කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ තෘතීයඃ ප්රපාඨකඃ - වාජපේයබ්රාහ්මණං

ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥

අනුවාකං 1 - පුනරාධේයශේෂඃ ආජ්යභාගයෝර්විශේෂඃ

දේ॒වා॒සු॒රා-ස්සං-යඁ ॑ත්තා ආසන්න් । තේ දේ॒වා වි॑ජ॒ය-මු॑ප॒යන්තඃ॑ । අ॒ග්නීෂෝම॑යෝ-ස්තේජ॒ස්විනී᳚ස්ත॒නූ-ස්ස-න්න්ය॑දධත । ඉ॒දමු॑ නෝ භවිෂ්යති । යදි॑ නෝ ජේ॒ෂ්යන්තීති॑ । තේනා॒ග්නීෂෝමා॒-වපා᳚ක්රාමතාම් । තේ දේ॒වා වි॒ජිත්ය॑ । අ॒ග්නීෂෝමා॒-වන්වෛ᳚ච්ඡන්න් । තේ᳚-ऽග්නි-මන්ව॑වින්ද-න්නෘ॒තුෂූ-ථ්ස॑න්නම් । තස්ය॒ විභ॑ක්තීභි-ස්තේජ॒ස්විනී᳚ස්ත॒නූ-රවා॑රුන්ධත ॥ 1 ॥

තේ සෝම॒-මන්ව॑වින්දන්න් । තම॑ඝ්නන්න් । තස්ය॑ යථා-ऽභි॒ජ්ඤාය॑-න්ත॒නූ-ර්ව්ය॑ගෘහ්ණත । තේ ග්රහා॑ අභවන්න් । ත-ද්ග්රහා॑ණා-ඞ්ග්රහ॒ත්වම් । යස්යෛ॒වං-විඁ॒දුෂෝ॒ ග්රහා॑ ගෘ॒හ්යන්තේ᳚ । තස්ය॒ ත්වේ॑ව ගෘ॑හී॒තාඃ ॥ නානා᳚ග්නේය-ම්පුනරා॒ධේයේ॑ කුර්යාත් । යදනා᳚ග්නේය-ම්පුනරා॒ධේයේ॑ කු॒ර්යාත් । ව්යෘ॑ද්ධමේ॒ව තත් ॥ 2 ॥

අනා᳚ග්නේයං॒-වාඁ ඒ॒ත-ත්ක්රි॑යතේ । ය-ථ්ස॒මිධ॒-ස්තනූ॒නපා॑තමි॒ඩෝ බ॒ර්॒හි-ර්ය॑ජති ॥ උ॒භාවා᳚ග්නේ॒යා-වාජ්ය॑භාගෞ ස්යාතාම් ॥ අනා᳚ජ්යභාගෞ-භවත॒ ඉත්යා॑හුඃ । යදු॒භාවා᳚ග්නේ॒යාව॒න්වඤ්චා॒විති॑ । අ॒ග්නයේ॒ පව॑මානා॒යෝත්ත॑ර-ස්ස්යාත් । ය-ත්පව॑මානාය । තේනාජ්ය॑ භාගඃ । තේන॑ සෞ॒ම්යඃ ॥ බුධ॑න්වත්යාග්නේ॒ය-ස්යාජ්ය॑-භාගස්ය පුරෝ-ऽනුවා॒ක්යා॑ භවති ॥ 3 ॥

යථා॑ සු॒ප්ත-ම්බෝ॒ධය॑ති । තා॒දෘගේ॒ව තත් ॥ අ॒ග්නින්ය॑ක්තාඃ පත්නී සං​යාඁ॒ජානා॒මෘච॑-ස්ස්යුඃ । තේනා᳚ග්නේ॒යග්​ම් සර්ව॑-ම්භවති ॥ ඒ॒ක॒ධා තේ॑ජ॒ස්විනී᳚-න්දේ॒වතා॒-මුපෛ॒තීත්යා॑හුඃ । සෛන॑මීශ්ව॒රා ප්ර॒දහ॒ ඉති॑ ॥ නේති॑ බ්රූයාත් । ප්ර॒ජන॑නං॒-වාඁ අ॒ග්නිඃ । ප්ර॒ජන॑න-මේ॒වෝපෛ॒තීති॑ ॥ කෘ॒තය॑ජු॒-ස්සම්භෘ॑ත සම්භාර॒ ඉත්යා॑හුඃ ॥ 4 ॥

න ස॒භෘන්ත්යා᳚-ස්සම්භා॒රාඃ । න යජුඃ॑ කා॒ර්ය॑මිති॑ ॥ අථෝ॒ ඛලු॑ । ස॒භෘන්ත්යා॑ ඒ॒ව ස॑භාං॒රාඃ । කා॒ර්යං॑-යඁජුඃ॑ । පු॒න॒රා॒ධේය॑ස්ය॒ සමෘ॑ද්ධ්යෛ ॥ තේනෝ॑පා॒ග්​ම්॒ශු ප්රච॑රති । ඒෂ්ය॑ ඉව॒ වා ඒ॒ෂඃ । ය-ත්පු॑න-රා॒ධේයඃ॑ । යථෝ॑පා॒ග්​ම්॒ශු න॒ෂ්ටමි॒ච්ඡති॑ ॥ 5 ॥

තා॒දෘගේ॒ව තත් ॥ උ॒ච්චෛ-ස්ස්වි॑ෂ්ට॒කෘත॒මු-ථ්සෘ॑ජති । යථා॑ න॒ෂ්ටං-විඁ॒ත්වා ප්රාහා॒යමිති॑ । තා॒දෘගේ॒ව තත් ॥ ඒ॒ක॒ධා තේ॑ජ॒ස්විනී᳚-න්දේ॒වතා॒මුපෛ॒තීත්යා॑හුඃ । සෛන॑මීශ්ව॒රා ප්ර॒දහ॒ ඉති॑ । තත්තථා॒ නෝපෛ॑ති । ප්ර॒යා॒ජා॒නූ॒යා॒ජේෂ්වේ॒ව විභ॑ක්තීඃ කුර්යාත් । ය॒ථා॒පූ॒ර්ව-මාජ්ය॑භාගෞ॒ ස්යාතා᳚ම් । ඒ॒ව-ම්ප॑ත්නී සං​යාඁ॒ජාඃ ॥ 6 ॥

ත-ද්වෛ᳚ශ්වාන॒රව॑ත්-ප්ර॒ජන॑නවත්තර॒-මුපෛ॒තීති॑ ॥ තදා॑හුඃ । ව්යෘ॑ද්ධං॒-වාඁ ඒ॒තත් । අනා᳚ග්නේයං॒-වාඁ ඒ॒ත-ත්ක්රි॑යත॒ ඉති॑ ॥ නේති॑ බ්රූයාත් । අ॒ග්නි-ම්ප්ර॑ථ॒මං-විඁභ॑ක්තීනාං-යඁජති । අ॒ග්නිමු॑ත්ත॒ම-ම්ප॑ත්නී සං​යාඁ॒ජානා᳚ම් । තේනා᳚ග්නේ॒යම් । තේන॒ සමෘ॑ද්ධ-ඞ්ක්රියත॒ ඉති॑ ॥ 7 ॥
(අ॒රු॒න්ධ॒ - තෛ॒ව ත-ද්- භ॑වති॒ - සම්භෘ॑තසම්භාර॒ ඉත්යා॑හු - රි॒ච්ඡති॑ - පත්නීසං​යාඁ॒ජා - +නව॑ ච) ( ආ1)

අනුවාකං 2 - වාජපේයස්ය විධිඃ
දේ॒වා වෛ යථා॒දර්​ශං॑-යඁ॒ජ්ඤානාහ॑රන්ත । යෝ᳚-ऽග්නිෂ්ටෝ॒මම් । ය උ॒ක්ථ්ය᳚ම් । යෝ॑-ऽතිරා॒ත්රම් । තේ ස॒හෛව සර්වේ॑ වාජ॒පේය॑-මපශ්යන්න් । තේ । අ॒න්යෝ᳚න්යස්මෛ॒ නාති॑ෂ්ඨන්ත । අ॒හම॒නේන॑ යජා॒ ඉති॑ । තේ᳚-ऽබ්රුවන්න් । ආ॒ජිම॒ස්ය ධා॑වා॒මේති॑ ॥ 8 ॥

තස්මි॑-න්නා॒ජිම॑ධාවන්න් । ත-ම්බෘහ॒ස්පති॒-රුද॑ජයත් । තේනා॑යජත । ස ස්වාරා᳚ජ්ය-මගච්ඡත් । තමින්ද්රෝ᳚-ऽබ්රවීත් । මාම॒නේන॑ යාජ॒යේති॑ । තේනේන්ද්ර॑-මයාජයත් । සෝ-ऽග්ර॑-න්දේ॒වතා॑නා॒-ම්පර්යෛ᳚ත් । අග॑ච්ඡ॒-ථ්ස්වාරා᳚ජ්යම් । අති॑ෂ්ඨන්තාස්මෛ॒ ජ්යෛෂ්ඨ්යා॑ය ॥ 9 ॥

ය ඒ॒වං-විඁ॒ද්වාන්. වා॑ජ॒පේයේ॑න॒ යජ॑තේ । ගච්ඡ॑ති॒ ස්වාරා᳚ජ්යම් । අග්රග්​ම්॑ සමා॒නානා॒-ම්පර්යේ॑ති । තිෂ්ඨ॑න්තේ-ऽස්මෛ॒ ජ්යෛෂ්ඨ්යා॑ය ॥ ස වා ඒ॒ෂ බ්රා᳚හ්ම॒ණස්ය॑ චෛ॒ව රා॑ජ॒න්ය॑ස්ය ච ය॒ජ්ඤඃ ॥ තං-වාඁ ඒ॒තං-වාඁ ॑ජ॒පේය॒ ඉත්යා॑හුඃ । වා॒ජාප්යෝ॒ වා ඒ॒ෂඃ । වාජ॒ග්ග්॒ හ්යේ॑තේන॑ දේ॒වා ඓඵ්සන්න්॑ ॥ සෝමෝ॒ වෛ වා॑ජ॒පේයඃ॑ । යෝ වෛ සෝමං॑-වාඁජ॒පේයං॒-වේඁද॑ ॥ 10 ॥

වා॒ජ්යේ॑වෛන॑-ම්පී॒ත්වා භ॑වති । ආ-ऽස්ය॑ වා॒ජී ජා॑යතේ ॥ අන්නං॒-වෛඁ වා॑ජ॒පේයඃ॑ । ය ඒ॒වං-වේඁද॑ । අත්ත්යන්න᳚ම් । ආ-ऽස්යා᳚න්නා॒දෝ ජා॑යතේ ॥ බ්රහ්ම॒ වෛ වා॑ජ॒පේයඃ॑ । ය ඒ॒වං-වේඁද॑ । අත්ති॒ බ්රහ්ම॒ණා-ऽන්න᳚ම් । ආ-ऽස්ය॑ බ්ර॒හ්මා ජා॑යතේ ॥ 11 ॥

වාග්වෛ වාජ॑ස්ය ප්රස॒වඃ । ය ඒ॒වං-වේඁද॑ । ක॒රෝති॑ වා॒චා වී॒ර්ය᳚ම් । ඓනං॑-වාඁ॒චා ග॑ච්ඡති । අපි॑වතීං॒-වාඁචං॑-වඁදති ॥ ප්ර॒ජාප॑ති-ර්දේ॒වේභ්යෝ॑ ය॒ජ්ඤාන් ව්යාදි॑ශත් । ස ආ॒ත්මන් වා॑ජ॒පේය॑-මධත්ත । ත-න්දේ॒වා අ॑බ්රුවන්න් । ඒ॒ෂ වාව ය॒ජ්ඤඃ । ය-ද්වා॑ජ॒පේයඃ॑ ॥ 12 ॥

අප්යේ॒ව නෝ-ऽත්රා॒ස්ත්විති॑ । තේභ්ය॑ ඒ॒තා උජ්ජි॑තීඃ॒ ප්රාය॑ච්ඡත් ॥ තා වා ඒ॒තා උජ්ජි॑තයෝ॒ ව්යාඛ්යා॑යන්තේ । ය॒ජ්ඤස්ය॑ සර්ව॒ත්වාය॑ । දේ॒වතා॑නා॒-මනි॑ර්භාගාය ॥ දේ॒වා වෛ බ්රහ්ම॑ණ॒ශ්චාන්න॑ස්ය ච॒ ශම॑ල॒මපා᳚ඝ්නන්න් । ය-ද්බ්රහ්ම॑ණ॒-ශ්ශම॑ල॒මාසී᳚ත් । සා ගාථා॑ නාරාශ॒ග්ග්॒ස්ය॑ භවත් । යදන්න॑ස්ය । සා සුරා᳚ ॥ 13 ॥

තස්මා॒-ද්ගාය॑තශ්ච ම॒ත්තස්ය॑ ච॒ න ප්ර॑ති॒ගෘහ්ය᳚ම් । ය-ත්ප්ර॑තිගෘහ්ණී॒යාත් । ශම॑ල॒-ම්ප්රති॑ගෘහ්ණීයාත් ॥ සර්වා॒ වා ඒ॒තස්ය॒ වාචෝ ऽව॑රුද්ධාඃ । යෝ වා॑ජපේයයා॒ජී । යා පෘ॑ථි॒ව්යාං-යාඁ-ऽග්නෞ යා ර॑ථන්ත॒රේ । යා-ऽන්තරි॑ක්ෂේ॒ යා වා॒යෞ යා වා॑මදේ॒ව්යේ । යා දි॒වි යා-ऽऽදි॒ත්යේ යා බෘ॑හ॒ති । යා-ऽඵ්සු යෞෂ॑ධීෂු॒ යා වන॒ස්පති॑ෂු ॥ තස්මා᳚-ද්වාජපේයයා॒ජ්යාර්ත්වි॑ජීනඃ । සර්වා॒ හ්ය॑ස්ය॒ වාචෝ ऽව॑රුද්ධාඃ ॥ 14 ॥
(ධා॒වා॒මේති॒ - ජ්යෛෂ්ඨ්යා॑ය॒ - වේද॑ - බ්ර॒හ්මා ජා॑යතේ-වාජ॒පේයඃ॒-සුරා-ऽऽර්ත්වි॑ජීන॒ ඒකං॑ ච ) (අ. 2)

අනුවාකං 3 - තස්යග්රහවිශේෂාඃ
දේ॒වා වෛ යද॒න්යෛ-ර්ග්රහෛ᳚-ර්ය॒ජ්ඤස්ය॒ නාවාරු॑න්ධත । තද॑තිග්රා॒හ්යෛ॑-රති॒ගෘහ්යා-වා॑රුන්ධත । තද॑තිග්රා॒හ්යා॑ණා-මතිග්රාහ්ය॒ත්වම් ॥ යද॑තිග්රා॒හ්යා॑ ගෘ॒හ්යන්තේ᳚ । යදේ॒වාන්යෛ-ර්ග්රහෛ᳚-ර්ය॒ජ්ඤස්ය॒ නාව॑රු॒න්ධේ । තදේ॒ව තෛර॑ති॒ගෘහ්යා-ව॑රුන්ධේ ॥ පඤ්ච॑ ගෘහ්යන්තේ । පාඞ්ක්තෝ॑ ය॒ජ්ඤඃ । යාවා॑නේ॒ව ය॒ජ්ඤඃ । තමා॒ප්ත්වා ऽව॑රුන්ධේ ॥ 15 ॥

සර්ව॑ ඓ॒න්ද්රා භ॑වන්ති । ඒ॒ක॒ධෛව යජ॑මාන ඉන්ද්රි॒ය-න්ද॑ධති ॥ ස॒ප්තද॑ශ ප්රාජාප॒ත්යා ග්රහා॑ ගෘහ්යන්තේ । ස॒ප්ත॒ද॒ශඃ ප්ර॒ජාප॑තිඃ । ප්ර॒ජාප॑තේ॒-රාප්ත්යෛ᳚ ॥ ඒක॑ය॒ර්චා ගෘ॑හ්ණාති । ඒ॒ක॒ධෛව යජ॑මානේ වී॒ර්ය॑-න්දධාති ॥ සෝ॒ම॒ග්ර॒හාග්​ශ්ච॑ සුරාග්ර॒හාග්​ශ්ච॑ ගෘහ්ණාති । ඒ॒ත-ද්වෛ දේ॒වානා᳚-ම්පර॒මමන්න᳚ම් । ය-ථ්සෝමඃ॑ ॥ 16 ॥

ඒ॒ත-න්ම॑නු॒ෂ්යා॑ණාම් । ය-ථ්සුරා᳚ । ප॒ර॒මේණෛ॒වාස්මා॑ අ॒න්නාද්යේ॒නාව॑ර-ම॒න්නාද්ය॒-මව॑රුන්ධේ ॥ සෝ॒ම॒ග්ර॒හා-න්ගෘ॑හ්ණාති । බ්රහ්ම॑ණෝ॒ වා ඒ॒ත-ත්තේජඃ॑ । ය-ථ්සෝමඃ॑ । බ්රහ්ම॑ණ ඒ॒ව තේජ॑සා॒ තේජෝ॒ යජ॑මානේ දධාති । සු॒රා॒ග්ර॒හා-න්ගෘ॑හ්ණාති । අන්න॑ස්ය॒ වා ඒ॒තච්ඡම॑ලම් । ය-ථ්සුරා᳚ ॥ 17 ॥

අන්න॑ස්යෛ॒ව ශම॑ලේන॒ ශම॑ලං॒-යඁජ॑මානා॒-දප॑හන්ති ॥ සෝ॒ම॒ග්ර॒හාග්​ශ්ච॑ සුරාග්ර॒හාග්​ශ්ච॑ ගෘහ්ණාති । පුමා॒න්॒. වෛ සෝමඃ॑ । ස්ත්රී සුරා᳚ । ත-න්මි॑ථු॒නම් । මි॒ථු॒නමේ॒වාස්ය॒ ත-ද්ය॒ජ්ඤේ ක॑රෝති ප්ර॒ජන॑නාය । ආ॒ත්මාන॑මේ॒ව සෝ॑මග්ර॒හෛ-ස්ස්පෘ॑ණෝති । ජා॒යාග්​ම් සු॑රා ග්ර॒හෛඃ । තස්මා᳚-ද්වාජපේයයා॒ජ්ය॑මුෂ්මි॑ඁල්ලෝ॒කේ ස්ත්රිය॒ග්​ම්॒ සම්භ॑වති । වා॒ජ॒පේයා॑-භිජිත॒ග්ග්॒ හ්ය॑ස්ය ॥ 18 ॥

