𑌶𑍍𑌰𑍀 𑌕𑍃𑌷𑍍𑌣 𑌕𑍃𑌤 𑌦𑍁𑌰𑍍𑌗𑌾 𑌸𑍍𑌤𑍋𑌤𑍍𑌰𑌮𑍍

Collection of Spiritual and Devotional Literature in Various Indian Languages

View this in:

𑌶𑍍𑌰𑍀𑌕𑍃𑌷𑍍𑌣 𑌉𑌵𑌾𑌚 ।
𑌤𑍍𑌵𑌮𑍇𑌵 𑌸𑌰𑍍𑌵𑌜𑌨𑌨𑍀 𑌮𑍂𑌲𑌪𑍍𑌰𑌕𑍃𑌤𑌿𑌰𑍀𑌶𑍍𑌵𑌰𑍀 ।
𑌤𑍍𑌵𑌮𑍇𑌵𑌾𑌦𑍍𑌯𑌾 𑌸𑍃𑌷𑍍𑌟𑌿𑌵𑌿𑌧𑍌 𑌸𑍍𑌵𑍇𑌚𑍍𑌛𑌯𑌾 𑌤𑍍𑌰𑌿𑌗𑍁𑌣𑌾𑌤𑍍𑌮𑌿𑌕𑌾 ॥ 1 ॥

𑌕𑌾𑌰𑍍𑌯𑌾𑌰𑍍𑌥𑍇 𑌸𑌗𑍁𑌣𑌾 𑌤𑍍𑌵𑌂 𑌚 𑌵𑌸𑍍𑌤𑍁𑌤𑍋 𑌨𑌿𑌰𑍍𑌗𑍁𑌣𑌾 𑌸𑍍𑌵𑌯𑌮𑍍 ।
𑌪𑌰𑌬𑍍𑌰𑌹𑍍𑌮𑌸𑍍𑌵𑌰𑍂𑌪𑌾 𑌤𑍍𑌵𑌂 𑌸𑌤𑍍𑌯𑌾 𑌨𑌿𑌤𑍍𑌯𑌾 𑌸𑌨𑌾𑌤𑌨𑍀 ॥ 2 ॥

𑌤𑍇𑌜𑌃 𑌸𑍍𑌵𑌰𑍂𑌪𑌾 𑌪𑌰𑌮𑌾 𑌭𑌕𑍍𑌤𑌾𑌨𑍁𑌗𑍍𑌰𑌵𑌿𑌗𑍍𑌰𑌹𑌾 ।
𑌸𑌰𑍍𑌵𑌸𑍍𑌵𑌰𑍂𑌪𑌾 𑌸𑌰𑍍𑌵𑍇𑌶𑌾 𑌸𑌰𑍍𑌵𑌾𑌧𑌾𑌰𑌾 𑌪𑌰𑌾𑌤𑍍𑌪𑌰𑌾 ॥ 3 ॥

𑌸𑌰𑍍𑌵𑌬𑍀𑌜𑌸𑍍𑌵𑌰𑍂𑌪𑌾 𑌚 𑌸𑌰𑍍𑌵𑌪𑍂𑌜𑍍𑌯𑌾 𑌨𑌿𑌰𑌾𑌶𑍍𑌰𑌯𑌾 ।
𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑌤𑍋𑌭𑌦𑍍𑌰𑌾 𑌸𑌰𑍍𑌵𑌮𑌂𑌗𑌳𑌮𑌂𑌗𑌳𑌾 ॥ 4 ॥

𑌸𑌰𑍍𑌵𑌬𑍁𑌦𑍍𑌧𑌿𑌸𑍍𑌵𑌰𑍂𑌪𑌾 𑌚 𑌸𑌰𑍍𑌵𑌶𑌕𑍍𑌤𑌿𑌸𑍍𑌵𑌰𑍂𑌪𑌿𑌣𑍀 ।
𑌸𑌰𑍍𑌵𑌜𑍍𑌞𑌾𑌨𑌪𑍍𑌰𑌦𑌾 𑌦𑍇𑌵𑍀 𑌸𑌰𑍍𑌵𑌜𑍍𑌞𑌾 𑌸𑌰𑍍𑌵𑌭𑌾𑌵𑌿𑌨𑍀 ॥ 5 ॥

