ব্য়াস উবাচ ।
ইত্য়ুক্তে তাভিরাশ্বাস্য় ক্লাংতদেহোঽপি পন্নগঃ ।
প্রসীদ দেবদেবেতি প্রাহ বাক্য়ং শনৈঃ শনৈঃ ॥ 43 ॥
কালীয় উবাচ ।
তবাষ্টগুণমৈশ্বর্য়ং নাথ স্বাভবিকং পরম্ ।
নিরস্তাতিশয়ং যস্য় তস্য় স্তোষ্য়ামি কিন্বহম্ ॥ 44 ॥
ত্বং পরস্ত্বং পরস্য়াঽদ্য়ঃ পরং ত্বং তত্পরাত্মকম্ ।
পরস্মাত্পরমো যস্ত্বং তস্য় স্তোষ্য়ামি কিং ন্বহম্ ॥ 45 ॥
যথাঽহং ভবতা সৃষ্টো জাত্য়া রূপেণ চেশ্বরঃ ।
স্বভাবেন চ সংয়ুক্তস্তথেদং চেষ্টিতং ময়া ॥ 46 ॥
যদ্যন্যথা প্রবর্তেয় দেবদেব ততো ময়ি ।
ন্য়ায়্য়ো দংডনিপাতস্তে তবৈব বচনং যথা ॥ 47 ॥
তথাঽপি যং জগত্স্বামী দংডং পাতিতবান্ময়ি ।
স সোঢোঽয়ং বরো দংডস্ত্বত্তো নান্য়োঽস্তু মে বরঃ ॥ 48 ॥
হতবীর্য়ো হতবিষো দমিতোঽহং ত্বয়াঽচ্য়ুত ।
জীবিতং দীযতামেকমাজ্ঞাপয় করোমি কিম্ ॥ 49 ॥
ইতি ব্রহ্মপুরাণে পংচাশীত্যধিকশততমাধ্য়ায়াংতর্গতং
কালিযকৃতং শ্রীকৃষ্ণস্তোত্রং সমাপ্তম্ ।
ব্রহ্মপুরাণ . অধ্য়ায় 185/43-49 . ।
