ଶ୍ରୀଵେଂକଟାଦ୍ରିଧାମା ଭୂମା ଭୂମାପ୍ରିୟଃ କୃପାସୀମା ।
ନିରଵଧିକନିତ୍ୟମହିମା ଭଵତୁ ଜୟୀ ପ୍ରଣତଦର୍ଶିତପ୍ରେମା ॥ 1 ॥
ଜୟ ଜନତା ଵିମଲୀକୃତିସଫଲୀକୃତସକଲମଂଗଳାକାର ।
ଵିଜୟୀ ଭଵ ଵିଜୟୀ ଭଵ ଵିଜୟୀ ଭଵ ଵେଂକଟାଚଲାଧୀଶ ॥ 2 ॥
କମନୀୟମଂଦହସିତଂ କଂଚନ କଂଦର୍ପକୋଟିଲାଵଣ୍ୟମ୍ ।
ପଶ୍ୟେୟମଂଜନାଦ୍ରୌ ପୁଂସାଂ ପୂର୍ଵତନପୁଣ୍ୟପରିପାକମ୍ ॥ 3 ॥
ମରତକମେଚକରୁଚିନା ମଦନାଜ୍ଞାଗଂଧିମଧ୍ୟହୃଦୟେନ ।
ଵୃଷଶୈଲମୌଲିସୁହୃଦା ମହସା କେନାପି ଵାସିତଂ ଜ୍ଞେୟମ୍ ॥ 4 ॥
ପତ୍ୟୈ ନମୋ ଵୃଷାଦ୍ରେଃ କରୟୁଗପରିକର୍ମଶଂଖଚକ୍ରାୟ ।
ଇତରକରକମଲୟୁଗଳୀଦର୍ଶିତ-କଟିବଂଧଦାନମୁଦ୍ରାୟ ॥ 5 ॥
ସାମ୍ରାଜ୍ୟପିଶୁନମକୁଟୀସୁଘଟଲଲାଟାତ୍ ସୁମଂଗଲା ପାଂଗାତ୍ ।
ସ୍ମିତରୁଚିଫୁଲ୍ଲକପୋଲାଦପରୋ ନ ପରୋଽସ୍ତି ଵେଂକଟାଦ୍ରୀଶାତ୍ ॥ 6 ॥
ସର୍ଵାଭରଣଵିଭୂଷିତଦିଵ୍ୟାଵୟଵସ୍ୟ ଵେଂକଟାଦ୍ରିପତେଃ ।
ପଲ୍ଲଵପୁଷ୍ପଵିଭୂଷିତକଲ୍ପତରୋଶ୍ଚାପି କା ଭିଦା ଦୃଷ୍ଟା ॥ 7 ॥
ଲକ୍ଷ୍ମୀଲଲିତପଦାଂବୁଜଲାକ୍ଷାରସରଂଜିତାୟତୋରସ୍କେ ।
ଶ୍ରୀଵେଂକଟାଦ୍ରିନାଥେ ନାଥେ ମମ ନିତ୍ୟମର୍ପିତୋ ଭାରଃ ॥ 8 ॥
ଆର୍ୟାଵୃତ୍ତସମେତା ସପ୍ତଵିଭକ୍ତିର୍ଵୃଷାଦ୍ରିନାଥସ୍ୟ ।
ଵାଦୀଂଦ୍ରଭୀକୃଦାଖ୍ୟୈରାର୍ୟୈ ରଚିତା ଜୟତ୍ଵିୟଂ ସତତମ୍ ॥ 9 ॥
ଇତି ଶ୍ରୀଵେଂକଟେଶଵିଜୟାର୍ୟାସପ୍ତଵିଭକ୍ତି ସ୍ତୋତ୍ରଂ ସଂପୂର୍ଣମ୍ ।
