𑌪𑌾𑌦𑍁𑌕𑍇 𑌯𑌤𑌿𑌰𑌾𑌜𑌸𑍍𑌯 𑌕𑌥𑌯𑌂𑌤𑌿 𑌯𑌦𑌾𑌖𑍍𑌯𑌯𑌾 ।
𑌤𑌸𑍍𑌯 𑌦𑌾𑌶𑌰𑌥𑍇𑌃 𑌪𑌾𑌦𑍌 𑌶𑌿𑌰𑌸𑌾 𑌧𑌾𑌰𑌯𑌾𑌮𑍍𑌯𑌹𑌮𑍍 ॥

𑌪𑌾𑌷𑌂𑌡𑌦𑍍𑌰𑍁𑌮𑌷𑌂𑌡𑌦𑌾𑌵𑌦𑌹𑌨𑌶𑍍𑌚𑌾𑌰𑍍𑌵𑌾𑌕𑌶𑍈𑌲𑌾𑌶𑌨𑌿𑌃
𑌬𑍌𑌦𑍍𑌧𑌧𑍍𑌵𑌾𑌂𑌤𑌨𑌿𑌰𑌾𑌸𑌵𑌾𑌸𑌰𑌪𑌤𑌿𑌰𑍍𑌜𑍈𑌨𑍇𑌭𑌕𑌂𑌠𑍀𑌰𑌵𑌃 ।
𑌮𑌾𑌯𑌾𑌵𑌾𑌦𑌿 𑌭𑍁𑌜𑌂𑌗𑌭𑌂𑌗𑌗𑌰𑍁𑌡𑌸𑍍𑌤𑍍𑌰𑍈𑌵𑌿𑌦𑍍𑌯 𑌚𑍂𑌡𑌾𑌮𑌣𑌿𑌃
𑌶𑍍𑌰𑍀𑌰𑌂𑌗𑍇𑌶𑌜𑌯𑌧𑍍𑌵𑌜𑍋 𑌵𑌿𑌜𑌯𑌤𑍇 𑌰𑌾𑌮𑌾𑌨𑍁𑌜𑍋𑌽𑌯𑌂 𑌮𑍁𑌨𑌿𑌃 ॥ 1 ॥

𑌪𑌾𑌷𑌂𑌡 𑌷𑌂𑌡𑌗𑌿𑌰𑌿𑌖𑌂𑌡𑌨𑌵𑌜𑍍𑌰𑌦𑌂𑌡𑌾𑌃
𑌪𑍍𑌰𑌚𑍍𑌛𑌨𑍍𑌨𑌬𑍌𑌦𑍍𑌧𑌮𑌕𑌰𑌾𑌲𑌯𑌮𑌂𑌥𑌦𑌂𑌡𑌾𑌃 ।
𑌵𑍇𑌦𑌾𑌂𑌤𑌸𑌾𑌰𑌸𑍁𑌖𑌦𑌰𑍍𑌶𑌨𑌦𑍀𑌪𑌦𑌂𑌡𑌾𑌃
𑌰𑌾𑌮𑌾𑌨𑍁𑌜𑌸𑍍𑌯 𑌵𑌿𑌲𑌸𑌂𑌤𑌿𑌮𑍁𑌨𑍇𑌸𑍍𑌤𑍍𑌰𑌿𑌦𑌂𑌡𑌾𑌃 ॥ 2 ॥

