কৃষ্ণ যজুর্বেদীয় তৈত্তিরীয় ব্রাহ্মণে প্রথমাষ্টকে তৃতীয়ঃ প্রপাঠকঃ - বাজপেযব্রাহ্মণং

ও-ন্নমঃ পরমাত্মনে, শ্রী মহাগণপতয়ে নমঃ,
শ্রী গুরুভ্য়ো নমঃ । হ॒রিঃ॒ ওম্ ॥

অনুবাকং 1 - পুনরাধেযশেষঃ আজ্যভাগয়োর্বিশেষঃ

দে॒বা॒সু॒রা-স্সং-য়ঁ॑ত্তা আসন্ন্ । তে দে॒বা বি॑জ॒য়-মু॑প॒যন্তঃ॑ । অ॒গ্নীষোম॑য়ো-স্তেজ॒স্বিনী᳚স্ত॒নূ-স্স-ন্ন্য়॑দধত । ই॒দমু॑ নো ভবিষ্যতি । যদি॑ নো জে॒ষ্যন্তীতি॑ । তেনা॒গ্নীষোমা॒-বপা᳚ক্রামতাম্ । তে দে॒বা বি॒জিত্য়॑ । অ॒গ্নীষোমা॒-বন্বৈ᳚চ্ছন্ন্ । তে᳚-ঽগ্নি-মন্ব॑বিন্দ-ন্নৃ॒তুষূ-থ্স॑ন্নম্ । তস্য়॒ বিভ॑ক্তীভি-স্তেজ॒স্বিনী᳚স্ত॒নূ-রবা॑রুন্ধত ॥ 1 ॥

তে সোম॒-মন্ব॑বিন্দন্ন্ । তম॑ঘ্নন্ন্ । তস্য়॑ যথা-ঽভি॒জ্ঞায়॑-ন্ত॒নূ-র্ব্য়॑গৃহ্ণত । তে গ্রহা॑ অভবন্ন্ । ত-দ্গ্রহা॑ণা-ঙ্গ্রহ॒ত্বম্ । যস্য়ৈ॒বং-বিঁ॒দুষো॒ গ্রহা॑ গৃ॒হ্যন্তে᳚ । তস্য়॒ ত্বে॑ব গৃ॑হী॒তাঃ ॥ নানা᳚গ্নেয়-ম্পুনরা॒ধেয়ে॑ কুর্য়াত্ । যদনা᳚গ্নেয়-ম্পুনরা॒ধেয়ে॑ কু॒র্য়াত্ । ব্য়ৃ॑দ্ধমে॒ব তত্ ॥ 2 ॥

অনা᳚গ্নেয়ং॒-বাঁ এ॒ত-ত্ক্রি॑যতে । য-থ্স॒মিধ॒-স্তনূ॒নপা॑তমি॒ডো ব॒র্॒হি-র্য়॑জতি ॥ উ॒ভাবা᳚গ্নে॒য়া-বাজ্য়॑ভাগৌ স্য়াতাম্ ॥ অনা᳚জ্যভাগৌ-ভবত॒ ইত্য়া॑হুঃ । যদু॒ভাবা᳚গ্নে॒য়াব॒ন্বঞ্চা॒বিতি॑ । অ॒গ্নয়ে॒ পব॑মানা॒য়োত্ত॑র-স্স্য়াত্ । য-ত্পব॑মানায় । তেনাজ্য়॑ ভাগঃ । তেন॑ সৌ॒ম্য়ঃ ॥ বুধ॑ন্বত্য়াগ্নে॒য়-স্য়াজ্য়॑-ভাগস্য় পুরো-ঽনুবা॒ক্য়া॑ ভবতি ॥ 3 ॥

যথা॑ সু॒প্ত-ম্বো॒ধয়॑তি । তা॒দৃগে॒ব তত্ ॥ অ॒গ্নিন্য়॑ক্তাঃ পত্নী সং​য়াঁ॒জানা॒মৃচ॑-স্স্য়ুঃ । তেনা᳚গ্নে॒য়গ্​ম্ সর্ব॑-ম্ভবতি ॥ এ॒ক॒ধা তে॑জ॒স্বিনী᳚-ন্দে॒বতা॒-মুপৈ॒তীত্য়া॑হুঃ । সৈন॑মীশ্ব॒রা প্র॒দহ॒ ইতি॑ ॥ নেতি॑ ব্রূয়াত্ । প্র॒জন॑নং॒-বাঁ অ॒গ্নিঃ । প্র॒জন॑ন-মে॒বোপৈ॒তীতি॑ ॥ কৃ॒তয়॑জু॒-স্সম্ভৃ॑ত সম্ভার॒ ইত্য়া॑হুঃ ॥ 4 ॥

ন স॒ভৃন্ত্য়া᳚-স্সম্ভা॒রাঃ । ন যজুঃ॑ কা॒র্য়॑মিতি॑ ॥ অথো॒ খলু॑ । স॒ভৃন্ত্য়া॑ এ॒ব স॑ভাং॒রাঃ । কা॒র্য়ং॑-য়ঁজুঃ॑ । পু॒ন॒রা॒ধেয়॑স্য়॒ সমৃ॑দ্ধ্য়ৈ ॥ তেনো॑পা॒গ্​ম্॒শু প্রচ॑রতি । এষ্য়॑ ইব॒ বা এ॒ষঃ । য-ত্পু॑ন-রা॒ধেয়ঃ॑ । যথো॑পা॒গ্​ম্॒শু ন॒ষ্টমি॒চ্ছতি॑ ॥ 5 ॥

তা॒দৃগে॒ব তত্ ॥ উ॒চ্চৈ-স্স্বি॑ষ্ট॒কৃত॒মু-থ্সৃ॑জতি । যথা॑ ন॒ষ্টং-বিঁ॒ত্বা প্রাহা॒যমিতি॑ । তা॒দৃগে॒ব তত্ ॥ এ॒ক॒ধা তে॑জ॒স্বিনী᳚-ন্দে॒বতা॒মুপৈ॒তীত্য়া॑হুঃ । সৈন॑মীশ্ব॒রা প্র॒দহ॒ ইতি॑ । তত্তথা॒ নোপৈ॑তি । প্র॒য়া॒জা॒নূ॒য়া॒জেষ্বে॒ব বিভ॑ক্তীঃ কুর্য়াত্ । য॒থা॒পূ॒র্ব-মাজ্য়॑ভাগৌ॒ স্য়াতা᳚ম্ । এ॒ব-ম্প॑ত্নী সং​য়াঁ॒জাঃ ॥ 6 ॥

ত-দ্বৈ᳚শ্বান॒রব॑ত্-প্র॒জন॑নবত্তর॒-মুপৈ॒তীতি॑ ॥ তদা॑হুঃ । ব্য়ৃ॑দ্ধং॒-বাঁ এ॒তত্ । অনা᳚গ্নেয়ং॒-বাঁ এ॒ত-ত্ক্রি॑যত॒ ইতি॑ ॥ নেতি॑ ব্রূয়াত্ । অ॒গ্নি-ম্প্র॑থ॒মং-বিঁভ॑ক্তীনাং-য়ঁজতি । অ॒গ্নিমু॑ত্ত॒ম-ম্প॑ত্নী সং​য়াঁ॒জানা᳚ম্ । তেনা᳚গ্নে॒যম্ । তেন॒ সমৃ॑দ্ধ-ঙ্ক্রিযত॒ ইতি॑ ॥ 7 ॥
(অ॒রু॒ন্ধ॒ - তৈ॒ব ত-দ্- ভ॑বতি॒ - সম্ভৃ॑তসম্ভার॒ ইত্য়া॑হু - রি॒চ্ছতি॑ - পত্নীসং​য়াঁ॒জা - +নব॑ চ) ( আ1)

অনুবাকং 2 - বাজপেযস্য় বিধিঃ
দে॒বা বৈ যথা॒দর্​শং॑-য়ঁ॒জ্ঞানাহ॑রন্ত । যো᳚-ঽগ্নিষ্টো॒মম্ । য উ॒ক্থ্য়᳚ম্ । যো॑-ঽতিরা॒ত্রম্ । তে স॒হৈব সর্বে॑ বাজ॒পেয়॑-মপশ্যন্ন্ । তে । অ॒ন্য়ো᳚ন্যস্মৈ॒ নাতি॑ষ্ঠন্ত । অ॒হম॒নেন॑ যজা॒ ইতি॑ । তে᳚-ঽব্রুবন্ন্ । আ॒জিম॒স্য় ধা॑বা॒মেতি॑ ॥ 8 ॥

তস্মি॑-ন্না॒জিম॑ধাবন্ন্ । ত-ম্বৃহ॒স্পতি॒-রুদ॑জযত্ । তেনা॑যজত । স স্বারা᳚জ্য়-মগচ্ছত্ । তমিন্দ্রো᳚-ঽব্রবীত্ । মাম॒নেন॑ যাজ॒য়েতি॑ । তেনেন্দ্র॑-ময়াজযত্ । সো-ঽগ্র॑-ন্দে॒বতা॑না॒-ম্পর্য়ৈ᳚ত্ । অগ॑চ্ছ॒-থ্স্বারা᳚জ্যম্ । অতি॑ষ্ঠন্তাস্মৈ॒ জ্য়ৈষ্ঠ্য়া॑য় ॥ 9 ॥

