અસ્ય શ્રીસર્વસામ્રાજ્ય મેધાકાળીસ્વરૂપ કકારાત્મક સહસ્રનામસ્તોત્ર મંત્રસ્ય મહાકાલ ઋષિઃ અનુષ્ટુપ્ છંદઃ શ્રીદક્ષિણ મહાકાળી દેવતા હ્રીં બીજં હૂં શક્તિઃ ક્રીં કીલકં કાળીવરદાનાદ્યખિલેષ્ટાર્થે પાઠે વિનિયોગઃ ।

ઋષ્યાદિન્યાસઃ –
ઓં મહાકાલ ઋષયે નમઃ શિરસિ ।
અનુષ્ટુપ્ છંદસે નમઃ મુખે ।
શ્રી દક્ષિણ મહાકાળી દેવતાયૈ નમઃ હૃદયે ।
હ્રીં બીજાય નમઃ ગુહ્યે ।
હૂં શક્તયે નમઃ પાદયોઃ ।
ક્રીં કીલકાય નમો નાભૌ ।
વિનિયોગાય નમઃ સર્વાંગે ।

કરન્યાસઃ –
ઓં ક્રાં અંગુષ્ઠાભ્યાં નમઃ ।
ઓં ક્રીં તર્જનીભ્યાં નમઃ ।
ઓં ક્રૂં મધ્યમાભ્યાં નમઃ ।
ઓં ક્રૈં અનામિકાભ્યાં નમઃ ।
ઓં ક્રૌં કનિષ્ઠિકાભ્યાં નમઃ ।
ઓં ક્રઃ કરતલકરપૃષ્ઠાભ્યાં નમઃ ।

હૃદયાદિ ન્યાસઃ –
ઓં ક્રાં હૃદયાય નમઃ ।
ઓં ક્રીં શિરસે સ્વાહા ।
ઓં ક્રૂં શિખાયૈ વષટ્ ।
ઓં ક્રૈં કવચાય હુમ્ ।
ઓં ક્રૌં નેત્રત્રયાય વૌષટ્ ।
ઓં ક્રઃ અસ્ત્રાય ફટ્ ।

અથ ધ્યાનમ્ ।
કરાળવદનાં ઘોરાં મુક્તકેશીં ચતુર્ભુજામ્ ।
કાળિકાં દક્ષિણાં દિવ્યાં મુંડમાલાવિભૂષિતામ્ ॥ 1 ॥

સદ્યશ્છિન્નશિરઃ ખડ્ગવામોર્ધ્વાધઃ કરાંબુજામ્ ।
અભયં વરદં ચૈવ દક્ષિણાધોર્ધ્વપાણિકામ્ ॥ 2 ॥

મહામેઘપ્રભાં શ્યામાં તથા ચૈવ દિગંબરામ્ ।
કંઠાવસક્તમુંડાલીગલદ્રુધિરચર્ચિતામ્ ॥ 3 ॥

કર્ણાવતંસતાનીત શવયુગ્મભયાનકામ્ ।
ઘોરદંષ્ટ્રાકરાળાસ્યાં પીનોન્નતપયોધરામ્ ॥ 4 ॥

શવાનાં કરસંઘાતૈઃ કૃતકાંચીં હસન્મુખીમ્ ।
સૃક્કાદ્વયગલદ્રક્તધારાવિસ્ફુરિતાનનામ્ ॥ 5 ॥

ઘોરરૂપાં મહારૌદ્રીં શ્મશાનાલયવાસિનીમ્ ।
દંતુરાં દક્ષિણવ્યાપિમુક્તલંબકચોચ્ચયામ્ ॥ 6 ॥

શવરૂપમહાદેવહૃદયોપરિ સંસ્થિતામ્ ।
શિવાભિર્ઘોરરૂપાભિશ્ચતુર્દિક્ષુ સમન્વિતામ્ ॥ 7 ॥

મહાકાલેન સાર્ધોર્ધમુપવિષ્ટરતાતુરામ્ ।
સુખપ્રસન્નવદનાં સ્મેરાનનસરોરુહામ્ ।
એવં સંચિંતયેદ્દેવીં શ્મશાનાલયવાસિનીમ્ ॥ 8 ॥

અથ સ્તોત્રમ્ ।
ઓં ક્રીં કાળી ક્રૂં કરાળી ચ કળ્યાણી કમલા કળા ।
કળાવતી કળાઢ્યા ચ કળાપૂજ્યા કળાત્મિકા ॥ 1 ॥

કળાદૃષ્ટા કળાપુષ્ટા કળામસ્તા કળાકરા ।
કળાકોટિસમાભાસા કળાકોટિપ્રપૂજિતા ॥ 2 ॥

કળાકર્મ કળાધારા કળાપારા કળાગમા ।
કળાધારા કમલિની કકારા કરુણા કવિઃ ॥ 3 ॥

કકારવર્ણસર્વાંગી કળાકોટિપ્રભૂષિતા ।
કકારકોટિગુણિતા કકારકોટિભૂષણા ॥ 4 ॥

કકારવર્ણહૃદયા કકારમનુમંડિતા ।
કકારવર્ણનિલયા કકશબ્દપરાયણા ॥ 5 ॥

કકારવર્ણમુકુટા કકારવર્ણભૂષણા ।
કકારવર્ણરૂપા ચ કાકશબ્દપરાયણા ॥ 6 ॥

કવીરાસ્ફાલનરતા કમલાકરપૂજિતા ।
કમલાકરનાથા ચ કમલાકરરૂપધૃક્ ॥ 7 ॥

કમલાકરસિદ્ધિસ્થા કમલાકરપારદા ।
કમલાકરમધ્યસ્થા કમલાકરતોષિતા ॥ 8 ॥

કથંકારપરાલાપા કથંકારપરાયણા ।
કથંકારપદાંતસ્થા કથંકારપદાર્થભૂઃ ॥ 9 ॥

કમલાક્ષી કમલજા કમલાક્ષપ્રપૂજિતા ।
કમલાક્ષવરોદ્યુક્તા કકારા કર્બુરાક્ષરા ॥ 10 ॥

કરતારા કરચ્છિન્ના કરશ્યામા કરાર્ણવા ।
કરપૂજ્યા કરરતા કરદા કરપૂજિતા ॥ 11 ॥

કરતોયા કરામર્ષા કર્મનાશા કરપ્રિયા ।
કરપ્રાણા કરકજા કરકા કરકાંતરા ॥ 12 ॥

કરકાચલરૂપા ચ કરકાચલશોભિની ।
કરકાચલપુત્રી ચ કરકાચલતોષિતા ॥ 13 ॥

કરકાચલગેહસ્થા કરકાચલરક્ષિણી ।
કરકાચલસમ્માન્યા કરકાચલકારિણી ॥ 14 ॥

કરકાચલવર્ષાઢ્યા કરકાચલરંજિતા ।
કરકાચલકાંતારા કરકાચલમાલિની ॥ 15 ॥

કરકાચલભોજ્યા ચ કરકાચલરૂપિણી ।
કરામલકસંસ્થા ચ કરામલકસિદ્ધિદા ॥ 16 ॥

કરામલકસંપૂજ્યા કરામલકતારિણી ।
કરામલકકાળી ચ કરામલકરોચિની ॥ 17 ॥

કરામલકમાતા ચ કરામલકસેવિની ।
કરામલકબદ્ધ્યેયા કરામલકદાયિની ॥ 18 ॥

કંજનેત્રા કંજગતિઃ કંજસ્થા કંજધારિણી ।
કંજમાલાપ્રિયકરી કંજરૂપા ચ કંજજા ॥ 19 ॥

કંજજાતિઃ કંજગતિઃ કંજહોમપરાયણા ।
કંજમંડલમધ્યસ્થા કંજાભરણભૂષિતા ॥ 20 ॥

કંજસમ્માનનિરતા કંજોત્પત્તિપરાયણા ।
કંજરાશિસમાકારા કંજારણ્યનિવાસિની ॥ 21 ॥

કરંજવૃક્ષમધ્યસ્થા કરંજવૃક્ષવાસિની ।
કરંજફલભૂષાઢ્યા કરંજવનવાસિની ॥ 22 ॥

કરંજમાલાભરણા કરવાલપરાયણા ।
કરવાલપ્રહૃષ્ટાત્મા કરવાલપ્રિયાગતિઃ ॥ 23 ॥

કરવાલપ્રિયાકંથા કરવાલવિહારિણી ।
કરવાલમયી કર્મા કરવાલપ્રિયંકરી ॥ 24 ॥

કબંધમાલાભરણા કબંધરાશિમધ્યગા ।
કબંધકૂટસંસ્થાના કબંધાનંતભૂષણા ॥ 25 ॥

કબંધનાદસંતુષ્ટા કબંધાસનધારિણી ।
કબંધગૃહમધ્યસ્થા કબંધવનવાસિની ॥ 26 ॥

કબંધકાંચીકરણી કબંધરાશિભૂષણા ।
કબંધમાલાજયદા કબંધદેહવાસિની ॥ 27 ॥

કબંધાસનમાન્યા ચ કપાલમાલ્યધારિણી ।
કપાલમાલામધ્યસ્થા કપાલવ્રતતોષિતા ॥ 28 ॥

કપાલદીપસંતુષ્ટા કપાલદીપરૂપિણી ।
કપાલદીપવરદા કપાલકજ્જલસ્થિતા ॥ 29 ॥

કપાલમાલાજયદા કપાલજપતોષિણી ।
કપાલસિદ્ધિસંહૃષ્ટા કપાલભોજનોદ્યતા ॥ 30 ॥

કપાલવ્રતસંસ્થાના કપાલકમલાલયા ।
કવિત્વામૃતસારા ચ કવિત્વામૃતસાગરા ॥ 31 ॥

કવિત્વસિદ્ધિસંહૃષ્ટા કવિત્વાદાનકારિણી ।
કવિપૂજ્યા કવિગતિઃ કવિરૂપા કવિપ્રિયા ॥ 32 ॥

કવિબ્રહ્માનંદરૂપા કવિત્વવ્રતતોષિતા ।
કવિમાનસસંસ્થાના કવિવાંછાપ્રપૂરણી ॥ 33 ॥

કવિકંઠસ્થિતા કં હ્રીં કંકંકં કવિપૂર્તિદા ।
કજ્જલા કજ્જલાદાનમાનસા કજ્જલપ્રિયા ॥ 34 ॥

