කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ තෘතීයඃ ප්රපාඨකඃ - දර්.ශපූර්ණමාසේෂ්ටිබ්රාහ්මණම්
ඕ-න්නමඃ පරමාත්මනේ, ශ්රී මහාගණපතයේ නමඃ,
ශ්රී ගුරුභ්යෝ නමඃ । හ॒රිඃ॒ ඕම් ॥
අනුවාකං 1 - ස්ත්රුඛ්සම්මාර්ගඃ
ප්රත්යු॑ෂ්ට॒ග්ම්॒ රක්ෂඃ॒ ප්රත්යු॑ෂ්ටා॒ අරා॑තය॒ ඉත්යා॑හ । රක්ෂ॑සා॒-මප॑හත්යෛ । අ॒ග්නේර්ව॒ස්තේජි॑ෂ්ඨේන॒ තේජ॑සා॒ නිෂ්ට॑පා॒මීත්යා॑හ මේද්ධ්ය॒ත්වාය॑ ।
ස්රුච॒-ස්සම්මා᳚ර්ෂ්ටි । ස්රු॒වමග්රේ᳚ । පුමාග්ම්॑ සමේ॒වාභ්ය॒-ස්සග්ග්ශ්ය॑ති මිථුන॒ත්වාය॑ । අථ॑ ජු॒හූම් । අථෝ॑ප॒භෘත᳚ම් । අථ॑ ධ්රු॒වාම් । අ॒සෞ වෛ ජු॒හූඃ ॥ 1 ॥
අ॒න්තරි॑ක්ෂමුප॒භෘත් । පෘ॒ථි॒වී ධ්රු॒වා ।
ඉ॒මේ වෛ ලෝ॒කා-ස්ස්රුචඃ॑ । වෘෂ්ටි॑-ස්ස॒මාංර්ජ॑නානි । වෘෂ්ටි॒ර්වා ඉ॒මාන් ඁලෝ॒කාන॑නුපූ॒ර්ව-ඞ්ක॑ල්පයති ।
තේ තතඃ॑ ක්ලෘ॒ප්තා-ස්සමේ॑ධන්තේ ।
සමේ॑ධන්තේ-ऽස්මා ඉ॒මේ ලෝ॒කාඃ ප්ර॒ජයා॑ ප॒ශුභිඃ॑ ।
ය ඒ॒වං-වේඁද॑ ॥ යදි॑ කා॒මයේ॑ත॒ වර්ෂු॑කඃ ප॒ර්ජන්ය॑-ස්ස්යා॒දිති॑ । අ॒ග්ර॒ත-ස්සම්මෘ॑ජ්යාත් ॥ 2 ॥
වෘෂ්ටි॑මේ॒ව නිය॑ච්ඡති । අ॒වා॒චීනා᳚ග්රා॒ හි වෘෂ්ටිඃ॑ ।
යදි॑ කා॒මයේ॒තාව॑ර්ෂුක-ස්ස්යා॒දිති॑ । මූ॒ල॒ත-ස්සම්මෘ॑ජ්යාත් । වෘෂ්ටි॑මේ॒වෝද්ය॑ච්ඡති । තදු॒ වා ආ॑හුඃ । අ॒ග්ර॒ත ඒ॒වෝපරි॑ෂ්ටා॒-ථ්සම්මෘ॑ජ්යාත් ।
මූ॒ල॒තෝ॑-ऽධස්තා᳚ත් । තද॑නුපූ॒ර්ව-ඞ්ක॑ල්පතේ ।
වර්ෂු॑කෝ භව॒තීති॑ ॥ 3 ॥
ප්රාචී॑මභ්යා॒කාර᳚ම් । අග්රෛ॑රන්තර॒තඃ । ඒ॒වමි॑ව॒ හ්යන්න॑ම॒ද්යතේ᳚ । අථෝ॒ අග්රා॒ද්වා ඕෂ॑ධීනා॒මූර්ජ॑-ම්ප්ර॒ජා උප॑ජීවන්ති । ඌ॒ර්ජ ඒ॒වා-න්නාද්ය॒ස්යාව॑රුද්ධ්යෛ । අ॒ධස්තා᳚-ත්ප්ර॒තීචී᳚ම් । ද॒ණ්ඩමු॑ත්තම॒තඃ ।
මූලේ॑න॒ මූල॒-ම්ප්රති॑ෂ්ඨිත්යෛ । තස්මා॑දර॒ත්නෞ ප්රාඤ්ච්යු॒පරි॑ෂ්ටා॒-ල්ලෝමා॑නි । ප්ර॒ත්යඤ්ච්ය॒ධස්තා᳚ත් ॥ 4 ॥
ස්රුග්ඝ්යේ॑ෂා ॥ ප්රා॒ණෝ වෛ ස්රු॒වඃ । ජු॒හූර්දක්ෂි॑ණෝ॒ හස්තඃ॑ । උ॒ප॒භෘථ්ස॒ව්යඃ । ආ॒ත්මා ධ්රු॒වා । අන්නග්ම්॑ ස॒මාංර්ජ॑නානි । මු॒ඛ॒තෝ වෛ ප්රා॒ණෝ॑-ऽපා॒නෝ භූ॒ත්වා ।
ආ॒ත්මාන॒මන්න॑-ම්ප්ර॒විශ්ය॑ । බා॒හ්ය॒තස්ත॒නුවග්ම්॑ ශුභයති । තස්මා᳚-ථ්ස්රු॒වමේ॒වාග්රේ॒ සම්මා᳚ර්ෂ්ටි ॥ මු॒ඛ॒තෝ හි ප්රා॒ණෝ॑-ऽපා॒නෝ භූ॒ත්වා ।
ආ॒ත්මාන॒මන්න॑-මාවි॒ශති॑ । තෞ ප්රා॑ණාපා॒නෞ ।
අව්ය॑ර්ධුකඃ ප්රාණාපා॒නාභ්යා᳚-ම්භවති । ය ඒ॒වං-වේඁද॑ ॥ 5 ॥
(ජු॒හු--ර් මෘ॑ජ්යා-ද්- භව॒තීති॑ - ප්ර॒ත්යඤ්ච්ය॒ධස්තා᳚න් - මාර්ෂ්ටි॒ පඤ්ච॑ ච) (අ. 1)
3.3.2 ආනුවාකං 2 - සම්මාර්ජනානාමග්නෞ ප්රහරණම්
දි॒ව-ශ්ශිල්ප॒මව॑තතම් । පෘ॒ථි॒ව්යාඃ ක॒කුභි॑ ශ්රි॒තම් ।
තේන॑ ව॒යග්ම් ස॒හස්ර॑වල්ශේන ।
ස॒පත්න॑-න්නාශයාමසි॒ ස්වාහේති॑ ස්රුඛ්ස॒මාංර්ජ॑නාන්ය॒ග්නෞ ප්රහ॑රති ।
ආපෝ॒ වෛ ද॒ර්භාඃ । රූ॒පමේ॒වෛෂා॑මේ॒ත-න්ම॑හි॒මානං॒-ව්යාඁච॑ෂ්ටේ ॥ අ॒නු॒ෂ්ටුභ॒ර්චා । ආනු॑ෂ්ටුභඃ ප්ර॒ජාප॑තිඃ । ප්රා॒ජා॒ප॒ත්යෝ වේ॒දඃ ।
වේ॒දස්යාග්රග්ග්॑ ස්රුඛ්ස॒මාංර්ජ॑නානි ॥ 6 ॥
ස්වේනෛ॒වෛනා॑නි॒ ඡන්ද॑සා । ස්වයා॑ දේ॒වත॑යා॒ සම॑ර්ධයති । අථෝ॒ ඍග්වාව යෝෂා᳚ । ද॒ර්භෝ
වෘෂා᳚ । තන්මි॑ථු॒නම් । මි॒ථු॒නමේ॒වාස්ය॒ ත-ද්ය॒ජ්ඤේ ක॑රෝති ප්ර॒ජන॑නාය । ප්රජා॑යතේ ප්ර॒ජයා॑ ප॒ශුභි॒-ර්යජ॑මානඃ ॥ තාන්යේකේ॒ වෘථෛ॒වාපා᳚ස්යන්ති ।
තත්තථා॒ න කා᳚ර්යම් । ආර॑බ්ධස්ය ය॒ජ්ඤිය॑ස්ය॒ කර්ම॑ණ॒-ස්ස වි॑දෝ॒හඃ ॥ 7 ॥
යද්යේ॑නානි ප॒ශවෝ॑-ऽභි॒තිෂ්ඨේ॑යුඃ ।
න ත-ත්ප॒ශුභ්යඃ॒ කම් । අ॒ද්භිර්මා᳚-ර්ජයි॒ත්වෝත්ක॒රේ න්ය॑ස්යේත් ।
යද්වෛ ය॒ජ්ඤිය॑ස්ය॒ කර්ම॑ණෝ॒-ऽන්යත්රාහු॑තීභ්ය-ස්ස॒න්තිෂ්ඨ॑තේ । උ॒ත්ක॒රෝ වාව තස්ය॑ ප්රති॒ෂ්ඨා । ඒ॒තාග්ම් හි තස්මෛ᳚ ප්රති॒ෂ්ඨා-න්දේ॒වා-ස්ස॒මභ॑රන්න් ।
යද॒ද්භිර්මා॒ර්ජය॑ති । තේන॑ ශා॒න්තම් । යදු॑ත්ක॒රේ න්ය॒ස්යති॑ । ප්ර॒ති॒ෂ්ඨාමේ॒වෛනා॑නි॒ ත-ද්ග॑මයති ॥ 8 ॥
ප්රති॑තිෂ්ඨති ප්ර॒ජයා॑ ප॒ශුභි॒ර්යජ॑මානඃ ॥
අථෝ᳚ ස්ත॒ම්බස්ය॒ වා ඒ॒ත-ද්රූ॒පම් । ය-ථ්ස්රු॑ඛ්ස॒මාංර්ජ॑නානි । ස්ත॒ම්බ॒ශෝ වා ඕෂ॑ධයඃ ।
තාසා᳚-ඤ්ජරත්ක॒ක්ෂේ ප॒ශවෝ॒ න ර॑මන්තේ । අප්රි॑යෝ॒ හ්යේ॑ෂා-ඤ්ජරත්ක॒ක්ෂඃ । යාව॑දප්රියෝ හ॒ වෛ ජ॑රත්ක॒ක්ෂඃ ප॑ශූ॒නාම් । තාව॑දප්රියඃ පශූ॒නා-ම්භ॑වති । යස්යෛ॒තාන්ය॒න්යත්රා॒ග්නේ-ර්දධ॑ති ।
න॒ව॒දාව්යා॑සු॒ වා ඕෂ॑ධීෂු ප॒ශවෝ॑ රමන්තේ ॥ 9 ॥
න॒ව॒දා॒වෝ හ්යේ॑ෂා-ම්ප්රි॒යඃ । යාව॑ත්ප්රියෝ හ॒ වෛ න॑වදා॒වඃ ප॑ශූ॒නාම් । තාව॑ත්ප්රියඃ පශූ॒නා-ම්භ॑වති । යස්යෛ॒තාන්ය॒ග්නෞ ප්ර॒හර॑න්ති । තස්මා॑දේ॒තාන්ය॒ග්නාවේ॒ව ප්රහ॑රේත් । ය॒ත॒රස්මින්᳚-ථ්සම්මෘ॒ජ්යාත් ।
