𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌤𑍃𑌤𑍀𑌯𑌃 𑌪𑍍𑌰𑌪𑌾𑌠𑌕𑌃 - 𑌦𑌰𑍍.𑌶𑌪𑍂𑌰𑍍𑌣𑌮𑌾𑌸𑍇𑌷𑍍𑌟𑌿𑌬𑍍𑌰𑌾𑌹𑍍𑌮𑌣𑌮𑍍

𑌓-𑌨𑍍𑌨𑌮𑌃 𑌪𑌰𑌮𑌾𑌤𑍍𑌮𑌨𑍇, 𑌶𑍍𑌰𑍀 𑌮𑌹𑌾𑌗𑌣𑌪𑌤𑌯𑍇 𑌨𑌮𑌃,
𑌶𑍍𑌰𑍀 𑌗𑍁𑌰𑍁𑌭𑍍𑌯𑍋 𑌨𑌮𑌃 । 𑌹॒𑌰𑌿𑌃॒ 𑌓𑌮𑍍 ॥

𑌅𑌨𑍁𑌵𑌾𑌕𑌂 1 - 𑌸𑍍𑌤𑍍𑌰𑍁𑌖𑍍𑌸𑌮𑍍𑌮𑌾𑌰𑍍𑌗𑌃

𑌪𑍍𑌰𑌤𑍍𑌯𑍁॑𑌷𑍍𑌟॒𑌗𑍍​𑌮𑍍॒ 𑌰𑌕𑍍𑌷𑌃॒ 𑌪𑍍𑌰𑌤𑍍𑌯𑍁॑𑌷𑍍𑌟𑌾॒ 𑌅𑌰𑌾॑𑌤𑌯॒ 𑌇𑌤𑍍𑌯𑌾॑𑌹 । 𑌰𑌕𑍍𑌷॑𑌸𑌾॒-𑌮𑌪॑𑌹𑌤𑍍𑌯𑍈 । 𑌅॒𑌗𑍍𑌨𑍇𑌰𑍍𑌵॒𑌸𑍍𑌤𑍇𑌜𑌿॑𑌷𑍍𑌠𑍇𑌨॒ 𑌤𑍇𑌜॑𑌸𑌾॒ 𑌨𑌿𑌷𑍍𑌟॑𑌪𑌾॒𑌮𑍀𑌤𑍍𑌯𑌾॑𑌹 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ ।
𑌸𑍍𑌰𑍁𑌚॒-𑌸𑍍𑌸𑌮𑍍𑌮𑌾᳚𑌰𑍍​𑌷𑍍𑌟𑌿 । 𑌸𑍍𑌰𑍁॒𑌵𑌮𑌗𑍍𑌰𑍇᳚ । 𑌪𑍁𑌮𑌾𑌗𑍍​𑌮𑍍॑ 𑌸𑌮𑍇॒𑌵𑌾𑌭𑍍𑌯॒-𑌸𑍍𑌸𑌗𑍍𑌗𑍍​𑌶𑍍𑌯॑𑌤𑌿 𑌮𑌿𑌥𑍁𑌨॒𑌤𑍍𑌵𑌾𑌯॑ । 𑌅𑌥॑ 𑌜𑍁॒𑌹𑍂𑌮𑍍 । 𑌅𑌥𑍋॑𑌪॒𑌭𑍃𑌤᳚𑌮𑍍 । 𑌅𑌥॑ 𑌧𑍍𑌰𑍁॒𑌵𑌾𑌮𑍍 । 𑌅॒𑌸𑍌 𑌵𑍈 𑌜𑍁॒𑌹𑍂𑌃 ॥ 1 ॥

𑌅॒𑌨𑍍𑌤𑌰𑌿॑𑌕𑍍𑌷𑌮𑍁𑌪॒𑌭𑍃𑌤𑍍 । 𑌪𑍃॒𑌥𑌿॒𑌵𑍀 𑌧𑍍𑌰𑍁॒𑌵𑌾 ।
𑌇॒𑌮𑍇 𑌵𑍈 𑌲𑍋॒𑌕𑌾-𑌸𑍍𑌸𑍍𑌰𑍁𑌚𑌃॑ । 𑌵𑍃𑌷𑍍𑌟𑌿॑-𑌸𑍍𑌸॒𑌮𑌾𑌂𑌰𑍍𑌜॑𑌨𑌾𑌨𑌿 । 𑌵𑍃𑌷𑍍𑌟𑌿॒𑌰𑍍𑌵𑌾 𑌇॒𑌮𑌾𑌨𑍍 𑌁𑌲𑍋॒𑌕𑌾𑌨॑𑌨𑍁𑌪𑍂॒𑌰𑍍𑌵-𑌙𑍍𑌕॑𑌲𑍍𑌪𑌯𑌤𑌿 ।
𑌤𑍇 𑌤𑌤𑌃॑ 𑌕𑍍𑌲𑍃॒𑌪𑍍𑌤𑌾-𑌸𑍍𑌸𑌮𑍇॑𑌧𑌨𑍍𑌤𑍇 ।
𑌸𑌮𑍇॑𑌧𑌨𑍍𑌤𑍇-𑌽𑌸𑍍𑌮𑌾 𑌇॒𑌮𑍇 𑌲𑍋॒𑌕𑌾𑌃 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ ।
𑌯 𑌏॒𑌵𑌂-𑌵𑍇𑌁𑌦॑ ॥ 𑌯𑌦𑌿॑ 𑌕𑌾॒𑌮𑌯𑍇॑𑌤॒ 𑌵𑌰𑍍​𑌷𑍁॑𑌕𑌃 𑌪॒𑌰𑍍𑌜𑌨𑍍𑌯॑-𑌸𑍍𑌸𑍍𑌯𑌾॒𑌦𑌿𑌤𑌿॑ । 𑌅॒𑌗𑍍𑌰॒𑌤-𑌸𑍍𑌸𑌮𑍍𑌮𑍃॑𑌜𑍍𑌯𑌾𑌤𑍍 ॥ 2 ॥

𑌵𑍃𑌷𑍍𑌟𑌿॑𑌮𑍇॒𑌵 𑌨𑌿𑌯॑𑌚𑍍𑌛𑌤𑌿 । 𑌅॒𑌵𑌾॒𑌚𑍀𑌨𑌾᳚𑌗𑍍𑌰𑌾॒ 𑌹𑌿 𑌵𑍃𑌷𑍍𑌟𑌿𑌃॑ ।
𑌯𑌦𑌿॑ 𑌕𑌾॒𑌮𑌯𑍇॒𑌤𑌾𑌵॑𑌰𑍍​𑌷𑍁𑌕-𑌸𑍍𑌸𑍍𑌯𑌾॒𑌦𑌿𑌤𑌿॑ । 𑌮𑍂॒𑌲॒𑌤-𑌸𑍍𑌸𑌮𑍍𑌮𑍃॑𑌜𑍍𑌯𑌾𑌤𑍍 । 𑌵𑍃𑌷𑍍𑌟𑌿॑𑌮𑍇॒𑌵𑍋𑌦𑍍𑌯॑𑌚𑍍𑌛𑌤𑌿 । 𑌤𑌦𑍁॒ 𑌵𑌾 𑌆॑𑌹𑍁𑌃 । 𑌅॒𑌗𑍍𑌰॒𑌤 𑌏॒𑌵𑍋𑌪𑌰𑌿॑𑌷𑍍𑌟𑌾॒-𑌥𑍍𑌸𑌮𑍍𑌮𑍃॑𑌜𑍍𑌯𑌾𑌤𑍍 ।
𑌮𑍂॒𑌲॒𑌤𑍋॑-𑌽𑌧𑌸𑍍𑌤𑌾᳚𑌤𑍍 । 𑌤𑌦॑𑌨𑍁𑌪𑍂॒𑌰𑍍𑌵-𑌙𑍍𑌕॑𑌲𑍍𑌪𑌤𑍇 ।
𑌵𑌰𑍍​𑌷𑍁॑𑌕𑍋 𑌭𑌵॒𑌤𑍀𑌤𑌿॑ ॥ 3 ॥

𑌪𑍍𑌰𑌾𑌚𑍀॑𑌮𑌭𑍍𑌯𑌾॒𑌕𑌾𑌰᳚𑌮𑍍 । 𑌅𑌗𑍍𑌰𑍈॑𑌰𑌨𑍍𑌤𑌰॒𑌤𑌃 । 𑌏॒𑌵𑌮𑌿॑𑌵॒ 𑌹𑍍𑌯𑌨𑍍𑌨॑𑌮॒𑌦𑍍𑌯𑌤𑍇᳚ । 𑌅𑌥𑍋॒ 𑌅𑌗𑍍𑌰𑌾॒𑌦𑍍𑌵𑌾 𑌓𑌷॑𑌧𑍀𑌨𑌾॒𑌮𑍂𑌰𑍍𑌜॑-𑌮𑍍𑌪𑍍𑌰॒𑌜𑌾 𑌉𑌪॑𑌜𑍀𑌵𑌨𑍍𑌤𑌿 । 𑌊॒𑌰𑍍𑌜 𑌏॒𑌵𑌾-𑌨𑍍𑌨𑌾𑌦𑍍𑌯॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 । 𑌅॒𑌧𑌸𑍍𑌤𑌾᳚-𑌤𑍍𑌪𑍍𑌰॒𑌤𑍀𑌚𑍀᳚𑌮𑍍 । 𑌦॒𑌣𑍍𑌡𑌮𑍁॑𑌤𑍍𑌤𑌮॒𑌤𑌃 ।
𑌮𑍂𑌲𑍇॑𑌨॒ 𑌮𑍂𑌲॒-𑌮𑍍𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 । 𑌤𑌸𑍍𑌮𑌾॑𑌦𑌰॒𑌤𑍍𑌨𑍌 𑌪𑍍𑌰𑌾𑌞𑍍𑌚𑍍𑌯𑍁॒𑌪𑌰𑌿॑𑌷𑍍𑌟𑌾॒-𑌲𑍍𑌲𑍋𑌮𑌾॑𑌨𑌿 । 𑌪𑍍𑌰॒𑌤𑍍𑌯𑌞𑍍𑌚𑍍𑌯॒𑌧𑌸𑍍𑌤𑌾᳚𑌤𑍍 ॥ 4 ॥

𑌸𑍍𑌰𑍁𑌗𑍍𑌘𑍍𑌯𑍇॑𑌷𑌾 ॥ 𑌪𑍍𑌰𑌾॒𑌣𑍋 𑌵𑍈 𑌸𑍍𑌰𑍁॒𑌵𑌃 । 𑌜𑍁॒𑌹𑍂𑌰𑍍𑌦𑌕𑍍𑌷𑌿॑𑌣𑍋॒ 𑌹𑌸𑍍𑌤𑌃॑ । 𑌉॒𑌪॒𑌭𑍃𑌥𑍍𑌸॒𑌵𑍍𑌯𑌃 । 𑌆॒𑌤𑍍𑌮𑌾 𑌧𑍍𑌰𑍁॒𑌵𑌾 । 𑌅𑌨𑍍𑌨𑌗𑍍​𑌮𑍍॑ 𑌸॒𑌮𑌾𑌂𑌰𑍍𑌜॑𑌨𑌾𑌨𑌿 । 𑌮𑍁॒𑌖॒𑌤𑍋 𑌵𑍈 𑌪𑍍𑌰𑌾॒𑌣𑍋॑-𑌽𑌪𑌾॒𑌨𑍋 𑌭𑍂॒𑌤𑍍𑌵𑌾 ।
𑌆॒𑌤𑍍𑌮𑌾𑌨॒𑌮𑌨𑍍𑌨॑-𑌮𑍍𑌪𑍍𑌰॒𑌵𑌿𑌶𑍍𑌯॑ । 𑌬𑌾॒𑌹𑍍𑌯॒𑌤𑌸𑍍𑌤॒𑌨𑍁𑌵𑌗𑍍​𑌮𑍍॑ 𑌶𑍁𑌭𑌯𑌤𑌿 । 𑌤𑌸𑍍𑌮𑌾᳚-𑌥𑍍𑌸𑍍𑌰𑍁॒𑌵𑌮𑍇॒𑌵𑌾𑌗𑍍𑌰𑍇॒ 𑌸𑌮𑍍𑌮𑌾᳚𑌰𑍍​𑌷𑍍𑌟𑌿 ॥ 𑌮𑍁॒𑌖॒𑌤𑍋 𑌹𑌿 𑌪𑍍𑌰𑌾॒𑌣𑍋॑-𑌽𑌪𑌾॒𑌨𑍋 𑌭𑍂॒𑌤𑍍𑌵𑌾 ।
𑌆॒𑌤𑍍𑌮𑌾𑌨॒𑌮𑌨𑍍𑌨॑-𑌮𑌾𑌵𑌿॒𑌶𑌤𑌿॑ । 𑌤𑍌 𑌪𑍍𑌰𑌾॑𑌣𑌾𑌪𑌾॒𑌨𑍌 ।
𑌅𑌵𑍍𑌯॑𑌰𑍍𑌧𑍁𑌕𑌃 𑌪𑍍𑌰𑌾𑌣𑌾𑌪𑌾॒𑌨𑌾𑌭𑍍𑌯𑌾᳚-𑌮𑍍𑌭𑌵𑌤𑌿 । 𑌯 𑌏॒𑌵𑌂-𑌵𑍇𑌁𑌦॑ ॥ 5 ॥
(𑌜𑍁॒𑌹𑍁--𑌰𑍍 𑌮𑍃॑𑌜𑍍𑌯𑌾-𑌦𑍍- 𑌭𑌵॒𑌤𑍀𑌤𑌿॑ - 𑌪𑍍𑌰॒𑌤𑍍𑌯𑌞𑍍𑌚𑍍𑌯॒𑌧𑌸𑍍𑌤𑌾᳚𑌨𑍍 - 𑌮𑌾𑌰𑍍​𑌷𑍍𑌟𑌿॒ 𑌪𑌞𑍍𑌚॑ 𑌚) (𑌅. 1)

3.3.2 𑌆𑌨𑍁𑌵𑌾𑌕𑌂 2 - 𑌸𑌮𑍍𑌮𑌾𑌰𑍍𑌜𑌨𑌾𑌨𑌾𑌮𑌗𑍍𑌨𑍌 𑌪𑍍𑌰𑌹𑌰𑌣𑌮𑍍
𑌦𑌿॒𑌵-𑌶𑍍𑌶𑌿𑌲𑍍𑌪॒𑌮𑌵॑𑌤𑌤𑌮𑍍 । 𑌪𑍃॒𑌥𑌿॒𑌵𑍍𑌯𑌾𑌃 𑌕॒𑌕𑍁𑌭𑌿॑ 𑌶𑍍𑌰𑌿॒𑌤𑌮𑍍 ।
𑌤𑍇𑌨॑ 𑌵॒𑌯𑌗𑍍​𑌮𑍍 𑌸॒𑌹𑌸𑍍𑌰॑𑌵𑌲𑍍​𑌶𑍇𑌨 ।
𑌸॒𑌪𑌤𑍍𑌨॑-𑌨𑍍𑌨𑌾𑌶𑌯𑌾𑌮𑌸𑌿॒ 𑌸𑍍𑌵𑌾𑌹𑍇𑌤𑌿॑ 𑌸𑍍𑌰𑍁𑌖𑍍𑌸॒𑌮𑌾𑌂𑌰𑍍𑌜॑𑌨𑌾𑌨𑍍𑌯॒𑌗𑍍𑌨𑍌 𑌪𑍍𑌰𑌹॑𑌰𑌤𑌿 ।
𑌆𑌪𑍋॒ 𑌵𑍈 𑌦॒𑌰𑍍𑌭𑌾𑌃 । 𑌰𑍂॒𑌪𑌮𑍇॒𑌵𑍈𑌷𑌾॑𑌮𑍇॒𑌤-𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 ॥ 𑌅॒𑌨𑍁॒𑌷𑍍𑌟𑍁𑌭॒𑌰𑍍𑌚𑌾 । 𑌆𑌨𑍁॑𑌷𑍍𑌟𑍁𑌭𑌃 𑌪𑍍𑌰॒𑌜𑌾𑌪॑𑌤𑌿𑌃 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌵𑍇॒𑌦𑌃 ।
𑌵𑍇॒𑌦𑌸𑍍𑌯𑌾𑌗𑍍𑌰𑌗𑍍𑌗𑍍॑ 𑌸𑍍𑌰𑍁𑌖𑍍𑌸॒𑌮𑌾𑌂𑌰𑍍𑌜॑𑌨𑌾𑌨𑌿 ॥ 6 ॥

𑌸𑍍𑌵𑍇𑌨𑍈॒𑌵𑍈𑌨𑌾॑𑌨𑌿॒ 𑌛𑌨𑍍𑌦॑𑌸𑌾 । 𑌸𑍍𑌵𑌯𑌾॑ 𑌦𑍇॒𑌵𑌤॑𑌯𑌾॒ 𑌸𑌮॑𑌰𑍍𑌧𑌯𑌤𑌿 । 𑌅𑌥𑍋॒ 𑌋𑌗𑍍𑌵𑌾𑌵 𑌯𑍋𑌷𑌾᳚ । 𑌦॒𑌰𑍍𑌭𑍋
𑌵𑍃𑌷𑌾᳚ । 𑌤𑌨𑍍𑌮𑌿॑𑌥𑍁॒𑌨𑌮𑍍 । 𑌮𑌿॒𑌥𑍁॒𑌨𑌮𑍇॒𑌵𑌾𑌸𑍍𑌯॒ 𑌤-𑌦𑍍𑌯॒𑌜𑍍𑌞𑍇 𑌕॑𑌰𑍋𑌤𑌿 𑌪𑍍𑌰॒𑌜𑌨॑𑌨𑌾𑌯 । 𑌪𑍍𑌰𑌜𑌾॑𑌯𑌤𑍇 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒-𑌰𑍍𑌯𑌜॑𑌮𑌾𑌨𑌃 ॥ 𑌤𑌾𑌨𑍍𑌯𑍇𑌕𑍇॒ 𑌵𑍃𑌥𑍈॒𑌵𑌾𑌪𑌾᳚𑌸𑍍𑌯𑌨𑍍𑌤𑌿 ।
𑌤𑌤𑍍𑌤𑌥𑌾॒ 𑌨 𑌕𑌾᳚𑌰𑍍𑌯𑌮𑍍 । 𑌆𑌰॑𑌬𑍍𑌧𑌸𑍍𑌯 𑌯॒𑌜𑍍𑌞𑌿𑌯॑𑌸𑍍𑌯॒ 𑌕𑌰𑍍𑌮॑𑌣॒-𑌸𑍍𑌸 𑌵𑌿॑𑌦𑍋॒𑌹𑌃 ॥ 𑍭 ॥

𑌯𑌦𑍍𑌯𑍇॑𑌨𑌾𑌨𑌿 𑌪॒𑌶𑌵𑍋॑-𑌽𑌭𑌿॒𑌤𑌿𑌷𑍍𑌠𑍇॑𑌯𑍁𑌃 ।
𑌨 𑌤-𑌤𑍍𑌪॒𑌶𑍁𑌭𑍍𑌯𑌃॒ 𑌕𑌮𑍍 । 𑌅॒𑌦𑍍𑌭𑌿𑌰𑍍𑌮𑌾᳚-𑌰𑍍𑌜𑌯𑌿॒𑌤𑍍𑌵𑍋𑌤𑍍𑌕॒𑌰𑍇 𑌨𑍍𑌯॑𑌸𑍍𑌯𑍇𑌤𑍍 ।
𑌯𑌦𑍍𑌵𑍈 𑌯॒𑌜𑍍𑌞𑌿𑌯॑𑌸𑍍𑌯॒ 𑌕𑌰𑍍𑌮॑𑌣𑍋॒-𑌽𑌨𑍍𑌯𑌤𑍍𑌰𑌾𑌹𑍁॑𑌤𑍀𑌭𑍍𑌯-𑌸𑍍𑌸॒𑌨𑍍𑌤𑌿𑌷𑍍𑌠॑𑌤𑍇 । 𑌉॒𑌤𑍍𑌕॒𑌰𑍋 𑌵𑌾𑌵 𑌤𑌸𑍍𑌯॑ 𑌪𑍍𑌰𑌤𑌿॒𑌷𑍍𑌠𑌾 । 𑌏॒𑌤𑌾𑌗𑍍​𑌮𑍍 𑌹𑌿 𑌤𑌸𑍍𑌮𑍈᳚ 𑌪𑍍𑌰𑌤𑌿॒𑌷𑍍𑌠𑌾-𑌨𑍍𑌦𑍇॒𑌵𑌾-𑌸𑍍𑌸॒𑌮𑌭॑𑌰𑌨𑍍𑌨𑍍 ।
𑌯𑌦॒𑌦𑍍𑌭𑌿𑌰𑍍𑌮𑌾॒𑌰𑍍𑌜𑌯॑𑌤𑌿 । 𑌤𑍇𑌨॑ 𑌶𑌾॒𑌨𑍍𑌤𑌮𑍍 । 𑌯𑌦𑍁॑𑌤𑍍𑌕॒𑌰𑍇 𑌨𑍍𑌯॒𑌸𑍍𑌯𑌤𑌿॑ । 𑌪𑍍𑌰॒𑌤𑌿॒𑌷𑍍𑌠𑌾𑌮𑍇॒𑌵𑍈𑌨𑌾॑𑌨𑌿॒ 𑌤-𑌦𑍍𑌗॑𑌮𑌯𑌤𑌿 ॥ 𑍮 ॥

𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒𑌰𑍍𑌯𑌜॑𑌮𑌾𑌨𑌃 ॥
𑌅𑌥𑍋᳚ 𑌸𑍍𑌤॒𑌮𑍍𑌬𑌸𑍍𑌯॒ 𑌵𑌾 𑌏॒𑌤-𑌦𑍍𑌰𑍂॒𑌪𑌮𑍍 । 𑌯-𑌥𑍍𑌸𑍍𑌰𑍁॑𑌖𑍍𑌸॒𑌮𑌾𑌂𑌰𑍍𑌜॑𑌨𑌾𑌨𑌿 । 𑌸𑍍𑌤॒𑌮𑍍𑌬॒𑌶𑍋 𑌵𑌾 𑌓𑌷॑𑌧𑌯𑌃 ।
𑌤𑌾𑌸𑌾᳚-𑌞𑍍𑌜𑌰𑌤𑍍𑌕॒𑌕𑍍𑌷𑍇 𑌪॒𑌶𑌵𑍋॒ 𑌨 𑌰॑𑌮𑌨𑍍𑌤𑍇 । 𑌅𑌪𑍍𑌰𑌿॑𑌯𑍋॒ 𑌹𑍍𑌯𑍇॑𑌷𑌾-𑌞𑍍𑌜𑌰𑌤𑍍𑌕॒𑌕𑍍𑌷𑌃 । 𑌯𑌾𑌵॑𑌦𑌪𑍍𑌰𑌿𑌯𑍋 𑌹॒ 𑌵𑍈 𑌜॑𑌰𑌤𑍍𑌕॒𑌕𑍍𑌷𑌃 𑌪॑𑌶𑍂॒𑌨𑌾𑌮𑍍 । 𑌤𑌾𑌵॑𑌦𑌪𑍍𑌰𑌿𑌯𑌃 𑌪𑌶𑍂॒𑌨𑌾-𑌮𑍍𑌭॑𑌵𑌤𑌿 । 𑌯𑌸𑍍𑌯𑍈॒𑌤𑌾𑌨𑍍𑌯॒𑌨𑍍𑌯𑌤𑍍𑌰𑌾॒𑌗𑍍𑌨𑍇-𑌰𑍍𑌦𑌧॑𑌤𑌿 ।
𑌨॒𑌵॒𑌦𑌾𑌵𑍍𑌯𑌾॑𑌸𑍁॒ 𑌵𑌾 𑌓𑌷॑𑌧𑍀𑌷𑍁 𑌪॒𑌶𑌵𑍋॑ 𑌰𑌮𑌨𑍍𑌤𑍇 ॥ 𑍯 ॥

