𑌶𑍍𑌰𑍀 𑌕𑌾𑌳𑍀 𑌅𑌷𑍍𑌟𑍋𑌤𑍍𑌤𑌰 𑌶𑌤 𑌨𑌾𑌮𑌾 𑌸𑍍𑌤𑍋𑌤𑍍𑌰𑌂

Collection of Spiritual and Devotional Literature in Various Indian Languages

View this in:

𑌭𑍈𑌰𑌵 𑌉𑌵𑌾𑌚
𑌶𑌤𑌨𑌾𑌮 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌕𑌾𑌳𑌿𑌕𑌾𑌯𑌾 𑌵𑌰𑌾𑌨𑌨𑍇 ।
𑌯𑌸𑍍𑌯 𑌪𑍍𑌰𑌪𑌠𑌨𑌾𑌦𑍍𑌵𑌾𑌗𑍍𑌮𑍀 𑌸𑌰𑍍𑌵𑌤𑍍𑌰 𑌵𑌿𑌜𑌯𑍀 𑌭𑌵𑍇𑌤𑍍 ॥ 1 ॥

𑌕𑌾𑌳𑍀 𑌕𑌪𑌾𑌲𑌿𑌨𑍀 𑌕𑌾𑌂𑌤𑌾 𑌕𑌾𑌮𑌦𑌾 𑌕𑌾𑌮𑌸𑍁𑌂𑌦𑌰𑍀 ।
𑌕𑌾𑌳𑌰𑌾𑌤𑍍𑌰𑌿𑌃 𑌕𑌾𑌳𑌿𑌕𑌾 𑌚 𑌕𑌾𑌲𑌭𑍈𑌰𑌵𑌪𑍂𑌜𑌿𑌤𑌾 ॥ 2 ॥

𑌕𑍁𑌰𑍁𑌕𑍁𑌳𑍍𑌳𑌾 𑌕𑌾𑌮𑌿𑌨𑍀 𑌚 𑌕𑌮𑌨𑍀𑌯𑌸𑍍𑌵𑌭𑌾𑌵𑌿𑌨𑍀 ।
𑌕𑍁𑌲𑍀𑌨𑌾 𑌕𑍁𑌲𑌕𑌰𑍍𑌤𑍍𑌰𑍀 𑌚 𑌕𑍁𑌲𑌵𑌰𑍍𑌤𑍍𑌮𑌪𑍍𑌰𑌕𑌾𑌶𑌿𑌨𑍀 ॥ 3 ॥

𑌕𑌸𑍍𑌤𑍂𑌰𑍀𑌰𑌸𑌨𑍀𑌲𑌾 𑌚 𑌕𑌾𑌮𑍍𑌯𑌾 𑌕𑌾𑌮𑌸𑍍𑌵𑌰𑍂𑌪𑌿𑌣𑍀 ।
𑌕𑌕𑌾𑌰𑌵𑌰𑍍𑌣𑌨𑌿𑌲𑌯𑌾 𑌕𑌾𑌮𑌧𑍇𑌨𑍁𑌃 𑌕𑌰𑌾𑌳𑌿𑌕𑌾 ॥ 4 ॥

𑌕𑍁𑌲𑌕𑌾𑌂𑌤𑌾 𑌕𑌰𑌾𑌳𑌾𑌸𑍍𑌯𑌾 𑌕𑌾𑌮𑌾𑌰𑍍𑌤𑌾 𑌚 𑌕𑌳𑌾𑌵𑌤𑍀 ।
𑌕𑍃𑌶𑍋𑌦𑌰𑍀 𑌚 𑌕𑌾𑌮𑌾𑌖𑍍𑌯𑌾 𑌕𑍌𑌮𑌾𑌰𑍀 𑌕𑍁𑌲𑌪𑌾𑌲𑌿𑌨𑍀 ॥ 5 ॥

𑌕𑍁𑌲𑌜𑌾 𑌕𑍁𑌲𑌕𑌨𑍍𑌯𑌾 𑌚 𑌕𑍁𑌲𑌹𑌾 𑌕𑍁𑌲𑌪𑍂𑌜𑌿𑌤𑌾 ।
𑌕𑌾𑌮𑍇𑌶𑍍𑌵𑌰𑍀 𑌕𑌾𑌮𑌕𑌾𑌂𑌤𑌾 𑌕𑍁𑌂𑌜𑌰𑍇𑌶𑍍𑌵𑌰𑌗𑌾𑌮𑌿𑌨𑍀 ॥ 6 ॥

𑌕𑌾𑌮𑌦𑌾𑌤𑍍𑌰𑍀 𑌕𑌾𑌮𑌹𑌰𑍍𑌤𑍍𑌰𑍀 𑌕𑍃𑌷𑍍𑌣𑌾 𑌚𑍈𑌵 𑌕𑌪𑌰𑍍𑌦𑌿𑌨𑍀 ।
𑌕𑍁𑌮𑍁𑌦𑌾 𑌕𑍃𑌷𑍍𑌣𑌦𑍇𑌹𑌾 𑌚 𑌕𑌾𑌳𑌿𑌂𑌦𑍀 𑌕𑍁𑌲𑌪𑍂𑌜𑌿𑌤𑌾 ॥ 𑍭 ॥

𑌕𑌾𑌶𑍍𑌯𑌪𑍀 𑌕𑍃𑌷𑍍𑌣𑌮𑌾𑌤𑌾 𑌚 𑌕𑍁𑌲𑌿𑌶𑌾𑌂𑌗𑍀 𑌕𑌳𑌾 𑌤𑌥𑌾 ।
𑌕𑍍𑌰𑍀𑌂 𑌰𑍂𑌪𑌾 𑌕𑍁𑌲𑌗𑌮𑍍𑌯𑌾 𑌚 𑌕𑌮𑌲𑌾 𑌕𑍃𑌷𑍍𑌣𑌪𑍂𑌜𑌿𑌤𑌾 ॥ 𑍮 ॥

𑌕𑍃𑌶𑌾𑌂𑌗𑍀 𑌕𑌿𑌨𑍍𑌨𑌰𑍀 𑌕𑌰𑍍𑌤𑍍𑌰𑍀 𑌕𑌲𑌕𑌂𑌠𑍀 𑌚 𑌕𑌾𑌰𑍍𑌤𑌿𑌕𑍀 ।
𑌕𑌂𑌬𑍁𑌕𑌂𑌠𑍀 𑌕𑍌𑌳𑌿𑌨𑍀 𑌚 𑌕𑍁𑌮𑍁𑌦𑌾 𑌕𑌾𑌮𑌜𑍀𑌵𑌿𑌨𑍀 ॥ 𑍯 ॥

𑌕𑍁𑌲𑌸𑍍𑌤𑍍𑌰𑍀 𑌕𑍀𑌰𑍍𑌤𑌿𑌕𑌾 𑌕𑍃𑌤𑍍𑌯𑌾 𑌕𑍀𑌰𑍍𑌤𑌿𑌶𑍍𑌚 𑌕𑍁𑌲𑌪𑌾𑌲𑌿𑌕𑌾 ।
𑌕𑌾𑌮𑌦𑍇𑌵𑌕𑌳𑌾 𑌕𑌲𑍍𑌪𑌲𑌤𑌾 𑌕𑌾𑌮𑌾𑌂𑌗𑌵𑌰𑍍𑌧𑌿𑌨𑍀 ॥ 10 ॥

