𑌦𑍇𑌵𑍍𑌯𑍁𑌵𑌾𑌚
𑌦𑍇𑌵𑌦𑍇𑌵! 𑌮𑌹𑌾𑌦𑍇𑌵! 𑌤𑍍𑌰𑌿𑌕𑌾𑌲𑌜𑍍𑌞! 𑌮𑌹𑍇𑌶𑍍𑌵𑌰!
𑌕𑌰𑍁𑌣𑌾𑌕𑌰 𑌦𑍇𑌵𑍇𑌶! 𑌭𑌕𑍍𑌤𑌾𑌨𑍁𑌗𑍍𑌰𑌹𑌕𑌾𑌰𑌕! ॥
𑌅𑌷𑍍𑌟𑍋𑌤𑍍𑌤𑌰 𑌶𑌤𑌂 𑌲𑌕𑍍𑌷𑍍𑌮𑍍𑌯𑌾𑌃 𑌶𑍍𑌰𑍋𑌤𑍁𑌮𑌿𑌚𑍍𑌛𑌾𑌮𑌿 𑌤𑌤𑍍𑌤𑍍𑌵𑌤𑌃 ॥

𑌈𑌶𑍍𑌵𑌰 𑌉𑌵𑌾𑌚
𑌦𑍇𑌵𑌿! 𑌸𑌾𑌧𑍁 𑌮𑌹𑌾𑌭𑌾𑌗𑍇 𑌮𑌹𑌾𑌭𑌾𑌗𑍍𑌯 𑌪𑍍𑌰𑌦𑌾𑌯𑌕𑌮𑍍 ।
𑌸𑌰𑍍𑌵𑍈𑌶𑍍𑌵𑌰𑍍𑌯𑌕𑌰𑌂 𑌪𑍁𑌣𑍍𑌯𑌂 𑌸𑌰𑍍𑌵𑌪𑌾𑌪 𑌪𑍍𑌰𑌣𑌾𑌶𑌨𑌮𑍍 ॥
𑌸𑌰𑍍𑌵𑌦𑌾𑌰𑌿𑌦𑍍𑌰𑍍𑌯 𑌶𑌮𑌨𑌂 𑌶𑍍𑌰𑌵𑌣𑌾𑌦𑍍𑌭𑍁𑌕𑍍𑌤𑌿 𑌮𑍁𑌕𑍍𑌤𑌿𑌦𑌮𑍍 ।
𑌰𑌾𑌜𑌵𑌶𑍍𑌯𑌕𑌰𑌂 𑌦𑌿𑌵𑍍𑌯𑌂 𑌗𑍁𑌹𑍍𑌯𑌾𑌦𑍍-𑌗𑍁𑌹𑍍𑌯𑌤𑌰𑌂 𑌪𑌰𑌮𑍍 ॥
𑌦𑍁𑌰𑍍𑌲𑌭𑌂 𑌸𑌰𑍍𑌵𑌦𑍇𑌵𑌾𑌨𑌾𑌂 𑌚𑌤𑍁𑌷𑍍𑌷𑌷𑍍𑌟𑌿 𑌕𑌳𑌾𑌸𑍍𑌪𑌦𑌮𑍍 ।
𑌪𑌦𑍍𑌮𑌾𑌦𑍀𑌨𑌾𑌂 𑌵𑌰𑌾𑌂𑌤𑌾𑌨𑌾𑌂 𑌨𑌿𑌧𑍀𑌨𑌾𑌂 𑌨𑌿𑌤𑍍𑌯𑌦𑌾𑌯𑌕𑌮𑍍 ॥
𑌸𑌮𑌸𑍍𑌤 𑌦𑍇𑌵 𑌸𑌂𑌸𑍇𑌵𑍍𑌯𑌂 𑌅𑌣𑌿𑌮𑌾𑌦𑍍𑌯𑌷𑍍𑌟 𑌸𑌿𑌦𑍍𑌧𑌿𑌦𑌮𑍍 ।
𑌕𑌿𑌮𑌤𑍍𑌰 𑌬𑌹𑍁𑌨𑍋𑌕𑍍𑌤𑍇𑌨 𑌦𑍇𑌵𑍀 𑌪𑍍𑌰𑌤𑍍𑌯𑌕𑍍𑌷𑌦𑌾𑌯𑌕𑌮𑍍 ॥
𑌤𑌵 𑌪𑍍𑌰𑍀𑌤𑍍𑌯𑌾𑌦𑍍𑌯 𑌵𑌕𑍍𑌷𑍍𑌯𑌾𑌮𑌿 𑌸𑌮𑌾𑌹𑌿𑌤𑌮𑌨𑌾𑌶𑍍𑌶𑍃𑌣𑍁 ।
𑌅𑌷𑍍𑌟𑍋𑌤𑍍𑌤𑌰 𑌶𑌤𑌸𑍍𑌯𑌾𑌸𑍍𑌯 𑌮𑌹𑌾𑌲𑌕𑍍𑌷𑍍𑌮𑌿𑌸𑍍𑌤𑍁 𑌦𑍇𑌵𑌤𑌾 ॥
𑌕𑍍𑌲𑍀𑌂 𑌬𑍀𑌜 𑌪𑌦𑌮𑌿𑌤𑍍𑌯𑍁𑌕𑍍𑌤𑌂 𑌶𑌕𑍍𑌤𑌿𑌸𑍍𑌤𑍁 𑌭𑍁𑌵𑌨𑍇𑌶𑍍𑌵𑌰𑍀 ।
𑌅𑌂𑌗𑌨𑍍𑌯𑌾𑌸𑌃 𑌕𑌰𑌨𑍍𑌯𑌾𑌸𑌃 𑌸 𑌇𑌤𑍍𑌯𑌾𑌦𑌿 𑌪𑍍𑌰𑌕𑍀𑌰𑍍𑌤𑌿𑌤𑌃 ॥

