𑌶𑍍𑌰𑍀 𑌰𑌾𑌜 𑌰𑌾𑌜𑍇𑌶𑍍𑌵𑌰𑍀 𑌅𑌷𑍍𑌟𑌕𑌮𑍍

𑌅𑌂𑌬𑌾 𑌶𑌾𑌂𑌭𑌵𑌿 𑌚𑌂𑌦𑍍𑌰𑌮𑍌𑌳𑌿𑌰𑌬𑌲𑌾𑌽𑌪𑌰𑍍𑌣𑌾 𑌉𑌮𑌾 𑌪𑌾𑌰𑍍𑌵𑌤𑍀
𑌕𑌾𑌳𑍀 𑌹𑍈𑌮𑌵𑌤𑍀 𑌶𑌿𑌵𑌾 𑌤𑍍𑌰𑌿𑌨𑌯𑌨𑍀 𑌕𑌾𑌤𑍍𑌯𑌾𑌯𑌨𑍀 𑌭𑍈𑌰𑌵𑍀
𑌸𑌾𑌵𑌿𑌤𑍍𑌰𑍀 𑌨𑌵𑌯𑍌𑌵𑌨𑌾 𑌶𑍁𑌭𑌕𑌰𑍀 𑌸𑌾𑌮𑍍𑌰𑌾𑌜𑍍𑌯𑌲𑌕𑍍𑌷𑍍𑌮𑍀𑌪𑍍𑌰𑌦𑌾
𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 1 ॥

𑌅𑌂𑌬𑌾 𑌮𑍋𑌹𑌿𑌨𑌿 𑌦𑍇𑌵𑌤𑌾 𑌤𑍍𑌰𑌿𑌭𑍁𑌵𑌨𑍀 𑌆𑌨𑌂𑌦𑌸𑌂𑌦𑌾𑌯𑌿𑌨𑍀
𑌵𑌾𑌣𑍀 𑌪𑌲𑍍𑌲𑌵𑌪𑌾𑌣𑌿 𑌵𑍇𑌣𑍁𑌮𑍁𑌰𑌳𑍀𑌗𑌾𑌨𑌪𑍍𑌰𑌿𑌯𑌾 𑌲𑍋𑌲𑌿𑌨𑍀
𑌕𑌲𑍍𑌯𑌾𑌣𑍀 𑌉𑌡𑍁𑌰𑌾𑌜𑌬𑌿𑌂𑌬𑌵𑌦𑌨𑌾 𑌧𑍂𑌮𑍍𑌰𑌾𑌕𑍍𑌷𑌸𑌂𑌹𑌾𑌰𑌿𑌣𑍀
𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 2 ॥

𑌅𑌂𑌬𑌾 𑌨𑍂𑌪𑍁𑌰𑌰𑌤𑍍𑌨𑌕𑌂𑌕𑌣𑌧𑌰𑍀 𑌕𑍇𑌯𑍂𑌰𑌹𑌾𑌰𑌾𑌵𑌳𑍀
𑌜𑌾𑌤𑍀𑌚𑌂𑌪𑌕𑌵𑍈𑌜𑌯𑌂𑌤𑌿𑌲𑌹𑌰𑍀 𑌗𑍍𑌰𑍈𑌵𑍇𑌯𑌕𑍈𑌰𑌾𑌜𑌿𑌤𑌾
𑌵𑍀𑌣𑌾𑌵𑍇𑌣𑍁𑌵𑌿𑌨𑍋𑌦𑌮𑌂𑌡𑌿𑌤𑌕𑌰𑌾 𑌵𑍀𑌰𑌾𑌸𑌨𑍇𑌸𑌂𑌸𑍍𑌥𑌿𑌤𑌾
𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 3 ॥

𑌅𑌂𑌬𑌾 𑌰𑍌𑌦𑍍𑌰𑌿𑌣𑌿 𑌭𑌦𑍍𑌰𑌕𑌾𑌳𑍀 𑌬𑌗𑌲𑌾 𑌜𑍍𑌵𑌾𑌲𑌾𑌮𑍁𑌖𑍀 𑌵𑍈𑌷𑍍𑌣𑌵𑍀
𑌬𑍍𑌰𑌹𑍍𑌮𑌾𑌣𑍀 𑌤𑍍𑌰𑌿𑌪𑍁𑌰𑌾𑌂𑌤𑌕𑍀 𑌸𑍁𑌰𑌨𑍁𑌤𑌾 𑌦𑍇𑌦𑍀𑌪𑍍𑌯𑌮𑌾𑌨𑍋𑌜𑍍𑌜𑍍𑌵𑌲𑌾
𑌚𑌾𑌮𑍁𑌂𑌡𑌾 𑌶𑍍𑌰𑌿𑌤𑌰𑌕𑍍𑌷𑌪𑍋𑌷𑌜𑌨𑌨𑍀 𑌦𑌾𑌕𑍍𑌷𑌾𑌯𑌣𑍀 𑌪𑌲𑍍𑌲𑌵𑍀
𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 4 ॥

