പാദുകേ യതിരാജസ്യ കഥയംതി യദാഖ്യയാ ।
തസ്യ ദാശരഥേഃ പാദൌ ശിരസാ ധാരയാമ്യഹമ് ॥

പാഷംഡദ്രുമഷംഡദാവദഹനശ്ചാർവാകശൈലാശനിഃ
ബൌദ്ധധ്വാംതനിരാസവാസരപതിര്ജൈനേഭകംഠീരവഃ ।
മായാവാദി ഭുജംഗഭംഗഗരുഡസ്ത്രൈവിദ്യ ചൂഡാമണിഃ
ശ്രീരംഗേശജയധ്വജോ വിജയതേ രാമാനുജോഽയം മുനിഃ ॥ 1 ॥

പാഷംഡ ഷംഡഗിരിഖംഡനവജ്രദംഡാഃ
പ്രച്ഛന്നബൌദ്ധമകരാലയമംഥദംഡാഃ ।
വേദാംതസാരസുഖദര്ശനദീപദംഡാഃ
രാമാനുജസ്യ വിലസംതിമുനേസ്ത്രിദംഡാഃ ॥ 2 ॥

ചാരിത്രോദ്ധാരദംഡം ചതുരനയപഥാലംക്രിയാകേതുദംഡം
സദ്വിദ്യാദീപദംഡം സകലകലികഥാസംഹൃതേഃ കാലദംഡമ് ।
ത്രയ്യംതാലംബദംഡം ത്രിഭുവനവിജയച്ഛത്രസൌവര്ണദംഡമ്
ധത്തേരാമാനുജാര്യഃ പ്രതികഥകശിരോ വജ്രദംഡം ത്രിദംഡമ് ॥ 3 ॥

ത്രയ്യാ മാംഗള്യസൂത്രം ത്രിഥായുഗപയുഗ രോഹണാലംബസൂത്രം
സദ്വിദ്യാദീപസൂത്രം സഗുണനയവിദാം സംബദാംഹാരസൂത്രമ് ।
പ്രജ്ഞാസൂത്രം ബുധാനാം പ്രശമധനമനഃ പദ്മിനീനാലസൂത്രം
രക്ഷാസൂത്രം മുനീനാം ജയതി യതിപതേർവക്ഷസി ബ്രഹ്മസൂത്രമ് ॥ 4 ॥

പാഷംഡസാഗരമഹാബഡബാമുഖാഗ്നിഃ
ശ്രീരംഗരാജചരണാംബുജമൂലദാസഃ ।
ശ്രീവിഷ്ണുലോകമണി മംഡപമാര്ഗദായീ
രാമാനുജോ വിജയതേ യതിരാജരാജഃ ॥ 5 ॥