𑌨॒𑌵॒𑌦𑌾॒𑌵𑍋 𑌹𑍍𑌯𑍇॑𑌷𑌾-𑌮𑍍𑌪𑍍𑌰𑌿॒𑌯𑌃 । 𑌯𑌾𑌵॑𑌤𑍍𑌪𑍍𑌰𑌿𑌯𑍋 𑌹॒ 𑌵𑍈 𑌨॑𑌵𑌦𑌾॒𑌵𑌃 𑌪॑𑌶𑍂॒𑌨𑌾𑌮𑍍 । 𑌤𑌾𑌵॑𑌤𑍍𑌪𑍍𑌰𑌿𑌯𑌃 𑌪𑌶𑍂॒𑌨𑌾-𑌮𑍍𑌭॑𑌵𑌤𑌿 । 𑌯𑌸𑍍𑌯𑍈॒𑌤𑌾𑌨𑍍𑌯॒𑌗𑍍𑌨𑍌 𑌪𑍍𑌰॒𑌹𑌰॑𑌨𑍍𑌤𑌿 । 𑌤𑌸𑍍𑌮𑌾॑𑌦𑍇॒𑌤𑌾𑌨𑍍𑌯॒𑌗𑍍𑌨𑌾𑌵𑍇॒𑌵 𑌪𑍍𑌰𑌹॑𑌰𑍇𑌤𑍍 । 𑌯॒𑌤॒𑌰𑌸𑍍𑌮𑌿𑌨𑍍᳚-𑌥𑍍𑌸𑌮𑍍𑌮𑍃॒𑌜𑍍𑌯𑌾𑌤𑍍 ।
𑌪॒𑌶𑍂॒𑌨𑌾-𑌨𑍍𑌧𑍃𑌤𑍍𑌯𑍈᳚ ॥ 𑌯𑍋 𑌭𑍂॒𑌤𑌾𑌨𑌾॒𑌮𑌧𑌿॑𑌪𑌤𑌿𑌃 । 𑌰𑍁॒𑌦𑍍𑌰𑌸𑍍𑌤॑𑌨𑍍𑌤𑌿𑌚॒𑌰𑍋 𑌵𑍃𑌷𑌾᳚ । 𑌪॒𑌶𑍂𑌨॒𑌸𑍍𑌮𑌾𑌕॒-𑌮𑍍𑌮𑌾 𑌹𑌿𑌗𑍍​𑌮𑍍॑𑌸𑍀𑌃 । 𑌏॒𑌤𑌦॑𑌸𑍍𑌤𑍁 𑌹𑍁॒𑌤-𑌨𑍍𑌤𑌵॒ 𑌸𑍍𑌵𑌾𑌹𑍇𑌤𑍍𑌯॑𑌗𑍍𑌨𑌿 𑌸॒𑌮𑌾𑌂𑌰𑍍𑌜॑𑌨𑌾𑌨𑍍𑌯॒𑌗𑍍𑌨𑍌 𑌪𑍍𑌰𑌹॑𑌰𑌤𑌿 । 𑌏॒𑌷𑌾 𑌵𑌾 𑌏॒𑌤𑍇𑌷𑌾𑌂॒-𑌯𑍋𑌁𑌨𑌿𑌃॑ । 𑌏॒𑌷𑌾 𑌪𑍍𑌰॑𑌤𑌿॒𑌷𑍍𑌠𑌾 । 𑌸𑍍𑌵𑌾𑌮𑍇॒𑌵𑍈𑌨𑌾॑𑌨𑌿॒ 𑌯𑍋𑌨𑌿᳚𑌮𑍍 ।
𑌸𑍍𑌵𑌾-𑌮𑍍𑌪𑍍𑌰॑𑌤𑌿॒𑌷𑍍𑌠𑌾-𑌙𑍍𑌗॑𑌮𑌯𑌤𑌿 । 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒𑌰𑍍𑌯𑌜॑𑌮𑌾𑌨𑌃 ॥ 10 ॥
(𑌵𑍇॒𑌦𑌸𑍍𑌯𑌾𑌗𑍍𑌰𑌗𑍍𑌗𑍍॑ 𑌸𑍍𑌰𑍁𑌖𑍍𑌸॒𑌮𑌾𑌂𑌰𑍍𑌜॑𑌨𑌾𑌨𑌿 - 𑌵𑌿𑌦𑍋॒𑌹𑍋 - 𑌗॑𑌮𑌯𑌤𑌿 - 𑌪॒𑌶𑌵𑍋॑ 𑌰𑌮𑌨𑍍𑌤𑍇 - 𑌹𑌿𑌗𑍍​𑌮𑍍𑌸𑍀॒-𑌷𑍍𑌷𑌟𑍍𑌚॑) (𑌅. 2)

𑌅𑌨𑍁𑌵𑌾𑌕𑌂 3 - 𑌪𑌤𑍍𑌨𑍀𑌸𑌨𑍍𑌨𑌹𑌨𑌮𑍍
𑌅𑌯॑𑌜𑍍𑌞𑍋॒ 𑌵𑌾 𑌏॒𑌷𑌃 । 𑌯𑍋॑-𑌽𑌪॒𑌤𑍍𑌨𑍀𑌕𑌃॑ । 𑌨 𑌪𑍍𑌰॒𑌜𑌾𑌃 𑌪𑍍𑌰𑌜𑌾॑𑌯𑍇𑌰𑌨𑍍𑌨𑍍 । 𑌪𑌤𑍍𑌨𑍍𑌯𑌨𑍍𑌵𑌾᳚𑌸𑍍𑌤𑍇 । 𑌯॒𑌜𑍍𑌞𑌮𑍇॒𑌵𑌾𑌕𑌃॑ । 𑌪𑍍𑌰॒𑌜𑌾𑌨𑌾᳚-𑌮𑍍𑌪𑍍𑌰॒𑌜𑌨॑𑌨𑌾𑌯 । 𑌯-𑌤𑍍𑌤𑌿𑌷𑍍𑌠॑𑌨𑍍𑌤𑍀 𑌸॒𑌨𑌂𑌹𑍍𑌯𑍇॑𑌤 ।
𑌪𑍍𑌰𑌿॒𑌯-𑌞𑍍𑌜𑍍𑌞𑌾॒𑌤𑌿𑌗𑍍​𑌮𑍍 𑌰𑍁॑𑌨𑍍𑌧𑍍𑌯𑌾𑌤𑍍 । 𑌆𑌸𑍀॑𑌨𑌾॒ 𑌸𑌨𑍍𑌨॑𑌹𑍍𑌯𑌤𑍇 ।
𑌆𑌸𑍀॑𑌨𑌾॒ 𑌹𑍍𑌯𑍇॑𑌷𑌾 𑌵𑍀॒𑌰𑍍𑌯॑-𑌙𑍍𑌕॒𑌰𑍋𑌤𑌿॑ ॥ 11 ॥

𑌯-𑌤𑍍𑌪॒𑌶𑍍𑌚𑌾𑌤𑍍-𑌪𑍍𑌰𑌾𑌚𑍍𑌯॒𑌨𑍍𑌵𑌾𑌸𑍀॑𑌤 । 𑌅॒𑌨𑌯𑌾॑ 𑌸॒𑌮𑌦॑-𑌨𑍍𑌦𑌧𑍀𑌤 ।
𑌦𑍇॒𑌵𑌾𑌨𑌾॒-𑌮𑍍𑌪𑌤𑍍𑌨𑌿॑𑌯𑌾 𑌸॒𑌮𑌦॑-𑌨𑍍𑌦𑌧𑍀𑌤 । 𑌦𑍇𑌶𑌾᳚-𑌦𑍍𑌦𑌕𑍍𑌷𑌿𑌣॒𑌤 𑌉𑌦𑍀॒𑌚𑍍𑌯𑌨𑍍𑌵𑌾᳚𑌸𑍍𑌤𑍇 । 𑌆॒𑌤𑍍𑌮𑌨𑍋॑ 𑌗𑍋𑌪𑍀॒𑌥𑌾𑌯॑ ॥ 𑌆॒𑌶𑌾𑌸𑌾॑𑌨𑌾 𑌸𑍌𑌮𑌨॒𑌸𑌮𑌿𑌤𑍍𑌯𑌾॑𑌹 । 𑌮𑍇𑌦𑍍𑌧𑍍𑌯𑌾॑𑌮𑍇॒𑌵𑍈𑌨𑌾॒-𑌙𑍍𑌕𑍇𑌵॑𑌲𑍀-𑌙𑍍𑌕𑍃॒𑌤𑍍𑌵𑌾 । 𑌆॒𑌶𑌿𑌷𑌾॒ 𑌸𑌮॑𑌰𑍍𑌧𑌯𑌤𑌿 ।
𑌅॒𑌗𑍍𑌨𑍇𑌰𑌨𑍁॑𑌵𑍍𑌰𑌤𑌾 𑌭𑍂॒𑌤𑍍𑌵𑌾 𑌸𑌨𑍍𑌨॑𑌹𑍍𑌯𑍇 𑌸𑍁𑌕𑍃॒𑌤𑌾𑌯॒ 𑌕𑌮𑌿𑌤𑍍𑌯𑌾॑𑌹 । 𑌏॒𑌤𑌦𑍍𑌵𑍈 𑌪𑌤𑍍𑌨𑌿॑𑌯𑍈 𑌵𑍍𑌰𑌤𑍋𑌪॒𑌨𑌯॑𑌨𑌮𑍍 ॥ 12 ॥

𑌤𑍇𑌨𑍈॒𑌵𑍈𑌨𑌾𑌂᳚-𑌵𑍍𑌰𑌁॒𑌤𑌮𑍁𑌪॑𑌨𑌯𑌤𑌿 । 𑌤𑌸𑍍𑌮𑌾॑𑌦𑌾𑌹𑍁𑌃 ।
𑌯𑌶𑍍𑌚𑍈॒𑌵𑌂-𑌵𑍇𑌁𑌦॒ 𑌯𑌶𑍍𑌚॒𑌨 । 𑌯𑍋𑌕𑍍𑌤𑍍𑌰॑𑌮𑍇॒𑌵 𑌯𑍁॑𑌤𑍇 । 𑌯𑌮॒𑌨𑍍𑌵𑌾𑌸𑍍𑌤𑍇᳚ । 𑌤𑌸𑍍𑌯𑌾॒𑌮𑍁𑌷𑍍𑌮𑌿॑𑌨𑍍 𑌁𑌲𑍋॒𑌕𑍇 𑌭॑𑌵॒𑌤𑍀𑌤𑌿॒ 𑌯𑍋𑌕𑍍𑌤𑍍𑌰𑍇॑𑌣 । 𑌯-𑌦𑍍𑌯𑍋𑌕𑍍𑌤𑍍𑌰᳚𑌮𑍍 । 𑌸 𑌯𑍋𑌗𑌃॑ । 𑌯𑌦𑌾𑌸𑍍𑌤𑍇᳚ । 𑌸 𑌕𑍍𑌷𑍇𑌮𑌃॑ ॥ 13 ॥

𑌯𑍋॒𑌗॒𑌕𑍍𑌷𑍇॒𑌮𑌸𑍍𑌯॒ 𑌕𑍍𑌲𑍃𑌪𑍍𑌤𑍍𑌯𑍈᳚ ॥ 𑌯𑍁॒𑌕𑍍𑌤-𑌙𑍍𑌕𑍍𑌰𑌿॑𑌯𑌾𑌤𑌾 𑌆॒𑌶𑍀𑌃 𑌕𑌾𑌮𑍇॑ 𑌯𑍁𑌜𑍍𑌯𑌾𑌤𑌾॒ 𑌇𑌤𑌿॑ । 𑌆॒𑌶𑌿𑌷॒-𑌸𑍍𑌸𑌮𑍃॑𑌦𑍍𑌧𑍍𑌯𑍈 । 𑌗𑍍𑌰॒𑌨𑍍𑌥𑌿-𑌙𑍍𑌗𑍍𑌰॑𑌥𑍍𑌨𑌾𑌤𑌿 । 𑌆॒𑌶𑌿𑌷॑ 𑌏॒𑌵𑌾𑌸𑍍𑌯𑌾॒-𑌮𑍍𑌪𑌰𑌿॑𑌗𑍃𑌹𑍍𑌣𑌾𑌤𑌿 ।
𑌪𑍁𑌮𑌾॒𑌨𑍍॒. 𑌵𑍈 𑌗𑍍𑌰॒𑌨𑍍𑌥𑌿𑌃 । 𑌸𑍍𑌤𑍍𑌰𑍀 𑌪𑌤𑍍𑌨𑍀᳚ । 𑌤-𑌨𑍍𑌮𑌿॑𑌥𑍁॒𑌨𑌮𑍍 ।
𑌮𑌿॒𑌥𑍁॒𑌨𑌮𑍇॒𑌵𑌾𑌸𑍍𑌯॒ 𑌤-𑌦𑍍𑌯॒𑌜𑍍𑌞𑍇 𑌕॑𑌰𑍋𑌤𑌿 𑌪𑍍𑌰॒𑌜𑌨॑𑌨𑌾𑌯 ।
𑌪𑍍𑌰𑌜𑌾॑𑌯𑌤𑍇 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒-𑌰𑍍𑌯𑌜॑𑌮𑌾𑌨𑌃 ॥ 14 ॥

𑌅𑌥𑍋॑ 𑌅॒𑌰𑍍𑌧𑍋 𑌵𑌾 𑌏॒𑌷 𑌆॒𑌤𑍍𑌮𑌨𑌃॑ । 𑌯-𑌤𑍍𑌪𑌤𑍍𑌨𑍀᳚ ।
𑌯॒𑌜𑍍𑌞𑌸𑍍𑌯॒ 𑌧𑍃𑌤𑍍𑌯𑌾॒ 𑌅𑌶𑌿॑𑌥𑌿𑌲𑌮𑍍𑌭𑌾𑌵𑌾𑌯 ॥
𑌸𑍁॒𑌪𑍍𑌰॒𑌜𑌸॑𑌸𑍍𑌤𑍍𑌵𑌾 𑌵॒𑌯𑌗𑍍​𑌮𑍍 𑌸𑍁॒𑌪𑌤𑍍𑌨𑍀॒𑌰𑍁𑌪॑𑌸𑍇𑌦𑌿॒𑌮𑍇𑌤𑍍𑌯𑌾॑𑌹 ।
𑌯॒𑌜𑍍𑌞𑌮𑍇॒𑌵 𑌤-𑌨𑍍𑌮𑌿॑𑌥𑍁॒𑌨𑍀 𑌕॑𑌰𑍋𑌤𑌿 । 𑌊॒𑌨𑍇-𑌽𑌤𑌿॑𑌰𑌿𑌕𑍍𑌤-𑌨𑍍𑌧𑍀𑌯𑌾𑌤𑌾॒ 𑌇𑌤𑌿॒ 𑌪𑍍𑌰𑌜𑌾᳚𑌤𑍍𑌯𑍈 ॥ 𑌮॒𑌹𑍀॒𑌨𑌾-𑌮𑍍𑌪𑌯𑍋॒-𑌽𑌸𑍍𑌯𑍋𑌷॑𑌧𑍀𑌨𑌾॒𑌗𑍍​𑌮𑍍॒ 𑌰𑌸॒ 𑌇𑌤𑍍𑌯𑌾॑𑌹 । 𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒-𑌤𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 । 𑌤𑌸𑍍𑌯॒ 𑌤𑍇-𑌽𑌕𑍍𑌷𑍀॑𑌯𑌮𑌾𑌣𑌸𑍍𑌯॒ 𑌨𑌿𑌰𑍍𑌵॑𑌪𑌾𑌮𑌿 𑌦𑍇𑌵𑌯॒𑌜𑍍𑌯𑌾𑌯𑌾॒ 𑌇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ॥ 15 ॥
(𑌕॒𑌰𑍋𑌤𑌿॑ - 𑌵𑍍𑌰𑌤𑍋𑌪॒𑌨𑌯॑𑌨𑌂॒ - 𑌕𑍍𑌷𑍇𑌮𑍋॒ - 𑌯𑌜॑𑌮𑌾𑌨𑌃 - 𑌶𑌾𑌸𑍍𑌤𑍇) (𑌅. 3)

𑌅𑌨𑍁𑌵𑌾𑌕𑌂 4 - 𑌆𑌜𑍍𑌯𑍋𑌤𑍍𑌪𑌵𑌨𑌮𑍍
𑌘𑍃॒𑌤-𑌞𑍍𑌚॒ 𑌵𑍈 𑌮𑌧𑍁॑ 𑌚 𑌪𑍍𑌰॒𑌜𑌾𑌪॑𑌤𑌿𑌰𑌾𑌸𑍀𑌤𑍍 । 𑌯𑌤𑍋॒ 𑌮𑌦𑍍𑌧𑍍𑌵𑌾॑𑌸𑍀𑌤𑍍 । 𑌤𑌤𑌃॑ 𑌪𑍍𑌰॒𑌜𑌾 𑌅॑𑌸𑍃𑌜𑌤 ।
𑌤𑌸𑍍𑌮𑌾॒-𑌨𑍍𑌮𑌧𑍁॑𑌷𑌿 𑌪𑍍𑌰॒𑌜𑌨॑𑌨𑌮𑌿𑌵𑌾𑌸𑍍𑌤𑌿 ।
𑌤𑌸𑍍𑌮𑌾॒-𑌨𑍍𑌮𑌧𑍁॑𑌷𑌾॒ 𑌨 𑌪𑍍𑌰𑌚॑𑌰𑌨𑍍𑌤𑌿 । 𑌯𑌾॒𑌤𑌯𑌾॑𑌮॒ 𑌹𑌿 । 𑌆𑌜𑍍𑌯𑍇॑𑌨॒ 𑌪𑍍𑌰𑌚॑𑌰𑌨𑍍𑌤𑌿 । 𑌯॒𑌜𑍍𑌞𑍋 𑌵𑌾 𑌆𑌜𑍍𑌯᳚𑌮𑍍 । 𑌯॒𑌜𑍍𑌞𑍇𑌨𑍈॒𑌵 𑌯॒𑌜𑍍𑌞-𑌮𑍍𑌪𑍍𑌰𑌚॑𑌰॒𑌨𑍍𑌤𑍍𑌯𑌯𑌾॑𑌤𑌯𑌾𑌮𑌤𑍍𑌵𑌾𑌯 ।
𑌪𑌤𑍍𑌨𑍍𑌯𑌵𑍇᳚𑌕𑍍𑌷𑌤𑍇 ॥ 16 ॥

𑌮𑌿॒𑌥𑍁॒𑌨॒𑌤𑍍𑌵𑌾𑌯॒ 𑌪𑍍𑌰𑌜𑌾᳚𑌤𑍍𑌯𑍈 । 𑌯𑌦𑍍𑌵𑍈 𑌪𑌤𑍍𑌨𑍀॑ 𑌯॒𑌜𑍍𑌞𑌸𑍍𑌯॑ 𑌕॒𑌰𑍋𑌤𑌿॑ । 𑌮𑌿॒𑌥𑍁॒𑌨-𑌨𑍍𑌤𑌤𑍍 । 𑌅𑌥𑍋॒ 𑌪𑌤𑍍𑌨𑌿॑𑌯𑌾 𑌏॒𑌵𑍈𑌷 𑌯॒𑌜𑍍𑌞𑌸𑍍𑌯𑌾᳚𑌨𑍍𑌵𑌾𑌰॒𑌮𑍍𑌭𑍋-𑌽𑌨॑𑌵𑌚𑍍𑌛𑌿𑌤𑍍𑌤𑍍𑌯𑍈 ॥
𑌅॒𑌮𑍇॒𑌦𑍍𑌧𑍍𑌯𑌂-𑌵𑌾𑌁 𑌏॒𑌤-𑌤𑍍𑌕॑𑌰𑍋𑌤𑌿 । 𑌯-𑌤𑍍𑌪𑌤𑍍𑌨𑍍𑌯॒𑌵𑍇𑌕𑍍𑌷॑𑌤𑍇 ।
𑌗𑌾𑌰𑍍​𑌹॑𑌪॒𑌤𑍍𑌯𑍇 𑌽𑌧𑌿॑𑌶𑍍𑌰𑌯𑌤𑌿 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ । 𑌆॒𑌹॒𑌵॒𑌨𑍀𑌯॑-𑌮॒𑌭𑍍𑌯𑍁𑌦𑍍𑌦𑍍𑌰॑𑌵𑌤𑌿 । 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈 । 𑌤𑍇𑌜𑍋॑-𑌽𑌸𑌿॒ 𑌤𑍇𑌜𑍋-𑌽𑌨𑍁॒ 𑌪𑍍𑌰𑍇𑌹𑍀𑌤𑍍𑌯𑌾॑𑌹 ॥ 1𑍭 ॥

𑌤𑍇𑌜𑍋॒ 𑌵𑌾 𑌅॒𑌗𑍍𑌨𑌿𑌃 । 𑌤𑍇𑌜॒ 𑌆𑌜𑍍𑌯᳚𑌮𑍍 । 𑌤𑍇𑌜॑𑌸𑍈॒𑌵 𑌤𑍇𑌜॒-𑌸𑍍𑌸𑌮॑𑌰𑍍𑌧𑌯𑌤𑌿 । 𑌅॒𑌗𑍍𑌨𑌿𑌸𑍍𑌤𑍇॒ 𑌤𑍇𑌜𑍋॒ 𑌮𑌾 𑌵𑌿𑌨𑍈॒𑌦𑌿𑌤𑍍𑌯𑌾॒𑌹𑌾𑌹𑌿𑌗𑍍​𑌮𑍍॑𑌸𑌾𑌯𑍈 । 𑌸𑍍𑌫𑍍𑌯𑌸𑍍𑌯॒ 𑌵𑌰𑍍𑌤𑍍𑌮𑌨𑍍᳚𑌥𑍍
𑌸𑌾𑌦𑌯𑌤𑌿 । 𑌯॒𑌜𑍍𑌞𑌸𑍍𑌯॒ 𑌸𑌨𑍍𑌤॑𑌤𑍍𑌯𑍈 । 𑌅॒𑌗𑍍𑌨𑍇𑌰𑍍𑌜𑌿॒𑌹𑍍𑌵𑌾-𑌽𑌸𑌿॑ 𑌸𑍁॒𑌭𑍂𑌰𑍍𑌦𑍇॒𑌵𑌾𑌨𑌾॒𑌮𑌿𑌤𑍍𑌯𑌾॑𑌹 । 𑌯॒𑌥𑌾॒ 𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌧𑌾𑌮𑍍𑌨𑍇॑𑌧𑌾𑌮𑍍𑌨𑍇 𑌦𑍇॒𑌵𑍇𑌭𑍍𑌯𑍋॒ 𑌯𑌜𑍁॑𑌷𑍇𑌯𑌜𑍁𑌷𑍇 𑌭॒𑌵𑍇𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ॥ 1𑍮 ॥

𑌤𑌦𑍍𑌵𑌾 𑌅𑌤𑌃॑ 𑌪॒𑌵𑌿𑌤𑍍𑌰𑌾᳚𑌭𑍍𑌯𑌾𑌮𑍇॒𑌵𑍋-𑌤𑍍𑌪𑍁॑𑌨𑌾𑌤𑌿 । 𑌯𑌜॑𑌮𑌾𑌨𑍋॒ 𑌵𑌾 𑌆𑌜𑍍𑌯᳚𑌮𑍍 । 𑌪𑍍𑌰𑌾॒𑌣𑌾॒𑌪𑌾॒𑌨𑍌 𑌪॒𑌵𑌿𑌤𑍍𑌰𑍇᳚ । 𑌯𑌜॑𑌮𑌾𑌨 𑌏॒𑌵 𑌪𑍍𑌰𑌾॑𑌣𑌾𑌪𑌾॒𑌨𑍌 𑌦॑𑌧𑌾𑌤𑌿 । 𑌪𑍁॒𑌨॒𑌰𑌾॒𑌹𑌾𑌰᳚𑌮𑍍 ।
𑌏॒𑌵𑌮𑌿॑𑌵॒ 𑌹𑌿 𑌪𑍍𑌰𑌾॑𑌣𑌾𑌪𑌾॒𑌨𑍌 𑌸॒𑌚𑌂𑌰॑𑌤𑌃 ।
𑌶𑍁॒𑌕𑍍𑌰𑌮॑𑌸𑌿॒ 𑌜𑍍𑌯𑍋𑌤𑌿॑𑌰𑌸𑌿॒ 𑌤𑍇𑌜𑍋॒-𑌽𑌸𑍀𑌤𑍍𑌯𑌾॑𑌹 ।
𑌰𑍂॒𑌪𑌮𑍇॒𑌵𑌾𑌸𑍍𑌯𑍈॒ 𑌤-𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 । 𑌤𑍍𑌰𑌿𑌰𑍍𑌯𑌜𑍁॑𑌷𑌾 । 𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 ॥ 1𑍯 ॥
𑌏॒𑌷𑌾𑌂-𑌲𑍋𑌁॒𑌕𑌾𑌨𑌾॒𑌮𑌾𑌪𑍍𑌤𑍍𑌯𑍈᳚ । 𑌤𑍍𑌰𑌿𑌃 । 𑌤𑍍𑌰𑍍𑌯𑌾॑𑌵𑍃॒𑌦𑍍𑌧𑌿 𑌯॒𑌜𑍍𑌞𑌃 ।
𑌅𑌥𑍋॑ 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ । 𑌅𑌥𑌾𑌜𑍍𑌯॑𑌵𑌤𑍀𑌭𑍍𑌯𑌾𑌮॒𑌪𑌃 । 𑌰𑍂॒𑌪𑌮𑍇॒𑌵𑌾𑌸𑌾॑𑌮𑍇॒𑌤-𑌦𑍍𑌵𑌰𑍍𑌣॑-𑌨𑍍𑌦𑌧𑌾𑌤𑌿 ।
𑌅𑌪𑌿॒ 𑌵𑌾 𑌉॒𑌤𑌾𑌹𑍁𑌃॑ । 𑌯𑌥𑌾॑ 𑌹॒ 𑌵𑍈 𑌯𑍋𑌷𑌾॑ 𑌸𑍁॒𑌵𑌰𑍍𑌣॒𑌗𑍍​𑌮𑍍॒ 𑌹𑌿𑌰॑𑌣𑍍𑌯-𑌮𑍍𑌪𑍇𑌶॒𑌲-𑌮𑍍𑌬𑌿𑌭𑍍𑌰॑𑌤𑍀 𑌰𑍂॒𑌪𑌾𑌣𑍍𑌯𑌾𑌸𑍍𑌤𑍇᳚ ।
𑌏॒𑌵𑌮𑍇॒𑌤𑌾 𑌏॒𑌤𑌰𑍍​𑌹𑍀𑌤𑌿॑ । 𑌆𑌪𑍋॒ 𑌵𑍈 𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ ॥ 20 ॥