𑌤𑍍𑌵𑌂 𑌸𑍍𑌵𑌾𑌹𑌾 𑌦𑍇𑌵𑌦𑌾𑌨𑍇 𑌚 𑌪𑌿𑌤𑍃𑌦𑌾𑌨𑍇 𑌸𑍍𑌵𑌧𑌾 𑌸𑍍𑌵𑌯𑌮𑍍 ।
𑌦𑌕𑍍𑌷𑌿𑌣𑌾 𑌸𑌰𑍍𑌵𑌦𑌾𑌨𑍇 𑌚 𑌸𑌰𑍍𑌵𑌶𑌕𑍍𑌤𑌿𑌸𑍍𑌵𑌰𑍂𑌪𑌿𑌣𑍀 ॥ 6 ॥

𑌨𑌿𑌦𑍍𑌰𑌾 𑌤𑍍𑌵𑌂 𑌚 𑌦𑌯𑌾 𑌤𑍍𑌵𑌂 𑌚 𑌤𑍃𑌷𑍍𑌣𑌾 𑌤𑍍𑌵𑌂 𑌚𑌾𑌤𑍍𑌮𑌨𑌃 𑌪𑍍𑌰𑌿𑌯𑌾 ।
𑌕𑍍𑌷𑍁𑌤𑍍 𑌕𑍍𑌷𑌾𑌂𑌤𑌿𑌃 𑌶𑌾𑌂𑌤𑌿𑌰𑍀𑌶𑌾 𑌚 𑌕𑌾𑌂𑌤𑌿𑌸𑍍𑌤𑍁𑌷𑍍𑌟𑌿𑌶𑍍𑌚 𑌶𑌾𑌶𑍍𑌵𑌤𑍀 ॥ 𑍭 ॥

𑌶𑍍𑌰𑌦𑍍𑌧𑌾 𑌪𑍁𑌷𑍍𑌟𑌿𑌶𑍍𑌚 𑌤𑌂𑌦𑍍𑌰𑌾 𑌚 𑌲𑌜𑍍𑌜𑌾 𑌶𑍋𑌭𑌾 𑌦𑌯𑌾 𑌤𑌥𑌾 ।
𑌸𑌤𑌾𑌂 𑌸𑌂𑌪𑌤𑍍𑌸𑍍𑌵𑌰𑍂𑌪𑌾 𑌶𑍍𑌰𑍀𑌰𑍍𑌵𑌿𑌪𑌤𑍍𑌤𑌿𑌰𑌸𑌤𑌾𑌮𑌿𑌹 ॥ 𑍮 ॥

𑌪𑍍𑌰𑍀𑌤𑌿𑌰𑍂𑌪𑌾 𑌪𑍁𑌣𑍍𑌯𑌵𑌤𑌾𑌂 𑌪𑌾𑌪𑌿𑌨𑌾𑌂 𑌕𑌲𑌹𑌾𑌂𑌕𑍁𑌰𑌾 ।
𑌶𑌶𑍍𑌵𑌤𑍍𑌕𑌰𑍍𑌮𑌮𑌯𑍀 𑌶𑌕𑍍𑌤𑌿𑌃 𑌸𑌰𑍍𑌵𑌦𑌾 𑌸𑌰𑍍𑌵𑌜𑍀𑌵𑌿𑌨𑌾𑌮𑍍 ॥ 𑍯 ॥

𑌦𑍇𑌵𑍇𑌭𑍍𑌯𑌃 𑌸𑍍𑌵𑌪𑌦𑍋 𑌦𑌾𑌤𑍍𑌰𑍀 𑌧𑌾𑌤𑍁𑌰𑍍𑌧𑌾𑌤𑍍𑌰𑍀 𑌕𑍃𑌪𑌾𑌮𑌯𑍀 ।
𑌹𑌿𑌤𑌾𑌯 𑌸𑌰𑍍𑌵𑌦𑍇𑌵𑌾𑌨𑌾𑌂 𑌸𑌰𑍍𑌵𑌾𑌸𑍁𑌰𑌵𑌿𑌨𑌾𑌶𑌿𑌨𑍀 ॥ 10 ॥

𑌯𑍋𑌗𑌿𑌨𑌿𑌦𑍍𑌰𑌾 𑌯𑍋𑌗𑌰𑍂𑌪𑌾 𑌯𑍋𑌗𑌦𑌾𑌤𑍍𑌰𑍀 𑌚 𑌯𑍋𑌗𑌿𑌨𑌾𑌮𑍍 ।
𑌸𑌿𑌦𑍍𑌧𑌿𑌸𑍍𑌵𑌰𑍂𑌪𑌾 𑌸𑌿𑌦𑍍𑌧𑌾𑌨𑌾𑌂 𑌸𑌿𑌦𑍍𑌧𑌿𑌦𑌾 𑌸𑌿𑌦𑍍𑌧𑌯𑍋𑌗𑌿𑌨𑍀 ॥ 11 ॥

𑌮𑌾𑌹𑍇𑌶𑍍𑌵𑌰𑍀 𑌚 𑌬𑍍𑌰𑌹𑍍𑌮𑌾𑌣𑍀 𑌵𑌿𑌷𑍍𑌣𑍁𑌮𑌾𑌯𑌾 𑌚 𑌵𑍈𑌷𑍍𑌣𑌵𑍀 ।
𑌭𑌦𑍍𑌰𑌦𑌾 𑌭𑌦𑍍𑌰𑌕𑌾𑌲𑍀 𑌚 𑌸𑌰𑍍𑌵𑌲𑍋𑌕𑌭𑌯𑌂𑌕𑌰𑍀 ॥ 12 ॥

𑌗𑍍𑌰𑌾𑌮𑍇 𑌗𑍍𑌰𑌾𑌮𑍇 𑌗𑍍𑌰𑌾𑌮𑌦𑍇𑌵𑍀 𑌗𑍃𑌹𑌦𑍇𑌵𑍀 𑌗𑍃𑌹𑍇 𑌗𑍃𑌹𑍇 ।
𑌸𑌤𑌾𑌂 𑌕𑍀𑌰𑍍𑌤𑌿𑌃 𑌪𑍍𑌰𑌤𑌿𑌷𑍍𑌠𑌾 𑌚 𑌨𑌿𑌂𑌦𑌾 𑌤𑍍𑌵𑌮𑌸𑌤𑌾𑌂 𑌸𑌦𑌾 ॥ 13 ॥

𑌮𑌹𑌾𑌯𑍁𑌦𑍍𑌧𑍇 𑌮𑌹𑌾𑌮𑌾𑌰𑍀 𑌦𑍁𑌷𑍍𑌟𑌸𑌂𑌹𑌾𑌰𑌰𑍂𑌪𑌿𑌣𑍀 ।
𑌰𑌕𑍍𑌷𑌾𑌸𑍍𑌵𑌰𑍂𑌪𑌾 𑌶𑌿𑌷𑍍𑌟𑌾𑌨𑌾𑌂 𑌮𑌾𑌤𑍇𑌵 𑌹𑌿𑌤𑌕𑌾𑌰𑌿𑌣𑍀 ॥ 14 ॥

𑌵𑌂𑌦𑍍𑌯𑌾 𑌪𑍂𑌜𑍍𑌯𑌾 𑌸𑍍𑌤𑍁𑌤𑌾 𑌤𑍍𑌵𑌂 𑌚 𑌬𑍍𑌰𑌹𑍍𑌮𑌾𑌦𑍀𑌨𑌾𑌂 𑌚 𑌸𑌰𑍍𑌵𑌦𑌾 ।
𑌬𑍍𑌰𑌹𑍍𑌮𑌣𑍍𑌯𑌰𑍂𑌪𑌾 𑌵𑌿𑌪𑍍𑌰𑌾𑌣𑌾𑌂 𑌤𑌪𑌸𑍍𑌯𑌾 𑌚 𑌤𑌪𑌸𑍍𑌵𑌿𑌨𑌾𑌮𑍍 ॥ 15 ॥

𑌵𑌿𑌦𑍍𑌯𑌾 𑌵𑌿𑌦𑍍𑌯𑌾𑌵𑌤𑌾𑌂 𑌤𑍍𑌵𑌂 𑌚 𑌬𑍁𑌦𑍍𑌧𑌿𑌰𑍍𑌬𑍁𑌦𑍍𑌧𑌿𑌮𑌤𑌾𑌂 𑌸𑌤𑌾𑌮𑍍 ।
𑌮𑍇𑌧𑌾 𑌸𑍍𑌮𑍃𑌤𑌿𑌸𑍍𑌵𑌰𑍂𑌪𑌾 𑌚 𑌪𑍍𑌰𑌤𑌿𑌭𑌾 𑌪𑍍𑌰𑌤𑌿𑌭𑌾𑌵𑌤𑌾𑌮𑍍 ॥ 16 ॥

𑌰𑌾𑌜𑍍𑌞𑌾𑌂 𑌪𑍍𑌰𑌤𑌾𑌪𑌰𑍂𑌪𑌾 𑌚 𑌵𑌿𑌶𑌾𑌂 𑌵𑌾𑌣𑌿𑌜𑍍𑌯𑌰𑍂𑌪𑌿𑌣𑍀 ।
𑌸𑍃𑌷𑍍𑌟𑍌 𑌸𑍃𑌷𑍍𑌟𑌿𑌸𑍍𑌵𑌰𑍂𑌪𑌾 𑌤𑍍𑌵𑌂 𑌰𑌕𑍍𑌷𑌾𑌰𑍂𑌪𑌾 𑌚 𑌪𑌾𑌲𑌨𑍇 ॥ 1𑍭 ॥

𑌤𑌥𑌾𑌂𑌤𑍇 𑌤𑍍𑌵𑌂 𑌮𑌹𑌾𑌮𑌾𑌰𑍀 𑌵𑌿𑌶𑍍𑌵𑍇 𑌵𑌿𑌶𑍍𑌵𑍈𑌶𑍍𑌚 𑌪𑍂𑌜𑌿𑌤𑍇 ।
𑌕𑌾𑌲𑌰𑌾𑌤𑍍𑌰𑌿𑌰𑍍𑌮𑌹𑌾𑌰𑌾𑌤𑍍𑌰𑌿𑌰𑍍𑌮𑍋𑌹𑌰𑌾𑌤𑍍𑌰𑌿𑌶𑍍𑌚 𑌮𑍋𑌹𑌿𑌨𑍀 ॥ 1𑍮 ॥

𑌦𑍁𑌰𑌤𑍍𑌯𑌯𑌾 𑌮𑍇 𑌮𑌾𑌯𑌾 𑌤𑍍𑌵𑌂 𑌯𑌯𑌾 𑌸𑌮𑍍𑌮𑍋𑌹𑌿𑌤𑌂 𑌜𑌗𑌤𑍍 ।
𑌯𑌯𑌾 𑌮𑍁𑌗𑍍𑌧𑍋 𑌹𑌿 𑌵𑌿𑌦𑍍𑌵𑌾𑌂𑌶𑍍𑌚 𑌮𑍋𑌕𑍍𑌷𑌮𑌾𑌰𑍍𑌗𑌂 𑌨 𑌪𑌶𑍍𑌯𑌤𑌿 ॥ 1𑍯 ॥

𑌇𑌤𑍍𑌯𑌾𑌤𑍍𑌮𑌨𑌾 𑌕𑍃𑌤𑌂 𑌸𑍍𑌤𑍋𑌤𑍍𑌰𑌂 𑌦𑍁𑌰𑍍𑌗𑌾𑌯𑌾 𑌦𑍁𑌰𑍍𑌗𑌨𑌾𑌶𑌨𑌮𑍍 ।
𑌪𑍂𑌜𑌾𑌕𑌾𑌲𑍇 𑌪𑌠𑍇𑌦𑍍𑌯𑍋 𑌹𑌿 𑌸𑌿𑌦𑍍𑌧𑌿𑌰𑍍𑌭𑌵𑌤𑌿 𑌵𑌾𑌂𑌛𑌿𑌤𑌾 ॥ 20 ॥

𑌇𑌤𑌿 𑌶𑍍𑌰𑍀𑌬𑍍𑌰𑌹𑍍𑌮𑌵𑍈𑌵𑌰𑍍𑌤𑍇 𑌮𑌹𑌾𑌪𑍁𑌰𑌾𑌣𑍇 𑌦𑍍𑌵𑌿𑌤𑍀𑌯𑍇 𑌪𑍍𑌰𑌕𑍃𑌤𑌿𑌖𑌂𑌡𑍇 𑌨𑌾𑌰𑌦𑌨𑌾𑌰𑌾𑌯𑌣𑌸𑌂𑌵𑌾𑌦𑍇 𑌦𑍁𑌰𑍍𑌗𑍋𑌪𑌾𑌖𑍍𑌯𑌾𑌨𑍇 𑌷𑌟𑍍𑌷𑌷𑍍𑌟𑌿𑌤𑌮𑍋𑌽𑌧𑍍𑌯𑌾𑌯𑍇 𑌶𑍍𑌰𑍀 𑌦𑍁𑌰𑍍𑌗𑌾 𑌸𑍍𑌤𑍋𑌤𑍍𑌰𑌮𑍍 ।

Browse Related Categories: