ભૈરવ ઉવાચ
શતનામ પ્રવક્ષ્યામિ કાળિકાયા વરાનને ।
યસ્ય પ્રપઠનાદ્વાગ્મી સર્વત્ર વિજયી ભવેત્ ॥ 1 ॥
કાળી કપાલિની કાંતા કામદા કામસુંદરી ।
કાળરાત્રિઃ કાળિકા ચ કાલભૈરવપૂજિતા ॥ 2 ॥
કુરુકુળ્ળા કામિની ચ કમનીયસ્વભાવિની ।
કુલીના કુલકર્ત્રી ચ કુલવર્ત્મપ્રકાશિની ॥ 3 ॥
કસ્તૂરીરસનીલા ચ કામ્યા કામસ્વરૂપિણી ।
કકારવર્ણનિલયા કામધેનુઃ કરાળિકા ॥ 4 ॥
કુલકાંતા કરાળાસ્યા કામાર્તા ચ કળાવતી ।
કૃશોદરી ચ કામાખ્યા કૌમારી કુલપાલિની ॥ 5 ॥
કુલજા કુલકન્યા ચ કુલહા કુલપૂજિતા ।
કામેશ્વરી કામકાંતા કુંજરેશ્વરગામિની ॥ 6 ॥
કામદાત્રી કામહર્ત્રી કૃષ્ણા ચૈવ કપર્દિની ।
કુમુદા કૃષ્ણદેહા ચ કાળિંદી કુલપૂજિતા ॥ 7 ॥
કાશ્યપી કૃષ્ણમાતા ચ કુલિશાંગી કળા તથા ।
ક્રીં રૂપા કુલગમ્યા ચ કમલા કૃષ્ણપૂજિતા ॥ 8 ॥
કૃશાંગી કિન્નરી કર્ત્રી કલકંઠી ચ કાર્તિકી ।
કંબુકંઠી કૌળિની ચ કુમુદા કામજીવિની ॥ 9 ॥
કુલસ્ત્રી કીર્તિકા કૃત્યા કીર્તિશ્ચ કુલપાલિકા ।
કામદેવકળા કલ્પલતા કામાંગવર્ધિની ॥ 10 ॥
કુંતા ચ કુમુદપ્રીતા કદંબકુસુમોત્સુકા ।
કાદંબિની કમલિની કૃષ્ણાનંદપ્રદાયિની ॥ 11 ॥
કુમારીપૂજનરતા કુમારીગણશોભિતા ।
કુમારીરંજનરતા કુમારીવ્રતધારિણી ॥ 12 ॥
કંકાળી કમનીયા ચ કામશાસ્ત્રવિશારદા ।
કપાલખટ્વાંગધરા કાલભૈરવરૂપિણી ॥ 13 ॥
કોટરી કોટરાક્ષી ચ કાશીકૈલાસવાસિની ।
કાત્યાયની કાર્યકરી કાવ્યશાસ્ત્રપ્રમોદિની ॥ 14 ॥
કામાકર્ષણરૂપા ચ કામપીઠનિવાસિની ।
કંકિની કાકિની ક્રીડા કુત્સિતા કલહપ્રિયા ॥ 15 ॥
કુંડગોલોદ્ભવપ્રાણા કૌશિકી કીર્તિવર્ધિની ।
કુંભસ્તની કટાક્ષા ચ કાવ્યા કોકનદપ્રિયા ॥ 16 ॥
કાંતારવાસિની કાંતિઃ કઠિના કૃષ્ણવલ્લભા ।
ઇતિ તે કથિતં દેવિ ગુહ્યાદ્ગુહ્યતરં પરમ્ ॥ 17 ॥
પ્રપઠેદ્ય ઇદં નિત્યં કાળીનામશતાષ્ટકમ્ ।
ત્રિષુ લોકેષુ દેવેશિ તસ્યાઽસાધ્યં ન વિદ્યતે ॥ 18 ॥
પ્રાતઃકાલે ચ મધ્યાહ્ને સાયાહ્ને ચ સદા નિશિ ।
યઃ પઠેત્પરયા ભક્ત્યા કાળીનામશતાષ્ટકમ્ ॥ 19 ॥
કાળિકા તસ્ય ગેહે ચ સંસ્થાનં કુરુતે સદા ।
શૂન્યાગારે શ્મશાને વા પ્રાંતરે જલમધ્યતઃ ॥ 20 ॥
વહ્નિમધ્યે ચ સંગ્રામે તથા પ્રાણસ્ય સંશયે ।
શતાષ્ટકં જપન્મંત્રી લભતે ક્ષેમમુત્તમમ્ ॥ 21 ॥
કાળીં સંસ્થાપ્ય વિધિવત્ સ્તુત્વા નામશતાષ્ટકૈઃ ।
સાધકઃ સિદ્ધિમાપ્નોતિ કાળિકાયાઃ પ્રસાદતઃ ॥ 22 ॥
ઇતિ શ્રી કાળી કકારાષ્ટોત્તરશતનામ સ્તોત્રમ્ ।
