Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

𑌕𑌲𑍍𑌯𑌾𑌣𑌵𑍃𑌷𑍍𑌟𑌿 𑌸𑍍𑌤𑌵𑌃

𑌕𑌲𑍍𑌯𑌾𑌣𑌵𑍃𑌷𑍍𑌟𑌿𑌭𑌿𑌰𑌿𑌵𑌾𑌮𑍃𑌤𑌪𑍂𑌰𑌿𑌤𑌾𑌭𑌿-
-𑌰𑍍𑌲𑌕𑍍𑌷𑍍𑌮𑍀𑌸𑍍𑌵𑌯𑌂𑌵𑌰𑌣𑌮𑌂𑌗𑌲𑌦𑍀𑌪𑌿𑌕𑌾𑌭𑌿𑌃 ।
𑌸𑍇𑌵𑌾𑌭𑌿𑌰𑌂𑌬 𑌤𑌵 𑌪𑌾𑌦𑌸𑌰𑍋𑌜𑌮𑍂𑌲𑍇
𑌨𑌾𑌕𑌾𑌰𑌿 𑌕𑌿𑌂 𑌮𑌨𑌸𑌿 𑌭𑌾𑌗𑍍𑌯𑌵𑌤𑌾𑌂 𑌜𑌨𑌾𑌨𑌾𑌮𑍍 ॥ 1 ॥

𑌏𑌤𑌾𑌵𑌦𑍇𑌵 𑌜𑌨𑌨𑌿 𑌸𑍍𑌪𑍃𑌹𑌣𑍀𑌯𑌮𑌾𑌸𑍍𑌤𑍇
𑌤𑍍𑌵𑌦𑍍𑌵𑌂𑌦𑌨𑍇𑌷𑍁 𑌸𑌲𑌿𑌲𑌸𑍍𑌥𑌗𑌿𑌤𑍇 𑌚 𑌨𑍇𑌤𑍍𑌰𑍇 ।
𑌸𑌾𑌂𑌨𑌿𑌧𑍍𑌯𑌮𑍁𑌦𑍍𑌯𑌦𑌰𑍁𑌣𑌾𑌯𑍁𑌤𑌸𑍋𑌦𑌰𑌸𑍍𑌯
𑌤𑍍𑌵𑌦𑍍𑌵𑌿𑌗𑍍𑌰𑌹𑌸𑍍𑌯 𑌪𑌰𑌯𑌾 𑌸𑍁𑌧𑌯𑌾𑌪𑍍𑌲𑍁𑌤𑌸𑍍𑌯 ॥ 2 ॥

𑌈𑌶𑌤𑍍𑌵𑌨𑌾𑌮𑌕𑌲𑍁𑌷𑌾𑌃 𑌕𑌤𑌿 𑌵𑌾 𑌨 𑌸𑌂𑌤𑌿
𑌬𑍍𑌰𑌹𑍍𑌮𑌾𑌦𑌯𑌃 𑌪𑍍𑌰𑌤𑌿𑌭𑌵𑌂 𑌪𑍍𑌰𑌲𑌯𑌾𑌭𑌿𑌭𑍂𑌤𑌾𑌃 ।
𑌏𑌕𑌃 𑌸 𑌏𑌵 𑌜𑌨𑌨𑌿 𑌸𑍍𑌥𑌿𑌰𑌸𑌿𑌦𑍍𑌧𑌿𑌰𑌾𑌸𑍍𑌤𑍇
𑌯𑌃 𑌪𑌾𑌦𑌯𑍋𑌸𑍍𑌤𑌵 𑌸𑌕𑍃𑌤𑍍𑌪𑍍𑌰𑌣𑌤𑌿𑌂 𑌕𑌰𑍋𑌤𑌿 ॥ 3 ॥

𑌲𑌬𑍍𑌧𑍍𑌵𑌾 𑌸𑌕𑍃𑌤𑍍𑌤𑍍𑌰𑌿𑌪𑍁𑌰𑌸𑍁𑌂𑌦𑌰𑌿 𑌤𑌾𑌵𑌕𑍀𑌨𑌂
𑌕𑌾𑌰𑍁𑌣𑍍𑌯𑌕𑌂𑌦𑌲𑌿𑌤𑌕𑌾𑌂𑌤𑌿𑌭𑌰𑌂 𑌕𑌟𑌾𑌕𑍍𑌷𑌮𑍍 ।
𑌕𑌂𑌦𑌰𑍍𑌪𑌕𑍋𑌟𑌿𑌸𑍁𑌭𑌗𑌾𑌸𑍍𑌤𑍍𑌵𑌯𑌿 𑌭𑌕𑍍𑌤𑌿𑌭𑌾𑌜𑌃
𑌸𑌂𑌮𑍋𑌹𑌯𑌂𑌤𑌿 𑌤𑌰𑍁𑌣𑍀𑌰𑍍𑌭𑍁𑌵𑌨𑌤𑍍𑌰𑌯𑍇𑌽𑌪𑌿 ॥ 4 ॥

𑌹𑍍𑌰𑍀𑌂‍𑌕𑌾𑌰𑌮𑍇𑌵 𑌤𑌵 𑌨𑌾𑌮 𑌗𑍃𑌣𑌂𑌤𑌿 𑌵𑍇𑌦𑌾
𑌮𑌾𑌤𑌸𑍍𑌤𑍍𑌰𑌿𑌕𑍋𑌣𑌨𑌿𑌲𑌯𑍇 𑌤𑍍𑌰𑌿𑌪𑍁𑌰𑍇 𑌤𑍍𑌰𑌿𑌨𑍇𑌤𑍍𑌰𑍇 ।
𑌤𑍍𑌵𑌤𑍍𑌸𑌂𑌸𑍍𑌮𑍃𑌤𑍌 𑌯𑌮𑌭𑌟𑌾𑌭𑌿𑌭𑌵𑌂 𑌵𑌿𑌹𑌾𑌯
𑌦𑍀𑌵𑍍𑌯𑌂𑌤𑌿 𑌨𑌂𑌦𑌨𑌵𑌨𑍇 𑌸𑌹 𑌲𑍋𑌕𑌪𑌾𑌲𑍈𑌃 ॥ 5 ॥

𑌹𑌂𑌤𑍁𑌃 𑌪𑍁𑌰𑌾𑌮𑌧𑌿𑌗𑌲𑌂 𑌪𑌰𑌿𑌪𑍀𑌯𑌮𑌾𑌨𑌃
𑌕𑍍𑌰𑍂𑌰𑌃 𑌕𑌥𑌂 𑌨 𑌭𑌵𑌿𑌤𑌾 𑌗𑌰𑌲𑌸𑍍𑌯 𑌵𑍇𑌗𑌃 ।
𑌨𑌾𑌶𑍍𑌵𑌾𑌸𑌨𑌾𑌯 𑌯𑌦𑌿 𑌮𑌾𑌤𑌰𑌿𑌦𑌂 𑌤𑌵𑌾𑌰𑍍𑌥𑌂
𑌦𑍇𑌹𑌸𑍍𑌯 𑌶𑌶𑍍𑌵𑌦𑌮𑍃𑌤𑌾𑌪𑍍𑌲𑍁𑌤𑌶𑍀𑌤𑌲𑌸𑍍𑌯 ॥ 6 ॥

𑌸𑌰𑍍𑌵𑌜𑍍𑌞𑌤𑌾𑌂 𑌸𑌦𑌸𑌿 𑌵𑌾𑌕𑍍𑌪𑌟𑍁𑌤𑌾𑌂 𑌪𑍍𑌰𑌸𑍂𑌤𑍇
𑌦𑍇𑌵𑌿 𑌤𑍍𑌵𑌦𑌂𑌘𑍍𑌰𑌿𑌸𑌰𑌸𑍀𑌰𑍁𑌹𑌯𑍋𑌃 𑌪𑍍𑌰𑌣𑌾𑌮𑌃 ।
𑌕𑌿𑌂 𑌚 𑌸𑍍𑌫𑍁𑌰𑌨𑍍𑌮𑌕𑍁𑌟𑌮𑍁𑌜𑍍𑌜𑍍𑌵𑌲𑌮𑌾𑌤𑌪𑌤𑍍𑌰𑌂
𑌦𑍍𑌵𑍇 𑌚𑌾𑌮𑌰𑍇 𑌚 𑌮𑌹𑌤𑍀𑌂 𑌵𑌸𑍁𑌧𑌾𑌂 𑌦𑌦𑌾𑌤𑌿 ॥ 𑍭 ॥

𑌕𑌲𑍍𑌪𑌦𑍍𑌰𑍁𑌮𑍈𑌰𑌭𑌿𑌮𑌤𑌪𑍍𑌰𑌤𑌿𑌪𑌾𑌦𑌨𑍇𑌷𑍁
𑌕𑌾𑌰𑍁𑌣𑍍𑌯𑌵𑌾𑌰𑌿𑌧𑌿𑌭𑌿𑌰𑌂𑌬 𑌭𑌵𑌾𑌤𑍍𑌕𑌟𑌾𑌕𑍍𑌷𑍈𑌃 ।
𑌆𑌲𑍋𑌕𑌯 𑌤𑍍𑌰𑌿𑌪𑍁𑌰𑌸𑍁𑌂𑌦𑌰𑌿 𑌮𑌾𑌮𑌨𑌾𑌥𑌂
𑌤𑍍𑌵𑌯𑍍𑌯𑍇𑌵 𑌭𑌕𑍍𑌤𑌿𑌭𑌰𑌿𑌤𑌂 𑌤𑍍𑌵𑌯𑌿 𑌬𑌦𑍍𑌧𑌤𑍃𑌷𑍍𑌣𑌮𑍍 ॥ 𑍮 ॥

𑌹𑌂𑌤𑍇𑌤𑌰𑍇𑌷𑍍𑌵𑌪𑌿 𑌮𑌨𑌾𑌂𑌸𑌿 𑌨𑌿𑌧𑌾𑌯 𑌚𑌾𑌨𑍍𑌯𑍇
𑌭𑌕𑍍𑌤𑌿𑌂 𑌵𑌹𑌂𑌤𑌿 𑌕𑌿𑌲 𑌪𑌾𑌮𑌰𑌦𑍈𑌵𑌤𑍇𑌷𑍁 ।
𑌤𑍍𑌵𑌾𑌮𑍇𑌵 𑌦𑍇𑌵𑌿 𑌮𑌨𑌸𑌾 𑌸𑌮𑌨𑍁𑌸𑍍𑌮𑌰𑌾𑌮𑌿
𑌤𑍍𑌵𑌾𑌮𑍇𑌵 𑌨𑍌𑌮𑌿 𑌶𑌰𑌣𑌂 𑌜𑌨𑌨𑌿 𑌤𑍍𑌵𑌮𑍇𑌵 ॥ 𑍯 ॥

𑌲𑌕𑍍𑌷𑍍𑌯𑍇𑌷𑍁 𑌸𑌤𑍍𑌸𑍍𑌵𑌪𑌿 𑌕𑌟𑌾𑌕𑍍𑌷𑌨𑌿𑌰𑍀𑌕𑍍𑌷𑌣𑌾𑌨𑌾-
-𑌮𑌾𑌲𑍋𑌕𑌯 𑌤𑍍𑌰𑌿𑌪𑍁𑌰𑌸𑍁𑌂𑌦𑌰𑌿 𑌮𑌾𑌂 𑌕𑌦𑌾𑌚𑌿𑌤𑍍 ।
𑌨𑍂𑌨𑌂 𑌮𑌯𑌾 𑌤𑍁 𑌸𑌦𑍃𑌶𑌃 𑌕𑌰𑍁𑌣𑍈𑌕𑌪𑌾𑌤𑍍𑌰𑌂
𑌜𑌾𑌤𑍋 𑌜𑌨𑌿𑌷𑍍𑌯𑌤𑌿 𑌜𑌨𑍋 𑌨 𑌚 𑌜𑌾𑌯𑌤𑍇 𑌵𑌾 ॥ 10 ॥

