ପାଦୁକେ ୟତିରାଜସ୍ୟ କଥୟଂତି ୟଦାଖ୍ୟୟା ।
ତସ୍ୟ ଦାଶରଥେଃ ପାଦୌ ଶିରସା ଧାରୟାମ୍ୟହମ୍ ॥

ପାଷଂଡଦ୍ରୁମଷଂଡଦାଵଦହନଶ୍ଚାର୍ଵାକଶୈଲାଶନିଃ
ବୌଦ୍ଧଧ୍ଵାଂତନିରାସଵାସରପତିର୍ଜୈନେଭକଂଠୀରଵଃ ।
ମାୟାଵାଦି ଭୁଜଂଗଭଂଗଗରୁଡସ୍ତ୍ରୈଵିଦ୍ୟ ଚୂଡାମଣିଃ
ଶ୍ରୀରଂଗେଶଜୟଧ୍ଵଜୋ ଵିଜୟତେ ରାମାନୁଜୋଽୟଂ ମୁନିଃ ॥ 1 ॥

ପାଷଂଡ ଷଂଡଗିରିଖଂଡନଵଜ୍ରଦଂଡାଃ
ପ୍ରଚ୍ଛନ୍ନବୌଦ୍ଧମକରାଲୟମଂଥଦଂଡାଃ ।
ଵେଦାଂତସାରସୁଖଦର୍ଶନଦୀପଦଂଡାଃ
ରାମାନୁଜସ୍ୟ ଵିଲସଂତିମୁନେସ୍ତ୍ରିଦଂଡାଃ ॥ 2 ॥

ଚାରିତ୍ରୋଦ୍ଧାରଦଂଡଂ ଚତୁରନୟପଥାଲଂକ୍ରିୟାକେତୁଦଂଡଂ
ସଦ୍ଵିଦ୍ୟାଦୀପଦଂଡଂ ସକଲକଲିକଥାସଂହୃତେଃ କାଲଦଂଡମ୍ ।
ତ୍ରୟ୍ୟଂତାଲଂବଦଂଡଂ ତ୍ରିଭୁଵନଵିଜୟଚ୍ଛତ୍ରସୌଵର୍ଣଦଂଡମ୍
ଧତ୍ତେରାମାନୁଜାର୍ୟଃ ପ୍ରତିକଥକଶିରୋ ଵଜ୍ରଦଂଡଂ ତ୍ରିଦଂଡମ୍ ॥ 3 ॥

ତ୍ରୟ୍ୟା ମାଂଗଳ୍ୟସୂତ୍ରଂ ତ୍ରିଥାୟୁଗପୟୁଗ ରୋହଣାଲଂବସୂତ୍ରଂ
ସଦ୍ଵିଦ୍ୟାଦୀପସୂତ୍ରଂ ସଗୁଣନୟଵିଦାଂ ସଂବଦାଂହାରସୂତ୍ରମ୍ ।
ପ୍ରଜ୍ଞାସୂତ୍ରଂ ବୁଧାନାଂ ପ୍ରଶମଧନମନଃ ପଦ୍ମିନୀନାଲସୂତ୍ରଂ
ରକ୍ଷାସୂତ୍ରଂ ମୁନୀନାଂ ଜୟତି ୟତିପତେର୍ଵକ୍ଷସି ବ୍ରହ୍ମସୂତ୍ରମ୍ ॥ 4 ॥

ପାଷଂଡସାଗରମହାବଡବାମୁଖାଗ୍ନିଃ
ଶ୍ରୀରଂଗରାଜଚରଣାଂବୁଜମୂଲଦାସଃ ।
ଶ୍ରୀଵିଷ୍ଣୁଲୋକମଣି ମଂଡପମାର୍ଗଦାୟୀ
ରାମାନୁଜୋ ଵିଜୟତେ ୟତିରାଜରାଜଃ ॥ 5 ॥