𑌘𑍋𑌰𑌰𑍂𑌪𑍇 𑌮𑌹𑌾𑌰𑌾𑌵𑍇 𑌸𑌰𑍍𑌵𑌶𑌤𑍍𑌰𑍁𑌭𑌯𑌂𑌕𑌰𑌿 ।
𑌭𑌕𑍍𑌤𑍇𑌭𑍍𑌯𑍋 𑌵𑌰𑌦𑍇 𑌦𑍇𑌵𑌿 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ 1 ॥
𑌸𑍁𑌰𑌾𑌽𑌸𑍁𑌰𑌾𑌰𑍍𑌚𑌿𑌤𑍇 𑌦𑍇𑌵𑌿 𑌸𑌿𑌦𑍍𑌧𑌗𑌂𑌧𑌰𑍍𑌵𑌸𑍇𑌵𑌿𑌤𑍇 ।
𑌜𑌾𑌡𑍍𑌯𑌪𑌾𑌪𑌹𑌰𑍇 𑌦𑍇𑌵𑌿 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ 2 ॥
𑌜𑌟𑌾𑌜𑍂𑌟𑌸𑌮𑌾𑌯𑍁𑌕𑍍𑌤𑍇 𑌲𑍋𑌲𑌜𑌿𑌹𑍍𑌵𑌾𑌂𑌤𑌕𑌾𑌰𑌿𑌣𑍀 ।
𑌦𑍍𑌰𑍁𑌤𑌬𑍁𑌦𑍍𑌧𑌿𑌕𑌰𑍇 𑌦𑍇𑌵𑌿 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ 3 ॥
𑌸𑍌𑌮𑍍𑌯𑌕𑍍𑌰𑍋𑌧𑌧𑌰𑍇 𑌰𑍂𑌪𑍇 𑌚𑌂𑌡𑌰𑍂𑌪𑍇 𑌨𑌮𑍋𑌽𑌸𑍍𑌤𑍁 𑌤𑍇 ।
𑌸𑍃𑌷𑍍𑌟𑌿𑌰𑍂𑌪𑍇 𑌨𑌮𑌸𑍍𑌤𑍁𑌭𑍍𑌯𑌂 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ 4 ॥
𑌜𑌡𑌾𑌨𑌾𑌂 𑌜𑌡𑌤𑌾𑌂 𑌹𑌂𑌤𑌿 𑌭𑌕𑍍𑌤𑌾𑌨𑌾𑌂 𑌭𑌕𑍍𑌤𑌵𑌤𑍍𑌸𑌲𑌾 ।
𑌮𑍂𑌢𑌤𑌾𑌂 𑌹𑌰 𑌮𑍇 𑌦𑍇𑌵𑌿 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ 5 ॥
𑌹𑍍𑌰𑍂𑌂 𑌹𑍍𑌰𑍂𑌂𑌕𑌰𑌮𑌯𑍇 𑌦𑍇𑌵𑌿 𑌬𑌲𑌿𑌹𑍋𑌮𑌪𑍍𑌰𑌿𑌯𑍇 𑌨𑌮𑌃 ।
𑌉𑌗𑍍𑌰𑌤𑌾𑌰𑍇 𑌨𑌮𑍋 𑌨𑌿𑌤𑍍𑌯𑌂 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ 6 ॥
𑌬𑍁𑌦𑍍𑌧𑌿𑌂 𑌦𑍇𑌹𑌿 𑌯𑌶𑍋 𑌦𑍇𑌹𑌿 𑌕𑌵𑌿𑌤𑍍𑌵𑌂 𑌦𑍇𑌹𑌿 𑌦𑍇𑌵𑌿 𑌮𑍇 ।
𑌮𑍂𑌢𑌤𑍍𑌵𑌂 𑌚 𑌹𑌰𑍇𑌰𑍍𑌦𑍇𑌵𑌿 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ ॥
𑌇𑌂𑌦𑍍𑌰𑌾𑌦𑌿𑌵𑌿𑌲𑌸𑌦𑍍𑌵𑌂𑌦𑍍𑌵𑌵𑌂𑌦𑌿𑌤𑍇 𑌕𑌰𑍁𑌣𑌾𑌮𑌯𑌿 ।
𑌤𑌾𑌰𑍇 𑌤𑌾𑌰𑌧𑌿𑌨𑌾𑌥𑌾𑌸𑍍𑌯𑍇 𑌤𑍍𑌰𑌾𑌹𑌿 𑌮𑌾𑌂 𑌶𑌰𑌣𑌾𑌗𑌤𑌮𑍍 ॥ ॥
𑌅𑌷𑍍𑌟𑌮𑍍𑌯𑌾𑌂 𑌚 𑌚𑌤𑍁𑌰𑍍𑌦𑌶𑍍𑌯𑌾𑌂 𑌨𑌵𑌮𑍍𑌯𑌾𑌂 𑌯𑌃 𑌪𑌠𑍇𑌨𑍍𑌨𑌰𑌃 ।
𑌷𑌣𑍍𑌮𑌾𑌸𑍈𑌃 𑌸𑌿𑌦𑍍𑌧𑌿𑌮𑌾𑌪𑍍𑌨𑍋𑌤𑌿 𑌨𑌾𑌽𑌤𑍍𑌰 𑌕𑌾𑌰𑍍𑌯𑌾 𑌵𑌿𑌚𑌾𑌰𑌣𑌾 ॥ ॥
𑌮𑍋𑌕𑍍𑌷𑌾𑌰𑍍𑌥𑍀 𑌲𑌭𑌤𑍇 𑌮𑍋𑌕𑍍𑌷𑌂 𑌧𑌨𑌾𑌰𑍍𑌥𑍀 𑌲𑌭𑌤𑍇 𑌧𑌨𑌮𑍍 ।
𑌵𑌿𑌦𑍍𑌯𑌾𑌰𑍍𑌥𑍀 𑌲𑌭𑌤𑍇 𑌵𑌿𑌦𑍍𑌯𑌾𑌂 𑌤𑌰𑍍𑌕𑌵𑍍𑌯𑌾𑌕𑌰𑌣𑌾𑌦𑌿𑌕𑌮𑍍 ॥ 10 ॥
𑌇𑌦𑌂 𑌸𑍍𑌤𑍋𑌤𑍍𑌰𑌂 𑌪𑌠𑍇𑌦𑍍𑌯𑌸𑍍𑌤𑍁 𑌸𑌤𑌤𑌂 𑌶𑍍𑌰𑌦𑍍𑌧𑌯𑌾𑌨𑍍𑌵𑌿𑌤𑌃 ।
𑌤𑌸𑍍𑌯 𑌶𑌤𑍍𑌰𑍁𑌃 𑌕𑍍𑌷𑌯𑌂 𑌯𑌾𑌤𑌿 𑌮𑌹𑌾𑌪𑍍𑌰𑌜𑍍𑌞𑌾 𑌪𑍍𑌰𑌜𑌾𑌯𑌤𑍇 ॥ 11 ॥
𑌪𑍀𑌡𑌾𑌯𑌾𑌂 𑌵𑌾𑌪𑌿 𑌸𑌂𑌗𑍍𑌰𑌾𑌮𑍇 𑌜𑌾𑌡𑍍𑌯𑍇 𑌦𑌾𑌨𑍇 𑌤𑌥𑌾 𑌭𑌯𑍇 ।
𑌯 𑌇𑌦𑌂 𑌪𑌠𑌤𑌿 𑌸𑍍𑌤𑍋𑌤𑍍𑌰𑌂 𑌶𑍁𑌭𑌂 𑌤𑌸𑍍𑌯 𑌨 𑌸𑌂𑌶𑌯𑌃 ॥ 12 ॥
𑌇𑌤𑌿 𑌪𑍍𑌰𑌣𑌮𑍍𑌯 𑌸𑍍𑌤𑍁𑌤𑍍𑌵𑌾 𑌚 𑌯𑍋𑌨𑌿𑌮𑍁𑌦𑍍𑌰𑌾𑌂 𑌪𑍍𑌰𑌦𑌰𑍍𑌶𑌯𑍇𑌤𑍍 ॥
𑌇𑌤𑌿 𑌶𑍍𑌰𑍀 𑌨𑍀𑌲𑌸𑌰𑌸𑍍𑌵𑌤𑍀 𑌸𑍍𑌤𑍋𑌤𑍍𑌰𑌮𑍍 ॥
