𑌦𑍇𑌵𑍀 𑌮𑌾𑌹𑌾𑌤𑍍𑌮𑍍𑌯𑌂 𑌦𑍁𑌰𑍍𑌗𑌾 𑌸𑌪𑍍𑌤𑌶𑌤𑌿 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯𑌃

𑌧𑍍𑌯𑌾𑌨𑌂
𑌵𑌿𑌧𑍍𑌯𑍁𑌦𑍍𑌧𑌾𑌮 𑌸𑌮𑌪𑍍𑌰𑌭𑌾𑌂 𑌮𑍃𑌗𑌪𑌤𑌿 𑌸𑍍𑌕𑌂𑌧 𑌸𑍍𑌥𑌿𑌤𑌾𑌂 𑌭𑍀𑌷𑌣𑌾𑌂।
𑌕𑌨𑍍𑌯𑌾𑌭𑌿𑌃 𑌕𑌰𑌵𑌾𑌲 𑌖𑍇𑌟 𑌵𑌿𑌲𑌸𑌦𑍍𑌦𑌸𑍍𑌤𑌾𑌭𑌿 𑌰𑌾𑌸𑍇𑌵𑌿𑌤𑌾𑌂
𑌹𑌸𑍍𑌤𑍈𑌶𑍍𑌚𑌕𑍍𑌰 𑌗𑌧𑌾𑌸𑌿 𑌖𑍇𑌟 𑌵𑌿𑌶𑌿𑌖𑌾𑌂 𑌗𑍁𑌣𑌂 𑌤𑌰𑍍𑌜𑌨𑍀𑌂
𑌵𑌿𑌭𑍍𑌰𑌾𑌣 𑌮𑌨𑌲𑌾𑌤𑍍𑌮𑌿𑌕𑌾𑌂 𑌶𑌿𑌶𑌿𑌧𑌰𑌾𑌂 𑌦𑍁𑌰𑍍𑌗𑌾𑌂 𑌤𑍍𑌰𑌿𑌨𑍇𑌤𑍍𑌰𑌾𑌂 𑌭𑌜𑍇

𑌦𑍇𑌵𑍍𑌯𑍁𑌵𑌾𑌚॥1॥

𑌏𑌭𑌿𑌃 𑌸𑍍𑌤𑌵𑍈𑌶𑍍𑌚 𑌮𑌾 𑌨𑌿𑌤𑍍𑌯𑌂 𑌸𑍍𑌤𑍋𑌷𑍍𑌯𑌤𑍇 𑌯𑌃 𑌸𑌮𑌾𑌹𑌿𑌤𑌃।
𑌤𑌸𑍍𑌯𑌾𑌹𑌂 𑌸𑌕𑌲𑌾𑌂 𑌬𑌾𑌧𑌾𑌂 𑌨𑌾𑌶𑌯𑌿𑌷𑍍𑌯𑌾𑌮𑍍𑌯 𑌸𑌂𑌶𑌯𑌮𑍍 ॥2॥

𑌮𑌧𑍁𑌕𑍈𑌟𑌭𑌨𑌾𑌶𑌂 𑌚 𑌮𑌹𑌿𑌷𑌾𑌸𑍁𑌰𑌘𑌾𑌤𑌨𑌮𑍍।
𑌕𑍀𑌰𑍍𑌤𑌿𑌯𑌿𑌷𑍍𑌯𑌂𑌤𑌿 𑌯𑍇 𑌤 𑌦𑍍𑌵𑌦𑍍𑌵𑌧𑌂 𑌶𑍁𑌂𑌭𑌨𑌿𑌶𑍁𑌂𑌭𑌯𑍋𑌃 ॥3॥

𑌅𑌷𑍍𑌟𑌮𑍍𑌯𑌾𑌂 𑌚 𑌚𑌤𑍁𑌰𑍍𑌧𑌶𑍍𑌯𑌾𑌂 𑌨𑌵𑌮𑍍𑌯𑌾𑌂 𑌚𑍈𑌕𑌚𑍇𑌤𑌸𑌃।
𑌶𑍍𑌰𑍋𑌷𑍍𑌯𑌂𑌤𑌿 𑌚𑍈𑌵 𑌯𑍇 𑌭𑌕𑍍𑌤𑍍𑌯𑌾 𑌮𑌮 𑌮𑌾𑌹𑌾𑌤𑍍𑌮𑍍𑌯𑌮𑍁𑌤𑍍𑌤𑌮𑌮𑍍 ॥4॥

𑌨 𑌤𑍇𑌷𑌾𑌂 𑌦𑍁𑌷𑍍𑌕𑍃𑌤𑌂 𑌕𑌿𑌂𑌚𑌿𑌦𑍍 𑌦𑍁𑌷𑍍𑌕𑍃𑌤𑍋𑌤𑍍𑌥𑌾 𑌨 𑌚𑌾𑌪𑌦𑌃।
𑌭𑌵𑌿𑌷𑍍𑌯𑌤𑌿 𑌨 𑌦𑌾𑌰𑌿𑌦𑍍𑌰𑍍𑌯𑌂 𑌨 𑌚𑍈 𑌵𑍇𑌷𑍍𑌟𑌵𑌿𑌯𑍋𑌜𑌨𑌮𑍍 ॥5॥

𑌶𑌤𑍍𑌰𑍁𑌭𑍍𑌯𑍋 𑌨 𑌭𑌯𑌂 𑌤𑌸𑍍𑌯 𑌦𑌸𑍍𑌯𑍁𑌤𑍋 𑌵𑌾 𑌨 𑌰𑌾𑌜𑌤𑌃।
𑌨 𑌶𑌸𑍍𑌤𑍍𑌰𑌾𑌨𑌲𑌤𑍋 𑌯𑍌𑌘𑌾𑌤𑍍 𑌕𑌦𑌾𑌚𑌿𑌤𑍍 𑌸𑌂𑌭𑌵𑌿𑌷𑍍𑌯𑌤𑌿 ॥6॥

𑌤𑌸𑍍𑌮𑌾𑌨𑍍𑌮𑌮𑍈𑌤𑌨𑍍𑌮𑌾𑌹𑌤𑍍𑌮𑍍𑌯𑌂 𑌪𑌠𑌿𑌤𑌵𑍍𑌯𑌂 𑌸𑌮𑌾𑌹𑌿𑌤𑍈𑌃।
𑌶𑍍𑌰𑍋𑌤𑌵𑍍𑌯𑌂 𑌚 𑌸𑌦𑌾 𑌭𑌕𑍍𑌤𑍍𑌯𑌾 𑌪𑌰𑌂 𑌸𑍍𑌵𑌸𑍍𑌤𑍍𑌯𑌯𑌨𑌂 𑌹𑌿 𑌤𑌤𑍍 ॥𑍭॥

𑌉𑌪 𑌸𑌰𑍍𑌗𑌾𑌨 𑌶𑍇𑌷𑌾𑌂𑌸𑍍𑌤𑍁 𑌮𑌹𑌾𑌮𑌾𑌰𑍀 𑌸𑌮𑍁𑌦𑍍𑌭𑌵𑌾𑌨𑍍।
𑌤𑌥𑌾 𑌤𑍍𑌰𑌿𑌵𑌿𑌧 𑌮𑍁𑌤𑍍𑌪𑌾𑌤𑌂 𑌮𑌾𑌹𑌾𑌤𑍍𑌮𑍍𑌯𑌂 𑌶𑌮𑌯𑍇𑌨𑍍𑌮𑌮 ॥𑍮॥

𑌯𑌤𑍍𑌰𑍈𑌤 𑌤𑍍𑌪𑌠𑍍𑌯𑌤𑍇 𑌸𑌮𑍍𑌯𑌙𑍍𑌨𑌿𑌤𑍍𑌯𑌮𑌾𑌯𑌤𑌨𑍇 𑌮𑌮।
𑌸𑌦𑌾 𑌨 𑌤𑌦𑍍𑌵𑌿𑌮𑍋𑌕𑍍𑌷𑍍𑌯𑌾𑌮𑌿 𑌸𑌾𑌨𑍍𑌨𑌿𑌧𑍍𑌯𑌂 𑌤𑌤𑍍𑌰 𑌮𑍇𑌸𑍍𑌥𑌿𑌤𑌮𑍍 ॥𑍯॥

𑌬𑌲𑌿 𑌪𑍍𑌰𑌦𑌾𑌨𑍇 𑌪𑍂𑌜𑌾𑌯𑌾𑌮𑌗𑍍𑌨𑌿 𑌕𑌾𑌰𑍍𑌯𑍇 𑌮𑌹𑍋𑌤𑍍𑌸𑌵𑍇।
𑌸𑌰𑍍𑌵𑌂 𑌮𑌮𑍈𑌤𑌨𑍍𑌮𑌾𑌹𑌾𑌤𑍍𑌮𑍍𑌯𑌂 𑌉𑌚𑍍𑌚𑌾𑌰𑍍𑌯𑌂 𑌶𑍍𑌰𑌾𑌵𑍍𑌯𑌮𑍇𑌵𑌚 ॥10॥

𑌜𑌾𑌨𑌤𑌾𑌜𑌾𑌨𑌤𑌾 𑌵𑌾𑌪𑌿 𑌬𑌲𑌿 𑌪𑍂𑌜𑌾𑌂 𑌤𑌥𑌾 𑌕𑍃𑌤𑌾𑌮𑍍।
𑌪𑍍𑌰𑌤𑍀𑌕𑍍𑌷𑌿𑌷𑍍𑌯𑌾𑌮𑍍𑌯𑌹𑌂 𑌪𑍍𑌰𑍀𑌤𑍍𑌯𑌾 𑌵𑌹𑍍𑌨𑌿 𑌹𑍋𑌮𑌂 𑌤𑌥𑌾 𑌕𑍃𑌤𑌮𑍍 ॥11॥

𑌶𑌰𑌤𑍍𑌕𑌾𑌲𑍇 𑌮𑌹𑌾𑌪𑍂𑌜𑌾 𑌕𑍍𑌰𑌿𑌯𑌤𑍇 𑌯𑌾𑌚 𑌵𑌾𑌰𑍍𑌷𑌿𑌕𑍀।
𑌤𑌸𑍍𑌯𑌾𑌂 𑌮𑌮𑍈𑌤𑌨𑍍𑌮𑌾𑌹𑌾𑌤𑍍𑌮𑍍𑌯𑌂 𑌶𑍍𑌰𑍁𑌤𑍍𑌵𑌾 𑌭𑌕𑍍𑌤𑌿𑌸𑌮𑌨𑍍𑌵𑌿𑌤𑌃 ॥12॥

𑌸𑌰𑍍𑌵𑌬𑌾𑌧𑌾𑌵𑌿𑌨𑌿𑌰𑍍𑌮𑍁𑌕𑍍𑌤𑍋 𑌧𑌨𑌧𑌾𑌨𑍍𑌯𑌸𑌮𑌨𑍍𑌵𑌿𑌤𑌃।
𑌮𑌨𑍁𑌷𑍍𑌯𑍋 𑌮𑌤𑍍𑌪𑍍𑌰𑌸𑌾𑌦𑍇𑌨 𑌭𑌵𑌿𑌷𑍍𑌯𑌤𑌿 𑌨 𑌸𑌂𑌶𑌯𑌃॥13॥

𑌶𑍍𑌰𑍁𑌤𑍍𑌵𑌾 𑌮𑌮𑍈𑌤𑌨𑍍𑌮𑌾𑌹𑌾𑌤𑍍𑌮𑍍𑌯𑌂 𑌤𑌥𑌾 𑌚𑍋𑌤𑍍𑌪𑌤𑍍𑌤𑌯𑌃 𑌶𑍁𑌭𑌾𑌃।
𑌪𑌰𑌾𑌕𑍍𑌰𑌮𑌂 𑌚 𑌯𑍁𑌦𑍍𑌧𑍇𑌷𑍁 𑌜𑌾𑌯𑌤𑍇 𑌨𑌿𑌰𑍍𑌭𑌯𑌃 𑌪𑍁𑌮𑌾𑌨𑍍॥14॥

𑌰𑌿𑌪𑌵𑌃 𑌸𑌂𑌕𑍍𑌷𑌯𑌂 𑌯𑌾𑌂𑌤𑌿 𑌕𑌳𑍍𑌯𑌾𑌣𑌾𑌂 𑌚𑍋𑌪𑌪𑌧𑍍𑌯𑌤𑍇।
𑌨𑌂𑌦𑌤𑍇 𑌚 𑌕𑍁𑌲𑌂 𑌪𑍁𑌂𑌸𑌾𑌂 𑌮𑌹𑌾𑌤𑍍𑌮𑍍𑌯𑌂 𑌮𑌮𑌶𑍃𑌣𑍍𑌵𑌤𑌾𑌮𑍍॥15॥

𑌶𑌾𑌂𑌤𑌿𑌕𑌰𑍍𑌮𑌾𑌣𑌿 𑌸𑌰𑍍𑌵𑌤𑍍𑌰 𑌤𑌥𑌾 𑌦𑍁𑌃𑌸𑍍𑌵𑌪𑍍𑌨𑌦𑌰𑍍𑌶𑌨𑍇।
𑌗𑍍𑌰𑌹𑌪𑍀𑌡𑌾𑌸𑍁 𑌚𑍋𑌗𑍍𑌰𑌾𑌸𑍁 𑌮𑌹𑌾𑌤𑍍𑌮𑍍𑌯𑌂 𑌶𑍃𑌣𑍁𑌯𑌾𑌨𑍍𑌮𑌮॥16॥

𑌉𑌪𑌸𑌰𑍍𑌗𑌾𑌃 𑌶𑌮𑌂 𑌯𑌾𑌂𑌤𑌿 𑌗𑍍𑌰𑌹𑌪𑍀𑌡𑌾𑌶𑍍𑌚 𑌦𑌾𑌰𑍁𑌣𑌾𑌃
𑌦𑍁𑌃𑌸𑍍𑌵𑌪𑍍𑌨𑌂 𑌚 𑌨𑍃𑌭𑌿𑌰𑍍𑌦𑍃𑌷𑍍𑌟𑌂 𑌸𑍁𑌸𑍍𑌵𑌪𑍍𑌨𑌮𑍁𑌪𑌜𑌾𑌯𑌤𑍇॥1𑍭॥

𑌬𑌾𑌲𑌗𑍍𑌰𑌹𑌾𑌭𑌿𑌭𑍂𑌤𑌾𑌨𑌂 𑌬𑌾𑌲𑌾𑌨𑌾𑌂 𑌶𑌾𑌂𑌤𑌿𑌕𑌾𑌰𑌕𑌮𑍍।
𑌸𑌂𑌘𑌾𑌤𑌭𑍇𑌦𑍇 𑌚 𑌨𑍃𑌣𑌾𑌂 𑌮𑍈𑌤𑍍𑌰𑍀𑌕𑌰𑌣𑌮𑍁𑌤𑍍𑌤𑌮𑌮𑍍॥1𑍮॥

𑌦𑍁𑌰𑍍𑌵𑍃𑌤𑍍𑌤𑌾𑌨𑌾𑌮𑌶𑍇𑌷𑌾𑌣𑌾𑌂 𑌬𑌲𑌹𑌾𑌨𑌿𑌕𑌰𑌂 𑌪𑌰𑌮𑍍।
𑌰𑌕𑍍𑌷𑍋𑌭𑍂𑌤𑌪𑌿𑌶𑌾𑌚𑌾𑌨𑌾𑌂 𑌪𑌠𑌨𑌾𑌦𑍇𑌵 𑌨𑌾𑌶𑌨𑌮𑍍॥1𑍯॥

𑌸𑌰𑍍𑌵𑌂 𑌮𑌮𑍈𑌤𑌨𑍍𑌮𑌾𑌹𑌾𑌤𑍍𑌮𑍍𑌯𑌂 𑌮𑌮 𑌸𑌨𑍍𑌨𑌿𑌧𑌿𑌕𑌾𑌰𑌕𑌮𑍍।
𑌪𑌶𑍁𑌪𑍁𑌷𑍍𑌪𑌾𑌰𑍍𑌘𑍍𑌯𑌧𑍂𑌪𑍈𑌶𑍍𑌚 𑌗𑌂𑌧𑌦𑍀𑌪𑍈𑌸𑍍𑌤𑌥𑍋𑌤𑍍𑌤𑌮𑍈𑌃॥20॥

𑌵𑌿𑌪𑍍𑌰𑌾𑌣𑌾𑌂 𑌭𑍋𑌜𑌨𑍈𑌰𑍍𑌹𑍋𑌮𑍈𑌃 𑌪𑍍𑌰𑍋𑌕𑍍𑌷𑌣𑍀𑌯𑍈𑌰𑌹𑌰𑍍𑌨𑌿𑌶𑌮𑍍।
𑌅𑌨𑍍𑌯𑍈𑌶𑍍𑌚 𑌵𑌿𑌵𑌿𑌧𑍈𑌰𑍍𑌭𑍋𑌗𑍈𑌃 𑌪𑍍𑌰𑌦𑌾𑌨𑍈𑌰𑍍𑌵𑌤𑍍𑌸𑌰𑍇𑌣 𑌯𑌾॥21॥

𑌪𑍍𑌰𑍀𑌤𑌿𑌰𑍍𑌮𑍇 𑌕𑍍𑌰𑌿𑌯𑌤𑍇 𑌸𑌾𑌸𑍍𑌮𑌿𑌨𑍍 𑌸𑌕𑍃𑌦𑍁𑌚𑍍𑌚𑌰𑌿𑌤𑍇 𑌶𑍍𑌰𑍁𑌤𑍇।
𑌶𑍍𑌰𑍁𑌤𑌂 𑌹𑌰𑌤𑌿 𑌪𑌾𑌪𑌾𑌨𑌿 𑌤𑌥𑌾𑌰𑍋𑌗𑍍𑌯𑌂 𑌪𑍍𑌰𑌯𑌚𑍍𑌛𑌤𑌿॥22॥

𑌰𑌕𑍍𑌷𑌾𑌂 𑌕𑌰𑍋𑌤𑌿 𑌭𑍂𑌤𑍇𑌭𑍍𑌯𑍋 𑌜𑌨𑍍𑌮𑌨𑌾𑌂 𑌕𑍀𑌰𑍍𑌤𑌿𑌨𑌂 𑌮𑌮।
𑌯𑍁𑌦𑍍𑌦𑍇𑌷𑍁 𑌚𑌰𑌿𑌤𑌂 𑌯𑌨𑍍𑌮𑍇 𑌦𑍁𑌷𑍍𑌟 𑌦𑍈𑌤𑍍𑌯 𑌨𑌿𑌬𑌰𑍍𑌹𑌣𑌮𑍍॥23॥

𑌤𑌸𑍍𑌮𑌿𑌂𑌛𑍃𑌤𑍇 𑌵𑍈𑌰𑌿𑌕𑍃𑌤𑌂 𑌭𑌯𑌂 𑌪𑍁𑌂𑌸𑌾𑌂 𑌨 𑌜𑌾𑌯𑌤𑍇।
𑌯𑍁𑌷𑍍𑌮𑌾𑌭𑌿𑌃 𑌸𑍍𑌤𑍁𑌤𑌯𑍋 𑌯𑌾𑌶𑍍𑌚 𑌯𑌾𑌶𑍍𑌚 𑌬𑍍𑌰𑌹𑍍𑌮𑌰𑍍𑌷𑌿𑌭𑌿𑌃 𑌕𑍃𑌤𑌾𑌃॥24॥

𑌬𑍍𑌰𑌹𑍍𑌮𑌣𑌾 𑌚 𑌕𑍃𑌤𑌾𑌸𑍍𑌤𑌾𑌸𑍍𑌤𑍁 𑌪𑍍𑌰𑌯𑌚𑍍𑌛𑌂𑌤𑍁 𑌶𑍁𑌭𑌾𑌂 𑌮𑌤𑌿𑌮𑍍।
𑌅𑌰𑌣𑍍𑌯𑍇 𑌪𑍍𑌰𑌾𑌂𑌤𑌰𑍇 𑌵𑌾𑌪𑌿 𑌦𑌾𑌵𑌾𑌗𑍍𑌨𑌿 𑌪𑌰𑌿𑌵𑌾𑌰𑌿𑌤𑌃॥25॥

𑌦𑌸𑍍𑌯𑍁𑌭𑌿𑌰𑍍𑌵𑌾 𑌵𑍃𑌤𑌃 𑌶𑍂𑌨𑍍𑌯𑍇 𑌗𑍃𑌹𑍀𑌤𑍋 𑌵𑌾𑌪𑌿 𑌶𑌤𑍃𑌭𑌿𑌃।
𑌸𑌿𑌂𑌹𑌵𑍍𑌯𑌾𑌘𑍍𑌰𑌾𑌨𑍁𑌯𑌾𑌤𑍋 𑌵𑌾 𑌵𑌨𑍇𑌵𑌾 𑌵𑌨 𑌹𑌸𑍍𑌤𑌿𑌭𑌿𑌃॥26॥

𑌰𑌾𑌜𑍍𑌞𑌾 𑌕𑍍𑌰𑍁𑌦𑍍𑌦𑍇𑌨 𑌚𑌾𑌜𑍍𑌞𑌪𑍍𑌤𑍋 𑌵𑌧𑍍𑌯𑍋 𑌬𑌂𑌦 𑌗𑌤𑍋𑌽𑌪𑌿𑌵𑌾।
𑌆𑌘𑍂𑌰𑍍𑌣𑌿𑌤𑍋 𑌵𑌾 𑌵𑌾𑌤𑍇𑌨 𑌸𑍍𑌥𑌿𑌤𑌃 𑌪𑍋𑌤𑍇 𑌮𑌹𑌾𑌰𑍍𑌣𑌵𑍇॥2𑍭॥

𑌪𑌤𑌤𑍍𑌸𑍁 𑌚𑌾𑌪𑌿 𑌶𑌸𑍍𑌤𑍍𑌰𑍇𑌷𑍁 𑌸𑌂𑌗𑍍𑌰𑌾𑌮𑍇 𑌭𑍃𑌶𑌦𑌾𑌰𑍁𑌣𑍇।
𑌸𑌰𑍍𑌵𑌾𑌬𑌾𑌧𑌾𑌶𑍁 𑌘𑍋𑌰𑌾𑌸𑍁 𑌵𑍇𑌦𑌨𑌾𑌭𑍍𑌯𑌰𑍍𑌦𑌿𑌤𑍋𑌽𑌪𑌿𑌵𑌾॥2𑍮॥

𑌸𑍍𑌮𑌰𑌨𑍍 𑌮𑌮𑍈𑌤𑌚𑍍𑌚𑌰𑌿𑌤𑌂 𑌨𑌰𑍋 𑌮𑍁𑌚𑍍𑌯𑍇𑌤 𑌸𑌂𑌕𑌟𑌾𑌤𑍍।
𑌮𑌮 𑌪𑍍𑌰𑌭𑌾𑌵𑌾𑌤𑍍𑌸𑌿𑌂𑌹𑌾𑌦𑍍𑌯𑌾 𑌦𑌸𑍍𑌯𑌵𑍋 𑌵𑍈𑌰𑌿𑌣 𑌸𑍍𑌤𑌥𑌾॥2𑍯॥

𑌦𑍂𑌰𑌾𑌦𑍇𑌵 𑌪𑌲𑌾𑌯𑌂𑌤𑍇 𑌸𑍍𑌮𑌰𑌤𑌶𑍍𑌚𑌰𑌿𑌤𑌂 𑌮𑌮॥30॥

𑌋𑌷𑌿𑌰𑍁𑌵𑌾𑌚॥31॥

𑌇𑌤𑍍𑌯𑍁𑌕𑍍𑌤𑍍𑌵𑌾 𑌸𑌾 𑌭𑌗𑌵𑌤𑍀 𑌚𑌂𑌡𑌿𑌕𑌾 𑌚𑌂𑌡𑌵𑌿𑌕𑍍𑌰𑌮𑌾।
𑌪𑌶𑍍𑌯𑌤𑌾𑌂 𑌸𑌰𑍍𑌵 𑌦𑍇𑌵𑌾𑌨𑌾𑌂 𑌤𑌤𑍍𑌰𑍈𑌵𑌾𑌂𑌤𑌰𑌧𑍀𑌯𑌤॥32॥

𑌤𑍇𑌽𑌪𑌿 𑌦𑍇𑌵𑌾 𑌨𑌿𑌰𑌾𑌤𑌂𑌕𑌾𑌃 𑌸𑍍𑌵𑌾𑌧𑌿𑌕𑌾𑌰𑌾𑌨𑍍𑌯𑌥𑌾 𑌪𑍁𑌰𑌾।
𑌯𑌜𑍍𑌞𑌭𑌾𑌗𑌭𑍁𑌜𑌃 𑌸𑌰𑍍𑌵𑍇 𑌚𑌕𑍍𑌰𑍁𑌰𑍍𑌵𑌿 𑌨𑌿𑌹𑌤𑌾𑌰𑌯𑌃॥33॥

𑌦𑍈𑌤𑍍𑌯𑌾𑌶𑍍𑌚 𑌦𑍇𑌵𑍍𑌯𑌾 𑌨𑌿𑌹𑌤𑍇 𑌶𑍁𑌂𑌭𑍇 𑌦𑍇𑌵𑌰𑌿𑌪𑍌 𑌯𑍁𑌧𑌿
𑌜𑌗𑌦𑍍𑌵𑌿𑌧𑍍𑌵𑌂𑌸𑌕𑍇 𑌤𑌸𑍍𑌮𑌿𑌨𑍍 𑌮𑌹𑍋𑌗𑍍𑌰𑍇𑌽𑌤𑍁𑌲 𑌵𑌿𑌕𑍍𑌰𑌮𑍇॥34॥

𑌨𑌿𑌶𑍁𑌂𑌭𑍇 𑌚 𑌮𑌹𑌾𑌵𑍀𑌰𑍍𑌯𑍇 𑌶𑍇𑌷𑌾𑌃 𑌪𑌾𑌤𑌾𑌳𑌮𑌾𑌯𑌯𑍁𑌃॥35॥

𑌏𑌵𑌂 𑌭𑌗𑌵𑌤𑍀 𑌦𑍇𑌵𑍀 𑌸𑌾 𑌨𑌿𑌤𑍍𑌯𑌾𑌪𑌿 𑌪𑍁𑌨𑌃 𑌪𑍁𑌨𑌃।
𑌸𑌂𑌭𑍂𑌯 𑌕𑍁𑌰𑍁𑌤𑍇 𑌭𑍂𑌪 𑌜𑌗𑌤𑌃 𑌪𑌰𑌿𑌪𑌾𑌲𑌨𑌮𑍍॥36॥

𑌤𑌯𑍈𑌤𑌨𑍍𑌮𑍋𑌹𑍍𑌯𑌤𑍇 𑌵𑌿𑌶𑍍𑌵𑌂 𑌸𑍈𑌵 𑌵𑌿𑌶𑍍𑌵𑌂 𑌪𑍍𑌰𑌸𑍂𑌯𑌤𑍇।
𑌸𑌾𑌯𑌾𑌚𑌿𑌤𑌾 𑌚 𑌵𑌿𑌜𑍍𑌞𑌾𑌨𑌂 𑌤𑍁𑌷𑍍𑌟𑌾 𑌋𑌦𑍍𑌧𑌿𑌂 𑌪𑍍𑌰𑌯𑌚𑍍𑌛𑌤𑌿॥3𑍭॥

𑌵𑍍𑌯𑌾𑌪𑍍𑌤𑌂 𑌤𑌯𑍈𑌤𑌤𑍍𑌸𑌕𑌲𑌂 𑌬𑍍𑌰𑌹𑍍𑌮𑌾𑌂𑌡𑌂 𑌮𑌨𑍁𑌜𑍇𑌶𑍍𑌵𑌰।
𑌮𑌹𑌾𑌦𑍇𑌵𑍍𑌯𑌾 𑌮𑌹𑌾𑌕𑌾𑌳𑍀 𑌮𑌹𑌾𑌮𑌾𑌰𑍀 𑌸𑍍𑌵𑌰𑍂𑌪𑌯𑌾॥3𑍮॥

𑌸𑍈𑌵 𑌕𑌾𑌲𑍇 𑌮𑌹𑌾𑌮𑌾𑌰𑍀 𑌸𑍈𑌵 𑌸𑍃𑌷𑍍𑌤𑌿𑌰𑍍𑌭𑌵𑌤𑍍𑌯𑌜𑌾।
𑌸𑍍𑌥𑌿𑌤𑌿𑌂 𑌕𑌰𑍋𑌤𑌿 𑌭𑍂𑌤𑌾𑌨𑌾𑌂 𑌸𑍈𑌵 𑌕𑌾𑌲𑍇 𑌸𑌨𑌾𑌤𑌨𑍀॥3𑍯॥

𑌭𑌵𑌕𑌾𑌲𑍇 𑌨𑍃𑌣𑌾𑌂 𑌸𑍈𑌵 𑌲𑌕𑍍𑌷𑍍𑌮𑍀𑌰𑍍𑌵𑍃𑌦𑍍𑌧𑌿𑌪𑍍𑌰𑌦𑌾 𑌗𑍃𑌹𑍇।
𑌸𑍈𑌵𑌾𑌭𑌾𑌵𑍇 𑌤𑌥𑌾 𑌲𑌕𑍍𑌷𑍍𑌮𑍀 𑌰𑍍𑌵𑌿𑌨𑌾𑌶𑌾𑌯𑍋𑌪𑌜𑌾𑌯𑌤𑍇॥40॥

𑌸𑍍𑌤𑍁𑌤𑌾 𑌸𑌂𑌪𑍂𑌜𑌿𑌤𑌾 𑌪𑍁𑌷𑍍𑌪𑍈𑌰𑍍𑌗𑌂𑌧𑌧𑍂𑌪𑌾𑌦𑌿𑌭𑌿𑌸𑍍𑌤𑌥𑌾।
𑌦𑌦𑌾𑌤𑌿 𑌵𑌿𑌤𑍍𑌤𑌂 𑌪𑍁𑌤𑍍𑌰𑌾𑌂𑌶𑍍𑌚 𑌮𑌤𑌿𑌂 𑌧𑌰𑍍𑌮𑍇 𑌗𑌤𑌿𑌂 𑌶𑍁𑌭𑌾𑌂॥41॥

॥ 𑌇𑌤𑌿 𑌶𑍍𑌰𑍀 𑌮𑌾𑌰𑍍𑌕𑌂𑌡𑍇𑌯 𑌪𑍁𑌰𑌾𑌣𑍇 𑌸𑌾𑌵𑌰𑍍𑌨𑌿𑌕𑍇 𑌮𑌨𑍍𑌵𑌂𑌤𑌰𑍇 𑌦𑍇𑌵𑍀 𑌮𑌹𑌤𑍍𑌮𑍍𑌯𑍇 𑌫𑌲𑌶𑍍𑌰𑍁𑌤𑌿𑌰𑍍𑌨𑌾𑌮 𑌦𑍍𑌵𑌾𑌦𑌶𑍋𑌽𑌧𑍍𑌯𑌾𑌯 𑌸𑌮𑌾𑌪𑍍𑌤𑌮𑍍 ॥

𑌆𑌹𑍁𑌤𑌿
𑌓𑌂 𑌕𑍍𑌲𑍀𑌂 𑌜𑌯𑌂𑌤𑍀 𑌸𑌾𑌂𑌗𑌾𑌯𑍈 𑌸𑌶𑌕𑍍𑌤𑌿𑌕𑌾𑌯𑍈 𑌸𑌪𑌰𑌿𑌵𑌾𑌰𑌾𑌯𑍈 𑌸𑌵𑌾𑌹𑌨𑌾𑌯𑍈 𑌵𑌰𑌪𑍍𑌰𑌧𑌾𑌯𑍈 𑌵𑍈𑌷𑍍𑌣𑌵𑍀 𑌦𑍇𑌵𑍍𑌯𑍈 𑌅𑌹𑌾𑌹𑍁𑌤𑌿𑌂 𑌸𑌮𑌰𑍍𑌪𑌯𑌾𑌮𑌿 𑌨𑌮𑌃 𑌸𑍍𑌵𑌾𑌹𑌾 ॥

Browse Related Categories: