ශ්රීවේංකටාද්රිධාමා භූමා භූමාප්රියඃ කෘපාසීමා ।
නිරවධිකනිත්යමහිමා භවතු ජයී ප්රණතදර්ශිතප්රේමා ॥ 1 ॥
ජය ජනතා විමලීකෘතිසඵලීකෘතසකලමංගළාකාර ।
විජයී භව විජයී භව විජයී භව වේංකටාචලාධීශ ॥ 2 ॥
කමනීයමංදහසිතං කංචන කංදර්පකෝටිලාවණ්යම් ।
පශ්යේයමංජනාද්රෞ පුංසාං පූර්වතනපුණ්යපරිපාකම් ॥ 3 ॥
මරතකමේචකරුචිනා මදනාජ්ඤාගංධිමධ්යහෘදයේන ।
වෘෂශෛලමෞලිසුහෘදා මහසා කේනාපි වාසිතං ජ්ඤේයම් ॥ 4 ॥
පත්යෛ නමෝ වෘෂාද්රේඃ කරයුගපරිකර්මශංඛචක්රාය ।
ඉතරකරකමලයුගළීදර්ශිත-කටිබංධදානමුද්රාය ॥ 5 ॥
සාම්රාජ්යපිශුනමකුටීසුඝටලලාටාත් සුමංගලා පාංගාත් ।
ස්මිතරුචිඵුල්ලකපෝලාදපරෝ න පරෝऽස්ති වේංකටාද්රීශාත් ॥ 6 ॥
සර්වාභරණවිභූෂිතදිව්යාවයවස්ය වේංකටාද්රිපතේඃ ।
පල්ලවපුෂ්පවිභූෂිතකල්පතරෝශ්චාපි කා භිදා දෘෂ්ටා ॥ 7 ॥
ලක්ෂ්මීලලිතපදාංබුජලාක්ෂාරසරංජිතායතෝරස්කේ ।
ශ්රීවේංකටාද්රිනාථේ නාථේ මම නිත්යමර්පිතෝ භාරඃ ॥ 8 ॥
ආර්යාවෘත්තසමේතා සප්තවිභක්තිර්වෘෂාද්රිනාථස්ය ।
වාදීංද්රභීකෘදාඛ්යෛරාර්යෛ රචිතා ජයත්වියං සතතම් ॥ 9 ॥
ඉති ශ්රීවේංකටේශවිජයාර්යාසප්තවිභක්ති ස්තෝත්රං සංපූර්ණම් ।
