શ્રી પાર્વત્યુવાચ
નામ્નાં સહસ્રં પરમં છિન્નમસ્તાપ્રિયં શુભમ્ ।
કથિતં ભવતા શંભોસ્સદ્યશ્શત્રુનિકૃંતનમ્ ॥ 1 ॥
પુનઃ પૃચ્છામ્યહં દેવ કૃપાં કુરુ મમોપરિ ।
સહસ્રનામપાઠે ચ અશક્તો યઃ પુમાન્ ભવેત્ ॥ 2 ॥
તેન કિં પઠ્યતે નાથ તન્મે બ્રૂહિ કૃપામય ।
શ્રી સદાશિવ ઉવાચ
અષ્ટોત્તરશતં નામ્નાં પઠ્યતે તેન સર્વદા ॥ 3 ॥
સહસ્રનામપાઠસ્ય ફલં પ્રાપ્નોતિ નિશ્ચિતમ્ ।
ઓં અસ્ય શ્રીછિન્નમસ્તાદેવ્યષ્ટોત્તર શતનામ સ્તોત્રમહામંત્રસ્ય સદાશિવ
ઋષિઃ અનુષ્ટુપ્ છંદઃ શ્રીછિન્નમસ્તા દેવતા મમ સકલસિદ્ધિ પ્રાપ્તયે જપે વિનિયોગઃ ॥
ઓં છિન્નમસ્તા મહાવિદ્યા મહાભીમા મહોદરી ।
ચંડેશ્વરી ચંડમાતા ચંડમુંડપ્રભંજિની ॥ 4 ॥
મહાચંડા ચંડરૂપા ચંડિકા ચંડખંડિની ।
ક્રોધિની ક્રોધજનની ક્રોધરૂપા કુહૂઃ કળા ॥ 5 ॥
કોપાતુરા કોપયુતા કોપસંહારકારિણી ।
વજ્રવૈરોચની વજ્રા વજ્રકલ્પા ચ ડાકિની ॥ 6 ॥
ડાકિનીકર્મનિરતા ડાકિનીકર્મપૂજિતા ।
ડાકિનીસંગનિરતા ડાકિનીપ્રેમપૂરિતા ॥ 7 ॥
ખટ્વાંગધારિણી ખર્વા ખડ્ગખર્પરધારિણી ।
પ્રેતાસના પ્રેતયુતા પ્રેતસંગવિહારિણી ॥ 8 ॥
છિન્નમુંડધરા છિન્નચંડવિદ્યા ચ ચિત્રિણી ।
ઘોરરૂપા ઘોરદૃષ્ટિઃ ઘોરરાવા ઘનોદરી ॥ 9 ॥
યોગિની યોગનિરતા જપયજ્ઞપરાયણા ।
યોનિચક્રમયી યોનિર્યોનિચક્રપ્રવર્તિની ॥ 10 ॥
યોનિમુદ્રા યોનિગમ્યા યોનિયંત્રનિવાસિની ।
યંત્રરૂપા યંત્રમયી યંત્રેશી યંત્રપૂજિતા ॥ 11 ॥
કીર્ત્યા કપર્દિની કાળી કંકાળી કલકારિણી ।
આરક્તા રક્તનયના રક્તપાનપરાયણા ॥ 12 ॥
ભવાની ભૂતિદા ભૂતિર્ભૂતિધાત્રી ચ ભૈરવી ।
ભૈરવાચારનિરતા ભૂતભૈરવસેવિતા ॥ 13 ॥
ભીમા ભીમેશ્વરી દેવી ભીમનાદપરાયણા ।
ભવારાધ્યા ભવનુતા ભવસાગરતારિણી ॥ 14 ॥
ભદ્રકાળી ભદ્રતનુર્ભદ્રરૂપા ચ ભદ્રિકા ।
ભદ્રરૂપા મહાભદ્રા સુભદ્રા ભદ્રપાલિની ॥ 15 ॥
સુભવ્યા ભવ્યવદના સુમુખી સિદ્ધસેવિતા ।
સિદ્ધિદા સિદ્ધિનિવહા સિદ્ધા સિદ્ધનિષેવિતા ॥ 16 ॥
શુભદા શુભગા શુદ્ધા શુદ્ધસત્ત્વા શુભાવહા ।
શ્રેષ્ઠા દૃષ્ટિમયી દેવી દૃષ્ટિસંહારકારિણી ॥ 17 ॥
શર્વાણી સર્વગા સર્વા સર્વમંગળકારિણી ।
શિવા શાંતા શાંતિરૂપા મૃડાની મદાનતુરા ॥ 18 ॥
ઇતિ તે કથિતં દેવી સ્તોત્રં પરમદુર્લભમ્ ।
ગુહ્યાદ્ગુહ્યતરં ગોપ્યં ગોપનિયં પ્રયત્નતઃ ॥ 19 ॥
કિમત્ર બહુનોક્તેન ત્વદગ્રે પ્રાણવલ્લભે ।
મારણં મોહનં દેવિ હ્યુચ્ચાટનમતઃ પરમ્ ॥ 20 ॥
સ્તંભનાદિકકર્માણિ ઋદ્ધયસ્સિદ્ધયોઽપિ ચ ।
ત્રિકાલપઠનાદસ્ય સર્વે સિદ્ધ્યંત્યસંશયઃ ॥ 21 ॥
મહોત્તમં સ્તોત્રમિદં વરાનને
મયેરિતં નિત્યમનન્યબુદ્ધયઃ ।
પઠંતિ યે ભક્તિયુતા નરોત્તમા
ભવેન્ન તેષાં રિપુભિઃ પરાજયઃ ॥ 22 ॥
ઇતિ શ્રીછિન્નમસ્તાદેવ્યષ્ટોત્તરશતનામ સ્તોત્રમ્ ॥
