ශ්රීවසිෂ්ඨ උවාච ।
භගවන් කේන විධිනා නාමභිර්වේංකටේශ්වරම් ।
පූජයාමාස තං දේවං බ්රහ්මා තු කමලෛඃ ශුභෛඃ ॥ 1 ॥

පෘච්ඡාමි තානි නාමානි ගුණයෝගපරාණි කිම් ।
මුඛ්යවෘත්තීනි කිං බ්රූහි ලක්ෂකාණ්යථවා හරේඃ ॥ 2 ॥

නාරද උවාච ।
නාමාන්යනංතානි හරේඃ ගුණයෝගානි කානි චිත් ।
මුඛ්යවෘත්තීනි චාන්යානි ලක්ෂකාණ්යපරාණි ච ॥ 3 ॥

පරමාර්ථෛඃ සර්වශබ්දෛරේකෝ ජ්ඤේයඃ පරඃ පුමාන් ।
ආදිමධ්යාංතරහිතස්ත්වව්යක්තෝऽනංතරූපභෘත් ॥ 4 ॥

චංද්රාර්කවහ්නිවාය්වාද්යා ග්රහර්ක්ෂාණි නභෝ දිශඃ ।
අන්වයව්යතිරේකාභ්යාං සංති නෝ සංති යන්මතේඃ ॥ 5 ॥

තස්ය දේවස්ය නාම්නාං හි පාරං ගංතුං හි කඃ ක්ෂමඃ ।
තථාऽපි චාභිධානානි වේංකටේශස්ය කානිචිත් ॥ 6 ॥

බ්රහ්මගීතානි පුණ්යානි තානි වක්ෂ්යාමි සුව්රත ।
යදුච්චාරණමාත්රේණ විමුක්තාඝඃ පරං ව්රජේත් ॥ 7 ॥

වේංකටේශස්ය නාම්නාං හි සහස්රස්ය ඍෂිර්විධිඃ ।
ඡංදෝऽනුෂ්ටුප්තථා දේවඃ ශ්රීවත්සාංකෝ රමාපතිඃ ॥ 8 ॥

බීජභූතස්තථෝංකාරෝ හ්රීං ක්ලීං ශක්තිශ්ච කීලකම් ।
ඕං නමෝ වේංකටේශායේත්යාදිර්මංත්රෝऽත්ර කථ්යතේ ॥ 9 ॥

බ්රහ්මාංඩගර්භඃ කවචමස්ත්රං චක්රගදාධරඃ ।
විනියෝගෝऽභීෂ්ටසිද්ධෞ හෘදයං සාමගායනඃ ॥ 10 ॥

අස්ය ශ්රී වේංකටේශ සහස්රනාම ස්තෝත්ර මහාමංත්රස්ය බ්රහ්මා ඍෂිඃ අනුෂ්ටුප් ඡංදඃ ශ්රීවත්සාංකෝ රමාපතිර්දේවතා ඕං බීජං හ්රීං ශක්තිඃ ක්ලීං කීලකං බ්රහ්මාංඩගර්භ ඉති කවචං චක්රගදාධර ඉත්යස්ත්රං සාමගානමිති හෘදයං ඕං නමෝ වේංකටේශායේත්යාදිර්මංත්රඃ ශ්රී වේංකටේශ ප්රීත්යර්ථේ ජපේ විනියෝගඃ ॥

ධ්යානම්
භාස්වච්චංද්රමසෞ යදීයනයනේ භාර්යා යදීයා රමා
යස්මාද්විශ්වසෘඩප්යභූද්යමිකුලං යද්ධ්යානයුක්තං සදා
නාථෝ යෝ ජගතාං නගේංද්රදුහිතුර්නාථෝऽපි යද්භක්තිමාන්
තාතෝ යෝ මදනස්ය යෝ දුරිතහා තං වේංකටේශං භජේ ॥

ඌර්ධ්වෞ හස්තෞ යදීයෞ සුරරිපුදළනේ බිභ්රතෞ ශංඛචක්රේ
සේව්යාවංඝ්රී ස්වකීයාවභිදධදධරෝ දක්ෂිණෝ යස්ය පාණිඃ ।
තාවන්මාත්රං භවාබ්ධිං ගමයති භජතාමූරුගෝ වාමපාණිඃ
ශ්රීවත්සාංකශ්ච ලක්ෂ්මීර්යදුරසි ලසතස්තං භජේ වේංකටේශම් ॥

ඉති ධ්යායන් වේංකටේශං ශ්රීවත්සාංකං රමාපතිම් ।
වේංකටේශෝ විරූපාක්ෂ ඉත්යාරභ්ය ජපේත්ක්රමාත් ॥

ස්තෝත්රං
ඕං වේංකටේශෝ විරූපාක්ෂෝ විශ්වේශෝ විශ්වභාවනඃ ।
විශ්වසෘඩ්විශ්වසංහර්තා විශ්වප්රාණෝ විරාඩ්වපුඃ ॥ 1 ॥

ශේෂාද්රිනිලයෝऽශේෂභක්තදුඃඛප්රණාශනඃ ।
ශේෂස්තුත්යඃ ශේෂශායී විශේෂජ්ඤෝ විභුඃ ස්වභූඃ ॥ 2 ॥

විෂ්ණුර්ජිෂ්ණුශ්ච වර්ධිෂ්ණුරුත්සහිෂ්ණුඃ සහිෂ්ණුකඃ ।
භ්රාජිෂ්ණුශ්ච ග්රසිෂ්ණුශ්ච වර්තිෂ්ණුශ්ච භරිෂ්ණුකඃ ॥ 3 ॥

කාලයංතා කාලගෝප්තා කාලඃ කාලාංතකෝऽඛිලඃ ।
කාලගම්යඃ කාලකංඨවංද්යඃ කාලකලේශ්වරඃ ॥ 4 ॥

ශංභුඃ ස්වයංභූරංභෝජනාභිඃ ස්තංභිතවාරිධිඃ ।
අංභෝධිනංදිනීජානිඃ ශෝණාංභෝජපදප්රභඃ ॥ 5 ॥

කංබුග්රීවඃ ශංබරාරිරූපඃ ශංබරජේක්ෂණඃ ।
බිංබාධරෝ බිංබරූපී ප්රතිබිංබක්රියාතිගඃ ॥ 6 ॥

ගුණවාන් ගුණගම්යශ්ච ගුණාතීතෝ ගුණප්රියඃ ।
දුර්ගුණධ්වංසකෘත්සර්වසුගුණෝ ගුණභාසකඃ ॥ 7 ॥

පරේශඃ පරමාත්මා ච පරංජ්යෝතිඃ පරා ගතිඃ ।
පරං පදං වියද්වාසාඃ පාරංපර්යශුභප්රදඃ ॥ 8 ॥

බ්රහ්මාංඩගර්භෝ බ්රහ්මණ්යෝ බ්රහ්මසෘඩ්බ්රහ්මබෝධිතඃ ।
බ්රහ්මස්තුත්යෝ බ්රහ්මවාදී බ්රහ්මචර්යපරායණඃ ॥ 9 ॥

සත්යව්රතාර්ථසංතුෂ්ටඃ සත්යරූපී ඣෂාංගවාන් ।
සෝමකප්රාණහාරී චාऽऽනීතාම්නායෝऽබ්ධිසංචරඃ ॥ 10 ॥

දේවාසුරවරස්තුත්යඃ පතන්මංදරධාරකඃ ।
ධන්වංතරිඃ කච්ඡපාංගඃ පයෝනිධිවිමංථකඃ ॥ 11 ॥

අමරාමෘතසංධාතා ධෘතසං‍මෝහිනීවපුඃ ।
හරමෝහකමායාවී රක්ෂස්සංදෝහභංජනඃ ॥ 12 ॥

හිරණ්යාක්ෂවිදාරී ච යජ්ඤෝ යජ්ඤවිභාවනඃ ।
යජ්ඤීයෝර්වීසමුද්ධර්තා ලීලාක්රෝඩඃ ප්රතාපවාන් ॥ 13 ॥

දංඩකාසුරවිධ්වංසී වක්රදංෂ්ට්රඃ ක්ෂමාධරඃ ।
ගංධර්වශාපහරණඃ පුණ්යගංධෝ විචක්ෂණඃ ॥ 14 ॥

කරාලවක්ත්රඃ සෝමාර්කනේත්රඃ ෂඩ්ගුණවෛභවඃ ।
ශ්වේතඝෝණී ඝූර්ණිතභ්රූර්ඝුර්ඝුරධ්වනිවිභ්රමඃ ॥ 15 ॥

ද්රාඝීයාන් නීලකේශී ච ජාග්රදංබුජලෝචනඃ ।
ඝෘණාවාන් ඝෘණිසම්මෝහෝ මහාකාලාග්නිදීධිතිඃ ॥ 16 ॥

ජ්වාලාකරාළවදනෝ මහෝල්කාකුලවීක්ෂණඃ ।
සටානිර්භින්නමේඝෞඝෝ දංෂ්ට්රාරුග්ව්යාප්තදික්තටඃ ॥ 17 ॥

උච්ඡ්වාසාකෘෂ්ටභූතේශෝ නිශ්ශ්වාසත්යක්තවිශ්වසෘට් ।
අංතර්භ්රමජ්ජගද්ගර්භෝऽනංතෝ බ්රහ්මකපාලහෘත් ॥ 18 ॥

උග්රෝ වීරෝ මහාවිෂ්ණුර්ජ්වලනඃ සර්වතෝමුඛඃ ।
නෘසිංහෝ භීෂණෝ භද්රෝ මෘත්යුමෘත්යුඃ සනාතනඃ ॥ 19 ॥

සභාස්තංභෝද්භවෝ භීමඃ ශීරෝමාලී මහේශ්වරඃ ।
ද්වාදශාදිත්යචූඩාලඃ කල්පධූමසටාච්ඡවිඃ ॥ 20 ॥

හිරණ්යකෝරඃස්ථලභින්නඛඃ සිංහමුඛෝऽනඝඃ ।
ප්රහ්ලාදවරදෝ ධීමාන් භක්තසංඝප්රතිෂ්ඨිතඃ ॥ 21 ॥

බ්රහ්මරුද්රාදිසංසේව්යඃ සිද්ධසාධ්යප්රපූජිතඃ ।
ලක්ෂ්මීනෘසිංහෝ දේවේශෝ ජ්වාලාජිහ්වාංත්රමාලිකඃ ॥ 22 ॥

ඛඩ්ගී ඛේටී මහේෂ්වාසී කපාලී මුසලී හලී ।
පාශී ශූලී මහාබාහුර්ජ්වරඝ්නෝ රෝගලුංඨකඃ ॥ 23 ॥

මෞංජීයුක් ඡාත්රකෝ දංඩී කෘෂ්ණාජිනධරෝ වටුඃ ।
අධීතවේදෝ වේදාංතෝද්ධාරකෝ බ්රහ්මනෛෂ්ඨිකඃ ॥ 24 ॥

අහීනශයනප්රීතඃ ආදිතේයෝऽනඝෝ හරිඃ ।
සංවිත්ප්රියඃ සාමවේද්යෝ බලිවේශ්මප්රතිෂ්ඨිතඃ ॥ 25 ॥

බලික්ෂාලිතපාදාබ්ජෝ විංධ්යාවලිවිමානිතඃ ।
ත්රිපාදභූමිස්වීකර්තා විශ්වරූපප්රදර්ශකඃ ॥ 26 ॥

ධෘතත්රිවික්රමඃ ස්වාංඝ්රිනඛභින්නාංඩඛර්පරඃ ।
පජ්ජාතවාහිනීධාරාපවිත්රිතජගත්ත්රයඃ ॥ 27 ॥

විධිසම්මානිතඃ පුණ්යෝ දෛත්යයෝද්ධා ජයෝර්ජිතඃ ।
සුරරාජ්යප්රදඃ ශුක්රමදහෘත්සුගතීශ්වරඃ ॥ 28 ॥

ජාමදග්න්යඃ කුඨාරී ච කාර්තවීර්යවිදාරණඃ ।
රේණුකායාඃ ශිරෝහාරී දුෂ්ටක්ෂත්රියමර්දනඃ ॥ 29 ॥

වර්චස්වී දානශීලශ්ච ධනුෂ්මාන් බ්රහ්මවිත්තමඃ ।
අත්යුදග්රඃ සමග්රශ්ච න්යග්රෝධෝ දුෂ්ටනිග්රහඃ ॥ 30 ॥

රවිවංශසමුද්භූතෝ රාඝවෝ භරතාග්රජඃ ।
කෞසල්යාතනයෝ රාමෝ විශ්වාමිත්රප්රියංකරඃ ॥ 31 ॥

තාටකාරිඃ සුබාහුඝ්නෝ බලාතිබලමංත්රවාන් ।
අහල්යාශාපවිච්ඡේදී ප්රවිෂ්ටජනකාලයඃ ॥ 32 ॥

ස්වයංවරසභාසංස්ථ ඊශචාපප්රභංජනඃ ।
ජානකීපරිණේතා ච ජනකාධීශසංස්තුතඃ ॥ 33 ॥

ජමදග්නිතනූජාතයෝද්ධාऽයෝධ්යාධිපාග්රණීඃ ।
පිතෘවාක්යප්රතීපාලස්ත්යක්තරාජ්යඃ සලක්ෂ්මණඃ ॥ 34 ॥

සසීතශ්චිත්රකූටස්ථෝ භරතාහිතරාජ්යකඃ ।
කාකදර්පප්රහර්තා ච දංඩකාරණ්යවාසකඃ ॥ 35 ॥

පංචවට්යාං විහාරී ච ස්වධර්මපරිපෝෂකඃ ।
විරාධහාऽගස්ත්යමුඛ්යමුනිසම්මානිතඃ පුමාන් ॥ 36 ॥

ඉංද්රචාපධරඃ ඛඩ්ගධරශ්චාක්ෂයසායකඃ ।
ඛරාංතකෝ දූෂණාරිස්ත්රිශිරස්කරිපුර්වෘෂඃ ॥ 37 ॥

තතඃ ශූර්පණඛානාසාච්ඡේත්තා වල්කලධාරකඃ ।
ජටාවාන් පර්ණශාලාස්ථෝ මාරීචබලමර්දකඃ ॥ 38 ॥

පක්ෂිරාට්කෘතසංවාදෝ රවිතේජා මහාබලඃ ।
ශබර්යානීතඵලභුක් හනූමත්පරිතෝෂිතඃ ॥ 39 ॥

සුග්රීවාऽභයදෝ දෛත්යකායක්ෂේපණභාසුරඃ ।
සප්තතාලසමුච්ඡේත්තා වාලිහෘත්කපිසංවෘතඃ ॥ 40 ॥

වායුසූනුකෘතාසේවස්ත්යක්තපංපඃ කුශාසනඃ ।
උදන්වත්තීරගඃ ශූරෝ විභීෂණවරප්රදඃ ॥ 41 ॥

සේතුකෘද්දෛත්යහා ප්රාප්තලංකෝऽලංකාරවාන් ස්වයම් ।
අතිකායශිරශ්ඡේත්තා කුංභකර්ණවිභේදනඃ ॥ 42 ॥

දශකංඨශිරෝධ්වංසී ජාංබවත්ප්රමුඛාවෘතඃ ।
ජානකීශඃ සුරාධ්යක්ෂඃ සාකේතේශඃ පුරාතනඃ ॥ 43 ॥

පුණ්යශ්ලෝකෝ වේදවේද්යඃ ස්වාමිතීර්ථනිවාසකඃ ।
ලක්ෂ්මීසරඃකේළිලෝලෝ ලක්ෂ්මීශෝ ලෝකරක්ෂකඃ ॥ 44 ॥

දේවකීගර්භසංභූතෝ යශෝදේක්ෂණලාලිතඃ ।
වසුදේවකෘතස්තෝත්රෝ නංදගෝපමනෝහරඃ ॥ 45 ॥

චතුර්භුජඃ කෝමලාංගෝ ගදාවාන්නීලකුංතලඃ ।
පූතනාප්රාණසංහර්තා තෘණාවර්තවිනාශනඃ ॥ 46 ॥

ගර්ගාරෝපිතනාමාංකෝ වාසුදේවෝ හ්යධෝක්ෂජඃ ।
ගෝපිකාස්තන්යපායී ච බලභද්රානුජෝऽච්යුතඃ ॥ 47 ॥

වෛයාඝ්රනඛභූෂශ්ච වත්සජිද්වත්සවර්ධනඃ ।
ක්ෂීරසාරාශනරතෝ දධිභාංඩප්රමර්දනඃ ॥ 48 ॥

නවනීතාපහර්තා ච නීලනීරදභාසුරඃ ।
ආභීරදෘෂ්ටදෞර්ජන්යෝ නීලපද්මනිභානනඃ ॥ 49 ॥

මාතෘදර්ශිතවිශ්වාऽऽස්ය උලූඛලනිබංධනඃ ।
නලකූබරශාපාංතෝ ගෝධූළිච්ඡුරිතාංගකඃ ॥ 50 ॥

ගෝසංඝරක්ෂකඃ ශ්රීශෝ බෘංදාරණ්යනිවාසකඃ ।
වත්සාංතකෝ බකද්වේෂී දෛත්යාංබුදමහානිලඃ ॥ 51 ॥

මහාජගරචංඩාග්නිඃ ශකටප්රාණකංටකඃ ।
ඉංද්රසේව්යඃ පුණ්යගාත්රඃ ඛරජිච්චංඩදීධිතිඃ ॥ 52 ॥

තාලපක්වඵලාශී ච කාළීයඵණිදර්පහා ।
නාගපත්නීස්තුතිප්රීතඃ ප්රලංබාසුරඛංඩනඃ ॥ 53 ॥

දාවාග්නිබලසංහාරී ඵලාහාරී ගදාග්රජඃ ।
ගෝපාංගනාචේලචෝරඃ පාථෝලීලාවිශාරදඃ ॥ 54 ॥

වංශගානප්රවීණශ්ච ගෝපීහස්තාංබුජාර්චිතඃ ।
මුනිපත්න්යාහෘතාහාරෝ මුනිශ්රේෂ්ඨෝ මුනිප්රියඃ ॥ 55 ॥

ගෝවර්ධනාද්රිසංධර්තා සංක්රංදනතමෝऽපහඃ ।
සදුද්යානවිලාසී ච රාසක්රීඩාපරායණඃ ॥ 56 ॥

වරුණාභ්යර්චිතෝ ගෝපීප්රාර්ථිතඃ පුරුෂෝත්තමඃ ।
අක්රූරස්තුතිසංප්රීතඃ කුබ්ජායෞවනදායකඃ ॥ 57 ॥

මුෂ්ටිකෝරඃප්රහාරී ච චාණූරෝදරදාරණඃ ।
මල්ලයුද්ධාග්රගණ්යශ්ච පිතෘබංධනමෝචකඃ ॥ 58 ॥

මත්තමාතංගපංචාස්යඃ කංසග්රීවානිකෘංතනඃ ।
උග්රසේනප්රතිෂ්ඨාතා රත්නසිංහාසනස්ථිතඃ ॥ 59 ॥

කාලනේමිඛලද්වේෂී මුචුකුංදවරප්රදඃ ।
සාල්වසේවිතදුර්ධර්ෂරාජස්මයනිවාරණඃ ॥ 60 ॥

රුක්මිගර්වාපහාරී ච රුක්මිණීනයනෝත්සවඃ ।
ප්රද්යුම්නජනකඃ කාමී ප්රද්යුම්නෝ ද්වාරකාධිපඃ ॥ 61 ॥

මණ්යාහර්තා මහාමායෝ ජාංබවත්කෘතසංගරඃ ।
ජාංබූනදාංබරධරෝ ගම්යෝ ජාංබවතීවිභුඃ ॥ 62 ॥

කාලිංදීප්රථිතාරාමකේලිර්ගුංජාවතංසකඃ ।
මංදාරසුමනෝභාස්වාන් ශචීශාභීෂ්ටදායකඃ ॥ 63 ॥

සත්රාජින්මානසෝල්ලාසී සත්යාජානිඃ ශුභාවහඃ ।
ශතධන්වහරඃ සිද්ධඃ පාංඩවප්රියකෝත්සවඃ ॥ 64 ॥

භද්රප්රියඃ සුභද්රායා භ්රාතා නාග්නාජිතීවිභුඃ ।
කිරීටකුංඩලධරඃ කල්පපල්ලවලාලිතඃ ॥ 65 ॥

භෛෂ්මීප්රණයභාෂාවාන් මිත්රවිංදාධිපෝऽභයඃ ।
ස්වමූර්තිකේලිසංප්රීතෝ ලක්ෂ්මණෝදාරමානසඃ ॥ 66 ॥

ප්රාග්ජ්යෝතිෂාධිපධ්වංසී තත්සෛන්යාංතකරෝऽමෘතඃ ।
භූමිස්තුතෝ භූරිභෝගෝ භූෂණාංබරසංයුතඃ ॥ 67 ॥

බහුරාමාකෘතාහ්ලාදෝ ගංධමාල්යානුලේපනඃ ।
නාරදාදෘෂ්ටචරිතෝ දේවේශෝ විශ්වරාඩ්ගුරුඃ ॥ 68 ॥

බාණබාහුවිදාරශ්ච තාපජ්වරවිනාශකඃ ।
උෂෝද්ධර්ෂයිතාऽව්යක්තඃ ශිවවාක්තුෂ්ටමානසඃ ॥ 69 ॥

මහේශජ්වරසංස්තුත්යඃ ශීතජ්වරභයාංතකඃ ।
නෘගරාජෝද්ධාරකශ්ච පෞංඩ්රකාදිවධෝද්යතඃ ॥ 70 ॥

විවිධාරිච්ඡලෝද්විග්නබ්රාහ්මණේෂු දයාපරඃ ।
ජරාසංධබලද්වේෂී කේශිදෛත්යභයංකරඃ ॥ 71 ॥

චක්රී චෛද්යාංතකඃ සභ්යෝ රාජබංධවිමෝචකඃ ।
රාජසූයහවිර්භෝක්තා ස්නිග්ධාංගඃ ශුභලක්ෂණඃ ॥ 72 ॥

ධානාභක්ෂණසංප්රීතඃ කුචේලාභීෂ්ටදායකඃ ।
සත්ත්වාදිගුණගංභීරෝ ද්රෞපදීමානරක්ෂකඃ ॥ 73 ॥

භීෂ්මධ්යේයෝ භක්තවශ්යෝ භීමපූජ්යෝ දයානිධිඃ ।
දංතවක්ත්රශිරශ්ඡේත්තා කෘෂ්ණඃ කෘෂ්ණාසඛඃ ස්වරාට් ॥ 74 ॥

වෛජයංතීප්රමෝදී ච බර්හිබර්හවිභූෂණඃ ।
පාර්ථකෞරවසංධානකාරී දුශ්ශාසනාංතකඃ ॥ 75 ॥

බුද්ධෝ විශුද්ධඃ සර්වජ්ඤඃ ක්රතුහිංසාවිනිංදකඃ ।
ත්රිපුරස්ත්රීමානභංගඃ සර්වශාස්ත්රවිශාරදඃ ॥ 76 ॥

නිර්විකාරෝ නිර්මමශ්ච නිරාභාසෝ නිරාමයඃ ।
ජගන්මෝහකධර්මී ච දිග්වස්ත්රෝ දික්පතීශ්වරඃ ॥ 77 ॥

කල්කී ම්ලේච්ඡප්රහර්තා ච දුෂ්ටනිග්රහකාරකඃ ।
ධර්මප්රතිෂ්ටාකාරී ච චාතුර්වර්ණ්යවිභාගකෘත් ॥ 78 ॥

යුගාංතකෝ යුගාක්රාංතෝ යුගකෘද්යුගභාසකඃ ।
කාමාරිඃ කාමකාරී ච නිෂ්කාමඃ කාමිතාර්ථදඃ ॥ 79 ॥

භර්ගෝ වරේණ්යඃ සවිතුඃ ශාරංගී වෛකුංඨමංදිරඃ ।
හයග්රීවඃ කෛටභාරිඃ ග්රාහඝ්නෝ ගජරක්ෂකඃ ॥ 80 ॥

සර්වසංශයවිච්ඡේත්තා සර්වභක්තසමුත්සුකඃ ।
කපර්දී කාමහාරී ච කලා කාෂ්ඨා ස්මෘතිර්ධෘතිඃ ॥ 81 ॥

අනාදිරප්රමේයෞජාඃ ප්රධානඃ සන්නිරූපකඃ ।
නිර්ලේපෝ නිඃස්පෘහෝऽසංගෝ නිර්භයෝ නීතිපාරගඃ ॥ 82 ॥

නිෂ්ප්රේෂ්යෝ නිෂ්ක්රියඃ ශාංතෝ නිෂ්ප්රපංචෝ නිධිර්නයඃ
කර්ම්යකර්මී විකර්මී ච කර්මේප්සුඃ කර්මභාවනඃ ॥ 83 ॥

කර්මාංගඃ කර්මවින්යාසෝ මහාකර්මී මහාව්රතී ।
කර්මභුක්කර්මඵලදඃ කර්මේශඃ කර්මනිග්රහඃ ॥ 84 ॥

නරෝ නාරායණෝ දාංතඃ කපිලඃ කාමදඃ ශුචිඃ ।
තප්තා ජප්තාऽක්ෂමාලාවාන් ගංතා නේතා ලයෝ ගතිඃ ॥ 85 ॥

ශිෂ්ටෝ ද්රෂ්ටා රිපුද්වේෂ්ටා රෝෂ්ටා වේෂ්ටා මහානටඃ ।
රෝද්ධා බෝද්ධා මහායෝද්ධා ශ්රද්ධාවාන් සත්යධීඃ ශුභඃ ॥ 86 ॥

මංත්රී මංත්රෝ මංත්රගම්යෝ මංත්රකෘත්පරමංත්රහෘත් ।
මංත්රභෘන්මංත්රඵලදෝ මංත්රේශෝ මංත්රවිග්රහඃ ॥ 87 ॥

මංත්රාංගෝ මංත්රවින්යාසෝ මහාමංත්රෝ මහාක්රමඃ ।
ස්ථිරධීඃ ස්ථිරවිජ්ඤානඃ ස්ථිරප්රජ්ඤඃ ස්ථිරාසනඃ ॥ 88 ॥

ස්ථිරයෝගඃ ස්ථිරාධාරඃ ස්ථිරමාර්ගඃ ස්ථිරාගමඃ ।
නිශ්ශ්රේයසෝ නිරීහෝऽග්නිර්නිරවද්යෝ නිරංජනඃ ॥ 89 ॥

නිර්වෛරෝ නිරහංකාරෝ නිර්දංභෝ නිරසූයකඃ ।
අනංතෝऽනංතබාහූරුරනංතාංඝ්රිරනංතදෘක් ॥ 90 ॥

අනංතවක්ත්රෝऽනංතාංගෝऽනංතරූපෝ හ්යනංතකෘත් ।
ඌර්ධ්වරේතා ඌර්ධ්වලිංගෝ හ්යූර්ධ්වමූර්ධෝර්ධ්වශාඛකඃ ॥ 91 ॥

ඌර්ධ්ව ඌර්ධ්වාධ්වරක්ෂී ච හ්යූර්ධ්වජ්වාලෝ නිරාකුලඃ ।
බීජං බීජප්රදෝ නිත්යෝ නිදානං නිෂ්කෘතිඃ කෘතී ॥ 92 ॥

මහානණීයන් ගරිමා සුෂමා චිත්රමාලිකඃ ।
නභඃ ස්පෘඞ්නභසෝ ජ්යෝතිර්නභස්වාන්නිර්නභා නභඃ ॥ 93 ॥

අභුර්විභුඃ ප්රභුඃ ශංභුර්මහීයාන් භූර්භුවාකෘතිඃ ।
මහානංදෝ මහාශූරෝ මහෝරාශිර්මහෝත්සවඃ ॥ 94 ॥

මහාක්රෝධෝ මහාජ්වාලෝ මහාශාංතෝ මහාගුණඃ ।
සත්යව්රතඃ සත්යපරඃ සත්යසංධඃ සතාං ගතිඃ ॥ 95 ॥

සත්යේශඃ සත්යසංකල්පඃ සත්යචාරිත්රලක්ෂණඃ ।
අංතශ්චරෝ හ්යංතරාත්මා පරමාත්මා චිදාත්මකඃ ॥ 96 ॥

රෝචනෝ රෝචමානශ්ච සාක්ෂී ශෞරිර්ජනාර්දනඃ ।
මුකුංදෝ නංදනිෂ්පංදඃ ස්වර්ණබිංදුඃ පුරංදරඃ ॥ 97 ॥

අරිංදමඃ සුමංදශ්ච කුංදමංදාරහාසවාන් ।
ස්යංදනාරූඪචංඩාංගෝ හ්යානංදී නංදනංදනඃ ॥ 98 ॥

අනසූයානංදනෝऽත්රිනේත්රානංදඃ සුනංදවාන් ।
ශංඛවාන්පංකජකරඃ කුංකුමාංකෝ ජයාංකුශඃ ॥ 99 ॥

අංභෝජමකරංදාඪ්යෝ නිෂ්පංකෝऽගරුපංකිලඃ ।
ඉංද්රශ්චංද්රරථශ්චංද්රෝऽතිචංද්රශ්චංද්රභාසකඃ ॥ 100 ॥

උපේංද්ර ඉංද්රරාජශ්ච වාගිංද්රශ්චංද්රලෝචනඃ ।
ප්රත්යක් පරාක් පරංධාම පරමාර්ථඃ පරාත්පරඃ ॥ 101 ॥

අපාරවාක් පාරගාමී පාරාවාරඃ පරාවරඃ ।
සහස්වානර්ථදාතා ච සහනඃ සාහසී ජයී ॥ 102 ॥

තේජස්වී වායුවිශිඛී තපස්වී තාපසෝත්තමඃ ।
ඓශ්වර්යෝද්භූතිකෘද්භූතිරෛශ්වර්යාංගකලාපවාන් ॥ 103 ॥

අංභෝධිශායී භගවාන් සර්වජ්ඤඃ සාමපාරගඃ ।
මහායෝගී මහාධීරෝ මහාභෝගී මහාප්රභුඃ ॥ 104 ॥

මහාවීරෝ මහාතුෂ්ටිර්මහාපුෂ්ටිර්මහාගුණඃ ।
මහාදේවෝ මහාබාහුර්මහාධර්මෝ මහේශ්වරඃ ॥ 105 ॥

සමීපගෝ දූරගාමී ස්වර්ගමාර්ගනිරර්ගලඃ ।
නගෝ නගධරෝ නාගෝ නාගේශෝ නාගපාලකඃ ॥ 106 ॥

හිරණ්මයඃ ස්වර්ණරේතා හිරණ්යාර්චිර්හිරණ්යදඃ ।
ගුණගණ්යඃ ශරණ්යශ්ච පුණ්යකීර්තිඃ පුරාණගඃ ॥ 107 ॥

ජන්යභෘජ්ජන්යසන්නද්ධෝ දිව්යපංචායුධෝ වශී ।
දෞර්ජන්යභංගඃ පර්ජන්යඃ සෞජන්යනිලයෝऽලයඃ ॥ 108 ॥

ජලංධරාංතකෝ භස්මදෛත්යනාශී මහාමනාඃ ।
ශ්රේෂ්ඨඃ ශ්රවිෂ්ඨෝ ද්රාඝිෂ්ඨෝ ගරිෂ්ඨෝ ගරුඩධ්වජඃ ॥ 109 ॥

ජ්යේෂ්ඨෝ ද්රඪිෂ්ඨෝ වර්ෂිෂ්ඨෝ ද්රාඝීයාන් ප්රණවඃ ඵණී ।
සංප්රදායකරඃ ස්වාමී සුරේශෝ මාධවෝ මධුඃ ॥ 110 ॥

නිර්නිමේෂෝ විධිර්වේධා බලවාන් ජීවනං බලී ।
ස්මර්තා ශ්රෝතා විකර්තා ච ධ්යාතා නේතා සමෝऽසමඃ ॥ 111 ॥

හෝතා පෝතා මහාවක්තා රංතා මංතා ඛලාංතකඃ ।
දාතා ග්රාහයිතා මාතා නියංතාऽනංතවෛභවඃ ॥ 112 ॥

ගෝප්තා ගෝපයිතා හංතා ධර්මජාගරිතා ධවඃ ।
කර්තා ක්ෂේත්රකරඃ ක්ෂේත්රප්රදඃ ක්ෂේත්රජ්ඤ ආත්මවිත් ॥ 113 ॥

ක්ෂේත්රී ක්ෂේත්රහරඃ ක්ෂේත්රප්රියඃ ක්ෂේමකරෝ මරුත් ।
භක්තිප්රදෝ මුක්තිදායී ශක්තිදෝ යුක්තිදායකඃ ॥ 114 ॥

ශක්තියුඞ්මෞක්තිකස්රග්වී සූක්තිරාම්නායසූක්තිගඃ ।
ධනංජයෝ ධනාධ්යක්ෂෝ ධනිකෝ ධනදාධිපඃ ॥ 115 ॥

මහාධනෝ මහාමානී දුර්යෝධනවිමානිතඃ ।
රත්නාකරෝ රත්නරෝචී රත්නගර්භාශ්රයඃ ශුචිඃ ॥ 116 ॥

රත්නසානුනිධිර්මෞළිරත්නභා රත්නකංකණඃ ।
අංතර්ලක්ෂ්යෝऽංතරභ්යාසී චාංතර්ධ්යේයෝ ජිතාසනඃ ॥ 117 ॥

අංතරංගෝ දයාවාංශ්ච හ්යංතර්මායෝ මහාර්ණවඃ ।
සරසඃ සිද්ධරසිකඃ සිද්ධිඃ සාධ්යඃ සදාගතිඃ ॥ 118 ॥

ආයුඃප්රදෝ මහායුෂ්මානර්චිෂ්මානෝෂධීපතිඃ ।
අෂ්ටශ්රීරෂ්ටභාගෝऽෂ්ටකකුබ්ව්යාප්තයශෝ ව්රතී ॥ 119 ॥

අෂ්ටාපදඃ සුවර්ණාභෝ හ්යෂ්ටමූර්තිස්ත්රිමූර්තිමාන් ।
අස්වප්නඃ ස්වප්නගඃ ස්වප්නඃ සුස්වප්නඵලදායකඃ ॥ 120 ॥

දුඃස්වප්නධ්වංසකෝ ධ්වස්තදුර්නිමිත්තඃ ශිවංකරඃ ।
සුවර්ණවර්ණඃ සංභාව්යෝ වර්ණිතෝ වර්ණසම්මුඛඃ ॥ 121 ॥

සුවර්ණමුඛරීතීරශිවධ්යාතපදාංබුජඃ ।
දාක්ෂායණීවචස්තුෂ්ටෝ දූර්වාසෝදෘෂ්ටිගෝචරඃ ॥ 122 ॥

අංබරීෂව්රතප්රීතෝ මහාකෘත්තිවිභංජනඃ ।
මහාභිචාරකධ්වංසී කාලසර්පභයාංතකඃ ॥ 123 ॥

සුදර්ශනඃ කාලමේඝශ්යාමඃ ශ්රීමංත්රභාවිතඃ ।
හේමාංබුජසරඃස්නායී ශ්රීමනෝභාවිතාකෘතිඃ ॥ 124 ॥

ශ්රීප්රදත්තාංබුජස්රග්වී ශ්රීකේළිඃ ශ්රීනිධිර්භවඃ ।
ශ්රීප්රදෝ වාමනෝ ලක්ෂ්මීනායකශ්ච චතුර්භුජඃ ॥ 125 ॥

සංතෘප්තස්තර්පිතස්තීර්ථස්නාතෘසෞඛ්යප්රදර්ශකඃ ।
අගස්ත්යස්තුතිසංහෘෂ්ටෝ දර්ශිතාව්යක්තභාවනඃ ॥ 126 ॥

කපිලාර්චිඃ කපිලවාන් සුස්නාතාඝවිපාටනඃ ।
වෘෂාකපිඃ කපිස්වාමිමනෝऽංතඃස්ථිතවිග්රහඃ ॥ 127 ॥

වහ්නිප්රියෝऽර්ථසංභාව්යෝ ජනලෝකවිධායකඃ ।
වහ්නිප්රභෝ වහ්නිතේජාඃ ශුභාභීෂ්ටප්රදෝ යමී ॥ 128 ॥

වාරුණක්ෂේත්රනිලයෝ වරුණෝ වාරණාර්චිතඃ ।
වායුස්ථානකෘතාවාසෝ වායුගෝ වායුසංභෘතඃ ॥ 129 ॥

යමාංතකෝऽභිජනනෝ යමලෝකනිවාරණඃ ।
යමිනාමග්රගණ්යශ්ච සංයමී යමභාවිතඃ ॥ 130 ॥

ඉංද්රෝද්යානසමීපස්ථඃ ඉංද්රදෘග්විෂයඃ ප්රභුඃ ।
යක්ෂරාට් සරසීවාසෝ හ්යක්ෂය්යනිධිකෝශකෘත් ॥ 131 ॥

ස්වාමිතීර්ථකෘතාවාසඃ ස්වාමිධ්යේයෝ හ්යධෝක්ෂජඃ ।
වරාහාද්යෂ්ටතීර්ථාභිසේවිතාංඝ්රිසරෝරුහඃ ॥ 132 ॥

පාංඩුතීර්ථාභිෂික්තාංගෝ යුධිෂ්ඨිරවරප්රදඃ ।
භීමාංතඃකරණාරූඪඃ ශ්වේතවාහනසඛ්යවාන් ॥ 133 ॥

නකුලාභයදෝ මාද්රීසහදේවාභිවංදිතඃ ।
කෘෂ්ණාශපථසංධාතා කුංතීස්තුතිරතෝ දමී ॥ 134 ॥

නාරදාදිමුනිස්තුත්යෝ නිත්යකර්මපරායණඃ ।
දර්ශිතාව්යක්තරූපශ්ච වීණානාදප්රමෝදිතඃ ॥ 135 ॥

ෂට්කෝටිතීර්ථචර්යාවාන් දේවතීර්ථකෘතාශ්රමඃ ।
බිල්වාමලජලස්නායී සරස්වත්යංබුසේවිතඃ ॥ 136 ॥

තුංබුරූදකසංස්පර්ශජනචිත්තතමෝऽපහඃ ।
මත්ස්යවාමනකූර්මාදිතීර්ථරාජඃ පුරාණභෘත් ॥ 137 ॥

චක්රධ්යේයපදාංභෝජඃ ශංඛපූජිතපාදුකඃ ।
රාමතීර්ථවිහාරී ච බලභද්රප්රතිෂ්ඨිතඃ ॥ 138 ॥

ජාමදග්න්යසරස්තීර්ථජලසේචනතර්පිතඃ ।
පාපාපහාරිකීලාලසුස්නාතාඝවිනාශනඃ ॥ 139 ॥

නභෝගංගාභිෂික්තශ්ච නාගතීර්ථාභිෂේකවාන් ।
කුමාරධාරාතීර්ථස්ථෝ වටුවේෂඃ සුමේඛලඃ ॥ 140 ॥

වෘද්ධස්ය සුකුමාරත්වප්රදඃ සෞංදර්යවාන් සුඛී ।
ප්රියංවදෝ මහාකුක්ෂිරික්ෂ්වාකුකුලනංදනඃ ॥ 141 ॥

නීලගෝක්ෂීරධාරාභූර්වරාහාචලනායකඃ ।
භරද්වාජප්රතිෂ්ඨාවාන් බෘහස්පතිවිභාවිතඃ ॥ 142 ॥

අංජනාකෘතපූජාවාන් ආංජනේයකරාර්චිතඃ ।
අංජනාද්රිනිවාසශ්ච මුංජකේශඃ පුරංදරඃ ॥ 143 ॥

කින්නරද්වයසංබංධිබංධමෝක්ෂප්රදායකඃ ।
වෛඛානසමඛාරංභෝ වෘෂජ්ඤේයෝ වෘෂාචලඃ ॥ 144 ॥

වෘෂකායප්රභේත්තා ච ක්රීඩනාචාරසංභ්රමඃ ।
සෞවර්චලේයවින්යස්තරාජ්යෝ නාරායණඃ ප්රියඃ ॥ 145 ॥

දුර්මේධෝභංජකඃ ප්රාජ්ඤෝ බ්රහ්මෝත්සවමහෝත්සුකඃ ।
භද්රාසුරශිරශ්ඡේත්තා භද්රක්ෂේත්රී සුභද්රවාන් ॥ 146 ॥

මෘගයාऽක්ෂීණසන්නාහඃ ශංඛරාජන්යතුෂ්ටිදඃ ।
ස්ථාණුස්ථෝ වෛනතේයාංගභාවිතෝ හ්යශරීරවාන් ॥ 147 ॥

භෝගීංද්රභෝගසංස්ථානෝ බ්රහ්මාදිගණසේවිතඃ ।
සහස්රාර්කච්ඡටාභාස්වද්විමානාංතඃස්ථිතෝ ගුණී ॥ 148 ॥

විෂ්වක්සේනකෘතස්තෝත්රඃ සනංදනවරීවෘතඃ ।
ජාහ්නව්යාදිනදීසේව්යඃ සුරේශාද්යභිවංදිතඃ ॥ 149 ॥

සුරාංගනානෘත්යපරෝ ගංධර්වෝද්ගායනප්රියඃ ।
රාකේංදුසංකාශනඛඃ කෝමලාංඝ්රිසරෝරුහඃ ॥ 150 ॥

කච්ඡපප්රපදඃ කුංදගුල්ඵකඃ ස්වච්ඡකූර්පරඃ ।
මේදුරස්වර්ණවස්ත්රාඪ්යකටිදේශස්ථමේඛලඃ ॥ 151 ॥

ප්රෝල්ලසච්ඡුරිකාභාස්වත්කටිදේශඃ ශුභංකරඃ ।
අනංතපද්මජස්ථානනාභිර්මෞක්තිකමාලිකඃ ॥ 152 ॥

මංදාරචාංපේයමාලී රත්නාභරණසංභෘතඃ ।
ලංබයජ්ඤෝපවීතී ච චංද්රශ්රීඛංඩලේපවාන් ॥ 153 ॥

වරදෝऽභයදශ්චක්රී ශංඛී කෞස්තුභදීප්තිමාන් ।
ශ්රීවත්සාංකිතවක්ෂස්කෝ ලක්ෂ්මීසංශ්රිතහෘත්තටඃ ॥ 154 ॥

නීලෝත්පලනිභාකාරඃ ශෝණාංභෝජසමානනඃ ।
කෝටිමන්මථලාවණ්යශ්චංද්රිකාස්මිතපූරිතඃ ॥ 155 ॥

සුධාස්වච්ඡෝර්ධ්වපුංඩ්රශ්ච කස්තූරීතිලකාංචිතඃ ।
පුංඩරීකේක්ෂණඃ ස්වච්ඡෝ මෞලිශෝභාවිරාජිතඃ ॥ 156 ॥

පද්මස්ථඃ පද්මනාභශ්ච සෝමමංඩලගෝ බුධඃ ।
වහ්නිමංඩලගඃ සූර්යඃ සූර්යමංඩලසංස්ථිතඃ ॥ 157 ॥

ශ්රීපතිර්භූමිජානිශ්ච විමලාද්යභිසංවෘතඃ ।
ජගත්කුටුංබජනිතා රක්ෂකඃ කාමිතප්රදඃ ॥ 158 ॥

අවස්ථාත්රයයංතා ච විශ්වතේජස්ස්වරූපවාන් ।
ජ්ඤප්තිර්ජ්ඤේයෝ ජ්ඤානගම්යෝ ජ්ඤානාතීතඃ සුරාතිගඃ ॥ 159 ॥

බ්රහ්මාංඩාංතර්බහිර්ව්යාප්තෝ වේංකටාද්රිගදාධරඃ ।
වේංකටාද්රිගදාධර ඕං නමඃ ඉති ॥
ඒවං ශ්රීවේංකටේශස්ය කීර්තිතං පරමාද්භුතම් ॥ 160 ॥

නාම්නාං සහස්රං සංශ්රාව්යං පවිත්රං පුණ්යවර්ධනම් ।
ශ්රවණාත්සර්වදෝෂඝ්නං රෝගඝ්නං මෘත්යුනාශනම් ॥ 1 ॥

දාරිද්ර්යභේදනං ධර්ම්යං සර්වෛශ්වර්යඵලප්රදම් ।
කාලාහිවිෂවිච්ඡේදි ජ්වරාපස්මාරභංජනම් ॥ 2 ॥

[ශත්රුක්ෂයකරං රාජග්රහපීඩානිවාරණම් ।
බ්රහ්මරාක්ෂසකූෂ්මාංඩභේතාලභයභංජනම් ॥]

විද්යාභිලාෂී විද්යාවාන් ධනාර්ථී ධනවාන් භවේත් ।
අනංතකල්පජීවී ස්යාදායුෂ්කාමෝ මහායශාඃ ॥ 3 ॥

පුත්රාර්ථී සුගුණාන්පුත්රාන් ලභේතාऽऽයුෂ්මතස්තතඃ ।
සංග්රාමේ ශත්රුවිජයී සභායාං ප්රතිවාදිජිත් ॥ 4 ॥

දිව්යෛර්නාමභිරේභිස්තු තුලසීපූජනාත්සකෘත් ।
වෛකුංඨවාසී භගවත්සදෘශෝ විෂ්ණුසන්නිධෞ ॥ 5 ॥

කල්හාරපූජනාන්මාසාත් ද්විතීය ඉව යක්ෂරාට් ।
නීලෝත්පලාර්චනාත්සර්වරාජපූජ්යඃ සදා භවේත් ॥ 6 ॥

හෘත්සංස්ථිතෛර්නාමභිස්තු භූයාද්දෘග්විෂයෝ හරිඃ ।
වාංඡිතාර්ථං තදා දත්වා වෛකුංඨං ච ප්රයච්ඡති ॥ 7 ॥

ත්රිසංධ්යං යෝ ජපේන්නිත්යං සංපූජ්ය විධිනා විභුම් ।
ත්රිවාරං පංචවාරං වා ප්රත්යහං ක්රමශෝ යමී ॥ 8 ॥

මාසාදලක්ෂ්මීනාශඃ ස්යාත් ද්විමාසාත් ස්යාන්නරේංද්රතා ।
ත්රිමාසාන්මහදෛශ්වර්යං තතඃ සංභාෂණං භවේත් ॥ 9 ॥

මාසං පඨන්න්යූනකර්මපූර්තිං ච සමවාප්නුයාත් ।
මාර්ගභ්රෂ්ටශ්ච සන්මාර්ගං ගතස්වඃ ස්වං ස්වකීයකම් ॥ 10 ॥

චාංචල්යචිත්තෝऽචාංචල්යං මනස්ස්වාස්ථ්යං ච ගච්ඡති ।
ආයුරාරෝග්යමෛශ්වර්යං ජ්ඤානං මෝක්ෂං ච විංදති ॥ 11 ॥

සර්වාන්කාමානවාප්නෝති ශාශ්වතං ච පදං තථා ।
සත්යං සත්යං පුනස්සත්යං සත්යං සත්යං න සංශයඃ ॥ 12 ॥

ඉති ශ්රී බ්රහ්මාංඩපුරාණේ වසිෂ්ඨනාරදසංවාදේ ශ්රීවේංකටාචලමාහාත්ම්යේ ශ්රී වේංකටේශ සහස්රනාම ස්තෝත්රං සමාප්තම් ।