𑌨𑌾𑌰𑌦 𑌉𑌵𑌾𑌚
𑌭𑌗𑌵𑌨𑍍 𑌦𑍇𑌵𑌦𑍇𑌵𑍇𑌶 𑌸𑍃𑌷𑍍𑌟𑌿𑌸𑍍𑌥𑌿𑌤𑌿𑌲𑌯𑍇𑌶𑍍𑌵𑌰 ।
𑌶𑌤𑌮𑌷𑍍𑌟𑍋𑌤𑍍𑌤𑌰𑌂 𑌨𑌾𑌮𑍍𑌨𑌾𑌂 𑌬𑌗𑌳𑌾𑌯𑌾 𑌵𑌦𑌾𑌧𑍁𑌨𑌾 ॥ 1 ॥
𑌶𑍍𑌰𑍀 𑌭𑌗𑌵𑌾𑌨𑍁𑌵𑌾𑌚
𑌶𑍃𑌣𑍁 𑌵𑌤𑍍𑌸 𑌪𑍍𑌰𑌵𑌕𑍍𑌷𑍍𑌯𑌾𑌮𑌿 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ।
𑌪𑍀𑌤𑌾𑌂𑌬𑌰𑍍𑌯𑌾 𑌮𑌹𑌾𑌦𑍇𑌵𑍍𑌯𑌾𑌃 𑌸𑍍𑌤𑍋𑌤𑍍𑌰𑌂 𑌪𑌾𑌪𑌪𑍍𑌰𑌣𑌾𑌶𑌨𑌮𑍍 ॥ 2 ॥
𑌯𑌸𑍍𑌯 𑌪𑍍𑌰𑌪𑌠𑌨𑌾𑌤𑍍𑌸𑌦𑍍𑌯𑍋 𑌵𑌾𑌦𑍀 𑌮𑍂𑌕𑍋𑌭𑌵𑍇𑌤𑍍 𑌕𑍍𑌷𑌣𑌾𑌤𑍍 ।
𑌰𑌿𑌪𑌵𑌸𑍍𑌸𑍍𑌤𑌂𑌭𑌨𑌂 𑌯𑌾𑌂𑌤𑌿 𑌸𑌤𑍍𑌯𑌂 𑌸𑌤𑍍𑌯𑌂 𑌵𑌦𑌾𑌮𑍍𑌯𑌹𑌮𑍍 ॥ 3 ॥
𑌓𑌂 𑌅𑌸𑍍𑌯 𑌶𑍍𑌰𑍀𑌪𑍀𑌤𑌾𑌂𑌬𑌰𑍍𑌯𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌸𑍍𑌯 𑌸𑌦𑌾𑌶𑌿𑌵 𑌋𑌷𑌿𑌃 𑌅𑌨𑍁𑌷𑍍𑌟𑍁𑌪𑍍𑌛𑌂𑌦𑌃 𑌶𑍍𑌰𑍀𑌪𑍀𑌤𑌾𑌂𑌬𑌰𑍀 𑌦𑍇𑌵𑌤𑌾 𑌶𑍍𑌰𑍀𑌪𑍀𑌤𑌾𑌂𑌬𑌰𑍀 𑌪𑍍𑌰𑍀𑌤𑌯𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃 ।
𑌓𑌂 𑌬𑌗𑌳𑌾 𑌵𑌿𑌷𑍍𑌣𑍁𑌵𑌨𑌿𑌤𑌾 𑌵𑌿𑌷𑍍𑌣𑍁𑌶𑌂𑌕𑌰𑌭𑌾𑌮𑌿𑌨𑍀 ।
𑌬𑌹𑍁𑌳𑌾 𑌦𑍇𑌵𑌮𑌾𑌤𑌾 𑌚 𑌮𑌹𑌾𑌵𑌿𑌷𑍍𑌣𑍁𑌪𑍍𑌰𑌸𑍂𑌰𑌪𑌿 ॥ 4 ॥
𑌮𑌹𑌾𑌮𑌤𑍍𑌸𑍍𑌯𑌾 𑌮𑌹𑌾𑌕𑍂𑌰𑍍𑌮𑌾 𑌮𑌹𑌾𑌵𑌾𑌰𑌾𑌹𑌰𑍂𑌪𑌿𑌣𑍀 ।
𑌨𑌾𑌰𑌸𑌿𑌂𑌹𑌪𑍍𑌰𑌿𑌯𑌾 𑌰𑌮𑍍𑌯𑌾 𑌵𑌾𑌮𑌨𑌾 𑌪𑌟𑍁𑌰𑍂𑌪𑌿𑌣𑍀 ॥ 5 ॥
𑌜𑌾𑌮𑌦𑌗𑍍𑌨𑍍𑌯𑌸𑍍𑌵𑌰𑍂𑌪𑌾 𑌚 𑌰𑌾𑌮𑌾 𑌰𑌾𑌮𑌪𑍍𑌰𑌪𑍂𑌜𑌿𑌤𑌾 ।
𑌕𑍃𑌷𑍍𑌣𑌾 𑌕𑌪𑌰𑍍𑌦𑌿𑌨𑍀 𑌕𑍃𑌤𑍍𑌯𑌾 𑌕𑌲𑌹𑌾 𑌚 𑌵𑌿𑌕𑌾𑌰𑌿𑌣𑍀 ॥ 6 ॥
𑌬𑍁𑌦𑍍𑌧𑌿𑌰𑍂𑌪𑌾 𑌬𑍁𑌦𑍍𑌧𑌭𑌾𑌰𑍍𑌯𑌾 𑌬𑍌𑌦𑍍𑌧𑌪𑌾𑌷𑌂𑌡𑌖𑌂𑌡𑌿𑌨𑍀 ।
𑌕𑌲𑍍𑌕𑌿𑌰𑍂𑌪𑌾 𑌕𑌲𑌿𑌹𑌰𑌾 𑌕𑌲𑌿𑌦𑍁𑌰𑍍𑌗𑌤𑌿𑌨𑌾𑌶𑌿𑌨𑍀 ॥ ॥
𑌕𑍋𑌟𑌿𑌸𑍂𑌰𑍍𑌯𑌪𑍍𑌰𑌤𑍀𑌕𑌾𑌶𑌾 𑌕𑍋𑌟𑌿𑌕𑌂𑌦𑌰𑍍𑌪𑌮𑍋𑌹𑌿𑌨𑍀 ।
𑌕𑍇𑌵𑌲𑌾 𑌕𑌠𑌿𑌨𑌾 𑌕𑌾𑌳𑍀 𑌕𑌲𑌾 𑌕𑍈𑌵𑌲𑍍𑌯𑌦𑌾𑌯𑌿𑌨𑍀 ॥ ॥
𑌕𑍇𑌶𑌵𑍀 𑌕𑍇𑌶𑌵𑌾𑌰𑌾𑌧𑍍𑌯𑌾 𑌕𑌿𑌶𑍋𑌰𑍀 𑌕𑍇𑌶𑌵𑌸𑍍𑌤𑍁𑌤𑌾 ।
𑌰𑍁𑌦𑍍𑌰𑌰𑍂𑌪𑌾 𑌰𑍁𑌦𑍍𑌰𑌮𑍂𑌰𑍍𑌤𑍀 𑌰𑍁𑌦𑍍𑌰𑌾𑌣𑍀 𑌰𑍁𑌦𑍍𑌰𑌦𑍇𑌵𑌤𑌾 ॥ ॥
𑌨𑌕𑍍𑌷𑌤𑍍𑌰𑌰𑍂𑌪𑌾 𑌨𑌕𑍍𑌷𑌤𑍍𑌰𑌾 𑌨𑌕𑍍𑌷𑌤𑍍𑌰𑍇𑌶𑌪𑍍𑌰𑌪𑍂𑌜𑌿𑌤𑌾 ।
𑌨𑌕𑍍𑌷𑌤𑍍𑌰𑍇𑌶𑌪𑍍𑌰𑌿𑌯𑌾 𑌨𑌿𑌤𑍍𑌯𑌾 𑌨𑌕𑍍𑌷𑌤𑍍𑌰𑌪𑌤𑌿𑌵𑌂𑌦𑌿𑌤𑌾 ॥ 10 ॥