𑌹𑍍𑌰𑍀𑌂 𑌹𑍍𑌰𑍀𑌮𑌿𑌤𑌿 𑌪𑍍𑌰𑌤𑌿𑌦𑌿𑌨𑌂 𑌜𑌪𑌤𑌾𑌂 𑌤𑌵𑌾𑌖𑍍𑌯𑌾𑌂
𑌕𑌿𑌂 𑌨𑌾𑌮 𑌦𑍁𑌰𑍍𑌲𑌭𑌮𑌿𑌹 𑌤𑍍𑌰𑌿𑌪𑍁𑌰𑌾𑌧𑌿𑌵𑌾𑌸𑍇 ।
𑌮𑌾𑌲𑌾𑌕𑌿𑌰𑍀𑌟𑌮𑌦𑌵𑌾𑌰𑌣𑌮𑌾𑌨𑌨𑍀𑌯𑌾
𑌤𑌾𑌨𑍍𑌸𑍇𑌵𑌤𑍇 𑌵𑌸𑍁𑌮𑌤𑍀 𑌸𑍍𑌵𑌯𑌮𑍇𑌵 𑌲𑌕𑍍𑌷𑍍𑌮𑍀𑌃 ॥ 11 ॥

𑌸𑌂𑌪𑌤𑍍𑌕𑌰𑌾𑌣𑌿 𑌸𑌕𑌲𑍇𑌂𑌦𑍍𑌰𑌿𑌯𑌨𑌂𑌦𑌨𑌾𑌨𑌿
𑌸𑌾𑌮𑍍𑌰𑌾𑌜𑍍𑌯𑌦𑌾𑌨𑌨𑌿𑌰𑌤𑌾𑌨𑌿 𑌸𑌰𑍋𑌰𑍁𑌹𑌾𑌕𑍍𑌷𑌿 ।
𑌤𑍍𑌵𑌦𑍍𑌵𑌂𑌦𑌨𑌾𑌨𑌿 𑌦𑍁𑌰𑌿𑌤𑌾𑌹𑌰𑌣𑍋𑌦𑍍𑌯𑌤𑌾𑌨𑌿
𑌮𑌾𑌮𑍇𑌵 𑌮𑌾𑌤𑌰𑌨𑌿𑌶𑌂 𑌕𑌲𑌯𑌂𑌤𑍁 𑌨𑌾𑌨𑍍𑌯𑌮𑍍 ॥ 12 ॥

𑌕𑌲𑍍𑌪𑍋𑌪𑌸𑌂𑌹𑍃𑌤𑌿𑌷𑍁 𑌕𑌲𑍍𑌪𑌿𑌤𑌤𑌾𑌂𑌡𑌵𑌸𑍍𑌯
𑌦𑍇𑌵𑌸𑍍𑌯 𑌖𑌂𑌡𑌪𑌰𑌶𑍋𑌃 𑌪𑌰𑌭𑍈𑌰𑌵𑌸𑍍𑌯 ।
𑌪𑌾𑌶𑌾𑌂𑌕𑍁𑌶𑍈𑌕𑍍𑌷𑌵𑌶𑌰𑌾𑌸𑌨𑌪𑍁𑌷𑍍𑌪𑌬𑌾𑌣𑌾
𑌸𑌾 𑌸𑌾𑌕𑍍𑌷𑌿𑌣𑍀 𑌵𑌿𑌜𑌯𑌤𑍇 𑌤𑌵 𑌮𑍂𑌰𑍍𑌤𑌿𑌰𑍇𑌕𑌾 ॥ 13 ॥

𑌲𑌗𑍍𑌨𑌂 𑌸𑌦𑌾 𑌭𑌵𑌤𑍁 𑌮𑌾𑌤𑌰𑌿𑌦𑌂 𑌤𑌵𑌾𑌰𑍍𑌧𑌂
𑌤𑍇𑌜𑌃 𑌪𑌰𑌂 𑌬𑌹𑍁𑌲𑌕𑍁𑌂𑌕𑍁𑌮𑌪𑌂𑌕𑌶𑍋𑌣𑌮𑍍 ।
𑌭𑌾𑌸𑍍𑌵𑌤𑍍𑌕𑌿𑌰𑍀𑌟𑌮𑌮𑍃𑌤𑌾𑌂𑌶𑍁𑌕𑌲𑌾𑌵𑌤𑌂𑌸𑌂
𑌮𑌧𑍍𑌯𑍇 𑌤𑍍𑌰𑌿𑌕𑍋𑌣𑌨𑌿𑌲𑌯𑌂 𑌪𑌰𑌮𑌾𑌮𑍃𑌤𑌾𑌰𑍍𑌦𑍍𑌰𑌮𑍍 ॥ 14 ॥