𑌏॒𑌷𑌾 𑌹𑌿 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾᳚-𑌨𑍍𑌤॒𑌨𑍂𑌃 । 𑌯𑌦𑌾𑌜𑍍𑌯᳚𑌮𑍍 ॥ 𑌤𑌤𑍍𑌰𑍋॒𑌭𑌯𑍋᳚𑌰𑍍𑌮𑍀𑌮𑌾॒𑌗𑍍​𑌮𑍍॒𑌸𑌾 । 𑌜𑌾॒𑌮𑌿 𑌸𑍍𑌯𑌾𑌤𑍍 । 𑌯-𑌦𑍍𑌯𑌜𑍁॒𑌷𑌾-𑌽𑌽𑌜𑍍𑌯𑌂॒-𑌯𑌁𑌜𑍁॑𑌷𑌾॒-𑌽𑌪 𑌉॑𑌤𑍍𑌪𑍁𑌨𑍀॒𑌯𑌾𑌤𑍍 ।
𑌛𑌨𑍍𑌦॑𑌸𑌾॒-𑌽𑌪 𑌉𑌤𑍍𑌪𑍁॑𑌨𑌾॒𑌤𑍍𑌯𑌜𑌾॑𑌮𑌿𑌤𑍍𑌵𑌾𑌯 । 𑌅𑌥𑍋॑ 𑌮𑌿𑌥𑍁𑌨॒𑌤𑍍𑌵𑌾𑌯॑ । 𑌸𑌾॒𑌵𑌿॒𑌤𑍍𑌰𑌿॒𑌯𑌰𑍍𑌚𑌾 । 𑌸॒𑌵𑌿॒𑌤𑍃𑌪𑍍𑌰॑𑌸𑍂𑌤-𑌮𑍍𑌮𑍇॒ 𑌕𑌰𑍍𑌮𑌾॑𑌸॒𑌦𑌿𑌤𑌿॑ । 𑌸॒𑌵𑌿॒𑌤𑍃𑌪𑍍𑌰॑𑌸𑍂𑌤𑌮𑍇॒𑌵𑌾𑌸𑍍𑌯॒ 𑌕𑌰𑍍𑌮॑ 𑌭𑌵𑌤𑌿 । 𑌪॒𑌚𑍍𑌛𑍋 𑌗𑌾॑𑌯𑌤𑍍𑌰𑌿॒𑌯𑌾 𑌤𑍍𑌰𑌿॑-𑌷𑍍𑌷𑌮𑍃𑌦𑍍𑌧॒𑌤𑍍𑌵𑌾𑌯॑ । 𑌅॒𑌦𑍍𑌭𑌿𑌰𑍇॒𑌵𑍌𑌷॑𑌧𑍀॒-𑌸𑍍𑌸𑌨𑍍𑌨॑𑌯𑌤𑌿 । 𑌓𑌷॑𑌧𑍀𑌭𑌿𑌃 𑌪॒𑌶𑍂𑌨𑍍 । 𑌪॒𑌶𑍁𑌭𑌿॒𑌰𑍍𑌯𑌜॑𑌮𑌾𑌨𑌮𑍍 । 𑌶𑍁॒𑌕𑍍𑌰-𑌨𑍍𑌤𑍍𑌵𑌾॑ 𑌶𑍁॒𑌕𑍍𑌰𑌾𑌯𑌾॒-𑌞𑍍𑌜𑍍𑌯𑍋𑌤𑌿॑𑌸𑍍𑌤𑍍𑌵𑌾॒ 𑌜𑍍𑌯𑍋𑌤𑌿॑𑌷𑍍𑌯॒𑌰𑍍𑌚𑌿𑌸𑍍𑌤𑍍𑌵𑌾॒ 𑌽𑌰𑍍𑌚𑌿𑌷𑍀𑌤𑍍𑌯𑌾॑𑌹
𑌸𑌰𑍍𑌵॒𑌤𑍍𑌵𑌾𑌯॑ । 𑌪𑌰𑍍𑌯𑌾᳚𑌪𑍍𑌤𑍍𑌯𑌾॒ 𑌅𑌨॑𑌨𑍍𑌤𑌰𑌾𑌯𑌾𑌯 ॥ 21 ॥
(𑌈॒𑌕𑍍𑌷॒𑌤॒- 𑌆॒𑌹॒-𑌶𑌾॒𑌸𑍍𑌤𑍇॒-𑌲𑍋॒𑌕𑌾 - 𑌦𑍇॒𑌵𑌤𑌾॑ - 𑌭𑌵𑌤𑌿॒ 𑌷𑌟𑍍𑌚॑) (𑌅. 4)

𑌅𑌨𑍁𑌵𑌾𑌕𑌂 5 - 𑌆𑌜𑍍𑌯𑌗𑍍𑌰𑌹𑌣𑌮𑍍
𑌦𑍇॒𑌵𑌾॒𑌸𑍁॒𑌰𑌾-𑌸𑍍𑌸𑌂​𑌯𑌁॑𑌤𑍍𑌤𑌾 𑌆𑌸𑌨𑍍𑌨𑍍 ।
𑌸 𑌏॒𑌤𑌮𑌿𑌨𑍍𑌦𑍍𑌰॒ 𑌆𑌜𑍍𑌯॑𑌸𑍍𑌯𑌾𑌵𑌕𑌾॒𑌶-𑌮॑𑌪𑌶𑍍𑌯𑌤𑍍 ।
𑌤𑍇𑌨𑌾𑌵𑍈᳚𑌕𑍍𑌷𑌤 । 𑌤𑌤𑍋॑ 𑌦𑍇॒𑌵𑌾 𑌅𑌭॑𑌵𑌨𑍍𑌨𑍍 । 𑌪𑌰𑌾-𑌽𑌸𑍁॑𑌰𑌾𑌃 ।
𑌯 𑌏॒𑌵𑌂-𑌵𑌿𑌁॒𑌦𑍍𑌵𑌾𑌨𑌾𑌜𑍍𑌯॑-𑌮॒𑌵𑍇𑌕𑍍𑌷॑𑌤𑍇 ।
𑌭𑌵॑𑌤𑍍𑌯𑌾॒𑌤𑍍𑌮𑌨𑌾᳚ । 𑌪𑌰𑌾᳚-𑌽𑌸𑍍𑌯॒ 𑌭𑍍𑌰𑌾𑌤𑍃॑𑌵𑍍𑌯𑍋 𑌭𑌵𑌤𑌿 । 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 ।
𑌯𑌦𑌾𑌜𑍍𑌯𑍇॑𑌨𑌾॒𑌨𑍍𑌯𑌾𑌨𑌿॑ 𑌹॒𑌵𑍀𑌗𑍍​𑌷𑍍𑌯॑-𑌭𑌿𑌘𑌾॒𑌰𑌯॑𑌤𑌿 ॥ 22 ॥
𑌅𑌥॒ 𑌕𑍇𑌨𑌾𑌜𑍍𑌯॒𑌮𑌿𑌤𑌿॑ । 𑌸॒𑌤𑍍𑌯𑍇𑌨𑍇𑌤𑌿॑ 𑌬𑍍𑌰𑍂𑌯𑌾𑌤𑍍 । 𑌚𑌕𑍍𑌷𑍁॒𑌰𑍍𑌵𑍈 𑌸॒𑌤𑍍𑌯𑌮𑍍 । 𑌸॒𑌤𑍍𑌯𑍇𑌨𑍈॒𑌵𑍈𑌨॑𑌦॒-𑌭𑌿𑌘𑌾॑𑌰𑌯𑌤𑌿 । 𑌈॒𑌶𑍍𑌵॒𑌰𑍋 𑌵𑌾 𑌏॒𑌷𑍋᳚-𑌽𑌨𑍍𑌧𑍋 𑌭𑌵𑌿॑𑌤𑍋𑌃 । 𑌯𑌶𑍍𑌚𑌕𑍍𑌷𑍁॒𑌷𑌾 𑌽𑌽𑌜𑍍𑌯॑𑌮॒𑌵𑍇𑌕𑍍𑌷॑𑌤𑍇 । 𑌨𑌿॒𑌮𑍀𑌲𑍍𑌯𑌾𑌵𑍇᳚𑌕𑍍𑌷𑍇𑌤 । 𑌦𑌾॒𑌧𑌾𑌰𑌾॒𑌤𑍍𑌮𑌞𑍍𑌚𑌕𑍍𑌷𑍁𑌃॑ । 𑌅॒𑌭𑍍𑌯𑌾𑌜𑍍𑌯॑-𑌙𑍍𑌘𑌾𑌰𑌯𑌤𑌿 ॥ 𑌆𑌜𑍍𑌯॑-𑌙𑍍𑌗𑍃𑌹𑍍𑌣𑌾𑌤𑌿 ॥ 23 ॥

𑌛𑌨𑍍𑌦𑌾𑌗𑍍​𑌮𑍍॑𑌸𑌿॒ 𑌵𑌾 𑌆𑌜𑍍𑌯᳚𑌮𑍍 । 𑌛𑌨𑍍𑌦𑌾𑌗𑍍॑𑌸𑍍𑌯𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌚॒𑌤𑍁𑌰𑍍𑌜𑍁॒𑌹𑍍𑌵𑌾-𑌙𑍍𑌗𑍃॑𑌹𑍍𑌣𑌾𑌤𑌿 । 𑌚𑌤𑍁॑𑌷𑍍𑌪𑌾𑌦𑌃 𑌪॒𑌶𑌵𑌃॑ । 𑌪॒𑌶𑍂𑌨𑍇॒𑌵𑌾𑌵॑𑌰𑍁𑌨𑍍𑌧𑍇 । 𑌅॒𑌷𑍍𑌟𑌾𑌵𑍁॑𑌪॒𑌭𑍃𑌤𑌿॑ ।
𑌅॒𑌷𑍍𑌟𑌾𑌕𑍍𑌷॑𑌰𑌾 𑌗𑌾𑌯॒𑌤𑍍𑌰𑍀 । 𑌗𑌾॒𑌯॒𑌤𑍍𑌰𑌃 𑌪𑍍𑌰𑌾॒𑌣𑌃 । 𑌪𑍍𑌰𑌾॒𑌣𑌮𑍇॒𑌵 𑌪॒𑌶𑍁𑌷𑍁॑ 𑌦𑌧𑌾𑌤𑌿 ।
𑌚॒𑌤𑍁𑌰𑍍𑌧𑍍𑌰𑍁॒𑌵𑌾𑌯𑌾᳚𑌮𑍍 ॥ 24 ॥

𑌚𑌤𑍁॑𑌷𑍍𑌪𑌾𑌦𑌃 𑌪॒𑌶𑌵𑌃॑ । 𑌪॒𑌶𑍁𑌷𑍍𑌵𑍇॒-𑌵𑍋𑌪𑌰𑌿॑𑌷𑍍𑌟𑌾॒𑌤𑍍-𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌯॒𑌜॒𑌮𑌾॒𑌨॒𑌦𑍇॒𑌵॒𑌤𑍍𑌯𑌾॑ 𑌵𑍈 𑌜𑍁॒𑌹𑍂𑌃 । 𑌭𑍍𑌰𑌾॒𑌤𑍃॒𑌵𑍍𑌯॒𑌦𑍇॒𑌵॒𑌤𑍍𑌯𑍋॑𑌪॒𑌭𑍃𑌤𑍍 ।
𑌚॒𑌤𑍁𑌰𑍍𑌜𑍁॒𑌹𑍍𑌵𑌾-𑌙𑍍𑌗𑍃॒𑌹𑍍𑌣𑌨𑍍𑌭𑍂𑌯𑍋॑ 𑌗𑍃𑌹𑍍𑌣𑍀𑌯𑌾𑌤𑍍 । 𑌅॒𑌷𑍍𑌟𑌾𑌵𑍁॑𑌪॒𑌭𑍃𑌤𑌿॑ 𑌗𑍃॒𑌹𑍍𑌣𑌨𑍍 𑌕𑌨𑍀॑𑌯𑌃 ।
𑌯𑌜॑𑌮𑌾𑌨𑌾𑌯𑍈॒𑌵 𑌭𑍍𑌰𑌾𑌤𑍃॑𑌵𑍍𑌯॒𑌮𑍁𑌪॑𑌸𑍍𑌤𑌿-𑌙𑍍𑌕𑌰𑍋𑌤𑌿 ॥
𑌗𑍌𑌰𑍍𑌵𑍈 𑌸𑍍𑌰𑍁𑌚𑌃॑ । 𑌚॒𑌤𑍁𑌰𑍍𑌜𑍁॒𑌹𑍍𑌵𑌾-𑌙𑍍𑌗𑍃॑𑌹𑍍𑌣𑌾𑌤𑌿 । 𑌤𑌸𑍍𑌮𑌾॒𑌚𑍍𑌚𑌤𑍁॑𑌷𑍍𑌪𑌦𑍀 ॥ 25 ॥

𑌅॒𑌷𑍍𑌟𑌾𑌵𑍁॑𑌪॒𑌭𑍃𑌤𑌿॑ । 𑌤𑌸𑍍𑌮𑌾॑𑌦॒𑌷𑍍𑌟𑌾𑌶॑𑌫𑌾 । 𑌚॒𑌤𑍁𑌰𑍍𑌧𑍍𑌰𑍁॒𑌵𑌾𑌯𑌾᳚𑌮𑍍 । 𑌤𑌸𑍍𑌮𑌾॒𑌚𑍍𑌚𑌤𑍁॑-𑌸𑍍𑌸𑍍𑌤𑌨𑌾 ।
𑌗𑌾𑌮𑍇॒𑌵 𑌤-𑌥𑍍𑌸𑌗𑍍𑌗𑍍​𑌸𑍍𑌕॑𑌰𑍋𑌤𑌿 । 𑌸𑌾-𑌽𑌸𑍍𑌮𑍈॒ 𑌸𑌗𑍍𑌗𑍍​𑌸𑍍𑌕𑍃॒𑌤𑍇𑌷॒𑌮𑍂𑌰𑍍𑌜॑-𑌨𑍍𑌦𑍁𑌹𑍇 ।
𑌯𑌜𑍍𑌜𑍁॒𑌹𑍍𑌵𑌾-𑌙𑍍𑌗𑍃॒𑌹𑍍𑌣𑌾𑌤𑌿॑ । 𑌪𑍍𑌰॒𑌯𑌾॒𑌜𑍇𑌭𑍍𑌯॒𑌸𑍍𑌤𑌤𑍍 ।
𑌯𑌦𑍁॑𑌪॒𑌭𑍃𑌤𑌿॑ । 𑌪𑍍𑌰॒𑌯𑌾॒𑌜𑌾॒𑌨𑍂॒𑌯𑌾॒𑌜𑍇𑌭𑍍𑌯॒𑌸𑍍𑌤𑌤𑍍 । 𑌸𑌰𑍍𑌵॑𑌸𑍍𑌮𑍈॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌾𑌯॑ 𑌗𑍃𑌹𑍍𑌯𑌤𑍇 ।
𑌯𑌦𑍍𑌧𑍍𑌰𑍁॒𑌵𑌾𑌯𑌾॒𑌮𑌾𑌜𑍍𑌯᳚𑌮𑍍 ॥ 26 ॥
(𑌅॒𑌭𑌿॒𑌘𑌾॒𑌰𑌯॑𑌤𑌿 - 𑌗𑍃𑌹𑍍𑌣𑌾𑌤𑌿 - 𑌧𑍍𑌰𑍁॒𑌵𑌾𑌯𑌾𑌂॒ - 𑌚𑌤𑍁॑𑌷𑍍𑌪𑌦𑍀॒ - 𑌪𑍍𑌰𑌯𑌾𑌜𑌾𑌨𑍂𑌯𑌾॒𑌜𑍇𑌭𑍍𑌯॒𑌸𑍍𑌤-𑌦𑍍𑌦𑍍𑌵𑍇॒ 𑌚॑) (𑌅. 5)

𑌅𑌨𑍁𑌵𑌾𑌕𑌂 6 - 𑌸𑍍𑌤𑍍𑌰𑍁𑌖𑍍𑌸𑌾𑌦𑌨𑌮𑍍
𑌆𑌪𑍋॑ 𑌦𑍇𑌵𑍀𑌰𑌗𑍍𑌰𑍇𑌪𑍁𑌵𑍋 𑌅𑌗𑍍𑌰𑍇𑌗𑍁𑌵॒ 𑌇𑌤𑍍𑌯𑌾॑𑌹 । 𑌰𑍂॒𑌪𑌮𑍇॒𑌵𑌾𑌸𑌾॑𑌮𑍇॒𑌤-𑌨𑍍𑌮॑𑌹𑌿॒𑌮𑌾𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 ।
𑌅𑌗𑍍𑌰॑ 𑌇॒𑌮𑌂-𑌯𑌁॒𑌜𑍍𑌞-𑌨𑍍𑌨॑𑌯॒𑌤𑌾𑌗𑍍𑌰𑍇॑ 𑌯॒𑌜𑍍𑌞𑌪॑𑌤𑌿॒𑌮𑌿𑌤𑍍𑌯𑌾॑𑌹 । 𑌅𑌗𑍍𑌰॑ 𑌏॒𑌵 𑌯॒𑌜𑍍𑌞-𑌨𑍍𑌨॑𑌯𑌨𑍍𑌤𑌿 । 𑌅𑌗𑍍𑌰𑍇॑ 𑌯॒𑌜𑍍𑌞𑌪॑𑌤𑌿𑌮𑍍 ।
𑌯𑍁॒𑌷𑍍𑌮𑌾𑌨𑌿𑌨𑍍𑌦𑍍𑌰𑍋॑-𑌽𑌵𑍃𑌣𑍀𑌤 𑌵𑍃𑌤𑍍𑌰॒𑌤𑍂𑌰𑍍𑌯𑍇॑ 𑌯𑍂॒𑌯𑌮𑌿𑌨𑍍𑌦𑍍𑌰॑𑌮𑌵𑍃𑌣𑍀𑌦𑍍𑌧𑍍𑌵𑌂-𑌵𑍃𑌁𑌤𑍍𑌰॒𑌤𑍂𑌰𑍍𑌯॒ 𑌇𑌤𑍍𑌯𑌾॑𑌹 ।
𑌵𑍃॒𑌤𑍍𑌰𑌗𑍍​𑌮𑍍 𑌹॑ 𑌹𑌨𑌿॒𑌷𑍍𑌯𑌨𑍍𑌨𑌿𑌨𑍍𑌦𑍍𑌰॒ 𑌆𑌪𑍋॑ 𑌵𑌵𑍍𑌰𑍇 । 𑌆𑌪𑍋॒ 𑌹𑍇𑌨𑍍𑌦𑍍𑌰𑌂॑-𑌵𑌁𑌵𑍍𑌰𑌿𑌰𑍇 । 𑌸॒𑌜𑍍𑌞𑌾𑌂-𑌮𑍇॒𑌵𑌾𑌸𑌾॑-𑌮𑍇॒𑌤-𑌥𑍍𑌸𑌾𑌮𑌾॑𑌨𑌂॒-𑌵𑍍𑌯𑌾𑌁𑌚॑𑌷𑍍𑌟𑍇 । 𑌪𑍍𑌰𑍋𑌕𑍍𑌷𑌿॑𑌤𑌾॒-𑌸𑍍𑌸𑍍𑌥𑍇𑌤𑍍𑌯𑌾॑𑌹 ॥ 2𑍭 ॥

𑌤𑍇𑌨𑌾𑌪𑌃॒ 𑌪𑍍𑌰𑍋𑌕𑍍𑌷𑌿॑𑌤𑌾𑌃 ॥ 𑌅॒𑌗𑍍𑌨𑌿-𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤 । 𑌕𑍃𑌷𑍍𑌣𑍋॑ 𑌰𑍂॒𑌪-𑌙𑍍𑌕𑍃॒𑌤𑍍𑌵𑌾 । 𑌸 𑌵𑌨॒𑌸𑍍𑌪𑌤𑍀॒-𑌨𑍍𑌪𑍍𑌰𑌾𑌵𑌿॑𑌶𑌤𑍍 । 𑌕𑍃𑌷𑍍𑌣𑍋᳚-𑌽𑌸𑍍𑌯𑌾𑌖𑌰𑍇॒𑌷𑍍𑌠𑍋᳚-𑌽𑌗𑍍𑌨𑌯𑍇᳚ 𑌤𑍍𑌵𑌾॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ।
𑌅॒𑌗𑍍𑌨𑌯॑ 𑌏॒𑌵𑍈𑌨॒-𑌞𑍍𑌜𑍁𑌷𑍍𑌟॑-𑌙𑍍𑌕𑌰𑍋𑌤𑌿 । 𑌅𑌥𑍋॑ 𑌅॒𑌗𑍍𑌨𑍇𑌰𑍇॒𑌵 𑌮𑍇𑌧॒𑌮𑌵॑𑌰𑍁𑌨𑍍𑌧𑍇 ॥ 𑌵𑍇𑌦𑌿॑𑌰𑌸𑌿 𑌬॒𑌰𑍍॒𑌹𑌿𑌷𑍇᳚ 𑌤𑍍𑌵𑌾॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌃 । 𑌪𑍃॒𑌥𑌿॒𑌵𑍀 𑌵𑍇𑌦𑌿𑌃॑ ॥ 2𑍮 ॥

𑌪𑍍𑌰॒𑌜𑌾 𑌏॒𑌵 𑌪𑍃॑𑌥𑌿॒𑌵𑍍𑌯𑌾-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ।
𑌬॒𑌰𑍍॒𑌹𑌿𑌰॑𑌸𑌿 𑌸𑍍𑌰𑍁॒𑌗𑍍𑌭𑍍𑌯𑌸𑍍𑌤𑍍𑌵𑌾॒ 𑌸𑍍𑌵𑌾𑌹𑍇𑌤𑍍𑌯𑌾॑𑌹 ।
𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌃 । 𑌯𑌜॑𑌮𑌾𑌨॒-𑌸𑍍𑌸𑍍𑌰𑍁𑌚𑌃॑ । 𑌯𑌜॑𑌮𑌾𑌨𑌮𑍇॒𑌵 𑌪𑍍𑌰॒𑌜𑌾𑌸𑍁॒ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥
𑌦𑌿॒𑌵𑍇 𑌤𑍍𑌵𑌾॒-𑌽𑌨𑍍𑌤𑌰𑌿॑𑌕𑍍𑌷𑌾𑌯 𑌤𑍍𑌵𑌾 𑌪𑍃𑌥𑌿॒𑌵𑍍𑌯𑍈 𑌤𑍍𑌵𑍇𑌤𑌿॑ 𑌬॒𑌰𑍍॒𑌹𑌿𑌰𑌾॒𑌸𑌾𑌦𑍍𑌯॒ 𑌪𑍍𑌰𑍋𑌕𑍍𑌷॑𑌤𑌿 । 𑌏॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯𑌃॒ 𑌪𑍍𑌰𑍋𑌕𑍍𑌷॑𑌤𑌿 । 𑌅𑌥॒ 𑌤𑌤॑-𑌸𑍍𑌸॒𑌹 𑌸𑍍𑌰𑍁॒𑌚𑌾 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚॑-𑌙𑍍𑌗𑍍𑌰॒𑌨𑍍𑌥𑌿-𑌮𑍍𑌪𑍍𑌰𑌤𑍍𑌯𑍁॑𑌕𑍍𑌷𑌤𑌿 ।
𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌃 । 𑌯𑌥𑌾॒ 𑌸𑍂𑌤𑍍𑌯𑍈॑ 𑌕𑌾॒𑌲 𑌆𑌪𑌃॑
𑌪𑍁॒𑌰𑌸𑍍𑌤𑌾॒-𑌦𑍍𑌯𑌨𑍍𑌤𑌿॑ ॥ 2𑍯 ॥

𑌤𑌾॒𑌦𑍃𑌗𑍇॒𑌵 𑌤𑌤𑍍 ॥ 𑌸𑍍𑌵॒𑌧𑌾 𑌪𑌿॒𑌤𑍃𑌭𑍍𑌯॒ 𑌇𑌤𑍍𑌯𑌾॑𑌹 । 𑌸𑍍𑌵॒𑌧𑌾॒𑌕𑌾॒𑌰𑍋 𑌹𑌿 𑌪𑌿॑𑌤𑍃॒𑌣𑌾𑌮𑍍 । 𑌊𑌰𑍍𑌗𑍍𑌭॑𑌵 𑌬𑌰𑍍​𑌹𑌿॒𑌷𑌦𑍍𑌭𑍍𑌯॒ 𑌇𑌤𑌿॒ 𑌦𑌕𑍍𑌷𑌿॑𑌣𑌾𑌯𑍈॒ 𑌶𑍍𑌰𑍋𑌣𑍇॒𑌰𑍋𑌤𑍍𑌤॑𑌰𑌸𑍍𑌯𑍈॒ 𑌨𑌿𑌨॑𑌯𑌤𑌿॒ 𑌸𑌨𑍍𑌤॑𑌤𑍍𑌯𑍈 ।
𑌮𑌾𑌸𑌾॒ 𑌵𑍈 𑌪𑌿॒𑌤𑌰𑍋॑ 𑌬𑌰𑍍​𑌹𑌿॒𑌷𑌦𑌃॑ । 𑌮𑌾𑌸𑌾॑𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 ।
𑌮𑌾𑌸𑌾॒ 𑌵𑌾 𑌓𑌷॑𑌧𑍀-𑌰𑍍𑌵॒𑌰𑍍𑌧𑌯॑𑌨𑍍𑌤𑌿 । 𑌮𑌾𑌸𑌾𑌃᳚ 𑌪𑌚𑌨𑍍𑌤𑌿॒ 𑌸𑌮𑍃॑𑌦𑍍𑌧𑍍𑌯𑍈 । 𑌅𑌨॑𑌤𑌿𑌸𑍍𑌕𑌨𑍍𑌦𑌨𑍍. 𑌹 𑌪॒𑌰𑍍𑌜𑌨𑍍𑌯𑍋॑ 𑌵𑌰𑍍​𑌷𑌤𑌿 । 𑌯𑌤𑍍𑌰𑍈॒𑌤𑌦𑍇॒𑌵-𑌙𑍍𑌕𑍍𑌰𑌿॒𑌯𑌤𑍇᳚ ॥ 30 ॥