පූර්වේ॑ සෝමග්ර॒හා ගෘ॑හ්යන්තේ । අප॑රේ සුරාග්ර॒හාඃ । පු॒රෝ॒ක්ෂග්​ම් සෝ॑මග්ර॒හාන්ථ්- සා॑දයති । ප॒ශ්චා॒ද॒ක්ෂග්​ම් සු॑රාග්ර॒හාන් । පා॒ප॒ව॒ස්ය॒සස්ය॒ විධෘ॑ත්යෛ ॥ ඒ॒ෂ වෛ යජ॑මානඃ । ය-ථ්සෝමඃ॑ । අන්න॒ග්​ම්॒ සුරා᳚ । සෝ॒ම॒ග්ර॒හාග්​ශ්ච॑ සුරාග්ර॒හාග්​ශ්ච॒ ව්යති॑ෂජති । අ॒න්නාද්යේ॑නෛ॒වෛනං॒-ව්යඁති॑ෂජති ॥ 19 ॥

ස॒පෘඤ්ච॑-ස්ස්ථ॒ ස-ම්මා॑ භ॒ද්රේණ॑ පෘ॒ඞ්ක්තේත්යා॑හ । අන්නං॒-වෛඁ භ॒ද්රම් । අ॒න්නාද්යේ॑නෛ॒වෛන॒ග්​ම්॒ සග්​ම්සෘ॑ජති ॥ අන්න॑ස්ය॒ වා ඒ॒තච්ඡම॑ලම් । ය-ථ්සුරා᳚ । පා॒ප්මෙව॒ ඛලු॒ වෛ ශම॑ලම් । පා॒ප්මනා॒ වා ඒ॑නමේ॒තච්ඡම॑ලේන॒ ව්යති॑ෂජති । ය-ථ්සෝ॑මග්ර॒හාග්​ශ්ච॑ සුරාග්ර॒හාග්​ශ්ච॑ ව්යති॒ෂජ॑ති ॥ වි॒පෘච॑-ස්ස්ථ॒ වි මා॑ පා॒ප්මනා॑ පෘ॒ඞ්ක්තේත්යා॑හ । පා॒ප්මනෛ॒වෛන॒ග්​ම්॒ ශම॑ලේන॒ ව්යාව॑ර්තයති ॥ 20 ॥

තස්මා᳚-ද්වාජපේයයා॒ජී පූ॒තෝ මේද්ධ්යෝ॑ දක්ෂි॒ණ්යඃ॑ ॥ ප්රාංඋ-ද්ද්ර॑වති සෝමග්ර॒හෛඃ । අ॒මුමේ॒ව තෛ-ර්ලෝ॒ක-ම॒භිජ॑යති । ප්ර॒ත්යඞ්ඛ්සු॑රා ග්ර॒හෛඃ । ඉ॒මමේ॒ව තෛ-ර්ලෝ॒ක-ම॒භිජ॑යති ॥ ප්රති॑ෂ්ඨන්ති සෝමග්ර॒හෛඃ । යාව॑දේ॒ව ස॒ත්යම් । තේන॑ සූයතේ ॥ වා॒ජ॒සෘද්භ්ය॑-ස්සුරාග්ර॒හාන්. හ॑රන්ති । අනෘ॑තේනෛ॒ව විශ॒ග්​ම්॒ සග්​ම්සෘ॑ජති ॥ හි॒ර॒ණ්ය॒පා॒ත්ර-ම්මධෝඃ᳚ පූ॒ර්ණ-න්ද॑දාති । ම॒ධ॒ව්යෝ॑-ऽසා॒නීති॑ ॥ ඒ॒ක॒ධා බ්ර॒හ්මණ॒ උප॑ හරති । ඒ॒ක॒ධෛව යජ॑මාන॒ ආයු॒ස්තේජෝ॑ දධාති ॥ 21 ॥
(ආ॒ප්ත්වා-ऽව॑රුන්ධේ॒ - සෝමඃ॒ - ශම॑ලං॒-යඁ-ථ්සුරා॒ - හ්ය॑-ස්යෛනං॒-ව්යඁති॑ෂජති॒ - ව්යාව॑ර්තයති - සෘජති ච॒ත්වාරි॑ ච ) (අ. 3)

අනුවාකං 4 - පශව-ස්සප්තදශ
බ්ර॒හ්ම॒වා॒දිනෝ॑ වදන්ති । නාග්නි॑ෂ්ටෝ॒මෝ නෝක්ථ්යඃ॑ । න ෂෝ॑ඩ॒ශී නාති॑රා॒ත්රඃ । අථ॒ කස්මා᳚-ද්වාජ॒පේයේ॒ සර්වේ॑ යජ්ඤක්ර॒තවෝ-ऽව॑රුද්ධ්යන්ත॒ ඉති॑ । ප॒ශුභි॒රිති॑ බ්රූයාත් ॥ ආ॒ග්නේ॒ය-ම්ප॒ශුමාල॑භතේ । අ॒ග්නි॒ෂ්ටෝ॒මමේ॒ව තේනාව॑රුන්ධේ । ඓ॒න්ද්රා॒ග්නේනෝ॒ක්ථ්ය᳚ම් । ඓ॒න්ද්රේණ॑ ෂෝඩ॒ශින॑-ස්ස්තෝ॒ත්රම් । සා॒ර॒ස්ව॒ත්යා-ऽති॑රා॒ත්රම් ॥ 22 ॥

මා॒රු॒ත්යා බෘ॑හ॒ත-ස්ස්තෝ॒ත්රම් । ඒ॒තාව॑න්තෝ॒ වෛ ය॑ජ්ඤක්ර॒තවඃ॑ । තා-න්ප॒ශුභි॑රේ॒වා-ව॑රුන්ධේ ॥ ආ॒ත්මාන॑මේ॒ව ස්පෘ॑ණෝ-ත්යග්නිෂ්ටෝ॒මේන॑ । ප්රා॒ණා॒පා॒නා-වු॒ක්ථ්යේ॑න । වී॒ර්යග්​ම්॑ ෂෝඩ॒ශින॑-ස්ස්තෝ॒ත්රේණ॑ । වාච॑-මතිරා॒ත්රේණ॑ । ප්ර॒ජා-ම්බෘ॑හ॒ත-ස්ස්තෝ॒ත්රේණ॑ । ඉ॒මමේ॒ව ලෝ॒කම॒භි ජ॑යත්යග්නිෂ්ටෝ॒මේන॑ । අ॒න්තරි॑ක්ෂ-මු॒ක්ථ්යේ॑න ॥ 23 ॥

සු॒ව॒ර්ගං-ලෝඁ॒කග්​ම් ෂෝ॑ඩ॒ශින॑-ස්ස්තෝ॒ත්රේණ॑ । දේ॒ව॒යානා॑නේ॒ව ප॒ථ ආරෝ॑හ-ත්යතිරා॒ත්රේණ॑ । නාකග්​ම්॑ රෝහති බෘහ॒ත-ස්ස්තෝ॒ත්රේණ॑ । තේජ॑ ඒ॒වාත්ම-න්ධ॑ත්ත ආග්නේ॒යේන॑ ප॒ශුනා᳚ । ඕජෝ॒ බල॑මෛන්ද්රා॒ග්නේන॑ । ඉ॒න්ද්රි॒ය-මෛ॒න්ද්රේණ॑ । වාචග්​ම්॑ සාරස්ව॒ත්යා । උ॒භාවේ॒ව දේ॑වලෝ॒ක-ඤ්ච॑ මනුෂ්යලෝ॒ක-ඤ්චා॒භිජ॑යති මාරු॒ත්යා ව॒ශයා᳚ ॥ ස॒ප්තද॑ශ ප්රාජාප॒ත්යා-න්ප॒ශූනාල॑භතේ । ස॒ප්ත॒ද॒ශඃ ප්ර॒ජාප॑තිඃ ॥ 24 ॥

ප්ර॒ජාප॑තේ॒රාප්ත්යෛ᳚ ॥ ශ්යා॒මා ඒක॑රූපා භවන්ති । ඒ॒වමි॑ව॒ හි ප්ර॒ජාප॑ති॒-ස්සමෘ॑ද්ධ්යෛ ॥ තා-න්පර්ය॑ග්නිකෘතා॒-නුථ්සෘ॑ජති ॥ ම॒රුතෝ॑ ය॒ජ්ඤම॑ජිඝාග්​ම්ස-න්ප්ර॒ජාප॑තේඃ । තේභ්ය॑ ඒ॒තා-ම්මා॑රු॒තීං-වඁ॒ශාමාල॑භත । තයෛ॒වෛනා॑-නශමයත් ॥ මා॒රු॒ත්යා ප්ර॒චර්ය॑ । ඒ॒තාන්-ථ්සඤ්ජ්ඤ॑පයේත් । ම॒රුත॑ ඒ॒ව ශ॑මයි॒ත්වා ॥ 25 ॥

ඒ॒තෛඃ ප්රච॑රති । ය॒ජ්ඤස්යාඝා॑තාය ॥ ඒ॒ක॒ධා ව॒පා ජු॑හෝති । ඒ॒ක॒දේ॒ව॒ත්යා॑ හි । ඒ॒තේ । අථෝ॑ ඒක॒ධෛව යජ॑මානේ වී॒ර්ය॑-න්දධාති ॥ නෛ॒වා॒රේණ॑ ස॒ප්තද॑ශශරාවේ-ණෛ॒තර්​හි॒ ප්රච॑රති । ඒ॒ත-ත්පු॑රෝඩාශා॒ හ්යේ॑තේ । අථෝ॑ පශූ॒නාමේ॒ව ඡි॒ද්රමපි॑දධාති ॥ සා॒ර॒ස්ව॒ත්යෝත්ත॒මයා॒ ප්රච॑රති । වාග් වෛ සර॑ස්වතී । තස්මා᳚-ත්ප්රා॒ණානාං॒-වාඁගු॑ත්ත॒මා । අථෝ᳚ ප්ර॒ජාප॑තාවේ॒ව ය॒ජ්ඤ-ම්ප්රති॑ෂ්ඨාපයති । ප්ර॒ජාප॑ති॒ර්॒ හි වාක් ॥ අප॑න්නදතී භවති । තස්මා᳚-න්මනු॒ෂ්යා᳚-ස්සර්වාං॒-වාඁචං॑-වඁදන්ති ॥ 26 ॥
(අ॒ති॒රා॒ත්ර - ම॒න්තරි॑ක්ෂමු॒ක්ථ්යේ॑න - ප්ර॒ජාප॑තිඃ - ශමයි॒ත්වෝත් - ත॒මයා॒ ප්රච॑රති॒ ෂට් ච॑) (අ. 4)

අනුවාකං 5 - රථයාජනම්
සා॒වි॒ත්ර-ඤ්ජු॑හෝති॒ කර්ම॑ණඃ කර්මණඃ පු॒රස්තා᳚ත් ॥ කස්ත-ද්වේ॒දේත්යා॑හුඃ । ය-ද්වා॑ජ॒පේය॑ස්ය॒ පූර්වං॒-යඁදප॑ර॒මිති॑ । ස॒වි॒තෘප්ර॑සූත ඒ॒ව ය॑ථාපූ॒ර්ව-ඞ්කර්මා॑ණි කරෝති ॥ සව॑නේ සවනේ ජුහෝති । ආ॒ක්රම॑ණමේ॒ව ත-ථ්සේතුං॒-යඁජ॑මානඃ කුරුතේ । සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ වා॒චස්පති॒-ර්වාච॑ම॒ද්ය ස්ව॑දාති න॒ ඉත්යා॑හ । වාග්වෛ දේ॒වානා᳚-ම්පු॒රා-ऽන්න॑මාසීත් । වාච॑මේ॒වාස්මා॒ අන්නග්ග්॑ ස්වදයති ॥ 27 ॥

ඉන්ද්ර॑ස්ය॒ වජ්රෝ॑-ऽසි॒ වාර්ත්ර॑ඝ්න॒ ඉති॒ රථ॑මු॒පාව॑හරති॒ විජි॑ත්යෛ ॥ වාජ॑ස්ය॒ නු ප්ර॑ස॒වේ මා॒තර॑-ම්ම॒හීමිත්යා॑හ । යච්චෛ॒වේයම් । යච්චා॒ස්යාමධි॑ । තදේ॒වා-ව॑රුන්ධේ । අථෝ॒ තස්මි॑න්නේ॒වෝභයේ॒-ऽභිෂි॑ච්යතේ ॥ අ॒ඵ්ස්ව॑න්තර॒-මෘත॑ම॒ඵ්සු භේ॑ෂ॒ජමිත්යශ්වා᳚-න්පල්පූලයති । අ॒ඵ්සු වා අශ්ව॑ස්ය॒ තෘතී॑ය॒-ම්ප්රවි॑ෂ්ටම් । තද॑නු॒වේන॒න්වව॑ප්ලවතේ । යද॒ඵ්සු ප॑ල්පූ॒ලය॑ති ॥ 28 ॥

යදේ॒වාස්යා॒ඵ්සු ප්රවි॑ෂ්ටම් । තදේ॒වාව॑රුන්ධේ ॥ බ॒හු වා අශ්වෝ॑-ऽමේ॒ද්ධ්ය-මුප॑ගච්ඡති । යද॒ඵ්සු ප॑ල්පූ॒ලය॑ති । මේද්ධ්යා॑නේ॒වෛනා᳚න් කරෝති ॥ වා॒යුර්වා᳚ ත්වා॒ මනු॑ර්වා॒ ත්වේත්යා॑හ । ඒ॒තා වා ඒ॒ත-න්දේ॒වතා॒ අග්රේ॒ අශ්ව॑මයුඤ්ජන්න් । තාභි॑රේ॒වෛනාන්॑. යුනක්ති । ස॒වස්යෝජ්ජි॑ත්යෛ ॥ යජු॑ෂා යුනක්ති॒ ව්යාවෘ॑ත්ත්යෛ ॥ 29 ॥

අපා᳚-න්න පාදාශුහේම॒න්නිති॒ සම්මා᳚ර්​ෂ්ටි । මේද්ධ්යා॑නේ॒වෛනා᳚න් කරෝති । අථෝ॒ ස්තෞත්යේ॒වෛනා॑නා॒ජිග්​ම් ස॑රිෂ්ය॒තඃ ॥ වි॒ෂ්ණු॒ ක්ර॒මාන් ක්ර॑මතේ । විෂ්ණු॑රේ॒ව භූ॒ත්වේමාඁල්ලෝ॒කා-න॒භිජ॑යති ॥ වෛ॒ශ්ව॒දේ॒වෝ වෛ රථඃ॑ । අ॒ඞ්කෞ න්ය॒ඞ්කාව॒භිතෝ॒ රථං॒-යාඁවිත්යා॑හ । යා ඒ॒ව දේ॒වතා॒ රථේ॒ ප්රවි॑ෂ්ටාඃ । තාභ්ය॑ ඒ॒ව නම॑ස්කරෝති । ආ॒ත්මනෝ-ऽනා᳚ර්ත්යෛ ॥ අශ॑මරථ-ම්භාවුකෝ-ऽස්ය॒ රථෝ॑ භවති । ය ඒ॒වං-වේඁද॑ ॥ 30 ॥
(ස්ව॒ද॒ය॒ති॒ - ප॒ල්පූ॒ලය॑ති॒ - ව්යාවෘ॑ත්ත්යා॒ - අනා᳚ර්ත්යෛ॒ ද්වේ ච॑) (අ. 5)

අනුවාකං 6 - රථධාවනම්
දේ॒වස්යා॒හග්​ම් ස॑වි॒තුඃ ප්ර॑ස॒වේ බෘහ॒ස්පති॑නා වාජ॒ජිතා॒ වාජ॑-ඤ්ජේෂ॒මිත්යා॑හ । ස॒වි॒තෘප්ර॑සූත ඒ॒ව බ්රහ්ම॑ණා॒ වාජ॒මුජ්ජ॑යති ॥ දේ॒වස්යා॒හග්​ම් ස॑වි॒තුඃ ප්ර॑ස॒වේ බෘහ॒ස්පති॑නා වාජ॒ජිතා॒ වර්​ෂි॑ෂ්ඨ॒-න්නාකග්​ම්॑ රුහේය॒මිත්යා॑හ । ස॒වි॒තෘප්ර॑සූත ඒ॒ව බ්රහ්ම॑ණා॒ වර්​ෂි॑ෂ්ඨ॒-න්නාකග්​ම්॑ රෝහති ॥ චාත්වා॑ලේ රථච॒ක්ර-න්නිමි॑තග්​ම් රෝහති । අතෝ॒ වා අඞ්ගි॑රස උත්ත॒මා-ස්සු॑ව॒ර්ගං-ලෝඁ॒කමා॑යන්න් । සා॒ක්ෂාදේ॒ව යජ॑මාන-ස්සුව॒ර්ගං-ලෝඁ॒කමේ॑ති ॥ ආවේ᳚ෂ්ටයති । වජ්රෝ॒ වෛ රථඃ॑ । වජ්රේ॑ණෛ॒ව දිශෝ॒-ऽභිජ॑යති ॥ 31 ॥

වා॒ජිනා॒ග්​ම්॒ සාම॑ ගායතේ । අන්නං॒-වෛඁ වාජඃ॑ । අන්න॑මේ॒-වාව॑රුන්ධේ ॥ වා॒චෝ වර්​ෂ්ම॑ දේ॒වේභ්යෝ-ऽපා᳚ක්රාමත් । ත-ද්වන॒ස්පතී॒-න්ප්රාවි॑ශත් । සෛෂා වාග්-වන॒ස්පති॑ෂු වදති । යා දු॑න්දු॒භෞ । තස්මා᳚-ද්දුන්දු॒භි-ස්සර්වා॒ වාචෝති॑ වදති ॥ දු॒න්දු॒භීන්-ථ්ස॒මාඝ්න॑න්ති । ප॒ර॒මා වා ඒ॒ෂා වාක් ॥ 32 ॥