𑌨𑌾𑌗𑌿𑌨𑍀 𑌨𑌾𑌗𑌜𑌨𑌨𑍀 𑌨𑌾𑌗𑌰𑌾𑌜𑌪𑍍𑌰𑌵𑌂𑌦𑌿𑌤𑌾 ।
𑌨𑌾𑌗𑍇𑌶𑍍𑌵𑌰𑍀 𑌨𑌾𑌗𑌕𑌨𑍍𑌯𑌾 𑌨𑌾𑌗𑌰𑍀 𑌚 𑌨𑌗𑌾𑌤𑍍𑌮𑌜𑌾 ॥ 11 ॥
𑌨𑌗𑌾𑌧𑌿𑌰𑌾𑌜𑌤𑌨𑌯𑌾 𑌨𑌗𑌰𑌾𑌜𑌪𑍍𑌰𑌪𑍂𑌜𑌿𑌤𑌾 ।
𑌨𑌵𑍀𑌨𑌾 𑌨𑍀𑌰𑌦𑌾 𑌪𑍀𑌤𑌾 𑌶𑍍𑌯𑌾𑌮𑌾 𑌸𑍌𑌂𑌦𑌰𑍍𑌯𑌕𑌾𑌰𑌿𑌣𑍀 ॥ 12 ॥
𑌰𑌕𑍍𑌤𑌾 𑌨𑍀𑌲𑌾 𑌘𑌨𑌾 𑌶𑍁𑌭𑍍𑌰𑌾 𑌶𑍍𑌵𑍇𑌤𑌾 𑌸𑍌𑌭𑌾𑌗𑍍𑌯𑌦𑌾𑌯𑌿𑌨𑍀 ।
𑌸𑍁𑌂𑌦𑌰𑍀 𑌸𑍌𑌭𑌗𑌾 𑌸𑍌𑌮𑍍𑌯𑌾 𑌸𑍍𑌵𑌰𑍍𑌣𑌾𑌭𑌾 𑌸𑍍𑌵𑌰𑍍𑌗𑌤𑌿𑌪𑍍𑌰𑌦𑌾 ॥ 13 ॥
𑌰𑌿𑌪𑍁𑌤𑍍𑌰𑌾𑌸𑌕𑌰𑍀 𑌰𑍇𑌖𑌾 𑌶𑌤𑍍𑌰𑍁𑌸𑌂𑌹𑌾𑌰𑌕𑌾𑌰𑌿𑌣𑍀 ।
𑌭𑌾𑌮𑌿𑌨𑍀 𑌚 𑌤𑌥𑌾 𑌮𑌾𑌯𑌾 𑌸𑍍𑌤𑌂𑌭𑌿𑌨𑍀 𑌮𑍋𑌹𑌿𑌨𑍀 𑌶𑍁𑌭𑌾 ॥ 14 ॥
𑌰𑌾𑌗𑌦𑍍𑌵𑍇𑌷𑌕𑌰𑍀 𑌰𑌾𑌤𑍍𑌰𑍀 𑌰𑍌𑌰𑌵𑌧𑍍𑌵𑌂𑌸𑌕𑌾𑌰𑌿𑌣𑍀 ।
𑌯𑌕𑍍𑌷𑌿𑌣𑍀 𑌸𑌿𑌦𑍍𑌧𑌨𑌿𑌵𑌹𑌾 𑌸𑌿𑌦𑍍𑌧𑍇𑌶𑌾 𑌸𑌿𑌦𑍍𑌧𑌿𑌰𑍂𑌪𑌿𑌣𑍀 ॥ 15 ॥
𑌲𑌂𑌕𑌾𑌪𑌤𑌿𑌧𑍍𑌵𑌂𑌸𑌕𑌰𑍀 𑌲𑌂𑌕𑍇𑌶𑌰𑌿𑌪𑍁𑌵𑌂𑌦𑌿𑌤𑌾 ।
𑌲𑌂𑌕𑌾𑌨𑌾𑌥𑌕𑍁𑌲𑌹𑌰𑌾 𑌮𑌹𑌾𑌰𑌾𑌵𑌣𑌹𑌾𑌰𑌿𑌣𑍀 ॥ 16 ॥
𑌦𑍇𑌵𑌦𑌾𑌨𑌵𑌸𑌿𑌦𑍍𑌧𑍌𑌘𑌪𑍂𑌜𑌿𑌤𑌾𑌪𑌰𑌮𑍇𑌶𑍍𑌵𑌰𑍀 ।
𑌪𑌰𑌾𑌣𑍁𑌰𑍂𑌪𑌾 𑌪𑌰𑌮𑌾 𑌪𑌰𑌤𑌂𑌤𑍍𑌰𑌵𑌿𑌨𑌾𑌶𑌿𑌨𑍀 ॥ 1 ॥
𑌵𑌰𑌦𑌾 𑌵𑌰𑌦𑌾𑌰𑌾𑌧𑍍𑌯𑌾 𑌵𑌰𑌦𑌾𑌨𑌪𑌰𑌾𑌯𑌣𑌾 ।
𑌵𑌰𑌦𑍇𑌶𑌪𑍍𑌰𑌿𑌯𑌾 𑌵𑍀𑌰𑌾 𑌵𑍀𑌰𑌭𑍂𑌷𑌣𑌭𑍂𑌷𑌿𑌤𑌾 ॥ 1 ॥
𑌵𑌸𑍁𑌦𑌾 𑌬𑌹𑍁𑌦𑌾 𑌵𑌾𑌣𑍀 𑌬𑍍𑌰𑌹𑍍𑌮𑌰𑍂𑌪𑌾 𑌵𑌰𑌾𑌨𑌨𑌾 ।
𑌬𑌲𑌦𑌾 𑌪𑍀𑌤𑌵𑌸𑌨𑌾 𑌪𑍀𑌤𑌭𑍂𑌷𑌣𑌭𑍂𑌷𑌿𑌤𑌾 ॥ 1 ॥
𑌪𑍀𑌤𑌪𑍁𑌷𑍍𑌪𑌪𑍍𑌰𑌿𑌯𑌾 𑌪𑍀𑌤𑌹𑌾𑌰𑌾 𑌪𑍀𑌤𑌸𑍍𑌵𑌰𑍂𑌪𑌿𑌣𑍀 ।
𑌇𑌤𑌿 𑌤𑍇 𑌕𑌥𑌿𑌤𑌂 𑌵𑌿𑌪𑍍𑌰 𑌨𑌾𑌮𑍍𑌨𑌾𑌮𑌷𑍍𑌟𑍋𑌤𑍍𑌤𑌰𑌂 𑌶𑌤𑌮𑍍 ॥ 20 ॥
𑌯𑌃 𑌪𑌠𑍇𑌤𑍍𑌪𑌾𑌠𑌯𑍇𑌦𑍍𑌵𑌾𑌪𑌿 𑌶𑍃𑌣𑍁𑌯𑌾𑌦𑍍𑌵𑌾 𑌸𑌮𑌾𑌹𑌿𑌤𑌃 ।
𑌤𑌸𑍍𑌯 𑌶𑌤𑍍𑌰𑍁𑌃 𑌕𑍍𑌷𑌯𑌂 𑌸𑌦𑍍𑌯𑍋 𑌯𑌾𑌤𑌿 𑌨𑍈𑌵𑌾𑌤𑍍𑌰 𑌸𑌂𑌶𑌯𑌃 ॥ 21 ॥
𑌪𑍍𑌰𑌭𑌾𑌤𑌕𑌾𑌲𑍇 𑌪𑍍𑌰𑌯𑌤𑍋 𑌮𑌨𑍁𑌷𑍍𑌯𑌃
𑌪𑌠𑍇𑌤𑍍𑌸𑍁𑌭𑌕𑍍𑌤𑍍𑌯𑌾 𑌪𑌰𑌿𑌚𑌿𑌂𑌤𑍍𑌯 𑌪𑍀𑌤𑌾𑌮𑍍 ।
𑌧𑍍𑌰𑍁𑌵𑌂 𑌭𑌵𑍇𑌤𑍍𑌤𑌸𑍍𑌯 𑌸𑌮𑌸𑍍𑌤𑌵𑍃𑌦𑍍𑌧𑌿𑌃
𑌵𑌿𑌨𑌾𑌶𑌮𑌾𑌯𑌾𑌤𑌿 𑌚 𑌤𑌸𑍍𑌯 𑌶𑌤𑍍𑌰𑍁𑌃 ॥ 22 ॥
𑌇𑌤𑌿 𑌶𑍍𑌰𑍀𑌵𑌿𑌷𑍍𑌣𑍁𑌯𑌾𑌮𑌲𑍇 𑌨𑌾𑌰𑌦𑌵𑌿𑌷𑍍𑌣𑍁𑌸𑌂𑌵𑌾𑌦𑍇 𑌶𑍍𑌰𑍀𑌬𑌗𑌳𑌾𑌷𑍍𑌟𑍋𑌤𑍍𑌤𑌰𑌶𑌤𑌨𑌾𑌮𑌸𑍍𑌤𑍋𑌤𑍍𑌰𑌮𑍍 ।
