શ્રીવેંકટાદ્રિધામા ભૂમા ભૂમાપ્રિયઃ કૃપાસીમા ।
નિરવધિકનિત્યમહિમા ભવતુ જયી પ્રણતદર્શિતપ્રેમા ॥ 1 ॥
જય જનતા વિમલીકૃતિસફલીકૃતસકલમંગળાકાર ।
વિજયી ભવ વિજયી ભવ વિજયી ભવ વેંકટાચલાધીશ ॥ 2 ॥
કમનીયમંદહસિતં કંચન કંદર્પકોટિલાવણ્યમ્ ।
પશ્યેયમંજનાદ્રૌ પુંસાં પૂર્વતનપુણ્યપરિપાકમ્ ॥ 3 ॥
મરતકમેચકરુચિના મદનાજ્ઞાગંધિમધ્યહૃદયેન ।
વૃષશૈલમૌલિસુહૃદા મહસા કેનાપિ વાસિતં જ્ઞેયમ્ ॥ 4 ॥
પત્યૈ નમો વૃષાદ્રેઃ કરયુગપરિકર્મશંખચક્રાય ।
ઇતરકરકમલયુગળીદર્શિત-કટિબંધદાનમુદ્રાય ॥ 5 ॥
સામ્રાજ્યપિશુનમકુટીસુઘટલલાટાત્ સુમંગલા પાંગાત્ ।
સ્મિતરુચિફુલ્લકપોલાદપરો ન પરોઽસ્તિ વેંકટાદ્રીશાત્ ॥ 6 ॥
સર્વાભરણવિભૂષિતદિવ્યાવયવસ્ય વેંકટાદ્રિપતેઃ ।
પલ્લવપુષ્પવિભૂષિતકલ્પતરોશ્ચાપિ કા ભિદા દૃષ્ટા ॥ 7 ॥
લક્ષ્મીલલિતપદાંબુજલાક્ષારસરંજિતાયતોરસ્કે ।
શ્રીવેંકટાદ્રિનાથે નાથે મમ નિત્યમર્પિતો ભારઃ ॥ 8 ॥
આર્યાવૃત્તસમેતા સપ્તવિભક્તિર્વૃષાદ્રિનાથસ્ય ।
વાદીંદ્રભીકૃદાખ્યૈરાર્યૈ રચિતા જયત્વિયં સતતમ્ ॥ 9 ॥
ઇતિ શ્રીવેંકટેશવિજયાર્યાસપ્તવિભક્તિ સ્તોત્રં સંપૂર્ણમ્ ।
