ்டி । பு॒னாத்யே॒வைனான்॑ । த்ரிஸ்த்ரி॒-ஸ்ஸம்மா᳚ர்​ஷ்டி । த்ர்யா॑வ்ரு॒த்³தி⁴ ய॒ஜ்ஞ: । அதோ॑² மேத்³த்⁴ய॒த்வாய॑ । அதோ॑² ஏ॒தே வை தே॑³வாஶ்வா: । தே॒³வா॒ஶ்வானே॒வ த-஥²்ஸம்மா᳚ர்​ஷ்டி ।
ஸு॒வ॒ர்க³ஸ்ய॑ லோ॒கஸ்ய॒ ஸம॑ஷ்ட்யை ।
ஆஸீ॑னோ॒ன்ய-மா॑கா॒⁴ர-மாகா॑⁴ரயதி ॥ 41 ॥
திஷ்ட॑²ன்ன॒ன்யம் । யதா²னோ॑ வா॒ ரத²ம்॑வா யு॒ஞ்ஜ்யாத் ।
ஏ॒வமே॒வ தத॑³த்³த்⁴வ॒ர்யு-ர்ய॒ஜ்ஞம் யு॑னக்தி ।
ஸு॒வ॒ர்க³ஸ்ய॑ லோ॒கஸ்யா॒ப்⁴யூ᳚ட்⁴யை ।
வஹ॑ந்த்யேனம் க்³ரா॒ம்யா: ப॒ஶவ:॑ ।
ய ஏ॒வம் வேத॑³ ॥ பு⁴வ॑னமஸி॒ விப்ர॑த॒²ஸ்வேத்யா॑ஹ । ய॒ஜ்ஞோ வை பு⁴வ॑னம் । ய॒ஜ்ஞ ஏ॒வ யஜ॑மான-ம்ப்ர॒ஜயா॑ ப॒ஶுபி॑⁴: ப்ரத²யதி । அக்³னே॒ யஷ்ட॑ரி॒த-³ன்னம॒ இத்யா॑ஹ ॥ 42 ॥

அ॒க்³னிர்வை தே॒³வானாம்॒ யஷ்டா᳚ । ய ஏ॒வ தே॒³வானாம்॒ யஷ்டா᳚ । தஸ்மா॑ ஏ॒வ நம॑ஸ்கரோதி ॥
ஜுஹ்வேஹ்ய॒க்³னிஸ்த்வா᳚ ஹ்வயதி தே³வய॒ஜ்யாயா॒ உப॑ப்⁴ரு॒தே³ஹி॑ தே॒³வஸ்த்வா॑ ஸவி॒தா ஹ்வ॑யதி தே³வய॒ஜ்யாயா॒ இத்யா॑ஹ ।
ஆ॒க்³னே॒யீ வை ஜு॒ஹூ: । ஸா॒வி॒த்ர்யு॑ப॒ப்⁴ருத் । தாப்⁴யா॑மே॒வைனே॒ ப்ரஸூ॑த॒ ஆத॑³த்தே ॥ அக்³னா॑விஷ்ணூ॒ மா வா॒மவ॑க்ரமிஷ॒மித்யா॑ஹ ।
அ॒க்³னி: பு॒ரஸ்தா᳚த் । விஷ்ணு॑ர்ய॒ஜ்ஞ: ப॒ஶ்சாத் ॥ 43 ॥

தாப்⁴யா॑மே॒வ ப்ர॑தி॒ ப்ரோச்யா॒த்யாக்ரா॑மதி ।
விஜி॑ஹாதா²ம்॒ மா மா॒ ஸந்தா᳚ப்த॒மித்யா॒ஹாஹிக்³ம்॑ஸாயை ।
லோ॒க-ம்மே॑ லோகக்ருதௌ க்ருணுத॒மித்யா॑ஹ ।
ஆ॒ஶிஷ॑மே॒வைதாமாஶா᳚ஸ்தே ॥ விஷ்ணோ॒-ஸ்ஸ்தா²ன॑ம॒ஸீத்யா॑ஹ । ய॒ஜ்ஞோ வை விஷ்ணு:॑ । ஏ॒தத் க²லு॒ வை தே॒³வானா॒-மப॑ராஜித-மா॒யத॑னம் । யத்³-ய॒ஜ்ஞ: ।
தே॒³வானா॑மே॒வாப॑ராஜித ஆ॒யத॑னே திஷ்ட²தி ॥
இ॒த இந்த்³ரோ॑ அக்ருணோத்³-வீ॒ர்யா॑ணீத்யா॑ஹ ॥ 44 ॥

இ॒ந்த்³ரி॒யமே॒வ யஜ॑மானே த³தா⁴தி ।
ஸ॒மா॒ரப்⁴யோ॒ர்த்⁴வோ அ॑த்³த்⁴வ॒ரோ தி॑³வி॒ஸ்ப்ருஶ॒மித்யா॑ஹ॒ வ்ருத்³த்⁴யை᳚ । ஆ॒கா॒⁴ர-மா॑கா॒⁴ர்யமா॑ண॒மனு॑ ஸமா॒ரப்⁴ய॑ । ஏ॒தஸ்மி॑ன் கா॒லே தே॒³வா-ஸ்ஸு॑வ॒ர்க³ம் லோ॒கமா॑யன்ன் । ஸா॒க்ஷாதே॒³வ யஜ॑மான-ஸ்ஸுவ॒ர்க³ம் லோ॒கமே॑தி । அதோ॒² ஸம்ரு॑த்³தே⁴னை॒வ ய॒ஜ்ஞேன॒ யஜ॑மான-ஸ்ஸுவ॒ர்க³ம் லோ॒கமே॑தி ।
அஹ்ரு॑தோ ய॒ஜ்ஞோ ய॒ஜ்ஞப॑தே॒ரித்யா॒ஹானா᳚ர்த்யை ।
இந்த்³ரா॑வா॒ந்த்²-ஸ்வாஹேத்யா॑ஹ । இ॒ந்த்³ரி॒யமே॒வ யஜ॑மானே த³தா⁴தி । ப்³ரு॒ஹத்³பா⁴ இத்யா॑ஹ ॥ 45 ॥

ஸு॒வ॒ர்கோ³ வை லோ॒கோ ப்³ரு॒ஹத்³பா⁴: । ஸு॒வ॒ர்க³ஸ்ய॑ லோ॒கஸ்ய॒ ஸம॑ஷ்ட்யை ॥ ய॒ஜ॒மா॒ன॒தே॒³வ॒த்யா॑ வை ஜு॒ஹூ: । ப்⁴ரா॒த்ரு॒வ்ய॒தே॒³வ॒த்யோ॑ப॒ப்⁴ருத் । ப்ரா॒ண ஆ॑கா॒⁴ர: ।
ய-஥²்ஸக்³க்॑³ஸ்ப॒ர்​ஶயே᳚த் । ப்⁴ராத்ரு॑வ்யேஸ்ய ப்ரா॒ணம் த॑³த்³த்⁴யாத் । அஸக்³க்॑³ஸ்பர்​ஶயன்ன॒த்யாக்ரா॑மதி । யஜ॑மான ஏ॒வ ப்ரா॒ணம் த॑³தா⁴தி । பா॒ஹிமா᳚க்³னே॒ து³ஶ்ச॑ரிதா॒தா³ மா॒ ஸுச॑ரிதே ப॒⁴ஜேத்யா॑ஹ ॥ 46 ॥

அ॒க்³னிர்வாவ ப॒வித்ர᳚ம் । வ்ரு॒ஜி॒னமன்ரு॑தம்॒ து³ஶ்ச॑ரிதம் ।
ரு॒ஜு॒க॒ர்மக்³ம் ஸ॒த்யக்³ம் ஸுச॑ரிதம் ।
அ॒க்³னிரே॒வைனம்॑ வ்ருஜி॒னாத-³ன்ரு॑தா॒த்³-து³ஶ்ச॑ரிதாத்பாதி ।
ரு॒ஜு॒க॒ர்மே ஸ॒த்யே ஸுச॑ரிதே பஜ⁴தி । தஸ்மா॑தே॒³வமாஶா᳚ஸ்தே । ஆ॒த்மனோ॑ கோ³பீ॒தா²ய॑ ॥ ஶிரோ॒ வா ஏ॒தத்³-ய॒ஜ்ஞஸ்ய॑ । யதா॑³கா॒⁴ர: । ஆ॒த்மா த்⁴ரு॒வா ॥ 47 ॥

ஆ॒கா॒⁴ர-மா॒கா⁴ர்ய॑ த்⁴ரு॒வாக்³ம் ஸம॑னக்தி ।
ஆ॒த்மன்னே॒வ ய॒ஜ்ஞஸ்ய॒ ஶிர:॒ ப்ரதி॑த³தா⁴தி ।
த்³வி-ஸ்ஸம॑னக்தி । த்³வௌ ஹி ப்ரா॑ணாபா॒னௌ । ததா॑³ஹு: ।
த்ரிரே॒வ ஸம॑ஞ்ஜ்யாத் । த்ரிதா॑⁴து॒ ஹி ஶிர॒ இதி॑ । ஶிர॑ இவை॒தத்³-ய॒ஜ்ஞஸ்ய॑ । அதோ॒² த்ரயோ॒ வை ப்ரா॒ணா: ।
ப்ரா॒ணானே॒வாஸ்மி॑ன் த³தா⁴தி ॥
ம॒க²ஸ்ய॒ ஶிரோ॑ஸி॒ ஸஞ்ஜ்யோதி॑ஷா॒ ஜ்யோதி॑ரங்க்தா॒மித்யா॑ஹ ।
ஜ்யோதி॑ரே॒வாஸ்மா॑ உ॒பரி॑ஷ்டாத்³-த³தா⁴தி ।
ஸு॒வ॒ர்க³ஸ்ய॑ லோ॒கஸ்யானு॑க்²யாத்யை ॥ 48 ॥
(பரி॑த³தா⁴தி - ப்ரா॒ணம் த॑³தா⁴தி॒ - ஹி ய॒ஜ்ஞோ - கா॑⁴ரயதி॒ - நம॒ இத்யா॑ஹ - ப॒ஶ்சா-த்³- வீ॒ர்யா॑ணீத்யா॑ஹ॒ - பா⁴ இத்யா॑ஹ - ப॒⁴ஜேத்யா॑ஹ - த்⁴ரு॒ - வைவாஸ்மி॑ன் த³தா⁴தி॒ த்ரீணி॑ ச) (அ. 7)

அனுவாகம் 8 - இடா³ப⁴க்ஷணம்
தி⁴ஷ்ணி॑யா॒ வா ஏ॒தே ந்யு॑ப்யந்தே । யத்³ப்³ர॒ஹ்மா । யத்³தோ⁴தா᳚ । யத॑³த்³த்⁴வ॒ர்யு: । யத॒³க்³னீத் । யத்³-யஜ॑மான: । தான். யத॑³ந்தரே॒யாத் । யஜ॑மானஸ்ய ப்ரா॒ணாந்த்²-ஸங்க॑ர்​ஷேத் । ப்ர॒மாயு॑க-ஸ்ஸ்யாத் । பு॒ரோ॒டா³ஶ॑மப॒க்³ருஹ்ய॒ ஸஞ்ச॑ரத்யத்³த்⁴வ॒ர்யு: ॥ 49 ॥

யஜ॑மானாயை॒வ தல்லோ॒கக்³ம் ஶிக்³ம்॑ஷதி ।
நாஸ்ய॑ ப்ரா॒ணாந்த்²-ஸங்க॑ர்​ஷதி । ந ப்ர॒மாயு॑கோ ப⁴வதி । பு॒ரஸ்தா᳚-த்ப்ர॒த்யம்மாஸீ॑ன: । இடா॑³யா॒ இடா॒³மாத॑³தா⁴தி ।
ஹஸ்த்யா॒க்³ம்॒ ஹோத்ரே᳚ । ப॒ஶவோ॒ வா இடா᳚³ । ப॒ஶவ:॒ புரு॑ஷ: । ப॒ஶுஷ்வே॒வ ப॒ஶூ-ன்ப்ரதி॑ஷ்டா²பயதி । இடா॑³யை॒ வா ஏ॒ஷா ப்ரஜா॑தி: ॥ 5௦ ॥

தா-ம்ப்ரஜா॑திம்॒ யஜ॑மா॒னோனு॒ ப்ரஜா॑யதே । த்³விர॒ங்கு³லா॑வனக்தி॒ பர்வ॑ணோ: ।
த்³வி॒பாத்³-யஜ॑மான:॒ ப்ரதி॑ஷ்டி²த்யை । ஸ॒க்ருது³ப॑ஸ்த்ருணாதி । த்³விராத॑³தா⁴தி । ஸ॒க்ருத॒³பி⁴கா॑⁴ரயதி । ச॒து-ஸ்ஸம்ப॑த்³யதே । ச॒த்வாரி॒ வை ப॒ஶோ: ப்ர॑தி॒ஷ்டா²னா॑னி ।
யாவா॑னே॒வ ப॒ஶு: । தமுப॑ஹ்வயதே ॥ 51 ॥
முக॑²மிவ॒ ப்ரத்யுப॑ஹ்வயேத । ஸ॒மும்॒கா²னே॒வ ப॒ஶூனுப॑ஹ்வயதே । ப॒ஶவோ॒ வா இடா᳚³ ।
தஸ்மா॒-஥²்ஸான்வா॒ரப்⁴யா᳚ । அ॒த்³த்⁴வ॒ர்யுணா॑ ச॒ யஜ॑மானேன ச । உப॑ஹூத: பஶு॒மான॑ஸா॒னீத்யா॑ஹ ।
உப॒ ஹ்யே॑னௌ॒ ஹ்வய॑தே॒ ஹோதா᳚ । இடா॑³யை தே॒³வதா॑னா-முபஹ॒வே । உப॑ஹூத: பஶு॒மான் ப॑⁴வதி ।
ய ஏ॒வம் வேத॑³ ॥ 52 ॥

யாம் வை ஹஸ்த்யா॒மிடா॑³மா॒த³தா॑⁴தி । வா॒ச-ஸ்ஸா பா॑⁴க॒³தே⁴ய᳚ம் । யாமு॑ப॒ஹ்வய॑தே । ப்ரா॒ணானா॒க்³ம்॒ ஸா । வாசம்॑ சை॒வ ப்ரா॒ணாக்³க்³​ஶ்சாவ॑ருந்தே⁴ ॥
அத॒² வா ஏ॒தர்​ஹ்யுப॑ஹூதாயா॒மிடா॑³யாம் ।
பு॒ரோ॒டா³ஶ॑ஸ்யை॒வ ப॑³ர்​ஹி॒ஷதோ॑³ மீமா॒க்³ம்॒ஸா । யஜ॑மானம் தே॒³வா அ॑ப்³ருவன்ன் । ஹ॒விர்னோ॒ நிர்வ॒பேதி॑ । நாஹம॑பா॒⁴கோ³ நிர்வ॑ப்²ஸ்யா॒மீத்ய॑ப்³ரவீத் ॥ 53 ॥

ந மயா॑பா॒⁴க³யா நு॑வக்ஷ்ய॒தே²தி॒ வாக॑³ப்³ரவீத் ।
நாஹம॑பா॒⁴கா³ பு॑ரோனுவா॒க்யா॑ ப⁴விஷ்யா॒மீதி॑ புரோனுவா॒க்யா᳚ । நாஹம॑பா॒⁴கா³ யா॒ஜ்யா॑ ப⁴விஷ்யா॒மீதி॑
யா॒ஜ்யா᳚ । ந மயா॑பா॒⁴கே³ன॒ வஷ॑ட்கரிஷ்ய॒தே²தி॑ வஷட்கா॒ர: । யத்³-ய॑ஜமானபா॒⁴க-³ன்னி॒தா⁴ய॑ புரோ॒டா³ஶம்॑ ப³ர்​ஹி॒ஷத³ம்॑ க॒ரோதி॑ ।
தானே॒வ தத்³-பா॒⁴கி³ன:॑ கரோதி । ச॒து॒ர்தா⁴ க॑ரோதி । சத॑ஸ்ரோ॒ தி³ஶ:॑ । தி॒³க்ஷ்வே॑வ ப்ரதி॑திஷ்ட²தி । ப॒³ர்॒ஹி॒ஷத³ம்॑ கரோதி ॥ 54 ॥

யஜ॑மானோ॒ வை பு॑ரோ॒டா³ஶ:॑ । ப்ர॒ஜா ப॒³ர்॒ஹி: ।
யஜ॑மானமே॒வ ப்ர॒ஜாஸு॒ ப்ரதி॑ஷ்டா²பயதி ।
தஸ்மா॑த॒³ஸ்த்²னான்யா: ப்ர॒ஜா: ப்ர॑தி॒திஷ்ட॑²ந்தி । மா॒க்³ம்॒ஸேனா॒ன்யா: । அதோ॒² க²ல்வா॑ஹு: । த³க்ஷி॑ணா॒ வா ஏ॒தா ஹ॑வி-ர்ய॒ஜ்ஞஸ்யா᳚ந்தர்வே॒த்³யவ॑ருத்³த்⁴யந்தே ।
ய-த்பு॑ரோ॒டா³ஶம்॑ ப³ர்​ஹி॒ஷத³ம்॑ க॒ரோதீதி॑ । ச॒து॒ர்தா⁴ க॑ரோதி । ச॒த்வாரோ॒ ஹ்யே॑தே ஹ॑வி-ர்ய॒ஜ்ஞஸ்ய॒ர்த்விஜ:॑ ॥ 55 ॥

ப்³ர॒ஹ்மா ஹோதா᳚த்³த்⁴வ॒ர்யுர॒க்³னீத் । தம॒பி⁴ம்ரு॑ஶேத் । இ॒த³ம் ப்³ர॒ஹ்மண:॑ । இ॒த³க்³ம் ஹோது:॑ । இ॒த³ம॑த்³த்⁴வ॒ர்யோ: । இ॒த³ம॒க்³னீத॒⁴ இதி॑ । யதை॒²வாத-³ஸ்ஸௌ॒ம்யே᳚த்³த்⁴வ॒ரே ।
ஆ॒தே³ஶ॑ம்ரு॒த்விக்³ப்⁴யோ॒ த³க்ஷி॑ணா நீ॒யந்தே᳚ । தா॒த்³ருகே॒³வ தத் । அ॒க்³னீதே᳚⁴ ப்ரத॒²மாயாத॑³தா⁴தி ॥ 56 ॥

அ॒க்³னிமு॑கா॒² ஹ்ய்ருத்³தி॑⁴: । அ॒க்³னிமு॑கா²மே॒வர்தி⁴ம்॒ யஜ॑மான ருத்³த்⁴னோதி ॥ ஸ॒க்ருது॑³ப॒ஸ்தீர்ய॒ த்³விரா॒த³த॑⁴த் । உ॒ப॒ஸ்தீர்ய॒ த்³விர॒பி⁴கா॑⁴ரயதி ।
ஷட்-஥²்ஸம்ப॑த்³யந்தே । ஷட்³வா ரு॒தவ:॑ । ரு॒தூனே॒வ ப்ரீ॑ணாதி । வே॒தே³ன॑ ப்³ர॒ஹ்மணே᳚ ப்³ரஹ்மபா॒⁴க-³ம்பரி॑ஹரதி । ப்ரா॒ஜா॒ப॒த்யோ வை வே॒த:³ । ப்ரா॒ஜா॒ப॒த்யோ ப்³ர॒ஹ்மா ॥ 57 ॥

ஸ॒வி॒தா ய॒ஜ்ஞஸ்ய॒ ப்ரஸூ᳚த்யை । அத॒² காம॑ம॒ன்யேன॑ । ததோ॒ ஹோத்ரே᳚ । மத்³த்⁴யம்॒ வா ஏ॒தத்³-ய॒ஜ்ஞஸ்ய॑ । யத்³தோ⁴தா᳚ । ம॒த்³த்⁴ய॒த ஏ॒வ ய॒ஜ்ஞ-ம்ப்ரீ॑ணாதி ।
அதா᳚²த்³த்⁴வ॒ர்யவே᳚ । ப்ர॒தி॒ஷ்டா² வா ஏ॒ஷா ய॒ஜ்ஞஸ்ய॑ । யத॑³த்³த்⁴வ॒ர்யு: ।
தஸ்மா᳚த்³த⁴வி-ர்ய॒ஜ்ஞஸ்யை॒தாமே॒வாவ்ருத॒மனு॑ ॥ 58 ॥

அ॒ன்யா த³க்ஷி॑ணா நீயந்தே । ய॒ஜ்ஞஸ்ய॒ ப்ரதி॑ஷ்டி²த்யை ।
அ॒க்³னிம॑க்³னீ-஥²்ஸ॒க்ரு-஥²்ஸ॑க்ரு॒-஥²்ஸம்ம்ரு॒ட்³டீ⁴த்யா॑ஹ ।
பராம்॑இவ॒ ஹ்யே॑தர்​ஹி॑ ய॒ஜ்ஞ: ॥ இ॒ஷி॒தா தை³வ்யா॒ ஹோதா॑ர॒ இத்யா॑ஹ । இ॒ஷி॒தக்³ம் ஹி கர்ம॑ க்ரி॒யதே᳚ ।
ப॒⁴த்³ர॒வாச்யா॑ய॒ ப்ரேஷி॑தோ॒ மானு॑ஷ-ஸ்ஸூக்தவா॒காய॑ ஸூ॒க்தா ப்³ரூ॒ஹீத்யா॑ஹ । ஆ॒ஶிஷ॑மே॒வைதாமாஶா᳚ஸ்தே ।
ஸ்வ॒கா³ தை³வ்யா॒ ஹோத்ரு॑ப்⁴ய॒ இத்யா॑ஹ । ய॒ஜ்ஞமே॒வ தத்²ஸ்வ॒கா³ க॑ரோதி । ஸ்வ॒ஸ்தி-ர்மானு॑ஷேப்⁴ய॒ இத்யா॑ஹ ।
ஆ॒ஶிஷ॑மே॒வைதாமாஶா᳚ஸ்தே । ஶம்॒யோ-ர்ப்³ரூ॒ஹீத்யா॑ஹ ।
ஶம்॒யுமே॒வ பா॑³ர்​ஹஸ்ப॒த்யம் பா॑⁴க॒³தே⁴யே॑ன॒ ஸம॑ர்த⁴யதி ॥ 59 ॥
(ச॒ர॒த்ய॒த்³த்⁴வ॒ர்யு: - ப்ரஜா॑தி--ர் ஹ்வயதே॒ - வேதா᳚³ - ப்³ரவீ-த்³- ப³ர்​ஹி॒ஷத³ம்॑ கரோ-த்ய்ரு॒த்விஜோ॑-த³தா⁴தி-ப்³ர॒ஹ்மா-னு॑-கரோதி ச॒த்வாரி॑ ச) (அ. 8)

அனுவாகம் 9 - ப்ரஸ்தரப்ரஹாராதி³கம்
அத॒² ஸ்ருசா॑வனு॒ஷ்டுக்³ப்⁴யாம்॒ வாஜ॑வதீப்⁴யாம்॒ வ்யூ॑ஹதி । ப்ர॒தி॒ஷ்டா² வா அ॑னு॒ஷ்டுக் । அன்னம்॒ வாஜ:॒ ப்ரதி॑ஷ்டி²த்யை । அ॒ன்னாத்³ய॒ஸ்யாவ॑ருத்³த்⁴யை । ப்ராசீம்᳚ ஜு॒ஹூமூ॑ஹதி । ஜா॒தானே॒வ ப்⁴ராத்ரு॑வ்யா॒-ன்ப்ரணு॑த³தே । ப்ர॒தீசீ॑முப॒ப்⁴ருத᳚ம் ।
ஜ॒னி॒ஷ்யமா॑ணானே॒வ ப்ரதி॑னுத³தே ।
ஸ விஷூ॑ச ஏ॒வாபோஹ்ய॑ ஸ॒பத்னா॒ன்॒. யஜ॑மான: ।
அ॒ஸ்மி-ன்ம்லோ॒கே ப்ரதி॑திஷ்ட²தி ॥ 6௦ ॥

த்³வாப்⁴யா᳚ம் । த்³விப்ர॑திஷ்டோ॒² ஹி ॥ வஸு॑ப்⁴யஸ்த்வா ரு॒த்³ரேப்⁴ய॑ஸ்த்வாதி॒³த்யேப்⁴ய॒ஸ்த்வேத்யா॑ஹ ।
ய॒தா॒²ய॒ஜுரே॒வை தத் । ஸ்ரு॒க்ஷு ப்ர॑ஸ்த॒ரம॑னக்தி ।
இ॒மே வை லோ॒கா-ஸ்ஸ்ருச:॑ । யஜ॑மான: ப்ரஸ்த॒ர: । யஜ॑மானமே॒வ தேஜ॑ஸானக்தி । த்ரே॒தா⁴ன॑க்தி ।
த்ரய॑ இ॒மே லோ॒கா: ॥ 61 ॥

ஏ॒ப்⁴ய ஏ॒வைனம்॑ லோ॒கேப்⁴யோ॑னக்தி ।
அ॒பி॒⁴பூ॒ர்வம॑னக்தி । அ॒பி॒⁴பூ॒ர்வமே॒வ யஜ॑மானம்॒ தேஜ॑ஸானக்தி ॥ அ॒க்தக்³ம் ரிஹா॑ணா॒ இத்யா॑ஹ ।
தேஜோ॒ வா ஆஜ்ய᳚ம் । யஜ॑மான: ப்ரஸ்த॒ர: ।
யஜ॑மானமே॒வ தேஜ॑ஸானக்தி । வி॒யந்து॒ வய॒ இத்யா॑ஹ । வய॑ ஏ॒வைனம்॑ க்ரு॒த்வா ।
ஸு॒வ॒ர்க³ம் லோ॒கம் க॑³மயதி ॥ 62 ॥

ப்ர॒ஜாம் யோனிம்॒ மா நிர்ம்ரு॑க்ஷ॒மித்யா॑ஹ । ப்ர॒ஜாயை॑ கோ³பீ॒தா²ய॑ ॥ ஆப்யா॑யந்தா॒மாப॒ ஓஷ॑த⁴ய॒ இத்யா॑ஹ । ஆப॑ ஏ॒வௌஷ॑தீ॒⁴ராப்யா॑யயதி । ம॒ருதாம்॒ ப்ருஷ॑தய॒-ஸ்ஸ்தே²த்யா॑ஹ । ம॒ருதோ॒ வை வ்ருஷ்ட்யா॑ ஈஶதே ।
வ்ருஷ்டி॑மே॒வாவ॑ருந்தே⁴ । தி³வம்॑ க³ச்ச॒² ததோ॑ நோ॒ வ்ருஷ்டி॒மேர॒யேத்யா॑ஹ । வ்ருஷ்டி॒ர்வை த்³யௌ: । வ்ருஷ்டி॑மே॒வாவ॑ருந்தே⁴ ॥ 63 ॥

யாவ॒த்³வா அ॑த்³த்⁴வ॒ர்யு: ப்ர॑ஸ்த॒ர-ம்ப்ர॒ஹர॑தி । தாவ॑த॒³ஸ்யாயு॑ர்மீயதே । ஆ॒யு॒ஷ்பா அ॑க்³னே॒ஸ்யாயு॑ர்மே பா॒ஹீத்யா॑ஹ । ஆயு॑ரே॒வாத்மன்-த॑⁴த்தே ।
யாவ॒த்³வா அ॑த்³த்⁴வ॒ர்யு: ப்ர॑ஸ்த॒ர-ம்ப்ர॒ஹர॑தி । தாவ॑த³ஸ்ய॒ சக்ஷு॑ர்மீயதே । ச॒க்ஷு॒ஷ்பா அ॑க்³னேஸி॒ சக்ஷு॑ர்மே பா॒ஹீத்யா॑ஹ । சக்ஷு॑ரே॒வாத்மன்-த॑⁴த்தே ॥
த்⁴ரு॒வாஸீத்யா॑ஹ॒ ப்ரதி॑ஷ்டி²த்யை ॥
ய-ம்ப॑ரி॒தி⁴-ம்ப॒ர்யத॑⁴த்தா॒² இத்யா॑ஹ ॥ 64 ॥

ய॒தா॒²ய॒ஜுரே॒வைதத் । அக்³னே॑ தே³வ ப॒ணிபி॑⁴-ர்வீ॒யமா॑ண॒ இத்யா॑ஹ । அ॒க்³னய॑ ஏ॒வைனம்॒ ஜுஷ்டம்॑ கரோதி ।
த-ந்த॑ ஏ॒தமனு॒ ஜோஷம்॑ ப⁴ரா॒மீத்யா॑ஹ ।
ஸ॒ஜா॒தானே॒வாஸ்மா॒ அனு॑கான்கரோதி ।
நேதே॒³ஷ த்வத॑³பசே॒தயா॑தா॒ இத்யா॒ஹானு॑க்²யாத்யை ॥ ய॒ஜ்ஞஸ்ய॒ பாத॒² உப॒ ஸமி॑த॒மித்யா॑ஹ ।
பூ॒⁴மான॑மே॒வோபை॑தி । ப॒ரி॒தீ⁴ன்-ப்ரஹ॑ரதி ।
ய॒ஜ்ஞஸ்ய॒ ஸமி॑ஷ்ட்யை ॥ 65 ॥

ஸ்ருசௌ॒ ஸ-ம்ப்ரஸ்ரா॑வயதி । யதே॒³வ தத்ர॑ க்ரூ॒ரம் ।
தத்-தேன॑ ஶமயதி । ஜு॒ஹ்வாமு॑ப॒ப்⁴ருத᳚ம் । ய॒ஜ॒மா॒ன॒தே॒³வ॒த்யா॑ வை ஜு॒ஹூ: ।
ப்⁴ரா॒த்ரு॒வ்ய॒தே॒³வ॒த்யோ॑ப॒ப்⁴ருத் ।
யஜ॑மானாயை॒வ ப்⁴ராத்ரு॑வ்ய॒முப॑ஸ்தி-ங்கரோதி ॥
ஸ॒க்³க்॒³ஸ்ரா॒வபா॑⁴கா॒³-ஸ்ஸ்தே²த்யா॑ஹ ।
வஸ॑வோ॒ வை ரு॒த்³ரா ஆ॑தி॒³த்யா-ஸ்ஸக்³க்॑³ஸ்ரா॒வபா॑⁴கா³: ।
தேஷாம்॒ தத்³-பா॑⁴க॒³தே⁴ய᳚ம் ॥ 66 ॥

தானே॒வ தேன॑ ப்ரீணாதி । வை॒ஶ்வ॒தே॒³வ்யர்சா । ஏ॒தே ஹி விஶ்வே॑ தே॒³வா: । த்ரி॒ஷ்டுக்³-ப॑⁴வதி । இ॒ந்த்³ரி॒யம் வை த்ரி॒ஷ்டுக் । இ॒ந்த்³ரி॒யமே॒வ யஜ॑மானே த³தா⁴தி ॥ அ॒க்³னேர்வா॒மப॑ன்னக்³ருஹஸ்ய॒ ஸத॑³ஸி ஸாத³யா॒மீத்யா॑ஹ ।
இ॒யம் வா அ॒க்³னிரப॑ன்னக்³ருஹ: । அ॒ஸ்யா ஏ॒வைனே॒ ஸத॑³னே ஸாத³யதி । ஸு॒ம்னாய॑ ஸும்னினீ ஸு॒ம்னே மா॑ த⁴த்த॒மித்யா॑ஹ ॥ 67 ॥

ப்ர॒ஜா வை ப॒ஶவ॑-ஸ்ஸு॒ம்னம் । ப்ர॒ஜாமே॒வ ப॒ஶூனா॒த்மந்த॑⁴த்தே । து॒⁴ரி து॒⁴ர்யௌ॑ பாத॒மித்யா॑ஹ । ஜா॒யா॒ப॒த்யோ-ர்கோ॑³பீ॒தா²ய॑ ॥ அக்³னே॑த³ப்³தா⁴யோஶீததனோ॒ இத்யா॑ஹ । ய॒தா॒²ய॒ஜுரே॒வைதத் । பா॒ஹி மா॒த்³ய தி॒³வ: பா॒ஹி ப்ரஸி॑த்யை பா॒ஹி து³ரி॑ஷ்ட்யை பா॒ஹி து॑³ரத்³ம॒ன்யை பா॒ஹி து³ஶ்ச॑ரிதா॒தி³த்யா॑ஹ । ஆ॒ஶிஷ॑மே॒வைதாமாஶா᳚ஸ்தே ।
அவி॑ஷ-ன்ன: பி॒து-ங்க்ரு॑ணு ஸு॒ஷதா॒³ யோனி॒க்³க்॒³ ஸ்வாஹேதீ᳚த்³த்⁴ம-ஸம்॒வ்ருஶ்ச॑னான்யன்வாஹார்ய॒பச॑னே ப்⁴யா॒தா⁴ய॑ ப²லீகரணஹோ॒ம-ஞ்ஜு॑ஹோதி ।
அதி॑ரிக்தானி॒ வா இ॑த்³த்⁴ம ஸம்॒வ்ருஶ்ச॑னானி ॥ 68 ॥

அதி॑ரிக்தா: ப²லீ॒கர॑ணா: । அதி॑ரிக்தமாஜ்யோச்சே²ஷ॒ணம் ।
அதி॑ரிக்த ஏ॒வாதி॑ரிக்தம் த³தா⁴தி । அதோ॒² அதி॑ரிக்தே-னை॒வாதி॑ரிக்த-மா॒ப்த்வாவ॑ருந்தே⁴ ॥ வேதி॑³-ர்தே॒³வேப்⁴யோ॒ நிலா॑யத । தாம் வே॒தே³னான்வ॑விந்த³ன்ன் । வே॒தே³ன॒ வேதி³ம்॑ விவிது³: ப்ருதி॒²வீம் । ஸா ப॑ப்ரதே² ப்ருதி॒²வீ பார்தி॑²வானி ।
க³ர்ப⁴ம்॑ பி³ப⁴ர்தி॒ பு⁴வ॑னேஷ்வ॒ந்த: ।
ததோ॑ ய॒ஜ்ஞோ ஜா॑யதே விஶ்வ॒தா³னி॒ரிதி॑ பு॒ரஸ்தா᳚-஥²்ஸ்தம்ப³ய॒ஜுஷோ॑ வே॒தே³ன॒ வேதி॒³க்³ம்॒ ஸம்மா॒ஷ்ட்ர்யனு॑வித்த்யை ॥ 69 ॥

அதோ॒² யத்³-வே॒த³ஶ்ச॒ வேதி॑³ஶ்ச॒ ப⁴வ॑த: । மி॒து॒²ன॒த்வாய॒ ப்ரஜா᳚த்யை । ப்ர॒ஜாப॑தே॒ர்வா ஏ॒தானி॒ ஶ்மஶ்ரூ॑ணி । யத்³-வே॒த:³ । பத்னி॑யா உ॒பஸ்த॒² ஆஸ்ய॑தி ।
மி॒து॒²னமே॒வ க॑ரோதி । வி॒ந்த³தே᳚ ப்ர॒ஜாம் ।
வே॒த³க்³ம் ஹோதாஹ॑வ॒னீயா᳚த்²-ஸ்த்ரு॒ணன்னே॑தி ।
ய॒ஜ்ஞமே॒வ த-஥²்ஸந்த॑னோ॒த்யோத்த॑ரஸ்மா-த³ர்த⁴மா॒ஸாத் ।
தக்³ம் ஸந்த॑த॒முத்த॑ரேர்த⁴மா॒ஸ ஆல॑ப⁴தே ॥ 7௦ ॥

த-ங்கா॒லேகா॑ல॒ ஆக॑³தே யஜதே ॥ ப்³ர॒ஹ்ம॒வா॒தி³னோ॑ வத³ந்தி ।
ஸ த்வா அ॑த்³த்⁴வ॒ர்யு-ஸ்ஸ்யா᳚த் । யோ யதோ॑ ய॒ஜ்ஞ-ம்ப்ர॑யு॒ங்க்தே ।
ததே॑³ன-ம்ப்ரதிஷ்டா॒²பய॒தீதி॑ ।
வாதா॒த்³வா அ॑த்³த்⁴வ॒ர்யுர்ய॒ஜ்ஞ-ம்ப்ரயு॑ங்க்தே ।
தே³வா॑ கா³துவிதோ³ கா॒³தும் வி॒த்வா கா॒³துமி॒தேத்யா॑ஹ ।
யத॑ ஏ॒வ ய॒ஜ்ஞ-ம்ப்ர॑யு॒ங்க்தே ।
ததே॑³னம்॒ ப்ரதி॑ஷ்டா²பயதி ।
ப்ரதி॑திஷ்ட²தி ப்ர॒ஜயா॑ ப॒ஶுபி॒⁴-ர்யஜ॑மான: ॥ 71 ॥
(தி॒ஷ்ட॒²தீ॒ - மே லோ॒கா - க॑³மயதி॒ - த்³யௌ-ர்வ்ருஷ்டி॑மே॒வாவ॑ருந்தே⁴ - ப॒ர்யத॑⁴த்தா॒² இத்யா॑ஹ॒ - ஸமி॑ஷ்ட்யை - பா⁴க॒³தே⁴யம்॑ - த⁴த்த॒மித்யா॑ஹ॒ - வா இ॑த்³த்⁴ம ஸம்॒வ்ருஶ்ச॑னா॒ - ந்யனு॑வித்த்யை - லப⁴தே॒ - யஜ॑மான:) (அ. 9)

அனுவாகம் 1௦ - பத்னீயோக்ரவிமோக:
யோ வா அய॑தா²தே³வதம் ய॒ஜ்ஞமு॑ப॒சர॑தி ।
ஆ தே॒³வதா᳚ப்⁴யோ வ்ருஶ்ச்யதே । பாபீ॑யான் ப⁴வதி । யோ ய॑தா²தே³வ॒தம் । ந தே॒³வதா᳚ப்⁴ய॒ ஆவ்ரு॑ஶ்ச்யதே ।
வஸீ॑யான் ப⁴வதி । வா॒ரு॒ணோ வை பாஶ:॑ ।
இ॒மம் விஷ்யா॑மி॒ வரு॑ணஸ்ய॒ பாஶ॒மித்யா॑ஹ ।
வ॒ரு॒ண॒பா॒ஶாதே॒³வைனாம்᳚ முஞ்சதி ।
ஸ॒வி॒த்ருப்ர॑ஸூதோ யதா²தே³வ॒தம் ॥ 72 ॥

ந தே॒³வதா᳚ப்⁴ய॒ ஆவ்ரு॑ஶ்ச்யதே । வஸீ॑யான் ப⁴வதி ।
தா॒⁴துஶ்ச॒ யோனௌ॑ ஸுக்ரு॒தஸ்ய॑ லோ॒க இத்யா॑ஹ । அ॒க்³னிர்வை தா॒⁴தா । புண்யம்॒ கர்ம॑ ஸுக்ரு॒தஸ்ய॑ லோ॒க: । அ॒க்³னிரே॒வைனாம்᳚ தா॒⁴தா । புண்யே॒ கர்ம॑ணி ஸுக்ரு॒தஸ்ய॑ லோ॒கே த॑³தா⁴தி । ஸ்யோ॒ன-ம்மே॑ ஸ॒ஹ பத்யா॑ கரோ॒மீத்யா॑ஹ ।
ஆ॒த்மன॑ஶ்ச॒ யஜ॑மானஸ்ய॒ சானா᳚த்யை ஸ॒த்வாம்ய॑ ॥
ஸமாயு॑ஷா॒ ஸம்ப்ர॒ஜயேத்யா॑ஹ ॥ 73 ॥

ஆ॒ஶிஷ॑மே॒வைதாமாஶா᳚ஸ்தே பூர்ணபா॒த்ரே । அ॒ந்த॒தோ॑னு॒ஷ்டுபா᳚⁴ । சது॑ஷ்ப॒த்³வா ஏ॒தச்ச²ந்த:॒³ ப்ரதி॑ஷ்டி²தம்॒ பத்னி॑யை பூர்ணபா॒த்ரே ப॑⁴வதி ।
அ॒ஸ்மி-ன்ம்லோ॒கே ப்ரதி॑திஷ்டா॒²னீதி॑ ।
அ॒ஸ்மின்னே॒வ லோ॒கே ப்ரதி॑திஷ்ட²தி । அதோ॒² வாக்³வா அ॑னு॒ஷ்டுக் । வாம்மி॑து॒²னம் । ஆபோ॒ ரேத:॑ ப்ர॒ஜன॑னம் ।
ஏ॒தஸ்மா॒த்³வை மி॑து॒²னாத்³வி॒த்³யோத॑மான-ஸ்ஸ்த॒னய॑ன்வர்​ஷதி । ரேத॑-ஸ்ஸி॒ஞ்சன்ன் ॥ 74 ॥

ப்ர॒ஜா: ப்ர॑ஜ॒னயன்ன்॑ ॥ யத்³வை ய॒ஜ்ஞஸ்ய॒ ப்³ரஹ்ம॑ணா யு॒ஜ்யதே᳚ । ப்³ரஹ்ம॑ணா॒ வை தஸ்ய॑ விமோ॒க: । அ॒த்³பி⁴-ஶ்ஶாந்தி:॑ । விமு॑க்தம்॒ வா ஏ॒தர்​ஹி॒ யோக்த்ரம்॒ ப்³ரஹ்ம॑ணா ।
ஆ॒தா³யை॑ன॒த்பத்னீ॑ ஸ॒ஹாப உப॑க்³ருஹ்ணீதே॒ ஶாந்த்யை᳚ ।
அ॒ஞ்ஜ॒லௌ பூ᳚ர்ணபா॒த்ரமான॑யதி । ரேத॑ ஏ॒வாஸ்யாம்᳚ ப்ர॒ஜாம் த॑³தா⁴தி । ப்ர॒ஜயா॒ ஹி ம॑னு॒ஷ்ய:॑ பூ॒ர்ண: ।
முக²ம்॒ விம்ரு॑ஷ்டே । அ॒வ॒ப்⁴ரு॒த²ஸ்யை॒வ ரூ॒ப-ங்க்ரு॒த்வோத்தி॑ஷ்ட²தி ॥ 75 ॥
(ஸ॒வி॒த்ருப்ர॑ஸூதோ யதா²தே³வ॒தம்-ப்ர॒ஜயேத்யா॑ஹ-ஸி॒ஞ்ச-ன்ம்ரு॑ஷ்ட॒ ஏகம்॑ ச) (அ. 1௦)

அனுவாகம் 11 - உபவேஷோபகூ³ஹனம்
ப॒ரி॒வே॒ஷோ வா ஏ॒ஷ வன॒ஸ்பதீ॑னாம் । யது॑³பவே॒ஷ: । ய ஏ॒வம் வேத॑³ । வி॒ந்த³தே॑ பரிவே॒ஷ்டார᳚ம் । தமு॑த்க॒ரே ॥ யம் தே॒³வா ம॑னு॒ஷ்யே॑ஷு ।
உ॒ப॒வே॒ஷமதா॑⁴ரயன்ன் । யே அ॒ஸ்மத³ப॑சேதஸ: । தான॒ஸ்மப்⁴ய॑-மி॒ஹாகு॑ரு । உப॑வே॒ஷோப॑விட்³டி⁴ ந: ॥ 76 ॥

ப்ர॒ஜா-ம்புஷ்டி॒மதோ॒² த⁴ன᳚ம் ।
த்³வி॒பதோ॑³ ந॒ஶ்சது॑ஷ்பத:³ । த்⁴ரு॒வான-ன॑பகா³ன்-கு॒ர்விதி॑ பு॒ரஸ்தா᳚-த்ப்ர॒த்யஞ்ச॒முப॑கூ³ஹதி ।
தஸ்மா᳚-த்பு॒ரஸ்தா᳚-த்ப்ர॒த்யஞ்ச॑-ஶ்ஶூ॒த்³ரா அவ॑ஸ்யந்தி । ஸ்த॒²வி॒ம॒த உப॑கூ³ஹதி । அப்ர॑திவாதி³ன ஏ॒வைனா᳚ன் குருதே ॥
த்⁴ருஷ்டி॒ர்வா உ॑பவே॒ஷ: ।
ஶு॒சார்தோ வஜ்ரோ॒ ப்³ரஹ்ம॑ணா॒ ஸக்³ம்ஶி॑த: ।
யோப॑வே॒ஷே ஶுக் । ஸாமும்ரு॑ச்ச²து॒ யம் த்³வி॒ஷ்ம இதி॑ ॥ 77 ॥

அதா᳚²ஸ்மை நாம॒ க்³ருஹ்ய॒ ப்ரஹ॑ரதி । நிர॒மு-ன்னு॑த॒³ ஓக॑ஸ: । ஸ॒பத்னோ॒ ய: ப்ரு॑த॒ன்யதி॑ । நி॒ர்பா॒³த்³த்⁴யே॑ன ஹ॒விஷா᳚ । இந்த்³ர॑ ஏணம்॒ பரா॑ஶரீத் ।
இ॒ஹி தி॒ஸ்ர: ப॑ரா॒வத:॑ । இ॒ஹி பஞ்ச॒ஜனா॒க்³ம்॒ அதி॑ ।
இ॒ஹி தி॒ஸ்ரோதி॑ ரோச॒னா யாவ॑த் । ஸூர்யோ॒ அஸ॑த்³-தி॒³வி ।
ப॒ர॒மா-ந்த்வா॑ பரா॒வத᳚ம் ॥ 78 ॥
இந்த்³ரோ॑ நயது வ்ருத்ர॒ஹா । யதோ॒ ந புன॒ராய॑ஸி ।
ஶ॒ஶ்வ॒தீப்⁴ய॒-ஸ்ஸமா᳚ப்⁴ய॒ இதி॑ । த்ரி॒வ்ருத்³வா ஏ॒ஷ வஜ்ரோ॒ ப்³ரஹ்ம॑ணா॒ ஸக்³ம்ஶி॑த: । ஶு॒சைவைனம்॑ வி॒த்³த்⁴வா ।
ஏ॒ப்⁴யோ லோ॒கேப்⁴யோ॑ நி॒ர்ணுத்³ய॑ । வஜ்ரே॑ண॒ ப்³ரஹ்ம॑ணா ஸ்த்ருணுதே । ஹ॒தோ॑ ஸாவவ॑தி⁴ஷ்மா॒-முமித்யா॑ஹ॒
ஸ்த்ருத்யை᳚ । யம் த்³வி॒ஷ்யாத்தம் த்⁴யா॑யேத் ।
ஶு॒சைவைன॑-மர்பயதி ॥ 79 ॥
(னோ॒-த்³வி॒ஷ்ம இதி॑-பரா॒வத॑-மர்பயதி) (அ. 11)

(ப்ரத்யு॑ஷ்டம் - தி॒³வ-ஶ்ஶில்ப॒ - மய॑ஜ்ஞோ - த்⁴ரு॒த-ஞ்ச॑ - தே³வாஸு॒ரா-ஸ்ஸ ஏ॒தமிந்த்³ர॒ - ஆபோ॑ தே³வீ - ர॒க்³னினா॒ - தி⁴ஷ்ணி॑யா॒ - அத॒² ஸ்ருசௌ॒ - யோ வா அய॑தா²தே³வதம் - பரிவே॒ஷோ வா ஏகா॑த³ஶ)

(ப்ரத்யு॑ஷ்ட॒ - மய॑ஜ்ஞ - ஏ॒ஷா ஹி விஶ்வே॑ஷாம் தே॒³வானா॑ - மூ॒ர்ஜா ப்ரு॑தி॒²வீ - மதோ॒² ரக்ஷ॑ஸாம்॒ - தா-ம்ப்ரஜா॑திம்॒ - த்³வாப்⁴யாம்॒ - த-ங்கா॒லேகா॑லே॒ நவ॑ஸப்ததி:)
(ப்ரத்யு॑ஷ்டக்³ம் - ஶு॒சைவைன॑மர்பயதி)

॥ ஹரி:॑ ஓம் ॥

॥ க்ருஷ்ண யஜுர்வேதீ³ய தைத்திரீய ப்³ராஹ்மணே த்ருதீயாஷ்டகே த்ருதீய ப்ரபாட²க-ஸ்ஸமாப்த: ॥