ශ්රී ගණේශාය නමඃ ॥

ශ්රීසුදර්ශන පරබ්රහ්මණේ නමඃ ॥

අථ ශ්රීසුදර්ශන සහස්රනාම ස්තෝත්රම් ॥

කෛලාසශිඛරේ රම්යේ මුක්තාමාණික්ය මංඩපේ ।
රක්තසිංහාසනාසීනං ප්රමථෛඃ පරිවාරිතම් ॥ 1॥

බද්ධාංජලිපුටා භූත්වා පප්රච්ඡ විනයාන්විතා ।
භර්තාරං සර්වධර්මජ්ඤං පාර්වතී පරමේශ්වරම් ॥ 2॥

පාර්වතී --
යත් ත්වයෝක්තං ජගන්නාථ සුභ්රුශං ක්ෂේමමිච්ඡතාම් ।
සෞදර්ශනං රුතේ ශාස්ත්රං නාස්තිචාන්යදිති ප්රභෝ ॥ 3॥

තත්ර කාචිත් විවක්ෂාස්ථි තමර්ථං ප්රති මේ ප්රභෝ ।
ඒවමුක්තස්ත්වහිර්බුද්ධ්න්යඃ පාර්වතීං ප්රත්යුවාච තාම් ॥ 4॥

අහිර්බුද්ධ්න්ය --
සංශයෝ යදි තේ තත්ර තං බ්රූහි ත්වං වරානනේ ।
ඉත්යේවමුක්තා ගිරිජා ගිරිශේන මහාත්මනා ॥ 5॥

පුනඃ ප්රෝවාච සර්වජ්ඤං ජ්ඤානමුද්රාධරං පතිම් ॥

පාර්වත්යුවාච --
ලෝකේ සෞදර්ශනං මංත්රං යංත්රංතත්තත් ප්රයෝගවත් ॥ 6॥

සර්වං විජ්ඤාතුමභ්යත්ර යථාවත් සමනුෂ්ඨිතුම් ।
අතිවේලමශක්තානාං තං මාර්ගං භෘශමීඡ්තාම් ॥ 7॥

කෝ මාර්ගඃ කා කථිස්තේෂාං කාර්යසිද්ධිඃ කථං භවේත් ।
ඒතන්මේ බ්රූහි ලෝකේශ ත්වදන්යඃ කෝ වදේතමුම් ॥ 8॥

ඊශ්වර උවාච --
අහං තේ කථයිශ්යාමි සර්ව සිද්ධිකරං ශුභම් ।
අනායාසේන යජ්ජප්ත්වා නරස්සිද්ධිමවාප්නුයාත් ॥ 9॥

තශ්ච සෞදර්ශනං දිව්යං ගුහ්යං නාමසහස්රකම් ।
නියමාත් පඨතාං නॄණාං චිංතිතාර්ථ ප්රදායකම් ॥ 10॥

තස්ය නාමසහස්රස්ය සෝऽහමේව ඍෂිඃ ස්මෘතඃ ।
ඡංදෝනුෂ්ටුප් දේවතා තු පරමාත්මා සුදර්ශනඃ ॥ 11॥

ශ්රීං බීජං හ්රීං තු ශක්තිස්සා ක්ලීං කීලකමුදාහෘතම් ।
සමස්තාභීෂ්ට සිධ්යර්ථේ විනියෝග උදාහෘතඃ ॥ 12॥

ශංඛං චක්රං ච චාපාදි ධ්යානමස්ය සමීරිතම් ॥

ධ්යානං --
ශංඛං චක්රං ච චාපං පරශුමසිමිශුං ශූල පාශාංකුශාබ්ජම්
බිභ්රාණං වජ්රඛේටෞ හල මුසල ගදා කුංදමත්යුග්ර දංෂ්ට්රම් ।
ජ්වාලා කේශං ත්රිනේත්රං ජ්වල දලනනිභං හාර කේයූර භූෂම්
ධ්යායේත් ෂට්කෝණ සංස්ථං සකල රිපුජන ප්රාණ සංහාරි චක්රම් ॥

॥ හරිඃ ඕම් ॥

ශ්රීචක්රඃ ශ්රීකරඃ ශ්රීශඃ ශ්රීවිෂ්ණුඃ ශ්රීවිභාවනඃ ।
ශ්රීමදාංත්ය හරඃ ශ්රීමාන් ශ්රීවත්සකෘත ලක්ෂණඃ ॥ 1॥

ශ්රීනිධිඃ ශ්රීවරඃ ස්රග්වී ශ්රීලක්ෂ්මී කරපූජිතඃ ।
ශ්රීරතඃ ශ්රීවිභුඃ සිංධුකන්යාපතිඃ අධෝක්ෂජඃ ॥ 2॥

අච්යුතශ්චාංබුජග්රීවඃ සහස්රාරඃ සනාතනඃ ।
සමර්චිතෝ වේදමූර්තිඃ සමතීත සුරාග්රජඃ ॥ 3॥

ෂට්කෝණ මධ්යගෝ වීරඃ සර්වගෝऽෂ්ටභුජඃ ප්රභුඃ ।
චංඩවේගෝ භීමරවඃ ශිපිවිෂ්ටාර්චිතෝ හරිඃ ॥ 4॥

