કૈલાસાચલમધ્યગં પુરવહં શાંતં ત્રિનેત્રં શિવં
વામસ્થા કવચં પ્રણમ્ય ગિરિજા ભૂતિપ્રદં પૃચ્છતિ ।
દેવી શ્રીબગલામુખી રિપુકુલારણ્યાગ્નિરૂપા ચ યા
તસ્યાશ્ચાપવિમુક્ત મંત્રસહિતં પ્રીત્યાઽધુના બ્રૂહિ મામ્ ॥ 1 ॥
શ્રીશંકર ઉવાચ ।
દેવી શ્રીભવવલ્લભે શૃણુ મહામંત્રં વિભૂતિપ્રદં
દેવ્યા વર્મયુતં સમસ્તસુખદં સામ્રાજ્યદં મુક્તિદમ્ ।
તારં રુદ્રવધૂં વિરિંચિમહિલા વિષ્ણુપ્રિયા કામયુ-
-ક્કાંતે શ્રીબગલાનને મમ રિપૂન્નાશાય યુગ્મંત્વિતિ ॥ 2 ॥
ઐશ્વર્યાણિ પદં ચ દેહિ યુગલં શીઘ્રં મનોવાંછિતં
કાર્યં સાધય યુગ્મયુક્છિવવધૂ વહ્નિપ્રિયાંતો મનુઃ ।
કંસારેસ્તનયં ચ બીજમપરાશક્તિશ્ચ વાણી તથા
કીલં શ્રીમિતિ ભૈરવર્ષિસહિતં છંદો વિરાટ્ સંયુતમ્ ॥ 3 ॥
સ્વેષ્ટાર્થસ્ય પરસ્ય વેત્તિ નિતરાં કાર્યસ્ય સંપ્રાપ્તયે
નાનાસાધ્યમહાગદસ્ય નિયતન્નાશાય વીર્યાપ્તયે ।
ધ્યાત્વા શ્રીબગલાનનામનુવરં જપ્ત્વા સહસ્રાખ્યકં
દીર્ઘૈઃ ષટ્કયુતૈશ્ચ રુદ્રમહિલાબીજૈર્વિન્યાસ્યાંગકે ॥ 4 ॥
ધ્યાનમ્ ।
સૌવર્ણાસનસંસ્થિતાં ત્રિનયનાં પીતાંશુકોલાસિનીં
હેમાભાંગરુચિં શશાંકમુકુટાં સ્રક્ચંપકસ્રગ્યુતામ્ ।
હસ્તૈર્મદ્ગરપાશબદ્ધરસનાં સંબિભ્રતીં ભૂષણ-
-વ્યાપ્તાંગીં બગલામુખીં ત્રિજગતાં સંસ્તંભિનીં ચિંતયે ॥ 5 ॥
વિનિયોગઃ ।
ઓં અસ્ય શ્રીબગલામુખી બ્રહ્માસ્ત્રમંત્ર કવચસ્ય ભૈરવ ઋષિઃ વિરાટ્ છંદઃ શ્રીબગળામુખી દેવતા ક્લીં બીજં ઐં શક્તિઃ શ્રીં કીલકં મમ પરસ્ય ચ મનોભિલષિતેષ્ટકાર્યસિદ્ધયે વિનિયોગઃ ।
ઋષ્યાદિન્યાસઃ ।
ભૈરવ ઋષયે નમઃ શિરસિ ।
વિરાટ્ છંદસે નમઃ મુખે ।
શ્રી બગલામુખી દેવતાયૈ નમઃ હૃદિ ।
ક્લીં બીજાય નમઃ ગુહ્યે ।
ઐં શક્તયે નમઃ પાદયોઃ ।
શ્રીં કીલકાય નમઃ સર્વાંગે ।
કરન્યાસઃ ।
ઓં હ્રાં અંગુષ્ઠાભ્યાં નમઃ ।
ઓં હ્રીં તર્જનીભ્યાં નમઃ ।
ઓં હ્રૂં મધ્યમાભ્યાં નમઃ ।
ઓં હ્રૈં અનામિકાભ્યાં નમઃ ।
ઓં હ્રૌં કનિષ્ઠિકાભ્યાં નમઃ ।
ઓં હ્રઃ કરતલકરપૃષ્ઠાભ્યાં નમઃ ।
અંગન્યાસઃ ।
ઓં હ્રાં હૃદયાય નમઃ ।
ઓં હ્રીં શિરસે સ્વાહા ।
ઓં હ્રૂં શિખાયૈ વષટ્ ।
ઓં હ્રૈં કવચાય હુમ્ ।
ઓં હ્રૌં નેત્રત્રયાય વૌષટ્ ।
ઓં હ્રઃ અસ્ત્રાય ફટ્ ।
ભૂર્ભુવસ્સુવરોમિતિ દિગ્બંધઃ ।
મંત્રોદ્ધારઃ ।
ઓં હ્રીં ઐં શ્રીં ક્લીં શ્રીબગલાનને મમ રિપૂન્નાશય નાશય મમૈશ્વર્યાણિ દેહિ દેહિ શીઘ્રં મનોવાંછિતકાર્યં સાધયઃ સાધયઃ હ્રીં સ્વાહા ।
કવચમ્ ।
શિરો મે પાતુ ઓં હ્રીં ઐં શ્રીં ક્લીં પાતુ લલાટકમ્ ।
સંબોધનપદં પાતુ નેત્રે શ્રીબગલાનને ॥ 1 ॥
શ્રુતૌ મમ રિપું પાતુ નાસિકાન્નાશય દ્વયમ્ ।
પાતુ ગંડૌ સદા મામૈશ્વર્યાણ્યં તં તુ મસ્તકમ્ ॥ 2 ॥
દેહિ દ્વંદ્વં સદા જિહ્વાં પાતુ શીઘ્રં વચો મમ ।
કંઠદેશં મનઃ પાતુ વાંછિતં બાહુમૂલકમ્ ॥ 3 ॥
કાર્યં સાધય દ્વંદ્વંતુ કરૌ પાતુ સદા મમ ।
માયાયુક્તા તથા સ્વાહા હૃદયં પાતુ સર્વદા ॥ 4 ॥
અષ્ટાધિકચત્વારિંશદ્દંડાઢ્યા બગલામુખી ।
રક્ષાં કરોતુ સર્વત્ર ગૃહેઽરણ્યે સદા મમ ॥ 5 ॥
બ્રહ્માસ્ત્રાખ્યો મનુઃ પાતુ સર્વાંગે સર્વસંધિષુ ।
મંત્રરાજઃ સદા રક્ષાં કરોતુ મમ સર્વદા ॥ 6 ॥
ઓં હ્રીં પાતુ નાભિદેશં કટિં મે બગલાઽવતુ ।
મુખી વર્ણદ્વયં પાતુ લિંગં મે મુષ્કયુગ્મકમ્ ॥ 7 ॥
જાનુની સર્વદુષ્ટાનાં પાતુ મે વર્ણપંચકમ્ ।
વાચં મુખં તથા પદં ષડ્વર્ણા પરમેશ્વરી ॥ 8 ॥
જંઘાયુગ્મે સદા પાતુ બગલા રિપુમોહિની ।
સ્તંભયેતિ પદં પૃષ્ઠં પાતુ વર્ણત્રયં મમ ॥ 9 ॥
જિહ્વાં વર્ણદ્વયં પાતુ ગુલ્ફૌ મે કીલયેતિ ચ ।
પાદોર્ધ્વં સર્વદા પાતુ બુદ્ધિં પાદતલે મમ ॥ 10 ॥
વિનાશય પદં પાતુ પાદાંગુલ્યોર્નખાનિ મે ।
હ્રીં બીજં સર્વદા પાતુ બુદ્ધીંદ્રિયવચાંસિ મે ॥ 11 ॥
સર્વાંગં પ્રણવઃ પાતુ સ્વાહા રોમાણિ મેઽવતુ ।
બ્રાહ્મી પૂર્વદલે પાતુ ચાગ્નેયાં વિષ્ણુવલ્લભા ॥ 12 ॥
માહેશી દક્ષિણે પાતુ ચામુંડા રાક્ષસેઽવતુ ।
કૌમારી પશ્ચિમે પાતુ વાયવ્યે ચાપરાજિતા ॥ 13 ॥
વારાહી ચોત્તરે પાતુ નારસિંહી શિવેઽવતુ ।
ઊર્ધ્વં પાતુ મહાલક્ષ્મીઃ પાતાલે શારદાઽવતુ ॥ 14 ॥
ઇત્યષ્ટૌ શક્તયઃ પાંતુ સાયુધાશ્ચ સવાહનાઃ ।
રાજદ્વારે મહાદુર્ગે પાતુ માં ગણનાયકઃ ॥ 15 ॥
શ્મશાને જલમધ્યે ચ ભૈરવશ્ચ સદાઽવતુ ।
દ્વિભુજા રક્તવસનાઃ સર્વાભરણભૂષિતાઃ ॥ 16 ॥
યોગિન્યઃ સર્વદા પાતુ મહારણ્યે સદા મમ ।
ઇતિ તે કથિતં દેવિ કવચં પરમાદ્ભુતમ્ ॥ 17 ॥
શ્રીવિશ્વવિજયન્નામ કીર્તિશ્રીવિજયપ્રદમ્ ।
અપુત્રો લભતે પુત્રં ધીરં શૂરં શતાયુષમ્ ॥ 18 ॥
નિર્ધનો ધનમાપ્નોતિ કવચસ્યાસ્ય પાઠતઃ ।
જપિત્વા મંત્રરાજં તુ ધ્યાત્વા શ્રીબગલામુખીમ્ ॥ 19 ॥
પઠેદિદં હિ કવચં નિશાયાં નિયમાત્તુ યઃ ।
યદ્યત્કામયતે કામં સાધ્યાસાધ્યે મહીતલે ॥ 20 ॥
તત્તત્કામમવાપ્નોતિ સપ્તરાત્રેણ શંકરી ।
ગુરું ધ્યાત્વા સુરાં પીત્વા રાત્રૌ શક્તિસમન્વિતઃ ॥ 21 ॥
કવચં યઃ પઠેદ્દેવિ તસ્યાઽસાધ્યં ન કિંચન ।
યં ધ્યાત્વા પ્રજપેન્મંત્રં સહસ્રં કવચં પઠેત્ ॥ 22 ॥
ત્રિરાત્રેણ વશં યાતિ મૃત્યું તં નાત્ર સંશયઃ ।
લિખિત્વા પ્રતિમાં શત્રોઃ સતાલેન હરિદ્રયા ॥ 23 ॥
લિખિત્વા હ્યદિ તં નામ તં ધ્યાત્વા પ્રજપેન્મનુમ્ ।
એકવિંશદ્દિનં યાવત્પ્રત્યહં ચ સહસ્રકમ્ ॥ 24 ॥
જપ્ત્વા પઠેત્તુ કવચં ચતુર્વિંશતિવારકમ્ ।
સંસ્તંભં જાયતે શત્રોર્નાત્ર કાર્યા વિચારણા ॥ 25 ॥
વિવાદે વિજયં તસ્ય સંગ્રામે જયમાપ્નુયાત્ ।
શ્મશાને ચ ભયં નાસ્તિ કવચસ્ય પ્રભાવતઃ ॥ 26 ॥
નવનીતં ચાભિમંત્ર્ય સ્ત્રીણાં દદ્યાન્મહેશ્વરિ ।
વંધ્યાયાં જાયતે પુત્રો વિદ્યાબલસમન્વિતઃ ॥ 27 ॥
શ્મશાનાંગારમાદાય ભૌમે રાત્રૌ શનાવથ ।
પાદોદકેન સ્પૃષ્ટ્વા ચ લિખેલ્લોહશલાકયા ॥ 28 ॥
ભૂમૌ શત્રોઃ સ્વરૂપં ચ હૃદિ નામ સમાલિખેત્ ।
હસ્તં તદ્ધૃદયે દત્વા કવચં તિથિવારકમ્ ॥ 29 ॥
ધ્યાત્વા જપેન્મંત્રરાજં નવરાત્રં પ્રયત્નતઃ ।
મ્રિયતે જ્વરદાહેન દશમેઽહ્નિ ન સંશયઃ ॥ 30 ॥
ભૂર્જપત્રેષ્વિદં સ્તોત્રમષ્ટગંધેન સંલિખેત્ ।
ધારયેદ્દક્ષિણે બાહૌ નારી વામભુજે તથા ॥ 31 ॥
સંગ્રામે જયમાપ્નોતિ નારી પુત્રવતી ભવેત્ ।
બ્રહ્માસ્ત્રાદીનિ શસ્ત્રાણિ નૈવ કૃંતંતિ તં જનમ્ ॥ 32 ॥
સંપૂજ્ય કવચં નિત્યં પૂજાયાઃ ફલમાલભેત્ ।
બૃહસ્પતિસમો વાપિ વિભવે ધનદોપમઃ ॥ 33 ॥
કામતુલ્યશ્ચ નારીણાં શત્રૂણાં ચ યમોપમઃ ।
કવિતાલહરી તસ્ય ભવેદ્ગંગાપ્રવાહવત્ ॥ 34 ॥
ગદ્યપદ્યમયી વાણી ભવેદ્દેવીપ્રસાદતઃ ।
એકાદશશતં યાવત્પુરશ્ચરણમુચ્યતે ॥ 35 ॥
પુરશ્ચર્યાવિહીનં તુ ન ચેદં ફલદાયકમ્ ।
ન દેયં પરશિષ્યેભ્યો દુષ્ટેભ્યશ્ચ વિશેષતઃ ॥ 36 ॥
દેયં શિષ્યાય ભક્તાય પંચત્વં ચાઽન્યથાપ્નુયાત્ ।
ઇદં કવચમજ્ઞાત્વા ભજેદ્યો બગલામુખીમ્ ।
શતકોટિ જપિત્વા તુ તસ્ય સિદ્ધિર્ન જાયતે ॥ 37 ॥
દારાઢ્યો મનુજોસ્ય લક્ષજપતઃ પ્રાપ્નોતિ સિદ્ધિં પરાં
વિદ્યાં શ્રીવિજયં તથા સુનિયતં ધીરં ચ વીરં વરમ્ ।
બ્રહ્માસ્ત્રાખ્યમનું વિલિખ્ય નિતરાં ભૂર્જેષ્ટગંધેન વૈ
ધૃત્વા રાજપુરં વ્રજંતિ ખલુ યે દાસોઽસ્તિ તેષાં નૃપઃ ॥ 38 ॥
ઇતિ વિશ્વસારોદ્ધારતંત્રે પાર્વતીશ્વરસંવાદે બગળામુખીકવચં સંપૂર્ણમ્ ।
