𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌤𑍃𑌤𑍀𑌯𑌃 𑌪𑍍𑌰𑌪𑌾𑌠𑌕𑌃 - 𑌚𑌾𑌤𑍁𑌰𑍍​𑌹𑍋𑌤𑍍𑌰𑌚𑌯𑌨𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1
𑌚𑌿𑌤𑍍𑌤𑌿॒-𑌸𑍍𑌸𑍍𑌰𑍁𑌕𑍍 । 𑌚𑌿॒𑌤𑍍𑌤𑌮𑌾𑌜𑍍𑌯᳚𑌮𑍍 । 𑌵𑌾𑌗𑍍𑌵𑍇𑌦𑌿𑌃॑ । 𑌆𑌧𑍀॑𑌤-𑌮𑍍𑌬॒𑌰𑍍॒𑌹𑌿𑌃 ।
𑌕𑍇𑌤𑍋॑ 𑌅॒𑌗𑍍𑌨𑌿𑌃 । 𑌵𑌿𑌜𑍍𑌞𑌾॑𑌤𑌮॒𑌗𑍍𑌨𑌿𑌃 । 𑌵𑌾𑌕𑍍𑌪॑𑌤𑌿॒𑌰𑍍॒𑌹𑍋𑌤𑌾᳚ । 𑌮𑌨॑ 𑌉𑌪𑌵॒𑌕𑍍𑌤𑌾 । 𑌪𑍍𑌰𑌾॒𑌣𑍋 𑌹॒𑌵𑌿𑌃 । 𑌸𑌾𑌮𑌾᳚𑌦𑍍𑌧𑍍𑌵॒𑌰𑍍𑌯𑍁𑌃 ॥ 𑌵𑌾𑌚॑𑌸𑍍𑌪𑌤𑍇 𑌵𑌿𑌧𑍇 𑌨𑌾𑌮𑌨𑍍𑌨𑍍 । 𑌵𑌿॒𑌧𑍇𑌮॑ 𑌤𑍇॒ 𑌨𑌾𑌮॑ । 𑌵𑌿॒𑌧𑍇𑌸𑍍𑌤𑍍𑌵-𑌮॒𑌸𑍍𑌮𑌾𑌕॒-𑌨𑍍𑌨𑌾𑌮॑ । 𑌵𑌾॒𑌚𑌸𑍍𑌪𑌤𑌿॒-𑌸𑍍𑌸𑍋𑌮॑-𑌮𑍍𑌪𑌿𑌬𑌤𑍁 । 𑌆-𑌽𑌸𑍍𑌮𑌾𑌸𑍁॑ 𑌨𑍃॒𑌮𑍍𑌣-𑌨𑍍𑌧𑌾॒𑌥𑍍𑌸𑍍𑌵𑌾𑌹𑌾᳚ ॥ 1 ॥
(𑌅॒𑌦𑍍𑌧𑍍𑌵॒𑌰𑍍𑌯𑍁𑌃 𑌪𑌞𑍍𑌚 𑌚) (𑌅. 1)

𑌅𑌨𑍁𑌵𑌾𑌕𑌂 2
𑌪𑍃॒𑌥𑌿॒𑌵𑍀 𑌹𑍋𑌤𑌾᳚ । 𑌦𑍍𑌯𑍌𑌰॑𑌦𑍍𑌧𑍍𑌵॒𑌰𑍍𑌯𑍁𑌃 । 𑌰𑍁॒𑌦𑍍𑌰𑍋᳚-𑌽𑌗𑍍𑌨𑍀𑌤𑍍 । 𑌬𑍃𑌹॒𑌸𑍍𑌪𑌤𑌿॑𑌰𑍁𑌪𑌵॒𑌕𑍍𑌤𑌾 ॥ 𑌵𑌾𑌚॑𑌸𑍍𑌪𑌤𑍇 𑌵𑌾॒𑌚𑍋 𑌵𑍀॒𑌰𑍍𑌯𑍇॑𑌣 । 𑌸𑌮𑍍𑌭𑍃॑𑌤𑌤-𑌮𑍇॒𑌨𑌾𑌯॑𑌕𑍍𑌷𑍍𑌯𑌸𑍇 । 𑌯𑌜॑𑌮𑌾𑌨𑌾𑌯॒ 𑌵𑌾𑌰𑍍𑌯᳚𑌮𑍍 ।
𑌆 𑌸𑍁𑌵॒𑌸𑍍𑌕𑌰॑𑌸𑍍𑌮𑍈 । 𑌵𑌾॒𑌚𑌸𑍍𑌪𑌤𑌿॒-𑌸𑍍𑌸𑍋𑌮॑-𑌮𑍍𑌪𑌿𑌬𑌤𑌿 ।
𑌜॒𑌜𑌨॒𑌦𑌿𑌨𑍍𑌦𑍍𑌰॑𑌮𑌿𑌨𑍍𑌦𑍍𑌰𑌿॒𑌯𑌾𑌯॒ 𑌸𑍍𑌵𑌾𑌹𑌾᳚ ॥ 2 ॥
(𑌪𑍃॒𑌥𑌿॒𑌵𑍀 𑌹𑍋𑌤𑌾॒ 𑌦𑌶॑) (𑌅. 2)

𑌅𑌨𑍁𑌵𑌾𑌕𑌂 3
𑌅॒𑌗𑍍𑌨𑌿𑌰𑍍-𑌹𑍋𑌤𑌾᳚ । 𑌅॒𑌶𑍍𑌵𑌿𑌨𑌾᳚-𑌽𑌦𑍍𑌧𑍍𑌵॒𑌰𑍍𑌯𑍂 । 𑌤𑍍𑌵𑌷𑍍𑌟𑌾॒-𑌽𑌗𑍍𑌨𑍀𑌤𑍍 । 𑌮𑌿॒𑌤𑍍𑌰 𑌉॑𑌪𑌵॒𑌕𑍍𑌤𑌾 ॥ 𑌸𑍋𑌮॒-𑌸𑍍𑌸𑍋𑌮॑𑌸𑍍𑌯 𑌪𑍁𑌰𑍋॒𑌗𑌾𑌃 । 𑌶𑍁॒𑌕𑍍𑌰-𑌶𑍍𑌶𑍁॒𑌕𑍍𑌰𑌸𑍍𑌯॑ 𑌪𑍁𑌰𑍋॒𑌗𑌾𑌃 । 𑌶𑍍𑌰𑌾॒𑌤𑌾𑌸𑍍𑌤॑ 𑌇𑌨𑍍𑌦𑍍𑌰॒ 𑌸𑍋𑌮𑌾𑌃᳚ । 𑌵𑌾𑌤𑌾॑𑌪𑍇𑌰𑍍-𑌹𑌵𑌨॒𑌶𑍍𑌰𑍁𑌤॒-𑌸𑍍𑌸𑍍𑌵𑌾𑌹𑌾᳚ ॥ 3 ॥
(𑌅॒𑌗𑍍𑌨𑌿𑌰𑍍-𑌹𑍋𑌤𑌾॒-𑌽𑌷𑍍𑌟𑍌) (𑌅. 3)

𑌅𑌨𑍁𑌵𑌾𑌕𑌂 4
𑌸𑍂𑌰𑍍𑌯॑-𑌨𑍍𑌤𑍇॒ 𑌚𑌕𑍍𑌷𑍁𑌃॑ । 𑌵𑌾𑌤॑-𑌮𑍍𑌪𑍍𑌰𑌾॒𑌣𑌃 ।
𑌦𑍍𑌯𑌾-𑌮𑍍𑌪𑍃॒𑌷𑍍𑌠𑌮𑍍 । 𑌅॒𑌨𑍍𑌤𑌰𑌿॑𑌕𑍍𑌷𑌮𑌾॒𑌤𑍍𑌮𑌾 ।
𑌅𑌙𑍍𑌗𑍈᳚-𑌰𑍍𑌯॒𑌜𑍍𑌞𑌮𑍍 । 𑌪𑍃॒𑌥𑌿॒𑌵𑍀𑌗𑍍​𑌮𑍍 𑌶𑌰𑍀॑𑌰𑍈𑌃 ॥ 𑌵𑌾𑌚॑𑌸𑍍𑌪॒𑌤𑍇-𑌽𑌚𑍍𑌛𑌿॑𑌦𑍍𑌰𑌯𑌾 𑌵𑌾॒𑌚𑌾 । 𑌅𑌚𑍍𑌛𑌿॑𑌦𑍍𑌰𑌯𑌾 𑌜𑍁॒𑌹𑍍𑌵𑌾᳚ । 𑌦𑌿॒𑌵𑌿 𑌦𑍇॑𑌵𑌾॒𑌵𑍃𑌧॒𑌗𑍍​𑌮𑍍॒ 𑌹𑍋𑌤𑍍𑌰𑌾॒ 𑌮𑍇𑌰॑𑌯𑌸𑍍𑌵॒ 𑌸𑍍𑌵𑌾𑌹𑌾᳚ ॥ 4 ॥
(𑌸𑍂𑌰𑍍𑌯॑-𑌨𑍍𑌤𑍇॒ 𑌨𑌵॑) (𑌅. 4)

𑌅𑌨𑍁𑌵𑌾𑌕𑌂 5
𑌮॒𑌹𑌾𑌹॑𑌵𑌿॒𑌰𑍍॒ 𑌹𑍋𑌤𑌾᳚ । 𑌸॒𑌤𑍍𑌯𑌹॑𑌵𑌿𑌰𑌦𑍍𑌧𑍍𑌵॒𑌰𑍍𑌯𑍁𑌃 । 𑌅𑌚𑍍𑌯𑍁॑𑌤𑌪𑌾𑌜𑌾 𑌅॒𑌗𑍍𑌨𑍀𑌤𑍍 । 𑌅𑌚𑍍𑌯𑍁॑𑌤𑌮𑌨𑌾 𑌉𑌪𑌵॒𑌕𑍍𑌤𑌾 । 𑌅॒𑌨𑌾॒𑌧𑍃॒𑌷𑍍𑌯𑌶𑍍𑌚𑌾᳚ 𑌪𑍍𑌰𑌤𑌿𑌧𑍃॒𑌷𑍍𑌯𑌶𑍍𑌚॑ 𑌯॒𑌜𑍍𑌞𑌸𑍍𑌯𑌾॑𑌭𑌿𑌗॒𑌰𑍌 । 𑌅॒𑌯𑌾𑌸𑍍𑌯॑ 𑌉𑌦𑍍𑌗𑌾॒𑌤𑌾 ॥ 𑌵𑌾𑌚॑𑌸𑍍𑌪𑌤𑍇 𑌹𑍃𑌦𑍍𑌵𑌿𑌧𑍇 𑌨𑌾𑌮𑌨𑍍𑌨𑍍 । 𑌵𑌿॒𑌧𑍇𑌮॑ 𑌤𑍇॒ 𑌨𑌾𑌮॑ ।
𑌵𑌿॒𑌧𑍇𑌸𑍍𑌤𑍍𑌵𑌮॒𑌸𑍍𑌮𑌾𑌕॒-𑌨𑍍𑌨𑌾𑌮॑ । 𑌵𑌾॒𑌚𑌸𑍍𑌪𑌤𑌿॒-𑌸𑍍𑌸𑍋𑌮॑𑌮𑌪𑌾𑌤𑍍 । 𑌮𑌾 𑌦𑍈𑌵𑍍𑌯॒𑌸𑍍𑌤𑌨𑍍𑌤𑍁॒-𑌶𑍍𑌛𑍇𑌦𑌿॒ 𑌮𑌾 𑌮॑𑌨𑍁॒𑌷𑍍𑌯𑌃॑ । 𑌨𑌮𑍋॑ 𑌦𑌿॒𑌵𑍇 । 𑌨𑌮𑌃॑ 𑌪𑍃𑌥𑌿॒𑌵𑍍𑌯𑍈 𑌸𑍍𑌵𑌾𑌹𑌾᳚ ॥ 5 ॥
(𑌅॒𑌪𑌾॒-𑌤𑍍𑌤𑍍𑌰𑍀𑌣𑌿॑ 𑌚) (𑌅. 5)

𑌅𑌨𑍁𑌵𑌾𑌕𑌂 6
𑌵𑌾𑌘𑍋𑌤𑌾᳚ । 𑌦𑍀॒𑌕𑍍𑌷𑌾 𑌪𑌤𑍍𑌨𑍀᳚ । 𑌵𑌾𑌤𑍋᳚-𑌽𑌦𑍍𑌧𑍍𑌵॒𑌰𑍍𑌯𑍁𑌃 । 𑌆𑌪𑍋॑-𑌽𑌭𑌿𑌗॒𑌰𑌃 । 𑌮𑌨𑍋॑ 𑌹॒𑌵𑌿𑌃 । 𑌤𑌪॑𑌸𑌿 𑌜𑍁𑌹𑍋𑌮𑌿 ॥
𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵𑌃॑ । 𑌬𑍍𑌰𑌹𑍍𑌮॑ 𑌸𑍍𑌵𑌯॒𑌮𑍍𑌭𑍁 ।
𑌬𑍍𑌰𑌹𑍍𑌮॑𑌣𑍇 𑌸𑍍𑌵𑌯॒𑌮𑍍𑌭𑍁𑌵𑍇॒ 𑌸𑍍𑌵𑌾𑌹𑌾᳚ ॥ 6 ॥
(𑌵𑌾𑌘𑍋𑌤𑌾॒ 𑌨𑌵॑) (𑌅. 6)

𑌅𑌨𑍁𑌵𑌾𑌕𑌂 𑍭
𑌬𑍍𑌰𑌾॒𑌹𑍍𑌮॒𑌣 𑌏𑌕॑𑌹𑍋𑌤𑌾 । 𑌸 𑌯॒𑌜𑍍𑌞𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌯॒𑌜𑍍𑌞𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 ॥ 𑌅॒𑌗𑍍𑌨𑌿-𑌰𑍍𑌦𑍍𑌵𑌿𑌹𑍋॑𑌤𑌾 । 𑌸 𑌭॒𑌰𑍍𑌤𑌾 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌭॒𑌰𑍍𑌤𑌾 𑌚॑ 𑌮𑍇 𑌭𑍂𑌯𑌾𑌤𑍍 ॥
𑌪𑍃॒𑌥𑌿॒𑌵𑍀 𑌤𑍍𑌰𑌿𑌹𑍋॑𑌤𑌾 । 𑌸 𑌪𑍍𑌰॑𑌤𑌿॒𑌷𑍍𑌠𑌾 ॥ 𑍭 ॥

𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰॒𑌤𑌿॒𑌷𑍍𑌠𑌾 𑌚॑ 𑌮𑍇 𑌭𑍂𑌯𑌾𑌤𑍍 ॥ 𑌅॒𑌨𑍍𑌤𑌰𑌿॑𑌕𑍍𑌷॒-𑌞𑍍𑌚𑌤𑍁॑𑌰𑍍​𑌹𑍋𑌤𑌾 । 𑌸 𑌵𑌿॒𑌷𑍍𑌠𑌾𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌵𑌿॒𑌷𑍍𑌠𑌾𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 ॥
𑌵𑌾॒𑌯𑍁𑌃 𑌪𑌞𑍍𑌚॑𑌹𑍋𑌤𑌾 । 𑌸 𑌪𑍍𑌰𑌾॒𑌣𑌃 ।
𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰𑌾॒𑌣𑌶𑍍𑌚॑ 𑌮𑍇 𑌭𑍂𑌯𑌾𑌤𑍍 ॥ 𑍮 ॥

𑌚॒𑌨𑍍𑌦𑍍𑌰𑌮𑌾॒-𑌷𑍍𑌷𑌡𑍍𑌢𑍋॑𑌤𑌾 । 𑌸 𑌋॒𑌤𑍂𑌨𑍍 𑌕॑𑌲𑍍𑌪𑌯𑌾𑌤𑌿 ।
𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌋॒𑌤𑌵॑𑌶𑍍𑌚 𑌮𑍇 𑌕𑌲𑍍𑌪𑌨𑍍𑌤𑌾𑌮𑍍 ॥ 𑌅𑌨𑍍𑌨𑌗𑍍​𑌮𑍍॑ 𑌸॒𑌪𑍍𑌤𑌹𑍋॑𑌤𑌾 । 𑌸 𑌪𑍍𑌰𑌾॒𑌣𑌸𑍍𑌯॑ 𑌪𑍍𑌰𑌾॒𑌣𑌃 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌪𑍍𑌰𑌾॒𑌣𑌸𑍍𑌯॑ 𑌚 𑌮𑍇 𑌪𑍍𑌰𑌾॒𑌣𑍋 𑌭𑍂॑𑌯𑌾𑌤𑍍 ॥ 𑌦𑍍𑌯𑍌𑌰॒𑌷𑍍𑌟𑌹𑍋॑𑌤𑌾 । 𑌸𑍋॑-𑌽𑌨𑌾𑌧𑍃॒𑌷𑍍𑌯𑌃 ॥ 𑍯 ॥

𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌅॒𑌨𑌾॒𑌧𑍃॒𑌷𑍍𑌯𑌶𑍍𑌚॑ 𑌭𑍂𑌯𑌾𑌸𑌮𑍍 ॥
𑌆॒𑌦𑌿॒𑌤𑍍𑌯𑍋 𑌨𑌵॑𑌹𑍋𑌤𑌾 । 𑌸 𑌤𑍇॑𑌜॒𑌸𑍍𑌵𑍀 ।
𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌤𑍇॒𑌜॒𑌸𑍍𑌵𑍀 𑌚॑ 𑌭𑍂𑌯𑌾𑌸𑌮𑍍 ॥ 𑌪𑍍𑌰॒𑌜𑌾𑌪॑𑌤𑌿॒-𑌰𑍍𑌦𑌶॑𑌹𑍋𑌤𑌾 । 𑌸 𑌇॒𑌦𑌗𑍍​𑌮𑍍 𑌸𑌰𑍍𑌵᳚𑌮𑍍 । 𑌸 𑌮𑍇॑ 𑌦𑌦𑌾𑌤𑍁 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌪𑍁𑌷𑍍𑌟𑌿𑌂॒-𑌯𑌁𑌶𑌃॑ । 𑌸𑌰𑍍𑌵॑-𑌞𑍍𑌚 𑌮𑍇 𑌭𑍂𑌯𑌾𑌤𑍍 ॥ 10 ॥
(𑌪𑍍𑌰॒𑌤𑌿॒𑌷𑍍𑌠𑌾-𑌪𑍍𑌰𑌾॒𑌣𑌶𑍍𑌚॑ 𑌮𑍇 𑌭𑍂𑌯𑌾-𑌦𑌨𑌾𑌧𑍃॒𑌷𑍍𑌯𑌃-𑌸𑌰𑍍𑌵॑-𑌞𑍍𑌚 𑌮𑍇 𑌭𑍂𑌯𑌾𑌤𑍍) (𑌅. 𑍭)

(𑌬𑍍𑌰𑌾॒𑌹𑍍𑌮॒𑌣𑍋 𑌯॒𑌜𑍍𑌞𑍋᳚-𑌽𑌗𑍍𑌨𑌿𑌰𑍍𑌭॒𑌰𑍍𑌤𑌾 𑌪𑍃॑𑌥𑌿॒𑌵𑍀 𑌪𑍍𑌰॑𑌤𑌿॒𑌷𑍍𑌠𑌾-𑌽𑌨𑍍𑌤𑌰𑌿॑𑌕𑍍𑌷𑌂-𑌵𑌿𑌁॒𑌷𑍍𑌠𑌾 𑌵𑌾॒𑌯𑍁𑌃
𑌪𑍍𑌰𑌾॒𑌣𑌶𑍍𑌚॒𑌨𑍍𑌦𑍍𑌰𑌮𑌾॑ 𑌋॒𑌤𑍂𑌨𑌨𑍍𑌨॒𑌗𑍍​𑌮𑍍॒ 𑌸 𑌪𑍍𑌰𑌾॒𑌣𑌸𑍍𑌯॑ 𑌪𑍍𑌰𑌾॒𑌣𑍋 𑌦𑍍𑌯𑍌𑌰॑𑌨𑌾𑌧𑍃॒𑌷𑍍𑌯 𑌆॑𑌦𑌿॒𑌤𑍍𑌯𑌃
𑌸 𑌤𑍇॑𑌜॒𑌸𑍍𑌵𑍀 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸 𑌇॒𑌦𑌗𑍍​𑌮𑍍 𑌸𑌰𑍍𑌵॒𑌗𑍍​𑌮𑍍॒ 𑌸𑌰𑍍𑌵॑-𑌞𑍍𑌚 𑌮𑍇 𑌭𑍂𑌯𑌾𑌤𑍍)

𑌅𑌨𑍁𑌵𑌾𑌕𑌂 𑍮
𑌅॒𑌗𑍍𑌨𑌿-𑌰𑍍𑌯𑌜𑍁॑𑌰𑍍𑌭𑌿𑌃 । 𑌸॒𑌵𑌿॒𑌤𑌾 𑌸𑍍𑌤𑍋𑌮𑍈𑌃᳚ । 𑌇𑌨𑍍𑌦𑍍𑌰॑ 𑌉𑌕𑍍𑌥𑌾𑌮॒𑌦𑍈𑌃 ।
𑌮𑌿॒𑌤𑍍𑌰𑌾𑌵𑌰𑍁॑𑌣𑌾𑌵𑌾॒𑌶𑌿𑌷𑌾᳚ । 𑌅𑌙𑍍𑌗𑌿॑𑌰𑌸𑍋॒ 𑌧𑌿𑌷𑍍𑌣𑌿॑𑌯𑍈𑌰॒𑌗𑍍𑌨𑌿𑌭𑌿𑌃॑ । 𑌮॒𑌰𑍁𑌤॑-𑌸𑍍𑌸𑌦𑍋𑌹𑌵𑌿𑌰𑍍𑌧𑌾॒𑌨𑌾𑌭𑍍𑌯𑌾᳚𑌮𑍍 । 𑌆𑌪𑌃॒ 𑌪𑍍𑌰𑍋𑌕𑍍𑌷॑𑌣𑍀𑌭𑌿𑌃 ।
𑌓𑌷॑𑌧𑌯𑍋 𑌬॒𑌰𑍍॒𑌹𑌿𑌷𑌾᳚ । 𑌅𑌦𑌿॑𑌤𑌿॒𑌰𑍍𑌵𑍇𑌦𑍍𑌯𑌾᳚ । 𑌸𑍋𑌮𑍋॑ 𑌦𑍀॒𑌕𑍍𑌷𑌯𑌾᳚ ॥ 11 ॥

𑌤𑍍𑌵𑌷𑍍𑌟𑍇॒𑌦𑍍𑌧𑍍𑌮𑍇𑌨॑ । 𑌵𑌿𑌷𑍍𑌣𑍁॑-𑌰𑍍𑌯॒𑌜𑍍𑌞𑍇𑌨॑ । 𑌵𑌸॑𑌵॒ 𑌆𑌜𑍍𑌯𑍇॑𑌨 । 𑌆॒𑌦𑌿॒𑌤𑍍𑌯𑌾 𑌦𑌕𑍍𑌷𑌿॑𑌣𑌾𑌭𑌿𑌃 । 𑌵𑌿𑌶𑍍𑌵𑍇॑ 𑌦𑍇॒𑌵𑌾 𑌊॒𑌰𑍍𑌜𑌾 ।
𑌪𑍂॒𑌷𑌾 𑌸𑍍𑌵॑𑌗𑌾𑌕𑌾॒𑌰𑍇𑌣॑ । 𑌬𑍃𑌹॒𑌸𑍍𑌪𑌤𑌿𑌃॑ 𑌪𑍁𑌰𑍋॒𑌧𑌯𑌾᳚ ।
𑌪𑍍𑌰॒𑌜𑌾𑌪॑𑌤𑌿𑌰𑍁𑌦𑍍𑌗𑍀॒𑌥𑍇𑌨॑ । 𑌅॒𑌨𑍍𑌤𑌰𑌿॑𑌕𑍍𑌷-𑌮𑍍𑌪॒𑌵𑌿𑌤𑍍𑌰𑍇॑𑌣 । 𑌵𑌾॒𑌯𑍁𑌃 𑌪𑌾𑌤𑍍𑌰𑍈𑌃᳚ । 𑌅॒𑌹𑌗𑍍𑌗𑍍​ 𑌶𑍍𑌰॒𑌦𑍍𑌧𑌯𑌾᳚ ॥ 12 ॥
(𑌦𑍀॒𑌕𑍍𑌷𑌯𑌾॒ - 𑌪𑌾𑌤𑍍𑌰𑍈॒𑌰𑍇𑌕॑-𑌞𑍍𑌚) (𑌅. 𑍮)

𑌅𑌨𑍁𑌵𑌾𑌕𑌂 𑍯
𑌸𑍇𑌨𑍇𑌨𑍍𑌦𑍍𑌰॑𑌸𑍍𑌯 । 𑌧𑍇𑌨𑌾॒ 𑌬𑍃𑌹॒𑌸𑍍𑌪𑌤𑍇𑌃᳚ । 𑌪॒𑌤𑍍𑌥𑍍𑌯𑌾॑ 𑌪𑍂॒𑌷𑍍𑌣𑌃 । 𑌵𑌾𑌗𑍍𑌵𑌾॒𑌯𑍋𑌃 । 𑌦𑍀॒𑌕𑍍𑌷𑌾 𑌸𑍋𑌮॑𑌸𑍍𑌯 । 𑌪𑍃॒𑌥𑌿॒𑌵𑍍𑌯॑𑌗𑍍𑌨𑍇𑌃 । 𑌵𑌸𑍂॑𑌨𑌾-𑌙𑍍𑌗𑌾𑌯॒𑌤𑍍𑌰𑍀 । 𑌰𑍁॒𑌦𑍍𑌰𑌾𑌣𑌾᳚-𑌨𑍍𑌤𑍍𑌰𑌿॒𑌷𑍍𑌟𑍁𑌕𑍍 । 𑌆॒𑌦𑌿॒𑌤𑍍𑌯𑌾𑌨𑌾॒-𑌞𑍍𑌜𑌗॑𑌤𑍀 । 𑌵𑌿𑌷𑍍𑌣𑍋॑𑌰𑌨𑍁॒𑌷𑍍𑌟𑍁𑌕𑍍 ॥ 13 ॥

𑌵𑌰𑍁॑𑌣𑌸𑍍𑌯 𑌵𑌿॒𑌰𑌾𑌟𑍍 । 𑌯॒𑌜𑍍𑌞𑌸𑍍𑌯॑ 𑌪॒𑌙𑍍𑌕𑍍𑌤𑌿𑌃 । 𑌪𑍍𑌰॒𑌜𑌾𑌪॑𑌤𑍇॒𑌰𑌨𑍁॑𑌮𑌤𑌿𑌃 । 𑌮𑌿॒𑌤𑍍𑌰𑌸𑍍𑌯॑ 𑌶𑍍𑌰॒𑌦𑍍𑌧𑌾 । 𑌸॒𑌵𑌿॒𑌤𑍁𑌃 𑌪𑍍𑌰𑌸𑍂॑𑌤𑌿𑌃 । 𑌸𑍂𑌰𑍍𑌯॑𑌸𑍍𑌯॒ 𑌮𑌰𑍀॑𑌚𑌿𑌃 । 𑌚॒𑌨𑍍𑌦𑍍𑌰𑌮॑𑌸𑍋 𑌰𑍋𑌹𑌿॒𑌣𑍀 । 𑌋𑌷𑍀॑𑌣𑌾𑌮𑌰𑍁𑌨𑍍𑌧॒𑌤𑍀 । 𑌪॒𑌰𑍍𑌜𑌨𑍍𑌯॑𑌸𑍍𑌯 𑌵𑌿॒𑌦𑍍𑌯𑍁𑌤𑍍 ।
𑌚𑌤॑𑌸𑍍𑌰𑍋॒ 𑌦𑌿𑌶𑌃॑ । 𑌚𑌤॑𑌸𑍍𑌰𑍋-𑌽𑌵𑌾𑌨𑍍𑌤𑌰𑌦𑌿॒𑌶𑌾𑌃 । 𑌅𑌹॑𑌶𑍍𑌚॒ 𑌰𑌾𑌤𑍍𑌰𑌿॑𑌶𑍍𑌚 । 𑌕𑍃॒𑌷𑌿𑌶𑍍𑌚॒ 𑌵𑍃𑌷𑍍𑌟𑌿॑𑌶𑍍𑌚 ।
𑌤𑍍𑌵𑌿𑌷𑌿॒𑌶𑍍𑌚𑌾𑌪॑𑌚𑌿𑌤𑌿𑌶𑍍𑌚 । 𑌆𑌪॒𑌶𑍍𑌚𑍌𑌷॑𑌧𑌯𑌶𑍍𑌚 ।
𑌊𑌰𑍍𑌕𑍍𑌚॑ 𑌸𑍂॒𑌨𑍃𑌤𑌾॑ 𑌚 𑌦𑍇॒𑌵𑌾𑌨𑌾॒-𑌮𑍍𑌪𑌤𑍍𑌨॑𑌯𑌃 ॥ 14 ॥
(𑌅॒𑌨𑍁॒𑌷𑍍𑌟𑍁𑌗𑍍 - 𑌦𑌿𑌶॒-𑌷𑍍𑌷𑌟𑍍𑌚॑) (𑌅. 𑍯)

𑌅𑌨𑍁𑌵𑌾𑌕𑌂 10
𑌦𑍇॒𑌵𑌸𑍍𑌯॑ 𑌤𑍍𑌵𑌾 𑌸𑌵𑌿॒𑌤𑍁𑌃 𑌪𑍍𑌰॑𑌸॒𑌵𑍇 । 𑌅॒𑌶𑍍𑌵𑌿𑌨𑍋᳚-𑌰𑍍𑌬𑌾॒𑌹𑍁𑌭𑍍𑌯𑌾᳚𑌮𑍍 ।
𑌪𑍂॒𑌷𑍍𑌣𑍋 𑌹𑌸𑍍𑌤𑌾᳚𑌭𑍍𑌯𑌾॒-𑌮𑍍𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 ।
𑌰𑌾𑌜𑌾᳚ 𑌤𑍍𑌵𑌾॒ 𑌵𑌰𑍁॑𑌣𑍋 𑌨𑌯𑌤𑍁 𑌦𑍇𑌵𑌿 𑌦𑌕𑍍𑌷𑌿𑌣𑍇॒-𑌽𑌗𑍍𑌨𑌯𑍇॒ 𑌹𑌿𑌰॑𑌣𑍍𑌯𑌮𑍍 । 𑌤𑍇𑌨𑌾॑𑌮𑍃𑌤॒𑌤𑍍𑌵𑌮॑𑌶𑍍𑌯𑌾𑌮𑍍 । 𑌵𑌯𑍋॑ 𑌦𑌾॒𑌤𑍍𑌰𑍇 । 𑌮𑌯𑍋॒ 𑌮𑌹𑍍𑌯॑𑌮𑌸𑍍𑌤𑍁 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 । 𑌕 𑌇॒𑌦-𑌙𑍍𑌕𑌸𑍍𑌮𑌾॑ 𑌅𑌦𑌾𑌤𑍍 । 𑌕𑌾𑌮𑌃॒ 𑌕𑌾𑌮𑌾॑𑌯 । 𑌕𑌾𑌮𑍋॑ 𑌦𑌾॒𑌤𑌾 ॥ 15 ॥

