શ્રીદેવ્યુવાચ
કૈલાસવાસિન્ ભગવન્ પ્રાણેશ્વર કૃપાનિધે ।
ભક્તવત્સલ ભૈરવ્યા નામ્નામષ્ટોત્તરં શતમ્ ॥ 1 ॥
ન શ્રુતં દેવદેવેશ વદ માં દીનવત્સલ ।
શ્રીશિવ ઉવાચ
શૃણુ પ્રિયે મહાગોપ્યં નામ્નામષ્ટોત્તરં શતમ્ ॥ 2 ॥
ભૈરવ્યાશ્શુભદં સેવ્યં સર્વસંપત્પ્રદાયકમ્ ।
યસ્યાનુષ્ઠાનમાત્રેણ કિં ન સિદ્ધ્યતિ ભૂતલે ॥ 3 ॥
ઓં ભૈરવી ભૈરવારાધ્યા ભૂતિદા ભૂતભાવના ।
આર્યા બ્રાહ્મી કામધેનુસ્સર્વસંપત્પ્રદાયિની ॥ 4 ॥
ત્રૈલોક્યવંદિતા દેવી મહિષાસુરમર્દિની ।
મોહઘ્ની માલતી માલા મહાપાતકનાશિની ॥ 5 ॥
ક્રોધિની ક્રોધનિલયા ક્રોધરક્તેક્ષણા કુહૂઃ ।
ત્રિપુરા ત્રિપુરાધારા ત્રિનેત્રા ભીમભૈરવી ॥ 6 ॥
દેવકી દેવમાતા ચ દેવદુષ્ટવિનાશિની ।
દામોદરપ્રિયા દીર્ઘા દુર્ગા દુર્ગતિનાશિની ॥ 7 ॥
લંબોદરી લંબકર્ણા પ્રલંબિતપયોધરા ।
પ્રત્યંગિરા પ્રતિપદા પ્રણતક્લેશનાશિની ॥ 8 ॥
પ્રભાવતી ગુણવતી ગણમાતા ગુહેશ્વરી ।
ક્ષીરાબ્ધિતનયા ક્ષેમ્યા જગત્ત્રાણવિધાયિની ॥ 9 ॥
મહામારી મહામોહા મહાક્રોધા મહાનદી ।
મહાપાતકસંહર્ત્રી મહામોહપ્રદાયિની ॥ 10 ॥
વિકરાળા મહાકાલા કાલરૂપા કળાવતી ।
કપાલખટ્વાંગધરા ખડ્ગખર્પરધારિણી ॥ 11 ॥
કુમારી કુંકુમપ્રીતા કુંકુમારુણરંજિતા ।
કૌમોદકી કુમુદિની કીર્ત્યા કીર્તિપ્રદાયિની ॥ 12 ॥
નવીના નીરદા નિત્યા નંદિકેશ્વરપાલિની ।
ઘર્ઘરા ઘર્ઘરારાવા ઘોરા ઘોરસ્વરૂપિણી ॥ 13 ॥
કલિઘ્ની કલિધર્મઘ્ની કલિકૌતુકનાશિની ।
કિશોરી કેશવપ્રીતા ક્લેશસંઘનિવારિણી ॥ 14 ॥
મહોન્મત્તા મહામત્તા મહાવિદ્યા મહીમયી ।
મહાયજ્ઞા મહાવાણી મહામંદરધારિણી ॥ 15 ॥
મોક્ષદા મોહદા મોહા ભુક્તિમુક્તિપ્રદાયિની ।
અટ્ટાટ્ટહાસનિરતા ક્વણન્નૂપુરધારિણી ॥ 16 ॥
દીર્ઘદંષ્ટ્રા દીર્ઘમુખી દીર્ઘઘોણા ચ દીર્ઘિકા ।
દનુજાંતકરી દુષ્ટા દુઃખદારિદ્ર્યભંજિની ॥ 17 ॥
દુરાચારા ચ દોષઘ્ની દમપત્ની દયાપરા ।
મનોભવા મનુમયી મનુવંશપ્રવર્ધિની ॥ 18 ॥
શ્યામા શ્યામતનુશ્શોભા સૌમ્યા શંભુવિલાસિની ।
ઇતિ તે કથિતં દિવ્યં નામ્નામષ્ટોત્તરં શતમ્ ॥ 19 ॥
ભૈરવ્યા દેવદેવેશ્યાસ્તવ પ્રીત્યૈ સુરેશ્વરિ ।
અપ્રકાશ્યમિદં ગોપ્યં પઠનીયં પ્રયત્નતઃ ॥ 20 ॥
દેવીં ધ્યાત્વા સુરાં પીત્વા મકારૈઃ પંચકૈઃ પ્રિયે ।
પૂજયેત્સતતં ભક્ત્યા પઠેત્ સ્તોત્રમિદં શુભમ્ ॥ 21 ॥
ષણ્માસાભ્યંતરે સોઽપિ ગણનાથસમો ભવેત્ ।
કિમત્ર બહુનોક્તેન ત્વદગ્રે પ્રાણવલ્લભે ॥ 22 ॥
સર્વં જાનાસિ સર્વજ્ઞે પુનર્માં પરિપૃચ્છસિ ।
ન દેયં પરશિષ્યેભ્યો નિંદકેભ્યો વિશેષતઃ ॥ 23 ॥
ઇતિ શ્રીત્રિપુરભૈરવી અષ્ટોત્તરશતનામસ્તોત્રમ્ ।
