𑌶𑍍𑌰𑍀𑌮𑌾𑌨𑍍 𑌯𑌸𑍍𑌯𑌾𑌃 𑌪𑍍𑌰𑌿𑌯𑌸𑍍𑌸𑌨𑍍 𑌸𑌕𑌲𑌮𑌪𑌿 𑌜𑌗𑌜𑍍𑌜𑌂𑌗𑌮𑌸𑍍𑌥𑌾𑌵𑌰𑌾𑌦𑍍𑌯𑌂
𑌸𑍍𑌵𑌰𑍍𑌭𑍂𑌪𑌾𑌤𑌾𑌲𑌭𑍇𑌦𑌂 𑌵𑌿𑌵𑌿𑌧𑌵𑌿𑌧𑌮𑌹𑌾𑌶𑌿𑌲𑍍𑌪𑌸𑌾𑌮𑌰𑍍𑌥𑍍𑌯𑌸𑌿𑌦𑍍𑌧𑌮𑍍 ।
𑌰𑌂𑌜𑌨𑍍 𑌬𑍍𑌰𑌹𑍍𑌮𑌾𑌮𑌰𑍇𑌂𑌦𑍍𑌰𑍈𑌸𑍍𑌤𑍍𑌰𑌿𑌭𑍁𑌵𑌨𑌜𑌨𑌕𑌃 𑌸𑍍𑌤𑍂𑌯𑌤𑍇 𑌭𑍂𑌰𑌿𑌶𑍋 𑌯𑌃
𑌸𑌾 𑌵𑌿𑌷𑍍𑌣𑍋𑌰𑍇𑌕𑌪𑌤𑍍𑌨𑍀 𑌤𑍍𑌰𑌿𑌭𑍁𑌵𑌨𑌜𑌨𑌨𑍀 𑌪𑌾𑌤𑍁 𑌪𑌦𑍍𑌮𑌾𑌵𑌤𑍀 𑌨𑌃 ॥ 1 ॥
𑌶𑍍𑌰𑍀𑌶𑍃𑌂𑌗𑌾𑌰𑍈𑌕𑌦𑍇𑌵𑍀𑌂 𑌵𑌿𑌧𑌿𑌮𑍁𑌖𑌸𑍁𑌮𑌨𑌃𑌕𑍋𑌟𑌿𑌕𑍋𑌟𑍀𑌰𑌜𑌾𑌗𑍍𑌰-
𑌦𑍍𑌰𑌤𑍍𑌨𑌜𑍍𑌯𑍋𑌤𑍍𑌸𑍍𑌨𑌾𑌪𑍍𑌰𑌸𑌾𑌰𑌪𑍍𑌰𑌕𑌟𑌿𑌤𑌚𑌰𑌣𑌾𑌂𑌭𑍋𑌜𑌨𑍀𑌰𑌾𑌜𑌿𑌤𑌾𑌰𑍍𑌚𑌾𑌮𑍍 ।
𑌗𑍀𑌰𑍍𑌵𑌾𑌣𑌸𑍍𑌤𑍍𑌰𑍈𑌣𑌵𑌾𑌣𑍀𑌪𑌰𑌿𑌫𑌣𑌿𑌤𑌮𑌹𑌾𑌕𑍀𑌰𑍍𑌤𑌿𑌸𑍌𑌭𑌾𑌗𑍍𑌯𑌭𑌾𑌗𑍍𑌯𑌾𑌂
𑌹𑍇𑌲𑌾𑌨𑌿𑌰𑍍𑌦𑌗𑍍𑌧𑌦𑍈𑌨𑍍𑌯𑌶𑍍𑌰𑌮𑌵𑌿𑌷𑌮𑌮𑌹𑌾𑌰𑌣𑍍𑌯𑌗𑌣𑍍𑌯𑌾𑌂 𑌨𑌮𑌾𑌮𑌿 ॥ 2 ॥
𑌵𑌿𑌦𑍍𑌯𑍁𑌤𑍍𑌕𑍋𑌟𑌿𑌪𑍍𑌰𑌕𑌾𑌶𑌾𑌂 𑌵𑌿𑌵𑌿𑌧𑌮𑌣𑌿𑌗𑌣𑍋𑌨𑍍𑌨𑌿𑌦𑍍𑌰𑌸𑍁𑌸𑍍𑌨𑌿𑌗𑍍𑌧𑌶𑍋𑌭𑌾-
𑌸𑌂𑌪𑌤𑍍𑌸𑌂𑌪𑍂𑌰𑍍𑌣𑌹𑌾𑌰𑌾𑌦𑍍𑌯𑌭𑌿𑌨𑌵𑌵𑌿𑌭𑌵𑌾𑌲𑌂𑌕𑍍𑌰𑌿𑌯𑍋𑌲𑍍𑌲𑌾𑌸𑌿𑌕𑌂𑌠𑌾𑌮𑍍 ।
𑌆𑌦𑍍𑌯𑌾𑌂 𑌵𑌿𑌦𑍍𑌯𑍋𑌤𑌮𑌾𑌨𑌸𑍍𑌮𑌿𑌤𑌰𑍁𑌚𑌿𑌰𑌚𑌿𑌤𑌾𑌨𑌲𑍍𑌪𑌚𑌂𑌦𑍍𑌰𑌪𑍍𑌰𑌕𑌾𑌶𑌾𑌂
𑌪𑌦𑍍𑌮𑌾𑌂 𑌪𑌦𑍍𑌮𑌾𑌯𑌤𑌾𑌕𑍍𑌷𑍀𑌂 𑌪𑌦𑌨𑌲𑌿𑌨𑌨𑌮𑌤𑍍𑌪𑌦𑍍𑌮𑌸𑌦𑍍𑌮𑌾𑌂 𑌨𑌮𑌾𑌮𑌿 ॥ 3 ॥
𑌶𑌶𑍍𑌵𑌤𑍍𑌤𑌸𑍍𑌯𑌾𑌃 𑌶𑍍𑌰𑌯𑍇𑌽𑌹𑌂 𑌚𑌰𑌣𑌸𑌰𑌸𑌿𑌜𑌂 𑌶𑌾𑌰𑍍𑌙𑍍𑌗𑌪𑌾𑌣𑍇𑌃 𑌪𑍁𑌰𑌂𑌧𑍍𑌰𑍍𑌯𑌾𑌃
𑌸𑍍𑌤𑍋𑌕𑌂 𑌯𑌸𑍍𑌯𑌾𑌃 𑌪𑍍𑌰𑌸𑌾𑌦𑌃 𑌪𑍍𑌰𑌸𑌰𑌤𑌿 𑌮𑌨𑍁𑌜𑍇 𑌕𑍍𑌰𑍂𑌰𑌦𑌾𑌰𑌿𑌦𑍍𑌰𑍍𑌯𑌦𑌗𑍍𑌧𑍇 ।
𑌸𑍋𑌽𑌯𑌂 𑌸𑌦𑍍𑌯𑍋𑌽𑌨𑌵𑌦𑍍𑌯𑌸𑍍𑌥𑌿𑌰𑌤𑌰𑌰𑍁𑌚𑌿𑌰𑌶𑍍𑌰𑍇𑌷𑍍𑌠𑌭𑍂𑌯𑌿𑌷𑍍𑌠𑌨𑌵𑍍𑌯-
𑌸𑍍𑌤𑌵𑍍𑌯𑌪𑍍𑌰𑌾𑌸𑌾𑌦𑌪𑌂𑌕𑍍𑌤𑌿𑌪𑍍𑌰𑌸𑌿𑌤𑌬𑌹𑍁𑌵𑌿𑌧𑌪𑍍𑌰𑌾𑌭𑌵𑍋 𑌬𑍋𑌭𑌵𑍀𑌤𑌿 ॥ 4 ॥
𑌸𑍌𑌂𑌦𑌰𑍍𑌯𑍋𑌦𑍍𑌵𑍇𑌲𑌹𑍇𑌮𑌾𑌂𑌬𑍁𑌜𑌮𑌹𑌿𑌤𑌮𑌹𑌾𑌸𑌿𑌂𑌹𑌪𑍀𑌠𑌾𑌶𑍍𑌰𑌯𑌾𑌢𑍍𑌯𑌾𑌂
𑌪𑍁𑌷𑍍𑌯𑌨𑍍𑌨𑍀𑌲𑌾𑌰𑌵𑌿𑌂𑌦𑌪𑍍𑌰𑌤𑌿𑌮𑌵𑌰𑌕𑍃𑌪𑌾𑌪𑍂𑌰𑌸𑌂𑌪𑍂𑌰𑍍𑌣𑌨𑍇𑌤𑍍𑌰𑌾𑌮𑍍 ।
𑌜𑍍𑌯𑍋𑌤𑍍𑌸𑍍𑌨𑌾𑌪𑍀𑌯𑍂𑌷𑌧𑌾𑌰𑌾𑌵𑌹𑌨𑌵𑌸𑍁𑌷𑌮𑌕𑍍𑌷𑍌𑌮𑌧𑌾𑌮𑍋𑌜𑍍𑌜𑍍𑌵𑌲𑌾𑌂𑌗𑍀𑌂
𑌵𑌂𑌦𑍇 𑌸𑌿𑌦𑍍𑌧𑍇𑌶𑌚𑍇𑌤𑌸𑍍𑌸𑌰𑌸𑌿𑌜𑌨𑌿𑌲𑌯𑌾𑌂 𑌚𑌕𑍍𑌰𑌿𑌸𑍌𑌭𑌾𑌗𑍍𑌯𑌋𑌦𑍍𑌧𑌿𑌮𑍍 ॥ 5 ॥
𑌸𑌂𑌸𑌾𑌰𑌕𑍍𑌲𑍇𑌶𑌹𑌂𑌤𑍍𑌰𑍀𑌂 𑌸𑍍𑌮𑌿𑌤𑌰𑍁𑌚𑌿𑌰𑌮𑍁𑌖𑍀𑌂 𑌸𑌾𑌰𑌶𑍃𑌂𑌗𑌾𑌰𑌶𑍋𑌭𑌾𑌂
𑌸𑌰𑍍𑌵𑍈𑌶𑍍𑌵𑌰𑍍𑌯𑌪𑍍𑌰𑌦𑌾𑌤𑍍𑌰𑍀𑌂 𑌸𑌰𑌸𑌿𑌜𑌨𑌯𑌨𑌾𑌂 𑌸𑌂𑌸𑍍𑌤𑍁𑌤𑌾𑌂 𑌸𑌾𑌧𑍁𑌬𑍃𑌂𑌦𑍈𑌃 ।
𑌸𑌂𑌸𑌿𑌦𑍍𑌧𑌸𑍍𑌨𑌿𑌗𑍍𑌧𑌭𑌾𑌵𑌾𑌂 𑌸𑍁𑌰𑌹𑌿𑌤𑌚𑌰𑌿𑌤𑌾𑌂 𑌸𑌿𑌂𑌧𑍁𑌰𑌾𑌜𑌾𑌤𑍍𑌮𑌭𑍂𑌤𑌾𑌂
𑌸𑍇𑌵𑍇 𑌸𑌂𑌭𑌾𑌵𑌨𑍀𑌯𑌾𑌨𑍁𑌪𑌮𑌿𑌤𑌮𑌹𑌿𑌮𑌾𑌂 𑌸𑌚𑍍𑌚𑌿𑌦𑌾𑌨𑌂𑌦𑌰𑍂𑌪𑌾𑌮𑍍 ॥ 6 ॥
𑌸𑌿𑌦𑍍𑌧𑌸𑍍𑌵𑌰𑍍𑌣𑍋𑌪𑌮𑌾𑌨𑌦𑍍𑌯𑍁𑌤𑌿𑌲𑌸𑌿𑌤𑌤𑌨𑍁𑌂 𑌸𑍍𑌨𑌿𑌗𑍍𑌧𑌸𑌂𑌪𑍂𑌰𑍍𑌣𑌚𑌂𑌦𑍍𑌰-
𑌵𑍍𑌰𑍀𑌡𑌾𑌸𑌂𑌪𑌾𑌦𑌿𑌵𑌕𑍍𑌤𑍍𑌰𑌾𑌂 𑌤𑌿𑌲𑌸𑍁𑌮𑌵𑌿𑌜𑌯𑍋𑌦𑍍𑌯𑍋𑌗𑌨𑌿𑌰𑍍𑌨𑌿𑌦𑍍𑌰𑌨𑌾𑌸𑌾𑌮𑍍 ।
𑌤𑌾𑌦𑌾𑌤𑍍𑌵𑍋𑌤𑍍𑌫𑍁𑌲𑍍𑌲𑌨𑍀𑌲𑌾𑌂𑌬𑍁𑌜𑌹𑌸𑌨𑌚𑌣𑌾𑌤𑍍𑌮𑍀𑌯𑌚𑌕𑍍𑌷𑍁𑌃 𑌪𑍍𑌰𑌕𑌾𑌶𑌾𑌂
𑌬𑌾𑌲𑌶𑍍𑌰𑍀𑌲𑌪𑍍𑌰𑌵𑌾𑌲𑌪𑍍𑌰𑌿𑌯𑌸𑌖𑌚𑌰𑌣𑌦𑍍𑌵𑌂𑌦𑍍𑌵𑌰𑌮𑍍𑌯𑌾𑌂 𑌭𑌜𑍇𑌽𑌹𑌮𑍍 ॥ ॥
𑌯𑌾𑌂 𑌦𑍇𑌵𑍀𑌂 𑌮𑍌𑌨𑌿𑌵𑌰𑍍𑌯𑌾𑌃 𑌶𑍍𑌰𑌯𑌦𑌮𑌰𑌵𑌧𑍂𑌮𑍌𑌲𑌿𑌮𑌾𑌲𑍍𑌯𑌾𑌰𑍍𑌚𑌿𑌤𑌾𑌂𑌘𑍍𑌰𑌿𑌂
𑌸𑌂𑌸𑌾𑌰𑌾𑌸𑌾𑌰𑌵𑌾𑌰𑌾𑌨𑍍𑌨𑌿𑌧𑌿𑌤𑌰𑌤𑌰𑌣𑍇 𑌸𑌰𑍍𑌵𑌦𑌾 𑌭𑌾𑌵𑌯𑌂𑌤𑍇 ।
𑌶𑍍𑌰𑍀𑌕𑌾𑌰𑍋𑌤𑍍𑌤𑍁𑌂𑌗𑌰𑌤𑍍𑌨𑌪𑍍𑌰𑌚𑍁𑌰𑌿𑌤𑌕𑌨𑌕𑌸𑍍𑌨𑌿𑌗𑍍𑌧𑌶𑍁𑌦𑍍𑌧𑌾𑌂𑌤𑌲𑍀𑌲𑌾𑌂
𑌤𑌾𑌂 𑌶𑌶𑍍𑌵𑌤𑍍𑌪𑌾𑌦𑌪𑌦𑍍𑌮𑌶𑍍𑌰𑌯𑌦𑌖𑌿𑌲𑌹𑍃𑌦𑌾𑌹𑍍𑌲𑌾𑌦𑌿𑌨𑍀𑌂 𑌹𑍍𑌲𑌾𑌦𑌯𑍇𑌽𑌹𑌮𑍍 ॥ ॥
𑌆𑌕𑌾𑌶𑌾𑌧𑍀𑌶𑌪𑍁𑌤𑍍𑌰𑍀𑌂 𑌶𑍍𑌰𑌿𑌤𑌜𑌨𑌨𑌿𑌵𑌹𑌾𑌧𑍀𑌨𑌚𑍇𑌤𑌃𑌪𑍍𑌰𑌵𑍃𑌤𑍍𑌤𑌿𑌂
𑌵𑌂𑌦𑍇 𑌶𑍍𑌰𑍀𑌵𑍇𑌂𑌕𑌟𑍇𑌶𑌪𑍍𑌰𑌭𑍁𑌵𑌰𑌮𑌹𑌿𑌷𑍀𑌂 𑌦𑍀𑌨𑌚𑌿𑌤𑍍𑌤𑌪𑍍𑌰𑌤𑍋𑌷𑌾𑌮𑍍 ।
𑌪𑍁𑌷𑍍𑌯𑌤𑍍𑌪𑌾𑌦𑌾𑌰𑌵𑌿𑌂𑌦𑌪𑍍𑌰𑌸𑍃𑌮𑌰𑌸𑍁𑌮𑌹𑌶𑍍𑌶𑌾𑌮𑌿𑌤𑌸𑍍𑌵𑌾𑌶𑍍𑌰𑌿𑌤𑌾𑌂𑌤-
𑌸𑍍𑌤𑌾𑌮𑌿𑌸𑍍𑌰𑌾𑌂 𑌤𑌤𑍍𑌤𑍍𑌵𑌰𑍂𑌪𑌾𑌂 𑌶𑍁𑌕𑌪𑍁𑌰𑌨𑌿𑌲𑌯𑌾𑌂 𑌸𑌰𑍍𑌵𑌸𑍌𑌭𑌾𑌗𑍍𑌯𑌦𑌾𑌤𑍍𑌰𑍀𑌮𑍍 ॥ ॥
𑌶𑍍𑌰𑍀𑌶𑍇𑌷𑌶𑌰𑍍𑌮𑌾𑌭𑌿𑌨𑌵𑍋𑌪𑌕𑍍𑌲𑍁𑌪𑍍𑌤𑌾
𑌪𑍍𑌰𑌿𑌯𑍇𑌣 𑌭𑌕𑍍𑌤𑍍𑌯𑌾 𑌚 𑌸𑌮𑌰𑍍𑌪𑌿𑌤𑍇𑌯𑌮𑍍 ।
𑌪𑌦𑍍𑌮𑌾𑌵𑌤𑍀𑌮𑌂𑌗𑌲𑌕𑌂𑌠𑌭𑍂𑌷𑌾
𑌵𑌿𑌰𑌾𑌜𑌤𑌾𑌂 𑌶𑍍𑌰𑍀𑌨𑌵𑌰𑌤𑍍𑌨𑌮𑌾𑌲𑌾 ॥ 10 ॥
𑌇𑌤𑌿 𑌶𑍍𑌰𑍀 𑌪𑌦𑍍𑌮𑌾𑌵𑌤𑍀 𑌨𑌵𑌰𑌤𑍍𑌨𑌮𑌾𑌲𑌿𑌕𑌾 𑌸𑍍𑌤𑍁𑌤𑌿𑌃 ।