ප॒ශූ॒නා-න්ධෘත්යෛ᳚ ॥ යෝ භූ॒තානා॒මධි॑පතිඃ । රු॒ද්රස්ත॑න්තිච॒රෝ වෘෂා᳚ । ප॒ශූන॒ස්මාක॒-ම්මා හිග්ම්॑සීඃ । ඒ॒තද॑ස්තු හු॒ත-න්තව॒ ස්වාහේත්ය॑ග්නි ස॒මාංර්ජ॑නාන්ය॒ග්නෞ ප්රහ॑රති । ඒ॒ෂා වා ඒ॒තේෂාං॒-යෝඁනිඃ॑ । ඒ॒ෂා ප්ර॑ති॒ෂ්ඨා । ස්වාමේ॒වෛනා॑නි॒ යෝනි᳚ම් ।
ස්වා-ම්ප්ර॑ති॒ෂ්ඨා-ඞ්ග॑මයති । ප්රති॑තිෂ්ඨති ප්ර॒ජයා॑ ප॒ශුභි॒ර්යජ॑මානඃ ॥ 10 ॥
(වේ॒දස්යාග්රග්ග්॑ ස්රුඛ්ස॒මාංර්ජ॑නානි - විදෝ॒හෝ - ග॑මයති - ප॒ශවෝ॑ රමන්තේ - හිග්ම්සී॒-ෂ්ෂට්ච॑) (අ. 2)
අනුවාකං 3 - පත්නීසන්නහනම්
අය॑ජ්ඤෝ॒ වා ඒ॒ෂඃ । යෝ॑-ऽප॒ත්නීකඃ॑ । න ප්ර॒ජාඃ ප්රජා॑යේරන්න් । පත්න්යන්වා᳚ස්තේ । ය॒ජ්ඤමේ॒වාකඃ॑ । ප්ර॒ජානා᳚-ම්ප්ර॒ජන॑නාය । ය-ත්තිෂ්ඨ॑න්තී ස॒නංහ්යේ॑ත ।
ප්රි॒ය-ඤ්ජ්ඤා॒තිග්ම් රු॑න්ධ්යාත් । ආසී॑නා॒ සන්න॑හ්යතේ ।
ආසී॑නා॒ හ්යේ॑ෂා වී॒ර්ය॑-ඞ්ක॒රෝති॑ ॥ 11 ॥
ය-ත්ප॒ශ්චාත්-ප්රාච්ය॒න්වාසී॑ත । අ॒නයා॑ ස॒මද॑-න්දධීත ।
දේ॒වානා॒-ම්පත්නි॑යා ස॒මද॑-න්දධීත । දේශා᳚-ද්දක්ෂිණ॒ත උදී॒ච්යන්වා᳚ස්තේ । ආ॒ත්මනෝ॑ ගෝපී॒ථාය॑ ॥ ආ॒ශාසා॑නා සෞමන॒සමිත්යා॑හ । මේද්ධ්යා॑මේ॒වෛනා॒-ඞ්කේව॑ලී-ඞ්කෘ॒ත්වා । ආ॒ශිෂා॒ සම॑ර්ධයති ।
අ॒ග්නේරනු॑ව්රතා භූ॒ත්වා සන්න॑හ්යේ සුකෘ॒තාය॒ කමිත්යා॑හ । ඒ॒තද්වෛ පත්නි॑යෛ ව්රතෝප॒නය॑නම් ॥ 12 ॥
තේනෛ॒වෛනාං᳚-ව්රඁ॒තමුප॑නයති । තස්මා॑දාහුඃ ।
යශ්චෛ॒වං-වේඁද॒ යශ්ච॒න । යෝක්ත්ර॑මේ॒ව යු॑තේ । යම॒න්වාස්තේ᳚ । තස්යා॒මුෂ්මි॑න් ඁලෝ॒කේ භ॑ව॒තීති॒ යෝක්ත්රේ॑ණ । ය-ද්යෝක්ත්ර᳚ම් । ස යෝගඃ॑ । යදාස්තේ᳚ । ස ක්ෂේමඃ॑ ॥ 13 ॥
යෝ॒ග॒ක්ෂේ॒මස්ය॒ ක්ලෘප්ත්යෛ᳚ ॥ යු॒ක්ත-ඞ්ක්රි॑යාතා ආ॒ශීඃ කාමේ॑ යුජ්යාතා॒ ඉති॑ । ආ॒ශිෂ॒-ස්සමෘ॑ද්ධ්යෛ । ග්ර॒න්ථි-ඞ්ග්ර॑ථ්නාති । ආ॒ශිෂ॑ ඒ॒වාස්යා॒-ම්පරි॑ගෘහ්ණාති ।
පුමා॒න්॒. වෛ ග්ර॒න්ථිඃ । ස්ත්රී පත්නී᳚ । ත-න්මි॑ථු॒නම් ।
මි॒ථු॒නමේ॒වාස්ය॒ ත-ද්ය॒ජ්ඤේ ක॑රෝති ප්ර॒ජන॑නාය ।
ප්රජා॑යතේ ප්ර॒ජයා॑ ප॒ශුභි॒-ර්යජ॑මානඃ ॥ 14 ॥
අථෝ॑ අ॒ර්ධෝ වා ඒ॒ෂ ආ॒ත්මනඃ॑ । ය-ත්පත්නී᳚ ।
ය॒ජ්ඤස්ය॒ ධෘත්යා॒ අශි॑ථිලම්භාවාය ॥
සු॒ප්ර॒ජස॑ස්ත්වා ව॒යග්ම් සු॒පත්නී॒රුප॑සේදි॒මේත්යා॑හ ।
ය॒ජ්ඤමේ॒ව ත-න්මි॑ථු॒නී ක॑රෝති । ඌ॒නේ-ऽති॑රික්ත-න්ධීයාතා॒ ඉති॒ ප්රජා᳚ත්යෛ ॥ ම॒හී॒නා-ම්පයෝ॒-ऽස්යෝෂ॑ධීනා॒ග්ම්॒ රස॒ ඉත්යා॑හ । රූ॒පමේ॒වාස්යෛ॒-තන්ම॑හි॒මානං॒-ව්යාඁච॑ෂ්ටේ । තස්ය॒ තේ-ऽක්ෂී॑යමාණස්ය॒ නිර්ව॑පාමි දේවය॒ජ්යායා॒ ඉත්යා॑හ । ආ॒ශිෂ॑මේ॒වෛතාමාශා᳚ස්තේ ॥ 15 ॥
(ක॒රෝති॑ - ව්රතෝප॒නය॑නං॒ - ක්ෂේමෝ॒ - යජ॑මානඃ - ශාස්තේ) (අ. 3)
අනුවාකං 4 - ආජ්යෝත්පවනම්
ඝෘ॒ත-ඤ්ච॒ වෛ මධු॑ ච ප්ර॒ජාප॑තිරාසීත් । යතෝ॒ මද්ධ්වා॑සීත් । තතඃ॑ ප්ර॒ජා අ॑සෘජත ।
තස්මා॒-න්මධු॑ෂි ප්ර॒ජන॑නමිවාස්ති ।
තස්මා॒-න්මධු॑ෂා॒ න ප්රච॑රන්ති । යා॒තයා॑ම॒ හි । ආජ්යේ॑න॒ ප්රච॑රන්ති । ය॒ජ්ඤෝ වා ආජ්ය᳚ම් । ය॒ජ්ඤේනෛ॒ව ය॒ජ්ඤ-ම්ප්රච॑ර॒න්ත්යයා॑තයාමත්වාය ।
පත්න්යවේ᳚ක්ෂතේ ॥ 16 ॥
මි॒ථු॒න॒ත්වාය॒ ප්රජා᳚ත්යෛ । යද්වෛ පත්නී॑ ය॒ජ්ඤස්ය॑ ක॒රෝති॑ । මි॒ථු॒න-න්තත් । අථෝ॒ පත්නි॑යා ඒ॒වෛෂ ය॒ජ්ඤස්යා᳚න්වාර॒ම්භෝ-ऽන॑වච්ඡිත්ත්යෛ ॥
අ॒මේ॒ද්ධ්යං-වාඁ ඒ॒ත-ත්ක॑රෝති । ය-ත්පත්න්ය॒වේක්ෂ॑තේ ।
ගාර්හ॑ප॒ත්යේ ऽධි॑ශ්රයති මේද්ධ්ය॒ත්වාය॑ । ආ॒හ॒ව॒නීය॑-ම॒භ්යුද්ද්ර॑වති । ය॒ජ්ඤස්ය॒ සන්ත॑ත්යෛ । තේජෝ॑-ऽසි॒ තේජෝ-ऽනු॒ ප්රේහීත්යා॑හ ॥ 17 ॥
තේජෝ॒ වා අ॒ග්නිඃ । තේජ॒ ආජ්ය᳚ම් । තේජ॑සෛ॒ව තේජ॒-ස්සම॑ර්ධයති । අ॒ග්නිස්තේ॒ තේජෝ॒ මා විනෛ॒දිත්යා॒හාහිග්ම්॑සායෛ । ස්ඵ්යස්ය॒ වර්ත්මන්᳚ථ්
සාදයති । ය॒ජ්ඤස්ය॒ සන්ත॑ත්යෛ । අ॒ග්නේර්ජි॒හ්වා-ऽසි॑ සු॒භූර්දේ॒වානා॒මිත්යා॑හ । ය॒ථා॒ ය॒ජුරේ॒වෛතත් । ධාම්නේ॑ධාම්නේ දේ॒වේභ්යෝ॒ යජු॑ෂේයජුෂේ භ॒වේත්යා॑හ । ආ॒ශිෂ॑මේ॒වෛතාමාශා᳚ස්තේ ॥ 18 ॥
තද්වා අතඃ॑ ප॒විත්රා᳚භ්යාමේ॒වෝ-ත්පු॑නාති । යජ॑මානෝ॒ වා ආජ්ය᳚ම් । ප්රා॒ණා॒පා॒නෞ ප॒විත්රේ᳚ । යජ॑මාන ඒ॒ව ප්රා॑ණාපා॒නෞ ද॑ධාති । පු॒න॒රා॒හාර᳚ම් ।
ඒ॒වමි॑ව॒ හි ප්රා॑ණාපා॒නෞ ස॒චංර॑තඃ ।
ශු॒ක්රම॑සි॒ ජ්යෝති॑රසි॒ තේජෝ॒-ऽසීත්යා॑හ ।
රූ॒පමේ॒වාස්යෛ॒ ත-න්ම॑හි॒මානං॒-ව්යාඁච॑ෂ්ටේ । ත්රිර්යජු॑ෂා । ත්රය॑ ඉ॒මේ ලෝ॒කාඃ ॥ 19 ॥
ඒ॒ෂාං-ලෝඁ॒කානා॒මාප්ත්යෛ᳚ । ත්රිඃ । ත්ර්යා॑වෘ॒ද්ධි ය॒ජ්ඤඃ ।
අථෝ॑ මේද්ධ්ය॒ත්වාය॑ । අථාජ්ය॑වතීභ්යාම॒පඃ । රූ॒පමේ॒වාසා॑මේ॒ත-ද්වර්ණ॑-න්දධාති ।
අපි॒ වා උ॒තාහුඃ॑ । යථා॑ හ॒ වෛ යෝෂා॑ සු॒වර්ණ॒ග්ම්॒ හිර॑ණ්ය-ම්පේශ॒ල-ම්බිභ්ර॑තී රූ॒පාණ්යාස්තේ᳚ ।
ඒ॒වමේ॒තා ඒ॒තර්හීති॑ । ආපෝ॒ වෛ සර්වා॑ දේ॒වතාඃ᳚ ॥ 20 ॥
ඒ॒ෂා හි විශ්වේ॑ෂා-න්දේ॒වානා᳚-න්ත॒නූඃ । යදාජ්ය᳚ම් ॥ තත්රෝ॒භයෝ᳚ර්මීමා॒ග්ම්॒සා । ජා॒මි ස්යාත් । ය-ද්යජු॒ෂා-ऽऽජ්යං॒-යඁජු॑ෂා॒-ऽප උ॑ත්පුනී॒යාත් ।
ඡන්ද॑සා॒-ऽප උත්පු॑නා॒ත්යජා॑මිත්වාය । අථෝ॑ මිථුන॒ත්වාය॑ । සා॒වි॒ත්රි॒යර්චා । ස॒වි॒තෘප්ර॑සූත-ම්මේ॒ කර්මා॑ස॒දිති॑ । ස॒වි॒තෘප්ර॑සූතමේ॒වාස්ය॒ කර්ම॑ භවති । ප॒ච්ඡෝ ගා॑යත්රි॒යා ත්රි॑-ෂ්ෂමෘද්ධ॒ත්වාය॑ । අ॒ද්භිරේ॒වෞෂ॑ධී॒-ස්සන්න॑යති । ඕෂ॑ධීභිඃ ප॒ශූන් । ප॒ශුභි॒ර්යජ॑මානම් । ශු॒ක්ර-න්ත්වා॑ ශු॒ක්රායා॒-ඤ්ජ්යෝති॑ස්ත්වා॒ ජ්යෝති॑ෂ්ය॒ර්චිස්ත්වා॒ ऽර්චිෂීත්යා॑හ
සර්ව॒ත්වාය॑ । පර්යා᳚ප්ත්යා॒ අන॑න්තරායාය ॥ 21 ॥
(ඊ॒ක්ෂ॒ත॒- ආ॒හ॒-ශා॒ස්තේ॒-ලෝ॒කා - දේ॒වතා॑ - භවති॒ ෂට්ච॑) (අ. 4)
අනුවාකං 5 - ආජ්යග්රහණම්
දේ॒වා॒සු॒රා-ස්සංයඁ ॑ත්තා ආසන්න් ।
ස ඒ॒තමින්ද්ර॒ ආජ්ය॑ස්යාවකා॒ශ-ම॑පශ්යත් ।
තේනාවෛ᳚ක්ෂත । තතෝ॑ දේ॒වා අභ॑වන්න් । පරා-ऽසු॑රාඃ ।
ය ඒ॒වං-විඁ॒ද්වානාජ්ය॑-ම॒වේක්ෂ॑තේ ।
භව॑ත්යා॒ත්මනා᳚ । පරා᳚-ऽස්ය॒ භ්රාතෘ॑ව්යෝ භවති । බ්ර॒හ්ම॒වා॒දිනෝ॑ වදන්ති ।
යදාජ්යේ॑නා॒න්යානි॑ හ॒වීග්ෂ්ය॑-භිඝා॒රය॑ති ॥ 22 ॥
අථ॒ කේනාජ්ය॒මිති॑ । ස॒ත්යේනේති॑ බ්රූයාත් । චක්ෂු॒ර්වෛ ස॒ත්යම් । ස॒ත්යේනෛ॒වෛන॑ද॒-භිඝා॑රයති । ඊ॒ශ්ව॒රෝ වා ඒ॒ෂෝ᳚-ऽන්ධෝ භවි॑තෝඃ । යශ්චක්ෂු॒ෂා ऽऽජ්ය॑ම॒වේක්ෂ॑තේ । නි॒මීල්යාවේ᳚ක්ෂේත । දා॒ධාරා॒ත්මඤ්චක්ෂුඃ॑ । අ॒භ්යාජ්ය॑-ඞ්ඝාරයති ॥ ආජ්ය॑-ඞ්ගෘහ්ණාති ॥ 23 ॥
ඡන්දාග්ම්॑සි॒ වා ආජ්ය᳚ම් । ඡන්දාග්॑ස්යේ॒ව ප්රී॑ණාති । ච॒තුර්ජු॒හ්වා-ඞ්ගෘ॑හ්ණාති । චතු॑ෂ්පාදඃ ප॒ශවඃ॑ । ප॒ශූනේ॒වාව॑රුන්ධේ । අ॒ෂ්ටාවු॑ප॒භෘති॑ ।
අ॒ෂ්ටාක්ෂ॑රා ගාය॒ත්රී । ගා॒ය॒ත්රඃ ප්රා॒ණඃ । ප්රා॒ණමේ॒ව ප॒ශුෂු॑ දධාති ।
ච॒තුර්ධ්රු॒වායා᳚ම් ॥ 24 ॥
චතු॑ෂ්පාදඃ ප॒ශවඃ॑ । ප॒ශුෂ්වේ॒-වෝපරි॑ෂ්ටා॒ත්-ප්රති॑තිෂ්ඨති । ය॒ජ॒මා॒න॒දේ॒ව॒ත්යා॑ වෛ ජු॒හූඃ । භ්රා॒තෘ॒ව්ය॒දේ॒ව॒ත්යෝ॑ප॒භෘත් ।
ච॒තුර්ජු॒හ්වා-ඞ්ගෘ॒හ්ණන්භූයෝ॑ ගෘහ්ණීයාත් । අ॒ෂ්ටාවු॑ප॒භෘති॑ ගෘ॒හ්ණන් කනී॑යඃ ।
යජ॑මානායෛ॒ව භ්රාතෘ॑ව්ය॒මුප॑ස්ති-ඞ්කරෝති ॥
ගෞර්වෛ ස්රුචඃ॑ । ච॒තුර්ජු॒හ්වා-ඞ්ගෘ॑හ්ණාති । තස්මා॒ච්චතු॑ෂ්පදී ॥ 25 ॥
අ॒ෂ්ටාවු॑ප॒භෘති॑ । තස්මා॑ද॒ෂ්ටාශ॑ඵා । ච॒තුර්ධ්රු॒වායා᳚ම් । තස්මා॒ච්චතු॑-ස්ස්තනා ।
ගාමේ॒ව ත-ථ්සග්ග්ස්ක॑රෝති । සා-ऽස්මෛ॒ සග්ග්ස්කෘ॒තේෂ॒මූර්ජ॑-න්දුහේ ।
යජ්ජු॒හ්වා-ඞ්ගෘ॒හ්ණාති॑ । ප්ර॒යා॒ජේභ්ය॒ස්තත් ।
යදු॑ප॒භෘති॑ । ප්ර॒යා॒ජා॒නූ॒යා॒ජේභ්ය॒ස්තත් । සර්ව॑ස්මෛ॒ වා ඒ॒ත-ද්ය॒ජ්ඤාය॑ ගෘහ්යතේ ।
යද්ධ්රු॒වායා॒මාජ්ය᳚ම් ॥ 26 ॥
(අ॒භි॒ඝා॒රය॑ති - ගෘහ්ණාති - ධ්රු॒වායාං॒ - චතු॑ෂ්පදී॒ - ප්රයාජානූයා॒ජේභ්ය॒ස්ත-ද්ද්වේ॒ ච॑) (අ. 5)
අනුවාකං 6 - ස්ත්රුඛ්සාදනම්
ආපෝ॑ දේවීරග්රේපුවෝ අග්රේගුව॒ ඉත්යා॑හ । රූ॒පමේ॒වාසා॑මේ॒ත-න්ම॑හි॒මානං॒-ව්යාඁච॑ෂ්ටේ ।
අග්ර॑ ඉ॒මං-යඁ॒ජ්ඤ-න්න॑ය॒තාග්රේ॑ ය॒ජ්ඤප॑ති॒මිත්යා॑හ । අග්ර॑ ඒ॒ව ය॒ජ්ඤ-න්න॑යන්ති । අග්රේ॑ ය॒ජ්ඤප॑තිම් ।
යු॒ෂ්මානින්ද්රෝ॑-ऽවෘණීත වෘත්ර॒තූර්යේ॑ යූ॒යමින්ද්ර॑මවෘණීද්ධ්වං-වෘඁත්ර॒තූර්ය॒ ඉත්යා॑හ ।
වෘ॒ත්රග්ම් හ॑ හනි॒ෂ්යන්නින්ද්ර॒ ආපෝ॑ වව්රේ । ආපෝ॒ හේන්ද්රං॑-වඁව්රිරේ । ස॒ජ්ඤාං-මේ॒වාසා॑-මේ॒ත-ථ්සාමා॑නං॒-ව්යාඁච॑ෂ්ටේ । ප්රෝක්ෂි॑තා॒-ස්ස්ථේත්යා॑හ ॥ 27 ॥
තේනාපඃ॒ ප්රෝක්ෂි॑තාඃ ॥ අ॒ග්නි-ර්දේ॒වේභ්යෝ॒ නිලා॑යත । කෘෂ්ණෝ॑ රූ॒ප-ඞ්කෘ॒ත්වා । ස වන॒ස්පතී॒-න්ප්රාවි॑ශත් । කෘෂ්ණෝ᳚-ऽස්යාඛරේ॒ෂ්ඨෝ᳚-ऽග්නයේ᳚ ත්වා॒ ස්වාහේත්යා॑හ ।
අ॒ග්නය॑ ඒ॒වෛන॒-ඤ්ජුෂ්ට॑-ඞ්කරෝති । අථෝ॑ අ॒ග්නේරේ॒ව මේධ॒මව॑රුන්ධේ ॥ වේදි॑රසි බ॒ර්॒හිෂේ᳚ ත්වා॒ ස්වාහේත්යා॑හ । ප්ර॒ජා වෛ බ॒ර්॒හිඃ । පෘ॒ථි॒වී වේදිඃ॑ ॥ 28 ॥
ප්ර॒ජා ඒ॒ව පෘ॑ථි॒ව්යා-ම්ප්රති॑ෂ්ඨාපයති ।
බ॒ර්॒හිර॑සි ස්රු॒ග්භ්යස්ත්වා॒ ස්වාහේත්යා॑හ ।
ප්ර॒ජා වෛ බ॒ර්॒හිඃ । යජ॑මාන॒-ස්ස්රුචඃ॑ । යජ॑මානමේ॒ව ප්ර॒ජාසු॒ ප්රති॑ෂ්ඨාපයති ॥
දි॒වේ ත්වා॒-ऽන්තරි॑ක්ෂාය ත්වා පෘථි॒ව්යෛ ත්වේති॑ බ॒ර්॒හිරා॒සාද්ය॒ ප්රෝක්ෂ॑ති । ඒ॒භ්ය ඒ॒වෛනං॑-ලෝඁ॒කේභ්යඃ॒ ප්රෝක්ෂ॑ති । අථ॒ තත॑-ස්ස॒හ ස්රු॒චා පු॒රස්තා᳚-ත්ප්ර॒ත්යඤ්ච॑-ඞ්ග්ර॒න්ථි-ම්ප්රත්යු॑ක්ෂති ।
ප්ර॒ජා වෛ බ॒ර්॒හිඃ । යථා॒ සූත්යෛ॑ කා॒ල ආපඃ॑
පු॒රස්තා॒-ද්යන්ති॑ ॥ 29 ॥
තා॒දෘගේ॒ව තත් ॥ ස්ව॒ධා පි॒තෘභ්ය॒ ඉත්යා॑හ । ස්ව॒ධා॒කා॒රෝ හි පි॑තෘ॒ණාම් । ඌර්ග්භ॑ව බර්හි॒ෂද්භ්ය॒ ඉති॒ දක්ෂි॑ණායෛ॒ ශ්රෝණේ॒රෝත්ත॑රස්යෛ॒ නින॑යති॒ සන්ත॑ත්යෛ ।
මාසා॒ වෛ පි॒තරෝ॑ බර්හි॒ෂදඃ॑ । මාසා॑නේ॒ව ප්රී॑ණාති ।
