ಪಾದುಕೇ ಯತಿರಾಜಸ್ಯ ಕಥಯನ್ತಿ ಯದಾಖ್ಯಯಾ ।
ತಸ್ಯ ದಾಶರಥೇಃ ಪಾದೌ ಶಿರಸಾ ಧಾರಯಾಮ್ಯಹಮ್ ॥

ಪಾಷಣ್ಡದ್ರುಮಷಣ್ಡದಾವದಹನಶ್ಚಾರ್ವಾಕಶೈಲಾಶನಿಃ
ಬೌದ್ಧಧ್ವಾನ್ತನಿರಾಸವಾಸರಪತಿರ್ಜೈನೇಭಕಣ್ಠೀರವಃ ।
ಮಾಯಾವಾದಿ ಭುಜಙ್ಗಭಙ್ಗಗರುಡಸ್ತ್ರೈವಿದ್ಯ ಚೂಡಾಮಣಿಃ
ಶ್ರೀರಙ್ಗೇಶಜಯಧ್ವಜೋ ವಿಜಯತೇ ರಾಮಾನುಜೋಽಯಂ ಮುನಿಃ ॥ 1 ॥

ಪಾಷಣ್ಡ ಷಣ್ಡಗಿರಿಖಣ್ಡನವಜ್ರದಣ್ಡಾಃ
ಪ್ರಚ್ಛನ್ನಬೌದ್ಧಮಕರಾಲಯಮನ್ಥದಣ್ಡಾಃ ।
ವೇದಾನ್ತಸಾರಸುಖದರ್ಶನದೀಪದಣ್ಡಾಃ
ರಾಮಾನುಜಸ್ಯ ವಿಲಸನ್ತಿಮುನೇಸ್ತ್ರಿದಣ್ಡಾಃ ॥ 2 ॥

ಚಾರಿತ್ರೋದ್ಧಾರದಣ್ಡಂ ಚತುರನಯಪಥಾಲಙ್ಕ್ರಿಯಾಕೇತುದಣ್ಡಂ
ಸದ್ವಿದ್ಯಾದೀಪದಣ್ಡಂ ಸಕಲಕಲಿಕಥಾಸಂಹೃತೇಃ ಕಾಲದಣ್ಡಮ್ ।
ತ್ರಯ್ಯನ್ತಾಲಮ್ಬದಣ್ಡಂ ತ್ರಿಭುವನವಿಜಯಚ್ಛತ್ರಸೌವರ್ಣದಣ್ಡಮ್
ಧತ್ತೇರಾಮಾನುಜಾರ್ಯಃ ಪ್ರತಿಕಥಕಶಿರೋ ವಜ್ರದಣ್ಡಂ ತ್ರಿದಣ್ಡಮ್ ॥ 3 ॥

ತ್ರಯ್ಯಾ ಮಾಙ್ಗಳ್ಯಸೂತ್ರಂ ತ್ರಿಥಾಯುಗಪಯುಗ ರೋಹಣಾಲಮ್ಬಸೂತ್ರಂ
ಸದ್ವಿದ್ಯಾದೀಪಸೂತ್ರಂ ಸಗುಣನಯವಿದಾಂ ಸಮ್ಬದಾಂಹಾರಸೂತ್ರಮ್ ।
ಪ್ರಜ್ಞಾಸೂತ್ರಂ ಬುಧಾನಾಂ ಪ್ರಶಮಧನಮನಃ ಪದ್ಮಿನೀನಾಲಸೂತ್ರಂ
ರಕ್ಷಾಸೂತ್ರಂ ಮುನೀನಾಂ ಜಯತಿ ಯತಿಪತೇರ್ವಕ್ಷಸಿ ಬ್ರಹ್ಮಸೂತ್ರಮ್ ॥ 4 ॥

ಪಾಷಣ್ಡಸಾಗರಮಹಾಬಡಬಾಮುಖಾಗ್ನಿಃ
ಶ್ರೀರಙ್ಗರಾಜಚರಣಾಮ್ಬುಜಮೂಲದಾಸಃ ।
ಶ್ರೀವಿಷ್ಣುಲೋಕಮಣಿ ಮಣ್ಡಪಮಾರ್ಗದಾಯೀ
ರಾಮಾನುಜೋ ವಿಜಯತೇ ಯತಿರಾಜರಾಜಃ ॥ 5 ॥