𑌕𑌾𑌮𑌃॑ 𑌪𑍍𑌰𑌤𑌿𑌗𑍍𑌰𑌹𑍀॒𑌤𑌾 । 𑌕𑌾𑌮𑌗𑍍​𑌮𑍍॑ 𑌸𑌮𑍁॒𑌦𑍍𑌰𑌮𑌾𑌵𑌿॑𑌶 । 𑌕𑌾𑌮𑍇॑𑌨 𑌤𑍍𑌵𑌾॒ 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 ।
𑌕𑌾𑌮𑍈॒𑌤𑌤𑍍𑌤𑍇᳚ । 𑌏॒𑌷𑌾 𑌤𑍇॑ 𑌕𑌾𑌮॒ 𑌦𑌕𑍍𑌷𑌿॑𑌣𑌾 । 𑌉॒𑌤𑍍𑌤𑌾॒𑌨𑌸𑍍𑌤𑍍𑌵𑌾᳚-𑌽𑌽𑌙𑍍𑌗𑍀𑌰॒𑌸𑌃 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑍁 ।
𑌸𑍋𑌮𑌾॑𑌯॒ 𑌵𑌾𑌸𑌃॑ । 𑌰𑍁॒𑌦𑍍𑌰𑌾𑌯॒ 𑌗𑌾𑌮𑍍 । 𑌵𑌰𑍁॑𑌣𑌾॒𑌯𑌾𑌶𑍍𑌵᳚𑌮𑍍 ।
𑌪𑍍𑌰॒𑌜𑌾𑌪॑𑌤𑌯𑍇॒ 𑌪𑍁𑌰𑍁॑𑌷𑌮𑍍 ॥ 16 ॥

𑌮𑌨॑𑌵𑍇॒ 𑌤𑌲𑍍𑌪᳚𑌮𑍍 । 𑌤𑍍𑌵𑌷𑍍𑌟𑍍𑌰𑍇॒-𑌽𑌜𑌾𑌮𑍍 । 𑌪𑍂॒𑌷𑍍𑌣𑍇-𑌽𑌵𑌿᳚𑌮𑍍 । 𑌨𑌿𑌰𑍍-𑌋॑𑌤𑍍𑌯𑌾 𑌅𑌶𑍍𑌵𑌤𑌰𑌗𑌰𑍍𑌦॒𑌭𑍌 । 𑌹𑌿॒𑌮𑌵॑𑌤𑍋 𑌹॒𑌸𑍍𑌤𑌿𑌨᳚𑌮𑍍 । 𑌗॒𑌨𑍍𑌧॒𑌰𑍍𑌵𑌾॒-𑌫𑍍𑌸॒𑌰𑌾𑌭𑍍𑌯𑌃॑-𑌸𑍍𑌰𑌗𑌲𑌙𑍍𑌕𑌰॒𑌣𑍇 ।
𑌵𑌿𑌶𑍍𑌵𑍇᳚𑌭𑍍𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌧𑌾॒𑌨𑍍𑌯𑌮𑍍 । 𑌵𑌾॒𑌚𑍇-𑌽𑌨𑍍𑌨᳚𑌮𑍍 । 𑌬𑍍𑌰𑌹𑍍𑌮॑𑌣 𑌓𑌦॒𑌨𑌮𑍍 । 𑌸॒𑌮𑍁॒𑌦𑍍𑌰𑌾𑌯𑌾𑌪𑌃॑ ॥ 1𑍭 ॥

𑌉॒𑌤𑍍𑌤𑌾॒𑌨𑌾𑌯𑌾᳚𑌙𑍍𑌗𑍀𑌰॒𑌸𑌾𑌯𑌾𑌨𑌃॑ । 𑌵𑍈॒𑌶𑍍𑌵𑌾॒𑌨॒𑌰𑌾𑌯॒ 𑌰𑌥᳚𑌮𑍍 ॥
𑌵𑍈॒𑌶𑍍𑌵𑌾॒𑌨॒𑌰𑌃 𑌪𑍍𑌰॒𑌤𑍍𑌨𑌥𑌾॒ 𑌨𑌾𑌕॒𑌮𑌾𑌰𑍁॑𑌹𑌤𑍍 ।
𑌦𑌿॒𑌵𑌃 𑌪𑍃॒𑌷𑍍𑌠-𑌮𑍍𑌭𑌨𑍍𑌦॑𑌮𑌾𑌨-𑌸𑍍𑌸𑍁॒𑌮𑌨𑍍𑌮॑𑌭𑌿𑌃 ।
𑌸 𑌪𑍂᳚𑌰𑍍𑌵॒𑌵𑌜𑍍𑌜॒𑌨𑌯॑𑌜𑍍𑌜॒𑌨𑍍𑌤𑌵𑍇॒ 𑌧𑌨᳚𑌮𑍍 । 𑌸॒𑌮𑌾॒𑌨𑌮॑𑌜𑍍𑌮𑌾॒ 𑌪𑌰𑌿॑𑌯𑌾𑌤𑌿॒ 𑌜𑌾𑌗𑍃॑𑌵𑌿𑌃 ॥
𑌰𑌾𑌜𑌾᳚ 𑌤𑍍𑌵𑌾॒ 𑌵𑌰𑍁॑𑌣𑍋 𑌨𑌯𑌤𑍁 𑌦𑍇𑌵𑌿 𑌦𑌕𑍍𑌷𑌿𑌣𑍇 𑌵𑍈𑌶𑍍𑌵𑌾𑌨॒𑌰𑌾𑌯॒ 𑌰𑌥᳚𑌮𑍍 । 𑌤𑍇𑌨𑌾॑𑌮𑍃𑌤॒𑌤𑍍𑌵𑌮॑𑌶𑍍𑌯𑌾𑌮𑍍 । 𑌵𑌯𑍋॑ 𑌦𑌾॒𑌤𑍍𑌰𑍇 ।
𑌮𑌯𑍋॒ 𑌮𑌹𑍍𑌯॑𑌮𑌸𑍍𑌤𑍁 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 ॥ 1𑍮 ॥

𑌕 𑌇॒𑌦-𑌙𑍍𑌕𑌸𑍍𑌮𑌾॑ 𑌅𑌦𑌾𑌤𑍍 । 𑌕𑌾𑌮𑌃॒ 𑌕𑌾𑌮𑌾॑𑌯 । 𑌕𑌾𑌮𑍋॑ 𑌦𑌾॒𑌤𑌾 ।
𑌕𑌾𑌮𑌃॑ 𑌪𑍍𑌰𑌤𑌿𑌗𑍍𑌰𑌹𑍀॒𑌤𑌾 । 𑌕𑌾𑌮𑌗𑍍​𑌮𑍍॑ 𑌸𑌮𑍁॒𑌦𑍍𑌰𑌮𑌾𑌵𑌿॑𑌶 । 𑌕𑌾𑌮𑍇॑𑌨 𑌤𑍍𑌵𑌾॒ 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌮𑌿 । 𑌕𑌾𑌮𑍈॒𑌤𑌤𑍍𑌤𑍇᳚ । 𑌏॒𑌷𑌾 𑌤𑍇॑ 𑌕𑌾𑌮॒ 𑌦𑌕𑍍𑌷𑌿॑𑌣𑌾 । 𑌉॒𑌤𑍍𑌤𑌾॒𑌨𑌸𑍍𑌤𑍍𑌵𑌾᳚-𑌽𑌽𑌙𑍍𑌗𑍀𑌰॒𑌸𑌃 𑌪𑍍𑌰𑌤𑌿॑𑌗𑍃𑌹𑍍𑌣𑌾𑌤𑍁 ॥ 1𑍯 ॥
(𑌦𑌾॒𑌤𑌾 - 𑌪𑍁𑌰𑍁॑𑌷॒ - 𑌮𑌾𑌪𑌃॑ - 𑌪𑍍𑌰𑌤𑌿𑌗𑍍𑌰𑌹𑍀॒𑌤𑍍𑌰𑍇 - +𑌨𑌵॑ 𑌚) (𑌅. 10)

𑌅𑌨𑍁𑌵𑌾𑌕𑌂 11
𑌸𑍁॒𑌵𑌰𑍍𑌣॑-𑌙𑍍𑌘॒𑌰𑍍𑌮-𑌮𑍍𑌪𑌰𑌿॑𑌵𑍇𑌦 𑌵𑍇॒𑌨𑌮𑍍 । 𑌇𑌨𑍍𑌦𑍍𑌰॑𑌸𑍍𑌯𑌾॒𑌤𑍍𑌮𑌾𑌨॑-𑌨𑍍𑌦𑌶॒𑌧𑌾 𑌚𑌰॑𑌨𑍍𑌤𑌮𑍍 ।
𑌅॒𑌨𑍍𑌤-𑌸𑍍𑌸॑𑌮𑍁॒𑌦𑍍𑌰𑍇 𑌮𑌨॑𑌸𑌾॒ 𑌚𑌰॑𑌨𑍍𑌤𑌮𑍍 । 𑌬𑍍𑌰𑌹𑍍𑌮𑌾-𑌽𑌨𑍍𑌵॑𑌵𑌿𑌨𑍍𑌦॒-𑌦𑍍𑌦𑌶॑𑌹𑍋𑌤𑌾𑌰॒𑌮𑌰𑍍𑌣𑍇᳚ ।
𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟-𑌶𑍍𑌶𑌾॒𑌸𑍍𑌤𑌾 𑌜𑌨𑌾॑𑌨𑌾𑌮𑍍 । 𑌏𑌕॒-𑌸𑍍𑌸𑌨𑍍𑌬॑𑌹𑍁॒𑌧𑌾 𑌵𑌿॑𑌚𑌾𑌰𑌃 । 𑌶॒𑌤𑌗𑍍​𑌮𑍍 𑌶𑍁॒𑌕𑍍𑌰𑌾𑌣𑌿॒ 𑌯𑌤𑍍𑌰𑍈𑌕॒-𑌮𑍍𑌭𑌵॑𑌨𑍍𑌤𑌿 । 𑌸𑌰𑍍𑌵𑍇॒ 𑌵𑍇𑌦𑌾॒ 𑌯𑌤𑍍𑌰𑍈𑌕॒-𑌮𑍍𑌭𑌵॑𑌨𑍍𑌤𑌿 । 𑌸𑌰𑍍𑌵𑍇॒ 𑌹𑍋𑌤𑌾॑𑌰𑍋॒ 𑌯𑌤𑍍𑌰𑍈𑌕॒-𑌮𑍍𑌭𑌵॑𑌨𑍍𑌤𑌿 । 𑌸॒ 𑌮𑌾𑌨॑𑌸𑍀𑌨 𑌆॒𑌤𑍍𑌮𑌾 𑌜𑌨𑌾॑𑌨𑌾𑌮𑍍 ॥ 20 ॥

𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟-𑌶𑍍𑌶𑌾॒𑌸𑍍𑌤𑌾 𑌜𑌨𑌾॑𑌨𑌾॒𑌗𑍍​𑌮𑍍॒ 𑌸𑌰𑍍𑌵𑌾᳚𑌤𑍍𑌮𑌾 ।
𑌸𑌰𑍍𑌵𑌾𑌃᳚ 𑌪𑍍𑌰॒𑌜𑌾 𑌯𑌤𑍍𑌰𑍈𑌕॒-𑌮𑍍𑌭𑌵॑𑌨𑍍𑌤𑌿 । 𑌚𑌤𑍁॑𑌰𑍍​𑌹𑍋𑌤𑌾𑌰𑍋॒ 𑌯𑌤𑍍𑌰॑ 𑌸॒𑌮𑍍𑌪𑌦॒-𑌙𑍍𑌗𑌚𑍍𑌛॑𑌨𑍍𑌤𑌿 𑌦𑍇॒𑌵𑍈𑌃 । 𑌸॒ 𑌮𑌾𑌨॑𑌸𑍀𑌨 𑌆॒𑌤𑍍𑌮𑌾 𑌜𑌨𑌾॑𑌨𑌾𑌮𑍍 ॥ 𑌬𑍍𑌰𑌹𑍍𑌮𑍇𑌨𑍍𑌦𑍍𑌰॑𑌮॒𑌗𑍍𑌨𑌿-𑌞𑍍𑌜𑌗॑𑌤𑌃 𑌪𑍍𑌰𑌤𑌿॒𑌷𑍍𑌠𑌾𑌮𑍍 ।
𑌦𑌿॒𑌵 𑌆॒𑌤𑍍𑌮𑌾𑌨𑌗𑍍​𑌮𑍍॑ 𑌸𑌵𑌿॒𑌤𑌾𑌰॒-𑌮𑍍𑌬𑍃𑌹॒𑌸𑍍𑌪𑌤𑌿᳚𑌮𑍍 ।
𑌚𑌤𑍁॑𑌰𑍍​𑌹𑍋𑌤𑌾𑌰-𑌮𑍍𑌪𑍍𑌰॒𑌦𑌿𑌶𑍋-𑌽𑌨𑍁॑ 𑌕𑍍𑌲॒𑌪𑍍𑌤𑌮𑍍 । 𑌵𑌾॒𑌚𑍋 𑌵𑍀॒𑌰𑍍𑌯॑-𑌨𑍍𑌤𑌪॒𑌸𑌾-𑌽𑌨𑍍𑌵॑𑌵𑌿𑌨𑍍𑌦𑌤𑍍 ॥ 𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟-𑌙𑍍𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 ।
𑌤𑍍𑌵𑌷𑍍𑌟𑌾॑𑌰𑌗𑍍​𑌮𑍍 𑌰𑍂॒𑌪𑌾𑌣𑌿॑ 𑌵𑌿𑌕𑍁॒𑌰𑍍𑌵𑌨𑍍𑌤𑌂॑-𑌵𑌿𑌁𑌪॒𑌶𑍍𑌚𑌿𑌮𑍍 ॥ 21 ॥

𑌅॒𑌮𑍃𑌤॑𑌸𑍍𑌯 𑌪𑍍𑌰𑌾॒𑌣𑌂-𑌯𑌁॒𑌜𑍍𑌞𑌮𑍇॒𑌤𑌮𑍍 ।
𑌚𑌤𑍁॑𑌰𑍍​𑌹𑍋𑌤𑍃𑌣𑌾𑌮𑌾॒𑌤𑍍𑌮𑌾𑌨॑-𑌙𑍍𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 ॥
𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟-𑌙𑍍𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 ।
𑌦𑍇॒𑌵𑌾𑌨𑌾॒-𑌮𑍍𑌬𑌨𑍍𑌧𑍁॒ 𑌨𑌿𑌹𑌿॑𑌤॒-𑌙𑍍𑌗𑍁𑌹𑌾॑𑌸𑍁 ।
𑌅॒𑌮𑍃𑌤𑍇॑𑌨 𑌕𑍍𑌲॒𑌪𑍍𑌤𑌂-𑌯𑌁॒𑌜𑍍𑌞𑌮𑍇॒𑌤𑌮𑍍 ।
𑌚𑌤𑍁॑𑌰𑍍​𑌹𑍋𑌤𑍃𑌣𑌾𑌮𑌾॒𑌤𑍍𑌮𑌾𑌨॑-𑌙𑍍𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 ॥
𑌶॒𑌤-𑌨𑍍𑌨𑌿॒𑌯𑍁𑌤𑌃॒ 𑌪𑌰𑌿॑𑌵𑍇𑌦॒ 𑌵𑌿𑌶𑍍𑌵𑌾॑ 𑌵𑌿॒𑌶𑍍𑌵𑌵𑌾॑𑌰𑌃 । 𑌵𑌿𑌶𑍍𑌵॑𑌮𑌿॒𑌦𑌂-𑌵𑍃𑌁॑𑌣𑌾𑌤𑌿 ।
𑌇𑌨𑍍𑌦𑍍𑌰॑𑌸𑍍𑌯𑌾॒𑌤𑍍𑌮𑌾 𑌨𑌿𑌹𑌿॑𑌤𑌃॒ 𑌪𑌞𑍍𑌚॑𑌹𑍋𑌤𑌾 ।
𑌅॒𑌮𑍃𑌤॑-𑌨𑍍𑌦𑍇॒𑌵𑌾𑌨𑌾॒𑌮𑌾𑌯𑍁𑌃॑ 𑌪𑍍𑌰॒𑌜𑌾𑌨𑌾᳚𑌮𑍍 ॥ 22 ॥

𑌇𑌨𑍍𑌦𑍍𑌰॒𑌗𑍍​𑌮𑍍॒ 𑌰𑌾𑌜𑌾॑𑌨𑌗𑍍​𑌮𑍍 𑌸𑌵𑌿॒𑌤𑌾𑌰॑𑌮𑍇॒𑌤𑌮𑍍 । 𑌵𑌾॒𑌯𑍋𑌰𑌾॒𑌤𑍍𑌮𑌾𑌨॑-𑌙𑍍𑌕॒𑌵𑌯𑍋॒ 𑌨𑌿𑌚𑌿॑𑌕𑍍𑌯𑍁𑌃 ।
𑌰॒𑌶𑍍𑌮𑌿𑌗𑍍​𑌮𑍍 𑌰॑𑌶𑍍𑌮𑍀॒𑌨𑌾-𑌮𑍍𑌮𑌦𑍍𑌧𑍍𑌯𑍇॒ 𑌤𑌪॑𑌨𑍍𑌤𑌮𑍍 । 𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾᳚𑌨𑍍𑌤𑌿 ॥ 𑌯 𑌆᳚𑌣𑍍𑌡𑌕𑍋॒𑌶𑍇 𑌭𑍁𑌵॑𑌨-𑌮𑍍𑌬𑌿॒𑌭𑌰𑍍𑌤𑌿॑ । 𑌅𑌨𑌿॑𑌰𑍍𑌭𑌿𑌣𑍍𑌣॒-𑌸𑍍𑌸𑌨𑍍𑌨𑌥॑ 𑌲𑍋॒𑌕𑌾𑌨𑍍. 𑌵𑌿॒𑌚𑌷𑍍𑌟𑍇᳚ ।
𑌯𑌸𑍍𑌯𑌾᳚𑌣𑍍𑌡𑌕𑍋॒𑌶𑌗𑍍​𑌮𑍍 𑌶𑍁𑌷𑍍𑌮॑𑌮𑌾॒𑌹𑍁𑌃 𑌪𑍍𑌰𑌾॒𑌣𑌮𑍁𑌲𑍍𑌬᳚𑌮𑍍 ।
𑌤𑍇𑌨॑ 𑌕𑍍𑌲𑍃॒𑌪𑍍𑌤𑍋॑-𑌽𑌮𑍃𑌤𑍇॑𑌨𑌾॒𑌹𑌮॑𑌸𑍍𑌮𑌿 ॥ 𑌸𑍁॒𑌵𑌰𑍍𑌣॒-𑌙𑍍𑌕𑍋𑌶॒𑌗𑍍​𑌮𑍍॒ 𑌰𑌜॑𑌸𑌾॒ 𑌪𑌰𑍀॑𑌵𑍃𑌤𑌮𑍍 ।
𑌦𑍇॒𑌵𑌾𑌨𑌾𑌂᳚-𑌵𑌁𑌸𑍁॒𑌧𑌾𑌨𑍀𑌂᳚-𑌵𑌿𑌁॒𑌰𑌾𑌜᳚𑌮𑍍 ॥ 23 ॥

𑌅॒𑌮𑍃𑌤॑𑌸𑍍𑌯 𑌪𑍂॒𑌰𑍍𑌣𑌾𑌨𑍍𑌤𑌾𑌮𑍁॑ 𑌕॒𑌲𑌾𑌂-𑌵𑌿𑌁𑌚॑𑌕𑍍𑌷𑌤𑍇 ।
𑌪𑌾𑌦॒𑌗𑍍​𑌮𑍍॒ 𑌷𑌡𑍍𑌢𑍋॑𑌤𑍁॒𑌰𑍍𑌨 𑌕𑌿𑌲𑌾॑𑌵𑌿 𑌵𑌿𑌥𑍍𑌸𑍇 ॥ 𑌯𑍇𑌨॒𑌰𑍍𑌤𑌵𑌃॑ 𑌪𑌞𑍍𑌚॒𑌧𑍋𑌤 𑌕𑍍𑌲॒𑌪𑍍𑌤𑌾𑌃 । 𑌉॒𑌤 𑌵𑌾॑ 𑌷॒𑌡𑍍𑌧𑌾 𑌮𑌨॒𑌸𑍋𑌤 𑌕𑍍𑌲𑍃॒𑌪𑍍𑌤𑌾𑌃 । 𑌤𑌗𑍍​𑌮𑍍 𑌷𑌡𑍍𑌢𑍋॑𑌤𑌾𑌰𑌮𑍃॒𑌤𑍁𑌭𑌿𑌃॒ 𑌕𑌲𑍍𑌪॑𑌮𑌾𑌨𑌮𑍍 । 𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾᳚𑌨𑍍𑌤𑌿 ॥ 𑌅॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟-𑌙𑍍𑌕॒𑌰𑍍𑌤𑌾𑌰॑𑌮𑍇॒𑌤𑌮𑍍 । 𑌅॒𑌨𑍍𑌤𑌶𑍍𑌚॒𑌨𑍍𑌦𑍍𑌰𑌮॑𑌸𑌿॒ 𑌮𑌨॑𑌸𑌾॒ 𑌚𑌰॑𑌨𑍍𑌤𑌮𑍍 । 𑌸॒𑌹𑍈𑌵 𑌸𑌨𑍍𑌤॒-𑌨𑍍𑌨 𑌵𑌿𑌜𑌾॑𑌨𑌨𑍍𑌤𑌿 𑌦𑍇॒𑌵𑌾𑌃 ।
𑌇𑌨𑍍𑌦𑍍𑌰॑𑌸𑍍𑌯𑌾॒𑌤𑍍𑌮𑌾𑌨𑌗𑍍​𑌮𑍍॑ 𑌶𑌤॒𑌧𑌾 𑌚𑌰॑𑌨𑍍𑌤𑌮𑍍 ॥ 24 ॥

𑌇𑌨𑍍𑌦𑍍𑌰𑍋॒ 𑌰𑌾𑌜𑌾॒ 𑌜𑌗॑𑌤𑍋॒ 𑌯 𑌈𑌶𑍇᳚ । 𑌸॒𑌪𑍍𑌤𑌹𑍋॑𑌤𑌾 𑌸𑌪𑍍𑌤॒𑌧𑌾 𑌵𑌿𑌕𑍍𑌲𑍃॑𑌪𑍍𑌤𑌃 ॥ 𑌪𑌰𑍇॑𑌣॒ 𑌤𑌨𑍍𑌤𑍁॑-𑌮𑍍𑌪𑌰𑌿𑌷𑌿॒𑌚𑍍𑌯𑌮𑌾॑𑌨𑌮𑍍 । 𑌅॒𑌨𑍍𑌤𑌰𑌾॑𑌦𑌿॒𑌤𑍍𑌯𑍇 𑌮𑌨॑𑌸𑌾॒ 𑌚𑌰॑𑌨𑍍𑌤𑌮𑍍 । 𑌦𑍇॒𑌵𑌾𑌨𑌾॒𑌗𑍍​𑌮𑍍॒ 𑌹𑍃𑌦॑𑌯॒-𑌮𑍍𑌬𑍍𑌰𑌹𑍍𑌮𑌾-𑌽𑌨𑍍𑌵॑𑌵𑌿𑌨𑍍𑌦𑌤𑍍 ॥ 𑌬𑍍𑌰𑌹𑍍𑌮𑍈॒𑌤𑌦𑍍𑌬𑍍𑌰𑌹𑍍𑌮॑𑌣॒ 𑌉𑌜𑍍𑌜॑𑌭𑌾𑌰 । 𑌅॒𑌰𑍍𑌕𑌗𑍍𑌗𑍍​ 𑌶𑍍𑌚𑍋𑌤॑𑌨𑍍𑌤𑌗𑍍​𑌮𑍍 𑌸𑌰𑌿॒𑌰𑌸𑍍𑌯॒ 𑌮𑌦𑍍𑌧𑍍𑌯𑍇᳚ ॥ 𑌆 𑌯𑌸𑍍𑌮𑌿𑌨𑍍᳚-𑌥𑍍𑌸॒𑌪𑍍𑌤 𑌪𑍇𑌰॑𑌵𑌃 । 𑌮𑍇𑌹॑𑌨𑍍𑌤𑌿 𑌬𑌹𑍁॒𑌲𑌾𑌗𑍍​ 𑌶𑍍𑌰𑌿𑌯᳚𑌮𑍍 । 𑌬॒𑌹𑍍𑌵॒𑌶𑍍𑌵𑌾𑌮𑌿॑𑌨𑍍𑌦𑍍𑌰॒ 𑌗𑍋𑌮॑𑌤𑍀𑌮𑍍 ॥ 25 ॥

𑌅𑌚𑍍𑌯𑍁॑𑌤𑌾-𑌮𑍍𑌬𑌹𑍁॒𑌲𑌾𑌗𑍍​ 𑌶𑍍𑌰𑌿𑌯᳚𑌮𑍍 । 𑌸 𑌹𑌰𑌿॑𑌰𑍍𑌵𑌸𑍁॒𑌵𑌿𑌤𑍍𑌤॑𑌮𑌃 ।
𑌪𑍇॒𑌰𑍁𑌰𑌿𑌨𑍍𑌦𑍍𑌰𑌾॑𑌯 𑌪𑌿𑌨𑍍𑌵𑌤𑍇 ॥ 𑌬॒𑌹𑍍𑌵॒𑌶𑍍𑌵𑌾𑌮𑌿॑𑌨𑍍𑌦𑍍𑌰॒ 𑌗𑍋𑌮॑𑌤𑍀𑌮𑍍 । 𑌅𑌚𑍍𑌯𑍁॑𑌤𑌾-𑌮𑍍𑌬𑌹𑍁॒𑌲𑌾𑌗𑍍​ 𑌶𑍍𑌰𑌿𑌯᳚𑌮𑍍 । 𑌮𑌹𑍍𑌯॒𑌮𑌿𑌨𑍍𑌦𑍍𑌰𑍋॒ 𑌨𑌿𑌯॑𑌚𑍍𑌛𑌤𑍁 ॥ 𑌶॒𑌤𑌗𑍍​𑌮𑍍 𑌶॒𑌤𑌾 𑌅॑𑌸𑍍𑌯 𑌯𑍁॒𑌕𑍍𑌤𑌾 𑌹𑌰𑍀॑𑌣𑌾𑌮𑍍 ।
𑌅॒𑌰𑍍𑌵𑌾𑌂𑌆 𑌯𑌾॑𑌤𑍁॒ 𑌵𑌸𑍁॑𑌭𑍀 𑌰॒𑌶𑍍𑌮𑌿𑌰𑌿𑌨𑍍𑌦𑍍𑌰𑌃॑ । 𑌪𑍍𑌰𑌮𑌗𑍍​𑌮𑍍𑌹॑𑌮𑌾𑌣𑍋 𑌬𑌹𑍁॒𑌲𑌾𑌗𑍍​ 𑌶𑍍𑌰𑌿𑌯᳚𑌮𑍍 ।
𑌰॒𑌶𑍍𑌮𑌿𑌰𑌿𑌨𑍍𑌦𑍍𑌰॑-𑌸𑍍𑌸𑌵𑌿॒𑌤𑌾 𑌮𑍇॒ 𑌨𑌿𑌯॑𑌚𑍍𑌛𑌤𑍁 ॥ 26 ॥

𑌘𑍃॒𑌤-𑌨𑍍𑌤𑍇𑌜𑍋॒ 𑌮𑌧𑍁॑𑌮𑌦𑌿𑌨𑍍𑌦𑍍𑌰𑌿॒𑌯𑌮𑍍 । 𑌮𑌯𑍍𑌯॒𑌯𑌮॒𑌗𑍍𑌨𑌿𑌰𑍍𑌦॑𑌧𑌾𑌤𑍁 ॥ 𑌹𑌰𑌿𑌃॑ 𑌪𑌤॒𑌙𑍍𑌗𑌃 𑌪॑𑌟॒𑌰𑍀 𑌸𑍁॑𑌪॒𑌰𑍍𑌣𑌃 । 𑌦𑌿॒𑌵𑌿॒𑌕𑍍𑌷𑌯𑍋॒ 𑌨𑌭॑𑌸𑌾॒ 𑌯 𑌏𑌤𑌿॑ ।
𑌸 𑌨॒ 𑌇𑌨𑍍𑌦𑍍𑌰𑌃॑ 𑌕𑌾𑌮𑌵॒𑌰-𑌨𑍍𑌦॑𑌦𑌾𑌤𑍁 ॥ 𑌪𑌞𑍍𑌚𑌾॑𑌰-𑌞𑍍𑌚॒𑌕𑍍𑌰-𑌮𑍍𑌪𑌰𑌿॑𑌵𑌰𑍍𑌤𑌤𑍇 𑌪𑍃॒𑌥𑍁 । 𑌹𑌿𑌰॑𑌣𑍍𑌯𑌜𑍍𑌯𑍋𑌤𑌿-𑌸𑍍𑌸𑌰𑌿॒𑌰𑌸𑍍𑌯॒ 𑌮𑌦𑍍𑌧𑍍𑌯𑍇᳚ । 𑌅𑌜॑𑌸𑍍𑌰॒-𑌞𑍍𑌜𑍍𑌯𑍋𑌤𑌿॒𑌰𑍍𑌨𑌭॑𑌸𑌾॒ 𑌸𑌰𑍍𑌪॑𑌦𑍇𑌤𑌿 ।
𑌸 𑌨॒ 𑌇𑌨𑍍𑌦𑍍𑌰𑌃॑ 𑌕𑌾𑌮𑌵॒𑌰-𑌨𑍍𑌦॑𑌦𑌾𑌤𑍁 ॥
𑌸॒𑌪𑍍𑌤 𑌯𑍁॑𑌞𑍍𑌜𑌨𑍍𑌤𑌿॒ 𑌰𑌥॒𑌮𑍇𑌕॑𑌚𑌕𑍍𑌰𑌮𑍍 ॥ 2𑍭 ॥

𑌏𑌕𑍋॒ 𑌅𑌶𑍍𑌵𑍋॑ 𑌵𑌹𑌤𑌿 𑌸𑌪𑍍𑌤𑌨𑌾॒𑌮𑌾 । 𑌤𑍍𑌰𑌿॒𑌨𑌾𑌭𑌿॑ 𑌚॒𑌕𑍍𑌰𑌮॒𑌜𑌰॒𑌮𑌨॑𑌰𑍍𑌵𑌮𑍍 । 𑌯𑍇𑌨𑍇॒𑌮𑌾 𑌵𑌿𑌶𑍍𑌵𑌾॒ 𑌭𑍁𑌵॑𑌨𑌾𑌨𑌿 𑌤𑌸𑍍𑌥𑍁𑌃 ॥ 𑌭॒𑌦𑍍𑌰-𑌮𑍍𑌪𑌶𑍍𑌯॑𑌨𑍍𑌤॒ 𑌉𑌪॑𑌸𑍇𑌦𑍁॒𑌰𑌗𑍍𑌰𑍇᳚ ।
𑌤𑌪𑍋॑ 𑌦𑍀॒𑌕𑍍𑌷𑌾𑌮𑍃𑌷॑𑌯-𑌸𑍍𑌸𑍁𑌵॒𑌰𑍍𑌵𑌿𑌦𑌃॑ । 𑌤𑌤𑌃॑, 𑌕𑍍𑌷॒𑌤𑍍𑌰-𑌮𑍍𑌬𑌲॒𑌮𑍋𑌜॑𑌶𑍍𑌚 𑌜𑌾॒𑌤𑌮𑍍 । 𑌤𑌦॒𑌸𑍍𑌮𑍈 𑌦𑍇॒𑌵𑌾 𑌅॒𑌭𑌿 𑌸-𑌨𑍍𑌨॑𑌮𑌨𑍍𑌤𑍁 ॥ 𑌶𑍍𑌵𑍇॒𑌤𑌗𑍍​𑌮𑍍 𑌰॒𑌶𑍍𑌮𑌿-𑌮𑍍𑌬𑍋॑𑌭𑍁॒𑌜𑍍𑌯𑌮𑌾॑𑌨𑌮𑍍 ।
𑌅॒𑌪𑌾-𑌨𑍍𑌨𑍇॒𑌤𑌾𑌰॒-𑌮𑍍𑌭𑍁𑌵॑𑌨𑌸𑍍𑌯 𑌗𑍋॒𑌪𑌾𑌮𑍍 ।
𑌇𑌨𑍍𑌦𑍍𑌰॒-𑌨𑍍𑌨𑌿𑌚𑌿॑𑌕𑍍𑌯𑍁𑌃 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 ॥ 2𑍮 ॥

𑌰𑍋𑌹𑌿॑𑌣𑍀𑌃 𑌪𑌿𑌙𑍍𑌗॒𑌲𑌾 𑌏𑌕॑𑌰𑍂𑌪𑌾𑌃 । 𑌕𑍍𑌷𑌰॑𑌨𑍍𑌤𑍀𑌃 𑌪𑌿𑌙𑍍𑌗॒𑌲𑌾 𑌏𑌕॑𑌰𑍂𑌪𑌾𑌃 । 𑌶॒𑌤𑌗𑍍​𑌮𑍍 𑌸॒𑌹𑌸𑍍𑌰𑌾॑𑌣𑌿 𑌪𑍍𑌰॒𑌯𑍁𑌤𑌾॑𑌨𑌿॒ 𑌨𑌾𑌵𑍍𑌯𑌾॑𑌨𑌾𑌮𑍍 ॥ 𑌅॒𑌯𑌂-𑌯𑌁𑌶𑍍𑌶𑍍𑌵𑍇॒𑌤𑍋 𑌰॒𑌶𑍍𑌮𑌿𑌃 । 𑌪𑌰𑌿॒ 𑌸𑌰𑍍𑌵॑𑌮𑌿॒𑌦-𑌞𑍍𑌜𑌗॑𑌤𑍍 । 𑌪𑍍𑌰॒𑌜𑌾-𑌮𑍍𑌪॒𑌶𑍂-𑌨𑍍𑌧𑌨𑌾॑𑌨𑌿 । 𑌅॒𑌸𑍍𑌮𑌾𑌕॑-𑌨𑍍𑌦𑌦𑌾𑌤𑍁 ॥
𑌶𑍍𑌵𑍇॒𑌤𑍋 𑌰॒𑌶𑍍𑌮𑌿𑌃 𑌪𑌰𑌿॒ 𑌸𑌰𑍍𑌵॑-𑌮𑍍𑌬𑌭𑍂𑌵 । 𑌸𑍁𑌵॒𑌨𑍍𑌮𑌹𑍍𑌯॑-𑌮𑍍𑌪॒𑌶𑍂𑌨𑍍. 𑌵𑌿॒𑌶𑍍𑌵𑌰𑍂॑𑌪𑌾𑌨𑍍 ॥ 𑌪॒𑌤॒𑌙𑍍𑌗𑌮॒𑌕𑍍𑌤𑌮𑌸𑍁॑𑌰𑌸𑍍𑌯 𑌮𑌾॒𑌯𑌯𑌾᳚ ॥ 2𑍯 ॥

𑌹𑍃॒𑌦𑌾 𑌪॑𑌶𑍍𑌯𑌨𑍍𑌤𑌿॒ 𑌮𑌨॑𑌸𑌾 𑌮𑌨𑍀॒𑌷𑌿𑌣𑌃॑ । 𑌸॒𑌮𑍁॒𑌦𑍍𑌰𑍇 𑌅॒𑌨𑍍𑌤𑌃 𑌕॒𑌵𑌯𑍋॒ 𑌵𑌿𑌚॑𑌕𑍍𑌷𑌤𑍇 । 𑌮𑌰𑍀॑𑌚𑍀𑌨𑌾-𑌮𑍍𑌪॒𑌦𑌮𑌿॑𑌚𑍍𑌛𑌨𑍍𑌤𑌿 𑌵𑍇॒𑌧𑌸𑌃॑ ॥ 𑌪॒𑌤॒𑌙𑍍𑌗𑍋 𑌵𑌾𑌚॒-𑌮𑍍𑌮𑌨॑𑌸𑌾 𑌬𑌿𑌭𑌰𑍍𑌤𑌿 ।
𑌤𑌾-𑌙𑍍𑌗॑𑌨𑍍𑌧॒𑌰𑍍𑌵𑍋॑-𑌽𑌵𑌦॒-𑌦𑍍𑌗𑌰𑍍𑌭𑍇॑ 𑌅॒𑌨𑍍𑌤𑌃 । 𑌤𑌾-𑌨𑍍𑌦𑍍𑌯𑍋𑌤॑𑌮𑌾𑌨𑌾𑌗𑍍​ 𑌸𑍍𑌵॒𑌰𑍍𑌯॑-𑌮𑍍𑌮𑌨𑍀॒𑌷𑌾𑌮𑍍 ।
𑌋॒𑌤𑌸𑍍𑌯॑ 𑌪॒𑌦𑍇 𑌕॒𑌵𑌯𑍋॒ 𑌨𑌿𑌪𑌾᳚𑌨𑍍𑌤𑌿 ॥ 𑌯𑍇 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒-𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌅॒𑌗𑍍𑌨𑌿𑌸𑍍𑌤𑌾𑌗𑍍​𑌮𑍍 𑌅𑌗𑍍𑌰𑍇॒ 𑌪𑍍𑌰𑌮𑍁॑𑌮𑍋𑌕𑍍𑌤𑍁 𑌦𑍇॒𑌵𑌃 ॥ 30 ॥

𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂​𑌵𑌿𑌁𑌦𑌾॒𑌨𑌃 ॥ 𑌵𑍀॒𑌤𑌗𑍍𑌗𑍍​ 𑌸𑍍𑌤𑍁॑𑌕𑍇𑌸𑍍𑌤𑍁𑌕𑍇 । 𑌯𑍁॒𑌵𑌮॒𑌸𑍍𑌮𑌾𑌸𑍁॒ 𑌨𑌿𑌯॑𑌚𑍍𑌛𑌤𑌮𑍍 । 𑌪𑍍𑌰𑌪𑍍𑌰॑ 𑌯॒𑌜𑍍𑌞𑌪॑𑌤𑌿-𑌨𑍍𑌤𑌿𑌰 ॥ 𑌯𑍇 𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒-𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 ।
𑌤𑍇𑌷𑌾𑌗𑍍​𑌮𑍍॑ 𑌸𑌪𑍍𑌤𑌾॒𑌨𑌾𑌮𑌿॒𑌹 𑌰𑌨𑍍𑌤𑌿॑𑌰𑌸𑍍𑌤𑍁 ।
𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॑𑌯 ॥
𑌯 𑌆॑𑌰॒𑌣𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 ।
𑌵𑌿𑌰𑍂॑𑌪𑌾॒-𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 ॥ 31 ॥

𑌵𑌾॒𑌯𑍁𑌸𑍍𑌤𑌾𑌗𑍍​𑌮𑍍 𑌅𑌗𑍍𑌰𑍇॒ 𑌪𑍍𑌰𑌮𑍁॑𑌮𑍋𑌕𑍍𑌤𑍁 𑌦𑍇॒𑌵𑌃 । 𑌪𑍍𑌰॒𑌜𑌾𑌪॑𑌤𑌿𑌃 𑌪𑍍𑌰॒𑌜𑌯𑌾॑ 𑌸𑌂​𑌵𑌿𑌁𑌦𑌾॒𑌨𑌃 ॥ 𑌇𑌡𑌾॑𑌯𑍈 𑌸𑍃॒𑌪𑍍𑌤-𑌙𑍍𑌘𑍃॒𑌤𑌵॑𑌚𑍍𑌚𑌰𑌾𑌚॒𑌰𑌮𑍍 । 𑌦𑍇॒𑌵𑌾 𑌅𑌨𑍍𑌵॑𑌵𑌿𑌨𑍍𑌦॒𑌨𑍍𑌗𑍁𑌹𑌾॑ 𑌹𑌿॒𑌤𑌮𑍍 ॥
𑌯 𑌆॑𑌰॒𑌣𑍍𑌯𑌾𑌃 𑌪॒𑌶𑌵𑍋॑ 𑌵𑌿॒𑌶𑍍𑌵𑌰𑍂॑𑌪𑌾𑌃 । 𑌵𑌿𑌰𑍂॑𑌪𑌾॒-𑌸𑍍𑌸𑌨𑍍𑌤𑍋॑ 𑌬𑌹𑍁॒𑌧𑍈𑌕॑𑌰𑍂𑌪𑌾𑌃 । 𑌤𑍇𑌷𑌾𑌗𑍍​𑌮𑍍॑ 𑌸𑌪𑍍𑌤𑌾॒𑌨𑌾𑌮𑌿॒𑌹 𑌰𑌨𑍍𑌤𑌿॑𑌰𑌸𑍍𑌤𑍁 ।
𑌰𑌾॒𑌯𑌸𑍍𑌪𑍋𑌷𑌾॑𑌯 𑌸𑍁𑌪𑍍𑌰𑌜𑌾॒𑌸𑍍𑌤𑍍𑌵𑌾𑌯॑ 𑌸𑍁॒𑌵𑍀𑌰𑍍𑌯𑌾॑𑌯 ॥ 32 ॥
(𑌆॒𑌤𑍍𑌮𑌾 𑌜𑌨𑌾॑𑌨𑌾𑌂 - 𑌁𑌵𑌿𑌕𑍁॒𑌰𑍍𑌵𑌨𑍍𑌤𑌂॑-𑌵𑌿𑌁𑌪॒𑌶𑍍𑌵𑌿𑌂 - 𑌪𑍍𑌰॒𑌜𑌾𑌨𑌾𑌂᳚ - 𑌁𑌵𑌸𑍁॒𑌧𑌾𑌨𑍀𑌂᳚
𑌁𑌵𑌿॒𑌰𑌾𑌜𑌂॒ - 𑌚𑌰॑𑌨𑍍𑌤𑌂॒ - 𑌗𑍋𑌮॑𑌤𑍀𑌂 - 𑌮𑍇॒ 𑌨𑌿𑌯॑𑌚𑍍𑌛॒ - 𑌤𑍍𑌵𑍇𑌕॑𑌚𑌕𑍍𑌰𑌂॒ - 𑌁𑌵𑍍𑌯𑍋॑𑌮𑌨𑍍 - 𑌮𑌾॒𑌯𑌯𑌾॑ - 𑌦𑍇॒𑌵 - 𑌏𑌕॑𑌰𑍂𑌪𑌾 - +𑌅॒𑌷𑍍𑌟𑍌 𑌚॑) (𑌅. 11)

𑌅𑌨𑍁𑌵𑌾𑌕𑌂 12
𑌸॒𑌹𑌸𑍍𑌰॑𑌶𑍀𑌰𑍍​𑌷𑌾॒ 𑌪𑍁𑌰𑍁॑𑌷𑌃 । 𑌸॒𑌹॒𑌸𑍍𑌰𑌾॒𑌕𑍍𑌷-𑌸𑍍𑌸॒𑌹𑌸𑍍𑌰॑𑌪𑌾𑌤𑍍 । 𑌸 𑌭𑍂𑌮𑌿𑌂॑-𑌵𑌿𑌁॒𑌶𑍍𑌵𑌤𑍋॑ 𑌵𑍃॒𑌤𑍍𑌵𑌾 । 𑌅𑌤𑍍𑌯॑𑌤𑌿𑌷𑍍𑌠-𑌦𑍍𑌦𑌶𑌾𑌙𑍍𑌗𑍁॒𑌲𑌮𑍍 ॥ 𑌪𑍁𑌰𑍁॑𑌷 𑌏॒𑌵𑍇𑌦𑌗𑍍​𑌮𑍍 𑌸𑌰𑍍𑌵᳚𑌮𑍍 । 𑌯-𑌦𑍍𑌭𑍂॒𑌤𑌂-𑌯𑌁𑌚𑍍𑌚॒ 𑌭𑌵𑍍𑌯᳚𑌮𑍍 ।
𑌉॒𑌤𑌾𑌮𑍃॑𑌤॒𑌤𑍍𑌵𑌸𑍍𑌯𑍇𑌶𑌾॑𑌨𑌃 । 𑌯𑌦𑌨𑍍𑌨𑍇॑𑌨𑌾𑌤𑌿॒𑌰𑍋𑌹॑𑌤𑌿 ॥ 𑌏॒𑌤𑌾𑌵𑌾॑𑌨𑌸𑍍𑌯 𑌮𑌹𑌿॒𑌮𑌾 । 𑌅𑌤𑍋॒ 𑌜𑍍𑌯𑌾𑌯𑌾𑌗𑍍॑𑌶𑍍𑌚॒ 𑌪𑍂𑌰𑍁॑𑌷𑌃 ॥ 33 ॥

𑌪𑌾𑌦𑍋᳚-𑌽𑌸𑍍𑌯॒ 𑌵𑌿𑌶𑍍𑌵𑌾॑ 𑌭𑍂॒𑌤𑌾𑌨𑌿॑ । 𑌤𑍍𑌰𑌿॒𑌪𑌾𑌦॑𑌸𑍍𑌯𑌾॒𑌮𑍃𑌤॑-𑌨𑍍𑌦𑌿॒𑌵𑌿 ॥
𑌤𑍍𑌰𑌿॒𑌪𑌾𑌦𑍂॒𑌰𑍍𑌧𑍍𑌵 𑌉𑌦𑍈॒𑌤𑍍𑌪𑍁𑌰𑍁॑𑌷𑌃 । 𑌪𑌾𑌦𑍋᳚-𑌽𑌸𑍍𑌯𑍇॒𑌹𑌾𑌭॑𑌵𑌾॒-𑌤𑍍𑌪𑍁𑌨𑌃॑ । 𑌤𑌤𑍋॒ 𑌵𑌿𑌷𑍍𑌵𑌂॒-𑌵𑍍𑌯𑌁॑𑌕𑍍𑌰𑌾𑌮𑌤𑍍 । 𑌸𑌾॒𑌶॒𑌨𑌾॒𑌨॒𑌶॒𑌨𑍇 𑌅॒𑌭𑌿 ॥ 𑌤𑌸𑍍𑌮𑌾᳚-𑌦𑍍𑌵𑌿॒𑌰𑌾𑌡॑𑌜𑌾𑌯𑌤 । 𑌵𑌿॒𑌰𑌾𑌜𑍋॒ 𑌅𑌧𑌿॒ 𑌪𑍂𑌰𑍁॑𑌷𑌃 ।
𑌸 𑌜𑌾॒𑌤𑍋 𑌅𑌤𑍍𑌯॑𑌰𑌿𑌚𑍍𑌯𑌤 । 𑌪॒𑌶𑍍𑌚𑌾-𑌦𑍍𑌭𑍂𑌮𑌿॒𑌮𑌥𑍋॑ 𑌪𑍁॒𑌰𑌃 ॥ 34 ॥

𑌯𑌤𑍍𑌪𑍁𑌰𑍁॑𑌷𑍇𑌣 𑌹॒𑌵𑌿𑌷𑌾᳚ । 𑌦𑍇॒𑌵𑌾 𑌯॒𑌜𑍍𑌞𑌮𑌤॑𑌨𑍍𑌵𑌤 । 𑌵॒𑌸॒𑌨𑍍𑌤𑍋 𑌅॑𑌸𑍍𑌯𑌾𑌸𑍀॒𑌦𑌾𑌜𑍍𑌯᳚𑌮𑍍 । 𑌗𑍍𑌰𑍀॒𑌷𑍍𑌮 𑌇॒𑌦𑍍𑌧𑍍𑌮-𑌶𑍍𑌶॒𑌰𑌦𑍍𑌧॒𑌵𑌿𑌃 ॥ 𑌸॒𑌪𑍍𑌤𑌾𑌸𑍍𑌯𑌾॑𑌸-𑌨𑍍𑌪𑌰𑌿॒𑌧𑌯𑌃॑ ।
𑌤𑍍𑌰𑌿-𑌸𑍍𑌸॒𑌪𑍍𑌤 𑌸॒𑌮𑌿𑌧𑌃॑ 𑌕𑍃॒𑌤𑌾𑌃 । 𑌦𑍇॒𑌵𑌾 𑌯-𑌦𑍍𑌯॒𑌜𑍍𑌞-𑌨𑍍𑌤॑𑌨𑍍𑌵𑌾॒𑌨𑌾𑌃 । 𑌅𑌬॑𑌦𑍍𑌧𑍍𑌨॒-𑌨𑍍𑌪𑍁𑌰𑍁॑𑌷-𑌮𑍍𑌪॒𑌶𑍁𑌮𑍍 ॥ 𑌤𑌂-𑌯𑌁॒𑌜𑍍𑌞-𑌮𑍍𑌬॒𑌰𑍍॒𑌹𑌿𑌷𑌿॒ 𑌪𑍍𑌰𑍌𑌕𑍍𑌷𑌨𑍍𑌨𑍍॑ ।
𑌪𑍁𑌰𑍁॑𑌷-𑌞𑍍𑌜𑌾॒𑌤𑌮॑𑌗𑍍𑌰॒𑌤𑌃 ॥ 35 ॥

𑌤𑍇𑌨॑ 𑌦𑍇॒𑌵𑌾 𑌅𑌯॑𑌜𑌨𑍍𑌤 । 𑌸𑌾॒𑌦𑍍𑌧𑍍𑌯𑌾 𑌋𑌷॑𑌯𑌶𑍍𑌚॒ 𑌯𑍇 ॥
𑌤𑌸𑍍𑌮𑌾᳚-𑌦𑍍𑌯॒𑌜𑍍𑌞𑌾-𑌥𑍍𑌸॑𑌰𑍍𑌵॒𑌹𑍁𑌤𑌃॑ । 𑌸𑌮𑍍𑌭𑍃॑𑌤-𑌮𑍍𑌪𑍃𑌷𑌦𑌾॒𑌜𑍍𑌯𑌮𑍍 । 𑌪॒𑌶𑍂𑌗𑍍​𑌸𑍍𑌤𑌾𑌗𑍍​𑌶𑍍𑌚॑𑌕𑍍𑌰𑍇 𑌵𑌾𑌯॒𑌵𑍍𑌯𑌾𑌨𑍍॑ ।
𑌆॒𑌰॒𑌣𑍍𑌯𑌾-𑌨𑍍𑌗𑍍𑌰𑌾॒𑌮𑍍𑌯𑌾𑌶𑍍𑌚॒ 𑌯𑍇 ॥ 𑌤𑌸𑍍𑌮𑌾᳚-𑌦𑍍𑌯॒𑌜𑍍𑌞𑌾-𑌥𑍍𑌸॑𑌰𑍍𑌵॒𑌹𑍁𑌤𑌃॑ । 𑌋𑌚॒-𑌸𑍍𑌸𑌾𑌮𑌾॑𑌨𑌿 𑌜𑌜𑍍𑌞𑌿𑌰𑍇 । 𑌛𑌨𑍍𑌦𑌾𑌗𑍍​𑌮𑍍॑𑌸𑌿 𑌜𑌜𑍍𑌞𑌿𑌰𑍇॒ 𑌤𑌸𑍍𑌮𑌾᳚𑌤𑍍 । 𑌯𑌜𑍁॒-𑌸𑍍𑌤𑌸𑍍𑌮𑌾॑𑌦𑌜𑌾𑌯𑌤 ॥ 36 ॥

𑌤𑌸𑍍𑌮𑌾॒𑌦𑌶𑍍𑌵𑌾॑ 𑌅𑌜𑌾𑌯𑌨𑍍𑌤 । 𑌯𑍇 𑌕𑍇 𑌚𑍋॑𑌭॒𑌯𑌾𑌦॑𑌤𑌃 । 𑌗𑌾𑌵𑍋॑ 𑌹 𑌜𑌜𑍍𑌞𑌿𑌰𑍇॒ 𑌤𑌸𑍍𑌮𑌾᳚𑌤𑍍 । 𑌤𑌸𑍍𑌮𑌾᳚ 𑌜𑍍𑌜𑌾॒𑌤𑌾 𑌅॑𑌜𑌾॒𑌵𑌯𑌃॑ ॥ 𑌯-𑌤𑍍𑌪𑍁𑌰𑍁॑𑌷𑌂॒-𑌵𑍍𑌯𑌁॑𑌦𑌧𑍁𑌃 । 𑌕॒𑌤𑌿॒𑌧𑌾 𑌵𑍍𑌯॑𑌕𑌲𑍍𑌪𑌯𑌨𑍍𑌨𑍍 । 𑌮𑍁𑌖॒-𑌙𑍍𑌕𑌿𑌮॑𑌸𑍍𑌯॒ 𑌕𑍌 𑌬𑌾॒𑌹𑍂 । 𑌕𑌾𑌵𑍂॒𑌰𑍂 𑌪𑌾𑌦𑌾॑𑌵𑍁𑌚𑍍𑌯𑍇𑌤𑍇 ॥
𑌬𑍍𑌰𑌾॒𑌹𑍍𑌮॒𑌣𑍋᳚-𑌽𑌸𑍍𑌯॒ 𑌮𑍁𑌖॑𑌮𑌾𑌸𑍀𑌤𑍍 । 𑌬𑌾॒𑌹𑍂 𑌰𑌾॑𑌜॒𑌨𑍍𑌯𑌃॑ 𑌕𑍃॒𑌤𑌃 ॥ 3𑍭 ॥

𑌊॒𑌰𑍂 𑌤𑌦॑𑌸𑍍𑌯॒ 𑌯-𑌦𑍍𑌵𑍈𑌶𑍍𑌯𑌃॑ । 𑌪॒𑌦𑍍𑌭𑍍𑌯𑌾𑌗𑍍​𑌮𑍍 𑌶𑍂॒𑌦𑍍𑌰𑍋 𑌅॑𑌜𑌾𑌯𑌤 ॥ 𑌚॒𑌨𑍍𑌦𑍍𑌰𑌮𑌾॒ 𑌮𑌨॑𑌸𑍋 𑌜𑌾॒𑌤𑌃 । 𑌚𑌕𑍍𑌷𑍋॒-𑌸𑍍𑌸𑍂𑌰𑍍𑌯𑍋॑ 𑌅𑌜𑌾𑌯𑌤 ।
𑌮𑍁𑌖𑌾॒𑌦𑌿𑌨𑍍𑌦𑍍𑌰॑𑌶𑍍𑌚𑌾॒𑌗𑍍𑌨𑌿𑌶𑍍𑌚॑ । 𑌪𑍍𑌰𑌾॒𑌣𑌾-𑌦𑍍𑌵𑌾॒𑌯𑍁𑌰॑𑌜𑌾𑌯𑌤 ॥ 𑌨𑌾𑌭𑍍𑌯𑌾॑ 𑌆𑌸𑍀𑌦॒𑌨𑍍𑌤𑌰𑌿॑𑌕𑍍𑌷𑌮𑍍 । 𑌶𑍀॒𑌰𑍍​𑌷𑍍𑌣𑍋 𑌦𑍍𑌯𑍌-𑌸𑍍𑌸𑌮॑𑌵𑌰𑍍𑌤𑌤 । 𑌪॒𑌦𑍍𑌭𑍍𑌯𑌾-𑌮𑍍𑌭𑍂𑌮𑌿॒-𑌰𑍍𑌦𑌿𑌶॒-𑌶𑍍𑌶𑍍𑌰𑍋𑌤𑍍𑌰𑌾᳚𑌤𑍍 ।
𑌤𑌥𑌾॑ 𑌲𑍋॒𑌕𑌾𑌗𑍍​𑌮𑍍 𑌅॑𑌕𑌲𑍍𑌪𑌯𑌨𑍍𑌨𑍍 ॥ 3𑍮 ॥

𑌵𑍇𑌦𑌾॒𑌹𑌮𑍇॒𑌤-𑌮𑍍𑌪𑍁𑌰𑍁॑𑌷-𑌮𑍍𑌮॒𑌹𑌾𑌨𑍍𑌤᳚𑌮𑍍 । 𑌆॒𑌦𑌿॒𑌤𑍍𑌯𑌵॑𑌰𑍍𑌣॒-𑌨𑍍𑌤𑌮॑𑌸॒𑌸𑍍𑌤𑍁 𑌪𑌾॒𑌰𑍇 । 𑌸𑌰𑍍𑌵𑌾॑𑌣𑌿 𑌰𑍂॒𑌪𑌾𑌣𑌿॑ 𑌵𑌿॒𑌚𑌿𑌤𑍍𑌯॒ 𑌧𑍀𑌰𑌃॑ । 𑌨𑌾𑌮𑌾॑𑌨𑌿 𑌕𑍃॒𑌤𑍍𑌵𑌾-𑌽𑌭𑌿॒𑌵𑌦॒𑌨𑍍॒. 𑌯𑌦𑌾𑌸𑍍𑌤𑍇᳚ ॥
𑌧𑌾॒𑌤𑌾 𑌪𑍁॒𑌰𑌸𑍍𑌤𑌾॒𑌦𑍍𑌯𑌮𑍁॑𑌦𑌾𑌜॒𑌹𑌾𑌰॑ । 𑌶॒𑌕𑍍𑌰𑌃 𑌪𑍍𑌰𑌵𑌿॒𑌦𑍍𑌵𑌾-𑌨𑍍𑌪𑍍𑌰॒𑌦𑌿𑌶॒𑌶𑍍𑌚𑌤॑𑌸𑍍𑌰𑌃 । 𑌤𑌮𑍇॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌮𑍃𑌤॑ 𑌇॒𑌹 𑌭॑𑌵𑌤𑌿 । 𑌨𑌾𑌨𑍍𑌯𑌃 𑌪𑌨𑍍𑌥𑌾॒ 𑌅𑌯॑𑌨𑌾𑌯 𑌵𑌿𑌦𑍍𑌯𑌤𑍇 ॥
𑌯॒𑌜𑍍𑌞𑍇𑌨॑ 𑌯॒𑌜𑍍𑌞𑌮॑𑌯𑌜𑌨𑍍𑌤 𑌦𑍇॒𑌵𑌾𑌃 । 𑌤𑌾𑌨𑌿॒ 𑌧𑌰𑍍𑌮𑌾॑𑌣𑌿 𑌪𑍍𑌰𑌥॒𑌮𑌾𑌨𑍍𑌯𑌾॑𑌸𑌨𑍍𑌨𑍍 । 𑌤𑍇 𑌹॒ 𑌨𑌾𑌕॑-𑌮𑍍𑌮𑌹𑌿॒𑌮𑌾𑌨॑-𑌸𑍍𑌸𑌚𑌨𑍍𑌤𑍇 । 𑌯𑌤𑍍𑌰॒ 𑌪𑍂𑌰𑍍𑌵𑍇॑ 𑌸𑌾॒𑌦𑍍𑌧𑍍𑌯𑌾-𑌸𑍍𑌸𑌨𑍍𑌤𑌿॑ 𑌦𑍇॒𑌵𑌾𑌃 ॥ 3𑍯 ॥
(𑌪𑍁𑌰𑍁॑𑌷𑌃 - 𑌪𑍁॒𑌰𑍋᳚ - 𑌽𑌗𑍍𑌰॒𑌤𑍋॑ - 𑌽𑌜𑌾𑌯𑌤 - 𑌕𑍃॒𑌤𑍋॑ - 𑌽𑌕𑌲𑍍𑌪𑌯𑌨𑍍 - 𑌨𑌾𑌸॒-𑌨𑍍𑌦𑍍𑌵𑍇 𑌚॑) (𑌅. 12)

(𑌜𑍍𑌯𑌾𑌯𑌾॒𑌨𑌧𑌿॒ 𑌪𑍂𑌰𑍁॑𑌷𑌃) (𑌅॒𑌨𑍍𑌯𑌤𑍍𑌰॒ 𑌪𑍁𑌰𑍁॑𑌷𑌃 )

𑌅𑌨𑍁𑌵𑌾𑌕𑌂 13
𑌅॒𑌦𑍍𑌭𑍍𑌯-𑌸𑍍𑌸𑌮𑍍𑌭𑍂॑𑌤𑌃 𑌪𑍃𑌥𑌿॒𑌵𑍍𑌯𑍈 𑌰𑌸𑌾᳚𑌚𑍍𑌚 । 𑌵𑌿॒𑌶𑍍𑌵𑌕॑𑌰𑍍𑌮𑌣॒-𑌸𑍍𑌸𑌮॑𑌵𑌰𑍍𑌤॒𑌤𑌾𑌧𑌿॑ ।
𑌤𑌸𑍍𑌯॒ 𑌤𑍍𑌵𑌷𑍍𑌟𑌾॑ 𑌵𑌿॒𑌦𑌧॑-𑌦𑍍𑌰𑍂॒𑌪𑌮𑍇॑𑌤𑌿 । 𑌤-𑌤𑍍𑌪𑍁𑌰𑍁॑𑌷𑌸𑍍𑌯॒ 𑌵𑌿𑌶𑍍𑌵॒𑌮𑌾𑌜𑌾॑𑌨॒𑌮𑌗𑍍𑌰𑍇᳚ ॥ 𑌵𑍇𑌦𑌾॒𑌹𑌮𑍇॒𑌤-𑌮𑍍𑌪𑍁𑌰𑍁॑𑌷-𑌮𑍍𑌮॒𑌹𑌾𑌨𑍍𑌤᳚𑌮𑍍 । 𑌆॒𑌦𑌿॒𑌤𑍍𑌯𑌵॑𑌰𑍍𑌣॒-𑌨𑍍𑌤𑌮॑𑌸𑌃॒ 𑌪𑌰॑𑌸𑍍𑌤𑌾𑌤𑍍 ।
𑌤𑌮𑍇॒𑌵𑌂-𑌵𑌿𑌁॒𑌦𑍍𑌵𑌾𑌨॒𑌮𑍃𑌤॑ 𑌇॒𑌹 𑌭॑𑌵𑌤𑌿 । 𑌨𑌾𑌨𑍍𑌯𑌃 𑌪𑌨𑍍𑌥𑌾॑ 𑌵𑌿𑌦𑍍𑌯॒𑌤𑍇-𑌽𑌯॑𑌨𑌾𑌯 ॥ 𑌪𑍍𑌰॒𑌜𑌾𑌪॑𑌤𑌿𑌶𑍍𑌚𑌰𑌤𑌿॒ 𑌗𑌰𑍍𑌭𑍇॑ 𑌅॒𑌨𑍍𑌤𑌃 । 𑌅॒𑌜𑌾𑌯॑𑌮𑌾𑌨𑍋 𑌬𑌹𑍁॒𑌧𑌾 𑌵𑌿𑌜𑌾॑𑌯𑌤𑍇 ॥ 40 ॥

𑌤𑌸𑍍𑌯॒ 𑌧𑍀𑌰𑌾𑌃॒ 𑌪𑌰𑌿॑𑌜𑌾𑌨𑌨𑍍𑌤𑌿॒ 𑌯𑍋𑌨𑌿᳚𑌮𑍍 । 𑌮𑌰𑍀॑𑌚𑍀𑌨𑌾-𑌮𑍍𑌪॒𑌦𑌮𑌿॑𑌚𑍍𑌛𑌨𑍍𑌤𑌿 𑌵𑍇॒𑌧𑌸𑌃॑ ॥ 𑌯𑍋 𑌦𑍇॒𑌵𑍇𑌭𑍍𑌯॒ 𑌆𑌤॑𑌪𑌤𑌿 । 𑌯𑍋 𑌦𑍇॒𑌵𑌾𑌨𑌾᳚-𑌮𑍍𑌪𑍁॒𑌰𑍋𑌹𑌿॑𑌤𑌃 । 𑌪𑍂𑌰𑍍𑌵𑍋॒ 𑌯𑍋 𑌦𑍇॒𑌵𑍇𑌭𑍍𑌯𑍋॑ 𑌜𑌾॒𑌤𑌃 । 𑌨𑌮𑍋॑ 𑌰𑍁॒𑌚𑌾𑌯॒ 𑌬𑍍𑌰𑌾𑌹𑍍𑌮॑𑌯𑍇 ॥ 𑌰𑍁𑌚॑-𑌮𑍍𑌬𑍍𑌰𑌾॒𑌹𑍍𑌮-𑌞𑍍𑌜॒𑌨𑌯॑𑌨𑍍𑌤𑌃 । 𑌦𑍇॒𑌵𑌾 𑌅𑌗𑍍𑌰𑍇॒ 𑌤𑌦॑𑌬𑍍𑌰𑍁𑌵𑌨𑍍𑌨𑍍 ।
𑌯𑌸𑍍𑌤𑍍𑌵𑍈॒𑌵-𑌮𑍍𑌬𑍍𑌰𑌾᳚𑌹𑍍𑌮॒𑌣𑍋 𑌵𑌿॒𑌦𑍍𑌯𑌾𑌤𑍍 । 𑌤𑌸𑍍𑌯॑ 𑌦𑍇॒𑌵𑌾 𑌅𑌸॒𑌨𑍍𑌵𑌶𑍇᳚ ॥ 𑌹𑍍𑌰𑍀𑌶𑍍𑌚॑ 𑌤𑍇 𑌲॒𑌕𑍍𑌷𑍍𑌮𑍀𑌶𑍍𑌚॒ 𑌪𑌤𑍍𑌨𑍍𑌯𑍌᳚ । 𑌅॒𑌹𑍋॒𑌰𑌾॒𑌤𑍍𑌰𑍇 𑌪𑌾॒𑌰𑍍​𑌶𑍍𑌵𑍇 । 𑌨𑌕𑍍𑌷॑𑌤𑍍𑌰𑌾𑌣𑌿 𑌰𑍂॒𑌪𑌮𑍍 । 𑌅॒𑌶𑍍𑌵𑌿𑌨𑍌॒ 𑌵𑍍𑌯𑌾𑌤𑍍𑌤᳚𑌮𑍍 । 𑌇॒𑌷𑍍𑌟-𑌮𑍍𑌮॑𑌨𑌿𑌷𑌾𑌣 । 𑌅॒𑌮𑍁-𑌮𑍍𑌮॑𑌨𑌿𑌷𑌾𑌣 । 𑌸𑌰𑍍𑌵॑-𑌮𑍍𑌮𑌨𑌿𑌷𑌾𑌣 ॥ 41 ॥
(𑌜𑌾॒𑌯॒𑌤𑍇॒ - 𑌵𑌶𑍇॑ 𑌸॒𑌪𑍍𑌤 𑌚॑) (𑌅. 13)

𑌅𑌨𑍁𑌵𑌾𑌕𑌂 14
𑌭॒𑌰𑍍𑌤𑌾 𑌸-𑌨𑍍𑌭𑍍𑌰𑌿॒𑌯𑌮𑌾॑𑌣𑍋 𑌬𑌿𑌭𑌰𑍍𑌤𑌿 । 𑌏𑌕𑍋॑ 𑌦𑍇॒𑌵𑍋 𑌬॑𑌹𑍁॒𑌧𑌾 𑌨𑌿𑌵𑌿॑𑌷𑍍𑌟𑌃 । 𑌯॒𑌦𑌾 𑌭𑌾॒𑌰-𑌨𑍍𑌤॒𑌨𑍍𑌦𑍍𑌰𑌯॑𑌤𑍇॒ 𑌸 𑌭𑌰𑍍𑌤𑍁᳚𑌮𑍍 । 𑌨𑌿॒𑌧𑌾𑌯॑ 𑌭𑌾॒𑌰-𑌮𑍍𑌪𑍁𑌨॒𑌰𑌸𑍍𑌤॑𑌮𑍇𑌤𑌿 ॥
𑌤𑌮𑍇॒𑌵 𑌮𑍃॒𑌤𑍍𑌯𑍁𑌮॒𑌮𑍃𑌤॒-𑌨𑍍𑌤𑌮𑌾॑𑌹𑍁𑌃 । 𑌤-𑌮𑍍𑌭॒𑌰𑍍𑌤𑌾𑌰॒-𑌨𑍍𑌤𑌮𑍁॑ 𑌗𑍋॒𑌪𑍍𑌤𑌾𑌰॑𑌮𑌾𑌹𑍁𑌃 । 𑌸 𑌭𑍃॒𑌤𑍋 𑌭𑍍𑌰𑌿॒𑌯𑌮𑌾॑𑌣𑍋 𑌬𑌿𑌭𑌰𑍍𑌤𑌿 । 𑌯 𑌏॑𑌨𑌂॒-𑌵𑍇𑌁𑌦॑ 𑌸॒𑌤𑍍𑌯𑍇𑌨॒ 𑌭𑌰𑍍𑌤𑍁᳚𑌮𑍍 ॥ 𑌸॒𑌦𑍍𑌯𑍋 𑌜𑌾॒𑌤𑌮𑍁॒𑌤 𑌜॑𑌹𑌾𑌤𑍍𑌯𑍇॒𑌷𑌃 । 𑌉॒𑌤𑍋 𑌜𑌰॑𑌨𑍍𑌤॒-𑌨𑍍𑌨 𑌜॑𑌹𑌾॒𑌤𑍍𑌯𑍇𑌕᳚𑌮𑍍 ॥ 42 ॥

𑌉॒𑌤𑍋 𑌬॒𑌹𑍂𑌨𑍇𑌕॒𑌮𑌹॑𑌰𑍍𑌜𑌹𑌾𑌰 । 𑌅𑌤॑𑌨𑍍𑌦𑍍𑌰𑍋 𑌦𑍇॒𑌵-𑌸𑍍𑌸𑌦॑𑌮𑍇॒𑌵 𑌪𑍍𑌰𑌾𑌰𑍍𑌥𑌃॑ ॥ 𑌯𑌸𑍍𑌤𑌦𑍍𑌵𑍇𑌦॒ 𑌯𑌤॑ 𑌆𑌬॒𑌭𑍂𑌵॑ । 𑌸॒𑌨𑍍𑌧𑌾-𑌞𑍍𑌚॒ 𑌯𑌾𑌗𑍍​𑌮𑍍 𑌸॑𑌨𑍍𑌦॒𑌧𑍇 𑌬𑍍𑌰𑌹𑍍𑌮॑𑌣𑍈॒𑌷𑌃 ।
𑌰𑌮॑𑌤𑍇॒ 𑌤𑌸𑍍𑌮𑌿॑𑌨𑍍𑌨𑍁॒𑌤 𑌜𑍀॒𑌰𑍍𑌣𑍇 𑌶𑌯𑌾॑𑌨𑍇 । 𑌨𑍈𑌨॑-𑌞𑍍𑌜𑌹𑌾॒𑌤𑍍𑌯𑌹॑𑌸𑍍𑌸𑍁 𑌪𑍂॒𑌰𑍍𑌵𑍍𑌯𑍇𑌷𑍁॑ ॥ 𑌤𑍍𑌵𑌾𑌮𑌾𑌪𑍋॒ 𑌅𑌨𑍁॒ 𑌸𑌰𑍍𑌵𑌾᳚𑌶𑍍𑌚𑌰𑌨𑍍𑌤𑌿 𑌜𑌾𑌨॒𑌤𑍀𑌃 । 𑌵॒𑌥𑍍𑌸-𑌮𑍍𑌪𑌯॑𑌸𑌾 𑌪𑍁𑌨𑌾॒𑌨𑌾𑌃 ।
𑌤𑍍𑌵𑌮॒𑌗𑍍𑌨𑌿𑌗𑍍​𑌮𑍍 𑌹॑𑌵𑍍𑌯॒𑌵𑌾𑌹॒𑌗𑍍​𑌮𑍍॒ 𑌸𑌮𑌿᳚𑌨𑍍​𑌥𑍍𑌸𑍇 ।
𑌤𑍍𑌵-𑌮𑍍𑌭॒𑌰𑍍𑌤𑌾 𑌮𑌾॑𑌤॒𑌰𑌿𑌶𑍍𑌵𑌾᳚ 𑌪𑍍𑌰॒𑌜𑌾𑌨𑌾᳚𑌮𑍍 ॥ 43 ॥

𑌤𑍍𑌵𑌂-𑌯𑌁॒𑌜𑍍𑌞𑌸𑍍𑌤𑍍𑌵𑌮𑍁॑ 𑌵𑍇॒𑌵𑌾𑌸𑌿॒ 𑌸𑍋𑌮𑌃॑ । 𑌤𑌵॑ 𑌦𑍇॒𑌵𑌾 𑌹𑌵॒𑌮𑌾𑌯॑𑌨𑍍𑌤𑌿॒ 𑌸𑌰𑍍𑌵𑍇᳚ । 𑌤𑍍𑌵𑌮𑍇𑌕𑍋॑-𑌽𑌸𑌿 𑌬॒𑌹𑍂𑌨𑌨𑍁॒𑌪𑍍𑌰𑌵𑌿॑𑌷𑍍𑌟𑌃 । 𑌨𑌮॑𑌸𑍍𑌤𑍇 𑌅𑌸𑍍𑌤𑍁 𑌸𑍁॒𑌹𑌵𑍋॑ 𑌮 𑌏𑌧𑌿 ॥
𑌨𑌮𑍋॑ 𑌵𑌾𑌮𑌸𑍍𑌤𑍁 𑌶𑍃𑌣𑍁॒𑌤𑌗𑍍​𑌮𑍍 𑌹𑌵॑-𑌮𑍍𑌮𑍇 । 𑌪𑍍𑌰𑌾𑌣𑌾॑𑌪𑌾𑌨𑌾𑌵𑌜𑌿॒𑌰𑌗𑍍​𑌮𑍍 𑌸॒𑌚𑌂𑌰॑𑌨𑍍𑌤𑍌 ।
𑌹𑍍𑌵𑌯𑌾॑𑌮𑌿 𑌵𑌾॒-𑌮𑍍𑌬𑍍𑌰𑌹𑍍𑌮॑𑌣𑌾 𑌤𑍂॒𑌰𑍍𑌤𑌮𑍇𑌤᳚𑌮𑍍 । 𑌯𑍋 𑌮𑌾-𑌨𑍍𑌦𑍍𑌵𑍇𑌷𑍍𑌟𑌿॒ 𑌤-𑌞𑍍𑌜॑𑌹𑌿 𑌤𑌂-𑌯𑍁𑌁𑌵𑌾𑌨𑌾 ॥
𑌪𑍍𑌰𑌾𑌣𑌾॑𑌪𑌾𑌨𑍌 𑌸𑌂​𑌵𑌿𑌁𑌦𑌾॒𑌨𑍌 𑌜॑𑌹𑌿𑌤𑌮𑍍 ।
𑌅॒𑌮𑍁𑌷𑍍𑌯𑌾𑌸𑍁॑𑌨𑌾॒ 𑌮𑌾 𑌸𑌙𑍍𑌗॑𑌸𑌾𑌥𑌾𑌮𑍍 ॥ 44 ॥

𑌤-𑌮𑍍𑌮𑍇॑ 𑌦𑍇𑌵𑌾॒ 𑌬𑍍𑌰𑌹𑍍𑌮॑𑌣𑌾 𑌸𑌂​𑌵𑌿𑌁𑌦𑌾॒𑌨𑍌 ।
𑌵॒𑌧𑌾𑌯॑ 𑌦𑌤𑍍𑌤॒-𑌨𑍍𑌤𑌮॒𑌹𑌗𑍍​𑌮𑍍 𑌹॑𑌨𑌾𑌮𑌿 ॥ 𑌅𑌸॑𑌜𑍍𑌜𑌜𑌾𑌨 𑌸॒𑌤 𑌆𑌬॑𑌭𑍂𑌵 । 𑌯𑌂-𑌯𑌁॑-𑌞𑍍𑌜॒𑌜𑌾𑌨॒ 𑌸 𑌉॑ 𑌗𑍋॒𑌪𑍋 𑌅॑𑌸𑍍𑌯 ।
𑌯॒𑌦𑌾 𑌭𑌾॒𑌰-𑌨𑍍𑌤॒𑌨𑍍𑌦𑍍𑌰𑌯॑𑌤𑍇॒ 𑌸 𑌭𑌰𑍍𑌤𑍁᳚𑌮𑍍 । 𑌪॒𑌰𑌾𑌸𑍍𑌯॑ 𑌭𑌾॒𑌰-𑌮𑍍𑌪𑍁𑌨॒𑌰𑌸𑍍𑌤॑𑌮𑍇𑌤𑌿 ॥
𑌤𑌦𑍍𑌵𑍈 𑌤𑍍𑌵-𑌮𑍍𑌪𑍍𑌰𑌾॒𑌣𑍋 𑌅॑𑌭𑌵𑌃 । 𑌮॒𑌹𑌾𑌨𑍍𑌭𑍋𑌗𑌃॑ 𑌪𑍍𑌰॒𑌜𑌾𑌪॑𑌤𑍇𑌃 । 𑌭𑍁𑌜𑌃॑ 𑌕𑌰𑌿॒𑌷𑍍𑌯𑌮𑌾॑𑌣𑌃 । 𑌯𑌦𑍍𑌦𑍇॒𑌵𑌾𑌨𑍍𑌪𑍍𑌰𑌾𑌣॑𑌯𑍋॒ 𑌨𑌵॑ ॥ 45 ॥
(𑌏𑌕𑌂॑ - 𑌪𑍍𑌰॒𑌜𑌾𑌨𑌾𑌂᳚ - 𑌗𑌸𑌾𑌥𑌾𑌂॒ - 𑌨𑌵॑ ) (𑌅. 14)

𑌅𑌨𑍁𑌵𑌾𑌕𑌂 15
𑌹𑌰𑌿॒𑌗𑍍​𑌮𑍍॒ 𑌹𑌰॑𑌨𑍍𑌤॒𑌮𑌨𑍁॑𑌯𑌨𑍍𑌤𑌿 𑌦𑍇॒𑌵𑌾𑌃 । 𑌵𑌿𑌶𑍍𑌵॒𑌸𑍍𑌯𑍇𑌶𑌾॑𑌨𑌂-𑌵𑍃𑌁𑌷॒𑌭-𑌮𑍍𑌮॑𑌤𑍀॒𑌨𑌾𑌮𑍍 । 𑌬𑍍𑌰𑌹𑍍𑌮॒ 𑌸𑌰𑍂॑𑌪॒𑌮𑌨𑍁॑ 𑌮𑍇॒𑌦𑌮𑌾𑌗𑌾᳚𑌤𑍍 । 𑌅𑌯॑𑌨॒-𑌮𑍍𑌮𑌾 𑌵𑌿𑌵॑𑌧𑍀॒-𑌰𑍍𑌵𑌿𑌕𑍍𑌰॑𑌮𑌸𑍍𑌵 ॥
𑌮𑌾𑌚𑍍𑌛𑌿॑𑌦𑍋 𑌮𑍃𑌤𑍍𑌯𑍋॒ 𑌮𑌾 𑌵॑𑌧𑍀𑌃 । 𑌮𑌾 𑌮𑍇॒ 𑌬𑌲𑌂॒-𑌵𑌿𑌁𑌵𑍃॑𑌹𑍋॒ 𑌮𑌾 𑌪𑍍𑌰𑌮𑍋॑𑌷𑍀𑌃 । 𑌪𑍍𑌰॒𑌜𑌾-𑌮𑍍𑌮𑌾 𑌮𑍇॑ 𑌰𑍀𑌰𑌿𑌷॒ 𑌆𑌯𑍁॑𑌰𑍁𑌗𑍍𑌰 । 𑌨𑍃॒𑌚𑌕𑍍𑌷॑𑌸-𑌨𑍍𑌤𑍍𑌵𑌾 𑌹॒𑌵𑌿𑌷𑌾॑ 𑌵𑌿𑌧𑍇𑌮 ॥
𑌸॒𑌦𑍍𑌯𑌶𑍍𑌚॑𑌕𑌮𑌾॒𑌨𑌾𑌯॑ । 𑌪𑍍𑌰॒𑌵𑍇॒𑌪𑌾॒𑌨𑌾𑌯॑ 𑌮𑍃॒𑌤𑍍𑌯𑌵𑍇᳚ ॥ 46 ॥

𑌪𑍍𑌰𑌾𑌸𑍍𑌮𑌾॒ 𑌆𑌶𑌾॑ 𑌅𑌶𑍃𑌣𑍍𑌵𑌨𑍍𑌨𑍍 । 𑌕𑌾𑌮𑍇॑𑌨𑌾𑌜𑌨𑌯॒-𑌨𑍍𑌪𑍁𑌨𑌃॑ ॥
𑌕𑌾𑌮𑍇॑𑌨 𑌮𑍇॒ 𑌕𑌾𑌮॒ 𑌆𑌗𑌾᳚𑌤𑍍 । 𑌹𑍃𑌦॑𑌯𑌾॒𑌦𑍍𑌦𑍍𑌧𑍃𑌦॑𑌯-𑌮𑍍𑌮𑍃॒𑌤𑍍𑌯𑍋𑌃 । 𑌯𑌦॒𑌮𑍀𑌷𑌾॑𑌮॒𑌦𑌃 𑌪𑍍𑌰𑌿॒𑌯𑌮𑍍 । 𑌤𑌦𑍈𑌤𑍂𑌪॒ 𑌮𑌾𑌮॒𑌭𑌿 ॥ 𑌪𑌰॑-𑌮𑍍𑌮𑍃𑌤𑍍𑌯𑍋॒ 𑌅𑌨𑍁॒ 𑌪𑌰𑍇॑𑌹𑌿॒ 𑌪𑌨𑍍𑌥𑌾᳚𑌮𑍍 । 𑌯𑌸𑍍𑌤𑍇॒ 𑌸𑍍𑌵 𑌇𑌤॑𑌰𑍋 𑌦𑍇𑌵॒𑌯𑌾𑌨𑌾᳚𑌤𑍍 । 𑌚𑌕𑍍𑌷𑍁॑𑌷𑍍𑌮𑌤𑍇 𑌶𑍃𑌣𑍍𑌵॒𑌤𑍇 𑌤𑍇᳚ 𑌬𑍍𑌰𑌵𑍀𑌮𑌿 । 𑌮𑌾 𑌨𑌃॑ 𑌪𑍍𑌰॒𑌜𑌾𑌗𑍍​𑌮𑍍 𑌰𑍀॑𑌰𑌿𑌷𑍋॒ 𑌮𑍋𑌤 𑌵𑍀॒𑌰𑌾𑌨𑍍 ॥
𑌪𑍍𑌰 𑌪𑍂॒𑌰𑍍𑌵𑍍𑌯-𑌮𑍍𑌮𑌨॑𑌸𑌾॒ 𑌵𑌨𑍍𑌦॑𑌮𑌾𑌨𑌃 । 𑌨𑌾𑌧॑𑌮𑌾𑌨𑍋 𑌵𑍃𑌷॒𑌭-𑌞𑍍𑌚॑𑌰𑍍​𑌷𑌣𑍀॒𑌨𑌾𑌮𑍍 । 𑌯𑌃 𑌪𑍍𑌰॒𑌜𑌾𑌨𑌾॑𑌮𑍇𑌕॒𑌰𑌾𑌣𑍍𑌮𑌾𑌨𑍁॑𑌷𑍀𑌣𑌾𑌮𑍍 ।
𑌮𑍃॒𑌤𑍍𑌯𑍁𑌂-𑌯𑌁॑𑌜𑍇 𑌪𑍍𑌰𑌥𑌮॒𑌜𑌾𑌮𑍃॒𑌤𑌸𑍍𑌯॑ ॥ 4𑍭 ॥
(𑌮𑍃॒𑌤𑍍𑌯𑌵𑍇॑ - 𑌵𑍀॒𑌰𑌾𑌗𑍍​𑌶𑍍𑌚॒𑌤𑍍𑌵𑌾𑌰𑌿॑ 𑌚) (𑌅. 15)

𑌅𑌨𑍁𑌵𑌾𑌕𑌂 16
𑌤॒𑌰𑌣𑌿॑-𑌰𑍍𑌵𑌿॒𑌶𑍍𑌵𑌦॑𑌰𑍍​𑌶𑌤𑍋 𑌜𑍍𑌯𑍋𑌤𑌿॒𑌷𑍍𑌕𑍃𑌦॑𑌸𑌿 𑌸𑍂𑌰𑍍𑌯 । 𑌵𑌿𑌶𑍍𑌵॒𑌮𑌾𑌭𑌾॑𑌸𑌿 𑌰𑍋𑌚॒𑌨𑌮𑍍 ।
𑌉॒𑌪॒𑌯𑌾॒𑌮𑌗𑍃॑𑌹𑍀𑌤𑍋-𑌽𑌸𑌿॒ 𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤 𑌏॒𑌷 𑌤𑍇॒ 𑌯𑍋𑌨𑌿॒-𑌸𑍍𑌸𑍂𑌰𑍍𑌯𑌾॑𑌯 𑌤𑍍𑌵𑌾॒ 𑌭𑍍𑌰𑌾𑌜॑𑌸𑍍𑌵𑌤𑍇 ॥ 4𑍮 ॥

𑌅𑌨𑍁𑌵𑌾𑌕𑌂 1𑍭
𑌆 𑌪𑍍𑌯𑌾॑𑌯𑌸𑍍𑌵 𑌮𑌦𑌿𑌨𑍍𑌤𑌮॒ 𑌸𑍋𑌮॒ 𑌵𑌿𑌶𑍍𑌵𑌾॑𑌭𑌿𑌰𑍂॒𑌤𑌿𑌭𑌿𑌃॑ ।
𑌭𑌵𑌾॑ 𑌨-𑌸𑍍𑌸॒𑌪𑍍𑌰𑌥॑𑌸𑍍𑌤𑌮𑌃 ॥ 4𑍯 ॥

𑌅𑌨𑍁𑌵𑌾𑌕𑌂 1𑍮
𑌈॒𑌯𑍁𑌷𑍍𑌟𑍇 𑌯𑍇 𑌪𑍂𑌰𑍍𑌵॑𑌤𑌰𑌾॒𑌮𑌪॑𑌶𑍍𑌯𑌨𑍍 𑌵𑍍𑌯𑍁॒𑌚𑍍𑌛𑌨𑍍𑌤𑍀॑𑌮𑍁॒𑌷𑌸॒-𑌮𑍍𑌮𑌰𑍍𑌤𑍍𑌯𑌾॑𑌸𑌃 ।
𑌅॒𑌸𑍍𑌮𑌾𑌭𑌿॑𑌰𑍂॒ 𑌨𑍁 𑌪𑍍𑌰॑𑌤𑌿॒𑌚𑌕𑍍𑌷𑍍𑌯𑌾॑-𑌽𑌭𑍂॒𑌦𑍋 𑌤𑍇 𑌯॑𑌨𑍍𑌤𑌿॒ 𑌯𑍇 𑌅॑𑌪॒𑌰𑍀𑌷𑍁॒ 𑌪𑌶𑍍𑌯𑌾𑌨𑍍॑ ॥ 50 ॥

𑌅𑌨𑍁𑌵𑌾𑌕𑌂 1𑍯
𑌜𑍍𑌯𑍋𑌤𑌿॑𑌷𑍍𑌮𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌜𑍍𑌯𑍋𑌤𑌿॒𑌷𑍍𑌕𑍃𑌤॑-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌜𑍍𑌯𑍋𑌤𑌿॒𑌰𑍍𑌵𑌿𑌦॑-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌭𑌾𑌸𑍍𑌵॑𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌜𑍍𑌵𑌲॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌮𑌲𑍍𑌮𑌲𑌾॒𑌭𑌵॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌦𑍀𑌪𑍍𑌯॑𑌮𑌾𑌨𑌾-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌰𑍋𑌚॑𑌮𑌾𑌨𑌾𑌂
𑌤𑍍𑌵𑌾 𑌸𑌾𑌦𑌯𑌾॒𑌮𑍍𑌯𑌜॑𑌸𑍍𑌰𑌾-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌬𑍃॒𑌹𑌜𑍍𑌜𑍍𑌯𑍋॑𑌤𑌿𑌷-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 𑌬𑍋॒𑌧𑌯॑𑌨𑍍𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿॒ 𑌜𑌾𑌗𑍍𑌰॑𑌤𑍀-𑌨𑍍𑌤𑍍𑌵𑌾 𑌸𑌾𑌦𑌯𑌾𑌮𑌿 ॥ 51 ॥

𑌅𑌨𑍁𑌵𑌾𑌕𑌂 20
𑌪𑍍𑌰॒𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑-𑌽𑌽𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌵𑌿𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌸𑌂​𑌯𑌾𑌁॒𑌸𑌾𑌯॒ 𑌸𑍍𑌵𑌾𑌹𑍋᳚𑌦𑍍𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑-𑌽𑌵𑌯𑌾॒𑌸𑌾𑌯॒ 𑌸𑍍𑌵𑌾𑌹𑌾॑ 𑌶𑍁॒𑌚𑍇 𑌸𑍍𑌵𑌾𑌹𑌾॒ 𑌶𑍋𑌕𑌾॑𑌯॒ 𑌸𑍍𑌵𑌾𑌹𑌾॑ 𑌤𑌪𑍍𑌯॒𑌤𑍍𑌵𑍈 𑌸𑍍𑌵𑌾𑌹𑌾॒ 𑌤𑌪॑𑌤𑍇॒ 𑌸𑍍𑌵𑌾𑌹𑌾᳚ 𑌬𑍍𑌰𑌹𑍍𑌮𑌹॒𑌤𑍍𑌯𑌾𑌯𑍈॒ 𑌸𑍍𑌵𑌾𑌹𑌾॒ 𑌸𑌰𑍍𑌵॑𑌸𑍍𑌮𑍈॒ 𑌸𑍍𑌵𑌾𑌹𑌾᳚ ॥ 52 ॥

𑌅𑌨𑍁𑌵𑌾𑌕𑌂 21
𑌚𑌿॒𑌤𑍍𑌤𑌗𑍍​𑌮𑍍 𑌸॑𑌨𑍍𑌤𑌾॒𑌨𑍇𑌨॑ 𑌭𑌵𑌂-𑌯𑌁॒𑌕𑍍𑌨𑌾 𑌰𑍁॒𑌦𑍍𑌰-𑌨𑍍𑌤𑌨𑌿॑𑌮𑍍𑌨𑌾 𑌪𑌶𑍁॒𑌪𑌤𑌿𑌗𑍍𑌗𑍍॑ 𑌸𑍍𑌥𑍂𑌲𑌹𑍃𑌦॒𑌯𑍇𑌨𑌾॒𑌗𑍍𑌨𑌿𑌗𑍍​𑌮𑍍 𑌹𑍃𑌦॑𑌯𑍇𑌨 𑌰𑍁॒𑌦𑍍𑌰𑌂-𑌲𑍋𑌁𑌹𑌿॑𑌤𑍇𑌨 𑌶॒𑌰𑍍𑌵-𑌮𑍍𑌮𑌤॑𑌸𑍍𑌨𑌾𑌭𑍍𑌯𑌾𑌂
𑌮𑌹𑌾𑌦𑍇॒𑌵𑌮॒𑌨𑍍𑌤𑌃 𑌪𑌾᳚𑌰𑍍​𑌶𑍍𑌵𑍇𑌨𑍌𑌷𑌿𑌷𑍍𑌠॒𑌹𑌨𑌗𑍍​𑌮𑍍॑ 𑌶𑌿𑌙𑍍𑌗𑍀𑌨𑌿𑌕𑍋॒𑌶𑍍𑌯𑌾᳚𑌭𑍍𑌯𑌾𑌮𑍍 ॥ 53 ॥

(𑌚𑌿𑌤𑍍𑌤𑌿𑌃॑ - 𑌪𑍃𑌥𑌿॒ - 𑌵𑍍𑌯॑𑌗𑍍𑌨𑌿𑌃॒ - 𑌸𑍂𑌰𑍍𑌯॑-𑌨𑍍𑌤𑍇॒ 𑌚𑌕𑍍𑌷𑍁॑--𑌰𑍍 𑌮॒𑌹𑌾𑌹॑𑌵𑌿॒𑌰𑍍॒ 𑌹𑍋𑌤𑌾॒ - 𑌵𑌾𑌘𑍋𑌤𑌾᳚ - 𑌬𑍍𑌰𑌾𑌹𑍍𑌮॒𑌣 𑌏𑌕॑𑌹𑍋𑌤𑌾॒ - 𑌽𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿𑌃॒ - 𑌸𑍇𑌨𑍇𑌨𑍍𑌦𑍍𑌰॑𑌸𑍍𑌯 - 𑌦𑍇॒𑌵𑌸𑍍𑌯॑ - 𑌸𑍁॒𑌵𑌰𑍍𑌣॑-𑌙𑍍𑌘॒𑌰𑍍𑌮𑌗𑍍​𑌮𑍍 - 𑌸॒𑌹𑌸𑍍𑌰॑𑌶𑍀𑌰𑍍​𑌷𑌾॒- 𑌽𑌦𑍍𑌭𑍍𑌯𑍋 - 𑌭॒𑌰𑍍𑌤𑌾 -
𑌹𑌰𑌿𑌂॑ - 𑌤॒𑌰𑌣𑌿॒ - 𑌰𑌾𑌪𑍍𑌯𑌾॑𑌯 - 𑌸𑍍𑌵𑍇॒𑌯𑍁𑌷𑍍𑌟𑍇 𑌯𑍇 - 𑌜𑍍𑌯𑍋𑌤𑌿॑𑌷𑍍𑌮𑌤𑍀𑌂 - 𑌪𑍍𑌰𑌯𑌾॒𑌸𑌾𑌯॑ - 𑌚𑌿॒𑌤𑍍𑌤 𑌮𑍇𑌕॑𑌵𑌿𑌗𑍍​𑌮𑍍𑌶𑌤𑌿𑌃)

(𑌚𑌿𑌤𑍍𑌤𑌿॑ - 𑌰॒𑌗𑍍𑌨𑌿𑌰𑍍𑌯𑌜𑍁॑𑌰𑍍𑌭𑌿 - 𑌰॒𑌨𑍍𑌤𑌃 𑌪𑍍𑌰𑌵𑌿॑𑌷𑍍𑌟𑌃 - 𑌪𑍍𑌰॒𑌜𑌾𑌪॑𑌤𑌿॒ - 𑌸𑍍𑌤𑌸𑍍𑌯॒ 𑌧𑍀𑌰𑌾॒ - 𑌜𑍍𑌯𑍋𑌤𑌿॑𑌷𑍍𑌮𑌤𑍀॒-𑌨𑍍𑌤𑍍𑌰𑌿𑌪॑𑌞𑍍𑌚𑌾॒𑌶𑌤𑍍 )

( 𑌚𑌿𑌤𑍍𑌤𑌿𑌃॑ - 𑌶𑌿𑌙𑍍𑌗𑍀𑌨𑌿𑌕𑍋॒𑌶𑍍𑌯𑌾᳚𑌭𑍍𑌯𑌾𑌂 )

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌆𑌰𑌣𑍍𑌯𑌕𑍇 𑌤𑍃𑌤𑍀𑌯𑌃 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