මාසා॒ වා ඕෂ॑ධී-ර්ව॒ර්ධය॑න්ති । මාසාඃ᳚ පචන්ති॒ සමෘ॑ද්ධ්යෛ । අන॑තිස්කන්දන්. හ ප॒ර්ජන්යෝ॑ වර්ෂති । යත්රෛ॒තදේ॒ව-ඞ්ක්රි॒යතේ᳚ ॥ 30 ॥
ඌ॒ර්ජා පෘ॑ථි॒වී-ඞ්ග॑ච්ඡ॒තේත්යා॑හ । පෘ॒ථි॒ව්යාමේ॒වෝර්ජ॑-න්දධාති ।
තස්මා᳚-ත්පෘථි॒ව්යා ඌ॒ර්ජා භු॑ඤ්ජතේ । ග්ර॒න්ථිං-විඁස්රග්ම්॑සයති । ප්රජ॑නයත්යේ॒ව තත් । ඌ॒ර්ධ්ව-ම්ප්රාඤ්ච॒මුද්ගූ॑ඪ-ම්ප්ර॒ත්යඤ්ච॒මාය॑ච්ඡති ।
තස්මා᳚-ත්ප්රා॒චීන॒ග්ම්॒ රේතෝ॑ ධීයතේ । ප්ර॒තීචීඃ᳚ ප්ර॒ජා ජා॑යන්තේ ॥ විෂ්ණෝ॒-ස්ස්තූපෝ॒-ऽසීත්යා॑හ ।
ය॒ජ්ඤෝ වෛ විෂ්ණුඃ॑ ॥ 31 ॥
ය॒ජ්ඤස්ය॒ ධෘත්යෛ᳚ । පු॒රස්තා᳚-ත්ප්රස්ත॒ර-ඞ්ගෘ॑හ්ණාති । මුඛ්ය॑මේ॒වෛන॑-ඞ්කරෝති । ඉය॑න්ත-ඞ්ගෘහ්ණාති । ප්ර॒ජාප॑තිනා යජ්ඤමු॒ඛේන॒ සම්මි॑තම් ।
ඉය॑න්ත-ඞ්ගෘහ්ණාති । ය॒ජ්ඤ॒ප॒රුෂා॒ සම්මි॑තම් ।
ඉය॑න්ත-ඞ්ගෘහ්ණාති । ඒ॒තාව॒ද්වෛ පුරු॑ෂේ වී॒ර්ය᳚ම් ।
වී॒ර්ය॑ සම්මිතම් ॥ 32 ॥
අප॑රිමිත-ඞ්ගෘහ්ණාති । අප॑රිමිත॒ස්යාව॑රුද්ධ්යෛ ।
තස්මි॑-න්ප॒විත්රේ॒ අපි॑සෘජති । යජ॑මානෝ॒ වෛ ප්ර॑ස්ත॒රඃ ।
ප්රා॒ණා॒පා॒නෞ ප॒විත්රේ᳚ । යජ॑මාන ඒ॒ව ප්රා॑ණාපා॒නෞ ද॑ධාති ॥ ඌර්ණා᳚ම්රදස-න්ත්වා ස්තෘණා॒මීත්යා॑හ । ය॒ථා॒ය॒ජුරේ॒වෛ තත් । ස්වා॒ස॒ස්ථ-න්දේ॒වේභ්ය॒ ඉත්යා॑හ । දේ॒වේභ්ය॑ ඒ॒වෛන॑-ථ්ස්වාස॒ස්ථ-ඞ්ක॑රෝති ॥ 33 ॥
බ॒ර්॒॒හි-ස්ස්තෘ॑ණාති । ප්ර॒ජා වෛ බ॒ර්॒හිඃ । පෘ॒ථි॒වී වේදිඃ॑ । ප්ර॒ජා ඒ॒ව පෘ॑ථි॒ව්යා-ම්ප්රති॑ෂ්ඨාපයති ॥ අන॑තිදෘශ්නග්ග් ස්තෘණාති । ප්ර॒ජයෛ॒වෛන॑-ම්ප॒ශුභි॒රන॑තිදෘශ්න-ඞ්කරෝති । ධා॒රය॑-න්ප්රස්ත॒ර-ම්ප॑රි॒ධී-න්පරි॑ දධාති । යජ॑මානෝ॒ වෛ ප්ර॑ස්ත॒රඃ ।
යජ॑මාන ඒ॒ව ත-ථ්ස්ව॒ය-ම්ප॑රි॒ධී-න්පරි॑ දධාති ॥
ග॒න්ධ॒ර්වෝ॑-ऽසි වි॒ශ්වාව॑සු॒රිත්යා॑හ ॥ 34 ॥
විශ්ව॑මේ॒වායු॒-ර්යජ॑මානේ දධාති । ඉන්ද්ර॑ස්ය බා॒හුර॑සි॒ දක්ෂි॑ණ॒ ඉත්යා॑හ । ඉ॒න්ද්රි॒යමේ॒ව යජ॑මානේ දධාති । මි॒ත්රාවරු॑ණෞ ත්වෝත්තර॒තඃ පරි॑ධත්තා॒මිත්යා॑හ ।
ප්රා॒ණා॒පා॒නෞ මි॒ත්රාවරු॑ණෞ । ප්රා॒ණා॒පා॒නා-වේ॒වාස්මි॑-න්දධාති । සූර්ය॑ස්ත්වා පු॒රස්තා᳚-ත්පා॒ත්විත්යා॑හ । රක්ෂ॑සා॒-මප॑හත්යෛ । කස්යා᳚ශ්චිද॒භිශ॑ස්ත්යා॒ ඉත්යා॑හ । අප॑රිමිතාදේ॒වෛන॑-ම්පාති ॥ 35 ॥
වී॒තිහෝ᳚ත්ර-න්ත්වා කව॒ ඉත්යා॑හ । අ॒ග්නිමේ॒ව හෝ॒ත්රේණ॒ සම॑ර්ධයති । ද්යු॒මන්ත॒ග්ම්॒ සමි॑ධීම॒හීත්යා॑හ॒ සමි॑ද්ධ්යෛ । අග්නේ॑ බෘ॒හන්ත॑මද්ධ්ව॒ර ඉත්යා॑හ॒ වෘද්ධ්යෛ᳚ । වි॒ශෝ ය॒න්ත්රේ ස්ථ॒ ඉත්යා॑හ । වි॒ශාං-යඁත්යෛ᳚ ।
උ॒දී॒චීනා᳚ග්රේ॒ නිද॑ධාති॒ ප්රති॑ෂ්ඨිත්යෛ ।
වසූ॑නාග්ම් රු॒ද්රාණා॑-මාදි॒ත්යානා॒ග්ම්॒ සද॑සි සී॒දේත්යා॑හ । දේ॒වතා॑නාමේ॒ව සද॑නේ ප්රස්ත॒රග්ම් සා॑දයති ॥ ජු॒හූර॑සි ඝෘ॒තාචී॒ නාම්නේත්යා॑හ ॥ 36 ॥
අ॒සෞ වෛ ජු॒හූඃ । අ॒න්තරි॑ක්ෂමුප॒භෘත් । පෘ॒ථි॒වී ධ්රු॒වා । තාසා॑මේ॒තදේ॒ව ප්රි॒ය-න්නාම॑ । ය-ද්ඝෘ॒තාචීති॑ । ය-ද්ඝෘ॒තාචීත්යාහ॑ । ප්රි॒යේණෛ॒වෛනා॒ නාම්නා॑ සාදයති ॥
ඒ॒තා අ॑සදන්-ථ්සුකෘ॒තස්ය॑ ලෝ॒ක ඉත්යා॑හ ।
ස॒ත්යං-වෛඁ සු॑කෘ॒තස්ය॑ ලෝ॒කඃ ।
ස॒ත්ය ඒ॒වෛනා᳚-ස්සුකෘ॒තස්ය॑ ලෝ॒කේ සා॑දයති ।
තා වි॑ෂ්ණෝ පා॒හීත්යා॑හ । ය॒ජ්ඤෝ වෛ විෂ්ණුඃ॑ । ය॒ජ්ඤස්ය॒ ධෘත්යෛ᳚ । පා॒හි ය॒ජ්ඤ-ම්පා॒හි ය॒ජ්ඤප॑ති-ම්පා॒හි මාං-යඁ ॑ජ්ඤ॒නිය॒මිත්යා॑හ । ය॒ජ්ඤාය॒ යජ॑මානායා॒ත්මනේ᳚ । තේභ්ය॑ ඒ॒වාශිෂ॒මාශා॒ස්තේ-ऽනා᳚ර්ත්යෛ ॥ 37 ॥
(ස්ථේත්යා॑හ - පෘථි॒වී වේදි॒--ර් යන්ති॑ - ක්රි॒යතේ॒ - විෂ්ණු॑--ර් වී॒ර්ය॑සම්මිතං - කරෝ - ත්යාහ - පාති॒ - නාම්නේත්යා॑හ - ලෝ॒කේ සා॑දයති॒ ෂට්ච॑) (අ. 6)
අනුවාකං 7 - ආඝාරඃ
අ॒ග්නිනා॒ වෛ හෝත්රා᳚ । දේ॒වා අසු॑රා-න॒භ්ය॑භවන්න් ।
අ॒ග්නයේ॑ සමි॒ද්ධ්යමා॑නා॒යා-නු॑බ්රූ॒හීත්යා॑හ॒ භ්රාතෘ॑ව්යාභිභූත්යෛ । ඒක॑විග්ම්ශති-මිද්ධ්මදා॒රූණි॑ භවන්ති । ඒ॒ක॒වි॒ග්ම්॒ශෝ වෛ පුරු॑ෂඃ ।
පුරු॑ෂ॒ස්යාප්ත්යෛ᳚ ।
පඤ්ච॑දශේද්ධ්මදා॒රූණ්ය॒-භ්යාද॑ධාති ।
පඤ්ච॑දශ॒ වා අ॑ර්ධමා॒සස්ය॒ රාත්ර॑යඃ ।
අ॒ර්ධ॒මා॒ස॒ශ-ස්සං॑වඁථ්ස॒ර ආ᳚ප්යතේ ।
ත්රීන්-ප॑රි॒ධීන්-පරි॑-දධාති ॥ 38 ॥
ඌ॒ර්ධ්වේ ස॒මිධා॒වාද॑ධාති । අ॒නූ॒යා॒ජේභ්ය॑-ස්ස॒මිධ॒මති॑ශිනෂ්ටි । ෂට්ථ්ස-ම්ප॑ද්යන්තේ । ෂඩ්වා ඍ॒තවඃ॑ । ඍ॒තූනේ॒ව ප්රී॑ණාති । වේ॒දේනෝප॑වාජයති ।
ප්රා॒ජා॒ප॒ත්යෝ වෛ වේ॒දඃ । ප්රා॒ජා॒ප॒ත්යඃ ප්රා॒ණඃ । යජ॑මාන ආහව॒නීයඃ॑ । යජ॑මාන ඒ॒ව ප්රා॒ණ-න්ද॑ධාති ॥ 39 ॥
ත්රිරුප॑වාජයති । ත්රයෝ॒ වෛ ප්රා॒ණාඃ । ප්රා॒ණානේ॒වාස්මි॑-න්දධාති । වේ॒දේනෝ॑ප॒යත්ය॑ ස්රු॒වේණ॑ ප්රාජාප॒ත්ය-මා॑ඝා॒ර-මාඝා॑රයති । ය॒ජ්ඤෝ වෛ ප්ර॒ජාප॑තිඃ । ය॒ජ්ඤමේ॒ව ප්ර॒ජාප॑ති-ම්මුඛ॒ත ආර॑භතේ ।