য এ॒বং-বিঁ॒দ্বান্. বা॑জ॒পেয়ে॑ন॒ যজ॑তে । গচ্ছ॑তি॒ স্বারা᳚জ্যম্ । অগ্রগ্​ম্॑ সমা॒নানা॒-ম্পর্য়ে॑তি । তিষ্ঠ॑ন্তে-ঽস্মৈ॒ জ্য়ৈষ্ঠ্য়া॑য় ॥ স বা এ॒ষ ব্রা᳚হ্ম॒ণস্য়॑ চৈ॒ব রা॑জ॒ন্য়॑স্য় চ য॒জ্ঞঃ ॥ তং-বাঁ এ॒তং-বাঁ॑জ॒পেয়॒ ইত্য়া॑হুঃ । বা॒জাপ্য়ো॒ বা এ॒ষঃ । বাজ॒গ্গ্॒ হ্য়ে॑তেন॑ দে॒বা ঐফ্সন্ন্॑ ॥ সোমো॒ বৈ বা॑জ॒পেয়ঃ॑ । যো বৈ সোমং॑-বাঁজ॒পেয়ং॒-বেঁদ॑ ॥ 10 ॥

বা॒জ্য়ে॑বৈন॑-ম্পী॒ত্বা ভ॑বতি । আ-ঽস্য়॑ বা॒জী জা॑যতে ॥ অন্নং॒-বৈঁ বা॑জ॒পেয়ঃ॑ । য এ॒বং-বেঁদ॑ । অত্ত্যন্ন᳚ম্ । আ-ঽস্য়া᳚ন্না॒দো জা॑যতে ॥ ব্রহ্ম॒ বৈ বা॑জ॒পেয়ঃ॑ । য এ॒বং-বেঁদ॑ । অত্তি॒ ব্রহ্ম॒ণা-ঽন্ন᳚ম্ । আ-ঽস্য়॑ ব্র॒হ্মা জা॑যতে ॥ 11 ॥

বাগ্বৈ বাজ॑স্য় প্রস॒বঃ । য এ॒বং-বেঁদ॑ । ক॒রোতি॑ বা॒চা বী॒র্য়᳚ম্ । ঐনং॑-বাঁ॒চা গ॑চ্ছতি । অপি॑বতীং॒-বাঁচং॑-বঁদতি ॥ প্র॒জাপ॑তি-র্দে॒বেভ্য়ো॑ য॒জ্ঞান্ ব্য়াদি॑শত্ । স আ॒ত্মন্ বা॑জ॒পেয়॑-মধত্ত । ত-ন্দে॒বা অ॑ব্রুবন্ন্ । এ॒ষ বাব য॒জ্ঞঃ । য-দ্বা॑জ॒পেয়ঃ॑ ॥ 12 ॥

অপ্য়ে॒ব নো-ঽত্রা॒স্ত্বিতি॑ । তেভ্য়॑ এ॒তা উজ্জি॑তীঃ॒ প্রায়॑চ্ছত্ ॥ তা বা এ॒তা উজ্জি॑তয়ো॒ ব্য়াখ্য়া॑যন্তে । য॒জ্ঞস্য়॑ সর্ব॒ত্বায়॑ । দে॒বতা॑না॒-মনি॑র্ভাগায় ॥ দে॒বা বৈ ব্রহ্ম॑ণ॒শ্চান্ন॑স্য় চ॒ শম॑ল॒মপা᳚ঘ্নন্ন্ । য-দ্ব্রহ্ম॑ণ॒-শ্শম॑ল॒মাসী᳚ত্ । সা গাথা॑ নারাশ॒গ্গ্॒স্য়॑ ভবত্ । যদন্ন॑স্য় । সা সুরা᳚ ॥ 13 ॥

তস্মা॒-দ্গায়॑তশ্চ ম॒ত্তস্য়॑ চ॒ ন প্র॑তি॒গৃহ্য়᳚ম্ । য-ত্প্র॑তিগৃহ্ণী॒য়াত্ । শম॑ল॒-ম্প্রতি॑গৃহ্ণীয়াত্ ॥ সর্বা॒ বা এ॒তস্য়॒ বাচো ঽব॑রুদ্ধাঃ । যো বা॑জপেযয়া॒জী । যা পৃ॑থি॒ব্য়াং-য়াঁ-ঽগ্নৌ যা র॑থন্ত॒রে । যা-ঽন্তরি॑ক্ষে॒ যা বা॒য়ৌ যা বা॑মদে॒ব্য়ে । যা দি॒বি যা-ঽঽদি॒ত্য়ে যা বৃ॑হ॒তি । যা-ঽফ্সু যৌষ॑ধীষু॒ যা বন॒স্পতি॑ষু ॥ তস্মা᳚-দ্বাজপেযয়া॒জ্য়ার্ত্বি॑জীনঃ । সর্বা॒ হ্য়॑স্য়॒ বাচো ঽব॑রুদ্ধাঃ ॥ 14 ॥
(ধা॒বা॒মেতি॒ - জ্য়ৈষ্ঠ্য়া॑য়॒ - বেদ॑ - ব্র॒হ্মা জা॑যতে-বাজ॒পেয়ঃ॒-সুরা-ঽঽর্ত্বি॑জীন॒ একং॑ চ ) (অ. 2)

অনুবাকং 3 - তস্যগ্রহবিশেষাঃ
দে॒বা বৈ যদ॒ন্য়ৈ-র্গ্রহৈ᳚-র্য়॒জ্ঞস্য়॒ নাবারু॑ন্ধত । তদ॑তিগ্রা॒হ্য়ৈ॑-রতি॒গৃহ্য়া-বা॑রুন্ধত । তদ॑তিগ্রা॒হ্য়া॑ণা-মতিগ্রাহ্য়॒ত্বম্ ॥ যদ॑তিগ্রা॒হ্য়া॑ গৃ॒হ্যন্তে᳚ । যদে॒বান্য়ৈ-র্গ্রহৈ᳚-র্য়॒জ্ঞস্য়॒ নাব॑রু॒ন্ধে । তদে॒ব তৈর॑তি॒গৃহ্য়া-ব॑রুন্ধে ॥ পঞ্চ॑ গৃহ্যন্তে । পাঙ্ক্তো॑ য॒জ্ঞঃ । যাবা॑নে॒ব য॒জ্ঞঃ । তমা॒প্ত্বা ঽব॑রুন্ধে ॥ 15 ॥

সর্ব॑ ঐ॒ন্দ্রা ভ॑বন্তি । এ॒ক॒ধৈব যজ॑মান ইন্দ্রি॒য়-ন্দ॑ধতি ॥ স॒প্তদ॑শ প্রাজাপ॒ত্য়া গ্রহা॑ গৃহ্যন্তে । স॒প্ত॒দ॒শঃ প্র॒জাপ॑তিঃ । প্র॒জাপ॑তে॒-রাপ্ত্য়ৈ᳚ ॥ এক॑য়॒র্চা গৃ॑হ্ণাতি । এ॒ক॒ধৈব যজ॑মানে বী॒র্য়॑-ন্দধাতি ॥ সো॒ম॒গ্র॒হাগ্​শ্চ॑ সুরাগ্র॒হাগ্​শ্চ॑ গৃহ্ণাতি । এ॒ত-দ্বৈ দে॒বানা᳚-ম্পর॒মমন্ন᳚ম্ । য-থ্সোমঃ॑ ॥ 16 ॥

এ॒ত-ন্ম॑নু॒ষ্য়া॑ণাম্ । য-থ্সুরা᳚ । প॒র॒মেণৈ॒বাস্মা॑ অ॒ন্নাদ্য়ে॒নাব॑র-ম॒ন্নাদ্য়॒-মব॑রুন্ধে ॥ সো॒ম॒গ্র॒হা-ন্গৃ॑হ্ণাতি । ব্রহ্ম॑ণো॒ বা এ॒ত-ত্তেজঃ॑ । য-থ্সোমঃ॑ । ব্রহ্ম॑ণ এ॒ব তেজ॑সা॒ তেজো॒ যজ॑মানে দধাতি । সু॒রা॒গ্র॒হা-ন্গৃ॑হ্ণাতি । অন্ন॑স্য়॒ বা এ॒তচ্ছম॑লম্ । য-থ্সুরা᳚ ॥ 17 ॥

অন্ন॑স্য়ৈ॒ব শম॑লেন॒ শম॑লং॒-য়ঁজ॑মানা॒-দপ॑হন্তি ॥ সো॒ম॒গ্র॒হাগ্​শ্চ॑ সুরাগ্র॒হাগ্​শ্চ॑ গৃহ্ণাতি । পুমা॒ন্॒. বৈ সোমঃ॑ । স্ত্রী সুরা᳚ । ত-ন্মি॑থু॒নম্ । মি॒থু॒নমে॒বাস্য়॒ ত-দ্য়॒জ্ঞে ক॑রোতি প্র॒জন॑নায় । আ॒ত্মান॑মে॒ব সো॑মগ্র॒হৈ-স্স্পৃ॑ণোতি । জা॒য়াগ্​ম্ সু॑রা গ্র॒হৈঃ । তস্মা᳚-দ্বাজপেযয়া॒জ্য়॑মুষ্মি॑ঁল্লো॒কে স্ত্রিয়॒গ্​ম্॒ সম্ভ॑বতি । বা॒জ॒পেয়া॑-ভিজিত॒গ্গ্॒ হ্য়॑স্য় ॥ 18 ॥

পূর্বে॑ সোমগ্র॒হা গৃ॑হ্যন্তে । অপ॑রে সুরাগ্র॒হাঃ । পু॒রো॒ক্ষগ্​ম্ সো॑মগ্র॒হান্থ্- সা॑দযতি । প॒শ্চা॒দ॒ক্ষগ্​ম্ সু॑রাগ্র॒হান্ । পা॒প॒ব॒স্য়॒সস্য়॒ বিধৃ॑ত্য়ৈ ॥ এ॒ষ বৈ যজ॑মানঃ । য-থ্সোমঃ॑ । অন্ন॒গ্​ম্॒ সুরা᳚ । সো॒ম॒গ্র॒হাগ্​শ্চ॑ সুরাগ্র॒হাগ্​শ্চ॒ ব্যতি॑ষজতি । অ॒ন্নাদ্য়ে॑নৈ॒বৈনং॒-ব্য়ঁতি॑ষজতি ॥ 19 ॥

স॒পৃঞ্চ॑-স্স্থ॒ স-ম্মা॑ ভ॒দ্রেণ॑ পৃ॒ঙ্ক্তেত্য়া॑হ । অন্নং॒-বৈঁ ভ॒দ্রম্ । অ॒ন্নাদ্য়ে॑নৈ॒বৈন॒গ্​ম্॒ সগ্​ম্সৃ॑জতি ॥ অন্ন॑স্য়॒ বা এ॒তচ্ছম॑লম্ । য-থ্সুরা᳚ । পা॒প্মেব॒ খলু॒ বৈ শম॑লম্ । পা॒প্মনা॒ বা এ॑নমে॒তচ্ছম॑লেন॒ ব্যতি॑ষজতি । য-থ্সো॑মগ্র॒হাগ্​শ্চ॑ সুরাগ্র॒হাগ্​শ্চ॑ ব্যতি॒ষজ॑তি ॥ বি॒পৃচ॑-স্স্থ॒ বি মা॑ পা॒প্মনা॑ পৃ॒ঙ্ক্তেত্য়া॑হ । পা॒প্মনৈ॒বৈন॒গ্​ম্॒ শম॑লেন॒ ব্য়াব॑র্তযতি ॥ 20 ॥

তস্মা᳚-দ্বাজপেযয়া॒জী পূ॒তো মেদ্ধ্য়ো॑ দক্ষি॒ণ্য়ঃ॑ ॥ প্রাংউ-দ্দ্র॑বতি সোমগ্র॒হৈঃ । অ॒মুমে॒ব তৈ-র্লো॒ক-ম॒ভিজ॑যতি । প্র॒ত্যঙ্খ্সু॑রা গ্র॒হৈঃ । ই॒মমে॒ব তৈ-র্লো॒ক-ম॒ভিজ॑যতি ॥ প্রতি॑ষ্ঠন্তি সোমগ্র॒হৈঃ । যাব॑দে॒ব স॒ত্যম্ । তেন॑ সূযতে ॥ বা॒জ॒সৃদ্ভ্য়॑-স্সুরাগ্র॒হান্. হ॑রন্তি । অনৃ॑তেনৈ॒ব বিশ॒গ্​ম্॒ সগ্​ম্সৃ॑জতি ॥ হি॒র॒ণ্য়॒পা॒ত্র-ম্মধোঃ᳚ পূ॒র্ণ-ন্দ॑দাতি । ম॒ধ॒ব্য়ো॑-ঽসা॒নীতি॑ ॥ এ॒ক॒ধা ব্র॒হ্মণ॒ উপ॑ হরতি । এ॒ক॒ধৈব যজ॑মান॒ আয়ু॒স্তেজো॑ দধাতি ॥ 21 ॥
(আ॒প্ত্বা-ঽব॑রুন্ধে॒ - সোমঃ॒ - শম॑লং॒-য়ঁ-থ্সুরা॒ - হ্য়॑-স্য়ৈনং॒-ব্য়ঁতি॑ষজতি॒ - ব্য়াব॑র্তযতি - সৃজতি চ॒ত্বারি॑ চ ) (অ. 3)

অনুবাকং 4 - পশব-স্সপ্তদশ
ব্র॒হ্ম॒বা॒দিনো॑ বদন্তি । নাগ্নি॑ষ্টো॒মো নোক্থ্য়ঃ॑ । ন ষো॑ড॒শী নাতি॑রা॒ত্রঃ । অথ॒ কস্মা᳚-দ্বাজ॒পেয়ে॒ সর্বে॑ যজ্ঞক্র॒তবো-ঽব॑রুদ্ধ্যন্ত॒ ইতি॑ । প॒শুভি॒রিতি॑ ব্রূয়াত্ ॥ আ॒গ্নে॒য়-ম্প॒শুমাল॑ভতে । অ॒গ্নি॒ষ্টো॒মমে॒ব তেনাব॑রুন্ধে । ঐ॒ন্দ্রা॒গ্নেনো॒ক্থ্য়᳚ম্ । ঐ॒ন্দ্রেণ॑ ষোড॒শিন॑-স্স্তো॒ত্রম্ । সা॒র॒স্ব॒ত্য়া-ঽতি॑রা॒ত্রম্ ॥ 22 ॥

মা॒রু॒ত্য়া বৃ॑হ॒ত-স্স্তো॒ত্রম্ । এ॒তাব॑ন্তো॒ বৈ য॑জ্ঞক্র॒তবঃ॑ । তা-ন্প॒শুভি॑রে॒বা-ব॑রুন্ধে ॥ আ॒ত্মান॑মে॒ব স্পৃ॑ণো-ত্যগ্নিষ্টো॒মেন॑ । প্রা॒ণা॒পা॒না-বু॒ক্থ্য়ে॑ন । বী॒র্য়গ্​ম্॑ ষোড॒শিন॑-স্স্তো॒ত্রেণ॑ । বাচ॑-মতিরা॒ত্রেণ॑ । প্র॒জা-ম্বৃ॑হ॒ত-স্স্তো॒ত্রেণ॑ । ই॒মমে॒ব লো॒কম॒ভি জ॑যত্যগ্নিষ্টো॒মেন॑ । অ॒ন্তরি॑ক্ষ-মু॒ক্থ্য়ে॑ন ॥ 23 ॥

সু॒ব॒র্গং-লোঁ॒কগ্​ম্ ষো॑ড॒শিন॑-স্স্তো॒ত্রেণ॑ । দে॒ব॒য়ানা॑নে॒ব প॒থ আরো॑হ-ত্যতিরা॒ত্রেণ॑ । নাকগ্​ম্॑ রোহতি বৃহ॒ত-স্স্তো॒ত্রেণ॑ । তেজ॑ এ॒বাত্ম-ন্ধ॑ত্ত আগ্নে॒য়েন॑ প॒শুনা᳚ । ওজো॒ বল॑মৈন্দ্রা॒গ্নেন॑ । ই॒ন্দ্রি॒য়-মৈ॒ন্দ্রেণ॑ । বাচগ্​ম্॑ সারস্ব॒ত্য়া । উ॒ভাবে॒ব দে॑বলো॒ক-ঞ্চ॑ মনুষ্যলো॒ক-ঞ্চা॒ভিজ॑যতি মারু॒ত্য়া ব॒শয়া᳚ ॥ স॒প্তদ॑শ প্রাজাপ॒ত্য়া-ন্প॒শূনাল॑ভতে । স॒প্ত॒দ॒শঃ প্র॒জাপ॑তিঃ ॥ 24 ॥

প্র॒জাপ॑তে॒রাপ্ত্য়ৈ᳚ ॥ শ্য়া॒মা এক॑রূপা ভবন্তি । এ॒বমি॑ব॒ হি প্র॒জাপ॑তি॒-স্সমৃ॑দ্ধ্য়ৈ ॥ তা-ন্পর্য়॑গ্নিকৃতা॒-নুথ্সৃ॑জতি ॥ ম॒রুতো॑ য॒জ্ঞম॑জিঘাগ্​ম্স-ন্প্র॒জাপ॑তেঃ । তেভ্য়॑ এ॒তা-ম্মা॑রু॒তীং-বঁ॒শামাল॑ভত । তয়ৈ॒বৈনা॑-নশমযত্ ॥ মা॒রু॒ত্য়া প্র॒চর্য়॑ । এ॒তান্-থ্সঞ্জ্ঞ॑পয়েত্ । ম॒রুত॑ এ॒ব শ॑ময়ি॒ত্বা ॥ 25 ॥

