ಪಾದುಕೇ ಯತಿರಾಜಸ್ಯ ಕಥಯಂತಿ ಯದಾಖ್ಯಯಾ ।
ತಸ್ಯ ದಾಶರಥೇಃ ಪಾದೌ ಶಿರಸಾ ಧಾರಯಾಮ್ಯಹಮ್ ॥

ಪಾಷಂಡದ್ರುಮಷಂಡದಾವದಹನಶ್ಚಾರ್ವಾಕಶೈಲಾಶನಿಃ
ಬೌದ್ಧಧ್ವಾಂತನಿರಾಸವಾಸರಪತಿರ್ಜೈನೇಭಕಂಠೀರವಃ ।
ಮಾಯಾವಾದಿ ಭುಜಂಗಭಂಗಗರುಡಸ್ತ್ರೈವಿದ್ಯ ಚೂಡಾಮಣಿಃ
ಶ್ರೀರಂಗೇಶಜಯಧ್ವಜೋ ವಿಜಯತೇ ರಾಮಾನುಜೋಽಯಂ ಮುನಿಃ ॥ 1 ॥

ಪಾಷಂಡ ಷಂಡಗಿರಿಖಂಡನವಜ್ರದಂಡಾಃ
ಪ್ರಚ್ಛನ್ನಬೌದ್ಧಮಕರಾಲಯಮಂಥದಂಡಾಃ ।
ವೇದಾಂತಸಾರಸುಖದರ್ಶನದೀಪದಂಡಾಃ
ರಾಮಾನುಜಸ್ಯ ವಿಲಸಂತಿಮುನೇಸ್ತ್ರಿದಂಡಾಃ ॥ 2 ॥

ಚಾರಿತ್ರೋದ್ಧಾರದಂಡಂ ಚತುರನಯಪಥಾಲಂಕ್ರಿಯಾಕೇತುದಂಡಂ
ಸದ್ವಿದ್ಯಾದೀಪದಂಡಂ ಸಕಲಕಲಿಕಥಾಸಂಹೃತೇಃ ಕಾಲದಂಡಮ್ ।
ತ್ರಯ್ಯಂತಾಲಂಬದಂಡಂ ತ್ರಿಭುವನವಿಜಯಚ್ಛತ್ರಸೌವರ್ಣದಂಡಂ
ಧತ್ತೇರಾಮಾನುಜಾರ್ಯಃ ಪ್ರತಿಕಥಕಶಿರೋ ವಜ್ರದಂಡಂ ತ್ರಿದಂಡಮ್ ॥ 3 ॥

ತ್ರಯ್ಯಾ ಮಾಂಗಳ್ಯಸೂತ್ರಂ ತ್ರಿಥಾಯುಗಪಯುಗ ರೋಹಣಾಲಂಬಸೂತ್ರಂ
ಸದ್ವಿದ್ಯಾದೀಪಸೂತ್ರಂ ಸಗುಣನಯವಿದಾಂ ಸಂಬದಾಂಹಾರಸೂತ್ರಮ್ ।
ಪ್ರಜ್ಞಾಸೂತ್ರಂ ಬುಧಾನಾಂ ಪ್ರಶಮಧನಮನಃ ಪದ್ಮಿನೀನಾಲಸೂತ್ರಂ
ರಕ್ಷಾಸೂತ್ರಂ ಮುನೀನಾಂ ಜಯತಿ ಯತಿಪತೇರ್ವಕ್ಷಸಿ ಬ್ರಹ್ಮಸೂತ್ರಮ್ ॥ 4 ॥

ಪಾಷಂಡಸಾಗರಮಹಾಬಡಬಾಮುಖಾಗ್ನಿಃ
ಶ್ರೀರಂಗರಾಜಚರಣಾಂಬುಜಮೂಲದಾಸಃ ।
ಶ್ರೀವಿಷ್ಣುಲೋಕಮಣಿ ಮಂಡಪಮಾರ್ಗದಾಯೀ
ರಾಮಾನುಜೋ ವಿಜಯತೇ ಯತಿರಾಜರಾಜಃ ॥ 5 ॥