𑌚𑌾𑌰𑌿𑌤𑍍𑌰𑍋𑌦𑍍𑌧𑌾𑌰𑌦𑌂𑌡𑌂 𑌚𑌤𑍁𑌰𑌨𑌯𑌪𑌥𑌾𑌲𑌂𑌕𑍍𑌰𑌿𑌯𑌾𑌕𑍇𑌤𑍁𑌦𑌂𑌡𑌂
𑌸𑌦𑍍𑌵𑌿𑌦𑍍𑌯𑌾𑌦𑍀𑌪𑌦𑌂𑌡𑌂 𑌸𑌕𑌲𑌕𑌲𑌿𑌕𑌥𑌾𑌸𑌂𑌹𑍃𑌤𑍇𑌃 𑌕𑌾𑌲𑌦𑌂𑌡𑌮𑍍 ।
𑌤𑍍𑌰𑌯𑍍𑌯𑌂𑌤𑌾𑌲𑌂𑌬𑌦𑌂𑌡𑌂 𑌤𑍍𑌰𑌿𑌭𑍁𑌵𑌨𑌵𑌿𑌜𑌯𑌚𑍍𑌛𑌤𑍍𑌰𑌸𑍌𑌵𑌰𑍍𑌣𑌦𑌂𑌡𑌮𑍍
𑌧𑌤𑍍𑌤𑍇𑌰𑌾𑌮𑌾𑌨𑍁𑌜𑌾𑌰𑍍𑌯𑌃 𑌪𑍍𑌰𑌤𑌿𑌕𑌥𑌕𑌶𑌿𑌰𑍋 𑌵𑌜𑍍𑌰𑌦𑌂𑌡𑌂 𑌤𑍍𑌰𑌿𑌦𑌂𑌡𑌮𑍍 ॥ 3 ॥

𑌤𑍍𑌰𑌯𑍍𑌯𑌾 𑌮𑌾𑌂𑌗𑌳𑍍𑌯𑌸𑍂𑌤𑍍𑌰𑌂 𑌤𑍍𑌰𑌿𑌥𑌾𑌯𑍁𑌗𑌪𑌯𑍁𑌗 𑌰𑍋𑌹𑌣𑌾𑌲𑌂𑌬𑌸𑍂𑌤𑍍𑌰𑌂
𑌸𑌦𑍍𑌵𑌿𑌦𑍍𑌯𑌾𑌦𑍀𑌪𑌸𑍂𑌤𑍍𑌰𑌂 𑌸𑌗𑍁𑌣𑌨𑌯𑌵𑌿𑌦𑌾𑌂 𑌸𑌂𑌬𑌦𑌾𑌂𑌹𑌾𑌰𑌸𑍂𑌤𑍍𑌰𑌮𑍍 ।
𑌪𑍍𑌰𑌜𑍍𑌞𑌾𑌸𑍂𑌤𑍍𑌰𑌂 𑌬𑍁𑌧𑌾𑌨𑌾𑌂 𑌪𑍍𑌰𑌶𑌮𑌧𑌨𑌮𑌨𑌃 𑌪𑌦𑍍𑌮𑌿𑌨𑍀𑌨𑌾𑌲𑌸𑍂𑌤𑍍𑌰𑌂
𑌰𑌕𑍍𑌷𑌾𑌸𑍂𑌤𑍍𑌰𑌂 𑌮𑍁𑌨𑍀𑌨𑌾𑌂 𑌜𑌯𑌤𑌿 𑌯𑌤𑌿𑌪𑌤𑍇𑌰𑍍𑌵𑌕𑍍𑌷𑌸𑌿 𑌬𑍍𑌰𑌹𑍍𑌮𑌸𑍂𑌤𑍍𑌰𑌮𑍍 ॥ 4 ॥

𑌪𑌾𑌷𑌂𑌡𑌸𑌾𑌗𑌰𑌮𑌹𑌾𑌬𑌡𑌬𑌾𑌮𑍁𑌖𑌾𑌗𑍍𑌨𑌿𑌃
𑌶𑍍𑌰𑍀𑌰𑌂𑌗𑌰𑌾𑌜𑌚𑌰𑌣𑌾𑌂𑌬𑍁𑌜𑌮𑍂𑌲𑌦𑌾𑌸𑌃 ।
𑌶𑍍𑌰𑍀𑌵𑌿𑌷𑍍𑌣𑍁𑌲𑍋𑌕𑌮𑌣𑌿 𑌮𑌂𑌡𑌪𑌮𑌾𑌰𑍍𑌗𑌦𑌾𑌯𑍀
𑌰𑌾𑌮𑌾𑌨𑍁𑌜𑍋 𑌵𑌿𑌜𑌯𑌤𑍇 𑌯𑌤𑌿𑌰𑌾𑌜𑌰𑌾𑌜𑌃 ॥ 5 ॥