𑌹𑍍𑌰𑍀𑌂‍𑌕𑌾𑌰𑌮𑍇𑌵 𑌤𑌵 𑌨𑌾𑌮 𑌤𑌦𑍇𑌵 𑌰𑍂𑌪𑌂
𑌤𑍍𑌵𑌨𑍍𑌨𑌾𑌮 𑌦𑍁𑌰𑍍𑌲𑌭𑌮𑌿𑌹 𑌤𑍍𑌰𑌿𑌪𑍁𑌰𑍇 𑌗𑍃𑌣𑌂𑌤𑌿 ।
𑌤𑍍𑌵𑌤𑍍𑌤𑍇𑌜𑌸𑌾 𑌪𑌰𑌿𑌣𑌤𑌂 𑌵𑌿𑌯𑌦𑌾𑌦𑌿𑌭𑍂𑌤𑌂
𑌸𑍌𑌖𑍍𑌯𑌂 𑌤𑌨𑍋𑌤𑌿 𑌸𑌰𑌸𑍀𑌰𑍁𑌹𑌸𑌂𑌭𑌵𑌾𑌦𑍇𑌃 ॥ 15 ॥

𑌹𑍍𑌰𑍀𑌂‍𑌕𑌾𑌰𑌤𑍍𑌰𑌯𑌸𑌂𑌪𑍁𑌟𑍇𑌨 𑌮𑌹𑌤𑌾 𑌮𑌂𑌤𑍍𑌰𑍇𑌣 𑌸𑌂𑌦𑍀𑌪𑌿𑌤𑌂
𑌸𑍍𑌤𑍋𑌤𑍍𑌰𑌂 𑌯𑌃 𑌪𑍍𑌰𑌤𑌿𑌵𑌾𑌸𑌰𑌂 𑌤𑌵 𑌪𑍁𑌰𑍋 𑌮𑌾𑌤𑌰𑍍𑌜𑌪𑍇𑌨𑍍𑌮𑌂𑌤𑍍𑌰𑌵𑌿𑌤𑍍 ।
𑌤𑌸𑍍𑌯 𑌕𑍍𑌷𑍋𑌣𑌿𑌭𑍁𑌜𑍋 𑌭𑌵𑌂𑌤𑌿 𑌵𑌶𑌗𑌾 𑌲𑌕𑍍𑌷𑍍𑌮𑍀𑌶𑍍𑌚𑌿𑌰𑌸𑍍𑌥𑌾𑌯𑌿𑌨𑍀
𑌵𑌾𑌣𑍀 𑌨𑌿𑌰𑍍𑌮𑌲𑌸𑍂𑌕𑍍𑌤𑌿𑌭𑌾𑌰𑌭𑌾𑌰𑌿𑌤𑌾 𑌜𑌾𑌗𑌰𑍍𑌤𑌿 𑌦𑍀𑌰𑍍𑌘𑌂 𑌵𑌯𑌃 ॥ 16 ॥

𑌇𑌤𑌿 𑌶𑍍𑌰𑍀𑌮𑌤𑍍𑌪𑌰𑌮𑌹𑌂𑌸𑌪𑌰𑌿𑌵𑍍𑌰𑌾𑌜𑌕𑌾𑌚𑌾𑌰𑍍𑌯𑌸𑍍𑌯 𑌶𑍍𑌰𑍀𑌗𑍋𑌵𑌿𑌂𑌦𑌭𑌗𑌵𑌤𑍍𑌪𑍂𑌜𑍍𑌯𑌪𑌾𑌦𑌶𑌿𑌷𑍍𑌯𑌸𑍍𑌯 𑌶𑍍𑌰𑍀𑌮𑌚𑍍𑌛𑌂𑌕𑌰𑌭𑌗𑌵𑌤𑌃 𑌕𑍃𑌤𑍌 𑌕𑌲𑍍𑌯𑌾𑌣𑌵𑍃𑌷𑍍𑌟𑌿 𑌸𑍍𑌤𑌵𑌃 ।


Browse Related Categories: