Sri Bagalamukhi Stotram - 2 - Grantha

𑌅𑌸𑍍𑌯 𑌶𑍍𑌰𑍀𑌬𑌗𑌳𑌾𑌮𑍁𑌖𑍀𑌮𑌹𑌾𑌮𑌂𑌤𑍍𑌰𑌸𑍍𑌯
𑌨𑌾𑌰𑌦𑍋 𑌭𑌗𑌵𑌾𑌨𑍍 𑌋𑌷𑌿𑌃
𑌅𑌤𑌿𑌜𑌗𑌤𑍀𑌛𑌂𑌦𑌃
𑌶𑍍𑌰𑍀 𑌬𑌗𑌳𑌾𑌮𑍁𑌖𑍀 𑌦𑍇𑌵𑌤𑌾
𑌲𑌾𑌂 𑌬𑍀𑌜𑌂 𑌇𑌂 𑌶𑌕𑍍𑌤𑌿𑌃
𑌲𑌂 𑌕𑍀𑌲𑌕𑌂-𑌮𑌮 𑌦𑍂𑌰𑌸𑍍𑌥𑌾𑌨𑌾𑌂 𑌸𑌮𑍀𑌪𑌸𑍍𑌥𑌾𑌨𑌾𑌂 𑌗𑌤𑌿 𑌮𑌤𑌿 𑌵𑌾𑌕𑍍𑌤𑍍𑌸𑌂𑌭𑌨𑌾𑌰𑍍𑌥𑍇 𑌜𑌪𑍇 𑌵𑌿𑌨𑌿𑌯𑍋𑌗𑌃

𑌓𑌂 𑌹𑍍𑌰𑍀𑌂 𑌅𑌂𑌗𑍁𑌷𑍍𑌠𑌾𑌭𑍍𑌯𑌾𑌂 𑌨𑌮𑌃
𑌬𑌗𑌳𑌾𑌮𑍁𑌖𑍀 𑌤𑌰𑍍𑌜𑌨𑍀𑌭𑍍𑌯𑌾𑌂 𑌨𑌮𑌃
𑌸𑌰𑍍𑌵𑌦𑍁𑌷𑍍𑌟𑌾𑌨𑌾𑌂 𑌮𑌧𑍍𑌯𑌮𑌾𑌭𑍍𑌯𑌾𑌂 𑌨𑌮𑌃
𑌵𑌾𑌚𑌂 𑌮𑍁𑌖𑌂 𑌪𑌦𑌂 𑌸𑍍𑌤𑌂𑌭𑌯 𑌅𑌨𑌾𑌮𑌿𑌕𑌾𑌭𑍍𑌯𑌾𑌂 𑌨𑌮𑌃
𑌜𑌿𑌹𑍍𑌵𑌾𑌂 𑌕𑍀𑌲𑌯 𑌬𑍁𑌦𑍍𑌧𑌿𑌂 𑌵𑌿𑌨𑌾𑌶𑌯 𑌕𑌨𑌿𑌷𑍍𑌠𑌿𑌕𑌾𑌭𑍍𑌯𑌾𑌂 𑌨𑌮𑌃
𑌹𑍍𑌰𑍀𑌂 𑌓𑌂 𑌸𑍍𑌵𑌾𑌹𑌾 𑌕𑌰𑌤𑌲𑌕𑌰𑌪𑍃𑌷𑍍𑌟𑌾𑌭𑍍𑌯𑌾𑌂 𑌨𑌮𑌃

𑌓𑌂 𑌹𑍍𑌰𑍀𑌂 𑌹𑍃𑌦𑌯𑌾𑌯 𑌨𑌮𑌃
𑌬𑌗𑌳𑌾𑌮𑍁𑌖𑍀 𑌶𑌿𑌰𑌸𑍇 𑌸𑍍𑌵𑌾𑌹𑌾
𑌸𑌰𑍍𑌵𑌦𑍁𑌷𑍍𑌟𑌾𑌨𑌾𑌂 𑌶𑌿𑌖𑌾𑌯𑍈 𑌵𑌷𑌤𑍍
𑌵𑌾𑌚𑌂 𑌮𑍁𑌖𑌂 𑌪𑌦𑌂 𑌸𑍍𑌤𑌂𑌭𑌯 𑌕𑌵𑌚𑌾 𑌹𑍁𑌂
𑌜𑌿𑌹𑍍𑌵𑌾𑌂 𑌕𑍀𑌲𑌯 𑌬𑍁𑌦𑍍𑌧𑌿𑌂 𑌵𑌿𑌨𑌾𑌶𑌯 𑌨𑍇𑌤𑍍𑌰𑌤𑍍𑌰𑌯𑌾𑌯 𑌵𑍌𑌷𑌟𑍍
𑌹𑍍𑌰𑍀𑌂 𑌓𑌂 𑌸𑍍𑌵𑌾𑌹𑌾 𑌅𑌸𑍍𑌤𑍍𑌰𑌾𑌯 𑌫𑌟𑍍
𑌭𑍂𑌰𑍍𑌭𑍁𑌵𑌸𑍍𑌸𑍁𑌵𑌰𑍋𑌮𑌿𑌤𑌿 𑌦𑌿𑌗𑍍𑌬𑌂𑌧𑌃 ।

𑌧𑍍𑌯𑌾𑌨𑌮𑍍 ।

𑌪𑍀𑌤𑌾𑌂𑌬𑌰𑌾𑌂 𑌤𑍍𑌰𑌿𑌣𑍇𑌤𑍍𑌰𑌾𑌂 𑌚 𑌦𑍍𑌵𑌿𑌭𑍁𑌜𑌾𑌂 𑌦𑌹𑌨𑍋𑌜𑍍𑌵𑌲𑌾𑌮𑍍 ।
𑌶𑌿𑌲𑌾𑌪𑌰𑍍𑌵𑌤𑌹𑌸𑍍𑌤𑌾𑌂 𑌚 𑌰𑌿𑌪𑍁𑌕𑌂𑌪𑌾𑌂 𑌮𑌹𑍋𑌤𑍍𑌕𑌟𑌾𑌮𑍍 ॥ 1 ॥

𑌗𑌂𑌭𑍀𑌰𑌾𑌂 𑌚 𑌮𑌦𑍋𑌨𑍍𑌮𑌤𑍍𑌤𑌾𑌂 𑌸𑍍𑌵𑌰𑍍𑌣𑌕𑌾𑌂𑌤𑌿𑌸𑌮𑌪𑍍𑌰𑌭𑌾𑌮𑍍 ।
𑌵𑍈𑌰𑌿𑌨𑌿𑌰𑍍𑌦𑌳𑌨𑌾𑌰𑍍𑌥𑌾𑌯 𑌸𑍍𑌮𑌰𑍇𑌤𑍍𑌤𑌾𑌂 𑌬𑌗𑌳𑌾𑌮𑍁𑌖𑍀𑌮𑍍 ॥ 2 ॥

𑌚𑌤𑍁𑌰𑍍𑌭𑍁𑌜𑌾𑌂 𑌤𑍍𑌰𑌿𑌣𑌯𑌨𑌾𑌂 𑌕𑌮𑌲𑌾𑌸𑌨𑌸𑌂𑌸𑍍𑌥𑌿𑌤𑌾𑌮𑍍 ।
𑌦𑌕𑍍𑌷𑌿𑌣𑍇 𑌮𑍁𑌦𑍍𑌗𑌰𑌂 𑌪𑌾𑌶𑌂 𑌵𑌾𑌮𑍇 𑌜𑌿𑌹𑍍𑌵𑌾𑌂 𑌚 𑌵𑌜𑍍𑌰𑌕𑌮𑍍 ॥ 3 ॥

𑌪𑍀𑌤𑌾𑌂𑌬𑌰𑌧𑌰𑌾𑌂 𑌸𑌾𑌂𑌦𑍍𑌰𑌾𑌂 𑌦𑍃𑌢𑌪𑍀𑌨𑌯𑍋𑌧𑌰𑌾𑌮𑍍 ।
𑌵𑍈𑌰𑌿𑌵𑌾𑌕𑍍𑌤𑍍𑌸𑌂𑌭𑌿𑌨𑍀𑌂 𑌦𑍇𑌵𑍀𑌂 𑌸𑍍𑌮𑌰𑌾𑌮𑌿 𑌬𑌗𑌳𑌾𑌮𑍁𑌖𑍀𑌮𑍍 ॥ 4 ॥

𑌹𑍇𑌮𑌕𑍁𑌂𑌡𑌲𑌭𑍂𑌷𑌾𑌂𑌗𑍀𑌂 𑌶𑍀𑌤𑌚𑌂𑌦𑍍𑌰𑌾𑌰𑍍𑌧𑌶𑍇𑌖𑌰𑍀𑌮𑍍 ।
𑌪𑍀𑌤𑌭𑍂𑌷𑌣𑌭𑍂𑌷𑌾𑌢𑍍𑌯𑌾𑌂 𑌸𑍍𑌵𑌰𑍍𑌣𑌸𑌿𑌂𑌹𑌾𑌸𑌨𑍇𑌸𑍍𑌥𑌿𑌤𑌾𑌮𑍍 ॥ 5 ॥

𑌤𑍍𑌰𑌿𑌶𑍂𑌲𑌧𑌾𑌰𑌿𑌣𑍀𑌮𑌂𑌬𑌾𑌂 𑌸𑌰𑍍𑌵𑌸𑍌𑌭𑌾𑌗𑍍𑌯𑌦𑌾𑌯𑌿𑌨𑍀𑌮𑍍 ।
𑌸𑌰𑍍𑌵𑌶𑍃𑌂𑌗𑌾𑌰𑌵𑍇𑌷𑌾𑌢𑍍𑌯𑌾𑌂 𑌭𑌜𑍇𑌤𑍍𑌤𑌾𑌂 𑌬𑌗𑌳𑌾𑌮𑍁𑌖𑍀𑌮𑍍 ॥ 6 ॥

𑌮𑌧𑍍𑌯𑍇 𑌸𑍁𑌧𑌾𑌬𑍍𑌧𑌿𑌮𑌣𑌿𑌮𑌂𑌟𑌪 𑌰𑌤𑍍𑌨 𑌵𑍇𑌦𑍍𑌯𑌾𑌂
𑌸𑌿𑌂𑌹𑌾𑌸𑌨𑍋𑌪𑌰𑌿𑌗𑌤𑌾𑌂 𑌪𑌰𑌿𑌪𑍀𑌤𑌵𑌰𑍍𑌣𑌾𑌮𑍍 ।
𑌪𑍀𑌤𑌾𑌂𑌬𑌰𑌾𑌭𑌰𑌣𑌮𑌾𑌲𑍍𑌯𑌵𑌿𑌭𑍂𑌷𑌿𑌤𑌾𑌂𑌗𑍀𑌂
𑌦𑍇𑌵𑍀𑌂 𑌨𑌮𑌾𑌮𑌿 𑌧𑍃𑌤 𑌮𑍁𑌦𑍍𑌗𑌰𑌵𑍈𑌰𑌿 𑌜𑌿𑌹𑍍𑌵𑌾𑌮𑍍 ॥ 𑍭 ॥

𑌚𑌲𑌤𑍍𑌕𑌨𑌕𑌕𑍁𑌂𑌡𑌲𑍋𑌲𑍍𑌲𑌸𑌿𑌤𑌚𑌾𑌰𑍁𑌗𑌂𑌡𑌸𑍍𑌥𑌲𑌾𑌂
𑌲𑌸𑌤𑍍𑌕𑌨𑌕𑌚𑌂𑌪𑌕 𑌦𑍍𑌯𑍁𑌤𑌿𑌮𑌦𑌰𑍍𑌧𑍇𑌂𑌦𑍁 𑌬𑌿𑌂𑌬𑌾𑌂𑌚𑌿𑌤𑌾𑌮𑍍 ।
𑌸𑌦𑌾𑌹𑌿𑌤𑌵𑌿𑌪𑌕𑍍𑌷𑌕𑌾𑌂 𑌦𑌳𑌿𑌤𑌵𑍈𑌰𑌿 𑌜𑌿𑌹𑍍𑌵𑌾𑌂𑌚𑌲𑌾𑌂
𑌨𑌮𑌾𑌮𑌿 𑌬𑌗𑌳𑌾𑌮𑍁𑌖𑍀𑌂 𑌧𑍀𑌮𑌤𑌾𑌂 𑌵𑌾𑌙𑍍𑌮𑌨𑌸𑍍𑌸𑍍𑌤𑌂𑌭𑌿𑌨𑍀𑌮𑍍 ॥ 𑍮 ॥

𑌪𑍀𑌯𑍂𑌷𑍋 𑌦𑌧𑌿𑌮𑌧𑍍𑌯𑌚𑌾𑌰𑍁 𑌵𑌿𑌲𑌸𑌦𑍍𑌰𑌤𑍍𑌨𑍋𑌜𑍍𑌵𑌲𑍇 𑌮𑌂𑌟𑌪𑍇
𑌯𑌾𑌸𑌿𑌂𑌹𑌾𑌸𑌨 𑌮𑍌𑌳𑌿𑌪𑌾𑌤𑌿𑌤𑌰𑌿𑌪𑍁 𑌪𑍍𑌰𑍇𑌤𑌾𑌸𑌨𑌾𑌧𑍍𑌯𑌾𑌸𑌿𑌨𑍀𑌮𑍍 ।
𑌸𑍍𑌵𑌰𑍍𑌣𑌾𑌭𑌾𑌂 𑌕𑌰𑌪𑍀𑌡𑌿𑌤𑌾𑌰𑌿𑌰𑌶𑌨𑌾𑌂 𑌭𑍍𑌰𑌾𑌮𑍍𑌯𑌦𑍍𑌗𑌦𑌾𑌂 𑌬𑌿𑌭𑍍𑌰𑌤𑍀𑌂
𑌯𑌸𑍍𑌤𑍍𑌵𑌾𑌂 𑌪𑌶𑍍𑌯𑌤𑌿 𑌤𑌸𑍍𑌯 𑌯𑌾𑌂𑌤𑌿 𑌵𑌿𑌲𑌯𑌂 𑌸𑌦𑍍𑌯𑍋𑌹𑌿 𑌸𑌰𑍍𑌵𑌾𑌪𑌦𑌃 ॥ 𑍯 ॥

𑌦𑍇𑌵𑌿 𑌤𑍍𑌵𑌚𑍍𑌚𑌰𑌣𑌾𑌂𑌬𑍁𑌜𑌾𑌰𑍍𑌚𑌨𑌕𑍃𑌤𑍇 𑌯𑌃 𑌪𑍀𑌤𑌪𑍁𑌷𑍍𑌪𑌾𑌂𑌜𑌲𑌿𑌂
𑌮𑍁𑌦𑍍𑌰𑌾𑌂 𑌵𑌾𑌮𑌕𑌰𑍇 𑌨𑌿𑌧𑌾𑌯 𑌚 𑌪𑍁𑌨𑌰𑍍𑌮𑌂𑌤𑍍𑌰𑍀 𑌮𑌨𑍋𑌜𑍍𑌞𑌾𑌕𑍍𑌷𑌰𑍀𑌮𑍍 ।
𑌪𑍀𑌠𑌧𑍍𑌯𑌾𑌨𑌪𑌰𑍋𑌪𑌿 𑌕𑍁𑌂𑌭𑌕𑌵𑌶𑌾𑌦𑍍𑌬𑍀𑌜𑌂 𑌸𑍍𑌮𑌰𑍇𑌤𑍍𑌪𑍍𑌰𑌾𑌰𑍍𑌥𑌿𑌤𑌂
𑌤𑌸𑍍𑌯𑌾 𑌮𑌿𑌤𑍍𑌰𑌚𑌯𑌸𑍍𑌯 𑌸𑌂𑌸𑌦𑌿 𑌮𑍁𑌖 𑌸𑍍𑌤𑌂𑌭𑍋 𑌭𑌵𑍇𑌤𑍍𑌤𑌤𑍍𑌕𑍍𑌷𑌣𑌾𑌤𑍍 ॥ 10 ॥

(𑌓𑌂 𑌹𑍍𑌰𑍀𑌂 𑌬𑌗𑌳𑌾𑌮𑍁𑌖𑌿 𑌸𑌰𑍍𑌵𑌦𑍁𑌷𑍍𑌟𑌾𑌨𑌾𑌂 𑌵𑌾𑌚𑌂 𑌮𑍁𑌖𑌂 𑌪𑌦𑌂 𑌸𑍍𑌤𑌂𑌭𑌯 𑌜𑌿𑌹𑍍𑌵𑌾𑌂 𑌕𑍀𑌲𑌯 𑌬𑍁𑌦𑍍𑌧𑌿𑌂 𑌵𑌿𑌨𑌾𑌶𑌯 𑌹𑍍𑌰𑍀𑌂 𑌓𑌂 𑌸𑍍𑌵𑌾𑌹𑌾)

𑌮𑌂𑌤𑍍𑌰𑌸𑍍𑌤𑌾𑌵𑌦𑌯𑌂 𑌵𑌿𑌪𑌕𑍍𑌷𑌦𑌳𑌨𑍇 𑌸𑍍𑌤𑍋𑌤𑍍𑌰𑌂 𑌪𑌵𑌿𑌤𑍍𑌰𑌂 𑌚 𑌤𑍇
𑌯𑌂𑌤𑍍𑌰𑌂𑌵𑌾𑌦𑌿𑌨𑌿 𑌯𑌂𑌤𑍍𑌰𑌿𑌣𑌂 𑌤𑍍𑌰𑌿𑌜𑌗𑌤𑌾𑌂 𑌜𑍈𑌤𑍍𑌰𑌂 𑌸 𑌚𑌿𑌤𑍍𑌰𑌂 𑌚 𑌤𑌤𑍍 ।
𑌶𑍍𑌰𑍀𑌮𑌾𑌤𑌰𑍍𑌬𑌗𑌳𑍇𑌤𑌿 𑌨𑌾𑌮 𑌲𑌲𑌿𑌤𑌂 𑌯𑌸𑍍𑌯𑌾𑌸𑍍𑌤𑌿 𑌜𑌂𑌤𑍋𑌰𑍍𑌮𑍁𑌖𑍇
𑌤𑌨𑍍𑌨𑌾𑌮𑌸𑍍𑌮𑌰𑌣𑍇𑌨 𑌵𑌾𑌗𑍍𑌭𑌵𑌮𑍁𑌖 𑌸𑍍𑌤𑌂𑌭𑍋𑌭𑌵𑍇𑌤𑍍𑌤𑌤𑍍𑌕𑍍𑌷𑌣𑌾𑌤𑍍 ॥ 11 ॥

𑌦𑍁𑌷𑍍𑌟𑌸𑍍𑌤𑌂𑌭𑌨𑌮𑍁𑌗𑍍𑌰𑌵𑌿𑌘𑍍𑌨𑌶𑌮𑌨𑌂 𑌦𑌾𑌰𑌿𑌦𑍍𑌰𑍍𑌯𑌵𑌿𑌦𑍍𑌰𑌾𑌵𑌣𑌂
𑌭𑍂𑌭𑍃𑌤𑍍𑌤𑍍𑌸𑌂𑌭𑌨𑌕𑌾𑌰𑌣𑌂 𑌮𑍃𑌗𑌦𑍃𑌶𑌾𑌂 𑌚𑍇𑌤𑌸𑍍𑌸𑌮𑌾𑌕𑌰𑍍𑌷𑌣𑌮𑍍 ।
𑌸𑍌𑌭𑌾𑌗𑍍𑌯𑍈𑌕𑌨𑌿𑌕𑍇𑌤𑌨𑌂 𑌮𑌮 𑌦𑍃𑌶𑌾𑌂 𑌕𑌾𑌰𑍁𑌣𑍍𑌯𑌪𑍂𑌰𑍍𑌣𑍇𑌕𑍍𑌷𑌣𑍇
𑌮𑍃𑌤𑍍𑌯𑍋𑌰𑍍𑌮𑌾𑌰𑌣𑌮𑌾𑌵𑌿𑌰𑌸𑍍𑌤𑍁 𑌪𑍁𑌰𑌤𑍋 𑌮𑌾𑌤𑌸𑍍𑌤𑍍𑌵𑌦𑍀𑌯𑌂 𑌵𑌪𑍁𑌃 ॥ 12 ॥

𑌸𑌂𑌖𑍍𑌯𑌾𑌗𑍍𑌰𑍇 𑌚𑍋𑌰𑌦𑌂𑌡 𑌪𑍍𑌰𑌹𑌰𑌣𑌸𑌮𑌯𑍇 𑌬𑌂𑌧𑌨𑍇 𑌵𑍈𑌰𑌿𑌮𑌧𑍍𑌯𑍇
𑌵𑌿𑌦𑍍𑌯𑌾𑌵𑌾𑌦𑍇 𑌵𑌿𑌵𑌾𑌦𑍇 𑌪𑍍𑌰𑌕𑌟𑌿𑌤𑌨𑍃𑌪𑌤𑍌 𑌯𑍁𑌦𑍍𑌧𑌕𑌾𑌲𑍇 𑌨𑌿𑌶𑌾𑌯𑌾𑌮𑍍 ।
𑌵𑌶𑍍𑌯𑍇 𑌚 𑌸𑍍𑌤𑌂𑌭𑌨𑍇 𑌵𑌾 𑌰𑌿𑌪𑍁𑌵𑌧𑌸𑌮𑌯𑍇 𑌪𑍍𑌰𑌾𑌣𑌬𑌾𑌧𑍇 𑌰𑌣𑍇 𑌵𑌾
𑌗𑌚𑍍𑌛𑌂𑌤𑍀𑌷𑍍𑌟𑌂 𑌤𑍍𑌰𑌿𑌕𑌾𑌲𑌂 𑌤𑌵 𑌪𑌠𑌨𑌮𑌿𑌦𑌂 𑌕𑌾𑌰𑌯𑍇𑌦𑌾𑌶𑍁 𑌧𑍀𑌰𑌃 ॥ 13 ॥

𑌮𑌾𑌤𑌰𑍍𑌭𑌂𑌜𑌯 𑌮𑌦𑍍𑌵𑌿𑌪𑌕𑍍𑌷𑌵𑌦𑌨𑌂 𑌜𑌿𑌹𑍍𑌵𑌾𑌂 𑌚 𑌸𑌂𑌕𑍀𑌲𑌯
𑌬𑍍𑌰𑌾𑌹𑍍𑌮𑍀𑌂 𑌮𑍁𑌦𑍍𑌰𑌯 𑌮𑍁𑌦𑍍𑌰𑌯𑌾𑌶𑍁𑌧𑌿𑌷𑌣𑌾𑌮𑌂𑌘𑍍𑌰𑍍𑌯𑍋𑌰𑍍𑌗𑌤𑌿𑌂 𑌸𑍍𑌤𑌂𑌭𑌯 ।
𑌶𑌤𑍍𑌰𑍂𑌨𑍍 𑌚𑍂𑌰𑍍𑌣𑌯 𑌚𑍂𑌰𑍍𑌣𑌯𑌾𑌶𑍁 𑌗𑌦𑌯𑌾 𑌗𑍌𑌰𑌾𑌂𑌗𑌿 𑌪𑍀𑌤𑌾𑌂𑌬𑌰𑍇
𑌵𑌿𑌘𑍍𑌨𑍌𑌘𑌂 𑌬𑌗𑌳𑍇 𑌹𑌰 𑌪𑍍𑌰𑌤𑌿𑌦𑌿𑌨𑌂 𑌕𑍌𑌮𑌾𑌰𑌿 𑌵𑌾𑌮𑍇𑌕𑍍𑌷𑌣𑍇 ॥ 14 ॥

𑌮𑌾𑌤𑌰𑍍𑌭𑍈𑌰𑌵𑌿 𑌭𑌦𑍍𑌰𑌕𑌾𑌳𑌿 𑌵𑌿𑌜𑌯𑍇 𑌵𑌾𑌰𑌾𑌹𑌿 𑌵𑌿𑌶𑍍𑌵𑌾𑌶𑍍𑌰𑌯𑍇
𑌶𑍍𑌰𑍀𑌨𑌿𑌤𑍍𑌯𑍇 𑌬𑌗𑌳𑍇 𑌮𑌹𑍇𑌶𑌿 𑌸𑌮𑌯𑍇 𑌰𑌾𑌮𑍇 𑌸𑍁𑌰𑌾𑌮𑍇 𑌰𑌮𑍇 ।
𑌮𑌾𑌤𑌂𑌗𑌿 𑌤𑍍𑌰𑌿𑌪𑍁𑌰𑍇 𑌪𑌰𑌾𑌤𑍍𑌪𑌰𑌤𑌰𑍇 𑌸𑍍𑌵𑌰𑍍𑌗𑌾𑌪𑌵𑌰𑍍𑌗𑌪𑍍𑌰𑌦𑍇
𑌵𑌂𑌦𑍇𑌹𑌂 𑌶𑌰𑌣𑌾𑌗𑌤𑍋𑌸𑍍𑌮𑌿𑌕𑍃𑌪𑌯𑌾 𑌵𑌿𑌶𑍍𑌵𑍇𑌶𑍍𑌵𑌰𑍀 𑌤𑍍𑌰𑌾𑌹𑌿 𑌮𑌾𑌮𑍍 ॥ 15 ॥

𑌤𑍍𑌵𑌂 𑌵𑌿𑌦𑍍𑌯𑌾 𑌪𑌰𑌮𑌾 𑌤𑍍𑌰𑌿𑌲𑍋𑌕𑌜𑌨𑌨𑍀 𑌵𑍍𑌯𑍋𑌷𑌾𑌨𑌨𑌂 𑌛𑍇𑌦𑌿𑌨𑍀
𑌯𑍋𑌷𑌾𑌕𑌰𑍍𑌷𑌣𑌕𑌾𑌰𑌿𑌣𑍀 𑌚 𑌸𑍁𑌮𑌹𑌾𑌬𑌂𑌧𑍈𑌕𑌸𑌂𑌭𑍇𑌦𑌿𑌨𑍀 ।
𑌦𑍁𑌷𑍍𑌟𑍋𑌚𑍍𑌚𑌾𑌟𑌨𑌕𑌾𑌰𑌿𑌣𑍀 𑌰𑌿𑌪𑍁𑌮𑌨𑌸𑍍𑌸𑌂𑌦𑍋𑌹𑌸𑌂𑌦𑌾𑌯𑌿𑌨𑍀
𑌜𑌿𑌹𑍍𑌵𑌾𑌕𑍀𑌲𑌨𑌭𑍈𑌰𑌵𑍀 𑌵𑌿𑌜𑌯𑌤𑍇 𑌬𑍍𑌰𑌹𑍍𑌮𑌾𑌸𑍍𑌤𑍍𑌰𑌸𑌾𑌰𑌾𑌯𑌣𑍀 ॥ 16 ॥

𑌯𑌃 𑌕𑍃𑌤𑌂 𑌜𑌪𑌸𑌂𑌖𑍍𑌯𑌾𑌨𑌾𑌂 𑌚𑌿𑌂𑌤𑌿𑌤𑌂 𑌪𑌰𑌮𑍇𑌶𑍍𑌵𑌰𑍀 ।
𑌶𑌤𑍍𑌰𑍂𑌣𑌾𑌂 𑌬𑍁𑌦𑍍𑌧𑌿𑌨𑌾𑌶𑌾𑌯 𑌗𑍃𑌹𑌾𑌣 𑌮𑌦𑌨𑍁𑌗𑍍𑌰𑌹𑌾𑌤𑍍 ॥ 1𑍭 ॥

𑌵𑍈𑌡𑍂𑌰𑍍𑌯𑌹𑌾𑌰𑌪𑌰𑌿𑌶𑍋𑌭𑌿𑌤𑌹𑍇𑌮𑌮𑌾𑌲𑌾𑌂
𑌮𑌧𑍍𑌯𑍇𑌤𑌿𑌪𑍀𑌨 𑌕𑍁𑌚𑌯𑍋𑌰𑍍𑌧𑍃𑌤𑌪𑍀𑌤𑌵𑌸𑍍𑌤𑍍𑌰𑌾𑌮𑍍 ।
𑌵𑍍𑌯𑌾𑌘𑍍𑌰𑌾𑌧𑌿𑌰𑍂𑌢 𑌪𑌰𑌿𑌪𑍂𑌰𑌿𑌤 𑌰𑌤𑍍𑌨𑌶𑍋𑌭𑌾𑌂
𑌨𑌿𑌤𑍍𑌯𑌂 𑌸𑍍𑌮𑌰𑌾𑌮𑌿 𑌬𑌗𑌳𑌾𑌂 𑌰𑌿𑌪𑍁𑌵𑌕𑍍𑌤𑍍𑌰 𑌕𑍀𑌲𑌾𑌮𑍍 ॥ 1𑍮 ॥

𑌏𑌕𑌾𑌗𑍍𑌰 𑌮𑌾𑌨𑌸𑍋 𑌭𑍂𑌤𑍍𑌵𑌾 𑌸𑍍𑌤𑍋𑌷𑍍𑌯𑌤𑍍𑌯𑌂𑌬𑌾𑌂 𑌸𑍁𑌶𑍋𑌭𑌨𑌾𑌮𑍍 ।
𑌰𑌜𑌨𑍍𑌯𑌾 𑌰𑌚𑌿𑌤𑌾𑌂 𑌮𑌾𑌲𑌾𑌂 𑌕𑌰𑍇 𑌧𑍃𑌤𑍍𑌵𑌾 𑌜𑌪𑍇𑌚𑍍𑌛𑍁𑌚𑌿𑌃 ॥ 1𑍯 ॥

𑌵𑌾𑌮𑍇 𑌪𑌾𑌣𑍌 𑌤𑍁 𑌪𑌾𑌶𑌂 𑌚 𑌤𑌸𑍍𑌯𑌾𑌧𑌸𑍍𑌤𑌾𑌦𑍍𑌧𑍃𑌢𑌂 𑌶𑍁𑌭𑌮𑍍 ।
𑌦𑌕𑍍𑌷𑍇 𑌕𑌰𑍇𑌽𑌕𑍍𑌷𑌸𑍂𑌤𑍍𑌰𑌂 𑌚 𑌅𑌧𑌃𑌪𑌦𑍍𑌮𑌂 𑌚 𑌧𑌾𑌰𑌿𑌣𑍀𑌮𑍍 ॥ 20 ॥

𑌚𑌾𑌮𑍁𑌂𑌡𑍇 𑌚𑌂𑌡𑌿𑌕𑍋𑌷𑍍𑌟𑍍𑌰𑍇 𑌹𑍁𑌤𑌵𑌹𑌦𑌯𑌿𑌤𑍇 𑌶𑍍𑌯𑌾𑌮𑌲𑍇 𑌶𑍍𑌰𑍀𑌭𑍁𑌜𑌂𑌗𑍀
𑌦𑍁𑌰𑍍𑌗𑍇 𑌪𑍍𑌰𑌤𑍍𑌯𑌂𑌗𑌿𑌰𑌾𑌦𑍍𑌯𑍇 𑌮𑍁𑌰𑌰𑌿𑌪𑍁𑌭𑌗𑌿𑌨𑍀 𑌭𑌾𑌰𑍍𑌗𑌵𑍀𑌵𑌾𑌮𑌨𑍇𑌤𑍍𑌰𑍇 ।
𑌨𑌾𑌨𑌾𑌰𑍂𑌪𑌪𑍍𑌰𑌭𑍇𑌦𑍇 𑌸𑍍𑌥𑌿𑌤𑌿𑌲𑌯𑌜𑌨𑌨𑌂 𑌪𑌾𑌲𑌯𑌦𑍍𑌭𑌰𑍍𑌗𑌹𑍃𑌦𑍍𑌯𑍇
𑌵𑌿𑌶𑍍𑌵𑌾𑌦𑍍𑌯𑍇 𑌵𑌿𑌶𑍍𑌵𑌜𑍈𑌤𑍍𑌰𑍀 𑌤𑍍𑌰𑌿𑌪𑍁𑌰𑌃 𑌬𑌗𑌳𑍇 𑌵𑌿𑌶𑍍𑌵𑌵𑌂𑌦𑍍𑌯𑍇 𑌤𑍍𑌵𑌮𑍇𑌕𑌾 ॥ 21 ॥

𑌚𑌕𑍍𑌰𑌂 𑌖𑌡𑍍𑌗𑌂 𑌮𑍁𑌸𑌲𑌮𑌭𑌯𑌂 𑌦𑌕𑍍𑌷𑌿𑌣𑌾𑌭𑌿𑌶𑍍𑌚 𑌦𑍋𑌰𑍍𑌭𑌿𑌃
𑌶𑌂𑌖𑌂 𑌖𑍇𑌟𑌂 𑌹𑌲𑌮𑌪𑌿 𑌚 𑌗𑌦𑌾𑌂 𑌬𑌿𑌭𑍍𑌰𑌤𑍀𑌂 𑌵𑌾𑌮𑌦𑍋𑌰𑍍𑌭𑌿𑌃 ।
𑌸𑌿𑌂𑌹𑌾𑌰𑍂𑌢𑌾𑌮𑌯𑍁𑌗𑌨𑌯𑌨𑌾𑌂 𑌶𑍍𑌯𑌾𑌮𑌲𑌾𑌂 𑌕𑌂𑌜𑌵𑌕𑍍𑌤𑍍𑌰𑌾𑌂
𑌵𑌂𑌦𑍇 𑌦𑍇𑌵𑍀𑌂 𑌸𑌕𑌲𑌵𑌰𑌦𑌾𑌂 𑌪𑌂𑌚𑌮𑍀𑌂 𑌮𑌾𑌤𑍃𑌮𑌧𑍍𑌯𑌾𑌮𑍍 ॥ 22 ॥

𑌦𑍍𑌵𑌾𑌤𑍍𑌰𑌿𑌂𑌶𑌦𑌾𑌯𑍁𑌤𑌯𑍁𑌤𑍈𑌶𑍍𑌚𑌤𑍁𑌰𑌷𑍍𑌟𑌹𑌸𑍍𑌤𑍈-
𑌰𑌷𑍍𑌟𑍋𑌤𑍍𑌤𑌰𑍈𑌶𑍍𑌶𑌤𑌕𑌰𑍈𑌶𑍍𑌚 𑌸𑌹𑌸𑍍𑌰𑌹𑌸𑍍𑌤𑍈𑌃 ।
𑌸𑌰𑍍𑌵𑌾𑌯𑍁𑌧𑍈𑌰𑌯𑍁𑌤 𑌬𑌾𑌹𑍁𑌭𑌿𑌰𑌨𑍍𑌵𑌿𑌤𑌾𑌂 𑌤𑌾𑌂
𑌦𑍇𑌵𑍀𑌂 𑌭𑌜𑌾𑌮𑌿 𑌬𑌗𑌳𑌾𑌂 𑌰𑌸𑌨𑌾𑌗𑍍𑌰𑌹𑌸𑍍𑌤𑌾𑌮𑍍 ॥ 23 ॥

𑌸𑌰𑍍𑌵𑌤𑌶𑍍𑌶𑍁𑌭𑌕𑌰𑌾𑌂 𑌦𑍍𑌵𑌿𑌭𑍁𑌜𑌾𑌂 𑌤𑌾𑌂
𑌕𑌂𑌬𑍁𑌹𑍇𑌮 𑌨𑌵𑌕𑍁𑌂𑌡𑌲 𑌕𑌰𑍍𑌣𑌾𑌮𑍍 ।
𑌶𑌤𑍍𑌰𑍁𑌨𑌿𑌰𑍍𑌦𑌳𑌨𑌕𑌾𑌰𑌣𑌕𑍋𑌪𑌾𑌂
𑌚𑌿𑌂𑌤𑌯𑌾𑌮𑌿 𑌬𑌗𑌳𑌾𑌂 𑌹𑍃𑌦𑌯𑌾𑌬𑍍𑌜𑍇 ॥ 24 ॥

𑌜𑌿𑌹𑍍𑌵𑌾𑌗𑍍𑌰𑌮𑌾𑌦𑌾𑌯 𑌕𑌰𑍇𑌣 𑌦𑍇𑌵𑍀𑌂
𑌵𑌾𑌮𑍇𑌨 𑌶𑌤𑍍𑌰𑍂𑌨𑍍 𑌪𑌰𑌿𑌪𑍀𑌡𑌯𑌂𑌤𑍀𑌮𑍍 ।
𑌗𑌦𑌾𑌭𑌿𑌘𑌾𑌤𑍇𑌨 𑌚 𑌦𑌕𑍍𑌷𑌿𑌣𑍇𑌨
𑌪𑍀𑌤𑌾𑌂𑌬𑌰𑌾𑌢𑍍𑌯𑌾𑌂 𑌦𑍍𑌵𑌿𑌭𑍁𑌜𑌾𑌂 𑌨𑌮𑌾𑌮𑌿 ॥ 25 ॥

𑌵𑌂𑌦𑍇 𑌵𑌾𑌰𑌿𑌜𑌲𑍋𑌚𑌨𑌾𑌂 𑌵𑌸𑍁𑌕𑌰𑌾𑌂 𑌪𑍀𑌤𑌾𑌂𑌬𑌰𑌾𑌡𑌂𑌬𑌰𑌾𑌂
𑌪𑍀𑌤𑌾𑌂𑌭𑍋𑌰𑍁𑌹𑌸𑌂𑌸𑍍𑌥𑌿𑌤𑌾𑌂 𑌤𑍍𑌰𑌿𑌨𑌯𑌨𑌾𑌂 𑌪𑍀𑌤𑌾𑌂𑌗𑌰𑌾𑌗𑍋𑌜𑍍𑌜𑍍𑌵𑌲𑌾𑌮𑍍 ।
𑌶𑌬𑍍𑌦𑌬𑍍𑌰𑌹𑍍𑌮𑌮𑌯𑍀𑌂 𑌮𑌹𑌾𑌕𑌵𑌿𑌜𑌯𑍀𑌂 𑌤𑍍𑌰𑍈𑌲𑍋𑌕𑍍𑌯𑌸𑌮𑍍𑌮𑍋𑌹𑌨𑍀𑌂
𑌵𑌿𑌦𑍍𑌯𑍁𑌤𑍍𑌕𑍋𑌟𑌿 𑌨𑌿𑌭𑌾𑌂 𑌪𑍍𑌰𑌸𑌨𑍍𑌨 𑌬𑌗𑌳𑌾𑌂 𑌪𑍍𑌰𑌤𑍍𑌯𑌰𑍍𑌥𑌿𑌵𑌾𑌕𑍍𑌤𑍍𑌸𑌂𑌭𑌿𑌨𑍀𑌮𑍍 ॥ 26 ॥

𑌦𑍁𑌃𑌖𑍇𑌨 𑌵𑌾 𑌯𑌦𑌿 𑌸𑍁𑌖𑍇𑌨 𑌚 𑌵𑌾 𑌤𑍍𑌵𑌦𑍀𑌯𑌂
𑌸𑍍𑌤𑍁𑌤𑍍𑌵𑌾𑌽𑌥 𑌨𑌾𑌮𑌬𑌗𑌳𑍇 𑌸𑌮𑍁𑌪𑍈𑌤𑌿 𑌵𑌶𑍍𑌯𑌮𑍍 ।
𑌨𑌿𑌶𑍍𑌚𑌿𑌤𑍍𑌯 𑌶𑌤𑍍𑌰𑍁𑌮𑌬𑌲𑌂 𑌵𑌿𑌜𑌯𑌂 𑌤𑍍𑌵𑌦𑌂𑌘𑍍𑌰𑌿
𑌪𑌦𑍍𑌮𑌾𑌰𑍍𑌚𑌕𑌸𑍍𑌯 𑌭𑌵𑌤𑍀𑌤𑌿 𑌕𑌿𑌮𑌤𑍍𑌰 𑌚𑌿𑌤𑍍𑌰𑌮𑍍 ॥ 2𑍭 ॥

𑌵𑌿𑌮𑍋𑌹𑌿𑌤𑌜𑌗𑌤𑍍𑌤𑍍𑌰𑌯𑌾𑌂 𑌵𑌶𑌗𑌤𑌾𑌵𑌨𑌵𑌲𑍍𑌲𑌭𑌾𑌂
𑌭𑌜𑌾𑌮𑌿 𑌬𑌗𑌳𑌾𑌮𑍁𑌖𑍀𑌂 𑌭𑌵𑌸𑍁𑌖𑍈𑌕𑌸𑌂𑌧𑌾𑌯𑌿𑌨𑍀𑌮𑍍 ।
𑌗𑍇𑌹𑌂 𑌨𑌾𑌤𑌤𑌿 𑌗𑌰𑍍𑌵𑌿𑌤𑌃 𑌪𑍍𑌰𑌣𑌮𑌤𑌿 𑌸𑍍𑌤𑍍𑌰𑍀𑌸𑌂𑌗𑌮𑍋 𑌮𑍋𑌕𑍍𑌷𑌤𑌿
𑌦𑍍𑌵𑍇𑌷𑍀 𑌮𑌿𑌤𑍍𑌰𑌤𑌿 𑌪𑌾𑌪𑌕𑍃𑌤𑍍𑌸𑍁𑌕𑍃𑌤𑌤𑌿 𑌕𑍍𑌷𑍍𑌮𑌾𑌵𑌲𑍍𑌲𑌭𑍋𑌧𑌾𑌵𑌤𑌿 ॥ 2𑍮 ॥

𑌮𑍃𑌤𑍍𑌯𑍁𑌰𑍍𑌵𑍈𑌧𑍃𑌤𑌿𑌦𑍂𑌷𑌣𑌂 𑌸𑍁𑌗𑍁𑌣𑌤𑌿 𑌤𑍍𑌵𑌤𑍍𑌪𑌾𑌦𑌸𑌂𑌸𑍇𑌵𑌨𑌾𑌤𑍍
𑌤𑍍𑌵𑌾𑌂 𑌵𑌂𑌦𑍇 𑌭𑌵𑌭𑍀𑌤𑌿𑌭𑌂𑌜𑌨𑌕𑌰𑍀𑌂 𑌗𑍌𑌰𑍀𑌂 𑌗𑌿𑌰𑍀𑌶𑌪𑍍𑌰𑌿𑌯𑌾𑌮𑍍 ।
𑌨𑌿𑌤𑍍𑌯𑌂 𑌯𑌸𑍍𑌤𑍁 𑌮𑌨𑍋𑌹𑌰𑌂 𑌸𑍍𑌤𑌵𑌮𑌿𑌦𑌂 𑌦𑌿𑌵𑍍𑌯𑌂 𑌪𑌠𑍇𑌤𑍍𑌸𑌾𑌦𑌰𑌂
𑌧𑍃𑌤𑍍𑌵𑌾 𑌯𑌂𑌤𑍍𑌰𑌮𑌿𑌦𑌂 𑌤𑌥𑍈𑌵 𑌸𑌮𑌰𑍇 𑌬𑌾𑌹𑍍𑌵𑍋𑌃 𑌕𑌰𑍇 𑌵𑌾 𑌗𑌳𑍇 ॥ 2𑍯 ॥

𑌰𑌾𑌜𑌾𑌨𑍋 𑌵𑌰𑌯𑍋𑌷𑌿𑌤𑍋𑌥𑌕𑌰𑌿𑌣𑌸𑍍𑌸𑌰𑍍𑌵𑌾𑌮𑍃𑌗𑍇𑌂𑌦𑍍𑌰𑌾 𑌵𑌶𑌾𑌃
𑌸𑍍𑌤𑍋𑌤𑍍𑌰𑍈𑌰𑍍𑌯𑌾𑌂𑌤𑌿 𑌵𑌿𑌮𑍋𑌹𑌿𑌤𑌾 𑌰𑌿𑌪𑍁𑌗𑌣𑌾 𑌲𑌕𑍍𑌷𑍍𑌮𑍀𑌃 𑌸𑍍𑌥𑌿𑌰𑌾 𑌸𑌿𑌦𑍍𑌧𑌯𑌃 ।
𑌨𑌿𑌰𑍍𑌨𑌿𑌦𑍍𑌰𑍇 𑌬𑌗𑌳𑍇 𑌸𑌮𑍁𑌦𑍍𑌰𑌨𑌿𑌲𑌯𑍇 𑌰𑍌𑌦𑍍𑌰𑍍𑌯𑌾𑌦𑌿 𑌵𑌾𑌙𑍍𑌮𑍁𑌦𑍍𑌰𑌿𑌕𑍇
𑌭𑌦𑍍𑌰𑍇 𑌰𑍁𑌦𑍍𑌰𑌮𑌨𑍋𑌹𑌰𑍇 𑌤𑍍𑌰𑌿𑌭𑍁𑌵𑌨𑌤𑍍𑌰𑌾𑌣𑍇 𑌦𑌰𑌿𑌦𑍍𑌰𑌾𑌪𑌹𑍇 ॥ 30 ॥

𑌸𑌦𑍍𑌰𑌤𑍍𑌨𑌾𑌕𑌰 𑌭𑍂𑌮𑌿𑌗𑍋𑌜𑍍𑌵𑌲 𑌕𑌰𑍀 𑌨𑌿𑌸𑍍𑌤𑌂𑌦𑍍𑌰𑌿 𑌚𑌾𑌂𑌦𑍍𑌰𑌾𑌨𑌨𑍇
𑌨𑍀𑌹𑌾𑌰𑌾𑌦𑍍𑌰𑌿𑌸𑍁𑌤𑍇 𑌨𑌿𑌸𑌰𑍍𑌗𑌸𑌰𑌳𑍇 𑌵𑌿𑌦𑍍𑌯𑍇 𑌸𑍁𑌰𑌾𑌦𑍍𑌯𑍇 𑌨𑌮𑌃 ।
𑌦𑍇𑌵𑍀 𑌤𑌸𑍍𑌯 𑌨𑌿𑌰𑌾𑌮𑌯𑌾𑌤𑍍𑌮𑌜𑌮𑍁𑌖𑌾𑌨𑍍𑌯𑌾𑌯𑍂𑌂𑌷𑌿 𑌦𑌦𑍍𑌯𑌾𑌦𑌿𑌦𑌂
𑌯𑍇 𑌨𑌿𑌤𑍍𑌯𑌂 𑌪𑍍𑌰𑌜𑌪𑌂𑌤𑌿 𑌭𑌕𑍍𑌤𑌿 𑌭𑌰𑌿𑌤𑌾𑌸𑍍𑌤𑍇𑌭𑍍𑌯𑌸𑍍𑌸𑍍𑌤𑌵𑌂 𑌨𑌿𑌶𑍍𑌚𑌿𑌤𑌮𑍍 ॥ 31 ॥

𑌨𑍂𑌨𑌂 𑌶𑍍𑌰𑍇𑌯𑍋 𑌵𑌶𑍍𑌯𑌮𑌾𑌰𑍋𑌗𑍍𑌯𑌤𑌾𑌂 𑌚 𑌪𑍍𑌰𑌾𑌪𑍍𑌤𑌸𑍍𑌸𑌰𑍍𑌵𑌂 𑌭𑍂𑌤𑌲𑍇 𑌸𑌾𑌧𑌕𑌸𑍍𑌤𑍁 ।
𑌭𑌕𑍍𑌤𑍍𑌯𑌾 𑌨𑌿𑌤𑍍𑌯𑌂 𑌸𑍍𑌤𑍋𑌤𑍍𑌰𑌮𑍇𑌤𑌤𑍍𑌪𑌠𑌨𑍍𑌵𑍈 𑌵𑌿𑌦𑍍𑌯𑌾𑌂 𑌕𑍀𑌰𑍍𑌤𑌿𑌂 𑌵𑌂𑌶𑌵𑍃𑌦𑍍𑌧𑌿𑌂 𑌚 𑌵𑌿𑌂𑌦𑍇𑌤𑍍 ॥ 32 ॥

𑌇𑌤𑌿 𑌶𑍍𑌰𑍀𑌰𑍁𑌦𑍍𑌰𑌯𑌾𑌮𑌳𑍇 𑌶𑍍𑌰𑍀𑌬𑌗𑌳𑌾𑌮𑍁𑌖𑍀𑌸𑍍𑌤𑍋𑌤𑍍𑌰𑌮𑍍 ॥

Browse Related Categories: