පාදුකේ යතිරාජස්ය කථයංති යදාඛ්යයා ।
තස්ය දාශරථේඃ පාදෞ ශිරසා ධාරයාම්යහම් ॥

පාෂංඩද්රුමෂංඩදාවදහනශ්චාර්වාකශෛලාශනිඃ
බෞද්ධධ්වාංතනිරාසවාසරපතිර්ජෛනේභකංඨීරවඃ ।
මායාවාදි භුජංගභංගගරුඩස්ත්රෛවිද්ය චූඩාමණිඃ
ශ්රීරංගේශජයධ්වජෝ විජයතේ රාමානුජෝऽයං මුනිඃ ॥ 1 ॥

පාෂංඩ ෂංඩගිරිඛංඩනවජ්රදංඩාඃ
ප්රච්ඡන්නබෞද්ධමකරාලයමංථදංඩාඃ ।
වේදාංතසාරසුඛදර්ශනදීපදංඩාඃ
රාමානුජස්ය විලසංතිමුනේස්ත්රිදංඩාඃ ॥ 2 ॥

චාරිත්රෝද්ධාරදංඩං චතුරනයපථාලංක්රියාකේතුදංඩං
සද්විද්යාදීපදංඩං සකලකලිකථාසංහෘතේඃ කාලදංඩම් ।
ත්රය්යංතාලංබදංඩං ත්රිභුවනවිජයච්ඡත්රසෞවර්ණදංඩම්
ධත්තේරාමානුජාර්යඃ ප්රතිකථකශිරෝ වජ්රදංඩං ත්රිදංඩම් ॥ 3 ॥

ත්රය්යා මාංගළ්යසූත්රං ත්රිථායුගපයුග රෝහණාලංබසූත්රං
සද්විද්යාදීපසූත්රං සගුණනයවිදාං සංබදාංහාරසූත්රම් ।
ප්රජ්ඤාසූත්රං බුධානාං ප්රශමධනමනඃ පද්මිනීනාලසූත්රං
රක්ෂාසූත්රං මුනීනාං ජයති යතිපතේර්වක්ෂසි බ්රහ්මසූත්රම් ॥ 4 ॥

පාෂංඩසාගරමහාබඩබාමුඛාග්නිඃ
ශ්රීරංගරාජචරණාංබුජමූලදාසඃ ।
ශ්රීවිෂ්ණුලෝකමණි මංඩපමාර්ගදායී
රාමානුජෝ විජයතේ යතිරාජරාජඃ ॥ 5 ॥