𑌕𑍁𑌂𑌤𑌾 𑌚 𑌕𑍁𑌮𑍁𑌦𑌪𑍍𑌰𑍀𑌤𑌾 𑌕𑌦𑌂𑌬𑌕𑍁𑌸𑍁𑌮𑍋𑌤𑍍𑌸𑍁𑌕𑌾 ।
𑌕𑌾𑌦𑌂𑌬𑌿𑌨𑍀 𑌕𑌮𑌲𑌿𑌨𑍀 𑌕𑍃𑌷𑍍𑌣𑌾𑌨𑌂𑌦𑌪𑍍𑌰𑌦𑌾𑌯𑌿𑌨𑍀 ॥ 11 ॥

𑌕𑍁𑌮𑌾𑌰𑍀𑌪𑍂𑌜𑌨𑌰𑌤𑌾 𑌕𑍁𑌮𑌾𑌰𑍀𑌗𑌣𑌶𑍋𑌭𑌿𑌤𑌾 ।
𑌕𑍁𑌮𑌾𑌰𑍀𑌰𑌂𑌜𑌨𑌰𑌤𑌾 𑌕𑍁𑌮𑌾𑌰𑍀𑌵𑍍𑌰𑌤𑌧𑌾𑌰𑌿𑌣𑍀 ॥ 12 ॥

𑌕𑌂𑌕𑌾𑌳𑍀 𑌕𑌮𑌨𑍀𑌯𑌾 𑌚 𑌕𑌾𑌮𑌶𑌾𑌸𑍍𑌤𑍍𑌰𑌵𑌿𑌶𑌾𑌰𑌦𑌾 ।
𑌕𑌪𑌾𑌲𑌖𑌟𑍍𑌵𑌾𑌂𑌗𑌧𑌰𑌾 𑌕𑌾𑌲𑌭𑍈𑌰𑌵𑌰𑍂𑌪𑌿𑌣𑍀 ॥ 13 ॥

𑌕𑍋𑌟𑌰𑍀 𑌕𑍋𑌟𑌰𑌾𑌕𑍍𑌷𑍀 𑌚 𑌕𑌾𑌶𑍀𑌕𑍈𑌲𑌾𑌸𑌵𑌾𑌸𑌿𑌨𑍀 ।
𑌕𑌾𑌤𑍍𑌯𑌾𑌯𑌨𑍀 𑌕𑌾𑌰𑍍𑌯𑌕𑌰𑍀 𑌕𑌾𑌵𑍍𑌯𑌶𑌾𑌸𑍍𑌤𑍍𑌰𑌪𑍍𑌰𑌮𑍋𑌦𑌿𑌨𑍀 ॥ 14 ॥

𑌕𑌾𑌮𑌾𑌕𑌰𑍍𑌷𑌣𑌰𑍂𑌪𑌾 𑌚 𑌕𑌾𑌮𑌪𑍀𑌠𑌨𑌿𑌵𑌾𑌸𑌿𑌨𑍀 ।
𑌕𑌂𑌕𑌿𑌨𑍀 𑌕𑌾𑌕𑌿𑌨𑍀 𑌕𑍍𑌰𑍀𑌡𑌾 𑌕𑍁𑌤𑍍𑌸𑌿𑌤𑌾 𑌕𑌲𑌹𑌪𑍍𑌰𑌿𑌯𑌾 ॥ 15 ॥

𑌕𑍁𑌂𑌡𑌗𑍋𑌲𑍋𑌦𑍍𑌭𑌵𑌪𑍍𑌰𑌾𑌣𑌾 𑌕𑍌𑌶𑌿𑌕𑍀 𑌕𑍀𑌰𑍍𑌤𑌿𑌵𑌰𑍍𑌧𑌿𑌨𑍀 ।
𑌕𑍁𑌂𑌭𑌸𑍍𑌤𑌨𑍀 𑌕𑌟𑌾𑌕𑍍𑌷𑌾 𑌚 𑌕𑌾𑌵𑍍𑌯𑌾 𑌕𑍋𑌕𑌨𑌦𑌪𑍍𑌰𑌿𑌯𑌾 ॥ 16 ॥

𑌕𑌾𑌂𑌤𑌾𑌰𑌵𑌾𑌸𑌿𑌨𑍀 𑌕𑌾𑌂𑌤𑌿𑌃 𑌕𑌠𑌿𑌨𑌾 𑌕𑍃𑌷𑍍𑌣𑌵𑌲𑍍𑌲𑌭𑌾 ।
𑌇𑌤𑌿 𑌤𑍇 𑌕𑌥𑌿𑌤𑌂 𑌦𑍇𑌵𑌿 𑌗𑍁𑌹𑍍𑌯𑌾𑌦𑍍𑌗𑍁𑌹𑍍𑌯𑌤𑌰𑌂 𑌪𑌰𑌮𑍍 ॥ 1𑍭 ॥

𑌪𑍍𑌰𑌪𑌠𑍇𑌦𑍍𑌯 𑌇𑌦𑌂 𑌨𑌿𑌤𑍍𑌯𑌂 𑌕𑌾𑌳𑍀𑌨𑌾𑌮𑌶𑌤𑌾𑌷𑍍𑌟𑌕𑌮𑍍 ।
𑌤𑍍𑌰𑌿𑌷𑍁 𑌲𑍋𑌕𑍇𑌷𑍁 𑌦𑍇𑌵𑍇𑌶𑌿 𑌤𑌸𑍍𑌯𑌾𑌽𑌸𑌾𑌧𑍍𑌯𑌂 𑌨 𑌵𑌿𑌦𑍍𑌯𑌤𑍇 ॥ 1𑍮 ॥

𑌪𑍍𑌰𑌾𑌤𑌃𑌕𑌾𑌲𑍇 𑌚 𑌮𑌧𑍍𑌯𑌾𑌹𑍍𑌨𑍇 𑌸𑌾𑌯𑌾𑌹𑍍𑌨𑍇 𑌚 𑌸𑌦𑌾 𑌨𑌿𑌶𑌿 ।
𑌯𑌃 𑌪𑌠𑍇𑌤𑍍𑌪𑌰𑌯𑌾 𑌭𑌕𑍍𑌤𑍍𑌯𑌾 𑌕𑌾𑌳𑍀𑌨𑌾𑌮𑌶𑌤𑌾𑌷𑍍𑌟𑌕𑌮𑍍 ॥ 1𑍯 ॥

𑌕𑌾𑌳𑌿𑌕𑌾 𑌤𑌸𑍍𑌯 𑌗𑍇𑌹𑍇 𑌚 𑌸𑌂𑌸𑍍𑌥𑌾𑌨𑌂 𑌕𑍁𑌰𑍁𑌤𑍇 𑌸𑌦𑌾 ।
𑌶𑍂𑌨𑍍𑌯𑌾𑌗𑌾𑌰𑍇 𑌶𑍍𑌮𑌶𑌾𑌨𑍇 𑌵𑌾 𑌪𑍍𑌰𑌾𑌂𑌤𑌰𑍇 𑌜𑌲𑌮𑌧𑍍𑌯𑌤𑌃 ॥ 20 ॥

𑌵𑌹𑍍𑌨𑌿𑌮𑌧𑍍𑌯𑍇 𑌚 𑌸𑌂𑌗𑍍𑌰𑌾𑌮𑍇 𑌤𑌥𑌾 𑌪𑍍𑌰𑌾𑌣𑌸𑍍𑌯 𑌸𑌂𑌶𑌯𑍇 ।
𑌶𑌤𑌾𑌷𑍍𑌟𑌕𑌂 𑌜𑌪𑌨𑍍𑌮𑌂𑌤𑍍𑌰𑍀 𑌲𑌭𑌤𑍇 𑌕𑍍𑌷𑍇𑌮𑌮𑍁𑌤𑍍𑌤𑌮𑌮𑍍 ॥ 21 ॥

𑌕𑌾𑌳𑍀𑌂 𑌸𑌂𑌸𑍍𑌥𑌾𑌪𑍍𑌯 𑌵𑌿𑌧𑌿𑌵𑌤𑍍 𑌸𑍍𑌤𑍁𑌤𑍍𑌵𑌾 𑌨𑌾𑌮𑌶𑌤𑌾𑌷𑍍𑌟𑌕𑍈𑌃 ।
𑌸𑌾𑌧𑌕𑌃 𑌸𑌿𑌦𑍍𑌧𑌿𑌮𑌾𑌪𑍍𑌨𑍋𑌤𑌿 𑌕𑌾𑌳𑌿𑌕𑌾𑌯𑌾𑌃 𑌪𑍍𑌰𑌸𑌾𑌦𑌤𑌃 ॥ 22 ॥

𑌇𑌤𑌿 𑌶𑍍𑌰𑍀 𑌕𑌾𑌳𑍀 𑌕𑌕𑌾𑌰𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮 𑌸𑍍𑌤𑍋𑌤𑍍𑌰𑌮𑍍 ।

Browse Related Categories: