ব্যাস উবাচ ।
ইত্যুক্তে তাভিরাশ্বাস্য ক্লাংতদেহোঽপি পন্নগঃ ।
প্রসীদ দেবদেবেতি প্রাহ বাক্যং শনৈঃ শনৈঃ ॥ 43 ॥
কালীয উবাচ ।
তবাষ্টগুণমৈশ্বর্যং নাথ স্বাভবিকং পরম্ ।
নিরস্তাতিশযং যস্য তস্য স্তোষ্যামি কিন্বহম্ ॥ 44 ॥
ত্বং পরস্ত্বং পরস্যাঽদ্যঃ পরং ত্বং তত্পরাত্মকম্ ।
পরস্মাত্পরমো যস্ত্বং তস্য স্তোষ্যামি কিং ন্বহম্ ॥ 45 ॥
যথাঽহং ভবতা সৃষ্টো জাত্যা রূপেণ চেশ্বরঃ ।
স্বভাবেন চ সংযুক্তস্তথেদং চেষ্টিতং মযা ॥ 46 ॥
যদ্যন্যথা প্রবর্তেয দেবদেব ততো মযি ।
ন্যায্যো দংডনিপাতস্তে তবৈব বচনং যথা ॥ 47 ॥
তথাঽপি যং জগত্স্বামী দংডং পাতিতবান্মযি ।
স সোঢোঽযং বরো দংডস্ত্বত্তো নান্যোঽস্তু মে বরঃ ॥ 48 ॥
হতবীর্যো হতবিষো দমিতোঽহং ত্বযাঽচ্যুত ।
জীবিতং দীযতামেকমাজ্ঞাপয করোমি কিম্ ॥ 49 ॥
ইতি ব্রহ্মপুরাণে পংচাশীত্যধিকশততমাধ্যাযাংতর্গতং
কালিযকৃতং শ্রীকৃষ্ণস্তোত্রং সমাপ্তম্ ।
ব্রহ্মপুরাণ . অধ্যায 185/43-49 . ।