යා දු॑න්දු॒භෞ । ප॒ර॒මයෛ॒ව වා॒චා-ऽව॑රාං॒-වාඁච॒ම-ව॑රුන්ධේ । අථෝ॑ වා॒ච ඒ॒ව වර්​ෂ්ම॒ යජ॑මා॒නෝ ऽව॑රුන්ධේ ॥ ඉන්ද්රා॑ය॒ වාචං॑-වඁද॒තේන්ද්රං॒-වාඁජ॑-ඤ්ජාපය॒තේන්ද්රෝ॒ වාජ॑මජයි॒-දිත්යා॑හ । ඒ॒ෂ වා ඒ॒තර්​හීන්ද්රඃ॑ । යෝ යජ॑තේ । යජ॑මාන ඒ॒ව වාජ॒මුජ්ජ॑යති ॥ ස॒ප්තද॑ශ ප්රව්යා॒ධානා॒ජි-න්ධා॑වන්ති । ස॒ප්ත॒ද॒ශග්ග්​ ස්තෝ॒ත්ර-ම්භ॑වති । ස॒ප්තද॑ශ සප්තදශ දීයන්තේ ॥ 33 ॥

ස॒ප්ත॒ද॒ශඃ ප්ර॒ජාප॑තිඃ । ප්ර॒ජාප॑තේ॒-රාප්ත්යෛ᳚ ॥ අර්වා॑-ऽසි॒ සප්ති॑රසි වා॒ජ්ය॑සීත්යා॑හ । අ॒ග්නිර්වා අර්වා᳚ । වා॒යු-ස්සප්තිඃ॑ । ආ॒දි॒ත්යෝ වා॒ජී । ඒ॒තාභි॑රේ॒වාස්මෛ॑ දේ॒වතා॑භි-ර්දේවර॒ථං-යුඁ ॑නක්ති ॥ ප්ර॒ෂ්ටි॒වා॒හිනං॑-යුඁනක්ති । ප්ර॒ෂ්ටි॒වා॒හී වෛ දේ॑වර॒ථඃ । දේ॒ව॒ර॒ථමේ॒වාස්මෛ॑ යුනක්ති ॥ 34 ॥

වාජි॑නෝ॒ වාජ॑-න්ධාවත॒ කාෂ්ඨා᳚-ඞ්ගච්ඡ॒තේත්යා॑හ । සු॒ව॒ර්ගෝ වෛ ලෝ॒කඃ කාෂ්ඨා᳚ । සු॒ව॒ර්ගමේ॒ව ලෝ॒කං-යඁ ॑න්ති ॥ සු॒ව॒ර්ගං-වාඁ ඒ॒තේ ලෝ॒කං-යඁ ॑න්ති । ය ආ॒ජි-න්ධාව॑න්ති ॥ ප්රාඤ්චෝ॑ ධාවන්ති । ප්රාංඉ॑ව॒ හි සු॑ව॒ර්ගෝ ලෝ॒කඃ ॥ ච॒ත॒සෘභි॒රනු॑ මන්ත්රයතේ । ච॒ත්වාරි॒ ඡන්දාග්​ම්॑සි । ඡන්දෝ॑භිරේ॒වෛනා᳚න්-ථ්සුව॒ර්ගං-ලෝඁ॒ක-ඞ්ග॑මයති ॥ 35 ॥

ප්ර වා ඒ॒තේ᳚-ऽස්මාල්-ලෝ॒කාච්ච්ය॑වන්තේ । ය ආ॒ජි-න්ධාව॑න්ති । උද॑ඤ්ච॒ ආව॑ර්තන්තේ । අ॒ස්මාදේ॒ව තේන॑ ලෝ॒කාන්නය॑න්ති ॥ ර॒ථ॒වි॒මෝ॒ච॒නීය॑-ඤ්ජුහෝති॒ ප්රති॑ෂ්ඨිත්යෛ ॥ ආ මා॒ වාජ॑ස්ය ප්රස॒වෝ ජ॑ගම්යා॒දිත්යා॑හ । අන්නං॒-වෛඁ වාජඃ॑ । අන්න॑මේ॒වාව॑රුන්ධේ ॥ ය॒ථා॒ලෝ॒කං-වාඁ ඒ॒ත උජ්ජ॑යන්ති । ය ආ॒ජි-න්ධාව॑න්ති ॥ 36 ॥

කෘ॒ෂ්ණල॑-ඞ්කෘෂ්ණලං-වාඁජ॒සෘද්භ්යඃ॒ ප්රය॑ච්ඡති । යමේ॒ව තේ වාජං॑-ලෝඁ॒කමු॒ජ්ජය॑න්ති । ත-ම්ප॑රි॒ක්රීයා-ව॑රුන්ධේ ॥ ඒ॒ක॒ධා බ්ර॒හ්මණ॒ උප॑හරති । ඒ॒ක॒ධෛව යජ॑මානේ වී॒ර්ය॑-න්දධාති ॥ දේ॒වා වා ඕෂ॑ධීෂ්වා॒ජිම॑යුඃ । තා බෘහ॒ස්පති॒-රුද॑ජයත් । ස නී॒වාරා॒න්නිර॑වෘණීත । තන්නී॒වාරා॑ණා-න්නීවාර॒ත්වම් ॥ නෛ॒වා॒රශ්ච॒රු-ර්භ॑වති ॥ 37 ॥

ඒ॒තද්වෛ දේ॒වානා᳚-ම්පර॒මමන්න᳚ම් । යන්නී॒වාරාඃ᳚ । ප॒ර॒මේණෛ॒වාස්මා॑ අ॒න්නාද්යේ॒-නාව॑ර-ම॒න්නාද්ය॒මව॑රුන්ධේ ॥ ස॒ප්තද॑ශශරාවෝ භවති । ස॒ප්ත॒ද॒ශඃ ප්ර॒ජාප॑තිඃ । ප්ර॒ජාප॑තේ॒-රාප්ත්යෛ᳚ ॥ ක්ෂී॒රේ භ॑වති । රුච॑මේ॒වාස්මි॑න්-දධාති ॥ ස॒ර්පිෂ්වා᳚-න්භවති මේද්ධ්ය॒ත්වාය॑ ॥ බා॒ර්॒හ॒ස්ප॒ත්යෝ වා ඒ॒ෂ දේ॒වත॑යා ॥ 38 ॥

යෝ වා॑ජ॒පේයේ॑න॒ යජ॑තේ । බා॒ර්॒හ॒ස්ප॒ත්ය ඒ॒ෂ ච॒රුඃ ॥ අශ්වා᳚න්-ථ්සරිෂ්ය॒ත-ස්ස॒ස්රුෂ॒ශ්චාව॑-ඝ්රාපයති । යමේ॒ව තේ වාජං॑-ලෝඁ॒කමු॒ජ්ජය॑න්ති । තමේ॒වාව॑රුන්ධේ ॥ අජී॑ජිපත වනස්පතය॒ ඉන්ද්රං॒-වාඁජං॒-විඁමු॑ච්යද්ධ්ව॒මිති॑ දුන්දු॒භීන්. විමු॑ඤ්චති । යමේ॒ව තේ වාජං॑-ලෝඁ॒කමි॑න්ද්රි॒ය-න්දු॑න්දු॒භය॑ උ॒ජ්ජය॑න්ති । තමේ॒වා-ව॑රුන්ධේ ॥ 39 ॥
(අ॒භිජ॑යති॒ - වා ඒ॒ෂා වාග් - දී॑යන්තේ - ऽස්මෛ යුනක්ති - ගමයති॒ - ය ආ॒ජි-න්ධාව॑න්ති - භවති - දේ॒වත॑යා॒ - +-ऽෂ්ටෞ ච॑) (අ. 6)

අනුවාකං 7 - යූපාරෝහණම්
තා॒ර්ප්යං-යඁජ॑මාන॒-ම්පරි॑ධාපයති । ය॒ජ්ඤෝ වෛ තා॒ර්ප්යම් । ය॒ජ්ඤේනෛ॒වෛන॒ග්​ම්॒ සම॑ර්ධයති । ද॒ර්භ॒මය॒-ම්පරි॑ධාපයති । ප॒විත්රං॒-වෛඁ ද॒ර්භාඃ । පු॒නාත්යේ॒වෛන᳚ම් । වාජං॒-වාඁ ඒ॒ෂෝ-ऽව॑රුරුථ්සතේ । යෝ වා॑ජ॒පේයේ॑න॒ යජ॑තේ । ඕෂ॑ධයඃ॒ ඛලු॒ වෛ වාජඃ॑ । ය-ද්ද॑ර්භ॒මය॑-ම්පරිධා॒පය॑ති ॥ 40 ॥

වාජ॒ස්යාව॑-රුද්ධ්යෛ ॥ ජාය॒ ඒහි॒ සුවෝ॒ රෝහා॒වේත්යා॑හ । පත්නි॑යා ඒ॒වෛෂ ය॒ජ්ඤස්යා᳚න්-වාර॒ම්භෝ-ऽන॑වච්ඡිත්යෛ ॥ ස॒ප්තද॑ශා-රත්නි॒ර්යූපෝ॑ භවති । ස॒ප්ත॒ද॒ශඃ ප්ර॒ජාප॑තිඃ । ප්ර॒ජාප॑තේ॒රාප්ත්යෛ᳚ ॥ තූ॒ප॒ර-ශ්චතු॑රශ්රි-ර්භවති ॥ ගෞ॒ධූ॒ම-ඤ්ච॒ෂාල᳚ම් । න වා ඒ॒තේ ව්රී॒හයෝ॒ න යවාඃ᳚ । ය-ද්ගෝ॒ධූමාඃ᳚ ॥ 41 ॥

ඒ॒වමි॑ව॒ හි ප්ර॒ජාප॑ති॒-ස්සමෘ॑ද්ධ්යෛ । අථෝ॑ අ॒මුමේ॒වාස්මෛ॑ ලෝ॒කමන්න॑වන්ත-ඞ්කරෝති ॥ වාසෝ॑භි-ර්වේෂ්ටයති । ඒ॒ෂ වෛ යජ॑මානඃ । යද්යූපඃ॑ । ස॒ර්ව॒දේ॒ව॒ත්යං॑-වාඁසඃ॑ । සර්වා॑භිරේ॒වෛන॑-න්දේ॒වතා॑භි॒-ස්සම॑ර්ධයති । අථෝ॑ ආ॒ක්රම॑ණමේ॒ව තථ්සේතුං॒-යඁජ॑මානඃ කුරුතේ । සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ ද්වාද॑ශ වාජප්රස॒වීයා॑නි ජුහෝති ॥ 42 ॥

ද්වාද॑ශ॒ මාසා᳚-ස්සං​වඁථ්ස॒රඃ । සං॒​වඁ॒ථ්ස॒රමේ॒ව ප්රී॑ණාති । අථෝ॑ සං​වඁථ්ස॒රමේ॒වාස්මා॒ උප॑ දධාති । සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ ද॒ශභිඃ॒ කල්පෛ॑ රෝහති । නව॒ වෛ පුරු॑ෂේ ප්රා॒ණාඃ । නාභි॑ර්දශ॒මී । ප්රා॒ණානේ॒ව ය॑ථාස්ථා॒න-ඞ්ක॑ල්පයි॒ත්වා । සු॒ව॒ර්ගං-ලෝඁ॒කමේ॑ති । ඒ॒තාව॒ද්වෛ පුරු॑ෂස්ය॒ ස්වම් ॥ 43 ॥

යාව॑ත්-ප්රා॒ණාඃ । යාව॑දේ॒වාස්යාස්ති॑ । තේන॑ ස॒හ සු॑ව॒ර්ගං-ලෝඁ॒කමේ॑ති ॥ සුව॑ර්දේ॒වාග්​ම් අ॑ග॒න්මේත්යා॑හ । සු॒ව॒ර්ගමේ॒ව ලෝ॒කමේ॑ති । අ॒මෘතා॑ අභූ॒මේත්යා॑හ । අ॒මෘත॑මිව॒ හි සු॑ව॒ර්ගෝ ලෝ॒කඃ । ප්ර॒ජාප॑තේඃ ප්ර॒ජා අ॑භූ॒මේත්යා॑හ । ප්රා॒ජා॒ප॒ත්යෝ වා අ॒යං-ලෝඁ॒කඃ । අ॒ස්මාදේ॒ව තේන॑ ලෝ॒කාන්නෛති॑ ॥ 44 ॥

සම॒හ-ම්ප්ර॒ජයා॒ ස-ම්මයා᳚ ප්ර॒ජේත්යා॑හ । ආ॒ශිෂ॑මේ॒වෛතා-මාශා᳚ස්තේ ॥ ආ॒ස॒පු॒ටෛ-ර්ඝ්න॑න්ති । අන්නං॒-වාඁ ඉ॒යම් । අ॒න්නාද්යේ॑නෛ॒වෛන॒ග්​ම්॒ සම॑ර්ධයන්ති । ඌෂෛ᳚-ර්ඝ්නන්ති । ඒ॒තේ හි සා॒ක්ෂාදන්න᳚ම් । යදූෂාඃ᳚ । සා॒ක්ෂාදේ॒වෛන॑-ම॒න්නාද්යේ॑න॒ සම॑ර්ධයන්ති ॥ පු॒රස්තා᳚ත්-ප්ර॒ත්යඤ්ච᳚-ඞ්ඝ්නන්ති ॥ 45 ॥

පු॒රස්තා॒ද්ධි ප්ර॑තී॒චීන॒-මන්න॑ම॒ද්යතේ᳚ ॥ ශී॒ර්॒ෂ॒තෝ ඝ්න॑න්ති । ශී॒ර්॒ෂ॒තෝ හ්යන්න॑ම॒ද්යතේ᳚ ॥ දි॒ග්භ්යෝ ඝ්න॑න්ති । දි॒ග්භ්ය ඒ॒වාස්මා॑ අ॒න්නාද්ය॒-මව॑රුන්ධතේ ॥ ඊ॒ශ්ව॒රෝ වා ඒ॒ෂ පරාං᳚-ප්ර॒දඝඃ॑ । යෝ යූප॒ග්​ම්॒ රෝහ॑ති ॥ හිර॑ණ්යම॒ද්ධ්ය-ව॑රෝහති । අ॒මෘතං॒-වෛඁ හිර॑ණ්යම් । අ॒මෘතග්​ම්॑ සුව॒ර්ගෝ ලෝ॒කඃ ॥ 46 ॥

අ॒මෘත॑ ඒ॒ව සු॑ව॒ර්ගේ ලෝ॒කේ ප්රති॑ තිෂ්ඨති ॥ ශ॒තමා॑න-ම්භවති । ශ॒තායුඃ॒ පුරු॑ෂ-ශ්ශ॒තේන්ද්රි॑යඃ । ආයු॑ෂ්යේ॒වේන්ද්රි॒යේ ප්රති॑ තිෂ්ඨති ॥ පුෂ්ට්යෛ॒ වා ඒ॒ත-ද්රූ॒පම් । යද॒ජා । ත්රි-ස්සං॑​වඁථ්ස॒රස්යා॒න්යාන්-ප॒ශූ-න්පරි॒ ප්රජා॑යතේ ॥ බ॒ස්තා॒ජි॒න-ම॒ද්ධ්යව॑ රෝහති । පුෂ්ට්යා॑මේ॒ව ප්ර॒ජන॑නේ॒ ප්රති॑තිෂ්ඨති ॥ 47 ॥
(ප॒රි॒ධා॒පය॑ති - ගෝ॒ධූමා॑ - ජුහෝති॒ - ස්වං - නෛති॑ - ප්ර॒ත්යඤ්ජ॑-ඞ්ඝ්නන්ති - ලෝ॒කෝ - +නව॑ ච (අ. 7)

අනුවාකං 8 - අන්නහෝමාඃ, අභිෂේකශ්ච
ස॒ප්තාන්න॑-හෝ॒මාඤ්ජු॑හෝති । ස॒ප්ත වා අන්නා॑නි । යාව॑න්ත්යේ॒වාන්නා॑නි । තාන්යේ॒වාව॑රුන්ධේ । ස॒ප්ත ග්රා॒ම්යා ඕෂ॑ධයඃ । ස॒ප්තාර॒ණ්යාඃ । උ॒භයී॑ෂා॒-මව॑රුද්ධ්යෛ ॥ අන්න॑ස්යා-න්නස්ය ජුහෝති । අන්න॑ස්යාන්න॒ස්යා-ව॑රුද්ධ්යෛ ॥ ය-ද්වා॑ජපේයයා॒ජ්ය-න॑වරුද්ධස්යාශ්ඤී॒යාත් ॥ 48 ॥

අව॑රුද්ධේන॒ ව්යෘ॑ද්ධ්යේත । සර්ව॑ස්ය සමව॒දාය॑ ජුහෝති । අන॑වරුද්ධ॒-ස්යාව॑රුද්ධ්යෛ ॥ ඖදු॑ම්බරේණ ස්රු॒වේණ॑ ජුහෝති । ඌර්ග්වා අන්න॑-මුදු॒ම්බරඃ॑ । ඌ॒ර්ජ ඒ॒වාන්නාද්ය॒ස්යාව॑රුද්ධ්යෛ ॥ දේ॒වස්ය॑ ත්වා සවි॒තුඃ ප්ර॑ස॒ව ඉත්යා॑හ । ස॒වි॒තෘ ප්ර॑සූත ඒ॒වෛන॒-ම්බ්රහ්ම॑ණා දේ॒වතා॑භි-ර॒භිෂි॑ඤ්චති ॥ අන්න॑ස්යාන්නස්යා॒භිෂි॑ඤ්චති । අන්න॑ස්යාන්න॒ස්යාව॑රුද්ධ්යෛ ॥ 49 ॥

පු॒රස්තා᳚ත්-ප්ර॒ත්යඤ්ච॑-ම॒භිෂි॑ඤ්චති । පු॒රස්තා॒ද්ධි-ප්ර॑තී॒චීන॒-මන්න॑ම॒ද්යතේ᳚ । ශී॒ර්॒ෂ॒තෝ॑-ऽභිෂි॑ඤ්චති । ශී॒ර්॒ෂ॒තෝ හ්යන්න॑ම॒ද්යතේ᳚ ॥ ආමුඛා॑ද॒න්වව॑ ස්රාවයති । මු॒ඛ॒ත ඒ॒වාස්මා॑ අ॒න්නාද්ය॑-න්දධාති ॥ අ॒ග්නේස්ත්වා॒ සාම්රා᳚ජ්යේනා॒භිෂි॑ඤ්චා॒මීත්යා॑හ । ඒ॒ෂ වා අ॒ග්නේ-ස්ස॒වඃ । තේනෛ॒වෛන॑-ම॒භිෂි॑ඤ්චති । ඉන්ද්ර॑ස්ය ත්වා॒ සාම්රා᳚ජ්යේනා॒භිෂි॑ඤ්චා॒මීත්යා॑හ ॥ 50 ॥

ඉ॒න්ද්රි॒ය-මේ॒වාස්මි॑-න්නේ॒තේන॑ දධාති । බෘහ॒ස්පතේ᳚ස්ත්වා॒ සාම්රා᳚ජ්යේනා॒භිෂි॑ඤ්චා॒-මීත්යා॑හ । බ්රහ්ම॒ වෛ දේ॒වානා॒-ම්බෘහ॒ස්පතිඃ॑ । බ්රහ්ම॑ණෛ॒වෛන॑-ම॒භිෂි॑ඤ්චති ॥ සෝ॒ම॒ග්ර॒හාග්​ශ්චා॑-වදානී॒යානි॑ ච॒ර්ත්විග්භ්ය॒ උප॑ හරන්ති । අ॒මුමේ॒ව තෛ-ර්ලෝ॒ක-මන්න॑වන්ත-ඞ්කරෝති । සු॒රා॒ග්ර॒හාග්​ශ්චා॑-නවදානී॒යානි॑ ච වාජ॒සෘද්භ්යඃ॑ । ඉ॒මමේ॒ව තෛ-ර්ලෝ॒ක-මන්න॑වන්ත-ඞ්කරෝති । අථෝ॑ උ॒භයී᳚ෂ්වේ॒වාභිෂි॑ච්යතේ ॥ වි॒මා॒ථ-ඞ්කු॑ර්වතේ වාජ॒සෘතඃ॑ ॥ 51 ॥

ඉ॒න්ද්රි॒යස්යාව॑රුද්ධ්යෛ ॥ අනි॑රුක්තාභිඃ ප්රාතස්සව॒නේ ස්තු॑වතේ । අනි॑රුක්තඃ ප්ර॒ජාප॑තිඃ । ප්ර॒ජාප॑තේ॒රාප්ත්යෛ᳚ । වාජ॑වතීභි॒-ර්මාද්ධ්ය॑න්දිනේ । අන්නං॒-වෛඁ වාජඃ॑ । අන්න॑මේ॒වා-ව॑රුන්ධේ । ශි॒පි॒වි॒ෂ්ටව॑තීභි-ස්තෘතීයසව॒නේ । ය॒ජ්ඤෝ වෛ විෂ්ණුඃ॑ । ප॒ශව॒-ශ්ශිපිඃ॑ । ය॒ජ්ඤ ඒ॒ව ප॒ශුෂු॒ ප්රති॑ තිෂ්ඨති ॥ බෘ॒හදන්ත්ය॑-ම්භවති । අන්ත॑මේ॒වෛනග්ග්॑ ශ්රි॒යෛ ග॑මයති ॥ 52 ॥
(අ॒ශ්ඤී॒යා - දන්න॑ස්යාන්න॒ස්යා ව॑රුද්ධ්යා॒ - ඉන්ද්ර॑ස්ය ත්වා॒ සාම්රා᳚ජ්යේනා॒භිෂි॑ඤ්චා॒ මීත්යා॑හ-වාජ॒සෘතඃ॒ - ශිපි॒ ස්ත්රීණි॑ ච) (අ. 8)

අනුවාකං 9 - අතිග්රාහ්යාඃ, පඤ්චෛන්ද්රාඃ
නෘ॒ෂද॒-න්ත්වේත්යා॑හ । ප්ර॒ජා වෛ නॄන් । ප්ර॒ජානා॑මේ॒වෛතේන॑ සූයතේ । ද්රු॒ෂද॒මිත්යා॑හ । වන॒ස්පත॑යෝ॒ වෛ ද්රු । වන॒ස්පතී॑නාමේ॒වෛ තේන॑ සූයතේ । භු॒ව॒න॒සද॒-මිත්යා॑හ । ය॒දා වෛ වසී॑යා॒-න්භව॑ති । භුව॑නමග॒න්නිති॒ වෛ තමා॑හුඃ । භුව॑නමේ॒වෛතේන॑ ගච්ඡති ॥ 53 ॥

අ॒ඵ්සු॒ෂද॑-න්ත්වා ඝෘත॒සද॒-මිත්යා॑හ । අ॒පාමේ॒වෛතේන॑ ඝෘ॒තස්ය॑ සූයතේ । ව්යෝ॒ම॒සද॒-මිත්යා॑හ । ය॒දා වෛ වසී॑යා॒-න්භව॑ති । ව්යෝ॑මාග॒න්නිති॒ වෛ තමා॑හුඃ । ව්යෝ॑මෛ॒වෛතේන॑ ගච්ඡති ॥ පෘ॒ථි॒වි॒ෂද॑-න්ත්වා-ऽන්තරික්ෂ॒සද॒-මිත්යා॑හ । ඒ॒ෂාමේ॒වෛතේන॑ ලෝ॒කානාග්​ම්॑ සූයතේ । තස්මා᳚-ද්වාජපේ-යයා॒ජී න ක-ඤ්ච॒න ප්ර॒ත්යව॑රෝහති । අපී॑ව॒ හි දේ॒වතා॑නාග්​ම් සූ॒යතේ᳚ ॥ 54 ॥

නා॒ක॒සද॒-මිත්යා॑හ । ය॒දාවෛ වසී॑යා॒-න්භව॑ති । නාක॑මග॒න්නිති॒ වෛ තමා॑හුඃ । නාක॑මේ॒වෛතේන॑ ගච්ඡති ॥ යේ ග්රහාඃ᳚ පඤ්චජ॒නීනා॒ ඉත්යා॑හ । ප॒ඤ්ච॒ජ॒නානා॑-මේ॒වෛතේන॑ සූයතේ ॥ අ॒පාග්​ම් රස॒මුද්ව॑යස॒-මිත්යා॑හ । අ॒පාමේ॒වෛතේන॒ රස॑ස්ය සූයතේ । සූර්ය॑රශ්මිග්​ම් ස॒මාභෘ॑ත॒-මිත්යා॑හ සශුක්ර॒ත්වාය॑ ॥ 55 ॥
(ග॒ච්ඡ॒ති॒ - සූ॒යතේ॒ - +නව॑ ච) (අ. 9)

අනුවාකං 10 - පිණ්ඩපිතෘයජ්ඤඃ දර්​ශපූර්ණමාසබ්රාහ්මණශේෂඃ
ඉන්ද්රෝ වෘ॒ත්රග්​ම් හ॒ත්වා । අසු॑රා-න්පරා॒භාව්ය॑ । සෝ॑-ऽමාවා॒ස්යා᳚-ම්ප්රත්යාග॑ච්ඡත් । තේ පි॒තරඃ॑ පූර්වේ॒ද්යු-රාග॑ච්ඡන්න් । පි॒තॄන්. ය॒ජ්ඤෝ॑-ऽගච්ඡත් । ත-න්දේ॒වාඃ පුන॑රයාචන්ත । තමේ᳚භ්යෝ॒ න පුන॑රදදුඃ । තේ᳚-ऽබ්රුව॒න් වරං॑-වෘඁණාමහෛ । අථ॑ වඃ॒ පුන॑ර්දාස්යාමඃ । අ॒ස්මභ්ය॑මේ॒ව පූ᳚ර්වේ॒ද්යුඃ ක්රි॑යාතා॒ ඉති॑ ॥ 56 ॥

තමේ᳚භ්යඃ॒ පුන॑රදදුඃ । තස්මා᳚ත්-පි॒තෘභ්යඃ॑ පූර්වේ॒ද්යුඃ ක්රි॑යතේ । ය-ත්පි॒තෘභ්යඃ॑ පූර්වේ॒ද්යුඃ ක॒රෝති॑ । පි॒තෘභ්ය॑ ඒ॒ව ත-ද්ය॒ජ්ඤ-න්නි॒ෂ්ක්රීය॒ යජ॑මානඃ॒ ප්රත॑නුතේ ॥ සෝමා॑ය පි॒තෘපී॑තාය ස්ව॒ධා නම॒ ඉත්යා॑හ । පි॒තුරේ॒වාධි॑ සෝමපී॒ථමව॑ රුන්ධේ । න හි පි॒තා ප්ර॒මීය॑මාණ॒ ආහෛ॒ෂ සෝ॑මපී॒ථ ඉති॑ । ඉ॒න්ද්රි॒යං-වෛඁ සෝ॑මපී॒ථඃ । ඉ॒න්ද්රි॒යමේ॒ව සෝ॑මපී॒ථමව॑-රුන්ධේ । තේන᳚න්ද්රි॒යේණ॑ ද්වි॒තීයා᳚-ඤ්ජා॒යාම॒භ්ය॑ශ්ඤුතේ ॥ 57 ॥

ඒ॒ත-ද්වෛ බ්රාහ්ම॑ණ-ම්පු॒රා වා॑ජශ්රව॒සා වි॒දාම॑ක්රන්න් । තස්මා॒-ත්තේ ද්වේද්වේ॑ ජා॒යේ අ॒භ්යා᳚ක්ෂත । ය ඒ॒වං-වේඁද॑ । අ॒භි ද්වි॒තීයා᳚-ඤ්ජා॒යාම॑ශ්ඤුතේ ॥ අ॒ග්නයේ॑ කව්ය॒වාහ॑නාය ස්ව॒ධා නම॒ ඉත්යා॑හ । ය ඒ॒ව පි॑තෘ॒ණාම॒ග්නිඃ । ත-ම්ප්රී॑ණාති ॥ ති॒ස්ර ආහු॑තී-ර්ජුහෝති ॥ ත්රිර්නිද॑ධාති ॥ ෂට්-ථ්සම්ප॑ද්යන්තේ ॥ 58 ॥

ෂඩ්වා ඍ॒තවඃ॑ । ඍ॒තූනේ॒ව ප්රී॑ණාති ॥ තූ॒ෂ්ණී-ම්මේක්ෂ॑ණ॒-මාද॑ධාති । අස්ති॑ වා॒ හි ෂ॒ෂ්ඨ ඍ॒තුර්න වා᳚ ॥ දේ॒වාන්. වෛ පි॒තॄ-න්ප්රී॒තාන් । ම॒නු॒ෂ්යාඃ᳚ පි॒තරෝ-ऽනු॒ ප්රපි॑පතේ । ති॒ස්ර ආහු॑තී-ර්ජුහෝති । ත්රිර්නිද॑ධාති । ෂට්-ථ්සම්ප॑ද්යන්තේ । ෂඩ්වා ඍ॒තවඃ॑ ॥ 59 ॥

ඍ॒තවඃ॒ ඛලු॒ වෛ දේ॒වාඃ පි॒තරඃ॑ । ඍ॒තූනේ॒ව දේ॒වා-න්පි॒තॄ-න්ප්රී॑ණාති । තාන්ප්රී॒තාන් । ම॒නු॒ෂ්යාඃ᳚ පි॒තරෝ-ऽනු॒ ප්රපි॑පතේ ॥ ස॒කෘ॒දා॒ච්ඡි॒න්න-ම්බ॒ර්॒හි-ර්භ॑වති । ස॒කෘදි॑ව॒ හි පි॒තරඃ॑ ॥ ත්රිර්නිද॑ධාති । තෘ॒තීයේ॒ වා ඉ॒තෝ ලෝ॒කේ පි॒තරඃ॑ । තානේ॒ව ප්රී॑ණාති ॥ පරාං॒ආව॑ර්තතේ ॥ 60 ॥

හ්ලීකා॒ හි පි॒තරඃ॑ ॥ ඔෂ්මණෝ᳚ ව්යා॒වෘත॒ උපා᳚ස්තේ । ඌ॒ෂ්මභා॑ගා॒ හි පි॒තරඃ॑ ॥ බ්ර॒හ්ම॒වා॒දිනෝ॑ වදන්ති । ප්රාශ්යාං(3)න ප්රාශ්යා(3)මිති॑ । ය-ත්ප්රා᳚ශ්ඤී॒යාත් । ජන්ය॒මන්න॑මද්යාත් । ප්ර॒මායු॑ක-ස්ස්යාත් । යන්න ප්රා᳚ශ්ඤී॒යාත් । අහ॑වි-ස්ස්යාත් ॥ 61 ॥

පි॒තෘභ්ය॒ ආවෘ॑ශ්ච්යේත । අ॒ව॒ඝ්රේය॑මේ॒ව । තන්නේව॒ ප්රාශි॑ත॒-න්නේවාප්රා॑ශිතම් ॥ වී॒රං-වාඁ॒ වෛ පි॒තරඃ॑ ප්ර॒යන්තෝ॒ හර॑න්ති । වී॒රං-වාඁ ॑ දදති । ද॒ශා-ඤ්ඡි॑නත්ති । හර॑ණභාගා॒ හි පි॒තරඃ॑ । පි॒තॄනේ॒ව නි॒රව॑දයතේ ॥ උත්ත॑ර॒ ආයු॑ෂි॒ ලෝම॑ ඡින්දීත । පි॒තෘ॒ණාග්​ හ්යේ॑තර්​හි॒ නේදී॑යඃ ॥ 62 ॥

නම॑ස්කරෝති । න॒ම॒ස්කා॒රෝ හි පි॑තෘ॒ණාම් ॥ නමෝ॑ වඃ පිතරෝ॒ රසා॑ය । නමෝ॑ වඃ පිතර॒-ශ්ශුෂ්මා॑ය । නමෝ॑ වඃ පිතරෝ ජී॒වාය॑ । නමෝ॑ වඃ පිතර-ස්ස්ව॒ධායෛ᳚ । නමෝ॑ වඃ පිතරෝ ම॒න්යවේ᳚ । නමෝ॑ වඃ පිතරෝ ඝෝ॒රාය॑ । පිත॑රෝ॒ නමෝ॑ වඃ । ය ඒ॒තස්මි॑න් ඁලෝ॒කේ ස්ථ ॥ 63 ॥

යු॒ෂ්මාග්​ස්තේ-ऽනු॑ । යේ᳚-ऽස්මිඁල්ලෝ॒කේ । මා-න්තේ නු॑ । ය ඒ॒තස්මි॑ඁල්ලෝ॒කේ ස්ථ । යූ॒ය-න්තේෂාං॒-වඁසි॑ෂ්ඨා භූයාස්ත । යේ᳚-ऽස්මිඁල්ලෝ॒කේ । අ॒හ-න්තේෂාං॒-වඁසි॑ෂ්ඨෝ භූයාස॒මිත්යා॑හ । වසි॑ෂ්ඨ-ස්සමා॒නානා᳚-ම්භවති । ය ඒ॒වං-විඁ॒ද්වාන්-පි॒තෘභ්යඃ॑ ක॒රෝති॑ ॥ ඒ॒ෂ වෛ ම॑නු॒ෂ්යා॑ණාං-යඁ॒ජ්ඤඃ ॥ 64 ॥

දේ॒වානාං॒-වාඁ ඉත॑රේ ය॒ජ්ඤාඃ । තේන॒ වා ඒ॒ත-ත්පි॑තෘලෝ॒කේ ච॑රති ॥ ය-ත්පි॒තෘභ්යඃ॑ ක॒රෝති॑ । ස ඊ᳚ශ්ව॒රඃ ප්රමේ॑තෝඃ । ප්රා॒ජා॒ප॒ත්යය॒ර්චා පුන॒රෛති॑ । ය॒ජ්ඤෝ වෛ ප්ර॒ජාප॑තිඃ । ය॒ජ්ඤේනෛ॒ව ස॒හ පුන॒රෛති॑ । න ප්ර॒මායු॑කෝ භවති ॥ පි॒තෘ॒ලෝ॒කේ වා ඒ॒ත-ද්යජ॑මානශ්චරති । ය-ත්පි॒තෘභ්යඃ॑ ක॒රෝති॑ । ස ඊ᳚ශ්ව॒ර ආර්ති॒මාර්තෝඃ᳚ । ප්ර॒ජාප॑ති॒-ස්ත්වාවෛන॒-න්තත॒ උන්නේ॑තුමර්​හ॒තීත්යා॑හුඃ । ය-ත්ප්රා॑ජාප॒ත්යය॒ර්චා පුන॒රෛති॑ । ප්ර॒ජාප॑තිරේ॒වෛන॒-න්තත॒ උන්න॑යති । නාර්ති॒මාර්ච්ඡ॑ති॒ යජ॑මානඃ ॥ 65 ॥
(ඉත්ය॑ - ශ්ඤුතේ - පද්යන්තේ - පද්යන්තේ॒ ෂඩ්වා ඍ॒තවෝ॑ - වර්ත॒තේ-ऽ - හ॑වි-ස්ස්යා॒න් - නේදී॑යඃ॒ - ස්ථ - ය॒ජ්ඤෝ - යජ॑මානශ්චරති॒ ය-ත්පි॒තෘභ්යඃ॑ ක॒රෝති॒ පඤ්ච॑ ච) (අ. 10)

(දේ॒වා॒සු॒රා අ॒ග්නීෂෝම॑යෝ--ර් දේ॒වා වෛ යථා॒ දර්​ශං॑ - දේ॒වා වෛ යද॒න්යෛ-ර්ග්රහෛ᳚--ර් බ්රහ්මවා॒දිනෝ॒ නාග්නි॑ෂ්ටෝ॒මෝ න - සා॑වි॒ත්රං - දේ॒වස්යා॒හං - තා॒ර්ප්යග්​ම් - ස॒ප්තාන්න॑හෝ॒මාන් - නෘ॒ෂදං॒ - ත්වේන්ද්රෝ॑ වෘ॒ත්රග්​ම් හ॒ත්වා දශ॑)

(දේ॒වා॒සු॒රා - වා॒ජ්යේ॑වෛනං॒ - තස්මා᳚-ද්වාජපේයයා॒ජී - දේ॒වස්යා॒හං - ඁවාජ॒ස්යාව॑රුද්ධ්යා- ඉන්ද්රි॒යමේ॒වාස්මි॒න්॒. - හ්ලීකා॒ හි පි॒තරඃ॒ පඤ්ච॑ෂෂ්ටිඃ)

(දේ॒වා॒සු॒රා - යජ॑මානඃ)

॥ හරිඃ॑ ඕම් ॥

॥ කෘෂ්ණ යජුර්වේදීය තෛත්තිරීය බ්රාහ්මණේ ප්රථමාෂ්ටකේ තෘතීයඃ ප්රපාඨක-ස්සමාප්තඃ ॥