નમસ્તે લલિતે દેવિ શ્રીમત્સિંહાસનેશ્વરિ ।
ભક્તાનામિષ્ટદે માતઃ અભિરામિ નમોઽસ્તુ તે ॥ 1 ॥
ચંદ્રોદયં કૃતવતી તાટંકેન મહેશ્વરિ ।
આયુર્દેહિ જગન્માતઃ અભિરામિ નમોઽસ્તુ તે ॥ 2 ॥
સુધાઘટેશશ્રીકાંતે શરણાગતવત્સલે ।
આરોગ્યં દેહિ મે નિત્યં અભિરામિ નમોઽસ્તુ તે ॥ 3 ॥
કળ્યાણિ મંગળં દેહિ જગન્મંગળકારિણિ ।
ઐશ્વર્યં દેહિ મે નિત્યં અભિરામિ નમોઽસ્તુ તે ॥ 4 ॥
ચંદ્રમંડલમધ્યસ્થે મહાત્રિપુરસુંદરિ ।
શ્રીચક્રરાજનિલયે અભિરામિ નમોઽસ્તુ તે ॥ 5 ॥
રાજીવલોચને પૂર્ણે પૂર્ણચંદ્રવિધાયિનિ ।
સૌભાગ્યં દેહિ મે નિત્યં અભિરામિ નમોઽસ્તુ તે ॥ 6 ॥
ગણેશસ્કંદજનનિ વેદરૂપે ધનેશ્વરિ ।
વિદ્યાં ચ દેહિ મે કીર્તિં અભિરામિ નમોઽસ્તુ તે ॥ 7 ॥
સુવાસિનીપ્રિયે માતઃ સૌમાંગળ્યવિવર્ધિની ।
માંગળ્યં દેહિ મે નિત્યં અભિરામિ નમોઽસ્તુ તે ॥ 8 ॥
માર્કંડેય મહાભક્ત સુબ્રહ્મણ્ય સુપૂજિતે ।
શ્રીરાજરાજેશ્વરી ત્વં હ્યભિરામિ નમોઽસ્તુ તે ॥ 9 ॥
સાન્નિધ્યં કુરુ કળ્યાણી મમ પૂજાગૃહે શુભે ।
બિંબે દીપે તથા પુષ્પે હરિદ્રા કુંકુમે મમ ॥ 10 ॥
અભિરામ્યા ઇદં સ્તોત્રં યઃ પઠેચ્છક્તિસન્નિધૌ ।
આયુર્બલં યશો વર્ચો મંગળં ચ ભવેત્સુખમ્ ॥ 11 ॥
ઇતિ શ્રીઅભિરામિભટ્ટાર્ કૃત શ્રી અભિરામિ સ્તોત્રમ્ ।