𑌅𑌂𑌬𑌾 𑌶𑍂𑌲 𑌧𑌨𑍁𑌃 𑌕𑍁𑌶𑌾𑌂𑌕𑍁𑌶𑌧𑌰𑍀 𑌅𑌰𑍍𑌧𑍇𑌂𑌦𑍁𑌬𑌿𑌂𑌬𑌾𑌧𑌰𑍀
𑌵𑌾𑌰𑌾𑌹𑍀 𑌮𑌧𑍁𑌕𑍈𑌟𑌭𑌪𑍍𑌰𑌶𑌮𑌨𑍀 𑌵𑌾𑌣𑍀𑌰𑌮𑌾𑌸𑍇𑌵𑌿𑌤𑌾
𑌮𑌲𑍍𑌲𑌦𑍍𑌯𑌾𑌸𑍁𑌰𑌮𑍂𑌕𑌦𑍈𑌤𑍍𑌯𑌮𑌥𑌨𑍀 𑌮𑌾𑌹𑍇𑌶𑍍𑌵𑌰𑍀 𑌅𑌂𑌬𑌿𑌕𑌾
𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 5 ॥

𑌅𑌂𑌬𑌾 𑌸𑍃𑌷𑍍𑌟𑌵𑌿𑌨𑌾𑌶𑌪𑌾𑌲𑌨𑌕𑌰𑍀 𑌆𑌰𑍍𑌯𑌾 𑌵𑌿𑌸𑌂𑌶𑍋𑌭𑌿𑌤𑌾
𑌗𑌾𑌯𑌤𑍍𑌰𑍀 𑌪𑍍𑌰𑌣𑌵𑌾𑌕𑍍𑌷𑌰𑌾𑌮𑍃𑌤𑌰𑌸𑌃 𑌪𑍂𑌰𑍍𑌣𑌾𑌨𑍁𑌸𑌂𑌧𑍀𑌕𑍃𑌤𑌾
𑌓𑌂𑌕𑌾𑌰𑍀 𑌵𑌿𑌨𑍁𑌤𑌾𑌸𑍁𑌤𑌾𑌰𑍍𑌚𑌿𑌤𑌪𑌦𑌾 𑌉𑌦𑍍𑌦𑌂𑌡𑌦𑍈𑌤𑍍𑌯𑌾𑌪𑌹𑌾
𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 6 ॥

𑌅𑌂𑌬𑌾 𑌶𑌾𑌶𑍍𑌵𑌤 𑌆𑌗𑌮𑌾𑌦𑌿𑌵𑌿𑌨𑍁𑌤𑌾 𑌆𑌰𑍍𑌯𑌾 𑌮𑌹𑌾𑌦𑍇𑌵𑌤𑌾
𑌯𑌾 𑌬𑍍𑌰𑌹𑍍𑌮𑌾𑌦𑌿𑌪𑌿𑌪𑍀𑌲𑌿𑌕𑌾𑌂𑌤𑌜𑌨𑌨𑍀 𑌯𑌾 𑌵𑍈 𑌜𑌗𑌨𑍍𑌮𑍋𑌹𑌿𑌨𑍀
𑌯𑌾 𑌪𑌂𑌚𑌪𑍍𑌰𑌣𑌵𑌾𑌦𑌿𑌰𑍇𑌫𑌜𑌨𑌨𑍀 𑌯𑌾 𑌚𑌿𑌤𑍍𑌕𑌳𑌾𑌮𑌾𑌲𑌿𑌨𑍀
𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 𑍭 ॥

𑌅𑌂𑌬𑌾𑌪𑌾𑌲𑌿𑌤 𑌭𑌕𑍍𑌤𑌰𑌾𑌜𑌦𑌨𑌿𑌶𑌂 𑌅𑌂𑌬𑌾𑌷𑍍𑌟𑌕𑌂 𑌯𑌃 𑌪𑌠𑍇𑌤𑍍
𑌅𑌂𑌬𑌾𑌲𑍋𑌕𑌕𑌟𑌾𑌕𑍍𑌷𑌵𑍀𑌕𑍍𑌷 𑌲𑌲𑌿𑌤𑌂 𑌚𑍈𑌶𑍍𑌵𑌰𑍍𑌯𑌮𑌵𑍍𑌯𑌾𑌹𑌤𑌮𑍍
𑌅𑌂𑌬𑌾 𑌪𑌾𑌵𑌨𑌮𑌂𑌤𑍍𑌰𑌰𑌾𑌜𑌪𑌠𑌨𑌾𑌦𑌂𑌤𑍇 𑌚 𑌮𑍋𑌕𑍍𑌷𑌪𑍍𑌰𑌦𑌾
𑌚𑌿𑌦𑍍𑌰𑍂𑌪𑍀 𑌪𑌰𑌦𑍇𑌵𑌤𑌾 𑌭𑌗𑌵𑌤𑍀 𑌶𑍍𑌰𑍀𑌰𑌾𑌜𑌰𑌾𑌜𑍇𑌶𑍍𑌵𑌰𑍀 ॥ 𑍮 ॥

Browse Related Categories: