𑌭𑍃𑌗𑍁𑌰𑍁𑌵𑌾𑌚
𑌚𑌤𑍁𑌰𑍍𑌵𑌕𑍍𑌤𑍍𑌰 𑌜𑌗𑌨𑍍𑌨𑌾𑌥 𑌸𑍍𑌤𑍋𑌤𑍍𑌰𑌂 𑌵𑌦 𑌮𑌯𑌿 𑌪𑍍𑌰𑌭𑍋 ।
𑌯𑌸𑍍𑌯𑌾𑌨𑍁𑌷𑍍𑌠𑌾𑌨𑌮𑌾𑌤𑍍𑌰𑍇𑌣 𑌨𑌰𑍋 𑌭𑌕𑍍𑌤𑌿𑌮𑌵𑌾𑌪𑍍𑌨𑍁𑌯𑌾𑌤𑍍 ॥ 1 ॥
𑌬𑍍𑌰𑌹𑍍𑌮𑍋𑌵𑌾𑌚
𑌸𑌹𑌸𑍍𑌰𑌨𑌾𑌮𑍍𑌨𑌾𑌮𑌾𑌕𑍃𑌷𑍍𑌯 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ।
𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌰𑌂 𑌗𑍁𑌹𑍍𑌯𑌂 𑌸𑍁𑌂𑌦𑌰𑍍𑌯𑌾𑌃 𑌪𑌰𑌿𑌕𑍀𑌰𑍍𑌤𑌿𑌤𑌮𑍍 ॥ 2 ॥
𑌅𑌸𑍍𑌯 𑌶𑍍𑌰𑍀𑌷𑍋𑌡𑌶𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌸𑍍𑌯 𑌶𑌂𑌭𑍁𑌰𑍃𑌷𑌿𑌃 𑌅𑌨𑍁𑌷𑍍𑌟𑍁𑌪𑍍 𑌛𑌂𑌦𑌃 𑌶𑍍𑌰𑍀𑌷𑍋𑌡𑌶𑍀 𑌦𑍇𑌵𑌤𑌾 𑌧𑌰𑍍𑌮𑌾𑌰𑍍𑌥𑌕𑌾𑌮𑌮𑍋𑌕𑍍𑌷𑌸𑌿𑌦𑍍𑌧𑍍𑌯𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌤𑍍𑌰𑌿𑌪𑍁𑌰𑌾 𑌷𑍋𑌡𑌶𑍀 𑌮𑌾𑌤𑌾 𑌤𑍍𑌰𑍍𑌯𑌕𑍍𑌷𑌰𑌾 𑌤𑍍𑌰𑌿𑌤𑌯𑌾 𑌤𑍍𑌰𑌯𑍀 ।
𑌸𑍁𑌂𑌦𑌰𑍀 𑌸𑍁𑌮𑍁𑌖𑍀 𑌸𑍇𑌵𑍍𑌯𑌾 𑌸𑌾𑌮𑌵𑍇𑌦𑌪𑌰𑌾𑌯𑌣𑌾 ॥ 3 ॥
𑌶𑌾𑌰𑌦𑌾 𑌶𑌬𑍍𑌦𑌨𑌿𑌲𑌯𑌾 𑌸𑌾𑌗𑌰𑌾 𑌸𑌰𑌿𑌦𑌂𑌬𑌰𑌾 ।
𑌶𑍁𑌦𑍍𑌧𑌾 𑌶𑍁𑌦𑍍𑌧𑌤𑌨𑍁𑌃 𑌸𑌾𑌧𑍍𑌵𑍀 𑌶𑌿𑌵𑌧𑍍𑌯𑌾𑌨𑌪𑌰𑌾𑌯𑌣𑌾 ॥ 4 ॥
𑌸𑍍𑌵𑌾𑌮𑌿𑌨𑍀 𑌶𑌂𑌭𑍁𑌵𑌨𑌿𑌤𑌾 𑌶𑌾𑌂𑌭𑌵𑍀 𑌚 𑌸𑌰𑌸𑍍𑌵𑌤𑍀 ।
𑌸𑌮𑍁𑌦𑍍𑌰𑌮𑌥𑌿𑌨𑍀 𑌶𑍀𑌘𑍍𑌰𑌗𑌾𑌮𑌿𑌨𑍀 𑌶𑍀𑌘𑍍𑌰𑌸𑌿𑌦𑍍𑌧𑌿𑌦𑌾 ॥ 5 ॥
𑌸𑌾𑌧𑍁𑌸𑍇𑌵𑍍𑌯𑌾 𑌸𑌾𑌧𑍁𑌗𑌮𑍍𑌯𑌾 𑌸𑌾𑌧𑍁𑌸𑌂𑌤𑍁𑌷𑍍𑌟𑌮𑌾𑌨𑌸𑌾 ।
𑌖𑌟𑍍𑌵𑌾𑌂𑌗𑌧𑌾𑌰𑌿𑌣𑍀 𑌖𑌰𑍍𑌵𑌾 𑌖𑌡𑍍𑌗𑌖𑌰𑍍𑌪𑌰𑌧𑌾𑌰𑌿𑌣𑍀 ॥ 6 ॥
𑌷𑌡𑍍𑌵𑌰𑍍𑌗𑌭𑌾𑌵𑌰𑌹𑌿𑌤𑌾 𑌷𑌡𑍍𑌵𑌰𑍍𑌗𑌪𑌰𑌿𑌚𑌾𑌰𑌿𑌕𑌾 ।
𑌷𑌡𑍍𑌵𑌰𑍍𑌗𑌾 𑌚 𑌷𑌡𑌂𑌗𑌾 𑌚 𑌷𑍋𑌢𑌾 𑌷𑍋𑌡𑌶𑌵𑌾𑌰𑍍𑌷𑌿𑌕𑍀 ॥ ॥
𑌕𑍍𑌰𑌤𑍁𑌰𑍂𑌪𑌾 𑌕𑍍𑌰𑌤𑍁𑌮𑌤𑍀 𑌋𑌭𑍁𑌕𑍍𑌷𑌕𑍍𑌰𑌤𑍁𑌮𑌂𑌡𑌿𑌤𑌾 ।
𑌕𑌵𑌰𑍍𑌗𑌾𑌦𑌿𑌪𑌵𑌰𑍍𑌗𑌾𑌂𑌤𑌾 𑌅𑌂𑌤𑌸𑍍𑌥𑌾𑌽𑌨𑌂𑌤𑌰𑍂𑌪𑌿𑌣𑍀 ॥ ॥
𑌅𑌕𑌾𑌰𑌾𑌕𑌾𑌰𑌰𑌹𑌿𑌤𑌾 𑌕𑌾𑌲𑌮𑍃𑌤𑍍𑌯𑍁𑌜𑌰𑌾𑌪𑌹𑌾 ।
𑌤𑌨𑍍𑌵𑍀 𑌤𑌤𑍍𑌤𑍍𑌵𑍇𑌶𑍍𑌵𑌰𑍀 𑌤𑌾𑌰𑌾 𑌤𑍍𑌰𑌿𑌵𑌰𑍍𑌷𑌾 𑌜𑍍𑌞𑌾𑌨𑌰𑍂𑌪𑌿𑌣𑍀 ॥ ॥
𑌕𑌾𑌲𑍀 𑌕𑌰𑌾𑌲𑍀 𑌕𑌾𑌮𑍇𑌶𑍀 𑌛𑌾𑌯𑌾 𑌸𑌂𑌜𑍍𑌞𑌾𑌪𑍍𑌯𑌰𑍁𑌂𑌧𑌤𑍀 ।
𑌨𑌿𑌰𑍍𑌵𑌿𑌕𑌲𑍍𑌪𑌾 𑌮𑌹𑌾𑌵𑍇𑌗𑌾 𑌮𑌹𑍋𑌤𑍍𑌸𑌾𑌹𑌾 𑌮𑌹𑍋𑌦𑌰𑍀 ॥ 10 ॥
𑌮𑍇𑌘𑌾 𑌬𑌲𑌾𑌕𑌾 𑌵𑌿𑌮𑌲𑌾 𑌵𑌿𑌮𑌲𑌜𑍍𑌞𑌾𑌨𑌦𑌾𑌯𑌿𑌨𑍀 ।
𑌗𑍌𑌰𑍀 𑌵𑌸𑍁𑌂𑌧𑌰𑌾 𑌗𑍋𑌪𑍍𑌤𑍍𑌰𑍀 𑌗𑌵𑌾𑌂 𑌪𑌤𑌿𑌨𑌿𑌷𑍇𑌵𑌿𑌤𑌾 ॥ 11 ॥
𑌭𑌗𑌾𑌂𑌗𑌾 𑌭𑌗𑌰𑍂𑌪𑌾 𑌚 𑌭𑌕𑍍𑌤𑌿𑌭𑌾𑌵𑌪𑌰𑌾𑌯𑌣𑌾 ।
𑌛𑌿𑌨𑍍𑌨𑌮𑌸𑍍𑌤𑌾 𑌮𑌹𑌾𑌧𑍂𑌮𑌾 𑌤𑌥𑌾 𑌧𑍂𑌮𑍍𑌰𑌵𑌿𑌭𑍂𑌷𑌣𑌾 ॥ 12 ॥
𑌧𑌰𑍍𑌮𑌕𑌰𑍍𑌮𑌾𑌦𑌿𑌰𑌹𑌿𑌤𑌾 𑌧𑌰𑍍𑌮𑌕𑌰𑍍𑌮𑌪𑌰𑌾𑌯𑌣𑌾 ।
𑌸𑍀𑌤𑌾 𑌮𑌾𑌤𑌂𑌗𑌿𑌨𑍀 𑌮𑍇𑌧𑌾 𑌮𑌧𑍁𑌦𑍈𑌤𑍍𑌯𑌵𑌿𑌨𑌾𑌶𑌿𑌨𑍀 ॥ 13 ॥
𑌭𑍈𑌰𑌵𑍀 𑌭𑍁𑌵𑌨𑌾 𑌮𑌾𑌤𑌾𑌽𑌭𑌯𑌦𑌾 𑌭𑌵𑌸𑍁𑌂𑌦𑌰𑍀 ।
𑌭𑌾𑌵𑍁𑌕𑌾 𑌬𑌗𑌲𑌾 𑌕𑍃𑌤𑍍𑌯𑌾 𑌬𑌾𑌲𑌾 𑌤𑍍𑌰𑌿𑌪𑍁𑌰𑌸𑍁𑌂𑌦𑌰𑍀 ॥ 14 ॥
𑌰𑍋𑌹𑌿𑌣𑍀 𑌰𑍇𑌵𑌤𑍀 𑌰𑌮𑍍𑌯𑌾 𑌰𑌂𑌭𑌾 𑌰𑌾𑌵𑌣𑌵𑌂𑌦𑌿𑌤𑌾 ।
𑌶𑌤𑌯𑌜𑍍𑌞𑌮𑌯𑍀 𑌸𑌤𑍍𑌤𑍍𑌵𑌾 𑌶𑌤𑌕𑍍𑌰𑌤𑍁𑌵𑌰𑌪𑍍𑌰𑌦𑌾 ॥ 15 ॥
𑌶𑌤𑌚𑌂𑌦𑍍𑌰𑌾𑌨𑌨𑌾 𑌦𑍇𑌵𑍀 𑌸𑌹𑌸𑍍𑌰𑌾𑌦𑌿𑌤𑍍𑌯𑌸𑌨𑍍𑌨𑌿𑌭𑌾 ।
𑌸𑍋𑌮𑌸𑍂𑌰𑍍𑌯𑌾𑌗𑍍𑌨𑌿𑌨𑌯𑌨𑌾 𑌵𑍍𑌯𑌾𑌘𑍍𑌰𑌚𑌰𑍍𑌮𑌾𑌂𑌬𑌰𑌾𑌵𑍃𑌤𑌾 ॥ 16 ॥
𑌅𑌰𑍍𑌧𑍇𑌂𑌦𑍁𑌧𑌾𑌰𑌿𑌣𑍀 𑌮𑌤𑍍𑌤𑌾 𑌮𑌦𑌿𑌰𑌾 𑌮𑌦𑌿𑌰𑍇𑌕𑍍𑌷𑌣𑌾 ।
𑌇𑌤𑌿 𑌤𑍇 𑌕𑌥𑌿𑌤𑌂 𑌗𑍋𑌪𑍍𑌯𑌂 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ॥ 1 ॥
𑌸𑍁𑌂𑌦𑌰𑍍𑌯𑌾𑌃 𑌸𑌰𑍍𑌵𑌦𑌂 𑌸𑍇𑌵𑍍𑌯𑌂 𑌮𑌹𑌾𑌪𑌾𑌤𑌕𑌨𑌾𑌶𑌨𑌮𑍍 ।
𑌗𑍋𑌪𑌨𑍀𑌯𑌂 𑌗𑍋𑌪𑌨𑍀𑌯𑌂 𑌗𑍋𑌪𑌨𑍀𑌯𑌂 𑌕𑌲𑍌 𑌯𑍁𑌗𑍇 ॥ 1 ॥
𑌸𑌹𑌸𑍍𑌰𑌨𑌾𑌮𑌪𑌾𑌠𑌸𑍍𑌯 𑌫𑌲𑌂 𑌯𑌦𑍍𑌵𑍈 𑌪𑍍𑌰𑌕𑍀𑌰𑍍𑌤𑌿𑌤𑌮𑍍 ।
𑌤𑌸𑍍𑌮𑌾𑌤𑍍𑌕𑍋𑌟𑌿𑌗𑍁𑌣𑌂 𑌪𑍁𑌣𑍍𑌯𑌂 𑌸𑍍𑌤𑌵𑌸𑍍𑌯𑌾𑌸𑍍𑌯 𑌪𑍍𑌰𑌕𑍀𑌰𑍍𑌤𑌨𑌾𑌤𑍍 ॥ 1 ॥
𑌪𑌠𑍇𑌤𑍍𑌸𑌦𑌾 𑌭𑌕𑍍𑌤𑌿𑌯𑍁𑌤𑍋 𑌨𑌰𑍋 𑌯𑍋
𑌨𑌿𑌶𑍀𑌥𑌕𑌾𑌲𑍇𑌽𑌪𑍍𑌯𑌰𑍁𑌣𑍋𑌦𑌯𑍇 𑌵𑌾 ।
𑌪𑍍𑌰𑌦𑍋𑌷𑌕𑌾𑌲𑍇 𑌨𑌵𑌮𑍀𑌦𑌿𑌨𑍇𑌽𑌥𑌵𑌾
𑌲𑌭𑍇𑌤 𑌭𑍋𑌗𑌾𑌨𑍍𑌪𑌰𑌮𑌾𑌦𑍍𑌭𑍁𑌤𑌾𑌨𑍍𑌪𑍍𑌰𑌿𑌯𑌾𑌨𑍍 ॥ 20 ॥
𑌇𑌤𑌿 𑌬𑍍𑌰𑌹𑍍𑌮𑌯𑌾𑌮𑌲𑍇 𑌪𑍂𑌰𑍍𑌵𑌖𑌂𑌡𑍇 𑌷𑍋𑌡𑌶𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।