કપાલકજ્જલસમા કજ્જલેશપ્રપૂજિતા ।
કજ્જલાર્ણવમધ્યસ્થા કજ્જલાનંદરૂપિણી ॥ 35 ॥

કજ્જલપ્રિયસંતુષ્ટા કજ્જલપ્રિયતોષિણી ।
કપાલમાલાભરણા કપાલકરભૂષણા ॥ 36 ॥

કપાલકરભૂષાઢ્યા કપાલચક્રમંડિતા ।
કપાલકોટિનિલયા કપાલદુર્ગકારિણી ॥ 37 ॥

કપાલગિરિસંસ્થાના કપાલચક્રવાસિની ।
કપાલપાત્રસંતુષ્ટા કપાલાર્ઘ્યપરાયણા ॥ 38 ॥

કપાલાર્ઘ્યપ્રિયપ્રાણા કપાલાર્ઘ્યવરપ્રદા ।
કપાલચક્રરૂપા ચ કપાલરૂપમાત્રગા ॥ 39 ॥

કદળી કદળીરૂપા કદળીવનવાસિની ।
કદળીપુષ્પસંપ્રીતા કદળીફલમાનસા ॥ 40 ॥

કદળીહોમસંતુષ્ટા કદળીદર્શનોદ્યતા ।
કદળીગર્ભમધ્યસ્થા કદળીવનસુંદરી ॥ 41 ॥

કદંબપુષ્પનિલયા કદંબવનમધ્યગા ।
કદંબકુસુમામોદા કદંબવનતોષિણી ॥ 42 ॥

કદંબપુષ્પસંપૂજ્યા કદંબપુષ્પહોમદા ।
કદંબપુષ્પમધ્યસ્થા કદંબફલભોજિની ॥ 43 ॥

કદંબકાનનાંતઃસ્થા કદંબાચલવાસિની ।
કક્ષપા કક્ષપારાધ્યા કક્ષપાસનસંસ્થિતા ॥ 44 ॥

કર્ણપૂરા કર્ણનાસા કર્ણાઢ્યા કાલભૈરવી ।
કળપ્રીતા કલહદા કલહા કલહાતુરા ॥ 45 ॥

કર્ણયક્ષી કર્ણવાર્તા કથિની કર્ણસુંદરી ।
કર્ણપિશાચિની કર્ણમંજરી કવિકક્ષદા ॥ 46 ॥

કવિકક્ષવિરૂપાઢ્યા કવિકક્ષસ્વરૂપિણી ।
કસ્તૂરીમૃગસંસ્થાના કસ્તૂરીમૃગરૂપિણી ॥ 47 ॥

કસ્તૂરીમૃગસંતોષા કસ્તૂરીમૃગમધ્યગા ।
કસ્તૂરીરસનીલાંગી કસ્તૂરીગંધતોષિતા ॥ 48 ॥

કસ્તૂરીપૂજકપ્રાણા કસ્તૂરીપૂજકપ્રિયા ।
કસ્તૂરીપ્રેમસંતુષ્ટા કસ્તૂરીપ્રાણધારિણી ॥ 49 ॥

કસ્તૂરીપૂજકાનંદા કસ્તૂરીગંધરૂપિણી ।
કસ્તૂરીમાલિકારૂપા કસ્તૂરીભોજનપ્રિયા ॥ 50 ॥

કસ્તૂરીતિલકાનંદા કસ્તૂરીતિલકપ્રિયા ।
કસ્તૂરીહોમસંતુષ્ટા કસ્તૂરીતર્પણોદ્યતા ॥ 51 ॥

કસ્તૂરીમાર્જનોદ્યુક્તા કસ્તૂરીચક્રપૂજિતા ।
કસ્તૂરીપુષ્પસંપૂજ્યા કસ્તૂરીચર્વણોદ્યતા ॥ 52 ॥

કસ્તૂરીગર્ભમધ્યસ્થા કસ્તૂરીવસ્ત્રધારિણી ।
કસ્તૂરિકામોદરતા કસ્તૂરીવનવાસિની ॥ 53 ॥

કસ્તૂરીવનસંરક્ષા કસ્તૂરીપ્રેમધારિણી ।
કસ્તૂરીશક્તિનિલયા કસ્તૂરીશક્તિકુંડગા ॥ 54 ॥

કસ્તૂરીકુંડસંસ્નાતા કસ્તૂરીકુંડમજ્જના ।
કસ્તૂરીજીવસંતુષ્ટા કસ્તૂરીજીવધારિણી ॥ 55 ॥

કસ્તૂરીપરમામોદા કસ્તૂરીજીવનક્ષમા ।
કસ્તૂરીજાતિભાવસ્થા કસ્તૂરીગંધચુંબના ॥ 56 ॥

કસ્તૂરીગંધસંશોભાવિરાજિતકપાલભૂઃ ।
કસ્તૂરીમદનાંતઃસ્થા કસ્તૂરીમદહર્ષદા ॥ 57 ॥

કસ્તૂરીકવિતાનાઢ્યા કસ્તૂરીગૃહમધ્યગા ।
કસ્તૂરીસ્પર્શકપ્રાણા કસ્તૂરીનિંદકાંતકા ॥ 58 ॥

કસ્તૂર્યામોદરસિકા કસ્તૂરીક્રીડનોદ્યતા ।
કસ્તૂરીદાનનિરતા કસ્તૂરીવરદાયિની ॥ 59 ॥

કસ્તૂરીસ્થાપનાસક્તા કસ્તૂરીસ્થાનરંજિની ।
કસ્તૂરીકુશલપ્રાણા કસ્તૂરીસ્તુતિવંદિતા ॥ 60 ॥

કસ્તૂરીવંદકારાધ્યા કસ્તૂરીસ્થાનવાસિની ।
કહરૂપા કહાઢ્યા ચ કહાનંદા કહાત્મભૂઃ ॥ 61 ॥

કહપૂજ્યા કહાત્યાખ્યા કહહેયા કહાત્મિકા ।
કહમાલાકંઠભૂષા કહમંત્રજપોદ્યતા ॥ 62 ॥

કહનામસ્મૃતિપરા કહનામપરાયણા ।
કહપારાયણરતા કહદેવી કહેશ્વરી ॥ 63 ॥

કહહેતુ કહાનંદા કહનાદપરાયણા ।
કહમાતા કહાંતઃસ્થા કહમંત્રા કહેશ્વરી ॥ 64 ॥

કહગેયા કહારાધ્યા કહધ્યાનપરાયણા ।
કહતંત્રા કહકહા કહચર્યાપરાયણા ॥ 65 ॥

કહાચારા કહગતિઃ કહતાંડવકારિણી ।
કહારણ્યા કહરતિઃ કહશક્તિપરાયણા ॥ 66 ॥

કહરાજ્યનતા કર્મસાક્ષિણી કર્મસુંદરી ।
કર્મવિદ્યા કર્મગતિઃ કર્મતંત્રપરાયણા ॥ 67 ॥

કર્મમાત્રા કર્મગાત્રા કર્મધર્મપરાયણા ।
કર્મરેખાનાશકર્ત્રી કર્મરેખાવિનોદિની ॥ 68 ॥

કર્મરેખામોહકરી કર્મકીર્તિપરાયણા ।
કર્મવિદ્યા કર્મસારા કર્માધારા ચ કર્મભૂઃ ॥ 69 ॥

કર્મકારી કર્મહારી કર્મકૌતુકસુંદરી ।
કર્મકાળી કર્મતારા કર્મચ્છિન્ના ચ કર્મદા ॥ 70 ॥

કર્મચાંડાલિની કર્મવેદમાતા ચ કર્મભૂઃ ।
કર્મકાંડરતાનંતા કર્મકાંડાનુમાનિતા ॥ 71 ॥

કર્મકાંડપરીણાહા કમઠી કમઠાકૃતિઃ ।
કમઠારાધ્યહૃદયા કમઠાકંઠસુંદરી ॥ 72 ॥

કમઠાસનસંસેવ્યા કમઠી કર્મતત્પરા ।
કરુણાકરકાંતા ચ કરુણાકરવંદિતા ॥ 73 ॥

કઠોરકરમાલા ચ કઠોરકુચધારિણી ।
કપર્દિની કપટિની કઠિના કંકભૂષણા ॥ 74 ॥

કરભોરૂઃ કઠિનદા કરભા કરભાલયા ।
કલભાષામયી કલ્પા કલ્પના કલ્પદાયિની ॥ 75 ॥

કમલસ્થા કળામાલા કમલાસ્યા ક્વણત્પ્રભા ।
કકુદ્મિની કષ્ટવતી કરણીયકથાર્ચિતા ॥ 76 ॥

કચાર્ચિતા કચતનુઃ કચસુંદરધારિણી ।
કઠોરકુચસંલગ્ના કટિસૂત્રવિરાજિતા ॥ 77 ॥

કર્ણભક્ષપ્રિયા કંદા કથા કંદગતિઃ કલિઃ ।
કલિઘ્ની કલિદૂતી ચ કવિનાયકપૂજિતા ॥ 78 ॥

કણકક્ષાનિયંત્રી ચ કશ્ચિત્કવિવરાર્ચિતા ।
કર્ત્રી ચ કર્તૃકાભૂષા કારિણી કર્ણશત્રુપા ॥ 79 ॥

કરણેશી કરણપા કલવાચા કળાનિધિઃ ।
કલના કલનાધારા કારિકા કરકા કરા ॥ 80 ॥

કલજ્ઞેયા કર્કરાશિઃ કર્કરાશિપ્રપૂજિતા ।
કન્યારાશિઃ કન્યકા ચ કન્યકાપ્રિયભાષિણી ॥ 81 ॥

કન્યકાદાનસંતુષ્ટા કન્યકાદાનતોષિણી ।
કન્યાદાનકરાનંદા કન્યાદાનગ્રહેષ્ટદા ॥ 82 ॥

કર્ષણા કક્ષદહના કામિતા કમલાસના ।
કરમાલાનંદકર્ત્રી કરમાલાપ્રતોષિતા ॥ 83 ॥

કરમાલાશયાનંદા કરમાલાસમાગમા ।
કરમાલાસિદ્ધિદાત્રી કરમાલાકરપ્રિયા ॥ 84 ॥

કરપ્રિયા કરરતા કરદાનપરાયણા ।
કળાનંદા કલિગતિઃ કલિપૂજ્યા કલિપ્રસૂઃ ॥ 85 ॥

કલનાદનિનાદસ્થા કલનાદવરપ્રદા ।
કલનાદસમાજસ્થા કહોલા ચ કહોલદા ॥ 86 ॥

કહોલગેહમધ્યસ્થા કહોલવરદાયિની ।
કહોલકવિતાધારા કહોલૃષિમાનિતા ॥ 87 ॥

કહોલમાનસારાધ્યા કહોલવાક્યકારિણી ।
કર્તૃરૂપા કર્તૃમયી કર્તૃમાતા ચ કર્તરી ॥ 88 ॥

કનીયા કનકારાધ્યા કનીનકમયી તથા ।
કનીયાનંદનિલયા કનકાનંદતોષિતા ॥ 89 ॥

કનીયકકરા કાષ્ઠા કથાર્ણવકરી કરી ।
કરિગમ્યા કરિગતિઃ કરિધ્વજપરાયણા ॥ 90 ॥

કરિનાથપ્રિયા કંઠા કથાનકપ્રતોષિતા ।
કમનીયા કમનકા કમનીયવિભૂષણા ॥ 91 ॥

કમનીયસમાજસ્થા કમનીયવ્રતપ્રિયા ।
કમનીયગુણારાધ્યા કપિલા કપિલેશ્વરી ॥ 92 ॥

કપિલારાધ્યહૃદયા કપિલાપ્રિયવાદિની ।
કહચક્રમંત્રવર્ણા કહચક્રપ્રસૂનકા ॥ 93 ॥

કેઈલહ્રીંસ્વરૂપા ચ કેઈલહ્રીંવરપ્રદા ।
કેઈલહ્રીંસિદ્ધિદાત્રી કેઈલહ્રીંસ્વરૂપિણી ॥ 94 ॥

કેઈલહ્રીંમંત્રવર્ણા કેઈલહ્રીંપ્રસૂકલા ।
કેવર્ગા કપાટસ્થા કપાટોદ્ઘાટનક્ષમા ॥ 95 ॥

કંકાળી ચ કપાલી ચ કંકાળપ્રિયભાષિણી ।
કંકાળભૈરવારાધ્યા કંકાળમાનસંસ્થિતા ॥ 96 ॥

કંકાળમોહનિરતા કંકાળમોહદાયિની ।
કલુષઘ્ની કલુષહા કલુષાર્તિવિનાશિની ॥ 97 ॥

કલિપુષ્પા કલાદાના કશિપુઃ કશ્યપાર્ચિતા ।
કશ્યપા કશ્યપારાધ્યા કલિપૂર્ણકલેવરા ॥ 98 ॥

કલેવરકરી કાંચી કવર્ગા ચ કરાળકા ।
કરાળભૈરવારાધ્યા કરાળભૈરવેશ્વરી ॥ 99 ॥

કરાળા કલનાધારા કપર્દીશવરપ્રદા ।
કપર્દીશપ્રેમલતા કપર્દિમાલિકાયુતા ॥ 100 ॥

કપર્દિજપમાલાઢ્યા કરવીરપ્રસૂનદા ।
કરવીરપ્રિયપ્રાણા કરવીરપ્રપૂજિતા ॥ 101 ॥

કર્ણિકારસમાકારા કર્ણિકારપ્રપૂજિતા ।
કરીષાગ્નિસ્થિતા કર્ષા કર્ષમાત્રસુવર્ણદા ॥ 102 ॥

કલશા કલશારાધ્યા કષાયા કરિગાનદા ।
કપિલા કલકંઠી ચ કલિકલ્પલતા મતા ॥ 103 ॥

કલ્પમાતા કલ્પલતા કલ્પકારી ચ કલ્પભૂઃ ।
કર્પૂરામોદરુચિરા કર્પૂરામોદધારિણી ॥ 104 ॥

કર્પૂરમાલાભરણા કર્પૂરવાસપૂર્તિદા ।
કર્પૂરમાલાજયદા કર્પૂરાર્ણવમધ્યગા ॥ 105 ॥

કર્પૂરતર્પણરતા કટકાંબરધારિણી ।
કપટેશ્વવરસંપૂજ્યા કપટેશ્વરરૂપિણી ॥ 106 ॥

કટુઃ કપિધ્વજારાધ્યા કલાપપુષ્પધારિણી ।
કલાપપુષ્પરુચિરા કલાપપુષ્પપૂજિતા ॥ 107 ॥

ક્રકચા ક્રકચારાધ્યા કથંબ્રૂમા કરાલતા ।
કથંકારવિનિર્મુક્તા કાળી કાલક્રિયા ક્રતુઃ ॥ 108 ॥

કામિની કામિનીપૂજ્યા કામિનીપુષ્પધારિણી ।
કામિનીપુષ્પનિલયા કામિનીપુષ્પપૂર્ણિમા ॥ 109 ॥

કામિનીપુષ્પપૂજાર્હા કામિનીપુષ્પભૂષણા ।
કામિનીપુષ્પતિલકા કામિનીકુંડચુંબના ॥ 110 ॥

કામિનીયોગસંતુષ્ટા કામિનીયોગભોગદા ।
કામિનીકુંડસમ્મગ્ના કામિનીકુંડમધ્યગા ॥ 111 ॥

કામિનીમાનસારાધ્યા કામિનીમાનતોષિતા ।
કામિનીમાનસંચારા કાળિકા કાલકાળિકા ॥ 112 ॥

કામા ચ કામદેવી ચ કામેશી કામસંભવા ।
કામભાવા કામરતા કામાર્તા કામમંજરી ॥ 113 ॥

કામમંજીરરણિતા કામદેવપ્રિયાંતરા ।
કામકાળી કામકળા કાળિકા કમલાર્ચિતા ॥ 114 ॥

કાદિકા કમલા કાળી કાલાનલસમપ્રભા ।
કલ્પાંતદહના કાંતા કાંતારપ્રિયવાસિની ॥ 115 ॥

કાલપૂજ્યા કાલરતા કાલમાતા ચ કાળિની ।
કાલવીરા કાલઘોરા કાલસિદ્ધા ચ કાલદા ॥ 116 ॥

કાલાંજનસમાકારા કાલંજરનિવાસિની ।
કાલૃદ્ધિઃ કાલવૃદ્ધિઃ કારાગૃહવિમોચિની ॥ 117 ॥

કાદિવિદ્યા કાદિમાતા કાદિસ્થા કાદિસુંદરી ।
કાશી કાંચી ચ કાંચીશા કાશીશવરદાયિની ॥ 118 ॥

ક્રીંબીજા ચૈવ ક્રીં બીજહૃદયાય નમઃ સ્મૃતા ।
કામ્યા કામ્યગતિઃ કામ્યસિદ્ધિદાત્રી ચ કામભૂઃ ॥ 119 ॥

કામાખ્યા કામરૂપા ચ કામચાપવિમોચિની ।
કામદેવકળારામા કામદેવકળાલયા ॥ 120 ॥

કામરાત્રિઃ કામદાત્રી કાંતારાચલવાસિની ।
કામરૂપા કામગતિઃ કામયોગપરાયણા ॥ 121 ॥

કામસમ્મર્દનરતા કામગેહવિકાશિની ।
કાલભૈરવભાર્યા ચ કાલભૈરવકામિની ॥ 122 ॥

કાલભૈરવયોગસ્થા કાલભૈરવભોગદા ।
કામધેનુઃ કામદોગ્ધ્રી કામમાતા ચ કાંતિદા ॥ 123 ॥

કામુકા કામુકારાધ્યા કામુકાનંદવર્ધિની ।
કાર્તવીર્યા કાર્તિકેયા કાર્તિકેયપ્રપૂજિતા ॥ 124 ॥

કાર્યા કારણદા કાર્યકારિણી કારણાંતરા ।
કાંતિગમ્યા કાંતિમયી કાંત્યા કાત્યાયની ચ કા ॥ 125 ॥

કામસારા ચ કાશ્મીરા કાશ્મીરાચારતત્પરા ।
કામરૂપાચારરતા કામરૂપપ્રિયંવદા ॥ 126 ॥

કામરૂપાચારસિદ્ધિઃ કામરૂપમનોમયી ।
કાર્તિકી કાર્તિકારાધ્યા કાંચનારપ્રસૂનભૂઃ ॥ 127 ॥

કાંચનારપ્રસૂનાભા કાંચનારપ્રપૂજિતા ।
કાંચરૂપા કાંચભૂમિઃ કાંસ્યપાત્રપ્રભોજિની ॥ 128 ॥

કાંસ્યધ્વનિમયી કામસુંદરી કામચુંબના ।
કાશપુષ્પપ્રતીકાશા કામદ્રુમસમાગમા ॥ 129 ॥

કામપુષ્પા કામભૂમિઃ કામપૂજ્યા ચ કામદા ।
કામદેહા કામગેહા કામબીજપરાયણા ॥ 130 ॥

કામધ્વજસમારૂઢા કામધ્વજસમાસ્થિતા ।
કાશ્યપી કાશ્યપારાધ્યા કાશ્યપાનંદદાયિની ॥ 131 ॥

કાળિંદીજલસંકાશા કાળિંદીજલપૂજિતા ।
કાદેવપૂજાનિરતા કાદેવપરમાર્થદા ॥ 132 ॥

કર્મણા કર્મણાકારા કામકર્મણકારિણી ।
કાર્મણત્રોટનકરી કાકિની કારણાહ્વયા ॥ 133 ॥

કાવ્યામૃતા ચ કાળિંગા કાળિંગમર્દનોદ્યતા ।
કાલાગુરુવિભૂષાઢ્યા કાલાગુરુવિભૂતિદા ॥ 134 ॥

કાલાગુરુસુગંધા ચ કાલાગુરુપ્રતર્પણા ।
કાવેરીનીરસંપ્રીતા કાવેરીતીરવાસિની ॥ 135 ॥

કાલચક્રભ્રમાકારા કાલચક્રનિવાસિની ।
કાનના કાનનાધારા કારુઃ કારુણિકામયી ॥ 136 ॥

કાંપિલ્યવાસિની કાષ્ઠા કામપત્ની ચ કામભૂઃ ।
કાદંબરીપાનરતા તથા કાદંબરી કળા ॥ 137 ॥

કામવંદ્યા ચ કામેશી કામરાજપ્રપૂજિતા ।
કામરાજેશ્વરીવિદ્યા કામકૌતુકસુંદરી ॥ 138 ॥

કાંબોજજા કાંછિનદા કાંસ્યકાંચનકારિણી ।
કાંચનાદ્રિસમાકારા કાંચનાદ્રિપ્રદાનદા ॥ 139 ॥

કામકીર્તિઃ કામકેશી કારિકા કાંતરાશ્રયા ।
કામભેદી ચ કામાર્તિનાશિની કામભૂમિકા ॥ 140 ॥

કાલનિર્ણાશિની કાવ્યવનિતા કામરૂપિણી ।
કાયસ્થાકામસંદીપ્તિઃ કાવ્યદા કાલસુંદરી ॥ 141 ॥

કામેશી કારણવરા કામેશીપૂજનોદ્યતા ।
કાંચીનૂપુરભૂષાઢ્યા કુંકુમાભરણાન્વિતા ॥ 142 ॥

કાલચક્રા કાલગતિઃ કાલચક્રમનોભવા ।
કુંદમધ્યા કુંદપુષ્પા કુંદપુષ્પપ્રિયા કુજા ॥ 143 ॥

કુજમાતા કુજારાધ્યા કુઠારવરધારિણી ।
કુંજરસ્થા કુશરતા કુશેશયવિલોચના ॥ 144 ॥

કુનટી કુરરી કુદ્રા કુરંગી કુટજાશ્રયા ।
કુંભીનસવિભૂષા ચ કુંભીનસવધોદ્યતા ॥ 145 ॥

કુંભકર્ણમનોલ્લાસા કુલચૂડામણિઃ કુલા ।
કુલાલગૃહકન્યા ચ કુલચૂડામણિપ્રિયા ॥ 146 ॥

કુલપૂજ્યા કુલારાધ્યા કુલપૂજાપરાયણા ।
કુલભૂષા તથા કુક્ષિઃ કુરરીગણસેવિતા ॥ 147 ॥

કુલપુષ્પા કુલરતા કુલપુષ્પપરાયણા ।
કુલવસ્ત્રા કુલારાધ્યા કુલકુંડસમપ્રભા ॥ 148 ॥

કુલકુંડસમોલ્લાસા કુંડપુષ્પપરાયણા ।
કુંડપુષ્પપ્રસન્નાસ્યા કુંડગોલોદ્ભવાત્મિકા ॥ 149 ॥

કુંડગોલોદ્ભવાધારા કુંડગોલમયી કુહૂઃ ।
કુંડગોલપ્રિયપ્રાણા કુંડગોલપ્રપૂજિતા ॥ 150 ॥

કુંડગોલમનોલ્લાસા કુંડગોલબલપ્રદા ।
કુંડદેવરતા ક્રુદ્ધા કુલસિદ્ધિકરા પરા ॥ 151 ॥

કુલકુંડસમાકારા કુલકુંડસમાનભૂઃ ।
કુંડસિદ્ધિઃ કુંડૃદ્ધિઃ કુમારીપૂજનોદ્યતા ॥ 152 ॥

કુમારીપૂજકપ્રાણા કુમારીપૂજકાલયા ।
કુમારીકામસંતુષ્ટા કુમારીપૂજનોત્સુકા ॥ 153 ॥

કુમારીવ્રતસંતુષ્ટા કુમારીરૂપધારિણી ।
કુમારીભોજનપ્રીતા કુમારી ચ કુમારદા ॥ 154 ॥

કુમારમાતા કુલદા કુલયોનિઃ કુલેશ્વરી ।
કુલલિંગા કુલાનંદા કુલરમ્યા કુતર્કધૃક્ ॥ 155 ॥

કુંતી ચ કુલકાંતા ચ કુલમાર્ગપરાયણા ।
કુલ્લા ચ કુરુકુલ્લા ચ કુલ્લુકા કુલકામદા ॥ 156 ॥

કુલિશાંગી કુબ્જિકા ચ કુબ્જિકાનંદવર્ધિની ।
કુલીના કુંજરગતિઃ કુંજરેશ્વરગામિની ॥ 157 ॥

કુલપાલી કુલવતી તથૈવ કુલદીપિકા ।
કુલયોગેશ્વરી કુંડા કુંકુમારુણવિગ્રહા ॥ 158 ॥

કુંકુમાનંદસંતોષા કુંકુમાર્ણવવાસિની ।
કુંકુમાકુસુમપ્રીતા કુલભૂઃ કુલસુંદરી ॥ 159 ॥

કુમુદ્વતી કુમુદિની કુશલા કુલટાલયા ।
કુલટાલયમધ્યસ્થા કુલટાસંગતોષિતા ॥ 160 ॥

કુલટાભવનોદ્યુક્તા કુશાવર્તા કુલાર્ણવા ।
કુલાર્ણવાચારરતા કુંડલી કુંડલાકૃતિઃ ॥ 161 ॥

કુમતિશ્ચ કુલશ્રેષ્ઠા કુલચક્રપરાયણા ।
કૂટસ્થા કૂટદૃષ્ટિશ્ચ કુંતલા કુંતલાકૃતિઃ ॥ 162 ॥

કુશલાકૃતિરૂપા ચ કૂર્ચબીજધરા ચ કૂઃ ।
કું કું કું કું શબ્દરતા ક્રું ક્રું ક્રું ક્રું પરાયણા ॥ 163 ॥

કું કું કું શબ્દનિલયા કુક્કુરાલયવાસિની ।
કુક્કુરાસંગસંયુક્તા કુક્કુરાનંતવિગ્રહા ॥ 164 ॥

કૂર્ચારંભા કૂર્ચબીજા કૂર્ચજાપપરાયણા ।
કુલિની કુલસંસ્થાના કૂર્ચકંઠપરાગતિઃ ॥ 165 ॥

કૂર્ચવીણાભાલદેશા કૂર્ચમસ્તકભૂષિતા ।
કુલવૃક્ષગતા કૂર્મા કૂર્માચલનિવાસિની ॥ 166 ॥

કુલબિંદુઃ કુલશિવા કુલશક્તિપરાયણા ।
કુલબિંદુમણિપ્રખ્યા કુંકુમદ્રુમવાસિની ॥ 167 ॥

કુચમર્દનસંતુષ્ટા કુચજાપપરાયણા ।
કુચસ્પર્શનસંતુષ્ટા કુચાલિંગનહર્ષદા ॥ 168 ॥

કુમતિઘ્ની કુબેરાર્ચ્યા કુચભૂઃ કુલનાયિકા ।
કુગાયના કુચધરા કુમાતા કુંદદંતિની ॥ 169 ॥

કુગેયા કુહરાભાસા કુગેયાકુઘ્નદારિકા ।
કીર્તિઃ કિરાતિની ક્લિન્ના કિન્નરા કિન્નરીક્રિયા ॥ 170 ॥

ક્રીંકારા ક્રીંજપાસક્તા ક્રીં હૂં સ્ત્રીં મંત્રરૂપિણી ।
કિર્મીરિતદૃશાપાંગી કિશોરી ચ કિરીટિની ॥ 171 ॥

કીટભાષા કીટયોનિઃ કીટમાતા ચ કીટદા ।
કિંશુકા કીરભાષા ચ ક્રિયાસારા ક્રિયાવતી ॥ 172 ॥

કીંકીંશબ્દપરા ક્લાં ક્લીં ક્લૂં ક્લૈં ક્લૌં મંત્રરૂપિણી ।
કાં કીં કૂં કૈં સ્વરૂપા ચ કઃ ફટ્ મંત્રસ્વરૂપિણી ॥ 173 ॥

કેતકીભૂષણાનંદા કેતકીભરણાન્વિતા ।
કૈકદા કેશિની કેશી કેશિસૂદનતત્પરા ॥ 174 ॥

કેશરૂપા કેશમુક્તા કૈકેયી કૌશિકી તથા ।
કૈરવા કૈરવાહ્લાદા કેશરા કેતુરૂપિણી ॥ 175 ॥

કેશવારાધ્યહૃદયા કેશવાસક્તમાનસા ।
ક્લૈબ્યવિનાશિની ક્લૈં ચ ક્લૈં બીજજપતોષિતા ॥ 176 ॥

કૌશલ્યા કોશલાક્ષી ચ કોશા ચ કોમલા તથા ।
કોલાપુરનિવાસા ચ કોલાસુરવિનાશિની ॥ 177 ॥

કોટિરૂપા કોટિરતા ક્રોધિની ક્રોધરૂપિણી ।
કેકા ચ કોકિલા કોટિઃ કોટિમંત્રપરાયણા ॥ 178 ॥

કોટ્યનંતમંત્રયુક્તા કૈરૂપા કેરલાશ્રયા ।
કેરલાચારનિપુણા કેરલેંદ્રગૃહસ્થિતા ॥ 179 ॥

કેદારાશ્રમસંસ્થા ચ કેદારેશ્વરપૂજિતા ।
ક્રોધરૂપા ક્રોધપદા ક્રોધમાતા ચ કૌશિકી ॥ 180 ॥

કોદંડધારિણી ક્રૌંચા કૌશલ્યા કૌલમાર્ગગા ।
કૌલિની કૌલિકારાધ્યા કૌલિકાગારવાસિની ॥ 181 ॥

કૌતુકી કૌમુદી કૌલા કૌમારી કૌરવાર્ચિતા ।
કૌંડિન્યા કૌશિકી ક્રોધજ્વાલાભાસુરરૂપિણી ॥ 182 ॥

કોટિકાલાનલજ્વાલા કોટિમાર્તંડવિગ્રહા ।
કૃત્તિકા કૃષ્ણવર્ણા ચ કૃષ્ણા કૃત્યા ક્રિયાતુરા ॥ 183 ॥

કૃશાંગી કૃતકૃત્યા ચ ક્રઃ ફટ્ સ્વાહા સ્વરૂપિણી ।
ક્રૌં ક્રૌં હૂં ફટ્ મંત્રવર્ણા ક્રીં હ્રીં હૂં ફટ્ નમઃ સ્વધા ॥ 184 ॥

ક્રીં ક્રીં હ્રીં હ્રીં તથા હ્રૂં હ્રૂં ફટ્ સ્વાહા મંત્રરૂપિણી ।
ઇતિ શ્રીસર્વસામ્રાજ્યમેધાનામ સહસ્રકમ્ ॥ 185 ॥

ઇતિ શ્રીરુદ્રયામલે કાળીતંત્રે કકારાદિ શ્રી કાળી સહસ્રનામ સ્તોત્રમ્ ।