ශාශ්වතඃ සකලඃ ශ්යාමඃ ශ්යාමලඃ ශකටාර්ථනඃ ।
දෛත්යාරිඃ ශාරදස්කංධඃ සකටාක්ෂඃ ශිරීෂගඃ ॥ 5॥

ශරපාරිර්භක්තවශ්යඃ ශශාංකෝ වාමනෝව්යයඃ ।
වරූථීවාරිජඃ කංජලෝචනෝ වසුධාදිපඃ ॥ 6॥

වරේණ්යෝ වාහනෝऽනංතඃ චක්රපාණිර්ගදාග්රජඃ ।
ගභීරෝ ගෝලකාධීශෝ ගදාපණිස්සුලෝචනඃ ॥ 7॥

සහස්රාක්ෂඃ චතුර්බාහුඃ ශංඛචක්ර ගදාධරඃ ।
භීෂණෝ භීතිදෝ භද්රෝ භීමාභීෂ්ට ඵලප්රදඃ ॥ 8॥

භීමාර්චිතෝ භීමසේනෝ භානුවංශ ප්රකාශකඃ ।
ප්රහ්ලාදවරදඃ බාලලෝචනෝ ලෝකපූජිතඃ ॥ 9॥

උත්තරාමානදෝ මානී මානවාභීෂ්ට සිද්ධිදඃ ।
භක්තපාලඃ පාපහාරී බලදෝ දහනධ්වජඃ ॥ 10॥

කරීශඃ කනකෝ දාතා කාමපාල පුරාතනඃ ।
අක්රූරඃ ක්රූරජනකඃ ක්රූරදංෂ්ට්රඃ කුලාදිපඃ ॥ 11॥

ක්රූරකර්මා ක්රූරරූපි ක්රූරහාරී කුශේශයඃ ।
මංදරෝ මානිනීකාංතෝ මධුහා මාධවප්රියඃ ॥ 12॥

සුප්රතප්ත ස්වර්ණරූපී බාණාසුර භුජාංතකෘත් ।
ධරාධරෝ දානවාරිර්දනුජේංද්රාරි පූජිතඃ ॥ 13॥

භාග්යප්රදෝ මහාසත්ත්වෝ විශ්වාත්මා විගතජ්වරඃ ।
සුරාචාර්යාර්චිතෝ වශ්යෝ වාසුදේවෝ වසුප්රදඃ ॥ 14॥

ප්රණතාර්තිහරඃ ශ්රේෂ්ටඃ ශරණ්යඃ පාපනාශනඃ ।
පාවකෝ වාරණාද්රීශෝ වෛකුංඨෝ විගතකල්මෂඃ ॥ 15॥

වජ්රදංෂ්ට්රෝ වජ්රනඛෝ වායුරූපී නිරාශ්රයඃ ।
නිරීහෝ නිස්පෘහෝ නිත්යෝ නීතිජ්ඤෝ නීතිපාවනඃ ॥ 16॥

නීරූපෝ නාරදනුතෝ නකුලාචල වාසකෘත් ।
නිත්යානංදෝ බෘහද්භානුඃ බෘහදීශඃ පුරාතනඃ ॥ 17॥

නිධිනාමධිපෝऽනංදෝ නරකාර්ණව තාරකඃ ।
අගාධෝऽවිරලෝ මර්ත්යෝ ජ්වාලාකේශඃ කකාර්ච්චිතඃ ॥ 18॥

තරුණස්තනුකෘත් භක්තඃ පරමඃ චිත්තසංභවඃ ।
චිංත්යස්සත්වනිධිඃ සාග්රස්චිදානංදඃ ශිවප්රියඃ ॥ 19॥

ශින්ශුමාරශ්ශතමඛඃ ශාතකුංභ නිභප්රභඃ ।
භෝක්තාරුණේශෝ බලවාන් බාලග්රහ නිවාරකඃ ॥ 20॥

සර්වාරිෂ්ට ප්රශමනෝ මහාභය නිවාරකඃ ।
බංධුඃ සුබංධුඃ සුප්රීතස්සංතුෂ්ටස්සුරසන්නුතඃ ॥ 21॥

බීජකේශ්යෝ බකෝ භානුඃ අමිතාර්චිර්පාංපතිඃ ।
සුයජ්ඤෝ ජ්යෝතිෂශ්ශාංතෝ විරූපාක්ෂඃ සුරේශ්වරඃ ॥ 22॥

වහ්නිප්රාකාර සංවීතෝ රක්තගර්භඃ ප්රභාකරඃ ।
සුශීලඃ සුභගඃ ස්වක්ෂඃ සුමුඛඃ සුඛදඃ සුඛී ॥ 23॥

මහාසුරඃ ශිරච්ඡේතා පාකශාසන වංදිතඃ ।
ශතමූර්ති සහස්රාරෝ හිරණ්ය ජ්යෝතිරව්යයඃ ॥ 24॥

මංඩලී මංඩලාකාරඃ චංද්රසූර්යාග්නි ලෝචනඃ ।
ප්රභංජනඃ තීක්ෂ්ණධාරඃ ප්රශාංතඃ ශාරදප්රියඃ ॥ 25॥

භක්තප්රියෝ බලිහරෝ ලාවණ්යෝලක්ෂණප්රියඃ ।
විමලෝ දුර්ලභස්සෝම්යස්සුලභෝ භීමවික්රමඃ ॥ 26॥

ජිතමන්යුඃ ජිතාරාතිඃ මහාක්ෂෝ භෘගුපූජිතඃ ।
තත්ත්වරූපඃ තත්ත්වවේදිඃ සර්වතත්ව ප්රතිෂ්ඨිතඃ ॥27॥

භාවජ්ඤෝ බංධුජනකෝ දීනබංධුඃ පුරාණවිත් ।
ශස්ත්රේශෝ නිර්මතෝ නේතා නරෝ නානාසුරප්රියඃ ॥ 28॥

නාභිචක්රෝ නතාමිත්රෝ නධීශ කරපූජිතඃ ।
දමනඃ කාලිකඃ කර්මී කාංතඃ කාලාර්ථනඃ කවිඃ ॥ 29॥

වසුංධරෝ වායුවේගෝ වරාහෝ වරුණාලයඃ ।
කමනීයකෘතිඃ කාලඃ කමලාසන සේවිතඃ ।
කෘපාලුඃ කපිලඃ කාමී කාමිතාර්ථ ප්රදායකඃ ॥ 30॥

ධර්මසේතුර්ධර්මපාලෝ ධර්මී ධර්මමයඃ පරඃ ।
ජ්වාලාජිම්හඃ ශිඛාමෞළීඃ සුරකාර්ය ප්රවර්තකඃ ॥ 31॥

කලාධරඃ සුරාරිඝ්නඃ කෝපහා කාලරූපදෘක් ।
දාතාऽऽනංදමයෝ දිව්යෝ බ්රහ්මරූපී ප්රකාශකෘත් ॥ 32 ।
සර්වයජ්ඤමයෝ යජ්ඤෝ යජ්ඤභුක් යජ්ඤභාවනඃ ।
වහ්නිධ්වජෝ වහ්නිසඛෝ වංජුළද්රුම මූලකඃ ॥ 33॥

දක්ෂහා දානකාරී ච නරෝ නාරායණප්රියඃ ।
දෛත්යදංඩධරෝ දාංතඃ ශුභ්රාංගඃ ශුභදායකඃ ॥ 34॥

ලෝහිතාක්ෂෝ මහාරෞද්රෞ මායාරූපධරඃ ඛගඃ ।
උන්නතෝ භානුජඃ සාංගෝ මහාචක්රඃ පරාක්රමී ॥ 35॥

අග්නීශෝऽග්නිමයඃ ද්වග්නිලෝචනෝග්නි සමප්රභඃ ।
අග්නිමානග්නිරසනෝ යුද්ධසේවී රවිප්රියඃ ॥ 36॥

ආශ්රිත ඝෞඝ විධ්වංසී නිත්යානංද ප්රදායකඃ ।
අසුරඝ්නෝ මහාබාහූර්භීමකර්මා ශුභප්රදඃ ॥ 37॥

ශශාංක ප්රණවාධාරඃ සමස්ථාශී විෂාපහඃ ।
තර්කෝ විතර්කෝ විමලෝ බිලකෝ බාදරායණඃ ॥ 38॥

බදිරග්නස්චක්රවාළඃ ෂට්කෝණාංතර්ගතස්ශිඛීඃ ।
දෘතධන්වා ශෝඩෂාක්ෂෝ දීර්ඝබාහූර්දරීමුඛඃ ॥ 39॥

ප්රසන්නෝ වාමජනකෝ නිම්නෝ නීතිකරඃ ශුචිඃ ।
නරභේදි සිංහරූපී පුරාධීශඃ පුරංදරඃ ॥ 40॥

රවිස්තුතෝ යූතපාලෝ යුතපාරිස්සතාංගතිඃ ।
හෘෂිකේශෝ ද්විත්රමූර්තිඃ ද්විරෂ්ටායුදභෘත් වරඃ ॥ 41॥

දිවාකරෝ නිශානාථෝ දිලීපාර්චිත විග්රහඃ ।
ධන්වංතරිස්ශ්යාමළාරිර්භක්තශෝක විනාශකඃ ॥ 42॥

රිපුප්රාණ හරෝ ජේතා ශූරස්චාතුර්ය විග්රහඃ ।
විධාතා සච්චිදානංදස්සර්වදුෂ්ට නිවාරකඃ ॥ 43॥

උල්කෝ මහෝල්කෝ රක්තෝල්කස්සහස්රෝල්කස්ශතාර්චිෂඃ ।
බුද්ධෝ බෞද්ධහරෝ බෞද්ධ ජනමෝහෝ බුධාශ්රයඃ ॥ 44 ॥

පූර්ණබෝධඃ පූර්ණරූපඃ පූර්ණකාමෝ මහාද්යුතිඃ ।
පූර්ණමංත්රඃ පූර්ණගාත්රඃ පූර්ණෂාඩ්ගුණ්ය විග්රහඃ ॥ 45॥

පූර්ණනේමිඃ පූර්නනාභිඃ පූර්ණාශී පූර්ණමානසඃ ।
පූර්ණසාරඃ පූර්ණශක්තිඃ රංගසේවි රණප්රියඃ ॥ 46॥

පූරිතාශෝऽරිෂ්ටදාති පූර්ණාර්ථඃ පූර්ණභූෂණඃ ।
පද්මගර්භඃ පාරිජාතඃ පරමිත්රස්ශරාකෘතිඃ ॥ 47॥

භූබෘත්වපුඃ පුණ්යමූර්ති භූභෘතාං පතිරාශුකඃ ।
භාග්යෝදයෝ භක්තවශ්යෝ ගිරිජාවල්ලභප්රියඃ ॥ 48॥

ගවිෂ්ටෝ ගජමානීශෝ ගමනාගමන ප්රියඃ ।
බ්රහ්මචාරි බංධුමානී සුප්රතීකස්සුවික්රමඃ ॥ 49॥

ශංකරාභීෂ්ටදෝ භව්යඃ සාචිව්යස්සව්යලක්ෂණඃ ।
මහාහංසස්සුඛකරෝ නාභාග තනයාර්චිතඃ ॥ 50॥

කෝටිසූර්යප්රභෝ දීප්තෝ විද්යුත්කෝටි සමප්රභඃ ।
වජ්රකල්පෝ වජ්රසඛෝ වජ්රනිර්ඝාත නිස්වනඃ ॥ 51॥

ගිරීශෝ මානදෝ මාන්යෝ නාරායණ කරාලයඃ ।
අනිරුද්ධඃ පරාමර්ෂී උපේංද්රඃ පූර්ණවිග්රහඃ ॥ 52॥

ආයුධේශස්ශතාරිඝ්නඃ ශමනඃ ශතසෛනිකඃ ।
සර්වාසුර වධෝද්යුක්තඃ සූර්ය දුර්මාන භේදකඃ ॥ 53॥

රාහුවිප්ලෝෂකාරී ච කාශීනගර දාහකඃ ।
පීයුෂාංශු පරංජ්යෝතිඃ සංපූර්ණ ක්රතුභුක් ප්රභුඃ ॥ 54॥

මාංධාතෘ වරදස්ශුද්ධෝ හරසේව්යස්ශචීෂ්ටදඃ ।
සහිෂ්ණුර්බලභුක් වීරෝ ලෝකභෘල්ලෝකනායකඃ ॥55॥

දුර්වාසෝමුනි දර්පඝ්නෝ ජයතෝ විජයප්රියඃ ।
පුරාධීශෝऽසුරාරාතිඃ ගෝවිංද කරභූෂණඃ ॥ 56॥

රථරූපී රථාධීශඃ කාලචක්ර කෘපානිධිඃ ।
චක්රරූපධරෝ විෂ්ණුඃ ස්ථූලසූක්ෂ්මශ්ශිඛිප්රභඃ ॥ 57॥

ශරණාගත සංත්රාතා වේතාළාරිර්මහාබලඃ ।
ජ්ඤානදෝ වාක්පතිර්මානී මහාවේගෝ මහාමණිඃ ॥ 58॥

විද්යුත් කේශෝ විහාරේශඃ පද්මයෝනිඃ චතුර්භුජඃ ।
කාමාත්මා කාමදඃ කාමී කාලනේමි ශිරෝහරඃ ॥ 59॥

ශුභ්රස්ශුචීස්ශුනාසීරඃ ශුක්රමිත්රඃ ශුභානනඃ ।
වෘෂකායෝ වෘෂාරාතිඃ වෘෂභේංද්ර සුපූජිතඃ ॥ 60॥

විශ්වංභරෝ වීතිහෝත්රෝ වීර්යෝ විශ්වජනප්රියඃ ।
විශ්වකෘත් විශ්වභෝ විශ්වහර්තා සාහසකර්මකෘත් ॥ 61॥

බාණබාහූහරෝ ජ්යෝතිඃ පරාත්මා ශෝකනාශනඃ ।
විමලාදිපතිඃ පුණ්යෝ ජ්ඤාතා ජ්ඤේයඃ ප්රකාශකඃ ॥ 62॥

ම්ලේච්ඡ ප්රහාරී දුෂ්ටඝ්නඃ සූර්යමංඩලමධ්යගඃ ।
දිගංබරෝ වෘශාද්රීශෝ විවිධායුධ රූපකඃ ॥ 63॥

සත්වවාන් සත්යවාගීශඃ සත්යධර්ම පරායණඃ ।
රුද්රප්රීතිකරෝ රුද්ර වරදෝ රුග්විභේදකඃ ॥ 64॥

නාරායණෝ නක්රභේදී ගජේංද්ර පරිමෝක්ෂකඃ ।
ධර්මප්රියඃ ෂඩාධාරෝ වේදාත්මා ගුණසාගරඃ ॥ 65॥

ගදාමිත්රඃ පෘථුභුජෝ රසාතල විභේදකඃ ।
තමෝවෛරී මහාතේජාඃ මහාරාජෝ මහාතපාඃ ॥ 66॥

සමස්තාරිහරඃ ශාංත ක්රූරෝ යෝගේශ්වරේශ්වරඃ ।
ස්ථවිරස්ස්වර්ණ වර්ණාංගඃ ශත්රුසෛන්ය විනාශකෘත් ॥ 67॥

ප්රාජ්ඤෝ විශ්වතනුත්රාතා ශ‍ඍතිස්මෘතිමයඃ කෘති ।
ව්යක්තාව්යක්ත ස්වරූපාංසඃ කාලචක්රඃ කලානිධිඃ ॥ 68॥

මහාධ්යුතිරමේයාත්මා වජ්රනේමිඃ ප්රභානිධිඃ ।
මහාස්ඵුලිංග ධාරාර්චිඃ මහායුද්ධ කෘතච්යුතඃ ॥ 69॥

කෘතජ්ඤස්සහනෝ වාග්මී ජ්වාලාමාලා විභූෂණඃ ।
චතුර්මුඛනුතඃ ශ්රීමාන් භ්රාජිෂ්ණුර්භක්තවත්සලඃ ॥ 70॥

චාතුර්යගමනශ්චක්රී චාතුර්වර්ග ප්රදායකඃ ।
විචිත්රමාල්යාභරණඃ තීක්ෂ්ණධාරඃ සුරාර්චිතඃ ॥ 71॥

යුගකෘත් යුගපාලශ්ච යුගසංධිර්යුගාංතකෘත් ।
සුතීක්ෂ්ණාරගණෝ ගම්යෝ බලිධ්වංසී ත්රිලෝකපඃ ॥ 72॥

ත්රිනේත්රස්ත්රිජගද්වංධ්යඃ තෘණීකෘත මහාසුරඃ ।
ත්රිකාලජ්ඤස්ත්රිලෝකජ්ඤඃ ත්රිනාභිඃ ත්රිජගත්ප්රියඃ ॥ 73॥

සර්වයංත්රමයෝ මංත්රස්සර්වශත්රු නිබර්හණඃ ।
සර්වගස්සර්වවිත් සෞම්යස්සර්වලෝකහිතංකරඃ ॥74॥

ආදිමූලඃ සද්ගුණාඪ්යෝ වරේණ්යස්ත්රිගුණාත්මකඃ ।
ධ්යානගම්යඃ කල්මෂඝ්නඃ කලිගර්ව ප්රභේදකඃ ॥ 75॥

කමනීය තනුත්රාණඃ කුංඩලී මංඩිතානනඃ ।
සුකුංඨීකෘත චංඩේශඃ සුසංත්රස්ථ ෂඩානනඃ ॥ 76॥

විෂාධීකෘත විඝ්නේශෝ විගතානංද නංදිකඃ ।
මථිත ප්රමථව්යූහඃ ප්රණත ප්රමදාධිපඃ ॥ 77॥

ප්රාණභික්ෂා ප්රදෝऽනංතෝ ලෝකසාක්ෂී මහාස්වනඃ ।
මේධාවී ශාශ්වථෝऽක්රූරඃ ක්රූරකර්මාऽපරාජිතඃ ॥ 78॥

අරී දෘෂ්ටෝऽප්රමේයාත්මා සුංදරශ්ශත්රුතාපනඃ ।
යෝග යෝගීශ්වරාධීශෝ භක්තාභීෂ්ට ප්රපූරකඃ ॥ 79॥

සර්වකාමප්රදෝऽචිංත්යඃ ශුභාංගඃ කුලවර්ධනඃ ।
නිර්විකාරෝऽංතරූපෝ නරනාරායණප්රියඃ ॥ 80॥

මංත්ර යංත්ර ස්වරූපාත්මා පරමංත්ර ප්රභේදකඃ ।
භූතවේතාළ විධ්වංසී චංඩ කූෂ්මාංඩ ඛංඩනඃ ॥ 81॥

යක්ෂ රක්ෂෝගණ ධ්වංසී මහාකෘත්යා ප්රදාහකඃ ।
සකලීකෘත මාරීචඃ භෛරව ග්රහ භේදකඃ ॥ 82॥

චූර්ණිකෘත මහාභූතඃ කබලීකෘත දුර්ග්රහඃ ।
සුදුර්ග්රහෝ ජංභභේදී සූචීමුඛ නිෂූදනඃ ॥ 83॥

වෘකෝදරබලෝද්ධර්ත්තා පුරංදර බලානුගඃ ।
අප්රමේය බලඃ ස්වාමී භක්තප්රීති විවර්ධනඃ ॥ 84॥

මහාභූතේශ්වරශ්ශූරෝ නිත්යස්ශාරදවිග්රහඃ ।
ධර්මාධ්යක්ෂෝ විධර්මඝ්නඃ සුධර්මස්ථාපකශ්ශිවඃ ॥ 85॥

විධූමජ්වලනෝ භානුර්භානුමාන් භාස්වතාං පතිඃ ।
ජගන්මෝහන පාටීරස්සර්වෝපද්රව ශෝධකඃ ॥ 86॥

කුලිශාභරණෝ ජ්වාලාවෘතස්සෞභාග්ය වර්ධනඃ ।
ග්රහප්රධ්වංසකඃ ස්වාත්මරක්ෂකෝ ධාරණාත්මකඃ ॥ 87॥

සංතාපනෝ වජ්රසාරස්සුමේධාऽමෘත සාගරඃ ।
සංතාන පංජරෝ බාණතාටංකෝ වජ්රමාලිකඃ ॥ 88॥

මේඛාලග්නිශිඛෝ වජ්ර පංජරස්සසුරාංකුශඃ ।
සර්වරෝග ප්රශමනෝ ගාංධර්ව විශිඛාකෘතිඃ ॥ 89॥

ප්රමෝහ මංඩලෝ භූත ග්රහ ශ‍ඍංඛල කර්මකෘත් ।
කලාවෘතෝ මහාශංඛු ධාරණස්ශල්ය චංද්රිකඃ ॥ 90॥

ඡේදනෝ ධාරකස්ශල්ය ක්ෂූත්රෝන්මූලන තත්පරඃ ।
බංධනාවරණස්ශල්ය කෘංතනෝ වජ්රකීලකඃ ॥ 91॥

ප්රතීකබංධනෝ ජ්වාලා මංඩලස්ශස්ත්රධාරණඃ ।
ඉංද්රාක්ෂීමාලිකඃ කෘත්යා දංඩස්චිත්තප්රභේදකඃ ॥ 92॥

ග්රහ වාගුරිකස්සර්ව බංධනෝ වජ්රභේදකඃ ।
ලඝුසංතාන සංකල්පෝ බද්ධග්රහ විමෝචනඃ ॥ 93॥

මෞලිකාංචන සංධාතා විපක්ෂ මතභේදකඃ ।
දිග්බංධන කරස්සූචී මුඛාග්නිස්චිත්තපාතකඃ ॥ 94॥

චෝරාග්නි මංඩලාකාරඃ පරකංකාළ මර්දනඃ ।
තාංත්රීකස්ශත්රුවංශඝ්නෝ නානානිගළ මෝචනඃ ॥ 95॥

සමස්ථලෝක සාරංගඃ සුමහා විෂදූෂණඃ ।
සුමහා මේරුකෝදංඩඃ සර්ව වශ්යකරේශ්වරඃ ॥ 96॥

නිඛිලාකර්ෂණපටුඃ සර්ව සම්මෝහ කර්මකෘත් ।
සංස්ථංබන කරඃ සර්ව භූතෝච්චාටන තත්පරඃ ॥ 97॥

අහිතාමය කාරී ච ද්විෂන්මාරණ කාරකඃ ।
ඒකායන ගදාමිත්ර විද්වේෂණ පරායණඃ ॥ 98॥

සර්වාර්ථ සිද්ධිදෝ දාතා විධාතා විශ්වපාලකඃ ।
විරූපාක්ෂෝ මහාවක්ෂාඃ වරිෂ්ටෝ මාධවප්රියඃ ॥ 99॥

අමිත්රකර්ශන ශාංතඃ ප්රශාංතඃ ප්රණතාර්තිහා ।
රමණීයෝ රණෝත්සාහෝ රක්තාක්ෂෝ රණපංඩිතඃ ॥ 100॥

රණාංතකෘත් රතාකාරඃ රතාංගෝ රවිපූජිතඃ ।
වීරහා විවිධාකාරඃ වරුණාරාධිතෝ වශීඃ ।
සර්ව ශත්රු වධාකාංක්ෂී ශක්තිමාන් භක්තමානදඃ ॥ 101॥

සර්වලෝකධරඃ පුණ්යඃ පුරුෂඃ පුරුෂෝත්තමඃ ।
පුරාණඃ පුංඩරීකාක්ෂඃ පරමර්ම ප්රභේදකඃ ॥ 102॥

වීරාසනගතෝ වර්මී සර්වාධාරෝ නිරංකුශඃ ।
ජගත්රක්ෂෝ ජගන්මූර්තිඃ ජගදානංද වර්ධනඃ ॥ 103॥

ශාරදඃ ශකටාරාතිඃ ශංකරස්ශකටාකෘතිඃ ।
විරක්තෝ රක්තවර්ණාඪ්යෝ රාමසායක රූපදෘත් ॥ 104॥

මහාවරාහ් දංෂ්ට්රාත්මා නෘසිංහ නගරාත්මකඃ ।
සමදෘඞ්මෝක්ෂදෝ වංධ්යෝ විහාරී වීතකල්මෂඃ ॥ 105॥

ගංභීරෝ ගර්භගෝ ගෝප්තා ගභස්තිර්ගුහ්යගෝගුරුඃ ।
ශ්රීධරඃ ශ්රීරතස්ශ්රාංතඃ ශත්රුඝ්නස්ශ‍ඍතිගෝචරඃ ॥ 106॥

පුරාණෝ විතතෝ වීරඃ පවිත්රස්චරණාහ්වයඃ ।
මහාධීරෝ මහාවීර්යෝ මහාබල පරාක්රමඃ ॥ 107॥

සුවිග්රහෝ විග්රහඝ්නඃ සුමානී මානදායකඃ ।
මායී මායාපහෝ මංත්රී මාන්යෝ මානවිවර්ධනඃ ॥ 108॥

ශත්රුසංහාරකස්ශූරඃ ශුක්රාරිශ්ශංකරාර්චිතඃ ।
සර්වාධාරඃ පරංජ්යෝතිඃ ප්රාණඃ ප්රාණභෘතච්යුතඃ ॥ 109॥

චංද්රධාමාऽප්රතිද්වංදඃ පරමාත්මා සුදුර්ගමඃ ।
විශුද්ධාත්මා මහාතේජාඃ පුණ්යශ්ලෝකඃ පුරාණවිත් ॥ 110॥

සමස්ථ ජගදාධාරෝ විජේතා වික්රමඃ ක්රමඃ ।
ආදිදේවෝ ධ්රුවෝ දෘශ්යඃ සාත්ත්විකඃ ප්රීතිවර්ධනඃ ॥ 111॥

සර්වලෝකාශ්රයස්සේව්යඃ සර්වාත්මා වංශවර්ධනඃ ।
දුරාධර්ෂඃ ප්රකාශාත්මා සර්වදෘක් සර්වවිත්සමඃ ॥ 112॥

සද්ගතිස්සත්වසංපන්නඃ නිත්යසංකල්ප කල්පකඃ ।
වර්ණී වාචස්පතිර්වාග්මී මහාශක්තිඃ කලානිධිඃ ॥ 113॥

අංතරික්ෂගතිඃ කල්යඃ කලිකාලුෂ්ය මෝචනඃ ।
සත්යධර්මඃ ප්රසන්නාත්මා ප්රකෘෂ්ටෝ ව්යෝමවාහනඃ ॥ 114॥

ශිතධාරස්ශිඛි රෞද්රෝ භද්රෝ රුද්රසුපූජිතඃ ।
දරිමුඛාග්නිජංභඝ්නෝ වීරහා වාසවප්රියඃ ॥ 115॥

දුස්තරස්සුදුරාරෝහෝ දුර්ජ්ඤේයෝ දුෂ්ටනිග්රහඃ ।
භූතාවාසෝ භූතහංතා භූතේශෝ භූතභාවනඃ ॥ 116॥

භාවජ්ඤෝ භවරෝගඝ්නෝ මනෝවේගී මහාභුජඃ ।
සර්වදේවමයඃ කාංතඃ ස්මෘතිමාන් සර්වපාවනඃ ॥ 117॥

නීතිමන් සර්වජිත් සෞම්යෝ මහර්ෂීරපරාජිතඃ ।
රුද්රාංබරීෂ වරදෝ ජිතමායඃ පුරාතනඃ ॥ 118॥

අධ්යාත්ම නිලයෝ භෝක්තා සංපූර්ණස්සර්වකාමදඃ ।
සත්යෝऽක්ෂරෝ ගභීරාත්මා විශ්වභර්තා මරීචිමාන් ॥ 119॥

නිරංජනෝ ජිතභ්රාංශුඃ අග්නිගර්භෝऽග්නි ගෝචරඃ ।
සර්වජිත් සංභවෝ විෂ්ණුඃ පූජ්යෝ මංත්රවිතක්රියඃ ॥ 120॥

ශතාවර්ත්තඃ කලානාථඃ කාලඃ කාලමයෝ හරිඃ ।
අරූපෝ රූපසංපන්නෝ විශ්වරූපෝ විරූපකෘත් ॥ 121॥

ස්වාම්යාත්මා සමරශ්ලාඝී සුව්රතෝ විජයාංවිතඃ ।
චංඩ්ඝ්නස්චංඩකිරණඃ චතුරස්චාරණප්රියඃ ॥ 122॥

පුණ්යකීර්තිඃ පරාමර්ෂී නෘසිංහෝ නාභිමධ්යගඃ ।
යජ්ඤාත්ම යජ්ඤසංකල්පෝ යජ්ඤකේතුර්මහේශ්වරඃ ॥ 123॥

ජිතාරිර්යජ්ඤනිලයශ්ශරණ්යශ්ශකටාකෘතිඃ ।
උත්ත්මෝऽනුත්ත්මෝනංගස්සාංගස්සර්වාංග ශෝභනඃ ॥ 124॥

කාලාග්නිඃ කාලනේමිඝ්නඃ කාමි කාරුණ්යසාගරඃ ।
රමානංදකරෝ රාමෝ රජනීශාංතරස්ථිතඃ ॥ 125॥

සංවර්ධන සමරාංවේෂී ද්විෂත්ප්රාණ පරිග්රහඃ ।
මහාභිමානී සංධාතා සර්වාධීශෝ මහාගුරුඃ ॥ 126
සිද්ධඃ සර්වජගද්යෝනිඃ සිද්ධාර්ථස්සර්වසිද්ධිදඃ ।
චතුර්වේදමයශ්ශාස්ථා සර්වශාස්ත්ර විශාරදඃ ॥ 127 ॥

තිරස්කෘතාර්ක තේජස්කෝ භාස්කරාරාධිතශ්ශුභඃ ।
ව්යාපී විශ්වංභරෝ ව්යග්රඃ ස්වයංජ්යෝතිරනංතකෘත් ॥ 128॥

ජයශීලෝ ජයාකාංක්ෂී ජාතවේදෝ ජයප්රදඃ ।
කවිඃ කල්යාණදඃ කාම්යෝ මෝක්ෂදෝ මෝහනාකෘතිඃ ॥ 129॥

කුංකුමාරුණ සර්වාංග කමලාක්ෂඃ කවීශ්වරඃ ।
සුවික්රමෝ නිෂ්කළංකෝ විශ්වක්සේනෝ විහාරකෘත් ॥ 130॥

කදංබාසුර විධ්වංසී කේතනග්රහ දාහකඃ ।
ජුගුප්සාග්නස්තීක්ෂ්ණධාරෝ වෛකුංඨ භුජවාසකෘත් ॥ 131॥

සාරජ්ඤඃ කරුණාමූර්තිඃ වෛෂ්ණවෝ විෂ්ණුභක්තිදඃ ।
සුක්රුතජ්ඤෝ මහෝදාරෝ දුෂ්කෘතඝ්නස්සුවිග්රහඃ ॥ 132॥

සර්වාභීෂ්ට ප්රදෝऽංතෝ නිත්යානංදෝ ගුණාකරඃ ।
චක්රී කුංදධරඃ ඛඩ්ගී පරශ්වත ධරෝऽග්නිභෘත් ॥ 133॥

දෘතාංකුශෝ දංඩධරඃ ශක්තිහස්ථස්සුශංඛභ්රුත් ।
ධන්වී දෘතමහාපාශෝ හලි මුසලභූෂණඃ ॥ 134॥

ගදායුධධරෝ වජ්රී මහාශූල ලසත්භුජඃ ।
සමස්තායුධ සංපූර්ණස්සුදර්ශන මහාප්රභුඃ ॥ 135॥

॥ ඵලශ‍ඍතිඃ ॥

ඉති සෞදර්ශනං දිව්යං ගුහ්යං නාමසහස්රකම් ।
සර්වසිද්ධිකරං සර්ව යංත්ර මංත්රාත්මකං පරම් ॥ 136॥

ඒතන්නාම සහස්රං තු නිත්යං යඃ පඨේත් සුධීඃ ।
ශ‍ඍණෝති වා ශ්රාවයති තස්ය සිද්ධිඃ කරස්තිතා ॥ 137॥

දෛත්යානාං දේවශත්රූණාං දුර්ජයානාං මහෞජසාම් ।
විනාශාර්ථමිදං දේවි හරෝ රාසාධිතං මයා ॥ 138॥

ශත්රුසංහාරකමිදං සර්වදා ජයවර්ධනම් ।
ජල ශෛල මහාරණ්ය දුර්ගමේෂු මහාපති ॥ 139॥

භයංකරේෂු ශාපත්සු සංප්රාප්තේෂු මහත්සුච ।
යස්සකෘත් පඨනං කුර්යාත් තස්ය නෛව භවේත් භයම් ॥ 140॥

බ්රහ්මඝ්නශ්ච පශුඝ්නශ්ච මාතාපිතॄ විනිංදකඃ ।
දේවානාං දූෂකශ්චාපි ගුරුතල්පගතෝऽපි වා ॥ 141॥

ජප්ත්වා සකෘතිදං ස්තෝත්රං මුච්යතේ සර්වකිල්බිෂෛඃ ।
තිෂ්ඨන් ගච්ඡන් ස්වපන් භුංජන් ජාග්රන්නපි හසන්නපි ॥ 142॥

සුදර්ශන නෘසිංහේති යෝ වදේත්තු සකෘන්නරඃ ।
ස වෛ න ලිප්යතේ පාපෛඃ භුක්තිං මුක්තිං ච විංදති ॥ 143॥

ආදයෝ ව්යාදයස්සර්වේ රෝගා රෝගාදිදේවතාඃ ।
ශීඝ්රං නශ්යංති තේ සර්වේ පඨනාත්තස්ය වෛ නෘණාම් ॥ 144॥

බහූනාත්ර කිමුක්තේන ජප්ත්වේදං මංත්ර පුෂ්කලම් ।
යත්ර මර්ත්යශ්චරේත් තත්ර රක්ෂති ශ්රීසුදර්ශනඃ ॥ 145॥

ඉති ශ්රී විහගේශ්වර උත්තරඛංඩේ උමාමහේශ්වරසංවාදේ
මංත්රවිධානේ ශ්රී සුදර්ශන සහස්රනාම ස්තෝත්රං නාම
ෂෝඩශ ප්රකාශඃ ॥