এ॒তৈঃ প্রচ॑রতি । য॒জ্ঞস্য়াঘা॑তায় ॥ এ॒ক॒ধা ব॒পা জু॑হোতি । এ॒ক॒দে॒ব॒ত্য়া॑ হি । এ॒তে । অথো॑ এক॒ধৈব যজ॑মানে বী॒র্য়॑-ন্দধাতি ॥ নৈ॒বা॒রেণ॑ স॒প্তদ॑শশরাবে-ণৈ॒তর্​হি॒ প্রচ॑রতি । এ॒ত-ত্পু॑রোডাশা॒ হ্য়ে॑তে । অথো॑ পশূ॒নামে॒ব ছি॒দ্রমপি॑দধাতি ॥ সা॒র॒স্ব॒ত্য়োত্ত॒ময়া॒ প্রচ॑রতি । বাগ্ বৈ সর॑স্বতী । তস্মা᳚-ত্প্রা॒ণানাং॒-বাঁগু॑ত্ত॒মা । অথো᳚ প্র॒জাপ॑তাবে॒ব য॒জ্ঞ-ম্প্রতি॑ষ্ঠাপযতি । প্র॒জাপ॑তি॒র্॒ হি বাক্ ॥ অপ॑ন্নদতী ভবতি । তস্মা᳚-ন্মনু॒ষ্য়া᳚-স্সর্বাং॒-বাঁচং॑-বঁদন্তি ॥ 26 ॥
(অ॒তি॒রা॒ত্র - ম॒ন্তরি॑ক্ষমু॒ক্থ্য়ে॑ন - প্র॒জাপ॑তিঃ - শময়ি॒ত্বোত্ - ত॒ময়া॒ প্রচ॑রতি॒ ষট্ চ॑) (অ. 4)

অনুবাকং 5 - রথয়াজনম্
সা॒বি॒ত্র-ঞ্জু॑হোতি॒ কর্ম॑ণঃ কর্মণঃ পু॒রস্তা᳚ত্ ॥ কস্ত-দ্বে॒দেত্য়া॑হুঃ । য-দ্বা॑জ॒পেয়॑স্য়॒ পূর্বং॒-য়ঁদপ॑র॒মিতি॑ । স॒বি॒তৃপ্র॑সূত এ॒ব য॑থাপূ॒র্ব-ঙ্কর্মা॑ণি করোতি ॥ সব॑নে সবনে জুহোতি । আ॒ক্রম॑ণমে॒ব ত-থ্সেতুং॒-য়ঁজ॑মানঃ কুরুতে । সু॒ব॒র্গস্য়॑ লো॒কস্য়॒ সম॑ষ্ট্য়ৈ ॥ বা॒চস্পতি॒-র্বাচ॑ম॒দ্য় স্ব॑দাতি ন॒ ইত্য়া॑হ । বাগ্বৈ দে॒বানা᳚-ম্পু॒রা-ঽন্ন॑মাসীত্ । বাচ॑মে॒বাস্মা॒ অন্নগ্গ্॑ স্বদযতি ॥ 27 ॥

ইন্দ্র॑স্য়॒ বজ্রো॑-ঽসি॒ বার্ত্র॑ঘ্ন॒ ইতি॒ রথ॑মু॒পাব॑হরতি॒ বিজি॑ত্য়ৈ ॥ বাজ॑স্য়॒ নু প্র॑স॒বে মা॒তর॑-ম্ম॒হীমিত্য়া॑হ । যচ্চৈ॒বেযম্ । যচ্চা॒স্য়ামধি॑ । তদে॒বা-ব॑রুন্ধে । অথো॒ তস্মি॑ন্নে॒বোভয়ে॒-ঽভিষি॑চ্যতে ॥ অ॒ফ্স্ব॑ন্তর॒-মৃত॑ম॒ফ্সু ভে॑ষ॒জমিত্যশ্বা᳚-ন্পল্পূলযতি । অ॒ফ্সু বা অশ্ব॑স্য়॒ তৃতী॑য়॒-ম্প্রবি॑ষ্টম্ । তদ॑নু॒বেন॒ন্বব॑প্লবতে । যদ॒ফ্সু প॑ল্পূ॒লয়॑তি ॥ 28 ॥

যদে॒বাস্য়া॒ফ্সু প্রবি॑ষ্টম্ । তদে॒বাব॑রুন্ধে ॥ ব॒হু বা অশ্বো॑-ঽমে॒দ্ধ্য়-মুপ॑গচ্ছতি । যদ॒ফ্সু প॑ল্পূ॒লয়॑তি । মেদ্ধ্য়া॑নে॒বৈনা᳚ন্ করোতি ॥ বা॒য়ুর্বা᳚ ত্বা॒ মনু॑র্বা॒ ত্বেত্য়া॑হ । এ॒তা বা এ॒ত-ন্দে॒বতা॒ অগ্রে॒ অশ্ব॑ময়ুঞ্জন্ন্ । তাভি॑রে॒বৈনান্॑. যুনক্তি । স॒বস্য়োজ্জি॑ত্য়ৈ ॥ যজু॑ষা যুনক্তি॒ ব্য়াবৃ॑ত্ত্য়ৈ ॥ 29 ॥

অপা᳚-ন্ন পাদাশুহেম॒ন্নিতি॒ সম্মা᳚র্​ষ্টি । মেদ্ধ্য়া॑নে॒বৈনা᳚ন্ করোতি । অথো॒ স্তৌত্য়ে॒বৈনা॑না॒জিগ্​ম্ স॑রিষ্য়॒তঃ ॥ বি॒ষ্ণু॒ ক্র॒মান্ ক্র॑মতে । বিষ্ণু॑রে॒ব ভূ॒ত্বেমাঁল্লো॒কা-ন॒ভিজ॑যতি ॥ বৈ॒শ্ব॒দে॒বো বৈ রথঃ॑ । অ॒ঙ্কৌ ন্য়॒ঙ্কাব॒ভিতো॒ রথং॒-য়াঁবিত্য়া॑হ । যা এ॒ব দে॒বতা॒ রথে॒ প্রবি॑ষ্টাঃ । তাভ্য়॑ এ॒ব নম॑স্করোতি । আ॒ত্মনো-ঽনা᳚র্ত্য়ৈ ॥ অশ॑মরথ-ম্ভাবুকো-ঽস্য়॒ রথো॑ ভবতি । য এ॒বং-বেঁদ॑ ॥ 30 ॥
(স্ব॒দ॒য়॒তি॒ - প॒ল্পূ॒লয়॑তি॒ - ব্য়াবৃ॑ত্ত্য়া॒ - অনা᳚র্ত্য়ৈ॒ দ্বে চ॑) (অ. 5)

অনুবাকং 6 - রথধাবনম্
দে॒বস্য়া॒হগ্​ম্ স॑বি॒তুঃ প্র॑স॒বে বৃহ॒স্পতি॑না বাজ॒জিতা॒ বাজ॑-ঞ্জেষ॒মিত্য়া॑হ । স॒বি॒তৃপ্র॑সূত এ॒ব ব্রহ্ম॑ণা॒ বাজ॒মুজ্জ॑যতি ॥ দে॒বস্য়া॒হগ্​ম্ স॑বি॒তুঃ প্র॑স॒বে বৃহ॒স্পতি॑না বাজ॒জিতা॒ বর্​ষি॑ষ্ঠ॒-ন্নাকগ্​ম্॑ রুহেয়॒মিত্য়া॑হ । স॒বি॒তৃপ্র॑সূত এ॒ব ব্রহ্ম॑ণা॒ বর্​ষি॑ষ্ঠ॒-ন্নাকগ্​ম্॑ রোহতি ॥ চাত্বা॑লে রথচ॒ক্র-ন্নিমি॑তগ্​ম্ রোহতি । অতো॒ বা অঙ্গি॑রস উত্ত॒মা-স্সু॑ব॒র্গং-লোঁ॒কমা॑যন্ন্ । সা॒ক্ষাদে॒ব যজ॑মান-স্সুব॒র্গং-লোঁ॒কমে॑তি ॥ আবে᳚ষ্টযতি । বজ্রো॒ বৈ রথঃ॑ । বজ্রে॑ণৈ॒ব দিশো॒-ঽভিজ॑যতি ॥ 31 ॥

বা॒জিনা॒গ্​ম্॒ সাম॑ গাযতে । অন্নং॒-বৈঁ বাজঃ॑ । অন্ন॑মে॒-বাব॑রুন্ধে ॥ বা॒চো বর্​ষ্ম॑ দে॒বেভ্য়ো-ঽপা᳚ক্রামত্ । ত-দ্বন॒স্পতী॒-ন্প্রাবি॑শত্ । সৈষা বাগ্-বন॒স্পতি॑ষু বদতি । যা দু॑ন্দু॒ভৌ । তস্মা᳚-দ্দুন্দু॒ভি-স্সর্বা॒ বাচোতি॑ বদতি ॥ দু॒ন্দু॒ভীন্-থ্স॒মাঘ্ন॑ন্তি । প॒র॒মা বা এ॒ষা বাক্ ॥ 32 ॥

যা দু॑ন্দু॒ভৌ । প॒র॒ময়ৈ॒ব বা॒চা-ঽব॑রাং॒-বাঁচ॒ম-ব॑রুন্ধে । অথো॑ বা॒চ এ॒ব বর্​ষ্ম॒ যজ॑মা॒নো ঽব॑রুন্ধে ॥ ইন্দ্রা॑য়॒ বাচং॑-বঁদ॒তেন্দ্রং॒-বাঁজ॑-ঞ্জাপয়॒তেন্দ্রো॒ বাজ॑মজয়ি॒-দিত্য়া॑হ । এ॒ষ বা এ॒তর্​হীন্দ্রঃ॑ । যো যজ॑তে । যজ॑মান এ॒ব বাজ॒মুজ্জ॑যতি ॥ স॒প্তদ॑শ প্রব্য়া॒ধানা॒জি-ন্ধা॑বন্তি । স॒প্ত॒দ॒শগ্গ্​ স্তো॒ত্র-ম্ভ॑বতি । স॒প্তদ॑শ সপ্তদশ দীযন্তে ॥ 33 ॥

স॒প্ত॒দ॒শঃ প্র॒জাপ॑তিঃ । প্র॒জাপ॑তে॒-রাপ্ত্য়ৈ᳚ ॥ অর্বা॑-ঽসি॒ সপ্তি॑রসি বা॒জ্য়॑সীত্য়া॑হ । অ॒গ্নির্বা অর্বা᳚ । বা॒য়ু-স্সপ্তিঃ॑ । আ॒দি॒ত্য়ো বা॒জী । এ॒তাভি॑রে॒বাস্মৈ॑ দে॒বতা॑ভি-র্দেবর॒থং-য়ুঁ॑নক্তি ॥ প্র॒ষ্টি॒বা॒হিনং॑-য়ুঁনক্তি । প্র॒ষ্টি॒বা॒হী বৈ দে॑বর॒থঃ । দে॒ব॒র॒থমে॒বাস্মৈ॑ যুনক্তি ॥ 34 ॥

বাজি॑নো॒ বাজ॑-ন্ধাবত॒ কাষ্ঠা᳚-ঙ্গচ্ছ॒তেত্য়া॑হ । সু॒ব॒র্গো বৈ লো॒কঃ কাষ্ঠা᳚ । সু॒ব॒র্গমে॒ব লো॒কং-য়ঁ॑ন্তি ॥ সু॒ব॒র্গং-বাঁ এ॒তে লো॒কং-য়ঁ॑ন্তি । য আ॒জি-ন্ধাব॑ন্তি ॥ প্রাঞ্চো॑ ধাবন্তি । প্রাংই॑ব॒ হি সু॑ব॒র্গো লো॒কঃ ॥ চ॒ত॒সৃভি॒রনু॑ মন্ত্রযতে । চ॒ত্বারি॒ ছন্দাগ্​ম্॑সি । ছন্দো॑ভিরে॒বৈনা᳚ন্-থ্সুব॒র্গং-লোঁ॒ক-ঙ্গ॑মযতি ॥ 35 ॥

প্র বা এ॒তে᳚-ঽস্মাল্-লো॒কাচ্চ্য়॑বন্তে । য আ॒জি-ন্ধাব॑ন্তি । উদ॑ঞ্চ॒ আব॑র্তন্তে । অ॒স্মাদে॒ব তেন॑ লো॒কান্নয়॑ন্তি ॥ র॒থ॒বি॒মো॒চ॒নীয়॑-ঞ্জুহোতি॒ প্রতি॑ষ্ঠিত্য়ৈ ॥ আ মা॒ বাজ॑স্য় প্রস॒বো জ॑গম্য়া॒দিত্য়া॑হ । অন্নং॒-বৈঁ বাজঃ॑ । অন্ন॑মে॒বাব॑রুন্ধে ॥ য॒থা॒লো॒কং-বাঁ এ॒ত উজ্জ॑যন্তি । য আ॒জি-ন্ধাব॑ন্তি ॥ 36 ॥

কৃ॒ষ্ণল॑-ঙ্কৃষ্ণলং-বাঁজ॒সৃদ্ভ্য়ঃ॒ প্রয়॑চ্ছতি । যমে॒ব তে বাজং॑-লোঁ॒কমু॒জ্জয়॑ন্তি । ত-ম্প॑রি॒ক্রীয়া-ব॑রুন্ধে ॥ এ॒ক॒ধা ব্র॒হ্মণ॒ উপ॑হরতি । এ॒ক॒ধৈব যজ॑মানে বী॒র্য়॑-ন্দধাতি ॥ দে॒বা বা ওষ॑ধীষ্বা॒জিম॑য়ুঃ । তা বৃহ॒স্পতি॒-রুদ॑জযত্ । স নী॒বারা॒ন্নির॑বৃণীত । তন্নী॒বারা॑ণা-ন্নীবার॒ত্বম্ ॥ নৈ॒বা॒রশ্চ॒রু-র্ভ॑বতি ॥ 37 ॥

এ॒তদ্বৈ দে॒বানা᳚-ম্পর॒মমন্ন᳚ম্ । যন্নী॒বারাঃ᳚ । প॒র॒মেণৈ॒বাস্মা॑ অ॒ন্নাদ্য়ে॒-নাব॑র-ম॒ন্নাদ্য়॒মব॑রুন্ধে ॥ স॒প্তদ॑শশরাবো ভবতি । স॒প্ত॒দ॒শঃ প্র॒জাপ॑তিঃ । প্র॒জাপ॑তে॒-রাপ্ত্য়ৈ᳚ ॥ ক্ষী॒রে ভ॑বতি । রুচ॑মে॒বাস্মি॑ন্-দধাতি ॥ স॒র্পিষ্বা᳚-ন্ভবতি মেদ্ধ্য়॒ত্বায়॑ ॥ বা॒র্॒হ॒স্প॒ত্য়ো বা এ॒ষ দে॒বত॑য়া ॥ 38 ॥

যো বা॑জ॒পেয়ে॑ন॒ যজ॑তে । বা॒র্॒হ॒স্প॒ত্য় এ॒ষ চ॒রুঃ ॥ অশ্বা᳚ন্-থ্সরিষ্য়॒ত-স্স॒স্রুষ॒শ্চাব॑-ঘ্রাপযতি । যমে॒ব তে বাজং॑-লোঁ॒কমু॒জ্জয়॑ন্তি । তমে॒বাব॑রুন্ধে ॥ অজী॑জিপত বনস্পতয়॒ ইন্দ্রং॒-বাঁজং॒-বিঁমু॑চ্যদ্ধ্ব॒মিতি॑ দুন্দু॒ভীন্. বিমু॑ঞ্চতি । যমে॒ব তে বাজং॑-লোঁ॒কমি॑ন্দ্রি॒য়-ন্দু॑ন্দু॒ভয়॑ উ॒জ্জয়॑ন্তি । তমে॒বা-ব॑রুন্ধে ॥ 39 ॥
(অ॒ভিজ॑যতি॒ - বা এ॒ষা বাগ্ - দী॑যন্তে - ঽস্মৈ যুনক্তি - গমযতি॒ - য আ॒জি-ন্ধাব॑ন্তি - ভবতি - দে॒বত॑য়া॒ - +-ঽষ্টৌ চ॑) (অ. 6)

অনুবাকং 7 - যূপারোহণম্
তা॒র্প্য়ং-য়ঁজ॑মান॒-ম্পরি॑ধাপযতি । য॒জ্ঞো বৈ তা॒র্প্যম্ । য॒জ্ঞেনৈ॒বৈন॒গ্​ম্॒ সম॑র্ধযতি । দ॒র্ভ॒ময়॒-ম্পরি॑ধাপযতি । প॒বিত্রং॒-বৈঁ দ॒র্ভাঃ । পু॒নাত্য়ে॒বৈন᳚ম্ । বাজং॒-বাঁ এ॒ষো-ঽব॑রুরুথ্সতে । যো বা॑জ॒পেয়ে॑ন॒ যজ॑তে । ওষ॑ধয়ঃ॒ খলু॒ বৈ বাজঃ॑ । য-দ্দ॑র্ভ॒ময়॑-ম্পরিধা॒পয়॑তি ॥ 40 ॥

বাজ॒স্য়াব॑-রুদ্ধ্য়ৈ ॥ জায়॒ এহি॒ সুবো॒ রোহা॒বেত্য়া॑হ । পত্নি॑য়া এ॒বৈষ য॒জ্ঞস্য়া᳚ন্-বার॒ম্ভো-ঽন॑বচ্ছিত্য়ৈ ॥ স॒প্তদ॑শা-রত্নি॒র্য়ূপো॑ ভবতি । স॒প্ত॒দ॒শঃ প্র॒জাপ॑তিঃ । প্র॒জাপ॑তে॒রাপ্ত্য়ৈ᳚ ॥ তূ॒প॒র-শ্চতু॑রশ্রি-র্ভবতি ॥ গৌ॒ধূ॒ম-ঞ্চ॒ষাল᳚ম্ । ন বা এ॒তে ব্রী॒হয়ো॒ ন যবাঃ᳚ । য-দ্গো॒ধূমাঃ᳚ ॥ 41 ॥

এ॒বমি॑ব॒ হি প্র॒জাপ॑তি॒-স্সমৃ॑দ্ধ্য়ৈ । অথো॑ অ॒মুমে॒বাস্মৈ॑ লো॒কমন্ন॑বন্ত-ঙ্করোতি ॥ বাসো॑ভি-র্বেষ্টযতি । এ॒ষ বৈ যজ॑মানঃ । যদ্য়ূপঃ॑ । স॒র্ব॒দে॒ব॒ত্য়ং॑-বাঁসঃ॑ । সর্বা॑ভিরে॒বৈন॑-ন্দে॒বতা॑ভি॒-স্সম॑র্ধযতি । অথো॑ আ॒ক্রম॑ণমে॒ব তথ্সেতুং॒-য়ঁজ॑মানঃ কুরুতে । সু॒ব॒র্গস্য়॑ লো॒কস্য়॒ সম॑ষ্ট্য়ৈ ॥ দ্বাদ॑শ বাজপ্রস॒বীয়া॑নি জুহোতি ॥ 42 ॥

দ্বাদ॑শ॒ মাসা᳚-স্সং​বঁথ্স॒রঃ । সং॒​বঁ॒থ্স॒রমে॒ব প্রী॑ণাতি । অথো॑ সং​বঁথ্স॒রমে॒বাস্মা॒ উপ॑ দধাতি । সু॒ব॒র্গস্য়॑ লো॒কস্য়॒ সম॑ষ্ট্য়ৈ ॥ দ॒শভিঃ॒ কল্পৈ॑ রোহতি । নব॒ বৈ পুরু॑ষে প্রা॒ণাঃ । নাভি॑র্দশ॒মী । প্রা॒ণানে॒ব য॑থাস্থা॒ন-ঙ্ক॑ল্পয়ি॒ত্বা । সু॒ব॒র্গং-লোঁ॒কমে॑তি । এ॒তাব॒দ্বৈ পুরু॑ষস্য়॒ স্বম্ ॥ 43 ॥

যাব॑ত্-প্রা॒ণাঃ । যাব॑দে॒বাস্য়াস্তি॑ । তেন॑ স॒হ সু॑ব॒র্গং-লোঁ॒কমে॑তি ॥ সুব॑র্দে॒বাগ্​ম্ অ॑গ॒ন্মেত্য়া॑হ । সু॒ব॒র্গমে॒ব লো॒কমে॑তি । অ॒মৃতা॑ অভূ॒মেত্য়া॑হ । অ॒মৃত॑মিব॒ হি সু॑ব॒র্গো লো॒কঃ । প্র॒জাপ॑তেঃ প্র॒জা অ॑ভূ॒মেত্য়া॑হ । প্রা॒জা॒প॒ত্য়ো বা অ॒য়ং-লোঁ॒কঃ । অ॒স্মাদে॒ব তেন॑ লো॒কান্নৈতি॑ ॥ 44 ॥

সম॒হ-ম্প্র॒জয়া॒ স-ম্ময়া᳚ প্র॒জেত্য়া॑হ । আ॒শিষ॑মে॒বৈতা-মাশা᳚স্তে ॥ আ॒স॒পু॒টৈ-র্ঘ্ন॑ন্তি । অন্নং॒-বাঁ ই॒যম্ । অ॒ন্নাদ্য়ে॑নৈ॒বৈন॒গ্​ম্॒ সম॑র্ধযন্তি । ঊষৈ᳚-র্ঘ্নন্তি । এ॒তে হি সা॒ক্ষাদন্ন᳚ম্ । যদূষাঃ᳚ । সা॒ক্ষাদে॒বৈন॑-ম॒ন্নাদ্য়ে॑ন॒ সম॑র্ধযন্তি ॥ পু॒রস্তা᳚ত্-প্র॒ত্যঞ্চ᳚-ঙ্ঘ্নন্তি ॥ 45 ॥

পু॒রস্তা॒দ্ধি প্র॑তী॒চীন॒-মন্ন॑ম॒দ্যতে᳚ ॥ শী॒র্॒ষ॒তো ঘ্ন॑ন্তি । শী॒র্॒ষ॒তো হ্যন্ন॑ম॒দ্যতে᳚ ॥ দি॒গ্ভ্য়ো ঘ্ন॑ন্তি । দি॒গ্ভ্য় এ॒বাস্মা॑ অ॒ন্নাদ্য়॒-মব॑রুন্ধতে ॥ ঈ॒শ্ব॒রো বা এ॒ষ পরাং᳚-প্র॒দঘঃ॑ । যো যূপ॒গ্​ম্॒ রোহ॑তি ॥ হির॑ণ্যম॒দ্ধ্য়-ব॑রোহতি । অ॒মৃতং॒-বৈঁ হির॑ণ্যম্ । অ॒মৃতগ্​ম্॑ সুব॒র্গো লো॒কঃ ॥ 46 ॥

অ॒মৃত॑ এ॒ব সু॑ব॒র্গে লো॒কে প্রতি॑ তিষ্ঠতি ॥ শ॒তমা॑ন-ম্ভবতি । শ॒তায়ুঃ॒ পুরু॑ষ-শ্শ॒তেন্দ্রি॑য়ঃ । আয়ু॑ষ্য়ে॒বেন্দ্রি॒য়ে প্রতি॑ তিষ্ঠতি ॥ পুষ্ট্য়ৈ॒ বা এ॒ত-দ্রূ॒পম্ । যদ॒জা । ত্রি-স্সং॑​বঁথ্স॒রস্য়া॒ন্য়ান্-প॒শূ-ন্পরি॒ প্রজা॑যতে ॥ ব॒স্তা॒জি॒ন-ম॒দ্ধ্যব॑ রোহতি । পুষ্ট্য়া॑মে॒ব প্র॒জন॑নে॒ প্রতি॑তিষ্ঠতি ॥ 47 ॥
(প॒রি॒ধা॒পয়॑তি - গো॒ধূমা॑ - জুহোতি॒ - স্বং - নৈতি॑ - প্র॒ত্যঞ্জ॑-ঙ্ঘ্নন্তি - লো॒কো - +নব॑ চ (অ. 7)

অনুবাকং 8 - অন্নহোমাঃ, অভিষেকশ্চ
স॒প্তান্ন॑-হো॒মাঞ্জু॑হোতি । স॒প্ত বা অন্না॑নি । যাব॑ন্ত্য়ে॒বান্না॑নি । তান্য়ে॒বাব॑রুন্ধে । স॒প্ত গ্রা॒ম্য়া ওষ॑ধয়ঃ । স॒প্তার॒ণ্য়াঃ । উ॒ভয়ী॑ষা॒-মব॑রুদ্ধ্য়ৈ ॥ অন্ন॑স্য়া-ন্নস্য় জুহোতি । অন্ন॑স্য়ান্ন॒স্য়া-ব॑রুদ্ধ্য়ৈ ॥ য-দ্বা॑জপেযয়া॒জ্য়-ন॑বরুদ্ধস্য়াশ্ঞী॒য়াত্ ॥ 48 ॥

অব॑রুদ্ধেন॒ ব্য়ৃ॑দ্ধ্য়েত । সর্ব॑স্য় সমব॒দায়॑ জুহোতি । অন॑বরুদ্ধ॒-স্য়াব॑রুদ্ধ্য়ৈ ॥ ঔদু॑ম্বরেণ স্রু॒বেণ॑ জুহোতি । ঊর্গ্বা অন্ন॑-মুদু॒ম্বরঃ॑ । ঊ॒র্জ এ॒বান্নাদ্য়॒স্য়াব॑রুদ্ধ্য়ৈ ॥ দে॒বস্য়॑ ত্বা সবি॒তুঃ প্র॑স॒ব ইত্য়া॑হ । স॒বি॒তৃ প্র॑সূত এ॒বৈন॒-ম্ব্রহ্ম॑ণা দে॒বতা॑ভি-র॒ভিষি॑ঞ্চতি ॥ অন্ন॑স্য়ান্নস্য়া॒ভিষি॑ঞ্চতি । অন্ন॑স্য়ান্ন॒স্য়াব॑রুদ্ধ্য়ৈ ॥ 49 ॥

পু॒রস্তা᳚ত্-প্র॒ত্যঞ্চ॑-ম॒ভিষি॑ঞ্চতি । পু॒রস্তা॒দ্ধি-প্র॑তী॒চীন॒-মন্ন॑ম॒দ্যতে᳚ । শী॒র্॒ষ॒তো॑-ঽভিষি॑ঞ্চতি । শী॒র্॒ষ॒তো হ্যন্ন॑ম॒দ্যতে᳚ ॥ আমুখা॑দ॒ন্বব॑ স্রাবযতি । মু॒খ॒ত এ॒বাস্মা॑ অ॒ন্নাদ্য়॑-ন্দধাতি ॥ অ॒গ্নেস্ত্বা॒ সাম্রা᳚জ্য়েনা॒ভিষি॑ঞ্চা॒মীত্য়া॑হ । এ॒ষ বা অ॒গ্নে-স্স॒বঃ । তেনৈ॒বৈন॑-ম॒ভিষি॑ঞ্চতি । ইন্দ্র॑স্য় ত্বা॒ সাম্রা᳚জ্য়েনা॒ভিষি॑ঞ্চা॒মীত্য়া॑হ ॥ 50 ॥

ই॒ন্দ্রি॒য়-মে॒বাস্মি॑-ন্নে॒তেন॑ দধাতি । বৃহ॒স্পতে᳚স্ত্বা॒ সাম্রা᳚জ্য়েনা॒ভিষি॑ঞ্চা॒-মীত্য়া॑হ । ব্রহ্ম॒ বৈ দে॒বানা॒-ম্বৃহ॒স্পতিঃ॑ । ব্রহ্ম॑ণৈ॒বৈন॑-ম॒ভিষি॑ঞ্চতি ॥ সো॒ম॒গ্র॒হাগ্​শ্চা॑-বদানী॒য়ানি॑ চ॒র্ত্বিগ্ভ্য়॒ উপ॑ হরন্তি । অ॒মুমে॒ব তৈ-র্লো॒ক-মন্ন॑বন্ত-ঙ্করোতি । সু॒রা॒গ্র॒হাগ্​শ্চা॑-নবদানী॒য়ানি॑ চ বাজ॒সৃদ্ভ্য়ঃ॑ । ই॒মমে॒ব তৈ-র্লো॒ক-মন্ন॑বন্ত-ঙ্করোতি । অথো॑ উ॒ভয়ী᳚ষ্বে॒বাভিষি॑চ্যতে ॥ বি॒মা॒থ-ঙ্কু॑র্বতে বাজ॒সৃতঃ॑ ॥ 51 ॥

ই॒ন্দ্রি॒যস্য়াব॑রুদ্ধ্য়ৈ ॥ অনি॑রুক্তাভিঃ প্রাতস্সব॒নে স্তু॑বতে । অনি॑রুক্তঃ প্র॒জাপ॑তিঃ । প্র॒জাপ॑তে॒রাপ্ত্য়ৈ᳚ । বাজ॑বতীভি॒-র্মাদ্ধ্য়॑ন্দিনে । অন্নং॒-বৈঁ বাজঃ॑ । অন্ন॑মে॒বা-ব॑রুন্ধে । শি॒পি॒বি॒ষ্টব॑তীভি-স্তৃতীযসব॒নে । য॒জ্ঞো বৈ বিষ্ণুঃ॑ । প॒শব॒-শ্শিপিঃ॑ । য॒জ্ঞ এ॒ব প॒শুষু॒ প্রতি॑ তিষ্ঠতি ॥ বৃ॒হদন্ত্য়॑-ম্ভবতি । অন্ত॑মে॒বৈনগ্গ্॑ শ্রি॒য়ৈ গ॑মযতি ॥ 52 ॥
(অ॒শ্ঞী॒য়া - দন্ন॑স্য়ান্ন॒স্য়া ব॑রুদ্ধ্য়া॒ - ইন্দ্র॑স্য় ত্বা॒ সাম্রা᳚জ্য়েনা॒ভিষি॑ঞ্চা॒ মীত্য়া॑হ-বাজ॒সৃতঃ॒ - শিপি॒ স্ত্রীণি॑ চ) (অ. 8)

অনুবাকং 9 - অতিগ্রাহ্য়াঃ, পঞ্চৈন্দ্রাঃ
নৃ॒ষদ॒-ন্ত্বেত্য়া॑হ । প্র॒জা বৈ নৄন্ । প্র॒জানা॑মে॒বৈতেন॑ সূযতে । দ্রু॒ষদ॒মিত্য়া॑হ । বন॒স্পত॑য়ো॒ বৈ দ্রু । বন॒স্পতী॑নামে॒বৈ তেন॑ সূযতে । ভু॒ব॒ন॒সদ॒-মিত্য়া॑হ । য॒দা বৈ বসী॑য়া॒-ন্ভব॑তি । ভুব॑নমগ॒ন্নিতি॒ বৈ তমা॑হুঃ । ভুব॑নমে॒বৈতেন॑ গচ্ছতি ॥ 53 ॥

অ॒ফ্সু॒ষদ॑-ন্ত্বা ঘৃত॒সদ॒-মিত্য়া॑হ । অ॒পামে॒বৈতেন॑ ঘৃ॒তস্য়॑ সূযতে । ব্য়ো॒ম॒সদ॒-মিত্য়া॑হ । য॒দা বৈ বসী॑য়া॒-ন্ভব॑তি । ব্য়ো॑মাগ॒ন্নিতি॒ বৈ তমা॑হুঃ । ব্য়ো॑মৈ॒বৈতেন॑ গচ্ছতি ॥ পৃ॒থি॒বি॒ষদ॑-ন্ত্বা-ঽন্তরিক্ষ॒সদ॒-মিত্য়া॑হ । এ॒ষামে॒বৈতেন॑ লো॒কানাগ্​ম্॑ সূযতে । তস্মা᳚-দ্বাজপে-যয়া॒জী ন ক-ঞ্চ॒ন প্র॒ত্যব॑রোহতি । অপী॑ব॒ হি দে॒বতা॑নাগ্​ম্ সূ॒যতে᳚ ॥ 54 ॥

না॒ক॒সদ॒-মিত্য়া॑হ । য॒দাবৈ বসী॑য়া॒-ন্ভব॑তি । নাক॑মগ॒ন্নিতি॒ বৈ তমা॑হুঃ । নাক॑মে॒বৈতেন॑ গচ্ছতি ॥ যে গ্রহাঃ᳚ পঞ্চজ॒নীনা॒ ইত্য়া॑হ । প॒ঞ্চ॒জ॒নানা॑-মে॒বৈতেন॑ সূযতে ॥ অ॒পাগ্​ম্ রস॒মুদ্ব॑যস॒-মিত্য়া॑হ । অ॒পামে॒বৈতেন॒ রস॑স্য় সূযতে । সূর্য়॑রশ্মিগ্​ম্ স॒মাভৃ॑ত॒-মিত্য়া॑হ সশুক্র॒ত্বায়॑ ॥ 55 ॥
(গ॒চ্ছ॒তি॒ - সূ॒যতে॒ - +নব॑ চ) (অ. 9)

অনুবাকং 10 - পিণ্ডপিতৃযজ্ঞঃ দর্​শপূর্ণমাসব্রাহ্মণশেষঃ
ইন্দ্রো বৃ॒ত্রগ্​ম্ হ॒ত্বা । অসু॑রা-ন্পরা॒ভাব্য়॑ । সো॑-ঽমাবা॒স্য়া᳚-ম্প্রত্য়াগ॑চ্ছত্ । তে পি॒তরঃ॑ পূর্বে॒দ্য়ু-রাগ॑চ্ছন্ন্ । পি॒তৄন্. য॒জ্ঞো॑-ঽগচ্ছত্ । ত-ন্দে॒বাঃ পুন॑রয়াচন্ত । তমে᳚ভ্য়ো॒ ন পুন॑রদদুঃ । তে᳚-ঽব্রুব॒ন্ বরং॑-বৃঁণামহৈ । অথ॑ বঃ॒ পুন॑র্দাস্য়ামঃ । অ॒স্মভ্য়॑মে॒ব পূ᳚র্বে॒দ্য়ুঃ ক্রি॑য়াতা॒ ইতি॑ ॥ 56 ॥

তমে᳚ভ্য়ঃ॒ পুন॑রদদুঃ । তস্মা᳚ত্-পি॒তৃভ্য়ঃ॑ পূর্বে॒দ্য়ুঃ ক্রি॑যতে । য-ত্পি॒তৃভ্য়ঃ॑ পূর্বে॒দ্য়ুঃ ক॒রোতি॑ । পি॒তৃভ্য়॑ এ॒ব ত-দ্য়॒জ্ঞ-ন্নি॒ষ্ক্রীয়॒ যজ॑মানঃ॒ প্রত॑নুতে ॥ সোমা॑য় পি॒তৃপী॑তায় স্ব॒ধা নম॒ ইত্য়া॑হ । পি॒তুরে॒বাধি॑ সোমপী॒থমব॑ রুন্ধে । ন হি পি॒তা প্র॒মীয়॑মাণ॒ আহৈ॒ষ সো॑মপী॒থ ইতি॑ । ই॒ন্দ্রি॒য়ং-বৈঁ সো॑মপী॒থঃ । ই॒ন্দ্রি॒যমে॒ব সো॑মপী॒থমব॑-রুন্ধে । তেন᳚ন্দ্রি॒য়েণ॑ দ্বি॒তীয়া᳚-ঞ্জা॒য়াম॒ভ্য়॑শ্ঞুতে ॥ 57 ॥

এ॒ত-দ্বৈ ব্রাহ্ম॑ণ-ম্পু॒রা বা॑জশ্রব॒সা বি॒দাম॑ক্রন্ন্ । তস্মা॒-ত্তে দ্বেদ্বে॑ জা॒য়ে অ॒ভ্য়া᳚ক্ষত । য এ॒বং-বেঁদ॑ । অ॒ভি দ্বি॒তীয়া᳚-ঞ্জা॒য়াম॑শ্ঞুতে ॥ অ॒গ্নয়ে॑ কব্য়॒বাহ॑নায় স্ব॒ধা নম॒ ইত্য়া॑হ । য এ॒ব পি॑তৃ॒ণাম॒গ্নিঃ । ত-ম্প্রী॑ণাতি ॥ তি॒স্র আহু॑তী-র্জুহোতি ॥ ত্রির্নিদ॑ধাতি ॥ ষট্-থ্সম্প॑দ্যন্তে ॥ 58 ॥

ষড্বা ঋ॒তবঃ॑ । ঋ॒তূনে॒ব প্রী॑ণাতি ॥ তূ॒ষ্ণী-ম্মেক্ষ॑ণ॒-মাদ॑ধাতি । অস্তি॑ বা॒ হি ষ॒ষ্ঠ ঋ॒তুর্ন বা᳚ ॥ দে॒বান্. বৈ পি॒তৄ-ন্প্রী॒তান্ । ম॒নু॒ষ্য়াঃ᳚ পি॒তরো-ঽনু॒ প্রপি॑পতে । তি॒স্র আহু॑তী-র্জুহোতি । ত্রির্নিদ॑ধাতি । ষট্-থ্সম্প॑দ্যন্তে । ষড্বা ঋ॒তবঃ॑ ॥ 59 ॥

ঋ॒তবঃ॒ খলু॒ বৈ দে॒বাঃ পি॒তরঃ॑ । ঋ॒তূনে॒ব দে॒বা-ন্পি॒তৄ-ন্প্রী॑ণাতি । তান্প্রী॒তান্ । ম॒নু॒ষ্য়াঃ᳚ পি॒তরো-ঽনু॒ প্রপি॑পতে ॥ স॒কৃ॒দা॒চ্ছি॒ন্ন-ম্ব॒র্॒হি-র্ভ॑বতি । স॒কৃদি॑ব॒ হি পি॒তরঃ॑ ॥ ত্রির্নিদ॑ধাতি । তৃ॒তীয়ে॒ বা ই॒তো লো॒কে পি॒তরঃ॑ । তানে॒ব প্রী॑ণাতি ॥ পরাং॒আব॑র্ততে ॥ 60 ॥

হ্লীকা॒ হি পি॒তরঃ॑ ॥ ওষ্মণো᳚ ব্য়া॒বৃত॒ উপা᳚স্তে । ঊ॒ষ্মভা॑গা॒ হি পি॒তরঃ॑ ॥ ব্র॒হ্ম॒বা॒দিনো॑ বদন্তি । প্রাশ্য়াং(3)ন প্রাশ্য়া(3)মিতি॑ । য-ত্প্রা᳚শ্ঞী॒য়াত্ । জন্য়॒মন্ন॑মদ্য়াত্ । প্র॒মায়ু॑ক-স্স্য়াত্ । যন্ন প্রা᳚শ্ঞী॒য়াত্ । অহ॑বি-স্স্য়াত্ ॥ 61 ॥

পি॒তৃভ্য়॒ আবৃ॑শ্চ্য়েত । অ॒ব॒ঘ্রেয়॑মে॒ব । তন্নেব॒ প্রাশি॑ত॒-ন্নেবাপ্রা॑শিতম্ ॥ বী॒রং-বাঁ॒ বৈ পি॒তরঃ॑ প্র॒যন্তো॒ হর॑ন্তি । বী॒রং-বাঁ॑ দদতি । দ॒শা-ঞ্ছি॑নত্তি । হর॑ণভাগা॒ হি পি॒তরঃ॑ । পি॒তৄনে॒ব নি॒রব॑দযতে ॥ উত্ত॑র॒ আয়ু॑ষি॒ লোম॑ ছিন্দীত । পি॒তৃ॒ণাগ্​ হ্য়ে॑তর্​হি॒ নেদী॑য়ঃ ॥ 62 ॥

নম॑স্করোতি । ন॒ম॒স্কা॒রো হি পি॑তৃ॒ণাম্ ॥ নমো॑ বঃ পিতরো॒ রসা॑য় । নমো॑ বঃ পিতর॒-শ্শুষ্মা॑য় । নমো॑ বঃ পিতরো জী॒বায়॑ । নমো॑ বঃ পিতর-স্স্ব॒ধায়ৈ᳚ । নমো॑ বঃ পিতরো ম॒ন্যবে᳚ । নমো॑ বঃ পিতরো ঘো॒রায়॑ । পিত॑রো॒ নমো॑ বঃ । য এ॒তস্মি॑ন্ ঁলো॒কে স্থ ॥ 63 ॥

যু॒ষ্মাগ্​স্তে-ঽনু॑ । যে᳚-ঽস্মিঁল্লো॒কে । মা-ন্তে নু॑ । য এ॒তস্মি॑ঁল্লো॒কে স্থ । যূ॒য়-ন্তেষাং॒-বঁসি॑ষ্ঠা ভূয়াস্ত । যে᳚-ঽস্মিঁল্লো॒কে । অ॒হ-ন্তেষাং॒-বঁসি॑ষ্ঠো ভূয়াস॒মিত্য়া॑হ । বসি॑ষ্ঠ-স্সমা॒নানা᳚-ম্ভবতি । য এ॒বং-বিঁ॒দ্বান্-পি॒তৃভ্য়ঃ॑ ক॒রোতি॑ ॥ এ॒ষ বৈ ম॑নু॒ষ্য়া॑ণাং-য়ঁ॒জ্ঞঃ ॥ 64 ॥

দে॒বানাং॒-বাঁ ইত॑রে য॒জ্ঞাঃ । তেন॒ বা এ॒ত-ত্পি॑তৃলো॒কে চ॑রতি ॥ য-ত্পি॒তৃভ্য়ঃ॑ ক॒রোতি॑ । স ঈ᳚শ্ব॒রঃ প্রমে॑তোঃ । প্রা॒জা॒প॒ত্যয়॒র্চা পুন॒রৈতি॑ । য॒জ্ঞো বৈ প্র॒জাপ॑তিঃ । য॒জ্ঞেনৈ॒ব স॒হ পুন॒রৈতি॑ । ন প্র॒মায়ু॑কো ভবতি ॥ পি॒তৃ॒লো॒কে বা এ॒ত-দ্যজ॑মানশ্চরতি । য-ত্পি॒তৃভ্য়ঃ॑ ক॒রোতি॑ । স ঈ᳚শ্ব॒র আর্তি॒মার্তোঃ᳚ । প্র॒জাপ॑তি॒-স্ত্বাবৈন॒-ন্তত॒ উন্নে॑তুমর্​হ॒তীত্য়া॑হুঃ । য-ত্প্রা॑জাপ॒ত্যয়॒র্চা পুন॒রৈতি॑ । প্র॒জাপ॑তিরে॒বৈন॒-ন্তত॒ উন্ন॑যতি । নার্তি॒মার্চ্ছ॑তি॒ যজ॑মানঃ ॥ 65 ॥
(ইত্য়॑ - শ্ঞুতে - পদ্যন্তে - পদ্যন্তে॒ ষড্বা ঋ॒তবো॑ - বর্ত॒তে-ঽ - হ॑বি-স্স্য়া॒ন্ - নেদী॑য়ঃ॒ - স্থ - য॒জ্ঞো - যজ॑মানশ্চরতি॒ য-ত্পি॒তৃভ্য়ঃ॑ ক॒রোতি॒ পঞ্চ॑ চ) (অ. 10)

(দে॒বা॒সু॒রা অ॒গ্নীষোম॑য়ো--র্ দে॒বা বৈ যথা॒ দর্​শং॑ - দে॒বা বৈ যদ॒ন্য়ৈ-র্গ্রহৈ᳚--র্ ব্রহ্মবা॒দিনো॒ নাগ্নি॑ষ্টো॒মো ন - সা॑বি॒ত্রং - দে॒বস্য়া॒হং - তা॒র্প্য়গ্​ম্ - স॒প্তান্ন॑হো॒মান্ - নৃ॒ষদং॒ - ত্বেন্দ্রো॑ বৃ॒ত্রগ্​ম্ হ॒ত্বা দশ॑)

(দে॒বা॒সু॒রা - বা॒জ্য়ে॑বৈনং॒ - তস্মা᳚-দ্বাজপেযয়া॒জী - দে॒বস্য়া॒হং - ঁবাজ॒স্য়াব॑রুদ্ধ্য়া- ইন্দ্রি॒যমে॒বাস্মি॒ন্॒. - হ্লীকা॒ হি পি॒তরঃ॒ পঞ্চ॑ষষ্টিঃ)

(দে॒বা॒সু॒রা - যজ॑মানঃ)

॥ হরিঃ॑ ওম্ ॥

॥ কৃষ্ণ যজুর্বেদীয় তৈত্তিরীয় ব্রাহ্মণে প্রথমাষ্টকে তৃতীয়ঃ প্রপাঠক-স্সমাপ্তঃ ॥