අථෝ᳚ ප්ර॒ජාප॑ති॒-ස්සර්වා॑ දේ॒වතාඃ᳚ । සර්වා॑ ඒ॒ව දේ॒වතාඃ᳚ ප්රීණාති ॥ අ॒ග්නිම॑ග්නී-ත්ත්රිස්ත්රි॒-ස්සම්මෘ॒ඩ්ඪීත්යා॑හ । ත්ර්යා॑වෘ॒ද්ධි ය॒ජ්ඤඃ ॥ 40 ॥
අථෝ॒ රක්ෂ॑සා॒මප॑හත්යෛ । ප॒රි॒ධීන්-ථ්සම්මා᳚ර්ෂ්ටි । පු॒නාත්යේ॒වෛනාන්॑ । ත්රිස්ත්රි॒-ස්සම්මා᳚ර්ෂ්ටි । ත්ර්යා॑වෘ॒ද්ධි ය॒ජ්ඤඃ । අථෝ॑ මේද්ධ්ය॒ත්වාය॑ । අථෝ॑ ඒ॒තේ වෛ දේ॑වාශ්වාඃ । දේ॒වා॒ශ්වානේ॒ව ත-ථ්සම්මා᳚ර්ෂ්ටි ।
සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ।
ආසී॑නෝ॒-ऽන්ය-මා॑ඝා॒ර-මාඝා॑රයති ॥ 41 ॥
තිෂ්ඨ॑න්න॒න්යම් । යථා-ऽනෝ॑ වා॒ රථං॑වාඁ යු॒ඤ්ජ්යාත් ।
ඒ॒වමේ॒ව තද॑ද්ධ්ව॒ර්යු-ර්ය॒ජ්ඤං-යුඁ ॑නක්ති ।
සු॒ව॒ර්ගස්ය॑ ලෝ॒කස්යා॒භ්යූ᳚ඪ්යෛ ।
වහ॑න්ත්යේන-ඞ්ග්රා॒ම්යාඃ ප॒ශවඃ॑ ।
ය ඒ॒වං-වේඁද॑ ॥ භුව॑නමසි॒ විප්ර॑ථ॒ස්වේත්යා॑හ । ය॒ජ්ඤෝ වෛ භුව॑නම් । ය॒ජ්ඤ ඒ॒ව යජ॑මාන-ම්ප්ර॒ජයා॑ ප॒ශුභිඃ॑ ප්රථයති । අග්නේ॒ යෂ්ට॑රි॒ද-න්නම॒ ඉත්යා॑හ ॥ 42 ॥
අ॒ග්නිර්වෛ දේ॒වානාං॒-යඁෂ්ටා᳚ । ය ඒ॒ව දේ॒වානාං॒-යඁෂ්ටා᳚ । තස්මා॑ ඒ॒ව නම॑ස්කරෝති ॥
ජුහ්වේහ්ය॒ග්නිස්ත්වා᳚ හ්වයති දේවය॒ජ්යායා॒ උප॑භෘ॒දේහි॑ දේ॒වස්ත්වා॑ සවි॒තා හ්ව॑යති දේවය॒ජ්යායා॒ ඉත්යා॑හ ।
ආ॒ග්නේ॒යී වෛ ජු॒හූඃ । සා॒වි॒ත්ර්යු॑ප॒භෘත් । තාභ්යා॑මේ॒වෛනේ॒ ප්රසූ॑ත॒ ආද॑ත්තේ ॥ අග්නා॑විෂ්ණූ॒ මා වා॒මව॑ක්රමිෂ॒මිත්යා॑හ ।
අ॒ග්නිඃ පු॒රස්තා᳚ත් । විෂ්ණු॑ර්ය॒ජ්ඤඃ ප॒ශ්චාත් ॥ 43 ॥
තාභ්යා॑මේ॒ව ප්ර॑ති॒ ප්රෝච්යා॒ත්යාක්රා॑මති ।
විජි॑හාථා॒-ම්මා මා॒ සන්තා᳚ප්ත॒මිත්යා॒හාහිග්ම්॑සායෛ ।
ලෝ॒ක-ම්මේ॑ ලෝකකෘතෞ කෘණුත॒මිත්යා॑හ ।
ආ॒ශිෂ॑මේ॒වෛතාමාශා᳚ස්තේ ॥ විෂ්ණෝ॒-ස්ස්ථාන॑ම॒සීත්යා॑හ । ය॒ජ්ඤෝ වෛ විෂ්ණුඃ॑ । ඒ॒ත-ත්ඛලු॒ වෛ දේ॒වානා॒-මප॑රාජිත-මා॒යත॑නම් । ය-ද්ය॒ජ්ඤඃ ।
දේ॒වානා॑මේ॒වාප॑රාජිත ආ॒යත॑නේ තිෂ්ඨති ॥
ඉ॒ත ඉන්ද්රෝ॑ අකෘණෝ-ද්වී॒ර්යා॑ණීත්යා॑හ ॥ 44 ॥
ඉ॒න්ද්රි॒යමේ॒ව යජ॑මානේ දධාති ।
ස॒මා॒රභ්යෝ॒ර්ධ්වෝ අ॑ද්ධ්ව॒රෝ දි॑වි॒ස්පෘශ॒මිත්යා॑හ॒ වෘද්ධ්යෛ᳚ । ආ॒ඝා॒ර-මා॑ඝා॒ර්යමා॑ණ॒මනු॑ සමා॒රභ්ය॑ । ඒ॒තස්මි॑න් කා॒ලේ දේ॒වා-ස්සු॑ව॒ර්ගං-ලෝඁ॒කමා॑යන්න් । සා॒ක්ෂාදේ॒ව යජ॑මාන-ස්සුව॒ර්ගං-ලෝඁ॒කමේ॑ති । අථෝ॒ සමෘ॑ද්ධේනෛ॒ව ය॒ජ්ඤේන॒ යජ॑මාන-ස්සුව॒ර්ගං-ලෝඁ॒කමේ॑ති ।
අහ්රු॑තෝ ය॒ජ්ඤෝ ය॒ජ්ඤප॑තේ॒රිත්යා॒හානා᳚ර්ත්යෛ ।
ඉන්ද්රා॑වා॒න්-ථ්ස්වාහේත්යා॑හ । ඉ॒න්ද්රි॒යමේ॒ව යජ॑මානේ දධාති । බෘ॒හද්භා ඉත්යා॑හ ॥ 45 ॥
සු॒ව॒ර්ගෝ වෛ ලෝ॒කෝ බෘ॒හද්භාඃ । සු॒ව॒ර්ගස්ය॑ ලෝ॒කස්ය॒ සම॑ෂ්ට්යෛ ॥ ය॒ජ॒මා॒න॒දේ॒ව॒ත්යා॑ වෛ ජු॒හූඃ । භ්රා॒තෘ॒ව්ය॒දේ॒ව॒ත්යෝ॑ප॒භෘත් । ප්රා॒ණ ආ॑ඝා॒රඃ ।
ය-ථ්සග්ග්॑ස්ප॒ර්ශයේ᳚ත් । භ්රාතෘ॑ව්යේ-ऽස්ය ප්රා॒ණ-න්ද॑ද්ධ්යාත් । අසග්ග්॑ස්පර්ශයන්න॒ත්යාක්රා॑මති । යජ॑මාන ඒ॒ව ප්රා॒ණ-න්ද॑ධාති । පා॒හිමා᳚-ऽග්නේ॒ දුශ්ච॑රිතා॒දා මා॒ සුච॑රිතේ භ॒ජේත්යා॑හ ॥ 46 ॥
අ॒ග්නිර්වාව ප॒විත්ර᳚ම් । වෘ॒ජි॒නමනෘ॑ත॒-න්දුශ්ච॑රිතම් ।
ඍ॒ජු॒ක॒ර්මග්ම් ස॒ත්යග්ම් සුච॑රිතම් ।
අ॒ග්නිරේ॒වෛනං॑-වෘඁජි॒නාද-නෘ॑තා॒-ද්දුශ්ච॑රිතාත්පාති ।
ඍ॒ජු॒ක॒ර්මේ ස॒ත්යේ සුච॑රිතේ භජති । තස්මා॑දේ॒වමාශා᳚ස්තේ । ආ॒ත්මනෝ॑ ගෝපී॒ථාය॑ ॥ ශිරෝ॒ වා ඒ॒ත-ද්ය॒ජ්ඤස්ය॑ । යදා॑ඝා॒රඃ । ආ॒ත්මා ධ්රු॒වා ॥ 47 ॥
ආ॒ඝා॒ර-මා॒ඝාර්ය॑ ධ්රු॒වාග්ම් සම॑නක්ති ।
ආ॒ත්මන්නේ॒ව ය॒ජ්ඤස්ය॒ ශිරඃ॒ ප්රති॑දධාති ।
ද්වි-ස්සම॑නක්ති । ද්වෞ හි ප්රා॑ණාපා॒නෞ । තදා॑හුඃ ।
ත්රිරේ॒ව සම॑ඤ්ජ්යාත් । ත්රිධා॑තු॒ හි ශිර॒ ඉති॑ । ශිර॑ ඉවෛ॒ත-ද්ය॒ජ්ඤස්ය॑ । අථෝ॒ ත්රයෝ॒ වෛ ප්රා॒ණාඃ ।
ප්රා॒ණානේ॒වාස්මි॑-න්දධාති ॥
ම॒ඛස්ය॒ ශිරෝ॑-ऽසි॒ සඤ්ජ්යෝති॑ෂා॒ ජ්යෝති॑රඞ්ක්තා॒මිත්යා॑හ ।
ජ්යෝති॑රේ॒වාස්මා॑ උ॒පරි॑ෂ්ටා-ද්දධාති ।
සු॒ව॒ර්ගස්ය॑ ලෝ॒කස්යානු॑ඛ්යාත්යෛ ॥ 48 ॥
(පරි॑දධාති - ප්රා॒ණ-න්ද॑ධාති॒ - හි ය॒ජ්ඤෝ - ඝා॑රයති॒ - නම॒ ඉත්යා॑හ - ප॒ශ්චා-ද්- වී॒ර්යා॑ණීත්යා॑හ॒ - භා ඉත්යා॑හ - භ॒ජේත්යා॑හ - ධ්රු॒ - වෛවාස්මි॑-න්දධාති॒ ත්රීණි॑ ච) (අ. 7)
අනුවාකං 8 - ඉඩාභක්ෂණම්
ධිෂ්ණි॑යා॒ වා ඒ॒තේ න්යු॑ප්යන්තේ । යද්බ්ර॒හ්මා । යද්ධෝතා᳚ । යද॑ද්ධ්ව॒ර්යුඃ । යද॒ග්නීත් । ය-ද්යජ॑මානඃ । තාන්. යද॑න්තරේ॒යාත් । යජ॑මානස්ය ප්රා॒ණාන්-ථ්සඞ්ක॑ර්ෂේත් । ප්ර॒මායු॑ක-ස්ස්යාත් । පු॒රෝ॒ඩාශ॑මප॒ගෘහ්ය॒ සඤ්ච॑රත්යද්ධ්ව॒ර්යුඃ ॥ 49 ॥
යජ॑මානායෛ॒ව තල්ලෝ॒කග්ම් ශිග්ම්॑ෂති ।
නාස්ය॑ ප්රා॒ණාන්-ථ්සඞ්ක॑ර්ෂති । න ප්ර॒මායු॑කෝ භවති । පු॒රස්තා᳚-ත්ප්ර॒ත්යඞ්ඞාසී॑නඃ । ඉඩා॑යා॒ ඉඩා॒මාද॑ධාති ।
හස්ත්යා॒ග්ම්॒ හෝත්රේ᳚ । ප॒ශවෝ॒ වා ඉඩා᳚ । ප॒ශවඃ॒ පුරු॑ෂඃ । ප॒ශුෂ්වේ॒ව ප॒ශූ-න්ප්රති॑ෂ්ඨාපයති । ඉඩා॑යෛ॒ වා ඒ॒ෂා ප්රජා॑තිඃ ॥ 50 ॥
තා-ම්ප්රජා॑තිං॒-යඁජ॑මා॒නෝ-ऽනු॒ ප්රජා॑යතේ । ද්විර॒ඞ්ගුලා॑වනක්ති॒ පර්ව॑ණෝඃ ।
ද්වි॒පා-ද්යජ॑මානඃ॒ ප්රති॑ෂ්ඨිත්යෛ । ස॒කෘදුප॑ස්තෘණාති । ද්විරාද॑ධාති । ස॒කෘද॒භිඝා॑රයති । ච॒තු-ස්සම්ප॑ද්යතේ । ච॒ත්වාරි॒ වෛ ප॒ශෝඃ ප්ර॑ති॒ෂ්ඨානා॑නි ।
යාවා॑නේ॒ව ප॒ශුඃ । තමුප॑හ්වයතේ ॥ 51 ॥
මුඛ॑මිව॒ ප්රත්යුප॑හ්වයේත । ස॒මු॒ඞ්ඛානේ॒ව ප॒ශූනුප॑හ්වයතේ । ප॒ශවෝ॒ වා ඉඩා᳚ ।
තස්මා॒-ථ්සා-ऽන්වා॒රභ්යා᳚ । අ॒ද්ධ්ව॒ර්යුණා॑ ච॒ යජ॑මානේන ච । උප॑හූතඃ පශු॒මාන॑සා॒නීත්යා॑හ ।
උප॒ හ්යේ॑නෞ॒ හ්වය॑තේ॒ හෝතා᳚ । ඉඩා॑යෛ දේ॒වතා॑නා-මුපහ॒වේ । උප॑හූතඃ පශු॒මා-න්භ॑වති ।
ය ඒ॒වං-වේඁද॑ ॥ 52 ॥
යාං-වෛඁ හස්ත්යා॒මිඩා॑මා॒දධා॑ති । වා॒ච-ස්සා භා॑ග॒ධේය᳚ම් । යාමු॑ප॒හ්වය॑තේ । ප්රා॒ණානා॒ග්ම්॒ සා । වාච॑-ඤ්චෛ॒ව ප්රා॒ණාග්ශ්චාව॑රුන්ධේ ॥
අථ॒ වා ඒ॒තර්හ්යුප॑හූතායා॒මිඩා॑යාම් ।
පු॒රෝ॒ඩාශ॑ස්යෛ॒ව බ॑ර්හි॒ෂදෝ॑ මීමා॒ග්ම්॒සා । යජ॑මාන-න්දේ॒වා අ॑බ්රුවන්න් । හ॒විර්නෝ॒ නිර්ව॒පේති॑ । නාහම॑භා॒ගෝ නිර්ව॑ඵ්ස්යා॒මීත්ය॑බ්රවීත් ॥ 53 ॥
න මයා॑-ऽභා॒ගයා ऽනු॑වක්ෂ්ය॒ථේති॒ වාග॑බ්රවීත් ।
නාහම॑භා॒ගා පු॑රෝ-ऽනුවා॒ක්යා॑ භවිෂ්යා॒මීති॑ පුරෝ-ऽනුවා॒ක්යා᳚ । නාහම॑භා॒ගා යා॒ජ්යා॑ භවිෂ්යා॒මීති॑
යා॒ජ්යා᳚ । න මයා॑-ऽභා॒ගේන॒ වෂ॑ට්කරිෂ්ය॒ථේති॑ වෂට්කා॒රඃ । ය-ද්ය॑ජමානභා॒ග-න්නි॒ධාය॑ පුරෝ॒ඩාශ॑-ම්බර්හි॒ෂද॑-ඞ්ක॒රෝති॑ ।
තානේ॒ව ත-ද්භා॒ගිනඃ॑ කරෝති । ච॒තු॒ර්ධා ක॑රෝති । චත॑ස්රෝ॒ දිශඃ॑ । දි॒ක්ෂ්වේ॑ව ප්රති॑තිෂ්ඨති । බ॒ර්॒හි॒ෂද॑-ඞ්කරෝති ॥ 54 ॥
යජ॑මානෝ॒ වෛ පු॑රෝ॒ඩාශඃ॑ । ප්ර॒ජා බ॒ර්॒හිඃ ।
යජ॑මානමේ॒ව ප්ර॒ජාසු॒ ප්රති॑ෂ්ඨාපයති ।
තස්මා॑ද॒ස්ථ්නා-ऽන්යාඃ ප්ර॒ජාඃ ප්ර॑ති॒තිෂ්ඨ॑න්ති । මා॒ග්ම්॒සේනා॒න්යාඃ । අථෝ॒ ඛල්වා॑හුඃ । දක්ෂි॑ණා॒ වා ඒ॒තා හ॑වි-ර්ය॒ජ්ඤස්යා᳚න්තර්වේ॒ද්යව॑රුද්ධ්යන්තේ ।
ය-ත්පු॑රෝ॒ඩාශ॑-ම්බර්හි॒ෂද॑-ඞ්ක॒රෝතීති॑ । ච॒තු॒ර්ධා ක॑රෝති । ච॒ත්වාරෝ॒ හ්යේ॑තේ හ॑වි-ර්ය॒ජ්ඤස්ය॒ර්ත්විජඃ॑ ॥ 55 ॥
බ්ර॒හ්මා හෝතා᳚-ऽද්ධ්ව॒ර්යුර॒ග්නීත් । තම॒භිමෘ॑ශේත් । ඉ॒ද-ම්බ්ර॒හ්මණඃ॑ । ඉ॒දග්ම් හෝතුඃ॑ । ඉ॒දම॑ද්ධ්ව॒ර්යෝඃ । ඉ॒දම॒ග්නීධ॒ ඉති॑ । යථෛ॒වාද-ස්සෞ॒ම්යේ᳚-ऽද්ධ්ව॒රේ ।
ආ॒දේශ॑මෘ॒ත්විග්භ්යෝ॒ දක්ෂි॑ණා නී॒යන්තේ᳚ । තා॒දෘගේ॒ව තත් । අ॒ග්නීධේ᳚ ප්රථ॒මායාද॑ධාති ॥ 56 ॥
අ॒ග්නිමු॑ඛා॒ හ්යෘද්ධිඃ॑ । අ॒ග්නිමු॑ඛාමේ॒වර්ධිං॒-යඁජ॑මාන ඍද්ධ්නෝති ॥ ස॒කෘදු॑ප॒ස්තීර්ය॒ ද්විරා॒දධ॑ත් । උ॒ප॒ස්තීර්ය॒ ද්විර॒භිඝා॑රයති ।
ෂට්-ථ්සම්ප॑ද්යන්තේ । ෂඩ්වා ඍ॒තවඃ॑ । ඍ॒තූනේ॒ව ප්රී॑ණාති । වේ॒දේන॑ බ්ර॒හ්මණේ᳚ බ්රහ්මභා॒ග-ම්පරි॑හරති । ප්රා॒ජා॒ප॒ත්යෝ වෛ වේ॒දඃ । ප්රා॒ජා॒ප॒ත්යෝ බ්ර॒හ්මා ॥ 57 ॥
ස॒වි॒තා ය॒ජ්ඤස්ය॒ ප්රසූ᳚ත්යෛ । අථ॒ කාම॑ම॒න්යේන॑ । තතෝ॒ හෝත්රේ᳚ । මද්ධ්යං॒-වාඁ ඒ॒ත-ද්ය॒ජ්ඤස්ය॑ । යද්ධෝතා᳚ । ම॒ද්ධ්ය॒ත ඒ॒ව ය॒ජ්ඤ-ම්ප්රී॑ණාති ।
අථා᳚ද්ධ්ව॒ර්යවේ᳚ । ප්ර॒ති॒ෂ්ඨා වා ඒ॒ෂා ය॒ජ්ඤස්ය॑ । යද॑ද්ධ්ව॒ර්යුඃ ।
තස්මා᳚ද්ධවි-ර්ය॒ජ්ඤස්යෛ॒තාමේ॒වාවෘත॒මනු॑ ॥ 58 ॥
අ॒න්යා දක්ෂි॑ණා නීයන්තේ । ය॒ජ්ඤස්ය॒ ප්රති॑ෂ්ඨිත්යෛ ।
අ॒ග්නිම॑ග්නී-ථ්ස॒කෘ-ථ්ස॑කෘ॒-ථ්සම්මෘ॒ඩ්ඪීත්යා॑හ ।
පරාං॑ඉව॒ හ්යේ॑තර්හි॑ ය॒ජ්ඤඃ ॥ ඉ॒ෂි॒තා දෛව්යා॒ හෝතා॑ර॒ ඉත්යා॑හ । ඉ॒ෂි॒තග්ම් හි කර්ම॑ ක්රි॒යතේ᳚ ।
භ॒ද්ර॒වාච්යා॑ය॒ ප්රේෂි॑තෝ॒ මානු॑ෂ-ස්සූක්තවා॒කාය॑ සූ॒ක්තා බ්රූ॒හීත්යා॑හ । ආ॒ශිෂ॑මේ॒වෛතාමාශා᳚ස්තේ ।
ස්ව॒ගා දෛව්යා॒ හෝතෘ॑භ්ය॒ ඉත්යා॑හ । ය॒ජ්ඤමේ॒ව තථ්ස්ව॒ගා ක॑රෝති । ස්ව॒ස්ති-ර්මානු॑ෂේභ්ය॒ ඉත්යා॑හ ।
ආ॒ශිෂ॑මේ॒වෛතාමාශා᳚ස්තේ । ශං॒යෝඁ-ර්බ්රූ॒හීත්යා॑හ ।
ශං॒යුඁමේ॒ව බා॑ර්හස්ප॒ත්ය-ම්භා॑ග॒ධේයේ॑න॒ සම॑ර්ධයති ॥ 59 ॥
(ච॒ර॒ත්ය॒ද්ධ්ව॒ර්යුඃ - ප්රජා॑ති--ර් හ්වයතේ॒ - වේදා᳚ - බ්රවී-ද්- බර්හි॒ෂද॑-ඞ්කරෝ-ත්යෘ॒ත්විජෝ॑-දධාති-බ්ර॒හ්මා-ऽනු॑-කරෝති ච॒ත්වාරි॑ ච) (අ. 8)
අනුවාකං 9 - ප්රස්තරප්රහාරාදිකම්
අථ॒ ස්රුචා॑වනු॒ෂ්ටුග්භ්යාං॒-වාඁජ॑වතීභ්යාං॒-ව්යූඁ ॑හති । ප්ර॒ති॒ෂ්ඨා වා අ॑නු॒ෂ්ටුක් । අන්නං॒-වාඁජඃ॒ ප්රති॑ෂ්ඨිත්යෛ । අ॒න්නාද්ය॒ස්යාව॑රුද්ධ්යෛ । ප්රාචී᳚-ඤ්ජු॒හූමූ॑හති । ජා॒තානේ॒ව භ්රාතෘ॑ව්යා॒-න්ප්රණු॑දතේ । ප්ර॒තීචී॑මුප॒භෘත᳚ම් ।
ජ॒නි॒ෂ්යමා॑ණානේ॒ව ප්රති॑නුදතේ ।
ස විෂූ॑ච ඒ॒වාපෝහ්ය॑ ස॒පත්නා॒න්॒. යජ॑මානඃ ।
අ॒ස්මින් ඁලෝ॒කේ ප්රති॑තිෂ්ඨති ॥ 60 ॥
ද්වාභ්යා᳚ම් । ද්විප්ර॑තිෂ්ඨෝ॒ හි ॥ වසු॑භ්යස්ත්වා රු॒ද්රේභ්ය॑ස්ත්වා-ऽऽදි॒ත්යේභ්ය॒ස්ත්වේත්යා॑හ ।
ය॒ථා॒ය॒ජුරේ॒වෛ තත් । ස්රු॒ක්ෂු ප්ර॑ස්ත॒රම॑නක්ති ।
ඉ॒මේ වෛ ලෝ॒කා-ස්ස්රුචඃ॑ । යජ॑මානඃ ප්රස්ත॒රඃ । යජ॑මානමේ॒ව තේජ॑සා-ऽනක්ති । ත්රේ॒ධා-ऽන॑ක්ති ।
ත්රය॑ ඉ॒මේ ලෝ॒කාඃ ॥ 61 ॥
ඒ॒භ්ය ඒ॒වෛනං॑-ලෝඁ॒කේභ්යෝ॑-ऽනක්ති ।
අ॒භි॒පූ॒ර්වම॑නක්ති । අ॒භි॒පූ॒ර්වමේ॒ව යජ॑මාන॒-න්තේජ॑සා-ऽනක්ති ॥ අ॒ක්තග්ම් රිහා॑ණා॒ ඉත්යා॑හ ।
තේජෝ॒ වා ආජ්ය᳚ම් । යජ॑මානඃ ප්රස්ත॒රඃ ।
යජ॑මානමේ॒ව තේජ॑සා-ऽනක්ති । වි॒යන්තු॒ වය॒ ඉත්යා॑හ । වය॑ ඒ॒වෛන॑-ඞ්කෘ॒ත්වා ।
සු॒ව॒ර්ගං-ලෝඁ॒ක-ඞ්ග॑මයති ॥ 62 ॥
ප්ර॒ජාං-යෝඁනි॒-ම්මා නිර්මෘ॑ක්ෂ॒මිත්යා॑හ । ප්ර॒ජායෛ॑ ගෝපී॒ථාය॑ ॥ ආප්යා॑යන්තා॒මාප॒ ඕෂ॑ධය॒ ඉත්යා॑හ । ආප॑ ඒ॒වෞෂ॑ධී॒රාප්යා॑යයති । ම॒රුතා॒-ම්පෘෂ॑තය॒-ස්ස්ථේත්යා॑හ । ම॒රුතෝ॒ වෛ වෘෂ්ට්යා॑ ඊශතේ ।
වෘෂ්ටි॑මේ॒වාව॑රුන්ධේ । දිව॑-ඞ්ගච්ඡ॒ තතෝ॑ නෝ॒ වෘෂ්ටි॒මේර॒යේත්යා॑හ । වෘෂ්ටි॒ර්වෛ ද්යෞඃ । වෘෂ්ටි॑මේ॒වාව॑රුන්ධේ ॥ 63 ॥
යාව॒ද්වා අ॑ද්ධ්ව॒ර්යුඃ ප්ර॑ස්ත॒ර-ම්ප්ර॒හර॑ති । තාව॑ද॒ස්යායු॑ර්මීයතේ । ආ॒යු॒ෂ්පා අ॑ග්නේ॒-ऽස්යායු॑ර්මේ පා॒හීත්යා॑හ । ආයු॑රේ॒වාත්මන්-ධ॑ත්තේ ।
යාව॒ද්වා අ॑ද්ධ්ව॒ර්යුඃ ප්ර॑ස්ත॒ර-ම්ප්ර॒හර॑ති । තාව॑දස්ය॒ චක්ෂු॑ර්මීයතේ । ච॒ක්ෂු॒ෂ්පා අ॑ග්නේ-ऽසි॒ චක්ෂු॑ර්මේ පා॒හීත්යා॑හ । චක්ෂු॑රේ॒වාත්මන්-ධ॑ත්තේ ॥
ධ්රු॒වා-ऽසීත්යා॑හ॒ ප්රති॑ෂ්ඨිත්යෛ ॥
ය-ම්ප॑රි॒ධි-ම්ප॒ර්යධ॑ත්ථා॒ ඉත්යා॑හ ॥ 64 ॥
ය॒ථා॒ය॒ජුරේ॒වෛතත් । අග්නේ॑ දේව ප॒ණිභි॑-ර්වී॒යමා॑ණ॒ ඉත්යා॑හ । අ॒ග්නය॑ ඒ॒වෛන॒-ඤ්ජුෂ්ට॑-ඞ්කරෝති ।
ත-න්ත॑ ඒ॒තමනු॒ ජෝෂ॑-ම්භරා॒මීත්යා॑හ ।
ස॒ජා॒තානේ॒වාස්මා॒ අනු॑කාන්කරෝති ।
නේදේ॒ෂ ත්වද॑පචේ॒තයා॑තා॒ ඉත්යා॒හානු॑ඛ්යාත්යෛ ॥ ය॒ජ්ඤස්ය॒ පාථ॒ උප॒ සමි॑ත॒මිත්යා॑හ ।
භූ॒මාන॑මේ॒වෝපෛ॑ති । ප॒රි॒ධීන්-ප්රහ॑රති ।
ය॒ජ්ඤස්ය॒ සමි॑ෂ්ට්යෛ ॥ 65 ॥
ස්රුචෞ॒ ස-ම්ප්රස්රා॑වයති । යදේ॒ව තත්ර॑ ක්රූ॒රම් ।
තත්-තේන॑ ශමයති । ජු॒හ්වාමු॑ප॒භෘත᳚ම් । ය॒ජ॒මා॒න॒දේ॒ව॒ත්යා॑ වෛ ජු॒හූඃ ।
භ්රා॒තෘ॒ව්ය॒දේ॒ව॒ත්යෝ॑ප॒භෘත් ।
යජ॑මානායෛ॒ව භ්රාතෘ॑ව්ය॒මුප॑ස්ති-ඞ්කරෝති ॥
ස॒ග්ග්॒ස්රා॒වභා॑ගා॒-ස්ස්ථේත්යා॑හ ।
වස॑වෝ॒ වෛ රු॒ද්රා ආ॑දි॒ත්යා-ස්සග්ග්॑ස්රා॒වභා॑ගාඃ ।
තේෂා॒-න්ත-ද්භා॑ග॒ධේය᳚ම් ॥ 66 ॥
තානේ॒ව තේන॑ ප්රීණාති । වෛ॒ශ්ව॒දේ॒ව්යර්චා । ඒ॒තේ හි විශ්වේ॑ දේ॒වාඃ । ත්රි॒ෂ්ටුග්-භ॑වති । ඉ॒න්ද්රි॒යං-වෛඁ ත්රි॒ෂ්ටුක් । ඉ॒න්ද්රි॒යමේ॒ව යජ॑මානේ දධාති ॥ අ॒ග්නේර්වා॒මප॑න්නගෘහස්ය॒ සද॑සි සාදයා॒මීත්යා॑හ ।
ඉ॒යං-වාඁ අ॒ග්නිරප॑න්නගෘහඃ । අ॒ස්යා ඒ॒වෛනේ॒ සද॑නේ සාදයති । සු॒ම්නාය॑ සුම්නිනී සු॒ම්නේ මා॑ ධත්ත॒මිත්යා॑හ ॥ 67 ॥
ප්ර॒ජා වෛ ප॒ශව॑-ස්සු॒ම්නම් । ප්ර॒ජාමේ॒ව ප॒ශූනා॒ත්මන්ධ॑ත්තේ । ධු॒රි ධු॒ර්යෞ॑ පාත॒මිත්යා॑හ । ජා॒යා॒ප॒ත්යෝ-ර්ගෝ॑පී॒ථාය॑ ॥ අග්නේ॑-ऽදබ්ධායෝ-ऽශීතතනෝ॒ ඉත්යා॑හ । ය॒ථා॒ය॒ජුරේ॒වෛතත් । පා॒හි මා॒-ऽද්ය දි॒වඃ පා॒හි ප්රසි॑ත්යෛ පා॒හි දුරි॑ෂ්ට්යෛ පා॒හි දු॑රද්ම॒න්යෛ පා॒හි දුශ්ච॑රිතා॒දිත්යා॑හ । ආ॒ශිෂ॑මේ॒වෛතාමාශා᳚ස්තේ ।
අවි॑ෂ-න්නඃ පි॒තු-ඞ්කෘ॑ණු සු॒ෂදා॒ යෝනි॒ග්ග්॒ ස්වාහේතී᳚ද්ධ්ම-සං॒වෘඁශ්ච॑නාන්යන්වාහාර්ය॒පච॑නේ ऽභ්යා॒ධාය॑ ඵලීකරණහෝ॒ම-ඤ්ජු॑හෝති ।
අති॑රික්තානි॒ වා ඉ॑ද්ධ්ම සං॒වෘඁශ්ච॑නානි ॥ 68 ॥
අති॑රික්තාඃ ඵලී॒කර॑ණාඃ । අති॑රික්තමාජ්යෝච්ඡේෂ॒ණම් ।
අති॑රික්ත ඒ॒වාති॑රික්ත-න්දධාති । අථෝ॒ අති॑රික්තේ-නෛ॒වාති॑රික්ත-මා॒ප්ත්වා-ऽව॑රුන්ධේ ॥ වේදි॑-ර්දේ॒වේභ්යෝ॒ නිලා॑යත । තාං-වේඁ॒දේනාන්ව॑වින්දන්න් । වේ॒දේන॒ වේදිං॑-විඁවිදුඃ පෘථි॒වීම් । සා ප॑ප්රථේ පෘථි॒වී පාර්ථි॑වානි ।
ගර්භ॑-ම්බිභර්ති॒ භුව॑නේෂ්ව॒න්තඃ ।
තතෝ॑ ය॒ජ්ඤෝ ජා॑යතේ විශ්ව॒දානි॒රිති॑ පු॒රස්තා᳚-ථ්ස්තම්බය॒ජුෂෝ॑ වේ॒දේන॒ වේදි॒ග්ම්॒ සම්මා॒ෂ්ට්ර්යනු॑විත්ත්යෛ ॥ 69 ॥
අථෝ॒ ය-ද්වේ॒දශ්ච॒ වේදි॑ශ්ච॒ භව॑තඃ । මි॒ථු॒න॒ත්වාය॒ ප්රජා᳚ත්යෛ । ප්ර॒ජාප॑තේ॒ර්වා ඒ॒තානි॒ ශ්මශ්රූ॑ණි । ය-ද්වේ॒දඃ । පත්නි॑යා උ॒පස්ථ॒ ආස්ය॑ති ।
මි॒ථු॒නමේ॒ව ක॑රෝති । වි॒න්දතේ᳚ ප්ර॒ජාම් ।
වේ॒දග්ම් හෝතා-ऽऽහ॑ව॒නීයා᳚-ථ්ස්තෘ॒ණන්නේ॑ති ।
ය॒ජ්ඤමේ॒ව ත-ථ්සන්ත॑නෝ॒ත්යෝත්ත॑රස්මා-දර්ධමා॒සාත් ।
තග්ම් සන්ත॑ත॒මුත්ත॑රේ-ऽර්ධමා॒ස ආල॑භතේ ॥ 70 ॥
ත-ඞ්කා॒ලේකා॑ල॒ ආග॑තේ යජතේ ॥ බ්ර॒හ්ම॒වා॒දිනෝ॑ වදන්ති ।
ස ත්වා අ॑ද්ධ්ව॒ර්යු-ස්ස්යා᳚ත් । යෝ යතෝ॑ ය॒ජ්ඤ-ම්ප්ර॑යු॒ඞ්ක්තේ ।
තදේ॑න-ම්ප්රතිෂ්ඨා॒පය॒තීති॑ ।
වාතා॒ද්වා අ॑ද්ධ්ව॒ර්යුර්ය॒ජ්ඤ-ම්ප්රයු॑ඞ්ක්තේ ।
දේවා॑ ගාතුවිදෝ ගා॒තුං-විඁ॒ත්වා ගා॒තුමි॒තේත්යා॑හ ।
යත॑ ඒ॒ව ය॒ජ්ඤ-ම්ප්ර॑යු॒ඞ්ක්තේ ।
තදේ॑න॒-ම්ප්රති॑ෂ්ඨාපයති ।
ප්රති॑තිෂ්ඨති ප්ර॒ජයා॑ ප॒ශුභි॒-ර්යජ॑මානඃ ॥ 71 ॥
(ති॒ෂ්ඨ॒තී॒ - මේ ලෝ॒කා - ග॑මයති॒ - ද්යෞ-ර්වෘෂ්ටි॑මේ॒වාව॑රුන්ධේ - ප॒ර්යධ॑ත්ථා॒ ඉත්යා॑හ॒ - සමි॑ෂ්ට්යෛ - භාග॒ධේයං॑ - ධත්ත॒මිත්යා॑හ॒ - වා ඉ॑ද්ධ්ම සං॒වෘඁශ්ච॑නා॒ - න්යනු॑විත්ත්යෛ - ලභතේ॒ - යජ॑මානඃ) (අ. 9)
අනුවාකං 10 - පත්නීයෝක්රවිමෝකඃ
යෝ වා අය॑ථාදේවතං-යඁ॒ජ්ඤමු॑ප॒චර॑ති ।
ආ දේ॒වතා᳚භ්යෝ වෘශ්ච්යතේ । පාපී॑යා-න්භවති । යෝ ය॑ථාදේව॒තම් । න දේ॒වතා᳚භ්ය॒ ආවෘ॑ශ්ච්යතේ ।
වසී॑යා-න්භවති । වා॒රු॒ණෝ වෛ පාශඃ॑ ।
ඉ॒මං-විඁෂ්යා॑මි॒ වරු॑ණස්ය॒ පාශ॒මිත්යා॑හ ।
ව॒රු॒ණ॒පා॒ශාදේ॒වෛනා᳚-ම්මුඤ්චති ।
ස॒වි॒තෘප්ර॑සූතෝ යථාදේව॒තම් ॥ 72 ॥
න දේ॒වතා᳚භ්ය॒ ආවෘ॑ශ්ච්යතේ । වසී॑යා-න්භවති ।
ධා॒තුශ්ච॒ යෝනෞ॑ සුකෘ॒තස්ය॑ ලෝ॒ක ඉත්යා॑හ । අ॒ග්නිර්වෛ ධා॒තා । පුණ්ය॒-ඞ්කර්ම॑ සුකෘ॒තස්ය॑ ලෝ॒කඃ । අ॒ග්නිරේ॒වෛනා᳚-න්ධා॒තා । පුණ්යේ॒ කර්ම॑ණි සුකෘ॒තස්ය॑ ලෝ॒කේ ද॑ධාති । ස්යෝ॒න-ම්මේ॑ ස॒හ පත්යා॑ කරෝ॒මීත්යා॑හ ।
ආ॒ත්මන॑ශ්ච॒ යජ॑මානස්ය॒ චානා᳚ත්යෛ ස॒ත්වාංයඁ ॑ ॥
සමායු॑ෂා॒ සම්ප්ර॒ජයේත්යා॑හ ॥ 73 ॥
ආ॒ශිෂ॑මේ॒වෛතාමාශා᳚ස්තේ පූර්ණපා॒ත්රේ । අ॒න්ත॒තෝ॑-ऽනු॒ෂ්ටුභා᳚ । චතු॑ෂ්ප॒ද්වා ඒ॒තච්ඡන්දඃ॒ ප්රති॑ෂ්ඨිත॒-ම්පත්නි॑යෛ පූර්ණපා॒ත්රේ භ॑වති ।
අ॒ස්මින් ඁලෝ॒කේ ප්රති॑තිෂ්ඨා॒නීති॑ ।
අ॒ස්මින්නේ॒ව ලෝ॒කේ ප්රති॑තිෂ්ඨති । අථෝ॒ වාග්වා අ॑නු॒ෂ්ටුක් । වාම්මි॑ථු॒නම් । ආපෝ॒ රේතඃ॑ ප්ර॒ජන॑නම් ।
ඒ॒තස්මා॒ද්වෛ මි॑ථු॒නාද්වි॒ද්යෝත॑මාන-ස්ස්ත॒නය॑න්වර්ෂති । රේත॑-ස්සි॒ඤ්චන්න් ॥ 74 ॥
ප්ර॒ජාඃ ප්ර॑ජ॒නයන්න්॑ ॥ යද්වෛ ය॒ජ්ඤස්ය॒ බ්රහ්ම॑ණා යු॒ජ්යතේ᳚ । බ්රහ්ම॑ණා॒ වෛ තස්ය॑ විමෝ॒කඃ । අ॒ද්භි-ශ්ශාන්තිඃ॑ । විමු॑ක්තං॒-වාඁ ඒ॒තර්හි॒ යෝක්ත්ර॒-ම්බ්රහ්ම॑ණා ।
ආ॒දායෛ॑න॒ත්පත්නී॑ ස॒හාප උප॑ගෘහ්ණීතේ॒ ශාන්ත්යෛ᳚ ।
අ॒ඤ්ජ॒ලෞ පූ᳚ර්ණපා॒ත්රමාන॑යති । රේත॑ ඒ॒වාස්යා᳚-ම්ප්ර॒ජා-න්ද॑ධාති । ප්ර॒ජයා॒ හි ම॑නු॒ෂ්යඃ॑ පූ॒ර්ණඃ ।
මුඛං॒-විඁමෘ॑ෂ්ටේ । අ॒ව॒භෘ॒ථස්යෛ॒ව රූ॒ප-ඞ්කෘ॒ත්වෝත්ති॑ෂ්ඨති ॥ 75 ॥
(ස॒වි॒තෘප්ර॑සූතෝ යථාදේව॒තං-ප්ර॒ජයේත්යා॑හ-සි॒ඤ්ච-න්මෘ॑ෂ්ට॒ ඒක॑-ඤ්ච) (අ. 10)
අනුවාකං 11 - උපවේෂෝපගූහනම්
ප॒රි॒වේ॒ෂෝ වා ඒ॒ෂ වන॒ස්පතී॑නාම් । යදු॑පවේ॒ෂඃ । ය ඒ॒වං-වේඁද॑ । වි॒න්දතේ॑ පරිවේ॒ෂ්ටාර᳚ම් । තමු॑ත්ක॒රේ ॥ ය-න්දේ॒වා ම॑නු॒ෂ්යේ॑ෂු ।
උ॒ප॒වේ॒ෂමධා॑රයන්න් । යේ අ॒ස්මදප॑චේතසඃ । තාන॒ස්මභ්ය॑-මි॒හාකු॑රු । උප॑වේ॒ෂෝප॑විඩ්ඪි නඃ ॥ 76 ॥
ප්ර॒ජා-ම්පුෂ්ටි॒මථෝ॒ ධන᳚ම් ।
ද්වි॒පදෝ॑ න॒ශ්චතු॑ෂ්පදඃ । ධ්රු॒වාන-න॑පගාන්-කු॒ර්විති॑ පු॒රස්තා᳚-ත්ප්ර॒ත්යඤ්ච॒මුප॑ගූහති ।
තස්මා᳚-ත්පු॒රස්තා᳚-ත්ප්ර॒ත්යඤ්ච॑-ශ්ශූ॒ද්රා අව॑ස්යන්ති । ස්ථ॒වි॒ම॒ත උප॑ගූහති । අප්ර॑තිවාදින ඒ॒වෛනා᳚න් කුරුතේ ॥
ධෘෂ්ටි॒ර්වා උ॑පවේ॒ෂඃ ।
ශු॒චාර්තෝ වජ්රෝ॒ බ්රහ්ම॑ණා॒ සග්ම්ශි॑තඃ ।
යෝප॑වේ॒ෂේ ශුක් । සා-ऽමුමෘ॑ච්ඡතු॒ ය-න්ද්වි॒ෂ්ම ඉති॑ ॥ 77 ॥
අථා᳚ස්මෛ නාම॒ ගෘහ්ය॒ ප්රහ॑රති । නිර॒මු-න්නු॑ද॒ ඕක॑සඃ । ස॒පත්නෝ॒ යඃ පෘ॑ත॒න්යති॑ । නි॒ර්බා॒ද්ධ්යේ॑න හ॒විෂා᳚ । ඉන්ද්ර॑ ඒණ॒-ම්පරා॑ශරීත් ।
ඉ॒හි ති॒ස්රඃ ප॑රා॒වතඃ॑ । ඉ॒හි පඤ්ච॒ජනා॒ග්ම්॒ අති॑ ।
ඉ॒හි ති॒ස්රෝ-ऽති॑ රෝච॒නා යාව॑ත් । සූර්යෝ॒ අස॑-ද්දි॒වි ।
ප॒ර॒මා-න්ත්වා॑ පරා॒වත᳚ම් ॥ 78 ॥
ඉන්ද්රෝ॑ නයතු වෘත්ර॒හා । යතෝ॒ න පුන॒රාය॑සි ।
ශ॒ශ්ව॒තීභ්ය॒-ස්සමා᳚භ්ය॒ ඉති॑ । ත්රි॒වෘද්වා ඒ॒ෂ වජ්රෝ॒ බ්රහ්ම॑ණා॒ සග්ම්ශි॑තඃ । ශු॒චෛවෛනං॑-විඁ॒ද්ධ්වා ।
ඒ॒භ්යෝ ලෝ॒කේභ්යෝ॑ නි॒ර්ණුද්ය॑ । වජ්රේ॑ණ॒ බ්රහ්ම॑ණා ස්තෘණුතේ । හ॒තෝ॑ ऽසාවව॑ධිෂ්මා॒-මුමිත්යා॑හ॒
ස්තෘත්යෛ᳚ । ය-න්ද්වි॒ෂ්යාත්ත-න්ධ්යා॑යේත් ।
ශු॒චෛවෛන॑-මර්පයති ॥ 79 ॥
(නෝ॒-ද්වි॒ෂ්ම ඉති॑-පරා॒වත॑-මර්පයති) (අ. 11)
(ප්රත්යු॑ෂ්ටං - දි॒ව-ශ්ශිල්ප॒ - මය॑ජ්ඤෝ - ධෘ॒ත-ඤ්ච॑ - දේවාසු॒රා-ස්ස ඒ॒තමින්ද්ර॒ - ආපෝ॑ දේවී - ර॒ග්නිනා॒ - ධිෂ්ණි॑යා॒ - අථ॒ ස්රුචෞ॒ - යෝ වා අය॑ථාදේවතං - පරිවේ॒ෂෝ වා ඒකා॑දශ)
(ප්රත්යු॑ෂ්ට॒ - මය॑ජ්ඤ - ඒ॒ෂා හි විශ්වේ॑ෂා-න්දේ॒වානා॑ - මූ॒ර්ජා පෘ॑ථි॒වී - මථෝ॒ රක්ෂ॑සාං॒ - තා-ම්ප්රජා॑තිං॒ - ද්වාභ්යාං॒ - ත-ඞ්කා॒ලේකා॑ලේ॒ නව॑සප්තතිඃ)
(ප්රත්යු॑ෂ්ටග්ම් - ශු॒චෛවෛන॑මර්පයති)
॥ හරිඃ॑ ඕම් ॥
॥ කෘෂ්ණ යජුර්වේදීය තෛත්තිරීය බ්රාහ්මණේ තෘතීයාෂ්ටකේ තෘතීය ප්රපාඨක-ස්සමාප්තඃ ॥