𑌊॒𑌰𑍍𑌜𑌾 𑌪𑍃॑𑌥𑌿॒𑌵𑍀-𑌙𑍍𑌗॑𑌚𑍍𑌛॒𑌤𑍇𑌤𑍍𑌯𑌾॑𑌹 । 𑌪𑍃॒𑌥𑌿॒𑌵𑍍𑌯𑌾𑌮𑍇॒𑌵𑍋𑌰𑍍𑌜॑-𑌨𑍍𑌦𑌧𑌾𑌤𑌿 ।
𑌤𑌸𑍍𑌮𑌾᳚-𑌤𑍍𑌪𑍃𑌥𑌿॒𑌵𑍍𑌯𑌾 𑌊॒𑌰𑍍𑌜𑌾 𑌭𑍁॑𑌞𑍍𑌜𑌤𑍇 । 𑌗𑍍𑌰॒𑌨𑍍𑌥𑌿𑌂-𑌵𑌿𑌁𑌸𑍍𑌰𑌗𑍍​𑌮𑍍॑𑌸𑌯𑌤𑌿 । 𑌪𑍍𑌰𑌜॑𑌨𑌯𑌤𑍍𑌯𑍇॒𑌵 𑌤𑌤𑍍 । 𑌊॒𑌰𑍍𑌧𑍍𑌵-𑌮𑍍𑌪𑍍𑌰𑌾𑌞𑍍𑌚॒𑌮𑍁𑌦𑍍𑌗𑍂॑𑌢-𑌮𑍍𑌪𑍍𑌰॒𑌤𑍍𑌯𑌞𑍍𑌚॒𑌮𑌾𑌯॑𑌚𑍍𑌛𑌤𑌿 ।
𑌤𑌸𑍍𑌮𑌾᳚-𑌤𑍍𑌪𑍍𑌰𑌾॒𑌚𑍀𑌨॒𑌗𑍍​𑌮𑍍॒ 𑌰𑍇𑌤𑍋॑ 𑌧𑍀𑌯𑌤𑍇 । 𑌪𑍍𑌰॒𑌤𑍀𑌚𑍀𑌃᳚ 𑌪𑍍𑌰॒𑌜𑌾 𑌜𑌾॑𑌯𑌨𑍍𑌤𑍇 ॥ 𑌵𑌿𑌷𑍍𑌣𑍋॒-𑌸𑍍𑌸𑍍𑌤𑍂𑌪𑍋॒-𑌽𑌸𑍀𑌤𑍍𑌯𑌾॑𑌹 ।
𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁𑌃॑ ॥ 31 ॥

𑌯॒𑌜𑍍𑌞𑌸𑍍𑌯॒ 𑌧𑍃𑌤𑍍𑌯𑍈᳚ । 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰𑌸𑍍𑌤॒𑌰-𑌙𑍍𑌗𑍃॑𑌹𑍍𑌣𑌾𑌤𑌿 । 𑌮𑍁𑌖𑍍𑌯॑𑌮𑍇॒𑌵𑍈𑌨॑-𑌙𑍍𑌕𑌰𑍋𑌤𑌿 । 𑌇𑌯॑𑌨𑍍𑌤-𑌙𑍍𑌗𑍃𑌹𑍍𑌣𑌾𑌤𑌿 । 𑌪𑍍𑌰॒𑌜𑌾𑌪॑𑌤𑌿𑌨𑌾 𑌯𑌜𑍍𑌞𑌮𑍁॒𑌖𑍇𑌨॒ 𑌸𑌮𑍍𑌮𑌿॑𑌤𑌮𑍍 ।
𑌇𑌯॑𑌨𑍍𑌤-𑌙𑍍𑌗𑍃𑌹𑍍𑌣𑌾𑌤𑌿 । 𑌯॒𑌜𑍍𑌞॒𑌪॒𑌰𑍁𑌷𑌾॒ 𑌸𑌮𑍍𑌮𑌿॑𑌤𑌮𑍍 ।
𑌇𑌯॑𑌨𑍍𑌤-𑌙𑍍𑌗𑍃𑌹𑍍𑌣𑌾𑌤𑌿 । 𑌏॒𑌤𑌾𑌵॒𑌦𑍍𑌵𑍈 𑌪𑍁𑌰𑍁॑𑌷𑍇 𑌵𑍀॒𑌰𑍍𑌯᳚𑌮𑍍 ।
𑌵𑍀॒𑌰𑍍𑌯॑ 𑌸𑌮𑍍𑌮𑌿𑌤𑌮𑍍 ॥ 32 ॥

𑌅𑌪॑𑌰𑌿𑌮𑌿𑌤-𑌙𑍍𑌗𑍃𑌹𑍍𑌣𑌾𑌤𑌿 । 𑌅𑌪॑𑌰𑌿𑌮𑌿𑌤॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 ।
𑌤𑌸𑍍𑌮𑌿॑-𑌨𑍍𑌪॒𑌵𑌿𑌤𑍍𑌰𑍇॒ 𑌅𑌪𑌿॑𑌸𑍃𑌜𑌤𑌿 । 𑌯𑌜॑𑌮𑌾𑌨𑍋॒ 𑌵𑍈 𑌪𑍍𑌰॑𑌸𑍍𑌤॒𑌰𑌃 ।
𑌪𑍍𑌰𑌾॒𑌣𑌾॒𑌪𑌾॒𑌨𑍌 𑌪॒𑌵𑌿𑌤𑍍𑌰𑍇᳚ । 𑌯𑌜॑𑌮𑌾𑌨 𑌏॒𑌵 𑌪𑍍𑌰𑌾॑𑌣𑌾𑌪𑌾॒𑌨𑍌 𑌦॑𑌧𑌾𑌤𑌿 ॥ 𑌊𑌰𑍍𑌣𑌾᳚𑌮𑍍𑌰𑌦𑌸-𑌨𑍍𑌤𑍍𑌵𑌾 𑌸𑍍𑌤𑍃𑌣𑌾॒𑌮𑍀𑌤𑍍𑌯𑌾॑𑌹 । 𑌯॒𑌥𑌾॒𑌯॒𑌜𑍁𑌰𑍇॒𑌵𑍈 𑌤𑌤𑍍 । 𑌸𑍍𑌵𑌾॒𑌸॒𑌸𑍍𑌥-𑌨𑍍𑌦𑍇॒𑌵𑍇𑌭𑍍𑌯॒ 𑌇𑌤𑍍𑌯𑌾॑𑌹 । 𑌦𑍇॒𑌵𑍇𑌭𑍍𑌯॑ 𑌏॒𑌵𑍈𑌨॑-𑌥𑍍𑌸𑍍𑌵𑌾𑌸॒𑌸𑍍𑌥-𑌙𑍍𑌕॑𑌰𑍋𑌤𑌿 ॥ 33 ॥

𑌬॒𑌰𑍍॒॒𑌹𑌿-𑌸𑍍𑌸𑍍𑌤𑍃॑𑌣𑌾𑌤𑌿 । 𑌪𑍍𑌰॒𑌜𑌾 𑌵𑍈 𑌬॒𑌰𑍍॒𑌹𑌿𑌃 । 𑌪𑍃॒𑌥𑌿॒𑌵𑍀 𑌵𑍇𑌦𑌿𑌃॑ । 𑌪𑍍𑌰॒𑌜𑌾 𑌏॒𑌵 𑌪𑍃॑𑌥𑌿॒𑌵𑍍𑌯𑌾-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ॥ 𑌅𑌨॑𑌤𑌿𑌦𑍃𑌶𑍍𑌨𑌗𑍍𑌗𑍍​ 𑌸𑍍𑌤𑍃𑌣𑌾𑌤𑌿 । 𑌪𑍍𑌰॒𑌜𑌯𑍈॒𑌵𑍈𑌨॑-𑌮𑍍𑌪॒𑌶𑍁𑌭𑌿॒𑌰𑌨॑𑌤𑌿𑌦𑍃𑌶𑍍𑌨-𑌙𑍍𑌕𑌰𑍋𑌤𑌿 । 𑌧𑌾॒𑌰𑌯॑-𑌨𑍍𑌪𑍍𑌰𑌸𑍍𑌤॒𑌰-𑌮𑍍𑌪॑𑌰𑌿॒𑌧𑍀-𑌨𑍍𑌪𑌰𑌿॑ 𑌦𑌧𑌾𑌤𑌿 । 𑌯𑌜॑𑌮𑌾𑌨𑍋॒ 𑌵𑍈 𑌪𑍍𑌰॑𑌸𑍍𑌤॒𑌰𑌃 ।
𑌯𑌜॑𑌮𑌾𑌨 𑌏॒𑌵 𑌤-𑌥𑍍𑌸𑍍𑌵॒𑌯-𑌮𑍍𑌪॑𑌰𑌿॒𑌧𑍀-𑌨𑍍𑌪𑌰𑌿॑ 𑌦𑌧𑌾𑌤𑌿 ॥
𑌗॒𑌨𑍍𑌧॒𑌰𑍍𑌵𑍋॑-𑌽𑌸𑌿 𑌵𑌿॒𑌶𑍍𑌵𑌾𑌵॑𑌸𑍁॒𑌰𑌿𑌤𑍍𑌯𑌾॑𑌹 ॥ 34 ॥

𑌵𑌿𑌶𑍍𑌵॑𑌮𑍇॒𑌵𑌾𑌯𑍁॒-𑌰𑍍𑌯𑌜॑𑌮𑌾𑌨𑍇 𑌦𑌧𑌾𑌤𑌿 । 𑌇𑌨𑍍𑌦𑍍𑌰॑𑌸𑍍𑌯 𑌬𑌾॒𑌹𑍁𑌰॑𑌸𑌿॒ 𑌦𑌕𑍍𑌷𑌿॑𑌣॒ 𑌇𑌤𑍍𑌯𑌾॑𑌹 । 𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿 । 𑌮𑌿॒𑌤𑍍𑌰𑌾𑌵𑌰𑍁॑𑌣𑍌 𑌤𑍍𑌵𑍋𑌤𑍍𑌤𑌰॒𑌤𑌃 𑌪𑌰𑌿॑𑌧𑌤𑍍𑌤𑌾॒𑌮𑌿𑌤𑍍𑌯𑌾॑𑌹 ।
𑌪𑍍𑌰𑌾॒𑌣𑌾॒𑌪𑌾॒𑌨𑍌 𑌮𑌿॒𑌤𑍍𑌰𑌾𑌵𑌰𑍁॑𑌣𑍌 । 𑌪𑍍𑌰𑌾॒𑌣𑌾॒𑌪𑌾॒𑌨𑌾-𑌵𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 । 𑌸𑍂𑌰𑍍𑌯॑𑌸𑍍𑌤𑍍𑌵𑌾 𑌪𑍁॒𑌰𑌸𑍍𑌤𑌾᳚-𑌤𑍍𑌪𑌾॒𑌤𑍍𑌵𑌿𑌤𑍍𑌯𑌾॑𑌹 । 𑌰𑌕𑍍𑌷॑𑌸𑌾॒-𑌮𑌪॑𑌹𑌤𑍍𑌯𑍈 । 𑌕𑌸𑍍𑌯𑌾᳚𑌶𑍍𑌚𑌿𑌦॒𑌭𑌿𑌶॑𑌸𑍍𑌤𑍍𑌯𑌾॒ 𑌇𑌤𑍍𑌯𑌾॑𑌹 । 𑌅𑌪॑𑌰𑌿𑌮𑌿𑌤𑌾𑌦𑍇॒𑌵𑍈𑌨॑-𑌮𑍍𑌪𑌾𑌤𑌿 ॥ 35 ॥

𑌵𑍀॒𑌤𑌿𑌹𑍋᳚𑌤𑍍𑌰-𑌨𑍍𑌤𑍍𑌵𑌾 𑌕𑌵॒ 𑌇𑌤𑍍𑌯𑌾॑𑌹 । 𑌅॒𑌗𑍍𑌨𑌿𑌮𑍇॒𑌵 𑌹𑍋॒𑌤𑍍𑌰𑍇𑌣॒ 𑌸𑌮॑𑌰𑍍𑌧𑌯𑌤𑌿 । 𑌦𑍍𑌯𑍁॒𑌮𑌨𑍍𑌤॒𑌗𑍍​𑌮𑍍॒ 𑌸𑌮𑌿॑𑌧𑍀𑌮॒𑌹𑍀𑌤𑍍𑌯𑌾॑𑌹॒ 𑌸𑌮𑌿॑𑌦𑍍𑌧𑍍𑌯𑍈 । 𑌅𑌗𑍍𑌨𑍇॑ 𑌬𑍃॒𑌹𑌨𑍍𑌤॑𑌮𑌦𑍍𑌧𑍍𑌵॒𑌰 𑌇𑌤𑍍𑌯𑌾॑𑌹॒ 𑌵𑍃𑌦𑍍𑌧𑍍𑌯𑍈᳚ । 𑌵𑌿॒𑌶𑍋 𑌯॒𑌨𑍍𑌤𑍍𑌰𑍇 𑌸𑍍𑌥॒ 𑌇𑌤𑍍𑌯𑌾॑𑌹 । 𑌵𑌿॒𑌶𑌾𑌂-𑌯𑌁𑌤𑍍𑌯𑍈᳚ ।
𑌉॒𑌦𑍀॒𑌚𑍀𑌨𑌾᳚𑌗𑍍𑌰𑍇॒ 𑌨𑌿𑌦॑𑌧𑌾𑌤𑌿॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ।
𑌵𑌸𑍂॑𑌨𑌾𑌗𑍍​𑌮𑍍 𑌰𑍁॒𑌦𑍍𑌰𑌾𑌣𑌾॑-𑌮𑌾𑌦𑌿॒𑌤𑍍𑌯𑌾𑌨𑌾॒𑌗𑍍​𑌮𑍍॒ 𑌸𑌦॑𑌸𑌿 𑌸𑍀॒𑌦𑍇𑌤𑍍𑌯𑌾॑𑌹 । 𑌦𑍇॒𑌵𑌤𑌾॑𑌨𑌾𑌮𑍇॒𑌵 𑌸𑌦॑𑌨𑍇 𑌪𑍍𑌰𑌸𑍍𑌤॒𑌰𑌗𑍍​𑌮𑍍 𑌸𑌾॑𑌦𑌯𑌤𑌿 ॥ 𑌜𑍁॒𑌹𑍂𑌰॑𑌸𑌿 𑌘𑍃॒𑌤𑌾𑌚𑍀॒ 𑌨𑌾𑌮𑍍𑌨𑍇𑌤𑍍𑌯𑌾॑𑌹 ॥ 36 ॥

𑌅॒𑌸𑍌 𑌵𑍈 𑌜𑍁॒𑌹𑍂𑌃 । 𑌅॒𑌨𑍍𑌤𑌰𑌿॑𑌕𑍍𑌷𑌮𑍁𑌪॒𑌭𑍃𑌤𑍍 । 𑌪𑍃॒𑌥𑌿॒𑌵𑍀 𑌧𑍍𑌰𑍁॒𑌵𑌾 । 𑌤𑌾𑌸𑌾॑𑌮𑍇॒𑌤𑌦𑍇॒𑌵 𑌪𑍍𑌰𑌿॒𑌯-𑌨𑍍𑌨𑌾𑌮॑ । 𑌯-𑌦𑍍𑌘𑍃॒𑌤𑌾𑌚𑍀𑌤𑌿॑ । 𑌯-𑌦𑍍𑌘𑍃॒𑌤𑌾𑌚𑍀𑌤𑍍𑌯𑌾𑌹॑ । 𑌪𑍍𑌰𑌿॒𑌯𑍇𑌣𑍈॒𑌵𑍈𑌨𑌾॒ 𑌨𑌾𑌮𑍍𑌨𑌾॑ 𑌸𑌾𑌦𑌯𑌤𑌿 ॥
𑌏॒𑌤𑌾 𑌅॑𑌸𑌦𑌨𑍍-𑌥𑍍𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕 𑌇𑌤𑍍𑌯𑌾॑𑌹 ।
𑌸॒𑌤𑍍𑌯𑌂-𑌵𑍈𑌁 𑌸𑍁॑𑌕𑍃॒𑌤𑌸𑍍𑌯॑ 𑌲𑍋॒𑌕𑌃 ।
𑌸॒𑌤𑍍𑌯 𑌏॒𑌵𑍈𑌨𑌾᳚-𑌸𑍍𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑍇 𑌸𑌾॑𑌦𑌯𑌤𑌿 ।
𑌤𑌾 𑌵𑌿॑𑌷𑍍𑌣𑍋 𑌪𑌾॒𑌹𑍀𑌤𑍍𑌯𑌾॑𑌹 । 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁𑌃॑ । 𑌯॒𑌜𑍍𑌞𑌸𑍍𑌯॒ 𑌧𑍃𑌤𑍍𑌯𑍈᳚ । 𑌪𑌾॒𑌹𑌿 𑌯॒𑌜𑍍𑌞-𑌮𑍍𑌪𑌾॒𑌹𑌿 𑌯॒𑌜𑍍𑌞𑌪॑𑌤𑌿-𑌮𑍍𑌪𑌾॒𑌹𑌿 𑌮𑌾𑌂-𑌯𑌁॑𑌜𑍍𑌞॒𑌨𑌿𑌯॒𑌮𑌿𑌤𑍍𑌯𑌾॑𑌹 । 𑌯॒𑌜𑍍𑌞𑌾𑌯॒ 𑌯𑌜॑𑌮𑌾𑌨𑌾𑌯𑌾॒𑌤𑍍𑌮𑌨𑍇᳚ । 𑌤𑍇𑌭𑍍𑌯॑ 𑌏॒𑌵𑌾𑌶𑌿𑌷॒𑌮𑌾𑌶𑌾॒𑌸𑍍𑌤𑍇-𑌽𑌨𑌾᳚𑌰𑍍𑌤𑍍𑌯𑍈 ॥ 3𑍭 ॥
(𑌸𑍍𑌥𑍇𑌤𑍍𑌯𑌾॑𑌹 - 𑌪𑍃𑌥𑌿॒𑌵𑍀 𑌵𑍇𑌦𑌿॒--𑌰𑍍 𑌯𑌨𑍍𑌤𑌿॑ - 𑌕𑍍𑌰𑌿॒𑌯𑌤𑍇॒ - 𑌵𑌿𑌷𑍍𑌣𑍁॑--𑌰𑍍 𑌵𑍀॒𑌰𑍍𑌯॑𑌸𑌮𑍍𑌮𑌿𑌤𑌂 - 𑌕𑌰𑍋 - 𑌤𑍍𑌯𑌾𑌹 - 𑌪𑌾𑌤𑌿॒ - 𑌨𑌾𑌮𑍍𑌨𑍇𑌤𑍍𑌯𑌾॑𑌹 - 𑌲𑍋॒𑌕𑍇 𑌸𑌾॑𑌦𑌯𑌤𑌿॒ 𑌷𑌟𑍍𑌚॑) (𑌅. 6)

𑌅𑌨𑍁𑌵𑌾𑌕𑌂 𑍭 - 𑌆𑌘𑌾𑌰𑌃
𑌅॒𑌗𑍍𑌨𑌿𑌨𑌾॒ 𑌵𑍈 𑌹𑍋𑌤𑍍𑌰𑌾᳚ । 𑌦𑍇॒𑌵𑌾 𑌅𑌸𑍁॑𑌰𑌾-𑌨॒𑌭𑍍𑌯॑𑌭𑌵𑌨𑍍𑌨𑍍 ।
𑌅॒𑌗𑍍𑌨𑌯𑍇॑ 𑌸𑌮𑌿॒𑌦𑍍𑌧𑍍𑌯𑌮𑌾॑𑌨𑌾॒𑌯𑌾-𑌨𑍁॑𑌬𑍍𑌰𑍂॒𑌹𑍀𑌤𑍍𑌯𑌾॑𑌹॒ 𑌭𑍍𑌰𑌾𑌤𑍃॑𑌵𑍍𑌯𑌾𑌭𑌿𑌭𑍂𑌤𑍍𑌯𑍈 । 𑌏𑌕॑𑌵𑌿𑌗𑍍​𑌮𑍍𑌶𑌤𑌿-𑌮𑌿𑌦𑍍𑌧𑍍𑌮𑌦𑌾॒𑌰𑍂𑌣𑌿॑ 𑌭𑌵𑌨𑍍𑌤𑌿 । 𑌏॒𑌕॒𑌵𑌿॒𑌗𑍍​𑌮𑍍॒𑌶𑍋 𑌵𑍈 𑌪𑍁𑌰𑍁॑𑌷𑌃 ।
𑌪𑍁𑌰𑍁॑𑌷॒𑌸𑍍𑌯𑌾𑌪𑍍𑌤𑍍𑌯𑍈᳚ ।
𑌪𑌞𑍍𑌚॑𑌦𑌶𑍇𑌦𑍍𑌧𑍍𑌮𑌦𑌾॒𑌰𑍂𑌣𑍍𑌯॒-𑌭𑍍𑌯𑌾𑌦॑𑌧𑌾𑌤𑌿 ।
𑌪𑌞𑍍𑌚॑𑌦𑌶॒ 𑌵𑌾 𑌅॑𑌰𑍍𑌧𑌮𑌾॒𑌸𑌸𑍍𑌯॒ 𑌰𑌾𑌤𑍍𑌰॑𑌯𑌃 ।
𑌅॒𑌰𑍍𑌧॒𑌮𑌾॒𑌸॒𑌶-𑌸𑍍𑌸𑌂॑​𑌵𑌁𑌥𑍍𑌸॒𑌰 𑌆᳚𑌪𑍍𑌯𑌤𑍇 ।
𑌤𑍍𑌰𑍀𑌨𑍍-𑌪॑𑌰𑌿॒𑌧𑍀𑌨𑍍-𑌪𑌰𑌿॑-𑌦𑌧𑌾𑌤𑌿 ॥ 3𑍮 ॥

𑌊॒𑌰𑍍𑌧𑍍𑌵𑍇 𑌸॒𑌮𑌿𑌧𑌾॒𑌵𑌾𑌦॑𑌧𑌾𑌤𑌿 । 𑌅॒𑌨𑍂॒𑌯𑌾॒𑌜𑍇𑌭𑍍𑌯॑-𑌸𑍍𑌸॒𑌮𑌿𑌧॒𑌮𑌤𑌿॑𑌶𑌿𑌨𑌷𑍍𑌟𑌿 । 𑌷𑌟𑍍𑌥𑍍𑌸-𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ । 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌵𑍇॒𑌦𑍇𑌨𑍋𑌪॑𑌵𑌾𑌜𑌯𑌤𑌿 ।
𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌵𑍈 𑌵𑍇॒𑌦𑌃 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑌃 𑌪𑍍𑌰𑌾॒𑌣𑌃 । 𑌯𑌜॑𑌮𑌾𑌨 𑌆𑌹𑌵॒𑌨𑍀𑌯𑌃॑ । 𑌯𑌜॑𑌮𑌾𑌨 𑌏॒𑌵 𑌪𑍍𑌰𑌾॒𑌣-𑌨𑍍𑌦॑𑌧𑌾𑌤𑌿 ॥ 3𑍯 ॥

𑌤𑍍𑌰𑌿𑌰𑍁𑌪॑𑌵𑌾𑌜𑌯𑌤𑌿 । 𑌤𑍍𑌰𑌯𑍋॒ 𑌵𑍈 𑌪𑍍𑌰𑌾॒𑌣𑌾𑌃 । 𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 । 𑌵𑍇॒𑌦𑍇𑌨𑍋॑𑌪॒𑌯𑌤𑍍𑌯॑ 𑌸𑍍𑌰𑍁॒𑌵𑍇𑌣॑ 𑌪𑍍𑌰𑌾𑌜𑌾𑌪॒𑌤𑍍𑌯-𑌮𑌾॑𑌘𑌾॒𑌰-𑌮𑌾𑌘𑌾॑𑌰𑌯𑌤𑌿 । 𑌯॒𑌜𑍍𑌞𑍋 𑌵𑍈 𑌪𑍍𑌰॒𑌜𑌾𑌪॑𑌤𑌿𑌃 । 𑌯॒𑌜𑍍𑌞𑌮𑍇॒𑌵 𑌪𑍍𑌰॒𑌜𑌾𑌪॑𑌤𑌿-𑌮𑍍𑌮𑍁𑌖॒𑌤 𑌆𑌰॑𑌭𑌤𑍇 ।
𑌅𑌥𑍋᳚ 𑌪𑍍𑌰॒𑌜𑌾𑌪॑𑌤𑌿॒-𑌸𑍍𑌸𑌰𑍍𑌵𑌾॑ 𑌦𑍇॒𑌵𑌤𑌾𑌃᳚ । 𑌸𑌰𑍍𑌵𑌾॑ 𑌏॒𑌵 𑌦𑍇॒𑌵𑌤𑌾𑌃᳚ 𑌪𑍍𑌰𑍀𑌣𑌾𑌤𑌿 ॥ 𑌅॒𑌗𑍍𑌨𑌿𑌮॑𑌗𑍍𑌨𑍀-𑌤𑍍𑌤𑍍𑌰𑌿𑌸𑍍𑌤𑍍𑌰𑌿॒-𑌸𑍍𑌸𑌮𑍍𑌮𑍃॒𑌡𑍍𑌢𑍀𑌤𑍍𑌯𑌾॑𑌹 । 𑌤𑍍𑌰𑍍𑌯𑌾॑𑌵𑍃॒𑌦𑍍𑌧𑌿 𑌯॒𑌜𑍍𑌞𑌃 ॥ 40 ॥