𑌧𑍍𑌯𑌾𑌨𑌂
𑌵𑌂𑌦𑍇 𑌪𑌦𑍍𑌮𑌕𑌰𑌾𑌂 𑌪𑍍𑌰𑌸𑌨𑍍𑌨𑌵𑌦𑌨𑌾𑌂 𑌸𑍌𑌭𑌾𑌗𑍍𑌯𑌦𑌾𑌂 𑌭𑌾𑌗𑍍𑌯𑌦𑌾𑌂
𑌹𑌸𑍍𑌤𑌾𑌭𑍍𑌯𑌾𑌮𑌭𑌯𑌪𑍍𑌰𑌦𑌾𑌂 𑌮𑌣𑌿𑌗𑌣𑍈𑌃 𑌨𑌾𑌨𑌾𑌵𑌿𑌧𑍈𑌃 𑌭𑍂𑌷𑌿𑌤𑌾𑌮𑍍 ।
𑌭𑌕𑍍𑌤𑌾𑌭𑍀𑌷𑍍𑌟 𑌫𑌲𑌪𑍍𑌰𑌦𑌾𑌂 𑌹𑌰𑌿𑌹𑌰 𑌬𑍍𑌰𑌹𑍍𑌮𑌾𑌧𑌿𑌭𑌿𑌸𑍍𑌸𑍇𑌵𑌿𑌤𑌾𑌂
𑌪𑌾𑌰𑍍𑌶𑍍𑌵𑍇 𑌪𑌂𑌕𑌜 𑌶𑌂𑌖𑌪𑌦𑍍𑌮 𑌨𑌿𑌧𑌿𑌭𑌿𑌃 𑌯𑍁𑌕𑍍𑌤𑌾𑌂 𑌸𑌦𑌾 𑌶𑌕𑍍𑌤𑌿𑌭𑌿𑌃 ॥

𑌸𑌰𑌸𑌿𑌜 𑌨𑌯𑌨𑍇 𑌸𑌰𑍋𑌜𑌹𑌸𑍍𑌤𑍇 𑌧𑌵𑌳 𑌤𑌰𑌾𑌂𑌶𑍁𑌕 𑌗𑌂𑌧𑌮𑌾𑌲𑍍𑌯 𑌶𑍋𑌭𑍇 ।
𑌭𑌗𑌵𑌤𑌿 𑌹𑌰𑌿𑌵𑌲𑍍𑌲𑌭𑍇 𑌮𑌨𑍋𑌜𑍍𑌞𑍇 𑌤𑍍𑌰𑌿𑌭𑍁𑌵𑌨 𑌭𑍂𑌤𑌿𑌕𑌰𑌿 𑌪𑍍𑌰𑌸𑍀𑌦𑌮𑌹𑍍𑌯𑌮𑍍 ॥

𑌓𑌂
𑌪𑍍𑌰𑌕𑍃𑌤𑌿𑌂 𑌵𑌿𑌕𑍃𑌤𑌿𑌂 𑌵𑌿𑌦𑍍𑌯𑌾𑌂 𑌸𑌰𑍍𑌵𑌭𑍂𑌤-𑌹𑌿𑌤𑌪𑍍𑌰𑌦𑌾𑌮𑍍 ।
𑌶𑍍𑌰𑌦𑍍𑌧𑌾𑌂 𑌵𑌿𑌭𑍂𑌤𑌿𑌂 𑌸𑍁𑌰𑌭𑌿𑌂 𑌨𑌮𑌾𑌮𑌿 𑌪𑌰𑌮𑌾𑌤𑍍𑌮𑌿𑌕𑌾𑌮𑍍 ॥ 1 ॥

𑌵𑌾𑌚𑌂 𑌪𑌦𑍍𑌮𑌾𑌲𑌯𑌾𑌂 𑌪𑌦𑍍𑌮𑌾𑌂 𑌶𑍁𑌚𑌿𑌂 𑌸𑍍𑌵𑌾𑌹𑌾𑌂 𑌸𑍍𑌵𑌧𑌾𑌂 𑌸𑍁𑌧𑌾𑌮𑍍 ।
𑌧𑌨𑍍𑌯𑌾𑌂 𑌹𑌿𑌰𑌣𑍍𑌯𑌯𑍀𑌂 𑌲𑌕𑍍𑌷𑍍𑌮𑍀𑌂 𑌨𑌿𑌤𑍍𑌯𑌪𑍁𑌷𑍍𑌟𑌾𑌂 𑌵𑌿𑌭𑌾𑌵𑌰𑍀𑌮𑍍 ॥ 2 ॥

𑌅𑌦𑌿𑌤𑌿𑌂 𑌚 𑌦𑌿𑌤𑌿𑌂 𑌦𑍀𑌪𑍍𑌤𑌾𑌂 𑌵𑌸𑍁𑌧𑌾𑌂 𑌵𑌸𑍁𑌧𑌾𑌰𑌿𑌣𑍀𑌮𑍍 ।
𑌨𑌮𑌾𑌮𑌿 𑌕𑌮𑌲𑌾𑌂 𑌕𑌾𑌂𑌤𑌾𑌂 𑌕𑌾𑌮𑌾𑌕𑍍𑌷𑍀𑌂 𑌕𑍍𑌰𑍋𑌧𑌸𑌂𑌭𑌵𑌾𑌮𑍍 [𑌕𑌾𑌮𑍍𑌯𑌾𑌂 𑌕𑍍𑌷𑍀𑌰𑍋𑌦𑌸𑌂𑌭𑌵𑌾𑌮𑍍] ॥ 3 ॥

𑌅𑌨𑍁𑌗𑍍𑌰𑌹𑌪𑍍𑌰𑌦𑌾𑌂 𑌬𑍁𑌦𑍍𑌧𑌿-𑌮𑌨𑌘𑌾𑌂 𑌹𑌰𑌿𑌵𑌲𑍍𑌲𑌭𑌾𑌮𑍍 ।
𑌅𑌶𑍋𑌕𑌾-𑌮𑌮𑍃𑌤𑌾𑌂 𑌦𑍀𑌪𑍍𑌤𑌾𑌂 𑌲𑍋𑌕𑌶𑍋𑌕𑌵𑌿𑌨𑌾𑌶𑌿𑌨𑍀𑌮𑍍 ॥ 4 ॥

𑌨𑌮𑌾𑌮𑌿 𑌧𑌰𑍍𑌮𑌨𑌿𑌲𑌯𑌾𑌂 𑌕𑌰𑍁𑌣𑌾𑌂 𑌲𑍋𑌕𑌮𑌾𑌤𑌰𑌮𑍍 ।
𑌪𑌦𑍍𑌮𑌪𑍍𑌰𑌿𑌯𑌾𑌂 𑌪𑌦𑍍𑌮𑌹𑌸𑍍𑌤𑌾𑌂 𑌪𑌦𑍍𑌮𑌾𑌕𑍍𑌷𑍀𑌂 𑌪𑌦𑍍𑌮𑌸𑍁𑌂𑌦𑌰𑍀𑌮𑍍 ॥ 5 ॥

𑌪𑌦𑍍𑌮𑍋𑌦𑍍𑌭𑌵𑌾𑌂 𑌪𑌦𑍍𑌮𑌮𑍁𑌖𑍀𑌂 𑌪𑌦𑍍𑌮𑌨𑌾𑌭𑌪𑍍𑌰𑌿𑌯𑌾𑌂 𑌰𑌮𑌾𑌮𑍍 ।
𑌪𑌦𑍍𑌮𑌮𑌾𑌲𑌾𑌧𑌰𑌾𑌂 𑌦𑍇𑌵𑍀𑌂 𑌪𑌦𑍍𑌮𑌿𑌨𑍀𑌂 𑌪𑌦𑍍𑌮𑌗𑌂𑌧𑌿𑌨𑍀𑌮𑍍 ॥ 6 ॥

𑌪𑍁𑌣𑍍𑌯𑌗𑌂𑌧𑌾𑌂 𑌸𑍁𑌪𑍍𑌰𑌸𑌨𑍍𑌨𑌾𑌂 𑌪𑍍𑌰𑌸𑌾𑌦𑌾𑌭𑌿𑌮𑍁𑌖𑍀𑌂 𑌪𑍍𑌰𑌭𑌾𑌮𑍍 ।
𑌨𑌮𑌾𑌮𑌿 𑌚𑌂𑌦𑍍𑌰𑌵𑌦𑌨𑌾𑌂 𑌚𑌂𑌦𑍍𑌰𑌾𑌂 𑌚𑌂𑌦𑍍𑌰𑌸𑌹𑍋𑌦𑌰𑍀𑌮𑍍 ॥ 𑍭 ॥

𑌚𑌤𑍁𑌰𑍍𑌭𑍁𑌜𑌾𑌂 𑌚𑌂𑌦𑍍𑌰𑌰𑍂𑌪𑌾-𑌮𑌿𑌂𑌦𑌿𑌰𑌾-𑌮𑌿𑌂𑌦𑍁𑌶𑍀𑌤𑌲𑌾𑌮𑍍 ।
𑌆𑌹𑍍𑌲𑌾𑌦 𑌜𑌨𑌨𑍀𑌂 𑌪𑍁𑌷𑍍𑌟𑌿𑌂 𑌶𑌿𑌵𑌾𑌂 𑌶𑌿𑌵𑌕𑌰𑍀𑌂 𑌸𑌤𑍀𑌮𑍍 ॥ 𑍮 ॥

𑌵𑌿𑌮𑌲𑌾𑌂 𑌵𑌿𑌶𑍍𑌵𑌜𑌨𑌨𑍀𑌂 𑌤𑍁𑌷𑍍𑌟𑌿𑌂 𑌦𑌾𑌰𑌿𑌦𑍍𑌰𑍍𑌯𑌨𑌾𑌶𑌿𑌨𑍀𑌮𑍍 ।
𑌪𑍍𑌰𑍀𑌤𑌿𑌪𑍁𑌷𑍍𑌕𑌰𑌿𑌣𑍀𑌂 𑌶𑌾𑌂𑌤𑌾𑌂 𑌶𑍁𑌕𑍍𑌲𑌮𑌾𑌲𑍍𑌯𑌾𑌂𑌬𑌰𑌾𑌂 𑌶𑍍𑌰𑌿𑌯𑌮𑍍 ॥ 𑍯 ॥

𑌭𑌾𑌸𑍍𑌕𑌰𑍀𑌂 𑌬𑌿𑌲𑍍𑌵𑌨𑌿𑌲𑌯𑌾𑌂 𑌵𑌰𑌾𑌰𑍋𑌹𑌾𑌂 𑌯𑌶𑌸𑍍𑌵𑌿𑌨𑍀𑌮𑍍 ।
𑌵𑌸𑍁𑌂𑌧𑌰𑌾 𑌮𑍁𑌦𑌾𑌰𑌾𑌂𑌗𑌾𑌂 𑌹𑌰𑌿𑌣𑍀𑌂 𑌹𑍇𑌮𑌮𑌾𑌲𑌿𑌨𑍀𑌮𑍍 ॥ 10 ॥

𑌧𑌨𑌧𑌾𑌨𑍍𑌯𑌕𑌰𑍀𑌂 𑌸𑌿𑌦𑍍𑌧𑌿𑌂 𑌸𑍍𑌤𑍍𑌰𑍈𑌣𑌸𑍌𑌮𑍍𑌯𑌾𑌂 [𑌸𑌦𑌾𑌸𑍌𑌮𑍍𑌯𑌾𑌂] 𑌶𑍁𑌭𑌪𑍍𑌰𑌦𑌾𑌮𑍍 ।
𑌨𑍃𑌪𑌵𑍇𑌶𑍍𑌮𑌗𑌤𑌾𑌂 𑌨𑌂𑌦𑌾𑌂 𑌵𑌰𑌲𑌕𑍍𑌷𑍍𑌮𑍀𑌂 𑌵𑌸𑍁𑌪𑍍𑌰𑌦𑌾𑌮𑍍 ॥ 11 ॥

𑌶𑍁𑌭𑌾𑌂 𑌹𑌿𑌰𑌣𑍍𑌯𑌪𑍍𑌰𑌾𑌕𑌾𑌰𑌾𑌂 𑌸𑌮𑍁𑌦𑍍𑌰𑌤𑌨𑌯𑌾𑌂 𑌜𑌯𑌾𑌮𑍍 ।
𑌨𑌮𑌾𑌮𑌿 𑌮𑌂𑌗𑌳𑌾𑌂 𑌦𑍇𑌵𑍀𑌂 𑌵𑌿𑌷𑍍𑌣𑍁𑌵𑌕𑍍𑌷𑌃𑌸𑍍𑌥𑌲𑌸𑍍𑌥𑌿𑌤𑌾𑌮𑍍 ॥ 12 ॥

𑌵𑌿𑌷𑍍𑌣𑍁𑌪𑌤𑍍𑌨𑍀𑌂, 𑌪𑍍𑌰𑌸𑌨𑍍𑌨𑌾𑌕𑍍𑌷𑍀𑌂 𑌨𑌾𑌰𑌾𑌯𑌣𑌸𑌮𑌾𑌶𑍍𑌰𑌿𑌤𑌾𑌮𑍍 ।
𑌦𑌾𑌰𑌿𑌦𑍍𑌰𑍍𑌯𑌧𑍍𑌵𑌂𑌸𑌿𑌨𑍀𑌂 𑌦𑍇𑌵𑍀𑌂 𑌸𑌰𑍍𑌵𑍋𑌪𑌦𑍍𑌰𑌵𑌵𑌾𑌰𑌿𑌣𑍀𑌮𑍍 ॥ 13 ॥

𑌨𑌵𑌦𑍁𑌰𑍍𑌗𑌾𑌂 𑌮𑌹𑌾𑌕𑌾𑌳𑍀𑌂 𑌬𑍍𑌰𑌹𑍍𑌮𑌵𑌿𑌷𑍍𑌣𑍁𑌶𑌿𑌵𑌾𑌤𑍍𑌮𑌿𑌕𑌾𑌮𑍍 ।
𑌤𑍍𑌰𑌿𑌕𑌾𑌲𑌜𑍍𑌞𑌾𑌨𑌸𑌂𑌪𑌨𑍍𑌨𑌾𑌂 𑌨𑌮𑌾𑌮𑌿 𑌭𑍁𑌵𑌨𑍇𑌶𑍍𑌵𑌰𑍀𑌮𑍍 ॥ 14 ॥

𑌲𑌕𑍍𑌷𑍍𑌮𑍀𑌂 𑌕𑍍𑌷𑍀𑌰𑌸𑌮𑍁𑌦𑍍𑌰𑌰𑌾𑌜 𑌤𑌨𑌯𑌾𑌂 𑌶𑍍𑌰𑍀𑌰𑌂𑌗𑌧𑌾𑌮𑍇𑌶𑍍𑌵𑌰𑍀𑌮𑍍 ।
𑌦𑌾𑌸𑍀𑌭𑍂𑌤 𑌸𑌮𑌸𑍍𑌤𑌦𑍇𑌵 𑌵𑌨𑌿𑌤𑌾𑌂 𑌲𑍋𑌕𑍈𑌕 𑌦𑍀𑌪𑌾𑌂𑌕𑍁𑌰𑌾𑌮𑍍 ॥
𑌶𑍍𑌰𑍀𑌮𑌨𑍍𑌮𑌂𑌦 𑌕𑌟𑌾𑌕𑍍𑌷 𑌲𑌬𑍍𑌧 𑌵𑌿𑌭𑌵𑌦𑍍-𑌬𑍍𑌰𑌹𑍍𑌮𑍇𑌂𑌦𑍍𑌰 𑌗𑌂𑌗𑌾𑌧𑌰𑌾𑌮𑍍 ।
𑌤𑍍𑌵𑌾𑌂 𑌤𑍍𑌰𑍈𑌲𑍋𑌕𑍍𑌯 𑌕𑍁𑌟𑍁𑌂𑌬𑌿𑌨𑍀𑌂 𑌸𑌰𑌸𑌿𑌜𑌾𑌂 𑌵𑌂𑌦𑍇 𑌮𑍁𑌕𑍁𑌂𑌦𑌪𑍍𑌰𑌿𑌯𑌾𑌮𑍍 ॥ 15 ॥

𑌮𑌾𑌤𑌰𑍍𑌨𑌮𑌾𑌮𑌿! 𑌕𑌮𑌲𑍇! 𑌕𑌮𑌲𑌾𑌯𑌤𑌾𑌕𑍍𑌷𑌿!
𑌶𑍍𑌰𑍀 𑌵𑌿𑌷𑍍𑌣𑍁 𑌹𑍃𑌤𑍍-𑌕𑌮𑌲𑌵𑌾𑌸𑌿𑌨𑌿! 𑌵𑌿𑌶𑍍𑌵𑌮𑌾𑌤𑌃!
𑌕𑍍𑌷𑍀𑌰𑍋𑌦𑌜𑍇 𑌕𑌮𑌲 𑌕𑍋𑌮𑌲 𑌗𑌰𑍍𑌭𑌗𑍌𑌰𑌿!
𑌲𑌕𑍍𑌷𑍍𑌮𑍀! 𑌪𑍍𑌰𑌸𑍀𑌦 𑌸𑌤𑌤𑌂 𑌸𑌮𑌤𑌾𑌂 𑌶𑌰𑌣𑍍𑌯𑍇 ॥ 16 ॥

𑌤𑍍𑌰𑌿𑌕𑌾𑌲𑌂 𑌯𑍋 𑌜𑌪𑍇𑌤𑍍 𑌵𑌿𑌦𑍍𑌵𑌾𑌨𑍍 𑌷𑌣𑍍𑌮𑌾𑌸𑌂 𑌵𑌿𑌜𑌿𑌤𑍇𑌂𑌦𑍍𑌰𑌿𑌯𑌃 ।
𑌦𑌾𑌰𑌿𑌦𑍍𑌰𑍍𑌯 𑌧𑍍𑌵𑌂𑌸𑌨𑌂 𑌕𑍃𑌤𑍍𑌵𑌾 𑌸𑌰𑍍𑌵𑌮𑌾𑌪𑍍𑌨𑍋𑌤𑍍-𑌯𑌯𑌤𑍍𑌨𑌤𑌃 ।
𑌦𑍇𑌵𑍀𑌨𑌾𑌮 𑌸𑌹𑌸𑍍𑌰𑍇𑌷𑍁 𑌪𑍁𑌣𑍍𑌯𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ।
𑌯𑍇𑌨 𑌶𑍍𑌰𑌿𑌯 𑌮𑌵𑌾𑌪𑍍𑌨𑍋𑌤𑌿 𑌕𑍋𑌟𑌿𑌜𑌨𑍍𑌮 𑌦𑌰𑌿𑌦𑍍𑌰𑌤𑌃 ॥ 1𑍭 ॥

𑌭𑍃𑌗𑍁𑌵𑌾𑌰𑍇 𑌶𑌤𑌂 𑌧𑍀𑌮𑌾𑌨𑍍 𑌪𑌠𑍇𑌤𑍍 𑌵𑌤𑍍𑌸𑌰𑌮𑌾𑌤𑍍𑌰𑌕𑌮𑍍 ।
𑌅𑌷𑍍𑌟𑍈𑌶𑍍𑌵𑌰𑍍𑌯 𑌮𑌵𑌾𑌪𑍍𑌨𑍋𑌤𑌿 𑌕𑍁𑌬𑍇𑌰 𑌇𑌵 𑌭𑍂𑌤𑌲𑍇 ॥
𑌦𑌾𑌰𑌿𑌦𑍍𑌰𑍍𑌯 𑌮𑍋𑌚𑌨𑌂 𑌨𑌾𑌮 𑌸𑍍𑌤𑍋𑌤𑍍𑌰𑌮𑌂𑌬𑌾𑌪𑌰𑌂 𑌶𑌤𑌮𑍍 ।
𑌯𑍇𑌨 𑌶𑍍𑌰𑌿𑌯 𑌮𑌵𑌾𑌪𑍍𑌨𑍋𑌤𑌿 𑌕𑍋𑌟𑌿𑌜𑌨𑍍𑌮 𑌦𑌰𑌿𑌦𑍍𑌰𑌤𑌃 ॥ 1𑍮 ॥

𑌭𑍁𑌕𑍍𑌤𑍍𑌵𑌾𑌤𑍁 𑌵𑌿𑌪𑍁𑌲𑌾𑌨𑍍 𑌭𑍋𑌗𑌾𑌨𑍍 𑌅𑌂𑌤𑍇 𑌸𑌾𑌯𑍁𑌜𑍍𑌯𑌮𑌾𑌪𑍍𑌨𑍁𑌯𑌾𑌤𑍍 ।
𑌪𑍍𑌰𑌾𑌤𑌃𑌕𑌾𑌲𑍇 𑌪𑌠𑍇𑌨𑍍𑌨𑌿𑌤𑍍𑌯𑌂 𑌸𑌰𑍍𑌵 𑌦𑍁𑌃𑌖𑍋𑌪 𑌶𑌾𑌂𑌤𑌯𑍇 ।
𑌪𑌠𑌂𑌤𑍁 𑌚𑌿𑌂𑌤𑌯𑍇𑌦𑍍𑌦𑍇𑌵𑍀𑌂 𑌸𑌰𑍍𑌵𑌾𑌭𑌰𑌣 𑌭𑍂𑌷𑌿𑌤𑌾𑌮𑍍 ॥ 1𑍯 ॥

𑌇𑌤𑌿 𑌶𑍍𑌰𑍀 𑌲𑌕𑍍𑌷𑍍𑌮𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌂 𑌸𑌂𑌪𑍂𑌰𑍍𑌣𑌂