𑌅𑌥𑍋॒ 𑌰𑌕𑍍𑌷॑𑌸𑌾॒𑌮𑌪॑𑌹𑌤𑍍𑌯𑍈 । 𑌪॒𑌰𑌿॒𑌧𑍀𑌨𑍍-𑌥𑍍𑌸𑌮𑍍𑌮𑌾᳚𑌰𑍍​𑌷𑍍𑌟𑌿 । 𑌪𑍁॒𑌨𑌾𑌤𑍍𑌯𑍇॒𑌵𑍈𑌨𑌾𑌨𑍍॑ । 𑌤𑍍𑌰𑌿𑌸𑍍𑌤𑍍𑌰𑌿॒-𑌸𑍍𑌸𑌮𑍍𑌮𑌾᳚𑌰𑍍​𑌷𑍍𑌟𑌿 । 𑌤𑍍𑌰𑍍𑌯𑌾॑𑌵𑍃॒𑌦𑍍𑌧𑌿 𑌯॒𑌜𑍍𑌞𑌃 । 𑌅𑌥𑍋॑ 𑌮𑍇𑌦𑍍𑌧𑍍𑌯॒𑌤𑍍𑌵𑌾𑌯॑ । 𑌅𑌥𑍋॑ 𑌏॒𑌤𑍇 𑌵𑍈 𑌦𑍇॑𑌵𑌾𑌶𑍍𑌵𑌾𑌃 । 𑌦𑍇॒𑌵𑌾॒𑌶𑍍𑌵𑌾𑌨𑍇॒𑌵 𑌤-𑌥𑍍𑌸𑌮𑍍𑌮𑌾᳚𑌰𑍍​𑌷𑍍𑌟𑌿 ।
𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 ।
𑌆𑌸𑍀॑𑌨𑍋॒-𑌽𑌨𑍍𑌯-𑌮𑌾॑𑌘𑌾॒𑌰-𑌮𑌾𑌘𑌾॑𑌰𑌯𑌤𑌿 ॥ 41 ॥
𑌤𑌿𑌷𑍍𑌠॑𑌨𑍍𑌨॒𑌨𑍍𑌯𑌮𑍍 । 𑌯𑌥𑌾-𑌽𑌨𑍋॑ 𑌵𑌾॒ 𑌰𑌥𑌂॑​𑌵𑌾𑌁 𑌯𑍁॒𑌞𑍍𑌜𑍍𑌯𑌾𑌤𑍍 ।
𑌏॒𑌵𑌮𑍇॒𑌵 𑌤𑌦॑𑌦𑍍𑌧𑍍𑌵॒𑌰𑍍𑌯𑍁-𑌰𑍍𑌯॒𑌜𑍍𑌞𑌂-𑌯𑍁𑌁॑𑌨𑌕𑍍𑌤𑌿 ।
𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾॒𑌭𑍍𑌯𑍂᳚𑌢𑍍𑌯𑍈 ।
𑌵𑌹॑𑌨𑍍𑌤𑍍𑌯𑍇𑌨-𑌙𑍍𑌗𑍍𑌰𑌾॒𑌮𑍍𑌯𑌾𑌃 𑌪॒𑌶𑌵𑌃॑ ।
𑌯 𑌏॒𑌵𑌂-𑌵𑍇𑌁𑌦॑ ॥ 𑌭𑍁𑌵॑𑌨𑌮𑌸𑌿॒ 𑌵𑌿𑌪𑍍𑌰॑𑌥॒𑌸𑍍𑌵𑍇𑌤𑍍𑌯𑌾॑𑌹 । 𑌯॒𑌜𑍍𑌞𑍋 𑌵𑍈 𑌭𑍁𑌵॑𑌨𑌮𑍍 । 𑌯॒𑌜𑍍𑌞 𑌏॒𑌵 𑌯𑌜॑𑌮𑌾𑌨-𑌮𑍍𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿𑌃॑ 𑌪𑍍𑌰𑌥𑌯𑌤𑌿 । 𑌅𑌗𑍍𑌨𑍇॒ 𑌯𑌷𑍍𑌟॑𑌰𑌿॒𑌦-𑌨𑍍𑌨𑌮॒ 𑌇𑌤𑍍𑌯𑌾॑𑌹 ॥ 42 ॥

𑌅॒𑌗𑍍𑌨𑌿𑌰𑍍𑌵𑍈 𑌦𑍇॒𑌵𑌾𑌨𑌾𑌂॒-𑌯𑌁𑌷𑍍𑌟𑌾᳚ । 𑌯 𑌏॒𑌵 𑌦𑍇॒𑌵𑌾𑌨𑌾𑌂॒-𑌯𑌁𑌷𑍍𑌟𑌾᳚ । 𑌤𑌸𑍍𑌮𑌾॑ 𑌏॒𑌵 𑌨𑌮॑𑌸𑍍𑌕𑌰𑍋𑌤𑌿 ॥
𑌜𑍁𑌹𑍍𑌵𑍇𑌹𑍍𑌯॒𑌗𑍍𑌨𑌿𑌸𑍍𑌤𑍍𑌵𑌾᳚ 𑌹𑍍𑌵𑌯𑌤𑌿 𑌦𑍇𑌵𑌯॒𑌜𑍍𑌯𑌾𑌯𑌾॒ 𑌉𑌪॑𑌭𑍃॒𑌦𑍇𑌹𑌿॑ 𑌦𑍇॒𑌵𑌸𑍍𑌤𑍍𑌵𑌾॑ 𑌸𑌵𑌿॒𑌤𑌾 𑌹𑍍𑌵॑𑌯𑌤𑌿 𑌦𑍇𑌵𑌯॒𑌜𑍍𑌯𑌾𑌯𑌾॒ 𑌇𑌤𑍍𑌯𑌾॑𑌹 ।
𑌆॒𑌗𑍍𑌨𑍇॒𑌯𑍀 𑌵𑍈 𑌜𑍁॒𑌹𑍂𑌃 । 𑌸𑌾॒𑌵𑌿॒𑌤𑍍𑌰𑍍𑌯𑍁॑𑌪॒𑌭𑍃𑌤𑍍 । 𑌤𑌾𑌭𑍍𑌯𑌾॑𑌮𑍇॒𑌵𑍈𑌨𑍇॒ 𑌪𑍍𑌰𑌸𑍂॑𑌤॒ 𑌆𑌦॑𑌤𑍍𑌤𑍇 ॥ 𑌅𑌗𑍍𑌨𑌾॑𑌵𑌿𑌷𑍍𑌣𑍂॒ 𑌮𑌾 𑌵𑌾॒𑌮𑌵॑𑌕𑍍𑌰𑌮𑌿𑌷॒𑌮𑌿𑌤𑍍𑌯𑌾॑𑌹 ।
𑌅॒𑌗𑍍𑌨𑌿𑌃 𑌪𑍁॒𑌰𑌸𑍍𑌤𑌾᳚𑌤𑍍 । 𑌵𑌿𑌷𑍍𑌣𑍁॑𑌰𑍍𑌯॒𑌜𑍍𑌞𑌃 𑌪॒𑌶𑍍𑌚𑌾𑌤𑍍 ॥ 43 ॥

𑌤𑌾𑌭𑍍𑌯𑌾॑𑌮𑍇॒𑌵 𑌪𑍍𑌰॑𑌤𑌿॒ 𑌪𑍍𑌰𑍋𑌚𑍍𑌯𑌾॒𑌤𑍍𑌯𑌾𑌕𑍍𑌰𑌾॑𑌮𑌤𑌿 ।
𑌵𑌿𑌜𑌿॑𑌹𑌾𑌥𑌾॒-𑌮𑍍𑌮𑌾 𑌮𑌾॒ 𑌸𑌨𑍍𑌤𑌾᳚𑌪𑍍𑌤॒𑌮𑌿𑌤𑍍𑌯𑌾॒𑌹𑌾𑌹𑌿𑌗𑍍​𑌮𑍍॑𑌸𑌾𑌯𑍈 ।
𑌲𑍋॒𑌕-𑌮𑍍𑌮𑍇॑ 𑌲𑍋𑌕𑌕𑍃𑌤𑍌 𑌕𑍃𑌣𑍁𑌤॒𑌮𑌿𑌤𑍍𑌯𑌾॑𑌹 ।
𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ॥ 𑌵𑌿𑌷𑍍𑌣𑍋॒-𑌸𑍍𑌸𑍍𑌥𑌾𑌨॑𑌮॒𑌸𑍀𑌤𑍍𑌯𑌾॑𑌹 । 𑌯॒𑌜𑍍𑌞𑍋 𑌵𑍈 𑌵𑌿𑌷𑍍𑌣𑍁𑌃॑ । 𑌏॒𑌤-𑌤𑍍𑌖𑌲𑍁॒ 𑌵𑍈 𑌦𑍇॒𑌵𑌾𑌨𑌾॒-𑌮𑌪॑𑌰𑌾𑌜𑌿𑌤-𑌮𑌾॒𑌯𑌤॑𑌨𑌮𑍍 । 𑌯-𑌦𑍍𑌯॒𑌜𑍍𑌞𑌃 ।
𑌦𑍇॒𑌵𑌾𑌨𑌾॑𑌮𑍇॒𑌵𑌾𑌪॑𑌰𑌾𑌜𑌿𑌤 𑌆॒𑌯𑌤॑𑌨𑍇 𑌤𑌿𑌷𑍍𑌠𑌤𑌿 ॥
𑌇॒𑌤 𑌇𑌨𑍍𑌦𑍍𑌰𑍋॑ 𑌅𑌕𑍃𑌣𑍋-𑌦𑍍𑌵𑍀॒𑌰𑍍𑌯𑌾॑𑌣𑍀𑌤𑍍𑌯𑌾॑𑌹 ॥ 44 ॥

𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿 ।
𑌸॒𑌮𑌾॒𑌰𑌭𑍍𑌯𑍋॒𑌰𑍍𑌧𑍍𑌵𑍋 𑌅॑𑌦𑍍𑌧𑍍𑌵॒𑌰𑍋 𑌦𑌿॑𑌵𑌿॒𑌸𑍍𑌪𑍃𑌶॒𑌮𑌿𑌤𑍍𑌯𑌾॑𑌹॒ 𑌵𑍃𑌦𑍍𑌧𑍍𑌯𑍈᳚ । 𑌆॒𑌘𑌾॒𑌰-𑌮𑌾॑𑌘𑌾॒𑌰𑍍𑌯𑌮𑌾॑𑌣॒𑌮𑌨𑍁॑ 𑌸𑌮𑌾॒𑌰𑌭𑍍𑌯॑ । 𑌏॒𑌤𑌸𑍍𑌮𑌿॑𑌨𑍍 𑌕𑌾॒𑌲𑍇 𑌦𑍇॒𑌵𑌾-𑌸𑍍𑌸𑍁॑𑌵॒𑌰𑍍𑌗𑌂-𑌲𑍋𑌁॒𑌕𑌮𑌾॑𑌯𑌨𑍍𑌨𑍍 । 𑌸𑌾॒𑌕𑍍𑌷𑌾𑌦𑍇॒𑌵 𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 । 𑌅𑌥𑍋॒ 𑌸𑌮𑍃॑𑌦𑍍𑌧𑍇𑌨𑍈॒𑌵 𑌯॒𑌜𑍍𑌞𑍇𑌨॒ 𑌯𑌜॑𑌮𑌾𑌨-𑌸𑍍𑌸𑍁𑌵॒𑌰𑍍𑌗𑌂-𑌲𑍋𑌁॒𑌕𑌮𑍇॑𑌤𑌿 ।
𑌅𑌹𑍍𑌰𑍁॑𑌤𑍋 𑌯॒𑌜𑍍𑌞𑍋 𑌯॒𑌜𑍍𑌞𑌪॑𑌤𑍇॒𑌰𑌿𑌤𑍍𑌯𑌾॒𑌹𑌾𑌨𑌾᳚𑌰𑍍𑌤𑍍𑌯𑍈 ।
𑌇𑌨𑍍𑌦𑍍𑌰𑌾॑𑌵𑌾॒𑌨𑍍-𑌥𑍍𑌸𑍍𑌵𑌾𑌹𑍇𑌤𑍍𑌯𑌾॑𑌹 । 𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿 । 𑌬𑍃॒𑌹𑌦𑍍𑌭𑌾 𑌇𑌤𑍍𑌯𑌾॑𑌹 ॥ 45 ॥

𑌸𑍁॒𑌵॒𑌰𑍍𑌗𑍋 𑌵𑍈 𑌲𑍋॒𑌕𑍋 𑌬𑍃॒𑌹𑌦𑍍𑌭𑌾𑌃 । 𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯॒ 𑌸𑌮॑𑌷𑍍𑌟𑍍𑌯𑍈 ॥ 𑌯॒𑌜॒𑌮𑌾॒𑌨॒𑌦𑍇॒𑌵॒𑌤𑍍𑌯𑌾॑ 𑌵𑍈 𑌜𑍁॒𑌹𑍂𑌃 । 𑌭𑍍𑌰𑌾॒𑌤𑍃॒𑌵𑍍𑌯॒𑌦𑍇॒𑌵॒𑌤𑍍𑌯𑍋॑𑌪॒𑌭𑍃𑌤𑍍 । 𑌪𑍍𑌰𑌾॒𑌣 𑌆॑𑌘𑌾॒𑌰𑌃 ।
𑌯-𑌥𑍍𑌸𑌗𑍍𑌗𑍍॑𑌸𑍍𑌪॒𑌰𑍍​𑌶𑌯𑍇᳚𑌤𑍍 । 𑌭𑍍𑌰𑌾𑌤𑍃॑𑌵𑍍𑌯𑍇-𑌽𑌸𑍍𑌯 𑌪𑍍𑌰𑌾॒𑌣-𑌨𑍍𑌦॑𑌦𑍍𑌧𑍍𑌯𑌾𑌤𑍍 । 𑌅𑌸𑌗𑍍𑌗𑍍॑𑌸𑍍𑌪𑌰𑍍​𑌶𑌯𑌨𑍍𑌨॒𑌤𑍍𑌯𑌾𑌕𑍍𑌰𑌾॑𑌮𑌤𑌿 । 𑌯𑌜॑𑌮𑌾𑌨 𑌏॒𑌵 𑌪𑍍𑌰𑌾॒𑌣-𑌨𑍍𑌦॑𑌧𑌾𑌤𑌿 । 𑌪𑌾॒𑌹𑌿𑌮𑌾᳚-𑌽𑌗𑍍𑌨𑍇॒ 𑌦𑍁𑌶𑍍𑌚॑𑌰𑌿𑌤𑌾॒𑌦𑌾 𑌮𑌾॒ 𑌸𑍁𑌚॑𑌰𑌿𑌤𑍇 𑌭॒𑌜𑍇𑌤𑍍𑌯𑌾॑𑌹 ॥ 46 ॥

𑌅॒𑌗𑍍𑌨𑌿𑌰𑍍𑌵𑌾𑌵 𑌪॒𑌵𑌿𑌤𑍍𑌰᳚𑌮𑍍 । 𑌵𑍃॒𑌜𑌿॒𑌨𑌮𑌨𑍃॑𑌤॒-𑌨𑍍𑌦𑍁𑌶𑍍𑌚॑𑌰𑌿𑌤𑌮𑍍 ।
𑌋॒𑌜𑍁॒𑌕॒𑌰𑍍𑌮𑌗𑍍​𑌮𑍍 𑌸॒𑌤𑍍𑌯𑌗𑍍​𑌮𑍍 𑌸𑍁𑌚॑𑌰𑌿𑌤𑌮𑍍 ।
𑌅॒𑌗𑍍𑌨𑌿𑌰𑍇॒𑌵𑍈𑌨𑌂॑-𑌵𑍃𑌁𑌜𑌿॒𑌨𑌾𑌦-𑌨𑍃॑𑌤𑌾॒-𑌦𑍍𑌦𑍁𑌶𑍍𑌚॑𑌰𑌿𑌤𑌾𑌤𑍍𑌪𑌾𑌤𑌿 ।
𑌋॒𑌜𑍁॒𑌕॒𑌰𑍍𑌮𑍇 𑌸॒𑌤𑍍𑌯𑍇 𑌸𑍁𑌚॑𑌰𑌿𑌤𑍇 𑌭𑌜𑌤𑌿 । 𑌤𑌸𑍍𑌮𑌾॑𑌦𑍇॒𑌵𑌮𑌾𑌶𑌾᳚𑌸𑍍𑌤𑍇 । 𑌆॒𑌤𑍍𑌮𑌨𑍋॑ 𑌗𑍋𑌪𑍀॒𑌥𑌾𑌯॑ ॥ 𑌶𑌿𑌰𑍋॒ 𑌵𑌾 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯𑌦𑌾॑𑌘𑌾॒𑌰𑌃 । 𑌆॒𑌤𑍍𑌮𑌾 𑌧𑍍𑌰𑍁॒𑌵𑌾 ॥ 4𑍭 ॥

𑌆॒𑌘𑌾॒𑌰-𑌮𑌾॒𑌘𑌾𑌰𑍍𑌯॑ 𑌧𑍍𑌰𑍁॒𑌵𑌾𑌗𑍍​𑌮𑍍 𑌸𑌮॑𑌨𑌕𑍍𑌤𑌿 ।
𑌆॒𑌤𑍍𑌮𑌨𑍍𑌨𑍇॒𑌵 𑌯॒𑌜𑍍𑌞𑌸𑍍𑌯॒ 𑌶𑌿𑌰𑌃॒ 𑌪𑍍𑌰𑌤𑌿॑𑌦𑌧𑌾𑌤𑌿 ।
𑌦𑍍𑌵𑌿-𑌸𑍍𑌸𑌮॑𑌨𑌕𑍍𑌤𑌿 । 𑌦𑍍𑌵𑍌 𑌹𑌿 𑌪𑍍𑌰𑌾॑𑌣𑌾𑌪𑌾॒𑌨𑍌 । 𑌤𑌦𑌾॑𑌹𑍁𑌃 ।
𑌤𑍍𑌰𑌿𑌰𑍇॒𑌵 𑌸𑌮॑𑌞𑍍𑌜𑍍𑌯𑌾𑌤𑍍 । 𑌤𑍍𑌰𑌿𑌧𑌾॑𑌤𑍁॒ 𑌹𑌿 𑌶𑌿𑌰॒ 𑌇𑌤𑌿॑ । 𑌶𑌿𑌰॑ 𑌇𑌵𑍈॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌅𑌥𑍋॒ 𑌤𑍍𑌰𑌯𑍋॒ 𑌵𑍈 𑌪𑍍𑌰𑌾॒𑌣𑌾𑌃 ।
𑌪𑍍𑌰𑌾॒𑌣𑌾𑌨𑍇॒𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿 ॥
𑌮॒𑌖𑌸𑍍𑌯॒ 𑌶𑌿𑌰𑍋॑-𑌽𑌸𑌿॒ 𑌸𑌞𑍍𑌜𑍍𑌯𑍋𑌤𑌿॑𑌷𑌾॒ 𑌜𑍍𑌯𑍋𑌤𑌿॑𑌰𑌙𑍍𑌕𑍍𑌤𑌾॒𑌮𑌿𑌤𑍍𑌯𑌾॑𑌹 ।
𑌜𑍍𑌯𑍋𑌤𑌿॑𑌰𑍇॒𑌵𑌾𑌸𑍍𑌮𑌾॑ 𑌉॒𑌪𑌰𑌿॑𑌷𑍍𑌟𑌾-𑌦𑍍𑌦𑌧𑌾𑌤𑌿 ।
𑌸𑍁॒𑌵॒𑌰𑍍𑌗𑌸𑍍𑌯॑ 𑌲𑍋॒𑌕𑌸𑍍𑌯𑌾𑌨𑍁॑𑌖𑍍𑌯𑌾𑌤𑍍𑌯𑍈 ॥ 4𑍮 ॥
(𑌪𑌰𑌿॑𑌦𑌧𑌾𑌤𑌿 - 𑌪𑍍𑌰𑌾॒𑌣-𑌨𑍍𑌦॑𑌧𑌾𑌤𑌿॒ - 𑌹𑌿 𑌯॒𑌜𑍍𑌞𑍋 - 𑌘𑌾॑𑌰𑌯𑌤𑌿॒ - 𑌨𑌮॒ 𑌇𑌤𑍍𑌯𑌾॑𑌹 - 𑌪॒𑌶𑍍𑌚𑌾-𑌦𑍍- 𑌵𑍀॒𑌰𑍍𑌯𑌾॑𑌣𑍀𑌤𑍍𑌯𑌾॑𑌹॒ - 𑌭𑌾 𑌇𑌤𑍍𑌯𑌾॑𑌹 - 𑌭॒𑌜𑍇𑌤𑍍𑌯𑌾॑𑌹 - 𑌧𑍍𑌰𑍁॒ - 𑌵𑍈𑌵𑌾𑌸𑍍𑌮𑌿॑-𑌨𑍍𑌦𑌧𑌾𑌤𑌿॒ 𑌤𑍍𑌰𑍀𑌣𑌿॑ 𑌚) (𑌅. 𑍭)

𑌅𑌨𑍁𑌵𑌾𑌕𑌂 𑍮 - 𑌇𑌡𑌾𑌭𑌕𑍍𑌷𑌣𑌮𑍍
𑌧𑌿𑌷𑍍𑌣𑌿॑𑌯𑌾॒ 𑌵𑌾 𑌏॒𑌤𑍇 𑌨𑍍𑌯𑍁॑𑌪𑍍𑌯𑌨𑍍𑌤𑍇 । 𑌯𑌦𑍍𑌬𑍍𑌰॒𑌹𑍍𑌮𑌾 । 𑌯𑌦𑍍𑌧𑍋𑌤𑌾᳚ । 𑌯𑌦॑𑌦𑍍𑌧𑍍𑌵॒𑌰𑍍𑌯𑍁𑌃 । 𑌯𑌦॒𑌗𑍍𑌨𑍀𑌤𑍍 । 𑌯-𑌦𑍍𑌯𑌜॑𑌮𑌾𑌨𑌃 । 𑌤𑌾𑌨𑍍. 𑌯𑌦॑𑌨𑍍𑌤𑌰𑍇॒𑌯𑌾𑌤𑍍 । 𑌯𑌜॑𑌮𑌾𑌨𑌸𑍍𑌯 𑌪𑍍𑌰𑌾॒𑌣𑌾𑌨𑍍-𑌥𑍍𑌸𑌙𑍍𑌕॑𑌰𑍍​𑌷𑍇𑌤𑍍 । 𑌪𑍍𑌰॒𑌮𑌾𑌯𑍁॑𑌕-𑌸𑍍𑌸𑍍𑌯𑌾𑌤𑍍 । 𑌪𑍁॒𑌰𑍋॒𑌡𑌾𑌶॑𑌮𑌪॒𑌗𑍃𑌹𑍍𑌯॒ 𑌸𑌞𑍍𑌚॑𑌰𑌤𑍍𑌯𑌦𑍍𑌧𑍍𑌵॒𑌰𑍍𑌯𑍁𑌃 ॥ 4𑍯 ॥

𑌯𑌜॑𑌮𑌾𑌨𑌾𑌯𑍈॒𑌵 𑌤𑌲𑍍𑌲𑍋॒𑌕𑌗𑍍​𑌮𑍍 𑌶𑌿𑌗𑍍​𑌮𑍍॑𑌷𑌤𑌿 ।
𑌨𑌾𑌸𑍍𑌯॑ 𑌪𑍍𑌰𑌾॒𑌣𑌾𑌨𑍍-𑌥𑍍𑌸𑌙𑍍𑌕॑𑌰𑍍​𑌷𑌤𑌿 । 𑌨 𑌪𑍍𑌰॒𑌮𑌾𑌯𑍁॑𑌕𑍋 𑌭𑌵𑌤𑌿 । 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌙𑍍𑌙𑌾𑌸𑍀॑𑌨𑌃 । 𑌇𑌡𑌾॑𑌯𑌾॒ 𑌇𑌡𑌾॒𑌮𑌾𑌦॑𑌧𑌾𑌤𑌿 ।
𑌹𑌸𑍍𑌤𑍍𑌯𑌾॒𑌗𑍍​𑌮𑍍॒ 𑌹𑍋𑌤𑍍𑌰𑍇᳚ । 𑌪॒𑌶𑌵𑍋॒ 𑌵𑌾 𑌇𑌡𑌾᳚ । 𑌪॒𑌶𑌵𑌃॒ 𑌪𑍁𑌰𑍁॑𑌷𑌃 । 𑌪॒𑌶𑍁𑌷𑍍𑌵𑍇॒𑌵 𑌪॒𑌶𑍂-𑌨𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 । 𑌇𑌡𑌾॑𑌯𑍈॒ 𑌵𑌾 𑌏॒𑌷𑌾 𑌪𑍍𑌰𑌜𑌾॑𑌤𑌿𑌃 ॥ 50 ॥

𑌤𑌾-𑌮𑍍𑌪𑍍𑌰𑌜𑌾॑𑌤𑌿𑌂॒-𑌯𑌁𑌜॑𑌮𑌾॒𑌨𑍋-𑌽𑌨𑍁॒ 𑌪𑍍𑌰𑌜𑌾॑𑌯𑌤𑍇 । 𑌦𑍍𑌵𑌿𑌰॒𑌙𑍍𑌗𑍁𑌲𑌾॑𑌵𑌨𑌕𑍍𑌤𑌿॒ 𑌪𑌰𑍍𑌵॑𑌣𑍋𑌃 ।
𑌦𑍍𑌵𑌿॒𑌪𑌾-𑌦𑍍𑌯𑌜॑𑌮𑌾𑌨𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 । 𑌸॒𑌕𑍃𑌦𑍁𑌪॑𑌸𑍍𑌤𑍃𑌣𑌾𑌤𑌿 । 𑌦𑍍𑌵𑌿𑌰𑌾𑌦॑𑌧𑌾𑌤𑌿 । 𑌸॒𑌕𑍃𑌦॒𑌭𑌿𑌘𑌾॑𑌰𑌯𑌤𑌿 । 𑌚॒𑌤𑍁-𑌸𑍍𑌸𑌮𑍍𑌪॑𑌦𑍍𑌯𑌤𑍇 । 𑌚॒𑌤𑍍𑌵𑌾𑌰𑌿॒ 𑌵𑍈 𑌪॒𑌶𑍋𑌃 𑌪𑍍𑌰॑𑌤𑌿॒𑌷𑍍𑌠𑌾𑌨𑌾॑𑌨𑌿 ।
𑌯𑌾𑌵𑌾॑𑌨𑍇॒𑌵 𑌪॒𑌶𑍁𑌃 । 𑌤𑌮𑍁𑌪॑𑌹𑍍𑌵𑌯𑌤𑍇 ॥ 51 ॥
𑌮𑍁𑌖॑𑌮𑌿𑌵॒ 𑌪𑍍𑌰𑌤𑍍𑌯𑍁𑌪॑𑌹𑍍𑌵𑌯𑍇𑌤 । 𑌸॒𑌮𑍁॒𑌙𑍍𑌖𑌾𑌨𑍇॒𑌵 𑌪॒𑌶𑍂𑌨𑍁𑌪॑𑌹𑍍𑌵𑌯𑌤𑍇 । 𑌪॒𑌶𑌵𑍋॒ 𑌵𑌾 𑌇𑌡𑌾᳚ ।
𑌤𑌸𑍍𑌮𑌾॒-𑌥𑍍𑌸𑌾-𑌽𑌨𑍍𑌵𑌾॒𑌰𑌭𑍍𑌯𑌾᳚ । 𑌅॒𑌦𑍍𑌧𑍍𑌵॒𑌰𑍍𑌯𑍁𑌣𑌾॑ 𑌚॒ 𑌯𑌜॑𑌮𑌾𑌨𑍇𑌨 𑌚 । 𑌉𑌪॑𑌹𑍂𑌤𑌃 𑌪𑌶𑍁॒𑌮𑌾𑌨॑𑌸𑌾॒𑌨𑍀𑌤𑍍𑌯𑌾॑𑌹 ।
𑌉𑌪॒ 𑌹𑍍𑌯𑍇॑𑌨𑍌॒ 𑌹𑍍𑌵𑌯॑𑌤𑍇॒ 𑌹𑍋𑌤𑌾᳚ । 𑌇𑌡𑌾॑𑌯𑍈 𑌦𑍇॒𑌵𑌤𑌾॑𑌨𑌾-𑌮𑍁𑌪𑌹॒𑌵𑍇 । 𑌉𑌪॑𑌹𑍂𑌤𑌃 𑌪𑌶𑍁॒𑌮𑌾-𑌨𑍍𑌭॑𑌵𑌤𑌿 ।
𑌯 𑌏॒𑌵𑌂-𑌵𑍇𑌁𑌦॑ ॥ 52 ॥

𑌯𑌾𑌂-𑌵𑍈𑌁 𑌹𑌸𑍍𑌤𑍍𑌯𑌾॒𑌮𑌿𑌡𑌾॑𑌮𑌾॒𑌦𑌧𑌾॑𑌤𑌿 । 𑌵𑌾॒𑌚-𑌸𑍍𑌸𑌾 𑌭𑌾॑𑌗॒𑌧𑍇𑌯᳚𑌮𑍍 । 𑌯𑌾𑌮𑍁॑𑌪॒𑌹𑍍𑌵𑌯॑𑌤𑍇 । 𑌪𑍍𑌰𑌾॒𑌣𑌾𑌨𑌾॒𑌗𑍍​𑌮𑍍॒ 𑌸𑌾 । 𑌵𑌾𑌚॑-𑌞𑍍𑌚𑍈॒𑌵 𑌪𑍍𑌰𑌾॒𑌣𑌾𑌗𑍍​𑌶𑍍𑌚𑌾𑌵॑𑌰𑍁𑌨𑍍𑌧𑍇 ॥
𑌅𑌥॒ 𑌵𑌾 𑌏॒𑌤𑌰𑍍​𑌹𑍍𑌯𑍁𑌪॑𑌹𑍂𑌤𑌾𑌯𑌾॒𑌮𑌿𑌡𑌾॑𑌯𑌾𑌮𑍍 ।
𑌪𑍁॒𑌰𑍋॒𑌡𑌾𑌶॑𑌸𑍍𑌯𑍈॒𑌵 𑌬॑𑌰𑍍​𑌹𑌿॒𑌷𑌦𑍋॑ 𑌮𑍀𑌮𑌾॒𑌗𑍍​𑌮𑍍॒𑌸𑌾 । 𑌯𑌜॑𑌮𑌾𑌨-𑌨𑍍𑌦𑍇॒𑌵𑌾 𑌅॑𑌬𑍍𑌰𑍁𑌵𑌨𑍍𑌨𑍍 । 𑌹॒𑌵𑌿𑌰𑍍𑌨𑍋॒ 𑌨𑌿𑌰𑍍𑌵॒𑌪𑍇𑌤𑌿॑ । 𑌨𑌾𑌹𑌮॑𑌭𑌾॒𑌗𑍋 𑌨𑌿𑌰𑍍𑌵॑𑌫𑍍𑌸𑍍𑌯𑌾॒𑌮𑍀𑌤𑍍𑌯॑𑌬𑍍𑌰𑌵𑍀𑌤𑍍 ॥ 53 ॥

𑌨 𑌮𑌯𑌾॑-𑌽𑌭𑌾॒𑌗𑌯𑌾 𑌽𑌨𑍁॑𑌵𑌕𑍍𑌷𑍍𑌯॒𑌥𑍇𑌤𑌿॒ 𑌵𑌾𑌗॑𑌬𑍍𑌰𑌵𑍀𑌤𑍍 ।
𑌨𑌾𑌹𑌮॑𑌭𑌾॒𑌗𑌾 𑌪𑍁॑𑌰𑍋-𑌽𑌨𑍁𑌵𑌾॒𑌕𑍍𑌯𑌾॑ 𑌭𑌵𑌿𑌷𑍍𑌯𑌾॒𑌮𑍀𑌤𑌿॑ 𑌪𑍁𑌰𑍋-𑌽𑌨𑍁𑌵𑌾॒𑌕𑍍𑌯𑌾᳚ । 𑌨𑌾𑌹𑌮॑𑌭𑌾॒𑌗𑌾 𑌯𑌾॒𑌜𑍍𑌯𑌾॑ 𑌭𑌵𑌿𑌷𑍍𑌯𑌾॒𑌮𑍀𑌤𑌿॑
𑌯𑌾॒𑌜𑍍𑌯𑌾᳚ । 𑌨 𑌮𑌯𑌾॑-𑌽𑌭𑌾॒𑌗𑍇𑌨॒ 𑌵𑌷॑𑌟𑍍𑌕𑌰𑌿𑌷𑍍𑌯॒𑌥𑍇𑌤𑌿॑ 𑌵𑌷𑌟𑍍𑌕𑌾॒𑌰𑌃 । 𑌯-𑌦𑍍𑌯॑𑌜𑌮𑌾𑌨𑌭𑌾॒𑌗-𑌨𑍍𑌨𑌿॒𑌧𑌾𑌯॑ 𑌪𑍁𑌰𑍋॒𑌡𑌾𑌶॑-𑌮𑍍𑌬𑌰𑍍​𑌹𑌿॒𑌷𑌦॑-𑌙𑍍𑌕॒𑌰𑍋𑌤𑌿॑ ।
𑌤𑌾𑌨𑍇॒𑌵 𑌤-𑌦𑍍𑌭𑌾॒𑌗𑌿𑌨𑌃॑ 𑌕𑌰𑍋𑌤𑌿 । 𑌚॒𑌤𑍁॒𑌰𑍍𑌧𑌾 𑌕॑𑌰𑍋𑌤𑌿 । 𑌚𑌤॑𑌸𑍍𑌰𑍋॒ 𑌦𑌿𑌶𑌃॑ । 𑌦𑌿॒𑌕𑍍𑌷𑍍𑌵𑍇॑𑌵 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌬॒𑌰𑍍॒𑌹𑌿॒𑌷𑌦॑-𑌙𑍍𑌕𑌰𑍋𑌤𑌿 ॥ 54 ॥

𑌯𑌜॑𑌮𑌾𑌨𑍋॒ 𑌵𑍈 𑌪𑍁॑𑌰𑍋॒𑌡𑌾𑌶𑌃॑ । 𑌪𑍍𑌰॒𑌜𑌾 𑌬॒𑌰𑍍॒𑌹𑌿𑌃 ।
𑌯𑌜॑𑌮𑌾𑌨𑌮𑍇॒𑌵 𑌪𑍍𑌰॒𑌜𑌾𑌸𑍁॒ 𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ।
𑌤𑌸𑍍𑌮𑌾॑𑌦॒𑌸𑍍𑌥𑍍𑌨𑌾-𑌽𑌨𑍍𑌯𑌾𑌃 𑌪𑍍𑌰॒𑌜𑌾𑌃 𑌪𑍍𑌰॑𑌤𑌿॒𑌤𑌿𑌷𑍍𑌠॑𑌨𑍍𑌤𑌿 । 𑌮𑌾॒𑌗𑍍​𑌮𑍍॒𑌸𑍇𑌨𑌾॒𑌨𑍍𑌯𑌾𑌃 । 𑌅𑌥𑍋॒ 𑌖𑌲𑍍𑌵𑌾॑𑌹𑍁𑌃 । 𑌦𑌕𑍍𑌷𑌿॑𑌣𑌾॒ 𑌵𑌾 𑌏॒𑌤𑌾 𑌹॑𑌵𑌿-𑌰𑍍𑌯॒𑌜𑍍𑌞𑌸𑍍𑌯𑌾᳚𑌨𑍍𑌤𑌰𑍍𑌵𑍇॒𑌦𑍍𑌯𑌵॑𑌰𑍁𑌦𑍍𑌧𑍍𑌯𑌨𑍍𑌤𑍇 ।
𑌯-𑌤𑍍𑌪𑍁॑𑌰𑍋॒𑌡𑌾𑌶॑-𑌮𑍍𑌬𑌰𑍍​𑌹𑌿॒𑌷𑌦॑-𑌙𑍍𑌕॒𑌰𑍋𑌤𑍀𑌤𑌿॑ । 𑌚॒𑌤𑍁॒𑌰𑍍𑌧𑌾 𑌕॑𑌰𑍋𑌤𑌿 । 𑌚॒𑌤𑍍𑌵𑌾𑌰𑍋॒ 𑌹𑍍𑌯𑍇॑𑌤𑍇 𑌹॑𑌵𑌿-𑌰𑍍𑌯॒𑌜𑍍𑌞𑌸𑍍𑌯॒𑌰𑍍𑌤𑍍𑌵𑌿𑌜𑌃॑ ॥ 55 ॥

𑌬𑍍𑌰॒𑌹𑍍𑌮𑌾 𑌹𑍋𑌤𑌾᳚-𑌽𑌦𑍍𑌧𑍍𑌵॒𑌰𑍍𑌯𑍁𑌰॒𑌗𑍍𑌨𑍀𑌤𑍍 । 𑌤𑌮॒𑌭𑌿𑌮𑍃॑𑌶𑍇𑌤𑍍 । 𑌇॒𑌦-𑌮𑍍𑌬𑍍𑌰॒𑌹𑍍𑌮𑌣𑌃॑ । 𑌇॒𑌦𑌗𑍍​𑌮𑍍 𑌹𑍋𑌤𑍁𑌃॑ । 𑌇॒𑌦𑌮॑𑌦𑍍𑌧𑍍𑌵॒𑌰𑍍𑌯𑍋𑌃 । 𑌇॒𑌦𑌮॒𑌗𑍍𑌨𑍀𑌧॒ 𑌇𑌤𑌿॑ । 𑌯𑌥𑍈॒𑌵𑌾𑌦-𑌸𑍍𑌸𑍌॒𑌮𑍍𑌯𑍇᳚-𑌽𑌦𑍍𑌧𑍍𑌵॒𑌰𑍇 ।
𑌆॒𑌦𑍇𑌶॑𑌮𑍃॒𑌤𑍍𑌵𑌿𑌗𑍍𑌭𑍍𑌯𑍋॒ 𑌦𑌕𑍍𑌷𑌿॑𑌣𑌾 𑌨𑍀॒𑌯𑌨𑍍𑌤𑍇᳚ । 𑌤𑌾॒𑌦𑍃𑌗𑍇॒𑌵 𑌤𑌤𑍍 । 𑌅॒𑌗𑍍𑌨𑍀𑌧𑍇᳚ 𑌪𑍍𑌰𑌥॒𑌮𑌾𑌯𑌾𑌦॑𑌧𑌾𑌤𑌿 ॥ 56 ॥

𑌅॒𑌗𑍍𑌨𑌿𑌮𑍁॑𑌖𑌾॒ 𑌹𑍍𑌯𑍃𑌦𑍍𑌧𑌿𑌃॑ । 𑌅॒𑌗𑍍𑌨𑌿𑌮𑍁॑𑌖𑌾𑌮𑍇॒𑌵𑌰𑍍𑌧𑌿𑌂॒-𑌯𑌁𑌜॑𑌮𑌾𑌨 𑌋𑌦𑍍𑌧𑍍𑌨𑍋𑌤𑌿 ॥ 𑌸॒𑌕𑍃𑌦𑍁॑𑌪॒𑌸𑍍𑌤𑍀𑌰𑍍𑌯॒ 𑌦𑍍𑌵𑌿𑌰𑌾॒𑌦𑌧॑𑌤𑍍 । 𑌉॒𑌪॒𑌸𑍍𑌤𑍀𑌰𑍍𑌯॒ 𑌦𑍍𑌵𑌿𑌰॒𑌭𑌿𑌘𑌾॑𑌰𑌯𑌤𑌿 ।
𑌷𑌟𑍍-𑌥𑍍𑌸𑌮𑍍𑌪॑𑌦𑍍𑌯𑌨𑍍𑌤𑍇 । 𑌷𑌡𑍍𑌵𑌾 𑌋॒𑌤𑌵𑌃॑ । 𑌋॒𑌤𑍂𑌨𑍇॒𑌵 𑌪𑍍𑌰𑍀॑𑌣𑌾𑌤𑌿 । 𑌵𑍇॒𑌦𑍇𑌨॑ 𑌬𑍍𑌰॒𑌹𑍍𑌮𑌣𑍇᳚ 𑌬𑍍𑌰𑌹𑍍𑌮𑌭𑌾॒𑌗-𑌮𑍍𑌪𑌰𑌿॑𑌹𑌰𑌤𑌿 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌵𑍈 𑌵𑍇॒𑌦𑌃 । 𑌪𑍍𑌰𑌾॒𑌜𑌾॒𑌪॒𑌤𑍍𑌯𑍋 𑌬𑍍𑌰॒𑌹𑍍𑌮𑌾 ॥ 5𑍭 ॥

𑌸॒𑌵𑌿॒𑌤𑌾 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌸𑍂᳚𑌤𑍍𑌯𑍈 । 𑌅𑌥॒ 𑌕𑌾𑌮॑𑌮॒𑌨𑍍𑌯𑍇𑌨॑ । 𑌤𑌤𑍋॒ 𑌹𑍋𑌤𑍍𑌰𑍇᳚ । 𑌮𑌦𑍍𑌧𑍍𑌯𑌂॒-𑌵𑌾𑌁 𑌏॒𑌤-𑌦𑍍𑌯॒𑌜𑍍𑌞𑌸𑍍𑌯॑ । 𑌯𑌦𑍍𑌧𑍋𑌤𑌾᳚ । 𑌮॒𑌦𑍍𑌧𑍍𑌯॒𑌤 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰𑍀॑𑌣𑌾𑌤𑌿 ।
𑌅𑌥𑌾᳚𑌦𑍍𑌧𑍍𑌵॒𑌰𑍍𑌯𑌵𑍇᳚ । 𑌪𑍍𑌰॒𑌤𑌿॒𑌷𑍍𑌠𑌾 𑌵𑌾 𑌏॒𑌷𑌾 𑌯॒𑌜𑍍𑌞𑌸𑍍𑌯॑ । 𑌯𑌦॑𑌦𑍍𑌧𑍍𑌵॒𑌰𑍍𑌯𑍁𑌃 ।
𑌤𑌸𑍍𑌮𑌾᳚𑌦𑍍𑌧𑌵𑌿-𑌰𑍍𑌯॒𑌜𑍍𑌞𑌸𑍍𑌯𑍈॒𑌤𑌾𑌮𑍇॒𑌵𑌾𑌵𑍃𑌤॒𑌮𑌨𑍁॑ ॥ 5𑍮 ॥

𑌅॒𑌨𑍍𑌯𑌾 𑌦𑌕𑍍𑌷𑌿॑𑌣𑌾 𑌨𑍀𑌯𑌨𑍍𑌤𑍇 । 𑌯॒𑌜𑍍𑌞𑌸𑍍𑌯॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ।
𑌅॒𑌗𑍍𑌨𑌿𑌮॑𑌗𑍍𑌨𑍀-𑌥𑍍𑌸॒𑌕𑍃-𑌥𑍍𑌸॑𑌕𑍃॒-𑌥𑍍𑌸𑌮𑍍𑌮𑍃॒𑌡𑍍𑌢𑍀𑌤𑍍𑌯𑌾॑𑌹 ।
𑌪𑌰𑌾𑌂॑𑌇𑌵॒ 𑌹𑍍𑌯𑍇॑𑌤𑌰𑍍​𑌹𑌿॑ 𑌯॒𑌜𑍍𑌞𑌃 ॥ 𑌇॒𑌷𑌿॒𑌤𑌾 𑌦𑍈𑌵𑍍𑌯𑌾॒ 𑌹𑍋𑌤𑌾॑𑌰॒ 𑌇𑌤𑍍𑌯𑌾॑𑌹 । 𑌇॒𑌷𑌿॒𑌤𑌗𑍍​𑌮𑍍 𑌹𑌿 𑌕𑌰𑍍𑌮॑ 𑌕𑍍𑌰𑌿॒𑌯𑌤𑍇᳚ ।
𑌭॒𑌦𑍍𑌰॒𑌵𑌾𑌚𑍍𑌯𑌾॑𑌯॒ 𑌪𑍍𑌰𑍇𑌷𑌿॑𑌤𑍋॒ 𑌮𑌾𑌨𑍁॑𑌷-𑌸𑍍𑌸𑍂𑌕𑍍𑌤𑌵𑌾॒𑌕𑌾𑌯॑ 𑌸𑍂॒𑌕𑍍𑌤𑌾 𑌬𑍍𑌰𑍂॒𑌹𑍀𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌸𑍍𑌵॒𑌗𑌾 𑌦𑍈𑌵𑍍𑌯𑌾॒ 𑌹𑍋𑌤𑍃॑𑌭𑍍𑌯॒ 𑌇𑌤𑍍𑌯𑌾॑𑌹 । 𑌯॒𑌜𑍍𑌞𑌮𑍇॒𑌵 𑌤𑌥𑍍𑌸𑍍𑌵॒𑌗𑌾 𑌕॑𑌰𑍋𑌤𑌿 । 𑌸𑍍𑌵॒𑌸𑍍𑌤𑌿-𑌰𑍍𑌮𑌾𑌨𑍁॑𑌷𑍇𑌭𑍍𑌯॒ 𑌇𑌤𑍍𑌯𑌾॑𑌹 ।
𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 । 𑌶𑌂॒​𑌯𑍋𑌁-𑌰𑍍𑌬𑍍𑌰𑍂॒𑌹𑍀𑌤𑍍𑌯𑌾॑𑌹 ।
𑌶𑌂॒​𑌯𑍁𑌁𑌮𑍇॒𑌵 𑌬𑌾॑𑌰𑍍​𑌹𑌸𑍍𑌪॒𑌤𑍍𑌯-𑌮𑍍𑌭𑌾॑𑌗॒𑌧𑍇𑌯𑍇॑𑌨॒ 𑌸𑌮॑𑌰𑍍𑌧𑌯𑌤𑌿 ॥ 5𑍯 ॥
(𑌚॒𑌰॒𑌤𑍍𑌯॒𑌦𑍍𑌧𑍍𑌵॒𑌰𑍍𑌯𑍁𑌃 - 𑌪𑍍𑌰𑌜𑌾॑𑌤𑌿--𑌰𑍍 𑌹𑍍𑌵𑌯𑌤𑍇॒ - 𑌵𑍇𑌦𑌾᳚ - 𑌬𑍍𑌰𑌵𑍀-𑌦𑍍- 𑌬𑌰𑍍​𑌹𑌿॒𑌷𑌦॑-𑌙𑍍𑌕𑌰𑍋-𑌤𑍍𑌯𑍃॒𑌤𑍍𑌵𑌿𑌜𑍋॑-𑌦𑌧𑌾𑌤𑌿-𑌬𑍍𑌰॒𑌹𑍍𑌮𑌾-𑌽𑌨𑍁॑-𑌕𑌰𑍋𑌤𑌿 𑌚॒𑌤𑍍𑌵𑌾𑌰𑌿॑ 𑌚) (𑌅. 𑍮)

𑌅𑌨𑍁𑌵𑌾𑌕𑌂 𑍯 - 𑌪𑍍𑌰𑌸𑍍𑌤𑌰𑌪𑍍𑌰𑌹𑌾𑌰𑌾𑌦𑌿𑌕𑌮𑍍
𑌅𑌥॒ 𑌸𑍍𑌰𑍁𑌚𑌾॑𑌵𑌨𑍁॒𑌷𑍍𑌟𑍁𑌗𑍍𑌭𑍍𑌯𑌾𑌂॒-𑌵𑌾𑌁𑌜॑𑌵𑌤𑍀𑌭𑍍𑌯𑌾𑌂॒-𑌵𑍍𑌯𑍂𑌁॑𑌹𑌤𑌿 । 𑌪𑍍𑌰॒𑌤𑌿॒𑌷𑍍𑌠𑌾 𑌵𑌾 𑌅॑𑌨𑍁॒𑌷𑍍𑌟𑍁𑌕𑍍 । 𑌅𑌨𑍍𑌨𑌂॒-𑌵𑌾𑌁𑌜𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 । 𑌅॒𑌨𑍍𑌨𑌾𑌦𑍍𑌯॒𑌸𑍍𑌯𑌾𑌵॑𑌰𑍁𑌦𑍍𑌧𑍍𑌯𑍈 । 𑌪𑍍𑌰𑌾𑌚𑍀᳚-𑌞𑍍𑌜𑍁॒𑌹𑍂𑌮𑍂॑𑌹𑌤𑌿 । 𑌜𑌾॒𑌤𑌾𑌨𑍇॒𑌵 𑌭𑍍𑌰𑌾𑌤𑍃॑𑌵𑍍𑌯𑌾॒-𑌨𑍍𑌪𑍍𑌰𑌣𑍁॑𑌦𑌤𑍇 । 𑌪𑍍𑌰॒𑌤𑍀𑌚𑍀॑𑌮𑍁𑌪॒𑌭𑍃𑌤᳚𑌮𑍍 ।
𑌜॒𑌨𑌿॒𑌷𑍍𑌯𑌮𑌾॑𑌣𑌾𑌨𑍇॒𑌵 𑌪𑍍𑌰𑌤𑌿॑𑌨𑍁𑌦𑌤𑍇 ।
𑌸 𑌵𑌿𑌷𑍂॑𑌚 𑌏॒𑌵𑌾𑌪𑍋𑌹𑍍𑌯॑ 𑌸॒𑌪𑌤𑍍𑌨𑌾॒𑌨𑍍॒. 𑌯𑌜॑𑌮𑌾𑌨𑌃 ।
𑌅॒𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 ॥ 60 ॥

𑌦𑍍𑌵𑌾𑌭𑍍𑌯𑌾᳚𑌮𑍍 । 𑌦𑍍𑌵𑌿𑌪𑍍𑌰॑𑌤𑌿𑌷𑍍𑌠𑍋॒ 𑌹𑌿 ॥ 𑌵𑌸𑍁॑𑌭𑍍𑌯𑌸𑍍𑌤𑍍𑌵𑌾 𑌰𑍁॒𑌦𑍍𑌰𑍇𑌭𑍍𑌯॑𑌸𑍍𑌤𑍍𑌵𑌾-𑌽𑌽𑌦𑌿॒𑌤𑍍𑌯𑍇𑌭𑍍𑌯॒𑌸𑍍𑌤𑍍𑌵𑍇𑌤𑍍𑌯𑌾॑𑌹 ।
𑌯॒𑌥𑌾॒𑌯॒𑌜𑍁𑌰𑍇॒𑌵𑍈 𑌤𑌤𑍍 । 𑌸𑍍𑌰𑍁॒𑌕𑍍𑌷𑍁 𑌪𑍍𑌰॑𑌸𑍍𑌤॒𑌰𑌮॑𑌨𑌕𑍍𑌤𑌿 ।
𑌇॒𑌮𑍇 𑌵𑍈 𑌲𑍋॒𑌕𑌾-𑌸𑍍𑌸𑍍𑌰𑍁𑌚𑌃॑ । 𑌯𑌜॑𑌮𑌾𑌨𑌃 𑌪𑍍𑌰𑌸𑍍𑌤॒𑌰𑌃 । 𑌯𑌜॑𑌮𑌾𑌨𑌮𑍇॒𑌵 𑌤𑍇𑌜॑𑌸𑌾-𑌽𑌨𑌕𑍍𑌤𑌿 । 𑌤𑍍𑌰𑍇॒𑌧𑌾-𑌽𑌨॑𑌕𑍍𑌤𑌿 ।
𑌤𑍍𑌰𑌯॑ 𑌇॒𑌮𑍇 𑌲𑍋॒𑌕𑌾𑌃 ॥ 61 ॥

𑌏॒𑌭𑍍𑌯 𑌏॒𑌵𑍈𑌨𑌂॑-𑌲𑍋𑌁॒𑌕𑍇𑌭𑍍𑌯𑍋॑-𑌽𑌨𑌕𑍍𑌤𑌿 ।
𑌅॒𑌭𑌿॒𑌪𑍂॒𑌰𑍍𑌵𑌮॑𑌨𑌕𑍍𑌤𑌿 । 𑌅॒𑌭𑌿॒𑌪𑍂॒𑌰𑍍𑌵𑌮𑍇॒𑌵 𑌯𑌜॑𑌮𑌾𑌨॒-𑌨𑍍𑌤𑍇𑌜॑𑌸𑌾-𑌽𑌨𑌕𑍍𑌤𑌿 ॥ 𑌅॒𑌕𑍍𑌤𑌗𑍍​𑌮𑍍 𑌰𑌿𑌹𑌾॑𑌣𑌾॒ 𑌇𑌤𑍍𑌯𑌾॑𑌹 ।
𑌤𑍇𑌜𑍋॒ 𑌵𑌾 𑌆𑌜𑍍𑌯᳚𑌮𑍍 । 𑌯𑌜॑𑌮𑌾𑌨𑌃 𑌪𑍍𑌰𑌸𑍍𑌤॒𑌰𑌃 ।
𑌯𑌜॑𑌮𑌾𑌨𑌮𑍇॒𑌵 𑌤𑍇𑌜॑𑌸𑌾-𑌽𑌨𑌕𑍍𑌤𑌿 । 𑌵𑌿॒𑌯𑌨𑍍𑌤𑍁॒ 𑌵𑌯॒ 𑌇𑌤𑍍𑌯𑌾॑𑌹 । 𑌵𑌯॑ 𑌏॒𑌵𑍈𑌨॑-𑌙𑍍𑌕𑍃॒𑌤𑍍𑌵𑌾 ।
𑌸𑍁॒𑌵॒𑌰𑍍𑌗𑌂-𑌲𑍋𑌁॒𑌕-𑌙𑍍𑌗॑𑌮𑌯𑌤𑌿 ॥ 62 ॥

𑌪𑍍𑌰॒𑌜𑌾𑌂-𑌯𑍋𑌁𑌨𑌿॒-𑌮𑍍𑌮𑌾 𑌨𑌿𑌰𑍍𑌮𑍃॑𑌕𑍍𑌷॒𑌮𑌿𑌤𑍍𑌯𑌾॑𑌹 । 𑌪𑍍𑌰॒𑌜𑌾𑌯𑍈॑ 𑌗𑍋𑌪𑍀॒𑌥𑌾𑌯॑ ॥ 𑌆𑌪𑍍𑌯𑌾॑𑌯𑌨𑍍𑌤𑌾॒𑌮𑌾𑌪॒ 𑌓𑌷॑𑌧𑌯॒ 𑌇𑌤𑍍𑌯𑌾॑𑌹 । 𑌆𑌪॑ 𑌏॒𑌵𑍌𑌷॑𑌧𑍀॒𑌰𑌾𑌪𑍍𑌯𑌾॑𑌯𑌯𑌤𑌿 । 𑌮॒𑌰𑍁𑌤𑌾॒-𑌮𑍍𑌪𑍃𑌷॑𑌤𑌯॒-𑌸𑍍𑌸𑍍𑌥𑍇𑌤𑍍𑌯𑌾॑𑌹 । 𑌮॒𑌰𑍁𑌤𑍋॒ 𑌵𑍈 𑌵𑍃𑌷𑍍𑌟𑍍𑌯𑌾॑ 𑌈𑌶𑌤𑍇 ।
𑌵𑍃𑌷𑍍𑌟𑌿॑𑌮𑍇॒𑌵𑌾𑌵॑𑌰𑍁𑌨𑍍𑌧𑍇 । 𑌦𑌿𑌵॑-𑌙𑍍𑌗𑌚𑍍𑌛॒ 𑌤𑌤𑍋॑ 𑌨𑍋॒ 𑌵𑍃𑌷𑍍𑌟𑌿॒𑌮𑍇𑌰॒𑌯𑍇𑌤𑍍𑌯𑌾॑𑌹 । 𑌵𑍃𑌷𑍍𑌟𑌿॒𑌰𑍍𑌵𑍈 𑌦𑍍𑌯𑍌𑌃 । 𑌵𑍃𑌷𑍍𑌟𑌿॑𑌮𑍇॒𑌵𑌾𑌵॑𑌰𑍁𑌨𑍍𑌧𑍇 ॥ 63 ॥

𑌯𑌾𑌵॒𑌦𑍍𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁𑌃 𑌪𑍍𑌰॑𑌸𑍍𑌤॒𑌰-𑌮𑍍𑌪𑍍𑌰॒𑌹𑌰॑𑌤𑌿 । 𑌤𑌾𑌵॑𑌦॒𑌸𑍍𑌯𑌾𑌯𑍁॑𑌰𑍍𑌮𑍀𑌯𑌤𑍇 । 𑌆॒𑌯𑍁॒𑌷𑍍𑌪𑌾 𑌅॑𑌗𑍍𑌨𑍇॒-𑌽𑌸𑍍𑌯𑌾𑌯𑍁॑𑌰𑍍𑌮𑍇 𑌪𑌾॒𑌹𑍀𑌤𑍍𑌯𑌾॑𑌹 । 𑌆𑌯𑍁॑𑌰𑍇॒𑌵𑌾𑌤𑍍𑌮𑌨𑍍-𑌧॑𑌤𑍍𑌤𑍇 ।
𑌯𑌾𑌵॒𑌦𑍍𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁𑌃 𑌪𑍍𑌰॑𑌸𑍍𑌤॒𑌰-𑌮𑍍𑌪𑍍𑌰॒𑌹𑌰॑𑌤𑌿 । 𑌤𑌾𑌵॑𑌦𑌸𑍍𑌯॒ 𑌚𑌕𑍍𑌷𑍁॑𑌰𑍍𑌮𑍀𑌯𑌤𑍇 । 𑌚॒𑌕𑍍𑌷𑍁॒𑌷𑍍𑌪𑌾 𑌅॑𑌗𑍍𑌨𑍇-𑌽𑌸𑌿॒ 𑌚𑌕𑍍𑌷𑍁॑𑌰𑍍𑌮𑍇 𑌪𑌾॒𑌹𑍀𑌤𑍍𑌯𑌾॑𑌹 । 𑌚𑌕𑍍𑌷𑍁॑𑌰𑍇॒𑌵𑌾𑌤𑍍𑌮𑌨𑍍-𑌧॑𑌤𑍍𑌤𑍇 ॥
𑌧𑍍𑌰𑍁॒𑌵𑌾-𑌽𑌸𑍀𑌤𑍍𑌯𑌾॑𑌹॒ 𑌪𑍍𑌰𑌤𑌿॑𑌷𑍍𑌠𑌿𑌤𑍍𑌯𑍈 ॥
𑌯-𑌮𑍍𑌪॑𑌰𑌿॒𑌧𑌿-𑌮𑍍𑌪॒𑌰𑍍𑌯𑌧॑𑌤𑍍𑌥𑌾॒ 𑌇𑌤𑍍𑌯𑌾॑𑌹 ॥ 64 ॥

𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌅𑌗𑍍𑌨𑍇॑ 𑌦𑍇𑌵 𑌪॒𑌣𑌿𑌭𑌿॑-𑌰𑍍𑌵𑍀॒𑌯𑌮𑌾॑𑌣॒ 𑌇𑌤𑍍𑌯𑌾॑𑌹 । 𑌅॒𑌗𑍍𑌨𑌯॑ 𑌏॒𑌵𑍈𑌨॒-𑌞𑍍𑌜𑍁𑌷𑍍𑌟॑-𑌙𑍍𑌕𑌰𑍋𑌤𑌿 ।
𑌤-𑌨𑍍𑌤॑ 𑌏॒𑌤𑌮𑌨𑍁॒ 𑌜𑍋𑌷॑-𑌮𑍍𑌭𑌰𑌾॒𑌮𑍀𑌤𑍍𑌯𑌾॑𑌹 ।
𑌸॒𑌜𑌾॒𑌤𑌾𑌨𑍇॒𑌵𑌾𑌸𑍍𑌮𑌾॒ 𑌅𑌨𑍁॑𑌕𑌾𑌨𑍍𑌕𑌰𑍋𑌤𑌿 ।
𑌨𑍇𑌦𑍇॒𑌷 𑌤𑍍𑌵𑌦॑𑌪𑌚𑍇॒𑌤𑌯𑌾॑𑌤𑌾॒ 𑌇𑌤𑍍𑌯𑌾॒𑌹𑌾𑌨𑍁॑𑌖𑍍𑌯𑌾𑌤𑍍𑌯𑍈 ॥ 𑌯॒𑌜𑍍𑌞𑌸𑍍𑌯॒ 𑌪𑌾𑌥॒ 𑌉𑌪॒ 𑌸𑌮𑌿॑𑌤॒𑌮𑌿𑌤𑍍𑌯𑌾॑𑌹 ।
𑌭𑍂॒𑌮𑌾𑌨॑𑌮𑍇॒𑌵𑍋𑌪𑍈॑𑌤𑌿 । 𑌪॒𑌰𑌿॒𑌧𑍀𑌨𑍍-𑌪𑍍𑌰𑌹॑𑌰𑌤𑌿 ।
𑌯॒𑌜𑍍𑌞𑌸𑍍𑌯॒ 𑌸𑌮𑌿॑𑌷𑍍𑌟𑍍𑌯𑍈 ॥ 65 ॥

𑌸𑍍𑌰𑍁𑌚𑍌॒ 𑌸-𑌮𑍍𑌪𑍍𑌰𑌸𑍍𑌰𑌾॑𑌵𑌯𑌤𑌿 । 𑌯𑌦𑍇॒𑌵 𑌤𑌤𑍍𑌰॑ 𑌕𑍍𑌰𑍂॒𑌰𑌮𑍍 ।
𑌤𑌤𑍍-𑌤𑍇𑌨॑ 𑌶𑌮𑌯𑌤𑌿 । 𑌜𑍁॒𑌹𑍍𑌵𑌾𑌮𑍁॑𑌪॒𑌭𑍃𑌤᳚𑌮𑍍 । 𑌯॒𑌜॒𑌮𑌾॒𑌨॒𑌦𑍇॒𑌵॒𑌤𑍍𑌯𑌾॑ 𑌵𑍈 𑌜𑍁॒𑌹𑍂𑌃 ।
𑌭𑍍𑌰𑌾॒𑌤𑍃॒𑌵𑍍𑌯॒𑌦𑍇॒𑌵॒𑌤𑍍𑌯𑍋॑𑌪॒𑌭𑍃𑌤𑍍 ।
𑌯𑌜॑𑌮𑌾𑌨𑌾𑌯𑍈॒𑌵 𑌭𑍍𑌰𑌾𑌤𑍃॑𑌵𑍍𑌯॒𑌮𑍁𑌪॑𑌸𑍍𑌤𑌿-𑌙𑍍𑌕𑌰𑍋𑌤𑌿 ॥
𑌸॒𑌗𑍍𑌗𑍍॒𑌸𑍍𑌰𑌾॒𑌵𑌭𑌾॑𑌗𑌾॒-𑌸𑍍𑌸𑍍𑌥𑍇𑌤𑍍𑌯𑌾॑𑌹 ।
𑌵𑌸॑𑌵𑍋॒ 𑌵𑍈 𑌰𑍁॒𑌦𑍍𑌰𑌾 𑌆॑𑌦𑌿॒𑌤𑍍𑌯𑌾-𑌸𑍍𑌸𑌗𑍍𑌗𑍍॑𑌸𑍍𑌰𑌾॒𑌵𑌭𑌾॑𑌗𑌾𑌃 ।
𑌤𑍇𑌷𑌾॒-𑌨𑍍𑌤-𑌦𑍍𑌭𑌾॑𑌗॒𑌧𑍇𑌯᳚𑌮𑍍 ॥ 66 ॥

𑌤𑌾𑌨𑍇॒𑌵 𑌤𑍇𑌨॑ 𑌪𑍍𑌰𑍀𑌣𑌾𑌤𑌿 । 𑌵𑍈॒𑌶𑍍𑌵॒𑌦𑍇॒𑌵𑍍𑌯𑌰𑍍𑌚𑌾 । 𑌏॒𑌤𑍇 𑌹𑌿 𑌵𑌿𑌶𑍍𑌵𑍇॑ 𑌦𑍇॒𑌵𑌾𑌃 । 𑌤𑍍𑌰𑌿॒𑌷𑍍𑌟𑍁𑌗𑍍-𑌭॑𑌵𑌤𑌿 । 𑌇॒𑌨𑍍𑌦𑍍𑌰𑌿॒𑌯𑌂-𑌵𑍈𑌁 𑌤𑍍𑌰𑌿॒𑌷𑍍𑌟𑍁𑌕𑍍 । 𑌇॒𑌨𑍍𑌦𑍍𑌰𑌿॒𑌯𑌮𑍇॒𑌵 𑌯𑌜॑𑌮𑌾𑌨𑍇 𑌦𑌧𑌾𑌤𑌿 ॥ 𑌅॒𑌗𑍍𑌨𑍇𑌰𑍍𑌵𑌾॒𑌮𑌪॑𑌨𑍍𑌨𑌗𑍃𑌹𑌸𑍍𑌯॒ 𑌸𑌦॑𑌸𑌿 𑌸𑌾𑌦𑌯𑌾॒𑌮𑍀𑌤𑍍𑌯𑌾॑𑌹 ।
𑌇॒𑌯𑌂-𑌵𑌾𑌁 𑌅॒𑌗𑍍𑌨𑌿𑌰𑌪॑𑌨𑍍𑌨𑌗𑍃𑌹𑌃 । 𑌅॒𑌸𑍍𑌯𑌾 𑌏॒𑌵𑍈𑌨𑍇॒ 𑌸𑌦॑𑌨𑍇 𑌸𑌾𑌦𑌯𑌤𑌿 । 𑌸𑍁॒𑌮𑍍𑌨𑌾𑌯॑ 𑌸𑍁𑌮𑍍𑌨𑌿𑌨𑍀 𑌸𑍁॒𑌮𑍍𑌨𑍇 𑌮𑌾॑ 𑌧𑌤𑍍𑌤॒𑌮𑌿𑌤𑍍𑌯𑌾॑𑌹 ॥ 6𑍭 ॥

𑌪𑍍𑌰॒𑌜𑌾 𑌵𑍈 𑌪॒𑌶𑌵॑-𑌸𑍍𑌸𑍁॒𑌮𑍍𑌨𑌮𑍍 । 𑌪𑍍𑌰॒𑌜𑌾𑌮𑍇॒𑌵 𑌪॒𑌶𑍂𑌨𑌾॒𑌤𑍍𑌮𑌨𑍍𑌧॑𑌤𑍍𑌤𑍇 । 𑌧𑍁॒𑌰𑌿 𑌧𑍁॒𑌰𑍍𑌯𑍌॑ 𑌪𑌾𑌤॒𑌮𑌿𑌤𑍍𑌯𑌾॑𑌹 । 𑌜𑌾॒𑌯𑌾॒𑌪॒𑌤𑍍𑌯𑍋-𑌰𑍍𑌗𑍋॑𑌪𑍀॒𑌥𑌾𑌯॑ ॥ 𑌅𑌗𑍍𑌨𑍇॑-𑌽𑌦𑌬𑍍𑌧𑌾𑌯𑍋-𑌽𑌶𑍀𑌤𑌤𑌨𑍋॒ 𑌇𑌤𑍍𑌯𑌾॑𑌹 । 𑌯॒𑌥𑌾॒𑌯॒𑌜𑍁𑌰𑍇॒𑌵𑍈𑌤𑌤𑍍 । 𑌪𑌾॒𑌹𑌿 𑌮𑌾॒-𑌽𑌦𑍍𑌯 𑌦𑌿॒𑌵𑌃 𑌪𑌾॒𑌹𑌿 𑌪𑍍𑌰𑌸𑌿॑𑌤𑍍𑌯𑍈 𑌪𑌾॒𑌹𑌿 𑌦𑍁𑌰𑌿॑𑌷𑍍𑌟𑍍𑌯𑍈 𑌪𑌾॒𑌹𑌿 𑌦𑍁॑𑌰𑌦𑍍𑌮॒𑌨𑍍𑌯𑍈 𑌪𑌾॒𑌹𑌿 𑌦𑍁𑌶𑍍𑌚॑𑌰𑌿𑌤𑌾॒𑌦𑌿𑌤𑍍𑌯𑌾॑𑌹 । 𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 ।
𑌅𑌵𑌿॑𑌷-𑌨𑍍𑌨𑌃 𑌪𑌿॒𑌤𑍁-𑌙𑍍𑌕𑍃॑𑌣𑍁 𑌸𑍁॒𑌷𑌦𑌾॒ 𑌯𑍋𑌨𑌿॒𑌗𑍍𑌗𑍍॒ 𑌸𑍍𑌵𑌾𑌹𑍇𑌤𑍀᳚𑌦𑍍𑌧𑍍𑌮-𑌸𑌂॒​𑌵𑍃𑌁𑌶𑍍𑌚॑𑌨𑌾𑌨𑍍𑌯𑌨𑍍𑌵𑌾𑌹𑌾𑌰𑍍𑌯॒𑌪𑌚॑𑌨𑍇 𑌽𑌭𑍍𑌯𑌾॒𑌧𑌾𑌯॑ 𑌫𑌲𑍀𑌕𑌰𑌣𑌹𑍋॒𑌮-𑌞𑍍𑌜𑍁॑𑌹𑍋𑌤𑌿 ।
𑌅𑌤𑌿॑𑌰𑌿𑌕𑍍𑌤𑌾𑌨𑌿॒ 𑌵𑌾 𑌇॑𑌦𑍍𑌧𑍍𑌮 𑌸𑌂॒​𑌵𑍃𑌁𑌶𑍍𑌚॑𑌨𑌾𑌨𑌿 ॥ 6𑍮 ॥

𑌅𑌤𑌿॑𑌰𑌿𑌕𑍍𑌤𑌾𑌃 𑌫𑌲𑍀॒𑌕𑌰॑𑌣𑌾𑌃 । 𑌅𑌤𑌿॑𑌰𑌿𑌕𑍍𑌤𑌮𑌾𑌜𑍍𑌯𑍋𑌚𑍍𑌛𑍇𑌷॒𑌣𑌮𑍍 ।
𑌅𑌤𑌿॑𑌰𑌿𑌕𑍍𑌤 𑌏॒𑌵𑌾𑌤𑌿॑𑌰𑌿𑌕𑍍𑌤-𑌨𑍍𑌦𑌧𑌾𑌤𑌿 । 𑌅𑌥𑍋॒ 𑌅𑌤𑌿॑𑌰𑌿𑌕𑍍𑌤𑍇-𑌨𑍈॒𑌵𑌾𑌤𑌿॑𑌰𑌿𑌕𑍍𑌤-𑌮𑌾॒𑌪𑍍𑌤𑍍𑌵𑌾-𑌽𑌵॑𑌰𑍁𑌨𑍍𑌧𑍇 ॥ 𑌵𑍇𑌦𑌿॑-𑌰𑍍𑌦𑍇॒𑌵𑍇𑌭𑍍𑌯𑍋॒ 𑌨𑌿𑌲𑌾॑𑌯𑌤 । 𑌤𑌾𑌂-𑌵𑍇𑌁॒𑌦𑍇𑌨𑌾𑌨𑍍𑌵॑𑌵𑌿𑌨𑍍𑌦𑌨𑍍𑌨𑍍 । 𑌵𑍇॒𑌦𑍇𑌨॒ 𑌵𑍇𑌦𑌿𑌂॑-𑌵𑌿𑌁𑌵𑌿𑌦𑍁𑌃 𑌪𑍃𑌥𑌿॒𑌵𑍀𑌮𑍍 । 𑌸𑌾 𑌪॑𑌪𑍍𑌰𑌥𑍇 𑌪𑍃𑌥𑌿॒𑌵𑍀 𑌪𑌾𑌰𑍍𑌥𑌿॑𑌵𑌾𑌨𑌿 ।
𑌗𑌰𑍍𑌭॑-𑌮𑍍𑌬𑌿𑌭𑌰𑍍𑌤𑌿॒ 𑌭𑍁𑌵॑𑌨𑍇𑌷𑍍𑌵॒𑌨𑍍𑌤𑌃 ।
𑌤𑌤𑍋॑ 𑌯॒𑌜𑍍𑌞𑍋 𑌜𑌾॑𑌯𑌤𑍇 𑌵𑌿𑌶𑍍𑌵॒𑌦𑌾𑌨𑌿॒𑌰𑌿𑌤𑌿॑ 𑌪𑍁॒𑌰𑌸𑍍𑌤𑌾᳚-𑌥𑍍𑌸𑍍𑌤𑌮𑍍𑌬𑌯॒𑌜𑍁𑌷𑍋॑ 𑌵𑍇॒𑌦𑍇𑌨॒ 𑌵𑍇𑌦𑌿॒𑌗𑍍​𑌮𑍍॒ 𑌸𑌮𑍍𑌮𑌾॒𑌷𑍍𑌟𑍍𑌰𑍍𑌯𑌨𑍁॑𑌵𑌿𑌤𑍍𑌤𑍍𑌯𑍈 ॥ 6𑍯 ॥

𑌅𑌥𑍋॒ 𑌯-𑌦𑍍𑌵𑍇॒𑌦𑌶𑍍𑌚॒ 𑌵𑍇𑌦𑌿॑𑌶𑍍𑌚॒ 𑌭𑌵॑𑌤𑌃 । 𑌮𑌿॒𑌥𑍁॒𑌨॒𑌤𑍍𑌵𑌾𑌯॒ 𑌪𑍍𑌰𑌜𑌾᳚𑌤𑍍𑌯𑍈 । 𑌪𑍍𑌰॒𑌜𑌾𑌪॑𑌤𑍇॒𑌰𑍍𑌵𑌾 𑌏॒𑌤𑌾𑌨𑌿॒ 𑌶𑍍𑌮𑌶𑍍𑌰𑍂॑𑌣𑌿 । 𑌯-𑌦𑍍𑌵𑍇॒𑌦𑌃 । 𑌪𑌤𑍍𑌨𑌿॑𑌯𑌾 𑌉॒𑌪𑌸𑍍𑌥॒ 𑌆𑌸𑍍𑌯॑𑌤𑌿 ।
𑌮𑌿॒𑌥𑍁॒𑌨𑌮𑍇॒𑌵 𑌕॑𑌰𑍋𑌤𑌿 । 𑌵𑌿॒𑌨𑍍𑌦𑌤𑍇᳚ 𑌪𑍍𑌰॒𑌜𑌾𑌮𑍍 ।
𑌵𑍇॒𑌦𑌗𑍍​𑌮𑍍 𑌹𑍋𑌤𑌾-𑌽𑌽𑌹॑𑌵॒𑌨𑍀𑌯𑌾᳚-𑌥𑍍𑌸𑍍𑌤𑍃॒𑌣𑌨𑍍𑌨𑍇॑𑌤𑌿 ।
𑌯॒𑌜𑍍𑌞𑌮𑍇॒𑌵 𑌤-𑌥𑍍𑌸𑌨𑍍𑌤॑𑌨𑍋॒𑌤𑍍𑌯𑍋𑌤𑍍𑌤॑𑌰𑌸𑍍𑌮𑌾-𑌦𑌰𑍍𑌧𑌮𑌾॒𑌸𑌾𑌤𑍍 ।
𑌤𑌗𑍍​𑌮𑍍 𑌸𑌨𑍍𑌤॑𑌤॒𑌮𑍁𑌤𑍍𑌤॑𑌰𑍇-𑌽𑌰𑍍𑌧𑌮𑌾॒𑌸 𑌆𑌲॑𑌭𑌤𑍇 ॥ 𑍭0 ॥

𑌤-𑌙𑍍𑌕𑌾॒𑌲𑍇𑌕𑌾॑𑌲॒ 𑌆𑌗॑𑌤𑍇 𑌯𑌜𑌤𑍇 ॥ 𑌬𑍍𑌰॒𑌹𑍍𑌮॒𑌵𑌾॒𑌦𑌿𑌨𑍋॑ 𑌵𑌦𑌨𑍍𑌤𑌿 ।
𑌸 𑌤𑍍𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁-𑌸𑍍𑌸𑍍𑌯𑌾᳚𑌤𑍍 । 𑌯𑍋 𑌯𑌤𑍋॑ 𑌯॒𑌜𑍍𑌞-𑌮𑍍𑌪𑍍𑌰॑𑌯𑍁॒𑌙𑍍𑌕𑍍𑌤𑍇 ।
𑌤𑌦𑍇॑𑌨-𑌮𑍍𑌪𑍍𑌰𑌤𑌿𑌷𑍍𑌠𑌾॒𑌪𑌯॒𑌤𑍀𑌤𑌿॑ ।
𑌵𑌾𑌤𑌾॒𑌦𑍍𑌵𑌾 𑌅॑𑌦𑍍𑌧𑍍𑌵॒𑌰𑍍𑌯𑍁𑌰𑍍𑌯॒𑌜𑍍𑌞-𑌮𑍍𑌪𑍍𑌰𑌯𑍁॑𑌙𑍍𑌕𑍍𑌤𑍇 ।
𑌦𑍇𑌵𑌾॑ 𑌗𑌾𑌤𑍁𑌵𑌿𑌦𑍋 𑌗𑌾॒𑌤𑍁𑌂-𑌵𑌿𑌁॒𑌤𑍍𑌵𑌾 𑌗𑌾॒𑌤𑍁𑌮𑌿॒𑌤𑍇𑌤𑍍𑌯𑌾॑𑌹 ।
𑌯𑌤॑ 𑌏॒𑌵 𑌯॒𑌜𑍍𑌞-𑌮𑍍𑌪𑍍𑌰॑𑌯𑍁॒𑌙𑍍𑌕𑍍𑌤𑍇 ।
𑌤𑌦𑍇॑𑌨॒-𑌮𑍍𑌪𑍍𑌰𑌤𑌿॑𑌷𑍍𑌠𑌾𑌪𑌯𑌤𑌿 ।
𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 𑌪𑍍𑌰॒𑌜𑌯𑌾॑ 𑌪॒𑌶𑍁𑌭𑌿॒-𑌰𑍍𑌯𑌜॑𑌮𑌾𑌨𑌃 ॥ 𑍭1 ॥
(𑌤𑌿॒𑌷𑍍𑌠॒𑌤𑍀॒ - 𑌮𑍇 𑌲𑍋॒𑌕𑌾 - 𑌗॑𑌮𑌯𑌤𑌿॒ - 𑌦𑍍𑌯𑍌-𑌰𑍍𑌵𑍃𑌷𑍍𑌟𑌿॑𑌮𑍇॒𑌵𑌾𑌵॑𑌰𑍁𑌨𑍍𑌧𑍇 - 𑌪॒𑌰𑍍𑌯𑌧॑𑌤𑍍𑌥𑌾॒ 𑌇𑌤𑍍𑌯𑌾॑𑌹॒ - 𑌸𑌮𑌿॑𑌷𑍍𑌟𑍍𑌯𑍈 - 𑌭𑌾𑌗॒𑌧𑍇𑌯𑌂॑ - 𑌧𑌤𑍍𑌤॒𑌮𑌿𑌤𑍍𑌯𑌾॑𑌹॒ - 𑌵𑌾 𑌇॑𑌦𑍍𑌧𑍍𑌮 𑌸𑌂॒​𑌵𑍃𑌁𑌶𑍍𑌚॑𑌨𑌾॒ - 𑌨𑍍𑌯𑌨𑍁॑𑌵𑌿𑌤𑍍𑌤𑍍𑌯𑍈 - 𑌲𑌭𑌤𑍇॒ - 𑌯𑌜॑𑌮𑌾𑌨𑌃) (𑌅. 𑍯)

𑌅𑌨𑍁𑌵𑌾𑌕𑌂 10 - 𑌪𑌤𑍍𑌨𑍀𑌯𑍋𑌕𑍍𑌰𑌵𑌿𑌮𑍋𑌕𑌃
𑌯𑍋 𑌵𑌾 𑌅𑌯॑𑌥𑌾𑌦𑍇𑌵𑌤𑌂-𑌯𑌁॒𑌜𑍍𑌞𑌮𑍁॑𑌪॒𑌚𑌰॑𑌤𑌿 ।
𑌆 𑌦𑍇॒𑌵𑌤𑌾᳚𑌭𑍍𑌯𑍋 𑌵𑍃𑌶𑍍𑌚𑍍𑌯𑌤𑍇 । 𑌪𑌾𑌪𑍀॑𑌯𑌾-𑌨𑍍𑌭𑌵𑌤𑌿 । 𑌯𑍋 𑌯॑𑌥𑌾𑌦𑍇𑌵॒𑌤𑌮𑍍 । 𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆𑌵𑍃॑𑌶𑍍𑌚𑍍𑌯𑌤𑍇 ।
𑌵𑌸𑍀॑𑌯𑌾-𑌨𑍍𑌭𑌵𑌤𑌿 । 𑌵𑌾॒𑌰𑍁॒𑌣𑍋 𑌵𑍈 𑌪𑌾𑌶𑌃॑ ।
𑌇॒𑌮𑌂-𑌵𑌿𑌁𑌷𑍍𑌯𑌾॑𑌮𑌿॒ 𑌵𑌰𑍁॑𑌣𑌸𑍍𑌯॒ 𑌪𑌾𑌶॒𑌮𑌿𑌤𑍍𑌯𑌾॑𑌹 ।
𑌵॒𑌰𑍁॒𑌣॒𑌪𑌾॒𑌶𑌾𑌦𑍇॒𑌵𑍈𑌨𑌾᳚-𑌮𑍍𑌮𑍁𑌞𑍍𑌚𑌤𑌿 ।
𑌸॒𑌵𑌿॒𑌤𑍃𑌪𑍍𑌰॑𑌸𑍂𑌤𑍋 𑌯𑌥𑌾𑌦𑍇𑌵॒𑌤𑌮𑍍 ॥ 𑍭2 ॥

𑌨 𑌦𑍇॒𑌵𑌤𑌾᳚𑌭𑍍𑌯॒ 𑌆𑌵𑍃॑𑌶𑍍𑌚𑍍𑌯𑌤𑍇 । 𑌵𑌸𑍀॑𑌯𑌾-𑌨𑍍𑌭𑌵𑌤𑌿 ।
𑌧𑌾॒𑌤𑍁𑌶𑍍𑌚॒ 𑌯𑍋𑌨𑍌॑ 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕 𑌇𑌤𑍍𑌯𑌾॑𑌹 । 𑌅॒𑌗𑍍𑌨𑌿𑌰𑍍𑌵𑍈 𑌧𑌾॒𑌤𑌾 । 𑌪𑍁𑌣𑍍𑌯॒-𑌙𑍍𑌕𑌰𑍍𑌮॑ 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑌃 । 𑌅॒𑌗𑍍𑌨𑌿𑌰𑍇॒𑌵𑍈𑌨𑌾᳚-𑌨𑍍𑌧𑌾॒𑌤𑌾 । 𑌪𑍁𑌣𑍍𑌯𑍇॒ 𑌕𑌰𑍍𑌮॑𑌣𑌿 𑌸𑍁𑌕𑍃॒𑌤𑌸𑍍𑌯॑ 𑌲𑍋॒𑌕𑍇 𑌦॑𑌧𑌾𑌤𑌿 । 𑌸𑍍𑌯𑍋॒𑌨-𑌮𑍍𑌮𑍇॑ 𑌸॒𑌹 𑌪𑌤𑍍𑌯𑌾॑ 𑌕𑌰𑍋॒𑌮𑍀𑌤𑍍𑌯𑌾॑𑌹 ।
𑌆॒𑌤𑍍𑌮𑌨॑𑌶𑍍𑌚॒ 𑌯𑌜॑𑌮𑌾𑌨𑌸𑍍𑌯॒ 𑌚𑌾𑌨𑌾᳚𑌤𑍍𑌯𑍈 𑌸॒𑌤𑍍𑌵𑌾𑌂​𑌯𑌁॑ ॥
𑌸𑌮𑌾𑌯𑍁॑𑌷𑌾॒ 𑌸𑌮𑍍𑌪𑍍𑌰॒𑌜𑌯𑍇𑌤𑍍𑌯𑌾॑𑌹 ॥ 𑍭3 ॥

𑌆॒𑌶𑌿𑌷॑𑌮𑍇॒𑌵𑍈𑌤𑌾𑌮𑌾𑌶𑌾᳚𑌸𑍍𑌤𑍇 𑌪𑍂𑌰𑍍𑌣𑌪𑌾॒𑌤𑍍𑌰𑍇 । 𑌅॒𑌨𑍍𑌤॒𑌤𑍋॑-𑌽𑌨𑍁॒𑌷𑍍𑌟𑍁𑌭𑌾᳚ । 𑌚𑌤𑍁॑𑌷𑍍𑌪॒𑌦𑍍𑌵𑌾 𑌏॒𑌤𑌚𑍍𑌛𑌨𑍍𑌦𑌃॒ 𑌪𑍍𑌰𑌤𑌿॑𑌷𑍍𑌠𑌿𑌤॒-𑌮𑍍𑌪𑌤𑍍𑌨𑌿॑𑌯𑍈 𑌪𑍂𑌰𑍍𑌣𑌪𑌾॒𑌤𑍍𑌰𑍇 𑌭॑𑌵𑌤𑌿 ।
𑌅॒𑌸𑍍𑌮𑌿𑌨𑍍 𑌁𑌲𑍋॒𑌕𑍇 𑌪𑍍𑌰𑌤𑌿॑𑌤𑌿𑌷𑍍𑌠𑌾॒𑌨𑍀𑌤𑌿॑ ।
𑌅॒𑌸𑍍𑌮𑌿𑌨𑍍𑌨𑍇॒𑌵 𑌲𑍋॒𑌕𑍇 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌅𑌥𑍋॒ 𑌵𑌾𑌗𑍍𑌵𑌾 𑌅॑𑌨𑍁॒𑌷𑍍𑌟𑍁𑌕𑍍 । 𑌵𑌾𑌮𑍍𑌮𑌿॑𑌥𑍁॒𑌨𑌮𑍍 । 𑌆𑌪𑍋॒ 𑌰𑍇𑌤𑌃॑ 𑌪𑍍𑌰॒𑌜𑌨॑𑌨𑌮𑍍 ।
𑌏॒𑌤𑌸𑍍𑌮𑌾॒𑌦𑍍𑌵𑍈 𑌮𑌿॑𑌥𑍁॒𑌨𑌾𑌦𑍍𑌵𑌿॒𑌦𑍍𑌯𑍋𑌤॑𑌮𑌾𑌨-𑌸𑍍𑌸𑍍𑌤॒𑌨𑌯॑𑌨𑍍𑌵𑌰𑍍​𑌷𑌤𑌿 । 𑌰𑍇𑌤॑-𑌸𑍍𑌸𑌿॒𑌞𑍍𑌚𑌨𑍍𑌨𑍍 ॥ 𑍭4 ॥

𑌪𑍍𑌰॒𑌜𑌾𑌃 𑌪𑍍𑌰॑𑌜॒𑌨𑌯𑌨𑍍𑌨𑍍॑ ॥ 𑌯𑌦𑍍𑌵𑍈 𑌯॒𑌜𑍍𑌞𑌸𑍍𑌯॒ 𑌬𑍍𑌰𑌹𑍍𑌮॑𑌣𑌾 𑌯𑍁॒𑌜𑍍𑌯𑌤𑍇᳚ । 𑌬𑍍𑌰𑌹𑍍𑌮॑𑌣𑌾॒ 𑌵𑍈 𑌤𑌸𑍍𑌯॑ 𑌵𑌿𑌮𑍋॒𑌕𑌃 । 𑌅॒𑌦𑍍𑌭𑌿-𑌶𑍍𑌶𑌾𑌨𑍍𑌤𑌿𑌃॑ । 𑌵𑌿𑌮𑍁॑𑌕𑍍𑌤𑌂॒-𑌵𑌾𑌁 𑌏॒𑌤𑌰𑍍​𑌹𑌿॒ 𑌯𑍋𑌕𑍍𑌤𑍍𑌰॒-𑌮𑍍𑌬𑍍𑌰𑌹𑍍𑌮॑𑌣𑌾 ।
𑌆॒𑌦𑌾𑌯𑍈॑𑌨॒𑌤𑍍𑌪𑌤𑍍𑌨𑍀॑ 𑌸॒𑌹𑌾𑌪 𑌉𑌪॑𑌗𑍃𑌹𑍍𑌣𑍀𑌤𑍇॒ 𑌶𑌾𑌨𑍍𑌤𑍍𑌯𑍈᳚ ।
𑌅॒𑌞𑍍𑌜॒𑌲𑍌 𑌪𑍂᳚𑌰𑍍𑌣𑌪𑌾॒𑌤𑍍𑌰𑌮𑌾𑌨॑𑌯𑌤𑌿 । 𑌰𑍇𑌤॑ 𑌏॒𑌵𑌾𑌸𑍍𑌯𑌾᳚-𑌮𑍍𑌪𑍍𑌰॒𑌜𑌾-𑌨𑍍𑌦॑𑌧𑌾𑌤𑌿 । 𑌪𑍍𑌰॒𑌜𑌯𑌾॒ 𑌹𑌿 𑌮॑𑌨𑍁॒𑌷𑍍𑌯𑌃॑ 𑌪𑍂॒𑌰𑍍𑌣𑌃 ।
𑌮𑍁𑌖𑌂॒-𑌵𑌿𑌁𑌮𑍃॑𑌷𑍍𑌟𑍇 । 𑌅॒𑌵॒𑌭𑍃॒𑌥𑌸𑍍𑌯𑍈॒𑌵 𑌰𑍂॒𑌪-𑌙𑍍𑌕𑍃॒𑌤𑍍𑌵𑍋𑌤𑍍𑌤𑌿॑𑌷𑍍𑌠𑌤𑌿 ॥ 𑍭5 ॥
(𑌸॒𑌵𑌿॒𑌤𑍃𑌪𑍍𑌰॑𑌸𑍂𑌤𑍋 𑌯𑌥𑌾𑌦𑍇𑌵॒𑌤𑌂-𑌪𑍍𑌰॒𑌜𑌯𑍇𑌤𑍍𑌯𑌾॑𑌹-𑌸𑌿॒𑌞𑍍𑌚-𑌨𑍍𑌮𑍃॑𑌷𑍍𑌟॒ 𑌏𑌕॑-𑌞𑍍𑌚) (𑌅. 10)

𑌅𑌨𑍁𑌵𑌾𑌕𑌂 11 - 𑌉𑌪𑌵𑍇𑌷𑍋𑌪𑌗𑍂𑌹𑌨𑌮𑍍
𑌪॒𑌰𑌿॒𑌵𑍇॒𑌷𑍋 𑌵𑌾 𑌏॒𑌷 𑌵𑌨॒𑌸𑍍𑌪𑌤𑍀॑𑌨𑌾𑌮𑍍 । 𑌯𑌦𑍁॑𑌪𑌵𑍇॒𑌷𑌃 । 𑌯 𑌏॒𑌵𑌂-𑌵𑍇𑌁𑌦॑ । 𑌵𑌿॒𑌨𑍍𑌦𑌤𑍇॑ 𑌪𑌰𑌿𑌵𑍇॒𑌷𑍍𑌟𑌾𑌰᳚𑌮𑍍 । 𑌤𑌮𑍁॑𑌤𑍍𑌕॒𑌰𑍇 ॥ 𑌯-𑌨𑍍𑌦𑍇॒𑌵𑌾 𑌮॑𑌨𑍁॒𑌷𑍍𑌯𑍇॑𑌷𑍁 ।
𑌉॒𑌪॒𑌵𑍇॒𑌷𑌮𑌧𑌾॑𑌰𑌯𑌨𑍍𑌨𑍍 । 𑌯𑍇 𑌅॒𑌸𑍍𑌮𑌦𑌪॑𑌚𑍇𑌤𑌸𑌃 । 𑌤𑌾𑌨॒𑌸𑍍𑌮𑌭𑍍𑌯॑-𑌮𑌿॒𑌹𑌾𑌕𑍁॑𑌰𑍁 । 𑌉𑌪॑𑌵𑍇॒𑌷𑍋𑌪॑𑌵𑌿𑌡𑍍𑌢𑌿 𑌨𑌃 ॥ 𑍭6 ॥

𑌪𑍍𑌰॒𑌜𑌾-𑌮𑍍𑌪𑍁𑌷𑍍𑌟𑌿॒𑌮𑌥𑍋॒ 𑌧𑌨᳚𑌮𑍍 ।
𑌦𑍍𑌵𑌿॒𑌪𑌦𑍋॑ 𑌨॒𑌶𑍍𑌚𑌤𑍁॑𑌷𑍍𑌪𑌦𑌃 । 𑌧𑍍𑌰𑍁॒𑌵𑌾𑌨-𑌨॑𑌪𑌗𑌾𑌨𑍍-𑌕𑍁॒𑌰𑍍𑌵𑌿𑌤𑌿॑ 𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚॒𑌮𑍁𑌪॑𑌗𑍂𑌹𑌤𑌿 ।
𑌤𑌸𑍍𑌮𑌾᳚-𑌤𑍍𑌪𑍁॒𑌰𑌸𑍍𑌤𑌾᳚-𑌤𑍍𑌪𑍍𑌰॒𑌤𑍍𑌯𑌞𑍍𑌚॑-𑌶𑍍𑌶𑍂॒𑌦𑍍𑌰𑌾 𑌅𑌵॑𑌸𑍍𑌯𑌨𑍍𑌤𑌿 । 𑌸𑍍𑌥॒𑌵𑌿॒𑌮॒𑌤 𑌉𑌪॑𑌗𑍂𑌹𑌤𑌿 । 𑌅𑌪𑍍𑌰॑𑌤𑌿𑌵𑌾𑌦𑌿𑌨 𑌏॒𑌵𑍈𑌨𑌾᳚𑌨𑍍 𑌕𑍁𑌰𑍁𑌤𑍇 ॥
𑌧𑍃𑌷𑍍𑌟𑌿॒𑌰𑍍𑌵𑌾 𑌉॑𑌪𑌵𑍇॒𑌷𑌃 ।
𑌶𑍁॒𑌚𑌾𑌰𑍍𑌤𑍋 𑌵𑌜𑍍𑌰𑍋॒ 𑌬𑍍𑌰𑌹𑍍𑌮॑𑌣𑌾॒ 𑌸𑌗𑍍​𑌮𑍍𑌶𑌿॑𑌤𑌃 ।
𑌯𑍋𑌪॑𑌵𑍇॒𑌷𑍇 𑌶𑍁𑌕𑍍 । 𑌸𑌾-𑌽𑌮𑍁𑌮𑍃॑𑌚𑍍𑌛𑌤𑍁॒ 𑌯-𑌨𑍍𑌦𑍍𑌵𑌿॒𑌷𑍍𑌮 𑌇𑌤𑌿॑ ॥ 𑍭𑍭 ॥

𑌅𑌥𑌾᳚𑌸𑍍𑌮𑍈 𑌨𑌾𑌮॒ 𑌗𑍃𑌹𑍍𑌯॒ 𑌪𑍍𑌰𑌹॑𑌰𑌤𑌿 । 𑌨𑌿𑌰॒𑌮𑍁-𑌨𑍍𑌨𑍁॑𑌦॒ 𑌓𑌕॑𑌸𑌃 । 𑌸॒𑌪𑌤𑍍𑌨𑍋॒ 𑌯𑌃 𑌪𑍃॑𑌤॒𑌨𑍍𑌯𑌤𑌿॑ । 𑌨𑌿॒𑌰𑍍𑌬𑌾॒𑌦𑍍𑌧𑍍𑌯𑍇॑𑌨 𑌹॒𑌵𑌿𑌷𑌾᳚ । 𑌇𑌨𑍍𑌦𑍍𑌰॑ 𑌏𑌣॒-𑌮𑍍𑌪𑌰𑌾॑𑌶𑌰𑍀𑌤𑍍 ।
𑌇॒𑌹𑌿 𑌤𑌿॒𑌸𑍍𑌰𑌃 𑌪॑𑌰𑌾॒𑌵𑌤𑌃॑ । 𑌇॒𑌹𑌿 𑌪𑌞𑍍𑌚॒𑌜𑌨𑌾॒𑌗𑍍​𑌮𑍍॒ 𑌅𑌤𑌿॑ ।
𑌇॒𑌹𑌿 𑌤𑌿॒𑌸𑍍𑌰𑍋-𑌽𑌤𑌿॑ 𑌰𑍋𑌚॒𑌨𑌾 𑌯𑌾𑌵॑𑌤𑍍 । 𑌸𑍂𑌰𑍍𑌯𑍋॒ 𑌅𑌸॑-𑌦𑍍𑌦𑌿॒𑌵𑌿 ।
𑌪॒𑌰॒𑌮𑌾-𑌨𑍍𑌤𑍍𑌵𑌾॑ 𑌪𑌰𑌾॒𑌵𑌤᳚𑌮𑍍 ॥ 𑍭𑍮 ॥
𑌇𑌨𑍍𑌦𑍍𑌰𑍋॑ 𑌨𑌯𑌤𑍁 𑌵𑍃𑌤𑍍𑌰॒𑌹𑌾 । 𑌯𑌤𑍋॒ 𑌨 𑌪𑍁𑌨॒𑌰𑌾𑌯॑𑌸𑌿 ।
𑌶॒𑌶𑍍𑌵॒𑌤𑍀𑌭𑍍𑌯॒-𑌸𑍍𑌸𑌮𑌾᳚𑌭𑍍𑌯॒ 𑌇𑌤𑌿॑ । 𑌤𑍍𑌰𑌿॒𑌵𑍃𑌦𑍍𑌵𑌾 𑌏॒𑌷 𑌵𑌜𑍍𑌰𑍋॒ 𑌬𑍍𑌰𑌹𑍍𑌮॑𑌣𑌾॒ 𑌸𑌗𑍍​𑌮𑍍𑌶𑌿॑𑌤𑌃 । 𑌶𑍁॒𑌚𑍈𑌵𑍈𑌨𑌂॑-𑌵𑌿𑌁॒𑌦𑍍𑌧𑍍𑌵𑌾 ।
𑌏॒𑌭𑍍𑌯𑍋 𑌲𑍋॒𑌕𑍇𑌭𑍍𑌯𑍋॑ 𑌨𑌿॒𑌰𑍍𑌣𑍁𑌦𑍍𑌯॑ । 𑌵𑌜𑍍𑌰𑍇॑𑌣॒ 𑌬𑍍𑌰𑌹𑍍𑌮॑𑌣𑌾 𑌸𑍍𑌤𑍃𑌣𑍁𑌤𑍇 । 𑌹॒𑌤𑍋॑ 𑌽𑌸𑌾𑌵𑌵॑𑌧𑌿𑌷𑍍𑌮𑌾॒-𑌮𑍁𑌮𑌿𑌤𑍍𑌯𑌾॑𑌹॒
𑌸𑍍𑌤𑍃𑌤𑍍𑌯𑍈᳚ । 𑌯-𑌨𑍍𑌦𑍍𑌵𑌿॒𑌷𑍍𑌯𑌾𑌤𑍍𑌤-𑌨𑍍𑌧𑍍𑌯𑌾॑𑌯𑍇𑌤𑍍 ।
𑌶𑍁॒𑌚𑍈𑌵𑍈𑌨॑-𑌮𑌰𑍍𑌪𑌯𑌤𑌿 ॥ 𑍭𑍯 ॥
(𑌨𑍋॒-𑌦𑍍𑌵𑌿॒𑌷𑍍𑌮 𑌇𑌤𑌿॑-𑌪𑌰𑌾॒𑌵𑌤॑-𑌮𑌰𑍍𑌪𑌯𑌤𑌿) (𑌅. 11)

(𑌪𑍍𑌰𑌤𑍍𑌯𑍁॑𑌷𑍍𑌟𑌂 - 𑌦𑌿॒𑌵-𑌶𑍍𑌶𑌿𑌲𑍍𑌪॒ - 𑌮𑌯॑𑌜𑍍𑌞𑍋 - 𑌧𑍃॒𑌤-𑌞𑍍𑌚॑ - 𑌦𑍇𑌵𑌾𑌸𑍁॒𑌰𑌾-𑌸𑍍𑌸 𑌏॒𑌤𑌮𑌿𑌨𑍍𑌦𑍍𑌰॒ - 𑌆𑌪𑍋॑ 𑌦𑍇𑌵𑍀 - 𑌰॒𑌗𑍍𑌨𑌿𑌨𑌾॒ - 𑌧𑌿𑌷𑍍𑌣𑌿॑𑌯𑌾॒ - 𑌅𑌥॒ 𑌸𑍍𑌰𑍁𑌚𑍌॒ - 𑌯𑍋 𑌵𑌾 𑌅𑌯॑𑌥𑌾𑌦𑍇𑌵𑌤𑌂 - 𑌪𑌰𑌿𑌵𑍇॒𑌷𑍋 𑌵𑌾 𑌏𑌕𑌾॑𑌦𑌶)

(𑌪𑍍𑌰𑌤𑍍𑌯𑍁॑𑌷𑍍𑌟॒ - 𑌮𑌯॑𑌜𑍍𑌞 - 𑌏॒𑌷𑌾 𑌹𑌿 𑌵𑌿𑌶𑍍𑌵𑍇॑𑌷𑌾-𑌨𑍍𑌦𑍇॒𑌵𑌾𑌨𑌾॑ - 𑌮𑍂॒𑌰𑍍𑌜𑌾 𑌪𑍃॑𑌥𑌿॒𑌵𑍀 - 𑌮𑌥𑍋॒ 𑌰𑌕𑍍𑌷॑𑌸𑌾𑌂॒ - 𑌤𑌾-𑌮𑍍𑌪𑍍𑌰𑌜𑌾॑𑌤𑌿𑌂॒ - 𑌦𑍍𑌵𑌾𑌭𑍍𑌯𑌾𑌂॒ - 𑌤-𑌙𑍍𑌕𑌾॒𑌲𑍇𑌕𑌾॑𑌲𑍇॒ 𑌨𑌵॑𑌸𑌪𑍍𑌤𑌤𑌿𑌃)
(𑌪𑍍𑌰𑌤𑍍𑌯𑍁॑𑌷𑍍𑌟𑌗𑍍​𑌮𑍍 - 𑌶𑍁॒𑌚𑍈𑌵𑍈𑌨॑𑌮𑌰𑍍𑌪𑌯𑌤𑌿)

॥ 𑌹𑌰𑌿𑌃॑ 𑌓𑌮𑍍 ॥

॥ 𑌕𑍃𑌷𑍍𑌣 𑌯𑌜𑍁𑌰𑍍𑌵𑍇𑌦𑍀𑌯 𑌤𑍈𑌤𑍍𑌤𑌿𑌰𑍀𑌯 𑌬𑍍𑌰𑌾𑌹𑍍𑌮𑌣𑍇 𑌤𑍃𑌤𑍀𑌯𑌾𑌷𑍍𑌟𑌕𑍇 𑌤𑍃𑌤𑍀𑌯 𑌪𑍍𑌰𑌪𑌾𑌠𑌕-𑌸𑍍𑌸𑌮𑌾𑌪𑍍𑌤𑌃 ॥